expr:class='data:blog.languageDirection' expr:data-id='1477310355715762718'>

القائمة الرئيسية

الصفحات

رواية قصيرة القامة طويلة اللسان الفصل الثامن عشر والتاسع عشر بقلم شيماء صبحي حصريه وجديده


رواية قصيرة القامة طويلة اللسان الفصل الثامن عشر والتاسع عشر بقلم شيماء صبحي حصريه وجديده 

رواية قصيرة القامة طويلة اللسان الفصل الثامن عشر والتاسع عشر بقلم شيماء صبحي حصريه وجديده 


مش مهم انتي موافقه ولا لأ انا الي يهمني انك مش هتروحي المنطقة دي تاني يا قمر وهتيجي معايا القصر!! 

وقفت قمر بصدمه وهيا مش مستوعبة كلامه ليها بصتله بتحدي وقالت" انا مش هاجي معاك يا هادي وابق وريني هتاخدني القصر ازاي....

عبدالله دخل علي صوتهم العالي وقال" في ايه يا قمر صوتك عالي ! 

قمر ابتسمت وقالت" عبدالله انت هنا ! 

عبدالله قرب منها وهوا مبتسم وبيقول" حمدلله علي سلامتك كدا يا قمر عايزه تموتي نفسك"

قمر قربت عليه وحض"نته بحزن وقالت" انت سبتني لوحديلسه  يا عبدالله وانت عارف اني مقدرش ابعد عنك لحظة !! 


هادي بصلهم بغضب وشد عبدالله ووقفو وراه واخدها هو في حض"نه  وقال" خلاص متقلقيش هتعيشي معاه في نفس المكان ! 

قمر بعدت عنه وهيا بتزقه وبتقول" مش هاجي معاك يا هادي ومش هسيب المنطقة" 

هادي بصلها ومسك وشها وقال" وانا هتجوزك يا قمر وابق وريني مش هتيجي معايا ازاي!! 

عبدالله كان واقف وباصصلهم وكل واحد فيهم عمال يقول كلمه والتاني يرد عليه،، فضل واقف ومستنيهم يهدوا علشان يعرف يتكلم ولاكنه اتنهد وهو شايف ان مفيش فيهم فايده  فاخد بعضه وخرج وسابهم يتفاهمو" 


هادي بصلها بتحدي وهيا كانت واقفه وحاطة ايديها علي صدر"ها 

بغضب  وساكته " 

هاديقال  بنفاذ صبر " يلا يا قمر خلينا نمشي من هنا ! 

قمر هزت راسها وحركت راسها بتحدي وقالت ،، لا قولت مش هروح معاك؟؟ 

 

كان واقف  باصصلها بضيق و بحركتها دي اثارت غضبه ولأول مره يتعصب عليها  وقال" انتي شكلك مبتجيش بالذوق ولازم اتصرف معاكي بالطريقه الي هتمشي معاكي !!!  قال كلامه  وراح شايلها وهيا كانت مصدومه" 

قمر بصراخ" نزلني يا هادي مينفعشي اللي بتعمله دا " 

هادي مهتمش لكلامها وفتح الباب وخرج  ومشي وهوا شايلها  في وسط الناس وهيا عمالا تضربه علي ضهره  وتقول بغضب"  بقولك نزلني يا هادي  " 

عبدالله ورجالة هادي   كانو واقفين  مصدومين من الي هادي عمله ولاكنهم جريوا وراه بقلق؟!!! 

هادي خرج من المستشفي وقرب من العربية فتح الباب  وركب قمر في الكرسي الي جمب القياده وراح هو ركب علي كرسي  القياده وشاور لعبدالله  انه يروح  يركب مع حسن ومحمود في عربيتهن  وبعدها هو اتحرك بالعربيه !!  بقلمي شيماء صبحي 

قمر كانت بتفتح الباب ولاكن هادي قفل الباب وقرب منه وقال بصوت غاضب" أقسم بالله لو مقعدتيش ساكته لأبو"سك من شفا"يفك الي مجنناني دي قدام الناس دي كلها انتي  فاهمه!! 

قمر اتخضت من أسلوبه معاها ولاكنها هزت راسها  بالموافقه وسكتت!! 

هادي ابتسم بانتصار لانه لاول مره يحس انه قدر عليها وعلي جنانها ولاكن كان كل شويه يبص عليها وكانت هيا قاعده و ضامة حواجبها وساكته" 


ابتسم علي حركتها ورجع تاني بص قدامه وهوا بيدندن ببعض الكلامات وهيا قاعده متضايقه ومش راضيه تبصله"" 

لحدما هوا وقف العربيه فجاه وقمر اتحركت عليه جامد !! 

ولما هوا شاف خضتها ضحك وقال" دنتي طلعتي اي كلام خالص! 

قمر ضر"بته علي دراعه جامد وهيا بتقول" انت متخلف اقسم بالله كنت هتموتني! 

هادي بصلها ومسك وشها وقال وهوا عيونه في عينيها" تفتكري اني ممكن أعمل كدا فيكي يا روح قابي ! 

قمر بعدت ايديه بعضب ورجعت قعدت علي الكرسي وهيا بتقول" ومش ممكن ليه منتا متهور واتوقع منك اي حاجه" 

هادي رجع ساق وهوا باصصلها ومبتسم وهوا بيتخيل اول ما يتقفل عليهم باب واحد هيعمل معاها ايه وازاي هيعلمها الآد"ب وياخد حقه منها علي كل الي عملته فيه🫢

______________

وفي قصر الجارحي.

وصلوا الشباب بتاكسي واول ما دخلوا لقوا احمد وصافي قاعدين بياكلو" 

خالد وسعيد ومحمد بصوا  لبعض بتشجيع وبعدها دخلوا وهما بيقولوا" مساء الخير يا أحمد باشا مساء الخير يا صافي هانم" 

احمد وصافي انتبهو لوجودهم وبصولهم بإستغراب واحمد قال" مساء النور ازيكوا يا شباب! 

الشباب ابتسمت وهما بيقربوا منهم وبيقولوا" هو هادي لسا مرجعش! 

احمد هز راسه بلأ وبعدها قال" 

هو انتو هتعيشوا هنا ولا ايه! 

الشباب هزو راسهم واحمد بص لصافي ورجع قال" طيب تعالو كلو معانا! 

 فضلوا الشباب واقفين وباصين لبعض ولاكن احمد بصلهم باستغراب من سكوتهم  وقال" مالكوا واقفين كدا ليه تعالو اقعدو….


 الشباب هزت راسها وقربوا من السفره والخادمه جابت ليهم أكل وفضلوا ياكلو وهما مش مستوعبين أن احمد الجارحي ومراته صافي هانم متقبلين وجودهم في القصر عادي  !! 

وبعد وقت وصل هادي  ومعاه قمر  والي كانت مش مبطله خناق معاه من وقت ما خرجوا من العربيه! 

قمر بصت قدامها لقت الشباب وابو هادي ومامته قاعدين علي السفره" 

الشباب بصوا لقمر بفرحه وقالو" قمر ؟؟؟ 


قمر بعدت عن هادي وقربت منهم وهيا بتقول" عاملين ايه وحشتوني! 

الشباب ابتسمت وهادي قرب منها ومسكها من وسطها وشدها عليه وهوا بيبص لأحمد وصافي وبقيت الشباب بابتسامه و بيقول  " انتو طبعا كلكوا عارفين قمر مش محتاج اعرفكوا عليها  ! 

كلو هز راسه وهادي قال" انا بق عندي ليكو خبرين حلوين  جدا ! 

الكل بصلوا باهتمام وهوا قال" الخبر الاول هو  ان الشركه انشاء الله من بكرا هتبدأ بالشغل وانا قابلت المستسمر الي قولتلكوا عليه والحمدلله هو وافق انه يستسمر في شركتنا وطبعا هوا معاه عملاؤه ودي حاجه كويسه للشركه ف الحمدلله يعتبر ان الشركه خلاص ابتدت تقف علي رجليها من تاني واول مشروع هنستلمه هيكون  بعد اسبوع من دلوقت إنشاء الله" 

الكل بصله بفرحه  واحمد بصله بفخر ونظراته كانت بتعبر قد ايه ان هادي بق مسؤل واخيرا فهم ان مصلحته في الشغل وصافي خبطت علي ظهر احمد وقالت وهيا عيونها علي هادي بفرحه وقالت"  طيب دا هبر كويس بس ايه هو الخبر التاني 

هادي بص لقمر والي لفت وشها بغيظ من حركاته وبعدها هو قال" انا وقمر هنتجوز!! 

أبوه وقف بصدمه وقال" بتقول ايه يا هادي يعن ياسه يعني الكلام دا ؟؟؟؟ 

هادي بص لوالده بإستغراب وقال" في ايه يا بابا مالك مستغرب كدا ليه! 

احمد بصله وهوا بيستوعب وبعدها هز راسه وقال" مفيش بس انا اتافجئت" 

هادي بص لمامته وقال" وانتي ياماما مش هتقولي حاجه" 

صافي مسكت منديل من علي السفرة ومسحت بيه ايديها وهيا بتقول" الف مبروك طبعا يا حبيبي قمر بنت كويسه وتستاهل كل خير " 

قمر بصتلها وابتسمت وبعدها هادي بص للشباب وكانو كلهم مصدومين لسا من كلامه   وبعد وقت  بدأو ينتبهو لهادي ومحمد قرب من هادي بفرحه وحض"نه وهو بيقول" الف مبروك يا صاحبي دا أحلي خبر سمعته... وبعد عن هادي وهو بيقول لقمر" ألف مبروك يا قمر انتي تستاهلي كل هير" 

قمر ابتسمت وهزت راسها وبعدها سعيد قرب منها بابتسامه وقال" مكنتش متوقع حاجه زي دي بس علي العموم مبروك " 

هادي ابتسم وهوا بيبص لسعيد واخده بالح"ضن وهوا بيقول" عقبالك يا سعيد واشوفك راسيلك علي واحده بق وتتجوز !!

سعيد ضحك وقال" لسا بدري يا صاحبي انا لسا بدور علي بنت الحلال!

هادي ضحك وقال" ربنا يوفقك وتلاقيها! 

سعيد ابتسم وبعدها هادي بص لخالد والي كان ساكت وعلي ملامحه الحزن" 

قمر بصت لخالد وهيا فاهمه شعوره ولاكن مردتش تتكلم وخالد قرب من هادي وحض"نه وهو بيقول" الف مبروك ياصحبي ربنا يهنيكم! 

هادي ابتسم وخالد قرب من قمر وسلم عليها وقال" مبروك يا قمر" 

قمر هزت راسها بابتسامه وقالت" الله يبارك فيك يا خالد ..

خالد بعد عنها ورجع وقف جمب الشباب والي قالو" احنا هنام فين يا هادي! 

هادي بصلهم وابتسم وقال" القصر مليان بالاوض اختاروا الي تعجبكوا ونامو فيها " 

الشباب ابتسموا ومشيوا وكل واحد راح اوضه وحط حجاته فيها  وللكن عند خالد قفل الباب عليه وهوا مش قادر يمسك اعصابه وقرب من السرير وقعد عليه وقال بغضب" ليه ههوا يا قمر ليه اختارتيه  هو ليه رغم اني بحبك واعترفتلك بمشاعري وقولتلك اني مستعد اعمل اي حاجه علشانك ؟؟ 

كمل كلامه بصدمه وقال" معقول خدتيه هو  علشان غني وانا مش غني زيه اختارتيه علشان هوا احسن مني طبعااا وانده شكركته وقصر ودا غير الحجات التانيه الي لسا محكلناش عنها .. معقوول ؟؟ 

خالد هبد ايديه في الحيطه وقال" انتو كلكلوا كدا مبنحبوش غير الغني والي معاه الفلوس الي تكفيكو ولاكن الي صادق في حبه دا بتكسرو قلبه ..!! قال كلامه بصوت كله غضب وبعدها رجع قعد علي السرير وهوا حاسس ان قلبه هيخرج من جسمه من كتر الوجع اللي حاسس بيه ووقتها فضل يفكر ازاي هيتخطاها ولاكن ملقاش حل للأسف!! 

________

 عند هادي وقمر " 

والده مسك ايد صافي وقال " احنا هنطلع علشان نرتاح احنا.. يلا  تصبحوا علي خير …

 هادي وقمر ابتسموا وهما بيردو عليهم وقالو " وانتو من اهل الخير" 

احمد وصافي طلعوا علي السلم الي هيدخلهم الجناح الخاص بيه وفضل هادي متابعهم لحدما اختفوا من قدامه وبعدها  بص لقمر وقال بابتسامه خبيثه" انا هسيبك النهارده بس  تقعدي في اوضة لوحدك ولاكن اعملي حسابك اننا هنكتب الكتاب بكرا ووقتها هتكوني في اوضتي وفي حض"ني!! 

قمر بصتله بخجل ولاكنها  غيرت  نظراته للغضب وقالت" بس انا مش هسيب المنطقة برضوا" 

هادي شدها ليه وقال" انا عايز أعرف السبب الي مخليكي متعلقه بيها اوي كدا لدرجة انك رافضه تفضلي معايا !! 

قمر عيونها دمعت  وقالت" علشان دا المكان   الوحيده الي بحس فيه  بالآمان! 

هادي بصلها وقال بحزن" وانتي دلوقت مش حاسه بآمان معايا " 

قمر بصتله وتاهت في عيونه وقالت " مش عارفه …. حاسه بآمان وفي نفس الوقت خايفه لان المكان يعتبر  غريب عليها …  لان انا متعودتش اني ابات برا بيتي او ابعد عن سريري   …!! 


هادي ايتسم وقرب منها وعيونه علي وشها الي كان بريئ جدا رغم ان الي يشوفها يوصفها بالشرسه ولاكنها تمتلك وجه طفولي جدا وبريئ! 


قمر بعدت عيرنها عن نظراته وقالت بخجل" هو انت بتبصلي كدا ليه!! 

هادي ابتسم وقال" مش عارف انا ايه الي بيحصلي دا لما قرب منك انتي بالذات!! 

قمر  بصتله بصدمه وقالو " يعني انت بتقرب من حد غيري! 

هادي بصلها وضحك وقال" انا كنت اعرف بنات كتير جدا بس اكتشفت ان مفيش واحده سرقت قلبي وعقلي  غيرك  يا قمر!! 

قمر وشها احمر من كلامه وحاولت انها تغير الموضوع علشان تمشي من قدامه ولاكنه سحبها عليه وشدد علي حض"نها  وهو بيقول" انا محتاجك جمبي اوي يا قمر بجد انا اول مره احس ان ناقصني حاجه كدا ولاكن لما بتكوني جمبي بكون حاسس بالآمان والراحه اكتر… علشان خاطري خليكي معايا ولو الفتره دي بس وصدقيني انا بنفسي هاجي واعيش معاكي فس البيت بتاعك تاني .. بي بعد ما اشغل الشركة تاني وارجعلها لنفس مستواها السابق علي الأقل 

قمر ابتسمت وهزت راسها وقالت" حاضر انا جمبك متقلقش!! 

هادي ابتسم وهوا بيحس"س علي شعرها بتوهان وهوا بيقول" انتي عايزه تتجوزيني ولا لا يا قمر" 

قمر بعدت عنه وهيا بتبص في عيونه وهوا كان مركز اوي معاها وهيا ابتسمت وهزت راسها وقالت بخجل .. عايزه ! 

هادي واف مصدوم ولاكن مبسوط في نفس اللحظة وقال" طيب. ليه بتعملي فيا كدا حرام عليكي!! 

قمر رفعت حاجبها وقالت" وهو انا لازم اوافقك علي اي حاجه تقولها  بسهوله كدا! 

هادي ابتسم بتفهم وكان هيشدها لحض"نه تاني ولاكنها بعدته وقالت" الحجات دي بعد الجواز يا حبيبي   !! 

هادي ضحك وهيا قالت" مش هتوريني اوضتي الي هنام فيها بق بدل محد يطب علينا كدا  ! 

هادي بخبث" متيجي اوضتي  احسن دي حتي كبيره  وهتكفينا احنا الاتنين ولو حابه تجيبي هادي صغير مش هزعل ! 


قمر  بصتله بصدمه وبعدها سابته ومشيت  وهيا وشها كان بيحمر بطريقه غريبه وهوا  كان واقف  وبيبص علي تفاصيل جس"مها  وهيا ماشيه بابتسامه وهو بيقول" وقعتني في حبها بنت المجنونه!! 

قمر ندهت عليه بصوت عالي وقالت" مش هتيجي ولا ايه!! 

هادي هز راسه وقرب منها وطلعوا هما الاتنين علي السلم ووقفوا عن اوضه كبيره وقال" اتفضلي يا حرمي المصون وعلي فكره انا موجود في الأوضة الي جنبك  علي طول يعني  لو احتجتي اي مساعده انا موجود!!! 


قمر بصتله  وقالت" وانا هحتاجك في ايه انشاء الله يمكن مثلا هتمسكلي الحلم وانا نايمه" 

هادي بصلها  بغيظوسكت وهيا دخلت الاوضه وقفلت الباب في وشه ! 

وهوا فضل واقف مكانه ولما انتبه انها دخلت وقفلت الباب اتحرك ودخل اوضته وهوا عمالي يبتسم ويتخيلها تاني وهوا عمالي يجري وراها وهيا بتجري قدامه وبتضحك!! 

هادي ضغط علي شفا"يفه وهوا بيقول" يخربيت امك صاروخ ماشي علي الارض!!! 

_________

في المنطقة يتاعت قمر" 

سهر وصلت للبيت ولقته مقفول فضلت سهر ترن الجرس ولاكن مكنش في اي رد " 

سهر استغربت ان قمر مبتردش فقلقت عليها وطلعت تليفونها وهيا بترن عليها وبعد دقايق  قمر ردت عليها وهيا بتقول" ايوا يا سهر" 

سهر بقلق"انتي فين يا  قمر انا واقفت تحت البيت اهو  وبرن  الحرس عليكي  ومبتروديش طمنيني انتي  كويسه !! 

قمر قهزت راسها وقالت"متقلقيش انا مويسه بس انا مش في البيت  انا في القصر بتاع هادي!! 

سهر شهقت بخضة وهيا بتقول" يا نهار اسود يا قمر انتي ايه الي وداكي هناك " 

قمر قالت بغضب" اهدي يبت علشان اعرف افهمك"" 

سهر هزت راسها بإستماع وقالت" ماشي هديت اهو يلا  فهميني بق روحتي هناك ليه !! 

قمر شرحتلها كل الي كصل معاها وسهر قالتبصدمه" يخر بيتك يا قمر انتي ايه الي عملتيه دا كنتي هتضيعي نفسك علشان ايه يعني!! 

قمر " اهو الي حصل بق المهم هوا بيقولي انو هيكتب كتابنا بكرا انا عاوزاكي تبقي معايا علشان دي اول مره هتجوز فيهل  ومش عارفه المفروض هعمل ايه!! 

سهر بضحكه" وانتي بق عايزه تاخدي خبرة مني علي اساس اني اتجوزت قبل كدا!! 

قمر قالت بغيظ" يبنتي مهوا انا مش هينفع ابق بوحدي كدا لازم تبقي جمبي انتي الوحيده الي اعرفك في الدنيا الغريبه الكبيره دي!! 

سهرهزت راسها و قالت بضحك" خلاص متقلقيش انا اصلا مستحيل كنت هسيبك لوحدك في حاجه زي دي! 

قمر ابتسمت وقالت" طول عمرك جدعه يا بت سهر ! 

سهر ابتسمت وقالت بصوت واطي " بقولك ايه هوا محمد خلاص كدا معدش هيجي المنطقة هنا تاني! 

قمر قالت بخبث" الصراحه كدا شكله ميسوط هنا اوي  وتقريبا كدا  يعني مش هيجي اصل ايه الي هيجيبوا هناك تاني   ! 

سهر قالت بحزن" عندك حق  هيجي لمين هنا وهوا خلاص  رجع لحياته الطبيعيه فاكيد مش هيجي هنا !! 

قمر قالت بابتسامه" بس بقولك ايه انا هخليه يجي ياخدك بكره علشان يجيبك هنا ! 

سهر قلبها دق وقالت" بجد يا قمر!  

قم ضحكت علي لهفتها عليه  وقالت" انتي تعرفي عني ان ممكن حاجه زي دي   تفوتني من غير ما استغلها في صالحك! 

سهر  بابتسامه "  والله العظيم انتي اختي الي امي مجبتهاش!! 

قمر بضحك" تعرفي ان الولا محمد دا اصلا جدع وانا بحبه جدا! 

سهر بغيره" ايه يا قمر ماتاخدي بالك من كلامك ايه الي بحبه دا؟ 

قمر قالت بصوت هامس " يا غبيه بحبه  زي اخويا طبعا بس لو انتي عايزاني اغير رأيي ممكن وبعدين هوا مش بطال وزي القمر ! 

قمر قالت كلامها وسكتت وبعدها سمعت صوت سهر الغاضب والي بتصرخ" 

قمر بابتسامه" دنتي  طلعتي واقعه خالص يخربيت شكلك ""  

الله يرحم  الدروس الي كنتي بتدهالي في التقل  وقال ايه مينفعشي تكوني مدلوقه عليه  وفي الاخر طلعتي انتي الي عيله خفيفه" 

سهر قالت بغيظ" بت والله انا لم اشوفك مش هسيبك" 

قمر قالت بضحكه" خلاص متخديش اي حاجه علي صدرك كدا دنا حته كنت هقوله انه بيحبك" 

سهر وقفت مصدومه اول ما سمعت الجمله الاخيره وقالت" قمرهو انتي قولتي ايه عيديها تاني كدااا" 

قمر قالت تاني" بقولك الولا اصلا بيحبك يا بنت المجنونه وطلب مني اني اعرفك علشان كان عايز يعرف ردك ايه عليه علشان كان عاوز يجي لابوكي ومراته الحربايه بس انا كنت مستنيه الوقت  المناسب الي هقولك فيه وبصراحه مفيش انسب من الوقت دا !! 

سهر زغرطت وهيا بتقول" روحي الله يسعد قلبك" وبقولك ايه انا هسيبك بق علشان الحق اجهز الفستان والميكب!! 

قمر ضحكت بهستريا علي كلام سهر وقالت" وربنا انتي مجنونه" 

سهر ضحكت وقالت" قصدي الفستان الي هلبسه في كتب كتابك انتي فهمتي ايه !

قمر قالت بضحكه" لا ولا حاجه يلا ياختي روحي وانا الصبح  هعرف محمد يجي ياخدك وعايزاكي تجيبيلي كام حاجه معاكي كدا وانتي جايه " 

سهر هزت راسها وسمعت طلبات قمر وبعدها قفلت المكالمة"؟!

قمر اتنهدت وهيا بتحط تلفونها جمبها وبتقول" معقوله يعني انا  هتجوزك يا  هادي…. معقول هيتقفل علينا باب واخد 

قالت كلامها بابتسامه وبعدها سمعت صوت خبط علي الباب! 

وقفت بإستغراب وهيا بتسأل نفسها مين دا الي بيخبط  في الوقت دا!! 

قمر وقفت وهيا قلقانه وقربت من  البابفتحته  وهيا بتقول بإستغراب" خالد انت بتعمل ايه هنا!! 

خالد دخل وقفل الباب  بسرعه وهوا باصصلها بحزن وبيقول" انتي رفضتيني  ليه يا قمر رفضتيني علشان مبتحبنيش ولا علشان انا فقير" 

قمر بصتله بصدمه وقالت" ايه الكلام الغريب الي بتقوله دا يا خالد انا مش فهمة انت تقصد ايه " 

خالد قال بدموع" انتي عارفه اني بحبك ياقمر.  ورغم كدا وافقتي تتجوزي هادي رغم اني اتحايلت عليكي كنير انك توافقي اني ارتبط بيكي !! 

قمر خافت من نظراته ليها وكانت بترجع لورا وهيا بتقول" خالد الكلام الي بتقوله دا مينفعش ارجع اوضتك لو سمحت!

خالد ضحك وقال بسخريه"  حتي مش طايقه تتكلمي معايا كام دقيقه وانما هوا تحضنيه وتبو"سيه عادي!! 

قمر اتعصبت من كلامه وضرب"تع بالقلم وهيا بتقول" اخرص قطع لسانك" 

خالد عينه احمرت من الغضب وراح شدها عليه وهوا بيقول انا من حقي استمتع بيكي  انا كمان  ولا هوا حلو ليه وليا وحش … 

قمر وقفت مصدومه ومتصنمه من الي بيقوله وهوا بدأ يقرب منها وطبع ق"بله علي رقبتها ولاكنها انتبهت للي بيعمله وزقته بغضب وصفعته ولاكن نظراته ليها اتحولت لتحدي وقرب منها وهو مقرر انه مش هيسيبها غير وهوا واخد الي هوا عايزها وقرب منها وهيا جت تصرخ حط ايده علي بوقها ومسكها جامد وذقها علي الحيطة ولاكنه زقته فضلت تقاومه بصعوبه لحدما بعدتها عنها وبدأت تصرخ وهيا بتنادي علي هادي   يجي ينقذها من خالد وفي خلال ثواني كان وصل هادي وهوا قلقان من صراخها ولاكن لما دخل اوضتها اتصدم !! بقلمي شيماء صبحي..

الفصل التاسع عشر ..

رواية🌸قصيرة القامة طويلة اللسان🌸

#بقلم_شيماء_صبحي

قرب منها وهو مقرر انه مش هيسيبها غير وهوا واخد الي هوا عايزها مسكها من وسطهاوهيا جت تصرخ حط ايده علي بوقها ومسكها جامد وزقها علي الحيطة ولاكنها زقته وفضلت تقاومه بصعوبه لحدما بعدته عنها وبدأت تصرخ وهيا بتنادي علي هادي   يجي ينقذها من خالد وفي خلال ثواني كان وصل هادي وهوا قلقان من صراخها ولاكن لما دخل اوضتها اتصدم !! 

هادي استغرب ان قمر وقعه علي الارض وهدومها متبهدله بص عليها ولقي ان مفيش حد معاها في الاوضه قال بصدمه" ايه الي بيحصل وايه شكلك دا!!! 

قمر قربت منه وحض"نته وقالت" انا خايفه اقعد هنا لوحدي !!! 

هادي بصلها باستغراب وقال" ليه ايه الي حصل وبعدين هدومك مالها !

قمر بصت علي خالد الي كان  مستخبي ورا الباب وقالت" انا حسيت ان في حد معايا في الاوضه ممكن يكون عفريت ولا حاجه" 

هادي ضحك وقال" بق كل الصريخ دا علشان عفريت بس برضوا هدومك مالها" 

قمر بحزن" أصلي وقعت من علي السرير وبعدين بقولك عفريت مشيني من هنا!! 

هادي حض"نها وقال" طيب الوقت اتأخر وانا بصراحه بخاف من العفاريت اناا كمان ف ممكن تيجي عندي الاوضه !! 

قمر بصت لخالد بطرف عينيها وهوا كان بيبصلها بخوف وهيا بصت لهادي وقالت" خلاص ماشي بس تحترم نفسك" 

هادي هز راسه بضحك وقال" انا طول عمري محترم!!! 

قمر قالت وهيا بتحاول تسيطر علي أعصابها" طيب روح انت وانا هغير هدومي وهاجي وراك" 

هادي وقف وقال" طيب متغيري قدامي منتي بكره بس هتبقي مراتي! 

قمر ضربته وزقته برا الأوضة وقالت" مش بقولك قليل الأدب!!

هادي ضحك ودخل اوضته وهيا قفلت الباب وبصت لخالد بغضب وقالت بهمس" انت جن"س ملتك ايه ها انت شارب ولا في دماغك حاجه انت عارف هادي هيعمل فيك ايه!! 

خالد قال بخوف" انا أسف ياقمر والله مهكررها تاني! 

قمر بعدت عنه وقالت بتحذير" انا مكنتش اتوقع انك ندل وخسيس بالشكل دا بق كل السنين دي وانت معاه وشايل الغل والحقد دا في قلبك "" قالت كلامها بعصبيه ورجعت كملت وهيا بصاله بإستحقار .."


 بس انت عارف انا رفضتك ليه علشان انت مش راجل يا خالد!!

خالد بصلها بصدمه وهيا قالت" الرجوله مش انك تستعرض قوتك عليا ولا تهددني ولا حتي انك تتهجم عليا … انا لو كنت عايزاك مكنش كل دا حصل انما انت الي كنت فارض عليا حبك رغم انك عارف ومتاكد اني مش بحبك وبحب هادي … 


خالد دموعه بدأت تنزل وهيا قالت" انا بس حبيت اديلك فرصه أخيره وعلشان انت بس اترجتني اني مفضحكش فانا هكون أصيله وهسكت بس انا مش عايزه أشوفك في حياتي تاني ولا في حياة هادي لانك متستحقش الي هوا بيعملوا معاك ولا حتي تستاهل انك تقعد في بيته" 


خالد قال بحزن" انتي عندك حق انا همشي ياقمر وهسيب القاهره ولاكن انا عايز منك حاجه واحده بس علشان خاطر العشره الي بينا وحب هادي ليا متقوليش حاجه وانا اسف علي كل الي خصل انا فعلا غبي 

قمر عيطت بحزن وقالت" وليه عملت كل دا ليه محاولتش تتغير وتشيل كل الحقد دا من قلبك" 

خالد بصلها بندم وقال" الي جوايا دا اتبني من سنين وانا حاولت بس انتي جيتي ذودتي كل دا لما حبيتك ولقيتك بتحبيه هوا ..الكره زاد في قلبي ليه  يا قمر بس انا مش هفضل في العذاب دا كتير انا همشي وهتصحوا بكره هتلاقوني مش موجود واتمني محدش يفكر فيا ولا حتي يعبرني لاني مستحقش ان أفضل هنا علشان انا خاين!! 


قمر فضلت بصاله بحزن وساكته  (هو في الحقيقه صعب عليها ومكنتش عايزه  يوصل لكدا …هو حقيقي خسر اصحابه الي بيحبوه ودا كل بسبب الغل الي موجود في قلبه  والخيانه الي هوا عملها دي مستحيل ان هادي هيسامحه عليها) 


قمر هزت راسها وقالت" انا هروح عند هادي والي هيبق  بكره جوزي ..

عارف ليه علشان هو دا الي قلبي دقله يا خالد واتمني انك تلاقي بنت كويسه وتحاول تشيل الي في قلبك دا وترجع تاني مش علشاني يا خالد ارجع علشان صحابك الي بيحبوك !! 


خالد بصلها بحزن وهز راسه وهيا اخدت هدوم من الي في الدولاب وخرجت برا الأوضة وسابته!! 


دخلت أوضة هادي ولقته قاعد علي مكتبه الي في الأوضه وكان فاتح اللاب توب ولاكنه أول مشافها ابتسم ووقف  وهوا باصصلها بحب وقال " انتي مغيرتيش هدومك ليه!! 


قمر بتوتر " أصلي جبتها معايا هغيرها هنا" 

هادي بصلها وقال" عارف انك واخده عليا بس مش للدرجة انك هتغيري قدامي!! متنسيش برضوا اننا لسا مكتبناش الكتاب!! 


قمر رفعت حاجبها بإستغراب وقالت" هو انت فهمت ايه انا هغير هدومي عندك هنا في الحمام .. 

هادي بصلها ورفع حاجبه  وقال"  وحياة النبي يعني مش هتغيري قدامي؟

قمر زقته بايديها وقالت" ابعد من قدامي علشان مرجعش اوضتي واقعد مع العفاريت احسن" 

هادي ضحك وهوا باصللها وهيا ماشيه وبيقول" مبراحه علينا بس هو علشان انتي حلوه هتتغري!! 

قمر قفلت باب الحمام وهوا رجع قفل اللاب توب ونام علي السرير وهوا فاتح دراعه وبيضحك!!! 

_____________

وعند خالد خرج من اوضة قمر وهوا مقرر انه يمشي لانه مش هيستحمل يشوفها بتتجوز هادي  لانه للأسف لسا بيحبها .


دخل أوضته وبدأ يجهز شنطته وهوا بيحاول يتخطي الي هوا عملت في قمر وبعدما خلص حط شنطته علي السرير ومسك ورقه وقلم وكتب فيها انه للاسف مش هيقدر يفضل هنا لان ابوه تعبان ولازم يرجع البلد  علشان ياخد باله من ارضهم والبيت وعرفهم انه لما يظبط كل الأمور هناك هيرجعلهم تاني وعايزهم ميقلقوش عليه لانه هيقفل تيلفونه ووعدهم انه هيجي اول ما هادي يعلن عن رجوع الشركة !! 

حط الورقة علي السرير وبعدها اخد شنطته وخرج"" 

كان القصر هادي جدا ومفيهوش اي صوت نزل خالد وهوا بيبص لاوض اصحابه بحزن قال بهمس" انا فعلا لازم اتعافي من الي في قلبي!! 

نزل وفتح البوابه وخرج وفضل يمشي وكان الوقت اتاخر جدا  ولاكنه مشي طريق طويل لحدما وصل للطريق  العام ركب تاكسي من الي موجودين وقال" عايز اروح محطة القطر.. 

السواق  هز راسه وشغل التاكسي واتحركوا  وخالد قفل تليفونه وهوا حزين علي كل الي حصل وبعد وقت وصل خالد قدام المحطة وحاسب التاكسي وبعدها قرب من الشخص الي بيقطع التذاكر و قال" هو القطر الي رايح المنصوره هيوصل إمتي !! 

الشخص قال" كمان ثلاث سعات إنشاء الله.

خالد قطع التذكره وبعدها راح للاستراحه وقعد هناك وسند راسه وفضل يعيط ولاكن عياط داخلي بيفتكر كل اللحظات اللحلوه الي قضاها مع صحابه في خلال السنين الي عاشها معاهم وغير قمر وذكرياته معاها في المنطقه فضل قاعد بيل"عن نفسه لانه هو السبب في كل دا وقعد يتخيل الي عمله في قمر وازاي كان عاوز يإذيها بالشكل المرعب دا عرف ان عندها حق لما قالتله انه لازم يتعالج لانه فعلا عنده نقص!!!!! 

_______

في القصر وبالتحديد  جناح هادي " 


خرجت قمر من الحمام وهيا بتدور علي هادي بعيونها لحدما شافته نايم علي السرير وفاتح إيديه بصتله  بإستغراب وقربت منه وهيا بتسأله " هو انا هنام فين! 

هادي شاور علي دراعه وقال" هنا!! 

قمر وقفت وحطت إيديها علي وسطها وقالت" دا مين الي قال كدا إنشاء الله.. 

هادي رفع حاجبه وقام من علي السرير وهو بيقول" انتي هتبقي مراتي بكره علي فكره "

قمر قالت بابتسامه" اديك قولتها هبق بكره انما دلوقت انا مش مراتك يبق تحترم نفسك وقوم كدا نام علي الكنبه  لو مش عجباك نام  علي الارض وزي ما تحب بق ! 


هادي رفع حاجبه بصدمه وقال" انام علي الكنبه ولو مش عجباني انام علي الارض! 


قمر هزت راسها وقالت" ولو تخطيت حدودك والشيطان وذك وقالك تقرب مني وانا نايمه وربنا ..هادي قطع كلامها وشدها من دراعها لحضنه وقال" ماشي متقلقيش وبعدين انتي مش واثقه فيا!


قمر هزت راسها بلأ وقالت" لا مش واثقه فيك انت أصلا واحد قليل الأدب علي فكره!

هادي فجأها ببو"سه سريعه خطفها من علي شفا"يفها وقال" مكنش ينفع أشوفك قدامي ومخدش اي حاجه كدا!! 

قمر شهقت بصدمه ووا سابها وجري نام علي الكنبه!! 

فضلت بصاله وهيا مش مستوعبه انه با"سها بجد!! 

بصت عليه ولقته غمض عينه فهزت راسها بابتسامه وقربت من السرير ونامت…

_________

تاني يوم بتصحي قمر من نومها وهيا حاسه بثقل علي جسمها فتحت عينيها ببطئ وهيا بتستوعب الي بيحصل لقت هادي واخدها في حضنه وحاطت دراعه عند صد"رها .. 

قامت بفزع وهيا بتصرخ وبتقول" انت بتعمل اييييييه جمبي!


قام هادي من النوم علي صريخها اول مشاف الي بيحصل قال بصدمه"انتي بتعملي اي في أوضتي!

قمر بصتله بعدم تصديق وقالت" انا الي بعمل ايه والا انت الي بتعمل ايه جمبي علي السرير؟

هادي بصلها بصدمه وغمض عينه بيفتكر

اللي حصل امبارح وهيا كانت مركزه معاه لحدما قام فجأة وهو بيقول.. اصل الجو كان ساقعه فانا جيت نمت جمبك.. 

قمر فتحت عينيها بعدم تصديق وقالت..انت كداب يا هادي … 


هادي هز راسه وقال.. حصل انا فعلا كداب وعلشان كدا هقولك الحقيقه!

قمر هزت راسها باستماع وهوا قرب من شفا"يفها وخطف بوسه سريعه وقال" مقدرتش اسيبك نايمه لوحدك  خصوصا بعدما كنتي بتندهيلي وانتي نايمه!

قمر بصتله بقلق وقالت" كنت بنادي عليك ازاي وانا نايمه"

هادي بص في عيونها وقال" كنتي بتقولي الحقني يا هادي  ..

قمر رفعت حاجبها وقالت" 

والله؟؟

هادي ابتسم وقال" هو احنا هنقضيها أسئله كدا ونسيب المهم!

قمر وقفت وهيا بتقول" وايه المهم دا ..

هادي  قال بحماس" كتب كتابنا يا قمر انتي ناسيه انك هتبقي مراتي النهارده!

قمر ابتسمت وقالت" لا مش ناسيه بس انت الي شكلك نسيت!

هادي وقف قدامها وهوا بيقول" نسيت ايه!

قمر قالت وهيا مدياله ضهرها" نسيت اننا لسا متجوزناش وعمالي تتصرف تصرفات غلط وانا طبعا مش هسكتلك وووو.

صرخت لما شالها وهوا بيقول" اسمعي بق انا أصلا ماسك نفسي عليكي بالعافيه ف نصيحه من واحد مش قادر يتحكم في اعصابه حاولي علي متقدري متعمليش الحركات دي؟

قمر بإستغراب وهيا بصه في عيونه! حركات ايه الي انا بعملها دي!!

هادي خطف بو"سه من خدها وقال" الي بتعمليها دي ياقمر راعي اني واحد شاب وبقالي كتير ما قابلت أنثي بالحلاوه دي!

قمر وشها بق احمر من كلامه وبعدها هوا نزلها وقال" انا هغير هدومي علشان اروح اصحي الشباب علشان نروح الشركه وبالليل انا هبتعتلك ناس علشان يجهزوكي لكتب الكتاب وطبعا انتي ملكيش حجه!

قمر هزت راسها وقالت" انا عايزه محمد يروح يجيب سهر صحبتي علشان انا محتجاها معايا!

هادي ابتسم وهز راسه وقال انتي تؤمري وانا انفذ.

سمعت دقات قلبها الي عماله تزيد بطريقه واضحه وهوا ابتسم وسابها ودخل علشان يجهز ..

فضلت قمر واقفه مكانها ولاكنها قررت تخرج من اوضتها وتروح اوضتها علشان تلبس هدومها الي كانت جايه بيها امبارح!!

بعدما خرجت من اوضة هادي شافت اوضه خالد مفترحه قربت منها بقلق وهيا بتبص عليها ولقت ان الاوضه فاضيه ..'شافت الرساله الي علي السرير مسكتها وبدأت تقرأها بحزن وبعدما شافت الي كاتبه قالت بحزن" يارب تتغير يا خالد أولا علشان نفسك وثانيا علشان الي بيحبوك"" 

سابت الورقه مكانها وخرجت من الاوضه بسرعه ودخلت اوضتها غيرت هدومها وبعد وقت سمعت صوت دوشه جايه من برا خرجت وشافت الشباب واقفين وهما بيقرأو الرساله بتاعت  خالد وهما مش مستوعبين الي هوا عمله !

محمد بصدمه" ازاي فجاه يسيبنا ويمشي  وبعدين امبارح كان كويس وبو كان هيعمل كدا كان زمانه قايلنا !

سعيد بصله وقال"عندك حق  وبعدين هو ازاي اصلا عرف ان ابوه تعبان ازاي. وهو اصلا سايبهم من سنين!

محمد قال " ما يمكن حد اتواصل مع اي حد من عيلته  او هوا الي اتصل بيهم" 

هادي خرج علي صوتهم وقال" في ايه يا رجاله واقفين كدا ليه! 

محمد اداله الورقه وقال" شوف خالد مشي وسايب ايه! 

هادي بصلهم باستغراب واخد الورقة من محمد وقرأها وبعدها قال بعدم تصديق" معقوله الي هوا كاتبه دا …. الشباب بصوله باهتمام وهو قال  بس الي كاتبه دا مش منطقي خالص يعني ايه هياخد باله من الارض والبيت يعني ايه الكلام دا وبعدين ما اخواته موجودين! 

محمد بقلق" انا بقول كدا برضوا اصل خالد مستحيل يمشي من هنا لان بعد الي حصله هناك كان رافض انه يرجعلهم مره تانيه. 

هادي" خالد وراه حاجه لان الي مكتوب دا مش منطقي واكيد حصلت حاجه خلته يعمل كدا!! 

قمر قربت منهم وهيا بتسألهم بإستغراب" في ايه مالكوا" 

محمد بصلها وقال بحزن" خالد مشي وسابنا وسايب لنا  الورقه دي وبيقول انه راجع البلد تاني! 

قمر اتوترت وقالت" وانتو مش عارفين هوا منين! 

محمد هز راسه وقال" عارفين طبعا خالد من المنصوره بس هوا سايب المنصوره من زمان وعايش معانا هنا ! 

قمر بصت لهادي وقالت" وهو كاتب ايه في الرساله" 

هادي بصلها وقال" بيقول ابوه تعبان وهوا رايح للبلد  ياخد باله من الارض والبيت بتاعهم ! 

قمر هزت راسها وقالت" وانتو بق مش مصدقين اللي هوا كاتبه! 

الشباب هزو راسهم بمعني لأ! 

قمر بصتلهم وهيا متوتره لحدما سمعوا صوت عبدالله والي كان بيقول" مالكوا يا شباب واقفين كدا ليه علي الصبح! 

قمر بصتله وقالت" انت كنت فين من امبارح يا عبدالله ! 

عبدالله بص لهادي وقال" كنت مع الرجاله بتوع هادي وهما جبوني هنا ونمت علي الكنبه تحت بس انتو مالكوا متجمعين كدا ليه!! 

هادي بصله وقال" خالد مشي وساب الرساله دي بيقول انه راجع بلدهم تاني وهيجي بعد ما الشركة بتاعتي تعلن عن رجوعها مره تانيه !! 

عبدالله بصله باستغراب وقال" وهو خالد مش كان هيشتغل في الشركه! 

هادي هز راسه وقال" ايوا انا كنت معرفه شغله وهوا كان موافق ومكنش باين عليه اي حاجه" 

عبدالله بص للشباب ولقي انهم مش فاهمين حاجه من الي خالد  كاتبها  ولاكن لما عينيه جت في عيون قمر عرف انها عارفه حاحه ومخبياها عليهم ،،،!! بقلمي شيماء صبحي 

يتبع!!!!!!!!!! 

رواية🌸قصيرة القامة طويلة اللسان🌸

تتوقعوا عبدالله هيعرف من قمر الي خصل ولا هيا هتعرف تخبي عليه علشان وعدها لخالد ويا تري ايه الي هيحصل في البارت الجاي توقعاتكوا اي!!🌸


بداية الرواية من هنا


 🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺





تعليقات

close