جميع الروايات كامله

اعلان اعلى المواضيع

 رواية شرف_تحت_المجهر البارت السابع والاخير بقلم أمل أحمد سلوم حصريه وجديده على مدونة النجم المتوهج 

 رواية شرف_تحت_المجهر البارت السابع والاخير بقلم أمل أحمد سلوم حصريه وجديده على مدونة النجم المتوهج 

يارا «بصراخ» :.... بعد ولااااا اوعك تقرب والا والله بشختها وبعدمك اياها ها....... بعععععععد.

عمران « اتراجع لورا »: خلص خلص رح بعد بس لا تأزيها بترجاكي.

مهند : لك انا بوقاحتك ماشفت.... فوق عيبك وغلطك وكل اللي عملتيه كمان بدك تقتلي بنتك وتزيدي فضايحك اكتر ولك انتي شوووووو.

وائل : يارا.... ازا هني عم يحاكوكي حكي فأنا هلأ بيطلع خلقي اكتر ووقتا مابتهميني لا انتي ولا بنتك اتركي هالبنت وتعي لنتفاهم 

عمران «بخوف» : لا لا..... طول بالك وائل ،، بنتي مادخلا،« والتفت ع يارا » بترجاكي يارا البُـنًتٍ صغيرة  مااتدخليها بقصصك "

يارا : افتحولي طريق لاطلع وبوعدك ما المسها

عمران : وبرأيك رح تقدري تهربي حتى ازا هربتي هلأ مافيكي تهربي العمر ڱڵـه.

يارا :  انت افتحلي طريق وماعليك في مين يحميني مـڼـڱ ومن غيرك

صفن عمران واتزكر كلام عز ونطق بقهر، ،، قصدك عز

يارا «ضحكت» ههههه عز هاد مابيقدر يحمي حاله انا رح كون زوجة واحد اسمه بيهز شنبات مو متلك منتوف 

دمعوا عيون عمران وحكى بعصبيه وبقلب مقهور"،،، ڵـڱ  مابكفي انك مو نظيفة مابكفي كل الي عرفته عنك وكل مصايبك، ڵـڱ  مابكفي استغفلتيني كل هالفترة وانتي ببيتي وبحضني وعم تخونيني وتأزيني وفوق هاد كله بدك تقتلي بنتك الي هي منك لحتى تنفدي بعمايلك.... ڵـڱ  انتي ام انتي ااااااه انتي احقر انسانة بقابلا بحياتي مابهمك غير حالك وبس..... بس والله يا يارا ازا بنتي بصير عليها شي الا ادبحك واشرب من دمك.

كل هالحكي مااثر فيها ليارا الي كان كل همها فعلا تنفد بريشها وبعدا بتعرف كيف تاخد بناتها.

يارا «قربت السكين ع رقبة بنتها » :..... اخرسو كلياتكن..... مابدي اسمع كلمة زيادة هلأ عم تسوقوا الشرف والطهارة عليي كل واحد يشوف حاله بالأول بعدا تعو حاسبوني...... بعدو من طريقي بعدووووو عم قلكن.

كانت عم تتسحب لورى شوي شوي لتقدر تتجاوزهن وتكفي طريقها....نزلت ع الدرج بكل حرص وعمران واخوانها لاحقينها بخوف هيييك لوصلت مكان مو عز واقع ومرمي بالأرض.

اتطلعت بعز وابتسمت.....

يارا : بشوفك بجهنم يابيبي 

كان عز حاطط ايدو عأيدو التانية المتصاوبة وعم يتطلع فيها بغيظ وقهر.

عز :  اتركي البُـنًتٍ ياحقيره

يارا : هههههه كان علـّۓ. عيني يابيبي بس بدي امن عحالي لاوصل لجابر حبيبي وبعدين بفضالكم ياحوش

لين «صرخت» ڵـڱ انتييي شووو مافي بقلبك رحمة ڵـڱ اتركي البُـنًتٍ ياوسخه

يارا « ضحكت بـ استفزاز » :ههههههههههه قلتيلي وسخه .... الوسخه اللي مو عاجبتك جوزك كان قاتل حاله عليها

كملت صراخها عاخواتها وعمران وهي عم ترجع لورا : اياكن تلحقوني والا والله بدبحها وبرميها ومابخليكن تعرفولي طريق.

رمت بنتها قدام السيارة  وركبت سيارة عز وشغلتها وصرخت :..... عمراااااان خود البنت ودير بالك عليها..... وماتقول يارا هربت كلا مسألة وقت وراجعة وبناتي رح اعرف كيف آخدهن منك.

طارت يارا بالسيارة تحسبا لا حدا يلحقها... اما عمران ركض ناح بنته واخدها بحضنه و صرخ بقهر : يارااااااااااااااا.

مهند : فكرك هالواطية رح تختفي، انا الها وانا دباحها اتركولي اياها بس ورح اعرف كيف اوصللها وجيبها وراسها تحت رجليكن وهاد وعد مني.

وعيت لين م̷ـــِْن صدمتها واتزكرت انو ولادها كانو بالسيارة

لين جحضوا عيونها وصرخت :...... وليييي ولادي بالسيارة.... ولادي ياعز مشان •اللّـہ̣̥ ولااادي بالسيارة

،،،،،،،،،،،،،،،،،،،،،،،،،،،،،،،،،✨✨

انطلقت يارا بالسيارة بأقصى سرعة ورغم انقباض قلبها م̷ـــِْن الخوف الا انه عقلها كان واعي وقدرت تتفادى السيارات وتبعد بالسيارة

يارا : احسن شي عمله جابر انه علمني عالسواقه، ،، انا لآزٍمٍ اهرب هلأ ورح لاقي طريقة لاجيب بناتي م̷ـــِْن بين عيونهم 

مر طيف بناتها قدام عيونها حست بإحساس غريب وكإنو عم يشلعو قلبها من صدرها , دقات قلبها صارت عم تضرب بقوة 

يارا : لا لا مستحيل مستحيل ياخدو بناتي منيي مستحيييييييل 

سحبت الجوال م̷ـــِْن جيبتها وطلبت جابر واستنت الرد

يارا : رد ياحقيررر رد ياندل

رمت التلفون عالكرسي وضربت عالمقود بقهر وصرخت ندددددل حقيرررر انا بفرجيك ياواطي والله لندمك

وبالسيارة التانيه كان عمران سايق بسرعة جنونيه ليقدر يلحق يارا، ،، ذكريات كتيرة لاحت بخياله م̷ـــِْن اول يوم اتزوجها، ،، ومواقف اكتر خلته يتأكد انه كان شخص مغفل وقدرت يارا بأسلوبها الشيطاني المغمس بـ ابتسامة حب تضحك عليه بكل سهوله 

شد عالمقود بغضب واحمرت عيونه وهمس، ،، انا تستغفليني يا يارا، ،، ليش انا شو عملتلك لحتى تخونيني شو عملتلك لحتى ماتصونيني 

كمل سواقة بسرعة وكأنو شياطين الأنس والجن عم يلحقوه ،، وةجهو عم ينقط سم وكل تفكيرو محصور بشغله وحده، ، كيف بدو يلحق يارا ويفهم منها ليش عملت معو هيك وهي كانت بالنسبة ألو كلشي بهالدنيا وقت وصل عند فكرة أنو معتبرها كل دنيتو زاد السرعة بشكل هستيري لحتى شاف شرطي مرور لاحقه وعم يأشره بأيدو ليوقف ع جنب

 عمران  :«ضرب عالمقود بقهر»  لاااااا ياربي مو وقتك ابداااا

وقف السيارة ع جنب وطلب منو الشرطي ينزل ويطلع معو وراق الشخصية نزل عمران م̷ـــِْن السيارة وهو عم يسب بكل لغات العالم والنار عم تشعلزجواته : تفضل سيدي هي الاوراق 

 الشرطي ( اطلع فيه وزورو ) : هي السرعة الخارقة يلي عم تسوق فيها يا بات مان ممكن تروحك وتروح معك أرواح بريئة هي مخالفة سرعة زائدة تفضل دفاع او بتنحجز انت وسيارتك

  عمران «اخد نفس ورد»  لشو الحجز والشنططة 

ومد أيدو ع جيبو طلع المصاري وعطاهون للشرطي وقلو : هيك بنكون خالصين فيني أمشي لأنو أتأخرت وماعاد ألحق 

جاوبو الشرطي بفوقية: اتفضل وتاني مرة اذا بتتكرر رح احجزك انت وسيارتك مفهوم

عمران  « ركب سيارته » : أمرك حضرة الضابط عذبناك معنا وانت عم تكتب المخالفة نهارك سعيد متل حظي بهالدنيا 

وشغل سيارتو ومشي وهو عم ينهب الأرض نهب بسرعة أكبر من يلي كان ماشي فيها

✨✨

كان احساس يارا بالخوف عم يزيد وتوترها عامي علـّۓ. عيونها وفجأة سمعت صوت بكي طفل قريب منها

اطلعت م̷ـــِْن المرايه وانصدمت بولاد عز قاعدين بالكوت الخاص بالكرسي الخلفي وعم يبكو

يارا : هدول شو جابهم لهووون ڵـڱ هو انا ناقصة مصايب

فجأة ابتسمت بجنون وهمست بشر بعد ماتمكن منها الشيطان، ،، اقتليهم يارا اقتليهم واحرقي قلب عز عليهم

رجعت التفتت م̷ـــِْن خلال المراية وصرخت، ،، اسكوووت انت ويااااها مابدي اسمع صوتكم ولا بزتكن م̷ـــِْن السياره

اطلع فيها يوسف ومدلا ايديه، ،،، مـ ما ما

يارا:  ،،،،،،،،

يوسف : ماامااا اتي ماماا (بدي ماما) 

يارا «دمعوا عيونها» بدك ماما، ،، وانا كمان بدي بناتي ڵـڱ بدي بنااااتي بدي بنااااتي 

✨✨

لين مشاان •اللّـہ̣̥ ياعز خليها توقف رح تموت ولادنا

عز « كابر عحاله ودعس بنزين » مارح اسمحلا تلمس شعره منن 

✨✨

بهالأثناء كانت يارا سايقة السيارة بكل أريحية ،،، 

اطلعت عيمينها وماشافت سيارة عمران وراها ..

ابتسمت وحكت:  اكيد بكونو ضيعوني.هههه 

اما عمران كان طافي كشاف السياره وماشي وراها عالدعسه وبعيونو ناوي عالشر

وائل :  هي المغضوبه لوين رايحه

مهند:  عمران اخبط السياره م̷ـــِْن ورا او ضيق عليها لآزٍمٍ توقف

عمران «هز راسه» مابقدرر ولاد اختي معهااا 

مدت يارا ايدها لعبها واتناولت باكيت الدخان وسحبت سيجاره وشعلتها واطلعت بيوسف م̷ـــِْن خلال المرايه  ،، يووه نـًسّْيـت انه عندك ربو حبيبي خلص بلاها السيجاره وهه

رمت السيجاره م̷ـــِْن الشباك وصفنت شوي واتزكرت لما مهند هجم علـّۓ. عز وجرحه .. فجأة اتغيرت ملامحها وغرقو عيونها ودموع، ،، معقول يكون مات! !!

 فاتت علـّۓ. طريق الاتوستراد وهي شاردة وعم تسترجع ذكرياتها اللي قضتها مع عز .. 

غمضت عيونها لينزلو دموعها بقوة ،، وفجأه سمعت صوت زامور عالي قريب منها فتحت عيونها بصدمه وماقدرت تميز شي م̷ـــِْن ضو كشاف السياره اللي قدامها وميلت المقود عاليمين وصرخت عمرااااااااااااان

عمران:  لااااااا

شحط عمران فرام قوي بعد ماشاف السياره هوت بالوادي وضربت بشجره كبيره  ونزل هو ومهند وائل وركضوا ناح السياره 

عمران: «حط ايديه عراسه» يوسف روان! !! ياربييي لاااا 

مهند :  كيف رح نطالعهم

وائل : المشكله مامعي طفاية حريق

عمران شلح جاكيته انا نازل انقذهم

وائل «مسكه» لوين رايح مو شايف النار كيف شاعله بالسياره وبأي لـحـظـــِھّ ; ..  بتنفجر

عمران «دفشه» بعددد عنييييي ولاد اختي مالهم زنب 

بلمح البصر اتجمهر الناس وصارو يحاولوا يينقذوا اللي بالسياره لَـگِنْ النار كانت عم تاكل غطا السياره والدخنه معبية الجو

رمشت يارا بعيونها وزاحت خصلات شعرها اللي تعبو دم عن وجهها وحاولت تتحرك لكن اجرها كانت علقانه تحت الكرسي

كابرت عحالها وفلتت حزام الامان وفتحت باب السياره وغمضت عيونها وسحبت اجرها وصرخت بألم

يارا «بتعب» مارح اسمحلكم تمسكوني

هبت النار اكتر وحست يارا انه نهايتها قربت وقررت تتحرك بسرعه وتنفذ بجلدها كابرت ع حالها ووقفت واطلعت بخوف لنهاية الوادي ورجعت اطلعت لفوق ولمحت عمران عم يحاول يوصلا

دب الرعب بقلبها وكانت ع وشك تهرب واستوقفها صوت يوسف وروان وهنه عم يبكوا

التفتت يارا بسرعه ودمعوا عيونها واتخيلت بناتها مكانهم

يارا : مو وقت العواطف هلأ يارا اهربي بسرعه ولاتطلعي وراكي 

بهاللحظه مرق عز بالسياره ولمح سيارة عمران واقفه والناس متجمهرين وفي حريق شاعله 

  فتح عيونه علـّۓ. وسعهم وهمس، ،، ولادي! !

حرك السياره وقرب م̷ـــِْن المكان 

لين «صرخت» عزززز هي سيارتك يلي عامله الحادث مشااان •اللّـہ̣̥ ولاااادي 

وقف عز السياره ونزل م̷ـــِْنها وكبس ع جرحه بكف ايدو وركض متل المجنون 

م̷ـــِْن جهة تانية قدر عمران يقرب اكتر م̷ـــِْن السياره وسمع صوت بكي يوسف وروان وابتسم، ،،، لساتهم عايشين

عمران «التفت لفوق وصرخ »،،، وااااائل نزلي حبل بسرعه

وصل عز لحفة الوادي وبس شاف النار شاعله بالسياره انقبض قلبه بخوف وبدون اي تفكير حرك اجريه لينزل لتحت وفجأه انفجرت السياره ليتراجع عز لورا م̷ـــِْن قوة الانفجار 

  لين «صرخت» ولادييييي 

 وقع وائل ع ركبه م̷ـــِْن هول الصدمه 

اما مهند خانته دمعته ونزلت وصرخ عمرااااااان

انهار عز وضرب عالارض بـكف ايدو ولمح لين نزلت متل المجنونه لتنقذ ولادها

فتل حاله ومسكها ب ايد وحده م̷ـــِْن  خصرها وبقي يحاول يمنعها لحتى ما تنزل لتحت اما لين بهديك اللحظة فقدت احساسها بكل شي حواليها وبلشت تصرخ وتدفشه عنها  وتبكي بهستيريا 

لين : اتركنيي اروح ولاديي هدوول ولادي

عز  «بيبكي» : وولادي انا كماان 

لين : دفشته عنها  انتت السبب انت السبب اتركنييي عز اتركنيي 

عز : لييين خلصص 

لين: «صرخت» لاااا مووو خلص انا بدي ولادي. يوووسف روااان انا جايتكم يا ماما  جايتكم يا حبايبي 

وتحت وقف عمران وعيونه مليانه دموع واطلع باللهب اللي طالع م̷ـــِْن السياره 

عمران : ليش هيك عملتي يارا ليش هيك عملتي شو زنبهم الاطفال يدفعوا تمن اخطائك

مسح دموعه بكفوف ايديه وفجأة سمع صوت حدا عم يندهه بوهن

ضيق عمران عيونه وقرب اكتر وشاف يارا حاملة الصغار بالحيل اليـّۓ باقي عندها وعم تبكي بمرار

يارا : عـ عمران ا انقذ الاولاد، ،،

وقعت يارا ع ركبها وهي بعدها ماسكه الاولاد بقوة اما عمران التفت لفوق وصرخ ب اعلى صوتو عزززززز ولادك عايشين

انتفض قلب عز ولين ورجعلهم الامل م̷ـــِْن جديد وبسرعه اتحرك عز ونزل لتحت ولحقوه وائل ومهند وانصدموا بمنظر يارا

مهند : انتي بعدك عايشه يافاجره

بلشت يارا اتدبل عيونها وهمست بعجز اقتلوني وريحوني بس انقذو الصغار 

ووقعت عالارض فاقدة الوعي 

،،،،،،،،،،،،،،،،،،،،،،،،،،،،،،،،،،✨✨

،،،، انا بحبك يارا ومستعد اعمل المستحيل لاوفرك حياة كرمة

،،،، طلع المغضوب اللي عندك

،،، خلص يارا رح نودع الفقر وبوعدك تعيشي ملكه

،،، صدقيني ماحدا بيدوملك الا جوزك ديري بالك عليه وصونيه

،،، مسامحك حبيبتي بس لاعاد تعيديها، ، اوعديني ماتفكري بهالطريقة

،،، مرتي حامل يعني انا رح صير اب

،،، سامحني عمران سامحني

اصوات وغوغاء غريبة كلها اتراكمت بذهن يارا لحتى ماعادت قادرة تسمع صدا صوتها

فتحت عيونها بوهن وهي بتردد، ،، سـ سامحني عمران سامحني

،،، ليكا وعيت

،، يارا عم تسمعيني

قلبت يارا عيونها لفوق ورجعت فتحتهم لتوضح قدامها الرؤية اخيرا وتشوف طيف عمران ولين واقفين قدامها

لحظات قليلة كانت كفيلة ترجعها للماضي وتتزكر كلشي صار م̷ـــِْن طفولتها لحتى سمعت صوت الانفجار

يارا «شهقت بخوف» لااا تقتلني ابوس ايدك

بعد عني والله ندمانة ،،لين....لين بترجاكي ما تقربي مني 

سامحوني مشان •اللّـہ̣̥ ...انا غلطت وبعترف بغلطي....بس بترجاكم لا تأذوني 

قرب منها الشرطي وهوي بيطلع عليها باستغراب....ماكان حدا موجود بالغرفة غير هوي والدكتور 

الشرطي : انتي صاحية ؟؟؟!!

هالجملة كانت كفيلة ترجعها للواقع للحظات 

نطقت وشفافا بترجف

يارا : وين عمران؟؟

سكت الضابط...والتفت للدكتور وهوي بيوجهلو الكلام 

الضابط : كيف وضعها ؟؟...فينا ناخذها معنا 

الدكتور : اطمن...بخير بس عندها شوية كدمات......وفيه رضه برجلها ،،، نحنا عملنالها كل الاسعافات اللازمه

الضابط والاطفال كيف وضعهم

الدكتور م̷ـــِْن حسن حظهم انهم كانو محميين بالكوت الخاص للاطفال ومافي عليهم اي اصابات حاليا حطيناهم تحت الاكسجين لانهم استنشقوا غاز ثاني اكسيد الكربون بسبب الحريق

الضابط «اتنهد» ټمـٱمـ 

التفت الضابط ونده للعناصر  : جيبوها 

تقدموا اثنين م̷ـــِْن العناصر ونزلوها عن التخت ومسكوها كل واحد م̷ـــِْن  طرف....وشحطوها برا الغرفة 

طلعت يارا مع العناصر لبرا وهي مرعوبه وفجأة  شافت عمران واخوانها واقفين و بيطلعوا فيها نظرات قاتله

شهقت بخوف وتمسكت ببدلة الشرطي وهيي عم تخبي حالها وعيونها بالفراغ....

يارا : احموووني منهم... بدن يقتلوني...قلن لا يقربو مني....لا لاتقتلوني 

اطلعوا العناصر عالجهة اللي بتأشر عليها.....ماكان فيه حدا 

العنصر:  انتي جدبه ولا عم تجدبيها مافي حدا هون مشي معي م̷ـــِْن سكات 

هزت يارا راسها بخوف ومشيت بخطوات ثقيلة مابتعرف لسا شو ناطرها بعد الموقف يلي عملته.. 

،،،،،،،،، يارااا

التفت يارا بفزع وراها ووشافت لين واقفه وبتطلع فيها بنظرات استياء

غمضت عيونها وفتحتهم لتتأكد ازا كان هالشي خيال ولا واقع واطلعت بالشرطي

يارا : انت شايف حدا

الشرطي : لٱ انتي عنجد صار لعقلك شي

قربت لين ووقفت مقابيل الشرطي وحكت بكل احترام،، :بعد اذنك  ممكن احكي معها كلمتين ع انفراد؟ 

هز براسه بالإيجاب وبعد عن يارا مسافه بسيطه

كانت لين بتطلع بيارا وعيونها كلها دموع ماكانت عارفة شو تحكي معها  أصلا شو ماحكت مافي كلمة بتبرد النار يلي بقلبها اما يارا ظلت منزلة راسها بالارض وحاسة بالخزي والإحراج

مدت لين إيدها ورفعت راس يارا لتلتقى عيونهم ببعض ودمعوا عيونها

لين :ليش؟ 

يارا، ،،،،،،،،،،،،  

لين  :لي هيييييك عملتيييي؟ احكييي ليش ساكتة.. فهميني!!؟؟؟

يارا ،،،،،،،،    

لين «اتنهدت بأسف» طبعا ماعندك إجابة لإنك عارفة حالك غلطانة! 

بلشت يارا اتئتئ بالحكي وتفرك ايديها ببعض بتوتر 

يارا :أنا وعز... 

لين « قاطعتها »:أنا ماعم اسألك عن عز! عم اسألك عن عمران 

سكتت يارا ونكست راسها بخجل لتابع لين كلامها 

لين  :بشو غلط معك عمران لتعملي فيه هييييك؟! 

كيف هان عليكي نفسك، وربك، َزوجك، وبناتك.. 

مابتخافي الله! إنت بلا مشاعر وبلا إحساس وضمير؟ 

رفعت يارا راسها ووجها مليان دموع :ندمانة ولله ندمانة 

رجعت لين خطوات لورا وهي عم تحكي بيأس:فات الوقت للندم ياخسارة يايارا ياخسارة ماتوقعت ولا يوم تكوني هيك.. 

اتقدمت يارا لعندها ومسكت ايدها ونطقت بتوسل :لين مشان •اللّـہ̣̥  سامحيني والله ندمانة 

قابلتها لين بنظرات مَآعِرَفتّ يارا اتفسرها ونترت ايدها  بقوة ،،، اطلبي المغفره والسماح م̷ـــِْن رب العالمين مو مِڼـّي، ،، وتركتها ومشيت 

للحظات ضلت يارا صافنة محل ماكانت واقفة لين ليقطع شرودها خطوات  الشرطي المتجهة لعندها ،،،

مسكها م̷ـــِْن  زندها بقوة وشحطها معه

وهي حاملة بقلبها جرح كبير وندم اكبر لَـگِنْ بعد شو خسرت كلشي بيتها وزوجها وأولادها..

"لقد ظلمت نفسي قبل غيري .. لم أكن أعرف أن الم الفراق مؤلم لهذه الدرجة الا عندما فقدتك.،، أشعر بروحي تتمزق في داخلي كقطعة م̷ـــِْن قماش واهن قد تعب م̷ـــِْن ه̷̷َـَْـُذآ الزمن .. 🥀"

وقفت لين عند الشباك وبقيت  تطلع بيارا وكيف الشرطة شاحطينها وهزت راسها بأسف وهمست، ،، "وماظلمناهم ولكن كانو انفسهم يظلمون"

إلتفتت ومشيت وهيي حاطة ايدها على قلبها اللي شاعل ناار

دخلت علـّۓ.  غرفة اولادها ومسدت ع روسهم بحنية وهي بتستنشق ريحتن وصارت تبكي بحرقة 

لين : الْحٍمَدٍ للـّہ اللي سلملي اياكم يا امي.....والله لو صاير معكم شي كنت متت....ما بتخيل حياتي بدونكم.....الحمد لله ياربي....الحمد لله

،،،،،،،،،،،،،،،،،،،،،،،،،،،،،،،،،،✨✨

م̷ـــِْن  جهة تانية.....

كان عز قاعد بتخته ومنزل راسو....مو قادر يحط عينو بعين عمران بعد الحكي اللي حكاه 

اما عمران كان قاعد ومنزل راسو وشابك ايديه ببعض وكأنه حامل هموم الدنيا كلها  فوق ضهرو

مشاعر مختلطة بداخلو....

الخيبة....القهر....الغضب...الكره.....كان بركان ومشتعل داخلو....بس لسا مسيطر على  نفسو 

اخيرا قطع عمران الصمت وهوي بيوجه كلامو ل عز

عمران : يعني عرفتو بعض قبل ما نتزوج؟؟!!!

عز: اي....

عمران : مو حرام عليك اللي عملتو فيها.....انسى انها مرتي.....مافكرت انو اللي عملته ب بنت الناس ممكن يجي يوم يرتد علـّۓ. اهل بيتك.....لك ما فكرت بمرتك واولادك 

نزل عز راسو بحرج....وما قدر يرد ابدا.....لانو كلام عمران كلو صحيح وهوي الغلطان 

وقف عمران واطلع علـّۓ.  عز بنظرات احتقار.....

عمران : رح انطر ورقة طلاق اختي 

عز : بس انا ما بدي طلقها.....عمران انا والله ندمت

مابدي عيش بعيد عن مرتي واولادي.....يارا كانت مجرد غلطة وانا والله ندمان 

لما سمع عمران اسمها شد علـّۓ.  قبضة ايدو بقهر ليقدر يسيطر على نفسو وما يهجم عليه ويقتلو 

عمران : ازا مرتك حابة تعيش معك...هيه حرة...بس اناا انساني 

طلع وتركه لوحدو يصارع افكارو.....ويفكر ب لين واولادو كيف بدو يواجهها وشو ردة فعلها 

رح ترجعلو وتعيش معو....ولا رح ينحرم منها ومن اولادو 

ألم تكن تدري ان لكل بداية نهاية.....وان كل ما زرعته سوف تجنيه خيرا كان او شرا.......؟؟؟

 ..

،،،،،،،،،،،،،،،،،،،،،،،،،،،،،،✨✨

™̸̮بَََّـْْْـْْْbackـََْْـَّْْآَّڪَْْ∂⌣̶♥️

يارا «مسحت دموعها» وهي هيه قصتي م̷ـــِْن بدايتها لحتى يومنا هاد، ،، صفيت بالحبس بتهمة خيانة زوجيه وخطف اطفال عز، ،، يمكن ندمي مايشفعلي عند اهلي وعند عمران واكيد بستاهل كلشي صار فيني بس نفسي يعرفوا اني ندمت نفسي عمران يصدقني ويسمحلي شوف بناتي لْـۆ مَـرّھٌ وحده ويعدها لْـۆ متت رح كون راضية

غمرت يارا وجهها بين ايديها وانفجرت يالبكي اما طيف كانت عم تراقبها بحزن علـّۓ. الحال اللي وصلت نفسها اله

اتنهدت طيف ومسكت ملفها وحطت شنتتها ع كتفها ووقفت

طيف :جلستك بكرا ورح شوف كيف ممكن ساعدك مع انه كلشي ضدك وبإعتراف مـڼـڱ

هزت يارا راسها ووقفت ودموعها عم تنهمر م̷ـــِْن عيونها بغزراه، ،، لٱ استاذه طيف انا مابدي تترافعي عني، ،، لانك ازا دافعتي عني بتكوني دافعتي عن الظالم ونصرتيه

طيف «حطت ايدها ع كتف يارا»  اطمني انا رح اطلب استئناف وبعدها بقعد مع السيد عمران والسيد عز بلكي يوافقوا يتنازلوا عن حقهم وبهيك بتنحبسي حق عام

خلصت جملتها وفتلت حالها لتطلع واستوقفها صوت يارا

ماقلتيلي شو السبب اللي خلا لين اتوكلك بعد كلشي عملته فيها

طيف «التفتت» يمكن بسبب مساعدتك لاولادها 

يارا : بس انا خطفتهم

طيف:  بس يلي مكتوب بملف القضيه انك سرقتي السياره بدون ماتعرفي انه الاطفال بقلبها ولما صار الحادث ضحيتي بنفسك مشان تنقذيهم

يارا،،،،،،،،،،،،

طيف : شفتي يا يارا انه عند ربك مابيضيع شي. ..﴿فمن يعمل مثقال ذرة خيراً يره • ومن يعمل مثقال ذرة شراً يره﴾

..حياتك مزرعة لآخرتك فازرع ما تحب أن تحصده في الآخرة، وتزود ما يسرك أن تلقاه يوم بعثك،

،،،،،،،،،،،،،،،،،،،،،،،،،،،✨✨

كان عمران قاعد عالكرسي بقلب المحكمة،، شارد بالعدم وهو مسلط نظرو عنقطة مجهولة .. القهر اللي بجواه كان بياكل خلاياه اكل ،، 

فجأة انفتح الباب وفات شرطي وهو ساحب يارا اللي كانت عم تبكي وحالتها وكأنها متسولة او مختلة عقليا وحطها بالقفص

انتفضوا مهند ووائل وهجموا عالقفص وبلشوا يخبطوا عليه ويصرخوا

مهند والله لاشرب م̷ـــِْن دمك يافاجره

وائل لاتفكري حالك نفذتي والله مارح ارتاح الا بس اقتلك بـ ايدي هدول

دق القاضي عالطاوله وصرخ، ، هدووووء بقاعة المحكمة او بطالعكم برا

وائل : سيدي طالعها م̷ـــِْن القفص انا بدي اخد تاري منها هي الحيوانه لآزٍمٍ تموت لتغسل عارها

القاضي هالشي مو انت يلي بتقرره البلد فيها قانون

ابتسم وائل بقهر ورفع ايديه، ، قانووون ڵـڱ وين كان القانون لما مسحت بكرامتنا الاراضي مافي اي قانون رح يحميها منيييي

القاضي:  يا ابني خدهم وحطهم بالحجز لبينما نخلص القضيه

قربوا العساكر وبلشوا يشحطوا وائل ومهند وهنه عم يكابرو ويصرخوا

وائل :مااارح تنفدي منيييي

مهند: رح اقتلك واشرب م̷ـــِْن ددددمك سمعتييييي

طالعوهم لبرا ليعم الهدوء م̷ـــِْن جديد

رفعت يارا عيونها بخجل واطلعت بعمران ولقيته صافن فيها وبعيونه دمعه علقت برمش عينه وبسرعه نزلت عيونها بالارض اما عمران غمض عيونه بقهر وزاح وجهو لبعيد

القاضي: سيد عمران هي زوجتك

ببطئ حرك عمران حجر عينو واستقر نظرو علـّۓ. يارا.. 

فجأة لاحت ببالو ذكريات جمعتو معها .. ذكريات يمكن هو لوحدو بناها وماكانت بتعنيها الها .. برغم جفائها الو وحركاتها، ، برغم كرهها ،، الا انو كان عطول يكذب حالو ويكذب احساسو بهالشي، ، وبحياتو مافكر يطلع بمرة تانية ولا يفكر حتى لْـۆ تفكير انو يخونها .. كان حاطط بين عيونو مخافة  رب العالمين بالمقام. الآۆلْ ،، و لحتى مايكسرلا قلبها بالمقام التاني وبقي مكتفي فيها .. لَـگِنْ شو تحكي عن اللي مابتقدر هالنعمة وتكتفي فيها.  !! 

القاضي:  محامي الدفاع يتفضل

وقفت طيف واخدت نفس واطلعت بيارا وقامت م̷ـــِْن مكانها واستوقفها صوت عمران

،،،، مافي داعي للمحامي سيدي

طيف : شو

القاضي : في شي سيد عمران

عمران : سيدي انا متنازل عن القضية

وقفت لين ووقف معها عز، ،، ونحنا كمان سيدي متنازلين

القاضي : وياترى شو سبب التنازل في حدا هددكم

عمران « هز راسه بالنفي » ابدا سيدي بس هي الانسانه ان طلعت ولا نزلت رح تبقى ام بناتي ومابدي بناتي يكبرو ويعرفوا انها امهم كانت محبوسة بقضية شرف

ابتسمت طيف ونزلت دموعها وهي بتطلع بعمران هالشخص الرائع صاحب القلب الكبير

القاضي «بتفهم» ټمـٱمـ وانت سيد عز 

عز:  الغلط اللي صار انا كنت جزء منه وواحد م̷ـــِْن اسبابه وازا بدكم تحاكموا يارا حاكموني الي بالاول انا مو بس غلطت بحق زوجتي وصهري انا غلطت بحق ربي وديني

مسحت لين دموعها واطلعت بعمران وشافته بيطلع بعز بنظرات كلها عتب

القاضي : بس لاتنسوا في حق عام

عمران : ونحنا مافينا نعارض امر الحكومه نحنا كلنا تحت القانون بس ازا سمحت سيدي ممكن اطالعوا يارا م̷ـــِْن القفص

القاضي «اشر للحارس» افتح القفص وجيبها لهون 

فتح الحارس القفص وسحب يارا وجابها لنص القاعه

كانت واقفه وعيونها بالارض وهي حاسه بالخزي والعار 

اتحرك عمران  وراح اتجاهها، ، وقف مقابيلها وبقي يطلع فيها بنظرات كلها لوم وعتاب وقهر .. بينما هيه بقيت منزلة راسها قدامو ،، ودموع الندم عبو وجها ..

عمران  «بهدوء »: بعمري .. بعمري ماتخيلت اني انحط بهيك موقف .. وثقت فيكي .. اعتبرتك حياتي .. أمنتك عبيتي وبناتي .. وانتي كيف كافيتيني! !! خنتيني .. «اتجمعت الدموع بعيونو » لَيــِْـِْش. .. عطيني جواااب مقنع ليييش «وصرخ »: لييييش

ورفع ايدو وخبطها كف، ،،

 قرب عناصر الشرطة وبعدو عنها

القاضي : شوف ابني انا مقدر ظرفك بس ياريت ماتنسى انك بهيئة المحكمة ..

 

بعد عمران بخطواتو والتفت وحط ايدو عوجهو ..

عمران : انا رح كون احسن مـڼـڱ، ،«رجع التفت » بتتنازلي عن كلشي وحتى عن البنات وبعدين رح طلقك

يارا «بتبكي »: اتطلقني!

عمران «ضحك بإستهزاء» : ولا انشالله مفكرة اني خليكي علـّۓ. ذمتي بعد هالمصيبة !!،،، شوفي يابنت الناس انا لحد الان ماسك حالي لحتى ما اغلط وضيع حالي كرمال وحدة متلك .. بقى هلأ بتوقعي ورقة تنازل عن كلشي مستحقات بتترتب عليي بطلاقك لأنو بالمختصر انا ما عم بشتغل واتعب لحتى بالاخر تجي وحدة متلك وتاخد تعبي فوق عملتها .. وبناتي ما الك فِيَھن.. گلآمَيےّ فِيَھ شي سيدي

القاضي : ابدا ابني گلآمَگ.  ماعليه غبار .. وانتي لآزٍمٍ تبوسي ايديكي وجه وقفا انو جوزك طلع ابن حلال و بيفهم ورضي بهيك حل ،، لأنو واحد غيرو كان دبحك عالمطرح .. او خلاكي اتخي بالحبوس  يلا تعالي وقعي هالورقة ،،

انكسرت يارا بعد هالكلام ومالقت كلام اتدافع فِيَھ عن حالها .. و رضيت تتنازل عن مستحقاتها كاملة وعن حضانة بناتها وقبل ماتوقع لفت نظرها جمله مكتوبة بعقد الطلاق (غير مؤهلة لتربية الاطفال)  .. غصت بدموعها واطلعت بعمران نظرة رجاء لَـگِنْ عمران زاح وجهه عنها 

م̷ـــِْن بعد ماوقعت بإيدين عم ترجف عالورقة سحبها عمران بسرعة والتفت  وقبل مايطلع نطق: يارا انَــْتي طالق طالق طالق بالتلاتة .. وبناتي معد تفكري تقربي منن لأني ساعتها مارح اسكت ،،صدقيني رح نزلك لسابع ارض، ، 

رجع التفت وطلعت لين وراه تارك يارا وراه منهارة ،، وقعت عركبها وبلشت ضرب بحالها وهي بتبكي وتصرخ: وليييي عهالاخرة يا يارا  .. •اللّـہ̣̥ ينتقم م̷ـــِْن اللي كان السبب .. انخرب بيتك يااا يارااا  ...

لم تكن حياتي سهلة أبداً ، ندم قلبي الآن لحتى أصبحتُ أشعر به ، ولم أفعل الصواب أعلم ذلك جيداً ،

الآن اصبحتْ دقات قَلبي موجعة تماماً 

لم تكن هكذا عندما اخترت طريق الرذيلة 

أتسائل : لماذا يصعب علي الأعتراف بأنني مررت بأصعب فترة في حياتي الآن ..! لماذا يصعب علي الأعتراف بأنني حقاً حزينة ونادمة 

أجد صعوبة في مسامحة نفسي حقاً .. 

أجد صعوبة في المضي قدماً بعد الأن .. 

ما الذي سيحدث ؟ أُيحال لهُ اذيتي بعدما عُلِم ؟ 

لا والله ، فلا يجتمع الحب والآذية في  قلبٍ  مُحب .. 

_مُحب ..! 

هل ندمي سيرجعه لي ..؟ 

من المؤكد بلا و لكني و حقْ •اللّـہ̣̥  نادمة ، هناك شيء يحترق بداخلي ، أنقذني يا الله من كل هذا ليس لي سواك 💔.!

م̷ـــِْن بعيد كان عز واقف وعم يطلع بيارا بشفقة، ، فتل حاله وطلع وشاف لين ركبت مع عمران بسيارته ومشيوا

عز : انا بستاهل جفاكي يالين بستاهل كلشي صار فيي بس خدي مِڼـّي وعد، ، انا مارح اتخلا عنك ورح انطرك لحتى تصفحي عني وترجعيلي

احيانا يأتي الندم بعد فوات الاوان، ،، لندرك حينها كم كنا مخطئين حينما انجرفنا بـملئ ارادتنا بطريق الرذيله 

اعمتنا الخطيئه وساقتنا للهاويه واي ندما ينفع بعد ه̷̷َـَْـُذآ

،،،،،،،،،،،،،،،،،،،،،،،،،،،،،،✨✨

مرت ثلاث سنوات ثقيلة علـّۓ. يارا اللي بعد ماقضت عقوبة الحق العام وطلعت اتشردت بالشوارع وصارت تشتغل خدامة بالبيوت لتقدر تعيش وتهرب م̷ـــِْن اهلها 

انانيتها وغرورها صورولها انه بمقدورها تحصل علـّۓ. اي شي بتتمناه ماكانت الزوجة الصالحة ولا الانسانه القنوعه ناسية او متناسية ان •اللّـہ̣̥ وقت خلق الانسان قدرله زرقته 

فرطت بـ اغلى شي بيزين المرأة وهو شرفها بسبيل تحصل عالمال بحجة انها فقيرة ومن حقها تعيش 

قيل في عفة نساء العرب :💖👌

“هن اللواتي في البيوت جواهرُ..

وإذا خرجن للطريق خيااامُ.... “

بِيضٌ نواعمُ ما هَممن بريبةٍ...

كظباء مكةَ صيدهن حرااام.. “

جابر انحكم 15 سنه بتهمة القتل العمد قضا منهم سنتين بالسجن وبعدها مات بظروف غامضه ليطوي الزمن سيرته وكأنه ماكان وماياخد معه م̷ـــِْن هالدنيا الا عمله

عز مايأس وبقي يحاول بكل الطرق ليرجع ثقة لين فِيَھ ،،، ورغم صدها اله الا انه بقي متمسك فيها لحتى لان قلب لين وقررت تعطية فرصة

لَـگِنْ عمران ماكان قادر يطلع فِيَھ ولاقادر ينسى اليـّۓ بدر منه واكتفى انه يشوف اخته مرتاحه ببيت زوجها ضامين ولادهم تحت جناهم

،،،،،،،،،،،،،،،،،،،،،،✨✨

#بعد_مرور_عشرين_سنة،،،،،،

بضيعة بدائية بعيدة عن المدينة وبغرفة شباكها تقريبا نصو مكسر وبابها شبه مخلوع وحصيرة وتخت قديمين كتير

سكرت يارا المصحف وباستو وحطتو ع جنب وهمست بخشوع، ، يارب سامحني 

سمية : يارا ما بدك تحكيلي قصتك اكتر  م̷ـــِْن  عشرين سنة وانت هون وكل يوم بتقرأي بالقرأن وبتقولي يارب سامحني

اطلعت يارا فيها بهدوء وقامت م̷ـــِْن  مكانها ،، يلا سمية اتأخرنا عن الشغل

سميه :دخيل اصلا شو ورانا غير الشغل تعبنا وتعب جسمنا وعم تمر هالايام شغل وبس

يارا:  احمدي •اللّـہ̣̥ انو عم نشتغل في ناس يا حرام ما عم تلاقي شغل والجوع كافر متل ما بقولو

سمية : يارا ماعندك اولاد

وقفت يارا وغمضت عيونا بقهر وحكت بسرها يا قلبي شو بكون صار فيون هلا بكونو خلصو الثانوية واكيد انطلبو يارب كون معن وقف جنبن تمنيت اسمعها م̷ـــِْن  تمن قبل ما موت كلمة ماما بس ما بستاهلا

سمية : يارا يارا 

صحيت يارا ع سمية

سمية : شبك وين صفنتي وليش عم تبكي

يارا : مافي شي يلا اتأخرنا 

سمية: •اللّـہ̣̥  يريح بالك يا يارا

،،،،،،،،،،،،،،،،،،،،،،،،،،،،،،✨✨

بقاعه فخمة اقل ماينحكى عنها خمس نجوم نزل عمران م̷ـــِْن السيارة وركض لجوا وشاف ايمان واقفة عند الباب ومكتفة ايديها وعم تزورو

ايمان : حمدلله عالسلامه كنت اتأخرلك كمان شوي عُاَدّيَےّ جدا اساسا الًيَوُمًِ مو عرس بنتك

اتنحنح عمران وابتسم ببلاهة وقرب م̷ـــِْن ايمان ولفها تحت ايدو

عمران : الحق عليكي قلتلك اتصلي فيي قبل العرس بساعتين وزكريني بس انَــْتي عطول هيك بتنسي

ايمان « رفعت حواجبها » اهَـــاآ انا اللي بنسى لَـگِنْ. ،، يعني مو انَـَـَتَ  اللي اتأخرت لحتى رديت.،، علـّۓ. فكرة انَـَـَتَ ابدا مو دقيق بمواعيدك كان الي ساعة راننتلك لما حكيتلي خمس دقايق وبكون عندك ،،

عمران : مع هيك الحق عليكي

ايمان : اي انَـَـَتَ عطول حط الحق عليي .. 

اي اي لاتستغربوا عمران وايمان اتزوجو م̷ـــِْن بعد ماعرف عمران حقيقة ايمان ولمس فيها الانسانة الطيبة والصادقة، ،، 

ماقدر يجيب مرت اب غريبة لبناته بالمقام الآۆلْ وماقدر يلوم ايمان علـّۓ. افعال اختها بالمقام التاني واتبع قولة تعالى « ولاتزر وازرة وزر اخرى »

كانو ماشيين وعم يتهامسوا ويتخانقوا لما طلت عليهم لين وحطت ايدها علـّۓ. خصرها

لين : شو يا ابو العروس مطول لتخلص غزل انت ومرتك

كتمت ايمان ضحكتها وهمست، ، ال غزل ال اللي بدري بدري

عمران اي شبك اختي كلا ربع سَـآعــهْْ يلي اتأخرتا

لين : ولو المفروض وصلت اول واحد مشان تسلم العروس لجوزها

عمران : اي ماصار شي هلأ بسحبها م̷ـــِْن ايدها وبرجع اسلمها لعريسها منيح هيك

لين «ضربت كف بكف» لااا انت مافي مـڼـڱ خواص

،،،،، شبك ياروحي

التفتت لين وابتسمت بود وقربت م̷ـــِْن زوجها وحطت راسها ع كتفه

لين :مافي شي حبيبي بس اخي قريبا رح يجنني

عمران :والله ماساويت شي

لين: لٱ ابدا ماساويت شي بس اتأخرت علـّۓ. عرس بنتك

عز :اي شبنا لينووو بدك تعمليها قصة لانه اتأخر شوي

عمران :اخبرهم ياصلاح هههههه

 لف عز عمران م̷ـــِْن كتفه وسحبه، ،، سأخبرهم بس بالاول فوت وسلم علـّۓ. بنتك الناس اكلو وجهنا

الكره مابيدوم العمر ڱڵـه. والانسان ابدا مو معصوم عن الغلط

رغم سنوات القطيعة يلي استمرت بين عز وعمران الا انه عز بقي متمسك بموقفه وتوبته ليثبت للكل انه كان اهل للفرصه اللي اخدها ومن حسن حظه كان عندو زوجة متل لين تغفر الزلات وتعرف ايمت تعاقب وايمت تحن وتمد حبل الوصل

دخل عمران برفقة ايمان عالصاله وعيونه مسلطين علـّۓ. بنته وهي بثوب العرس الابيض

دمعوا عيونوا وقرب منها وهي بدورها وقفت بسرعه وحضنته

سالي:  ليش اتأخرت بابا

عمران : اسف ياروحي اجا زبون زنخ وعطلني المهم انا هلأ معك

بقي يطلع فيها بفرح ومد ايديه وغمرلا خدودها بحنيه وحط جبينه ع جبينها

عمران:  م̷ـــِْن الًيَوُمًِ انتي صرتي لزوجك وصيتي الك يابابا اتصونيه ازا غاب وتتحمليه ازا زعل وتواسيه ازا حزن وبدي ياكي تعرفي انه الرجال مو دايما ميسورين الحال والفقر ابدا مابيعيب الرجال يلي بعيبه هو سوء دينه وخلقه واتزكري يابابا انه المال مو كلشي بالحياة وانه ربنا كتبلك نصيبك بهالدنيا م̷ـــِْن لما خلقتي لهيك لاتتأففي ولا تنزعجي وازا نقص عليكي شي بيوم ابوكي عايش لاتلجئي لغريب ولاتشكي لصديق ولاترمي سرك ببير مابتعرفي ايمت بتزدحم عليه الدٍلال واخر وصية •اللّـہ̣̥ •اللّـہ̣̥ بشرفك بنتي فهو حصنك الحصين صوني نفسك ياعرض ابيكي

هزت سالي راسها ونزلوا دموعها وحضنت ابوها بقوة، ،، •اللّـہ̣̥ مايحرمني مـڼـڱ بابا 

عمران:  ولا مـڼـڱ انتي واختك ياروحي

،،،،،،،،،،،،،،،،،،،،،،،،،،،✨✨

صوني نفسك فأنت كريمة 

.

.

صوني نفسك ! 🔐

من مكآلمة الجنس الآخر بعذر آلحب آو الزوآج !

فليس هنآآك شيء كهذآ !

هوآ بالنهآية سيتزوج زوآج تقليدي !

بفتآة قد اختآرتهآ له آخته آو آمة !

ويمزق صفحتك وينسآكٍ !

وانت من ستتجرعين مرآرة الم والحسرة !

.

.

صوني نفسك ! 🔐

من وضع صورك فآلفتآه شرف !

والشرف لآ يخصك وحدك بل يخص آهلك وآخوتك وعآئلتك بأكملهآ !

هل تعتقدين ان الشآب حين يرى صور لكِ سيحترمك !

سيتزوجك !

او حتى يفكر بك !

انت له مجرد فتآة رخيصة ﻵ آكثر !

حتى وان قال لك عكس ذآلك !

هكذآ الرجل الشرقي عزيزتي !

.

.

صوني نفسك ! 🔐

من حب فتآآة مثلك مثلهآ ،!

وكوني متيقنة آنه ﻵ يقبل لك ﻵ دعآء وﻵ صلآة !

يكفي انك تهزين عرش الرحمن جلآ وعلآ !

مآ آجمل الحب فـ الله فهو آدوم وابقى !

صوني نفسك ! 🔐

عن آلحرآم بكل شيء !

وستجدين العوض من رب العآلمين

النهـــاية ✨

بداية الروايه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

ادسنس وسط المقال