رواية سيلا والنمر الفصل الاول والثاني والثالث والرابع حصريه وجديده على مدونة النجم المتوهج للروايات والمعلومات
 |
رواية سيلا والنمر الفصل الاول والثاني والثالث والرابع حصريه وجديده على مدونة النجم المتوهج للروايات والمعلومات
مقدمه....
لكل واحد فينا حكايه خاصه. بيه..ولكل حكايه.. تفاصيل بيعيشها. صاحبها.. هو بس اللي عارف.. كل تفصيله فيها..
هو بس اللي بيعيشها بحلوها وبمرها..وكل واحد. فينا جواه سر.. في اللي عنده شخص يحكيله. وفي اللي عنده بس مش قادر يحكي...لكن فالنهايه بيفضل في سر واحد محدش يعرف عنه حاجه ومبنقدرش نحكيه.وغالبا السر ده بيكون هو المتحكم الرئيسي فالحياه اللي بنعيشها. وهو سبب الجزء السلبي في حياتنا...
عشان كده قررت ان روايتي متكنش معتمده علي البطل والبطله و بس..اه هيكونو هما الابطال الاساسين لاكن باقي الابطال. مش مجرد اشخاص.. بيكملو حدوته لان زي ما اتفقنا كل شخص ليه حكايه.. وكل شخص بطل في حكايته...يلا نبدأ مع بعض. لكن قبل ما نبتدي حبيت.. اقول ان روايتي المرادي هتحكي عن الطبقه راقيه.. ونبتدي بالجنس الناعم...
وحكايتنا هتبدي مع اربع بنات اصحاب..وهما تقريبا كل حاجه لبعض.. متفقين في حبهم لبعض. لكن مختلفين في حكايتهم..
الشخصيات......
سيلا..المهدي.. بطله روايتنا الاساسيه.. عندها 21سنه.. شعرها اسود كيرلي ناعم مش طويل اوي... بشرتها بيضه.. عيونها بني فاتح بتميل للعسلي.. عندها غمازات جسمها رفيع لاكن متناسق.. مش طويله اوي...تشوفها تحبها.. شقيه مرحه.. ذكيه جدا.. عنيده جدا.. مخلصه في حبها جدااا. اصحابها هما الحياه بالنسبالها.. باباها متوفي من زمان كانت عايشه مع مامتها في انجلترا. لحد ثانوي وللاسف مامتها اتوفت.. لكن قررت انها ترجع . من تاني لبلدها.. وتعيش مع جدتها.. اللي بتحبها جدا.. لاكن بعد نزولها بفتره بسيطه اتوفت وكأن القدر رجعها عشان تكون معاها..والسبب الاكبر لرجوعها اصحابها صحاب طفولتها وذكرياتها.. سيلا سافرت وهي عندها عشر سنين.. كانت الاول بتروح وتيجي مع مامتها ولما مامتها قررت تأعد مع باباها.. سافرو واستقرو هناك ومرجعتش غير لما خلصت الثانويه.ومامتها ماتت. كانت تقريبا بتكلم صحابها ليل نهار عالنت.. والمسافات مقدرتش تبعدهم لاكن هي مقدرتش متكنش معاهم. ونزلت واتجمعو تاني مع بعض.. سيلا متخرجه جديد من كليه إعلام..قسم صحافه.. وهي حاليا صحفيه تحت التدريب..عايشه في ڤيلا صغيره .. لوحدها..
مفيش في حياتها غير شغلها اللي بتحاول تثبت نفسها فيه وغير صحابها...
اما بطلتنا التانيه... روقيه.النجار.. ولقبها المعتمد.. روكا..هي اكبر واحده في صحابها.. عندها 25سنه..
من طبقه راقيه جدااا اهلها عايشين في اسكندريه لاكن هي سابتهم وعاشت فالقاهره.واتجوزت حب عمرها.. زي ما كانت فاكره.. بس خانها مع سكرتيرتها..هي استقلت بنفسها ومن حبها في اللبس والموضه عملت شركه صغيره بس مع الوقت كبرت وبقت من اهم الفاشون ديزاينر..
فالاول كانت ضايعه بعد ما اطلقت وبعد ما جوزها خانها.. لاكن هي شخصيه قويه يمكن تكون اقواهم. وقفت تاني بنفسها وبمعاونت صحابها. وقدرت تتخطي المرحله دي.. هي فالشكل جميله مش الجمال الملون لاكن الجمال الانثوي الجمال المغري الجمال السيكسي..هي ليدي في نفسها جداااا. وطبعا من وقتها متجوزتش ولا دخلت في علاقه لاكن هي معندهاش مانع تحب وتتحب من تاني بمعني اصح تجربتها الفاشله موقفتهاش..
اما بطلتنا التالته...
ريم...هي كمان من طبقه راقيه. عايشه مع باباها ومامتها
ليها اخ واحد بس مسافر كان بيدرس بره وبعد ما خلص قرر انه يبتدي مستقبله المهني هناك بيروح ويجي عليهم فالاجازات.. باباها ومامتها.. بعد ما اشتغلو وعملو فلوس قررو انهم يعيشو لنفسهم شويه فا مقضينها سفر في كل بلد شويه.. بيحبو ريم جدا. لاكن مش ديما معاها او تقريبا ميعرفوش عنها حاجه بيحبوها بطريقه خدي فلوس وبس.لاكن لما بتحتاجهم مش بتلاقيهم عشان كده صحابها هما كل حياتها. .. ريم. شخصيه مجنونه. ومرحه بتحب الخروج وتقريبا مش بتاعد في مكان..عندها 21سنه.. درست تجاره اعمال.. لاكن لحد الوقت مشتغلتش ومش عارفه تبدأ منين
اما بطلتنا الرابعه....سما.
عندها22سنه اكبر من ريم وسيلا بسنه..
ملامحها هاديه ورقيقه عايشه مع والدتها ووالدها.. واختها الصغيره.. هي كمان من طبقه راقيه.. سما هي الام الروحانيه ليهم.. تحسها ام في طريقتها واسلوبها.. عاقله بتقدر توزن الامور.. صح. مرتبطه جدا بعيلتها.. لاكن هي ديما مع صحابها متقدرش تعدي يوم من غير ما تشوفهم... بتحب الرسم جدا وهو الحاجه الوحيده اللي بتفصلها وبتسليها لما يكون صحابها مشغوليين.. عندها جاليري بتعرض فيه كل رسومتها ...
خلصنا من الجنس الناعم...نروح لابطالنا بقي...
هما كمان صحاب جدااااا
بدر الخياط.. بطلنا الرئيسي.. عنده 30سنه.
ملامح رجوليه باحته..طويل جدا جسم رياضي عضلات بارزه.صوته في بحه رجوليه تقتل.. عصبي لابعد الحدود لاكن اللي يعرفه يعرف ان مفيش في طيبه قلبه وسبب عصبيته دي طبيعه شغله بدر بيشتغل ضابط فالحمايه المدنيه قسم مفرقعات..ومعروف ان ضباط الحماية المدنية بوزارة الداخلية هم الأكثر تعاملاً مع الموت، خاصة ضباط المفرقعات، اللي بيتعاملو مع العبوات الناسفة والقنابل، فالخطأ الأول عندهم هو الأخير، ممكن يكلفهم حياتهم، ومع كل ده يتسابقون فى أداء واجبهم برجولة وشجاعة لإنقاذ أنفس بشرية من أحياها فكأنما أحيا الناس جميعا.. وعلي اد ما شغله بيتطلب منه. الهدوء. والتركيز لاكن بردو بيخليه عصبي لان الغلطه بفوره.. بدر من اكفأ ضباط الداخليه.. ملقب بالنمر.. عشان لون عيونه اللي بيتحول مجرد ما يركز في اي تفكيك قنبله يقابلها...بدر بيعيش مع امه في ڤيلا جميله.. ملوش غيرها فالدنيا..والده متوفي..وملوش اخوات..
بطلنا التاني...
عامر. الالفي.. 30سنه...
طويل جسم رياضي.. جذاب شعره اسود ليه دقن خفيفه.بشرته خمريه..رجل اعمال عنده شركه مقاولات كبيره وصاحب بدر جدااا.. چان اوي.. ومرح ورومانسي وراجل
بطلنا التالت...
يوسف العمروسي...30سنه عنده شركه برمجه بيحب شغله جداا اصحابه بيسموه عبقرينو...من كتر ما بيحب شغل الكبيوتر والبرمجه...مش بيحب يتعامل مع الجنس الناعم او بمعني اصح محتاج يحب واحده مختلفه.. مجنون وبيحب الضحك والتهريج...علي عكس شخصيته في شغله....هو كمان طويل وجسمه رياضي..بشرته بيضه وعيونه عسلي..
بطلنا الرابع...
مهاب العربي....30سنه.. ضابط في الحمايه المدنيه.. قسم مفرقعات.. بيشتغل مع بدر.. هو من التيم بتاعه .. شخصيه طيبه وهادي جدااا طويل وجسمه رياضي.. عيونه رمادي. بشرته خمريه.. بيعرف يمتص غضب بدر جدااا بيقدر يهديه في اي موقف هما شخصيتين مختلفين عن بعض تماما .
بدر وعامر.ويوسف ومهاب.. هما كمان صحاب من الطفوله متربيين مع بعض.. كل واحد كان نفسه يطلع حاجه معينه بس الايام بتغير الاحلام ومش ديما حلم الطفوله بيكبر ويتحقق معانا. مفيش غير بدر اللي حلم من صغره يكون ضابط.. وزي اي طفل صغير كان متعلق ببدله الضابط والمسدس اللعبه وكل فتره كان بيكبر ويكبر حلمه معاه.. .. بدر كان بيحب يتفرج عالفديوهات اللي فيها تفكيك القنابل واكتشاف العبوات الناسفه ومن هنا ابتدي يحدد شغفه. وبقي من اهم ضباط الحمايه المدنيه...
دول شخصيات روايتي الاساسين احفظوهم كويس.
البارت الاول.....
في صباح يوم جديد مشرق وغريب الي حدآ ما علي بطلتنا..وفي ڤيلا جميله.. بتعيش فيها سيلا بمفردها..
رن تليفونها....
سيلا بنوم...الوووو ايوه ياروكا..
روقيه... روكا ايه وزفت ايه بقالي سنه بصحي فيكي يابنتي انتي ايه اطرشتي مش سامعه كل ده.
سيلا. وهي باعده التليفون عن ودنها من صوت روكا..
سيلا.. الله يخربيت صوتك عالصبح ايه يابنتي ودني باظت. حرام عليكي.
روكا... حرمت عليكي عيشتك يابنتي انتي مش قولتيلي اصحيكي الصبح ضروري عشان عندك شغل..بصحيكي بقالي ساعه وجنابك مش بتردي.وانا سايبه شغلي عشان اصحي حضرتك مكنش الناني بتاعت جنابك وانا معرفش
سيلا... ياروكا ولله منمتش كويس وبعدين انا ليا مين غيركو يعني يصحيني..
روكا.. مخلتيش يا اختي ست ريم هانم ولا سما يصحوكي ليه.
سيلا.. ما قولنا خلاص بقي حقك عليا اديني صحيت اهو..
بقولك ايه. صحيح.. مش هناقابل انهرده..
روكا.. معرفش يا سيلا انا عندي شغل كتير انهرده..هشوف واقولكم.
سيلا.. اووف لا بقي دي اول مره تحص بقالنا يومين مشوفناش بعض.. وبصراحه انتو وحشتوني.
روكا.. ولله انتو كمان وحشتوني اوي.. طب بصي صعبتي عليا.. خلاص هحاول اخلص بسرعه واتفق معاكي انتي والبنات..
سيلاا. .. ايوه كده وحشتيني ياكلبه.
روكا.. وانتي كمان. بت انتي بقولك ايه اقفلي بقي كفايه عطله.
سيلا.. بضحك .. ماشي ياستي باي..
روكا.. باي..
قامت سيلا.من نومها.. دخلت خدت الشاور بتاعها.. وخرجت لبست سلوبيت جينس كت وتحتيه بدي ابيض كت. وسابت شعرها وحطت مكياچ بسيط اوي هادي .
ونزلت عشان تروح علي مكتبها...وركبت عربيتها وانطلقت بيها.. واثناء ما هي سايقه.. وبتشغل اغاني وملخومه في اختيار الاغنيه.. هووووووووب خبط عربيه قدامها ومخدتش بالها ان الاشاره قفلت والمفروض كانت تقف
سيلا.... يانهار اسود ومنيل بنيله عربيتي باظت..ونزلت من عربيتها.. واثناء نزولها..
نزل بدر من عربيته ووشه ما يبشرش بخير ابداااا.
اما سيلا فا كان كل همها ان عربيتها اتخبطت ..
سيلا.. يانهارك اسود يانهارك مش فايت.. عربيتي باظت في حد يقف كده مره واحده.
بدر.😲😲😲
سيلا... انت مبتعرفش تسوق بالزمه ينفع اللي حصل في عربيتي ده..
بدر😲😲😲😲
سيلا.. انا هوديك في داهيه.. انت ساكت ليه..
بدر.. بصلها بغضب.. رجعت سيلا لورا لما حست وانتبهت باللي قالته ومن شكله المخيف بالنسبالها..
بدر.. انتي عبيطه.. انتتي اللي خبطاني علي فكره.
سيلا.. ما هو يعني انت عربيتك محصلهاش حاجه . انا عربيتي اللي اتخبطت.
بدر.. وانا ايه مشكلتي انتي اللي مش منتبهه وشكلك متعلمه السواقه جديد..
سيلت... لا بقولك ايه. مش تبقي غلطان وكمان يعني تقل ادبك..
بدر. بعثبيه.. نعمممم ابقي ايه يا شاطره.. غلطااان.. وايه تقل ادبك دي.. انتي عارفه انا ممكن الوقت اعمل فيكي ايه عاللي بتقوليه ده.
سيلا.. بخوف.. بتحاول تداريه. انت بتهددني.. طب انا مش همشي بقي غير لما البوليس يجي.
طبعا الاشاره كانت فتحت والعربيات ابتدت تشغل الكلكسات وهما لسه بيتخانقو.. جالهم ظابط المرور..
في ايه.. ايه يا انسه.
سيلا.. حضرتك الراجل ده خبطني وبوظلي عربيتي.
بدر. وهو بيضرب كف علي كف.. لا حول ولا قوه الا بالله بردو هتقولي خبط عربيتي انتي حوله يابنتي انتي اللي متنيله علي عينك خبطاني..
سيلا.. .شايف. شايف ياباشا قلت الادب. انا مش هرد عليك عشان حضرت الظابط بس انا مش هيكت غير لما اعملك محضر..
بدر ....بابتسامه.. وانا موافق اوي اوي بس هتقوليلهم ايه خبط عربيته وفانوسي. اتكسر...
الظابط.. ممكن تسكتو شويه بطايقكم..
سيلا.. ايوه. اتفضل حضرتك.. طبعا مش معاك بطاقه وان شالله هتتاخد تحري..
بدر.. يابت هكلك بوكس. اموتك..
سيلا.. شايف ياباشا كمان تهديد بالقتل.
الظابط.. بطاقتك لو سمحت..
طلع بدر بطاقته وكارنيه الشغل بتاعه بكل ثقه..
الظابط.. اتلغبط.. اسف يافندم جدا علي وقفت حضرتك..
سيلا.. افندم وحضرتك واسف في جمله واحده طب ازاي..
اه شكله كده حد مهم وطبعا الواسطه تعمل اكتر من كده.
الظابط بعصبيه.. الزمي حدودك بدل ما اخدك عالقسم حالا شكلك بنت ناس ومش وش بهدله بس هتطولي لسانك هتشوفي وش تاني.. كل ده وبدر واقف ساند علي عربيته بايده الاتنين ومبتسم فرحان فيها..
اولا انتي اللي خبطاه مش هو. يعني حضرت الظابط المفروض هو اللي يقاضيكي الوقت .
سيلا... حضرت الظابط مين🙄
بدر. انا ظابط في الحمايه المدنيه وخبير في قسم المفرقعات.. .
سيلا.. لا لا محضر ايه وبتاع ايه مش مستهله يعني وبعدين. يعني فداك الفانوس بتاع العربيه...
الظابط. اتفضلي بطاقتك..
سيلا شكرا.. اقدر امشي.
الظابط اتفضلي.. اتفضل ياباشا واسفين عالعطله دي.
بدر.. شكرا.. وراح علي عربيته وهو شمتان فيها..
اما سيلا فخدت بطاقتها وهي مش طايقه نفسها وركبت عربيتها وطارت ...وسط ابتسامه النصر اللي بدر كان فيها..
طبعا عرفنا الشخصيات مع بعض.. وجزء بسيط من بدايه روايتنا وجزء ابسط من اول معركه هيدخل فيها ابطالنا مع بعض.. استنوني في البارت التاني لسه اللي جاي.. اقوي😍
#سيلا والنمر
البارت الثاني....
وصلت سيلا الشغل وهي مش طايقه نفسها ودخلت مع مكتبها..
سيلا... هو يوم مش باينله ملامح وطلعلوش شمس
بني ادم سمج بوظلي عربيتي😭😭
يارب عربيتك تعطل يوم اجازه ومتلاقيش حد يصلحهالك
واثناء ماهي بتكلم نفسها باب مكتبها كان بيخبط وهي مش واخده بالها.. وفجأه اتفتح الباب..
سيلا بخضه...ايه في ايه يا عبد الرحمن.
عبد الرحمن .. صحفي زي سيلا تحت التدريب.
عبد الرحمن... سيلا...مستر.. مراد عايزك في مكتبه سأل عليكي كذا مره وشكله متعصب.. ايه اللي اخرك كده
سيلا... ربنا يستر هي نقصاه هو كمان.. واحد غبي خبط عربيتي.
عبد الرحمن.. طب انتي كويسه.
سيلا.. اه تمام...
عبد الرحمن.. طب يلا روحيله احسن هو شايط...
خرجت سيلا من مكتبها وراح علي مكتب مراد.
مراد رئيس تحرير جريده الحدث للاخبار... اللي سيلا بتشتغل فيها محرره صحفيه...
خبطت سيلا عالباب...وفتحت..
سيلا.. بابتسامه.. صباح الخير مستر مراد..
مراد... خير ايه يا سيلا انتي عندم تأخير ساعه انتي مش عارفه احنا مشغوليين اد ايه اليومين دول. البلد مقلوبه وكل شويه كارثه عايزين نصحصح شويه ياسيلا.. انا منكرش انك مشروع صحفيه ممتازه بس متنسيش انك تحت التدريب يا سيلا ولازم تشدي حيلك عشان شغلك اليومين دول بالذات هو اللي هيحدد مصيرك كصحفيه...
سيلا...متقلقش يامستر مراد .ان شاء الله هكون عند حسن ظن حضرتك..
مراد...بتسبيل... انا واثق فيكي ياسيلا انتي كل مره بتفوقي كل توقعاتي..
سيلا لنفسها..ابتدينا.......
احم.. ميرسي لحضرتك يا مستر بجد عالكلام ده.
مراد... لا ده مش كلام ياسيلا .. حقيقي انا عايزك تثبتي نفسك..ودي حاجه مهمه بالنسبالي اوي.
سيلا.. اشمعني..
مراد... عشان انتي تهميني اوي ياسيلا..
سيلا.. احم.. اه.. طيب. ميرسي. انا بس لازم امشي عشان اخلص الشغل.
مراد.. تمشي فين امال انا باعتلك ليه.
سيلا... اه صح.. عبد الرحمن قال ان حضرتك عايزني..
مراد.. ما بلاش حضرتك دي.. وفعلا انا عايزك اعدي.
سيلا.. حاضر واعدت.. خير يامستر.
مراد... الحادثه اللي حصلت امبارح بتاعت الكمين اللي مات فيها نقيب و3عساكر...
سيلا... اه بتاع امبارح الفجر..ماله
مراد... انا عايزك انتي اللي تمسكي الحوار ده.. وعايز بيان صحفي ميخرش الميه..
سيلا... انااا... طيب ده عبد الرحمن اللي ماسكه.
مراد... لا انا عايزك انتي اللي تمسكيه..
سيلا... بس يامستر.. القضيه اللي فاتت بتاعت البنت المخطوفه بردو كان عبد الرحمن ماسكها وحضرتك خدتها منه وادتهالي..وبصراحه انا مش عيزان يزعل او يفكر اني انا السبب في ده
مراد... انا عارف امشي الشغل ازاي ياسيلا. ومتقلقيش انا همسكه حاجه تانيه وانتي عارفه عبد الرحمن مش هيزعل وبعدين ده شغل يعني المفروض ميكنش فيه عواطف وزي ما قولتلك انتي لسه تحت التدريب اه بس ده ميمنعش انك صحفيه شاطره جداااا.
سيلا... بس يا مستر
مراد .. مفيش بس ده قرار.. يلا روحي اشتغلي عالحادثه دي..
سيلا.. تحت امرك يا فندم بعد اذنك..
مراد بابتسامه اتفضلي..
مشيت سيلا عند الباب ولسه هتخرج
مراد... سيلا..
سيلا... ايوه يامستر...
مراد... وراكي حاجه بليل...
سيلا... اشمعني..
مراد.. يعني لو موراكيش حاجه لو تحبي نتعشي سوا..
سيلا... بارتباك.. صراحه انا مش عارفه يا مستر ممكن اقابل البنات صحابي عشان مشفناش بعض بقالنا يومين ولسه مش متأكده ..
مراد.. طيب لو مش هتخرجي معاهم وتحبي نخرج شويه ياريت..
سيلا... احم . حاضر هشوف بعد اذنك..
مراد اتفضلي...
خرجت سيلا وهي بتتنفس.. اووووف امته هيشيلني من دماغه بقي...😡😡
مراد عنده 33سنه. بيحب سيلا او بمعني اصح عايز يتجوز وشايفها مناسبه... ومعجب بيها...اما هي فا مش حباه او بمعني اصح مش رابطها بيه غير شغلها..هي مش شيفاه غير اكتر من انه صاحب الجريده اللي بتشتغل فيها..
راحت سيلا تشتغل عالحادثه اللي حصلت واللي قلبت السوشيال ميديا في خلال ساعات من حدوثها...
وفضلت وقت طويل لحد ما جه معاد مرواحها...
سيلا.... الوووووو.
روكا... الله يخربيت صوتك ايه يا زفته انتي..
سيلا... انتي فين والكلاب التانيين بكلمهم مش بيردو هنتقابل ولا لا..
روكا.. له انا خلصت وكلمتهم من شويه وقالو اوك اكيد بيجهزو..
سيلا تمام انا هقوم خلاص وهروح عالمكان بتاعنا...
روكا.. وانا كمان خارجه من الشغل خلاص..وهروح علي هناك هشوفك هناك يا قلبي..
سيلا.. ماشي يلا بااااي..
خرجت سيلا من المكتب .. ولقت في وشها مراد..
سيلا بخضه.. مستر مراد خير..خضتني.
مراد... اسف مقصدش انا لسه هخبط لقيتك ادامي..
سيلا.. ولا يهمك كان في حاجه...
مراد... هتعملي ايه..
سيلا... بتحاول تتجاهله..في ايه.
مراد... لحقتي نسيتي مش طلبت منك نتعشي سوا..
سيلا... ااااه لا مش هينفع للاسف يامستر مراد... انا رايحه للبنات الوقت.
مراد...ماشي ياستي بس ياريت ...المره الجايه ميبقاش في اعذار..
سيلا.. طبعا طبعا...بعد اذن حضرتك..واختفت بسرعه سيلا من ادامه وسابته واقف لوحده وسط اندهاشه من هروبها الدايم منه ..
وصلت سيلا الكافيه.. لقت ريم.. وسما..
سيلا... بالزمه انتو صحاب افضل اكلمكم متردوش
ريم.. حضنتها قلبي قلبي قلبي الجميل ماله زعلان ليه.
سييلا... مضايقه منكم عشان مشوفتكمش من يومين
ريم... ولله العظيم ابدا بس كنت بحاول اشوف شغل وكنت عايزه اعد شويه مع نفسي يمكن ارسي علي بر..
سيلا . ورسيتي...
ريم... وده سؤال بردو طبعا لا😁😁
سما.. خدتها فحضنها.. سيبك منها تعالي في حضني وحشتيني..
سيلا بزعل.. ماهو باين ولله مخصماكو وانتي كمان بالذات...
كنتي كل شويه تكلميني صحيتي كلتي نمتي خدتي شاور بتعملي ايه..يومين بحالهم متعبرنيش مفيش غير البت روكا اللي بتكلمني..وياريتها بتصحيني وهي ساكته لا لازم تصوت وتزعأ كل شويه فيا...قال ايه عشان رنت بس 11مره عليا..
ريم... لا ملهاش حق بصراحه المفروض تطول بالها شويه... وضربتها علي دماغها ايه يابنتي انتي من اهل الكهف انا عارفه سما اواي بتصبر عليكي..
سما... شوفتي عشان تعرفو قيمتي ياجزم واني مش بزهق منكم زي ست روكا...
جت روكا من وراهم.. ملها بقي روكا ياست سما..
سيلا.. روكتي حبيبتي وحشتيني وحضنتها...
وريم حضنتها.. وسما ولله مش قصدي ده هي اللي كانت لسه بتقول انك مش بتستحملي تصحيها...
سيلا بتهز دماغها بالرفض. لا لا نش صح دي بتكدب..
روكا.. يانهارك اسود ومنيل انا يابت مليش خلق.. 11مره يا سيلا اكلمك متصحيش نعم هفضل اليوم كله سايبه اللي ورايا واتصل بجنابك..
سيلا.. وفيها ايه يعني مش احنا صحاب..
روكا... انتي جايه عليا بخساره...اصلا.
سيلا.. مصطنعه الزعل.. انا طب خلاص مش عيزاكي تصحيني تاني.. انا مليش غير سلمي حبيبتي .
سما..😘
روكا... احسن بردو اشبعو ببعض يا اختي..
سما... هو احنا مش هناكل بقي انا هموت من الجوع..
ريم.. علي طول همك علي بطنك كده...
سما... امال هيكون همي علي ايه
روكا... عالمزز اللي فالمكان ياروحي مش شايفه القمرات اللي هناك دول..
ريم... اه والله ياروكا.. من قبل ما تيجو بحاول اقنعها نروح نشقطهم وهي مش موافقه حاسه اني اعده مع والدتي..
سما... انتو الاتنين اصلا متربتوش
روكا... سيبنالك انتي التربيه ياروحي.. بت ياسيلا شوفتي المزز دول..
سيلا... بقولك ايه انا لا شوفت ولا عايزه اشوف خلوني في مصيبتي..
روكا... مالك مصيبت ايه..
سيلا... عربيتي اتخبطت الفانوس اللي ادام اتكسر وعربيتي مبقلهاش شهر 😭😭😭😭😭
سما... ايه ده بجد اتخبطت ازاي طب انتي فيكي حاجه. انتي كويسه..
ريم.. ما بلاش اوڤر بقي نا هي اعده ادامك زي القرده اهي..
سيلا.. ضربتها علي كتفها.. قرده في عينك...
لا يا سمسمه... انا كويسه..
روكا...اتخبطت ازاي
سيلا... واحد غبي دخل فيا...
روكا... ليه الفبي ده كان جاي عكس ولا ايه...
سيلا.. بكل غباء.. لا عكس ايه ده كان ادامي🙄
روكا... نعم ادامك وخبطك ازاي...
سيلا.. لا ما هو انا مسكتلوش... انا بهدلته والظابط بتاع المرور جه... وكان هيعمل محضر بس عو كمان طلع ظابط في الحمايه المدنيه...😭😭😭 وظابط المرور سابه.. ماهم بيدافعو عن بعض..
روكا.... الله يخربيتك ده كويس انه معملكيش محضر
سيلا .. ويعملي محضر ليه هو عربيته اللي باظت ولا عربيتي.
ريم.. سيلا حبيبتي بلاش غباء والنبي.. انتي اللي خابطه للراجل عربيته مش هو يامدهوله.
سيلا... ولو عربيته محصلهاش حاجه
روكا... حد يشيل البت دي من جمبي بدل ما اقتلها..
سيلا...😒😒😒😒ليه
سما... يا سيلا ياحبيتي انتي اللي خابطه الراجل انتي اللي كنتي وراه يعني انتي اللي غلطانه..مش هو واحمدي ربنا ان عربيته فعلا محصلهاش حاجه..كان زمانك دخلتي في سين وجيم دي عربيت ظابط كمان..
سيلا.. وايه يعني عربيت ظابط😒
روكا... لا مش قادره.. شيلوها من جمبي..
ريم.. بضحك... خلاص خلاص.. والنبي رياروكا انتي اول مره تشوفي سيلا وهي غبيه..
روكا... لا دي بتحاول تقنعنا كمان وشايفه انها مش غلطانه.
ريم... خلاص بقي والنبي هي هتعقل.
سيلا.. انتو مش صحاب علي فكره.
روكا... اه احنا مش صحاب احنا وحشيين.
سما.. بت انتي وهي.. مالكم ومالها ملكوش دعوه بسيلا حبيبتي ..
سيلا حضنتها..
ريم... دلعي يا اختي فيها..
سما.. ايوه طبعا ادلع براحتي وعلي فكره بقي هي مش غلطانه..
سيلا.. شوفتو..
ريم وروكا... نعممممم.
سما بضحك .. سيلا انا بهزر علي فكره انتي اللي غلطتي ولازم تاخدي بالك كويس انك مخبطيهوش وهو ماشي علي رجله ولا حتي عربيته حصلها حاجه...لو هو جاي عكس كان هيبقي غلطان لاكن ده هو واقف في اشاره وانتي اللي خبطاله عربيته..
سيلا... 😔😔😔طيب خلاص انا جعانه..
روكا.. بت ياسيلا..
سيلا.. عايزه ايه😡
روكا... المهم المز اللي خبطيه حلو
سيلا... لسما... شايفه قلت ادبها انا في ايه ولا ايه..
روكا... مش اعرف يستاهل ولا لا..
سيلا..🙄🙄🙄🙄هو مز بصراحه وعامل زي الجته
روكا... يالهوي وبدل ما تشقطيه تتخانقي معاه..
ريم... فقريه..
سما.. ما تبطلو قلت ادب بقي..
روما .. بس يا مؤدبه..
سما.. حاضر.
سيلا.. هو انا بعرف اشقط ولا اتنيل انا اتلهيت في العربيه..بس بصراحه لو في ظروف غير دي كنت شقطه.
سما.. ياخساره تربيتي فيها..
ريم... ابله نظيره بقولك ايه اهدي عالبت خليها تتعلم حاجه مفيده في حياتها.
سما.. مش كفايه انتو الاتنين فلتو من تحت ايدي.
روكا.. بت انتي
سما.. خلاص اتنيلت سكت..
سيلا.. بقولكم ايه. سيبكم من المز بقي اهو راح لحاله المهم. انا عايزه اخلص من حوار مراد ده مش عارفه اعمل معاه ايه.
روكا.. هو لسه بيرسم..
سيلا.. ايوه يا اختي.. وكان عازمني عالعشا كمان واتحججت بيكم.
ريم.. هو مبيزهقش.
سيلا.. واضح كده.
روكا... والنبي انتي وش فقر ياسيلا ده مراد ده مزز هو صحيح ماشي يحب علي نفسه بس ولله حلو. ماتجربي ياسيلا.
سيلا.. اجرب ايه وهباب ايه. اولا ده اكبر مني ب12 سنه ثانيا سمج كده.. وانا مش شيفاه غير رئيس الجريده وبس..
سما.... خلاص قوليلو وريحي نفسك..
سيلا..ما المشكله انه مش قالها صريحه..
روكا.. امال قرفانه ليه يابوز الاخص.
سيلا... يابنتي هو كل تلميحاته غريبه واسلوبه وكلامه يعني حاسه ان في حاجه غريبه انا مش بالنسباله مجرد صحفيه بتشتغل معاه فالجريده..
ريم... لا وانتي ماشاء الله حساسه اوي
سيلا.. بلاش انتي هه..
روكا... بقولكو ايه يلا نطلب الاكل انا هموت من الجوع من الصبح عالقهوه والسجاير..
سما.. ارحمي صدرك شويه هتبقي مدمنه..
روكا... هبقي مدمنه ليه بشرب حشيش وبعدين ماله صدري ماهو عسل اهو..
ريم.🤣🤣🤣🤣
سيلا🤣🤣🤣🤣🤣
سما 😡😡😡 يخربيت قلت ادبك..
فضلو يضحكو البنات وياكلو مع بعض لحد ما الوقت اتأخر وكل واحد راح بيته...
اما عند بطلنا....
فا كان عكس سيلا خالص..ولا اهتم بالموضوع ولا حتي افتكره بينه وبين نفسه وكان بالنسباله مجرد موقف وعدي صحيح مأنكرش انه كان مبسوط انه انتصر عليها بعد طولت لسانها بس مداش الموضوع اكبر من حجمه موقف وعدي خصوصا ان عربيته محصلهاش حاجه......
بدر..... رفع تليفون مكتبه...الووو .. مهاب تعالالي عالمكتب..
مهاب... حاضر دقيقه واكون ادامك..
قفل بدر وثواني وكان مهاب بيخبط وبيدخل..
مهاب... ايه في حاجه..
بدر... لا مفيش بس خلصت شغل قولت اشوفك بتعمل ايه .
مهاب.. ولا حاجه.. انا كمان خلصت ومنت بفكر اروح تعبان اوي..
بدر.. انا كمان مش قادر... هشرب القهوه واقوم..
ورن تليفون مكتب بدر...
بدر.. ايوه يافندم...
............
بدر... ايوه موجود واعد معايا فالمكتب
...........
بدر..... تمام يا افندم حالا هنكون فالموقع سلام..
مهاب.. ايه في ايه موقع ايه...
بدر... قريت فيها يا بوز الاخس عايز تروح وترتاح بينها مفيهاش راحه.
مهاب... ليييييه.
بدر... سياده اللواء بيبلغني ان جالهم بلاغ . ان في ڤيلا في منطقه...ال......... فيها حاجه مريبه ورجاله داخله خارجه بصناديق خشب ولما ركزو معاهم شويه اتضح ان الصناديق دي فيها اسلحه وقنابل تقريبا بيجهزو لعمليه ارهابيه...
مهاب... طبعا انا مش معاك
بدر... وحيات امك . مانت سامع لسه بيسأل عليك..
مهاب.. وربنا حرام ..
بدر... اخلص يا حيلتها.. هنتحرك معانا قوه الوقت...
مهاب... يلا ياعم خلينا نخلص اليوم اللي مش فايت ده
بدر.... اخلص...
خرج بدر ومهاب للڤيلا اللي تم التبليغ عنها..ومعاهم قوه كبيره..
وعدي وقت بسيط كانت الساعه حوالي الساعه 1بليل...
وصل بدر ومهاب والقوه..اللي معاهم المكان.. وعشان بدر ليه نصيب يشوف سيلا تاني...كانت الصدفه ان ڤيلت سيلا جمب اللڤيلا اللي اتبلغ عنها...
وفنفس الوقت كانت وصلت سيلا الڤيلا بتاعتها...ولسه هتطلع تاخد شاور وتغير وتنام سمعت ضرب نار...
وفاللحظه دي... كان بدر ومهاب والقوه اللي معاهم اقتحمو الڤيلا وابتدا الرجاله الارهابيين اللي جوه يتبادلو ضرب النار مع بدر ومهاب والقوه اللي معاهم...
فاللحظه دي سيلا.. استغلت مهنتها... ومسكت الكاميرا بتاعتها ونزلت براحه من الڤيلا.. وفضلت ماشيه علي صوت ضرب النار...وصلت من باب خلفي.. يدخل علي الجنينه.. واول ما وصلت كان في ساحه من الحرب . وعلي اد ما سيلا تبان جبانه بس اي حاجه فيها شغل بتنزل تجري عليها..وطبعا المرادي الشغل جالها لحد عندها...وقفت ورا الشجره... وسط الضرب وهي بتصور....ومره واحده الضرب زاد...
بدر... في اللاسلكي... اقتحمو مفيش اي قنابل مزروعه...
ابتدو القوات تقتحم عليهم والضرب شغال...
اما سيلا.. فجت طلقه قريبه من مكانها فصوتت.
وفاللحظه دي سمعها مهاب وشاف مكانها..
مهاب...بدر.. الحق في بنت واقفه هناك...
بدر... بنت وايه اللي هيجبها هنا دي...هي فين
مهاب.... هناك ورا الشجره..
بدر. بص لقاها واقفه بس من الضلمه مكنش شايفها كويس...
بدر... مهاب غطي ضهري.. انا هروحلها بسرعه..
مهاب . تمام خلي بالك..
جري بدر عليها ومهاب مغطي ضهره...
وسيلا .. حاطه ايدها علي ودنها ومغطيه عنيها...ومش راضيه تسيب الماميرا من ايدها..
بدر وصل لحد عندها واول ما مسكها من ايدها صرخت من الخوف ومكنتش لسه شافته..
فاللحظه دي انتبه كذا واحد من الرجاله الارهابيه وبقو يصوبو عليهم الضرب...مسكها بدر وخلاها في ضهره اما هي فا مسكت فيه لما شافت البدله اطمنت انه من الشرطه وبردو مكنتش شايفه وشه من الخوف والتوتر...
فضل بدر ومهاب يضربو... بسرعه لحد ما وقعو كذا واحد منهم.. ومره واحده جت رصاصه في ايد بدر ...
اتألم بدر..
صوتت سيلا اول ما شافته خد طلقه.
مهاب.. انت كويس..
بدر... اه طلقه في ايدي ركز يامهاب..
بدر مهتمش وبسرعه رجع يضرب من تاني وكأن مفيش خاجه حصلت..وطبعا مهاب متعود...زيه فا كمل معاه.. اما هي فا كانت مزهوله ازاي خد طلقه ومكمل..
ثواني والدنيا هديت القوات مسكت باقي الرجاله.. وخرجو بيهم...
اما بدر.. فا نزل المسدس هو ومهاب..
مهاب. بيمسح العرق.. الحمد لله كنا هنموت..
فاللحظه دي لف بدر.. لسيلا انتي مين..
واول ما شاف وشها... انتييي
سيلا بزهول .. انت
مهاب... انتو تعرفو بعض.
بدر.... الله يخربيتك كنتي هتموتينا هو يوم مطلعلوش شمس من ساعت ما اصطبحت بوشك الصبح..
سيلا.. لا بقولك ايه اتكلم كويس من فضلك انت اللي غلطت الصبح مش انا والمفروض انا اللي اقول كده مش انت..
بدر... انتي تاني لسه شايفه نفيك مش غلطانه..
طب الصبح وقولت ماشي هعديها عيله وغلطت وعربيتي محصلهاش حاجه..
طب الوقت هقول ايه.. ايه اللي جايبك الڤيلا هنا انتي شغاله مع الارهابيين يابت.
سيلا... بت .. ايه بت دي.. لا من فضلك اتكلم كويس... وبعدين انا مش شغاله ولا حاجه...انا اصلا صحفيه
بدر... صحفييييييه كمان.. ولحقتي عرفتي الخبر طب ده محدش يعرف بالعمليه دي ايه اللواء مثلا كلمك انتي كمان..
سيلا.. ولله انا بشوف شغلي ومحدش قاللي اصلا انا جيت لوحدي...
بدر .. لمهاب.. من يومي وانا مبكرهش اي مهنه فالدنيا اد مهنه الصحافه..
سيلا... لا بقولك ايه متشتمش المهنه بعد اذنك.. وبعدين ملهم الصحفييين..
بدر.. حشرييين ورخمين وبيدخلو دماغهم في كل كبيره وصغيره..
سيلا.. بتقف علي طراطيف صوابعها من العصبيه عشان تحاول توصله..
بدر.. وبعدين صحفيه ايه .. انتي عيله لسه صغيره ولله ما اديكي اعدادي...
سيلا.. لا بقولك ايه انا سكتلك كتير الصبح تبوظ عربيتي والوقت تبوظ السبق الصحفي الفظيييع اللي كنت هعمله..
بدر بيتك علي سنانه وبيكور قبضه ايده.. يابت انا لو ضربتك قلم هتقعي ميته..
سيلا.. ليه ان شاء الله صرصار..
مهاب... بسسسسسس في ايه. ممكن افهم .
فاللحظه دي بدر ابتدي يحس بدوخه من اثر الرصاصه .. ومره واحده وقع اغم عليه...
مهاب... مسك اللاسيلكي...
النمر اتصاب.. اسعاف بسرعه..
سيلا... هو مات😲😲😲
مهاب... لا بقولك ايه اتخانقو وموتو بعض كمان لاكن الملافظ حلوه ..
سيلا.. يعني ايه🙄
مهاب بغيظ من غبائها..😡😡يعني مفيش حاجه اتصاب في كتفه مممن تسكتي بقي..
ودخلت الاسعاف وابتدا مهاب يشيله معاهم وخرجوه بسرعه... علي العربيه...
مهاب... اتفضلي لو سمحت يا انسه لتزم تيجي معانا نعرف جيتي هنا ازاي.. وبيلف ورا....
كانت سيلا اتبخرت وهربت..علي ڤيلتها...
قلب مهاب المكان عليها.. وكأنها فص ملح وداااااااب😍😍😍😍ياريت تفاعل واستنوني ياحلوييين في بارت اقوي😍
البارت الثالث...
مهاب... اتفضلي لو سمحت يا انسه لازم تيجي معانا نعرف جيتي هنا ازاي.. وبيلف ورا....
كانت سيلا اتبخرت وهربت..علي ڤيلتها...
قلب مهاب المكان عليها.. وكأنها فص ملح وداااااااب..
مهاب فقد الامل .. وركب مع بدر عربيه الإسعاف..
وبعد مده بسيطه وصلت عربيه الإسعاف للمستشفي...
وجريو بيه علي غرفه العمليات ومهاب وراهم..
دخل بدر غرفه العملبات فضل مهاب بره...واتصل بعامر...
عاامر.. الوووو ياباشا فينك..
مهاب... ايه ياعامر.. فاضي..
عامر... ايه يالا مال صوتك اه صاحي..
مهاب... بدر اتصاب. واحنا فالمستشفي الوقت..وهو في اوضه العمليات..
عامر.... ايه. بتقول ايه..واتصاب ازاي.. اصلا ده كلمني وقال هيروح.
مهاب... ياعم اهدي بس. احنا فعلا كنا مروحين بس الواء علي اخر لحظه قبل مانمشي كلفنا بعمليه عالسريع كده..
عامر... طب هو كويس.. طيب انتو فين..
مهاب...متقلقش ولله هو كويس.. اتصاب بطلقه فكتفه هما بيطلع هاله الوقت متقلقش.
انا كلمتك بس عشان لو مكنتش كلمتك مكنتش هخلص من لسانك انت وچووو..(يوسف)
عامر... طب كنت اعملها.. انا هغير هدومي وحالا هكون عندك.
مهاب... كلم چو انت بقي احسن انا مش شايف ادامه...
عامر... طيب تمام اقفل هكلمه وهشوفه فين. هنجيلكم حالا...
مهاب... طيب تمام يلا سلام...
عامر.. سلام....
قفل مهاب... واتصل بناهد والده بدر... عشان متقلقش لان بدر المفروض كان مروح ومروحش وقافل موبايله..
مهااااب... الووووو..
ناهد.... بلهفه.مهاب .. انتو فين بكلمكم من بدري مش بتردو... انتو بخير بدر كويس هو فين..
مهاب... ايه يا نوني بس اهدي كده مفيش حاجه ولله مالك قلقانه كده ليه ..
ناهد... مهاب.. فين بدر... جراله حاجه..
مهاب... يعني يا نوني هيبقي جراله حاجه وبدلعك كده عادي .
ناهد... امال فيه ايه هو فين..
مهاب... بصي اهدي كده.. ولله مفيش حاجه.. كل الحكاپه ان سياده اللواء.. قبل ما نمشي... كلفنا بمأموريه سريعه كده..و. و..
ناهد.. ماطنطق يا مهاب..
مهاب.. هو اتصاب..
ناهد... يا مصيبتي انت بتقول ايه... ولتقولي مفيش حاجه
مهاب...يانوني اهدي.. ولله طلقه في كتفه..مفيهوش حاجه وحشه ولله اصلا هو اتصاب والعمليه بتخلص جبناه عالمستشفي وجينا علي طول يعني كويس مفيهوش حاجه...
ناهد... الله يخربيت الحمايه المدنيه. عاليوم اللي دخلها فيه... كل شغله قنابل ورصاص والغام..
مهاب... اسطوانت كل مره يانوني شايفه اهي اشتغلت ما خلاص بقي الله بقولك حاجه بسيطه خربوش يعني..
ناهد.. ما صح لازم تقول كده مانت جسمك نحس انت وصاحبك..
مهاب . يا ربييييي تصدقي اني عيل اني كلمتك يانوني المفروض كنت سبت تليفوني مقفول وفضلتي قلقانه كده كده...
ناهد... كمان عايز تقلقني طب لما اشوفك يا مهاب.. انت وابني اللي معرفتش اربيه..
ناهد... هو انتي ليه يانوني محسساني انك قفشتينا في وضع وحش.. دي خدمه الوطن يانوني وربنا😭
يلا اقفلي بقي اما اروح اشوفه.
ناهد... انا جايلكم حالا..
مهاب.. لا خليكيى الوقت متأخر انا كلمتك بس عشان متقلقيش ويارتني مكلمتك..
ناهد..بتقول ايه ياولد..
مهاب... انا اقدر يانوني بقولك مستنييك..
ناهد... طب اقفل يلا بلاش رغي.
مهاب.. انا اللي برغي😲
ناهد.. سلام
مهاب.. سلام😡
ناهد.. مامت بدر... تعتبر كل حاجه ليه هو وصحابه.. هي بالنسبالهم الام والصاحبه.. طيبه وحنينه جدااا بتحب تشاكل فيهم وترخم عليهم بس هي بتحبهم جدا ومصحباهم جدا ديما تقول انا عندي اربع اولاد.. مش واحد..هما بيحبوها جداااا ويمكن يكونو علاقتهم اقوي بيها عن امهاتهم ...دمها خفيف وبتحب الهزار.. راقيه جدااا بتحب تتعامل معاهم كأنها من سنهم مبتحبش تعيش دور انها طنط او انها ام صاحبهم ...بس وقت الجد بتكون دماغها كبيره بيحبو يستشيروها في امور خاصه بيهم...بمعني اصح هي بالنسبالهم كل حاجه.. وليها دور كبير في روايتنا....
اما عامر فا قفل مع مهاب..واتصل بيوسف..
عامرر... الوووو ياچو...انت نايم.
يوسف... لا كنت لسه هنام..
عامر... طيب انا رايح لبدر ومهاب المستشفي.
يوسف.. اتنطر من السرير.. ايه ليه مالهم .
عامر.. اهدي مفيش حاجه.. مهاب طمني هو كويس. بس بدر اتصاب في كتفه ..
يوسف.. كتفه بس مفيهوش حاجه تانيه.
عامر...لا ولله مفيه ش حاجه..
يوسف... طيب انا هلبس بسرعه ..
عامر... اعدي عليك ولا تروح لوحدك
يوسف... لا عدي عليا... انا علبس بسرعه..
عامر... تمام يلا سلام...
يوسف... سلام...
بعد مده مش طويله...خرج بدر من غرفه العمليات.. جري عليه مهاب...وسأل الدكتور...
مهاب.. خير يادكتور..
الدكتور... خير متقلقش.. طلقه واتشالت بسيطه يعني.وكمل بأبتسامه وبعدين هي اول مره..
مهاب... علي رأيك.. بس المهم هو تمام.
الدكتور.. تمام ولله.. الطلقه كانت سطحيه متقلقش..
مهاب... شكرا يادكتور محمد تعبناك ...
محمد.. بضحك.. انا خدت علي كده رينا معاكم يارب..
مهاب... يارب..
مشي الدكتور وثواني وجه عامر ويوسف..
عامر.. ليوسف.. مهاب هناك اهو...
راحو لمهاب.. عامر.. ايه يامهاب.. بدر كويس..
مهاب.. اه خرج خلاص..الحمد لله الدكتور بيقول الجرح سطحي.. دخلوه الاوضه جوه بيظبطوه وهندخله..
يوسف.. الحمد لله.. انت كويس..
مهاب.. اه الحمد لله بخير..
يوسف.. انت. مش كنتو مخلصين وهتروحو..
مهاب... كا قبل ما نمشي اتكلفنا بعمليه سريعه.. بس خلصت الحمد لله.
خرج.. الممرضين والدكتور المباشر من غرفه بدر..
الدكتور.. خلاص كله تمام لو حابين تدخلو تطمنو عليه اتفضلوو هو فايق وبخير.
عامر.. شكرا..
دخل مهاب وعامر ويوسف...
مهاب... حمد لله عالسلامه يانمر..
عامر... راح لبدر وباسه من دماغه.. ايه يا صاحبي عامل ايه الوقت..
بدر..الحمد لله بخير...
يوسف... بس انت شكلك تعبان وراح عليه.. واعد جمبه عالسرير وخبطه في كتفه..
بدر... ااااه الله يخربيتك ياشيخ..
بدر..الله يخربيتك يامهاب انت قولتله ليه...
عامر.. طب خليه كده مكنش قال..
مهاب.. اهو شوفت كانو هينفخوني..
يوسف... انت كويس ياقلبي..ايه اللي بيوجعك بس قولي.
بدر.. ما تنشفي ياسوسو ..
عامر .. بضحك....هتفوقه ياچو واحنا مبنصدق نشوفه نايم مره..عشان ناخد حقنا منه..
بدر... وحيات امك انت فاكر ان الخربوش ده هينيمني.. ولله ولا يأثر.
يوسف... خمسه عليك با روحي.. متقولش كده بقي احسن تتحسد..
بدر... انت ياض متأكد انك تمام...ماتيجي اكشف عليك..
عامر. ومهاب مش عارفين يمسكو نفسهم من الضحك..
واتقلبت اوضت بدر لضحك وهزار وصوتهم كان جايب المستشفي.. وثواني.. واتفتح الباب.. وهما سكتو مره واحده..
ناهد... ولله كنت متأكده انكم هنا من صوتكم انتو قلبتو المستشفي لحفله..
عامر... صلي عالنبي يانوني مالك داخله فينا كده..بنضحك ابنك🙄
ناهد.. ابني ايه وزفت ايه ماهو زي القرد اهو. فالحين بس تقلقوني وهو مفيهوش حاجه..الله يخربيت اليوم اللي دخل فيه حمايه مدنيه جت فوق دماغي..
مهاب.. يا ختييييي تاني يانوني انتي مبتزهقيش..
ضربته ناهد علي كتفه اسكت يا ولد ما انت زيك زيه انا عارفه حبيتو فيها ايه عشان تدخلوها..
بدر... بصوت واطي لعامر منك لله فتحتها اهو دور عاللي هيقفلها تاني..... وقام معلي صوته.. جرا ايه يانوني ده بدل ما تطمني عليا وتقوليلي سلامتك...
ناهد... منك لله ضيعت عليا المسلسل التركي زمانه بدل.
يوسف... نوني سؤال صغير ..
ناهد... اسأل هي جت عليك...
يوسف... شكرا لكرمك.. وقرب منها وحط ايده علي كتفها بحب...
بزمتك يانوني انتي متأكده ان الواد ده ابنك..
ناهد... بنبره تضحك.. تصدق يا چووو سعات بشك🤭🤭🤭
بدر...بتلعبي بديلك يانوني . ماشي..
وفضلو يضحكو ويهزر. مع ناهد وعلي يوسف وبدر.. كانت وقت جميل كأنهم اعدين فالبيت ونسيو انهم فالمستشفي..ونسيو ان بدر متصاب...
عامر.. صحيح.. ايه حوار العمليه دي يابدر..
بدر... ولا حوار ولا حاجه.. جه بلاغ ان في ڤيلا فيها حاجه مريبه بتحصل رجاله كتير داخله خارجه عربيات نقل وحمولات في صناديق.. واللي بلغ جيرانهم في ڤيلا جمبهم. لما فضلو يراقبوهم شويه شافو الصناديق.. وبعد ما بلغو الداخليه حطاهم تحت عيونهم واتضح ان الصناديق مليان اسلحه وقنابل واكتشو انها خليه ارهابيه وتقريبا كانو بيحضرو لعمليه او حاجه او مجرد تجهيز ..
وفضل بدر يحكيلهم كل حاجه..لحظ ما وقف عند نقطه سيلا.. بس ياسيدي...المهم يامهاب صحيح.. البت سلمتها بأيدك..
مهاب......🙄🙄🙄🙄
بدر... مهاااب انت ياعم.. بكلمك سلمت البت..
مهاب. هه.. بت .. ااااا بت مين..
بدر.. نعممم بت مين البت الصحفيه..
مهاب... انا لا ماهو ..
بدر.. قام اعد عالسرير..انطق انت سيبتها 😡😡😡
مهاب.. اهدي كده بس ومتحمرليش في عنيك انا ولله ما سبتها بس يعني ..
بدر.. انجززز.
مهاب . هي هربت😁😁😁
بدر...نعم يا حيلتها هربت.. منك ومالك فاشخ بوئك كده ليه.. انت عارف انت عامل ايه..
مهاب... بقولك ايه اهدي كده. انا معملتش حاجه اولا البت شكلها فعلا مش معاهم دي صغيره وميبنش عليها وبعدين قالتلك صحفيه واحنا شفناها مستخبيه وبتصور.. يعني مش معاهم..
بدر... تأب وتغطس تجبلي البت دي مليش فيه.. وبعيدا بقي عن العمليه البت دي لو مجتش هتصرف معاك..
مهاب.. ياعم انت عندك تار معاها انت مش ناسي اللي عملته فبك ما انت عربيتك سليمه...
بدر.. ملكش فيه لردو تجيلي..
انا عامر ويوسف وناهد كانو اعدين يبصو عليهم ومش فاهمين حاجه..
عامر ...ايه اهدو كده في ايه.. وتار ابه انت تعرفها قبل كده..
مهاب... الصبح وهو جاي عالشغل.. خبطته بالعربيه.واتخانقو شويه ومشيو...
عامر... طب بدر عنده حق.. تفتكر يعني دي مجرد صدفه.
يوسف.. ولله يمكن بس فعلا لو كانت فضلت كنتو عالاقل تعرفو هي اواي جت المكان ده...
بدر... قوله والنبي...
مهاب ياجماعه ولله كانت واقفه جمبي.. بس اول ما بدر فقد وعيه اتلهيت فيه وعلي بال نا شيلته انا وبتوع الاسعاف بتدور ملقتهاش..قلبت عليها الدنيا انا والرجاله بس اختفت..
بدر. واختفت ليه.. عشان عي معاهم ما لو هي صحفيه ايه اللي كان هيهربها...
مهاب.. ولله ما معاهم انا متأكد ..
ناهد.. ما خلاص ياواد انت بقي ما قالك شكلها مش معاهم وبعدين انت. مش قبضتو علي الاساسين خلاص..
بدر... بردو لازم اجيبها.
ناهد... والنبي لو اشوف مين البنت دي اللي ضايقتك دي والله اروح ابوسها..
بدر... مش بقولكم.. شكلها لقتني فالشارع..
رجعو يضحكو تاني....ويهزرو مع بعض...
فات كذا يوم .. كانت سيلا حكت لاصحابها بردو علي اللي حصل...
.......
وبدر.. خرج تاني يوم من المستشفي مرضيش يأعد صحابه فضلو رايحين جايين عليه فالبيت...والجو العام مكنش بيخلي من الهزار والضحك...
اما بدر... فاحاول يعرف اي حاجه عن سيلا وللاسف معرفش يوصل خالص...وكأنها فص ملح وداب...
فات اسبوع.. وبدر.. شال الحوار من دماغه خالص...ونزل شغله تاني..........
............
مراد.....براڤو ياسيلا.. تقرير ممتاز اشتغلتي علي قضيه الكمين صح...وغير كده كمان القضيه اللي جت في طريقك جمب الڤيلا بتاعتك...ومن حظنا ان احنا كنا او جريده تكتب..عن الخليه الارهابيه دي...
سيلا... ميرسي بجد يامستر مراد.. ده كتير عليا بس حضرتك عملت اللي طلبته منك...
مراد... ايوه زي ما طلبتي متقلقيش مكتبتش اسمك عالتحرير بتاع الخبر اكتفيت بس ب س..ا......
سيلا... ميرسي يامستر...
مراد... مش ناويه بقي ترضي عني...
سيلا... بتصنع عدم الفهم.. ياخبر يا مستر ليه بتقول كده بس...
مراد.. يعني مش عارفه عايز ايه..
سيلا.. احم.. لا الحقيقه مش واخده بالي..
مراد... سيلاااا...
سيلا... فعلا مش مش عارفه حضرتك عايز ايه.. الاسبوع اللي فات كنت مشغوله طول الوقت وتقريبا مش بنام.. وشغاله علي قضيتين. فا اعذرني مش مركزه...
مراد... ماشي يا سيلا.. مش ناويه بقي نتعشا بره مع بعض انا كنت عايز اتكلم معاكي. في موضوع..
سيلا... طب اتفضل يا مستر انا سامعه حضرتك...
مراد... يا دي حضرتك...دي... الموضوع اللي عايزك فيه مينفعش هنا يا سيلا ولا انتي مش حابه تخرجي معايا..
سيلا... لا طبعا ازاي تقول كده.. بس يعني مممن تديني يومين انا يعني لسه مخلصه القضيتين دول وعايزه افصل حبه..وهظبط يوم وهقول لحضرتك...
مراد... ماشي يا ستي هستناكي... وخدي اليومين دول اجازه افصلي فيهم براحتك ياستي.. كده كده انتي مخلصه شغلك....
سيلا...بفرح.. ميرسي لحضرتك يامستر مراد...
مراد... ممكن بعد اذنك بلاش حضرتك دي..
سيلا... ماشي يامستر....بعد اذنك..
مراد.. اتفضلي.....
مشيت سيلا .ركبت عربيتها وراحت لروكا...
سيلا.. مفجأه...
روكا... يخربيتكم وحشتونيييييي..
سيلا.. ايه رأيك بقي.. عديت جبتهم وجينا ناعد معاكي شويه..
روكا.. دي احلي مفجأه وحشتوني ياجزم..
ريم... وانتي روكتي يا جميله...
سما.. وانتو كلكم وحشتوني اوي..
روكا.. تعالو ادخلو...
سيلا بقولكم ايه بصو بقي انا واخده اجازه يومين مليش دعوه... عايزه اخرج
روكا... بجد...لا نخرج ايه احنا نسافر يومين كده ندلع نفسنا..ونشوف مزز مزز يا ناس.
ريم... الله انا موافقه جداااا خصوصا عالمزز.
ضربتها.. سما. علي راسها...اتلمي
روكا... وتتلم ليه يا ست سما سيبي البت تعيش حياتها.
سما... حياتها ايه وزفت ايه..كل همكم المزز.
سيلا... اخلصو بقي مزز ولا سفر اي حاجه بقي. المهم هنسافر فين...
روكا... شرم طبعا. هو في غيرها..وانا حالا هحجزلكم تذاكر الطيران..
سيلا.. لا طيران ايه.. انا عايزه اسافر بالعربيه..
روكا... يابنتي دي وقت طويل اوي مش هنقدر كل ده .
سيلا... هنبدل السواقه ياقلبي. وكمان نسافر بعربيه واحده مش كل واحد بعربيته.
ريم... انا موافقه انا بحب السفر عالطريق✋
روكا.. خلاص لو حابين معنديش مانع مع انه هيبقي تعب الله يخربيت سنينكم..
سيلا.. ولله ولا تعب ولا حاجه وبعدين اول ما نوصل المزز هتفوقنا من التعب🤣
سما... حتي انتي ياسيلا.
روكا... جدعه يابت يا سيلا تربيتي.
سما.. منكم لله خرجتو انتو من تحت ايدي وبتأثرو علي البت اللي بربي فيها..
ريم... سمسمه مامي الحلوه الجميله مش وقتك خالص يا ابله نظيره والنبي احنا عايزين يومين نفك بقي الواحد تعب خلاص...
سما.. فكي من غير مزز.
روما... ودي تبقي فاكه بردو يا سمسمه.
سما.. مفيش فايده🙈
سيلا... هتعملو ايه...
ريم.. انا اشطه...
روكا.. وانا قشطه طبعا انا صاحبه الفكره
سما انا مش عارفه يعني قصدي مش عايزه اسيب مامي لوحدها
روكا... بت انتي موعصبنيش عليكي امك نفسها لو قولتلها مش هتمانع دي مهتصدق تخلص منك وتخرجي..بقيتي بروطه واعده ديما اخرجي وسافري يمكن تلاقي واد حليوه كده ومز وامك ساعتها هتتبسط انها خلصت من ابله نظيره اللي عايشه معاها..
سما.. بتصنع الزعل.. اخس عليكي ياروكا. انا ابله نظيره😔
ريم... لا يا سمسمتي انتي جميله وخدتها في حضنها.. ومره واحده نطرتها بت انتي قولتي ايه..
سما.. الله يخربيتك خضتيني صحيح قلابه😡
سيلا.. عشان خاطري وافقي بقي ياسمسمه دول يومين بالظبط..هنغير جو فيهم ونرجع...
سما... 🙄🙄🙄🙄🙄🙄ياساتر عليكم... موافقه.
سيلا..وروكا.. ريم... هاااااااي..وحضنو سما.
سيلا.. طيب هنسافر امته .
روكا... الساعه الوقت 8 يلا قومو روحو حضرو شنطكم وظبطو الدنيا وانا هعدي عليكم علي الساعه 12 كده ونسافر عشان نلحق اليوم من اوله
سما.. يوم ايه اللي نلحقه من اوله احنا هنوصل علي الضهر..ما طيران احسن.
سيلا.. عادي بردو من اوله..وبعدين بلاش طيران والنبي.
ريم.. انا نفسي افهم يابنتي انتي طول حياتك رايحه جايه بين مصر وانجلترا نفسي اعرف بتخافي ليه من الطيران.
سيلا.. مانا بكون مضطره وبعدين انا لو كنت لقيت طريقه اسافر بيها بالعربيه كنت سافرت.. انا بجد بخاف منها جدا..
روكا... خلاص يابنات بقي متضيعوش وقت.. يلا قومو .. وانا هطلع اجهز شنطتي بسرعه.. وشويه وهعدي عليكم...
سما.. احنا هنسافر بعربيتك .
روكا... اللي يريحكم
ريم... اه خليها عربيت روكا وهي تيجي تاخدنا.
سيلا.. اه عربيت روكا..
سما ...تمام
روكا.. طب يلا قومو وريني عرض كتافكم عشان نلحق..
ريم.. انتي بتطردينا🙄
زقتها روكا.. يابت اخلصي بقي ابو شكلك..
سما.. بضحك.. يلا بقي عشان الحق اقول لمامي الاول.
سيلا يلا بينا...
مشيت سيلا وريم و سما عشان يجهزو...
وابتدت روكا تجهز بسرعه..
اما سما.. وصلت الڤيلا ودخلت كان باباها ومامتها اعدين يتفرجو عالتلفزيون مع بعض مامي حبيبتي عامله ايه.. ازيك يابابي
والدها... تعالي يا سمسمه اتفرجي معانا عالفيلم..
والدتها... صحابك عاملين ايه..
سما. بخير يامامي..
انا يعني كنت عايزه اقولكم حاجه..
والدتها.. قولي ياسمسمه في ايه.
والدها.. قولي ياحبيبتي.
سما.. البنات طلعت في دماغهم يعني انهم يسافرو انهرده عالفجر عشان سيلا خدت يومين اجازه من شغلها وعايزني اسافر معاهم.. انا مش راضيه يامامي عشان مسبكيش ولله بس هما بيتحايلو عليا...
والدها بابتسامه طب سافري واتبسطي معاهم اليومين دول ياسمسمه .
والدتها.. هو ده اللي عامل فيكي كده يعني...سافري ياحبيبتي واتبسطي وغيري جو انتي علي طول اعده .
سما.. يعني مش هتزعلي..
والدتها.. ازعل ايه ياعبيطه انا نفسي تخرجي وتتفسحي وتشوفي الدنيا..
سما حضنتها هي والدها.ربنا يخليكو ليا يارب...
انا هكلمكم كل شويه..
والدها.. ايوه ياريت عشان نطمن عليكم....
سما... طيب هقوم بسرعه احضر الشنطه عشان روكا هتعدي علينا..
والدتها يلا حبيبتي قومي
.والدها.. سما... خدي الكرديت بتاعتي عشان يكون معاكي فلوس..
سما.. الكرديت بتاعتي فيها كتير ياحبيبي
والدها ..اسمعي الكلام عشان متحتاجيش حاجه..
سما.. ولله فيها كتير وبعدين لو عزت حاجه هقولك يلا بقي متأخرونيش وحدفتلهم بوسه وجريت..
فات وقت كان الكل جهز ومستني روكا...ووصلت روكا عند سما خدتها وراحو علي ريم وبعدها وصلو لسيلا..
وانطلقوووو ...
نروح لبدر...
فتح ودخل..
ناهد حمد الله عالسلامه اتأخرت ليه.
بدر باس راسها.. الله يسلمك يانوني...كنت بخلص شغل واخد اجازه انا ومهاب.. اسبوع بحالهواعدلك يا ست نوني...بس واعدت مع العيال شويه قبل ما بسافرو..
ناهد .. يسافروفين..
بدر .ما هو بعد عامر وچووو عرفو بالاجازه قالو نسافر مهاب مصدق طبعا وكانو عايزني معاهم بس مرضتش فقولت اقابلهم اعد معاهم شويه قبل ما يسافرو
ناهد ومردتش ليه ان شاء الله .
بدر يعني اسافر واسيب نوني القمر لوحدها..
ناهد... اه سافر دي نوني هتعمل فرح مش يمكن تلاقي بنت الحلال وتتجوز واخلص منك..
بدر.. الله جرا ايه يانوني انا ابتديت اشك اني مش ابنك بجد.
ناهد... يا ريت بقولك ايه صارحني انت فيك حاجه كده ولا كده..ومكسوف تقولي وده اللي معقدك من الجواز.
بدر... الله الله الله ايه نوني بقيتي ابيحه كده ليه.. وبعدين كده ولا كده ايه احنا جامدين اوي لا موأخذه.
ناهد.. ولما انت عنتر يا خويا كاره البنات ليه.
بدر.. يانوني ولله ولا كاره البنات ولا رافض الجواز بس لسه مجتش اكيد هتيجي يعني..
ناهد.. هي العيال دي مسافرين امته..
بدر.. زمانهم حضرو شنطهم وهيسافرو.
مسكت.. ناهد التليفون وكلمت عامر..
عامر.... نوني حبيبتي طبعا بتتصلي تقوليلي هتوحشني وتوصل بالسلامه والكلام الحلو ده..
ناهد... توحشني ايه ونيله ابه اتلههي علي عينك..
عامر.. الله جرا ايه نوني..
ناهد.. انتو مسافرين امته..
عامر.. انا مستني الواد چو يعدي عليا ونروح ناخد مهاب ونطير.
ناهد.. طب عدو علي بدر عشان يجي معاكو..
عامر.. ايه ده بجد. ده قال لا ومرضيش ابدا.
ناهد... يقولكم انتو ميقولش لنوني.
بدر.. عدو علي مين خدوه ايه يانوني انا مش مسافر مع حد علي فكره انا قولت لا وبعدين خلاص بتقرري كده..
ناهد... ولد ياعامر اللي قولته يتنفز...عدو عليه بسرعه..يلا سلام..
عامر... ماشي يانوني سلام
بدر... نعم انا مش هسافر حتي لو جم هنا انتي بتعطليهم عالفاضي..
نوني.. انا قولت كلمه وخلاص .
بدر... هو ايه اللي قولت كلمه واسيبك لمين مش مسافر..
بدر.. ما هو انت مش فاهم.. اصل طنتك روحيه..
بدر.. طنتي ازاي..
ناهد. ضربته علي كتفه .متقاطعنيش.
بدر.. حاضر..يانوني كملي ملها طنتي روحيه.
ناهد.. بقلها يومين بتتحايل عليا اسافر معاهم فالشاليه بتاعها راحه هي وواحده تانيه صحبتنا لوحدهم ولنا منت بقول لا عشان مسيبكش بس ادام خدت اجازه وادام هتسافر...
يبقي انا كمان هسافر..
بدر... اااااه قولي كده يعني رشت الجدعنه بتاعت سافر وغير جو مكنتش لله وللوطن ده بتوسعي سكه عشان تسافري وتصيعي علي كيفك يانوني وانا مش موافق ..
ناهد.. التم ياولد واختار الفاظك
بدر.. حاضر يانوني..
ناهد.. المهم هتقوم تحضر شنطتك .
بدر.. طب انتي هتسافري امته..
ناهد.. هي قالتلي بكره بليل يعني الصبح احضر شنطتي وبليل هتعدي عليا..
بدر... ده اخر كلام عندك يانوني..
ناهد... ايوه..
بدر.. ماشي وقام بدر حضر الشنطه...
اما ناهد... ربنا يحميك يا الني ويسعدك وتلاقي بنت الحلال اللي تفرحك ..ناهد مكنتش مسافره ولا حاجه بس هي عايزه بدر يخرج ويسافر خصوصا انه مع صحابه لانه ديما مش حابب يسبها لوحدها..فاحبت تضحك عليه عشان يوافق..
اما بعد وقت بسيط جم صحابه وسلمو علي ناهد وشاكسو فيها شويه.. واخيرا انطلقو بسرعه الصاروخ علي شرم.....
وعدي وقت ووصلو الشباب الساعه 11عالفندق... اما البنات..فا وصلو علي الساعه 1الضهر.. وطبعا الشباب كانو طايرين عالطريق عشان كده سبقوهم...وبعد ما وصلو الشباب دخلو اتقتلو من النوم.. والبنات عملو زيهم ونامووو😍😍😍نشوف اللي هيحصل بكره وركزوووو بقي عشان في ضرب نار هيحصل
البارت الرابع....
بعد فتره مش قصيره صحيو الشباب...
عامر.... يا جدعاااان ماتقومو بقيييي انتو جاييين تنامووو انا جعااان وعايز انزل...
بدر.... بصوت عالي ونايم..ولااااا اسكت شويه وطوي صوتك ده ...وبعدين ما تتنيل تصحي انت حد قالك نام انزل اطفح وسيبنا...
عامر... انتو جايين تنامو ما كنا نمنا في بيوتنا احس وبصوت عالي يلاااااا قومووووو.
نط عليه بدر.. ويوسف ومهاب.. وفضلو يضربو فيه..
عامر.... خلاص خلااااص ولله .
بدر... انا عارف ايه اللي خلاني اخد جناح معاكم ما كنت اتنيلت ونمت في اوضه لوحدي.
يوسف... واهون عليك ياقلبي متنش معايا..
بدر... لعامر ومهاب.. ولله ما مرتحله ..انا مش هيهدالي بال غير لو كشفت عليه...
مهاب وعامر.. بضحك.. ولله عندك حق..
يوسف... بلاش هزار بقي خلينا نتكلم جد... انا جعان..
بدر... هو ده الجد بتاعك😏
عامر... لا ويلا عشان ننزل نشوف المزز..
يوسف... اهو ده الكلام بس ناكل الاول..
بدر... طب يلا يا خويا انت وهو قومو البسو.. واجهزو... علي بال ما اكلم نوني اطمن عليها واشوفها هتتحرك امته.
عامر.. تمام.. سلملي عليها..
مهاب... وانا كمان
يوسف... مش كانت جت معانا..
بدر...مين نوني.. دي كانت طينت عيشتنا .مكنتوش هتعرفو تنامو ثانيه هي عندها الدلع ده...
مهاب... علي رأيك...
قامو الشباب يلبسووو.
واتصل بدر.. علي ناهد....يطمن عليها .
ناهد.... الووووو.
بدر... ايه يانوني عامله ايه من غيري..
ناهد... زي الفل البيت هادي ورايق ومفيش صوت عالي..
بدر... كده يانوني يعني انتي كده مرتاحه طب مش راجعلك تاني..
ناهد... بعد الشر عليك متقولش كده.. انا بهزر.. طبعا البيت وحش من غيرك.. كنت عاملي حس. واه كنت بترجع بليل بس الحبه اللي بعد انخانق معاك فيهم دول بالدنيا..
بدر... شوف يا اخي الرومانسيه الحبه اللي باعد اتخانق معاك فيهم.. وكأنك بتقولي اللي بحب فيك ...
ناهد... اتلم ياولد...انت صوتك لسه صاحي..
بدر... اه لسه الواد عامر الرخم مصحينا...
ناهد... انتو رايحين تنامو ولا تتبسطو قومو يلا بلاش كسل...
بدر... ما احنا قومنا خلاص... هنلبس وننزل ناكل الاول عشان مكلناش حاجه من ساعت ماجينا يادوب خدنا شاور وسيبنا اللي في ايدنا واتقتلنا نوم...بس هناكل ونخرج بقي..
ناهد... ماشي ياحبيبي هلي بالكم من نفسكم واتبسطو...
بدر... سيبك مننا احنا..طمنيني هتسافري امته.. اوعي ياناهد تكوني بتڜتغليني عشان اسافر....
ناهد... لا اشتغلك ايه .. انا جهزت شنطتي من بدري... ومستنيه طنتك روحيه...هتعدي عليا علي الساعه عشره يعني بعد ساعتين كده...
بدر... ماشي ياحبيبتي توصلي بالسلامه.. اول ماتتحركي طمنيني وانا هكلمك كل شويه.. اطمن عليكي.
ولو عوزتي اي حاجه كلميني..
ناهد... حاضر ياحبيبي ربنا يخليك ليا ومايحرمني منك ابدا.. انت والعيال اللي معاك...
بدر... باعتينلك السلام...علي فكره.
ناهد... سلملي عليهم وبوسهملي وقولهم نوني بتقولك اتبسطو..
بدر... حاضر... يا امي...ناهد..
ناهد... نعم..
بدر... وحشتيني.
ناهد... وانت اكتر يا بكاش...يلا ياواد روح لصحابك وكل كويس..
بدر... حاضر بحيك يانوني.
ناهد.. وانا بحبك يا ابن عمري... في امان الله.
بدر... سلام يا حبيبتي...
لبس بدر... وقام نزل وهو والشباب بعد ما خلصو... ونزلو خرجو بره الفندق راحو علي مطعم شيك عشان ياكلو ويخرجو...
اما عند البنات....
فا بعد ما ريم غلست عليهم هي وسيلا صحيو اخيرا من النوم وابتدو يجهزو عشان ينزلو وبعد وقت لبسو ونزلو هما كمان عشان ياكلو...ويخرجو..
وكان شكلهم جميل جدا كلهم كانو لابسين فساتين..قصيره لكن كل واحد حسب استايله وشخصيته..
سما.. كانت لابسه فستان.. ابيض قصير منفوش شويه بسيطه ...اما ريم.. كانت لابسه فستان قصير الواناته متداخله بين الاحمر والاصفر والاورنچ الوانه صيفي ومجنون زيها .
اما الليدي بتاعتهم روكا... كانت لابسه فستان اسود.. قصر.. ضيق في فتحتين من عند الوسط مبينين جسمها...اما سيلا كانت لابسه فستان احمر ضيق ليه كم والناحيه التانيه كب...كان شكلهم يجننن...
راحو هما كمان مطعم ياكلو....وبعد ما خلصو...
راحو سهرو في مكان في رقص واغاني وجنااااان..
اما الشباب بعد ما خلصو... فضلو يتمشو ويخرجو من مكان وياعدو في مكان وفضلو كده لحد الفجر....
بدر.... ماتيجو نطلع نكمل سهره فوق انا حاسس ان جسمي فاكك خالص مش قادر...من السفر..
مهاب.. وانا كمان..
عامر... لا بقول ايه انا عايز اشرب شيشه..
بدر.. ما تشرب فوق.
عامر... مش هينفع فوق ممنوع.
بدر... ممنوع عليك مش عليا..
يوسف.. هتجبلنا فوق.😉😉
بدر... اه يلا نكمل السهر فوق وملكوش دعوه انتو..
يوسف.. طب ما تطلعلنا نسوان..
بدر... اه ومالو عشان نتمسك متلبسين اخلص يلا..
طلعو الشباب الجناح بتاعهم...وطلعلهم بدر الشيش فوق..
يوسف... ما تلفلنا يا عامر..
عامر... عيوووني
مهاب... والله هنروح انا وانت في داهيه بسبب البلوتين اللي معانا دول..
بدر... اه ولله حاسس كده ...هات يا ابني علبه السجاير اللي جمبك دي...
اما عند البنات...
سيلا جالها تليفون من مراظ كذا مره ومكنتش بترد.. وهو مش مبطل زن اخر ما زهقت ردت...
سيلا... الووو ايوه يامستر مراد ازي حضرتك..
مراد... بردو حضرتك يا سيلا...
سيلا... بابتسامه مجامله معلش يامستر لازم تستحملني بحاول ولله..
مراد.. ماشي ياستي عامله ايه.
سيلا .. انا تمام....الحمد لل. وقاطعتها روكا...
روكا.. سيلا يلا نطلع الوقت اتأخر واحنا فاصلين انهرده...
سيلا ... اه... طيب روحو اطلعو انتو وانا هحصلكم.
روكا.. تمام متتأخريش.
سيلا حاضر...
روكا... يلا يابنات..
ريم.. البت سيلا مش طالعه..
روكا معاها تليفون هتخلص وتحصلنا..
سما.. وهي بتتاوب.. طب نستناها..
روكا.. يلا اختي ده انتي بتنامي واحنا مش قادرين نشيل
سما... انا فصلت فعلا والسجاير اللي بتشربيها دي عمتني خلاص يلا نطلع..
روكا.. يلا...
وطلعو البنات عالجناح بتاعهم.
اما عند سيلا...
مراد... المقال بتاع القضيه نزل انهرده وعمل قلبان فالسوشيال ميديا..
سيلا... ايه ده بجد..طب الاسم يامستر اوعي تكون نسيت.
مراد... منستش متقلقيش حكيت حروف بس.
سيلا... تمام يامستر.
مراد.. المهم انتي كويسه..
سيلا.. اه تمام الحمد لله..
مراد... ماشي انا كنت بطمن عليكي.. يلا روحي لصحابك بقي..
سيلا.. ماشي ميرسي يامستر مراد..تصبح علي خير.
مراد.. وانتي من اهل الخير...
قفلت سيلا.. وطلعت عالفندق...وركبت الاسانسير.. كان في شاب.. باين عليه انه شارب لما سافر خالص... من ربكتها داست رقم غلط...
اما الولد.. فضل باصص عليها. ومقرب منها وهي عامله مش واخده بالها منه خالص.. وابتدت تتلخم وتخاف.. قرب منها الولد.. الجميل ماله ماتيجي معايا الاوضه نسهر مع بعض...
سيلا.. من فضلك ابعد عني..
الشاب.. مسكها من وسطها يقربها ليه
سيلا ابعد عني ياحيوان..وزقته عنها. وقع لانه مكنش موزون خالص ولحسن حظها الاسنسير وقف خرجت جري... فالدور اللي وقف فيه الاسنسير سمعت الولد.. ولله ماهسيبك.وفضلت تجري وفاخر الدور لفت علي جمب سندت علي باب الجناح ومن جريها رمت جسمها عالباب فعمل صوت هبد جامد.. لاكن هي مهتمتش كان كل همها تستخبي..
اما عند اوضه الشباب..
كانو اعدين كلهم مع بعض وقالعين التيشرتات ..ولابسين برمودات بيتي مريحه.. وفجأه..
بدر.. ايه الصوت ده..
عامر ... صوت ايه..انا مسمعتش.
مهاب.. انا سمعت انت هتسمع ازاي انت خربان عالاخر..
يوسف .. انا كمان خربان بس بيتهيألي سمعت يمكن حد من بتوع النضافه.
بدر.. لحظه افتح...
راح بدر.. فتح الباب.. براحه... شاف سيلا وهنا كانت الصدمه... هو قلب الدنيا عليها وملقهاش... ومكنش شاغل باله فالثواني دي غير احداث كتير دارت في باله... انها قصداه هو او في حاجه غريبه وراها.. مره تخبطله العربيه ومره تروح ڤيلت الارهابيين والوقت جايه وراه علي شرم... بس المرادي حاسس انها خايفه من حاجه..
بدر... انتيييي.
سيلا... انت... انا ولقت الولد بيقرب منها وبيطوح وكل اللي بيقوله مش هسيبك ياقمر هتروحي مني فين...
زقت سيلا بدر.. عالاوضه ودخلت وراه وقفلت الباب...
بدر... بصوت عالي نسبيا..انتي بتعملي ايه هنا... انتي وراكي ايه يابت انتي..
سيلا.. بخوف .. من فضلك وطي صوتك في واحد بيجري قاطعها بدر.. بقولك بتعملي ايه ورايا .. مره تخبطيلي عربيتي وتعملي فرح فالشارع ان انا اللي غلطان.. ومره اشوفك فالڤيلا ..اللي كان فيها الارهابيين..والوقت جايه ورايا علي شرم.. مين زقك عليا ..
سيلا.. حطت ايدها علي بوئه لو سمحت اسكت بلاش تعلي صوتك انا محدش زقني عليك.. ولله صدفه...
بدر...شال ايدها.. بعصبيه.. ولما هي صدفه هربتي ليه.. يوم الحادثه.. ولا خايفه عشان انتي معاهم انتي مش هتمشي من هنا انتي مقبوض عليكي.. كان عامر ومهاب ويوسف واقفين ساكتين وتقريبا فاهمين اللي حاصل ادامهم من كلام بدر..
سيلا... رجعت حطت ايدها تاني علي بوئه. وايدها كانت متلجه وبتترعش جامد. بعد اذنك هفهمك صدقني بس وطي صوتك في واحد سكران بيجري ورايا.. وانا ضربته ولو شافني مش هيسبني..
بدر. حس انها فعلا خايفه وحس انه مصدقها. واحد مين.. وعايز ايه .
سيلا... كنت طالعه فالاسنسير ولقيته راكب.. وفضل يقول كلام وحش وقرب مني انا من لخمتي دوست علي الدور ده انا اصلا مش نازله فالدور ده صدقني صدفه...
بدر... رجعها ورا... وجه يفتح الباب..
مسكته سيلا من ايده.. ارجوك متفتحش .
بدر.. بصلها بصه سكتتها.. ايه هيكولنا ولا ايه وسعي كده..
وفتح الباب... لقي شاب رايح جاي وبيطوح.. وشافه بيلف في اخر الدور... عرف انه مشي... بس حب يخوفها اكتر.
بدر... قفل الباب... مشوفتش يعني حد بره..
سيلا... حطت ايدها علي قلبها... الحمد لله اكيد مشي.
بدر... هو مكنش في تقريبا ومتأكد انك اتزقيتي عليا..
سيلا.. هو حضرتك مش بتفهم بقولك كان في حد بيجري ورايا..
بدر... حضرتي ما. ايه...
سيلا... ارتبكت.. انا اقصد يعني .. بص بعد اذنك وانا اسفه اني دخلت بالطريقه دي....
مسكها بدر من ايدها... علي فين يا قطه .. اولا انتي مطلوب القبض عليكي... مش هسيبك غير لما اعرف انتي مين.
سيلا.. نطرت ايده..اولا مينفعش تقبض عليا من غير اذن نيابه ولا حضرتك مش دارس قانون كويس ثانيا انا جيت برجلي يعني مينفعش تقبض عليا اصلاولو حابب تقبض عليا باي تهمه يبقي لما ترجع ولو حابب اديلك عنوان بيتي وساعتها تيجي بأذن وتقدر تقبض عليا غير كده متقدرش و بقولك انا اصلا معرفكش .ولو شوفتك كذا مره فا ده نصيبي الاسود اني اشوفك وزي ماقولتلك مجرد صدفه مش اكتر..
بدر.. ولله لو زي ما بتقولي صدفه. ونصيب يبقي المرادي الصدفه والنصيب في صالحي.. يعني مره تخبطي عربيتي وتفرجي الناس عليا وانتي اللي غلطانه ومش معترغه بغلطك... ومره تيجي علي ڤيلا كلها ارهابيين وانا اتصاب بسببك وفلحظه تختفي..والوقت جايه عالجناح بتاعي يعني المفروض بقي اخد حقي
سيلا.. يعني ايه...
بدر... يعني حضرتك مش هتخرجي من هنا.. انتي جيتي برجليكي.. وبص لصحابه... عجباكم ياشباب.. وغمزلهم😉😉😉 يلا حضرو نفسكم هنعمل حفله عليها..
سيلا بصت وخدت بالها ان كلهم قالعين تيشرتاتهم.. واعدين معاهم حشيش والشيش حواليهم...ارتبكت وخافت وجسمها بقي يترعش وبقت زي قطعه التلج..
رجعت لورا ..
بدر.. ايه مالك.. خوفتي ولا ايه.. انتي هربتي من واحد حظك بقي تقعي في اربع شباب.. بس ايه جامدين اوي..
سيلا.. بصوت مرتجف سيبني اخرج بدل ما الم الناس عليك...
بدر... حاوطها بايده.. الاتنين وسند عالحيطه.. هتقوليلهم ايه بقي...دخلت الجناح برجلي ولا انا اللي زقيته ودخلت عنده..
سيلا ..واتجمعت الدموع في عينها.. وابتدت تنزل
لو سمحت ارجوك سيبني انا كنت خايفه من الولد وانا قولتلك جيت هنا ليه يعني انا مش قليله الادب عشان اجي هنا..
بدر.. ومين اللي هيصدقك بقي يا شاطره..
سيلا.. ابتدت دموعها تنزل بغزاره وحست انها خلاص هتضيع خصوصا انها عارفه انه مش طايقها...غمضت عنيها بخوف..
حس. بدر بالشفقه عليها...
مد ايده مسح دموعها...
وبعد عنها لورا..
فتحت عينها براحه...
بدر... تقدري تخرجي..
ابتسمت سيلا.. بجد..
بدر.. اه بجد.. ومتقلقيش محدش هيلمسك.. انا بس حبيت اعرفك ان اللي عملتيه ده غلط يعني اديتك درس كده عالسريع..
سيلا... درس.
بدر.. اه.. درس.. يعني المفروض انك بتهربي واحد سكران والصح.. انك تجري علي السيكيورتي علي اي مكان فيه ناس ولو ضاقت بيكي اوي صوتي صرخي علي صوتك هتلاقي اللي يلحقك بسرعه ولو مش عارفه تعملي كل ده امسكي اي حاجه اضربيه بيها حتي لو هيموت في داهيه بس اللي انتي عملتيه ده لو مع حد تاني مكنش رحمك وكمان بتدخلي الاوضه برجلك..
سيلا... انا .انا اسفه انا مكنتش اقصد بجد بس انا لما بخاف بتوتر ومش بعرف افكر..
بدر... مينفعش الخوف يلغي تفكيرك عشان ساعتها هتضيعي..فكري ومتخليش الخوف يسيطر عليكي..
سيلا.. بابتسامه وسط دموعها.. شكرا..
بدر.. العفوو.
سيلا.. طيب هو انت يعني مش هتقبض عليا..
بدر... لا طبعا وزي ماقولتي ياستي المفروض اني اكون دارس قانون وكده يعني وده مينفعش من غير اذن بس اوعدك لما اخلص اجازتي هاجي اقبض عليكي..
سيلا.. بابتسامه .. عالعموم.. اسفه عالطريقه اللي هربت بيها يومها.. بس انا مليش دعوه بيهم..كل الحكايه زي ماقولتلك انا صحفيه.. ولو حابب تتأكد انا اسمي سيلا المهدي بشتغل صحفيه تحت التدريب في جريده الحدث ويوم ماشوفتني فعلا مكنش في حد من الصحفيين عنده علم بس زي ماقولتلك الصدفه.. انا الڤيلا بتاعتي تقريبا قريبه من الڤيلا اللي كان فيها الحادثه ولما سمعت ضرب النار روحت بسرعه وكنت بعمل شغلي مش اكتر..واسفه انك اضربت بالنار بسببي..ومبسوطه انك مش جرالك حاجه
بدر.. بابتسامه.. ماشي .ياستي.. وانا هصدقك..ويلا اطلعي عشان الوقت متأخر وده غلط عليكي..
سيلا.. بارتباك.. طيب يعني اصل.
بدر.. بصوت عالي شويه ورافع حاجبه في ايه حبيتي الاعده هنا نغير رأينا..
سيلا.. بسرعه.. لا لا انا انا بس يعني ممكن يعني تفضل واقفلي اصل انا بصراحه خايفه اقابله تاني.
بدر... افضل واقفلك..😒
استني.. البس التيشرت واجي اوصلك...
سيلا.. شكرا..
خد بدر التيشرت من عالكرسي.. اما صحابه فا كل واحد اعد مكانه وخربانين من الحشيش اللي شربوه وفنفس الوقت شايفينهم وهما بيتكلمو وكانو فاهمين ان بدر عمل معاها كده عشان يخوفها ولانه كان مضايق منها..
بدر.. اتفضلي...
خرج بدر.. معاها وماشي من غير صوت.. اما هي ماشيه جمبه.. واعده تبص شمال ويمين من الخوف..
بدر... تعالي راحه فين الاساسنير اهو..
سيلا.. حاضر.. ركبت معاه الاسانسير..
بدر. الدور الكام...
اللي فوق ده السابع..
داس عالدور بدر.. وثواني ونزلو..ومشيو فالدور.. مكان الجناح.. وفضلت سيلا تتلفت شمال ويمين..
بدر... ماخلاااص.. في ايه خيلتيني .
سيلا.. حرام عليك خضتني.. انا خايفه يطلع من اي مكان.
بدر.. طب ياريت يطلع عشان يتروق..
سيلا.. انا نازله فالجناح ده..
بدر.. ماشي يلا ادخلي...
سيلا.. شكرا بجد..
بدر.. بابتسامه العفو ياريت متكرريش اللي عملتيه ده تاني.
سيلا.. حاضر...تصبح علي خير.
بدر... وانتي من اهله..
فتحت الباب.. سيلا واول ما فتحت...
روكا... انتي فين يازفته وتليفونك متنيل مقفول قلقتيني عليكي...
سيلا قبل ما تقفل الباب..بصت لبدر.. اسفه صحبتي 😊
بدر... شكلكم مجانين كلكم.. اقفلي اقفلي...
وقفلها الباب ومشي.. اما سيلا فا فضلت مبتسمه...
ريم مالك يابت في ايه..
روكا.. انتي يانيله بنكلمك وايه المز اللي موصلك ده ياخربيتك تعالي احكيلي...
ريم.اه صحيح نسيبك تتكلمي فالتليفون تطلعلنا بالوحش ده
سيلا.. لو تعرفو اللي حصلي..
سما بنوم.. في ايه قلقتينا..
سيلا.. تعالو احكيلكم...........
ونسيبهم بقي ونكمل بكره😍😍😍😍
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق