رواية الاميره والمغترب الفصل السابع والخمسون والثامن والخمسون والتاسع والخمسون بقلم آلاء اسماعيل البشري حصريه وجديده على مدونة النجم المتوهج
 |
إلتفتت سحر خلفها بصدمة حين سمعت صوته
-خااالد !! 😳
-عيون خالد 😍
وقفت بإرتباك و وقع الهاتف منها أرضا فنزلت لإلتقاطه ثم همت بالمغادرة
و ما أن رفعت رأسها حتى وجدته يقف أمامها و ينظر الى عينيها بهيام : رايحة فين ..انتي مش هتهربي مني تاني 😊
اخفضت عينيها بضيق و تملصت من قبضته و هي تقول : من فضلك ابعد ...انت ايه اللي جابك هنا اصلا ! 😓
اقترب منها أكثر و هو يقول بحب: نفس اللي جابك انتي دلوقت 😊
سحر بلجلجة : انا..بس ...كنت... جاية ... 😥
-هسسس... بلاش تكابري و بصي في عيوني
رفع رأسها باصبعه فنظرت اليه بتوتر
نظر في عينيها و رأى حبا ممتزجا بحزن عميق
-بقى في وحدة يوم نجاحها تقعد لوحدها تعيط ؟؟
اطرقت برأسها ثانية و هي تقول بغصة
-ايه فايدة النجاح لما تكون حاسس نفسك منبوذ ..غير مرغوب فيك 😓😔...عالة على كل اللي حواليك 😭
تساقطت العبرات من عينيها ثانية فاحتضنها بحب و هو يقول : هسس كفااااية دموووع بقى .. و بطلي الهبد ده !! على فكرة انتي الوحيدة اللي بتفكري بالطريقة العبي"طة دي ...محدش شايفك كدة ما تبصيش لكلام امك السلبي
تملصت من بين يديه و هي تقول بحدة:
- بس انت عارف اني ..
امسك يديها بحب قائلا : أنا عارف حاجة وحدة بس ....
إنك أحلى حاجة حصلتلي في حياتي .. و لو وافقتي تتجوزيني هأبقى أسعد انسان في الدنيا 🥰
نظرت إليه مطولا و لوهلة استسلمت لسحر تلك اللحظة فبادلته تلك النظرات العاشقة
-قلتي ايه ؟😍
سرعان ما تذكرت وضعها فابعدت عينيها بضيق قائلة
-ما اقدرش !! ارجوك تبعد عن حياتي ...انا وحدة عياا....
وضع يده على فمها و قاطعها قائلا بحدة
-ان شاء الله يكون عندك شلل أطفال حتى...ما يهمنيش كل ده و مش هتقدري تبعديني عنك أبدا فاهمة؟
رمقته سحر بنظرات ذهول : و انت ايه اللي يجبرك تعيش مع وحدة مريضة ؟؟
خالد بيأس : يا غب"ية كل ده و لسة ما فهمتيش ليه !!
إقترب من اذنها و هو يبعد خصلات شعرها المموج عن وجهها و قال بهمس عاشق: لإني بحبك زي ما انتي .. و عايز اكمل باقي حياتي معاكي
ابتعد قليلا و هو ينظر الى شفاهها برغبة قائلا : يكفيكي الرد ده ولا اقولهالك بطريقة تانية ؟؟😉😘
فهمت من نظراته ما يريد فاشاحت سحر بوجهها خجلا و إحراجا و قد تراقصت الفراشات في صدرها طربا : لا تصدق أنه اعترف لها بحبه !! أحقا يبادلها مشاعر العشق الجارف تلك !!
-هااا ما سمعتش ردك يعني ؟؟🤨
-احم... ردي عن ايه 🙄 قالتها سحر بتلعثم
اخرج من جيبه علبتان احداهما حمراء و الآخرى زرقاء
فتح الحمراء و اخرج منها خاتما رائعا ثم انخفض على ركبته و هو يقدمه لها
و سرعان ما تجمع حولهما بعض الفتيات بحماس و هن يهمسن لرفاقهم انظر أحدهم سيعرض الزواج هيا 🥰.
خالد بحب -موافقة تكملي حياتك معايا يا سحر؟
نظرت حولها بفرحة ممتزجة بإحراج كبير من نظرات الجمع الذي تجمهر ينتظر إجابتها و قالت بلجلجة
-متأكد انك مش هتندم بعد كدة؟؟😥
بدأ الناس يتهامسون و يتمتمون :
-يبدو أنه يعشقها حقا
-أجل يبدو لي صادقا
-انه وسيم جدا و رياضي ! ليت لي ربع حظها 😍
و بدأ البعض يهتفون:
قولي نعم...
المسكين ينتظر ..هياا..
لا تضيعي الفرصة
-يخربيت كدة بوظتي أم اللحظة .. الناس كلها بتبص عليا
بشفقة أكني بأشحت منك ربع دولار مش بأطلب ايدك قلتي اييييييه .. خلصيني ركبتي سابت 😰
بكيت سحر من الفرحة و مسحت دموعها بحماس قائلة
-مواااافقة ... ايوة مواااافقة 😍
وقف خالد بفرحة و قفز في السماء و قال ياااااااسسس
احدى الفتيات بتساؤل : هل هذا يعني انها وافقت؟
-لا اعلم لكن هذا ما يبدو
وضع الخاتم في اصبعها و احتضنها بحب فهتف الجميع و صفقوا لهم :
قالت الفتاة :نعم لقد وافقت ...
تهانينااااا
- يليقان ببعضهما كثيرا
من المؤكد أنها يحبان بعضهما ..
اجل هذا واضح في عينيهما
-شايفة فضحتينا وسط الناس ازاي يا هبلة؟! قال اندم قال !!
ضحكت سحر بينما اخرجها من حضنه قائلا بتأكيد
-اندم ايه ده انا بأحلم باللحظة دي معاكي من يوم ما شفتك في الميناء
ثم نظر الى الجميع و قال بالفرنسية : لقد قالت نعم !!! لكن هذا ليس كل شيء !
امسك العلية الزرقاء و اخرج قلادة فاخرة تحمل فراشات مرصعة بأححار زمرد صغيرة خضراء
-اي دي كمان !! قالها سحر بتعجب
-دي هدية نجاحك 🥰
قالها و هو يلبسها إياها بحب
- بس ازااااي ..😱
- كنت متأكد انك هتنجحي ...مش عارف ازاي .
نظر الى الجميع و قال : حبيبتي نجحت اليوم في الامتحان 😊
هلل الجميع و هتفوا و صفقوا و صفروا و باركوا لها على النجاح و الخطوبة مع انهم لا يعرفونها حتى
تفاجأت سحر و نظرت إليه بدهشة : هل حقا فعلا كل هذا على مرأى من الناس ؟اعترف لي بحبه و عرض علي الزواج و قال حبيبتي !! من أين أتى بهذه الجرأة فجأة !!
نظر اليهم جميعا وسط تعجبها ثم قال شكرا لكم انتهت الحفلة اريد بعض الخصوصية مع فتاتي ...شكرا لكم جميييعا
تفرق الجمع بينما نظر خالد إليها و همس: ما تبصليش كدة ...أكيد بتقولي عني اتجننت رسمي صح !؟؟ لما تكلمي إيلينا هتفهمي كل حاجة 🙄🙂
ضحكت سحر و هي تردد : إيلينا ؟؟!
-ابوة إيلينا ...و احمدي ربنا ان حماتك المانية ما لهاش في شغل الحموات ده و لا تشبهش أمك خالص ...مع احترامي لحماتي الغالية طبعا 🙄🙈
سعدت سحر كثيرا لهذه اللحظات التي لم تعيش مثلها مسبقا و نظرت إليه بحب : شكرا على كل حاجة 🥰
- شكرا ايه ده !! هو احنا ما بيننا شكر كمان ؟؟ 🤨
سحر بدموع فرح -انت النهاردة خليتني أعيش أحلى يوم في حياتي... معاك حق...حتى الشكر مش هيكفيك حقك 🥰
-في دي معاكي حق ... طب بقولك ايه ؟ 🙄
سحر ببلاهة -ايه ؟؟
-نظر الى شفاهها ثانية : ما تيالا بينا نروح بيتكم عشان اطلب ايدك رسمي قبل ما اتهور و اطلب منك تشكريني بطريقة تانية 🙄
-انت قليل أدب اوي على فكرة مكنتش باين كدة خاااالص !! 😤
ضحك خالد بصوت عال :
-طب ما تتحمقيش اوي كدة كنت بأهزر بس ...إمشي قدامي قبل ما حد من اللي هنا يتنيل يصورنا و يحطها عالسوسل ميديا و ساعتها هتحلف عليا مامتك بالطلاق 😂
أتم ياسين الصفقة و انتهى من ارتباطاته بالمصنع ثم قال ليحي: يالا بينا عالاوتيل انا حاسس اني هلكان
ركبا في السيارة و انطلقا و هو يتصل
-الو ممدووووح طمنيي ارجوووك ايه الاخبار ؟؟
-كان معاك حق انك استعجلتني .... لحقتها في الوقت المناسب و خذتها عالمستشفى
-يا ساااتر !!! ليه ؟؟
-جاتلها ذبحة صدرية
ياسين بقلق -لا حول ولا قوة إلا بالله !! طب هي ازيها دلوقت ؟
ممدوح :الحمد لله لحقناها و اخذت العلاج بس الدكتور بيقول لازمها راحة تامة و كمان اداها جدول مواعيد زيارات عشان يتابع حالتها لإن الذبحة عادة بتكون بداية احتمال لنوبات قلبية
-يا خبر !! ربنا يسترها معاها ...طب اديهاني اكلمها
-هي نايمة دلوقت مستني اول ما المحلول يخلص هاخذها و ارجع البيت
-محلول ايه ؟مش قلت لحفتها و اسعفتها خلاص!!
-عمتك كانت ضعيفة اوي لما لقتها كانت دخلت في غيبوبة سكر الظاهر ما أكلتش من يومين الدكتور علقلها مقويات و فيتامين مع الجلوكوز
ياسين بحزن : ايه الحال اللي انتي وصلتي ليه ده يا عمتي! طيب ماشي انا هأبقى أكلمها بالليل
فكر ياسين قليلا ثم قال : بقولك ايه يا ممدوح معلش هأتعبك معاي
-يا خبر تعب ايه ده يا ابن خالتي!! أؤمرني
-أولا انا عايزك تعينلها ست تساعدها في البيت تنظفلها و تطبخلها و كدة و ثانيا تشوفلها واحد سواق بعربية يجيبلها اي حاجة تحتاجها من برة علاج خضار لحمة فواكه ..يدفع فواتير يوصلها مشاويرها و انا هأبعثلها مبلغ كويس عشان تبقى تدفعلهم مرتب محترم
ممدوح -طب واحد ليه ما انا موجود ؟؟ هأبقى ممرض و سواق لو عايز... انا ورديتي في المستشفى بالليل و كدة كدة كنت بأدور على اي شغل في أي صيدلية او عيادة خاصة بالنهار و مراتي فردوس شاطرة أوي في كل حاجة و التوأم بقوم في الإعدادية يعني مش محتاجين رعايتها ده غير إن الحاجة مفيدة قريبة مننا يعني مش هنغلب هنبقى قريبة مننا ليل نهار و اهو نساعد نفسنا..ما انت عارف البير و غطاه
-خلاص يبقى على بركة الله ... انا هاقولك تعمل ايه بالضبط :
انت تروح البنك و تفتح لها حساب تاني بإسمها بس من غير ما تقول لحد و لا يعرف مخلوق غيرك الموضوع ده
-حاضر بس مش فاهم ايه لازمة حساب تاني مش على حد علمي انت بتبعثلها فلوس كل شهر على حسابها ؟؟
ياسين :ايوة بس هي عاملة وكالة لإيهاب و هو اللي بيسحبهم و الظاهر مش بيديها منهم حاجة ...عشان كدة انا عايزك تاخذها البنك بعد ما تطلعها من المستشفى و تخليها تفتح حساب تاني
-طب مش هتجمد الاولاني؟؟
-لا سيبه زي ما هو...انا بس مش هأحول عليه فلوس تاني
ممدوح بضياع: و الله ما انا فاهم حاجة ...
-انت تعمل اللي بقولك عليه بالضبط ... بس تاخذها لبنك تاني و فهمها أوعة تقول لإيهاب عنه حاجة او تعمله وكالة
و انت كل شهر تاخذها تسحب فلوسها و تديك مرتبك انت و مراتك و تجيبلها اي حاجة هي محتاجالها
ممدوح: انا مش فاهم طينة ابنها ايه .. دي امه ازاي يسيبها تتشحطط كدة و هو اسمه دكتور !!
-حظها ابنها عاق نعمل ايه يا ممدوح ؟
-طب عاق و فهمناها ...بس هو دكتور هيحتاج فلوسها في ايه ؟؟! هي طفاسة و خلاص
ياسين بضيق : انت مش فاهم حاجة ...سيبها على الله المهم تعمل زي ما قلتلك انا معتمد على ربنا و عليك
-ما تشيلش هم بعد كدة ..عمتك في عينينا ....الحمد لله ان عندها ابن أخ حنين زيك كدة ربنا عوضها بيك عن ابنها السا"فل
-المهم وصيها تخلي التلفون جمبها عشان اول ما أكلمها ترد عليا ..سلام يا اخوي
اقفل ياسين الخط و هو يهمس مع نفسه بحزن : هقولك ايه ولا ايه بس يا ممدوح !! المهم ربنا يشفيها و يكون في عونها على ابنها و مراته..
-بت يا ندى
-ايوة يا ماما
1-هو احنا النهاردة كام في الشهر يا بنتي؟؟
ندى بضحكة بريئة:بتسألي ليه تكونيش هتقبضي يا ماما ؟
-لا يا عب'يطة !! بنت خالتك المفروض نتيجتها اليومين دول ماهي خالتك قالتلنا الأسبوع اللي فات انتي نسيتي ؟؟؟
ندى بتذكر : صح !!! نتيجة سحر النهاردة!!!
فاطمة : طب على الله ابوكي يوفي بوعده و يشحن لنا نكلمهم نتطمن عليها
-و انا من امتى قلت كلمة و ما وفيتش بيها يا فاطمة!🤨
التفتت اليه بفزع: يا خويا خضتني أهو انت كدة طول الوقت بتعمل فيا الحركة دي!!،😱
ضحك رجب قائلا :بعد الشر عليكي من الخضة ...اديني شحنتلك رصيد تقدري تكلمي اختك و تتطمني على نتيجة بنتها
اخذت هاتفه بحماس و اتصلت
في منزل فاتن
-و بعدين يا راجل ؟؟ هتكون راحت فين ؟؟
-أنا متأكد انها هتكون بخير .. قالها صالح و هو يشرب الشاي
-يا اخي انت ايه؟؟ الراجل بيقولك عارف هي فين قمت سبته راح و ما لحقتوش!! افرض عمل حاجة فالبت؟؟
-فال الله ولا فالك !! و بعدين دلوقت خايفة عليها ؟؟
-و ما اخافش عليها ليه مش بنتي؟؟ مش كفاية رميتلي الثانية رمية مهببة كمان سايبلي دي مع واحد غريب! يا عالم طينته ايه!😤
-لو كانت طينته وحشة مكانش جيه طلب ايدها على طول من غير حتى ما يتكلم معاها...مادام عمل كدة يبقى أكيد شهم و ابن حلال و ما يتخافش على بنتي منه
ارتشف رشفة اخرى ثم قال بتذكر:
اه و بطلي تجيبي في سيرة بدر كل شوية ...البنت في بيت العيلة دلوقت معززة مكرمة ....كانت محتاجة تتربى و اهي اتربت خلاص و انا مأمن عليها مع بدر و متأكد أنه هيحطها في عينيه ...
-يعني ملقيتش غير بدر ! مافيه اخواته سليم و همام ... ولا ولاد عمه جابر و حافظ ...ولا حتى عمار ابن اختك بدرية .. يبقى ترميلي بنتي على ضرتين يطينوا حياتها ليه ؟
صالح :انا ما اختارتش عبط ..كنت عارف انا بأعمل ايه
-أيوة لييييه يعني ؟؟؟
- يعني انتي بجد مش عارفة ليه سبت ولاد اخواتي اللي مش متجوزين و اخترت بدر ؟؟ ما انتي عارفة ان بدر بيحبها من زمان و مش ممكن يأذيها ولا يعايرها كل شوية بالماضي
-بس ممكن ينتقم منها عاللي حصل زمان !
صالح : اللي يحب ما يعرفش يكره ولا ينتقم يا فاتن ..هي كانت محتاجة تأخذ درس في الحياة و خذته خلاص .
لوت بوزها بتهكم: طيب يا اخوي ما تسيبنا من السيرة دي دلوقت و اتصل كدة تاني نشوف المفعوصة التانية يمكن فتحت التلفون
في تلك اللحظة رن هاتفها فأمسكته بحماس ظنا منها انها سحر ثم ما سرعان ما اصيبت بخيبة أمل
-دي فاطمة !😒
-طب اسيبك مع اختك و هأدخل اوضتي ارتاح على ما يوصل معاد الشغل .
-الو ...فاطمة ازيك
فاطمة : أهلا يا فاتن ..الحمد لله احنا كلنا بخير انتي اخبارك ايه و أخبار سحر و صالح و حنان ؟؟
فاتن : الحمد لله كلنا بخير
-ألا قوليلي هي مش نتيجة سحر النهاردة ؟
-أيوة يا فاطمة ..طلعت
-هااا ...طمنيني !
فاتن : نجحت يا فاااطمة ...جابت مجموع 73 في المية
فاطمة بفرحة : و الله !!! طب الحمد لله ألف ألف مبروووووك 😍 ! اديهاني أكلمها و النبي و ازغرطلها
فاتن بلجلجة: هي ! هي..مش هنا. راحت تحتفل بفرحة نجاحها مع اصحابها
فاطمة : هاا....طيب معلش أبقي باركيلها عني ...أهم حاجة ان ربنا عوض تعبها.. و اهو بقى عندك بدل الفرحة فرحتين
فاتن بتعجب:فرحتين ايه دول !!
فاطمة بزعل :نجاح سحر و حمل حنان ..هي مش حنان برضو حامل!! 🙄ولا انتي كنتي فاكرة انك هتفضلي مخبية الخبر ده على طول !!! 😒
صمتت فاتن و لم تقل شيئا بينما بقيت تفكر كيف علمت بهذه السرعة !! طبعا أنه مسعد الثرثار !! فأردفت فاطمة
-عموما حتى لو ما عرفتش بخبر جوازها ف انا فرحتلها بالحمل ده و ربنا يتمم لها على خير... العتب بقى مش عليها ...العتب على اختي اللي خبت عني خبر مهم زي ده كإني وحدة غريبة ...مكانش العشم و الله 😣
فاتن : و الله حصلت ظروف كدة لخبطتنا و كل حاجة تمت بسرعة من غير فرح حتى ... كانت حفلة عالضيق في البلد
فاطمة بزعل:و لو ....أنا خالتها و المفروض اكون من الناس اللي حضرت الحفل الضيق ده مش اسمع من الاغراب!!
فاتن :و الله اهو اللي حصل بقى ..اهم حاجة إن احنا اهلها كان عندنا خبر ... أصل انا اعرف كدة ناس اتجوزت من غير علم اهلها حتى .. فبلاش تزعلي كثير على جواز حنان يعني !🙄😏
فاطمة بدهشة: قصدك مين ؟؟ ناس مين دول و انا مالي و مال الناس ؟ انا بتكلم عن بنت اختي !!
فاتن: و انا كمان باتكلم عن بنت اختي ...قصدي بنتك المحترمة .. اللي انتي فاكراها في تدريب..
فاطمة بصدمة :انتي بتقولي ايه !! بنتي ...أميرة ! بس أميرة في تدريب شغل فعلا ! و كلمتني بنفسها
فاتن: غلطانة يا اختي الحقيقة غير كدة .. بنتك هربت من بيتي بقالها شهر و زيادة و كانت عايشة مع واحد غريب بعدين سمعت انا كمان زي الاغراب انها اتجوزته ...يبقى اللي على راسه بطحة يا اختي .. و لا بلاش اكمل 🙄
كانت تنتظر الرد بكل تشفي بينما تطلق تلك الكلمات كالقنب"لة في وجهها لكنها لم تسمع سوى صرخة من الجهة الاخرى و ما كان ذاك سوى صوت ندى المذعورة
- مامااااااااا .😱.. إلحقني يا بااااااباااا !!!؛ 😰
فاقفلت الخط بخوف و قد شعرت بنغزة في قلبها
-يكونش جراالها حاجة ؟؟
ثم زمت شفتاها بلا مبالاة: هيحصلها ايه يعني ! هتضايق لها شوية و بعدين تفوق ....اهي تبطل منظرة بعد كدة وما تفضلش شايفة بنتها احسن من بنتي في كل حاجة 🙄
-فااااطمة !! ايه اللي حصلها يا ندى !!!
ندى بخوف:مش عارفة يا بابا كانت بتتكلم مع خالتي فجأة وقع التلفون من ايدها و وقعت زي ما انت شايف !!😰
اخد الهاتف بقلق و أتصل بالاسعاف ثم حاول أن يسعفها و هو يجز على أسنانه :واضح إن الح"ية أختها قالتلها حاجة زعلتها ...حسابي معاكي بعدين يا فاتن الگلبة😤.. تصحى فاطمة الاول ..
أميرة مع أم أحمد في المطبخ تحضران طعام العشاء
كانت أم أحمد تلاحظ حماسها و نشاطها طيلة اليوم و سعيدة بذلك التغيير المفاجيء...انهت العشاء فهتفت بتذكر
ام أحمد -نسيت اسألك هنعمل حلو ايه ؟؟
أميرة -بصراحة انا مليش في الحلو...اختاري انتي
أم احمد : عمك ابو أحمد كان بيحب الحلو أم علي الله يرحمه بقى .. انا حبيته و اتعلمته عشان هو كان بيحبه ☺️
-الله يرحمه
أم أحمد -كنت ساعات بحب أناغشه لما كان يجي بعد العشاء يقولي فين الحلو أم علي بتاعي أقوله مفيش أم علي النهاردة 😤...يقوم يحضنني و يقولي كفاية عليا ام أحمد ...دي عندي بالدنيا كلها ...بعدين اطلعله الحلو بتاعه و نقعد ناكل و نضحك سوا
شردت أم أحمد قليلا : الله يرحمه ساب لي فراغ كبير اوي حتى بعد العمر ده مش قادرة اتحمل فراقه
-كنتي بتحبيه للدرجة دي يا أم أحمد ؟؟
-طبعا يا بنتي ده عشرة عمر بحاله
-يعني انتي اتجوزتي جواز صالونات و حبيتيه بعدين ؟
أم احمد : لا يا بنتي ابو أحمد ده حب المراهقة و الشباب كمان و اول و آخر واحد قلبي يدق له
أميرة بدهشة: بجد !! يعني انتو كان على زمانكم فيه حب و كدة زينا ؟!
ضحكت أم أحمد و قالت : الحب موجود في كل زمان يا بنتي ...هي السيدة زليخة مش حبت النبي يوسف عليه السلام و بكت عليه لدرجة اتعمت؟ و الرسول الكريم مش كانت السيدة عائشة أحب زوجاته لقلبه ؟
-اميرة بإحراج :عليه الصلاة و السلام ...انا ما قصدتش كدة ...احم ...يعني انا ...كان قصدي
-بصي يا بنتي ..على زماننا مكانش فيه موبايلات و النت و الحاجات اللي على زمانكم دي ...بس مش معناه مفيش مشاعر و حب
أميرة بلهفة: يعني انتي حبيتي عمي ابو أحمد الله يرحمه من لما كنتي صغيرة ؟ احكيلي 🥰
شعرت أم أحمد بلهفتها في معرفة المزيد و كأنها تحاول أن تستمد بعض الافكار من قصتها فحاولت أن تجس نبضها هي الاخرى
-طب بقولك ايه ..خلينا نخلص عشاء الاول و اخذك على اوضتك بعدين احكيلك على قصتي انا و المرحوم ؟
-موافقة ☺️
وصل رجب مسرعا الى المستشفى حيث تم اسعاف فاطمة
-طمنني يا دكتور
-ضغطها كان عالي اوي هي في العادة مريضة ضغط؟
-أيوة يا دكتور بس هي ماشية على الدوا و الريجيم يعني كانت كويسة و عال العال
-يبقى أكيد اتعرضت لصدمة خلت ضغطها يعلى... لازم ترتاح اليومين دول كويس ما تعملش اي مجهود عضلي و حاول تبعدها عن اي حاجة تزعلها..
رجب بحزن: حاضر يا دكتور .. اقدر اشوفها ؟
-اديتها حقنة وريد لدواء يعدل الضغط بس حاول تخليها تهدى شكلها فيه حاجة شاغلاها هي اللي مش مخلية الضغط ينزل هاكتبلها على خروج اول ما يتعدل ...ألف سلامة عليها
كانت دموعها تنساب في صمت و هي تهمس في نفسها
-يا ترى الكلام اللي قالته ده بجد ؟؟
ليه بس يا أميرة تعملي فيا كدة !! !! كدة تشمتي فيا اللي يسوى و اللي ما يسواش ! هيكون رد فعل ابوكي ايه لما يعرف !
دخل رجب في تلك اللحظة فإلتفتت الى الجهة الاخرى حتى لا يرى زوجها دموعها
-الحمد لله على السلامة يا فاطمة
-الله يسلمك
قالتها فاطمة بتعب
-مالك بس؟؟ ما انتي كنتي كويسة! قالتلك ايه اختك اللي ما عندهاش قلب دي !!
-مفيش حاجة يا رجب 😓...انا بس اتضايقت من مسألة حمل بنتها و جوازها و كل ده
رجب بشك -بس انتي كنتي عارفة ما زعلتيش ليه قبلها؟
فاطمة بمحاولة لتبرير الموقف
-بتقول انها كانت حفلة عالضيق لأقرب الناس بس .. يعني انا مش معتبراني قريبة يا رجب 😭😥
احتضنها بحب و قال بطبطبة
-طب اهدي خلاص ما تزعليش نفسك ...ربنا يسامحها بقى
فاطمة في نفسها : هقولك ايه بس!! ان بنتك اتجوزت من ورانا !!! ربنا يستر بس ...
وصل خالد و سحر الى البيت و ركن سيارته بجانب البيت
همت سحر بالنزول بخجل
سحر :احم ... انا هأدخل أقول لبابا انك برة
خالد : ماشي .☺️
كانت ستخرج حين تذكر شيئا فهتف مسرعا : استني !!!
عادت بتساؤل : ايه !!!
-انتي رايحة كدة !!
سحر بدهشة: كدة ازاي ؟ مش فاهمة ؟
امسك يدها بحب ثم نزع الخاتم من اصبعها ثم قرب يدها من فمه و هو يهمس لإصبعها : آسف مضطر اشيله دلوقت مش عايز فضايح مع خالتي فاتن بس أوعدك هارجعولك بعد شوية ..وعد 🥰
قبل يدها بحب قائلا: يالا انا جاي وراكي ☺️
اومأت براسها ايجابا و دخلت مسرعة
كانت والدتها تجلس امام التلفاز
فقفزت من مكانها اول ما رأتها : سحر،!!! انتي جيتي يا بنتي!
ركضت نحوها و احتضنتها بحب : ألف مبرووووك يا حبيبتي ... اخييييرا فرحتينا و وصلتي الجامعة
سحر : الله يبارك فيكي يا ماما ..هو بابا فين؟؟
-جوة
-طب انا رايحة اشوفه
-أنا هنا يا حبيبة بابا ...
خرج صالح من غرفته
-الحمد لله على السلامة ...كدة تقلقينا عليكي يا سحر؟
-انا كويسة ما تخافش عليا ..
صالح بحب: طب الحمد لله
نظرت الى والدتها ثم قالت : بابا خالد على الباب مستنيك
فاتن بتذمر : عاوز ايه ده دلوقت ؟
صالح بحدة: فاتن !! عيب...ده ضيفنا 😤
ادارت وجهها بتذمر بينما خرج صالح لإستقباله و دخلت سحر بفرحة الى غرفتها
-ها يا خالتي أم أحمد ..ادينا اتعشينا و حلينا ...احكيلي بقى
-قصتي غريبة شوية يا بنتي
،-غريبة ازاي يا خالتي ؟
-الاول عايزاني احكيلك بإختصار ولا بالتفاصيل
-لا بالتفاصيل طبعا
أم احمد بضحكة : لا ده انتي ناوية تسهري الولية العجوزة دي للصبح بقى ! ما اقدرش على كدة انا 😂
-طب براحتك المهم مش بإختصار اوي أصل أنا بحب القصص الرومنسية 🥰
-ماشي يا ستي ... انا هقولك التفاصيل اللي تخليكي تفهمي أصل الموضوع
بقى إحنا الإثنين كنا بنحب بعض من غير ما نقول لبعض عشان كدة قدرت وحدة شي"طانة تدخل ما بيننا و تفرقنا عن بعض بكل سهولة..
أميرة : وحدة مين دي؟؟
-بنت عمه.
جلست أميرة تطالعها بإهتمام : كملي 🥺
حكى خالد كل ما حدث و كرر طلبه ثانية على صالح الذي كان يجلس بترقب يستمع اليه بإهتمام
-بص يا ابني انا من ناحيتي مش هألاقي لبنتي راجل شهم و ابن حلال زيك و ما دامت هي موافقة زي ما بتقول يبقى ربنا يتمم بخير بس ...
تجهم وجه خالد فقد كان خائفا من رأي والدتها و يعلم بأنها لا تستلطفه و من الممكن أن تؤثر على قرار الوالد و الفتاة معا
-بس ايه يا عمي ربنا ما يجيب بس😥
ضحك صالح قائلا: ما تخافش...انا كنت هأقول لازم اسمعها منها شخصيا ...الشرع بيقول كدة يا ابني 😊
تنهد خالد براحة:لا براحتك خااالص و عداك العيب طبعا
نادى صالح بصوت عال: فاتن !
جاءت فاتن على مضض: خير يا صالح
-خالد طلب ايدي بنتنا تاني روحي ناديها عايز اسمع رأيها
-تسمع ايه ماهي امبارح قالت لك انها رافضة!؟
-فااااتن .. نادي البنت و روحي جيبي لضيفنا قهوة بسرعة 😤
قالها صالح بحدة و هو ينظر إليها بعينين جاحظتين
-حاضر هانده لها ..قالتلها فاتن بتذمر وأكملت بهمس
-اناديها اناديها انا مالي هي كانت كرامتي اللي هتتجرجر خليها تهزقه المرة التانية 🙄😂و يبقى يوريني ان اتجرأ يرجع تاني
دخلت غرفة سحر
-سحر أبوكي بيناديكي
سحر بحماس:حاضر يا ماما ☺️
نظرت إليها فاتن بدهشة: شايفاكي مبسوطة يعني !
سحر ببلجلجة -مش النهاردة نجحت ؟
-طب ما تتأخريش و انا هأروح احضرله قهوة ياكش يحل عننا
ذهبت سحر بخجل
-انت طلبتني يا بابا 😌
-اقعدي يا بنتي ...البشمهندس خالد طلب ايدك تاني و انا كنت عاوز أسمع رأيك قبل ما اديه قراري ...ها قلتي ايه
ابتسمت سحر بخجل قائلة: موافقة ☺️
صالح : يبقى على بركة الله ...مبروك عليك يا ابني
خالد بسعادة: الله يبارك فيك با عمي ..بس انا كنت عايز اقولك اني مش هأقدر اطول في الخطوبة... شهر بالكثير و نكتب الكتاب قلت ايه ؟
صالح:معنديش مانع بس نشوف رأيها
سحر: بشرط ادرس في الجامعة اللي انا اختارها
خالد : أكيد مش هأمنعك عن دراستك ...انا موافق ☺️
صالح : يبقى مبروك علينا كلنا
اخرج الخاتم من جيبه و البسها اياه بحماس
و فجأة سمعوا وقع الصينية على الارض : مبرووووك على ايه ؟؟ مين قال ان عندي بنت للجواز أصلا !
عند ياسين
استلقى في فراشه بعد تعب يوم طويل و أمسك هاتفه و أتصل
-الو
- ايوة يا عمتي ...ازيك يا حبيبتي حاسة نفسك احسن ؟
-الحمد لله يا ابني بفضلك بعد ربنا
- استغفر الله يا عمتي انا معملتش غير واجبي
-لا ازاي ...افضالك عليا ما لهاش عد
-انا معتبرك زي والدتي الله يرحمها ...المهم تطمنيني عن صحتك
حاسة حاجة واجعاكي
-لا با ابني مفيش و كثر ألف خيرهم ممدوح و فردوس وقفوا طمبي ما سابونيش ولا لحظة لسة طالعين من خمس دقائق بس
- بالكلام عن ممدوح هو فهمك اللي قلتلها عليه مش كدة؟
-ايوة يا ابني قالي .. بصراحة مش عارفة أودي وشي منك و منهم فين ...يبقى عندي ابني دكتور و تعينلي واحد يخدمني بفلوس
-ما تفكريش في الحاجات دي يا عمتي .. اومال اي فايدتها الفلوس لو مكناش نلتقي اللي يراعينا لما نقع !
اهم حاجة تعملي اللي ممدوح قالك عليه... انتي عارفاه غلبان هو كمان اهو ربنا بعثله رزقة عن طريقك
- ربنا ما يحرمني منك يا غالي يا ابن الغالي .
-ولا منك يا عمتي .. تصبحي على خير و اي حاجة تحتاجيها اوعي تتكسفي من ممدوح .
-ماشي يا ابني ..و انت من اهل الخير .
اقفل الخط و بقي يفكر و هو ينظر الى الساعة
- يا ترى نامت دلوقت ؟
كان ينظر الى رقمها يتردد و هو يقول: طب افرض لسة صاحية هقولها ايه ؟ اتصلت اتطمن عليكم ؟
لا لا بلاش .. فكرة سخيفة اوي ....أكيد هتقول ماله ده آخر الليل !
وضع هاتفه و استلقى يحاول النوم
نظرت سحر إليها بصدمة ثم الى القهوة و قطع الزجاج المتناثرة هنا و هناك و ركضت الى غرفتها باكية
صالح بغضب: ايه اللي انتي بتقوليه ده ؟ 😡
انكمشت فاتن قليلا فهي تعرف تلك النظرة و قالت بصوت أقل حدة :انا قلت رأيي ...مش هأجوز بنتي قبل ما تكمل تعليمها
-محدش أخذ رأيك ...و لمي الليلة احسن لك
خالد بإحراج :طب يا عمي استأذن أنا آسف بجد مش عايز مشاكل ما بينكم
-لا استنى انت يا ابني انت مبقتش غريب كلها شهر و هتبقى جوز بنتي
برقت فاتن عينيها فقال صالح بحزم: خالد طلب ايدها و هي موافقة و انا موافق لإني مش شايف فيه حاجة تتعيب و اهو وافق انها تكمل دراستها يبقى كتب الكتاب هيكون الشهر الجاي ..اللي عنده اعتراض هو اللي يتفضل 😤😡
نظرت إليه فاتن بضيق و دخلت غرفتها
خالد بإحراج: عمي انا مش عايز يحصل ما بينكم خلاف بسببي
-ما تاخذش في بالك يا ابني المشاكل عمرها ما خلصت بيننا
هي بس غلطانة فيك ...مسيرها تغير رأيها لما تعرفك كويس
خالد بإستسلام: اللي تشوفه يا عمي .. طب استأذن أنا بقى
-اتفضل يا ابني 😊
خرج خالد و دخل صالح كالإعصار الى غرفتها
-اي اللي انتي عملتيه ده !! هو انتي ليكي عين تقولي كلمة بعد كلمتي ؟؟!
-انا بس قلت رأ. .
-اناااا قلت اني مواااااافق !!! رأيك ايه يا أم رأي 😡!!!!! ؟؟ انتي عايزة تطلعيني عيل قدام الراجل !! عايزاه يقول اني بقروووون !! مراتي هي اللي ممشية رأيها عليا ؟؟؟ 😤
-قرون ايه و ذيول ايه دي بنتي انا كمان !! و يهمني مستقبلها اكثر منك
-فاااااتن...ما تخلنيش اخرج عن طوعي و اغلط معاكي ...انا طاوعتك في كل حاااجة لحد دلوقت و عمري ما جيت عليكي .. سبت بيتنا و عارضت اهلي عشانك ... ابوي مات زعلان مني بسببك 😤...اتبهدلت و جعت و اتشردت عشان رفضت اجيبلك ضرة .. كنت مراعيكي و متحمل قسوتك و برودك طول السنين دي وبقول حبيبتي و رفيقتي و ام بناتي .. بس لحد هنا و كفاااااية..... سحر خط أحمر فااااهمة؟؟ س ح..ر...خط...ا. ح..م...ر .. يعني لو جيتي عليها ثاني بنص كلمة او زعلتيها انا مش هشوف لا لعشرة ولا لحب ولا لأي حاجة تانية و تختاري دلوقت جوازها ولا طلاقك !
شهقت فاتن بصدمة: طلاااااااق !!!
بارت 58 🔥
فاتن بخوف: طلاق ايه يا صالح بعد العمر ده عايز تشمت فيا اللي يسوى و الله ما يسواش!
-يبقى تحمدي ربنا ان واحد زي خالد طلب ايدها ..لا همه مرضها ولا أي حاجة تانية
-حاجة تانية ايه يعني ؟! هي بنتي ناقصها حاجة ؟
صالح -يعني اوام نسيتي اختها و اللي هببته . ..لو كنتي في مصر كنتي تشوفي مين هيتجرا و يجي يناسبنا ...حتى لو وافق هو اهله مش هيوافقوا...يبقى تبوسي ايدك وش و ظهر أنه بيحبها و شاريها زي ما هي مهما كانت ظروفها
-طب و ظروفه هو ...احنا ما نعرفش عنه حاجة...ولا عايز ترمي بناتك اي رمية و خلاص المهم تخلص منهم !؟
-انتي اللي مش عارفة لإنك مش عايزة تعرفيه...انا عارف عنه كل حاجة ..هو حكالي عن نفسه وانا شايف أنه لقطة و لو ضيعناه مش هنلاقي واحد تاني احسن
-طب يا خويا ربنا يسهلها .. 😒
-يالا انا طالع آخذ دش و ألبس هدومي اتأخرت على الشغل اوي الحمد لله ان صاحبي رضي يمسك بدالي كمان ساعتين لحد ما اوصل
فاتن بتفكير: طب ما تنساش تشحن لي في رصيدي عايزة اكلم فاطمة 🙄
صالح بتعجب: مش قبل شوية اتصلت هي و اتكلمتو و لا هو رغي و مصاريف عالفاضي و خلاص ! 🤔
فاتن بتوتر: لا ماهو انا... كنت عايزة... اتطمن عليها 😥
صالح بشك: ليه ؟ حصل ايه ؟؟🤨
فاتن بضيق:بصراحة فاطمة عرفت بموضوع الحمل و مسكت فيا قال ايه زعلانة اني خبيت عليها..قمت اتسحبت من لساني و قلتلها ان بنتها كمان اتجوزت من غير علمنا كلنا !!
-يا نهار ابيض!! و قالت ايه ؟؟!
فاتن : طبت واقعة ما سمعتش غير ندى و هي بتصرخ
صالح بغضب: لا و الله !! ألف مبروك يا هانم !؛اهو انتي هتخسري اختك كمان و هيرفع جوزها علينا قضية و يطلعنا من البيت يا اما يبيعنا اللي ورانا و اللي قدامنا عشان ندفعله نصيبهم فيه... عاجبك كدة يا غب'ية!؟!
-يطلعنا ليه هي كانت سايبة ؟؟ ما انت عارف ان اختي اتنازلت لي برضاها ما يقدرش يعمل حاجة زي دي 🙄
-اتنازلت لك بالكلام با روحي ولا انتي ناسية ان جوزها رفض يخليها تكتب لك التنازل في الشهر العقاري؟؟ معنى كدة انهم ممكن يرجعو فكلامهم في أي لحظة...و البيت كبير و في منطقة شغل يعني المبلغ هيكون خرافي
فاتن بخوف : يا خبر !! يعني معقولة رجب يتهور و يعملها ؟
-لو انا كنت مكانه عليا الطلاق ما انتي قاعدة في بيتي دقيقة وحدة بعد اللي عملتيه في مراتي
-منك لله هتضيعيلنا شقاء عمرنا اللي كنت هادفعه اقساط بناء العمارة اللي هتخلينا نكسب قرشين محترمين من غير تعب و هتخلينا نرجع بلدنا نتشرد تاني و كله بسبب كيدك و عنطزتك الغب'ية دي 😤
-نرجع مصر ؟؟
-اومال انتي فاكرانا هنفضل عايشين في كندا على طول !!! أكيد هنرجع اول ما عقد العمل بتاعي يخلص .
فاتن بخوف: طب و الحل ؟؟
صالح بضيق :انا هاشحن لك رصيد و امري لله و حاولي تصلحي اللي هببتيه و تصالحيها بسرعة...و ادعي ربنا ما تكونش لسانها فالت زي حالاتك 😏 و ما يكونش رجب عرف بالموضوع حاكم انا عارفه مستنيلي غلطة من يوم الخناقة إياها
فاتن بضيق: حاضر ...يا رب تجيب العواقب سليمة يا رب
عند أميرة و أم أحمد
جلست أميرة تنصت بإهتمام بينما أكملت أم أحمد
-انا و سليمان كنا ولاد جيران و كان أكبر مني بأربع سنين و ابوه كان صديق ابوي و صديق جد ياسين هوما الثلاثة مكانوش بيفترقوا عن بعض أبدا .. الله يرحمهم
-الله يرحمهم
-من لما وعيت عالدنيا دي قلبي دق له هو و بس ... كنت باشوفه من بعيد لبعيد بس كل مادا قلبي يتعلق بيه اكثر رغم أن عدد المرات اللي اتقابلنا فيها صدفة بيتعد عالصوابع ..مرة في الحارة بنعدي قدام بعض نظرة سريعة و كدة مرة عند البقال مرة قدام باب المدرسة الثانوية بس مفيش كلام ولا سلام ولا الحركات بتاع ولاد اليومين دول ..رغم كدة قلبي كان بيقولي ان نظراته بتبادلني الإعجاب مع انها قليلة جدا
بنت عمه اسمها ثريا كانت جارتنا هي كمان و بتدرس معايا في نفس الصف من لما كنا في الإبتدائي
و لما كبرنا كنت باتطقس و باحاول اعرف منها اخباره لحد ما بقينا صحبات اوي و مش بنخبي عن بعض حاجة و صارحنها اني بحبه او بالاحرى عيوني و لهفتي فضحوني قدامها
و فضلنا على كدة لحد الثانوية العامة سقطت و ابوي قعدني في البيت .
في يوم كنت قاعدة في اوضتي جات أمي قالت لي ان الحج عبد التواب طلب ايدي لإبنه سليمان
ما تتخيليش فرحتي بوميها ! لو طلت كنت ركبت جناحات و طرت في العالي و قلت للناس كلها ان اللي اتمناه قلبي هيبقى ليا أخيرا و طبعا اول وحدة جات في بالي مين ؟؟
--صحبتك ثريا !
-ثريا كانت اكثر من اختي ..قلت افرحها معايا بالخبر و رحت بعثت وراها و قلتلها و انا الفرحة مش سايعاني
يومها كإن ملامح وشها اتغيرت بس انا من كثر فرحتي ما انتبهتش للتفاصيل دي . ..
أميرة بترقب -ها.. ايه اللي حصل ؟
-ابو ياسين بعثله اقامة و عقد عمل في كندا و كان لازم يسافر و إلا العقد هيتفسخ خلال شهر فالحج عبد التواب قال لأبوي ان سليمان مستعجل على كتب الكتاب و عايز يتمم كل حاجة لإنه مسافر بعد شهر
ابوي اخذ رأيي و طبعا انا مقدرش أقول موافقة ..قلتله معنديش كلمة بعد كلامك
-بس كان واضح انك موافقة ☺️
-اكيد 🥰...المهم كان لازم كل حاجة تجهز في وقت قصير عشان كدة الاول بدأنا تحضيرات كتب الكتاب و الجهاز و تحضير الأوراق عشان السفر و غيرها لإن المفروض أنه كان هيسافر بعد كتب الكتاب و الدخلة بأسبوع و انا هأحصله بعدها بشهرين بالكثير يعني اول ما يستقر و يجهز البيت و يخلص لي اوراق الإقامة بتاعتي
كانت كل حاجة جاهزة تقريبا بعدها جوم بيتنا و طلبوا ايدي رسميا يعني من باب الاصول و قعدنا مع بعض لوحدنا على اساس الرؤية الشرعية بس محدش نطق بكلمة فضلت انا باصة في الارض مكسوفة و مستنياه يتكلم ..و هو ما قالش حاجة و انا كنت مستغربة اوي موقفه ده
-ايوة و بعدين !؟
-جيه اليوم المنحوس : بعد الرؤية دي بيومين يعني قبل كتب الكتاب بأسبوع
جيه أبوي البيت عينيه بتقدح شرار ..سألته أمي فيه ايه قال لها انهم فسخوا الخطوبة ...ايه اللي حصل ! محدش عارف ...سليمان قال لابوه مش عاوز الجوازة دي..
-يا خبر !! كدة من غير اسباب؟
-قال أنه محتفظ بأسبابه لنفسه .. يوميها كانت صدمة عمري
مقدرتش اتحرك من مكاني لما سمعت الخبر.. بعدها بساعة كدة جات ثريا عندنا و هي بتتسحب خايفة حد يشوفها قالتلي انا عارفة هو رفض ليه
أميرة بحسرة: ليه ؟؟؟😰🥺
-قال يا ستي سليمان بيحب صفية بنت خالته و هي بتحبه من و هوما صغيرين و كان عاوز يطلب ايدها بس ابوه غصبه عليا انا اكمني بنت صاحب عمره و أنه كان واعد ابوي من زمان ان سليمان لبهية و بهية لسليمان و مينفعش يرجع في كلامه...
-انتي اسمك بهية؟ عاشت الاسامي يا خالتي بهية 🥰
أم أحمد بضحكة: ايوة بهية و خلينا في موضوعنا ...طبعا ثريا حلفتني ما أجيبش سيرة لحد لأنهم لو عرفوا بعلاقتهم هيذ"بحوها و مستحيل يجوزوهاله و انتي عارفة مكانش فيه الكلام ده كثير على وقتنا ...انا أول ما عرفت أن قلبه مكانش معاي اتصدمت اكثر و الحسرة عقدت لساني و بقت غصة في حلقي...فقدت النطق و السبب طبعا كان نفسي
أميرة بحزن: يا حرام يا خالتي ؟؟ 🥺
-اللي مكنتش عارفاه ان ماما سمعت الكلام ده كله بس كتمت عالخبر و ما قالتش لحد بحكم ان سمعة بنت خالته ساعتها كانت هتبقى علكة في بق اللي يسوى و اللي ما يسواش
المهم بعد فسخ الخطبة الحارة كلها اتهزت من اللي حصل و ابوي خاصم ابوه و قامت خناقة بين العيلتين وصلت لرب السماء ... خصوصا انهم ما ادوناش سبب مقنع للفسخ
ابوي مبقاش طايق سيرتهم ولا طايق ان حد يجيلنا من طرفهم او يجيب لنا نص كلمة عنهم...بما فيهم ثريا طبعا .المهم ...
ابوي قال كل شيء قسمة و نصيب و هو مش مكتوب من نصيبي و خلاص نفضها سيرة بقى و فضلت انا على الحال ده مش باتكلم و قطعنا كل صلة بيهم من قريب او بعيد
-طب هو بجد كان بيحب بنت خالته دي؟؟
-صبرك عليا جاياكي في الكلام...
-طب كملي بسرعة
- انا كنت اعرف صفية بس من بعيد لما كانت تجي في المناسبات عندهم لانهم ساكنين بعيد عننا...و كنت فاكرة بعد اللي حصل ده أنه يطلب ايدها و يتجوزها هي...بس اللي حصل غير كدة !!
-اومال ايه الي حصل ؟؟
-طبعا محدش كان يقدر يجيبلنا اخبار عنهم وقتها لإن ابوي كان مانعنا نطلع خالص بعد اللي حصل
بس بما أن الدنيا دي صغيرة و حكمة ربنا كبيرة عرفنا بالصدفة من وحدة قريبة ماما ان سليمان سافر كندا في معاده و اتفاجئنا ان صفية اتجوزت بعد ست اشهر من سفره
-يا خبر !! ازااااي ؟؟؟
-حكمة ربنا عشان الخاين ينكشف ....قريبة ماما دي تعرف أم العريس عز المعرفة و قالت لماما ان صفية اتجوزت ابن عمتها اللي كانت بتحبه و بيحبها و موعودين لبعض من و هوما صغيرين و مخطوبين بقالهم اكثر من سنة !
-يا خبر !!! يعني ثريا كذبت عليكي !!😱
-مش بس كدة ...استني لما تعرفي أي كمان . ..
-هو فيه كمان ؟؟؟ 😰😥
-طبعا... لما ماما عرفت الكلام ده حبت تعرف مين صح و مين بيكذب ..قامت اتطقست و قبت و غطست و جابت الحقيقة من قلب بيتهم
-حقيقة ايه ؟؟
-بعد ما فسخ سليمان الخطوبة من غير سبب مرات عمه طلبت من جوزها يعرض عليه بنتها ثريا بما إن كل حاجة كانت جاهزة مش ناقص غير العروسة ...بس سليمان رفض رغم الحاحهم و زنهم على أمه !! و قال أنه معتبرها زي اخته ...و أنه خلاص شال فكرة الجواز من دماغه
و ثريا لما عرفت كانت هتتجنن و حاولت تمو"ت نفسها بس"م فيران بس لحقوها و كتموا عالخبر
بعدين لما قعدت مع نفسي و فضلت احلل مواقفها و تصرفاتها كلها ساعتها بس اكتشفت خبثها و انها كانت بتحاول تنفث سمها بيننا من مدة طويلة انا بس اللي كنت معمية عنها ..و انها كانت عايزاه لنفسها و بتخطط للموضوع من زمان و مش بس كدة !! دي طلعت عارفة من أخته أنه بيحبني !! بس عمرها ما جابتلي سيرة !!
المهم نرجع للموضوع... أمي لما عرفت الكلام ده قلبت الموضوع في دماغها و اكتشفت اللعبة الح'قيرة اللي ثريا لعبتها هي و امها ..بس ما قالتش لحد عالموضوع قالتلي ليا بس ..و فضل الحال على ما هو عليه
و فضلت انا زي ما انا ... طبعا مين هيطلب ايد وحدة اتفسخت خطوبتها قبل كتب الكتاب بأسبوع لا و كمان خرسا!
-قصتك بجد غريبة. اوي يا خالتي .. كملي كملي 😮💨
-عدى سنتين بالتمام و سليمان رجع مصر ف اول اجازة ليه...
في خلال السنتين دول كان فيه محاولات صلح ما بين العيلتين و قدروا ناس الحارة و من بينهم صديقهم المقرب جد ياسين انهم يصلحوا ما بين ابوي و أبو سليمان و يرجعوا المياه لمجاريها و كانت ثريا في الفترة دي اتجوزت بواحد قريبها
راحت ماما لأم سليمان تزورها بمناسبة رجوعه بالسلامة و انتهزت الفرصة و حكتلها على كل حاجة ...
طبعا ماما كانت عارفة اني بحبه مع اني كنت كتومة و عمري ما قلتلها عن مشاعري ... و حاولت تعمل اي حاجة عشان تساعدني، كان عندها أمل نرجع لبعض و ارجع اتكلم من تاني ...
تنهدت أميرة بعمق ثم قالت : لو كنتي صارحتي مامتك و صاحبتيها هي بدل الحر"باية ثريا مكانش حصل كل ده فيكي 😥
أم احمد :كانت كل حاجة مقدرة... قسمتنا و نصيبنا كدة محدش يقدر يهرب من نصيبه بس معاكي حق عمرك ما تثقي في حد ثقة عمياء زي دي الا لما تتأكدي من صدق حبه ليكي و خوفه على مصلحتك ...بس يالا الواحد بيتعلم من اخطاؤه و اخطاء غيره ...المهم نكمل بقى
أميرة بلهفة: هاااا
-طبعا هو إتفاجأ اني لسة من غير جواز و كمان فقدت النطق من يوم فسخ الخطبة ! و انصدم اكثر لما والدته حكتله كل اللي ماما قالتلها عليه
-اي اللي حصل ؟
-لقيته ثاني يوم جاي يطلب ايدي تاني من بابا و اعتذر منه قدام كل اهل الحارة عاللي حصل زمان
-طبعا ابوكي وافق 😍
-لا طبعا رفض ...دي سمعة بنته ما هو احنا مش لعبة ف ايده
-يا خبر !!ليه كدة؟؟ 🥺
- اهو اللي حصل ...و فضل سليمان و ابوه يتحايلوا على ابوي و يجيبوله كل الناس الكبرة اللي ممكن يتكسف منهم و ما يقدرش يرد طلبهم و في الاخر وافق بعد ما نشف ريقه و خلاه يمشي يكلم نفسه ودفعه اللي وراه و اللي قدامه 🙄😂..تعب سنتين و شقاء عمره كله .اللي كان مفروض يجيب بيهم بيت كلهم دفعهم لنا و رجع كندا متنفض عالآخر...الحمد لله ان محمود بيه الله يرحمه ما سابوش و عوضه ببيت هدية جوازنا ...
المهم ما تتخيليش كمية الذهب اللي جابها لي و لا كإنها لأميرة في زمانها و ابوي حلفه عالمصحف أنه مش هياخذه مني تاني لو حصل معاه ايه ....و مهري كان اغلى مهر إندفع لبنت وقتها و كل ده عشان يردلي ابوي اعتباري و سمعتي بين الناس.. ده غير صوتي اللي راح طبعا و مصاريف الدكاترة و الاخصائيين .... فعلا الأب سند 🙄😁
أميرة بضحكة: بصراحة تستاهلي ذهب الدنيا كله ده كفاية دماغك الألماظ ده ☺️
أم احمد بشرود : دي كانت نفس جملته دايما كل ما فكرته بيها 😔 الله يرحمه
-ها كملي و بعدين
- كتبنا الكتاب في نفس الأسبوع لإن اجازته كانت قربت تخلص و لازم يرجع بقى و تخيلي بقى جوازة في اسبوع ..اسرع جوازة في التاريخ ...و الاغرب اللي حصل ليلة الدخلة
-ايه ؟
-اول ما قعدنا لوحدنا شال عني الطرحة و انا ميتة من الفرحة و من الكسوف... بس خسارة فرحتي ما كانتش كاملة لإني مكنتش قادرة انطق بحرف ولا أقوله اني أسعد بنت في الدنيا لإن ربنا استجاب دعايا أخيرا و رجعهولي تاني من اخر الدنيا و جبر كسر قلبي
نزلت دموع أميرة : بجد حرقتيلي قلبي يا خالتي ...قصتك بتبكي الحجر 😭
-استني بتعيطي على ايه هو انا مو"تت ؟؟ 😂🙄 انا لسة ما قلتش أهم حاجة .. مش انتي كنتي عاوزة تفاصيل ؟؟
ضحكت أميرة بدموعها - غصب عني يا خالتي ... آسفة كملي 🥺
-بعد ما شال الطرحة قالي جملة وحدة
" انا آسف اني صدقت الكذاب و كذبت قلبي"
و اداني ورقة قديمة كان مخبيها في محفظته و عمره ما شالها منها ...فهمت منه بعد كدة ان ثريا إدتهاله قال ايه انا اللي بعثتها له قبل الرؤية الشرعية بيوم
"بعد السلام
انا عرفت من ابوي انك طلبت ايدي و انا ما اقدرش ارفض لإني بنت في مجتمع شرقي و طبعا مليش كلمة بعد كلمة ابوي .
بس في الحقيقة انا قلبي مع واحد تاني و هو كمان بيحبني فأنا طمعانة في شهامتك و نبل أخلاقك عشان ترفض انت الجوازة دي لإنك راجل و القرار بيدك و أتمنى تستر عليا و السر ده يروح معاك للقبر بهية "
اول ما قريتها شهقت من الصدمة و رجعلي صوتي ...لا مش رجع بس ! ده انا صرخت بأعلى صوت كمان !!
"بس انا عمري ما حبيت حد غيرك ! و ده مش خط ايدي ده خط ثريا!😱
كانت اول جملة قلتها من سنتين ...قلتها و انا جسمي كله بيترعش
ساعتها حضنني بكل قوته و قال لي " و انا عمر ما قلبي دق لغيرك و إحساسي كان بيقولي انك بتحبيني بس كذبته و صدقتها...
بص لي في عينيا و كنت بأعيط بكل حرقة و قالي
كنت مستني اللحظة دي على نار لحد ما جاتلي الورقة المشؤومة.. الدنيا اسودت في وشي! ازاي من بين كل البنات قلبي اختار بنت قلبها مع راجل غيري !
و شلت فكرة الجواز خالص ...بس اول ما أمي حكتلي عاللي عرفته رحت بيت عمي فتشت و جبت دفاتر قديمة و عرفت أن الخط ده بتاعها هي ساعتها بس اكتشفت اللعبة اللي اتلعبت من ورانا و اللي بسببها ضاع من عمرنا سنتين
عارف اني مهما اعتذرت مش هيفيد و لا هاقدر ارجع بالزمن لورا ..بس أوعدك اني هافضل اعوضك عن اللي حصل لك بسببي لحد ما اموت...وعد مني
شهقت أميرة بصدمة: يا سااااتر !!! دي شيطااااانة بجد !!! ازاي قدرت تلعب عليكم لعبة منحطة زي دي بكل سهولة !!!
-لإن الصراحة اساس العلاقة يا بنتي ...المفروض كنا نصارح بعض من الاول ..لما جيه يشوفني في بيتنا هو كان عارف يعني مفروض كان يورهاني و انا ساعتها كنت أقوله ان ده مش صحيح ...مش نسيب حية زيها تستغل الفراغ اللي بيننا و تدخل فيه؟؟ ..ايوة الخجل للبنت مطلوب و الحياء مطلوب بس مش للدرجة دي ! انك تقولي رأيك بصراحة موافقة او رافضة ف ده حقك في شرع ربنا مش اسمه قلة أدب
أميرة بتساؤل : بس و الله الموقف صعب يا خالتي يعني معقولة اقف قدام ابوي و اقوله موافقة على فلان !؟ ماهو سكوتي يكفي ...مش بيقولوا السكوت علامة الرضا؟
أم احمد :مش كل مرة السكوت بيكون علامة الرضا و دليل عن الحياء يا بنتي ...فيه حالات ممكن يتفهم فيها على أنه رفض عشان كدة مفيش احسن من الصراحة لإن بصفة عامة
أساس العلاقة بين اي اثنين هو التواصل ... عشان اي مشكلة تتحل في وقتها من غير تدخل طرف ثالث
عشان كدة انا و سليمان اتفقنا من الليلة دي عالصراحة و ده السبب ف اننا عمرنا ما اتخانقنا او زعلنا من بعض أبدا ...اي مشكلة كانت تحصل كنا نحلها في نفس اليوم و مش بننام غير و احنا متصالحين
فكرت أميرة في كلامها فوجدته دررا ...
-معاكي حق يا خالتي ...و قصتك مش بس غريبة ...دي اغرب من قصص الخيال
تأملت في قصتها مع ياسين ثم همست في نفسها: صحيح ! هو عمره ما جاب سيرة خطيبته دي .. و كل تصرفاته بتقول أنه مهتم بيا ..انا ليه عمري ما سألته عنها ؟ ولا حاولت استوضح الامور؟ انا حتى عمري ما سألته عن اي حاجة تخصه !
شردت قليلا ثم قالت بنفسها بضيق
غبية يا أميرة ...اول ما قالك عن الطلاق قمتي رميتيها ف وشه زي طلقة المدفع ! انا موافقة عالطلاق ! اهو هيطلقك ان شاء الله مبسوطة دلوقت يا جزمة !😤
لاحظت أم أحمد شرودها فعلمت انها تفكر في موضوعهما
-طب اسيبك انا يا بنتي الكلام خدنا و الساعة عدت حداشر ..تصبحي على خير ☺️
-استني يا خالتي انا كنت عايزة اسألك حاجة كمان
-اتفضلي يا بنتي
-انتي قلتي ان جد ياسين كان صاحب ابوكي يعني انتي تعرفي ابو ياسين و امه ؟؟
-ايوة يا بنتي اعرفهم عز المعرفة ...محمود و سليمان و رفعت كانوا ثلاث اصحاب و اكثر من اخوات ...الدنيا فرقتهم عن بعض و رجعت جمعتهم من تاني هنا في كندا
محمود و رفعت كانوا شاطرين في دراستهم بس سليمان كان على قد حاله يعني
رفعت سافر على ألمانيا يكمل دراسته و اتجوز هناك
محمود كمل دراسته في مصر واتجوز الست إلهام اللي كان ابوها عنده شركة استيراد و تصدير و اشتغل عنده مدير تنفيذي
بعد ما ابوها اتوفى هي و اختها ورثوا الشركة بس محمود دفعلها نصيبها و بقت بإسم الهام و بقى هو مدير الشركة بالوكالة بعدين طورها و عمل فروع تانية و لما اسمه لمع في السوق العالمي سافر كندا و نقل كل شغله على هناك ..ياسين وقتها كان عنده يجي خمس سنين
سليمان فضل يشتغل هنا شغلانات كثيرة طول المدة دي لحد ما محمود بعثله اوراق الإقامة
و كمان هو امن عقد عمل لرفعت و جوم من المانبا هو ومراته و ابنه خالد ساعتها اتجمعنا كلنا هنا ...و ولادنا ياسين و خالد و أحمد بقوم اصحاب... بس ابني أصغر منهم
-خالد عرفته !!ده صديق ياسين اللي بيشتغل في اوتاوا !
-ايوة هو ..كنا أكننا عيلة وحدة و كانوا ناس في قمة التواضع عمرهم ما حسسونا اننا أقل منهم ...ربنا يرحمهم جميعا
-آمين يا رب
قالتها أميرة بتثاؤب
- شكلك تعبتي يا بنتي و انا رغيت كثير اوي فوق دماغك
-لا بالعكس يا خالتي .... انا استمتعت جداااا بحكايتك و مبسوطة اني قعدت يومين كمان عشان اعرفك اكثر ...بصراحة كلامك ما يتشبعش منه
-اتمنى تقعدي اكثر من كدة...لسة فيه حكايات كثير كمان ما حكتهمش لسة 🙄🙂..تصبحي على خير ☺️
قالتها ام أحمد بإبتسامة ذات معنى بينما بقيت أميرة تنظر الى اثرها بتساؤل: يا ترى تقصد ايه بكدة!!
كان يتقلب على ذلك السرير كأنما يتقلب على الجمر
يفكر بلا توقف .... ما الذي سيحدث حين عودته ...اتراها ستبقى على موقفها! ...يحتاج إلى اشارة فقط منها من اجل البوح .. تبا لذلك الكبرياء الذي يتملكه
وقف بضيق و توجه نحو النافذة يفتحها و يسمح لذلك الهواء البارد بأن يملأ رئتيه ...عله يخمد و لو القليل من حرارة الشوق المستعر في صدره
اشعل سيجارة و هو ينظر الى النجوم بحسرة: غبتي عني يوم بس و بصي شوقي ليكي عمل فيا اي 😔
..وحشتني ضحكتك ... عينيكي .. شفايفك ...كسوفك ...كل حاجة فيكي واحشاني .. قوليلي هأقدر اتحمل بعدك ازاي بس؟؟ 😓
في تلك اللحظة رن هاتفه فأطفأ السيجارة و اسرع اليه و هو يعتقد بأنها هي!
خمدت لهفته حين رأى الاسم و أجاب بحسرة: خالد 😒...
خالد بضحكة : كنت مستني حد غيري ؟؟؟
ياسين بتذمر: في حد بيتصل في الساعة دي يا راجل ؟؟ افرض اني نايم ؟
-ما تبقاش اسمك عاشق لو عملتها ...🙄😂
قالها خالد بمزاح
ياسين بقهر
-خالد !! و النبي انت فايق و رايق و انا تعبان و عايز أنام 😮💨
-طب احلف كدة انك هتنام و انا اقفل على طول 🙄😕
-خااااالد ارجووووووك 😓 انا هلكااااان طول اليوم 😮💨
خالد بضحكة: يعني انت بتحلفني طول الوقت لما انا اطلب منك تزعل ؟ ده مش عدل
ياسين بضيق: خاالد !! لو معندكش حاجة مهمة سيبني اقفل
خالد -على فكرة انا حاسس بيك لإني كنت موجوع زيك كدة واكثر ... ما ابقاش صديقك و انا مبسوط و انت عايش مرارة الإحساس الفظيع ده ...ما تحكيلي مالك يمكن ترتاح !! او يمكن نلاقي حل مع بعض لمشكلتك ...صدقني الفضفضة بتحل مشاكل كثير ...جرب يعني هتخسر ايه ؟
-هقولك ايه ولا ايه بس يا خالد 😓😮💨
-تقولي ع اللي مطير النوم من عينك .. مش عارف تنام ليه مع انك هلكان و الساعة عدت اثنين و نص بالليل ؟
فكر في كلام صديقه و وجد أنه محق .. يشعر بالإختناق يريد أن يصرخ بشدة لإخراج ذلك الوجع اللعين الذي يقبع على صدره منذ الصباح
تنهد ياسين بحزن قائلا : أنام ازاي و هي طالبة الطلاق يا خالد !؟؟
خالد بصدمة : طلاق !! يعني هي بجد عرفت ؟؟
ياسين :ايوة انا كلمتها و قلتلها اننا اتجوزنا و فهمتها ليه خالد بدهشة : يعني حتى بعد ما عرفت انت عملت ايه عشانها طلبت الطلاق !!
ياسين بضيق :ماهو انا عكيت الدنيا ...اتلخبطت و قلتلها اني كنت مجبور اعمل كدة عشان اطلعها قامت طلبت نتطلق و كل واحد يروح لحاله 😓
خالد بحزن: ليه بس يا صاحبي .. مقلتلهاش ليه انك بتحبها بدل اللف و الدوران ده !!
- اهو اللي حصل بقى !! انت عارف اني مليش في حكايات البنات و المشاعر و الكلام ده و خصوصا معاها هي . .. بأبقى حرفياً واحد تاني خالص باتلخم و لساني بيتربط 😓
خالد : و انت طبعا وافقتها فورا و هتطلقها مش كدة ؟؟ صاحبي بقى و عارف بلاويك
-ايوة قلتلها هآخذك القنصلية بكرة
-لاااا...ارجوك قل لي انك مش هتاخذها بجد ...😱
-ما انا سافرت اونتاريو عشان اهرب من الموقف البايخ ده بس هافضل هربان لغاية امتى؟ ما كلها يومين و راجع تاني يعني أن مكانش بكرة يبقى بعد يومين 😥
خالد بحزن -هتضيع البنت منك بسبب انك خايف ترفضك مش كدة؟؟ حافظك و عارف بتفكر ازاي ... برأيي غلطان
انت الراجل و المفروض انت اللي تصارحها و اللي يحصل يحصل
-و افرض اعتبرتني بأستغل الموقف و باحطها قدام الامر الواقع؟؟
-ما تعتبر يا اخي ...هو فيه احلى من الواقع اللي انت عايش فيه؟ هي كانت هتلاقي فين واحد زيك!! شاب و ملياردير و ناجح و وسيم و كل بنات مصر و كندا بيحلموا نظرة منه
صمت ياسين قليلا ثم اطلق زفرة حزينة قائلا : بس انا عايزها تحبني لشخصي مش لفلوسي ...ياسين الإنسان ...اللي حبها من اول نظرة .
خالد بإصرار : يبقى تصارحها بمشاعرك و طز في كبريائك فاهم !!
ياسين : بس يا خااا....
قاطعه خالد بحزم: ما انت مش مستني مثلا منها هي اللي اسمها بنت و خجولة انها تعترفلك بحبها الاول و تطلب ايدك !! مش كدة!! 🤔🤨😤
-لا طبعا ..مقلتش كدة 😥
-يبقى تبطل معاندة و تعمل اول خطوة و تسألها بصراحة ان كانت عايزاك
ياسين : مش عارف يا خالد ... مش قادر أتحلى بالشجاعة عشان اعملها بس في نفس الوقت حاسس ان روحي بتتسحب مني شوية شوية لإني مش قادر اعمل حاجة و الوقت بيعدي 😓
-هتقدر ...انت بس خليك على طبيعتك معاها و صدقني كل حاجة هتبقى كويسة و ان تاهت منك بص في عينيها مش هتقدر تخبي اللي ف قلبها و ساعتها هتعرف إن كانت عايزاك او لا
ياسين بدهشة: ده نفس كلام خالتي ام أحمد ! هي ايه حكايتكم مع العيون ؟؟
-يااااه ام أحمد !! ايه اللي فكرك بيها؟؟
-ماهي عندي في القصر جبتها تقعد معاها
-ام أحمد دي خبيرة اجتماعية و نفسية و اقتصادية و كل حاجة مادامت عندك يبقى عقدتكم هنتحل بإذن الله ..و حكاية العيون مجربة و مضمونة صدقني 🙄
ياسين بشك: مجربة ازاي ؟؟ مين جربها
خالد بإحراج: احم...انا ..
ياسين بدهشة: لا و الله ...طب حصل ايه !!
صمت خالد قليلا ثم قال بحماس بااالغ
-اعترفتلها يا ياسووووو...اعترفتلها بحبي و عرضت عليها الجواز و هي وافقت و اخذتها و رحنا لابوها طلبتها منه و لبستها الخاتم كمان 🥰😍
ياسين بفرحة: احلف كدة !!
-و الله العظيم حصل و بطل غتاتتك يا اخي انا عندي34 سنة و لسة بتحلفني !! 😏 اشمعنى انت رفضت!
-طب الف ألف مبروووووك 😍 و الله فرحتلك من قلبي 😊
-عقبالك يا رب 😘
-يسمع منك ربنا ..
خالد : طب بقولك ايه ؟
ياسين : ايه ؟؟
-انت ما كلمتهاش في التلفون ؟؟
ياسين بحزن: حاولت ...بس أكلمها بصفتي ايه و اقولها ايه بس بعد اللي حصل ؟ أهلا انا اتصلت اتطمن عليكم قبل ما نتطلق مثلا ؟؟ هتقول ما اتصلش بأم أحمد ليه ؟
فكر خالد ثم قال بمكر: تقدر مثلا بكرة الصبح تكلمها تقولها ان نتيجة الثانوية العامة طلعت و إن بنت خالتها نجحت 🙄
تهلل وجه ياسين بفرحة: بتتكلم بجد !!
خالد بضحكة: اه و الله ...بس لحظة أفهم!! هو انت مبسوط للدرجة دي عشان خطيبتي نجحت ولا عشان لقيت حجة تطفي نار الشوق ؟؟ 🤨😂
-يخربيت غلاستك يا شيخ ...المهم ألف مبرووووك. على نجاح خطيبتك و يالا سيبني أنام لي ساعتين قبل الفحر ما يأذن
خالد : ماشي يا عم و انا كمان ..اصل انا مكنتش قادر أنام من حماسي و اتصلت بإيلينا ما ردتش عليا أكيد نامت فما لقيتش غيرك افرحه معايا عشان أعرف انا كمان أنام لي ساعتين..يالا تصبح على خير
-و انت من اهله يا صاحبي ...متشكر اوي ريحت قلبي ربنا يريح قلبك
-يااا رب 😊
في الصباح
استيقظ ياسين بتثاقل على صوت المنبه يشير الى تمام الساعة التاسعة صباحا فوجد ثلاث مكالمات فائتة من يحي
أتصل بتثاقل: يحي صباح الخير
-صباح النور يا بيه مش كان المفروض نروح لشركة ماركوس النهاردة الصبح !؟
-ايوة يا يحي بس لسة بدري اديني نص ساعة اكون جاهز
-مستنيك يا بيه خذ راحتك
اقفل الخط و بقي ينظر الى هاتفه بتفكير
-تكونش صحيت؟ أكيد صحيت الساعة عدت تسعة
إتصل برقمها و سرعان ما أجابته فخفق قلبه بشدة وإبتسم تلقائيا
كانت مستلقية في سريرها تنظر الى تلك الورود التي احضرتها بالامس من الحديقة كيف ذبلت بتلك السرعة !
دخلت أم أحمد
-صباح الخير يا بنتي ☺️
-صباح الخير يا أم أحمد يا طيبة 😌
نظرت الى حيث تنظر و رأت الورود
و اردفت أميرة بحزن ما لحقتش أستمتع بيها ...ذبلت بسرعة
امسكت ام أحمد كوب الماء و توجهت نحوها و هي تسكب الكوب في الفازة
لإنك نسيتي تسقيها...من كثر فرحتك بيها نسيتي تهتمي بيها ... ما تقلقيش هتلاقيها رجعت زي الاول بعد ساعة .. كل اللي كان ناقصها شوية اهتمام بس
في تلك اللحظة رن هاتفها
نظرت الى ام أحمد و قالت : ده رقم غريب !
أم احمد : معلش ردي يمكن حاجة مهمة
اجابت بتوجس: الو ..مين ؟😕
- احم..صباح الخير
ابتسمت تلقائيا و اجابت بعفوية و قد توردت وجنتاها : يااااسين !
ثم سرعان ما انتبهت لنبرتها المتلهفة و اخفضت صوتها و هي تحاول جاهدة أن تزيل تلك الابتسامة بينما تنظر الى أم أحمد بحرج و أكملت بسرعة متداركة الموقف :
-بيه ! ...احم...صباح الخير😌
اخفت أم أحمد ابتسامتها الماكرة و هي تقول : طب انا هأحضرلك الفطار يا بنتي ☺️
خرجت حين شعرت بإرتباكها و خجلها و هي تهمس بضحك
-عليا النعمة انتو الإثنين واقعين وقعة ما يعلم بيها إلا ربنا 😂
بارت 59 🔥🔥
-اازيك يا أميرة ؟ و ازاي خالتي أم أحمد !
أميرة بتوتر: الحمد لله احنا بخير ...لو عايز تكلم خالتي ام أحمد فهي طلعت قبل شوية ..
ياسين : لا انا اتصلت عشانك انتي
أميرة : عشاني ؟
ياسين : قصدي ..كنت عايز اعتذر منك لإني سافرت بالطريقة دي. . جالي شغل مستعجل ملحقتش أكلمك
أميرة: ولا يهمك .. بس يعني ...هتطول ؟
ياسين: ليه ؟
أميرة بلجلجة: لا قصدي. عشان اعمل حسابي نسافر امتى
ياسين بضيق : يمكن النهاردة بالليل لو خلصت شغلي او بكرة الصبح لو حصلت حاجة عطلتني
أميرة بآلية: تمام... مكانش فيه داعي تغلب نفسك و تتصل بس عشان تعتذر انا مقدرة انشغالاتك 🙄
ياسين :لا أنا اتصلت بيكي عشان عندي ليكي خبر حلو
انقبض قلبها فجأة ! لا تدري لماذا توجه فكرها فورا الى القنصلية ! هل جهز اوراق الطلاق بهذه السرعة !!
-خبر ايه ؟ ؟😥
ياسين : امبارح طلعت نتيجة الثانوية العامة
حينها هتفت أميرة تلقائيا : سحررر !!! انا ازاي نسيتها !!! 😱
-عموما انا اتصلت اقولك أنها نجحت 😊
أميرة بفرحة: بجد !!!! 😍
ابتسم ياسين تلقائيا و تخيل فرحتها الطفولية و ضحكتها التي تأخذه الى عالم آخر و قال بحب:
-ايوة و جابت 73 في المية كمان ...انا قلت افرحك عشان تتصلي بيها و تهنيها
أميرة بلهفة: أكيد 🥰 متشكرة اوي عالخبر الحلو ده انا حالا هأتصل بيها ☺️ ربنا يطمن قلبك و يفرحك 🥰
تنهد ياسين بعمق قائلا : آاااامين يا رب ☺️ اسيبك انا دلوقت عندي شغل
أميرة : طبعا اتفضل .
اقفلت الخط و صاحت بفرحة طفولية : هيييييييييي حبيبتي نجحت اخيييييرااااا !!! 😍😍🥰
اتصلت بها لكنها لا تجيب
حاولت مرة أخرى لكن لا رد
-اكيد نايمة.... يا دي نومتك الثقيلة يا سحورة ...هو ده وقت نوووم!؟؟
كانت تحاول للمرة الثالثة حين دخلت أم أحمد
أم احمد : في اي يا بنتي صوتك كان واصل للمطبخ خير !! فرحيني معاكي !!! هو قالك ايه خلاكي طرتي من الفرحة كدة !! ☺️
أميرة بسعادة بالغة : بنت خالتي نجحت في الثانوية العامة ...ياااااااه مش مصدقة بجد .... أخيييييرا
-و الله ؟؟! طب الف مبروووووك 😍 ربنا يبارك لها و يخلي حياتها كلها افراح يا بنتي ☺️
أميرة بلهفة : يا رب يا خالتي ...سحر بنت خالتي اه بس زي اختي الصغيرة...الحمد لله ان ربنا عوضها عن السنين اللي ضاعت منها بسبب المرض
-ليه هي عندها ايه ؟؟
-عندها الربو و كانت بتسقط بسبب النوبات و الإلتهاب و كدة المفروض اللي من سنها داخلين على ثالث سنة في الجامعة
أم احمد بحزن:يعني عندها 21... على عمر شوق
أميرة بدهشة: مين شوق ؟؟
أم احمد : بنتي اللي ماتت لما كان عندها 3 سنين بإلتهاب الكبد
أميرة بحزن: الله يرحمها ..اسفة إني فكرتك بيها
ام احمد : ولا يهمك يا حبيبتي ...خلينا في فرحة بنت خالتك ... انا بافرح اوي لما اسمع حد نجح في دراسته حتى لو مااعرفوش
أصل الجامعة دي كانت حلمي اللي متحققش
ابتسمت بهدوء و اردفت: من لما كنت صغيرة كان حلمي أبقى دكتورة عيون ☺️
أميرة بحزن: طب ليه ما حاولتيش تاني يمكن كنتي نجحتي في ثاني مرة ؟ ليه فشلتي بسرعة و استسلمتي؟
-و مين قال اني فشلت او مكنتش قادرة انجح في اول مرة ؟ أنا كنت باطلع الاولى على دفعتي من لما كنت صغيرة سقطت بس لما وصلت الثانوية العامة
أميرة بمزاح -اوعة تقوليلي بسبب الحب و الغرام ؟؟ 😂
-الحب عمره ما كان عائق قدام النجاح يا بنتي ...كنت اقدر أحب براحتي و ادرس و انجح و أجيب أعلى مجموع كمان ...بس انا ضحيت بكل ده عشانه و اخترت اسقط
-مش فاهمة ؟😳
-عمك سليمان سقط و مكانش ينفع اكمل انا ...الوقت كان غير الوقت.. لو دلوقت يمكن كانت ضبطت عادي ...بس وقتها هاقدر ازاي اتجوزه و انا اسمي دكتورة و هو صنايعي يوم يشتغل و عشرة لأ؟ الناس و المجتمع ماكانوش هيسيىونا في حالنا و هيأثروا على علاقتنا من قريب او من بعيد و مكنتش هأبقى مرتاحة في حياتي معاه و هو حاسس نفسه أقل مني
انا صليت استخارة و اخذت القرار ده عن قناعة و ارتياح و ضحيت عشان اكون معاه على أمل ان ولادي يحققوا اللي انا ما قدرتش احققه
-ياااااه يا خاااالتي !!! هو فيه تضحية كدة !!! انتي ضحيتي بمستقبلك عشان حبك ليه؟؟ عشان كدة فقدتي النطق لما سابك؟
-صح ...سليمان كان هو مستقبلي و لما عرفت أنه بيحب واحدة تانية حسيت لوهلة اني فقدت كل حاجة من ايدي الصدمة كانت شديدة عليا
بس بعدها استخرت ربنا و استعوضته في كل اللي ضاع مني و الحمد لله عوضني بكل حاجة حلوة حصلتلي في حياتي بعد ما اتجوزت سليمان ...
- انا دلوقت فهمت ليه بتفرحي لما حد ينجح .... انتي ست عظيمة اوي يا خالتي ...انا شكلي هاتعلم منك حاجات كثير 🥰
-ان شاء الله هتتعلمي ...طب رني تاني يمكن ترد عليكي ☺️
اومات أميرة و اتصلت و في تلك اللحظة ردت سحر
-الو
-سحوووووورة حبيبتي !!! 😊
قالتها أميرة بفرحة و هي تشير إلى أم أحمد بأنها على الخط
كانت أم أحمد تهم بالذهاب لكن أميرة اومأت لها بالجلوس و اصرت على ذلك و هي تجيب بفرحة غامرة
سحر- ازيك يا أميرة عاملة ايه يا روحي !! طمنيني عليكي
-انا الحمد لله بخير ...ألف مبروووووك نجاااحك يا روووحي بجد الدنيا مش سايعاني من الفرحة يا ريتني أعرف ازغرط بس
سحر بحب: الله يبارك فيكي يا قلبي 🥰.. أكيد ياسين اللي قالك مش كدة !!
أميرة بحب : ايوة هو 🥰
شردت لوهلة ثم قالت بدهشة:تعالي هنا !! هو انتي تعرفي ياسين منين !! و عرف ازاي انك نجحتي ؟ لا و بمجموع 73 كمان ؟!!🤨
سحر : ما هو صديق خالد أكيد هو إتصل بيه و بلغه
أميرة: خااالد !! و هو خالد يعرف منين انك نجحتي ؟؟
سحر بهدوء: -ماهو ...كان معاي لما طلعت نتيجة الامتحان 🙄😌
أميرة بتعجب -كان معاكي ازاي مش فاهمة ؟؟
سحر-زي الناس 🙄
-بت !! انتي مخبية عني حاجة مش كدة ؟؟! هو انتي تعرفي خالد من امتى و بتتكلمو بتاع ايه؟؟!😕🤔
سحر بلهفة لم تستطع اخفائها: خاااالد طلب ايدي امبارح و بابا وافق 😍 و الأسبوع الجاي قراية فاتحتنا كماااااان تصدقي يا امييييرة !!!
أميرة بدهشة: بتقولي طلب ايدك !!؛ معنى كدة ان انتو كنتو ..!!
سحر بفرحة: ايوة بنحب بعض و امبارح لما طلعت نتيجة الثانوية العامة اعترفلي بحبه و عرض عليا الجواز 🥰
أميرة بفرحة: يعني الفرحة كدة فرحتين نجاااحك و خطوبتك !!ألف مبروووووك و الله فرحتلك من كل قلبي ..
سحر :كان اجمل يوم في عمري يا مييييرو عقباااالك يا قلبي 🥰....ااااخ نسيت !! ما انتي اتجوزتي فعلا ! 😁
تبدلت ملامح أميرة للحزن فورا و قالت ؛ اتجوزت ايه يا سحر دي كانت بس شهامة منه ..ماهوو انجبر عالحل ده عشان يقدر ينقذني ..عموما احنا هنتطلق الأسبوع ده 🥺😔
لاحظت أم أحمد القهر في عينيها و فرحتها التي اختفت في لحظات و حل محلها حزن عميق
سحر بدهشة : حل مؤقت ايه و مجبور يا بنت العبي'طة ؟؟ هو فيه حد يعمل اللي ياسين عمله من باب الشهامة بس !!! الراجل دافع د"م قلبه للزعيم بتاعهم...
دول ثلاثة مليون دولار ان شاء الله يطفحهم مرار إلاهي هو و الگلب اللي إسمه دانيال ...و كمان ماضي اوراق في القنصلية توديه السجن عشان يقدر يطلعك !
كل ده و بتقولي شهامة؟؟ شهم مين اللي يعمل كل ده يا ماما !! ما تصحصحي و تفكري شوية ؟؟ هو انا اللي هأعلمك ؟؟
أميرة بصدمة -انتي بتقولي ايه يا سحر !! ثلاثة مليون ايه اللي انتي بتتكلمي عنها !!! 😱
سحر:هو ياسين ما قالكيش رضيوا يطلعوكي مقابلة فدية كام ؟! قال مجبور قاااال 🙄 !! ده انا اللي اسمي بنت خالتك لولاه كان زماني كل عضو في بلد و هو انقذني بس عشانك ...انا من رأيي فكري تاني في الموضوع ده لإني مش شامة ريحة شهامة بس هنا 🙄
شردت أميرة قليلا : يعني دافع كل الفلوس دي بس عمره ما جابلي سيرة !! طب ليه خبى عني حاجة زي دي !! معقولة تبقى كل الناس عارفة إلا انا !
ثم فجأة صاحت برعب
: سحر انتي عرفتي اني اتجوزت ازاي ؟؟؟ 😱
سحر بدهشة: خالد قالي طبعا ...مالك إتخضيتي كدة ليه؟؟
أميرة بصدمة: اوعي تكون خالتي عرفت بالموضوع ؛!!! تبقى مصييييية !!!😱
سحر :بصراحة يا ميرو... ايوة عرفت😓
أميرة بخوف : عرفت ازاي ؟؟؟
اخفضت سحر رأسها بضيق و قالت : انا مش عارفة ازاي فلتت من لساني في لحظة غضب و قلتلها انك اتجوزتي.. ما اتحملتش تغلط فيكي قدامي و اقعد ساكتة 😰
أميرة بذعر: تبقى مصيبة لو قالت لماما يا سحر 😓 ليه بس تعملي العملة دي و انا اللي بقول عنك أعقل وحدة فيهم؟؟ 😥😓
سحر: اهو اللي حصل بقى ...ما تزعليش مني... المهم تراجعي نفسك في حكاية الطلاق دي
أميرة : اراجع نفسي ف ايه بس يا سحر اذا كانت الجوازة من أساسها باطلة لاني مكنتش أعرف ؟
-معلش يا قلبي مع كدة حاولي تستخيري ربنا هو اللي عارف الاحسن ليكي ☺️
-و نعم بالله يا حبيبتي ...خلي بالك من نفسك و الف مبروك مرة تانية
اقفلت الخط بضيق و هي تقول
-الحقيني يا أم أحمد ...مصيبة 😔
أم احمد : مصيبة ايه كفى الله الشر؟؟؟
-خالتي عرفت بخبر جوازي من ياسين ... و ممكن تكيد ماما بالخبر انا عارفاها كيادة و سموية و ما بتصدق تلاقي حاجة تؤذيها بيها ...قوليلي اعمل ايه دلوقت ؟؟
أم احمد بتفكير: انا من رأيي تتصلي بوالدتك و تقوليلها الحقيقة
لو خالتك زي ما بتقولي فهي ممكن توصل المعلومة بطريقة غلط .. بس لو عرفت منك انتي الاول متقدرش خالتك تعمل حاجة وقتها
أميرة بقلق: انتي شايفة كدة ؟؟!
-قلنا ايه امبارح يا بنتي؟! الصراحة منجاة ...صارحي والدتك و ما تخليش خالتك تستغل الفرصة زي ما عملت ثريا
مش انتي قلتي لو كنت صاحبت ماما و حكيتلها مكانش حصل اللي حصل معايا ؟؟
-صح معاكي حق .. انا هأتصل بيها
تتصلي ايه دلوقت طب مش تفطري؟؟
- بعد ما أخلص اتصالي
-بس الساعة دلوقت بدري اوي في مصر ..أكيد والدك هيكون معاها مش هتعرفو تتكلمو براحتكم انا من رأيي تستني كمان ساعتين أو ثلاثة
فكرت قليلا ثم قالت :معاكي حق الساعة دلوقت عشرة و ربع يعني عندهم أربعة و ربع الفجر
نظرت الى ام أحمد و قالت بإستسلام ماشي يا خالتي هاستنى لبعد الساعة اثنين يكون بابا طلع من البيت
أم أحمد : يبقى انا رايحة أجيبلك الفطار
-ماشي ...بس عايزاكي بعدها تساعديني في الحمام محتاجة اغسل شعري و هنطلع بعدها الجنينة زي امبارح حاسة اني اتخنقت
-حاضر يا بنتي ...خمس دقائق بس و ارجعلك.
توقف دانيال بسيارته في الطريق ثم نظر هنا و هناك و توجه الى الغابة المحاذية للطريق المؤدي على قصر ياسين حيث كانت تختبأ سيارة اخرى بها ثلاثة من رجال دانيال
-أهلا شباب ما الاخبار
-لا جديد ...لم يخرج أبدا من المنزل
دانيال بشك: هل انت متأكد ؟؟
نظروا الى بعضهم البعض ثم قال أحدهم-نقبع هنا منذ ثلاثة ايام .. سيارته لم تخرج أبدا من القصر لا يوجد طريق آخر سوى هذا ..نحن متأكدون
دانيال بتفكير : هذا مستحيل .... هو رجل اعمال لا يمكنه الاعتكاف بهذه الطريقة في قصره ؟؟ هناك شيء خاطيء
في تلك اللحظة رن هاتف دانيال و كان ايهاب
-الو ... دانيال ارجوك قل لي انك قد نفذت الامر
-كيف انفذه و هو لم يخرج أبدا من قصره ؟
نفخ إيهاب بضيق - قلت لم يخرج ؟؟! اووووف يبدو أنك لن تصل الى أي شيء 😒 و انا الذي كنت أعتقد انكم محترفون !!
دانيال بغضب: لقد بدأت أفقد أعصابي منك ايها الغب'ي !!
إيهاب : الغب'ي هم رجالك الذين تكلفهم بمراقبته😡 لأن ياسين في اونتاريو منذ الأمس أتم صفقة هناك و يهم بالعودة فعلا ...كيف فوتت فرصة كهذه !! 😤
دانيال بصدمة: غادر القصر قلت !!!
قالها و هو ينظر اليهم بشزر لدرجة انهم انكمشو مكانهم بخوف
ايهاب: ان بقيت تعتمد على حفنة من الفاشلين فستفقد اعنبارك !! برأيي عليك أن تغير من طريقة عملك
قالها ايهاب ثم أقفل الخط .
دانيال بغضب: ياسين في اونتاريو كيف تقولون إنه لم يغادر القصر !!
احدهم بذعر: صدقنا لم نتحرك من هنا و لم يمر سوى مسؤول الأمن بيتر بالسيارة لحقه ليو و عرف أنه ملأ بنزينا فقط و عاد للقصر فورا
شرد دانيال قليلا و هو ينظر في بقعة من السيارة ثم انحنى و التقط قارورة خم'ر فارغة كانت ملقاة تحت كرسي السيارة !!!
نظر كل منهم الى الاخر بخوف منه بينما زمجر بغضب جحيمي
-أيها الأغبياء ما هذااااااا !!!! أكنتم تثملون بينما كان عليكم مراقبته ؟؟؟ 😡😡
-ك ...كااانت...ب بضع قارورت فقط ... و لم نصل الى الثماا...
-اخرررررس !!!! 😤😡
قالها دانيال بغضب و هو يصفعه صفعة نزف على اثرها و سقط ارضا
-مادمتم قد تناولتم الخ'مر فمن المؤكد انكم قد غفوتم... ايها الحثاااااالة ألا تعلمون أنه مسلم ؟؟؟ هذا يعني انه يقوم باكرا ليصلي الفجر و من الممكن انه قد تحرك وقتها !!! طبعا في هذا الوقت انتم كنتم ناااائمون 😡
ليو : دانيال ...صدق....
قاطعه دانيال بحركة سريعة و هو يخرح مسدسه و يضعه في رأسه: كنت معتمدا عليك يا ليو. ...الآن و قد خذلتني أعطني سببا واحدا يبقيك على قيد الحياة؟
قال ليو بخوف بينما يبتلع ريقه بصعوبة : لقد وضعت جهاز تعقب في السيارة حين اخذها بيتر لمحطة البنزين 😓
شرد دانيال قليلا ثم ابعد السلاح و هو يقول
- حسنا .. هذا خبر جيد ... لكن الغلطة القادمة ستكلفك حياتك هل فهمت ؟؟
ليو - اجل ..اجل فهمت 😓
غادر دانيال و هو يفكر: ان كانت سيارته هنا فكيف غادر؟ على حد علمي لديه رهاب من الطائرة !
ثم ركب سيارته و هو يجز على أسنانه : أعتقد انها كانت مجرد ضربة حظ ياسين... لن تبقى محظوظا لوقت طويل .. قريبا جدا ستودع هذه الحياة و ستصبح أميرة لي من جديد.
دخلت أميرة الى الحمام و ازالت تلك الطرحة لتترك العنان لشعرها بالإنسدال على ظهرها
في تلك اللحظة دخلت أم أحمد
-بسم الله ماشاء الله تبارك الرحمن فيما خلق... ايه الشعر القمر ده بجد الطرحة مخبية كثير
أميرة بإبتسامة: تسلمي يا خالتي ..بس مغلبني في غسله لدرجة اني بافكر اقصه
-اوعي يا بنتي ...الشعر هو جمال الست اصلا ...و انتي شعرك بسم الله ماشاء الله حرير ...انا هاساعدك و هأسرحهولك ما تشبيليش هم
-ربنا يديكي الصحة يا ست يا طيبة 😌
ساعدتها ام أحمد على غسله و تسريحه ثم صلتا الظهر في جماعة و توجهتا سويا الى الحديقة الخلفية و جلستا في السرادق تنعمان بالظل و الهواء المنعش
كان صوت مياه النافورة مع زفزقة العصافير تبعث على الراحة النفسية و تنسي المرء كل ما مر به من ضيق في يومه ...ازاحت أميرة طرحتها و تركت شعرها حرا يطير في الهواء مع تلك الفراشات المتناثرة هنا و هناك بين الازهار
-الجو هنا تحفة ...لو عليا ما ادخلش جوة خالص
قالتها أميرة و هي تنظر الى الورود
أم احمد : ده عشان دلوقت الظهر ...اصبري للمغرب ساعتها هتغيري رأيك ...برد كندا شديد ...اومال انا جالي روماتزم منين ...المهم انا هأدخل أحضرلنا لقمة للغداء جاي على بالي محشي كوسى و طبعا محتاج وقت على ما يجهز...انتي بتحبيها مش كدة ؟؟
-بحب كل المحاشي مش بس الكوسى
-حاضر يا بنتي من عينيا هأعملك معاها بتنجان كمان
دخلت ام أحمد بينما أمسكت أميرة هاتفها و نظرت الى الساعة ثم قالت
-الساعة دلوقت اثنين يعني عندنا ثمانية أكيد ابوي طلع
اتصلت برقم والدتها و قلبها يخفق بشدة
في مصر
-بابا انا جعانة 😔
قالتها ندى بتذمر
-يا خبر !! حبيبة بابا جعانة !! حالا هأحضرلها سندويش البيض اللي بتحبه ...محمر اوي بزبدة كثير 😊
-ليه هي ماما مش هتقوم تحضرلي سندويش بتاعي زي كل يوم ؟
-لا حبيبة قلبي الدكتور قال إن ماما تعبانة شوية عشان كدة احنا هنساعدها اليومين دول لحد ما تخف و هنسيبها تنام عشان تقوم لنا كويسة ماشي؟؟
ندى : تمام ...و انا هاقطع الخيار و الطماطم ماما علمتني اقطع من غير ما اتعور
-طب يالاا بينا وريني شطارتك
بعد مدة قصيرة انتهى رجب من تحضير الفطار و هو يقول
-يالا عشان تقوليلي رأيك مين احلى سندويش البيض اللي انا باعمله ولا سندويش ماما!!
-ماما طبعا 🥰
-كدة يا لمظة !! طب ماشي كلي بالهناء و الشفاء ..
قالها و هو يخلع مئزر المطبخ و يعدل ثيابه كي يخرج
ندى بتساؤل- الله انت رايح فين ؟ مش هتفطر معايا ؟؟ 🥺
-بصي أنا طالع شوية بس و راجع لو امك صحيت اديها الفطار اللي جهزناه ليها في الصينية و خليها تأخذ حبة الضغط بعد الاكل
ندى: حاضر يا بابا ..بس ما تتاخرش زي عادتك ! مش بحب اقعد لوحدي 😔
-مش هاتأخر يا روح بابا يا دوبك أجيب شوية خضار و لحمة و راجع على طول ...تحبي تتغدي ايه ؟؟
-بامية باللحمة 😊
-طب انا هجيب كل اللي نحتاجه و نحضرها سوا للغداء اتفقنا؟!
-ماشي ..🥰
-طب العبي بالتلفون بتاع ماما من غير ما تعملي صوت اوعي تصحيها !
خرج رجب و هو يمسك هاتفه و أتصل
سحر تجلس في الصالة تقلب في هاتفها حين وصلتها رسالة على تطبيق الواتس: وحشتييييني
ابتسمت بحب و فتحتها ثم ردت عليه :الناس بتقول صباح الخير الاول
-صباح الخير ايه احنا داخلين عالعصر عموما بتوحشيني ف كل وقت ظهر و عصر و فجر و
-خلاص خلاص فهمنا
-طب اقدر اتصل صوت ؟؟
كتبت سحر : ماما تسمعني
-طب ما تسمع مش انا خطيبك؟!
-قل لي عايز ايه من غير فلسفة
-عايز اشوفك قبل ما ارجع شغلي
كتبت سحر بلهفة: هو انت راجع بسرعة كدة!!
-اومال عايزاني افضل في مونتريال اشحت عالرصيف؟؟
ضحكت سحر و كتبت : مش قصدي ...بس ..
-اكونش وحشتك من دلوقت يا بنت ؟ 😉😁
-لا وحشتني ايه 😥...
-على فكرة انا رايح اخلص شغل مستعجل عشان الحق ارجع الأسبوع الجاي ...مش قراية فاتحتنا بعد اسبوع ولا نسيتي؟؟
-طب تمام ...روح خلص شغلك اوام عشان ترجع
-طب ايه ؟؟؟
-ايه ؟؟؟
-مش هشوفك!؟؟
-هأسأل ماما
-يعني عايزة تقولي بإختصار مش جاية..فهمت
-خلاص خلاص هههه ...هأسأل بابا 😊
-اذا كان كدة معلش... هاستناكي في الكافيه اللي قريب من هنا
-اوكي باي 🥰
-حاف كدة ...مفيش كلمة حلوة تحت الحساب مثلا
-لما تكتب الكتاب ...يالا بطل غلاسة
-انا غلس!؟ ربنا يسامحك ..و النبي لأشتكيك لايلينا
ضحكت سحر و هي تكتب: ماما طلعت بااااااي
و وضعت ايموجي ❤️
فاجابها :😘❤️
خرجت فاتن من غرفتها و هي تجفف شعرها بفوطة بينما تكلم صالح عبر الهاتف :
صالح -انا اتصلت اقولك اني معزوم عالغدا مش جاي اتغدو انتو
فاتن بتساؤل : مين ده اللي عزمك ان شاء الله ؟؟
-ده واحد بلدياتي ما شفتوش من زمان مسك فيا الا ما اتغدى معاه
- طب يا اخوي ابقى إشحنلي رصيد عشان اتطمن على فاطمة مش تنساني زي ما نسيتني امبارح بالليل ..!
- لا مش هأنسى ..سلام عليكم
اقفلت الخط و سرعان ما رأتها مبتسمة بحب و هي تكتب على هاتفها
فقالت بتساؤل: شايفاكي مبسوطة اوي ...بتكلمي مين ؟؟
-ده...ده خالد ... بيقول أنه مسافر 🙄
فاتن بغضب: انتي بجد موافقة عليه ؟؟ مش اول امبارح بس قلتي مش عايزاه !! ايه اللي اتغير بين يوم و ليلة ؟؟
-إكتشفت أنه بيحبني بجد مش شفقة ولا حاجة
-لا و الله ...نعمل ايه بحبه احنا ؟؟ هو الحب بيأكل عيش حاف حتى !! 😤
-انا يكفيني حبه و اهتمامه
كلي
جلست بتذمر
-يا شيخة اوعي من قدامي و انتي فقرية كدة زي ابوكي ...قال يكفيها حبه ...بنت خالتك وقعت واقفة على رجليها و خذت ملياردير و انتي مبسوطالي بالخدام بتاعه
سحر بإندفاع -بس خالد يبقى ...
في تلك اللحظة رن هاتفها فاومأت لها بإشارة : بس خلاص مش عايزة كلمة زيادة ...ده رقم رجب أكيد خالتك بتتكلم منه يا رب تكون احسن النهاردة
سحر : ليه هي مالها؟
اومأت لها بالسكوت و اجابت : فاطمة ازيك يا اختي عاملة ايه النهاردة
رجب: اختك !!! دلوقت بقت اختك ؟؟؟😡
فاتن بدهشة: رجب !!
كانت سحر تهم بالدخول الى غرفتها و هي تجز على اسنانها لكن لفت انتباهها حدة صوت رجب زوج خالتها فوقفت من خلف الباب تسمع ما يقولان
رجب بغضب - ايوة رجب ..كنتي مستنية فاطمة الغلبانة طبعا عشان تسممي بدنها بكلمتين تانيين مش كدة !!! 😤
فاتن بتوتر: ايه الكلام ده يا رجب ! اللي بتتكلم عنها دي تبقى اختي
-لا و الله !!! طب كويس انك فاكرة !! المهم اختك من امبارح ضغطها عالي مش راضي ينزل و البركة في حضرتك طبعا ...انا عايز اعرف قلتيلها ايه بالضبط؟؟؟
فاتن بلجلجة: هكون قلتلها ايه يعني ؟؟ 😥 احنا كنا بنتكلم عن حمل حنان و زعلت اني خبيت عنها جوازها
-هو انتي شايفاني فاطمة قدامك تضحكي عليا بالكلام العبي'ط ده؟؟؟ بقولك قلتيلها ايه اختك صحتها في خطر بسببك يا عديمة القلب و الإحساس !😤
فاتن بغضب: الزم حدودك و انتي بتكلمني فاهم ؟ انت مين عشان تكلمني بالطريقة دي !!!
-ادعي ربنا إن ازمة الضغط دي تعدي على خير و بعدين هأخليكي تعرفي انا مين ...أوعدك
اقفل الهاتف بغضب بينما جزت على اسنانها بغل
-و أنا مالي الله !؟؟ يعني بنتهم تتجوز من وراهم و انا اخذ اللوم كله.🤨..ربنا ياخذكم انتو و بنتكم في يوم واحد ! 😠
شهقت سحر و هي تضع يديها على فمها كي لا تسمعها
اغلقت الباب برفق و هي تهمس:يا نهار اسود !! مادام خالتي تعبت يبقى أكيد قالتلها عالخبر ...و مادام هي عرفت جوزها أكيد هيعرف ...ان مكانش النهاردة يبقى بكرة 😱😱
فكرت قليلا ثم قالت :ياسين لازم يتصرف قبل ما عم رجب يتهور و يعمل حاجة فالبنت انا لازم أقول لخالد عشان يكلمه ...
لبست ثيابها و خرجت مسرعة و هي تتلصص حتى لا تراها والدتها
في منزل رجب
جلست ندى خارجا في الصالة تقلب في الهاتف بحثا عن العاب بنات
بعد مدة قصيرة رن الهاتف في يدها..لم يكن الرقم مسجلا و استغربت ندى لأنه كان طويلا فأجابت بتوجس
-الو ...مين ؟؟ 😕
أميرة :ندى !! ازيك يا حبيبتي وحشتيني 😊
ندى بفرحة:اختي أميرة !! انتي كمان وحشتيني اوووي 😍
أميرة : ازيك و ازاي ماما و بابا ؟
-احنا بخير ..مش هترجعي بقى انا زهقت لوحدي 😔
تنهدت أميرة بحزن و قالت
-معلش يا حبيبتي هانت شهر بالكثير و راجعة مصر 😔
-بجد هترجعي !! هيييييبه 🥰
هتفت ندى بحماس طفولي
-طب بقولك ايه يا ندوش .. ادي التلفون لماما اكلمها
-ماما نايمة
أميرة: و هي ماما من امتى بتنام في الوقت ده !!مش الساعة عندكم عدت ثمانية؟؟
-ايوة ..بس ماما تعبانة
انقبض قلب أميرة و قالت بلجلجة
-ب..بتقولي تعبانة؟ ..تعبانة ازاي مش فاهمة!!! 😰
-مش عارفة ...كانت بتكلم خالتي امبارح و فجأة وقعت
بابا بيقول ضغطها علي لازم نسيبها نايمة عشان ترتاح
لطمت أميرة على وجهها و همست: يا مصيبتي !! تبقى قالتلها بجد !! أعمل ايه دلوقت !! 😓 ثم تصنعت الهدوء و قالت
-طب بقولك ايه يا ندى... لما تقوم قوليلها اني اتصلت بيها و هبقى...
-مين عالخط يا ندى!!
قالتها فاطمة بتعب بينما تمسك تلك الاريكة بصعوبة
سمعت اميرة صوت والدتها فأمسكت قلبها الذي كان يكاد يمزق جدران صدرها من شدة الخوف
ندى بحماس طفولي :ماما انتي صحيييتي !! دي اختي أميرة 😍
-قلتي أميرة !!! 😳
سألت بدهشة
-ايوة أميرة ...خذي يا أميرة ماما صحيت أهي 🥰
امسكت فاطمة الهاتف بتعب و قالت : روحي انتي اوضتك يا ندى
أميرة بلهفة ممتزجة بتوتر:الو ازيك يا ماما 🥺
فاطمة بغضب : أخيييييرا افتكرتي ان ليكي ام ؟؟ 😔😤
أميرة بخوف: ماما ارجوكي ضغطك هيعلى تاني ...
-ملكيش دعوة بضغطي و قوليلي ان اللي قالته خالتك ده مش صحيح!! 😤
أميرة بضيق : ماما مش عارفة خالتي قالتلك ايه بالضبط ..بس سيبيني اشرحلك
-هتشرحيلي ايه ولا ايه ...يا خساااارة تربيتي فيكي يا أميرة .. بجد خسااااارة 😓😣
أميرة ببكاء: يا ماما اصبري عليا انا هافهمك كل..
قاطعتها فاطمة بغضب ممتزج بألم و هي تمسك بقلبها
-هتفهميني ايه بالضبط هاااا!! انك هربتي من بيت خالتك و كذبتي علينا و قلتي لقيتي شغل ولا انك كنتي عايشة في بيت شاب و اتجوزتيه من ورانا ؟؟؟؟
-مين دي اللي اتجوزت يا فاطمة !!!
قالها رجب بصدمة لدرجة ان تلك الأكياس وقعت من يده
شهقت فاطمة و وقع الهاتف من يدها :
-رجب!!!!!
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق