رواية بعت نفسي بقلم نسرين بلعجيلي الفصل 36/37/38/39/40 حصريه وجديده
 |
بسرعه لبسو وجهزو الشنط
راح يتصل بي اكرم بس كان نايم ساب ليه رساله
**ادهم بسرعه مليكه
**مليكه انت مثوتر خلي حد يسوق العربيه
**ادهم حاضر
في عربيه الحرس حاتروح معاهم
وجا السواق وركب جنبو البودي جارد
ادهم و مليكه ركبو ورا
**مليكه اهدا ان شاء الله خير رغم ان قلبي مقبوض اوي اوي حلمت حلم وحش بي امي
ادهم حضنها و باس راسها
ادهم مع نفسو
يارب مايحصل حاجه انا السبب في كل دا اكيد غاده اللي انتقمت منو في مليكه
لو حصل لي اهلها حاجه اعمل ايه معاها
اخد تليفونو واتصل علي واحد من الحراس كلفو يدورو علي غاده
**ادهم لاقيتها؟؟
**الحارس لا يا ادهم بيه سابت اوتيل
**ادهم تيجبهالي من تحت الارض فاهم
**مليكه هي مين ؟؟
**ادهم غاده
**مليكه هي عملت حاجه ؟
**ادهم نامي انت ماتشغليش بالك
مليكه كانت حاسه ان في حاجه كبيره ادهم مخبيها مخلياه مش علي بعضو هي فتره صغيره عاشتها معاه بس قدرت تستوعب وتفهم شخصيتو
هو محتاج يحس بي الامان والحنان اللي محروم منو
نامت في حضنو
اما ادهم كل شويه يتصل بي حوده ومافيش فايده
لحد ما وصلو فيديو اوضه السطوح قايده فيها النار
والناس بطفي حمد ربنا انها نايمه
**السواق ادهم بيه في حاجه في العربيه
**ادهم حاجه ايه؟؟
**السواق الفرامل مش شغاله كويس وفي حد لعب في سيستيم العربيه مش قادر اسيطر عليها
**ادهم خفف السرعه واقف علي جنب
**البودي جارد في عربيه نقل ماشيه ورانا من ساعه ماطلعنا وحتي عربيه الحراسه اداتني الاشاره
**ادهم حاول توقف العربيه
**السواق مش قادر اسيطر علي السرعه كا انها متبرمجه علي كده
هنا صحيت مليكه
مسكت في ادهم
**مليكه انا خايفه حلمت حلم وحش اوعي تتخلا عني او تسيبني
ادهم متفاجئ من كلامها عشان اول مره تطلب منو كده
ادهم شدد في حضنها جدا
هي لحضات لاقو عربيه النقل جات جنبهم وبتزق العربيه جامد
**ادهم ماتبعديش عني امسكي فيا
**السواق اتشهدو
كلو في لمحه البصر
العربيه اتقلبت في الطريق
ادهم كان فتح الباب ونط هو ومليكة في حضنو وقعو علي الرصيف
في ثواني العربيه انفجرت
صحي اكرم علي صوت تليفون
**اكرم في ايه يا زفت علي الصبح
**الحارس عربيه ادهم بيه انفجرت علي الطريق الصحراوي
**اكرم وادهم جوه ؟
** الحارس مش عارف
نص ساعه كان اكرم في مكان الحادث اللي اتملا بوليس وسياره الاسعاف
**اكرم انا ابن عم ادهم الشرقاوي
**الضابط احنا بنعمل تحرياتنا لحد دلوقتي في جته في العربيه
**الحارس ادهم بيه اكيد نط من العربيه لازم ندور هنا تحت
الوقت دا مليكه ابتدت تفوق كانت علي الارض وادهم لسه حاضنها وكانو مغطي جسمها كلو بيحميها
وهو غرقان في دمو
**مليكه ادهم
ماسمعتش صوت
**مليكه انت لسه عايش اصحي بقا اوعي تسيبني
ومشافتش اي رده فعل وابتدت تصرخ وهي مش قادره تتحرك ولاحضت ان فوق ضهر ادهم صخره
**الحراس في صوت تحت
الكل نزل اكرم اول ماشاف المنضر اتخظ وابتدا يعيط
**مليكه ادهم رد عليا ماتسيبنيش
ابتدو يشيلو الصخره من عليه
مليكه لمحت اكرم
**مليكه اكرم قولي ان ادهم عايش وحايرد عليا
**اكرم ماتتحركيش يا مليكه
بسرعه طمنوني
**مليكه بصراخ ادهم
اول ماشالو الصخره ابتدأ يحس بي الدنيا
**ادهم بصوت مش قادر يطلع مليييييييييييكه
**مليكه الحمدلله الحمدلله يارب
حاولو يشيلو ادهم بس خلوه علي بطنو علشان باين العمود الفقري متضرر
ومليكه ابتدت تفقد الوعي
روايات نسرين بلعجيلي Nisrine Bellaajili
**ادهم مليكه فوقي بالله عليكي
الاسعاف شالوها بسرعه
و شالو ادهم ركب معاه اكرم
**ادهم اكرم لو حصل ليا حاجه اتجوز مليكه اوعدني انك تعمل كده
**اكرم ان شاء الله مش حايحصل حاجه
**ادهم انا ضلمتها شكل اهلها ماتو في الحريق
**اكرم حريق ايه ؟
**ادهم حوده كلمني ان السطوح بيتحرق علشان كده سافرنا اتصلت بيك كنت نايم وغاده بعتت ليا فيديو
اكرم مليكه امانه عندك اوعي تفرط فيها وغاب عن الوعي
رحيم وصلت الاخبار وطلع علي مستشفي شرم الشيخ
وحتي عصمت وبنتها
ادهم كان في العمليات ومليكة جوه بتتعالج
رحيم وصل وشو أصفر
**رحيم اخوك فين؟
**اكرم في العمليات
**عصمت ايه اللي حصل ؟؟
**اكرم اتقلبت بيهم العربيه حادث مدبر بفعل فاعل
جا الدكتور
**الدكتور المدام اللي جات مع ادهم بيه محتاجه نقل دم بسرعه علشان تدخل العمليات عندها نزيف
**كامليا مدام مين ؟؟؟
**اكرم اعمل كل حاجه علشان تنقدها
وراح معاه
**الدكتور لازم موافقه علشان العمليه
رحيم مش قادر يصلب طولو من خوفو علي حفيدو
**كامليا مين اللي كانت معاه في العربيه؟؟؟
**عصمت اهدي مش وقتو
**كامليا لا وقتو يعني الكلام صحيح انو مع جربوعه
**رحيم كامليا ولا كلمه
الوقت بي مر تقيل علي الكل وخاصه رحيم و اكرم
اكرم حاسس ان قلبو انخلع من مكانو ادهم كل حاجه ليه في الدنيا هو اللي مصبرو علي معامله جدو وعمتو هو اللي سندو و واقف معاه
واقف بيدعي ربنا
جات عندو كامليا
**كاميليا مين اللي كانت مع ادهم
**اكرم هو دا اللي يهمك مين معاه ابعدي عني انا مش ناقصك
طلع الدكتور
**الدكتور الحمدلله العمليه تمت بس
**رحيم ايه يا دكتور حفيدي عايش؟؟
**الدكتور اه الحمدلله بس غالبا حايبقا عندو شلل
**كامليا شلل؟؟
**الدكتور اه لان الصخره كان فوق العمود الفقري حاولنا نعمل جهدنا كلو علي الله اول مايصحي حانعرف ادا الشلل دا مؤقت ولا علي طول
والحاله اللي كانت معاه الحمدلله عندها بس كسر في ايديها خفيف وكدمات في جسمها وفقدت دم شويه بس هي كويسه واول ماتصحي لازم نعمل فحوصات عشان نتاكد من سلامه المخ و الاعصاب وراس لان الضربه كانت جامده
هي في العنايه المركزه لحد ماتستقر حالتها
**اكرم لو سمحت يا دكتور عايز حراسه مشدده عليهم هما الاثنين
**الدكتور فاهم حضرتك الف سلامه عليهم
**رحيم مين اللي كانت مع ادهم ؟؟؟
**اكرم مراتو
**رحيم بورقتين!؟
**اكرم بي مؤذون شرعي وانا كنت وكيل العروسه
**عصمت انت كل البلاوي السوده من تحت راسك انت اللي وراه علشان مايتجوزش بنتي هي فضلتو عليك اه يا واطي يا بن زبيده ان ماخليتك تندم مابقاش انا عصمت
نسرين بلعجيلي
**رحيم بصوت عالي عصمت كفايه كلام
علي بليل
في اوضه مليكه ابتدت تصحي
الدكتور بلغ اكرم وراح عندها
**اكرم حمدالله على السلامه
**مليكه وهي بتعيط قولي ان ادهم عايش؟؟
**اكرم والله عايش
**مليكه الحمدالله
**اكرم هو لسه في العنايه المركزه
**مليكه مش عارفه ايه اللي حصل
**اكرم ادهم ضحي بنفسو علشانك حماكي بجسمو
**مليكه انا مش فاكره حاجه غير انو كان حاضني ونطينا من العربيه
مش عارفه حاقول لي امي ايه؟
**اكرم ماتفكريش في حاجه اهلك كوسين وهما نقلو الشقه الجديده الحمدلله مكانوش وقت الحريقه في السطح
**مليكه حريقه ايه؟؟
**اكرم شكلك ماكنتيش تعرفي امبارح بليل كان في حريقه في السطح وادهم عرف علشان كده سافرتو
**مليكه ابتدت تعيط هو قالي انو جدو تعبان ولازم نسافر
**اكرم مكانش عايزك تتخضي وتخافي
مليكه ماقدرتش تسيطر علي نفسها وبتبكي
**اكرم بالله عليكي بلاش دموع واسمعيني كويس اهل ادهم هنا لو حد دخل عندك ماتتكلميش مع حد
ومد ايدو يمسح دموعها
الوقت دا كانت عصمت و كامليا بي بصو عليهم من الشباك وكامليا اخدت كم صوره
**عصمت شايفه اللي انا شايفاه؟
**كامليا اخدت كم صوره حلوه ينفعونا لازم نخلص منهم هما الاثنين
****************************
حايعملو ايه مع مليكه ؟؟؟
وايه رأيكم في الأحداث ؟
بعت نفسي بقلم نسرين بلعجيلي
بارت 37
راحت كامليا وعصمت عند رحيم
**كامليا الجربوعه فاقت و اكرم عندها
**رحيم في اي اوضه ؟؟
**كامليا اول اوضه علي اليمين
راح رحيم
وفتح الباب كان اكرم قاعد علي كرسي بيتكلمو
**رحيم اطلع بره يا اكرم
مليكه من غير ما تحس مسكت ايد اكرم
**اكرم معلش يا جدي مش حاطلع
**رحيم ولد انت نسيت نفسك ولا ايه يلا بره؟؟
** اكرم جدي لو سمحت مليكه تعبانه ولسه فايقه
**رحيم اسمها مليكه مشاء الله عملتي ايه لي ابني عشان يتجوزك ؟؟
**اكرم هي معملتش حاجه ابنك اللي لف عليها عشان تتجوزو
**رحيم مش انت الشحاته اللي سجنك ؟؟
**اكرم جدي بلاش الكلام دا ادهم لو عرف حايزعل
**رحيم لا يا راجل حايزعل ليه كانت بنت مين ولا حبها ؟؟
**اكرم اللي بين ادهم ومليكه اكبر من الحب هو مرتاح معاها لاول مره اشوف ادهم مرتاح رجع ادهم بتاع زمان بعد ما شكلتو زي ما انت عايز
سيبو مره وحده يعيش حياتو زي ما هو عايز
**رحيم كلامي معاك بعدين
عايزه كام وتطلعي من حياتو تختفي ماشوفش ليكي اثر نهائي
**مليكه وهي بتعيط انا مش عايزه حاجه غير اشوف ادهم كويس
**رحيم كويس اوي بصي اطلبي اي رقم انت عايزاه عشان طول ما ادهم معاكي مش حايبقا كويس اكيد انت عارفه انك مش مناسبه ليه
**اكرم كفايه يا جدي ادهم لما يفوق هو حايقرر يعمل ايه
**رحيم فكري وبكره راجع عندك
وطلع من الاوضه
**اكرم معلش يا مليكه هو دا جدي رحيم
**مليكه والله يا اكرم قولتلو طلقني هو اللي مش عايز
روايات نسرين بلعجيلي Nisrine Bellaajili
**اكرم اوعي تقولي الكلام دا تاني انت ماتعرفيش ادهم قد ما انا اعرفو انت غيرت ادهم مهما كان قاسي انت رجعتيه بعد ما الزفته غاده دمرتو ادهم محتاج ليكي اوي اوي خاصه دلوقتي
**مليكه ليه ؟؟
**اكرم الحادثه كانت صعبه وفي صخره كانت فوق ضهرو وعمل عمليه وللاسف الدكتور قال انو حيبقا مشلول
**مليكه ايه مش فاهمه
**اكرم عمود الفقري حصلو شرخ وصل لي اعاقه
هنا مليكه ماقدرتش تمسك نفسها وابتدت تعيط
**مليكه ادهم مش حا يستحمل
**اكرم ماتعيطيش انت اللي في ايدك تنقديه خليكي جنبو هو حايبقا كويس وانت معاه ادهم بحبك انا عارفو هو خايف يعترف لنفسو
مليكه انت قوه ادهم انا بترجاكي خليكي جنبو انت الوحيده اللي ممكن تهوني عليه
**مليكه اعمل ايه ؟؟
نسرين بلعجيلي
**اكرم الدكتور عايز يقولو بكره انت لازم تكوني جنبو تصبريه وتقويه عارف انك خايفه من اهلو ومن حقك تقولي خلاص انا عايزه انسحب من حياتو انا شاهد انو ضلمك و عمل كل حاجه وحشه فيكي بس خليكي احسن منو واقفي معاه لو بعدتي في الوقت دا حايدمر وحياه امك وابوكي عندك
**مليكه من غير ماتقولي انا مش حاسيبو مقدرش اتخلي عنو
وكملت عياط
اكرم رن علي ممرضه وجا الدكتور اداها حقنه مهدئه
اكرم فكر كثير قرر انو يبات في اوضه مع مليكه
علي بليل اكرم دخل الحمام وسمع كا ان في حد دخل اوضتها فتح باب الحمام بشويش وشاف ممرضه ومعاها حقنه وبتبص يمين وشمال ويادوب بتحضر علشان تفضي الحقنه في المحلول المغذي
مسكها اكرم
الممرضه اتخضت
**الممرضه في ايه حضرتك ؟؟
**اكرم كنت عايزه تديها ايه؟؟
**الممرضه لا دي حقنه عشان النزيف
اكرم فضل ماسكها ورن الجرس
الممرضات
دخلت ممرضه
**الممرضه 2 في حاجه حضرتك ؟؟
**اكرم عايز الدكتور بسرعه
**الممرضه 1 سيبني امشي انا بعمل شغلي بس
**اكرم حانشوف
جا الدكتور
**الدكتور خير يا اكرم بيه؟؟
**اكرم الممرضه دي شوفتها بتتسحب ومعاها الحقنه دي وبصراحه شكيت فيها
اخد الدكتور الحقنه
و وشو بقا الالوان
**اكرم خير يا دكتور ؟؟
**الدكتور للاسف الحقنه دي بتعمل سيوله في الدم وبتأذي للموت
**اكرم اتجنن عايزه تقتليها ليه مين مسلطك علينا
وطلعها بره اوضه
مليكه من الحقنه مهدئه كانت في سابع نومه
اكرم بلغ البوليس وكان شاكك يا غاده او كامليا بس ماحبش يتهم حد لحد مايشوف ادهم حايعمل ايه
Nisrine Bellaajili
في الصباح
صحي ادهم تعبان كل اللي بقولو مليكه
دخلت كامليا وعصمت ورحيم
**كامليا حمدالله علي السلامه حبيبي كنت حاموت لما سمعت الخبر
**ادهم مليكه
كامليا بصت لي عصمت
**عصمت حمدالله على السلامه
جا الضابط مع الدكتور عشان ياخد اقوالو
**الدكتور حمدالله علي السلامه
**ادهم الله يسلمك
جسمي واجعني
**الدكتور عادي انت طالع من حادثه ربنا كتب ليك عمر جديد
**ادهم مراتي فين؟؟
كامليا من الغضب ضربت برجليها الارض
**الدكتور المدام كويسه
**ادهم عايز اقوم اشوفها
**الدكتور لا ممنوع تقوم انت عامل عمليه في ضهرك
**ادهم بعصبيه عايز اشوف مراتي اطمن عليها
**اكرم هي كويسه شويه واجيبها ليك
**ادهم بجد يا ادهم مليكه كويسه؟؟
**اكرم والله كويسه اول ماتصحي حاجيبها
هي ينفع يا دكتور تيجي ؟؟
**الدكتور لو قادره تقوم مافيش مشكله
**الضابط انا ممكن اخد اقوالو يا دكتور
**الدكتور اتفضل بس بلاش كلام كثير هو لسه صاحي
**الضابط ممكن تحكيلي ايه اللي حصل؟؟
**ادهم كنا راجعين الاسكندريه و السواق قالي ان فرامل العربيه مش كويسه وسيستيم العربيه بايز وكان فيه عربيه نقل ورانا جات جنبنا وابتدت تزق فينا عشان نطلع من الطريق وتتقلب العربيه وفعلا حصل انا فتحت الباب بسرعه نطيت انا ومراتي اترمينا جنب شجره كده بس الغريبه لمحت حد مسك حاجه زي الحجر كبيره ورماها عليا
ماشوفتش كويس لان كان كل هدفي انقد مراتي
**الضابط ممكن بيانات المدام اسمها الكامل وسنها
**ادهم مليكه خالد الرشيدي 18 سنه
هنا كامليا شهقت
**اكرم حضرت الضابط انا بلغت امبارح علي محاوله قتل مليكه
**ادهم ايه محاوله قتل ؟!!! انا عايز مراتي هنا في الاوضه معايا حصل ازاي دا ؟؟
هنا عصمت وشها جاب الوان واكرم شاف ارتباكها و اتاكد انها هي اللي ورا الموضوع
**اكرم اهدا والله الحمدلله انا كنت شاكك ومش مطمن رغم الحرس اللي علي الباب فضلت في الاوضه ولمحت ممرضه كانت عايزه تديها حقنه
بس الحمدلله مسكتها
**الضابط بتتهم حد لانو غريبه الحادثه وكمان اللي عرف انك لسه عايش ورما الحجر عليك ومحاولة قتل مراتك ؟!
**ادهم كنت في شغل في شرم الشيخ واخدت صفقه مهمه ودا خلي عداوه بيني وبين بعض رجال الاعمال
بس انا بتهم غاده محمد رجب
**اكرم ارجوك حضرت الضابط الممرضه لازم تعترف مين وراها
وبص علي عصمت اللي بادلتو نضره شريره
**الدكتور اظن كفايه كده
رحيم كان قاعد علي الكرسي بعيد بص علي ادهم وعرف ان مهمتو صعبه يبعد مليكه من طريقو شاف خوف ادهم عليها
اول ما الدكتور راح مع الضابط
ادهم طلب اكرم يجيب ليه مليكه
رحيم قام من علي الكرسي
** رحيم حمدالله على السلامه
**ادهم الله يسلمك يا جدي
اه يا جدي مش قادر
**رحيم استحمل انت طول عمرك اسد
قربت كامليا وعصمت
**عصمت بدموع تماسيح ربنا يحفظك ويشفيك يا ادهم
**ادهم شكرا يا عمتو
كان اكرم مسند مليكه مكانتش قادره تمشي ودايخه
**اكرم ارتاحي شويه
مليكه لازم تكوني قويه انا اتفقت مع الدكتور انك تكوني موجوده لما يبلغو عشان يعمل عمليه تانيه
**مليكه يارب يقويني
**اكرم استحملي يا مليكه زي ماقولتلك ادهم محتاجك جنبو
وصلو الاوضه
مليكه اخدت نفس واكرم خبط الباب ودخل
مليكه بصت ليه ودموع في عنيها
ادهم فرح لما شافها
ورحيم مراقب كل حاجه اما ريا وسكينه الشر بطير من عنيهم
****************************
ايه اللي مستني مليكه ؟؟
بعت نفسي بقلم نسرين بلعجيلي
البارت 38
**ادهم تعالي يا مليكه قربي
شافها وشها كدمات وايديها مربوطه ولابسه لبس المستشفي
اكرم بص ليها تقرب
هي رفعت راسها شافت كامليا وعصمت ورحيم
الكل ببص ليها بي احتقار
ادهم مد ايدو ليها
**ادهم قربي عندي
راحت عندو مسكت ايدو
جرها عندو حضنها
قدام نضرات الكل
**ادهم الحمدالله لما شوفتك
هي كانت بتعيط
**ادهم انا كويس والله متعيطيش وبعد عنها وباس راسها ومسح دموعها
اكرم كان بي بص عليهم بكل حب
**ادهم اتكلمي انت كويسه؟؟
**مليكه بدموع الحمدلله
**كامليا ما كفايه المسخره دي
روايات نسرين بلعجيلي Nisrine Bellaajili
مليكه حبت تبعد
بس ادهم مسكها
**ادهم ماتبعديش عني
وعلا صوتو واللي مش عاجبه يطلع بره
هنا دخل الدكتور
**الدكتور ياريت لو تسيبو ادهم بيه مع مراتو عايزو في موضوع
**ادهم خير يا دكتور
**اكرم يلا نطلع يا عمتو
**عصمت لا انا حافضل هنا
**الدكتور الموضوع حساس شويه يخصو هو و مراتو
**رحيم يلا يا عصمت خودي بنتك واطلعو
طلعو مع اكرم
**رحيم تسمحو ليا افضل معاكم
ادهم بص لي مليكه
**ادهم اكيد يا جدي
**الدكتور بص يا ادهم بيه انت مؤمن بالله عايزك قوي المرحله الجايه
هنا مليكه بتعيط ومسكت اوي في ادهم
الدكتور كمل كلامو
للاسف بعد الحادثه حصل ليك شلل نصفي ودا حيسبب كمان عجز جنسي مؤقت احنا حانعمل عمليه ومتخافش الشلل دا لفتره مش علي طول
مليكه بصت علي ادهم
ومسكت وشو
**مليكه قول الحمدلله يا ادهم
ادهم مش قادر يستوعب كل الكلام
**ادهم انت سامعه بقول ايه؟؟؟
**مليكه قول الحمدلله
رحيم غصب عنو دموعو نزلت
**ادهم بص لي رحيم
حابقا عاجز يا جدي
**مليكه ادهم انت انسان كويس وربنا بيختبرك ارجوك قول الحمدلله
ادهم حضنها بكل قوتو ونسي دراعها
**ادهم الحمدالله
**مليكه الحمدلله وهي بتبكي ربنا بحبك
**ادهم ربنا اخد حقك يا مليكه
**مليكه لا ماتقولش كده انا مسامحك والله العضيم
الدكتور انسحب بس رحيم لا
**ادهم سامحيني يا مليكه
**مليكه مسامحاك من قلبي
دخلت كامليا واتجننت لما شافتهم في حضن بعض
**كامليا بصوت عالي هي الثمثليه دي حاتخلص أمتي؟؟
ايه يا جدي حاتسيب الجربوعه دي هنا؟؟
رحيم كان واقف في موقف لا يحسد عليه
**ادهم شال مليكه من حضنو
**ادهم اطلعو بره مش عايز اشوف حد تاني
**كاميليا بعد ما تملكها الغضب وهي شايفه مليكه في حضنو وهي عمرو ما حضنها
هو انت بتطردنا عشان الشحاته دي !!
وراحت عندها مسكتها من هدومها بتزقها علشان تطلعها
ادهم مش قادر حتي يقوم
وهو شايف كامليا بتدفع مليكه
**ادهم بصوت عالي ابعدي عن مراتي
مليكه وهي شايفه ادهم عايز يقوم
دفعت كامليا وراحت عند ادهم
**مليكه اهدا وماتتحركش
**ادهم فقد اعصابو وابتدا يشيل الاجهزه
و و يصرخ اطلعو بره
مليكه حضنتو بعد مشالت الدرع اللي لابساه في دراعها
ومسكتو جامد في ايديه
**مليكه ماتعملش كده اهدا
دخل اكرم
Nisrine Bellaajili
**اكرم انتو ايه مش بتفهمو اطلعو ماتتكلم ياجدي سيبوه مع مراتو
**عصمت مالك متعصب علينا بنتي شايفه وحده من شارع في حضن خطيبها عايزها تعمل ايه؟؟!
**اكرم دي تبقا مراتو انتو مابتحسوش
**كامليا اقسم بالله ما حتفضل هنا ايه يا جدي حاتفضل ساكت كده؟؟؟
**رحيم اطلعو بره الكلام مش هنا
و طلعهم وشاف مليكه بتهدي ادهم
**رحيم ادهم الدكتور عايز موافقتك علي العمليه مافيش وقت
وطلع وقفل الباب
**رحيم ايه يا عصمت بنتك اتجننت علي اللي عملتو جوه ادهم لسه سامع خبر الشلل وهي عامله هوليله هو احنا في ايه ولا ايه ؟؟
**كامليا انت عارف ان بحب ادهم ومش طايقه اشوفو مع بنت الشوارع دي
**اكرم احترمي نفسك يا كامليا دي مراتو وهي اللي حاتقنعو يعمل العمليه واللي انت فيه مش حب عشان لو فعلا كنت بتحبيه علي الاقل حاتقدري ضروف اللي هو فيها بس انت كل اللي يهمك نفسك وبس
**عصمت انت تخرس خالص ماتتكلمش عن بنتي كده
**رحيم خلاص ادهم اختار وباين انو بحبها وهو في ازمه وهي واقفه معاه
**اكرم والله يا جدي مليكه بنت ناس ادهم متعلق بيها جدا وهي اللي حاتقدر تساعدو في الفتره دي هو محتاج ليها
**عصمت انتو بتقولو ايه؟؟ الناس حاتقول ايه ساب كامليا عشان وحده شمال ؟؟
**اكرم عمتي بلاش تتكلمي في بنات الناس وانت عارفه ادهم كويس انو مالوش في الحرام لو شمال مكانش اتجوزها واطمني هي مش طماعه ولا بي تبص لفلوس
رحيم بيسمع واقتنع بكلام اكرم
**رحيم خلاص يا عصمت خودي بنتك وروحي ارتاحي مالوش داعي الكلام دلوقتي
**كامليا هو انت خلاص قبلتها تكون مراتو ؟؟
** رحيم مش وقتو الكلام دا
عصمت يلا خودي بنتك
عند ادهم
**مليكه كانت بتعيط في حضنو
**ادهم مليكه كفايه عياط انا ماستهلش دموعك اسمعيني كويس
زي ما سمعتي انا بقيت مشلول وعاجز جنسيا يعني مابقتش انفع لي اي حاجه
انت ...
مليكه بسرعه حطت ايديها علي شفايفو
**مليكه اوعي تنطقها انا حافضل معاك سامع انت طلبت مني دا دلوقتي انا اللي بطلب منك تخليني علي ذمتك ماطلقنيش الدكتور قال فتره مؤقته بس ادهم عمري ما حتخلا عنك حافضل خدامه تحت رجليك لحد ماتبقا كويس و ساعتها اللي انت عايزو اعملو
انا مش بنت حرام عشان اسيبك في الضروف دي انا محتاجه ليك
**ادهم محتاجاني في ايه ؟؟! انا عاجز لا حاعرف اديكي حقوقك الشرعيه وانت لسه صغيره ولا حاعرف احميكي
واهلي مش حايسيبوكي انا شوفت نضرات جدي كلها عتاب ليا ولا كامليا اللي ممكن تقتلك ومتخليكيش معايا ولا عمتي اللي بتخطط من بعيد
انا مش حانفعك حأذيكي بس وكفايه اللي عملتو معاكي لحد دلوقتي
**مليكه مش مهم كل اللي قولتو كل دا فتره ويعدي خليني جنبك انا قابله وماتقولش علي نفسك عاجز
**ادهم هي دي الحقيقه
**مليكه مؤقته انت لازم تعمل العمليه اوعدني
ادهم شايف نفسو ولا حاجه قدام مليكه ولي اول مره أطلق العنان لدموعو
وابتدا يعيط
مليكه استقبلت حزنو و دموعو في حضنها من غير كلام خلتو يطلع كل اللي جواه وكانت بطبطب عليه
الادهم القوي المغرور المتكبر بيبكي في حضن مليكه البنت البسيطه عديمه الخبره في الحياه والعلاقات الزوجيه ولا في الحب ادهم اول راجل تتعامل معاه وعن جداره واستحقاق كسبت الرهان اللي طلع ادهم منو خسران كان عايز يكسرها بس نيتها الطبيه
ودعائها لربنا انو يساعدها ويحفضها من جبروت ادهم
عجله الدنيا بتلف وعلي نياتكم ترزقون سواء طيبه ولا وحشه انها العداله الاهيه
اللي حصل لي ادهم ابتلاء يا ترا حايعرف يواجهو ولا مليكه حاتقدر تستحمل كل حاجه بتحصل حواليها في مده قصيره
حست مليكه ان ادهم استكان في حضنها ونام حاولت تبعد شويه
حطت راسو علي المخده وحست بي الم في دراعها وحاولت تطلع
فتحت الباب كان اكرم و رحيم
قام اكرم بسرعه يساعدها وهو شايف انها مش قادره توقف قفلت الباب
**مليكه اتفق مع الدكتور علي العمليه انا سيبتو نايم
**اكرم هو وافق بسرعه دي؟
**مليكه انت اكثر واحد عارف ادهم بس الحمدلله اقنتعو
**رحيم ايه سرك باتع كده عملتي ايه خلاه مش قادر يبعد عنك ؟؟
مليكه حاسه انها مش قادره تستحمل اي حاجه
اغمي عليها
نسرين بلعجيلي
**اكرم حاول يسندها دكتور بسرعه
شالها وداها اوضتها تحت نضرات رحيم اللي مش فاهم البنت دي عملت ايه في احفادو
مش عارف ياخد قرار صح وازاي يبعدها عنو مش هي دي اللي تكون مرات حفيدو واللي تشيل اسمو
بس حفيدو متعلق بيها وهو محتاجها في الوقت دا
الدكتور راح عند مليكه
**الدكتور هي اجهدت نفسها هي لسه طالعه من عمليه وأصلا هي ضعيفه جدا حاعلق ليها محلول
**اكرم لو سمحت يا دكتور هي ممكن تنقل لي اوضه ادهم؟؟
**الدكتور فكرنا في دا عشان حمايتهم حاضر حناخد السرير عندو في اوضه
**اكرم شكرا ليك ادهم قرر يعمل العمليه
**الدكتور كويس عشان مانضيعش وقت كل ما عمل العمليه بدري كل ما احسن
بعد كده ندخل في العلاج
وانا شايف ان المدام ليها تأثير عليه واهم حاجه هي نفسيه المريض
**اكرم ياريت تقول الكلام دا لي رحيم بيه
**الدكتور ان شاء الله
****************************
ايه رأيكم في موقف مليكه ؟؟؟
بعت نفسي بقلم نسرين بلعجيلي
البارت 39
الدكتوره طلع بره عند رحيم
**رحيم اخبارها ايه؟؟
**الدكتور اتفضل معايا نتكلم في المكتب
رحيم راح معاه ودخلو المكتب
**الدكتور الحادثه يا رحيم بيه كانت قويه عليهم وهي حصل ليها نزيف وفقدت دم كثير جسمها ضعيف وعليه كدمات كثير من غير الحاله النفسيه خاصه بعد
خبر شلل جوزها مش سهل ودا باين من انهيارها انا اديتها حقنه مهدئه
رحيم بيه انا اسف اني بدخل بس شايف الثوثر العائلي دا مش في صالح ادهم بيه خاصه مدام عصمت وبنتها بحومو حولين مدام مليكه وعلي فكره كاميرات المراقبة جابت مدام عصمت وهي بتتفق مع الممرضه اللي حاولت تقتل مدام مليكه
**رحيم بعصبية بتقول ايه يا دكتور ؟؟
**الدكتور بقول الحقيقه اتفضل شوف بنفسك
رحيم كان مصدوم جدا من اللي بشوفو
عصمت جايبه الحقنه بتديها الممرضه واداتها فلوس
**الدكتور رحيم بيه انت كويس ؟؟
رحيم طلع ضغطو من اللي بشوفو
**رحيم الفيديو دا مين شافو؟؟
**الدكتور انا و قسم المراقبه بعد ما الضابط طلب تفريغ الكاميرات
بس هو جالي وانا قولت ليه يحدفو
وحاولت اكلمك وتهمني كمان سمعه المستشفى
بس كل الخوف الممرضه تتكلم وتفتن علي مدام عصمت
رحيم بيه الكلام دا خطير لان لولا اكرم بيه الحقنه كانت حاتقتل مدام مليكه
اللي فهمته انها مش من مقامكم ومش عايزها بس ادهم بيه محتاج ليها وبحبها دا من ساعه مادخل المستشفى وهو مافيش غير اسمها علي لسانو
والبنت باين عليها انها بنت ناس لان حتي الطريقه اللي كانت بتهديه بيها بتاعت وحده باقيه علي جوزها وحده توقف مع جوزها رحيم بيه حاله ادهم وحشه اوي اوي
**رحيم حايفضل كده علي طول ؟؟
روايات نسرين بلعجيلي Nisrine Bellaajili
**الدكتور دا متوقف علي نفسيتو وتقبلوا للمرض عشان يساعدنا علي العلاج رحيم بيه هو محتاج مراتو لان حاله ادهم عندو شلل وعجز جنسي دا ممكن حتى الحمام يعملو علي نفسو تقولي يا رحيم بيه انت ولا اكرم بيه تقدرو تغيرو ليه؟ واحد بشخصيه ادهم حايرضا بكده ولا ممرضه تكشف عليه تغير ليه ولا ممرض دي حاجات حساسه الا مراتو سترو وغطاه ومليكه هي نوع الستات دي اللي تخدم جوزها من غير زعل مدام كامليا حاتعرف تراعي حفيدك وتعتني بيه؟؟
**رحيم لا حول ولا قوه الا بالله العلي العظيم لدرجه
**الدكتور ايوه يا رحيم بيه مدام مليكه بنت بلد اللي توقف مع جوزها في السراء و الضراء انا كلمتها كانت منهاره قبل ما تدخل عند ادهم بيه وسألتها حاتقدر توقف مع جوزها ؟؟
إجابتها انها معاه لي اخر نفس وعمرها ماتتخلي عنو
**رحيم انا ممكن اسفرو بره
**الدكتور إن شاءالله بس حاليا لازم نعمل العمليه بسرعه والحمدلله اقتنع انو يعملها بعد مكان رافض ودا من تاثير مراتو عليه
و حاليا حاننقلها عندو الغرفه علشان تكون جنبو
**رحيم إن شاءالله ارجوك مش عايز شوشره وعصمت بنتي اكيد انت فاهم غيره الستات هي كانت عايزه بنتها لي حفيدي
**الدكتور فاهم حضرتك بس حاليا هو عايز ومحتاج مدام مليكه
**رحيم شوفلي صرفه في الممرضه دي
**الدكتور اكيد انا مش عايز سمعه المستشفى تبقا علي كل لسان في الصحافه
تاني يوم
صحي ادهم شاف سرير مليكه جنبو
وعلي الكنبه جدو نايم
**رحيم صحيت يا حبيبي ؟
**ادهم ليه نايم هنا ؟؟
**رحيم بحميك انت ومراتك
**ادهم خلاص قبلت مراتي؟؟
**رحيم انت حاطتني امام الامر الواقع بس ممكن اعرف حكايتها ايه؟؟
ابتدا ادهم يحكيلو من اول يوم شافها واللي عملو فيها
**رحيم كل دا عملتو فيها هي دي تربيتي ليك قولتلك كون قوي وقاسي بس ماتضلمش حد ترضا حد يعمل في كامليا كده او لو كان عندك اختك ؟؟ ليه يا بني ؟
الوقت مليكه كانت ابتدت تصحي وسمعت كلامهم
**ادهم والله يا جدي ندمان جدا جدا مش عارف اللي حصل ليا بس اهو ربنا انتقم مني من اللي عملتو فيها ورغم كل دا كنت عايز اطلقها وهي رفضت قالت ليا مش حاسيبك وبصراحه يا جدي انا محتاج ليها ومرتاح معاها حضنها دا بعوضني عن حضن امي الله يرحمها
**رحيم حبتها ؟؟؟؟!
**ادهم مش عارف ومش فاهم الحاله اللي انا فيها كل اللي اعرفو إن محتاج ليها
**رحيم لازم نشوف حل لي غاده شوفت كلامي لما قولتلك انها حيه
**ادهم الحمدالله اني ماتجوزتهاش وكشفت حقيقتها
Nisrine Bellaajili
**رحيم اهل مراتك حتعرفهم بي الحادثه ؟؟
**ادهم مش عارف لما تصحي مليكه اكلمها
جدي مليكه فقيره بس كرامتها بي الدنيا عمرها ما طلبت فلوس مني
**رحيم بس انت جبت ليها شقه
**ادهم مش هي اللي طلبت جبتها علشان اعوضها عن اللي عملتو فيها مش حاتكلم عليها كثير انت حاتعرفها ومتاكد انك حاتحبها
**رحيم إن شاءالله حانزل اشرب قهوه تحت واشوف اكرم فين
**ادهم ارجوك يا جدي مش عايز عمتو ولا بنتها يضايقو مليكه ولا اشوفهم هنا
**رحيم إن شاءالله
وطلع راح اوتيل اللي فيه عصمت
**ادهم مليكه اصحي
**مليكه صباح الخير
**ادهم كنت صاحيه؟؟
**مليكه بصراحه اه
**ادهم امممم وسمعت كلامنا
**مليكه اه وقامت من علي السرير
راحت عندو
**مليكه حاسس بي ايه ؟؟
**ادهم تعبان وجع مش قادر استحملو لحد ما ادوني مسكن قوي
**مليكه بي الشفا إن شاءالله ادهم ربنا ما بينتقمش من حد الابتلاء علشان ربنا بحبك وعايز يفوقك ارجوك بلاش الكلام دا تاني وانا والله العضيم مسامحاك
**ادهم انت طيبه اوي
**مليكه وانت كمان الطيبيبون لي الطيبات
**ادهم الحمدالله
في اوتيل
دخل رحيم كانت عصمت لسه نايمه
**رحيم قومي يا هانم كلميني ؟؟
**عصمت في ايه يا بابا
**رحيم في انك بقيتي قتاله قتله
**عصمت برعب انت بتقول ايه ؟
**رحيم مصدوم فيكي هي دي تربيتي ليكي ولا خلاص الطمع عما عنيكي تقومي تدي حقنه للممرضه واوعي تنكري الكاميرا جابتك
**عصمت ايه ؟؟
**رحيم زي ما بتسمعي دماغك كانت فين وليه كل دا !؟؟ علشان بنتك ؟!
**عصمت اه علشان سمعت بنتي الكل عارف انها مخطوبه لي ادهم وبكل بجاحه جايب وحده من الشارع مقرفه يفضلها عن بنتي
**رحيم تقومي تموتيها هو الشر وصل بيكي لدرجه دي ؟؟؟
هنا دخلت كامليا
**كامليا انت ليه يا
جدي شايف الموضوع بسهوله دي إن ادهم يتجوز جربوعه
**رحيم الموضوع مش سهل بس اعمل ايه وانا شايف حفيدي كان حايروح مني وبقا مشلول اتخلي عنو علشان انت وامك تبقو مبسوطين ؟
**كامليا انا اولي بيه
**رحيم بخبت خلاص حاخليه يطلقها
**كامليا بفرحه بجد يا جدو !؟
**رحيم طبعا و اخليه يتجوزك بس لازم تعرفي إن حاله ادهم بقت حساسه يعني بقا حاليا عاجز جنسيا و محتاج ست تغير ليه علشان للاسف حايعمل حمام علي نفسو لحد ما يعمل العمليه ويسترجع صحتو قولتي ايه يا حفيدتي ؟؟
**كامليا كانت مصدومه بس قالت بكل ثقه في النفس ماتخافش ياجدي حاخد بالي منو واجيب ليه طقم ممرضات ياخدو بالهم منو كويس ومش حاسيبو
**الجد اها قولتيلي كده يعني حاتخلي ممرضه تكشف علي جوزك وتكشف عورتو ؟؟ وانت لازمتك ايه؟
عصمت فهمت ابوها بلمح لي ايه
**عصمت ماتشيليش هم يا بابا كامليا حاتعرف تراعي ادهم
**رحيم انا لسه ماسمعتش ردك ؟؟
**كامليا بس يا جدي دي مهمه الممرضة
عصمت كانت بتغمز ليها بس مافهمتش
**رحيم خلص الكلام مليكه مرات ادهم ومافيش كلام بعد كلامي وانت وهي ترجعو علي الاسكندريه انهارده وتبعدو عن مليكه والا انتو عارفين انا ممكن اعمل ايه!!!
****************************
ايه رأيكم في الأحداث ؟؟
وشكل رحيم تقبل مليكه ولا لا ؟؟
شكرا لي اي حد بعلق و يعمل تصويت
البارت 40
بعت نفسي بقلم روايات نسرين بلعجيلي Nisrine Bellaajili
في المستشفى
كان اكرم جاب هدوم لمليكه
**ادهم شكرا يا اكرم علي وقفتك معايا ومع مراتي
**اكرم عيب تقول كده انت اخويا وهي اختي ماتنساش اني انا كنت واكيلها
دخل الدكتور
**الدكتور صباح الخير
**ادهم صباح الخير يا دكتور حافضل نايم علي بطني كده لحد امتي ؟؟؟
**الدكتور ادهم بيه علي بليل حاتعمل العمليه وبعد كده تنام علي ضهرك عادي
شوف يابني انت انسان قوي وحاتعدي المرحله دي تأكد انها مرحله قصيره بس دا متوقف علي نفسيتك واستقابلك للعلاج بعد العمليه حتاخد علاج معين يخلي العضلات تستجيب وبعد كده حانعمل العمليه الثالثه ويمكن تكون بره مصر ومع العلاج الطبيعي حاتوقف علي رجلك
بس انت الوحيد اللي في ايدك تخلي العلاج يا طويل يا قصير
**ادهم إن شاءالله ومراتي عندها ايه؟
**الدكتور الحمدالله هي كويسه من غير الكسر في ايديها وبعض الكدمات شويه وحاتروح غرفه الكشف مع دكتوره علشان النزيف
ولازم نعمل بعد الفحوصات
حاديك حقنه دلوقتي تريحك علشان تستعد العمليه
طلع الدكتور وفضلت بس مليكه معاه
**ادهم قربي مني يا مليكه
راحت جنبو
**ادهم انت سمعت كلامو يا بنت الناس انت ممكن...
**مليكه شووو مافيش كلام في الموضوع دا انا حافضل معاك بص مش انا اتجوزتك سليم ابقا لازم ارجعك لجدك سليم برضو لا يعمل فيا حاجه
ادهم انفجر من الضحك
كان بره رحيم واكرم وهما سامعين ادهم بيضحك
**اكرم شايف يا جدي قولي بذمتك امتي اخر مره سمعت ضحكت ادهم من قلبو كده
**رحيم من زمان كثير
هو انت ليه بدافع علي البنت دي كده ؟!؟!
**اكرم علشان غلبانه وحفيدك ضلمها فوف ما تتخيل ورغم كل دا لسه واقفه جنبو
**رحيم مش يمكن عايزه قرشين واهي سبوبه جات لحد عندها
**اكرم لا يا جدي انت غلطان في حكمك عليها
**رحيم حانبقا نشوف مين الغلطان
نسرين بلعجيلي
علي بليل
ادهم دخل غرفه العمليات
ومليكه كانت مصره تروح معاه تستناه علي باب غرفه العمليات
عدت ساعه
ورحيم شايف مليكه بتدعي وقاعده
راح عندها
**رحيم عايزه كام؟؟
**مليكه مش فاهمه حضرتك
**رحيم انت فاهمه كويس اوي كلامي تاخدي كام ؟
**مليكه بص حضرتك انا عارفه انك مش متقبلني ومن حقك اوعدك اول ما ادهم بيه يقوم يمشي علي رجلو حاطلع من حياتو
**رحيم كويس انك عارفه مقامك وعارفه مقام ادهم بيه
**مليكه العين ماتعلاش عن الحاجب
**رحيم بس برضو عايزه كام ما انت حاتشتغلي خدامه و ممرضه لازم تاخدي ثمن خدمتك
**مليكه اه انا حابقا خدامه و ممرضه لجوزي وليا الشرف في دا وامي ربتني إن الست تكون في خدمه جوزها
**رحيم قولتيلي الست الوالده
ونعم التربيه يعني انت وامك عاملين الفيلم الهندي علي حفيدي
اوعي تفتكري انك قبلتك تكوني حرم ادهم الشرقاوي لا فوقي لنفسك انت جوازه مؤقته بعد كده تغوري في ستين داهيه
**,مليكه حاضر يا رحيم بيه
رغم انها كانت موجوعه من كلامو بس كانت متوقعاه
**رحيم بعد ما ادهم يطلع حاتروحي معانا القصر كا خدامه ومش حاعترف بجوازك منو وحانفي الخبر في كل الصحف والمجلات لحد ما يقوم بالسلامه ويطلقك ويتجوز كامليا بنت الحسب والنسب وبنت عمتو
مليكه هنا خافت ازاي مش حايعترف بجوازها حاتقول لي امها ايه
رحيم فضل يتكلم كثير في قوانين القصر
بس مليكه كانت سرحانه ومش معاه رفع راسو ليها لاقاها بتبص في ارض و دموعها بتنزل
قام وسابها
طلع ادهم من العمليات واخدوه اوضتو
الدكتور طلب مليكه واكرم ورحيم في المكتب
**اكرم خير يا دكتور ؟
**الدكتور الحمدالله العمليه نجحت حايفضل اسبوع هنا.
وبعد كده يمكن يطلع
في ادويه لازم يمشي عليها
ولازم علاج طبيعي مرتين كل يوم وحقنه ياخدها بليل لو علاج علي شهر جاب نتيجه
ممكن ساعتها يسافر المانيا في مستشفى متخصصه في الحالات دي وانا تواصلت مع البروفيسور علشان حالتو
وطبعا اول فتره ادهم بيه مش حايكون حاسس بنصفو السفلي كامل ودي نقطه لازم يفهمها ويتقبل دا والنفسيه اهم حاجه
مدام مليكه مهمتك صعبه جدا لان الادويه حاتخليه عصبي ومتنرفز
احساس الراجل انو يعمل حمام علي نفسو مش سهله بس هي فتره قصيره لان لو استجاب للعلاج حايرجع طبيعي
نسرين بلعجيلي
**رحيم حاجيب ليه اكبر طقم تمريض في القصر وانا حضرت ليه جناح تحت وقولي كل المعدات اللي لازم نجيبها
**مليكه لا يا رحيم بيه ماحدش حايخدمو غيري ولا يقرب منو
**رحيم انت ازاي تتكلمي كده معايا ؟؟
**مليكه اللي بتتكلم عليه دا جوزي ازاي عايز تجيب ليه ممرضه تغير ليه دا اهم ممكن انا ومايرضاش اني اقرب منو
**اكرم مليكه بتتكلم صح
**الدكتور وانا شايف كلام مدام مليكه صح احنا ممكن نبعث ممرضه شاطره تعلمك ازاي تدي الحقنه وازاي تتعاملي مع الحاله والادويه والعلاج الطبيعي
**مليكه وانا مستعده اتعلم
الايام بتمر بسرعه ونهارده طلوع ادهم من المستشفى
ولازم مليكه تلبسو الحفاضه لان الفتره اللي فاتت كان مركب قسطره
**ادهم انت بتعملي ايه ؟؟
**مليكه بتوثر ادهم اهدا كده دي حاجه مؤقته
**ادهم تلبسيني حفاضه وتقوليلي مؤقته ايه بقيت بيبي حاعملها علي روحي
**مليكه معلش يا ادهم نستحمل شويه
**ادهم بكل عصبيه اطلعي بره
وابتدا يزعق
مليكه غطتو وطلعت بره
**اكرم في ايه ؟؟
**مليكه مش راضي يتقبل اني اغير ليه انا كنت متوقعه دا
**رحيم والعمل ؟؟
**مليكه نديلو وقت يستوعب هي مش حاجه سهله بس ارجوكم ماحدش يتكلم معاه ولا يحسسو انو عارف الموضوع دا ولا حتي الدكتور ادهم مش حايتقبل حد يشوفو ضعيف كده
اكرم ورحيم بصو لبعض بي استغراب من كلامها
ورجعت دخلت عندو
**ادهم رجعتي ليه؟
**مليكه يلا يا ادهم علشان نطلع من هنا هو انت ما زهقتش من قعده المستشفي ؟؟
**ادهم حد عارف ؟؟
**مليكه انا الدكتور كلمني ومش حاخلي حد يقرب منك غيري وانا سترك وغطاك
**ادهم مش حاتقرفي مني؟؟
**مليكه وهي ابتدت فعلا تغير ليه يوووه دا انا متعوده
**ادهم متعوده ازاي؟؟
**مليكه كنت بغير لي اخواتي
**ادهم بس انا مش اخوكي
مش حاتقرفي مني ؟
**مليكه هو في ام بتقرف من ابنها ؟؟
**ادهم بعصبيه انا مش ابنك
مليكه كانت خلصت من غير ما يحس وقربت منو
**مليكه انت ابني واخويا وابويا و صاحبي وجوزي
**ادهم صعبان عليكي لدرجه دي؟
**مليكه بلاش دلع يلا البس انا متحمسه اشوف القصر دا
يا ترا حايطلع زي ما بشوف في الافلام ولا لا
**ادهم انت طمعانه تعيشي في القصر؟؟
**مليكه كده يا ادهم تفكر فيا كده ؟؟
**ادهم شوفتك اخدت عليا وبقيتي تقولي ادهم حاف كده
هنا مليكه كا انو ضربها بقلم في وشها وفاقت
**مليكه انا اسفه اوي يا ادهم بيه نسيت نفسي
ادهم شاف وشها اللي بقا احمر من الاحراج واديها اللي بتترعش وهي بتلم الحاجه
هو عمل كده علشان مايشوفش في عنيها شفقه منها رغم انها صعبانه عليه وعارف انها حاتشوف ايام سوده في القصر ومتاكد إن جدو مش حايخلي الموضوع يمر بسلام
**مليكه انا خلصت حاطلع اقول لدكتور
مكانتش بتبص عليه
الدموع كانت في عينيها
طلعت تنده علي الدكتور
دخل اكرم
**اكرم مالها مليكه بتعيط ؟
**ادهم مافيش
**اكرم انت اتحولت ثاني ماكنت كويس معاها
**ادهم نصيبها كده
**اكرم دا نصيب اسود بعيد عنك باين امها داعيه عليها مش داعيه معاها
جدك مش مخلي ليها فرصه الا وبيجرحها بي الكلام
**ادهم مش هي اللي عامله فيها الست الوفيه اللي بتوقف مع جوزها تستحمل بقا قولتها اطلقك وهي مش عايزه
**اكرم لا حول ولا قوه الا بالله العلي العظيم
****************************
مستنيكي ايه يا مليكه في القصر
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
