نوفيلا جعلتني أقوي الفصل الحادي عشر والثاني عشر والثالث عشر والرابع عشر والخامس عشر بقلم شيماء صبحي حصريه وجديده
 |
اول مشافت ان معاه واحده خجلت جدا وقالت وهيا بتشاور عليها" مين دي يا يونس..؟
نادره اول مشافت روح ابتسمت ولاكنها اول ما لقتها مش عارفاها دموعها نزلت وهيا بتقول" مش عارفة انا مين يا روح انا امك يا حبيبتي ؟؟
روح اتخضت من كلامها وقربت من يونس مسكت في دراعه وهيا بتقول بخوف"يونس مين دي !!
يونس قرب من روح ومسك ايديها وقال" دي مامتك يا روح وبعدين مش المفروض تسلمي عليها!!
روح هزت راسها وقالت" يعني دي ماما بجد بس انا مش فاكرة شكلها ؟؟
يونس هز راسه وقال" دا طبيعي يا روح انتي مشوفتهاش بقالك 12 سنه انتي كنتي لسا صغيره اكيد مش هتبقي فكراها !!
روح بصت للست اللي واقفه قدامها وهيا بتقول" هو انتي بجد ماما!!؟
نادره هزت راسها بعياط وقالت" انا اسفه يابنتي والله انا مكنتش اعرف انه اخدك من حض"ني ووداكي ملجأ سامحيني مكنتش قادره عليه!!
روح قربت منها وهيا بتقول بحزن" هوا مين اللي اخدني من حض"نك؟؟
نادرة مسحت دموعها وهيا بتقول" ابوكي اللي ما يتسمي منه لله اخدك من ورايا ووداكي ملجأ وبعدها اخدني وروحنا لاهله في البلد ومنعني من الخروج علشان مدورش عليكي بس صدقيني ولا الدنيا كلها تخليني مدورش عليكي وطبعا انا هربت منه وقلبت عليكي الدنيا علي اساس انك تاييه ومكنتش اعرف انك في ملجأ!!
روح بصتلها بدموع وهيا بتقول" وعرفتي امتي مكاني ودورتي عليا ؟؟
نادرة هزت راسها وقالت" دورت يا حبيبتي دورت واخر دار ابتام روحتها قالولي انهم ميعرفوش حد بالاسم دا بس في بنت قالتلي انها تعرفك وانك هربتي من الدار بس يونس باشا الله يكرمه اما روحتله القسم علشان اعمل محضر في جوزي قالي انه يعرف مكانك وجابني هنا؟؟
بقلم شيماء صبحي
روح بصت ليونس بشكر وقربت من مامتها وحض"نتها وهيا بتقول" انتي وحشتيني اوي يا ماما انا مبسوطه اني شوفتك تاني؟؟
نادرة كانت بتعيط وبتقول " انتي اللي وحشتيني يا روح قلب امك من جوه..؟
ماجده خرجت علي صوتهم وهيا بتقول باستغراب" هو ايه اللي بيحصل هنا وروح بتتكلم ازاي..؟
يونس قرب من ماجده وهو بيقول" تعالي معايا يا نانا وانا هفهمك بس سيبيهم مع بعض شويه بص يونس لروح وقال" خدي مامتك وادخلي يا روح متفضلوش علي الباب؟
روح بصت لمامتها وابتسمت ومسكت ايديها وقالت" تعالي يا ماما ندخل جوا؟
نادرة هزت راسها وهيا مبسوطه انها شافت بنتها تاني بعد 12 سنه فراق ..
روح قعدت وهيا بتبص لنادرة وبتقول بلهفة" هو انتي لما روحتي دار السلام شوفتي عبير؟؟
نادره بصت لبنتها باستغراب وقالت" مين عبير دي يا حبيبتي!!
روح بحزن" دي عبير مامتي التانيه وكل حياتي هيا وحشتني اوي..؟
نادرة بصت لبنتها بحزن وحركت راسها وقالت" انا مشوفتهاش.. هيا صغيره !
روح حركت راسها بلا وقالت" لا عبير دي كبيره قد عمري مرتين!!
نادره ضمت حاجبها وقالت" كل اللي شوفتهم اطفال مكنش في حد كبير ؟؟
روح هزت راسها وسكتت ونادره خرجت من الشنطه اللي في ايديها صور لروح وهيا صغيره وبدات توريهالها وروح اول مشافت الصور ابتسمت لانها فاكرة شكلها وهيا صغير لان اول ما دخلت الدار صوروها صوره ادوهالها علشان لما تكبر تقدر تلاقي اهلها بيها !!!
نادره كانت مقربه من روح وهيا بتشاورلها علي الاشخاص اللي موجودين معاها في الصورة وبتشرحله هما مين لحدما جت عن شخص وقالت دا يبق ..
روح بصتلها بانتباه ونادره كملت بحزن وقالت" دا يبق ابوكي ؟
روح مسكت الصوره وقربتها من عينيها وهيا بتددق في ملامحه وقالت" وهو فين دلوقت؟
نادرة اتنهدت وهيا بترد عليها وبتقول.. هرب ومش عارفت راح فين بس انا مش عايزه اشوفه دا هو السبب في كل اللي احنا فيه دا منه لله..!
روح قامت من جمبها وراحت علشان تدور علي يونس وهيا بتقول" يونس انت فين؟!
يونس انتبه لصوتها وخرج من اوضة ماجده وهوا بيقول" انا هنا يا روح تعالي!
روح قربت منه وهيا بتوريله صورتها ما باباها ومامتها وبتقول" دا بابا انا عاوزاك تقبض عليه مع الباقي..!
يونس اتصدم من كلامها وقال بتساؤل" ليه ياروح؟
روح بصت لابوها في الصوره بكره وقالت" انا بكرهه علشان هوا السبب انت شايف ماما مقهوره ازاي..!
يونس بص للست نادره وقال وهو بيبص لروح" بس مامتك رفضت تخليني اعمل فيه حاجه وقالت ان اهم حاجه انها تشوفك ومش عايزه في الدنيا دي غيرك انتي بس..؟
روح بصت لمامتها وقالت بحزن" يونس انا عارفه انها ماما بس انا مش عايزه ابعد عنك؟؟
يونس قلبه دق اول ما سمع كلامها وفضل باصصلها ومركز في ملامحها وهيا بتتكلم لحدما لقاها بتحط ايديها علي خده وبتقول"انت روحت فين يا يونس انا بكلمك؟؟
يونس انتبه ليها وهو بياخد نفسه وبيقول" انا هخلي مامتك تقعد هنا لحدما اقبض علي كل الي قلتلك عليهم علشان تبقوا في امان ووقتها يبق لينا كلام تاني!!
روح هزت راسها برفض ومسكت ايده وهيا بتقول" حتي لما تخلص يا يونس انا هكون معاك ماشي..؟
يونس هز راسه وقال" ماشي ياروح هتفضلي معايا بس روحي لمامتك بق مينفعش تسيبيها قاعده لوحدها وانا هخرج علشان عندي مشوار وهاجي بالليل..!
روح هزت راسها ومشيت من قدامه وراحت عند مامتها وفضلوا يتكلموا ويونس دخل لجدته وطلب منها انها تقعد معاهم علشان هو هيخرج لان عنده شغل وهيرجع بالليل.
ماجده هزت راسها وهيا بتتنهد وبتقول" حاضر يا يونس !!
يونس ابتسم ومشي من قدامها وقرب من نادره وقال" ست نادره انتي هتفضلي هنا مع روح ودا بيت جدتي وانا عايش فيه برضوا وعايزك متقلقيش من اي حاجه انتوا في امان..!
نادره ابتسمت علي كلام يونس وقالت بشكر" شكرا يا بني علي كل حاجه عملتها علشاني او علشان بنتي انا مش عارفه اردلك جميلك دا ازاي..
يونس ابتسم وهو بيبص لروح وبيقول" انا معملتش اي حاجه وبعدين دا وجبي كظابط اني احمي اي مواطن..
روح بصتله بابتسامه وهوا ابتسم وخرج !!
____________
يونس خرج من الييت وركب عربيته وساقها وهو بيفكر في كلام روح وانها مش عايزه تسيبه حس بنبضات قلبه بتزيد لانه بدا يحس بشعور غريب لما بيشوفها او يقرب منها ..! ابتسم علي طفولتها وهيا بتترجاه يخليها معاه ؟
مسك تلفونه وعمل اتصال مع صديقه مراد وعرفه انه في الطريق وقفل..
وفي مكان تاني عند ناديه وبقيت شلتها .. قالت ناديه بسخريه" انا طبعا مش هسيبه ليها بالساهل كده انتي فاكره ان سهل عليه يسيبني علشان واحدة زي دي.؟
نورا صاحبتها قربت منها وهيا بتقول..!
هتعملي ايه يعني يا ناديه يونس شكله بيحب البنت دي وانتي عارفاه كويس لما بيكون عاوز حاجة انتي ناسيه انه يبق يونس الشناوي يعني من اكبر رجال الاعمال في مصر وكمان ظابط يعني مهما تعملي مش هتقدري عليه!!
ناديه ابتسمت علي كلامها بسخريه وقالت" اوعي تكوني ناسيه انا ابق بنت مين فاهمه يعني ايه صلاح السعدني قبل ما تقوليلي يونس ومش يونس!!
نورا بصت في الارض وهيا بتفكر وبتقول" بس انا خايفة عليكي يانادية انتي تستحقي احسن من يونس وبعدين انتي باصرارك عليه دا..؟
ناديه بصتلها وقالت بغضب.. كملي يا نورا بعمل ايه باصراري؟؟
دينا صحبتها ردت عليها وقالت..هيا قصدها انك كده بترخصي نفسك قدامه هوا كدا شايفك مدلوقة عليه وبعدين يا ناديه هو انتي مش قولتي في البداية ان علاقتكوا مجرد صحاب فجاه يعني اتعلقتي بيت كده..؟
ناديه بصتلهم بضيق وقالت" انا صحيح مبحبش يونس بس دا مش معناه ان بعد خطوبتنا الفتره دي يسيبني بالشكل دا وعلشان حتة بت مفعوصة زي دي طيب لو كان اختار واحده تانيه في نفس مستوايا مكنتش هزعل قد منا شايفاه مختار بت زي دي؟؟
نورا بصت لدينا صحبتهم ورفعت حاجبها يمعني انها متتكلمش تاني والاتنين فضلوا باصين لناديه واللي كانت سرحانه وهي بتفكر ازاي تنتقم من يونس ؟؟
بقلم شيماء صبحي
_______
وبداخل كافية وصل يونس وهوا بيدور علي مراد واول مشافه قرب منه وعلي ملامحه الجديه ..!
مراد ابتسم وهو بيقول" يونس وحشتني يا ابن الايه!؟
يونس هز راسه وقال" وانت كمان طمني عليك..؟
مراد بصله بغيظ وقال" دنت قفوش يلا متفك كدا بقولك مكنش قصدي..!
يونس بصله باستغراب وقال" قفوش ايه يا عم انت كمان انا بس مستغرب شكلك انت اتغيرت اوي كده ليه!!
مراد ضحك وهو بيقول" هعمل ايه بق من مرمطي ورا نورين عند الدكاتره انت متخيل اني حولت شغلي لامريكا سنتين علشان نكشف هناك ..؟
يونس ابتسم وهو بيقول" طيب طمني حصل اي حاجه جديده!!
مراد هز راسه بلأ وقال.." ولا اي حاجة حصلت كل الجري دا كله واكتشفنا ان نورين هيا اللي عندها المشكله؟؟
يونس هز راسه وقال وهو بيحط ايده علي كتفه.. معلش يا صحبي دا نصيبها بس انت مدام معندكش اي مشكله متتجوز تاني..؟
مراد ضحك وهوا بيقول" مانا عملت كده!!
يونس فضل يضحك وهوا بيخبط كف فوق التاني وبيقول" يا ابن الايه وانا اللي قولت عليك هتوفي لنورين ومتتجوزش عليها..
مراد بصله وهوا بيفكر في كلامه وقال ..انا عملت كده لما هيا طلبت مني دا بس المشكله بق اني بعدما اتجوزت بتقولي دا كان مجرد اقتراح ومكنتش اعرف انك مستنيني اقولك كده..
يونس قرب منه وحط ايده علي كتفه وقال..كمل وبعدين؟؟
مراد هز كتفه وقال..بتخيرني بينها وبين مراتي الجديده وطبعا انت عارف ان ابويا وامي بيحبوها ومش متقبلين اني اطلقها وعايزني اطلق التانيه..
يونس هز راسه وقال.طيب ومراتك الجديده دي رأيها ايه في كل دا..
مراد افتكر عبير وجمالها فابتسم وقال..متسامحه مع الموضوع بطريقه تجنن الواحد يعني عايزاني اطلقها عادي واكمل انا مع نورين..بس بيني وبينك يا صحبي انا حبيت عبير اوي رغم انها مكملتش اسبوع معايا بس بنت جميله وتتحب؟؟
يونس ابتسم وهو بيقول..يعني انت قرارك ايه دلوقت..
مراد بصله وقال،منا جايلك علشان كده انا بحب الاتنين ومش عايز اطلق ولا واحده بس نورين منشفه دماغها وبتقولي يا انا يا هيا..
يونس هز راسه وهو بيبص لمراد وبيقول"مدام انت حابب مراتك الجديده خليها علي ذمتك وطبعا نورين بما انها منشفه دماغها سيبها تروح عند باباها فتره كده بس اوعي تعمل اي حاجه لا تقول هطلق ولا تجيب سيره انا عارف انها متقدرش تبعد عنك انت ناسي كنت بتعمل ايه لما بنت تقرب منك..؟
مراد هز راسه وهو بيقول..عندك حق بس قولي هعمل ايه مع التانيه اللي بتقولي طلقني وخليني ابدا حياتي من جديد؟؟
يونس باستغراب."هيا كانت متجوزه قبلك ولا ايه..
مراد هز راسه بلا وقال..لا كانت عايشة في ملجأ….!
يونس بص لمراد بتفكير وهو بيفكر في اسم مراته وبيربط كلامه عنها بكلام روح وفجاه بصله وقال..عبير دي كانت في دار الامل لرعاية الأيتام..؟
مراد استغرب يونس وان عارف اسم الدار وقال..ايوا بس ازاي انت عارفها؟؟
يونس حرك راسه بلأ وقال ..انت ازاي اتجوزتها من هناك مش المفروض ان عمرها عدي ال ٣٠
مراد هز راسه وقال" هيا صحيح عدت ال٣٠ بس لسا بنت ولما روحت الدار علشان اختار عروسه لان واحد من المستسمرين في شركتي قالي علي الملجا دا بس عرفني ان الموضوع سري فانا وافقت وروحت ووقتها دفعت مبلغ كبير علشان اقدر اتجوزها!!
يونس باستغراب" دفعت مبلغ ازاي وليه!!
مراد حرك راسه بعدم علم وقال" المدير بيقول ان هو اللي كان بيصرف عليهم لحدما كبرهم وانه علشان يجوزهالي ادفع مقابل رعايته ليها..
يونس هز راسه وقال" وانت دفعت كام..
مراد " ٢٠٠ الف جنيه بس كان جواز عرفي وطبعا مفيش اي حد من اهلي يعرف كل الكلام دا؟؟
يونس قرب من مراد وقال" ممكن تقولي انت في الوقت دا شوفت كام بنت!!
مراد كان مستغرب اساله يونس الكثيره ولاكنه كان بيرد وقال"كانو حوالي ١٢ بنت وانا وقتها لفت نظري عبير لانها كانت مختلفه عن باقي البنات كانت واقفه حزينه عكس البنات اللي كانو مبسوطين!!
يونس وقف وهوا بيقول " مراد انا لازم امشي بس انا عايز منك طلب ضروري انا عايزك تجيب مراتك عبير وتيجي عند بيت جدتي بكره علي الاقل وانا هفهمك كل حاجه بعدين لاني عندي دلوقت ميعاد مع صلاح والد ناديه ولازم امشي دلوقت!!
بقلم شيماء صبحي
مراد وقف وهو بيقول" خلاص ماشي يا يونس بس انا ليه حاسس ان الموضوع كبير!!
يونس هز راسه وقال" هو فعلا كبير يا مراد وانا هحتاجك معايا !!
مراد هز راسه ويونس سلم عليه ومشي ومراد خرج من الكافيه وركب عربيته ومشي وهوا بيفكر يا تري ايه الموضوع اللي يونس عايزه فيه هو وعبير؟؟؟
_______
وبداخل فيلا صلاح السعدني وصل يونس ورن الجرس وبعد ثواني فتحت الخادمه وهيا بتقول" يونس باشا اتفضل صلاح بيه موجود بس هو حاليا معاه ضيف!!
يونس هز راسه وقال" عرفيه اني وصلت !
الخادمه هزت راسها ويونس دخل وهو بيبص علي المكان..
وبداخل مكتب صلاح دخلت الخدامه بعدما طرقت الباب وهيا بتقول" صلاح بيه يونس باشا خطيب الانسه ناديه وصل ومستني حضرتك!!
صلاح هز راسه وقال" طيب شوفيه يشرب ايه وانا هحصلك!!
الخادمه هزت راسها ومشيت وصلاح بص للشخص اللي قدامه وقال"
انجز لم الفلوس دي يا منصور وامشي بس متنساش تبعت كام بنت للرجالة بتاعنا اللي جايين من برا..؟
منصور هز راسه وقال" عينيا ياباشا بس انت عارف ان الموضوع مكلف ودول مش كفايه!!
صلاح هز راسه ليه وقال" هديلك غيرهم بس لو الرجاله بتاعتي اتبسطت !!
منصور ابتسم وهوا بيقفل الشنطة اللي قدامه وبيقول" وانا عمري خذلتك قبل كده يباشا اكيد هيتبسطوا دانا هبعتله بنات لسا بكرتونتها !!
صلاح ابتسم وقال" طيب يلا قوم لحسن اللي برا دا مش شخص عادي دا ظابط..!
منصور بصله بخوف وقال" ظابط بجد يباشا!!
صلاح ضحك علي توتره وقال" ايوا ظابط بس متقلقش دا خطيب بنتي!!
منصور ضحك بخوف وقام وهو بيقول" اذا كان كده مخافش بق..
صلاح هز راسه ومنصور خرج من قدامه وهو بيبص حواليه بتوتر واول ما يونس شافة استغرب شكله لان شافه قبل كده بس مش فاكر فين صلاح سلم عليه وهو بيقول" مساء الخير يباشا!!
يونس هز راسه وهو بيقول" مساء النور ..؟
منصور خرج بسرعه من الباب وهوا بياخد نفسه وبيقول" خلاص يا منصور اهدي اكيد يعني هواا ميعرفكش!!
وعند يونس كان بيفتكر شاف الشخص دا فين فين لحدما افتكره وقال بهمس دا يبق مدير دار الايتام ؟؟
وقف يونس بصدمه وكان هيمشي بس وقفه صلاح وهو بيقول بابتسامته"علي فين بس يباشا المره دي مش هتعرف تهرب مني !!
يونس بصله وهو بيقول " كنت قايم اشم شويه هوا في الجنينه بس كويس ان حضرتك جيت!!
صلاح قرب منه وهو بيسلم عليه وبيقول" طمني عليك يا حبيبي عامل ايه واخبار الشركة والقسم ايه؟؟
يونس هز راسه وهوا بيتماسك اعصابه وقال !!
كل حاجه تمام الحمدلله!
صلاح قعد جمبه وهو بيقول" الحمدلله يابني ..بص بق يا يونس انت عارف اني بعزك جداا وبعتبرك في مقام ناديه انا جبتك علشان اكلمك بصفتي في مقام والدك مش حماك وبقولك ان انت ونادية بتحبوا بعد فبلاش تخسروا بعض يبني !!
يونس هز راسه وهو بيقول.بس يا عمي انا وناديه متفقين علي الانفصال وانا بصراحه مش مستعد خالص للجواز دلوقت ومحتاج فتره افكر فيها كويس في الموضوع ..؟
صلاح هز راسه وقال."والله يا يونس كلامك مقنع ومن حقك انك تفكر فعلا بس قولي انا هعمل ايه مع ناديه البنت متعلقه بيك..
يونس كان لسا هيرد عليه فقاطعته ناديه واللي دخلت عليهم وهيا بتقول..خلاص يبابا ملوش لازمه الكلام دا انا مستعده اسيب يونس عادي ..
يونس بصلها بانتباه وهيا قربت منهم وهيا بتبصله وبتقول..اظن ان يونس لقي بنت يحبها غيري بس للاسف معرفش يختار ملقتش غير دي يا يونس وتحبها ؟؟
يونس بصلها بغضب وضغط علي ايديه ولما صلاح لاحظ كده بص لبنته وقال..عيب كدا يا ناديه متنسيش ان يونس مش مجرد خطيب
ك دا ابني وزيه زيك بالظبط ولازم تحترميه؟؟
ناديه حطت ايديها علي وسطها وقالت.. طيب يبابا قول لابنك بق دبلته اهي وانا معدتش عوزاه!!
يونس بصلها بتركيز وهيا بتقلع الدبله وبتقرب منه وبتقول" اتفضل يا يونس قالتها وهيا بتفتح ايديه وبتحطها وبعدها سابتهم وطلعت!!
صلاح بص ليونس وقال " متزعلش منها يابني هيا اكيد مضغوطة بس خلاص الموضوع خلص خلاص هيا اخدت قرارها..!
يونس هز راسه وقال" طيب يا عمي انا بستأذن بق من حضرتك لان ورايا شغل مهم!!
صلاح هز راسه ويونس سلم عليه وخرج وهوا بيبص لدبلة ناديه ومش مصدق انه اخيرا خلص منها!!
اتحرك يونس بعربيته ووصل عند النيل وخرج من عربيته وهوا ماسك دبلة ناديه بضيق وحدفها في المايه وهو بيقول" ربنا يبعدك عني يا ناديه بقدر ما الدبله هتكون بعيدة!!!
الفصل الثاني عشر
نوڤيلا🥀جعلتني أقوي🥀
#بقلم_شيماء_صبحي
وصل يونس لبيت جدته وكان الوقت اتاخر اول ما فتح الباب لقي روح واقفه قدامه؟؟
يونس استغرب وهو باصص عليها وبيقول" انتي ايه اللي مصحيكي لحد دلوقتي يا روح..؟
روح قربت منه وحض"نته وهيا بتقول "يونس انا بحبك ومش عايزاك تسيبني ،خليني معاك علي طول علشان انا بخاف لما بكون لوحدي..؟
يونس اتصدم من كلامها وفضل يقرر كلمة (انا بحبك) اللي هيا قالتها ومش مستوعب انها بتقوله كده فضل قلبه يدق وهيا كانت حض"ناه ومغمضه عينيها وهيا مستنياه يرد عليها..؟
يونس بعدها عنه وهو بيمسك وشها بايديه وبيقول" روح انا قولتلك اني مش هسيبك بس بعدما كل حاجه تنتهي مامتك من حقها تاخدك !!
روح حركت راسها بلا وهيا بتقول بدموع" بس انا عايزاك انت وعبير بس انا عارفه انها مامتي بس انا خايفه لاني لسا معرفهاش بس انا مش عايزه امشي من هنا!!
يونس غمض عينيه بتعب وقال" مينفعشي تفضلي هنا انتي من حقك تعيشي مع والدتك ولاكن انا مقربلكيش حتي يعني مينفعش تفضلي هنا؟؟
روح بصتله بصدمه وقالت" لا يا يونس انت قولتلي اني هفضل معاك ليه بتغير كلامك!!
يونس ابتسم وهوا بيقول" مش هكدب عليكي يا روح بس انا كنت بقول كده علشان تتقبلي مامتك وتقربي منها علشان هيا الوحيده الي تستحق انك تحبيها وتفضلي معاها مش انا..!
روح بعدت عنه وهيا بتحرك راسها بالرفض وقالت" انا مش عايزاها يا يونس انا مش بحبها عبير احسن منها هيا سابتني وعبير اللي كانت بتحميني وانت كنت بتحميني برضوا علشان كده بحبكوا ولاكن هيا عايزه تيجي وتاخدني وهيا زمان مقدرتش تحميني من ابويا ..عايزني اروح معاها ازاي دي جبانه؟؟
يونس اتصدم من كلام روح عن مامتها وقرب منها وقال بجديه" روح عيب اللي بتقوليه دا وبعدين مش انتي كان نفسك تلاقي اهلك !!
روح عيطت وقالت" كان نفسي الاقيهم بس مش عايزه اروح معاهم علشان خاطري يا يونس خليني معاك..!
بقلم شيماء صبحي
يونس غمض عينيه بتعب وهو مش عارف يقولها ايه فحرك راسه وقال" بصي يا روح مينفعش بنت وولد يفضلوا مع بعض من غير جواز وانا ..؟
روح هزت راسها وقالت" انت ايه ؟
يونس حرك راسه برفض وقال" انا اكبر منك بكتير يا روح وحرام اظلمك معايا انتي تستحقي شاب يكون اكبر منك بحجات بسيطه علشان تقدروا تفهموا بعض ولاكن انا بيني وبينك 12 سنه فمينفعش!!
روح قالت بلهفه"..لا ينفع يا يونس انا موافقه انا بحبك انت ومش عايزه شاب من سني انا كبيره انا فاضل شهرين وهيبق عندي19 سنه يعني كبيره اهو!
يونس حرك راسه برفض وقال" روحي نامي يا روح وبلاش نتكلم في الموضوع دا تاني لو مش عيزاني ازعل منك!!
روح بصتله بحزن وسابته وطلعت لاوضتها!!
يونس اتنهد وهوا بيحط ايديه علي دماغه بتعب وبيبص عليها وهيا طالعه فضل واقف مكانه شويه وبعدها قرر يطلع اوضته علشان يرتاح !!!
______________
تاني يوم صحي يونس علي صوت موبايله وكان المتصل عماد ..
فتح يونس المكالمه وهو بيقول بتعب" ايوا يا عماد!!
عماد كان بيتكلم بجديه وبيقول" صباح الخير يا يونس انا عايزك تجي المكتب حالا علشان في اخبار مهمه عن اللي اسمه منصور دا؟؟
يونس هز راسه وقال " حاضر يا عماد مسافة الطريق وهكون عندك !
عماد قفل مع يونس وهوا بيبص للراجل اللي واقف قدامه وبيقول" انا عايزك بق تشرحلي كل حاجه وتقولي كنتو بتعملوا ايه بالبنات دول!!!
الراجل دا كان بيبص لعماد بخوف وبيقول" والله يباشا انا لو اتكلمت هيموتوني انت متعرفهمش دول عصابه كبيرة!!
عماد ابتسم بسخريه وقال" لا يا حبيبي قول ومتخافش كانو بيعملوا ايه بالبنات الكبيرة!!
الراجل بلع ريقه وقال" في رجالة كبيرة كل سنه بيروحوا يختارو بنات كل واحد بيطلع بواحده بياخدها ويروح مكتب منصور بيه يمضوا علي عقد جواز عرفي وبيفهموا البنات انهم كده اتجوزوا ونص البنات دي يباشا..؟
عماد هز راسه وبص للراجل وقال" ها كمل؟
الراجل هز راسه وقال" نصهم او معظمهم بيكونوا مش بنات اصلا لان منصور بيه بياخد بنت منهم كل خميس يقضي معاها ليله وطبعا اللي بيساعدوه فكل دا انا والممرضة صافيا وصلاح بيه؟؟
عماد هز راسه باستغراب وقال" مين صلاح بيه دا؟؟
الراجل عيط وهو بيقول" مش هقدر اقول يباشا انا بناتي تحت ايديهم!؟
عماد وقف ومسكه من هدومه وقال بتهديد!! بناتك اللي انت خايف عليهم دول انا اللي ممكن اخلص عليهم لو منطقتش؟
الراجل بص لعماد وهز راسه وقال" دا رجل اعمال يباشا اسمه صلاح السعدني !
عماد رفع ايديه وهو بيسكت الراجل وهوا بيقول" صلاح السعدني؟
الراجل هز راسه بخوف وعماد فضل يكرر الاسم بصدمه وهو بيقول صلاح السعدني دا يبق حما يونس!!
الراجل مكنش فاهم قصد عماد لحدما عماد بصله وقال كمل!
الراجل قال" صلاح دا يباشا شغال في السكه الشمال يعني مش مجرد رجل اعمال دا شغال مع ناس اجانب يباشا بيشتغلوا في المافيا وبيجو كل سنه زي مقولت لحضرتك يختارو بنات وبعدما يقضوا معاهم الفتره اللي تعجبهم بيخ"لصوا عليهم ويبيعوا اعضا"ئهم وطبعا محدش يعرف كل الكلام دا لان صلاح باشا المفروض انه المتبرع الوحيد للملجأ يعني الكل عارف انه شخص كويس ومستحيل يجي في دماغهم ان مل دا بيحصل !!!
عماد كان مصدوم من كل الكلام اللي سمعه وكان مش متخيل رد فعل يونس لما يعرف بالكلام دا كله،،
عماد بص للراجل وقال" منصور دا شغلته ايه مع صلاح!!
الراجل قال بعياط" دراعه اليمين يباشا والممرضة صافيا تبق حبيبتة !!!
عماد هز راسه وقال" طيب يا شاكر انت هتشرفنا في الحجز فتره كده لحدما يونس بيه الشناوي يوصل ووقتها نشوف هنعمل فيك ايه!!
الراجل فضل يقول بخوف" والله يباشا انا مليش دعوه باي حاجه هما كانو بيهددوني ببناتي والله انا مليش علاقه بشغلهم!!
العسكري دخل للمكتب وعماد شاورله ياخد شاكر علي الحجز؟؟
وبعد وقت وصل يونس وهوا بيقول للعسكري.. بلغ عماد بيه اني وصلت!!
العسكري رفع التحيه وقال" عماد بسه في انتظارك يا فندم!!
يونس هز راسه والعسكري فتح الباب وقال" عمادبيه يونس باشا وصل
…
عماد هز راسه ووقف علشان يستقبل يونس اللي دخل وكان باين علي التعب
عماد بابتسامه" صباح الخير يا باشا ايه مش عايز تصحي!!
يونس قعد علي الكرسي بعدما سلم عليه وقال" والله ياعماد انا تعبان ومضغوط جداا!؟
بقلم شيماء صبحي
عماد خبط علي كتفه وقال" كل حاجه هتخلص يا يونس بس المهم انا عايزك تستقبل الاخبار دي وتتمالك اعصابك..
يونس ضم حاجبه وعماد قعد قدامه وهو بيقول" امبارح وانا براقب الملجأ لقيت راجل ماسك بنتين وخارج من هناك..لما مشيت وراه عرفت انهم بناته وانه شغال في الدار وطبعا لما ضغط عليه عرفت منه المعلومات اللي احنا مستنينها؟؟
يونس هز راسه وعماد كمل" انا كنت بستجوبه من شويه وطبعا المعلومات اللي قالها مش شويه وقالي ان صلاح السعدني حماك ليه دخل في الموضوع!؟
يونس بص لعماد بانتباه وقال" انا عارف ؟؟
عماد بص ليونس باستغراب وقال" عارف ازاي وامتي يا يونس !!
يونس رجع راسه بتعب وقال" روح اتكلمت وشرحتلي انه من ٨ سنين اتع"دي علي صحبتها لما كان عندهم عشر سنين ولما روح شافته انه عمل كده في صحبتها رماها في النيل وصاحبتها كانت مبته اصلا لانها مستحملتش فرماها هيا كمان بس روح كان ربنا كتبلها عمر جديد وقتها وكان في صيادين بيصتادوا في تفس الوقت ولحقوها ..وصحبتها طلعوها بعد ثلاث ايام وطبعا روح جاتلها صدمه نفسيه فمقدرتش تقول علي اي حاجه شافتها وطبعا صلاح قدر يبعد التهمه عنه ولما عرف انها فقدت النظق سايها ومرضاش يجي جمبها تاني !!
عماد كان مركز مع كلامه وقال" المعلومه اللي انت قولتهالي دي متجيش حاجه جمب اللي الواد دا قالها ..؟
يونس عدل جسمه وبص لعماد بجديه وقال" مش فاهم!!
عماد حكي ليونس كل اللي شاكر قاله وعرفه ان صلاح مش مجرد راجل اعمال وانما شغال مع مافيا اجانب وبيتاحروا في اطفال الملجأ؟؟؟
يونس اتصدم وهز راسه وقال" يا ابن الك"لب يا صلاح؟؟
عماد حط ايديه علي كتفه وقال" اهدي يا يونس صلاح خلاص انكشف واحنا حاليا معانا شاكر رغم ان عنده كلام كتير دليل علي قذ"ارة صلاح واللي معاه الا انه مش كفايه ومحتاجين دليل اكبر علي الاقل فديوا مصور لاتفاق او نقدر نقبض عليهم متلبسين في اي حاجه !!
يونس هز راسه وقال" بس دي هتكون صعبه لان لو صلاح او اللي معاه حسوا بس اننا عرفنا اي حاجه عنهم هياخدوا حظرهم ووقتها هنكون ضيعنا كل اللي بنعمله!!
عماد هز راسه وقال" طيب هو في حد غيري انا وانت يعرف بالكلام دا !
يونس هز راسه وقال" اشرف زميلي في القسم طلبته من يومين علشان يجبلي ملف القضيه بتاعة روح وصحبتها والمساعد بتاعي رأفت!!
عماد هز راسه وقال" طيب يا يونس احنا دلوقت لازم نحط خطة علشان نقدر نوقع منصور وصلاح في شر اعمالهم البنات اللي ضاعت دي حقهم في رقابنا احنا!!
يونس هز راسه وهو بيضغط علي ايديه بغضب وقال" طيب انا هروح اشوف رأفت عمل ايه انا كنت طالب منه يجبلي كل تسجيلات الكاميرا لكل السنين اللي فاتت من اول ما مسك منصور الاداره ومن وقت حادثة روح وصحبتها!!
عماد خز راسه وقال" انا كنت سايب شاكر علشان تقابله بس اظن ان ملوش داعي دلوقت عمتا هو هيكون مشرفنا في الحبس الكام يوم دول لحد ما نشوف هنعمل ايه!!
يونس هز راسه بالموافقه وسلم علي عماد واستاذنه علشان هيمشي..!
________
بداخل فيلا مراد الشافعي وبالتحديد في اوضة عبير ومراد!!
صحيت عبير وهيا بتبص جمبها شافت مراد نايم بعمق..
قامت وهيا بتفتكر كلامه امبارح انهم هيروحوا لبيت واحد صاحبه علشان موضوع خاص بدار الايتام..
دخلت عبير تغسل وشها وتفوق وهيا بتفكر يا تري صاحبه دا عايزهم في ايه..
صحي مراد علي صوت قفل باب الحمام بص جنبه لقي ان عبير مش موجوده فقام يجهز علشان يروح الشركة ….
وعند عبير كانت خلصت وخرجت وهيا بتبص علي مراد ومبتسمه فلقت ان السرير فاضي فضلت عبير تدور عليه باستغراب واتصدمت انه مش في الاوضه فضلت قاعده علي السرير وهيا مستنياه يرجع علشان تساله هيعملوا ايه ؟؟
بقلم شيماء صبحي
مراد دخل اوضة نورين واللي كانت نايمه غير هدومه بسرعه وخرج وراح لعبير .
مراد بابتسامه" صباح الخير يا عبير .؟
عبير ابتسمت وهزت راسها وقالت" صباح النور يا مراد!!
مراد قرب منها وهوا بيقول" انا رايح الشركة وانا زي مفهمتك امبارح اننا هنروح لصاحبي الساعه واحده كده تكوني جاهزه وانا هاجي اخدك بس المهم متتكلميش مع اي حد من اللي في البيت ولا حتي تخرجي من اوضتك!!
عبير هزت راسها ومراد ابتسم وهوا بيقب"ل دماغها وقال" الفطار والغداء هيطلعوا علي اوضتك وطبعا لو حصل اي حاجه اتصلي بيا !
عبير ابتسمت وهوا وقف يسرح شعره ويحط بيرفيوم وبعدها شاورلها انه هيخرج وودعها!!
____
وفي القسم وصل يونس واتصل علي رأفت يجيله مكتبه وبعد دقايق كان وصل "
يونس بص لرأفت وقال" عملت ايه في اللي قولتلك عليك!!
رأفت قعد قدامه وحط الشنطه اللي كان شايلها علي المكتب وقال" دول يباشا كل الهاردات بتاع تسجيل الكاميرا من اول ما الملجأ اتبني!!
يونس هز راسه وقال" دا كويس جدا هات بق اما نشوف مع بعض؟
رأفت هز راسه وفتح الشنطة طلع اول حاجه اللاب توب بتاعه وبعدها بدأ يطلع كل هارد ويشغلوه كان اول اتنين فتحوهم كانوا عن تصميم الملجأ والعمال شغاله وبدأ واحد ورا التاني لحدما شغله واحد كان لصلاح وهوا بيدفع مبلغ كبير من الفلوس وبيسلم علي المديره وكانت ناديه موجوده وهيا صغيره وكانت بتسلم علي الاطفال وبتديهم هدايا وكانت الصحافه بتصور كل دا!!
رأفت فضل يشغل ويونس بيتفرج معاه لحدما شافوا فديوا لشخص مقنع داخل للملجأ بالليل وكانت في استقباله المديره الشخص دا كان بيشاورلها علي الكامرا وهيا كانت بتشاورله انها مش شغاله الراجل قلع القناع اللي لابسه وكان صلاح واول ما دخلوا المبني الفيدوا فصل .!
رأفت خرج الهارد وهوا بيقول هوا شكل الكاميرا دي فضلت بس في رقم ١٠ ممكن يكون التكمله بتاع الفيدوا دا!!
يونس شاورله يشغله واول ما شغله كانت الصوره واضحه جدا للمديره وهيا ماسكة بنتين صغيرين في سن ١٥ سنه وبتديهم لصلاح وشاورتله علي اوضة موجوده جمبهم وصلاح كان ميتسم جدا وفضل يقرب من البنات دي ويم"سكهم من المنا"طق الغل"ط والبنات كانوا خايفين جدا وكانت المديره مبتديش اي رد فعل ..
في بنت منهم جرت علي المديره بخوف وهيا بتترجاها تنقذهم من الشخص دا ولاكنها زقتها بعيد عنها وصلاح اول مشاف ان البنت دي خايفه شدها ودخل للاوضة دي وقفل الباب وبعدما طلع كان بيعدل هدومه وكان في ايديه ظرف اداه للمديره وهيا فتحته بفرحه وكان فيه فلوس.. عدي ثواني وبدات المديره وبنت في نفس سن الاطفال تساعدها انهم يطلعوا البنات دول وكانوا عا"ريين !
يونس غمض عينه وهوا مش قادر يصدق ان ممكن يكون في ناس بالبشاعه دي ومكنش يصدق ابدا ان صلاح صديق والده ووالد خطيبته يبق هوا السبب في كل اللي بيحصل دا!!
فضل يونس ورأفت يشوفوا الفديوهات ولقوا فديوهات مكرره لصلاح بيعمل نفس الموضوع لحدما شغله فيديوا كان لعزاء المديره وكانت الاطفال كلها بتعيط لانهم كانو بيحبوها للاسف ..؟ خلص الفيديو واشتغل فيديوا لاستلام المدير الجديد الاداره بتاعت الدار وكان منصور !!
يونس طلب من رأفت انه يعمل زوم علي وش منصور علشان يتاكد انه نفس الشخص اللي شافه امبارح عند صلاح واول مشافه اتاكد ان هوا..
رأفت كان بيتفرج علي كل اللي بيشوفوه وقلبه وجعه علي البنات اليتامي اللي ملهمش ذنب في كل اللي بيحصلهم دا!!
خلص رأفت كل الفديوهات وكانوا اخدوا ادله كتير تدل عن اللي بيعمه صلاح ومنصور والممرضة وعن شاكر اللي كان ظاهر معاهم وعن تجارتهم بالاطفال ..
خرج يونس من القسم وكانت الساعه واحده الظهر!!
صلي يونس الظهر في اول جامع قابله وكان بيدعي ربنا انه ينصرهم ويقويهم علشان يقدروا يرجعوا حق كل الاطفال اللي ضاعوا بسبب صلاح وشركائة !!
خلص يونس صلاه واتصل بصديقة مراد علشان الميعاد اللي بينهم ومراد اكد عليه انهم في الطريق..!
يونس وصل البيت بسرعه علشان يعرف روح ان عبير صحبتها جايه عندهم !!
روح كانت بتتجاهل النظر في وش يونس ومبتردش عليه ..
يونس قرب منها وقال بهدوء " ممكن نتكلم !
روح بصتله بضيق وحركت راسها بلا ..يونس ضغط علي ايديه بغضب وقال" في موضوع ضروري لازم اقولك عليه!
روح قامت من جمبه وراحت قعدت جمب والدتها وهوا فضل باصصلها ومستغرب تعاملها معاه!!
الجرس رن وطلبت ماجده من روح انها تفتح ولاكن يونس منعها وقام هوا يفتح!!
روح كانت بصاله بغيظ علشان هيا بتحب تفتح الباب دايما ولاكنها فضلت باصه في الارض وساكته لحدما سمعت صوت هيا عارفاه كويس بتقول" روح؟؟
الفصل الثالث عشر
نوڤيلا🥀جعلتني أقوي🥀
#بقلم_شيماء_صبحي
قرب منها وقال بهدوء " ممكن نتكلم !
روح بصتله بضيق وحركت راسها بلا ..يونس ضغط علي ايديه بغضب وقال" في موضوع ضروري لازم اقولك عليه!
روح قامت من جمبه وراحت قعدت جمب والدتها وهوا فضل باصصلها ومستغرب تعاملها معاه!!
الجرس رن وطلبت ماجده من روح انها تفتح ولاكن يونس منعها وقام هوا يفتح!!
روح كانت بصاله بغيظ علشان هيا بتحب تفتح الباب دايما ولاكنها فضلت باصه في الارض وساكته لحدما سمعت صوت هيا عارفاه كويس بتقول" روح؟؟
كل اللي موجودين رفعوا عينيهم ولاكن روح وقفت بصدمه وهيا بتقول" عبيرر؟؟
عبير كانت بصالها بصدمه ومستغربه انها رجعت تتكلم وقبل متسالها ازاي اتكلمت روح جريت عليها وحض"نتها وهيا بتعيط وبتقول"
عبير انتي وحشتيني اوي انتي عامله ايه وهربتي ازاي من منصور؟؟؟
عبير كانت فرحانه جدا انها قدرت تشوفها تاني وضغطت علي حض"نها وهيا بتقول" انتي اللي وحشتيني قوي يا قلب عبير!!
عبير بعدتها عن حضن"ها وهيا بتتفحصها وبتقول" طمنيني انتي عامله اي حصلك حاجه!!
روح ابتسمت وهيا بتهز راسه بلا وقالت" انا كويسه الحمدلله انتي عارفه يا عبير انا لقيت ماما!!
عبير بصتلها بصدمه وغيره ورفعت حاجبها وقالت" وهي فين ماما دي.. عبير كانت بتبص علي نادرة وماجده وهيا بتقول هيا فين !!
روح لفت علشان تشاورلها علي نادره وعبير وقتها كانت باصه علي ماجده؟؟
نادره كانت مستغربه مين البنت الي روح حضناها دي ووقفت علشان تسلم عليها وهيا بتقول" انا نادرة يا بنتي ام روح!!
عبير بصت لروح علشان تتاكد من كلام الست دي وروح هزت راسها وقالت" ايوا يا عبير هيا تبق ماما!!
عبير بصت للست نادره بغضب وقالت" وحضرتك بق كنت فين كل السنين دي وسايبه بنتك في مكان زي دا انتي عارفه هيا مرت بايه هناك.
يونس ومراد كانوا بيتفرجوا عليهم ومراد مكنش فاهم ايه علاقه عبير بالبنت اللي في بيت يونس لاكن اللي صدمه اكتر ان عبير بتزعق للست دي..!
نادره بصت لعبير وقالت بحزن" انا مليش يد في اي حاجه يبنتي ابوها هو السبب هو اللي حطها في الدار دي وكان مفهمني انها تاهت!!
عبير دمعت وهيا بتبص لروح وبتضمها ليها وبتقول" متخافيش يا حبيبتي انا خلاص رجعت واوعدك المره دي محدش هيقدر ياخدك مني مره تانيه!!
نادره بصت لعبير بصدمه وقربت من عبير وقالت بغضب"" تاخدي مين دي بنتي انا محدش هيقدر ياخدها مني مره تانيه..!
مراد بص ليونس والاتنين قربوا منهم ومراد اخد عبير ويونس وقف قدام الست نادره وهو بيقول" اهدوا علشان نعرف نتكلم!!
عبير كانت بتبص لمراد وبتقول بعياط" دي روح يا مراد اللي حكتلك عنها البنت اللي انا ربنها علي ايدي دي وكنت بحبها اكتر من نفسي ..
مراد بص لروح وابتسم وقرب تاني من عبير وهمس في ودنها وقال" خلاص يا حبيبتي اهدي انا عارف انك بتحبيها بس لازم تهدي علشان نقدر نفهم كل الحكاية!!
عبير بصت لروح اللي كانت واقفه خايفه وهيا بتقرب منها وبتقول" قولتلك متخافيش تعالي ..
يونس بص للست نادره وطلب منها تقعد وقرب من عبير وطلب منها تسيب روح وتقعد ومراد قعد وكل دا وماجده قاعده تبصلهم وساكته !!
يونس قرب من روح وضمها لصدره وهوا بيقول" روح انا عارف انك كبيرة وعاقله وتقدري تاخدي القرار الصح مش عايزك تظلمي مامتك هيا ملهاش ذنب!!
روح بصتله وابتسمت لانه قال عليها كبيره فقالت بهمس..يعني انت شايفني كبيره اهو يعني ممكن نتجوز..!
يونس بصلها وغمض عينيه وقال" الظاهر كده انك عنديه ومحدش بيقدر يتناقش معاكي!!
روح ضمت حاجبها بغيظ ويونس ابتسم وهو بيقول" خلاص بق بلاش الضمة دي انا مش قدها..!
الست نادره كانت بتبص لعبير بضيق ولاكن عبير كانت بتبص لروح ومستغربه ازاي هيا موجوده في حض" ن الشخص دا ومبسوطه ..
مراد قرب منها وقال بهمس..الطاهر كده ان في علاقة حب بين يونس وبنتك..
عبيرضمت حاجبها وهيا بتقول ..علاقة اي دي لسا صغيره وبعدين مش دا قدك..بقلمي شيماء صبحي
مراد ابتسم علي غيرتها الواضحه علي روح وقال..لا يا ستي انا اللي اكبر،،؟
عبير هزت راسها وهيا بتقوم وبتقول ،" ولو برضوا مينفعشي يقرب منها كده هوا فاكر نفسه مين ..؟
مراد لسا هيشدها فلقاها قامت بسرعه وقربت من يونس وشدت روح من حض"نه وقالت بغضب..ايه اللي بتعمله دا دي لسا صغيره علي الكلام دا ،؟!
يونس بص لعبير بضيق وروح بصتلها بضيق وقالت بهمس..بتعملي ايه يا عبير منك لله دانا مصدقت اقرب منه!!
عيير قرصتها من دراعها وهيا بتقول" مكنتش اعرف انك اتعلمتي قلة الادب تعالي اقعدي جمبي!!
روح ضمت حاجبها ومشيت جمبها ويونس بص لمراد وشاورله علي مراته بضيق ومراد ابتسم وشاورله يجي علشان يفهمه ايه اللي بيحصل!!
يونس قرب منهم وبص لعبير وقال" بصي يا عبير انا عارف انك بتحبي روح وانك ربتيها من وهيا لسا ٦ سنين بس دا ميمنعش ان ليها اهل هقابلهم في يوم من الايام وطبعا هما اللي ليهم الحق ياخدوها !!
عبير بصت ليونس وهزت راسها برفض وقالت" بس روح تقدر تختار هيا معدتش طفلة واكيد مش هتحتار غيري !!
يونس بصلها وعرف ليه روح طالعه عنديه ؟؟
روح كانت بتبص للست نادره واللي كانت ملامحها حزينه وهيا بصالها .. فلفت جسمها وهيا بتبص لعبير وشافت قد ايه خوفها عليها فضلت روح قاعده وهيا بتفتكر ذكرياتها مع عبير وفي نفس الوقت هيا عايزه مامتها..؟
روح وقفت وبصت ليونس وقالت" يونس انا عايزه افضل مع ماما وعبير !!
يونس بصلها وهوا فاتح عينيه وبص لنادره وعبير اللي كانوا باصيين عليها بنفس النظره وساكتين!!
ماجده لاحظت اللغبطة اللي بتحصل قدامها ووقفت وهيا بتمسك روح من ايديها وبتقول" روح هتفضل معايا هيا ومامتها كمان ودا قرار نهائي ومش مسموح للنقاش فيه!!
مراد بص لجدة مراد وهوا مبسوط لانها عملت معاه الصح لان لو روح كانت اختارت عبير بس كانت عبير هتقرر تاخدها معاهم للبيت ومش بعيد تخليها تنام في حض"نها!!
يونس بص لجده وابتسم لانها كده حلت المشكله!!
عبير كانت لسا هتتكلم مراد شدها عليه وقال" متسيبيها بق مع مامتها انتي ناسيه انك متجوزه وخلاص يا ستي انتي عرفتي مكانها ابق تعالي زوريها !!
عبير رفعت حاجبها برفض ووقفت ولاكن مراد شدها عليه تاني وقال" مينفعشي اللي بتعمليه دا يا عبير وبعدين انتي لسا معرفتيش روح انك اتجوزتي!!
مراد قال جملته الاخيره بصوت عالي علشان روح تنتبه ليه واول ما روح سمعت ان عبير اتجوزت بصتلها بصدمه وقالت" انتي فعلا اتجوزتي يا عبير !!
عبير اتوترت وهيا بصالها وهزت راسها بايوا وقالت" بس كله علش..!
روح جريت عليها بفرحه وقالت" مبرووك يا عبير انتي فكراني زعلت بالعكس انا فرحانه وبعدين عمو دا شكله بيحبك!!
مراد اتحرج من كلامها ونظراتها ليه وعبير كانت مستغربه ان روح تقبلت جوازها بفرحه عكس توقعاتها!!!
يونس قعد من التعب وهوا باصصلهم وسابهم يخلصوا كلام وبص لجدته وقال" خلاص كده يا نانا كلمتك مش هتتغير روح ومامتها هيفضلوا هنا!!
ماجده هزت راسها بابتسامه وقالت" اكيد مش هتتغير المهم بس انك تحل العبث اللي بيحصل دا'؟
يونس بصلهم وهوا مبتسم وقال" لا هيا اتحلت لوحدها!!
مراد وقف وساب روح وعبير يتكلموا وقرب هوا من يونس وقال" هو دا الموضوع اللي قولتلي عليه!!
يونس هز راسه وقال" هوا بس لسا ناقص حجات بسيطة!!
مراد ضم حاجبه وهو بيقول" حجات ايه!
يونس بص لعبير وقال" محتاج من مدام عبير انها تحكيلي عن اللي كان بيحصل في الملجأ..؟
الفصل الرابع عشر
نوڤيلا🥀جعلتني أقوي🥀
#بقلم_شيماء_صبحي
محتاج من مدام عبير انها تحكيلي عن اللي كان بيحصل في الملجأ..؟
مراد باستغراب" يعني اي يا يونس مش فاهم هو ايه اللي كان بيحصل في الملجأ؟
يونس بص لمراد وهز راسه وقال" الملجأ دا كله علي بعضه مصايب تعالا معايا يا مراد نتكلم جوا..!
مراد هز راسه ودخل مع يونس لغرفه صغيره ويونس بصله وقال"
الناس اللي انت كنت معاهم وقت ما اختارت عبير كان شكلهم مصريين؟؟!
مراد بصله بتفكير وقال" علي ما افتكر ان مش كلهم هو يمكن كام واحد بس مصرين والباقي كان خليجي ،اجنبي، وهكذه؟؟
يونس هز واسه وقال" انت عارف ان الناس اللي كانو معاك دول مش مجرد بيتجوزو البنات دي دول بياخدوهم للمت"عه وبعدها بيبوعوهم اعض"اء..؟
مراد بص ليونس بصدمه وقال" بيبعوهم ازاي يعني!؟
يونس حط ايديه علي كتف مراد وقال" دي قضيه احنا شغالين عليها واظن انك لما روحت لمنصور فكرك تبع رجالته وعلشان كده وافق علشان انت كنت عارف معلومه دفع الفلوس وكويس انك اختارت عبير لانها هتساعدنا نعرف مين هما الناس دي وبيروحوا للملجأ امتي علشان نقدر نقبض عليهم متلبسين ..!
مراد مكنش مستوعب لسا ان كل دا كان بيحصل في الملجأ دا فهز راسه وقال بتساؤل" عبير ممكن تكون حياتها في خطر في الموضوع دا !
يونس هز راسه بالرفض وقال" لأ متقلقش عبير وروح دلوقت في امان لانهم موجودين معانا وعبير كل اللي عليها هتعرفني كام حاجه هسألها عليها وبس وطبعا مينفعش نتكلم في الموضوع دا هنا ..انا خليتها تيجي علشان تشوف روح وتطمن عليها ولاكن انا عايزك تستأذن وتاخدها وتروحوا للبيت بتاعي انت عارفه هوا قريب علي فكره من الملجأ !!
مراد هز راسه وقال" اخدها ونمشي دلوقت !!
يونس هز راسه وقال" ايوا وانا هجيب ظابط ذميلي انا وهوا شغالين علي نفس القضيه علشان يسمع كلامها بنفسه!!
مراد هز راسه وقال" طيب يا يونس بس لو الموضوع هيأثر عليها مش عاوزك تضغط عليها لان من الواضح انها شافت كتير في المكان دا !!
يونس هز راسه وبعدها الاتنين خرجوا!!
مراد قرب من عبير وهوا بيقول" عبير يلا قومي علشان ورانا مشوار تاني '!
عبير بصتله باستغراب وقالت" مشوار اي تاني مش انت قولتلي هنا وبس!!
مراد هز راسه وقال" لا في مشوار تاني اهم من دا بس خلينا نستأذن ونمشي الاول !!
عبير بصت لروح اللي قاعده جمبها وقالت" انا هروح مع مراد وهبق اجيلك تاني!!
روح حض"نت عبير وهيا بتقول" حاضر يا عبير متتاخريش عليا بس!!
عبير هزت راسها وهيا بتبص ليونس وبتقول" في امانتك يا حضرت الظابط!!
يونس بص لروح وابتسم وهز راسه وقال" متقلقيش عليها !!
عبير وقفت وهيا بتبص لمراد وبتهز راسها علشان يمشوا وبعدها بصوا ليونس وبقيت الموجودين واستاذنوا منهم علشان هيمشوا..!
يونس هز راسه وهو بيبص لمراد وبعدها بص لروح وقال" تعالي يا روح عاوزك!
بقلم شيماء صبحي
روح ابتسمت وبعدت عن عبير وراحت عنده ومراد مسك ايد عبير وخرجوا!!
يونس استاذن من ماجده ونادره واخد روح وطلعوا لاوضته !!
روح قالت بخجل لانه كان مقربها منه " يونس انت جايبني هنا ليه!
يونس كان باصصلها اوي وبيقول" انا هغيب عن البيت كام يوم وعاوزك تاخدي بالك من نفسك!!
روح بصتله بصدمه وقالت" وهتغيب ليه متخليك معانا!!
يونس مسك وشها بايديه وابتسم وهو بيقول" معلش يا روح دا شغلي وانا متضر وبعدين انتي عارفه اني ماسك قضية دلوقت ولازم اخلصها وعلشان اركز محتاج اكون لوحدي وانا هجيبلكوا حرس برا يخلوا بالهم منكوا علشان انا مش ضامن ايه اللي ممكن يحصل!!
روح شالت ايديه من علي وشها وقالت برفض!!
انت ليه بتبصلي كدا يا يونس وكانك بتودعني علي فكره انا عارفه النظره دي كويس ممكن بق تطمني وتقولي في ايه!!
يونس ابتسم وهز راسه وقال" والله يا حبيبتي مفيش حاجه كل اللي بقوله دا علشان خاطر اني متعود علي كده في كل قضيه بحتاج اكون لوحدي علشان اقدر اركز وطبعا انا لازم اطمن عليكوا كلكوا وعايزك تكوني كويسه وتخلي بالك علي نفسك اتفقنا!!
روح هزت راسها وبعدت عنه بمسافه وقالت" ماشي يا حضرت الظابط انا هسمع كلامك… حضرتك هتمشي دلوقت!!
يونس هز راسه وهيا سابته ومشيت من غير حتي متودعه!!
يونس غير هدومه واخد هدوم ليه احتياطي وحطهم في شنطة صغيره وبعدها نزل!!
يونس بص لجدته وقال" انا رايح يا نانا خلوا بالكوا علي نفسكوا لحدما ارجع!!
ماجده بصت ليونس بتفهم ووقفت قدامه وقالت" مهمه جديده مش كدا!!
يونس هز راسه وقال" ادعيلي يا نانا لاني ماشي بدعواتك..!
ماجده حض"نته وهيا بتقول" ربنا ينصركوا يا بني ويحفظك انت وكل اللي معاك وترجعلي وانت بالف سلامه !!
يونس ابتسم وقب"ل جبينها وقال بهمس" لو اتاخرت متقلقيش بس حاولي تسيطري علي الطفله دي!!
ماجده بصت لروح وشافتها وهيا بتبص ليونس بغيظ فابتسمت وهزت راسها ليه وقالت" ترجع بالسلامه انت بس يا حبيبي!!
يونس ابتسم وساب ايد ماجده وقرب من الست نادره وسلم عليها وقرب من روح ومد ايديه وقال" مش عايز امشي وانتي زعلانه!!
روح مدت ايديها وسلمت عليه وقالت" ربنا يوفقك!
يونس ابتسم ليها وسابهم وخرج ... واول ركب عربيته اتصل بالظابط عماد علشان يعرفه انه جايله في الطريق علشان يروحو لعبير !!!
___________
وفي دار الايتام !!
دخل منصور لعنبر البنات وهوا معاه الممرضه صافيا واللي بتقول" جهزوا نفسكوا علشان في عيرسان جايين بكرا وكل واحد هيختار منكو واحده !!!
واحده من البنات وقفت وهيا بتقول" قصدك اي يا صافيا اننا هنتجوز!
صافيا هزت راسها وقالت" ايوا يا ختي هتتجوزو وانتوا طبعا عارفين هتعملوا ايه لبعض امسكوا العده اهي!!
البنت مسكت منها الشنطه اللي فيها المستلزمات اللي هيستخدموها علشان جسمهم وبعدها منصور بص علي البنات وهوا بيختار لنفسه واحده ولاكن معجبهوش ولا واحده بص لصافايا وقال" اي رئيك تيجي انتي؟؟
صافيا وشها احمر من الخجل وهزت راسها وقالت" بجد يا منصور'
منصور ضحك وقال" بجد يلا تعالي بق!!
صافيا هزت راسها وخرجوا هما الاتنين بعدما قفلوا الباب علي البنات كويس !!
بدات البنات في العنبر يجهزوا بعض علشان هما اخر ١٢ بنت في العنبر واكيد بعدما يتجوزوا هيرتاحوا من الملجأ ومنصور وكل الق"رف اللي كانو عايشين فيه!!
واحده من البنات ابتسمت وهيا بتقول" انا نفسي اوي اتصل بعبير علشان اعرفها اننا هنحصلها ونتجوز..!
واحده من البنات قالت بصدمه" تتصلي بعبير ازاي هو انتي معاكي تيلفون!!
البنت بصتلهم بسخريه وهزت راسها وقالت" طبعا معايا انتي فاكره اخر حفله اتعملت للاطفال لما منصور طلب مننا نشتغل مع الخدامين اللي بيقدموا العصير
البنات هزوا راسهم وهيا كملت " انا وعبير كل واحده فينا اخدت تيلفون من الرجاله اللي كانت موجوده لانهم كانو بيسيبوها علي الترابيزه كده عادي !!
البنات كانو بصين عليها بصدمه وقالوا" بس احنا عمرننا مشوفنا التيلفون دا!!
البنت دي كانت اسمها نسمه ..!
نسمه طلعت التيلفون من تحت مخدتها وهيا بتوريه للبنات وبتقول" انا وعبير كنا بنخبيه واخدنا ارقام بعض بصعوبه وطبعا مش عايزه اقولك علي الناس اللي كانت بتتصل علينا كتير اوي بس مكناش بنرد عليهم واحنا علشان نحافظ علي شحن البطاريه كنا بعينه دايما علشان لو اي واحده خرجت فينا تقدر تكلم التانيه!!
البنات اتحمسوا وهما بيبصواها وبيقولوا" طيب اتصلي بيها وشوفيها لقت روح ولا لسا!!
بقلم شيماء صبحي
نسمه هزت راسها وقالت" بس بقولكوا ايه محدش يعرف اني معايا تيلفون ماشي يعني ولا كأنكوا شوفتو حاجة علشان لو منصور عرف حاجه زي دي ممكن اروح فيها ؟؟
البنات بصولها وهزوا راسهم ووعدوها ان مفيش اي واحده هتفتح بوقها وهيا فتحت التيلفون واتصلت بعبير واستنتها ترد....؟
وفي بيت يونس وصلت عبير ومراد الاول وعبير كانت مستغربه المكان بصت لمراد وهيا بتقول بتساؤل" ممكن تقولي انا هنا ليه!!
مراد بص للبيت وقال" يونس اللي طلب مني اني اجيبك واجي هنا لانه عايز يعرف منك حجات تخص الملجأ !!
عبير غمضت عينيها بتعب وهيا بتقول" بس انا معنديش حاجه اقولها ممكن نروح!!
مراد هز راسه بالرفض وقال" انتي الوحيده اللي هتساعديه انه ينقذ بقيت اصحابك اللي هناك لانه قالي ان كل البنات اللي المفروض اتجوزوا دول بيتب"اع اعضاهم ولا بيتجوزوا ولا حاجه!!
عبير شهقت بخضه وهيا بتقول" انت بتقول ايه اعض"اء ايه !!
مراد مسك ايديها وهو بيقول .. دا الكلام اللي يونس قالهولي وقالي انه هجيب ظابط صاحبه وهيشحرلنا كل حاجه!!
عبير ضمت حاجبها وهيا بتسمع كلامه وبتقول" معقول يكونوا كلهم ماتو فعلا بالبش"اعه دي !!
مراد شدها لصدره وهو بيهديها وبيقول" انتي اكيد تعرفي اكتر من روح صحبتك عن الملجأ دا وانا عايزك لو تعرفي اي حاجه تقوليها ليونس لان الملجأ دا قضيه كبير وهما شغالين عليها انا عايزك متخافيش وتقولي كل حاجه !!
عبير هزت راسها وهيا لسا مصدومه وبعد دقايق وصلت عربية يونس هوا والظابط عماد!!
خرج يونس وعماد من العربيه وسلموا علي عبير ومراد وبعدها فتح يونس البيت ودخلوا كلهم!!!
قعدت عبير جمب مراد ويونس وعماد قعدوا قدامها!!
يونس كان معاه لاب توب وكان في كام فيديوا هيوريه لعبير!!
عبير كانت قاعده ساكته لانها مصدومه من اللي سمعته من مراد !!
يونس بص لعبير وقال" عبير انا هشرحلك كل حاجه عرفناها عن الملجأ دا وطبعا عايزك تكمليلي بس بقيت المعلومه!!
عبير بصت لمراد وهوا هز راسه بمعني انها ترد عليه ومتخافش!!
عبير رفعت عينيها ليونس وهزت راسها!!
يونس شغل اول فيديوا كان لمجموعه رجال واقفين جمب بعض وكل واحد بيختار بنت!!
يونس قال وهو بيشاور علي الرجاله .. الرجاله دي بيجوا الملجأ امتي!!
عبير بصت للفيدو وقالت" كل سنه علشان في بنات كتير بتكون لسا صغيره فلما بيعدي سنه بيكونوا كبروا شويه علشان يقدروا يتجوزوا!!
يونس هز راسه وقال" يعني وقت ما كنتي انتي واصحابك والرجاله الي زي دي كانو موجودين كان دا المعاد بتاعهم اللي هو بتاع كل سنه!!
عبير هزت راسها ليه وقالت" ايوا دا المعاد بس في اوقات كتير بيجي كام راجل مع منصور وبيطلعوا العنبر والبنات نايمه ويختارو منهم !!
يونس هز راسه وشغل فيديو تاني لصلاح وقال" الراجل دا تعرفيه؟
عبير بصت للفيديو وهزت راسها وقال" دا صلاح بيه بيجي الدار كل فتره علشان يدي للاطفال هدايا!
يونس هز راسه بهدوء وقال" صلاح بيه دا يعرف بوجودكوا في الدار!!
عبير هزت راسها بلأ وقالت" محدش يعرف عن وجودنا لان منصور بيقول اننا عوانس وهو هيجوزنا من ورا علم الاداره !!
يونس هز راسه وقال" انتي عندك فكره عن البنات دي بعدما بتتجوز ايه اللي بيحصل معاهم يعني مجربتوش تسالو منصور عليهم وعلي احوالهم!!
عبير هزت راسها وقالت"" لا كنا بنسال بس كان بيقولنا انهم مشغولين في حياتهم وكان يقولنا ان في منهم اللي خلفت ومنهم اللي سافرت بعيد عن البلد!!
يونس بص لعماد علشان يكلمها وعماد قال..
يعني كل معلوماتكوا عن البنات دي ان حياتهم مستقره !!
عبير هزت راسها وقالت" بس انا مره سمعت الممرضه صافيا كانت بتتكلم مع منصور وبتقوله ان في بنات سافرت وبنات لسا عايشين انا وقتها مفهمتش قصدها ايه بس سكت لاني فكرت انهم سافروا برا مصر يعني!!
عماد هز راسه وقال" انا اسف علي اللي هتسمعيه بس البنات دي مش بيتجوزوا دول بيتاخدوا للم"تعه وبعدين بيتباعو اع"ضاء للاغنيه وطبعا اللي بيحصل دا شغل مافيا يعني كل البنات دي بنسبه 99% ربنا يرحمهم فانا هسالك اخر سؤال " تعرفي ايه عن منصور والممرضه محدش في البنات يعرفه!!
عبير جسمها بدأ يرتعش لانها كانت بتحاول تنسي اللي كانت بتعرفه وهزت راسها ليه وقالت" اعرف ان منصور دا هو وصافيا الممرضه انهم مش تمام يعني منصور مخبينا عن الحكومه والاداره وبيبعينا سلع للرجاله دي وبيجوزنا ليهم عرفي وهما لما بيزهقوا مننا بيرمونا في الشارع ،، و اعرف كمان ان منصور كل خميس بياخد بنت يغت""صبها باوحش الطرق وممكن تموت عادي..! ولو عاشت بيرجعها تاني للعنبر بس بعد شهر وطبعا بيكون مهددها بالمو"ت علشان لو اتكلمت وقالت حاجه لينا !!
واعرف برضوا ان في رجل اعمال منصور شغال معاه مش عارفه هوا مين بالظبط بس هما بيتاجروا في المخ""درات لاني مره مسكت كيسه شبه الدقيق كبيره كان منصور حطها في عنبرنا بالغلط ولما واحده من البنات جربت تشمها علشان تشوف دي ايه جتلها نوبه صرع لاننا عرفنا ان دا نوع خطير من اخطر انواع المخ"درات السامه!!!
عماد بص ليونس وهز راسه وقال انتي عارفه يا عبير الراجل اللي منصور شغال معاه دا يبق مين!
عبير هزت راسها وعماد ويونس قالوا" يبق صلاح بيه اللي بيدي للاطفال هدايا وصلاح بيه دا هو نفسه اللي ق"تل سحر ورمي روح في النيل من ٨ سنين!!!
عبير فتحت عينيها من الصدمه وقالت بغضب" صلاح بيه السعدني هواللي رمي روح وق"تل سحر!!
عماد بص ليونس وهز راسه ليها وبعدها وقف يونس وقرب منها وقال" روح اللي قالتلي علي الموضوع دا وقالتلي انها كتير حاولت تشرحلك بس مقدرتش وطبعا صلاح دا هوا اللي مسؤل عن كل اللي بيحصل دا انا اسف لاني سجلت كل الكلام اللي قولتيه بس كل اللي عملته دا علشان نقدر نثبت تهمه عليهم!!
وطبعا سجلت لما قولتي ان صلاح بيه اللي قتلها وانا معايا ادله كتير ضده هو ومنصور وهعرضها علي النيابه بكرا وكل اللي طالبه منك انك تهدي لان حق سحر وروح وحق كل البنات اللي اتظلمت لازم يرجع واحنا اللي هنرجعه بتعاونا مع بعص !!
مراد قرب من عبير ومسحلها دموعها وهو بيقول" اسمعي كلام يونس يا عبير واهدي لان كل اللي بيعملوه دا علشان بقيت اصحابك اللي هناك علشان ميحصلش معاهم زي اللي حصل للباقي وكويس ان انتي وروح في امان!!
عبير هزت راسها وبصت ليونس وقالت" ههدي يا حضرت الظابط بس حق البنات وحقي انا وروح وسحر يرجع !
يونس وعماد بصولها وهزوا راسهم وبعدها تيلفون عبير رن !!
مراد بصلها باستغراب لان دي اول مره تيلفونها يرن برقم غيره!!
عبير بصتله باستغراب وهيا بتطلع تيلفونها من شنطتها وبتقول " دي نسمه اختي من الدار!!
يونس وعماد ومراد بصولها بصدمه وقالوا" هيا لسا هناك"
عبير هزت راسها وقالت" اكيد في حاجه بتحصل هناك علشان كده هيا اتصلت!!
يونس بصلها بانتباه وقال" افتحي مكبر الصوت!!
عبير هزت راسها ومسكت دموعها وفتحت المكالمه وهيا بتقول" ازيك يا نسمه وحشتيني!!
نسمه بفرحه سامعين يا بنات اهي عبير ردت عليا!!
البنات فضلوا يتكلموا ويقولوا" عبير وحشتينا عامله ايه!!
عبير ردت عليهم بابتسامه وقالت انا كويسه يابنات طمنوني عليكوا!!
البنات بصوا لنسمه بفرحه وهيا قالت" احنا هنتجوز يا عبير هنحصلك يا اختي!!
عبير بصت بصدمه للتيلفون وبصت ليونس والظابط اللي جمبه وهما قالوا بهمس" اسالها هيتجوزوا ازاي!!
عبير هزت راسها وقالت" اي دا يا نسمه هتتجوزوا أزاي مش المفروض العيرسان بتيجي كل سنه!!
نسمه رفعت كتفها وقالت " والله يا بنتي مانعرف حاجه هوا منصور وصافيا دخلوا علينا وقالولنا اننا هنتجوز بكره ولازم نجهز نفسنا واحنا بنجهز بعض واحنا فرحانين اهو!!
عبير بصت ليونس وهو قال بهمس" اساليها امتي هيتجوزو!
عبير ابتسمت وقالت بفرحه" الف مبروك يا بنات بس قوليل امتي بق بكره!
نسمه اللي ردت وقالت" مش عارفين بس انا بكره هبق اتصل عليكي قيل ما ماننزل من العنبر!!
عبير هزت راسها وقالت" خلاص ماشي انا بس عايزه اكون معاكوا خطوه بخطوه كاني موجوده !!
نسمه قالت بفرحه" ربنا يخليكي لينا يا حبيبتي بس طمنينيا لقيتي روح!!
عبير بصت ليهم وهيا بتسالهم بعينيها تقول ايه ويونس هز راسه بمعني ايوا وعبير قالت" لقيتها متقلقوش وكنت عندها من شويه وبتيلم عليكوا كلكوا!
البنات كلهم فضلوا يتكلموا معاها ويباركولها لحدما عبير قبل ما تختم المكالمه قالت بجديه" بنات اوعوا اي حد يقول ان نسمه معاها تسلفون انتو عارفين منصور ممكن يعمل فيها ايه مش بعيد يق"تلها!!
البنات بصوا لنسمه بخوف وقالو لعبير" بجد يا عبير !!
عبير وهيا بتقول علشان تخوفهم" بجد انتو ناسين انه شراني ومعندوش رحمه انا خايفه عليها وعليكوا!!
البنات هزوا راسهم وبعدها عبير قالت" متنسيش يا نسمه تعرفني قبل متنزلوا من العنبر ماشي..!
نسمه هزت راسها بالموافقه واتكلمت" حاضر متقلقيش وبعدها قفلت مع المكالمه عبير!!!
عبير اتنهدت بتعب وهيا بتبصلهم وبتقول" الظاهر ان منصور عايز يخلص منهم علشان يكبر في غيرهم!!
بونس بص لعماد وقال" احنا لازم نجمع فريق بكره يكون علي استعداد للقبض علي منصور وطبعا الادله دي كلها هتتعرض علي النيابه بكره الصبح يعني هيكون معانا تصريح بالقبض علي صلاح لكره ان شاء الله !!
عماد هز راسه وقال" انا هروح انا وفريقي للدار وانت عليك بالقبض علي صلاح!!
يونس هز راسه وبص لعبير ومراد وقال" احنا هنحتاجك بس علشان تعرفينا البنات هينزلوا امتي وطبعا هتكوني في بيتك عادي بس تركزي اوي مع التيلفون وانت يا مراد ارجوك تبلغني انا او الظابط عماد بالرد بتاع البنت دي ارقامنا معاك'
مراد هز راسه ووقف هوا وعبير واستاذن من يونس وعماد انهم هيروحوا علشان الوقت اتاخر؟!!
يونس وقف علشان يودعهم وخرج معاهم لحدما مراد وعبير ركبوا العربيه واتحركوا!!
يونس رجع تاني للبيت وبص لعماد وقال" انا هبات هنا وانت لو حابب اتفضل هنا البيت بيتك!!
عماد ابتسم ووقف وهوا بيقول" متحرمش منك يا يونس بس انا لازم امشي علشان ابلغ الفريق ان في مهمة بكره وكمل كلامه وهو بيخبط علي كتف يونس وبيقول "وانت بق يا بطل حاول تنام علشان تصحي بدري لمهتمك!!
الفصل الخامس عشر
نوڤيلا🥀جعلتني أقوي🥀
#بقلم_شيماء_صبحي
في صباح يوم جديد ..صحي يونس علي صوت المنبه وقام من علي السرير وبدأ يستعد للخروج من البيت .. وقف قدام المرايه وهو بيبص لنفسه وبيقول" ان شاء الله اليوم هينتهي من غير اي خساير ..
اتنهد يونس بعدما خرج من الحمام وبدا يلبس هدومه ..'وبعد وقت كان انتهي !!!
جهز يونس شنطته اللي هيتحرك بيها علي النيابه وبعدها خرج من البيت وركب عربيته وساقها باقصي سرعه!!
وفي بيت جدة يونس ..صحيت روح علي صوت رنة تيلفون مامتها مسكت روح الموبايل الصغير وهيا بتبص عليه بنوم ولقت ان الرقم مسجل باسم سامي.؟
روح غمضت عينيها وفتحتها وهيا بتبص للاسم وبتقول لنفسها باستغراب" معقول سامي دا يبق ابويا!!
قامت روح وهيا ماسكه التيلفون وبتبص علي الرقم بتساول وخرجت من الاوضة بتاعها ووقفت في البلكونه وفتحت المكالمه!!
كان صوت راجل وكان بيقول" انتي فين يا نادره انا رجعت البلد وملقتكيش ردي عليا هربتي وروحتي فين يا فا""جره؟؟؟
روح اتصدمت اول ما سمعت كلام الشخص دا فقالت بغضب" انت مين انت علشان تغلط في امي رد عليا!!
الشخص الي بيكلمها استغرب صوتها وكلامها وقال" امك مين يا بت انتي هيا فين نادره روحي اديلها التيلفون!!
روح قالت بصدمه" معقول انت ابويا اللي سيبتها وهربت !
سامي والدها استغرب كلامها وقال" ابوكي مين ياا شاطره بقولك اديني صاحبه التيلفون دا!!
روح اتعصبت من كلامه وقفلت المكالمه وهيا بتبص للتيلفون بغضب وبتقول" انسان حق"ير !!
خرجت روح من البلكونه وهيا متعصبه وقررت انها هتكسر التيلفون علشان الشخص دا ميحاولش يتصل بامها تاني ويزعجها!!
مسكت روح الموبايل ورمته في الارض لحد ما اتكسر وبعدما اتاكدت انه اتكسر مسكته ورمته من البلكونه!!
دخلت روح اوضتها تاني وهيا بتستنشق الهواء براحه وبتبص علي مامتها وبتقول" من النهارده كل حاجه هتكون احسن! ابتسمت روح بعدما خلصت كلامها وقربت من مامتها ونامت وهيا حض"ناها!!
_________
وبداخل قسم الشرطة كان واقف عماد وفريقه وكانوا مستعدين انهم يتحركوا ولاكنهم كانوا واقفين وبيتكلموا لحدما عماد يديلهم الاشاره!!
عماد كان قاعد وهوا فاتح اللاب توب بتاعه وبيظبط ليونس الصوت بتاع عبير علشان لما يعرضه علي النيابه يبق الكلام واضح اكتر!!
يونس كان لسا في عربيته ولما استلم سجل الصوت من عماد ابتسم وهو بيقول" نهايتك قربت يا صلاح!!!
وصل يونس للمقر وخرج من عربيته وهوا في ايديه الشنطة اللي فيها كل الادله اللي بتدل علي ان صلاح السعدني مجرم كبير ومتهم في قضية تجاره اع"ضاء ومخد"رات وفي ادله ضد منصور والممرضه وشاكر المساعد بتاعم!!
دخل يونس لمكتب وكيل النيابه بعدما سلم عليه وكانوا يعرفوا بعض!!
وكيل النيابه كان متفاجئ من زياره يونس فساله باستغراب" خير يا حضرت الظابط ايه اللي فكرك بينا..!
يونس ابتسم وهو بيقول" مفيش يا منير دا كام دليل كده ضد صلاح السعدني !!
منير رفع حاجبه باستغراب وبيقول" صلاح السعدني دا اللي هوا حماك صح!
يونس هز راسه وقال " ايوا هوا في الحقيقه احنا شغالين علي القضيه دي من فتره . واكتشفنا ان صلاح السعدني زائد شغله كرجل اعمال فهو تاجر مخد"رات وشغال مع مافيا اجانب واكتشفنا برضوا ان صلاح مسيطر علي دار ايتام وبياخد البنات اللي فيها ويبيعها لرجال الاعمال يغرض المتعه ولاكن بعدما لما بتنتهي المتعه البنات بتتباع اعضاء للمافيا اللي شغال معاها!!
منير وقف بصدمه وهو بيسمع كلام يونس وبيقول" الكلام اللي انت بتقوله دا يا يونس دا كارثه!!
يونس فتح شنتطه قدام منير وقال" كل دول فيديوهات صوت وصوره بتشرح ان الموضوع دا بيحصل ومن اكتر من ١٠ سنين ودا تسجيل صوتي لبنت بتحكي فيه علي كل اللي حصل مع اخواتها في الملجأ من ٨ سنين ولما حضرتك تسمعه هتكتشف ان صلاح قام بالتعدي علي طفلتين في عمر العشر سنوات واحده منهم قام بالاعت"داء عليها ورميها في النيل والتانيه رماها في النيل من غير ما يل"مسها لآنها كانت البنت اللي شافته!!
وكيل النيابه مسك التيلفون اللي مع يونس وفتح التسجيل وسمع كلام عبير وهي بتعترف ان صلاح هو اللي اعتد"ي علي روح وقت"ل سحر!!
يونس بص ل منير وقال" صلاح السعدني شغال معاه ثلاثه واحد منهم اسمه منصور ودا يبق مدير الملجأ واللي مسؤل عن رعاية البنات ،بس هو في الحقيقه مبيعملش كدا خالص لانه قبل ما بيبيع البنات الكبيره دي لرجال الاعمال بيكون معت"دي عليها وبرضوا دا تسجيل تاني لنفس البنت اللي حكتلنا عن كل اللي حصل ..
(يونس شغل تسجيل لعبير وهي بتعترف ان منصور كان بيع"تدي علي البنات باوحش الطرق)
منير هز راسه ويونس اداله كل التسجيلات وطلب منه يشوفها كلها وفعلا منير بدا يشغل الفديوهات دي ويشوفها وكان في كل فيديو بيتصدم !!
وبعدما خلص منير الفيديوهات بص ليونس وقال" الممرضه دي اسمها صافيا ومنصور وشاكر دول اللي شغالين مع بعض!
يونس هز راسه وقال" في الحقيقه يا فندم في فريق دلوقت مراقب دار الايتام لاننا عرفنا انهم هيبعيوا النهارده اخر ١٢ بنت من البنات الكبيره اللي سنها فوق الثلاثين !! وعلشان كدا انا مستعجل جدا يا فندم لان معايا فريقي ومستنين التصريح بالقبض علي صلاح !!
بقلم شيماء صبحي
منير بص ليونس بفخر وقال" انا فخور بيك انك قدرت تعمل كل دا ومهمكش ان دا والد خطيبتك لان القانون فوق الجميع يا يونس وانا هديك التصريح دلوقت وان شاء الله ترجعوا بالسلامه بدون اي خساير!!
يونس وقف وهو بيبص لمنير بحماس وهز راسه بشكر ومنير جهزله التصريح وادهاله!!
يونس استأذن من منير وخرج بسرعه من المبني واتصل بعماد وبلغه انه اخد التصريح وعماد بلغه انه لسا في انتظار الاشاره من مراد !!
يونس قفل مع عماد واتصل بمراد علشان يشوف ايه الاخبار..
مراد رد عليه وبلغه انه صاحي هوا وعبير وفاتحين التيلفون مستنين الممكالمه !
يونس هز راسه وشكرهم علي وقفتهم جمبهم وقفل بعدها و اتحرك للقسم علشان ياخد فريقه ويطلعوا علي فيلا صلاح السعدني!!!
________
وفي دار الايتام!!
البنات صحيت علي صوت خبط جامد علي الباب ..قاموا بفزع ولاقوا ان اللي واقفه وبتخبط هيا صافيا ..
نسمه بغضب" اي يا صافيا اللي بتعمليه علي الصبح دا حرام عليكي..؟
صافيا قربت منها وقالت بغضب هيا كمان" حرمت عليكي عشتك يا ختي منك ليها مش انا قايلالكوا تصحوا بدري علشان تلحقوا تجهزوا الرجاله زمانها جايه!!
واحده من البنات قالت وهيا واقفه وراها " قصدك العيرسان صح!!
صافيا لفت بجسمها ليها وهيا بتقول" ايوا يا حبيبتي قصدي العيرسان وامسكوا ادي الفساتين اللي هتلبسوها وقدامكوا نص ساعه واللي هتتاخر هتتحبس هنا ومش هتتجوز!!
البنات جريت علي الشكاره اللي سابتها صافيا وكل واحده بتختارلها فستان ولاكن نسمه كانت لسا واقفه مكانها لانها حست بشعور غريب او ما شافت ملامح صافيا وهيا بتقول رجاله وبعدها حولت كلامها وقالت عيرسان!!
نسمه مسكت تيلفونها وهيا بتتصل بعبير بعدما صافيا خرجت واول ما عبير ردت نسمه قالت" صباح الخير يا عبير احنا بنجهز اهو علشان هننزل بس انا عايزه اقولك حاجه يا عبير انا قلقانه اوي حاسه ان في حاجه هتحصل وهتعطل الجواز دا!!
عبير بصت لمراد وردت عليها وهيا لتوتر" لا قلق ايه متخافيش خالص انا كنت كده برضوا واهو يا ستي عايشه انا وجوزي ومبسوطين!!
نسمه ضحكت وهيا بتقول" بجد يا عبير!
عبير هزت راسها وهيا بتقول" بجد يا قلب عبير ويلا بق روحي اختاريلك فستان قبل ما البنات يخلصوا علي كله!!
نسمه ابتسمت وهيا بتهز راسها وبتقول" حاضر يا عبير انا هقفل بق ماشي..
عبير هزت راسها وقالت" ماشي بس اهم حاجه اتاكدي انك قافله التيلفون كويس!!
نسمه ردت عليها بابتسامه وقالت" متقلقيش متقلقيش يلا مع السلامه!
عبير"ما السلامه!!
قفلت عبير المكالمه وبصت لمراد واللي اتصل علي طول بعماد وبلغه ان البنت قالتلهم نص ساعه وهينزلوا!!
عماد قفل المكالمه مع مراد بعدما شكره هو وعبير وقالهم انه حاليا قدام المبني وانهم ميقلقوش..!
عماد كان ماسك تلسكوب وبيبص علي المبني وبيشوف التحركات اللي بتحصل!!
عدي وقت وبدات عربيات كتيره تظهر ورا بعض ونزل منهم رجاله لابسين بدل!!
فضل عماد يتابع هما متجهين فين ولقي انهم واقفين في الحوش بتاع المبني ودقايق والبنات نزلت وكانوا لابسين فساتين لونها ابيض ووقفوا قدام الرجاله دول وبدا كل واحد يختار واحده ويدخل بيها للمبني وفي الوقت دا دخل عماد هو وفريقه وهجموا عليهم!!!
منصور كان قاعد وجمبه المحامي وجمبهم صافيا!!
بدا المحامي يكتب في الورقة المزيفه اللي قدامه ان البنت والراجل متجوزين!! وبيبصلهم ويقول بابتسامه" بارك الله لكما وبارك عليكما وجما بينكما في خير!! كانه مازون علشان يقنع البنت اكتر انها كده اتجوزت!!
بعد اخر بنت تم اعطائها الورقه اللي المفروض قسيمه جوازها دخل عماد وفريقه ومسكوا كل الرجاله اللي موجودين في المكتب !!
البنات كانو خايفين من الهجوم اللي حصل عليهم من الحكومه وعماد بصلهم وقال" متخافوش يابنات انتو دلوقتي في امان ومش هيقدروا ياخدوكم او يستغلكوا تاني ا!!
البنات كلها خافت اول ماسمعت كلامه ولاكن نسمه كانت مستغربه ايه اللي بيحصل نسمه قربت من الراجل اللي متجوزاه وهيا بترفع القسيمه في وش عماد وبتقول" يا خدنا ايه ياباشا دا جوزي ودي قسيمه الجواز!!
عماد رفع حاجبه وهو بياخد منها الورقة وبيقول" قسيمة جواز ايه انتي كمان دي ورقه فاضيه كل اللي مكتوب فيها دا كلام اهبل ملوش علاقه بالجواز ..!
نسمه اتخضت من كلامه وبعدت بسرعه عن الراجل دا ووقفت ورا عماد ومسكت في هدومه وهيا بتقول" انقذني يباشا !!
عماد استغرب اوي حركتها بس تجاهلها وبص لمنصور وقال" معانا بلاغ بالقبض عليك انت والبت دي والرجاله دي ولو عملت اي حركه هيتم التخلص منك بسهوله معانا الاذن بدا برضوا!!
منصور بص لعماد بخوف وهز راسه وبدات رجاله عماد يكلبشوا ايديهم كلهم وخرجوا من الملجا بعدما وصل فريق مساعده وتم اخدهم كلهم في العربيات بتاع الحكومه!!
والبنات ركبوا عربيه كبيره وكان معاهم عماد علشان يطمنهم وميخافوش..؟
_______
وفي ڤيلا صلاح السعدني وصل يونس وهو بيطلب من الخادمه انه عايز يقابل صلاح !!! الخادمه هزت راسها وبلغته انه موجود ولاكن معاه ناس!!
يونس ابتسم وقال انه معاه معاد مع الرجاله دي برضوا..
الخادمه استغربت كلامه وقالت" صلاح بيه مبلغنيش بان حضرتك جاي اصلا انت عاوز ايه!!
يونس قرب منها ورش في وشها سائل خلاها تفقد وعيها واول مشافها فقدت الوعي نده علي رجالته علشان يدخلوا وبعدها يونس اتحرك هو الاول علي مكتب صلاح ودخل عليهم وهو بيقول" صباح الخير!!
اول ما الرجاله دي شافوه كان معاهم شنطة مفتوحه وكان فيها مخ٠درات قفلوها بسرعه وهما مستغربين مين الشخص دا ووقفوا وهما بيبصوا لصلاح وبيقولوا بالاجنبي" من هذا!!؟
صلاح ابتسم بتوتر وهو بيبص ليونس وبيقول" يونس حبيبي ايه الزياره المفجأه دي!!
يونس بصل للرجاله دي وقال" والله منتوا قايمين اقعدوا انا اصلا مش عايزكوا!!
صلاح اتوتر من كلامه ومد ايده علشان يخرج سلاحه ولاكن قاطعه دخول فريق يونس وهما رافعين الاسلحه'
يونس وقف بعدما كان قعد جمبه وهو بيقول" معلش بق يا صلاح بيه والله كان نفسي اشوفك في وضع احسن من دا بس مضطر ! انت مطلوب القبض عليه بتهمه تجاره اعض"اء وق"تل طفله ورميها في النيل هيا وصديقتها وقضيه تانيه وهيا الم"خدرات دي !!
قالها وهو بيشاور علي الشنطة وبيفتحها وهوا مبتسم وبيقول" دي كده اع"دام وش!!
صلاح بدا جسمه يرتعش وهو بيقول" يونس انا مليش علاقه بالشنطة دي هما كانوا عاوزيني اشتريها وانا رفضت ولاكن انت اللي. دخلت في وقت غلط!!
الرجاله الاجانب كانوا مستغربين كلامهم ومش فاهمين هما بيقولوا ايه لحدما يونس بصلهم وقال بالانجلش..صلاح بيه يخبرني انكم من تريدون منه الشراء وهو كان يرفض!!
الرجاله هزوا راسهم بالرفض وفضلوا يشاورو علي صلاح ويقولوا كداب!!
يونس امر فريقه يقبضوا عليهم ويكلبشوهم وقرب هوا مسك صلاح من هدومه وحط في ايديه الكلبشات ومسك الشنطه بايده التانيه وهو بيقول" خلينا نتحرك يا رجاله "
اتحرك فريق يونس للخارج وكانت ناديه واقفه وهيا مستغربه وجود يونس مع رجاله غريبه في بيتهم ولاكن اللي صدمها انهم مكلبشين ابوها..ناديه جريت علي والدها وهيا بتقول بخوف..بابي ايه اللي حصل..
صلاح بصلها بخوف وقال" كلمي منصور والمحامي خليهم يجيلوا علي القسم يا ناديه بسرعه ..
ناديه مكنتش فاهمه ليه يونس قابض علي ابوها وقربت منهوقالت وهيا بتمسك في هدومه" واخد بابي ورايح علي فين يا يونس!!
يونس تجاهلها وكمل طريقه وهيا فضلت تعيط وهيا بتنادي علي ابوها واللي كان بيقولها تتصل بالمحامي..!
وبعدما خرجوا من الفيلا ركببوا كلهم العربيات الخاصه بالحكومه واتجهوا كلهم للقسم!!!
يتبع بقلمي شيماء صبحي
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق