نوفيلا جعلتني أقوي الفصل السادس والسابع والثامن والتاسع والعاشر بقلم شيماء صبحي حصريه وجديده على مدونة النجم المتوهج للروايات والمعلومات
 |
كانت روح ماسكه الفساتين اللي جابها يونس بفرحه لانهم كانو جداد ومحدش لبسهم قبل كدا..
يونس كان واقف وهوا ضامن ايديه لصدره وبيتفرج عليها وهيا بتتفرج علي الهدوم ..روح اختارت فستان كان لونه بيچ وقربت من يونس وقالت بالاشاره" انا هجرب دا الأول..
يونس ابتسن وهز راسه وهيا دخلت لاوضة ماجدة لانها كانت الأقرب ليها وبدأت تغير هدومها وتلبس الفستان وبرا كانت ماجده بتبص ليونس وهيا مش عارفه تبدأ كلام معاه ازاي علشان موضوع ناديه ولاكنه قرب منها وقال" نانا هيا ناديه جت النهارده ليه..
ماجده ابتسمت وقالت" كانت بتعرفني بالخناقه اللي حصلت بينكوا بس انت ليه بتعمل فيها كدا يا يونس البنت بتحبك..
يونس هز راسه وقال" وانا كنت بحبها لما كانت عاقله انما دلوقت بحركاتها المجنونه دي انا مبقتش قادر استحملها
ماجده قربت منه ومسحت علي ضهره وقالت" متظلمش علاقتكوا يا يونس وفكر في الموضوع كويس انت وماديه مخطوبين بقالكوا سنتين وغير كدا انتو اصحاب من زمان يعني ناديه مش علاقة سنه ولا اتنين دول عشر سنين..!
يونس هز راسه وقال" انا فاهمك طبعا ومقدر كل كلمه قولتيها بس ناديه اتغيرت جدا وانا من البدايه معرفها طبيعة شغلي وغصب عني اي تصرف بيحصل لاني بكون مضغوط طول الوقت وبعدين ناديه اتكلمت مع والدها اننا نفسخ الخطوبه وهوا كلمني النهارده واتفنا علي ميعاد نتقابل فيه علشان نخلص الموضوع وبعدين ناديه مصره علي قرارها يعني رافضه اننا نرجع تاني بس مش فاهم هيا ازاي قررت ترجع في كلامها..!
ماجده حركت راسها وقالت" انا اللي اقنعتها يا يونس وبعدين انت عارف اني بحب ناديه وانا اكتر واحده عارفه هيا بتحبك قد ايه ومش عايزاك تخسرها..
روح خرجت من الاوضة وهيا لابسه الفستان وكان شكلها جميل يونس وماجده انتبهو ليها ووقفوا كلام واول ما يونس شافها ابتسم باعجاب وهيا لما اخدت بالها من نظراته ليها بصت في الارض بخجل..!
ماجده قالت بابتسامه" بسم الله مشاء الله ايه الجمال دا كلو يا روح ..!
روح ابتسمت بخجل وشكرتها وبعدها قربت من يونس وقالت" اي رئيك في الفستان..
يونس ابتسم علي طريقتها في الشرح وقال" الفستان جميل اوي يا روح لايق عليكي..
روح هزت راسها وقالت" هو احنا هنخرج النهارده..!
يونس ضم حاجبه بعدم فهم وهيا هزت راسها وراحت علشان تجيب الورقه والقلم وكتبتله" احنا هنخرج النهارده..!
يونس بصلها بتفكير وهز راسه وقال" ايوا انا ازاي نسيت ايوا هنروح نقابل ظابط صاحبي علشان هو الوحيد اللي هيقدر يساعدنا في حل مشكلتك بس اهم حاجه تحكيله عن اللي كان بيحصل في الملجأ..!
روح خافت وهزت راسها بلأ وهوا ضمها ليه وقال" روح متخافيش انا هكون معاكي وبعدين انا بعمل كل دا علشان خاطر اختك اللي هناك..!
روح هزت راسها بالموافقه وهوا قال" انا شايف ان الفستان دا مناسب بس انا هطلع اغير هدومي وهنزل مش هتاخر ..
روح هزت راسها وقعدت جمب ماجده وهوا طلع علي السلم وماجده كانت ضمه روح ليها وهيا بتقول" متخافيش يا روح محدش هيقدر يعملك حاجه طول منتي معانا وبعدين يونس معاكي خايفه ليه بق..
روح غمضت عينيها وهيا بتفكر في كلامها واتاكدت ان عندها حق لانها بقت بتطمن في وجود يونس فعلا وبتحس بامان غريب وهيا معاه ..!
بقلم شيماء صبحي
يونس غير هدومه وهوا بيفكر في كلام جدته عن ناديه خاطيبته وهوا مش عارف هيعمل معاها ايه لانه لسا شايل مشاعر ليها ولاكن الغريب انه لما بيغمض عينيه بيلاقي روح هيا اللي بتظهر قدامه مش ناديه .. كان متفاجئ من اللي بيحصل لانه لما كان بيعمل الحركه دي زمان كان يستخيل ناديه قدامه ولاكن الغريب ان اللي ظهرت المره دي روح مش ناديه..!
خلص لبس وبعدها نزل وهوا بيبص عليها من بعيد وشايفها بتضحك وهيا بتبص لماجده والظاهر انهم بيتناقشوا في موضوع ..
يونس قرب منهم وبص لروح وقال" بعد ازنك يا نانا انا مضطر اخد روح منك كام ساعه بس وهرجعهالك تاني ..
ماجده بصت لروح وابتسمت وروح قامت وهيا خجلانه منه لانه بيبصلها بنظرات حلوه وهيا اول مره حد يبصلها كدا…
يونس مسك ايديها وخرجوا من البيت وركبها هيا الاول العربيه وربطلها الحزام وبعدها ركب في كرسي القياده وهوا بيبص عليها وبيبتسم وبعدها شغل العربيه واتحركوا…'
وهما في الطريق روح سالته بقلق هما هيروحوا فين وهوا هز راسه وقال" هنروح نقعد في مطعم لاني مش عاوزك تروحي القسم علشان متخافيش..!
روح حركت راسها وهوا ابتسم ليها وقال" انا مش عايزك تخافي من اي حاجه وبعدين دا عماد دا صاحبي من ايام الكليه وانا لما حكتله عنك وعن الكلام الي قولتهولي طلب انه يشوفك بنفسه علشان يسمع منك كل حاجه وطبعا انتي كل اللي عليكي هتكتبي وهوا هيفهم ..
روح هزت راسها وهوا مسك ايديها علشان يطمنها انه موجود وهيا ابتسمت ليه …
وبعد وقت وصلوا قدام مطعم كبير مخصص بس لرجال الاعمال واصحاب النفوذ العليا …
يونس نزل الاول وفتحلها الباب وبعدها مسك ايديها ودخلوا طلب من الويتر يساعدهم يلاقوا عماد ومن حسن حظهم انه كان قريب منهم مش بعيد ..
يونس دخل وروح كانت ماسكه في ايديه واول مشاف عماد شاورله من بعيد وعماد ابتسم لانه بقاله كتير مشافش يونس…
يونس كان بيبص علي عماد بفرحه كبيره لانهم اصحاب من زمان ولانهم دايما مشغولين فقليل جدا لما بيتقابلوا..
عماد سلم علي يونس بابتسامه وهو بيقول" سنه ونص بحالهم منتقابلش..
يونس ضحك وقال" هنعمل ايه بق يا حضرت الظابط الشغل يحكم برضوا..
عماد هز راسه وهوا بيبص علي روح وقال" مش هتعرفني ولا ايه يا يونس..
يونس بص لروح وابتسم وقال" دي روح اللي حكتلك عنها في التيلفون ودا بق حضرت الظابط عماد اللي حكتلك عنه من شويه..
عماد ابتسم ومد ايديه علشان يسلم علي روح وهيا من خوفها منه مكنتش عارفه تعمل ايه .. يونس فضل باصصلها وهيا بصه لايد عماد وساكته لحدما قال" سلمي عليه يا روح متخافيش..
روح بصت ليونس وهزت راسها وبعدها سلمت علي عماد وقعدوا…
عماد كان باصص علي روح باعجاب لانها جميله ويونس لما لاحظ نظراته قال" روح حكتلي عن الملجأ دا حجات محدش يصدقها ولاكن انا لما بعت مساعدي يجبلي معلومات عم الملحأ دا قالي حاجه غريبه اوي..
عماد بصله بتركيز وقال" قالك ايه ..!
يونس بص لروح وبص لعماد وقال" قالي ان كل اللي موجودين هناك اطفال اعمارهم من ٨ لـ١٥ سنه يعني كلهم اطفال والبنات الكبيره اللي روح قالتلي عليهم محدش ذكرهم خالص ..!
هيا روح قالتلي ان منصور اللي هوا المدير بتاع الملجأ .. بيختار منهم كل خميس واحده وبياخدها لاوضه ضلمه هناك وبيع"مل في"ها حجات مش كو"يسه .. ومن كلامها انهم بنات كبيره يعني من سن ٢٨ ل ٣٥ يعني مش صغيرين وطبعا دي حاجه غريبه جداا لان المساعد بتاعي لما راح علي اساس انه مساعد رجل اعمال وجاي علشان يعرف معلومات عن الملجأ ويشوف كل الايتام والمدير اللي هوا منصور وراله الاطفال دي بس ومجبش اي سيره عن بقيت البنات الكبيره ؟؟؟؟
عماد هز اسه وقال" يعني قصدك ان البنات اللي روح قالت عليهم هوا مخبيهم بعيد عن الاطفال دول..
يونس هز راسه وعماد بص لروح وقال" هو انتي والبنات دول كنتو عايشين فين.. روح مسكت الورقة والقلم وكتب ..في نفس المبني اللي فيه الاطفال بس في عنبر كبير سري محدش يعرف مكانه غير منصور والممرضة صافيا …
عماد اخد الورقة وقرأ كلامها وقال ..يعني انتي دلوقت تقدري توصفيلنا ازاي نوصل للعنبر دا ..
روح غمضت عينيها بتفكير وبعدها هزت راسها ومسكت الورقة وكتبت..! في الدور الثاني من المبني في باب حديد لونه اسود مكتوب عليه مخزن ..!
عماد اخد الورقه وقرأها وقال" طيب في حد قبل كدا حاول يدخل للمخزن دا يعني مثلا واحد من اللي بيتبرعوا للملجأ او ظابط او اي حد غريب يعني..
روح بصتله بتفكير وهزت راسها وهوا ادالها الورقه وكتبت..
كان في ظابط كان عايز يدخل للمخزن دا لانه كان سمع صوت جاي منه واما حاول يدخل منصور فضل يقوله انه مخزن ومليان كراكيب ولما الظابط قرر يدخل كانت الممرضة صافيا معانا وعلشان منعملش صوت هددتنا بسل"اح ولما الظابط دخل ملقاش حاجه لان كان في باب سري وهو دا باب العنبر ولاكن منصور كان مخبيه بالكراكيب والظابط لما لقي انه مخزن كراكيب مشي ومن وقتها ومحدش حاول يدخل تاني …
عماد بص ليونس بتفكير وهز راسه ليها وقال" طيب يا روح شكرا اوي انك اتشجعتي وحكتيلي كل حاجه وانا عايزك متخافيش وانا اوعدك اني هقبض علي منصور دا ومش هسيبه غير لما ياخد اعدا"م علشان خاطر البنات اللي ضيعها دي..!
روح هزت راسها وكتبت" متنساش الممرضة صافيا لانها معاه..
عماد قرأ كلامها وهز راسه وقال" متقلقيش هما الاتنين هيتعاقبوا
روح هزت راسها ويونس بصلها وقال ..اي رئيكوا ناكل حاجه ..
عماد هز راسه وقال..دي فكره كويسه اوي وخصوصا اني جعان بصراحه اي رئيكوا اطلبلكوا حاجه علي ذوقي..
يونس بص لروح وهزوا راسهم وهوا بدا يختارلهم اكل ….
وفي طربيزه بعيده عنهم كانت قاعده ناديه وبقيت اصحابها البنات وكانوا بيتناقشوا مع بعض في موضوع ناديه ويونس ومنهم اللي كان بيشجع ناديه علي قرار جدة يونس وانها تديله فرصه ومنهم اللي كان رافض انها ترجعله تاني…
واحده من البنات قالت" اهم حاجه انتي يا ناديه شوفي انتي عايزه ايه ..
ناديه هزت راسها وقالت" انا بحب يونس بس تصرفاته دي بتحسسني اني مش فارقه معاه وانه مش عايزني.!
واحده تانيه قالت " يبنتي مش انتي في البدايه قولتي انه بيبص مشغول علي طول لدرجه انه معندوش وقت يخرج فيه ..!
ناديه حركت راسها وقالت بحزن" انا كل اللي فكراهم كام خروجه يتعدوا علي الصوابع وكنت لما اقوله تعالا نخرج كان يرفض ويقولي انا مشغول..
البنات فضلوا باصين عليها بحزن وبعدها واحده قالت" انا هروح اظبط الميك اب بتاعي تعالي معايا يا نورا ..!
نورا صاحبتها هزت راسها وقامت والاتنين مشيوا وهما بيتكلموا في موضوع ناديه ومستغربين ازاي يونس مبيخرجش معاها .. وهما ماشين نورا شافت يونس ومعاه شخص وكانت فيه بنت جميله قاعده جانبه ومن نظراته ليها باين انها حبيبته..
نورا شهقت لما شافته وقالت" دينا بصي بصي انتي شايفه اللي انا شيفاه دا..
دينا بصت علي مكان مهيا بتشاور وشافت يونس خطيب ناديه وفي بنت قاعده معاه وهوا مقرب منها ومن الواضح كدا انها حبيبته فعلا..
دينا بصت لنورا وقالت" دي لو ناديه شافتهم هتعمل مصيبه..
نورا قالت بقلق" طيب احنا مش لازم نقولها تعالي ندخل نعدل الميك اب ونرجع ولا اكننا شوفنا حاجه..
دينا حركت رايها وقالت" عندك حق خلينا ندخل احنا..
وعند طرابيزه ناديه كانت بتشرب العصير وهيا بتقول " انا هروح اظبط الميكب بتاعي انا كمان..
اصحابها هزوا راسهم وهيا قامت وفي الوقت دا كانت دينا ونورا خارجين ولما شافوها بتقرب عليهم اتصدموا وجريوا عليها وهما بيقولوا بخضه" رايحه فين يا ناديه..
ناديه بصتلهم باستغراب وقالت" هظبط الميك اب بتاعي حاسه انه باظ..
دينا ونورا باستغراب" مين قالك انه باظ دا تحفه وبعدين التواليت فيه صيانه واحنا ملحقناش نعمل حاجه وطلعنا علي طول ..
ناديه باستغراب" بجد والله طيب كويس انكو وفرتوا عليا المشوار يلا تعالوا نرجع..
البنات حركوا راسهم بالموافقه ومشيوا قدامها ولاكنها كملت طريقها في اتجاه التواليت ومهتمنش لكلامهم لانهم كانوا مظبطين الميك اب بتاعهم..!
البنات كانوا مبسوطين انهم اقنوعها ترجع وكانوا بيبصوا جمبهم بابتسامه ولاكنهم اتصدموا لما لقوها مسمعتش كلامهم ومكمله طريقها وضحكت عليهم اتصدموا لانها كدا ممكن تشوف يونس ووقتها ممكن تحصل كارثه ؟؟
الفصل السابع
نوڤيلا🥀جعلتني أقوي🥀
#بقلم_شيماء_صبحي
صحيت عبير من نومها بقلق وهيا بتشهق بخضه وبتقول" رووح ..؟
مراد فتح عينيه علي حركتها واتصدم لما لقاها بترتعش وخايفه ..
مراد قرب منها وقال بقلق" عبير مالك ايه الي حصل .. عبير بصتله وهيا خايفه وبتقول .. انا عايزه روح انا عايزاها ..'
مراد فضل باصصلها وهو مش عارف يرد يقولها ايه بس اكتفي انه يشدها لحض"نه علشان تهدي ..!
عبير غمضت عينيها وهيا بتحاول تهدي نفسها لآنها حلمت بروح وكانت بتعيط وبتترجاها تساعدها..'
مراد فضل يمسح علي شعر عبير وهوا بيقول بهمس" خلاص يا عبير اهدي متخافيش كل حاجه هتكون كويسه.!!
عبير كانت سامعه صوت دقات قلبه اللي كانت بتدق بسرعه دليل عن الخضة ..فضلت مغمضه عينيها شويه لحد ما حست انها بقت كويسه بعدت عن صد"ر مراد وهيا بتبصله بخجل وبتقول" انا اسفه اصل حلمت بيها بتنادي عليا..!
مراد حرك راسه وقال " متخافيش يا عبير دا مجرد حلم واكيد هيا كويسه ربنا مش هيسيبها..!
عبير هزت راسها بحزن وقالت" اتمني انها تكون فعلا بخير ..
مراد هز راسه وابتسملها وهيا بصتله وسكتت لان قلبها كان بيدق جامد لان نظرات مراد ليها كانت حلوه اوي وكانت دي المره الاولي الي عبير قلبها يدق فيها وبالشكل دا ...
الباب خبط وكانت نورين مرات مراد بتنادي عليه وبتقول" مرااد انت نسيت اني عيزاك ولا ايه انا مستنياك بقالي ساعتين..
مراد بص لعبير وغمض عينيه وقال" معلش بق انا هروح اشوف ايه اللي بيحصل وهرجعلك تاني.!
عبير هزت راسها بالموافقه وهوا قام وقرب من الباب وفتحه وكانت نورين واقفه بلهفه واول مشافته قالت بغيره" مراد انت مجتش ليه انا مستنياك بقالي كتير..'
مراد بصلها واتنهد وقال" متخافيش يا حبيبتي انا بس نمت لاني كنت حاسس بتعب..
نورين بصت لعبير اللي كانت نايمه وكانت لابسه فستان عا"ري نوعا ما وكان شكلها جميل بصت لمراد بغيره عاليه وقالت" ومجتش تنام عندي ليه علي الاقل هتكون مرتاح اكتر..
مراد لاحظ نظراتها لعبير فلف وشه ولقي ان عبير نايمه وكان جزء كبير من جس"مها باين.. بص لنورين وقال بهدوء " انا نمت وخلاص يا نورين ومركزتش بق دي اوضة مين علي العموم يا ستي انا هاجي وانام معا"كي ولا تزعلي..
نورين حركت راسها ومسكت ايديه وقالت بصوت عالي علشان عبير تسمعها ..طيب ماشي بس يلا تعالي بسرعة علشان عايزاك في موضوع مهم.!
مراد هز راسه وخرج معاها وقفل الباب علي عبير ومشي معاها لاوضتهم!!!!
وعند عبير في الاوضه اول ما لقته قفل الباب قعدت علي السرير وهيا بتاخد نفس وبتقول " انا ايه اللي بيحصلي دا ليه قلبي دق كدا لما قربت منه ..لا يا عبير اوعي تعملي كدا متنسيش ان الي بينكوا اتفاق وهوا بيحب مراته يعني انتي بالنسباله وقت وهيخلص اوعي تفكري فيه بالطريقه دي تاني..
فضلت تقول لنفسها الكلام دا علشان متفكرش فيه تاني وتعتبره مجرد شخص عابر وان اللي بينهم مجرد فتره وهتنتهي...
________
في اوضة نورين دخلت هيا ومراد وقفلت عليهم الباب وقالت " انت مستعجل اوي كدا ليه متسيبها شويه وبعدين ابق روحلها..!
مراد بصلها بصدمه وقال" ايه الكلام اللي انتي بتقوليه دا يا نورين انا اصلا معملتش حاجه انا نمت بس وبعدين عبير مراتي زيها زيك بالظبط ومن حقها اني افضل معاها ..
نورين فتحت عينيها بصدمه من كلامه وقالت" مراد احنا لسا بالنهار ودا مش وقت نوم خالص عايزني بق افكر في ايه غير انها عجبتك وعايزها هيا اكتر مني..؟ بقلمي شيماء صبحي
مراد بصلها وقال " نورين يا حبيبتي انتي مراتي وحبيبتي وحب عمري انما هيا مجرد اتفاق بس يعني عمري مهفكر فيها غير كدا انما انتي حبيبتي والوحيده اللي ساكنه قلبي..!
نورين ابتسمت لما سمعت كلامه وقالت بدلع وهيا بتشده من قميصه عليها " يعني انت بتحبني انا بس يا مراد ..!
مراد حرك راسه بايوا وقال" طبعا وبعدين انتي ناسيه اننا هناخد الطفل ويتسجل باسمك انتي يعني هيا مش هيبقي ليها وجود في حياتنا تاني ..
نورين ابتسمت وقالت" لا مش ناسيه بس برضوا انا مش عايزاك تروحلها عايزاك تفضل جمبي انا علشان كل ما بتخيل انك معاها بموت ..!
مراد بصلها بهدوء وقال..بعد الشر عليكي يا روح قابي ...بس خلاص بق يا نورين خلينا نقفل الموضوع دا علشان دا مش وقت كلام خالص لانك وحشتيني اوي..
نورين بصتله وقالت بابتسامه ..بجد يا مراد انا وحشتك..!
مراد هز راسه وهوا بيبص علي جسم""ها وقال..طبعا وحشتيني اي رئيك بق اصالحك ..
نورين ضحكت علي كلامه وهزت راسها وهوا شالها وقال..يعني موافقه..
نورين بصتله بحب وقالت..موافقة يا حبيبي..'
__________
وفي المطعم اللي موجود فيه يونس وروح ..
ناديه كانت رايحه التواليت وكانت بتبص علي اصحابها بضحك لانها فكراهم كانوا بيهزرو معاهم وهما كانوا واقفين بيبصولها ومصدومين ..ناديه لفت وشها بسخريه منهم لانهم مبيعرفوش يحوروا صح ...
كانت عينيها لسا هتيجي علي طرابيزه يونس ولاكن الويتر ومعاه كام شخص كانوا بيقدموا الاطباق علي الطرابيزه فكان يونس وروح مش ظاهرين وكان اللي ظاهر هوا عماد فقط .. ناديه ماخدتش بالها منهم و دخلت التواليت
وعند طرييزه يونس ..
الاكل كان بيتزل وكان شكله مغري وجميل روح كانت متابعه الويتر وهما بينزلوا الاكل علي الطرابيزه ومتشوقه انها تاكل منه لانها اول مره تشوف الاصناف دي...
الظابط عماد كان بيبصلها وملاحظ حماسها اللي بتحاول تخبيه وهيا بتبص علي الاكل ...؟
كان فاهم نظراتها للاكل لانه عارف ان دايما في اي دار ايتام متعودين ياكلوا من نفس الاكل كل يوم واكيد دي حاجه جديده عليها..
روح مسكت المعلقه وهيا بتبص ليونس وبتستاذنه علشان تاكل وهو استغرب حركتها ولاكنه هز راسه علشان ميحرجهاش وبدا ياكل هو كمان ...
عماد كان بيبصلهم ومبتسم لانهم لايقين علي بعض جدا ولاكنه أفتكر ان يونس خاطب فقال بابتسامه" يبق دي فرصه حلوه اوي ومش هتتكرر ..
يونس لاحظ نظرات عماد المطوله لروح واتضايق لان الفرق اللي بينه وبينها كبير يعني مينفعش يفكر فيها باي طريقه لانها لسا صغيره..!
روح كانت بتاكل وهيا مبتسمه لان الاكل كان طعمه حلو وعجبها شاورت لعماد بابتسامه وقالت بالاشاره.. الاكل حلو
عماد هز راسه ليها ابتسم ولاكن يونس اتضايق جدا من حركتها دي وهيا لما بصتله علشان تعرفه ان الاكل عجبها لقته بيبصلها بغضب ..بعدت وشها عنه بخوف وهيا فكراه متضايق منها لانها اكلت اكل كتير ...
بصتله بحزت وقالت بالاشاره انها هتروح للحمام علشان تغسل ايديها واول ماقالت كدا وقف عماد بعدما فهمها وقال" انا ممكن اوصلك ..
يونس هز راسه برفض وقال" ملوش داعي يا عماد انا هروح معاها..
روح بصتلهم هما الاتنين باستغراب ولاكنها وافقت ان يونس هوا اللي يروح معاها..
اتجه يونس وروح للتواليت وهناك كانت خارجه ناديه واول ماشفتهم اتصدمت وهيا بتقول " يونس انت بتعمل ايه هنا...
روح بصتلها بصدمه وبصت ليونس وهوا رد عليها وهوا مستغرب وجودها في نفس المكان وقال" انا هنا مع صاحبي ولاكن انتي ايه اللي بتعمليه هنا..
ناديه رجعت خصله من شعرها ورا ودنها وقالت وهيا بتبص علي روح باستغراب" انا هنا مع اصحابي البنات بس غريبه يعني يا حضرت الظابط انك عندك وقت تخرج فيه ...
يونس بصلها بضيق وقال" وايه الغريب يعني يا ناديه وبعدين احنا هنا علشان شغل ومش وقت فاضي ولا حاجه..
ناديه بصت لروح وقالت بسخريه وهيا بتشاور عليها من فوق لتحت " ودي بقت شغل..
روح اتحرجت جدا من كلامها وطريقتها في وصفها فسابتهم يكملوا كلام ودخلت الحمام ..
يونس بص عليها واتغاظ من ناديه اكتر لانها احرجتها فقال بضيق" طيب يا ناديه بما انك مع صحابك فاتفضلي روحيلهم ..
ناديه هزت راسها وقالت" اكيد هروحلهم بس انت مش حابب تعزم عليا اقعد معاكوا ولا ايه يا يونس..
يونس بصلها بضيق وقال " بقلك دا شغل يا ناديه !!!
ناديه بصتله وهزت راسه ومشيت من قدامه بدلع ورفعت شعرها علشان يخبط في وشه ...
يونس ضغط علي ايديه جامد وفضل واقف مكانه وهوا بيقول بغيظ..هتفضلي طول عمرك كدا ومش هتتغيري يا ناديه..
روح خلصت وفضلت واقفه جوا ومحروجه تخرج لانها عارفه ان ناديه خطيبت يونس اكيد عملت مشكله معاه بسببها ..
ويونس فضل واقف قلقان عليها علشان اتاخرت فاول ما شاف بنت داخله وقفها وهوا بيقول" بو سمحتي يا انسه في بنت جوا ممكن بس تشوفيها علشان اتاخرت..
البنت بصت ليونس من فوق لتحت باعجاب وهزت راسها ودخلت علشان تشوف روح..
كانت روح واقفه في جنب وهيا ساكته فقربت منها البنت دي وقالت " انتي كويسه ..
روح بصتلها وحركت راسها بمعني ايوا فالبنت كملت كلامها وقالت" في شاب برا بيسال عليكي وقلقان طلب مني اطمن عليكي..
روح رفعت راسها وقالت بالاشاره" هو كان لوحده ..
البنت بصتلها وهيا بتحاول تفهمها وقالت "انا اسفه ليكي بس انا مش فاهمه قصدك خالص بس لو انتي كويسه اخرجي للشاب اللي برا علشان واقف برا قلقان عليكي ...بقلمي شيماء صبحي
روح هزت راسها والبنات بعدت عنها وبدات تغسل ايديها وروح عدلت هدومها وخرجت واول مشافت يونس بصت في الارض بخجل ..
يونس اتضايق من زعلها لان ناديه غلست عليها فقرب منها وقال "انتي كويسه يا روح..!
روح حركت راسها بايوا وهوا قال" لو متضايقه من المكان خلينا نمشي
يونس قرب منها ومسك ايديه وقال" روح ردي عليا متخافيش خلينا نمشي من هنا..
روح بصتله وهزت راسها وهوا راح للطرابيزه وبلغ عماد انهم هيمشوا علشان روح تعبانه شويه ومحتاجة ترتاح ..
عماد وقف بقلق وقال" خير يا يونس هيا مالها.. يونس وقفه بايديه وقال" لا خليك انت انا هاخدها ونمشي المهم دلوقت انا عايز اكون معاك في المهمه دي علشان منصور دا انا لازم قبض عليه بنفسي..
عماد حرك راسه ويونس سابه ومشي ومسك ايد روح وخرجوا من المطعم ..
_______
ناديه واصحابها كانوا متابعين يونس والبنت اللي معاه وناديه اول مشافتهم خرجوا سابت اصحابها من غير اي كلمه ومشيت وراهم وقفت تبص عليهم وشافت يونس وهوا بيفتح الباب لروح وبيبتسملها اتغاظت جدا من البنت اللي معاه وفهمت انها مش مجرد بنت جارة ماجده زي مقالتلها وان في علاقه بينها وبين يونس ..
يونس اتحرك بالعربيه وناديه ركبت عربيتها ومشيت وراهم ..
يونس بص لروح ومسك ايديها وهو بيطمنها وبيقول" روح اهدي بق متخافيش وبعدين هيا ناديه كدا طول عمرها اسلوبها مش حلو وانا اسف اني سيبتها تبصلك كدا من غير ما اخدلك حقك..
روح ضمت حاجبها وقالت بالاشاره … انا مش زعلانه انا كويسه..
يونس رفع حاجبه وقال" بجد والله طيب وضمت حواجبك دي ايه..
روح حركت راسها وهيا بتقول بخجل" انا كدا …
يونس ابتسم ومسكها من خدها وقال" اي رئيك اخدك في مكان تغيري جو..
روح بصتله وقالت بفرحه " بجد..
يونس حرك راسه بابتسامه وقال" اكيد طبعا .. قوليلي بق نفسك تروحي فين..
روح حطت صوبعاها علي دماغها وهيا بتفكر وبعدها بصتله وقالت بالاشاره..عايزه اروح الملاهي ..
يونس ضم عينه وهوا باصصلها وهيا ضحكت علي شكله ومسكت تلفونه وادتهوله وهوا فهم قصدها وفتحه واداهولها علشان تكتب اللي هيا عايزاه..
روح كتبت " انا عايزه اروح الملاهي ..
يونس قرأ كلامها وهز راسه وقال" بس كدا دنتي تؤمري..
روح خجلت وهزت راسها وهوا قال " انا هاخدك لملاهي حلوه فيها العاب كتير وهتعجبك اوي..
روح هزت راسها وهوا غير اتجاه الطريق وكل دا وناديه ماشيه وراهم..
وصل يونس عند ملاهي كبيره ووقف بالعربيه ونزل هو الاول وفتح لروح العربيه وفكلها حزام الامان وبعدها مسك ايديها وخرجها ..
روح كانت فرحانه لانها لاول مره هتجرب الملاهي اللي كان نفسها تشوفها من سنين…
يونس دخل وروح ماسكه في ايديه واول حاجه روح شاورت عليها هيا نوع من انواع الالعاب الخطيره..
يونس بصلها وضم حاجبه وقال" بس دي خطرة اوي يا روح هتخافي..
روح حركت راسها بلا وشاورتله انها مبتخافش…
يونس هز راسه بالموافقه وراح علشان يشتريلها تذكره روح شاورت عليه ..يونس قرب منها وهو بيقول " خير يا روح غيرتي رئيك.. روح هزت راسها بلا وشاورت عليه وقالت" مش هتركب معايا..
يونس قال " قصدك اني هركب معاكي..
روح ابتسمت بحماس وحركت راسها وهوا فضل يبصلها ومش عارف يقولها ايه هو ظابط وليه كاريزمته معقول هيركب لعبة زي دي ..
روح فضلت بصاله وهو لما لقاها مصره هز راسه وقطع تذكرتين للعبة دي ودخلوا هما الاتنين وركبوها واول ما اللعبه اتحركت بدات روح تحس بسرعات قلبها بتزداد ولانها مبتتكلمش بقالها كتير مكنتش عارفه تعبر عن خوفها فمسكت جامد في ايد يونس وهوا لما بصلها لاقاها ضغطة جامد علي ايده ومغمضة عينيها ..
فضل يضحك علي حركتها وهوا بيبص علي الارض لاحظ ناديه واقفه وبتبص عليه وهيا متضايقه .. يونس بص لنفسه واستغرب اللي هوا بيعمله دي اول مره يركب فيها لعبة زي دي روح لاحظت انه مكشر فشاورتله وهيا بتضحك وهوا ابتسم ولما جه يبص تاني علي ناديه لقاها مش موجوده وشاف عربيتها وهيا ماشيه…
يونس اتنهد بضيق وفضل يبتسم لروح لحدما الجوله انتهت ونزلوا من علي اللعبه..
يونس بص لروح وقال" حابه تجربي حاجه تانيه..
روح بصتله بتفكير وهزت راسها وكتبتله " بين الرعب عبير دايما بتحكيله عنه وبتقول انه مرعب بس انا مش هخاف علشان انت معايا..
يونس كان بيفكر ياخدها ويمشوا ولاكن لما قرأ كلامها رجع في كلامه وهز راسه وراح اشتري تذكرتين لبيت الرعب ودخلوا..
روح بصت ليونس برعب وهوا كان ماسك ايديها جامد علشان يطمنها ولاكنها اول مشافت شكل الدميه المخيفه بتقرب عليها فضلت تصوت وهيا بتنده باسمه وبتقول " الحقني يا يونس…
يونس بصلها بصدمه وهوا مش قادر يستوعب انها بتصرخ وبتنده باسمه فقال بصدمه" روح انتي اتكلمتي دلوقت .. يتبع بقلمي شيماء صبحي 🥀
انا اسفه علي التاخير بس انا كان عندي مناسبه وانشغلت فيها ومكنش عندي وقت خالص اكتب فيه بس الحمدلله قدرت اكتب البارت بتاع النهارده وانشاءلله ميعادنا كل يوم زي ماحنا متعودين ..
الفصل الثامن
نوڤيلا🥀جعلتني أقوي🥀
#بقلم_شيماء_صبحي
بصت ليونس برعب وهوا كان ماسك ايديها جامد علشان يطمنها ولاكنها اول مشافت شكل الدميه المخيفه بتقرب عليها فضلت تصوت وهيا بتنده باسمه وبتقول " الحقني يا يونس...
يونس بصلها بصدمه وهوا مش قادر يستوعب انها بتصرخ وبتنده باسمه فقال بصدمه" روح انتي اتكلمتي دلوقت..
روح فضلت ماسكه ف هدومه جامد وهيا خايفه ولاكنها لما استوعبت انها اتكلمت بصتله وهيا مصدومه..!
يونس مسك ايديها وهو بيحاول يهديها علشان يقدروا يخرجوا من المكان دا وقدروا فعلا بعد وقت يخرجوا ..روح اول مخرجت اخدت نفس طويل وهيا بتحاول تستوعب انها اتكلمت ..بصت ليونس اللي كان مركز معاها ومستنيها تقول ايه حاجه..
روح قربت منه وهيا بتشاورله انهم يمشوا لانها مقدرتش تتكلم تاني ..
يونس استغرب حالتها وازاي قدرت تتكلم وتنطق اسمه رغم انها المفروض مبتتكلمش وازاي دلوقت بعدما صرخت واتكلمت مش قادره تتكلم تاني ..
روح مسكت في ايديه وشاورتله علي البوابه علشان يخرجوا من الملاهي وهوا هز راسه وخرجوا..
اول ما ركبوا العربيه يونس بصلها وقال" روح انتي اتكلمتي ازاي'
روح بصتله وهيا مش مستوعبه انها اتكلمت وحاولت انها تستجمع قوتها وتحاول تتكلم وترد عليه ولاكنها مقدرتش..
كان يونس مركز معاها وشايفها وهيا بتحاول تتكلم ولاحظ انها مش قادره تتكلم تاني فقرب من ايديها مسكها وهوا بيطمنها .. وروح حركت راسها بحزن وشاورتله انها مش قادره تتكلم تاني او تصدر اي صوت .. يونس حرك راسه بابتسامه وسألها..
هو انتي كنتي بتتكلمي قبل كده ولا دي اول مرت ..!
روح هزت راسها وشاورتله انها كانت بتتكلم فعلا بس لما كان عندها 10سنين قبل الحادثه اللي عملتها..
يونس ضم حاجبه وسالها باستغراب" حادثة اي دي يا روح !!
بقلمي شيماء صبحي
روح غمضت عينيها بحزن وقالت "انا عايزه امشي من هنا..!
يونس فهمها وهز راسه واتحرك بالعربيه وقال " طيب يا روح حاولي تهدي علشان انا عايز افهم منك ايه الحادثه دي..
روح حركت راسها وطلبت منه انتم يروحوا علي النيل ..يونس استغرب طلبها ولاكنه هز راسه واخدها علي النيل..
___________
في فيلا مراد الشافعي ..
الساعة كانت ١١ مساء ..
صحيت عبير وهيا حاسه بزهق لانها مش متعوده انها تفضل لوحدها كتير قامت من علي السرير ودخلت الحمام وفي الوقت دا كان مراد دخل لاوضتها..
كان بيدور عليها علشان عايز ينام جمبها النهارده لانه حس بالراحه في الاوضة دي اكتر من اوضة نورين ..
عبير خرجت وهيا بتعدل شعرها الطويل وبتسيبه علي ضهرها..
مراد كان واقف وبيتفرج عليها وهو مزهول من جمالها..اول ما عبير شافته استغربت جدا وجودة عندها في الوقت دا..
مراد قرب منها وهوا عينه علي شعرها اللي عماله تعدل فيه وقال""
عبير انا كنت عايز انام هنا النهارده..!
عبير استغربت كلامه ولاكنها هزت راسها فالاخر وقالت" طيب يا مراد دا بيتك وانت حر فيه تنام في اي حته تعجبك انا مليش اني اقول حاجه..!
مراد هز راسه وقال" هوا صحيح بيتي بس دي اوضتك انتي يا عبير وطبعا من حقك توافقي او ترفضي !!!
عبير بصت في الارض وهزت راسها وقالت " يعني اي اوضتي دي يا مراد انا مليش حاجه هنا وبعدين انا افهم في الأصول كويس وانت كزوجي من حقك تنام جمبي عادي…
مراد بصلها بابتسامه وهز راسه وقال..طيب انا هنام انتي مش هتنامي..
عبير بصتله بتفكير وقالت..الصراحه انا مش جيلي نوم زهقت حاسه كده بالوحده لاني مش متعوده افضل لوحدي كل الوقت دا ومفيش حد معايا ..!
مراد هز راسه وقال..يعني عايزة تخرجي مثلا..
عبير بصتله باستغراب وقالت..اخرج اروح فين لا انا قصدي اني عايزه حد يقعد معايا نتكلم ..نسلي بعض يعني..
مراد ضحك علي طريقتها في الكلام وعبير بصتله وهيا مبتسمه وهوا قرب منها وقال..طيب انا ممكن اقعد معاكي ونسلي بعض عادي..!
عبير بصت في الارض بخجل وهوا كان مبسوط لانه اول مره يتعامل مع بنت جميلة وهاديه زي عبير ..
عبير بصت لمراد وحركت راسها وقعدت علي الكنبه وهو قعد جمبها وكان بيبصلها وهو مستنيها تتكلم ولاكنها كانت ساكته …بتفكر هي بتعمل ايه هنا وليه وافقت علي الاتفاق دا وازي هيا هتسيب ابنها لو خلفت منه …
مراد كان مستغرب سكوتها وسالها باستغراب" مالك يا عبير سكتي ليه ..
عبير رفعت وشها وبصتله في عينه وقالت" بفكر يا مراد انا بعمل ايه هنا وليه وافقت علي الاتفاق دا ..!
مراد بصلها باستغراب وهز راسه وقال" يعني ايه يا عبير الكلام دا..
عبير بصتله بحزن وقالت" انا طول عمري محبوسه في الدار ولا عمري شوفت الحريه ووقت ما انت جيت مع الرجاله علشان تختارو بنات مننا انا وكل اللي كانو موجودين كنا بدعي ان اي حد يختارنا علشان نقدر نهرب من السجن اللي كنا عايشين فيه ..بس بصراحه انا استغربت وجودك جداا في المكان دا لان اللي بيجوا دايما بيكونوا رجالة كبيرة زي منت شوفت كدا كل واحد بيختار بنت يتيمه مننا ويتجوزها عرفي علشان يقضي معاها فتره ويسبها يعني عمرنا ما اختارنا اي حاجه بايدينا ديما مجبورين في اللبس مجبروين والاكل مجبورين وحتي الجواز اللي هوا اصلا مش رسمي مجبورين ..انا نفسي اعيش لحظة واحده في حياتي احس فيها اني حره وانا عارفه يا مراد انك دفعت علشان تتجوزني عرفي مبلغ كبير انا بس عايزه امشي وصدقني هشتغل واردلك كل فلوسك بس صدقني كل ما افكر اني ممكن اخلف منك وانت تاخد ابني وتسميه علي اسمك انت ومراتك بحس بوجع في قلبي جامد بحس اني ست مش كويسه اني اعمل في ابني اللي هيتولد كده وان واحده غريبه هيا اللي هتربيه مش امه…
مراد فضل يسمع كلامها ليه وبيفكر لحدما قال" طيب يا عبير انا لو قلتلك هتجوزك رسمي وابنك هيتسمي باسمي انا وانتي هتوافقي..
عبير اتصدمت من كلامه وفضلت بصاله في عينه وهوا قرب منها ومسك ايديها وقال" انا مش عارف ليه كل ما ابص في عينك بحس اني اعرفك من زمان وان في بينا ذكريات حلوه عشناها انا مش مصدق ان انا وانتي بقالنا يومين بس مع بعض..
عبير قلبها فضل يدق من قربه ليها وفضلت تبلع ريقها بتوتر لحدما هو سابها وقال" قولتي ايه يا عبير ..
عبير رفعت راسها ليه وقالت" طيب ونورين مراتك..'
مراد لف وشه وهوا بيقول" ملهاش نصيب تخلف يبق دا قدرها وانتي ملكيش ذنب في اني اظلمك معايا واخد ابنك اسجله باسمها ..
عبير حست بفرحه كبيرة سكنت قلبها فضلت بصاله وهيا مش عارفه ترد تقول ايه بس لما قرر سؤاله تاني عبير هزت راسها وقالت موافقه …
________
وقدام النيل نزل يونس وروح من العربيه ووقفوا قدام الكورنيش وهما بيبصوا علي شكل النيل ..يونس كان شايف لمعة المايه وانعكاس المباني عليها وكان عاجبه شكلها جدا ولاكن روح كانت شيفاها مايه سودًا وعميقة كانت واقفه وهيا ضاغطة علي ايديها وكأنها بتفتكر ذكريات مؤلمه ..
يونس بصلها وركز في ملامحها وهو مستنيها تبدأ تحكيله عن الحادث اللي كان السبب في ان صوتها يروح..
روح انتبهت ليه وبصت في عينيه وهيا ضاغطة علي ايديها والغريب بق انها قدرت تتكلم وقالت" من ٨ سنين بالظبط كان في رجل اعمال كبير في البلد وكان يعتبر اكثر واحد بيتبرع بفلوس ضخمه للدار ..
يونس هز راسه وهيا كملت وقالت" في اليوم دا كنت انا ومعايا بنات من نفس سني واصغر كمان وكانت في الوقت دا اكثر واحده كنت بحب العب معاها هيا سحر بنت جميلة جدا بس كانت اطول مني ومليانه شويه كان رجل الاعمال اللي مستضيفنا في بيته دا دايما عينيه عليها انا مكنتش فاهمه يعني ايه بس في الحقيقه عرفت كل حاجه لما كبرت
يونس كان مركز جدا مع كلامها وهيا كملت وقالت " لما وصلنا الفيلا بتاعته
كان عاملنا حفله فيها اكل والعاب حاجه زي هديه كدا 'كنا كلنا فرحانين لان دي حاجه جديده علينا واول مره نجربها يعني بناكل لحمة وفراخ وبنلعب وكنا مبسوطين ..وانا كنت فرحانه لان سحر كانت بتلعب معايا وواخده بالها مني لان عبير موصياها تعمل كدا علشان انا دلوعه شويه ومش بعرف اتكلم مع اي حد ولا حتي اخد حقي ..
يونس هز راسه وهيا ضمت حاجبها وقالت بحزن" كنا بنلعب انا وهيا والمفروض ان واحده بتعمض عينيها والتانيه بتستخبي وكده ..ولما جه الدور علي سحر انها تستخبي فجاه اختفت و فضلت ادور عليها كتير جدا لدرجة اني دخلت للفيلا من جوه وانا بنادي عليها علشان خايفه لاني لوحدي..
فضلت ادور في الاوض لحدما لقيتها اخيرا ..جريت عليها بفرحه وخوف في نفس الوقت..
كنت فرحانه اني لقيتها بس كنت خايفه علشان المديرة كانت بتنبه علينا مندخلش للفيلا قربت منها وانا بقول بهمس قومي يا سحر قبل ما صاحب الفيلا يشوفنا ..
سحر مكنتش بترد عليا والغريب بق ان هدومها مكنتش مظبوطه يعني كأن حد شددها منها جامد ..فضلت اهزها بخوف لحدما سحر وقعت من علي السرير واول ماوقعت لقيت في د"م علي السرير وعلي بنط"لونها الابيض " فضلت اصرخ باعلي صوت علشان اي حد يجيلنا ولاني طفلة ومش فاهمه حاجه مكنتش عارفه ايه اللي حصلها بالظبط لحدما مالقيت باب صغير في الاوضة بيتفتح كان حمام وخرج منه رجل الاعمال بس كان لابس بنطلون بس ..!
وكان بيبص عليا بصدمه.. كان متفاجي انا ايه اللي جبني هنا..
قربت منه بخوف وانا بقول الحق سحر يا عمو سحر بنط"ونها فيه د"م ..
فضل يبصلي وكأني مش بتكلم وقرب مني انا كمان ومسكني من هدومي وشدني جامد عليه وقال" متخافيش يا حبيتي سحر كويسه وبعدين دي صلصه مش دم..
بصيت عليه بخوف لانه بدا يمس"كني من هدومي جامد ولان عبير كانت معرفاني ان اي حد لو لم"سني بالطريقه دي يبق مش كويس واني لازم اسيبه وامشي ..
بعدت عنه وانا بصرخ لاني عرفت انه مش كويس واني لازم انده لحد كبير واول ما قررت اهرب منه لقيته فجاه مسكني وحط ايديه علي بوقي وقالي اني لو صرخت هيقت"اني زي ما قت"ل سحر..
فضلت اصرخ بخوف لما عرفت ان سحرصحبتي ماتت وانه قت"لها وهوا علشان يسكتني رماني في النيل لان الفيلا بتاعته كانت علي النيل وانا طبعا من حظي ان في الوقت دا كان فيه صيادين لما شافوني انقذوني وطلعوني وهوا جاب ناس من رجالته ورمي سحر في النيل هيا كمان علشان الموضوع يبان اننا كنا بنلعب وزقينا بعض وان الموضوع ملوش علاقه بيه ..
يونس كان مصدوم من كلامها ومكنش مستوعب ان ممكن راجل كبير يعمل كده في اطفال..
روح بدات تعيط وهيا بتكمل كلامها وقالت" لما طلعت كنت خايفه وجاتلي صدمه نفسيه وعصبيه مكنتش قادره اتكلم ولما عبير حاولت تسالني ايه اللي حصل وقتها مقدرتش اتكلم كان صوتي معدش موجود وعدي ثلاث ايام لحدما لقوا سحر عايمه علي وش المايه وعلشان هوا راجل كبير ومعاه فلوس محدش قدر يعمله حاجه وقدر انه يسبت اننا كنا بنلعب وعملنا في بعض كدا ومن وقتها وانا بكره الراجل دا ومش قادره انساه وفضلت اكتر من سنتين بفتكر شكل سحر وبحلم بيها لحدما قدرت انسي الموضوع شويه بعد اصرار كبير من عبير لاني كنت ضعفت جدا وكنت لازم اهتم بصحتي ومن وقتها وانا ساكته ومش بتكلم …
يونس شدها لحض"نه ومسح علي شعرها وقال " اهدي يا روح اهدي انا عايز اعرف بس مين الراجل دا وصدقيني هاخد حق صاحبتك منه ومش بس هوا لا منصور والممرضة وكل حد كان السبب في ظلمك انتي وكل اصحابك..
روح غمضت عينيها وهيا بتضغط علي حض"نه وقالت" الراجل دا اسمه صلاح السعدني هوا رجل اعمال معروف..
يونس اول ما سمع الاسم اتصدم وهوا بيقول" قولتي مين ..
روح اتكلمت تاني وقالت" اسمه صلاح السعدني ..
يونس بعد عنها وهوا مش مستوعب الاسم اللي سمعه روح فضلت بصاله بصدمه وهيا بتقول بدموع" هو انت تعرفه يا يونس .
يونس بصلها وسكت وهوا بيستوعب لسا ان الشخص دا يبق والد خطيبته ناديه ..! بقلمي الكاتبة شيماء صبحي
الفصل التاسع
نوڤيلا🥀جعلتني أقوي🥀
#بقلم_شيماء_صبحي
الراجل دا إسمو صلاح السعدني هو رجل اعمال معروف .؟
يونس اول ما سمع الاسم اتصدم وهوا بيقول" قولتي مين ..
روح اتكلمت تاني وقالت" اسمه صلاح السعدني ..
يونس بعد عنها وهوا مش مستوعب الاسم اللي سمعه وروح فضلت بصاله بصدمه وهيا بتقول بدموع" هو انت تعرفه يا يونس .
يونس بصلها وسكت وهوا بيستوعب لسا ان الشخص دا يبق والد خطيبته ناديه... بصلها وهز راسه وقال" لا معرفوش بس حاسس اني اعرفة بس مش متاكد..
روح مسحت دموعها وهيا بصاله بحزن ويونس عدل هدومه وقال" تعالي يلا نروح علشان الوقت اتاخر..
روح حركت راسها وركبت العربيه وهو ركب جمبها واتحركوا..
بعد وقت وصل يونس وروح لبيت جدته نزلت روح بدون اي كلام ودخل يونس وراها..
ماجده كانت نامت لان الوقت اتاخر ..يونس بص لروح وقال" هتنامي فين يا روح..؟؟
روح رفعت عينيها ليه وقالت " هنام معاك في الاوضة.. يونس هز راسه وشاورلها تطلع هيا وهو هيطلع وراها..
هزت راسها وطلعت لاوضته وغيرت هدومها ونامت وبعدها يونس دخل للاوضه وهوا لسا بيفكر في الكلام اللي روح قالته...
فضل يونس طول الليل يفكر في كلام روح ومستغرب ازاي صلاح السعدني اللي المفروض راجل كبير وطول عمره بيعمل خير وفاتح أكتر من جمعيه خيريه ممكن يعمل كدا في اطفال يتامى.. وقف يونس وهو بيبص لروح وهيا نايمه وشاف قد اي ملامحها بريئة وباين الخوف عليها لانها دايما بتكون حا"ضنة المخده وكأنها بتتحامي فيها..
يونس دخل غير هدومه وخرج من البيت وهو مقرر انه هيروح القسم يدور علي ملف الحادثة دي ويكتشف الحقيقه بنفسه..
وبعد وقت خرج يونس من البيت وركب عربيته واتجه لقسم الشرطة واول ما وصل اتصل بظابط صديقه وطلب منه انه يجيله ضروري للمكتب وقفل معاه..
وفضل قاعد في مكتبه وهوا بيحاول يفتح المحاضر من عنده ولاكنه مقدرش يوصل لحاجه ...
بعد ساعه وصل الظابط صديقه اللي مسؤل عن الحوادث واول ما وصل بص ليونس باستغراب وقال" خير يا يونس في ايه..
يونس وقف وهو بيقول" اشرف انا عايز اعرف معلومات عن حادثه حصلت من 8سنين كانت تخص بنتين اترموا في النيل واحده عاشت والتانيه توفت..
اشرف بص ليونس ياستغراب وقال" وانت عايز المحضر بتاعهم ليه في حاجه ولا ايه..
يونس هز راسه وقال" انا قابلت البنت اللي عاشت دي وعرفت منها ان صحبتها تم الاع"تداء عليها قبل رميها في النيل..
اشرف اتصدم من كلام يونس وطلب منه انهم يروحوا لمكتبه ويشوفوا الموضوع دا هناك..
يونس هز راسه بالموافقه ووقف وهوا بيقول..في حاجه تانيه بق عايزك تعرفها بس هقولك عليها لما نروح المكتب .. أشرف هز راسه والاتنين خرجوا من مكتب يونس وراحوا لمكتب اشرف ..
اشرف قعد علي مكتبه وفتح اللاب توب بتاعه وفضل يدور علي المحاضر اللي اتعملت من ٨ سنين وفضل هوا ويونس يدوروا لحد ما لقوا فعلا في محضر كان معمول والبنتين كانو سحر رزق وروح سامي..!
يونس شاور لأشرف علي الملف وفتحوا وبدأو يقرأوه مع بعض وبعد ما يونس خلص قراءة اتصدم من اللي مكتوب ...
اشرف كان باصص ليونس وهوا لسا مش فاهم ايه اللي يونس بيفكر فيه لحدما يونس بصله قال"
مذكور في المحضر ان البنتين دول كانوا بيلعبوا وان البنت اللي عايشة اللي اسمها روح اذت صحبتها عن طريق الخطا وان حصلت خناقة بينهم ادت انهم يقعوا في النيل لانهم كانوا بيتخانقوا عند بلكونه ملهاش صور ..!
أشرف هز راسه وقال" طيب وانت دلوقت بتقول انها بتقول ان البنت التانيه في حد اعتد"ي عليها يعني مش خناقه ولا حاجة..!
يونس هز راسه وقال" ايوا في حد اعتد""ي عليها والشخص دا يبق صلاح السعدني..!
اشرف اتصدم من الاسم وقال " انت قصدك انه يبق حماك؟؟
يونس هز راسه بضيق وقال" هوا كان متبرع للملجأ دا وعلشان يكافئ الاطفال عزمهم عنده علي الفيلا كان عاملهم حفله وقدر انه ياخد البنت اللي اسمها سحر واغت""صبها لانها كانت في انوثة شويه ولما صحبتها كانت بتدور عليها وشافته رماها في النيل علشان متتكلمش وتفضحة.!
اشرف هز راسه وقال" طيب والبنت دي عامله اي دلوقت ؟؟
يونس بصله بضيق وقال" البنت دي من وقت الحادثة وهيا فاقدة النطق من الصدمة اللي اتعرضتلها والنهارده قدرت تتكلم لما اتعرضت لموقف مرعب قدرت تصرخ ووقتها حكتلي كل حاجه وانا من وقتها وانا مش عارف اعمل اي ولا اتصرف ازاي لان التهمه بعيده عنه تماما واكيد روح كلامها مش هيكفي ولازم يكون في دليل كبير علشان نقدر نقبض عليه..!
اشرف هز راسه وقال بس ازاي مكتوب في المحضر ان البنت التانيه اذت صاحبتها دا كان عمرهم لا يتعدي العشر سنين يبق انت عندك حق فعلا..!
يونس هز راسه وقال" هيا قالتلي ان صلاح هو اللي قفل القضية بسلطاته وبعد الشبهه عنه وطبعا اكيد خلي ناس من اللي يعرفهم هما اللي خلصوه من الليلة دي كلها ..
اشرف بصله وقال" طيب يا يونس انت هتعمل ايه معاه هتعرف تجيب دليل ضدة ازاي !!!
يونس هز راسه وقال" اكيد في دليل طبعا انا متاكد ان وجود روح قدامي مكنش صدفة ابدا واكيد ربنا سبحانه وتعالي اراد ان الحقيقه تظهر وانا اللي هخدلهم حقهم منه ..
اشرف هز راسه ووقف وهو بيحط ايده علي كتف يونس وبيقول"
طيب يا يونس انا هكون معاك في كل حاجه بس انا عايزك تقوم تروح علشان باين عليك مرهق جدا ودا غلط علي صحتك.!
يونس هز راسه ووقف وسلم علي اشرف والاتنين خرجوا وكل واحد روح بيته.. بقلمي شيماء صبحي
___________
وصل يونس للبيت وطلع اوضته ولقي ان روح عمالا ترتعش وبتهتف باسم سحر ..قرب منها بخوف وقال علشان يصحيها" روح فوقي !!!
روح كانت بتعيط وبتمد ايديها علشان تمسك في سحر لانها شيفاها قدامها وبتقول بعياط..سحر انا اسفه اني ملحقتكيش سامحيني..
يونس اتصدم من الحاله اللي هيا وصلتلها وقرب منها اخدها في حض"نه وهوا بيمسح علي شعرها علشان تهدي وروح فتحت عينيها وهيا لسا خايفه ولما لقت يونس قدامها ضغطت علي حض"نه وهيا بتقول بعياط" سحر يا يونس انا شوفتها قدامي وكانت بتبصلي وتعيط انا اكيد غلطانه اني سبتها صح ..
يونس هز راسه بلا وقال" انتي ملكيش اي ذنب دا قضاء وقدر متلوميش نفسك!!
روح هزت راسها وهيا بصاله بعياط وقالت" انت عارف مين صلاح دا يا يونس ..
يونس فضل باصصلها وساكت وهو مش عارف يقولها ايه ..روح كانت ملاحظة سكوته فقربت ايديها من خدة وقالت" يونس انت عارفه رد عليا ارجوك ؟؟
يونس هز راسه بايوا وقال" ايوا اعرفه يا روح بس مش هينفع اقولك اي حاجه ودا علشانك انتي انا خايف عليكي وبعدين يا روح صلاح دا خلاص انا فتحت القضية من تاني ومش هسيبه غير وهوا واخد جزاءة !!
روح بعدت عنه وهيا بتمسح دموعها وبتقول" انا مش ههدي يا يونس الراجل دا هو السبب في كل حاجه هو السبب اني اعيش ٨ سنين في حالة اكتئاب ومش عارفه اتخلص منها وخلاني اعيش فاقدة النطق من اللي انا عشته وغير انه قت"ل صاحبتي قت"لها بكل برود علشان ياخد غرضة من طفلة مكملتش عشر سنين ممكن تقولي انا اهدي ازاي ..انا كنت فاهمه كل حاجه مش غبيه كانت عبير بتقولي ان منصور بياخد البنات يفسحهم بس انا كنت عارفه كان بيعمل فيهم ايه ولما روحت الاوضة وشوفت السرير اللي مليان د"م اتاكدت اني صح وان عبير كانت بتكدب 'بس انا عارفة انها بتعمل كدا علشاني وعلشان خايفة عليا اعرف حاجة بشعه زي دي ..!
يونس قرب منها وهوا بيقول بغضب" كل اللي انتي حكتيه دا انا عارفه وبعدين انا قولتلك كلهم هياخدوا جزائهم انا ظابط وعارف ازاي اوقعهم كلهم في شر اعمالهم وحقك انتي وكل اللي اتاذو هيتردلهم بس انا عايزك تهدي لان عياطك دا بيحسسني اني ضعيف يا روح ممكن تهدي..!
روح بصت في عينيه وهزت راسها لما لاحظت الصدق في كلامه قربت منه وحطت راسها علي صدر"ة وقالت" انت مش ضعيف يا يونس انا اللي ضعيفة انا اللي مقدرتش اعمل اي حاجه وعشت طول عمري بتحامي في اللي حواليا وعمري مواجهت لاني ضعيفه..
يونس مسح علي شعرها وقال " انا عايزك تكوني اقوي من كدا يا روح علشان الفتره الجايه هتواجهي كل دول والمواجه محتاجه للقوة وعلشان تردي حقك انتي وسحر وبقيت اصحابك لازم تكوني قويه..!
روح هزت راسها وبعدت عن حضنه وقالت" حاضر يا يونس بس انا هنام علشان تعبانه..!
يونس هز راسه وقال" طيب يلا نامي انا هقضل جمبك علشان لو حلمتي باي حاجه تانية الحقك
روح ابتسمت علي كلامه وهزت راسه ونامت ..
وبعد نص ساعه كان يونس لسا صاحي وهوا بيبص عليها وبيقاوم النوم بالعافيه روح قربت عليه وهيا فكراه عبير لانها خلاص نامت نوم عميق وشدته عليها ويونس لانه عايز ينام استسلم ليها ونام في حض"نها!!!!
___________بقلمي شيماء صبحي
تاني يوم صحيت ماجده وهيا بترفع ايديها علشان تفوق وافتكرت ان روح ويونس اتاخروا انبارح فقلقت عليهم وقررت انها تطلع تشوفهم الأول قبل ما تجهز الفطار..
خرجت ماجدة من اوضتها وطلعت علشان تشوف يونس وروح وتطمن انهم رجعوا واول ما دخلت الاوضة اتصدمت من اللي شيفاها كان يونس واخد روح في حض"نه وضاغط عليها كانها هتهرب..
ماجده حطت ايديها علي بوقها وهيا مش مصدقه انه واخده في حض"نه بالشكل دا وهيا المفروض محرمة عليه!!!
المنبه بتاع يونس رن قام وهوا حاسس بصداع في دماغه بص جمبه وشاف روح وهيا نايمه علي صدره ابتسم علي شكلها وبص حواليه علشان يقوم. شاف ماجده واقفه بتبصلة بضيق..
يونس استغرب وجودها فبصلها وقال بصوت واطي" خير يا نانا واقفه كده ليه..
ماجده هزت راسها وقالت" انا عايزاك يا يونس بس قوم اجهز الاول وانا هستناك تحت ..!
يونس هز راسه ياستغراب وهيا خرجت من الاوضة وهيا متضايقه من اللي يونس بيعملة..!
يونس بعد روح عن جسمة بالراحه و قام من علي السرير علشان يجهز للشغل ..
دخل الحمام خد شاور سريع وخرج وبدا يلبس وكل دا وروح نايمه..
جهز يونس ومسك تلفونه والمفاتيح وخرج من اوضته وهو نازل علي السلم جاله اتصال من صلاح السعدني والد خطيبته..
يونس بص للرقم بكل ضيق ورد عليه ..
صلاح بابتسامه" صباح الخير يا حضرت الظابط اكيد انت صاحي وانا مقومتكش من النوم !!
يونس هز راسه وقال" لا طبعا انا صاحي انت عارف بق اني بصحي كل يوم بدري. علشان شغلي والقبض علي المجرمين كالعاده !!
صلاح ضحك وقال" ربنا يكرمك يا يونس وتعيشوا وتنضفوا البلد من المجرمين!!
يونس ابتسم بسخريه علي كلامه وقال" اكيد دا شغلنا!!
صلاح ضحك وقال" بس قولي بق انت مجتش اميارح ليه علشان تصالح نادية!!
يونس استغرب كلامه وقال" اصالح نادية ؟؟؟
صلاح هز راسه وقال" اكيد يا يونس هيا مش خطيبتك ولازم تصالحها ولا انت غيرت رئيك ولا ايه..
يونس رد عليه وقال باستغراب " مش فاهم غيرت رأي في ايه هو مش حضرتك كنت مكلمني علشان نخلص الموضوع وكل واحد يروح لحاله ايه اللي اتغير في الكام ساعه دول..!
صلاح ابتسم وهو بيبص لناديه اللي واقفه قدامه وقال " انا بس فكرت في الموضوع وحاولت مع ناديه علشان تفكر وتاخد القرار الصح لانها برضوا بتحبك يابني وانت برضوا بتحبها ومش عاوزكوا تندموا علي قرار اخدتوه في وقت غضب!!!
يونس اتنهد ورد عليه وقال" انا حاولت كتير مع ناديه كتير بس الظاهر كدا انها تخطت حدودها في حجات كتير وانا هاجي لحضرتك النهارده علشان نتكلم في الموضوع دا ونخلصة ..
صلاح هز راسه بالموافقه وقال" خلاص ماشي يا يونس انا هستناك في الفيلا النهارده بس اوعي تنسي اتفاقنا..؟
يونس رد عليه وقال" لا مش هنسي متقلقش هاجي في ميعادي..!
صلاح ضحك وقفل معاه ويونس حط تيلفونه في جيبه وهوا حاسس بخنقه من كلامه معاه !!!
نزل يونس علشان يروح لماجده واول ما نزل وهيا شافته قربت عليه وهيا متضايقه وقالت" ايه اللي انا شوفته دا يا يونس ازاي نايمين في حض"ن بعض كدا انت ناسي انكم متحرمين علي بعض من غير جواز..!
يونس اتصدم من كلام جدته ورد عليها بكل هدوء وقال" انتي فاهمه غلط يا نانا روح كانت تعبانه وانا كنت قاعد جمبها ونمت بالغلط ولاكن انا مش قصدي انام جمبها كده..
ماجده حطت ايديها علي كتفه وقالت" بس برضوا يا يونس حتي التلامس غلط دي ينت اجنبيه عنك انت عارف ربنا كويس وطبعا عارف ان دا غلط وبعدين بلاش الكلام دا انت كدا ممكن تعلقها بيك وانت اصلا خاطب..
يونس اتعصب من كلام جدته وقال" انا مش خاطب يا نانا بص علي دبلته وقلعها وهوا بيقول "ادي دبلة ناديه اهي انا مش عايزها خلاص انا وناديه معدش في بنا اي حاجه كل واحد راح لحاله وانا قايلها كده والموضوع انتهي ..!
ماجده بصتله بحزن وقالت" انت بتعمل كل دا علشان روح مش كده انت عارفها بس من كام يوم معقول تسيب خطيبتك علشان بنت لا ليها اصل ولا فصل..
يونس اتضايق من كلامها عن روح ولاكنه رد عليها وقال" روح ملهاش اي علاقه بموضوعي انا وناديه وبعدين هيا بنت يتيمه ومتربيه في ملجأ ومش علشان هيا كده تبق ملهاش اصل وفصل انتي كنتي حباها يا نانا ايه اللي غيرك عليها كده..!
ماجده بصتله وقالت" ناديه شافتك امبارح انت وهيا في الملاهي معقول يعني يا يونس عيله زي دي تخليك تركب ألعاب زي العيال الصغيره..!
يونس اتصدم من كلامها وقال" الظاهر ان ناديه جتلك انبارح وسخنتك عليا بس انا هقولك حاجه يا نانا انا هاخد روح وهرجع بيتي وانا اسف لو كنت زعجتك باني اجي واجيب روح معايا ..!
ماجده اتصدمت من كلامه وقالت برفض" لا انت هتاخدها وتمشي ازاي انا خلاص اخدت عليها وعليك انت كمان انت عارف اني عايشه لوحدي ومصدقت انك جيت تونسني وروح انا اتعودت عليها برضوا..
يونس بصلها واتنهد بتعب وقال" طيب علشان خاطري ينانا بلاش تضغطي عليا انا والله فيا اللي مكفيني وروح مش وحشه صدقني دي بنت غلبانه وملهاش في اي حاجه بس اللي مش غلبانه فعلا هيا ناديه فبلاش تسمعي كلامها علشان بكلامها دا ممكن نخسر بعض..!
ماجده خافت من كلامه وهزت راسها وقالت" مش هسمعهلها يا يونس بس اوعدني انك مش هتسيبني وتمشي!!
يونس هز راسه وقال" حاضر يانانا اوعدك اني مش همشي بس علشان خاطري بلاش تزعلي روح دا لو ليا خاطر عندك..
ماجده اتكلمت بدموع وقالت" انت ليك طبعا خاطر عندي بلاش تقول الكلام دا روح انا بحبها وهشيليها في عينيا متخافش !!
يونس قرب منها وقبل جبينها وقال" انا اسف يا نانا مش قصدي ازعلك انا طبعا عارف اني ليا خاطر وانك بتحبيني بس صدقني والله انا الفتره دي مضغوط جدا ادعيلي ربنا عدي الفتره دي علي خير !!
ماجده ابتسمت وهزت راسها وقالت " ربنا يوفقك ياحييبي ويبعد عنك شر ولاد الحرام..
يونس ابتسم وهو بيرد عليها " اللهم امين انا همشي بق علشان عندي شغل كتير ..
ماجده " مش هتفطر!!
يونس " هفطر في المكتب..
يونس قال كلامه وخرج وساب ماجده واقفه مكانها وهيا حاسه بالذنب من الكلام اللي قالته ليونس ؟؟؟؟
________ بقلمي شيماء صبحي
وفي قسم الشرطة دخل يونس مكتبه وطلب من المساعد بتاعه يجيله ويجب معاه قهوه وبعدها قعد علي الكنبه وهوا بيفرد جسمه عليها وبيتنهد !!!
دخل العسكري وهوا بيقول" يونس باشا في ست برا الظابط علي بعتها لحضرتك..!
يونس رفع حابه بتساؤل وقال" ست مين دي!!!
العسكري حرك راسه يمعني انه ميعرفش ويونس شاورله يدخلها ..
العسكري خرج وقفل الباب وراه ويونس قام من علي الكنبه وقعد علي الكرسي بتاع المكتب واستني الست دي تدخل..
الباب اتفتح ودخلت ست سنها لا يتعدي الخمسين وهيا بتبص ليونس وبتقول" صباح الخير يباشا!!
يونس هز راسه وقال" صباح النور اتفضلي اقعدي..
الست دي قعدت وهيا بتبص ليونس وبتقول" انا جيالك يباشا علشان اعمل بلاغ في واحد !!
يونس هز راسه وقال" مين هوا..
الست دي فتحت شنطتها وطلعت منها صوره وقالت" للراجل دا ؟؟؟
يونس اخد منها الصوره وهوا بيبصلها بانتباه وبيقول" ايوا مين دا؟
الست حركت راسها بحزن وقالت" دا جوزي يباشا اسمه سامي رضوان .
يونس رفع حاجبه باستغراب وقال" وانتي عايزه تعملي محضر في جوزك ليه ياست الكل قوليلي عمل فيكي ايه!!
الست دي رجعت بضهرها علي الكرسي وقالت بقهر" عمل ايه ؟؟ قول معملش ايه يباشا دا عمل اكتر حاجه تقهر اي ست اخد بنتي من حضني ووداها دار ايتام وكان مفهمني انها تايهه ولما عرفت انها تاهت قلبت عليها الدنيا وعملت محضر في كذا قسم ومحدش عرف يوصلها والغريبه بق يباشا انه وقتها اخدني ومشينا من البلد بحجة اننا علينا ديون وهنروح نعيش عند اهله البلد وكل السنين دي وهوا مخبي عليا انه موديها دار ايتام وامبارح بس اعترفلي قبل ما يهرب ويسيب البلد بس انا مش مسمحاه يا باشا قلبي واكلني علي ضنايا اللي ملهاش طنب في اي حاجه !!!
يونس فضل مركز معاها وقال بتساؤل "جوزك دا هرب ليه !!
الست ردت عليه وقالت بعدم معرفه" معرفش يباشا هوا امبارح لما رجع من شغله كان متوتر كده وقالي علي الحقيقه وحتي مسمعش ردي ايه علي كلامه ولقيته قالي انه هسيب البلد وسابني وانا مش عارفه اعمل ايه ولا اقول ايه فانا جيت هنا القاهره علشان ادور علي بنتي ولما ملقتهاش جيت اعمل فيه محضر هنا وبطلب من الحكومه انها تجبلي حقي وترجعلي بنتي..!
يونس كان بيبصلها وهوا مش مستوعب كلامها قرب منها و سالها " هوا مقالكيش حطها في ملجأ ايه ..
لا مقلش بس هو قالي انه مش فاكر لان الموضوع دا من ١٢ سنهقالي انه حطها في اول دار ايتام ظهرت قدامه وهو مش فاكر اسمها بس انا مش عارفه اعمل ايه انا نفسي اشوف بنتي يباشا انا بقالي ١٢سنه عايشه من غيرها وبحلم باليوم اللي ترجع لحض"ني فيه ؟؟
يونس بصلها بحزن وقال" هي بنتك دي اسمها ايه ياست!!
الست طلعت صوره لبنتها وهيا صغيره وادتهاله وهيا بتقول" بنتي اسمها روح ..روح سامي ودي صورتها يبني وهيا عندها ست سنين ؟؟
يونس مسك الصوره بعدما سمع الاسم واول مشاف شكل الطفله اتصدم لانها تبق روح !!!!!
الفصل العاشر
نوڤيلا🥀جعلتني أقوي🥀
#بقلم_شيماء_صبحي
" هي بنتك دي اسمها ايه ياست!!
الست طلعت صوره لبنتها وهيا صغيره وادتهاله وهيا بتقول" بنتي اسمها روح ..روح سامي ودي صورتها يبني وهيا عندها ست سنين ؟؟
يونس مسك الصوره بعدما سمع الاسم واول مشاف شكل الطفله اتصدم لانها تبق روح !!!!!
بقلم شيماء صبحي
يونس فضل مركز في الصوره شويه وهوا بيتاكد من التشابه اللي بين الطفلة ورح وقبل ما يتكلم ويقولها ان روح عنده دخل المساعد بتاعه وهوا شايل القهوه وبيقول" يونس باشا انا معايا حاجه مهمه لازم حضرتك تشوفها ..!
يونس هز راسه وبص للست اللي قدامه وقال " طيب يا ست نادرة انا اسف بس انتي هتقعدي في الاستراحه برا لحد بس مخلص حاجه وهجيبك تاني واعملك اللي انتي عايزاه!!
نادرة هزت راسها وقالت" حاضر يابني ربنا يصلح حالك يا رب..
يونس ابتسم واستناها لحدما خرجت وبص للمساعد بتاعه وقال" خير يا رأفت ايه اللي معاك..
رأفت ابتسم ليونس وقعد قدامه علي المكتب وطلع من جيبه فلاشة وقال" اتفضل يباشا انا هكرت جهاز المراقبه اللي موجود في الملجأ اللي انا براقبه ولقيت حاجه غريبه جدا !!!
يونس هز راسه واخد منه الفلاشة وحطها في اللاب توب اللي قدامه وظهر قدامه ثلاث فديوهات فتح يونس اول فيديو وشاف منصور وهوا ماسك بنت من البنات الكبيره وهيا عمالا تبعد عنه وخايفه بس هوا كان مسكها جامد ودخلوا لاوضه بابها اسود وبعد فتره خرج منها منصور وهوا بيعدل هدومه وبعدها جت بنت وهيا لابسه لبس دكتوره فخمن يونس انها الممرضة صافيا اللي روح قالته عليها وهيا سانده البنت واللي كانت هدومها متقطعه وماشيه بتعرج..!
يونس خرج من الفيديو وضغط علي الفيديو التاني وشاف مجموعه بنات خارجين من الدور ووصلوا للجنينه وواول ما وصلوا اشتغلت الكاميرا التانيه اللي جاييه الحوش وكانو في رجالة كبيره واقفين جمب بعض واول ما البنات وقفوا قدامهم بدأ كل واحد يختار بنت ويدخل وهوا ماسكها لمكتب المدير ..!
خلص الفيدو وبعدها ظهر فديو تاني لبنت صغيرة وهيا بتهرب من بوابة الملجأ ويونس لما كبر الفيديو اكتشف انها روح؟؟؟؟
يونس بص لرأفت وقال" في فديوهات تانيه غير دي!!
رأفت هز راسه وقال" فيه يباشا بس دول اللي قدرت اجيبهم قبل ما البت الممرضة تقفشني..!
يونس هز راسه ووقف وهوا بيقرب من رأفت وبيقول" انا عايزك تجبلي كل الفديوهات المسجله حتي لو بقالها سنه انا عايزها يا رأفت!!
رافت هز راسه ليونس وبعدها وقف علشان يخرج ولاكن يونس وقفه وهو بيقول" رأفت لو لقيت فيديوهات بقالها حوالي 8 سنين عايزها برضوا..
رأفت استغرب كلام يونس وقال" معقوله يباشا هلاقي فديوهات بقالها ٨ سنين ازاي دا..
يونس حرك راسه ليه وقال" دور يا رأفت المهم تحاول وانت عارف لو جبتها ليك مكافاة مني اجازه شهر علي حسابي ..!
رأفت هز راسه بالموافقه وهوا فرحان وبيقول " عينيا يباشا دنتا تؤمر قال كلامه بفرحه كبيره ويونس ابتسم علي شكله وبعدها رأفت استأذن منه وخرج..!
قعد يونس علي مكتبه وهوا بياخد رشفه من القهوه اللي قدامه وبعدها بلغ العسكري يدخل الست نادرة !!!
_________
وبداخل فيلا مراد الشافعي..
صحيت نورين وهيا بتحط ايديها علي مراد ولاكنها ملقتهوش فتحت عينيها بخضه وهيا بتبص علي مكانه ولقته فاضي.. قامت من علي السرير وهيا متعصبه لانه اكيد سابها وراح لعبير!!
وفي اوضة عبير !!
صحيت عبير ولقت انها كانت نايمة في حض"ن مراد وهوا عا"ري الصدر؟؟؟
عبير اتكسفت جدا لانها افتكرت الي حصل بينهم امبارح فحاولت تقوم ولاكن مراد شدها ليه وهوا بيقول بنوم" رايحه فين خليكي شويه!!!
عبير ابتسمت وهزت راسها ورجعت تاني حطت راسها علي صد"رة وهوا شدها عليه جامد وابتسم لانها سمعت كلامه ومقامتش..
عدي حوالي دقيقتين ه وعبير قامت بخضه علي صوت خبط جامد علي الباب..
نورين كانت بتخبط وبتقول بغضب" انتي يا خطافة الرجاله اطلعي انا عارفه ان عينك منه وعايزه تاخديه مني !!!
مراد صحي علي صوت نورين وهو بيبص لعبير باستغراب وبيقول" في ايه علي الصبح!!
عبير بلعت ريقها بحزن وهيا بتشاورله علي الباب وبتقول" دي نورين مراتك قوم شوفها!!
مراد مسح علي وشه بضيق وقال" هيا عامله ليه كدا علي الصبح !!
نورين خبطت تاني وهيا بتنادي علي مراد وبتقول" قوم يا مراد يا كداب بتخدعني بتخليني انام وتجيلها!!!
مراد اتصدم من اسلوب نورين وقام فتح الباب من غير ما يلبس التيشرت !!
نورين اول مشافته اتصدمت وقالت " انت دخلت عليها يا مراد خالفت بوعدك ليا مش دي اللي بينكوا اتفاق اتكلم يا مراد قول عملت ايه!!!
والد ووالدت مراد صحيوا علي صوت نورين العالي وخرجوا من اوضتهم بسرعه وراحوا علي مكانها !!!
مراد اتعصب من اسلوب نورين وقال بضيق" اهدي يا نورين وبلاش الكلام اللي بتقوليه دا عبير مراتي زيها زيك ودا حقها كزوجة!!!
نورين بصتله بصدمة وقالت وهيا بتبص لعبير بتقزز" بتقارنها بيا انا يا مراد وبعدين انت مش قايلي انها مجرد اتفاق يعني مش جواز حقيقي!!!
مراد رد عليها وهوا بيشد عبير ويوقفها جمبه وبيقول" لا يا نورين انا وعبير خلاص هنتجوز رسمي وهتبق زيها زيك لان انا مرضاش بالظلم ومينفعش اخد ابنها منها واسجله باسم واحده تانيه!!!
نورين دموعها نزلت اول ما سمعت كلامه وبصت حواليها شافت حماها وحماتها واقفين وهما مستغربين كلام مراد واللي كان بيبص لعبير وبيمسح علي شعرها علشان يطمنها !!
نورين قالت بغضب وهي بتبص علي نصار والد مراد " شوف يا عمي كلام ابنك قال ايه هيتجوزها رسمي انت هتسكت علي المهزله دي!!
نصار والد مراد بص لابنه وقال بغضب" ايه الكلام اللي بتقوله دا يا مراد جواز رسمي ايه انت مش قايلنا ان انت متجوزها عرفي واللي بينكوا اتفاق!!!
مراد بص لعبير وقال" انا غيرت رأي يبابا عبير بنت كويسه ومتستحقش كل البهدله دي وبعدين مش حضرتك اللي دايما تقولي اوعي تظلم حد يا مراد اديني سمعت بنصيحتك وشايف انها تستحق تكون مراتي علي سنه الله ورسوله ونورين لازم تتقبل انها مبتخلفش ومينفعش نظلم واحده تانيه ونقهرها علشانها ؟؟
نورين فضلت بصاله بصدمه وهيا بتقول" ايه الي بتقوله دا يا مراد حرام عليك تعمل فيا كده!!!
عبير بصت في الارض بحزن ووالدة مراد قربت منها وقالت وهيا بتمسكها من ايديها بغضب" انطقي عملتي ايه في ابني يا خطافة الرجالة انتي!!
عبير شدت ايديها وهيا بتعيط وسابتهم ودخلت ومراد لما شافها بتعيط بصلهم بضيق وقال" عبير ملهاش ذنب ياماما انا اللي اقنعتها بالجواز الرسمي !!
انتصار قربت من نورين وهيا بتقول" اهدي يا حبيبتي وتعالي نتكلم وبصت لمراد وقالت" انا ليا كلام تاني معاك يا مراد علشان الهبل اللي بتعمله دا !!!
نورين بصت علي مراد بحزن ومشيت مع انتصار وفضل نصار واقف قدام ابنه وبيقول" انا معنديش مانع انك تتجوزها رسمي بس فين خاطر نورين يا مراد مش دي حب عمرك واللي كنت متقدرش تقعد لحظة من غيرها!!
مراد بص لوالده بهدوء وقال" يبابا انا مقولتش اني معدتش بحبها بس صدقني انا عملت كدا علشان حرام اظلم عبير وبعدين انا هعدل ما بينهم بس هيا اللي مش راضيه وشايف بتعمل ايه..!
نصار خبط علي كتف ابنه وقال" ادخل البس حاجه يابني وانزل راضي نورين يا مراد. نورين بتحبك !!! مراد هز راسه ونصار مشي من قدامه وسابه واقف..
مراد دخل وقفل الباب وهوا بيدور علي عبير وملقهاش في الاوضه فدخل الحمام علشان عارف انها اكيد جوه..!
بقلم شيماء صبحي
عبير كانت قاعده بتعيط وصعبان عليها نفسها يحصل فيها كل دا!!
مراد خبط علي الباب وهو بيقول" اطلعي يا عبير خليني اتكلم معاكي!!
عبير مسحت دموعها وخرجت وهيا بصاله بحزن وبتقول" ملوش لزمه تخسر مراتك علشاني طلقني يا مراد وسيبني ابدا حياتي من جديد وكمل حياتك انت ومراتك وكان مفيش حاجه حصلت !!
مراد شدها عليه وهو بيقول بغضب" ايه اللي بتقوليه دا يا عبير انتي مراتي زيك زيها وبعدين هيا اللي متدلعه وانتي ملكيش ذنب في اي حاجه!!
عبير دموعها نزلت تاني وقالت برفض.. انا اسفه يا مراد بس مش هقدر استحمل اللي بيحصل دا روح صالح مراتك وسيبك مني وخلي كلامنا بعدين!!
مراد اتفاجئ من كلامها وكان هيرد عليها بس لقاها سابته ومشيت من قدامه!!
مراد اتنهد بضيق وقرب من السرير لبس التيشرت بتاعه وخرج من الاوضة وهو بيهبد الباب..
عبير مسحت دموعها وهيا بتقول" مينفعش افضل هنا انا مش قدهم ومش عارفه ممكن يعملوا معايا ايه لازم اقنع مراد يطلقني وامشي من هنا واشوف حياتي اللي معشتهاش دي !!
عند نورين نزل مراد وهوا بيبص عليها بضيق لانه شايف ان دا دلع زياده منها وانها المفروض تتقبل جوازه من عبير لان مراد من حقه يخلف ويكون اب..؟
نورين اول مشافت مراد بعدت عن انتصار وقالت" انا هطلع الم هدومي واروح عند مامي انا مش هقدر استحمل كل اللي بيحصل دا!!
انتصار قالت برفض" لا يا نورين مش هسيبك هوا فعلا لازم يطلق البنت دي ؟
مراد قرب منهم وهوا بيقول" انا عايز اعرف لي رافضه جوازي منها طيب منا في الحالتين كنت هدخ"ل عليها عرفي او رسمي في الحالتين كنت هق"رب منها..!
نورين لفت وشها بغضب وهوا قرب منها وقال" فيها ايه يا نورين لو هيا خلفت وربيتوا الطفل. انتي وهيا ويقولك يا ماما عادي لازم يعني يكون متسجل باسمك!!
نورين لفتله وقالت بغضب" فيها كتير يا مراد انا اصلا كنت رافضه الفكره دي من الاول ولما اقترحتها عليك كان مجرد اقتراح يا مراد بس معرفش انك كنت مستني اني اقولك كدا من زمان!!
مراد بصلها وقال بهدوء " انا عملت كدا علشان انا نفسي في طفل يا نورين وانتي عارفه ان احنا بقالنا سنين بنحاول وبرضوا مفيش اي حاجه حصلت وانا ربنا محللي اربعه بس انا هتجوز اتنين بس..!
نورين زقته بغضب وقالت" بس انا مش متقبلاها يا مراد يا انا يا هيا علي ذمتك!!
مراد بصلها بصدمه وقال" انا عايزكوا انتو الاتنين وبعدين يا نورين انتي مش نفسك يبق عندي طفل وامون اب !!
نورين قالت بعياط" وانا نفسي ابق ام يا مراد كان نفسي يكون االطفل دا بننا احنا يا مراد مش من واحده تانيه ؟
مراد شدها لح"ضنه وقال وهوا بيمسح علي شعرها" انتي عارفه اني بحبك وطبعا مش عايز اخسرك بس صدقني انا لو معملتش كدا هنعيش طول عمرنا بنندم علي الوقت اللي ضيعناه واحنا في ايدينا نجيب طفل !!
نورين شاورت عليه وقالت" اتكلم عن نفسك يا نراد انت اللي تقدر تجيب ولاكن انا لا مقدرش لاني عقيمه مش دا قصدك!!
مراد بص لوالده ووالدته واتنهد وهوا بيقول" صدقيني يا نورين عبير بنت كويسه وانا عارف ان اللي مضايقك اني سبتك وروحتلها بس صدقني كل دا حصل صدفة بس لو هيا وجودها في الفيلا مضايقك انا ممكن اخدها في اي مكان تاني واعدل الايام مبينكوا !!!
نورين قالت برفض.. لا يا مراد انا مش موافقه وانا هروح بيت بابا ولو سمحت طلقني دا اخر كلام عندي وانا قولتهالك من شويه يا انا يا هيا علي ذمتك اختار انت بق!!
نورين قالت كلامها وسابتهم وطلعت اوضتها وهوا فضل واقف بيبص لاهله بصدمه وهوا مش عارف يقول ايه ولا يعمل ايه هوا مش عايز يخسر نورين وفي نفس الوقت مش عايز يخسر عبير لانه حبها!!!
انتصار قربت من ابنها وقالت" دا قرارك انت يا بني وانت ممكن تكون شايف حجات احنا مش شايفينها بس نصيحتي ليك بلاش تخسر نورين هيا بتحبك!!
بقلم شيماء صبحي
مراد هز راسه وبص لوالده والي قال" انا بصراحه نفسي اوي في حفيد بس في نفس الوقت مش عايزك تخسر نورين انت عارف اننا كلنا بنحبها وهيا بقت جزء من العيله خلاص..
مراد هز راسه وبعدها قال" حاضر يبابا حاضر ياماما!!!
نصار اخد مراته وطلعوا علشان يصالحوا نورين ويحاولوا معاها علشان متسبش البيت ومراد قرر انه يطلع يغير هدومه ويروح عند صحبه ويفضفض معاه لانه محتار يعمل معاهم ايه واكيد لما يفضفض لحد هيقدر يساعده انه ياخد القرار الصح !!!
_________
وفي مكتب يونس "
الست نادرة بفرحه" بجد يا يبني عارف مكانها..؟
يونس هز راسه وقال" طبعا عارف مكانها بس انا عايز منك خدمه بسيطة""
نادرة بفرحة" قول يا حبيبي انا تحت امرك!
يونس ابتسم وقال" انا مش عايزك تجيبي سيرة لاي حد هنا او بره يعني اهلك او جوزك مش عايز حد يعرف..!
نادره رفعت حاجبها باستغراب وقالت" ليه يا بني عايزني مقولش لحد خير قلقتني!!!
يونس ابتسم وهوا بيقول" مفيش حاجه بس انا بعمل كل دا علشان مصلحة روح مش اكتر وانا هاخدك ليها بس زي متفقنا ولو حابه تقعدي معاها انا معنديش مشكله بس انا مش عايز اي حد يعرف عنها حاجه او يعرف انك لقتيها!!
نادره هزت راسها وقالت" حاضر والله مش هتكلم بس انت توديني ليها!!
يونس هز راسه وقال" الاول انا عايز اساالك هتعملي محضر في جوزك ولا رجعتي في كلامك!!
نادره ابتسمت وهزت راسها بلا وقالت" قطيعه هو وسرته اهم حاجه اني لقيت بنتي!!
يونس ابتسم علي طريقة كلامها وقال" طيب خليني اخدك ليها ويارب تكون صحيت!!!
نادره ابتسمت وقامت ويونس طلب منها تخرج وتستناه برا وهوا هيطلع وراها..
نادره هزت راسها وخرجت من مكتبه وهوا لبس هدومه وقال وهوا بيتنهد" يارب عدي الايام اللي جايه دي علي خير..
العسكري دخل وهو بيقول" حضرتك ماشي يباشا!!
يونس هز راسه وقال" ورايا مشوار هخلصه وهاجي تاني!!
العسكري هز راسه وخرج ويونس بعدها خرج واول ما طلع برا القسم لقي نادره واقفه مستنياه شاور للصبي يجيبله عربيته وراح فتحلها الباب علشان تركب وراح ركب جمبها …
وهوا في العربيه جاله اتصال من صاحبه اللي بقاله سنتين ميعرفش حاجه عنه!!
يونس بغضب" عايز ايه يا زف"ت !!
مراد ضحك علي كلامه وقال" انت زعلان ولا ايه ؟؟
يونس رفع حاجبه بغيظ وقال" وانا هزعل ليه هو انا برضوا هيفرق معايا عيل زيك!!
مراد ضحك علي كلامه وقال" خلاص يا عم انا اسف مكنتش اعرف انك زعلان مني بالشكل دا!!
يونس ابتسم وهوا بيقول" قول عايز ايه اخلص..
مراد ضحك وهوا بيقول" جايلك تلحقني يا صاحبي حاسس اني هنفجر من اللي بيحصلي!!
يونس رد عليه ببرود وقال" وهو ايه اللي بيحصل..
مراد هز راسه وقال" مينفعش اقولك علي التيلفون احنا لازم نتقابل..
يونس هز راسه وقال" خلاص قولي انت فين وانا سنتين وهجيلك!!
مراد ضحك علي كلامه وقال" دنتا قلبك اسود صحيح!!
يونس ضحك علي كلامه وقال" اكيد شايل منت مبتعبرش ومش لاقيلك رقم..
مراد ابتسم وقال" معلش بق يا يونس انت عارف اني مشغول في حكاية الخلفة دي وبعدين انا لسا راجع من السفر اهو واول ما جيت انت اللي جيت في دماغي اول واحد!!
يونس هز راسه وقال" ماشي يا عم مراد المهم انا عندي مشوار دلوقت اسبقني انت بس علي المكان بتاعنا وانا هجيلك علي طول!!
مراد هز راسه وقال" ماشي يا صحبي سلام..
يونس" سلام!!
يونس قفل المكابمه وبص لنادره لقاها بصة علي الطريق باستغراب ودي كانت نفس نظرات روح اول مره اخدها معاه في العربيه كانت بتبص حواليها بنفس النظرات وكانها مستغربه شكل الحياة!!!
وصل يونس لبيت جدته وهوا بيبص لنادره وبيقول" بنتك موجوده دلوقت في البيت دا!!
نادره بصتله بشكر وقالت" والله منا عارفه اقولك ايه يابني انت ابن حلال وربنا هيكرمك والله..!
يونس ايتسم وخرج من عربيته وراح فتحلها الباب ومسك ايديها واتحركوا لقدام الباب الرئيسي للبيت ورن الجرس وعدي ثواني والباب اتفتح وكانت روح هيا اللي بتفتح وهيا مبتسمه بس اول مشافت ان معاه واحده خجلت جدا وقالت وهيا بتشاور عليها" مين دي .. بقلمي شيماء صبحي
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق