expr:class='data:blog.languageDirection' expr:data-id='1477310355715762718'>

القائمة الرئيسية

الصفحات

رواية بين_العشق_والقدر_الأخير بقلم زهرة الربيع حصريه وجديده على مدونة النجم المتوهج للروايات والمعلومات

 رواية بين_العشق_والقدر_الأخير بقلم زهرة الربيع حصريه وجديده على مدونة النجم المتوهج للروايات والمعلومات 

رواية بين_العشق_والقدر_الأخير بقلم زهرة الربيع حصريه وجديده على مدونة النجم المتوهج للروايات والمعلومات 

جاد كان ماشي وسمع صوت وقعتها على الارض التفت لها واول ما شافها قال بعلو صوته..رقييييييه ..وجري عليها وبقى يفوق فيها ويقول..رقيه .حبيبتي..ردي عليا ...رقيه..مالك يابت جرالك ايه..وشالها بسرعه حطها في العربيه وجري على الترعه غسل وشو بسرعه وطلع بيها على اقرب مستشفى


اول ما دخل جري بيها على الطوارئ وقال....عايز دكتوره هنا


اتقدم عليه الدكتور وقال..انا موجود هنا..و


بس قبل ما يلمسها مسك ايده وقال بغضب..قولت دكتوره انطرشت


الدكتور بلع ريقه بخوف ونادالو الدكتوره وبقت تكشف عليها وقالت متقلقش دي مجرد دوخه عاديه  تلاقيها مأكلتش كويس ولا وزعلت من حاجه.. انا هعلقلها محلول  ونادت على ممرض وقالت شادي هات الكيلونا


شادي جابها وجيه وهو وبيدهالها جيه وشو في وش جاد واتصدمو الاتنين بشده


شادي وقعت الكالونا من ايده وجري بسرعه وجاد طلع جري وراه وقبل ما يخرج من المستشفى مسكو جاد وضربو جامد وقال...بقى انت ممرض..ممرض ازاي..والعياده...والكشف والتحاليل..انطق لقطع خبرك اتكلم


شادي وشو بقى بينزف من كتر ما ضربة وقال...مليش دعوه حضرتك..مليش دعوه والله في اتنين ستات هما الي  دفعولي علشان اقول كده  واجرو المكان الي عملناه عياده مليش دخل ابدا...هما الي قالولي اعمل كده واقولك انك مبتخلفش


جاد اتسعت عنيه بزهول وقال..قصدك ايه يعني انا...انا  بخلف..امال ليه مخلفتش..ومين المرتين دول اتكلم اخلص


شادي قال..انت..انت مخلفتش لانهم قالو انهم هيمنعوك بطريقتهم واخدو حبوب منع الحمل...بس والله  معرفش هما مين .. والله ما اعرف  واحده كانت  صغيره والتانيه ست كبيره...سمعت الصغيره بتقولها يا خالتي وهيه بتناديها فاطمه  


جاد سابو بزهول وقال بصدمه..قولت مين.


شادي قال بخوف ...والله ده الي حصل

جاد كان هيتجنن وقال بزهول..طب..طب والتحاليل


شادي قال...انا سرقت تحاليل  من المستشفى بتاعت راجل عقيم وحطيت اسمك عليها..انا مليش دعوه هما الي قالولي والله


الممرض كان بيرتجف من الخوف انما جاد كان ماشي بزهول شديد وحتى مكلمهوش ولا اتناقش معاه ابدا ولا اذاه كان ماشي مصدوم زي ما يكون في غيبوبه


رجع الطوارئ وكانت رقيه فاقت اول ما شافتو بصتلو بدموع وقالت..كنت فين يا جاد كنت هخرج ادور عليك


جاد ابتسم وقرب منها وبص لعيونها جامد وقال..كنت بحاول اعرف..انا ..انا بحبك ولا بعشقك..ولا حبك بقى في دمي وشرايني


رقيه اتسعنت عنيها وهيه مش فاهمه حاجه وجاد قال..قومي معاي..هنكتب كتابنا دلوك..محدش هياخدك مني محدش يقدر يبعدك عني تاني


رقيه اتصدمت وقالت..ازاي..هو ..هو ايه الي غير رأيك و

بس قاطعها جاد وقال..معانا عمر طويل بإذن الله نعيشو..واحكيلك فيه كل حاجه..بس قومي نلحق مكتب المأذون قبل ما يقفل


رقيه وقفت معاه بفرحه بس قالت..طب ومراد..وفاطمه


جاد اول ما جات سيرة فاطمه الغضب بان على ملامحو وقال..مراد ده ينساكي احسن ما يعيش مع واحده قلبها لغيره..وفاطمه دي..تحرم عليا دنيا ودين..مبفتش على زمتي من دلوك


رقيه مكانتش فاهمه حاجه بس كانت ملامحو بتفسر ان الموضوع كبير ومحتاج شرح.. مشيت معاه وراحو فعلا كتبو كتابهم ورجعو البيت اديهم في ادين بعض 


امه جريت عليه وقالت..كنتو فين يا جاد...ده احنا كنا هنموت عليكم يا ولدي


شاديه قالت..انا مش قولتلكم مدام مع بعض متقلقوش


جاد بص لامه بغضب ودموع وافتكر لما اصرت يشوف دكتور وادتو عنوان العياده المزيفه وقالتلو انو دكتور شاطر...وكل الي راحو عندو ربنا تملهم الشفا...فضل باصص لها وسرحان لحد ما قالت..مالك يا وادي


جاد اتنهد وقال...انا ..انا اتجوزت رقيه..رجعت بقت مرتي


شاديه حطت ايدها على بقها بزهول وفرحه رهيبه...و الجد قال بفرحه..ينصر دينك


الكل كان في حالة صدمه رهيبه وخصوصا لما جاد قال..فاطمه...انتي طالق..بالتلاته..ادخلي لمي خلقاتك.وكل الي محتاجاه..والسواق هيوصلك دار ابوكي


فاطمه نزلت دموعها وقالت بانفعال..ايوه..ايوه فاطمه تتجوزها..علشان تنسيك ست الحسن واول ما ترجعلها ترميها رميه الكلام من غير ذمب يا ابن الاصول


جاد قرب منها وقال بدموع وغضب....لو مكنتش ابن اصول كنت جرجرتك بجلبيتك من شعرك ورميتك في الشارع ..زي الزباله الي زيك ..اما بقى بالنسبه للذمب...فكفايه اني اقولك اني اتكلمت مع الممرض حضرة الدكتور شادي متولي..وانتي فاهمه الباقي ..ولجل العشره مش هقول الي بعد كده..ان الله ستار حليم..ها كده زين ولا ايه


فاطمه كانت هتقع من طولها وبقت تبكي وقالت..والله علشان بحبك يا جاد كنت عوزاك تطلقها وتتجوزني وانبي يا جاد انا..


بس جاد زعق فيها وقال..اطلعي لمي خلقاتك ةامشي يا فاطمه..قبل ما انسى العيش والملح الي بنا


فاطمه مشيت وهيه بتبكي جامد وامه نزلت عيونها في الارض وقالت بدموع ..لو..لو عايزني اهمل البيت انا كمان...


بس مكملتش الكلمه وقرب منها بدموع وباس يدها وابتسم بالم وقال...متهونيش عليا ..مع اني هنت يا اما شوفتيني بقطع حته من قلبي وافارقها شوفتيني مكسور وانتي الي كسراني..خليكي ياما متهمليش دارك..لاني انا الي ههملو


امه قعدت وبقت تبكي جامد  ومراد قال ..طب وانا يا رقيه هتسبيني تاني..هو انا لعبه في ايدك


رقيه قالت بدموع..اسفه يا مراد ياريت قدرت انساه والله..سامحني انت الف واحده تتمناك و


بس قبل ما تكمل جملتها طلع بغضب وهو مش شايف قدامو


رقيه اتنهدت بحزن وجاد مسك ايدها وقال..مبقاش ينفع حد بفرقنا خلاص..انتي دنينتي وانا دنيتك..هنعيش يا قلب جاد وهعوضك عن كل التعب الي تعبتيه بسبب غبائي.. وبص لامو وقال..بسبب اني وثقت في ناسي ذياده


امه نزلت دموعها بحزن وشاديه كانت هيه ووهبي مش فاهمين حاجه بس  مبسوطين لانهم عارفيت قد ايه هما بيحبو بعض


بعد مرور ٦ شهور كانو جاد ورقيه في بيت جميل في منطقه هاديه على البحر وكانت رقيه بطنها كبيره  لانها حامل جاد جيه من وراها وشدها ليه بحب وقال...حبايبي عاملين ايه 


رقيه ضحكت والتفتتلو وقالت..بيحبوك زي العاده


جاد ابتسم بحب وقال..وانا بعشقهم...على فكره كلمت الجماعه في البلد وقولتلهم هنرجع كمان ايام علشان تقعدي لحد بعد الولاده زي ما اتفقنا..واتنهد وقال..انا لولا اصرارك مكنتش رجعت ابدا


رقيه حطت ايدها على خدودو بحنيه وقالت..انا اهم حاجه عندي انك تبقى مبسوط يا جاد وانا متأكده ان عمرك ما هتفرح بحاجه وانت زعلان من حماتي..على فكره هيه عمرها ما كانت تقصد تأذينا هيه بس كانت عيزاك جمبها..فاكره اني مش هخليك تشوفها تاني..دلوقتي نرحع وتشيل حفيدها وهتفرح بيه...واحنا هنسامح علشان بنحب يا جاد


جاد قربها ليه اكتر وقال بابتسامه..انا اخدت نصيبي كلو من الدنيا فيكي يا رقيه..لو تعرفي بعشقك كد ايه يا بت عمي


رقيه ابتسمت بحب واضح في عيونها وقالت..انا أكتر يا عمري وقلبي ..يا حياه كتبتها في احلامي وبقت حقيقه قدامي هتفضل حبيبي مهما بعدت عني يا جاد ...انا تعبت بين العشق والقدر الحمد لله الي  اراد يبقى عشقي هو قدري ❤


كنتم مع رواية بين العشق والقدر بقلم زهرة الربيع..استنوني في قصص جميله تانيه ..زهرتكم تحييكم ودمتم في امان الله مع من تحبون❤


بداية الرواية من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺




تعليقات

close