حكاية الحضن قصه قصيره كامله بقلم اسماعيل موسي حصريه وجديده على مدونة النجم المتوهج للروايات والمعلومات
 |
لما كان عمرى 13 سنه جدتى اشترت بيت جديد فى مكان فريب مننا وطلبت من والدتى تبات معاها اول ليله فى البيت ده لأنها هتكون مستغربه المكان ومش هتعرف تنام كويس، وصلت البيت مع والدتى واختى الصغيره وكنت بتفقد البيت وببص من المنور بتاع المطبخ على شقة الجيران إلى كان شباكها مفتوح، شفت اتنين حاضنين بعض، راجل وست فى الصاله، كنت اول مره اشوف حاجه زى كده على الطبيعه، حاولت امنع نفسى مبصش عليهم لانه هيبقى تلصص وحرام لكن مقدرتش وفضلت باصص ولاحظت ان حجم الراجل والست ضخم وانهم طوال جدا، والدتى لاحظت انى متسمر قدام المنور، نادت عليه وسألتنى بتعمل ايه
مكنتش متعود اكذب على والدتى، قلت الحقيقه، والدتى قفلت المنور ووبختنى ومدت ايدها عليه وادتنى محاضره اكتر من نص ساعه، جدتى كانت نايمه وتمنيت ان والدتى تكتم السر ومتقولش لجدتى على إلى عملته عشان منظرى فى عنيها، بس والدتى كان غضبها ملوش حد واول ما جدتى ما فتحت عنيها حكتلها على إلى عملته، كنت قاعد ومتابع كل كلمه وانتظرت جدتى تزعق معايا لأنها ست بتصلى ومش بتسيب فرض وبتصوم السنه النبويه
جدتى بصتلى بتركيز وكان على وشها نظره غريبه، احمد تعالى هنا ""
قربت من جدتى وانا ميت من الكسوف، انت شفت ايه فى شقة الجيران يا احمد؟
قلتله شفت راجل وست حاضنين بعض
همست جدتى استغفر الله العظيم، انت متأكد يا ابنى؟
قلتلها متأكد
سألتنى تانى احمد احلف بالله ""
القصه بقلم اسماعيل موسى
حلفت بالله على إلى شفته، جدتى ضربت ايديها ببعض وتصعبت، قعد تغمغم وتقول وانا إلى قلت راجل كبير وملوش فى السكه دى، استغفر الله العظيم يارب، شكله ميديش كده خالص
والدتى قالت فيه ايه يا ماما، مالك؟ انتى تعرفى صاحب الشقه؟
بصت جدتى بحزن وقالت لا، المفروض دى شقه مهجوره محدش ساكنها من سنين، انا زعلانه عشان غفير العماره بيأجرها فى الحرام،ولبست السدال بتاعها ونزلت على طول على الشارع، صرخت فى الغفير وكانت هتعمل معاه خناقه كبيره، الراجل حلف بالله انه ما يعرف حاجه عن إلى جدتى بتتكلم عليه وان الشقه فاضيه وحلف بالله ليفتح الشقه قدام عنيهم واخد جدتى ووالدتى وناس من الجيران وفتحو الشقه
الشقه كانت فاضيه فعلا وفتشو كل الغرف ملقيوش اى حاجه وكانت ريحة الشقه معفنه
صفحة الكاتب على الفيس بوك بأسم اسماعيل موسى
طبعا اخدت علقة موت، والدتى ضربتنى واتصلت بوالدى ووالدى قال انه هيجى يخدنى ومفيش عشر دقايق والدى وصل بسرعه جدا ، والدى مرضيش يطلع الشقه وانتظرنى فى الشارع، لميت هدومى بسرعه وغصب عنى بصيت من المنور تانى، الشباك إلى المفروض الغفير قفله قدام عينين جدتى ووالدتى والجيران كان مفتوح وشفت نفس المشهد مره تانيه كأنه متغيرش الا فى حاجه واحده
الراجل إلى كان حاضن الست بصلى وضحك ضحكه ساخره مرعبه
جريت من المطبخ على الصاله ومن غير ما افتح بقى نزلت على الشارع وركبت العربيه ، واحنا فى طريقنا ناحيت شقتنا والدى متكلمش معايا خالص، انا افتكرت انه زعلان منى وكده والصراحه كنت مستريح انى مش هسمع كلام لوم وتأنيب تانى
تحت البيت والدى قال انزل من العربيه واطلع الشقه ومتنزلش منها خالص
اسماعيل موسى
خدت شاور واتعشيت وعملت كوباية شاى وقعدت اتفرج على التلفزيون ونمت على الكنبه
مش عارف الساعه كانت كام لما حسيت بأيد على كتفى، كانت ايد والدى وكان بيسألنى وعلى وشه ابتسامه انت وصلت هنا امتى؟
فركت عنيه، كنت فاكر والدى بيهزر، قلت حضرتك اخدتنى من بيت جدتى ومرضتش اكمل باقى القصه لانى حسيت بالأحراج
قعد والدى على الكنبه، قال أحمد انت لسه نايم؟ بتحلم يا بابا؟
حسيت ان والدى بيتكلم بجد ومش بيهزر، أقسمت بصدق كلامى وكلمت والدتى فى التليفون وخليت والدى سمع المكالمه
والدى خرج تليفونه ومكنش فيه مكالمات وارده من رقم امى ولا اصلا راح بيت جدتى ولا اى حاجه
والدى كان قاعد على القهوه ولسه راجع
وسمعته بقول لوالدتى اه، ممم، لا انا كنت بهزر، ههه وخلص المكالمه مع والدتى وبصلي
احمد إلى حصل دا هنخليه بينى وبينك والدتك مش لازم تعرف بيه، والدتك قلبها ضعيف وممكن تحصلها حاجه ان خبيت الحقيقه عشانها وانت راجل يا احمد وكبير مش صغير
وانا حلفت لوالدى مش هقول اى حاجه، والدى قال يلا ادخل نام يا بطل الوقت اتأخر
قلتله طيب نام معايا
قال والدى معايا مكالمه مهمه فى الشغل هخلصها واخد شاور والحقك
دخلت نمت على السرير وانا فخور بنفسى لثقة والدى فيا
وغمضت عنيه وانا سامع صوت الميه فى الحمام ووالدى بياخد شاور
والدتى حست بالشك من مكالمة والدى وحست اننا بنكدب عليها، مكدبتش خبر ولمت هدومها واخدت تاكسى وجات على الشقه بسرعه لأنها حست بحاجه مش طبيعيه
فتحت الباب ودخلت غرفتى وصحتنى من النوم وسألتني فين والدك، كانت لسه حاضنه اختى الصغيره إلى كانت نايمه
كان صوت الميه لسه جاي من الحمام قلتلها بياخد شاور انا لسه نايم
نيمت اختى على السرير واخدتنى فى حضنها وقالت يلا هنحضر عشا ونعملها مفاجأه لوالدك
والدى اتأخر فى الاستحمام وكنا حضرنا عشا خفيف ومنتظرين والدى يخرج من الحمام
والدى خرج من الحمام، وقال إن ملوش نفس لكن فرحان بالمفاجأه وحضن والدتى قدامى، مش عارف ليه حسيت انه نفس الحضن بتاع الشقه إلى عند بيت جدتى، الوقت كان تأخر ووالدتى قالت انا هدخل انام
وانا كمان نمت.
ووالدى قعد فى الشرفه يدخن سيجاره، الحوار دا كله اخد حوالى تلت ساعات والساعه كانت وصلت واحده بالليل
النور قطع فى الشقه سمعت والدتى بتدخل غرفتى، احمد متعرفش والدك نام فين؟
قلتلها مش عارف ، يمكن خرج تانى وكنا بندور على شمعه لما تليفون والدتى رن برقم والدى
ردت والدتى بعصبيه انت فين يا محمود؟
وسمعت صوت والدى العالى متنيل فى العربيه مستنيكم تحت بيت امك انزلو بسرعه لازم اربى الولد ده والله ماهو بايت غير فى شقتنا
والدتى بصدمه، محمود متهزرش انت فين؟
صرخ والدى فيه ايه يا عفاف بقلك تحت البيت انزلى بسرعه ، كنت فى مشوار مهم والطريق كان زحمه ولسه واصل بيت والدتك ووالدتك معايا هنا وسمعنا صوت جدتى
والدتى صرخت ووقع منها التليفون على الأرض وانا قعدت اصرخ زى المجنون واترميت فى حضن امى ووقعنا على الأرض وفقدنا الوعى لحد ما استعدنا وعينا ولقينا والدى وجدتى فوق مننا بيقرو قرأن....
انتهت
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
