سكريبت علشان عاميه جوزي اتجوز عليا كامل وحصري بقلم الكاتبه هويدا زغلول
 |
بيجيب ستات
الشقه ولما سلفتي عرفت اتجوزته
وقبل ما نبدا الحكايه اعرفكم بنفسي أنا زهره
عندي 28سنه متجوزه بس للاسف
مش بشوف وفي يوم
كانت سلفتي فريده عندي ولقيتها خارجه من المطبخ
وبتقول
-
خلاص يا قلبي عملتلك كل حاجه في المطبخ
والرز قرب يستوي لما يخلص هطفي
عليه واطلع الشقه
+
اقعدي يا فريده عايزه اتكلم معاكي
في حوار انتي عارفه ان اخويا مراد مراته برضه
اتوفت وبيدور علي عروسه
_
لا طبعا اي الكلام ده انا لا يمكن افكر
اتجوز بعد فريد جوزي الله يرحمه ارجوكي اوعي
تتكلمي في الحوار ده تاني
-
يا بنتي انتي لسه صغيره مينفعش تفضلي
عايشه حياتك كده بدون جواز
_
بقولك اي جوزك قرب يجي أنا داخله
اطفي البتوجاز وبعدين اطلع شقتي
سلام وبعدها دخلت وانا من كتر
التعب نمت في الصاله
وبعدها جه احمد جوزي وكانت
معاه واحده وكانت الشقه كلها ريحتها دخان
_
اي ده ريحه عامله اي كده ومين اللي نايمه
دي انت عامل ليا كمين في الشقه دي ولا اي
_
بقولك اي ادخلي اوضه النوم بس ملكيش
دعوه دي مراتي ومش بتشوف اطمني
_
لا طبعا انا لا يمكن اقعد في الشقه وهي
هزا بقولك اي اديني فلوسي خليني امشي
انا مليش دعوه انا جيت معاك المشوار
والمشكلة من عندك انت
_
طيب اهدي بس والله كل حاجه هتتحل
اقولك هدفعلك فلوس
اكتر من اللي اتفقنا عليها عايزه حاجه تاني
يا ستي
_
لا مش عايزه اقولك انا ماشيه. خلاص مش
عايزه فلوس وبعدها مشيت وهو دخل المطبخ
وطفاه البتوجاز وخرج وانا صحيت
_
انت جيت يا احمد اي ده فيه اي مالك ريحه
الشقه عامله ليه كده
_
انتي لسه واخدا بالك يا ست هانم حرام عليكي
اللي انا فيه اي مش قد دخول المطبخ بتدخلي
ليه
_
والله مانا دي فريده يا خبر دي نسيت
تطفي علي الرز ولا اي وبعدها الباب خبط
وكانت حماتي
_
اي ده مالك يا ابني صوتك عالي ليه كده
هو فيه اي مالك ريحه الشقه عامله ليه
كده
_
تعالي شوفي يا ماما الهانم عملت اي بصراحه
انا خلاص اتخنقت من العيشه اللي انا فيها
دي
_
وانتي ايه اللي دخلك المطبخ يا حبيبتي مش قلنا كذا مره بلاش تدخلي المطبخ وتعملي حاجه
وفي الوقت ده انا عيط وقولت
_
والله العظيم ما انا دي فريده بس تلاقيها نسيت هي مش قصدها يعني وبعدها نزلت فريده
_
ايه يا جماعه في ايه صوتكم عالي ليه كده ايه ده مالك بتعيطي ليه ي زهره
_
مش تخلي بالك يا فريده نسيتي البوتاجاز والاكل اتحرق
_
يا خبر شكلي وانا بطفي عليه عليته وسبته معلش يا جماعه انا اسفه
_
ولا يهمك يا حبيبتي تكثر خيرك اصلا ان انتي بتعملي لها حاجه وانتي مجبره على كده
_
بعد اذنكم انا داخله الاوضه جوه
_
جرى ايه يا حماتي في ايه بطلي الطريقه اللي انت عماله تتكلمي بيها دي وبعدين هو انت ناسيه ان الحادثه اللي حصلتلها دي بسبب ابنك
_
جرى ايه يا فريده في ايه ما تخلينيش اغير فكرتي عنك خليكي في حالك يا حبيبتي احمد
ابني مكنش قصدو يعمل بيها حادثه
_
حصل اللي حصل وانا من رايي ان ما حدش يتكلم معايا باسلوب وحش تاني بعد اذنكم وبعدها
مشيت
_
سيبك منهم يا حبيبي انا رايي انك تتجوز
اصل حرام العيشه اللي انت فيها دي
_
لا ي امي أنا مش هتجوز انتي مش عارفه
ان امها بدفع مصروف ليها كام في الشهر
ولو انا اتجوزت اكيد هي هتطلق مني
_
هو لازم يكون ب عملها خليها من وراها
_
بقولك اي انزلي اعملي ليا اكل انا راجع
من الشغل تعبان اوي ومش قادر اقف
اعمل حاجه وبعدها فعلا نزلت
وفي شقه فريده كانت هبه اختها عندها
_
يا خبر ابيض انت اللي عامله كده اقصد طب افرضي يا بنت كان جرى ليها حاجه كنتي تعملي
ايه
_
ولا هعمل اي حاجه انا مالي اساسا انا واحده
كتر خيري نازله اساعدها نسيت البتوجاز والع
غصب عني
_
طيب هو انتي ليه بتعملي كل ده حرام عليكي
ي بنتي والله
_
متعرفيش نفسي اتجوز احمد ازاي وهو
ولا حاسس بيا وانا عارفه ومتاكده
أنه مش بيحبها والله
_
طلعي من دماغك البت كويسه معانا وكفايه
كويس اوي اللي عملته مع امنا قبل ما نظرها
يروح
_
هو انتي اي كل شويه تتكلمي معايا في الحوار
ده قومي روحي مش عايزه كلام تاني وبعدعا
هبه مشيت وبدأت فريده تفتكر يوم ما زهره
دخلت عندها وقالت
#فلاش باك
_
ازيك يا فريده عامله اي أول لما شوفتك
طالعه قولت لازم اجي اطمن علي مامتك
صحتها عامله اي دلوقتي
_
والله مش عارفه اقولك ايه ادعي ليها ربنا
يخليكي الدكتور بيقول لازم نعمل العمليه
في اسرع. وقت وفكرنا أننا نبيع عفش
بيتها
_
يا خبر للدرجه دي لا طبعا.وااله ما هيحصل
كده بكره هيكون عندك الفلوس
_
ارجوكي بلاش احراج انا مش هقدر اسد
الفلوس ومش عايزه كلمه من حماتي
_
انتي عارفه ومتأكده ان حماتك لا يمكن تتكلم معاكي علشان خاطر هتخاف تخدي العيال
وتمشي من هنا وانا مش هقول ليها حاجه
بكره تكون فلوس العمليه عندك
_
بجد انتي انسانه جدعه اوي والله ومش
عارفه اشكرك ازاي علي اللي انتي بتعملي
معايا ده
_
مافيش شكر بين الاخوات المهم انا هروح
لماما اجيب ليكي الفلوس لأن مسافره
بكره أنا وأحمد بقالنا كتير مش غيرنا جو
والله لولا موضوع مامتك كنت قولت
ليكي تيجي معانا
_
مكتوب عليا افضل قاعده في الشقه هنا
مافيش مشكله بقي ي حبيبتي وبعدها مشيت
من عندها
_
وخدا حظك في كل حاجه الزوج الكويس والفلوس وامك غنيه وبتحبك ومش بتستخر
فيكي حاجه اي يا شيخه مكوشه علي الدنيا
كلها حرام عليكي وبعدها فعلا روحت لماما
وسافرت انا وأحمد وفي المستشفي هبه
قالت ل فريده
_
واحنا هنرجع لها الفلوس دي ازاي احنا لازم نبيع عفش البيت زي ما اتفقنا
_
بقول لك ايه خلينا ناخد شويه من حظها ايه المشكله يعني ان هي دفعت فلوس العمليه
ده كمان قولت ليها ان الفلوس اعلي من
كده بس طبعا مش هينفع تعرف
حاجه علشان كده خدي بالك من لسانك
قدمها
_
حرام عليكي انتي ايه مش كتر خيرها
وفي الوقت ده التلفون رن وكانت حماتي
_
الو ازيك يا حماتي عامله اي مالك صوتك
عامل ليه كده فيه اي ازاي يعني واحمد
كويس طيب انا جايه حلا
_
هو انتي اتجننتي رايحه فين
_
احمد عمل حادثه بالعربيه ولازم اروح
اطمن عليه هجيلك قبل
ما ماما تخرج من المستشفي والله وبعدها
مشيت
وفي المستشفي هرج الدكتور
الدكتور
استاذ احمد كويس هو رجله بس اللي انكسرت
بس المدام للاسف فقدت نظرها
وحماتي فرحت وقالت
_
المهم أن ابني كويس الحمد لله علي
كل حال يا دكتور والله ما تعرف فرحتني ازاي
وبعدها عشت حياتي بدون نظري
#رجوع
وفي شقتي الباب انفتح وكانت ماما
وانا قولت
_
مين اللي علي الباب
_
انا يا حبيبتي هو انتي عالطول سايبه
مفتاح الشقه برا كده مينفعش يا حبيبتي
لاحسن خد يدخل عليكي
_
انتي عارفه يا ماما ان مش بعرف كل شويه
اقوم وافتح وبعدين انتي عارفه ان
بيت عيله ومحدش غريب بيطلع
_
ليكي عندي خبر حلو اوي فيه دكتور
جاي من المانيا وهنعمل عندو العمليه
_
تاني يا ماما قولتك لا مش هعملها تاني
انتي متعرفيش نفسيتي عامله ازاي والله
من المره اللي فاتت
_
ي بنتي خلي املك في ربنا كبير وبعدين
مينفعش اللي انتي فيه ده
_
لا يا ماما وبعدين انا مصدقت أن احمد نسي
مش عايزه كل شويه يكون نفسيته زفت
_
مش يحمد ربنا علي اللي هو فيه انتي اللي فاتحه
البيت ده من معاكي بفلوسك انتي ولا انتي
ناسيه
_بطلي بقي كلامك ده مش كفايه مستحمل
انه عايش معايا من غير خلفه وكمان مش بقيت
اشوف وفي الوقت ده الباب انفتح وكان
احمد ومعاه واحده
_
يا خبر ابيض حماتي انتي هنا ازيك عامله اي وبعدها ماما قامت وقالت
_
كويسه يا جوز بنتي مين اللي معاك دي
_
اي ده يا احمد هو احنا عندنا ضيوف ولا اي
_
لا ضيوف اي دي جايه هنا علشان تشوف
طلباتك ادخلي يالله يا ايمان علي المطبخ وبعدها دخلت اصل ازاي متعرفيش اللي حصل
امبارح يا حماتي نسيوا الاكل علي الرز
وبعدين الشقه كلها
_
كثر خيرك يا جوز بنتي لو عايزني اجي لك كل يوم اعملك كل طلباتك انا ما عنديش مشكله بس انت مش شايف ان لبسها اوفر شويه اللي جايه دي
_
وهو انا مالي بلبسها اصلا يا حماتي انا ليه عندها
ان يكون شغلها كويس وبس مش عايز
حاجه تانيه
_
ماشي انا همشي يا زهره عايزه اي حاجه
_
لا يا حبيبتي شكرا مع السلامه وبعدها مشيت ماما شوف يا احمد عايز تاكل اي وخليها تعمل الاكل
_
تمام يا حبيبتي وهدخل انام شويه لاحسن
انا تعبان اوي عقبال ما تخلص خليكي قاعده
بقي بدل ما تتكعبلي في حاجه
_
تمام يا حبيبي بس خليها تعملي كوبيا نسكافيه
وبعدها دخل احمد وقالها
_
بقول لك ايه انا هبعت اجيب اكل من بره لان لازم يكون في اكل طالما حماتي شافتك
وانتي اعملي ليها كوبيا نسكافيه
_
هو انا جايه هنا اخدمكم بلقمتي ولا ايه بقول لك ايه انا ما ليش في الكلام ده
_
يا ستي هدفعلك الفلوس اللي انتي عايزها
بس ارجوكي بقي اعملي اللي هقولك عليه
_
تمام اخد زياده عن المبلغ اللي اتفقنا عليه
500جنيه ولا اي رايك اخرج ل مراتك
واقولها انا هنا ليه
_
خلاص خلاص هدفعلك الفلوس اللي انتي عايزه
بس يلا بقي وبعدها دخلوا الاوضه وتاني
يوم كنت وافقه قدام الدلاوب ودخلت
فريده
_
ايه يا بنتي عماله انادي عليكي هو انتي عماله تدوري على ايه في الدولاب
_
السلسله اللي كنت لابساها انا ما حطيتهاش في علبه الذهب كنت سايباها هنا في الدولاب ومش لاقياها
_
ازاي يعني طب افتكري اوعي كده وانا ادور لك عليها فضلت تدور عليها وبعدها قالتلي برده مش لاقياها انتي متاكده انك كنت سايباها هنا
_
ايوه انا حاطاها بايدي دي اول هديه احمد جابها لي بجد انا فرحانه بيها قوي وعايزها
_
خلاص اكيد احمد شفاها وشالها متزعليش
نفسك تعالي نقعد برا شويه وبعدها خرجنا والباب خبط وفتحت فريده
فريده
مراد ازيك عامل ايه تعال ادخل اتفضل
وبعدها دخل وجه جنبي
_
ازيك يا زهره عامله ايه ماما قالتلي اخرج من الشغل عليك علشان كنت طالبه منها شويه حاجات انا جبتلك كل الحاجات اللي انتي عايزاها
_
الله يسلمك يا حبيبي كثر خيرك معلش يا فريده خدي منه الحاجات واعمليله بس كوبايه شاي
وبعدها اخدت الحاجات ودخلت علي المطبخ
_
انا عارف ان انتي ما كنتش محتاجه حاجه وكنتي مصممه ان انا اللي اجي ممكن اعرف بقى انت عايزاني اجي عندك ليه
_
يا ابني عايزاك تشوف فريده وتتكلم معاها والله العظيم دي بنت حلال وكويسه جدا. اكيد
هتكون زوجه صالحه ليك
_
تاني هتكلم في الحوار ده قولتك الف مره
انا لا يمكن اتجوز بعد مراتي الله يرحمها
وفي الوقت ده دخلت حماتي وانا مكنتش
اعرف وقولت
_
انت برضه بتقول كده هي برضه عامله تقولي
نفس الكلام يا جماعه مينفعش كده انا نفسي
اشوفك عريس ومتهني في بيتك
ولقيت حماتي عامله تزعق وبتقول
الحما
يعني هي عامله تقولك مش عايزه اتجوز
وانتي ياختي عامله فيها الخاطبه علشان
خاطر اخوكي يكون عريس انا مراتك
ابني بنت اصول ولا يمكن تفكر تتجوز
بعد جوزها
_
ايه ده حماتي والله العظيم انا كان قصدي
اشوفها سعيده في حياتها مش اكتر
_
كثر خيرك يا حبيبتي مش عايزين منك حاجه مش كفايه مستحملينك وانت كده واخويا
اتعصب وقال
_
يعني ايه ان شاء الله مستحمل لنا وهي كده هو انت ناسيه من اللي حصل ده بسبب سواقه
ابنك ولا اي
_
انا ما ليش كلام معاك انا بكلم مرات ابني وابني لما يجي ان شاء الله يبقى يشوفله صرفه في الموضوع ده وبعدها نزلت وخرجت فريده
فريده
ايه ده يا جماعه في ايه حماتي كانت بتزعق ليه هو في حد زعلها وانا عيط وقولت
_
بقولك ايه يا مراد معلش خدني اليومين دول عند ماما انا بجد نفسيتي زي الزفت
_
اهدي بس يا حبيبتي هو في ايه يا مراد اللي حصل
_يلا بينا يا زهره بجد انا مش عارف انتي
ليه قاعده هنا مع الناس دي وبعدها
مشيوا ونزلت فريده عند حماتي
_
هو فيه اي بالظبط يا حماتي انا مش فاهمه
اي حاجه
_
بقولك اي أنا مش عايزه يكون ليكي
علاقه باللي اسمها زهره دي انتي سامعه ولا لا
ال اي عايزه تجوزك ل اخوها
_
تاني والله يا حماتي انا قلت ليها قبل كده عمري ما هفكر في الجواز تاني ما اعرفش هي ليه مصممه تخليني اتجوز اخوها دي لدرجه عماله تقولي غني ومبسوط ومعاه فلوس بس انتي عارفه ان الفلوس ما تفرقش معايا
_
طول عمرك يا حبيبتي اصيله وبنت ناس المهم اخوها خدها مش كده انا اتصلت باحمد وعرفته
_
اه اخدتها المهم انا طالعه شقتي بقي
اخلص اللي ورايا وبعدها طلعت وسمعت
صوت في شقتي واحمد كان جوا وبيقول
_
والله يا بنت انتي وشك حلو دي اول مره مراتي ما تبقاش موجوده في البيت ما تعرفيش انا فرحان ازاي ودخلت فريده في الوقت ده وقالت
_
حلوه قوي الكلام ده مراتك مش في البيت وانت جايبلي ستات مين دي يا استاذ احمد
_
دي دي واحده ااا
_
ااه طبعا مش عارف ترد تقول ايه بما ياراجل مراتك تمشي تروح بيت أهلها تقوم بسلامتك تجيب واحده ست انا مش هسكت يا احمد
_
اهدي بس يافريدة اهدي ارجوكي مش عايز امي تسمع حاجة وطي صوتك
_
خليها تمشي من هنا حالا وانا هوطي صوتي يا أحمد وخلينا نتكلم انت ايه وبتعمل كده ليه
_
طيب روحي انتي دلوقتي وهنتكلم بعدين يلا امشي
بس البت لفريدة وقالت
هو ياختي ده واخدت بعضها ومشيت
_
ها يافريدة عايزة ايه دلوقتي اهي مشيت اهي اتفضلي اتكلمي
_
انت فاكرني بقا عامية زي ومراتك ومش بشوفك وانت كل بتجيب الستات البيت لا يا احمد انا عارفه وساكتة بس عشان معملش مشكلة بينك انت ومراتك
_
انتي عارفه يافريدة ان مراتي عامية وانا عشان راجل عندي احتياجات وهي مش بتقدر تعملي اللي انا عايزة
_
تقوم تجيب ستات وتخونها يا احمد طيب ماطلقها وبعدين ما انا قدامك ممكن كنت تتجوزيني ولا انا وحشة ولا ايه
_
لا انتي طبعا زي القمر ومرات المرحوم اخويا ومكنش ينفع يعني اتجوزك انا عارف انتي بتحبي اخويا اد ايه
_
طيب انا قدامك اهو دلوقتي ايه برضو مش عايزني يا احمد
_
طيب ومراتي انا مش هينفع أطلقها انتي عارفه ان أهلها هما اللي بيصرفو علينا عشان معاهم فلوس كتير لان مرتبي مش بيكفي علاجها ومصاريف البيت
_
خلاص نتجوز عرفي وزي ما كنت بتجيب الستات هنا وهي عامية ومش بتشوفك انا هفضل معاك برضو وهي عامية والا والله يا احمد اقولها على كل حاجة والست مامتك تعرف
_
طيب وطبعا هنبخي جوازنا عن امي انا مش عايزها تعرف حاجة عن الجواز ماشي
_
ماشي المهم انك تروح تصالح مراتك وتجيبها هنا البيت عشان منكنش بنعمل حاجة من وراها هيهيهي
_
انتي بتتريقي يافريدة على العموم بكره هنروح نكتب ورقتين وتبقى مراتي
وكنت قاعده في بيت ماما ولقيتها بتقولي
انا مش عارفه انتي شاغله بالك بلي يتجوز واللي مش يتجوز ليه يا زهرة ماتسيبها سلفتك عنها ما تجوزت وبعدين اخوكي مش عايز كان لازم يعني يسمع كلمتين من حماتك اهو مش طايقها من ساعتها
_
يا ماما انا قصدي شريف انا بحب فريدة وصعبان عليا قعدتها كده من غير جواز وهي صغيرة والمرحوم جوزها سابها بدري
_
يعني عايزة تفهميني انك مش بتعملي كده عشان غيرانة على جوزك منها يازهرة
_
ايه ياماما الكلام ده لا طبعا هي فريدة هتبص لجوزي ليه يعني وهي عارفه انه بيحبني لنا جدا
وماما قالت بصوت واطي
والله يابنتي انتي صعبانة عليا عشان عبيطة وعلى نياتك
_
بتقولي حاجة ياماما
_
لا ياحبيبتي مش بقول حاجة بس انا كنت عايزاكي تفكري تاني في موضوع العمليه ده يازهرة عشان ياحبيبتي نفسي ترجعي تشوفي من تاني وعايزة اطمن عليكي
_
حاضر ياماما هبقا افكر في الموضوع ده
واخر النهار لقيت احمد جاي عندنا وقالي
زهرة حبيبتي عاملة ايه وحشتيني تعرفي ان البيت وحش اوي من غيرك ياقلبي
_
يعني ينفع اللي مامتك عملته معايا انا واخويا يا احمد هو انا يعني عشان عايزة الخير تعمل معايا كده انا كان قصدي خير وانت عارف
_
طبعا عارف ياحبيبتي بس انتي عارفه ان ماما بتحب فريدة عشان مرات المرحوم اخويا وهي مش هتبقا عايزة تشوف معاها راجل غير اخويا اعذوريها
_
ماشي يا احمد خلاص حصل خير وانا خلاص مش زعلانة
_
عارف ان قلبك حنين وطيبة يازهرة قلبي يلا بقا نرجع بيتنا كفايه بعدك عن البيت لحد كده
ورجعت مع احمد البيت ودخلت فريدة معاه اوضة النوم وانا كنت في الصاله وبعدها قالي
بقولك ايه يا زهرة انا هعمل شاي اعمل لك معايا
_
لا يا احمد انا هدخل الاوضه اريح شويه اصلي جالي صداع مره واحده
لحقني احمد بسرعه وقالي
لا لا استنى متدخليش اوضتة النوم دلوقتي استني شوية
_
الله ليه يا احمد هو في ايه انا عايزة ادخل انام شويه
_
اصل انا ااا بروقها أصلها مبهدله خالص يازهرة واخاف تدخلي تتكعبلي في حاجة استني هخلص تنضيف في الاوضة واخليكي تدخلي
_
يعني انت اللي بتروق بنفسك ياحبيبي ربنا يخليك ليا يارب بصراحة يا احمد انا كنت عايزة اتكلم معاك في موضوع كده انا كنت عايزة اعمل العملية عشان ارجع اشوف واشيل من عليك الحمل ده انت وكمان عشان ماقولش لفريدة تعملي حاجة
_
تاني هنتكلم في الموضوع ده يازهرة وبعدين ترجعي تعملي العمليه وياعالم تنجح ولا تفشل ولو فشلت ترجعي نفسيتك تتعب وتفضلي تعبانة لا لا انا مش موافق
_
اسمع بس ياحبيبي ما هو انا هجرب يمكن المره دي ربنا يكرمنا وارجع اشوف تاني انا حاسه ان العمليه المره دي هتنجح
_
لا لا انا عايزك تشيلي موضوع العمليه ده من دماغك خالص وبعدين هو في حد اشكي لك عشان تقولي كده الكل هنا بيحبك والكل بيخدمك فخلاص بقا
_
خلاص يا احمد اللي تشوفه
_
انا داخل اكمل بقيت الترويق عشان تدخلي ترتاحي في الاوضة
ودخل احمد وفريدة قالت له
بقولك ايه اوعي تسمع كلامها وتخليها تعمل عمليه لحسن المره دي تفتح ياحبيبي وتعرف كل حاجة خلينا كده مستعمينها
_
طيب بقولك ايه انزلي انتي تحت دلوقتي وبكرة الصبح تعالي عشان هي مش تحس بحاجة
_
انا عايزة ابات معاك هنا يا احمد هننام في الاوضة التانية وهي تفضل لوحدها
_
لا طبعا مش هينفع انا مش هعرف اسيبها تنام لوحدها هاقولها ايه انا مش هلاقي حجة اني انام في الاوضة التانية يلا بقا يافريدة عشان مش تحس بينا
وطلعت فريدة براحة على شقتها وفضلت هي واحمد يتقابلو في الشقه وفي يوم فريدة قالت لأحمد
انا حامل يا احمد
_
انتي بتقولي ايه حامل يعني ايه وانت معملتيش حسابك ليه يافريدة طيب وامي هنعمل معاها ايه وزهرة
_
انا مليش دعوة بالكلام ده انا دلوقتي حامل وانت لازم تعترف بجوازنا يا احمد عشان كده مش هينفع
_
طيب خلاص سيبها بس دلوقتي الموضوع ده وبعدين نبقا نشوف حل وهنعمل ايه فيه
وعدت شهور وكل يوم فريدة واحمد وانا مش حاسه بحاجة وفي يوم فريدة قالت لحماتي
انا واحمد اتجوزها ياحماتي وانا دلوقتي حامل منه
_
بتقولي ايه يافريدة انتي وأحمد اتجوزتم وكمان حامل منه كل ده وانا معرفش
_
ماهو بصراحة احمد كان خايف يقولك لحسن انتي ترفضي واتجوزني في السر بس لما حملت قولت لازم اعرفك واقولك عشان خاطر ماتقوليش الحمل ده منين ولا حاجة
_
طيب وانتو خبيتو عليا ليه يافريدة ده انا حتى كان نفسي اجوزك ليه لوما اللي ماتتسمي مراته دي هي اللي واقفه زي اللقمة في الزور
_
يعني انتي مش زعلانة ياحماتي مني انا واحمد
_
لا طبعا مش زعلانة وبعدين كمان انتي حامل في ابنه اهو اللي ماعملتها مراتة الموكوسة دي والنبي لوما القرشين اللي امها بتجيبهم لابني انا كنت خليته طلقها من زمان يلا اهو النصيب
ولما رجع احمد دخل عند وامه وقالت له
بقا كده يا احمد تتجوز فريدة وتخليها حامل وتخبي عليا
_
ما انا كنت ناوي اقولك يا أمي بس قولت نستنى شوية خوفت لتزعلي مننا
_
لا ياحبيبي ربنا يكمل لفريدة على خير واشيل ولادكم يارب
_
بس انا اترفد من شغلي
_ انت بتقول ايه ازاى يابني الكلام طيب وبعدين
_
الحل بقا زهرة متعرفش حاجة عن جوازنا ده خالص عشان نفضل عايشين من الفلوس اللي بتجيلها كل شهر
وبعدها بكام ماما جات عندي وقالت
عملتي ايه يازهرة في موضوع العمليه انتي برضو مش ناوية تيجي معايا نروح للدكتور ونعمل العمليه ده في دكتور كبير من ألمانيا جاي مصر وانا كلمته عليكي
_
اصل ياماما انا كلمت أحمد وهو مش موافق وخايف عليا
_
ليه هو غرمان ايه يعني يازهرة اسمعي لما اقول لك انتي ممكن تعملي العمليه من ماهو يعرف حاجة ولما ربنا يكرمك وتفتحي ساعتها تعرفيه
_
تصدقي فكرة ياماما انا هعمل كده من غير ماعرف حد خالص
ولقينا فريدة داخله علينا وماما قالت لها
ازيك يافريده عامله ايه يا حبيبتي انا مش عارفه اشكرك ازاى علي اللي بتعمليه مع زهرة بنتي دي بتحبك وبتشكر فيكي اوي
_
شكرا على ايه بس دي زهرة دي اختي وغاليه عليا اوي
_
بس انتي ياحبيبتي بطنك مالها كده انتي تعبانة ولا ايه شكلك تعبانة وبطنك منفوخة كده
_
ده اااه ياطنط اصل بعيد عنك بطني تعباني اوي اليومين دول وعندي انتفاخ جامد يلا الحمد لله انا انا هدخل اشطب المطبخ لزهرة
وسبتنا ودخلت المطبخ وماما قالت
غريبة اوي يمكن انتفاخ فعلا
وبعدها قولت لاحمد اني هاروح اقعد عند ماما شويه ووافق اني اروح وعملت العمليه وقولت لماما
انا مش عايزة حد يعرف ياماما عشان اعملها مفاجأه لأحمد وليهم في البيت هناك
وبعد شهر رجعت البيت وانا عامله نفسي لسه عامية ولقيت فريدة عندي في شقتي ومعاها بيبي صغير طبعا عملت نفسي مش شايفه أحمد قالي
حمد الله على السلامة يا حبيبتي البيت كان مضلم من غيرك
_
ميرسي ياحبيبي انا كمان البيت وحشني اوي هو في حد معانا في الشقه يا احمد
_
حد حد مين بس ياحبيبتي لا ابدا مفيش غيري انا وانتي وبس انتي وحشاني بشكل تعالي لما اسندك لحد الاوضه جوه
وفضلت مراقبه فريده عشان اعرف ايه الحكايه وسمعتها بتقول لأحمد
انت عايزني اطلع شقتي واسيبك معاها لا طبعا انت جوزي وده ابنك ودي شقتك وانا مش هسيب هنا
_
انا خايف الولد يعيط وهي تحس بحاجة
_
لا يا احمد انت جوزي وده ابنك وانا مش هخرج من هنا
انا سمعت كده وقولت لنفسي
ينهار اسود يا احمد انت اتجوزت فريدة وخلفت منها كمان كل ده وانت فاكرني عاميه بقا بعد المصاريف اللي صرفتها عليك تعمل كده فيا ماشي
_
ها ياحبيبتي مش محتاجة حاجة مني
_
لا ياحبيبي شكرا هو انت صحيح رجعت شغلك ولا لسه بعد ما اترفدت
_
لا يا زهرة مرجعتش ولا حاجة ده انا حتى بفكر اعمل مشروع بس عايز قرض ومش عارف اخده ازاى
_
امممم طيب بسيطة يا احمد انا اكلم لك ابن خالتي هو مدير بنك ويعملك كل التسهيلات
_
بجد ياحبيبتي طيب ده يبقا كتر خيرك
وبعدها خليت مراد اخويا يتقف مع رشدي ابن خالتي على انه يمضيه على تنازل عن الشقه ليا
وكشفت خيانتهم ليا لما فريدة حاولت تكتم بوق عشان محسش وقولت لها
انتي بتعملي ايه يافريدة انتي فاكرة اني مش عارفه انك اتجوزتي جوزي وخلفتي منه
_
إيه ده انتي بتشوفي
_
اه ياحبيبي ما انا نسيت اقولك اني عملت العمليه وفتحت عشان ربنا يكشف لي خيانتك ليا انت والكلبه دي اللي فتحت لها بيتي ونسيت اقولك كمان انا اخدت الشقه دي منك ااه ماهو مش ابقي بصرف عليك كل السنين دي والآخر ترميني كده لاا ياحبيبي
_
انتي بتقولي واخدتي الشقه ازاى
_
انت عارف ورق القرض اللي انت مضيت عليه ده كان تنازل منك عن الشقه دي ليا ودلوقتي اتفضل انت وهي من بيتي اطلعوا بره ومتنساش تطلقني في أسرع وقت عشان انا مش هاعيش مع واحد خاين زيك
_
انتي بتطردينا يلا بينا يا احمد نطلع شقتي
ومشيو من الشقه وانا انهارت من وجع قلبي لاني مكنتش مصدقه اللي هما عملوه فيا وحماتي كمان كانت جايه عليا
وفي يوم الولد تعب وفريده اتصلت ياأحمد قالت له
الولد تعبان لازم نوديه نكشف عليه
_
انا مش فاضي ليك لا انتي ولا ابنك انا بشوف مصيبة الشقه اللي راحت مني دي
وبعدها ابنهم راح وانا قولت لهم
شوفت يا احمد انت وفريدة ابنكم راح عشان بسبب اللي عملتو في واحده كانت عاميه زي انتو ظلمتوني وجيتو
_
انتي شمتانة فينا ابني راح وانتي جايه تشمتي فينا انتي ايه معندكيش دم ولا عشان انتي مخلفتيش ولا عرفتي يعني ايه امومة
_
لا خالص يافريدة ولا شمتانه ولا حاجة انا بس مستغربة من اللي حصل ليكم عشان جيتو عليا واستعمتوني انتي وجوزك يافريدة
حماتي ردت وقالت
انتي مش خلاص اخدتي الشقه وبقيتي بتشوفي واتطلقتي عايزة مننا ايه تاني
_
ولا اي حاجه ياحماتي انا بس بعرف ابنك وبديله درس في الأخلاق اللي معرفتيش تديها له
وبعدها مشيت ومراد قالي
انا ياما قولت لك يازهرة جوزك ده مايستهلش اللي انتي بتعمليه عشانة
اعمل ايه يامراد مانا فعلا كنت عاميه لكن خلاص انا دلوقتي فتحت وهاعيش حياتي من اول وجديد من غير كدب وخداع
وبكده تكون خلصت حكايتي
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
