رواية الاميره والمغترب البارت 60/61/62 بقلم آلاء اسماعيل البشري حصريه وجديده على مدونة النجم المتوهج
 |
-انتي قلتي اتجوزت من ورانا😡😡 بقووووولك مين دي اللي اتجوزت يا فااااطمة !!! 😡
فاطمة بلجلجة: دي ...دي 😰
-يا نهار اسود !! باااابااااا ؟؟! 😱
شهقت أميرة و وضعت يدها على فمها من شدة الخوف
لم تتحمل فاطمة الصدمة و اغمي عليها
ركض رجب نحوها و هو يصرخ : فاطمة. فاااااطمة !!!
نادى بأعلى صوته: ندى !!!!!!
-نعم يا بابا !!!
نظرت الى والدتها و شهقت بخوف :الله ماما مالها !؟! ماهي كانت كويسة و هي بتكلم أميرة!!
جز رجب على أسنانه : امييييرة 😡😡😡
ثم نظر الى ابنته قائلا بقلق و هو يحاول افاقتها:
هي خذت دواها ؟؟
ندى بخوف: لا ...ما فطرتش لسة 😰
-طب اجري هاتي الحباية نحطها تحت لسانها عشان ينزل ضغطها ...بسررررعة يالااااا
ركضت ندى بخوف بينما نظر الى الهاتف الواقع أرضا
امسكه بغضب و هو يقول : لو الكلام اللي انا سمعته ده صحيح فأنا من النهاردة معنديش غير بنت وحدة هي ندى... تقوم فاطمة بس بالسلامة و بعدها هيبقى ليا تصرف تاني .. انا هاعرف ازاي اغسل عا"ري
اقفل الخط في وجهها
و سرعان ما رمت أميرة الهاتف من يدها و انهارت بالبكاء
خرجت ام أحمد فوجدتها على تلك الحال
فهرولت نحوها بخطى واهنة .. : خير يا بنتي كفى الله الشر مالك بتعيطي ليه ؟؟
-إلحقيني يا خالتي انا انتهييييت خلاااااص 😭😭😭
-يا سااااتر !!! ليه بس ايه اللي حصل ؟؟
انهارت أميرة بصوت متقطع -خالتي قالتلها اني هربت ...و كنت عايشة في بيت شاب غريب بعدين تجوزته من وراهم... و أمي وقعت من طولها.... و ابوي عرف منها 😭😭😭 مش هأقدر ارجع دلوقت يا خالتي... هيموتني لو رجعت 😭😭....
اروووح فين بس دلوقت يا رب ؟
أم احمد بطبطبة : أهدي بس يا قلبي اهدي...كل عقدة و ليها حل...الا ما نلاقي طريقة نعرفهم بيها الحقيقة ...
-بابا مش هيسمح لحد يشرح له الحقيقة .. انا عارفة ابوي و عصبيته يا خاااالتي !! 😰😭 يا ريتني قلتلها قبل ما تكلمها هي ....أمي صحتها في خطر بسببي 😭
-تعالي ندخل جوة... كل حاجة هتتحل يا روحي ...
امسكت ام أحمد طرحتها و لفتها على راسها و ادخلتها و هي على تلك الحال من الانهيار
وصلت سحر الى المقهى و نظرت حولها فوجدته يشير إليها بلهفة
توجهت نحوه بقلق
-مساء الخير
-مساء الجمال... اتاخرتي ليه ؟
سحر بضيق: الحمد لله اني قدرت أجي اصلا
خالد بتساؤل: خير حصلت حاجة ؟!
-ماما يا خالد 😓
-مالها ؟؟؟ 🤨
ثم همس في سره: يا رب تكون حصلت معجزة و ربنا خلصني منها!!
سحر بضيق: ماما قالت لخالتي على موضوع أميرة و خالتي وقعت من طولها لإنها مريضة ضغط ...هتبقى مصيبة لو أبوها عرف ...😖
-يا سااااتر !! 😳 طب و الحل؟؟
سحر بخوف : خالد مفيش غير حل واحد .. انك تقول لياسين عشان يتصرف بسرعة ... الغبية قال ايه عايزة تتطلق...هتروح فين بعد المصيبة دي ؟؟
-اهدي انتي انا هأكلم ياسين و أقوله هو أكيد عارف هيعمل ايه ...نادى على النادل ثم طلب لها عصير ليمون
-بصي احنا هنشرب ليمون عشان نهدى بعدها نبقى نفكر نعمل ايه عشان الإثنين الاغبياء دول
-نعملهم ايه يعني مش فاهمة؟
-ماهو الغب'ي بيحبها بس خايف يعترفلها عايز يتأكد من مشاعرها الأول
-و الله هي ما حكتش حاجة بس شكلها كدة كانت زعلانة و هي بتجيب في سيرة الطلاق..
-يبقى هي كمان واقعة .. من رأيي سيبهم يحلوا الموضوع لوحدهم
يا رب تفك عقدتهم هوما الإثنين عشان يعرف يحل مشكلة ابوها دي
-اه من حق انا كنت عايزة اطلب منك طلب
خالد بتوهان في عينيها: انتي تؤمري مش تطلبي 😍
-عايزة أكلم أختي بس ما معيش رصيد ممكن تديني تلفونك أتصل بجوزها ؟؟ اصلها حامل عايزة اباركلها و كمان متأكدة انها ما تعرفش اني نجحت
-من عينيا بس ايه لزمتها اللفة دي ما تتصلي بيها على طول!!
سحر بإحراج : ما عندهاش تلفون ... جوزها ادانا رقمه اي حد يعوز يكلمها يتصل بيه هو 🙄
فهم خالد فهو يعلم بمسألة حنان و دانيال و قال بتفهم : مفيش مشكلة اول ما نمشي اوصلك و تكلميها في السكة
في مصر
كانت حنان تجلس مع مجموعة من النساء في فناء المنزل يتسلين و يمازحن بعضهن البعض و يضحكن بينما يحضرن وجبة الغداء و كل واحدة منهن منشغلة بفعل شيء
إلا حنان فقد كانت شاردة الذهن تنظر الى نفس البقعة من البلاط لا تستمع لشيء من حديثهن و كانت تطالعها هنادي ام بدر من بعيد
فجأة لكزتها سلمى اخت بدر و هي من سن سحر غير متزوجة
سلمى : انتي ايه رأيك يا حنان انهي لون احسن !!!
افاقت من شرودها و قالت بضياع : هااا...لون ايه ؟؟؟ 😕
ضحكت جميعهن و اردفت سلمى: اللي واخذ عقلك يا اختي 🙄😂
غمغمت حنان بضيق : محدش واخذ عقلي انا بس تعبانة و كنت بافكر اقوم أنام...عن اذنكم 😮💨
قامت تجر الخطى بضيق نحو غرفتها بينما قالت كوثر بنت عمة بدر و زوجة ابن عمه و هي تنظر الى طيفها:
- هي هتنام دلوقت ؟؟أما غريبة 🤨
سلمى: تنام عادي ما تنامش ليه ؟ حامل و يمكن وحمها كدة
اسراء زوجة اخو بدر : اه صحيح انا لما كنت حامل في شهد كنت بنام طول اليوم فاكرة يا سلمى؟؟
كوثر بخبث: لا و انتي الصادقة ده مش وحم ...ده أكيد شوق 😁😉
سلمى: شوق ايه انتي كمان !! هو بدر لحق يغيب !! ده لسة مروح من يومين بس !
كوثر : لما تحبي يا سلمى اليومين دول بيبقوا كإنهم سنتين ما تبقيش قادرة تبعدي عن حبيبك دقيقتين حتى 😉
سلمى : حب ايه انتو كمان !! ما انتو عارفين اصلا إنها مش بتحب بدر و كمان عارفين ايه اللي جبرها عليه😒
إسراء : أنا شايفة إن كوثر معاها حق يا سلمى... البنت حالها اتقلب من يوم بدر ما مشي
سلمى: أكيد هرمونات حمل بس و هترجع لطبعها بعد ما تولد .
إسراء : يمكن 🙄...بيقولوا لما الوحدة تتوحم على جوزها البيبي بيبقى شبهه بالميلي
سلمى:يا ريت يا إسرااااء..يا رب ولد شبه اخوي بدر كدة 🥰
كوثر:بس عارفة يا بت يا إسراء ؟؟ انا مش عارفة نسوان بدر متحملين العيشة دي ازاي ...انا شخصيا ما اقدرش اتحمل فكرة إن واحدة تانية تبقى مشاركاني في طاهر ... ده انا كانت مرارتي تتفقع من القهر و انا متخيلاه معاها ..
إسراء بحدة : مرارة ايه دي اللي افقعها بسببها يا عينيا .. يجرب بس محمد يعملها و انا كنت افقعلهم عينيهم قبل مرارتهم هوما الإثنين 😤
سلمى : طب أسكتي انتي و هي و احمدي ربنا إن عمي صالح مجابش سيرة اجوازكم ...حاكم انا عارفة ان أبوي مش بيردله كلمة و اول ما طلب أخوي بدر ابوي وافق على طول من غير تفكير
قال يفكر يعملها قال ...قال يعني محمد ليه كلمة بعد كلمة ابوي ؟!🤨
إسراء : يعني قصدك لو طلب من محمد مكانش هيرفض!! ده انا كنت...
كانت إسراء ستتكلم حين تدخلت حماتها هنادي و قاطعتها بحدة
-جرى ايه انتي و هي ! هو احنا هنقعد نرغي لحد العصر !! ؟؟ ولا هو الاكل ده هيعمل نفسه ؟؟ 😤
إسراء:لسة بدري يا مرات عمي 😥
-بدري ايه ؟؟ كمان شوية الرجالة هيجو هتوكلوهم ايه ؟طق حنك!!!
كوثر بلجلجة: ما احنا بنشتغل اهو يا مرات خالي بس زي ما انتي شايفة مش ملحقين ...الشغل كثير و احنا ثلاثة بس ...
هنادي بحزم: لو تبطلوا رغي هتلحقوا أكيد ..و لو قصدك حنان فهي حامل ... و لا انتي نسيتي انك مكنتيش بتحطي ايدك ف حاجة لما كنتي حامل في المحروسة بنتك ؟؟
كوثر : مش قصدي حاجة يا مرات خالي 😥
-يبقى خلصي اللي ف ايدك انتي و هي
و انتي يا سلمى الخبيز زمانه اختمر اطلعي فوق و انا محصلاكي
سلمى: حاضر يا ماما
صعدت سلمى و توجهت هنادي الى غرفة حنان
طرقت طرقات خفيفة لكن لم تسمع إجابة ففتحت الباب ببطء
كانت تستلقي على سريرها بسهادة و لم تنتبه لوجودها
-حنان !
افاقت من شرودها بذعر على صوت حماتها :خالتي هنادي ما سمعتكيش لما دخلتي!
هنادي ؛مالك يا بنتي ؟ في حاجة واجعاكي؟؟ انادي للداية أم حمدي تكشف عليكي ؟
حنان بتعب : لا مفيش حاجة..انا بس حاسة اني عايزة أنام 😮💨
هنادي:طب أتصل ببدر يجي ياخذك عند دكتور ؟
شردت حنان لثانيتين حين تذكرته ثم انتبهت لنفسها و قالت بإرتباك : لا ...مفيش داعي تشغليه ...حاجة مش مستاهلة ..لما أنام هأرتاح 🙄
لاحظت هنادي تعابير وجهها حين نطقت بإسمه و قالت بمزاح :براحتك... يبقى انتي مضطرة تستنيه كمان اربع ايام 🙄☺️
حنان بلجلجة: مين قال اني مستنياه اصلا ! 😥🙄
هنادي: انا بس بافكرك ...اسيبك ترتاحي لما يجهز الغداء هاصحيكي
خرجت هنادي و هي تبتسم بمكر بينما همست حنان بضيق
-اربع ايام و قال ايه بتفكرني.. هو انا يعني نسيتهم !! 😓😓😣
كان ياسين في احد المطاعم يتناول طعام الغداء متاخرا برفقة يحي حين رن هاتفه
-خاااالد ...فينك يا راجل ؟؟ ولا خلاص من لقى احبابه نسي اصحابه
خالد بمزاح : اهو انا بأكلمك و انا مع أحبابي دلوقت.. عشان بس تعرف اننا ما بننساش اصحابنا
ياسين بإبتسامة: و الله ؟ طب سلم لي عليها
-و اسلم لك عليها بامارة ايه هي كانت من بقية عيلتك ؟؟ 😤
-طب ما تتحمقش اوي كدة ... بلاش تسلم عليها 😄...ها يا با"يخ ايه الاخبار مادمت بتتصل دلوقت يبقى فيه مصيبة
-ايوة عرفت ازاي ؟؟
ياسين بضحكة: واضحة ...ما انت ما بتتصلش غير في الكوارث
-طب استعد للكارثة دي بقى : خالة حبيبتك كلمت اختها و خربت الدنيا كلها ...
ياسين : انت بتقول ايه يا خالد !!
قالها و هو يقوم من مكانه و يدخل الى رواق فارغ مؤدي الى الحمامات: هات اللي عندك ...حصل ايه ؟؟
خالد : ام أميرة و ابوها عرفوا انها هربت و اتجوزت بس ما يعرفوش الحقيقة كاملة...امها تعبت اوي و ابوها بيتوعدلها عشان كدة انت لازم تتصرف فورا
ياسين بخوف : و أميرة عرفت بالموضوع ؟؟
خالد : و انا ايش عرفني؟؟ هي كانت قاعدة في بيتي ولا. ف بيتك يا اخي !! 😤😕
-طب اقفل خلاص ..
اقفل الخط بضيق و عاد الى مكانه و هو يقول ليحي : خذ انت أدفع و انا طالع أعمل اتصال
خرج و هو يتصل برقم المنزل
بعد لحظات اجابته ام أحمد :الو مين
ياسين : انا يا أم أحمد ..ازيكم يا خالتي ؟؟
-الحمد لله يا ابني
-ام أحمد هي أميرة ما اتصلتش بحد او حد أتصل بيها ؟؟
أم احمد بحزن: أسكت ... مش هي اتصلت بأمها عشان تقولها على اللي حصل !؟
ياسين بترقب: ايوة ؟؟
-اتاري امها كانت عارفة من خالتها ربنا يسامحها ...ام أميرة عصبت و بقت تعاتبها و بالصدفة ابوها سمعها .. امها وقعت من طولها و ابوها كلمها في التلفون و هددها
ياسين بخوف :طب هي عملت ايه ؟؟
-منهااارة يا حبة عيني غلبت على ما هديتها
ياسين بقلق : يعني هي كويسة دلوقت ؟؟
-هي نايمة ....بالعافية لحد ما غفيت
-طب انا راجع حاااالا ..خليكي معاها ما تسيبيهاش ارجوكي
-حاضر يا ابني ..
في تلك اللحظة عاد يحي: اتفضل الكارت بتاعك يا بيه هنروح فين دلوقت
-احنا هنرجع تورنتو حالا ...لو مشينا بسرعة 160 كيلو ممكن نلحق مع الساعة عشرة بالليل
ركبا في السيارة و غادرا بسرعة
كان بدر في طريقه الى المنزل حين رن هاتفه و كان رقما دوليا
-الو ! مين ؟؟
-انا سحر يا بدر ..ازيك
بدر بتعجب:سحر؟ الحمد لله ازيك انتي ؟؟ و ازاي عمي و مرات عمي؟؟
-الحمد لله كلنا بخير ..ألف مبروك انا عرفت إن حنان حامل ...ربنا يتمم لكم بخير
-الله يسلمك يا رب عقبالك
سحر بإحراج :طب أنا كنت عايزة أكلم حنان من فضلك لو معاك تديهاني
-بس حنان مش في البيت يا سحر ... انا وديتها بيت العيلة
سحر بخيبة أمل : خسارة ...كنت عايزة أباركلها على الحمل و كمان أفرحها بنجاحي
بدر بحماس :الله هي نتيجة الثانوية العامة طلعت !!
سحر : ايوة و نجحت بمجموع 73 في المية..بس كنت عايزة افاجئها بالخبر بنفسي 😥.
بدر :الف مبرووووك ☺️... طيب يا ستي مش هقولها ...لما اروح هناك هبقى اديكي تكلميها ...هو الرقم ده بتاعك ؟؟
-لا مش بتاعي ...
-اومال بتاع مين ؟؟
-ده ...رقم خطيبي
بدر بتعجب : -هو انتي اتخطبتي كمان !! ألف مبرووووك بس عمي ما قالناش حاجة ؟
-اصله طلب ايدي امبارح بس و الأسبوع الجاي قراية فاتحتنا ..و كنت عايزة اعملها لحنان مفاجأة كمان المهم خليها تتصل بيا على رقمي هي أكيد حافظاه
-حاضر سلميلي على عمي و الف مبروك مرة ثانية .
-الله يبارك فيك يا بدر...مع السلامة
اقفل بدر الخط و هو يقول :حنان أكيد هتفرح اوي بالخبرين دول ... شرد قليلا ثم قال :وحشتيني اوي يا حناني .. يا ترى بتفكري فيا انتي كمان ؟
امسك هاتفه و فتح رقم سلمى كي يتصل ثم اعاده الى جيبه بعد تفكير
لو اتصلت بسلمى تديها التلفون أكيد هتفتن عليا للنسوان اللي هناك حاكم انا عارفها رغاية.. و كمان ما اقدرش اروح في نوبة الحرباية التانية هتقلبها عليا حرب ..اووووف مضطر استنى بالخبر لحد ما اروحلها و امري لله 😮💨
ادار مفتاح السيارة و انطلق
دخلت هنادي الى غرفة حنان التي كانت ممددة لا هي نائمة ولا مستيقظة
-حنان ...انتي صاحية ؟؟ الغدا جاهز قومي يا بنتي على ما تغسلي وشك يكونو حطو السفرة
حنان بتعب:مليش نفس يا خالتي كلو انتو بالهنا و الشفاء
-ايه الكلام العبي'ط ده !! ملكيش نفس ده ايه انتي ناسية انك مسؤولة عن روح تانية ؟؟
-قلتلك مش قادرة و الله 😓
-بس كدة ما ينفعش ..الدكتورة قالت انك ضعيفة و محتاجة تتغذي
-ارجوكي ما تغصبيش عليا يا خالتي لما اعوز اكل هأبقى أقلك
تنهدت هنادي بقلة حيلة و قالت : براحتك يا بنتي 😥
خرجت هنادي الى فناء المنزل و هي تقول لإبنتها
-بت يا سلمى هاتي التلفون بتاعك عاوزة اكلم بدر
سلمى بفضول: ليه؟
هنادي: انتي مالك ؟ حاجة ما تخصكيش حاشرة مناخيرك في كل حاجة ليه ؟ روحي حطي معاهم السفرة
سلمى بتذمر : و انا مالي ؟ طيب خذي التلفون و ادي النمرة
ابتعدت سلمى فاتصلت هنادي ببدر
كان مستلقيا في غرفته بينما تضع كل من سنية و هناء السفرة
فجأة رن هاتفه و كان رقم اخته سلمى
-الو ..ايوة يا سلمى
-ده انا يا بدر..ازيك يا حبيبي
-الحمد لله يمة انتي اخبارك ايه طمنيني عليكم
-الحمد لله كلنا بخير يا ابني ..انا بس اتصلت بيك عشان حنان
سرعان ما انتفض بدر من مكانه بقلق قائلا : مالها حنان يمة؟؟!
-مالهاش يا ولدي مالك اتفزعت اكدة ؟؟ هي بخير اتطمن
بدر بمحاولة منه بتصنع الهدوء -اومال ايه الموضوع يمة ؟
-كل الموضوع انها طول الوقت مسهمة من لما سبتها لحد دلوك قال ايه مالهاش نفس و عايزة تنام
-يعني ايه مالهاش نفس ؟؟
-زي ما بقولك .. امبارح ما رضيتش تتعشى و النهاردة ما رضيتش تتغدى طول اليوم على بيضة و كام زتونة من الصبح وكلتهم لها بالعافية كمان
-طب انا جاي حالا. ...اصلا كنت فأفكر اجيلكم النهاردة
-بس يا ولدي ! هناء هتعملك مشكلة
-لا انا جاي و راجع في نفس اليوم ...مش الثانوية العامة طلعت ! فأنا كنت جاي اخليها تكلم اختها و تتطمن على نتيجتها
دخلت هناء لتناديه من اجل الغداء و سمعت ما قال فوقفت بتذمر
-طب اسيبك انا يمة خلي بالك من نفسك و منها
-بالسلامة يا ولدي
نظر إليها بحدة
-جرى ايه يا ولية واقفالي كدة ليه ؟؟
-بتقول رايح فين ؟؟
-و انتي مالك ؟؟
-رد عليا بس رايح فين ؟؟
-هو تحقيق ؟؟؟
-يعني لما جات نوبتي عايز تعمل حجة و تهرب عندها ؟؟ مش كدة
-اهرب ايه و نوبة اي يا مجنونة! ضرتك حامل و انتي سمعتي الدكتورة قالت ايه ...لازم تتغذى كويس يعني رايح اشوفها مالها مش راضية تاكل ليه و ممكن اخذها لدكتور و اهو بالمرة اخليها تكلم اختها.... بس راجع أكيد
-يبقى رجلي على رجلك
-هو انتي مكذباني يعني ؟ما قلتلك رااااجع اقصري الشر يا ولية 😤
-و انا قلتلك رايحة معاك ...اصلا بقالي كثير ما شفتش خالتي
بدر بيأس: اوووف طب البسي اوام عشان نلحق نرجع قبل الليل
دخلت سحر الى منزلهم و هي تنظر بترقب فوجدت فاتن في إنتظارها بتوعد
-ماشاء الله بقيتي بتتسحبي زي الحرامية... كنتي فين يا مقصوفة الرقبة و طلعتي امتى؟؟
سحر : انا .. انا رحت شحنت رصيد عشان أكلم حنان
-تشحني رصيد ب ايه ؟؟
سحر بلجلجة: كنت محوشة
نظرت إليها فاتن بشك و قالت : طب كلمتيها؟؟
-لا .. بدر بيقول انها في بيت العيلة ..هتبقى تكلمني لما يروح لها
فاتن بحسرة: عيني عليها من كندا لزريبة بدر ..بيعاملها أكنها في العصر الحجري..منه لله ابن هنادي
سحر بضيق: بطلي تدعي على الناس من غير سبب يا ماما ابن هنادي هو اللي ستر عليها لو فاكرة
-طب ادخلي اوضتك يا اختي ادخلي ... مش ناقصني غيرك يفكرني 😤😒
فتحت فاطمة عينيها بتثاقل و كانت ندى تجلس بجانبها و هي تبكي و رجب يجلس في الكرسي الموضوع امامها
-ماما انتي صحيتي أخيرا !!
رجب بضيق : الحمد لله على السلامة يا فاطمة
نظرت حولها و قالت : انا جيت هنا ازاي ...هي الساعة كام اصلا
ندى: الساعة سبعة المساء يا ماما ...الحمد لله انك صحيتي
-يااااه ...هو انا نمت كل ده !!
رجب :الدكتور اداك منوم قال لازم ترتاحي و تنامي لك اربع خمس ساعات عشان ينزل ضغطك .. حمد لله على السلامة
تذكرت فاطمة ما حدث فانكمشت تلقائيا في مكانها و قالت بضيق: رجب حلفتك بالنبي الكريم ما تتهور و تعمل حاجة لحد ما نعرف أصل الموضوع كله
نظر رجب الى ندى و قال : حبيبتي مادام ماما صحيت روحي هاتيلها الغداء بتاعها
-حاضر يا بابا
ذهبت ندى و نظر الى اثرها و هو يقول : مش وقت الكلام ده يا فاطمة اهم حاجة دلوقت صحتك
فاطمة: بس عينيك بتقول غير كدة يا رجب.... انا حافظاك و عارفة النظرة دي ... حلفتك بأغلى شيء عندك ما تستعجل يمكن نكون فاهمين الموضوع غلط. ..
-اللي كانت اغلى شيء عندي حطت راسي في الطين يا فاطمة...معنديش حاجة تانية اخسرها بعد ما خسرتها
فاطمة و هي بتنهج: مش انت دايما بتقولي اختك بتتعمد تضايقك ؟ ما يمكن دي عملة من عمايلها .. انا طول عمري بادافع عنها قدامك و مش بحب تجيب سيرتها بالباطل قدامي ..ماهي اختي و عمر الظفر ما يطلع من اللحم...بس انا عارفة انها بتحقد عليا و لو لقت اي طريقة تأذيني بيها مش بتتاخر ... فأنا يقول لو نسمع من حد تاني و بعدين اعمل اللي انت عايزه
-تخفي انتي الاول بعدين نتكلم ...
دخلت ندى و وضعت الصينية امامها
وقف رجب و هو يقول : ساعدي امك عشان تاكل يا ندوش انا طالع شوية
خرج رجب بينما جلست ندى تساعدها على اكل الحساء
-حلوة الشوربة دي يا ماما ؟!
فاطمة بتعب : ايوة يا قلبي ..مين عملها
-انا قلت لبابا ازاي بتعمليها و ساعدني بس انا حضرتها
-تسلم ايدك
-شفتي ازاي بقيت كبيرة ؟! عشان ابقى انا اطبخلك لما بابا يسافر ☺️
فاطمة بدهشة:يسافر فين مش فاهمة!!!
ندى :انا سمعته بيكلم واحد صاحبه في التلفون بيقوله يسلفه مبلغ عشان يحجز في رحلة طيارة لكندا
-يا مصيبتي !!!! يساااافر كندا !!! 😱
شهقت فاطمة و لطمت على وجهها لدرجة ان الحساء وقع من امامها على ملاءة السرير و تبعثرت اشلاء الصحن أرضا
دخلت هنادي الى غرفتها قائلا
: و بعدين معاكي يا بنتي ...الساعة عدت ستة و نص و انتي ما حطتيش لقمة وحدة في بوقك
-عاملين ملوخية و انا مبحبهاش
-طب مكنتي تقولي عايزة تاكلي ايه و انا احضرلك؟
-انا مش نفسي ف حاجة معينة يا خالتي ما تتعبيش نفسك
-ما اتعبش نفسي ؟ هو ده كلام ؟؟ اومال بدر سايبك هنا ليه يا بنتي ؟ انتي امانة في رقبتي و لو حصلك حاجة هيزعل مني .. ترضيهالي برضو ؟
-لا طبعا يا خالتي .
-يبقى اعملك سندويش جبنة لحد ما يجهز العشاء ..هاعملك رز بصوابع كفتة
-بس يا خالتي 😓 ..
-مبسش انا هاعملهم و هتاكليهم يا اما أقول لبدر...
تذكرت قليلا ثم قالت : ااااه شفتي نسيتيني ازاي !!!
حنان : ايه ؟؟
-مش بدر أتصل ؟؟
انتفضت حنان بلهفة :بجد !!
ثم انتبهت الى نبرتها فقالت :قصدي ..أتصل امتى 🙄
هنادي بإبتسامة ماكرة: قبل ساعتين و قال ان نتيجة الثانوية العامة طلعت امبارح
حنان بحماس: اااه بجد ده كان امبارح !!! ماقالش سحر نجحت ولا لا ؟؟
-لا ماقالش 🙄
-طب مفيش حد ممكن يديني تلفون اكلمها ؟؟
-محدش معاه رصيد دولي ...مفيش غير بدر هو قال لما يجي يخليكي تكلميها و تتطمني بنفسك
حنان بحزن: بس هو مش جاي قبل اربع أيام 😓
استغلت هنادي شرودها لوهلة و سألتها بخبث: هو انتي زعلانة عشانه ولا عشان اختك؟
حنان بحزن : عشانه ..
ثم انتبهت فأردفت بلجلجة:هاا ...لا طبعا ...أصل سحر ..سقطت كذا مرة ..انتي عارفة.. ماهي ..😥
في تلك اللحظة سمعتا صوتا يأتي من الخارج و كان صوت سلمى و هي تنادي على بدر
و فجأة سمعت حنان صوته فتهلل وجهها فجأة و قالت بلا وعي:بدر!! 😍
في الفناء
دخلت هناء أولا بينما كان بدر يخرج اغراضا من السيارة
سلمى : هناااء 😀 ...أهلا و سهلا ..ازيك ؟
هناء :الحمد لله أزيك انتي يا سلمى؟
سلمى: زي ما انا ...انتي جيتي مع بدر مش كدة ؟ اومال هو فين ؟
-جاي ورايا ثم همست في اذنها (جايب للبرنسيسة شيء و شويات قال ايه مش راضية تاكل ) 🙄😏
سلمى: ان جيتي للحق هي قاطعة الزاد فعلا ماما ابتدت تقلق عليها
في تلك اللحظة دخل بدر و اقتربت منه سلمى و هي تهتف بحماس : بدر !! احتضنته قائلة : وحشتني يا اخووياااا ☺️
بدر بمزاح :لحقت اوحشك يا بكاااشة انتي ؟
همست في اذنه بدون ان تسمعها هناء
-بصراحة مش أنا بس🙄😉
هناء بتساؤل: بتتوشوشو على ايه انتي و هو ؟؟
-مفيش بقولك ايه ؟؟ تعالي عايزاكي في موضوع
هناء:موضوع ايه يا مجنونة اصبري اسلم على خالتي
-يا ستي هتبقي تسلمي عليها بعدين ...يالاااااا 😜
اخذتها من يدها و شدتها بإصرار و هي تغمز لبدر الذي ابتسم على اثرها ثم توجه نحو غرفة حنان
دخل بدر فوقفت حنان بلهفة لم تستطع إخفائها ثم وقفت هنادي تنظر إلى عينيها الملتمعتان بشوق واضح
وضع الأكياس من يده جانبا و هو يقول
-سلام عليكم
اجابتاه معا: و عليكم السلام
هنادي: أهلا يا ابني نورت البيت 🥰
ثم نظرت الى حنان و قالت بإبتسامة: أهو بدر جيه هيبقى يطمنك على اختك 😁
قالتها ثم خرجت و اغلقت الباب خلفها بينما بقي بدر يقف مكانه ينظر إليها بحب
فقالت حنان بلهفة: خالتي قالتلي ان نتيجة الثانوية العامة طلعت طمنني !!
بدر : امممم ...يعني اللهفة دي كلها عشان سحر بس؟؟
قالها بتساؤل و هو يبتسم على لهفتها
حنان بتلعثم:احم... هيكون ايه يعني..
فكر للحظات ثم قال و هو يقترب منها بتصنع اللامبالاة :طب خذي كلميها و اتطمني بنفسك... انا برة مع أمي
وضع الهاتف على التسريحة و كان يهم بالإنصراف
لم تستطع كتم شوقها اكثر فهتفت : بدر!!
إلتفت ثانية و نظر إلى عينيها و هو يقول بتوهان :عيونه
إندفعت فجأة نحوه تحتضنه بشدة
إبتسم و هو يبادلها الحضن قائلا : انتي كمان وحشتيني اوووي على فكرة 🥰
وصل ياسين الى المنزل أخيرا ...انصرف يحي بينما دخل مسرعا و هو ينادي على بيتر قائلا
-ما الاخبار ؟؟
بيتر : لا جديد سيدي ...
-و بخصوص موضوعنا ؟
بيتر: حدث كما طلبت
ياسين :جيد ..راقب الوضع جيدا
دخل الى القصر فوجد أم أحمد تجلس بهدوء في الصالة تقرأ القرآن رأته فوضعت المصحف من يدها و توجهت نحوه
-حمد لله على السلامة يا ابني 😊
-الله يسلمك يا خالتي ..ايه الاخبار ؟؟ لسة نايمة؟؟
-لا صاحية...بس اعصابها تعبانة حاولت اكلمها و اهديها بس مرعوبة من اللي ممكن يحصل
-هو انا ممكن اكلمها دلوقت ؟!
أم احمد : أعتقد خليها للصبح أحسن
-طب أكلت؟؟
-لا يا ابني .. رافضة تاكل حاجة
-لا ما ينفعش كدة ... انا هأدخل اكلمها و انتي حضري لنا لقمة انا كمان واقع من الجوع
-حاضر يا ابني
توجهت أم أحمد الى المطبخ بينما توجه الى غرفتها و طرق الباب قائلا :أميرة
ارتبكت أميرة و عدلت طرحتها بسرعة : ادخل
-سلام عليكم
-و عليكم السلام ..حمد لله على السلامة
-الله يسلمك... خالتي قالتلي انك ما اكلتيش حاجة ...
أميرة بضيق شديد :تبقى قالتلك كمان اللي حصل مش كدة ؟؟😓
اقترب ياسين منها و هو يقول :أميرة كل حاجة ليها حل ..خالتك مفهماهم غلط أكيد لما ابوكي يعرف اللي حصل هيسامحك
أميرة ببكاء: تبقى ما تعرفش بابا كويس 😭
تنهد ياسين بعمق ثم قال : ممكن تهدي عشان نعرف نفكر ؟؟
أميرة بإنهيار: هنفكر في ايه ما هي خالتي طربقت الدنيا فوق دماغي هو بقى فيه تفكير!! اروح فين انا دلوقت ؟؟ 😭...ماهو بابا مش هيسكت على اللي حصل ... ده غير ماما اللي بتكون دلوقت منهارة و ضغطها مش عايز ينزل بسببي 😔😓
لم يعرف ياسين ماذا يقول و كيف يرتب كلامه فقال - بقولك ايه انتي تهدي دلوقت و تاكلي لقمة عشان ما ينفعش تنامي و انتي جعانة ...و بكرة الصبح يحلها ربنا
-مش عايزة أكل ولا عايزة اهدى... 😓😫
ثم نظرت إليه بحزم و قالت : انا عايزة امشي من هنا ...
انقبض قلب ياسين و قال بتلعثم : تمشي تروحي فين ؟؟
أميرة : هنروح القنصلية زي ما اتفقنا و بعدين أروح لأي مكان تاني ما يلاقينيش فيه...كفاية اللي حصل لحد دلوقت !😭😰
تجمدت الدماء في عروق ياسين و قال بجمود مصطنع
-ماشي ... زي ما تحبي .. خليني بس آخذك الصبح عند الدكتور يفك لك الجبس و بعدها هأعمل كل اللي تطلبيه
قالها و هو يخرج من الغرفة و يغلق الباب بآلية
صادف ام أحمد و هي قادمة بصينية الطعام التي طالعته بترقب و عرفت فور رؤية وجهه المتجهم انها ابلغته بقرار رحيلها
-خير يا ابني قدرت تقنعها تفضل هنا ؟
-لا يا خالتي هي مش عايزة تقعد سيبيها براحتها
-يعني ايه ؟؟
نظر إليها بآلية و قال : يعني بكرة الصبح هآخذها و نروح نتطلق و كل واحد يروح لحاله 🙄
بارت 61 🔥🔥
تجمعت الدموع في عيني ياسين رغما عنه فصعد الى غرفته قبل أن تلاحظها أم أحمد ..فهو لم يكن ضعيفا أمام احد كما هو الآن
- مش هتاكل يا ابني؟
-لا يا خالتي تعبان و عايز أنام
قالها دون أن يلتفت و اختفى عن ناظرها
همست ام أحمد بخفوت:حرام عليكم اللي انتو بتعملوه في نفسكم ده .. لحد امتى العندية بتاعكم دي ! هتخسروا بعض بسببها 😔😥
انهارت أميرة بصوت خافت كيلا تسمعها أم أحمد و هي تهمس لنفسها: كنتي فاكرة ايه ؟؟ هيمسك فيكي مثلا و يقولك لا انا في عرضك اوعي تمشي؟؟ بعد كل اللي حصل معاه بسببك لسة طمعانة تفضلي معاه ؟؟
مسحت دموعها و هي تقول بصوت متقطع
-من لما عرفني و حياته متلخبطة .. خسر ثلاثة مليون دولار بسببي ...اتخانق مع خطيبته بسببي ...حياته بقت في خطر بسببي ...سايب شغله و مصالحه و ملوش غير مشاغلي و قرفي لالا ...لحد كدة و كفاية .. مش هافرض نفسي عليه اكثر من كدة... خليني افكر في بلوتي لوحدي ...ابوي مش هيسكت عاللي سمعه ... ده حتى ممكن يأذيه هو كمان بسببي 😭😭😰
حاولت الإتصال برقم والدتها للمرة المئة لكن رقمها محظور
-لو بس تديني فرصة و تسيبني اشرحلك الحقيقة يا بابا 😭
فكرت قليلا ثم قالت بتذكر: سحر ...انا هأكلم سحر يمكن تقدر تتكلم معاهم و تفهمهم
اتصلت بسحر و هي تبكي بإتهيار
-إلحقيني يا سحر 😓😭
سحر بخوف : مالك يا ميرو ايه اللي حصل ؟؟
حكت لها ما حدث مع والدتها و موقف والدها و تهديده و كذا ما حدث بينها و بين ياسين وهي تبكي بإنهيار
سحر: و الله ما انا عارفة اقولك ايه يا قلبي ... بس اللي عملتيه ده غلط ...يعني معقولة تبعدي عن ياسين في وقت زي ده ؟! هتروحي فين بعدها و انتي قلتي انك مش راجعة عندنا ؟؟ 😰
-اهو اللي حصل بقى😓 ... نتطلق و بعدها هأبقى اتصرف 😥 المهم ابوي ما يوصلوش و يأذيه بسببي 😭
قالتها بصعوبة بالغة فقالت سحر بحزن
-عايزة تتطلقي ليه بس ما دمتي بتحبيه اوي كدة ؟؟🥺
-حتى لو يحبه ...ما اقدرش افرض نفسي على واحد ما بيحبنيش يا سحر 😭
-مين قال أنه مش بيحبك ؟؟
- عمره ما قالها 😓
-يا عب'يطة يعني لازم تسمعيها ؟؟ماهي كل تصرفاته بتقولها ؟؟
أميرة بتهكم : ايوة ..بيحبني اوي 😓 ..بدليل اني اول ما قلتله اني عايزة اتطلق و كل واحد يروح في حاله وافق على طول و قالي بكرة الصبح اخذك القنصلية و هاعمل كل اللي انتي عايزاه 😰😭
-اديكي قلتيها يا غبية .. اللي انتي عايزاه ..مش اللي هو عايزه
يعني بذمتك فيه راجل في الدنيا عنده ذرة كرامة يخليكي على ذمته بعد اللي قلتيه ده؟؟ ده حتى لو بيعشق التراب اللي بتمشي عليه و هيموت بعد الطلاق على طول مش هيقبل يسيبك على ذمته و هو عارف ان انتي مش عايزاه
-بس انا عايزاااه 😭 مش عايزة حد غيره 😭
-و هو كمان شكله واقع اوي بس يا عيني مضطر يعمل اللي انتي طلبتيه حتى لو على حساب قلبه .. بقى يعمل ايه اكثر من كدة عشان تصدقي أنه بيحبك؟؟..
أميرة بضياع : مش عارفة يا سحر... انا متلخبطة اوي و مش عارفة انا عاوزة ايه اصلا ! لو بس يعترفلي و انا أقوله اني عايزة افضل معاه بس مش عاوز ينطق اعمل ايه ؟؟ 😭
سحر بمواساة: أهدي بس يا قلبي و كل عقدة و ليها حلال
-طب ارجوكي ما تنسيش حاولي انتي تكلميهم ..انتي معاكي الواتس بتاع ماما جربي توصلي لها و احكيلها الحقيقة
-حاضر يا حبيبتي ..أوعدك هأحاول 😔
عند بدر و حنان
استقرت في احضانه للحظات يرويان شوقهما لبعض دون ان ينطق احدهما بكلمة
لم يخرجها منه الا حين شعر بإبتلال قميصه فأمسك وجهها بين كفيه بلهفة و قلق قائلا : بتعيطي ليه بس دلوقت ؟؟ 😥
انهارت اكثر و هي تنظر الى عينيه قائلة
-..مش عايزة اقعد هنا 😭
-ليه طيب ؟؟ حد ضايقك بكلمة ؟؟ لو على جدتي انا ..
قاطعته بإنهيار: لا محدش ضايقني بس عايزة امشي من هنا
تنهد بضيق -اديني سبب واحد طيب !
-من غير سبب ..مش عااارفة 😭...مش مرتاحة و خلاص 😫😣
مسح دموعها برقة و هو يردف
-هسسس..احنا اتفقنا على ايه؟ مش قلنا كدة أأمن ليكي ؟
غمز بمزاح قائلا :ولا عايزة تقعدي مع سنية أحسن؟
اطرقت برأسها قائلة بضيق:لا طبعا ...بس هنا...حاسة بالغربة و ما تقوليش اهلك...انا حاسة اني غريبة مش قادرة ادخل وسطهم مخنوقة 😓
كانت تراوغ في الكلام لكنه كان يعلم جيدا ماذا تقصد
رفع رأسها باصبعه بحنان :بصيلي كدة ..
نظرت إليه بشوق و لهفة لم تستطع ازالتهما من عينيها فأمسك وجهها بين كفيه و قال بحب:انا كمان مش سهل عليا اني ابعد عنك ...بس مضطرين نصبر احنا الإثنين ...عشان سلامة ابننا
قالها و هو يضع يده على بطنها بحب ثم وضع قبلة حنونة على جبينها و أردف :بس على فكرة انا زعلان منك
مسحت حنان دموعها و هي تقول بتعجب: مني؟؟ ليه؟؟🥺
-معقولة قاعدة من غير اكل كل ده !! يعني انا مضحي التضحية دي كلها و انتي ما تقدريش حتى تغصبي على نفسك لقمتين عشانه؟؟
شعرت بالإحراج و قالت : احم..مش متعودة عالأكل ده
بدر :طب لو عايزة حاجة معينة قوليلي : اكل حلويات لحمة سمك فواكه ..اي حاجة انتي بس تقوليلي عليها و انا اجيبهالك بدل ما انتي عاملة اضراب عام كدة!!
اطرقت بإحراج :ماهو .. انا.. مش نفسي ف حاجة معينة ...
بدر بعبث : طب عيني في عينك كدة ؟؟! ☺️
نظرت اليه بعد ان ارغمها على النظر برفع وجهها اليه و هي مستغربة من نفسها :ما هذا الوحم الغب'ي الذي صعقها فجأة !! فهي لا تريد شيئا سواه!
كيف تقول له انها لا تريد اكلا ولا فواكه ولا أي شيء آخر ...كيف تقول له انها لا تريد سوى النظر إلى عينيه العسليتين المشربتان بخضرة ساحرة بلا توقف.. و تتمنى لو كانتا آخر شيء تراه قبل أن تنام و اول شيء تراه حين تفتح عينيها ثانية ...ولا يهمها شيء بعد ذلك ..
كانت تفكر بينما شردت فيهما لوهلة فشعر بحاجتها الى وجوده دون ان تقول شيئا فعيناها كانتا تقولان كل شيء
اخذها من شرودها و هو يقول بعبث : شفتي نسيتيني ازاي ؟؟
حنان بتوهان: هااا ...نسيتك ايه 🙄
بدر يحب: مش اختك نجحت ؟ 😊
تعلقت حنان برقبته بحماس : بجد !! الله ده احلى خبر سمعته !!
اردف بدر بحب:و مش بس كدة دي عندها خبر حلو هخليها هي تقولك عليه ☺️
حنان بفرحة : خبر ايه ؟؟
-بتقول مفاجأة و عايزة تقولك عليها بنفسها
-و الله ؟؟ طب عايزة اكلمها !! 😍 حاااالا
تاه بدر في فرحتها و ضحكتها التي يعشقها و قال و هو ينظر الى شفتيها برغبة : بعدين .. دلوقت عندي حاجة اهم حنان بتوسل : بدر ارجوو....
ابتلع باقي الكلمة في جوفه و اخذ شفاهها في قبلة رقيقة طالت بينهما انستها كل شيء .. الشوق و التعب و سحر و المفاجأة ايضا 😁
اغمضت عينيها بإستمتاع و سمحت لمشاعرها بالتدفق و استسلمت لشعور ممتع لم تعرفه من قبل
شعر برغبتها في تلك القبلة اكثر منه ...لكن شوقا و ليس شه"وة
ابتعد قليلا يحاول أن يلتقط انفاسه و لم تكن تريده ان يبتعد
وضع جبينه على جبينها و قال بحب: ما تخافيش مش رايح لمكان ... هسيبك تكلميها براحتك بس راجع تاني..
-رايح فين طيب؟
-رايح أجيب لنا صحون و شوك
نظرت إليه بإستفهام فقال : !نا ما اتغدتش لسة لإني كنت عايز اكل معاكي... جايب لنا كباب و كبدة و سجق و للحلو بسبوسة و كنافة ..و شوية فواكه عشانك ...قلتي ايه ؟؟ هناكل سوا ؟☺️
اومأت برأسها بسعادة : ماشي ☺️
-طب مش هاتأخر 😉🤭..تكوني انتي خلصني مكالمتك
قالها و هو يداعب انفها بحركته المعتادة منذ الطفولة و أردفها بغمزة بينما يغادر الغرفة
تذكرت حنان تلك الاشارة فجأة
لطالما كان يضع سبابته على انفها على حين غفلة منها و يحركه على طول استقامته نزولا الى شفتيها بمداعبة لطيفة و ما أن يصل اصبعه الى أسفل ذقنها حتى يرفع وجهها بسرعة و يهرب تاركا إياها لغيظها
خلق قلبها بشدة لتلك الحركة !!
رغم انها كانت تمقتها يشدة في طفولتها و تغتاظ منه لدرجة الجنون كلما فعل ذلك إلا أنها قلبت كيانها في لحظات الأن ..
بل انها كانت اشد سحرا من القبلة نفسها .... لقد ادركت الآن فقط انها لم تكن مزاحا ثقيلا أو غلاظة دم كما كانت تسميها دوما ...لم تكن سوى مداعبة رومنسية رقيقة جدا من رجل طالما عشقها و حاول التعبير عن ذلك العشق بشتى الطرق لكنها لم تر أيا منهم وقتها ..
امسكت الهاتف بيد مرتعشة و اتصلت بذلك الرقم الذي تحفظه
خالد بلهفة :الحمد لله ...أخيرا سمعت صوتك !!
إيلينا بمزاح :و ما بك تقولها و كأنك لم تسمعه منذ سنة!! هيا اخبرني .. ما سر هذه اللهفة!!
خالد بحماس -لدي الكثير لأخبرك به ..هذا هو السر ...لكن قبل أن اخبرك اريد ان اطلب منك طلبا ...إياكِ و الرفض
-فهو ليس طلبا اذن ؟؟😂هو أمر عسكري
-سمه ما تشائين المهم أنه لا يحتمل الرفض
-هيا اذن هات ما عندك..و انت تعلم اني لا ارفض لحبيبي أي طلب 🥰
-الو سحر !!
سحر بنعاس: مين ؟؟
-انا حنان ...ازيك يا سحورة 🥰
انتفضت سحر في فراشها و قالت بلهفة: حناااان !!! مش معقووووول ازيك يا حبيبتي عاملة ايه ؟؟! وحشتييييني اوووي
حنان بلهفة: الحمد لله انا كويسة ...ألف مبروووووك بدر قالي انك نجحتي !! مش مصدقة أخيرا حلمك اتحقق ! ☺️
سحر بحب : الله يبارك فيكي 🥰😊 هااطمنيني عليكي اخبارك ايه ..و أخبار بدر معاكي ايه ؟؟
تذكرت بدر و قبلته الساحرة فإبتسمت تلقائيا وتنهدت بحب قالت : بدر ! الحمد لله هو كويس ☺️
ترددت سحر قليلا ثم اكملت :أنا سمعت انك حامل ألف مبرووك
حنان بحب : الله يبارك فيكي يا سحورة ...كان نفسي تكوني معايا في فرحة زي دي 😊
منذ بدء المكالمة كانت سحر تتعجب من تصرف حنان اللطيف و تغيرها المفاجيء لكن دهشتها كانت اكبر حين سألتها عن بدر فهي لم تكره أحدا مثلما تكرهه ...بل انها كانت تفكر كيف ستهنؤها بهذا الحمل لأنها كانت تعتقد انها منهارة بسبب انها تحمل في احشائها قطعة منه ..!
سحر بتساؤل : يعني مش زعلانة لإنك حامل ؟؟
حنان بتعجب: و ازعل ليه يا سحر؟؟
سحر :يعني انا قلت عشان ابن بدر و كدة 🙄
حنان بإنزعاج : بدر ده يبقى جوزي لو ناسية !😤😏
سحر بتعجب:سبحان مغير الاحوال 😂...
اقترب بدر ليدخل لكنه سمعها تكلم اختها و لم يشأ التدخل في خصوصياتها و كان يهم بالعودة الى الصالة لكن استوقفه سماع اسمه فوقف ينصت بإهتمام
حنان بصدق :بدر طيب اوي ...انا بس مكنتش عارفاه على طبيعته ...بقولك ايه يا سحر ؟؟ادعيلي يكون البيبي ولد و شبه ابوه كدة 🥰
قالت هذه الاخيرة بهيام لا شعوري
سحر بشك:ولد و شبه ابوووه !! لاااا بقى لحظة افهم !! بت انتي اوعي تكوني حبيتيه!! اه و الله شكلك حبيتيه !! 😳
حنان بإرتباك : لا حب ايه ..ده..ده الوحم ...اه ...دي أكيد هرمونات الحمل ..اصلي بقالي اسبوع كدة مش عايزة حاجة غير اني ابص في عينيه .. 🥺😔
سحر بخبث: وحم ؟؟ طيب يا ستي ان شاء الله يكون ولد و يكون نسخة بالكربون عن بدر خصوصا شعره و غمازاته و عينيه العسلي اللي تخبل دي ! مخلياه اسم على مسمى 😁🤩
انتفضت حنان لا إراديا : غمازات ايه و عينيه اي اللي تخبل و قال اسم على مسمى !! ما تحترمي نفسك يا بت انتي هتعاكسي جوزي قدامي يا هب"لة؟؟ 😤
ضحكت سحر بأعلى صوتها قائلة :طب بالراااحة عليكي ما تتحمقيش اوي كدة بأهزر بس... كل ده و مش بتحبيه؟؟ ده انتي هتفترسيني بس عشان جيبت سيرة عينيه و غمازاته 😂 قال وحم قااال 😂😂😂
شعرت حنان بالإحراج و فكرت سريعا للخروج من هذا الموقف فهي لا تريد أن تخير أحدا قبل التأكد من حقيقة تلك المشاعر التي تتدافع داخلها بقوة و لا تعرف ماهيتها
فقالت مغيرة الموضوع : بقولك ايه سيبينا من الكلام عني و قوليلي ..ايه المفاجأة اللي بدر قالي عليها ؟؟
سحر بعبث: يعني بدر كان عند وعده بجد و ما قالكيش 😳 لا انا شكلي هاحب بدر اكثر 🥰
حنان بعصبية: سحررر !! كلمة زيادة عن بدر هاقفل السكة ف وشك قال تحبه قااال !! 😤
إبتسم بدر على اندفاعها و غادر ثانية و قلبه يخفق بشدة
-كنت متأكد اني هاقدر اخليكي تحبيني في يوم زي ما بحبك ☺️🥰.
سحر بحماس:طب ما تزعليش انا كنت باهزر معاكي بس و على فكرة انتي ذايبة في هواه مش مسألة وحم ولا حاجة..انتي بس مش عايزة تعترفي بكدة ....المهم خلينا في موضوعنا ..
حنان : ايوة ...اللي هو !!
سحر بحماس: انا اتخطبت يا حنااااان تصدقي !!
حنان بتعجب ممتزج بفرحة : اتخطبتي!! بتتكلمي بجد !! ألف مبرووووك يا حبيبتي احكيلي ازاي و امتى !!
سحر بفرحة: لا دي حكاية طويلة هنخلص باقة بدر كلها و مش هتخلص. هبقى احكيهالك وقت تاني
حنان : طب انتي تعرفيه ؟؟
سحر : ايوة اتعرفنا على بعض من مدة مش طويلة
حنان :يعني بتحبيه ؟
-ابوة ...بنحب بعض و عرض عليا الجواز يوم النتيجة ما ظهرت و طلب ايدي من بابا ف نفس اليوم 🥰
-ربنا يتمم بخير ...و الله فرحتلك يا سحورة ربنا عوضك عن السنين اللي ضاعت منك بدل الفرحة فرحتين
سحر : تسلميلي يا رب يا حنان و ربنا يسعد قلبك و يرزقك بالولد اللي نفسك فيه انتي و بدر ☺️
حنان بصدق : يا رب ...ترددت قليلا ثم سألت :بقولك ايه يا سحر ...احم..هو ..مفيش اخبار ...احم..عن أميرة 😥
سحر : لا طبعا ...هي بتكلمني في التلفون ..دي لسة مكلماني من شوية
حنان : انا كنت عايزاكي لما تكلميها تطلبي منها تسامحني ..انا بجد ندمانة ... غيرتي منها كانت عامياني ... ارجوكي يا سحر تقوليلها تسامحني من قلبها عشان قلبي يرتاح 😓
سحر : حاضر يا حبيبتي هقولها
-طب عارفة هي فين و عايشة ازاي ؟؟
سحر بحزن -حكاية طويلة ...بعد ما هربت من عندنا كانت هتسلم نفسها و ترجع مصر بس خبطها واحد بالعربية و من وقتها و هي قاعدة في بيته متجبسة من ايدها و رجلها المسكينة .. لا و فوق كدة الگلب دانيال مش سايبها في حالها ...مش طلع رجل عصابة ما"فيا ؟؟ خطفها من بيت اللي اسمه ياسين ده و لولا انه أتصرف بسرعة و اتجوزها غيابي مكانش هيقدر يطلعها من عندهم أبدا
حنان بضيق : يااااه ...كل ده حصل معاها بسببي ؟؟ 😥😓
سحر بقلق: لا و المشكلة الكبيرة امك
حنان : مالها ؟؟🥺
-راحت قالت لخالتي ان بنتها هربت عند راجل غريب و اتجوزته من غير علمهم...ابوها هددها وخالتي تعبت اوي ..حاولت تفهمهم انها مكانتش تعرف و ان اللي حصل غصب عنها بس ابوها مش راضي يسمع الحقيقة
-يا خبر ؟؟ طب ما تكلموهم انتم
-ب ايه ...أنا ممعيش رصيد ..و حاولت أتصل واتس بس الظاهر عم رجب حظرنا كلنا و مش هيسمع غير للي دماغه هيقوله عليه
حنان بخوف:يا ساتر !!
في تلك اللحظة دخلت فاتن : بتكلمي مين في الوقت المتأخر ده ؟؟
سحر: دي حنان يا ماما ..اتصلت تباركلي
-و الله ؟؟طب هاتي اكلمها
-الو ازيك يا حنان
-الحمد لله يا ماما انا بخير
-هو ايه اللي انا سمعته ده! مرات عمك شاهين بتقول مش راضية تاكلي أبدا .. تكونش الولية القرشانة جدتك ضايقتك بحاجة؟؟؟
-لا با ماما محدش ضايقني بحاجة خالتي ام جابر دايما كدة بتزود في الكلام 😒
-يبقى أكيد طبيخهم الما"سخ زي العادة هو السبب
حنان بضجر: ماما باقة بدر قربت تخلص احنا اتكلمنا كثير اصلا انا و سحر 😒
-طيب طيب ...تصبحي على خير
اعطت الهاتف لسحر قائلة: و انتي نامي بلاش سهر عالتلفون
-حاضر يا ماما
اغلقت فاتن الباب و اعادت سحر الهاتف الى اذنها و همست
-مشبت خلاص
-بقولك ايه يا سحر ..الكلام اللي قلناه بخصوص بدر ده يفضل ما بيننا مش عايزة ماما تعرف حاجة
سحر بتساؤل: ليه ؟؟
-لإنها مش بتطيق بدر ..كانت هي اول وحدة كلمتها افرحها بس قت"لت فرحتي ولا كإني حامل في الحرام 😓
مسحت دمعة فرت من مقلتها رغما عنها و قالت
انا مش هاقولها حاجة بعد كدة ..لما أولد خليها تعرف من ام جابر اللي طول الوقت بتجيب في الأخبار من عندها
في تلك اللحظة دخل بدر بالصينية فإلتفتت للجهة الاخرى كي لا يرى دموعها و قالت بفرحة: طب يالا يا سحر هأكلمك تاني الف مبرووووك مرة تانية يا حبيبتي
-خلي بالك من نفسك يا حنان ربنا يتمم لك حملك على خير
-و انتي كمان ...مع السلامة و سلمي لي على بابا
اقفلت الخط و هي تقول بإحراج : انا آسفة الوقت أخذنا انا و سحر الظاهر خلصتلك كل الرصيد
وضع الصينية و امسك تلك الأكياس يفرغ محتواها و هو يقول بحب: فداكي يا قشطة... خلصيه براحتك و لو ما كفاش اشحنلك تاني ...☺️
ترددت حنان ثم قالت بلجلجة: بدر انا كنت عايزة اطلب منك طلب 🥺
بدر ؛ انتي تؤمري يا قلبي مش تطلبي 🥰..
ابتسمت بحب فاردف بدر :بس الاول يالا تعالي ناكل قبل ما الاكل يبرد ..بصي جبتلك ايه كمان ؟؟ فتح محتوى الكيس فهتفت بفرحة
-مانجاااا !!! 😍
قفزت نحوه بحماس فامسكها بخوف : بالراحة يا مجنونة انتي ناسية انك حامل ؟! طب مفيش منجا ...هتاكلي الاول عشان تاخذي الدواء والفواكه بعدين
امسك علبة الدواء و تفحصها ثم نظر إليها بتذمر: ايه ده !!
حنان بخوف : ايه ؟؟
-ما شربتيش حبتين من ده !! و ده كمان المفروض ينقص حباية كدة هازعل منك بجد !! 😒
-ما اخذتوش لإني ما أكلتش..بس كنت ناوية اخذ منه دلوقت
-طب اوعي تنسيه بعد كدة...انا مش هأبقى معاكي كل شوية عشان افكرك !
ابتسمت على اهتمامه بادق تفاصيلها ثم اخذت منه الدواء و هي تقول بصدق :مش هنساه بعد كدة ...ها مش هناكل بقى ؟؟😊
-لا هناكل و تقوليلي بالمرة ايه طلبك ☺️
كانت هناء تجلس مع هنادي و سلمى تحاول الافلات منهما و لا تستطيع ف بقيت تنظر ناحية الباب كل لحظة قصد ايجاد الفرصة المناسبة التملص
لاحظت هنادي ذلك فقالت بمكر؛ بس ايه اللي فكرك بينا النهاردة يا هناء ؟!
-كلام ايه ده يا خالتي ..وحشتيني و جاية اشوفك
هنادي بشك: اهييي 🤨...بس كدة!! 🤔
هناء بلجلجة: هيكون ايه غير كدة .. ده انا حتى معتبراك في مقام المرحومة أمي و انتي عارفة اني مليش غيرك انتي و بدر 😥 ربنا يخليكو ليا
-عارفة .. ربنا يخليه ليكم و يبعد عنه شياطين الانس و الجن
فجأة رن هاتفها و كانت سنية فإنتهزت الفرصة و وقفت مسرعة : دي سنية عن اذنك يا خالتي
خرجت مسرعة بينما همست هنادي لسلمى : سبحان الله اول ما جبنا سيرة شياطين الإنس حضرت 😏
هناء : الو...خير با سنية ؟
سنية بغضب: خير ؟؟ هيجي منين الخير و انتي واخذاه و رايحة مش عارفة فين من غير ما تقولي !! رحتو فين اتكلمي؟؟😡
هناء : هنكون فين يعني ...في بيت خالتي ...و بعدين بتسألي ليه ؟ هي كانت نوبتك ولا نوبتي ؟؟ 😒
-بقولك ايه اتكلمي بسرعة راح هناك يعمل ايه و انتي رايحة معاه ليه ؟
-و بعدين معاكي يا سنية هو كان تحقيق !!😤ماشي هقولك...خذني الملاهي و جابلي ايسكريم و شوية مكسرات لزوم السهرة 🙄😂
-جاوبيني من غير استظراف يا روح خالتك انا روحي ف مناخيري اصلا !! 😡
-لا استظراف ولا حاجة ده بس من مراري الطافح 😔...هيكون جاي ليه ؟؟ طبعا جاي يشوف العروسة....خالتي كلمته قال ايه مش راضية تاكل 🙄و هو ما كذبش خبر و جيه جري عندها ..و انا جاية معاه عشان ما تقلبش دماغه و يقضي الليلة معاها و يسيبني استريحتي دلوقت ؟؟
-طب هوما فين دلوقت ؟؟
-في اوضتها ...و انا مع خالتي و سلمى
-سايباهم لوحدهم و قاعدة مع خالتك!؟ يا خيبتك يا بنت الهب"لة
-اعمل ايه يعني ؟؟😓
-تفزي تروحيلهم و تستعجليه عشان يطلع
-استعجله ازاي يعني ؟؟
فكرت سنية ثم قالت
قوليله شيماء عندها حرارة مش راضية تنزل و سنية مش عارفة تعمل لها ايه ..
هناء بقلق: بجد !! شيماء عيانة ؟؟
-يا عب'يطة عيانة ايه فال الله ولا فالك..انتي بس قوليله كدة و لما يرجع هاتصرف انا
هناء بضيق:حاضر ...على الله ما يكشفناش 😓
كانت تجلس في حضنه تأكل تلك الفاكهة و هي تنظر إليها بشغف بينما يطالعها هو بشغف مماثل ..فجأة تذكرت شيئا فإلتفتت نحوه و قالت باسف : انا نسيت ما ادتكش من المانجا و قربت اخلصها ! 😥
اقترب من شفاهها برغبة و هو يهمس : كلي بالهناء و الشفاء ...انا عايز اكل من المانجا دي 😋
كان يهم بتقبيلها حين سمعا صوت طرق على الباب
ابتعد عنها و وقف قائلا :مين
دخلت هناء : انا يا بدر ...مش هنروح ! الدنيا هتظلم كمان نص ساعة
قالتها بتذمر بينما تنظر الى حنان
-طب روحي انتي و انا كمان عشر دقائق هحصلك
هناء بإندفاع :بس سنية اتصلت بتقول البت شيماء حرارتها عالية و هي ملخومة لوحدها مش عارفة تنزلها
تنهد بضيق و قال : طب انا جاي حالا روحي انتي
نظرت الى حنان بغل و خرجت
حنان بقلق: الف سلامة عليها ..ابقى أتصل بسلمى و طمنني 😥
-البت كويسة ... انا متأكد انها حجة من سنية ..المهم خلي بالك من نفسك و كلي كويس و ما تنسيش علاجك ماشي !؟
ابتسمت بحب: حاضر ☺️
-و جهزي نفسك بكرة على الساعة عشرة و انا هأكلم ابوي يجيبك عندي و نروح سوا زي ما اتفقنا ماشي ؟!
اقترب من شفاهها و اقتنص قبلة سريعة ثم همس و هو ينظر في عينيها: هتوحشيني لحد بكرة .
خرج من الغرفة فهمست مع نفسها و هي تتنهد بحزن : انت اكثررر 🥺😔
كانت تتقلب مرارا و هي تحاول جاهدة أن تنام لكن
بدون جدوى ... تفكر ما الذي سوف يحدث في الصباح ...من المؤكد أنها لن تستطيع العودة الى خالتها بعد ما فعلته بوالدتها
تنهدت بضيق و اعتدلت في مكانها هي تنظر الى الساعة التي تعدت الثالثة و النصف
مادامت تعجز عن النوم قررت أن تصلي صلاة استخارة فقامت لتتوضأ و عادت لتصلي
انتهت من صلاتها و جلست تقرأ بعض السور لترتاح نفسها الى أن اذن الفجر فوضعت المصحف جانبا و قامت تصلي و ما أن انتهت حتى دعت الله أن ييسر لها طريقها و ان يحدث بعد ذلك امرا ...ثم جلست تقرأ ثانية الى أن غفت
في الصباح
توجهت ام أحمد الى غرفتها و طرقت بلطف لكن لم تجد اي إجابة
فتحت الباب برفق و رأتها و هي تغفو على ذلك الكرسي المتحرك و قد وقع المصحف من يدها
رفعته جانبا و هي تقبله ثم توجهت إليها توقظها بحنان بالغ
-أميرة ...اصحي يا بنتي كدة رقبتك هتوجعك.. امييييرة
غمغمت أميرة بفزع : اوعا ...لاااا.. ابعد عنهم ...لااا
قالتها أميرة ثم استيقظت بفزع و هي تتصبب عرقا و قلبها يخفق بشدة
أم احمد : بسم الله الرحمن الرحيم ده أكيد كابوس يا بنتي
اتعوذي بالله من الشيطان الرجيم
قامت أم أحمد تعطيها مياها بينما قالت أميرة بانفاس متسارعة كأنها تهرب من احدهم :أعوذ بالله من الشيطان الرجيم... يا ساتر !! ايه الكابوس ده !! 😱😰
-اهدي يا بنتي و اشربي مية ..ده مجرد كابوس
أميرة بخوف و دموع : مكانش كابوس عادي ..أنا شفت عقربين محاوطين ياسين عند طريق جبل و هو بيحاول يتخلص منهم و يعدي من غير ما حد فيهم يلدغه بس مش عارف يعدي. .
و فضلوا يقربوا منه و هو يرجع لورا و يرجع لحد ما شافني من بعيد و انا ببص عليه ..لحظتها ابتسم لي و وقع من أعلى الجبل يا خاااالتي 😭
-هسسسس ...كفااااية عياط ما قلنا اضغاث احلام يا بنتي ...دي من الش"يطان...مفيش حاجة هتحصل اهدي و خذي اشربي
امسكت الكوب بإرتجاف و هي تقول
-خايفة يكون في خطر بسببي يا خالتي 😓🥺
-ما تخافيش يا بنتي " لن يصيبنا إلا ما كتب الله لنا
أميرة بقلق : و نعم بالله 😓
بينما تشرب أميرة قالت أم أحمد بدهاء
-على فكرة لما الوحدة تحلم بشاب ده معناه انها بتفكر فيه
و الحلم بتاعك ده فيه خير كثير ليه
-خير ازاي و انا بقولك وقع من منحدر؟؟ 😥
-ده حلم يعني مش كل حاجة وحشة في الواقع بتبقى نفسها في الحلم ..ما انتي قلتي وقع و هو بيبتسم لك معنى كدة أنه نفد من العقارب
-بس وقع!!
-انتي شفتي وقع فين؟؟ا
-مش عارفة ...بس أكيد مكان عالي 😥
-ان شاء الله خير يا بنتي قومي اغسلي وشك عشان تفطري
-بقولك ايه يا خالتي ...هو صحي ؟؟
-مش عارفة ...ما نزلش من جناحه لسة .. بتسألي ليه ؟؟
-عشان ...عشان هنمشي بعد شوية 😓
-طب ادخلي اغسلي و انا هشوفه...
يجلس في شرفة غرفته منذ ليلة الأمس يدخن سيجارة و ينظر الى الخارج بشرود و قلبه يقول :مش هأكرر غلطة زمان ...لا مستحيل أعيش نفس الموقف تاني 😓
انا لازم اتأكد الاول من مشاعرها
العقل -لا و الله !! مش عايز تكرر غلطة زمان 🙄..اومال دفعت 3 مليون ليه زي ما عملت مع سيدرا زمان ؟ اهو في الاخر هتسسبك زيها بالضبط
،القلب -بس انا حاسس إن أميرة غير سيدرا ...ما تشبهاش في حاجة
العقل -لا كلهم شبه بعض ... ما يغركش الشكل بص للمضمون أكيد هتلاقيهم شبه بعض
القلب -و انت ايش عرفك بالمضمون ؟؟ انت كنت دخلت قلبها ؟؟
العقل -من غير ما ادخل .. واضحة ...وحدة جاية متغربة لوحدها أكيد مش جاية عشان تحبك 🙄
القلب -لا ...انا حاسس انها بتبادلني الشعور ...محتاج اتاكد بس و ساعتها هاصارحها بكل اللي جوايا
العقل -يبقى استنى كمان شوية ...هتعترفلك هي انها بتحبك. ... و هي بتمضي على ورقة الطلاق ...🙄
نفخ دخان السيجارة بغضب و رماها ارضا
-لا مستحيل اطلقها ..مستجيييييل 😤😓
-هتطلقها و رجلك فوق رقبتك ...انت ما تقدرش تغصبها تعيش معاك...يا بني أدم افهم ...الحب مش بالعافية ولا بالفلوس .
صعدت الى غرفته و طرقت عدة مرات و أخيرا افاق من شروده وناداها بأعلى صوته: ادخلي يا أم أحمد
دخلت الى الجناح و كان سريره مرتبا كما هو
خرجت الى الشرفة و كان لا يزال يرتدي نفس ثياب الأمس و حاله مزرية فعلمت إنه لم ينم
-صباح الخير يا ابني
-صباح النور يا خالتي 😓
قالها ياسين بتعب بينما ينظر الى البعيد
نظرت الى الارض و صدمت من كمية اعقاب السجائر الملقاة أرضا ثم التفتت اليه بحزن على حاله: ايه اللي انت بتعمله في نفسك ده يا ابني ...انت عمرك ما شربت سجاير كدة ايه اللي جرالك ..
-مفيش يا خالتي ...تعبان بس و كنت محتاج حاجة اطلع فيها اللي جوايا
أم احمد بعتاب: و انا رحت فين يا ابني .. ما تفضفضلي بدل ما انت قاعد بتحرق في صدرك بدخان السجاير اللي بيضرك اكثر ما بيساعدك
-ايه فايدة الفضفضة يا خالتي 😓...انتي سمعتي قالت ايه امبارح ...هو فيه كلام تاني بعد كدة ؟؟
-طب ما تعترفلها باللي جواك و تريح نفسك و تريحها بدل ما انتو الإثنين قاعدين بتعاندو في بعض
صمت ياسين و لم يتكلم
-طب اجيبلك لقمة تاكلها ؟؟
لا رد
بقيت أم أحمد تطالعه بينما كان ينظر بشرود الى احدى الاشجار الباسقة و هو يرى عصفورين يتغازلان على ذلك الغصن البعيد ...
كانت ستنهض بيأس لكنه بدأ فجأة يتكلم و هو يتذكر الماضي البعيد
إسمها سيدرا .. بنت خالتي زينب ...هي السبب في كل اللي انا فيه ده 😓 😔
بارت 62 🔥
اسمها سيدرا ...بنت خالتي زينب ..هي السبب في كل اللي انا فيه ده..هي السبب في اني بقيت اكبر ميلياردير في كندا ..
هي السبب في انعدام ثقتي بالناس ...
هي السبب في اني فضلت لحد دلوقت من غير جواز 😓
هي السبب في اني مش قادر اقرب من أميرة خطوة زيادة 😔
ام أحمد بتعجب : بتقول خالتك ! انا اعرف زينب من بعيد و اعرف المرحوم جوزها شريف بس اللي أعرفه إن عندها ولدين بس عادل و ممدوح ! ما اعرفش إن عندها بنت !
-دي بنت جوزها التاني مش المرحوم أبو عادل ..خالتي بعد ما اخذت حصتها من الميراث اتجوزت تاني و خلفت بنت ...
اتنهد بحزن و اكمل : على فكرة الحكاية دي محدش يعرف عنها حاجة ولا حتى خالد صديق عمري ...و مكنتش اتخيل ان ممكن يجي يوم و أحكي لحد على الموضوع ده
لأنه كان اسود نقطة في حياتي ..الماضي اللي متمني أدفع كل ثروتي مقابل اني امحيه من ذاكرتي
أم أحمد بتعجب :يااااه للدرجة دي !!
-و اكثر يا خالتي 😓
-عملت ايه يخليك تتمنى كل ده يا ابني 🥺
ياسين : هاحكيلك عاللي عملته خالتي الاول و بعدها هتفهمي ان اللي عملته بنتها كان متوقع انا بس اللي كنت عايز أخذ على قفايا وقتها ...
-لا يا ابني ما تقولش كدة على نفسك
-عادي ...كلنا بنغلط مش كدة !! انا بس كنت صغير و متهور و ماشي بمشاعري و الغلطة دي كلفتني كثير ...
-سامعاك يا ابني ما تكتمش في قلبك ..فضفضلي يمكن ترتاح من ثقل الماضي اللي كاتم على صدرك ده !
ياسين بحزن: الجدع اللي اتجوزته خالتي طلع نصاب ..
بعد ما عملتله توكيل لحسابها في البنك اخذ كل فلوسها و بنتهم و سافر و سابها
والدتي ما هانتش عليها اختها تتلطم فكانت بتبعثلها فلوس كل شهر عشان مصاريف ولادها
خالتي كل مدة مطالبها كانت بتزيد بس ماما عمرها ما رفضتلها طلب و كانت دايما بتقول لبابا دول يتامى ناخذ ثوابهم و عشان ربنا يكرم ابننا و يحفظه من كل سوء
أم احمد بحزن: الله يرحمها طول عمرها طيبة و كريمة
ياسين :بعد ما اهلي اتوفوا انا كنت منهار و مش قادر افكر في حاجة او افتكر حد.. و طبعا خالتي بقت عالحديدة ... تعمل ايه بقى ! طلبت ابعثلها طيارة و جات لحد عندي و قعدت يجي اربع شهور قال ايه تعوضني عن غياب أمي و حنانها
بعد الاربعة شهور ظهرت نيتها الحقيقية ...
ام أحمد : نية ايه ؟؟
ياسين :قالت ان العز ده كله من حقها هي لإنه بفلوس ابوها أم أحمد بتساؤل :بس اللي أعرفه إن المرحوم محمود كان دافعلها نصيبها و زيادة كمان !
-ده صحيح ....كل اللي كان معانا كان بمجهود ابوي و شقاء سنين من عمره ..المهم
حاولت بكل الطرق القانونية و لما فشلت انها تثبت الكلام ده لعبت على حبل تاني قال ايه الفلوس و الشركة بتاعة اختها و هي من حقها تورثها بس القانون بيقول ان كل حاجة بإسم بابا الله يرحمه و كان معاي اوراق بيع و شراء لنصيبها في الشركة الاصلية لماما و كمان اوراق بيع من ماما لبابا يعني كل حاجة متسجلة في الشهر العقاري بإسم بابا و انتقلت لي بالوراثة و ما عرفتش تجيب لا حق ولا باطل ...
- ايه اللي حصل ؟؟
- رجعت مصر تاني بخيبتها.. و خاصمتني بعد اللي حصل ده مع انها هي اللي غلطت في حقي ...انا طبعا ما هانش علي اسيبها من غير مدخول رغم كل اللي عملته معايا
-أمير طول عمرك طالع لأهلك
-بس طبعا كنت ضد اني ابعثلها مصروف شهري زي ما كانت ماما بتعمل ... ولادها كانوا رجالة قلت يشتغلوا بقى و يصرفوا على امهم ..قمت اشتريتلهم سوبرماركت هناك و كتبته على اسمها بس بشرط اني مش هبعث اي فلوس تانية و هوما وافقوا رغم معارضتها
بعدها بسنتين السوبرماركت فلس و رجعوا للصفر و رجعت لي بلعبة جديدة : سيدرا..
رن هاتف دانيال فإستيقظ بتثاقل و هو يجيب بنعاس
-نعم يا ليو هل هناك جديد؟
ليو بقلق: حدثت كارثة يا دانيال
دانيال بملل-هات ما عندك بدون مقدماتك الغب'ية 😒
-لقد أتصل بي كارلوس يقول ان احدهم التقى بجايكوب و أعطاه معلومات عنا !
انتفض دانيال بقلق :أي معلومات تقصد ؟؟
-لا اعلم . ...لكن أعتقد أن جايكوب يعلم اننا هنا في تورنتو
اخشى ان يبلغ الزعيم
دانيال بتفكير : لا تقلق سأحل هذا الأمر لكن علينا اتمام المهمة اليوم او غدا على أقصى تقدير فلا يمكننا ان نغيب عن مونتريال أكثر ... سيشك خالي بالأمر .
اقفل الخط ثم أتصل مسرعا بجايكوب و لكنه لم يرد
حاول مرارا و مرارا ثم ألقى هاتفه بغضب
-عليك اللعنة يا جايكوب ..لابد انك كنت تث"مل طيلة الليل كالعادة 😤
ارتدى ثيابه و غادر مسرعا و هو يتصل بشخص اخر
-اسمعني يا لوكاس ستذهب الى بيت جايكوب و لن تتحرك من امام الباب قبل أن يستيقظ اريده ان يتصل بي خلال نصف ساعة من الآن هل فهمت؟؟
-حسنا دانيال في الحال
عند ياسين
اكمل بحزن :
بعد سنتين قضيتهم في وحدة مريرة ...رجعت خالتي تعتذر و تقول انها ندمانة عاللي عملته و إن الد"م عمره ما بيبقى مية و و و ...و طلبت اسامحها و جابتلي معاها المرة دي بنتها سيدرا
كانت اجمل و ارق بنت شفتها في حياتي ..عرفت تمثل عليا دور اللطيفة و البريئة بشكل تستحق عليه الاوسكار..
سيدرا عاشت مع ابوها من لما كان عندها سنتين بس بعد ما كبرت إختارت ترجع لأمها او بالاحرى بعد ما ابوها خسر كل الفلوس اللي سرقها من خالتي في القمار و الخ"مرة و المشاريع الفاشلة و طبعا بعد ما سألت وعرفت ان أمها بقى معاها فلوس و سوبرماركت
هي أصغر مني بسنة و نص يعني أنا وقتها كنت نجحت في الثانوية العامة و دخلت الجامعة و هي كانت 17
طبعا امها هي اللي اقنعتها تلف عليا عشان ياخذو مني كل حاجة و يبقوا اغنياء
و رغم اني مكنتش غبي و كنت فاهم ان خالتي جايباها عشان تنفذ خطتها و تاخذ اللي معايا بس انا وقتها من كثر الوحدة و الإنهيار من مشاكل الشغل و الدراسة و ضغطهم كنت وصلت لدرجة خلتني اوافق على استعباطي و استغلالها ليا بمزاجي ...لإني كنت محتاج حنان و اهتمام اكثر من اي وقت ...كان ناقصني حب في حياتي
كنت حاسس اني بأغرق و سيدرا كانت هي القشة اللي اتعلقت بيها عشان أعيش.. كنت شايف انها مختلفة عن امها...نقية و حساسة
صارحتني ان امها طلبت منها تخليني احبها و قالت انها مكانتش موافقة في الاول بس هي ارغمتها بس ده كان من ضمن خطتها
لعبت عليا دور الضحية و صدقتها ...و شوية شوية اتعلقنا ببعض اوي قضينا ثلاث اشهر عشت فيهم احلى ايام عمري و عوضتني عن حنان أمي و حب ابوي ...كان نفسي اخبيها عن عيون الكل مخليش حد يشوفها غيري
اعترفتلها بحبي و مشاعري اللي كانت فاض"حاني ...و اعترفتلي هي كمان انها حبتني ..المشكلة الوحيدة اللي كانت بيننا هي انها كانت متحررة زيادة ..مكانتش راضية تتحجب ..فهمتها اني بغير عليها و على اساس إنها اتفهمت غيرتي و لبست دريس اي كلام بس تصرفاتها كانت غريبة عن تفكيري ...و كنا بنتناقش على حاجات كثير انا يقولها غلط و هي شايفاها صح ...بس قلت مش مهم كل ده الاهم انها بتحبني...بعد الجواز هتبقى تتعود عليا و تعمل اللي انا عايزه و تكبر و تفهم الصح من الغلط ...في الاخير هي اتربت بدون أم مع اب خمو"روحي ..اديتها اعذار كثير و بررتلها كثير عشان مكنتش عايز اخسرها
خلصت الفيزا بتاعتهم و رفضت ترجع مصر و تسيبني
و بصراحة انا مكنتش متخيل حياتي من غيرها و ما صدقت انها فضلت هي و خالتي عندي
بعدين قالت مش عايزة تقعد من غير شغل زهقت من القعدة فتحتلها محل ملابس نسائية من ماركات عالمية و كتبته على اسمها و خلتها هي تعين فيه اللي تختارهم
طلباتهم كانت بتزيد يوم عن يوم..مكنتش عارف بتعمل ايه بالفلوس دي كلها و كل مرة بتقول عشان المحل و عشان تفتح فرع تاني و عشان اكسسوارات و ديكورات بس انا مكانش عندي وقت افتش وراها ...او بالاصح كنت راضي انها تستغلني ..المهم وجودها في حياتي ... ده كان عندي بالدنيا كلها
وصلت في حبها لدرجة اني كنت بفكر اعرض عليها الجواز و انا في اول سنة مكنتش قادر استنى لحد ما اخلص جامعة
في مرة كان عندي صفقة خشب مهمة و كان لازم أسافر لثلاث ايام و طبعا كنت مأمنهم على بيتي و بسيبهم يعملوا اللي هوما عايزينه بصفتهم عيلتي الوحيدة
خلصت الصفقة و ما قدرتش استنى من كثر شوقي ليها و رجعت ثاني يوم بالليل و ليلتها اخذت صفعة عمري
كنت داخل افاجئها و بالمرة نعلن علاقتنا للناس كلها و اول ما تتم 18 نكتب الكتاب و نحدد معاد الفرح
امسك ياسين رأسه بشدة و كان شديد الإحراج و هو يقول : كانت بتكلم واحد فيديو كال... قال ايه مستنية بفارغ الصبر امتى تخلص من المعقد عشان يتجوزو
و انها مش بتكره حد قده ...و اصعب لحظات عمرها لما بتضطر تمثل انها بتحبه عشان ينفذ لها طلباتها
قال اول ما سمعت بسيرة شاب غني و عايش بكندا كانت مستنية تلاقي واحد اوفر و فرفوش ..طلع معقد و محرم عليها كل حاجة...و دي حرام و دي حلال و لازم تصلي. ولازم تلبسي طرحة
قالت انها مستنية بس لما تتجوز المعقد عشان تاخذ منه كل اللي معاه و بعدها تخلص منه في اقرب فرصة و تروح لحبيبها ...حبيبها اللي اتعرفت عليه هناك و شغلته عندها بياع في المحل عشان يتقابلوا كل يوم و كانت بتحوله فلوس اول بأول عشان يبنو مستقبلهم اول ما تخلص من المغفل اللي بيمول مشروعهم...
امسكت به ام أحمد بحنان و مسحت على رأسه
-ما تقولش كدة ..انت سيد الرجالة و عقلك يوزن ذهب انت بس كنت ماشي ورا قلبك زي ما بتقول بس ربنا نجاك منها لإنك بتحبه و مش بتعصيه ...تخيل لو كنت اتجوزتها ...انت عارف قانون الطلاق هنا...كانت هتاخذ نص ثروتك و البيت حتى لو كان من غير سبب ..تقول بس انها مش عايزاك ده كافي ...أحمد ربنا انك طلعت من الابتلاء ده كسبان
ياسين :طلعت نسخة من أمها وابوها سوا يا خالتي ..كانت شيطان في صورة ملاك ....مش عارف ازاي مكنتش شايف الحية اللي جواها.. او يمكن مكنتش عايز اشوفها لاني كنت خايف ارجع وحيد تاني 😭
ربتت أم أحمد على كتفه بحنان : يا ابني الواحد بيتعلم من اخطاؤه صحيح ...بس مش لدرجة أنه يحرم نفسه من متع الدنيا عشان خايف يغلط تاني! ... صوابع ايدك مش زي بعضها و أكيد أميرة مش زي سيدرا...
-عندك حق تقولي كدة يا خالتي ...اصلك ما شفتيش كانت بتعاملني ازاي !! كنت هتحلفي عالمصحف ساعتها انها بتم'وت في التراب اللي بأمشي عليه ..لما أبعد عنها او بتأخر بتقلق و تعيط و أقعد اهديها لما ارجع و أوعدها مش هأبعد تاني و افضل الوم في نفسي اني خليتها تحزن كدة...قوليلي بقى يا خالتي اعرف ازاي بعد كدة اللي بيكذب و اللي بيقول الحقيقة ؟؟؟ اقدر اثق ازاي في أي بنت بعد اللي حصل لي ده !!
وقف و هو ينظر حوله بضياع
انا بعدها حسيت نفسي اغبى واحد في الدنيا ... اتهزيت من جوايا و اتدمرت نفسيا اكثر من صدمتي بموت اهلي
و المصيبة مكنتش قادر أقول لحد عالمقلب اللي حصل فيا ...ازاي قدرت بنت 17 تلعب على مشاعري بالشكل ده... 😓
أم أحمد بضيق :ربنا يسامحها بقى دمرت ثقتك في الناس..
-طبعا هي هربت مع امها عند الوا'طي ده بعدبن باعت المحل عشان ما اعرفش طريقهم
وكانت مستنية أنه يتجوزها ...بس هو اتسلى بيها شوية و اخذ منها كل الفلوس و رماها هي و امها في كندا لقدرهم
امها رجعت مصر و هي فضلت تشتغل في الكاباريهات
انا بعدها ركزت في شغلي جنب دراستي لدرجة اني عملت إمبراطورية اكبر من اللي ابوي سابها لي و قبل ما اتخرج حتى بقى اسمي بيلمع في كل كندا
ضحك بمرارة و اكمل : تخيلي بعد ما اتعافيت و نسيتها رجعت ندمانة و تعبانة و قال ايه عرفت قيمتي و عايزة اسامحها و نرجع زي ما كنا ...!! بعد ما خلتني انسان شكاك معندوش ثقة في حد !! انسان بيركب كاميرات ف كل مكان ! و بيراقب الناس اللي حواليه كلها ! عايش بهاجس الحذر كل وقت و مش بيعرف حاجة اسمها راحة و أمان ..و حب
بنات كثير بتجري ورايا و بتحاول توصلي من وقت الجامعة و لحد دلوقت .. عشان الفلوس طبعا ...الفلوس و بس
ده الي خلاني كرهت صنف البنات اكثر و اكثر
- طب هي فين. دلوقت؟
-بعد ما طردتها رجعت تاني المكان اللي جات منه ...بعدها يشهر عرفت انها ما"تت من جرعة عالية من الهيروين
-ربنا يسامحها بقى دمرتك و دمرت نفسها
-مكنتش اتخيل اني في يوم هأقدر أفتح قلبي من تاني لحد ما قابلتها يا خالتي ...من يوم ما خبطتها بالعربية قلت هي دي اللي انا كنت مستنيها ...بس لما افتكر كل اللي حصلي اشيل الفكرة من دماغي
أم احمد : هون عليك يا ابني ... و الله انت ظالم أميرة .. هي ملهاش ذنب في كل اللي حصلك زمان . ده كان ابتلاء من ربنا ليك ...و انت صبرت و نجحت و يمكن ربنا بعثلك أميرة كعوض لكل اللي عدى عليك ده !
البنت واضح انها بتحبك بس مش قادرة تتكلم لإن كرامتها مانعاها انت بس صارحها و انا متأكدة انها مش هتمشي
-مش قادر اخطي الخطوة دي ...كل ما أحاول اعترفلها افتكر كلام سيدرا ليلتها .. 😓 و ساعتها لساني بيتربط
-بص انت ما تفكرش في حاجة و انت معاها ...خليك على طبيعتك
متأكدة ان طيبتها و برائتها هتنسيك كل ده
-انتي شايفة كدة ؟؟
-انا متأكدة انها البنت المناسبة ليك و انا حدسي عمره ما خاب... يالا يا ابني قوم خذ دش هي مستنياك حاول تمنعها انها تمشي هي مستنية اول خطوة تجي منك انت..خليك قوي و اتغلب على ماضيك
-هأحاول يا خالتي 😓
كانت تهم بالخروج ثم تذكرت شيئا فعادت و هي تقول
-ألا من حق نسيت أقولك ؟؟
ياسين بتعب : ايه يا خالتي
-هي بتقول انها حلمت بيك و الحلم كان بجد غريب !!
-مش فاهم !! حلمت بيا انا ؟؟
-ايوة و ده أصدق دليل انها بتفكر فيك ...بص انا هحكيلك بس عايزاك انت تقولي ايه الحكاية لإني شاكة في تفسيره و محتاجة اتاكد منك الأول
بعد مدة
كانت أميرة في غرفتها تنتظره بوجع شديد ...تعد الدقائق القليلة التي ستفصلهما للأبد
طرق الباب قائلا: أميرة
-اتفضل
-صباح الخير
-صباح الخير
-لو جاهزة خليني اخذك عند الدكتور عشان تفكي الجبس
أميرة ببرود مصطنع: مش عايزة ...خلينا نروح على طول
ياسين بضيق: أميرة من فضلك ...مش عاوز مناقشة دي صحتك مش لعبة و انا اللي اتسببت في وضعك ده مش هسيبك تمشي و انتي متجبسة كدة 😕
أميرة بعناد: و انا مش رايحة على أي مكان تاني ..خلينا نمشي من هنا على طول ... و لو عالجبس ممكن تبعث اي حد يجي يفكه هنا
ياسين بيأس -بس مش هينفع من غير ما نعمل اشعة 😮💨
-انا قلت اللي عندي .🙄
نفخ بضيق و خرج من الغرفة و هو يتصل
-الو دكتورة سوزان هل يمكنك الحضور الى هنا ؟ لدي مريضة بحاجة الى فك الجبس عن ساقها...حسنا انتظرك
اقفل الخط و هو يجز على اسنانه: قال و خالتي بتقول انها مستنياك ..أصارحها ازاي دي و هي بتعاندني بالشكل ده !اووف 😤
دانيال بمزاح : جايكوب !! صديقي !!! انت حقا رجل يصعب الوصول اليه !
جايكوب بتعجب: دانيال !! اخبرني لوكاس انك تريد التحدث معي ؟ خيرا !!
-سمعت بعض الاخبار فقط و أردت أن أتأكد
-من ماذا ؟؟
-مما بلغك
جايكوب بعملية : دانيال من الاخر.. هات ما عندك ..انا اسمعك
دانيال: مئة الف دولار ...ستكون في حسابك بعد نصف ساعة من الآن ...
جايكوب بتساؤل :مقابل ماذا ؟؟
دانيال : مقابل ما عندك .
حضرت الطبيبة و دخلت إلى غرفة أميرة و فكت الجبس عن ساقها ثم فحصتها
الطبيبة : حاولي المشي قليلا ...لنر هل تستطيعين بدون ألم
حاولت أميرة المشي و تمكنت من ان تخطو بضع خطوات بصعوبة
-هل تشعرين بألم في العظم ؟؟
-لا ...ليس ألم ...فقط ...كأن قدمي مخدرة
-هذا طبيعي ..لم تمش عليها منذ مدة و الد"ماء لا تصل الى كل نقاط الساق ...تحتاجين الى بعض الوقت كي تسري الد"ماء في قدمك بشكل طبيعي ...سنحاول ان ننشط الدورة الدموية ببعض الحركات سأعلمها لك الآن اتفقنا؟
اومأت أميرة ايجابا
الطبيبة بإبتسامة: جيد بنبدأ 😊
استغرقت بعض الوقت حتى خرجت من عندها ..و كان ياسين ينتظر بترقب في الخارج مع أم أحمد
ياسين : كيف حالها ؟؟
الطبيبة : انها بخير ☺️ لقد علمتها بعض الحركات كي تنشط دورتها الدموية و تستعيد قدمها حيويتها ..ستكون بخير لكن من الأفضل ان تستعمل عكازا لمساعدة ساقها ☺️
-شكرا لك دكتورة سوزان
-العفو سيد ياسين عن اذنك 😊
نادى بيتر : بيييتر !!
ثم اومأ له ليدفع الحساب للطبيبة و يوصلها خارجا
نظر ياسين الى ام أحمد فقالت : ده الوقت المناسب يا ابني
حاول تتشجع و ما يغركش وش البرود اللي هي حاطاه
متأكدة انها بتتحرق من جواها زيك و أكثر
-حاضر يا خالتي ... هنشوف هترسى على ايه
-هترسى على كل خير يا ابني ..انتو بس محتاجين تتواصلوا مع بعض من غير غموض ولا ألغاز ..تتكلمو بصراحة انتو الإثنين
-هاسمع كلامك يا خالتي على الله ما اندمش
-محدش سمع كلامي و ندم 😊
قالتها ام أحمد بثقة عالية و هي تربت على يده بإبتسامة أعطته بعض الثقة و الأمان فأومأ براحة و كان يهم بالدخول لكنها خرجت اليهم تمشي ببطء و تمسك في كل ما تصادفه أمامها
هرعت أم احمد إليها بينما بقي ياسين واقفا في مكانه يستطلع نظراتها
أم احمد: حمد لله على السلامة يا بنتي
-الله يسلمك يا خالتي ..
-طلعتي ليه ما كنتي ناديتيني و انا جيتلك ..محتاجة أي حاجة ؟؟
-احم ..لا يا خالتي انا بس جيت اودعك 😔
إلتفت ياسين الى الجهة الاخرى وقد رأى انها مصرة على رأيها : انا في المكتب يا خالتي اول ما تجهز ناديني
لم تجد أم احمد كيف تتصرف لجمع هذان الغ"بيان كي يتكلما فقالت بسرعة بديهة :طب مش هتقعدو تفطرو يا ابني ؟؟
قاطعها ياسين بآلية -لا يا خالتي ...أميرة مستعجلة سيبيها براحتها
نظرت أم أحمد الى أميرة برجاء و قالت
-متأكدة يا بنتي !؟ 🥺
ابتسمت أميرة بوجع دفين : ملوش لزوم يا خالتي مش جعانة و زي ما قال ... مستعجلة 😒
توجهت نحو الغرفة بصعوبة بينما تنهدت ام أحمد : لا حول ولا قوة إلا بالله !! بيعملوا كدة ليه بس؟؟ دول ولا العيال الصغيرة 😏😮💨
دخلت أميرة الى غرفتها لجمع حاجاتها و هي تبكي بحرقة
و دخلت خلفها أم أحمد فلم تستطع التحلي بالقوة اكثر و ارتمت في حضنها وهي تبكي بشدة....كيف تقول ان قلبها يحترق لفراقه
كيف تستطيع ان تبوح لها بما يختلج في داخلها من عشق لرجل يحب امراة اخرى
لا فائدة من البوح فلا احد يستطيع إخماد تلك النيران المستعرة في داخلها غيره ...
-بتعيطي ليه بس دلوقت يا بنتي ؟؟
فكرت أميرة ثم قالت : هتوحشيني اوي يا خالتي.. انا حبيتك اوي و ما لحقتش أشبع منك..انتي فكرتيني في أمي بطيبتك و حنانك
ام أحمد بحزن : و انا كمان يشهد ربنا اني حبيتك اوي و حسيتك العوض عن بنتي شوق
مسحت أميرة دموعها و هي تقول بإبتسامة حزينة
-يمكن نتقابل تاني مين عالم !
أم احمد بحزن : طب رايحه فين بس يا بنتي ماتوجعيش قلبي عليكي ؟ ما تخليكي معانا !
في تلك اللحظة دخل ياسين
حاولت كتم دموعها و نظرت إليه فوجدته يقف بجانب الباب ينظر إليها بجمود مصطنع و هو يقول : سيبيها براحتها يا خالتي منقدرش نغصب على حد يقعد معانا
أميرة بوجع: مينفعش يا خالتي .. كتر خيركو واللهِ
ياسين بيه مستحملني عنده لأكتر من شهر و نص .. جه الوقت بقى اني امشي ..عانقتها ثانية و هي تبكي هتوحشيني اوي يا خالتي 😓
لوهلة شعر كأن الكلام و الدموع موجهة اليه هو
احتضنتها ام أحمد بحب: انتي أكتر يا قلب خالتك.. ماتنسينيش يا أميرة
شددت من حضنها قائلة عُمري ما هأنساكي 😭
خرجت من حضنها ووقفت أمام ياسين الِواقف بجمود مصطنع و ينظر في الجهه المعاكسه
في تلك اللحظة خرجت ام أحمد من الغرفة و تركتهما
تقدمت أميرة بتردد و هي تمسك بالكرسي الموجود امامها :انا باشكرك على كل حاجة عملتها معاي و اتمنى تسامحني على كل اللي حصلك بسببي.. 😔
ياسين :لا رد...
فقط كان يحاول الا ينهار و يظهر ضعفه امامها
كانت تنتظر اي اشارة منه لكن صمته كان الضربة القاضية لها
أكملت أميرة بصعوبة بينما تهم بالذهاب ناحية السرير لجلب حقيبتها : و اعتذر لخطيبتك بالنيابة عني... كان زمانكم كتبتو كتابكم لولا اللي حصل معايا ده 😣
لحظتها نظر إليها ياسين بدهشة: خطيبتي !! خطيبتي مين ؟؟
أميرة بحزن: ليليان طبعا😔..هو انت عندك خطيبة غيرها😒
يعني معقولة فاكراه خاطب !! هو ده السبب !!
امسكها من يدها و قال بدهشة - بس ليليان مش خطيبتي !! دي كانت لعبة بس عشان اوصل للي كان وراها !!
أميرة بتعجب اقرب للصدمة: لعبة ايه و وراءها ايه ؟؟مش ..مش فاهمة !! 😳
ياسين بلهفة : دي..دي حكاية طويلة و معقدة .. المهم انا عمري ما ربطتني علاقة بليليان !
توترت أميرة و نظرت الى الارض بإحراج : احم ..طب ربنا يبعثلك بنت الحلال 😥
كانت تهم لالإبتعاد عنه و افلات يدها من يده الممسكة بها بشدة لكن رجلها إلتوت و وقع الكرسي الذي كانت تستند عليه كادت أن تقع و فجأة و بحركة سريعة وجدت نفسها بين احضانه
التقت عيونهما ببعض فنظر اليها بحب قائلا : طب يبعثلي ليه ماهي قدامي و بقت مراتي !
سرحت أميرة للحظات في عينيه ثم افاقت من شرودها و حاولت التملص من قبضته و قالت بحزن و هي تشيح بنظرها عنه: بس جوازنا باطل..و لو فاكر هنتطلق النهاردة 😔
اعادها الى حضنه ثم أمسك وجهها و اجبرها على النظر اليه ثانية و هو يلتصق بها
-بس انا مش عايز اطلقك.. بصيلي في عيني و قوليلي انك عايزة تتطلقي و ساعتها هانفذلك طلبك على حساب قلبي
نظرت الى عينيه بحزن كبير و لم تستطع الصمود امامهما لوقت اطول و سرعان ما تجمعت الدموع في عينيها و أومأت بالرفض و هي تبكي
في تلك اللحظة شعر ياسين بانه قد ملك الكون بين يديه لم يستطع كبح رغبته و اندفع نحو تلك الشفاه يلتهمها في قبلة شغوفة احرقتهما من شدة لهفته...
لم تستطع مقاومته فقد كانت تحترق اكثر منه شوقا لقربه و خوفا من فقدانه ..استسلمت أخيرا لتلك المشاعر و اطلقت العنان لها و هي بين احضانه تبادله قبلته الساحرة بشغف مماثل
ابتعد عنها كي يلتقطا انفاسهما و هو يقول : أميرة انا بحبك و ما اقدرش اتخيل حياتي بعيد عنك ...ارجوكي ما تمشيش و تسيبيني....انا ما صدقت لقيتك
لم تجبه لكنها ارتمت بداخل احضانه تلتمس الأمان بداخله و هذا كان أقوى رد على موافقتها على طلبه
نظر إليها ياسين بنظرات عاشق ثم وضع جبينه على جبينها قائلا : يعني انادي المأذون عشان نتمم الجواز ؟؟
ابتسمت وسط دموعها قائلة :موافقه... بس ..أهلي و خالتي! ده بابا ...
احتضنها بحب قائلا :هسسس ..ما تفكريش في حاجة دلوقت
أنا معاكي وانتي معايا ودا الأهم
أخذها في حضنه و اجلسها على السرير برفق
أميرة : بس بشرط
اومأ ياسين بتعجب: شرط ايه ؟؟
فأكملت : عايزة خالتي و جوزها يحضروا كتب الكتاب ...جوز خالتي هيكون هو الولي بتاعي
ياسين بدهشة: بعد كل اللي حصل منهم !!
أميرة بإصرار : بالذات عشان اللي حصل منهم... ابوي هددني بسببها مش عارف إني هربت لإنها بلغت عني ..هي لازم تجي تشوف بنفسها و تعرف اني ما اتجوزتش و مستحيل اتجوز لوحدي ..و زي ما خربت العلاقة ما بيني و بينهم هي اللي هنصلحها
ياسين بإبتسامة: اللي يريحك هأعمله ☺️ حاضر هأتصل بخالد و أخليه يجيبهم النهاردة
أعادها الى حضنه ثانية كأنه لا يصدق أنه أخيرا افاق من ذلك الكابوس المرعب ...
في مصر
استيقظت فاطمة باكرا مع اذان الفجر و هي تمسك في قلبها بفزع و تنهج بشدة مرددة : الله اكبر ..الله حق
فإنتبه رجب و قام بتخوف:خير يا رب.. فيكي ايه يا فاطمة !!
فاطمة ببكاء : بنتي يا رجب...بنتي بريئة ..كنت عارفة ان بنتي مظلوومة 😭
رجب بضيق : ايه الكلام ده عالصبح يا ولية 😒
فاطمة ببكاء: انا حلمت بيها يا رجب ...شفت بنتي طالعة من محكمة و هي بتبتسم.. . و شايلة في ايدها صندوق خشب كبير ادتهولي و كان مليان فلوس و قالتلي شفتي ربنا رجعلي حقي ازاي يا ماما ؟؟ دي بركة سورة الفتح اللي علمتيني اقراها كل يوم ☺️...
اندست في حضنه و أكملت بحزن : بنتي اتظلمت يا رجب 😭 و لإنها طيبة وبتخاف من ربنا فهو مش هيرضى عليها بالظلم و أكيد هينصرها عاللي ظلمها و يرجعلها اعتبارها
رجب بتذمر: ايه الكلام ده يا فاطمة ده مجرد حلم استهدي بالله و بطلي عياط بقى ! ما انتي كل شوية تحلمي بحاجة ! هي كانت اول مرة يعني 😒🤨
-لا مش حلم يا رجب دي رؤية واضحة..انا متأكدة ...بدليل انها جابت سيرة سورة الفتح اللي معوداها تقراها كل يوم
رجب بتفكير :طب ايه اللي يخليكي متأكدة انها مظلومة
-انا اعرف تفسير المحكمة ..لو شفت اي حاجة منها القاضي الميزان القاعة فده يدل على العدل و نصرة المظلوم ...و الصندوق الخشب المليان فلوس معناه خير كثير جايلنا عن طريقها ...انت بس قول يا رب يا رجب و اصبر عشان نفهم اللي حصل
هز رأسه بإستسلام و قال : أنا عمري ما اتخيلت انها تعمل حاجة غلط .. صحيح كلام اختك خلى الد"م يغلي في عروقي وقتها
بس كل ما افتكر ان دي أميرتي ... تربيتي... افكر تاني و أقول فيه حاجة غلط ... اختك مش قايلالنا كل الحقيقة ... دي أميرة اللي كانت بتصحيني للفجر لما تروح عليا نومة ...أميرة اللي بتقعد معايا نقرا الورد سوا كل ليلة عشان ما أكسلش ...اللي تجي تأخذ التلفون من ايدي و تجيبلي المصحف بداله عشان نحفظ سوا ..ازاي تهرب و تتجوز واحد من غير علمنا ؟؟
-بنتي مش كدة .. أكيد حصلت حاجة تانية 😓
-عشان كدة انا استلفت مبلغ من عند واحد صاحبي و ناوي اسافر بنفسي هناك اعرف الحقيقة ...اختك مستحيل تحكيلنا الا اللي هي عايزاه
بعد مدة خرج ياسين و أميرة و هو يمسك بيدها بحب يساعدها على المشي
رأتهما ام أحمد و قد تفتحت الورود في وجهها من جديد و كان هو مبتسما بسعادة تلتمع في عينيه العاشقتين فعلمت انه قد فعلها أخيرا
ابتسمت بحب و تقدمت نحوهما فقال ياسين بلهفة
-خالتي احنا واقعين من الجوع يا ريت تجهزيلنا الفطار بسرعة
غمغمت ام أحمد بإبتسامة ماكرة : من الجوع بس ؟؟ 😁
اطرقت أميرة برأسها خجلا بينما غمزها ياسين قائلا بحماس
-اعملي حسابك يا خالتي أميرة هتساعدك عشان نلحق نجهز كل حاجة قبل المعازيم ما يجو
ام أحمد بتصنع البلادة -معازيم ايه و نجهز ل ايه ؟؟😕
-كتب كتابنا يا خالتي 🥰
-و الله !!! ألف مبروووووك يا ابني ..الف مبرووووك يا بنتي ☺️🥰 لايقين لبعض بجد ..يا ريتني أعرف ازغرط و انا كنت قلبت القصر
زغاريط من هنا لبكرة الصبح 🤩
احتضنتها أميرة بحب قائلة : تسلميلي يا خالتي ولا اقولك ! انا من النهاردة هقولك يا ماما لو تسمحيلي ☺️
أم احمد بدموع فرحة: الا تسمحلك !! ده انا يشرفني تكوني بنتي ☺️
ياسين بتصنع الزعل:يبقى انا مش أقل منها ...انا كمان من النهاردة هقولك يا ماما
أم احمد ببكاء: ده يبقى يوم المنى يا ولاد
احتضنتهما بحب قائلة : ربنا يخليكو لبعض و يحميكو و يبعد عنكو ولاد الحرام
-يا رب يا ماما..يالا على ما الفطار يجهز انا هأعمل اتصالاتي
قالها ياسين و تركهما و خرج مسرعا
كان خالد في طريقه الى اوتاوا حين رن هاتفه
وضعه على مكبر الصوت و أجاب
-صباح القشطة على الناس اللي مش عارفة تعترف بحبها
-قال يعني انت احسن مني ..ما انت كمان طلعت عينك على ما اعترفت لسحر
-بس عملتها..و ادينا هنقرا فاتحتنا الأسبوع الجاي 😁 الدور و الباقي عليك يا صاحبي 🙄
ياسين بضحكة: اومال انا اتصلت بيك ليه ؟؟
خالد ببلاهة: ليه!؟ 🤨
-قل لي انت فين الاول ؟؟
-انا في طريقي لاوتاوا ..ليه ؟؟
-فين بالضبط يعني ؟؟
-يعني ..طلعت من مونتريال بقالي ربع ساعة كدة
-أنا هاطلب منك خدمة يا صاحبي .. بس الاول تلف و ترجع حالا
-ارجع ايه انت عايز كرم يحر"ق ام المصنع على أم المكن 😕 !! ده كل يوم يتصل يرغي و يشتكي زي العيال الصغيرة 😏😂
ضحك ياسين قائلا: سيبك من كرم انا هابقى أتصل بيه و افهمه يعمل ايه لحد ما ترجع...المهم تنفذ اللي اطلبه منك
خالد بإستسلام : حاضر يا صاحبي ...ايه المطلوب مني المرة دي
-تروح بيت حماك و تجيبهم معاك على تورنتو ...كتب كتابنا انا و أميرة النهاردة بس عايزاهم يحضروا و شارطة يكون جوز خالتها هو وليها الشرعي
خالد بتعجب: انت قلت كتب كتابكم !!! و النبي انت واحد باي"خ و بارد و ما عندكش دم!
ضحك ياسين : ليه ؟؟
- يعني انا اول ما اعترفلها أتصل بيك و احكيلك على طول !! و انت تعترفلها و تتفقوا على كتب الكتاب و مين الولي و بقالك ساعة عمال بترغي على دماغ أمي و ما تقوليش على خير زي ده الا دلوقت !!! صحوبية ايه دي يا جدع !! 😤 لا و فوق كدة هتكتب كتابك قبل مني 😮💨😓 اخص عالمرجلة 😤
ياسين بضحك: طب ما تزعلش مهو انا كدة كدة كنت هقولك و مكنتش هأرضى اكتب كتابي من غيرك اومال مين عيشهد معايا!؟
خالد بزعل: لا ما تحاولش انا زعلت
-طب انا عندي اقتراح حلو اوي هيعجبك و ينسيك الزعل
خالد بملل: ايه 😒
ياسين : انتو هتكتبوا كتابكم معانا النهاردة و الفرحة تبقى فرحتين 🥰
يتبع بقلمي آلاء إسماعيل البشري 🔥
يا رب تعجبكم الحلقة ..أخيرا اتجمعوا الحبايب مش فاضل غير ايهاب و دانيال و نشوف هيحصل ايه بعد كدة
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق