expr:class='data:blog.languageDirection' expr:data-id='data:blog.blogId'>

رواية فتاة بالنقاب تجملت الحلقه التاسعه والعاشره بقلم الكاتبه مريم محمد حصريه وجديده


رواية فتاة بالنقاب تجملت الحلقه التاسعه والعاشره بقلم الكاتبه مريم محمد حصريه وجديده 


رواية فتاة بالنقاب تجملت الحلقه التاسعه والعاشره بقلم الكاتبه مريم محمد حصريه وجديده 

أنتهت الاجازه بعد طلعت النتيجه الاول وكان البنات جايبن درجات حلوه جدا ومن اوائل الدفعه والكل فرحان بهم واليوم أول يوم في الترم التاني لهم وأحمد بقي يروح يحفظ قرآن مع سلمان ومنتظم بقيام الليل.

خرجت سلسبيلا من غرفتها وقبلت رأس والدايها والقت عليهم السلام وخرج سلمان وفعل مثلها وجلسوا يفطروا
سلسبيلا ميلت علي سلمان وقالت بغمزه: ايه الكارزما دي علي الصبح
سلمان بفخر مصطنع: من يومي يا حبيبتي بس انت مش بتشوفي دا اخوك قمر
سلسبيلا بضحك: كافيه تواضع بالله كفايه انت متواضع جداً
سلمان بضحك: أومال هوا انا في زي يلا ياختي لو خلصت اتجري قدمي خليني اوصلك
ـــــــــــــــــــــــــــــــــــــــــــــ
وصلت سلسبيلا وأماني الجامعه بعد ماوصلهم سلمان وقابلوا اروي ونور علي الباب وسلموا علي بعض
سلسبيلا وهي تحتضنهم: واحشتوني اوى اوى اوى اوى (مش عارفهسلسبيلاحاضنتهم كلهم ازاي مره واحده بس بتحصل هههههه) 
البنات: وانت اكتتتتتتر
اروي: بنات انا معايا الجدول اخته من ابيه أحمد أمبارح
سلسبيلا: أشجني عندنا مين اول محاضره
أروي: مش هتصدق
سلسبيلا: ليه  يعني
اروي: عندنا أحمد أخويا
سلسبيلا: عااااااااااا ليه كدا هوا هيدرس لنا الترم دا كمان مش كفايه الترم اللي فاتت والتعامل معاه صعب اصلا
اروي: هوا انت بتتعاملي معاه اصلا او بتكليمه
سلسبيلا: بالله طب مش فاكره يوم البحث كان هيجلي جلطه وكان زمانكم بتترحموا عليا
البنات كلهم: هههههههه انت فصيله
أحمد كان قريب منهم واتعصب جدا من كلام سلسبيلا وغروره كان عايز يروح يقتلها بس حاجه جواه بتقوله لا
البنات دخلوا المحاضره واحمد دخل وراهم وقفل الباب
أحمد: السلام عليكم صباح الخير أنا الدكتور احمد وبكل غرور أظن غني عن التعريف هدرسلكم الماده زي الترم  اللي فاتت كان بشيد علي أخر كلامه ويبص لسلسبيلا وبدأ الشرح
أروي: صحيح أحمد لما اتقدملك عملتله ايه
سلسبيلا باستغراب: ليه
أروي: أصل من يومها وهو بيصلي الفجر حاضر
سلسبيلا ابتسمت من تحت نقابها وعلمت انه بدأ يقيم الليل ودا اللي هيغيره
سلسبيلا: ولا حاجه
اروي: بجد
أحمد ضرب الترابيزه اللي قدامه بكل عصبيه: هوا أنا مش منبه قبل كدا كلام جانيبي ممنوع الانسه المنتقبه واللي جنبها قولوا لي كنت بقول ايه
قامت سلسبيلا وأروي وسلسيبلا كانت محرجه جدا سلسبيلا جاوبت كانت فاكره شويت كلام لحد ما اروي قالت لها ان أحمد صلي الفحر حاضر وبعد كدا معتش فاكره حاجه: حضرتك يا دكتور كنت بتقول...............  قالت اللي فاكراه وسكتت
أحمد كان سعيد انها سكتت وقال كدا هي مش عارفه وهيطلع غيزه فيها لان متعصب منها من ساعة ماسمعها بتتكلم مع البنات
أحمد بمكر: سكت ليه
سلسبيلا بذكاء: أنا سكت لاني جاوبت نص الإجابه وصديقتي تجاوب الباقي
اروي نغزتها وقالت: اه يا ندله ماشي تتردلك ههههههه
أحمد بإعجاب من ذكاءها: اقعد انت جاوبي يا أنسه
أروي كملت بكل براعه: حضرتك قولت يا أبيه اااا قصدي يا دكتور...............
أحمد بغضب وصوت عالي: اقعدي انت كمان ولو سمعت صوت تاني وانا بشرح هتشوفو وش تاني والكلام للكل مش بعامل عيال في كيجي أنا فاهمين
القاعه كلها خوفا من صوته الغاضب: حاضر يا دكتور
.............................
البنات انتهوا من المحاضرات وراحوا المسجد لان عندهم درس
المعلمه: السلام عليكم ورحمة وبركاته عامين ايه يا سكرات
جميع من في الحلقه: الحمدلله يا معلمتنا اخبار حضرتك
المعلمه: بخير والحمد لله
بسم الله والصلاة والسلام عليه رسول الله اللهم صلِّ وسلم وبارك على سيدنا محمد وابشروا ببشارة رسول الله صلى الله عليه وسلم ما اجتمع قوم في بيت من بيوت الله يتلون كتاب الله ويتدارسونه بينهم الا نزلت عليهم السكينه وغشيتهم الرحمه وحافتهم الملائكه وذكرهم الله فيمن عنده أما بعد هتكلم اليوم عن المقاطعه أحنا كلنا لازم نقاطع المنتاجات اللي متعاهده مع إسرا. ئيل أحنا مش نروح ندفع لهم فلوس وهما يروحوا يصنعوا بلفوس دي أخواتنا ويقتلوهم وتجي تكلمي البنوته تقولك يعني الخمسه العشره العشرين الخمسين المئه بتاعتي هتعمل ايه اتخيل دلوقتي حبيبتي انت تحط خمسه وانا خمسه وهي خمسه وهي خمسين وهي مئه طبعا هنعمل مبلغ ويروحوا يقتلوا فيهم وبصراحه انا شايفه اللي مش بيقاطع دا انسان معندهوش احساس بعيدت عن الدين بس معندهوش رائحة الدم
يلا أنا هدعي وانتوا امينوا ورايا
*🇵🇸🇵🇸🇵🇸🇵🇸*
المهلمه:*اللهم انصر أهل غزة وثبت أقدامهم*
الجميع: أمين
*المعلمه: اللهم احرسهم بعينك التي لا تنام*
الجميع: أمين
المعلمه:*اللهُم كُن لهم عونًا ونصيرًا*
الجميع: أمين

*المعلمه اللهم بدّل خوفهم أمنًا*
الجميع : امين
المعلمه: اللهم اجعل لأهل غزه النصرة والعزة
الجميع: أمين
المعلمه: اللهم إنا لا نملك لغزة إلا الدعاء فيارب لا ترد لنا دعاء ولا تخيب لنا رجاء
*اللهم بردًا وسلامًا على غزة وأهلها ياربِّ  ..*
*احفظ غزة وأهلها.*
الجميع: اللهم آمين
المعلمه: سبحانك اللهم بحمدك اشهد ان لا إله إلاّ انت واستغفرك واتوب اليك
يلا علشان هنقسم الحلقات......... وانت يا سلسبيلا أماني عندها اختبار قرآن كامل شفوي متشابهات أسألها عايزك تتوصي بها هاها وخلصي وتعالي لي بقا علشان عندك اختبار علي الي عمران وانتوا الاتنين عليكم اختبار تحريري
سلسبيلا وأماني بطاعه: حاضر يا معلمتي
سلسبيلا بتقلد أماني بشر مصطنع: هطلع عليك كل اللي بتعمليه فيا هاهاهاها
أماني بضحك: قلبك اسود لسه فاكره
وبدأت سلسبيلا تسأل وأماني تجاوب ببراعه
انتهوا من الحلقه واروي السواق جه خدها وسلمان اخد سلسبيلا وأماني
........................
في السياره سلمان
سلمان عمال يستغفر وسرحان وسلسبيلا بتكلم فيه وهوا مش سامعها بالاحري سرحان
سلسبيلا: سلماااااااااااااااااااااااان
سلمان فاق بخضه وتمالك نفسه وهو يحاول يتفادي السياره وكان هيخبط في شجره واكن مرت علي خير
أماني وسلسبيلا بيتشهدوا: أشهد أن لا إله إلاّ الله واشهد أن محمدا رسول الله
سلمان لف لسلسبيلا بغضب: حد يكلم حد كدا ها ردددددددي
سلسبيلا مصدومه لانهم كانوا سيموتوا بسببها وتبكي بحرقه
أماني خضن سلسبيلا:  أهدي يا بشمهندس عدت علي خير مش شايف هي مرعبه ازاي الاحسن  تطمانها وهي كانت بتكلم حضرنك وحضرتك مش سامعها
أماني حصنت وهي تربط علي سلسبيلا: أهدي يا حبيبتي حصل خير أهدي
وصلوا البيت
سلمان اخد اخته في حضنه: أحسن دلوقتي
سلسبيلا بدموع: أنا أسفه والله مكانش قصدي كنت بكلمك وانت مش سامعني ولاني متعوده اعمل كدا فمجاش في بالي دا يحصل كنت هموتكم انا م...
سلمان بمقاطعه: هشششششش حصل خير خلاص المهم ماما وبابا مش يعرفوا علشان مش يقلقوا
سلسبيلا بطاعه: حاضر
سلمان: خلاص بقا اضحك واداها شكولاته وقال كنت جايبهالك
أخدتها سلسبيلا وشكرته وقبلت جبهته
سلسبيلا: هدخل اذاكر لحد العشاء ولعدين اصلي وانام ولو ماما سألت قول لها اكلت مع أماني والبنات
سلمان: تمام تصبحي على جنه
سلسبيلا وانت من أهلها
دخلت سلسبيلا فعلت ما قالت ولكن قبل العشاء رن هاتفها وكانت أماني
أماني: السلام عليكم ورحمة الله وبركاته
سلسبيلا: وعليكم السلام ورحمة الله وبركاته
أماني: عامله ايه أحسن دلوقتي
سلسبيلا: الحمدلله بس أماني بالله ما تقول لتيتا علشان متقلقش
أماني: لا طبعا مش هقولها
سلسبيلا: تمام وقعدوا يرغوا لحد ما سمعوا صوت العشاء وذهبن الصلاه
...........................
دخل أحمد الشركه وذهب لمكتب سلمان ولم يجده استغرب لان ظي أول مره يتأخر ذهب مكتبه وطلب السكرتيره
أحمد: سلمان لسه مش وصل
السكرتيره: مستر سلمان لسه مش وصل
أحمد: تمام لما يجي خليه يجلي
السكرتيره: حاضر يا فندم تأمر بحاجه تاني
أحمد: اتفضل انت
........................
دخلت سلسبيلا المطبخ وكانت عائشة تحضر الفطار
سلسبيلا وهي تحضن والداتها: ايه الروايح الجميله دي يا عائش
عائشة: انت احلي يا روحي يلا روخي صحي اخوك اول مره يتأخر في النوم ومتعمليش مشاكل وانت بتصحيه ها
سلسبيلا ابتسمت بمكر واتكلم ببراءة مصطنعه: حاضر يا عائش
دخلت اوضة سلمان
سلسبيلا: سلمان سولي حبيبي يلا قوم
سلمان بملل: بس عايز انام
سلسبيلا بمكر: أخذت الماء ودلقته علي سلمان
سلمان قام بخضه: في ايه ايه اللي بيحصل البيت بيغرق
سلسبيلا ماسكه ضحكاتها بالكاد وسلمان بصلها بغضب وقام يجري وراءها وهنا سلسبيلا اخرجت كل ضحكاتها
سلمان هو يجري وراءها: خدي يا بت تعالي هنا
سلسبيلا وهي بتجري: خلاص يا سولي قلبك ابيض وجرتي وقفت وراء باباها
محمد وهو يمسك ضحكته عليهم: في ايه انت وهي علي الصبح
سلمان بغضب: يعني يا بابا يرضك اكون نايم القي مايه وتقع عليا كأني بغرق وقبل كدا اقول القيها رسمه علي وشي وقبل كدا برضه تصحيني بصراخ
محمد لم يعد قادر علي امساك ضحكاته ولكن ظهرت ابتسامه علي شكل سلمان ودرها بسرعه: ليه كدا يا سلسبيلا بتصحي اخوك كدا ليه
سلسبيلا بضحك: قعدت اصحي في مرضاش فحبيت اهزر معاه
سلمان: أنا مش اكلمك علشان بابا ولكن دلوقتي أمسك وورني هتعمل ايه حاضر يا سلسبيلا
محمد: انت بتهددها قدامي
سلمان: ولا عاش وكان يا حج بعد اذنكم  وادهم ضهر ومشي وابتسم علي اخته المجنونه واللي مجنناهم وما ان ذهب حتي ضحك محمد من قلبه: عيب كدا يا سلسبيلا دا اخوك الكبير
سلسبيلا بضحك: والله يا حج بحب اهزر معاه اعمل ايه

محمد بغضب مصتنع: سلسبيلا
سلسبيلا: خلاص يا حج مش تزعل مش هتحصل تاني إن شاء الله
سمعت سلسبيلا صوت هاتفها دخلت غرفتها وجدت الباب يغلق نظرت خلفها وجدت سلمان وينظر لها بمكر
سلمان بشر مصطنع: هاهاهاها مسكت وريني هتربي ازاي
سلسبيلا رفعت ايدها: انا اسفه يا سلمان بالله تسامحني مش هتممر تاني بالله عليك
سلمان: تمام بس هوا عقاب صغنن قد كدا وذهب اليه ومسك اذنها وقال: المره الجايه هقطعهالك سامعه وسابها وخرج سلسبيلا ماسكه اذنها بألم: منك لله اه ماشي يا سلمان حاضر وخرجت
ـــــــــــــــــــــــــــــــــــــ
وصل سلمان الشركه والسكرتيره قالت له ان أحمد عايزه في المكتب دق سلمان بابا مكتب أحمد ودخل
سلمان: السلام عليكم ورحمة الله و....  وقف سلمان بصدمه من الذي راءها
سلمان بصدمه:.............
......................
ياتري ايه اللي حصل وايه اللي سلمان شافه خالها مصدوم كدا وايه تللي هيحصل وهل أحمد هيتغير دا بإذن الله اللي هنعرفه الحلقه اللي جايه بحبكم في الله  ماتنسوش تصلوا علي النبي والسلام عليكم ورحمة الله وبركاته ❤.

                  بقلم: مريم محمد ♥

فتاة بالنقاب تجملت 💛.
الحلقه العاشره🌹♥.

سلمان: السلام عليكم ورحمة الله و.......  وقف سلمان بصدمه من الذي راءها
سلمان بصدمه ممزوجه بفرح: مازن وجري عليه حضنه
سلمان: عاش من شافك يا راجل عامل واحشني اوي اوي اوي
مازن: الحمدلله وانت كمان واحشني
سلمان: رجعت أمتي
مازن: النهارده ولاقيتكم واحشني فجيت لكم علطول
أحمد: اقعد أن وهو
سلمان ومازن قعدوا
سلمان: باستغراب: ما رحتش الكليه ليه
أحمد: محاضراتي هتبدأ الساعه 2 تشرب ايه انت وهو
الاتنين مع بعض: قهههههوه
ظلوا يتحدثوا ويضحكوا
ـــــــــــــــــــــــــــــــــــــــــــــــــــ
عند البنات بعد ما الدكتور خرج
أروي وهي بتتنفس براحه: أخيرا الدكتور خرج والله الدكتور حلو ومحترم ولكن مادته بارده قوي
نور: وعلي اساس ماده اخوك هي اللي حلوه دي اكتر ماده بكرها
أروي: بقولك ايه هوا عندنا بعد البريك لما يدخل بالله تقول له كدا
نور بخوف مصطنع: لا ياختي دا يعملني شاورما وانا اموت فيها
اتت فتاه: السلام عليكم
البنات: وعليكم السلام ورحمة الله وبركاته
الفتاه: سلسبيلا ممكن خدمه
سلسبيلا: طبعا حبيبتي اتفضل
ممكن تدني ورق التلخيص اللي انت عملاه علشان كنت غايبه كان والدتي مريضه ومعرفتش أجي
سلسبيلا: شفاها اللي وعفاها لا بأس طهور إن شاء الله حاضر واخرجت الورق: اتفضل حبيبتي
الفتاه: شكرا حبيبتي
سلسبيلا بابتسامة: الشكر لله وحده حبيبتي بس ممكن تبدلها بجزاك الله خيراً  لان افضل ما يدعي الاخ لاخيه: جزاك الله خيراً
الفتاه: جزاك الله خيراً انت عسل
سلسبيلا: عسلك الله
البنوته: ازاي؟! 
سلسبيلا: ماتجوبي يا أماني
أماني بانتباه: قال رسول الله صلى الله عليه وسلم ذات مره لصحابته: عسلكم الله قالوا كيف يا رسول الله قال: ان يوفقك الله احدكم لعمل صالح ثم يقبض روحه عليه
الفتاه بابتسامة: عسلكم الله واستأذنت ومشيت
البنات خلصوا المحاضره وذهبوا الي مسجد المدرسه وبعد ما صلوا التفت سلسبيلا للبنات اللي رحبوا بها جدا
سلسبيلا:السلام عليكم ورحمة الله وبركاته عامين ايه
البنات: وعليكم السلام ورحمة الله وبركاته الحمدلله قصص واحشانه جدا جدا جدا
سلسبيلا: دي حاجه تفرحني ومجهزه لكم قصه جميله هتحبوها جدا جدا جدا
البنات بحماس: هيييييي يلا قول
سلسبيلا: هكلمكم النهارده عن صحابي جميل بحبه جدا جدا جدا وهو سيدناخُـبيب بن عَدي الانصاري الاوسي رضي الله عنه وهو بدري وبدري يعني حضر بدر المهم في غزوة بدر سيدنا خُـبيب قتل واحد من المشركين اسمه ابو عقبه الحارث وفي المشركين بعتوا للنبي وقالوا ليه انهم في منهم اسلم وعاوزين حد يعلمهم الدين(مش مشركين قريش لا غيرهم) النبي صلى الله عليه وسلم بعت معاهم عشره ومنهم سيدنا خُـبيب المهم المشركين غدروا بهم وخرج باقتهم اللي كانوا متدارين لهم في الطريق واصبح عدد المشركين مئه والصحابه ي عيني عشره وفضلوا يحاربوا ويقاوم وهم في الاخره عشره مقابل مئه يعني خلاص المهم قتل سبعة صحابه واتبقي ثلاثه المشركين اسروا الثلاثه اللي بقوا وكان من ضمنهم سيدنا خُـبيب رضي الله عنه ولم عرفوا قبل ابو عقبه الحارث ان خُـبيب في يد المشركين راحوا اشتروا وكانوا في الاشهر الحرم وهم مش بيقاتلوا في الاشهر الحرم ف ابو سفيان قال هاتوا واحبسوا لحد ما الاشهر الحرم تخلص المهم حبسوا وخلوا امه عندهم (عابده) تحرص وتقول كنت اقدم له الطعام والشراب وكان يرفض ولا يرضى ياكل فكانت تجد عنده عنب ومكه لم يكن فيها ولا عنبه واحده آنذاك فمره قالت هتقعد وتراقبه واذا به عنب  ينزل له من السماء وكان الامه دي عندها ابن صغير وكان بيحب سيدنا خُـبيب جدا جدا في يوم سيدنا خُـبيب قال للامه دي اعطني موس قالت له لما قال اريد ان احلق ابطي وعانتي للقاء ربي لانهم كانوا هيقتلوا في اليوم دا المهم قالت تمام واعطته الموس وخرجت ورجعت بعدها وجدت ابنها جالس في حجره فصرخت ونظرت له بخوف قال لها لا تخافي فاني من اصحاب محمد واصحاب محمد لا يفعلوا هذا وقبل الصبي وقال له يا بني اذهب الي امك فقام الولد وذهب لامه(تعرفوا أن الامه دي اسلم بعد ذلك بسب سيدنا خُـبيب رضي الله عنه ) اتي المشركين واخذوه وضعوا علي خشب علي شكل صليب وقال ابو سفيان لا تقتلوه بسرعه عذبه اولا ظلوا يرموا بالحجاره والسهام فقال له ابو سفيان سأسالك سؤال وجابني بصراحه قال له خُـبيب لا اقول الا الصدق قال له ابو سفيان لو انك خيرت ان تقوم من الءي انت فيه ومحمد مكانك هل تفعل انظروا الي رد سيدنا خُـبيب الصحبي الجميل ماذا قال قال والله لو كنت في بيتي والرسول تصيبه شوكه ما كان ليهنا لي بال فضرب ابو سفيان رأسه وقال ياقوم ما رأيت  قوم يحبون صاحبهم كهؤلاء بحبهم لمحمد فقال له ابو سفيان تمني قال سيدنا خُـبيب اريد ان اصلي عايز يصلي والدم يصب من رجليه بسبب ضربهم له بالسهام والحجاره ونحن منا من يترك الصلاه الفرض ولا يبالي يا حسره علينا فتركوا وصلى ركعتين صغيرين بالكافرون والاخلاص وقال لهم والله اني وجد في صلاتي راحه وودت ان اطيلها ولولا خفت ان

تقول خائف من الموت لاطلت فيها فربطوه مكانه ناني فقال اللهم احصهم عددا واقتلهم بددا ولا تغدر منهم أحدا فنزل ابو سفيان براس للارض وهو وجمع من كان يقف وعندهم اعتقدين الآن الاول أن دعاء صحابة رسول الله صلى الله عليه وسلم يستجاب والثاني انهم اذا وطوا براسهم الدعوه هتمر من فوقهم فقال سيدناخُـبيب اللهم إني اشهدك إني بلغت رسالة رسولك فاللهم اني احب ان يبلغه من السلام قبل أن أموت وفي هذا اللحظه نزل سيدناجبريل عليه السلام وقال يا محمد إن خُـبيببن عدي يبلغ السلام  وإنه سيقتل الآن فغضب النبي صلى الله عليه وسلم كيف يغدر به وهو ارسلهم لهم لكي يعلمهم القرآن والاسلام فيقتلهم أحد الصحابه لما اسلم وكان شاهد مقتل خُـبيب واظن سيدناسعيد المهم والاه سيدناعمر علي الكوفه كان يغشي عليه قالوا له ما بك قال والله انا كنت في المواقف اللي قتل فيه خُـبيب بن عدي واظن أن اللهاستجاب له   (اللي بيروي الحديث دا ابو سفيان اصله اسلم بعدين بعد كل اللي عملوا في المسلمين انتوا عارفين كل شويه اقول سبحانك يا رب بعد كل اللي عمله دا أسلم سبحانك يا رب فأحنا مش نيأس من حد)  جميل سيدنا خُـبيب وشفوا كان بيحب النبي ازاي وازاي ثبت علي دينه
سلسبيلا وهي تمسح دموعها: عايزين كلنا نتعاهد اننا نقتدي بيه ونثبت علي الدين زيه
البنات هي تمسح دموعها: إن شاء الله

خلصوا البنات وذهبوا الي البيت وسلسبيلا وأماني رحوا عند سلسبيلا مع سلمان طبعا وصلوا وسلموا علي الكل
في المساء عند أحمد
نورهان: أحمد
أحمد: نعم يا ست الكل
نورهان بفرح من تغير ابنها: هم أهل العروسه ماردوش عليك
أحمد: لا لسه وخليهم براحتهم بنتهم ترد
كانت اروي نازله بتتكلم في التلفون وبتضحك جدا
أروي: والله انت فصيله يا سلسبيلا امتي تبقي زوجة أخويا وتجي تقعدي معايا
سلسبيلا بغرور مصطنع: لما أوفق الاول يا حبيبتي
أروي: سلسبيلا هوا أنا قولتك انك متواضعه جدا قبل كدا
أماني بتدخل: بنت خالي مافيش حد بتواضعها وظلوا يتحدثوا ويضحكوا وأوري تنظر لاحمد بمكر لانه يحاول ان لا ينظر لها حتي لا تعلم أنه مركز معها ولكن فشل
بعد ما أروي خلصت وقفلت التلفون
أحمد بعدم اهتمام مصطنع: كنت بتكلم مين
أروي: قصدك عليا
أحمد بعصبيه: أوومال بكلم مين غيرك هوا في حد غيرك قدامي
أروي بخوف: كنت كنت كنت بب بكلم سلسبيلا وأماني
أحمد حس بخوفها ولأول مره يزعل لانه خوفها قام وجلس جانبها واحتضانها: انت أكتر واحده يا أروي عارفه اني مش بحب الاسلوب دا فمتتكلميش معايا كدا تاني تمام
أروي: أنا أسفه حاضر
ــــــــــــــــــــــــــــــــــــــــــــــــــ
عند سلسبيلا والكل متجمع دخل سلمان
سلمان: السلام عليكم ورحمة الله وبركاته
الجميع: وعليكم السلام ورحمة الله وبركاته
ودخل غرفته
محمد: مردتيش عليا يا سلسبيلا اقول للعريس أيه
سلسبيلا افتكرت ان الشهر لم ينتهي بعد: لسه بفكر يا بابا
محمد: كل دا بتفكري
سلسبيلا: ايوا يا بابا دا جواز مش لعبه مش دا كلامك يا ابوحميد
محمد: فكري براحتك ياختي
خرج سلمان وندهت عليه جدته وجل جانبها ظل يتحدث معها ومحمد مراقبه بمكر ويراه كيف انه يجاهد نفسه كي لا ينظر إلي أماني فابتسم بمكر وقال: سلمان الحقني علي اوضة المكتب
سلمان: حاضر واتوجه خلف والده
دق سلمان علي الباب ودخل بعد سماعه الاذن
سلمان: السلام عليكم ورحمة الله وبركاته حضرتك طلبتني يا والدي
محمد: وعليكم السلام ورحمة الله وبركاته تعالي يا سلمان
جلس سلمان وقال نعم
محمد بمكر وترقب: في عريس اتقدم لأماني بنت عمتك والصراحه شايفه مناسب جدا ومحترم عايزك تسأل عليه ولو طلع كويس هخلي يجي يعمل رؤيه شرعيه
سلمان بصدمه وعصبيه: نععععععععععععععععععم
ــــــــــــــــــــــــــــــــــــ
يا تري ايه اللي هيحصل وايه رد فعل سلمان وهل أحمد بدأ يتغير وحفظ القرآن وقيام الليل يأثروا فيه وايه قصة الحلقه اللي جايه دا بإذن الله اللي هنعرفه الحلقه اللي جايه بحبكم في الله ماتنسوش تصلوا علي النبي ودمتم بخير والسلام عليكم ورحمة الله وبركاته


يتبع 



🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺






تعليقات



CLOSE ADS
CLOSE ADS
close