رواية توأمي سبب تعاستي بقلمي نوران احمد الفصل الرابع والخامس حصريه وجديده على مدونة النجم المتوهج
 |
فهد : يعني اي يا جدي الحديث الماسخ ده اكيد ده كلام المخبوله دي اللي بيحصل ده مستحيل طبعا أطلج مين وبعدين انت عرفت انها بتتحدث مع واحد ما ده اللي هي عايزاه تتطلج عشان تروح للي بتكلمه وتتصرمح براحتها
الجد : الرجل اتصل تاني وكانت رانيا واخده محمول المدير بتاعها وبتتصل منه تطمن علي اختها ولو مش مصدج طلجها بسبب الي عملته البت مبجتش فاكره حاجه واصل ونفسيتها تعبت عايز تتزوجها أقنعها بيك غير أكده لع يا ولدي واني اللي جولت ليها تروح عند خالتها ترتاح عندها فتره ترتاح وبعدين ترجع وانت ملكش صالح بيها واصل
فهد : ما كنتش اعرف الكلام ده كله وبعدين هي ما وضحتليش مش ذنبي انا مش هوافج على موضوع الطلاج ده ابدا
الجد : البت بتتجوز لما بتحس بالحب والأمان مع الراجل اللي معاها البت يا حبه عيني بتشوفك من الخوف مبتعرفش تتكلم ده اخر كلام حدايا معتوجفش قصادي يا ولدي معيزش ادوس عليك وبمزاجك او غصب عنك هتطلجها
وفي بيت كبير في الاوضه
رنا : مش قادره ابطل ضحك الواد محدش في ايدك ثواني وهرب يخربيتك ادام مش عايزه تتجوزي قولي طلعتي عين الواد يا حرام
ندي : وانتي فاكره امي هتسكت جيبالي عريس تاني ياختي مفيش فايده بس المره دي هرفض اقعد معاه مش ناقصه
رنا : ادي فرصه يا بت متبقيش كدا بصراحه امك اللي بعتاني اقنعك
ندي : عارفه وعارفه انها بتسمعنا دلوقتي كمان امي واعرفها من زمان اوي بعيد عنك
الام : يا بت نقعد معاه ونشوفه انا جبت سيره جواز انا مقولتش جواز خرجت
ندي : اصبري هتدخل تاني
دخلت الام : يا بت شغال في الكويت بنت خالتك اتجوزت بنت عمتك اتجوزت
ندي : ماما انسي وشوفي انتي رايحه فين
خرجت ودخلت بعدها بشويه الام : مش يمكن لما نقعد معاه نرتاحله وعد عليا لو قولتيلي يا مامي مش موافقه ومش عايزاه خلاص شويه ودخلت تاني عمك بيتصل عشان يقنعك ردي عليه عم ابراهيم البقال بيرن عليكي يقنعك ردي عليه
ندي : كدا كتير يا ماما عم ابرهيم كمان اي ده بس يا ربي اتفضحت
الام : الراجل لقي علي وشي الحزن سألني وانا مبكدبش خليكي يا موكوسه انتي التانيه بدل ما تقنعيها عماله تضحكي بنات هم بصحيح وخرجت
رنا : كنت عايزه احكيلك علي شويه حاجات انتي وحازم
ندي : اصبري بس هتدخل دلوقتي
فتحت الام ودخلت : بت انتي مرتبطه بحد قوليلي حد معلقك بيه هتهربو مع بعض أمتي قوليلي ما انتي مهزقه
ندي : يا ماما كفايه بقا بس انتي عارفه اني مليش في الجو ده ده اي الهم دي يا ربي
بصت ليها بقرف ومشيت شويه ودخلت تاني
الام : خلاص يا بنتي اللي يريحك انا مش هجبرك علي حاجه وقلعت الشبشب وحدفته عليها وخرجت
ندي : اخيرا كدا الموضوع خلص معاها بطلي ضحك مش قادره اصدق لحد دلوقتي أن فعلا جدك وافق تقعدي معايا هنا فتره ده احنا قدامنا شغل كتير اوي معاكي يا بنتي
رنا : انا فرحانه اوي بجد اني هكون معاكي بس عشان قررت اني اتغير جيتلك انتي كنتي صاحبتي الوحيده من بعد رانيا
ندي : مش عارفه ازاي اختك تعمل فيكي كدا ده حته المفروض التوام بيحسو ببعض ازاي تكون سبب في اذاكي بالشكل ده مع انها عارفه ان ابن عمكم ده مجنون في الغيره كدا
رنا : انا مش عايزه اتكلم عنها هي شقت طريقها بنفسها وبطريقتها انا بقا قررت اتغير وهغير طريقتي وشكل حياتي كلها أمال فين حزومه
حازم : حزومه مره واحده يااه لو العساكر يسمعو سمعتي هتبقا في الأرض بسببك اي اللي مشلفطك كدا عملتي حادثه ولا اي
رنا : ده وانت الصادق تور هايج طلع عليا مش مهم بقولك اي محتاجه مساعده منك ممكن تدربني علي الدفاع عن النفس وازاي اقوي شخصيتي شويه يعني أنك تعرضني لحاجات وتعرفني المفروض اتصرف فيها ازاي وكدا
حازم : في حد مد أيده عليكي ولا اي قوليلي وانا ابيته في الحبس اسبوع يتعلم الادب لكن تدريب وحوارات لا خليكي كدا بنت رقيقه كيوته متبقيش زي جعفر اخونا اللي قاعد جمبك ده
ندي : توشكر يا ذوق ده بس من ادبك علي فكرة أنا الشباب بتجري ورايا كدا عشان ابص ليهم وانا اللي بقول لا مستحيل ارتبط دلوقتي وبيسمعوني كلام حلو كتير
مسكها حازم من قفوها : مين ده اللي بيقولك كلام حلو يا جعفر قولي بس هوديه لدكتور نظر مش اكتر اكيد غلبان وعنده مشكله
رنا : متقولش كدا يا حزومه ده انا جايه اخد كورس عندها في الاسكين كير روتين بتاعها بشرتها شعرها الميكب واللبس
ندي : شوفت شوفت يا جاهل هو انا بس اللي مبحبش اتكلم عن نفسي كتير عشان أعداء النجاح المحبطين الي زيك ابو شكلك ابعد ياض انت
الام : يلا يا ولاد الاكل جاهز بسرعه مينفعش نتأخر علي الاكل اكتر من كدا احسن ابوكم عنده السكر وكدا غلط عليه تعالي يا رنا يا حبيبتي عملتلك كل الاكل اللي بتحبيه
ندي : انا ليه حاسه لما بتيجي رنا ان انا البنت المتبناه هنا في اي يا جدعان اهتموا بيا شويه انا بردو عندي جفاف عاطفي الله
الام : يبقا ترتبطي يا موكوسه بيجيلك عرسان اشكال والوان وانتي اللي بتتبطري علي اي يا حسره معرفش شايفين فيكي اي عدل ييجو عليه عايزه اجوزك يا بنتي بقا
ندي : شوفتو كلكم اهو ظهر الحق اهو بتعاملني معامله مرات الاب يا حج فاروق انا بديلك الصلاحيه دلوقتي اتجوز وانا في ضهرك علي الاقل هتعاملني احسن منك
رفعت الام الشبشب وفضلت تجري وراها وهي تصرخ
ندي : مش بقولك يا حجه اتجوز عليها اي الوليه دي دي مش ام لا دي مرات اب مرات الاب بتكون احن حتي
الام : كلمه كمان يا بنت الجزمه وهرميكي بره البيت وغسيل مواعين اسبوع قدام يا ام ضوافر
ندي : احم احم ملناش غيرك يا ست الكل ربنا يخليكي لينا هو في زيك في الدنيا بت يا رنا يلا قدامي خلينا نخلص نجيب الحاجه اللي ناقصه
حازم : الحمدلله كلت استنو اجي اوصلكم في طريقي واول ما تخلصو رنو عليا اجي أخدكم
في العربيه
رنا : حاجات اي اللي نجيبها يا بنتي وبعدين لسه بكرا هبدا مع حازم تدريب مش محتاجه حاجه هنجيب اي
ندي : جدو الحبوب قالي أعلمك اصول الميكب واخليكي تلبسي زي البنات اللي في سنك عشان انتي بقيتي شبه ستي زمان بلبسك ده
حازم : هو خلاص اي حد يلبس لبس محترم بقا لبس ستي ياااه علي الزمن والايام ياااه
ندي : في لبس كتير محترم بس بيليق مع سننا وجيلنا مبحبش الفقاقه اللي فيك دي يا ساتر
حازم : بت كلمه كمان وهقوم اديكي بالجزمه في الشارع عادي جدا علي فكره مش هيفرق معايا
رنا : انا ملاحظه ان البيت كله بيحبك اوي يا نودي تحب يا حزومه اخدها معايا لما ارجع البيت
حازم : خديها يا ستي خلينا نرتاح شويه يا ساتر اي ده لولا أنها اختي كنت حطيتها في الحبس يومين امتي ييجي اللي هيبتلي بيكي بس
ندي : ما انت عملتها يا خويا قبل كدا متعملش فيها البرئ اخوات اخر زمن بقولك اي خصومه بقا ومتكلمنيش تاني علي فكرة بقا الشباب ورايا في كل حته بس انا اللي مش بدي وش لحد
حازم : طبعا مع اني مش بشوف ده بس طبعا طبعا اختي وتربيتي محترمه
ندي : لا مش عشان كدا عشان كارزمتي وهيبتي بس متضعش مش اكتر
حازم : نعم يا روح امك كارزمه اي ونيله اي علي دماغك ماشي ماشي لما نروح لينا بيت يلمنا يلا بره العربيه غوري بقا
كانت رنا بتضحك عليهم لحد ما نزلو
رنا : مش مصدقه أن جدو اصلا وافق علي كل ده وسمحلي اجي هنا لا وميكب ولبس مبسوطه اوي وبحس بأمان غريب وانا معاكي انتي وحازم
ندي : متقلقيش لسه قدامنا شغل كتير اوي وهنندمه ومتتردديش في انك تاذي اي حد اتجرا واذاكي
عدي الوقت البنات جابو لبس وميكب كتير واتصلو بحازم جه خدهم
تاني يوم الصبح صحيت رنا علي جردل ميه واتصدمت فجاه من اللي واقف قدامها
وكدا تكون خلصت حلقتنا استنونا في بارت جديد مع السلامه
توأمي سبب تعاستي 5
بقلمي نوران احمد
رنا : اي اي اي اللي بيحصل في اي حرام عليك حد يخض حد كدا يا شيخ
الام : ما هو اصلا مش متربي الفرش يا حيوان وقلعت الشبشب وجريت وراه انت نسيت نفسك احنا مش في المعسكر بتاعك يا حيلتها انا وسطي بيتقطم من التنضيف
حازم : خلاص يا امي مش كدا انا ليا هيبتي بردو هنضف والله خلاص سيبيني وانتي يا جزمه البسي بسرعه وتعالي معايا انتي والحلوفه اللي نايمه جنبك جبله مش حاسه باي حاجه خالص كدا اخلصو
ندي بنعاس : انا سامعه صوت بينعر مين اللي كان بينعر هنا يا بنتي واي الميه دي هي الدنيا مطرت في الصيف ولا احنا اللي عرقنا بزياده ولا اي النيله دي
رنا : نامي يا بركه انتي تتباسي وتتحطي جنب الحيط يا بنتي فوقي شويه مش كدا يلا اخوكي عايزنا
دخلت ندي الحمام بعد معاناه وبعد شويه خرجو مع حازم ودخلو معسكر
ندي : انا اي اللي يجيب امي هنا انا عايزه افهم انا مالي انا عايزه انام يا جدعان سيبوني في حالي
حازم : انتم الاتنين مع بعض يا استاذه انتي وهي تدريب وإصلاح وتهزيب
رنا : بين قوسين حزومه انا موافقه بس وحياه امك تخف علينا احنا مش عساكر بجد
صرخ حازم فيهم رعبهم طلعو يجرو
ندي : هو اي اللي بيحصل احنا بنجري من اي يا بنتي هو زعق بس حصل اي بعد كدا انا ليه بجري معاكي
رنا : بالنسبه للكلاب اللي ورانا دي اي جرافيك اجري وانتي ساكته ده انا هيطلع عينا
ندي : وحياه ابوك يا شيخ كفايه كدا طلع عيني مش قادره اخد نفسي حرام عليك
عدت الايام وحازم بيعذب فيهم زي ما ندي بتقول دايما وبيدربهم بقسوة وعمل مباره بينها وبين عساكر متدربه وقدرو انهم يتغلبو عليهم
في قصر كبير
في المكتب
فهد : مش عارف اعيش في البيت وهي مش فيه مش متخيل أنها ممكن تكون بعيده عني كدا مش عارف ليه بس انا متعصب متضايق ومتوتر ومش عارف افكر في اي حاجه غيرها
امجد : يبقا بتحبها يا صاحبي ما دامك واقع كدا ليه سمحت ليها تفلت من ايدك من البدايه كله بسبب عمايلك قولتلك البنات مينفعش تتعامل معاهم بالشكل ده هييجي يوم وتروح قولت لا دي ضعيفه وشخصيتها ضعيفه وبتسمع كلامي وتحت طوعي اي اللي حصل
فعد : انا مش بحبها ابدا يمكن بس اتعودت علي وجودها وكنت دائما بفرغ غضبي فيها دلوقتي مش عارف يمكن عشان كدا هي في بالي علي طول
امجد : بصراحه انا مع البت دي حتي لو هتجلدك انا معاها ده انت مفتري وظلمتها كتير وقولتلك كتير يا ابني بلاش متاخدهاش بذنب اختها مفيش فايده اشرب بقا وعلي فكرة انت بتحبها بس مش عايز تعترف
فهد : مش مهم جدي قال إنها جايه قريب لما اشوفها بس هربيها
امجد : ولا تقدر تعمل اي حاجه اصلا متنساش أنها دلوقتي مش مراتك ملكش حكم عليها
فهد : هخليها هي اللي تقول عايزه اتجوزه يا جدي بس هتشوف اللي جاي كله علي دماغها
امجد : عايز افهم البت عملت فيك اي يا معقد انت عشان تبقا عامل معاها كدا اختها و ولعت بجاز وغارت في داهيه انسي بقا وعيش حياتك وحب يا جدع
فهد : اخلص قوم من قدامي كلامك بقا تقيل علي قلبي زيك كدا بالضبط ايوه صح اي حوار العروسه اللي امك لبستك فيها قابلتها
أمجد : متفكرنيش دي بت مهبوشه يا جدع دماغها في حته تانيه خالص
ضحك فهد عليه وبدأ أمجد يحكيله
بعد يومين
رنا : يا بنتي بقا انا تعبت مبتصحيش ليه علي طول زي الناس الطبيعيه يلا انجزي هنتاخر
ندي : ملهوفه عليه اوي كدا يا اختي اهدي شويه ورايحين ليه
رنا : انا قلقانه شويه حاسه اول ما اشوفه هترعش ومش هعرف اتكلم
ندي : لا بعد العذاب اللي شوفته بسبب اهلك واللي حصل فينا من حازم الزفت هتقدري تتعاملي ركبو العربيه وبعد ساعات وصلو واول ما دخلت صدمت فهد شكلها المتغير وطريقه كلامها
فهد بقرف : اي اللي انتي عاملاه ده يا هانم شكلك انحرفتي علي الاخر اطلعي غيري القرف اللي انتي لابساه ده وامسحي وشك
رنا بتجاهل : جدو وحشتني اوي عندي ليك مفاجاه بس هقولك عليها بعدين بقا
الجد : والله وحلويتي وبجيتي كيف الجمر ما شاء الله عليكي يا بتي
اتعصب فهد : هو انتي مش سامعه انا جولت اي عاد ولسه جاي وبيمد أيده عليها في ثواني كسرت أيده صرخ فهد وبص ليها بصدمه
ناديه : ولدي عيني عليك يا ابني جوم يا حبيبي انتي يا متشرده يا تربيه الشوارع ازاي تعملي أكده في اللي انيكي واويكي في بيته
رنا وهي بتقرب منها : انا قاعده في البيت ده زيي زيه زي ما ليكم حق انا كمان ليا حق محدش ليه جميله عليا ربنا يخليلي ورث اهلي الي عندكم وكلمه كمان وممكن جدا تكوني جنبه علي الارض واسلوبك في الكلام يتعدل بدل ما ازعلك
ناديه : اه طبعا ما انتي ملكيش كبير ولا حد يحكمك ويشكمك
رنا : انا كبير جدي غير كدا محدش يفرق معايا واللي فات كوم واللي جاي كوم تاني خالص هتتعاملو بحب وعدل هتلاقو كل خير غير كدا محدش يزعل مني ولا يلومني علي اللي هعمله
الجد بسعاده : عفارم عليكي يا بتي اديهم واني في ضهرك ومعاكي يلا روحي ارتاحي في اوضتك
دخل امجد فجاه واتصدم : احيه واه وكستاه علي الرجاله الفلصو من ضربه تنيمك بالشكل ده شكلك بقا وحش اوي
فهد بغضب وصدمه : تعالي يا حيوان قومني بدل ما اقوم اهبدك انت عيل سمج اني مصدوم عشان اكده معرفتش اتصرف معاها
بص امجد لندي واتصدم وبص بقرف ف حطت رجليها وقعته جنب صاحبه
ندي بضحك : ده اي الرجاله المائله اللي في العيله دي يلا يا بنتي خلينا نرتاح فوق
امجد : عارف أنه انتي يا ام صرم وربنا لوريكي بس اصبري عليا يا عره
دخلو البنات الاوضه وهما بيضحكو
ندي : صاحبك كان بيطلع نار شكله موتني ضحك ده مصدوم خالص يا عيني اي يا بنتي هو انتي كنتي هلهوطه اوي كدا
رنا : واكتر يا اختي انتي متعرفيش حاجه بس عايزه افهم ليه عملتي كدا في أمجد كفايه اللي عملتيه لما جه اتقدم ولا مره قولت ليكي عليه اي حاجه وحشه ليه عملتي كدا
ندي : ده تار قديم اوي بينا بعيد عنك قبل حتي حوار ما يتقدم كنت رايحه اشتري خروف ما انتي عارفه اني بحب الخرفان وفجاه فلاش باك
ندي : انت يا عم يلي راكب عربيه وماشي تدوس علي خلق الله مش تحاسب يا جدع الخروف كان هيحصله حاجه
امجد : انتي يا بتاعه انتي ابعدي عن العربيه بتضحي بنفسك وتقفي قدام العربيه عشان تنقذي خروف ده دماغك دي دماغ خروف بصحيح
ندي وهي بتقف علي عربيته لا بقولك اي يابا ده انا عربجيه ميغركش الشياكه والجمال ده لا ده انا اكلك فيها
ياض وانا بشوح بأيدي كدا الحديد اللي كنت مسكاه طار في وشه ووو
وكدا تكون خلصت حلقتنا استنونا في بارت جديد مع السلامه
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق