expr:class='data:blog.languageDirection' expr:data-id='data:blog.blogId'>

رواية جحيم أهلي البارت الاول والثاني بقلم جمانه السعيدي حصريه وجديده على مدونة النجم المتوهج للروايات والمعلومات

 رواية جحيم أهلي البارت الاول والثاني بقلم جمانه السعيدي حصريه وجديده على مدونة النجم المتوهج للروايات والمعلومات 

رواية جحيم أهلي البارت الاول والثاني بقلم جمانه السعيدي حصريه وجديده على مدونة النجم المتوهج للروايات والمعلومات 

اني دنيا مواليد ٩٤  من بغداد   احنا خمس بنات واربع ولد 

وامي وابوي 

اختي الجبيره مواليد ٨٣  وبعداها اخوي مواليد ٨٥  وبعدين اني مواليد ٩٤

جنا عايشين بيت جدي   عندي عمه وحده وعم واحد 

اثنيينهم مزوجين وطالعين عمي موضف وعندا ولد واحد وبعدها كلما تحبل زوجته يصير اسقاط وبيت عمي

كاعدين بيت ايجار 


جمانه السعيدي 


ابوي رجال سكير مايدري ليله من نهارا 

وامي قايمه بعيشتنا   تطلع للشغل   من الصبح وتاخذ اختي الجبيره وياها   وترجع المغرب 

حياتنا عباره عن مشاكل وهوسه   وعرك طول النهار 

صار عمري سبع سنوات وستحقيت ادخل مدرسه 

بس امي ماقبلت اتسجلني 

اخرتني سنتين حتى تسجلني اني واختي الازغر مني سوا 

لان هي كلش خوافه 

ولمن استحقت اختي مدرسه سجلتنا ماما سويه 

قبل لايبدي الدوام بشهر توفى جدي 

صارت الفاتحه ابيتنا اتلث ايام بيتنا هوسه وبجي وصريخ 

خلصت الفاتحه 

شويه البيت صار هدوء


لمن طلع الاربعين بدا   عمي يطالب بحصته بلبيت 


...اني كاعد ايجار وانتم كاعدين ومرتاحين اريد حصتي اشتري بيت واستقر    راتبي رايح نصه للاجار 


بابا كال تدلل مايصير خاطرك اله طيب 

وفعلا انعرض البيت للبيع 

وحتى ينباع بسرعه   عرضه على الدلال 

ونباع بيت جدي باقل من قيمته 

وتوزع حصص على بابا وعمي وعمتي 


امي طلبت حصة بابا ينطوها اله

لان اذا انطوها البابا يخلصه   شرب ونكعد بلشارع 


اشترت ماما قطعة كاع 

واجرنا بيت خرابه كلش لان ايجاره قليل   ويخر علينا من كل مكان 

وبعيد عن المدرسه 

داومنا اول يوم مدرسه وجنت كلش فرحانه بلمدرسه 


فرحانه لان كلشي جديد عليه 


جمانه السعيدي 


بدينا انروح اني واختي يوميه مشي والمدرسه بعيده ونرجع مشي 

امي بدت اجمع كل شغله   حتى تبني بيتنا ونستقر ونخلص من الاجار 


بحيث تمر علينا ايام انام بلا عشه    ومرات نرجع من المدرسه    ماكو غدا 

ايام صعبه مرت علينا 


....ماما جوعانه ماكو عشه 

....روحي نامي منيين اجيبلكم عشه 

...بس ما اكدر انام حيل جوعانه 

...ماما ماكو    بلكت ابوج الشفيه يشوفجن وينكسر خاطره عليجن    فلوس بطل العرك يجيب بيهن طماطه بتيته وتتعشن 

اني شصير كله مركب براسي 

رجعت اتمددت وكوه نمت من الجوع 


كدرت ماما تبني غرفه ومطبخ وصاله وصحيات 

بس شنو   انبنن  من جوعنا  وعوزنا  وحالنا يبجي الكافر

امي تكول البيت اهم من كلشي

مراح تموتون من الجوع  


جمانه السعيدي 


ونتقلنا للبيت الجديد 

جنا كلنا انام بغرفه وحده 

كمنا مانشوف بابا هواي 

مرات يفوت شهر او شهرين   مرات اتلث اشهر مانشوفه 

اكثر شي يروح يم بيت عمي 

عمي وعمتي كلش حبابين بس امي ماتقبل انروح عليهم 

ماتحبهم ابد 


كبرت ورحت للمتوسطه وبدا شكلي يتغير 

اني تقريبا احلى وحده بلبنات ولولد


اني بيضه وعيوني جوزيات وشعري طويل اسود وسرح 

جنت حلوه ومميزه 

مدرستي جانت قريبه عليه  متوسطه ولد 

اكو ولد جان ينتضرني ويبقى يباوع عليه 

طالب بلمتوسطه اكبر مني بسنه تقريبا 

اول مره عادي الموضوع 

بس بعدين تعودت عليه 

اطلع الصبح بلهفه بس اريد اوصل واشوفه 


بقه السنه كله يراقبني واني مستمتعه بهل شوفه الحلووووه 

اذا ماشفته يوم اضل ادور  علي

قربت امتحانات اخير السنه وضجت كلش 

خاف بعد ما اشوفه 

اخر يوم امتحانات لحكني بلبايسكل    

وحاول يحجي وياي بس اني خفت ومشيت بسرعه 

للحكايه بقيه

القصه اني ناشرته قبل أربع سنوات 

البارتات راح تنزل حسب التفاعل

#البارت_الثاني 

#جحيم اهلي 

#جمانه السعيدي


وصلت ثاني متوسط بدت   انوثتي تبرز اكثر    وجمالي واضح 

جدا 

ماما جانت تنام بلصاله هي وبابا 

ام احنا بنات وولد كلنا انام بغرفه وحده 

جان بابا من يجي شارب يتعارك ويغلط ويلم الجوارين علينا 

هنا بدت ازمة الغاز 

امي جابت تنور كهربائي وعلمتني الخبز 

جنت اكعد  بلثنتين    حتى اكو كهرباء واخبز 

حملتني المسوليه واني بعدني زغيره


جمانه السعيدي 


بقه هذا الولد يلاحكني واني ابد ما انطي مجال    

اخاف من امي 

لان دائما تهددني    اذا طلعت عليه سالفه تخلي خواني يذبحوني 

فا اني ابد ما انطي مجال يحجي وياي 

رغم هو يحاول يحاجيني ويلملحي 


اخوي الجبير لزم درب ابوي بلسهر والشرب   ويجي نص اليل سكران ويطوطح 


طبعا محد ايرده لان الابو يشرب والام طول النهار تشتغل برا 


الا ان اجه اليوم الي غير حياتي وحطمها 

نايمه بليل تقريبا الساعه بلثنتين 

حسيت واحد نام فوكي اني جنت نايمه على بطني 

واحد نام فوكي 

فزيت كلش خايفه وكمت ابجي 

واحرك بنفسي اريد اخلص روحي منه 

ابجي واصيح دخليك ربي استرني بسترك 

كوه خلصت نفسي ودفعته 

وطفرت بسرعه اباوع واذا بلصدمه 

اخوي الجبير جاي سكران ويحاول يعتدي عليه 


شردت للمطبخ   وهو رجع عادي المكانه ونام 

واني بقيت كاعده للصبح 

وابجي وابد مامصدكه الي صار بيه 


جمانه السعيدي 


جنت عاجنه بليلته    دنيت العجين وكمت اخبز 

كل خبزه تنزل وياها عشر دموع 

كملت الخبز وبقيت كاعده بلمطبخ اخاف ارجع المكاني 


صار الصبح   كلهم كعدو وامي طلعت للشغل 

واني رحت للمدرسه اني واختي 

ماكدرت اضم حجيت الاختي على الي صار 

بلبدايه ماصدكتني 

وبعدين اقتنعت    وكالت كولي الامي وهي تتصرف 


بقيت منتضره امي للمغرب وهو ماكو مارجع للبيت بيومها 

لمن حجيت الامي ماصدكتني 

دنيا    ماما اريد احجي وياج بموضوع مهم


...شكو خير احجي بسرعه لان اني تعبانه حيل وراسي بوجعني


دنيا    البارحه مانمت من الخوف   


...ليش


....اخوي اجا سكران وحاول يتعدي عليه وكوه خلصت نفسي منه ومن الخوف مانمت للصبح


ماما ....انجي ولج شلون تحجين هيج على اخوج 


...ولله ياماما ابد ماكذبت عليج   


...اسكتي لاتحجين هيج حجي هسه يجي واسئله 


اجه على العشه وسئلته 

طبعا نكر وجذبني    وكال هذا الشي ماصار ابد 

ولمن امي ضغطت علي بلكلام 

كال ها يجوز      يمكن جماعتي خلولي شي بلشرب 


جمانه السعيدي 


كمت اكرها واجنبه وين مايصير 

وهو كلما يشوفني يضحك ضحكت خباثه جنت متاكده هو يدري بلي سوا وياي 

وجان بوعيه ومنتبه للصار زين 


ورا فتره اختي انخطبت الاكبر مني جان عمرها بوكته ٢٥

خطبها واحد مزوج وعنده   جهال 

وافقت     اي وافقت بس تريد   تخلص من جحيم اهلي 


صارت المسوليه اكثر عليه شغل    البيت   والعجين والخبز 

اخواني اثنيينهم اكبر مني 

واحد مواليد ٨٥  والثاني مواليد ٩٠

كمت مااندل دربي  مدرسه وشغل البيت كله عليه 

لان امي تطلع من الصبح وترجع بليل 


يوم   واكفه اغسل على السنك 

ما احس   اله واحد حاضني من ورا 

ولازم صدري بثنيين ادي 

التفتت بسرعه وصرخت علي 

طلع اخوي الثاني 

...انت شبيك تخبلت مو اني اختك وعرضك   ماتستحي ماتخاف من الله 


...اششش   اشششش    اسكتي لاتصيحين 

وعافني وطلع 

واني كمت ابجي   ياربي جنت اخاف من الجبير ومئمنه بهذا 

ذوله شني من طينه 


عزلت نفسي بلغرفه وكمت ابجي 

اجت امي المغرب 

.....هاااا ولج شبيج تبجين 

...يمه بعد ما ابقه وحدي بلبيت 

...ليش شصاير فهميني 

...هذا ابنج الثاني يتحرش بيه 

...شسوالج هذا النوب 

...شابكني ويعصر بصدري 

...اسكتي لاتحجين   هذا الي لاكيتيني بي 

  دكومي جيبلي ماي وهاي السالفه سديها 


جمانه السعيدي 


لكن امي كلشي ماسوتلي ابد   جنت عايشه رعب وخوف موطبيعي 

من اروح للمدرسه ودي ما ارجع للبيت ابد


لا ان يوم هذا الولد لحكني على البايسكل 

وكال دنيا اريد احجي وياج 

اني احبج من زمان واريد اجيكم من الباب واخطبج 

اني اسمي علي ابن حميد شيخ وموذن الجامع 


هو كمل هلكلمتين    جان اسمع صوت من وراي 


دنيا   دنيا    التفتت شفته اخوي الجبير 

راسا علي راح واخوي لزمني استجواب 


شعندا وياج 

...ماعندا شي 

...شنو حجه وياج شكالج 

...ماكال اي شي 

وصلنا للبيت   وانتضر امي وحجاله كلشي 

جان تروح امي تهد عليهم 

دكت الباب وطلعتله  ام علي 

...انتي ام علي 

..اي نعم تفضلي 

...شعندا ابنج لاحك بتي عود هاي انتم المتدينين

...ابني لاحك بتج 

...باعي هذا انذار الكم بعدين انسويها شغلت عشاير خلي يجوز منه احسن اله فهمتي 


طبعا امي حسها يلعلع وتهدد       ام علي اخترعت 


...لافدوه بعد ابد مايقرب اله    ولله لو يسمع ابو يذبحه 

امسحيها بوجهي بعد ما تتكرر 


امي رجعت استلمتني غلط وحجي وتهديد 

اذا بعد اشوف علي  لو احجي وياااا   تبطلني من المدرسه 

بقه علي يوكف بعيد ويراقبني وابد ما يحجي وياي 


للحكايه بقيه 


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺


تعليقات



CLOSE ADS
CLOSE ADS
close