رواية جاهله الفصل الاول حتى الفصل الثامن بقلم زوزه حصريه وجديده على مدونة النجم المتوهج للروايات والمعلومات
البارت1
_يعني ايه اتجوزها انتي عايزه تجوزيني بنت جاهله يا ماما دي مبتعرفش تكتب اسمها .
*ويعني ايه دي بنت طيبه جدا ومحترمه وهتعجبك انت عمرك ما شوفتها وبعدين دي أمانة اخويا سايبها ليا ولازم احافظ عليها .
_يا ماما حافظي عليها وهاتيها وخليها تقعد معاكي هنا بس مش هتجوزها ده انا دكتور في الجامعه عايزه تجوزيني بنت مبتعرفش تكتب ولا تقرأ طيب دي اتعامل معاها ازاي دي يا ماما .
*هتتجوزها يعني هتتجوزها يا حسام وده اخر كلام عندي .
.jpeg)
*يابني افهمني البنت معتش ليها حد غيرنا يبقي اتجوزها وعلمها انت .
_مش عايز اتجوزها يا ماما افهميني عمري ما احبها وبعدين دي اكيد هتكون شبه الناس اللي مبيعرفوش يلبسوا ولا شكل ولا حتي علم ولا اي حاجه يا ماما انتي كده بتظلميني .
*هتتجوزها يا حسام يابني وبعدين البنت قمر جدا وهتعجبك هنروح انهارده البلد نطلبها يابني .
_يا ماما افهميني انا مش عايزها .
*دي بنت اخويا يا حسام وانا مش هسمح أنها تفضل تتهان في بيت خالها انت هتتجوزها والا انا لا امك ولا اعرفك يا حسام .
_يا امي افهميني عمري ما هعرف أسعدها ولا اعرف اتفاهم معاها .
*انا اخر كلام قولته هنروح البلد نطلبها من خالها وبعد اسبوع الفرح .
_يا امي افهميني .
*معتش كلام في الموضوع ده يا حسام روح جهز شنط عشان نسافر .
"جومي يا بت يلا .
-نعم يامرات خالي .
"جومي يا اختي يلا عشان تنضفي البيت والا هتجعدي من غير ما تعملي حاجه .
-حاضر يا مرات خالي .
" جومي يلا .
*من غير لف ودوران يا حاج احمد احنا جاين نطلب منك ايد قمر بنت اخويا لحسام ابني .
~بس يا ام حسام ده اخوكي واختي لسه يدوب ميتين بجالهم شهرين بس مينفعش نعمل اي حاجه دلوج .
*هنفرحهم ع الضيق يا حاج احمد وبعدين قمر دي بنت وانا عايزها لابني .
~ اللي تشوفه البنت بردو يعني دي بنت اختي وانا مقدرش اغصب عليها حاجه بردو .
*ودي الاصول يا حاج احمد بس اسمحلي اقعد معاها شويه .
~طبعا يا ام حسام ثم نادي بصوت عالي وقاال يا حسنااات .
"نعم يا حاج .
~خدي ام حسام عند قمر جوا .
"حاضر يا حاج .
ثم ذهبوا الي المطبخ وكانت قمر تقوم بالطهي وغسل الاطباق وملابسها متسخه ويبدوا عليها الإرهاق .
*قمر .
-التفت الي الصوت وجدتها عمتها التي تحبها بشده فقالت بدموع فرحه عمتووو حبيبتي ثم ذهبت لتحضنها فنظرت لملابسها وقالت بدموع معلش يا عمتو هوسخ هدومك النضيفه خليها م بعيد .
*شدتها في حضنها وقالت بحب تعالي في حضني ياروح عمتك انتي وحشاني اوووي .
-قالت بدموع وانتي ولله ياعمتو .
"نظرت لهم بكره وقالت يلا يا ام حسام اديكي شوفتيها يا اختي تعالي نسبها تطبخ ونجعد احنا لوحدينا .
* لا معلش يا حسنات كملي انتي طبخ انا عايزه اقعد انا وقمر لوحدينا شويه في الاوضه بتاعتها ثم اخذتها من يدها وقالت لقمر فين اوضتك يا قمر .
-اخذتها قمر الي غرفتها وقالت اتفضلي يا عمتو .
*اقعدي ياقمر عشان عايزاكي في حاجه .
-نعم ياعمتو .
* حسام ابني عايز يتجوزك ايه رايك فيه يابنتي وهاخدك تعيشي معايا هناك بدل البهدله دي يابنتي .
- اللي تشوفيه ياعمتو انا بثق في أي قرار انتي بتاخديه لان عارفه انك خايفه عليا بجد .
*ياروح عمتك انتي طيب قومي غيري يلا عشان حسام يشوفك ثم ناولتها فستان طويل ترتديه وقالت خدي ياقمر دي هديه مني يابنتي البسيه وان شاء الله هيكون مظبوط عليكي وانا هستناكي برا .
_ يا امي انا مش عايز العروسه دي .
*حسام اسكت دي بنت اخويا
_حاضر يا امي .
-اتيت قمر وكانت ترتدي فستان ازرق مثل لون عينياها وكانت ترتدي طرحه بيضاء وكانت مثل الحوريات الذين يطلعن من البحر فكانت بيضاء جدا وعيناها زرقاء وشفايفها تضع عليهم ملمع شفاه احمر خفيف وتحدد عيناها بالكحل فكل من يراها يسحر بجمالها كانت تأتي بخجل وتحمل أكواب العصير بيداها .
*بسم الله ما شاء الله تعالي ياروح عمتك .
_نظر لها بصدمه ثم قاال ايه ده يا ماما .....
البارت_2
_نظر لها بصدمه وقال ايه ده يا ماما فين بنت اخوكي .
*دي قمر بنت خالك يا حسام .
_قمر بنت خالي مين يا ماما انتي بتهزري دي حوريه طالعه من البحر .
* ضحكت وقالت يابني دي قمر انت مشوفتهاش من وهي عيله .
_نظر لها وقال فعلا اسم علي مسمي .
*اقعدي جمبي يا بنتي .
- جلست بجوارها بخجل وهي تنظر إلي ابن عمتها التي لم تراه منذ زمن طويل فهو كان يدرس في الخارج ولم تراه منذ زمن طويل ولكنه كان مثل الممثلين فكان ذو شعر بني طويل مصففه باحترافيه ولكن هناك خصلة تمردت ونزلت علي عيناه مما زادت من جذبيته وكانت تنظر إلي عيناه العسليه والي جسمه الرياضي فهو حقا كان رائعا.
* ياقمر ياقمر روحتي فين يابنتي .
- ها نعم يا عمتو .
*خالك بيقولك يابنتي ايه رايك موافقه والا لا .
-تطلعت الي الأرض بخجل وقالت اللي تشوفه ياخالو انت وعمتو .
~يبجا علي خيرة الله الفرح وكتب الكتاب بعد اسبوع .
*بعد اذنك يا حاج احمد لو يطلعوا في البلكونه والا اي حته يتعرفوا علي بعضهم بردو عرسان يا حاج .
~اللي تشوفيه يا ام حسام ثم نظر إلي قمر وقال قمر خدي عريسك وادخلوا البلكونه اتعرفوا علي بعضكم يا بنتي .
-بخجل قالت حاضر يا خالو .
_ظل يتأملها فترة ثم قال انتي فعلا اسم علي مسمي يا قمر .
-توردت حدودها بحمرة الخجل وقالت شكرا .
_اخذ باله من تصرفاته وسريعا تذكر أنها لا تعرف أن تقرأ أو تكتب فهي بالاختصار انسانه جاهله نظر لها مده طويله ثم قال انتي متعلمتيش ليه يا قمر .
-التمعت عيناها بالدموع وقالت ماما الله يرحمها كانت بتخاف عليا اوي عشان مكنش عندها غيري وكانت بتخاف اني اروح المدرسه يجرالي حاجه واول يوم روحت في المدرسه وانا صغيره وقعت من علي السلم بعدها هي رفضت اني اروح المدرسه نهائي وكانت مقتنعه أن البنت ملهاش غير بيت جوزها .
_بس ده جهل يعني اي انسان معرض أنه يتاذئ في أي وقت .
-هما كانوا كده للاسف .
_طيب وعلي كده بتعرفي طيب تقراي أو تكتبي .
-نظرت الي الأرض باحراج وقالت للأسف محدش علمني .
_طيب انتي بقا كده اكيد انسانه جاهله .
-صُدمت من لقب جاهله وقالت باحراج أكثر ده مش ذنبي .
_ نظر لها طويلا وقال لو كنتي فعلا حابة تتعلمي كنت اكيد اتعلمتي بس انتي إنسانة جاهلة ومحبتيش التعليم واكيد هتكوني جاهلة في جميع مجالات الحياة .
- كُسر قلبها من كلامه الجارح بها وقالت بتعلثم انا انا يعني ده مش بايدي مكنش عندي اخوات غيري ومكنش ليا قرايب غيرك انت و عمتو وخالو ومراتو وبس .
_اخر مره شوفتك كانت من 8 سنين كان عندك تقريبا عشر سنين صح .
-ايوه .
_ ليه محاولتيش وانتي عندك عشر سنين تقوليلي وانا كنت علمتك .
- نظرت إلي الأرض باحراج شديد وقالت انت انت مكنتش بتيجي غير مره كل فتره كبيره حتي عمتو كانت تيجي وانت مكنتش بتيجي معاها .
_مش مبرر يا قمر انتي انسانه جاهله ودي الحقيقه .
-ظلت تنظر إلي الأرض وبعيناها دموع تتلألأ .
_اخذ نفسه بهدوء ثم قال انا هتجوزك يا قمر بس صدقيني انتي مش الزوجه اللي انا كنت أتمناها انا كنت اتمني زوجة علي قدر عالي من التعليم زي تعرف تفهمني وتتفاهم معايا ويكون عندها شخصيه انتي كشكل عجبتيني بس كشخصيه وام لأولادي لا يا قمر انتي انسانه جاهله وانا متمناش زوجتي تكون جاهله لكن للاسف هتجوزك عشان خاطر ماما وبس فمتتوقعيش مني اي حب .
- نظرت له والدموع تسيل من عيناها بصدمه نظرت له بنظرة بها كسرة كأن عيناها تقول له لماذا كل هذا لماذا لم تضع نفسك مكانك لماذا لا تحبني وتعلمني انت لماذا لا تكون انت معلمي منذ الصغر وانا أتمني أن تكون معلمي ولكن ماذا كنت دائما مغرور كنت دائما منذ الصغر تقول لي اني فتاة لا تعرف شئ ظلت تنظر له نظرة طويله بها كسرة الم صراخ ثم أخذت نفسها بهدوء ومسحت دموعها وقال بهدوء كان لم يكن بها شئ اتفضل يا استاذ حسام ندخل جوا .
*ها يا حبيبتي حسام عجبك اكيد اتفهمتم سوا .
-نظرت لخالها بهدوء ثم قالت انا اسفه يا خالو بس انا مش عايزه اتجوز دلوقتي انا لسه صغيره وموت بابا وماما مقصرين فيا ومقدرش اتجوز دلوقتي ثم نظرت إلي عمتها ووضعت قبلة علي يدها وقالت سامحيني يا عمتو بس انا مش جاهزه اتجوز دلوقتي .
_ تطلع لها بصدمه ثم قال .....
. البارت_3
_تطلع لها بصدمه ثم قال بغضب مكتوم هو انتي كنتي تطولي اني اتقدملك اصلا عشان ترفديني .
~تقصد ايه بكلامك يا حسام .
*تدخلت سريعا في الكلام وقالت معلش يا حاج احمد هو ميقصدش حاجه ثم نظرت لحسام بغضب وقالت قمر ليها الحق ترفض أو توافق وهي براحتها .
-مش عايزاكي تزعلي مني ياعمتو بس انا مش مقتنعه بالجواز دلوقتي ثم أكملت عن اذنكم هدخل جوا انا عند مرات خالي .
~نظر الي أثرها وقال معلش يا ام حسام قمر بردو مهما كان بنت اختي وانا مقدرش أجبرها علي حاجه وخصوصا في الجواز انا وافقت في الاول لما كانت هي مرتاحه لكن طلما مش مرتاحه واحنا لسه علي البر يبجا كل شئ قسمه ونصيب .
*عندك حق يا حاج وقمر بنت اخويا وهتفضل ديما في معزة بنتي .
-ياخالو بقالي شهر بتحايل عليك عشان خطري وافق .
~قولت لا ياقمر .
-ياخالو عشان خطري انا هسافر عند خالتو نعمه في لبنان عشان خطري وافق يا خالو .
~قولت لا ياقمر مفيش سفر مامنش عليكي هناك .
-يا خالو خالتو نعمه معندهاش غير بنت يعني مفيش بنات هناك وجوز خالتو انت عارفو وهو شخصيه طيبه جدا وخالتو طيبه وافق يا خالو بقا .
~اختي وجوزها طيبين وعارف انك لو روحتي هيحفظوا عليكي زي بنتهم بس بردو ياقمر ليه عايزه تسافري وتسبيني وتبعدي عن هنا ايه اللي مغيرك من يوم ما ابن عمتك اتقدملك وانتي اتغيرتي يا بنتي احكيلي انا خالك يا حبيبي ومحدش هيخاف عليكي جدي .
- نظرت له بدموع ثم قالت انا عايزه اتعلم يا خالو مش عايزه حد يقول عليا جاهله ومفهمش انا عايزه اسافر هناك واتعلم انا سمعت انهم في هناك مدرسه 4 سنين بتتخرج منها علي الجامعه يعني هاخد فيها اربع سنين ابتدائي وإعدادي وثانوي عشان خاطري وافق يا خالو لو سمحت وظلت تبكي .
~اخذها في حضنه ثم قال طيب المدرسه دي نظامها ايه وانتي عرفتي عنها منين يابنتي .
- كنت بكلم شمس بنت خالتو نعمه وحكيتلها وهي اللي قالتلي عليها يا خالو .
~طيب اهدي يا حبيبة خالك هكلم خالتك واسال عليها واكيد المدرسه اللي زي دي هتكون مكلفه شويه .
-نظرت الي الأرض بدموع وقالت يعني هتكون غاليه يا خالو .
~يا حبيبه خالك متشليش هم المصاريف انا معاكي وبعدين امك وابوكي سيبلك خير كتير متخفيش .
-نظرت له بفرحه وقالت يعني موافق يا خالو .
~ايوه يا حبيبة خالك بس هكلم خالتك بردو واعرف اكتر وبعدين هخليكي تسافري .
"دخلت عليهم وقالت مين دي اللي تسافر ياحاج .
~قمر هتسافر عند خالتها نعمه .
"وتسافر ليه يا حاج ماهي قاعده هنا وبتساعدني وهي كده كده ابن اختي كان عايز يتجدم ليها واهي تاخده وتحمد ربنا عليه .
~ابن اختك مين ده اللي ادهولها ملجتش غير الواد اصايع ده عشان اجوزها ليه ده هي رفضت دكتور جامعه جد الدنيا وفي الاخر اديها واد ميعرفش يفك الخط لا مش هيحصل .
"طيب ماهي ياخويا مبتعرفش تفك الخط واهي جاهله لا منها نافعه علام ولا منها نافعه ست بيت هتعمل ايه ماتجوزها وتستر عليها وخلاص .
~لا هي هتسافر عند خالتها نعمه وخلص الكلام .
"وهتسافر تعمل ايه هناك يا حاج .
~هتسافر تجعد مع خالتها وبنت خالتها اهي البت تغير جو بعيد عن جو الحزن اللي هنا .
"بغضب مكتوم براحتك يا حاج خليها أما تمشي علي حل شعرها .
~ملكيش دعوه انتي يا حسنات.
-هتوحشني اووي يا خالو .
~وانتي هتوحشيني قوي ياقلب خالك خدي بالك من نفسك والأرض بتاعت ابوكي هشغلها عشانك متخفيش وهبعتلك فلوس كل شهر واللي تحتاجيه قوليلي عليه يابنتي ديما .
-حضنته بدموع وقالت خد بالك من نفسك يا خالو .
~وانتي يابنتي خدي بالك من نفسك وخالتك هتستناكي هناك .
-حاضر يا خالو .
~مع السلامه يابنتي .
•قمررر.
-التفت الي مصدر الصوت وجدتها شمس ابنة خالها فقالت بحب شمس.
•وهي تحتضنها وحشاني اوووي يا قمر .
-وانتي كمان يا شمس .
°مش هتسبيها بقا تيجي في حضني يا شمس والا ايه .
-نظرت الي خالتها بدموع وقالت بحب خالتووو وحشتيني اووووي .
°وانتي كمان وحشتيني يابنتي .
^نظر لهم بضحك ثم قال طيب ايه مفيش حاجه لعمو خالد .
-نظرت له وقالت ازيك يا عمو .
°نظرت لهم بحب ومسكت يد قمر ويد شمس ثم قالت طيب يلا عشان تاكلوا ده انا عملالك شوية ورق عنب يابنتي هتاكلي صوابعك وراهم .
^كده ياقمر هتبداي تعليم من الاسبوع الجاي أن شاء الله .
-شكرا ليك ياعمو .
^العفو يابنتي بس مفيش شكر بينا ياقمر انتي زي شمس بنتي .
-ربنا يخليك يا عمو لينا يااارب .
^ياارب يابنتي يلا روحي احفظي درسك عشان المدرس هيجيلك البيت هنا يعملك بجانب المدرسه .
-بس كده هيبقي كتير ياعمو عليا .
^متشليش هم حاجه يابنتي .
•يلا يا ست قمر عشان تسمعيلي الدرس قبل ما المستر يجي .
-ماشي يلا .
=برافو يا قمر سمعتي الدرس كله صح .
-شكرا يا مستر .
•اتفضل يا مستر مصطفي .
=شكرا يا شمس .
•نظرت له وقالت لو احتاجت حاجه ممكن تناديني ثم تركتهم وصعدت الي غرفتها وهي تضع يدها علي قلبها وتقول بحب يااااه يا مصطفي .
(تصدقوا نسيت اعرفكم علي شمس ، شمس دي بنت خالة قمر عندها عشرين سنه في كلية تجاره هي بنت شعرها بني علي اصفر وبشرتها قمحيه لكن عيونها زي عيون شمس عيون زرقه ورثتهم من ماماتها زي ما قمر ورثتهم من ماماتها شمس بتحب مصطفي وده شاب جارهم شغال دكتور جامعه في كليه تربيه ولكن هي اللي رشحته لوالدها عشان يدرس لقمر )
نرجع لروايتنا تاني 😂
في مصر .
*مالك يا حسام مش علي بعضك ليه من اخر مره شوفت قمر فيها .
_ مفيش يا ماما حاجه .
* لا فيه يا حسام انت ضميرك بيعذبك عشان انت قسيت علي البنت جامد وهي ملهاش حد ويتيمه .
_ اهو اللي حصل يا ماما كل ما افتكر أن البنت جاهله ومبتعرفش تقرا ولا تكتب بكرهها جدا .
* بس انت البنت عجبتك يا حسام .
_ حتي لو عجبتني يا ماما بس متمنهاش زوجه ليا وام لأولادي متنفعش لمستوايا الاجتماعي يا ماما .
*براحتك يا حسام انت ضيعت قمر من ايدك وخلاص اعمل اللي تعمله .
_ ماشي يا ماما كنت عايز افتحك في موضوع .
* قول يا حسام عايز ايه .
_ عايزك تيجي معايا اطلب ايد دكتوره زميلتي .
*اممممم دكتوره زميلتك وياتري دي بقا تليق بمستواك الاجتماعي .
_طبعا يا ماما دي انسانه متعلمه ودكتوره زي وشاطره حتي أنها كشكل واستايل حلو جدا ياريت توافقي وتنسي موضوع قمر يا ماما .
* نظرت له وقالت اللي انت عايزه يا حسام انا معتش هدخل في قراراتك وعمري ما هنسي قمر لأنها بنت اخويا يا حسام وفي مقام بنتي ثم قامت وتركته .
_ نظر لها مده ثم قال لنفسه ولا انا عمري هنساها يا ماما دي حوريه وانا اللي جيت عليها جامد انا اللي غبي كان ممكن اعلمها انا بس اهو طلعت عندها كرامه ورفضتني ربنا يسعدك يا قمر ويبعتلك انسان يحبك ويفهمك ويخليكي ملكه فوق رأسه يااارب .
*هي فين العروسه يا حسام كل ده تاخير هو ده الزوق بردو يابني .
_ معلش يا ماما استحملي هتلاقيه غصب عنها ثم نظر إلي مكان الباب وقال اهي جت اهي يا ماما .
*هي دي عروسه يا حسام ثم قامت وقفت وقالت .....
البارت4
*هي دي العروسه يا حسام ثم قامت وقفت وقالت بعصبية مش لاقي اللي البنت دي يا حسام بقا مكنش عجبك قمر وجاي للبنت الشرشوحه دي.
'ايه ده طنط ازيك انا بعتذر عن اخر موقف بينا .
*بلا طنط بلا بتاع انا مش موافقه علي الجوازه دي يا حسام ثم تحركت لتغادر .
_يا ماما اهدي وفهميني في ايه .
'افهمك انا حبيبي اصلا طنط اتقابلنا وحصل بينا موقف مش لطيف وطنط باين عليها قفوشه اووي .
*انا قولت كلمه واحده انا مش موافقه علي الجوازه دي هتيجي معايا يا حسام والا تفضل هنا .
_نظر الي والدته والي تلك العروسه التي اتي من اجلها ثم بدأ بالتحرك مع والدته معتذراً الي أهل البيت الذين كانوا به .
*بقا تقولي قمر جاهله بس علي الاقل محترمه مش زي الشرشوحه اللي جاي تخطبها .
_ يا امي فهميني في ايه.
* هقولك يا استاذ حسام من فتره كنت في المول وكنت جايبه معايا حاجات وماشيه المهم البنت دي كانت بتتكلم في الفون وخبطنا في بعض وانا وقعت علي الأرض والحاجه اللي معايا وقعت المهم بدل ما تعتذر أو حاجه فضلت تزعقلي وتقولي التليفون انكسر ومش عارفه ايه علي انها هي غلطانه وانا حاولت أهديها لكن هي قالتلي انتي مفكره نفسك انك تقدري تدفعي انت الفون وفضلت تزعق وكده وهي اصلا بنادمه لا عندها زوق ولا احترام للكبير ولا اي شئ يدل علي انها انسانه متعلمه ومتفتحه ومتفهمه ده قمر اللي انت بتقول عليها جاهله لما انت جرحتها مقالتش لحد ورفضت بالزوق .
_يادي قمر يا امي اللي ماشيه تعمليلي مقارنه مع كل بنت معاها يا امي افهمي قمر رفضت وخلاص الموضوع خلص .
*طيب ما تحاول تطيب خاطرها يبني وخليها ترجع ده البت يتيمه وطيبه وملهاش غيرنا عشان خطري يا حسام تعالي نروح لقمر وطيب خاطرها وهي طيبه وهتسامحك لو بتحبني يا ابني انا عايزه قمر تكون هي عروستك .
_ اخذ نفس ثم قال حاضر يا امي هنروح ليها .
*فرحت بشده وقالت ربنا يخليك ليا يا حسام بس اوعي تجرحها بكلمه يا ابني .
_حاضر يا امي ثم بدأ يفكر مع نفسه ويقول ياااه يا قمر لو تسامحيني وانا هخليكي ملكة هعلمك هبدا معاكي من الاول لو تعرفي انتي اسرتيني ليكي ازاي يا قمر عنيكي اللي زي البحر اسرتني يا قمر ياريتك تسامحيني ونعيش سوا ...
في لبنان
-يا شمس سرحانه في ايه .
• ها ولا حاجه .
-يا بنتي مش عليا وبعدين ايه بصاتك دي لمستر مصطفي .
•مصطفي .
- ماله ياختي مصطفي .
• ها ولا حاجه .
-يا قوليلي ايه حكايه مصطفي يا اختي .
•بحبه اوووي يا قمر ده حب طفولتي .
-ياختي وده من ايه ده بقا .
•معرفش بس انا بحبه جدا ثم أكملت بفرحه شوفتيه قمر ازاي ده حاجه قمر اوووي احنا جيران من زمان وانا بحبه اوووي لكن هو مبياخدش باله مني وشايفني عيله صغيره مع اني عندي 20 سنه .
-بس كده غلط ياشمس افرض مكنش بيحبك يبقي ليه تعلقي نفسك بيه وبعدين تنجرحي بسببه بلاش تجرحي نفسك بنفسك يا شمس وهو ميعرفش .
•مش بايدي ولله يا قمر الحب ده خارج عن سيطرتنا انتي لو حبيتي هتعرفي أن الحب خارج عن سيطره الانسان .
-عارفه ياشمس بس بردو متفكريش فيه وادعي ربنا أنه لو خير ربنا يقربه منك لو شر ربنا يبعده عنك وان شاء الله ربنا هيراضيكي بالافضل .
•يااارب علي فكره يا قمر انتي بسم الله ما شاء الله عليكي يعني انتي لسه بدأه تعليم لكن دماغك متفتحه وان شاء الله مع التعليم هتكوني حاجه كبيره وبكرا افكرك.
-يااارب يا شمس ويلا نامي .
في مصر بعد اسبوع .
*السلام عليكم ازيك يا حاج احمد .
~وعليكم السلام بخير يا ام حسام .
*انتوا في البيت يا حاج بكرا .
~اه يا ام حسام خير .
*كل الخير يا حاج جايه اشوف قمر وحسام ابني كان عايز يراضيها لانه المره اللي فاتت زعلها .
~تنوروا في أي وقت يا أم حسام بس قمر مهياش هنا .
*امال فين يا حاج .
~قمر سافرت عند خالتها نعمه في لبنان .
*سافرت لبنان ليه بس حد زعلها والا ايه .
~لا هي سافرت تقعد هناك مع بنت خالتها واهي تغير جو عشان تنسي موت ابوها وامها .
*طيب هتيجي امتا يا حاج .
~لا دي مش عارف ممكن تقعد هناك سنه اتنين تلاته هي براحتها انا مبغصبهاش علي حاجه ولو ارتاحت هناك ممكن تستقر هناك .
*ازاي ده بس يا حاج .
~انا بدور علي راحتها وخالتها نعمه وجوزها طيبين جوووي وهيحافظواا عليها كيف بنتهم بالظبط .
*ماشي يا حاج وأغلقت معه الهاتف .
_في ايه يا ماما مالها قمر .
*قمر سافرت لبنان عند خالتها .
_طيب وهتيجي امتا .
*ممكن ماتجيش وتستقر هناك انت اللي ضيعتها يا حسام روح يابني ربنا يسامحك وقامت وتركته .
_قبض يديه بغضب وقال سافرت لبنان ليه وتستقر هناك ازاي يعني وبعدين الشباب بتوع لبنان حلوين انا لازم اسافرلها فورا ...
في لبنان بعد شهر .
:برافو عليكي يا قمر .
-شكرا يا مستر عدي .
: أن شاء الله هتبقي من أوائل المدرسه السنه دي .
- يااارب يا مستر .
: طيب انتي واقفه مستنيه مين .
- مستنيه عمو خالد عشان هو بيجي ليا في الميعاد ده ياخدني يروحني البيت .
: تعالي اروحك انا .
- لا شكرا يا مستر .
: يابنتي عادي تعالي اروحك .
- لا مينفعش وبعدين عمو خالد زمانه جاي .
: ياستي انا هكلمهولك اهو ثم اتصل به وقال ازيك يا اونكل خالد انا عدي ابن صاحب المدرسه ايوه الانسه قمر واقفه قدام المدرسه ومستنيه حضرتك طيب قدامك نص ساعه طيب انا ممكن اروحها ده بعد اذنك ماشي يا اونكل اتفضل قمر معاك قولها .
- نعم يا عمو حاضر ياعمو هروح معاه وقفلت معه الهاتف .
: ها ياستي تعالي اروحك بقا .
- حاضر.
في السياره الخاصه بعدي.
:انتي مصريه ياقمر صح .
- ايوه وانت يامستر مصري والا من لبنان .
: انتي رايك ايه.
- كشكل من لبنان كلغة من مصر .
: انا ياستي من الاتنين مصري علي لبناني .
- ازاي ده بقا .
: بابا من لبنان وهو صاحب المدرسه اللي انتي فيها وماما مصريه .
- ايوه وظلت ساكتة .
: تطلع لها بإعجاب فهي حقا جميله جدا ثم أخذ باله من نفسه واستغفر ربه واوصلها أمام بوابة المنزل وقال لها علي فكرة أنا ساكن قريب من هنا ممكن اوديكي واجيبك معايا عشان متعطليش اونكل خالد معاكي .
- ها لا مينفعش انا هحاول اتصرف لو هاجي مشي .
: يابنتي عادي وبعدين انا المستر بتاعك هو اه انا صغير وحليوه بس بردو المستر بتاعك وهكلم اونكل خالد وهتفق معاه متخفيش ها .
: شكرا يا مستر .
_الله الله وانا اقول هي سابت مصر وجايه لبنان ليها أهي جايه تحب ثم مسك عدي من ملابسه وقال بغضب بقا ده اللي عاجبك بقا رفضتيني عشان ده ثم بدأ بضرب عدي ولكن عدي كان يتفادي الضربات بسهوله ولكنه لم يضرب حسام كان ينظر إلي قمر التي تبكي بصمت .
- قمر وهي تمسح دموعها وقالت استاذ حسام لو سمحت سيبه .
_نظر لها حسام بغضب وقال مين ده يا قمر اتكلمي ردي عليا ما انتي انسانه جاهله رفضتيني وواقفه مع ده بقا ده عجبك في ايه وبعدين هو ميعرفش انك انسانه جاهله مبتعرفيش تقراي ولا تكتبي حتي لازم تعرفيه حقيقتك أنتي انسانه جاهله .
وجد حسام يد تضربه هي وجهه بشده و.....
#البارت5
_وجد حسام يد تضربه علي وجهه بشده وما كانت الا يد عدي الذي ضايقه كلامه بشده فضربه علي وجهه وبعدها انهال عليه في الضربات فبدل ما كان يدافع عن نفسه سار يضربه بشده .
-قمر بصراخ وانهيار بس بقا بسسسس ثم وقعت علي الأرض منهاره من الدموع .
: راها عدي فترك حسام بسرعه وذهب لها وقال قمر انتي كويسه اهدي خلاص سبته بس اهدي انتي ممكن اهدي ياقمر ثم ناولها منديل وقال اتفضلي اهدي امسحي دموعك .
-جففت دموعها وساعدها عدي علي الوقوف وحاولت أن تتمالك نفسها وقالت عايز ايه يا استاذ حسام .
_جيتي لبنان ليه يا قمر ليه رفضتيني عشان ده .
-اولا حضرتك ملكش انك تدخل في حياتي الشخصيه .
_لا ليا انا ابن عمتك .
-لا حضرتك انت عمرك ما كنت ابن عمتي حتي من واحنا عيال فياريت بلاش تعمل الدور ده دلوقتي .
_ طيب فهميني بتعملي أيه هنا تعالي ارجعي معايا وانا هطلب ايدك تاني واسف علي اللي قولته سامحيني يا قمر معتش هقررها وهعلمك انا هعملك كل حاجه بس تعالي عشان ماما عايزاكي يا قمر وانا يا قمر انا بحبك وعايزك يا قمر من يوم ما شوفتك وانتي اسرتيني ارجعي معايا ياقمر سامحيني انا اسف انا كنت غبي عشان خطري سامحني وارجعي وانا هعملك كل حاجه حتي لو عايزه اني اعتذر للاستاذ ده هعتذر ليه بس ارجعي معايا يا قمر .
-اخذ نفس طويل وتنهدت ثم قالت انا اسفه يا استاذ حسام بس انا مبفكرش اني ارجع دلوقتي ومزعلتش من كلامك ولا حاجه انت زي اخويا الكبير وقولت ليا رايك وفتحت عنيا علي حاجات مكنتش اخده بالي منها وعمتو هكلمها انا وهفهمها كل حاجه والأستاذ اللي ضربته ده يبقي جار خالتي وكنت برا وهو قابلني ومرداش يسبني اجي لوحدي وأستاذ من عمو خالد وجابني معاه ولو علي ضربك ليه فاظن أن ده حقه منك .
^في ايه يا قمر ثم نظر إلي عدي وقال مالك يا عدي يا بني ثم نظر إلي حسام وقال مين ده .
-ده حسام ابن عمتي يا عمو .
^اه ازيك يا حسام اتفضل يا بني بس ايه اللي عمل فيك كده انتوا اتخانقتوا .
:مفيش حاجه يا اونكل ده سوء تفاهم انا وصلت قمر لغاية عندك وعن اذنك استاذن انا .
^يابني تعالي اتفضل معايا ادخل .
:مره تانيه يا اونكل خالد اكيد هاجي عن اذنك انا ثم نظر إلي قمر وقال عن اذنك يا قمر وتركهم وصعد سيارته وغادر .
^اتفضل انت يا حسام يا بني .
_لا ياعمي انا هروح الفندق وهرجع تاني .
^يابني ادخل اتغدي معانا وبعدين نتفاهم ثم نظر إلي قمر وقال ما تقولي حاجه يا قمر .
-اتفضل يا استاذ حسام اتغدا معانا مينفعش تيجي لغاية هنا ومتدخلش .
°ايه رايك بقا في اكلي يا حسام يابني .
_تسلمي يا طنط اكلك تحفه بجد .
°لا متقوليش طنط دي مبحبهاش قولي خالتو زي قمر .
_ماشي يا خالتو .
•بس انت ليه جيت لبنان يا استاذ حسام .
_الصراحه يا انسه قمر كان فيه سوء تفاهم بيني وبين قمر من اخر مره شوفتها فجيت عشانها وعشان اطمن عليها بردو .
^طبعا يابني تيجي في أي وقت ماهي زي اختك بردو .
_شكرا يا عمي .
°قمر خدي حسام يابنتي واقعدوا في الحديقه وحلو سوء التفاهم اللي بينكم .
-حاضر يا خالتو .
_جيتي ليه هنا يا قمر .
- جيت اغير جو اكيد خالي قالك .
_ طيب هتنزلي مصر امتا .
-مش بفكر انزل حاليا .
_بعني ناويه تنزلي امتا هتقعدي شهر اتنين تلاته .
-ممكن استقر هنا زي ما انت شايف خالتي طيبه وجوزها بيعاملني زي بنته وبنت خالتي تعتبر اختي وهما عوضوني عن عيلتي اللي خسرتها .
_طيب وانا يا قمر .
-انت ايه يا استاذ حسام .
_اولا بلاش كلمة استاذ دي قوليلي حسام وبس .
-مينفعش حضرتك فرق المقامات محفوظ .
_ياقمر مفيش فرق مقامات بينا .
- لا فيه يا استاذ حسام انت حضرتك دكتور جامعه بسم الله ما شاء الله ابن عيله محترم ومتعلم برا لكن انا مين انا بنت جاهله حتي مبتعرفش تكتب أو تقرا زي ما حضرتك بتقول .
_يا قمر انا قولت كده كان غصب عني كانت ماما جبراني علي االجوازه لكن من يوم ما شوفتك وانت اسرتيني بقيت بتخيلك ديما حبيبتي وزوجتي وام اولادي .
- للاسف يا استاذ حسام انا منفعش زوجه لحضرتك ولا ام لاولادك ولا اناسب مستوي حضرتك .
_ يا قمر افهميني انا اسف علي كل الكلام اللي قولته صدقيني انا اسف اديني فرصه ياقمر اديني فرصه واحده وانا هثبتلك كل حاجه يا قمر افهميني .
-للاسف يا استاذ حسام طلبك مرفوض ثم قامت ودخلت الي الداخل .
_نظر الي أثرها ونظر إلي الأرض .
°لو بتحبها حاول مره واتنين وتلاته .
_انا اكتشفت اني بحبها جدا لكن انا اللي غبي جرحتها من الاول .
°حاول يابني مره واتنين وتلاته .
_بس هي مش عايزه تسمعني .
°مش دلوقتي اديها فرصه تهدي فتره وبعدين ارجع تعالي وحاول تاني وارجع غيب وارجع تعالي وهي هتوافق صدقني .
_بجد هتوافق .
°هتوافق أن شاء الله.
_شكرا يا خالتو .
-انا اسفه تاني جدا يا مستر عدي .
:خلاص يا قمر متعتذريش ده مش غلطك وياريت تعتبريني اخ وصديق ليكي واحكيلي انا شايف في عنيكي كلام كتير .
-نظرت الي الأرض وقالت مش عايزه اشغل بال حضرتك معايا .
:ياستي عادي انا قاعد فاضي قوليلي بقا ايه حكايه حسام ده وهو مين وليه بيغير عليكي كده .
-بيغير عليا .
: ايوه طبعا بيغير عليكي انا في الاول مردتش اضربه وكنت بتفداه وخلاص عشان كنت مفكره خطيبك او حبيبك لكن لما جرحك بكلامه الصراحه مقدرتش امسك نفسي ومضربهوش .
-لا هو ابن عمتي وبس .
: طيب احكيلي بقا الحكايه ممكن وانا هقولك نصيحتي.
- الصراحه هو كان من فتره قبل ما اجي هنا كان متقدم ليا وانا بنت بسيطه والدي ووالدتي توفوا في حادثه مع بعض وهو ابن عمتي ولما ايجه وقالي أنه اتقدملي فرحت جدا وكنت طايره الفرحه .
: كنتي بتحبيه .
-نظرت للأرض بخجل وقالت بصراحه اه كنت بحبه من واحنا صغار مع أنه كان ديما مغرور معايا بس كنت معجبه بيه وفرحت انه هيتجوزني وكده .
:طيب واي اللي حصل .
-لما ايجه اتقدملي حب شكلي لدرجه انه بقا تايه في عنيا وكان بيقول كلام هو مش عارف بيقول اي .
: طيب ما كل ده حلو .
- بعد كده فاق من شروده وافتكر اني انسانه جاهله زي ما بيقول انسانه مش هتليق بيه كزوجه أو كام لأولادي .
:كان ممكن يعلمك هو عادي .
-للاسف كنت متخيله كده لكن هو كان شايف اني انسانه جاهله في كل حاجه مبعرفش اي حاجه وكان جاي مجبور عليا علي اني عجبته لكن مغفرش ليا اني متعلمتش وانا صغيره وده كان غصب عني .
:طيب عملتي ايه .
- قولت لعمتي وخالي اني لسه صغيره ومش عايزه اتجوز دلوقتي وموت بابا وماثر فيا واعتذرت بهدوء .
: مقولتيش لحد أنه جرحك بكلامه .
-لا انت اول واحد احكيله .
:طيب وبعد كده عملتي ايه .
-كنت مره بكلم شمس بنت خالتي وهي لقيتني زعلانه فقولتلها عشان كان نفسي اتعلم فقاالت ليا هتشوف كده ولو هتعلمني هي وبعدها بمده ردت عليا وقالتلي علي المدرسه وانا أقنعت خالو وجيت هنا عشان اتعلم .
: طيب هو عرف انك بتتعلمي دلوقتي .
- لا هو مفكر اني هنا بغير جو عشان نفسيتي وكده .
: طيب هتقوليله .
-الصراحه لا مش عايزاه يعرف غير وانا متخرجه .
: عايزه تثبتي ليه انك انسانه ناجحه .
- مش عارفه .
: اقولك حاجه ياقمر .
-اتفضل يا مستر .
:انتي غلطانه يا قمر .
-نظرت له بدهشه وقالت غلطانه غلطانه ليه يامستر .
:عشان .....
#البارت6
-نظرت له بدهشة وقالت غلطانه غلطانه ليه يا مستر .
: عشان مقولتيش ليا يا قمر أنه زعلك كده لو كنت أعرف كنت ضربتهولك وجبتلك حقك وبعدين انا خلاص بقيت صديقك واخوكي يعني اي حد بعد كده يزعلك بربع كلمه قوليلي .
-شكرا يا مستر ربنا يخليك .
: قمر بلاش مستر دي محسساني اني عجوز يابنتي انا اكبر منك بأربع سنين بس ده لسه مخلص الكليه .
-بس ده فرق مقامات وحضرتك يعني المستر بتاعي .
:ياستي المستر بتاعك في الفصل والمدرسة برا المدرسه اسمي عدي وبس الله يخليكي انتي محسساني اني كبرت اوي .
- ضحكت وقالت ماشي يا مستر .
: يابنتي قولت عدي عدي اسمي عدي ولله .
- بضحك ما احنا في المدرسه يا مستر .
: يادين النبي بت متضحكيش تاني وقومي يلا من هنا .
-بضحك حاضر يا مستر وتركته وذهبت الي فصلها وهي تضحك عليه .
:نظر إلي ضحكتها وأثرها وهي تمشي وضحك وقام الي عمله في المدرسه .
(تعالو اعرفكوا علي عدي عشان نسيت اعرفكم عليه 😂 عدي ده يبقي ابن صاحب المدرسه اللي فيها قمر واحنا عارفين انها مدرسه خاصه المهم عدي شغال فيها مدرس بيدي درس رياضه هو متخرج من كليه هندسه وشغال مهندس بجوار مدرس في المدرسه فهو بيحب يفيد الناس بالعلم وبيحب يعلم الناس فاتح لنفسه شركه صغيره كده من فلوسه هو بعيد عن والده وعدي اكبر من قمر بأربع سنين قمر عندها 18 وهو عنده 22 وانا قولتلكم أنه من أصول مصريه ولبنانية والده لبناني ووالدته مصريه وهو نيجي لشكله بقا فهو قمر سيكا يعني وحاجه لبنانيه بشعر اصفر علي بني علي عنين خضر علي قمحاويه وحاجه كده عسل 😂🤦 المهم هو في الأخلاق محترم جدا وخلاص بقا نسيب الولا في حاله )
في مصر .
*عملت ايه يا حسام .
_رفضت يا ماما انها تديني فرصه .
*طيب هي ليه هناك .
_بتغير جو عشان نفسيتها تعبانه .
*يابني متزعلش من قمر هي طيبه وبتحبك من وانتوا صغار بس هتلاقيها واخده علي خاطرها شويه .
_بفرحه بجد بتحبني يا ماما .
*نظرت له بشك وقالت مالك فرحت كده لما عرفت انها بتحبك ده انا اللي بتحايل عليك علشان تروحلها .
_ها لا مفيش بس يعني كده مفيش حد في دماغها .
*وانت من امتا بيهمك إذا كان في حد في دماغها والا لا ما انت كنت رافضها في ايه يا ابن بطني .
_ الصراحه يا ماما انا بحب قمر امتا وازاي معرفش انا معرفتش اني بحبها اوي غير لما روحت لبنان وشوفتها واقفه مع واحد اتجننت يا ماما وعقلي طار اللي هو هي ازاي واقفه معاه ياريتها تسامحني يا ماما ولله هعملها كل حاجه .
* اللي بيحب يابني بيحاول يسعد اللي بيحبه ديما واي عيب فيه هو يصلحه مش عيب أنها متعلمتش انت ممكن تعلمها وتخليها انسانه مثقفه لازم تحتويها وتفمهمها يابني .
_ياريت هي تسامحني يا امي وانا هعملها كل اللي نفسها فيه ومعتش هجيب سيرة التعليم انا بحبها اووي يا امي ادعيلي انها تكون من نصيبي.
*حاول معاها وان شاء الله هترضي تسامحك قمر طيبه وبتحبك وهتسامحك .
_ياااارب يا امي ياااارب .
(بقلم زوزه ) ياريت الي بيسرق ميسرقش انا بتعب فيها اكونت الكاتبه اللي هي انا يعني اسمه Thę Quëëŋ
في لبنان .
•ازيك استاذ مصطفى.
=ازيك انسه شمس عامله ايه.
•بخير الحمد لله .
=بتعملي ايه هنا .
•ابدا مفيش مستنيه واحده زميلتي هنا .
=ماشي عن اذنك وفرصه سعيده .
•انا اسعد وظلت واقفه بالشارع تنتظر صديقتها ولكن اتي بالقرب منها شابان وحاولوا أن يعاكسوها بالكلام وهي حاولت أن تمشي منهم لكن أحدهم قطع طريقها وقال رايحه فين يا جميل بس وحاول أن يمسك يدها ولكن هي ابعدتها بسرعه .
•بغضب ابعد عني ولكن اتي الشاب الآخر ليمسك يدها بالقوه ولكن قبل أن يمسك يدها وجد يد من حديد تمسك يده .
=بعصبية فكر تلمسها تاني وانا اقطعلك ايدك اتي الشاب لكي يضربه ولكن هو امسك يده ولواها ولكن اتي الآخر من خلفه وهو يحمل سكين بيده لكي يطعنه بها لكن صرخت شمس بشده وقالت بصراخ الحق يا مصطفي وانتبه هو وامسك يده وظلوا يتشاجروا .
(بقلم زوزه)
-مستر .
:اسمي عدي ولله عدي .
-بضحك يا مستر .
:يادين النبي بت انتي حد مسلطك عليا قولي بس .
-بضحك ابدا محصلش يامستر .
: بضحك يخربيت المستر واللي جاب المستر عارفه يا قمر .
-بضحك نعم يا مستر .
:اوعي تضحكي تاني ماشي عشان كدهوت وانتي اصلا اسم علي مسمي روحي دك قرف في حلاوتك يا شيخه .
-بضحك يا مستر مالك متعصب ليه.
: بت انتي متقوليش مستر اله بتعصبيني .
- بضحك وهي ترفع يدها لفوق وتعمل كحركه استسلام وتقول خلاص خلاص اسفين يا ريس .
:بت متضحكيش انتي بتعصبيني لما بتضحكي .
-وهي تنظر إلي الشباك بضحك حاضر حاضر ثم نظرت بصدمه وقالت اوقف اوقف يا مستر بسرعه .
:يادي مستر واللي جابو مستر أقف ليه يا ست قمر .
- دي شمس بنت خالتي وفي حد بيتخانق ده تقريبا مستر مصطفي .
: مستر مصطفي مين ياختي ده بقا .
- أقف بسرعه ده باين أنه في مشكله .
: حاضر يا آخرة صبري ثم نظر إلي الخناقه التي كان بين مصطفي وهذين الشابان وقال في ايه يا شباب اهدو حصل خير .
'احد الشباب ابعد من هنا انت كمان .
: ولو مبعدتش هتعمل ايه .
'اتي الشاب الآخر لكي يضربه ولكن مسكه عدي بقوه وضربه برأسه في راس الشاب ثم وقع الشاب علي الأرض وهو يشعر بدوار .
-شمس انتي كويسه .
•بخوف انا انا كويسه المهم مصطفي .
=انا كويس يا شمس اهدي انتي ثم مسك الشاب الآخر واوقعه علي الأرض وقال له بعصبية بعد كده لما تشوفها من بعيد تبعد عن الطريق اللي هي ماشيه منه .
:اعطاء الشاب الذي ضربه برأسه ضهره وقال ها يا قمر ايه رايك فيا بطل صح مفروض تشجعيني يا بنتي ده انا بطل العالم .
-نظرت له بضحك وقالت انت المستر .
: بت انتي متعصبنيش ومتقوليش مستر دي .
-بضحك حاضر حاضر يا مستر .
: بضحك يا بتتتت هضربك .
-نظرت له بصدمه وقالت بصراخ عددددددي ..
. #البارت7و8
-نظرت له بصدمه وقالت بصراااااخ عددددددي الحق .
:التفت بسرعه خلفه وجد الرجل الذي ضربه يمسك سكينه واتي لكي يضربه بها في بطنها ولكنه مسك السكين بيده جامد إلي أن جرحت يده ثم مسكت الرجل وضربه واتي مصطفي وضربه ايضا ثم بلغت شمس الشرطه وأتيت واخذوهم الي القسم .
-بدموع عدي ايدك بتنزف جامد .
:اهدي بس ومتعيطيش انا كويس وده جرح بسيط اهدي .
•لا يا استاذ عدي ده مش جرح بسيط لازم تروح المستشفي يتخيط .
:انا كويس يا شمس متقلقيش .
-بدموع هتروح المستشفي يعني هتروح المستشفي .
:بت انتي متعيطيش اله وبعدين يعني يوم ما اسمع اسمي منك اتعور الله يسامحك يا قمر يا بنت ام قمر .
- بضحكه وسط دموعها انا مقولتش غير مستر .
: بت متعصبنيش انا مش قادر .
- بحزن ايدك وجعاك صح .
: متخفيش ولله كويس وهروح المستشفى اخيطها عشانك علي اني مبحبش المستشفيات بس يلا معلش .
=الف سلامه عليك انا اسف انت اتاذيت بسببي .
:الله يسلمك انت حضرتك كويس .
=لا دي شويه كدمات بسيطه .
-مستر عدي مستر مصطفي حضرتكم انتم الاتنين محتاجين تروحوا المستشفي .
=لا انا كويس مفيش حاجه ثم نظر إلي شمس وقال شمس انتي كويسه .
•انا بخير شكرا يا استاذ مصطفي بس حضرتك لازم تروح المستشفي نطمن علي حضرتك .
=انا كويس متخفيش المهم تعالي يلا اوصلك وانتي يا قمر تعالي يلا ومفيش درس انهارده .
- حاضر يا مستر .
:خدي يابت انتي راحه فين .
-هروح مع شمس ومستر مصطفي .
:مستر مين ياختي خليكي هنا انا هروحك .
-انت تعبان ولازم تروح المستشفى ومش هتعرف تسوق بايدك.
: ملكيش دعوه انتي ياختي خليكي هنا ثم نظر إلي شمس ومصطفي وقال معلش يا جماعه انا هروحها عشان هي امانه معايا ولازم اسلمها لاونكل خالد تعالي يا شمس معانا وبلاش نعطل استاذ مصطفى .
•حاضر .
= طيب عن اذنكم انا هروح ثم نظر لشمس وقال بلاش تقفي في الشارع لوحدك تاني يا شمس .
•حاضر وشكرا لحضرتك .
=ده واجبي عن اذنكم ثم تركهم وذهب .
: مين ده بقا يا استاذه قمر .
-ها ده مستر مصطفي .
:وهو يديه في وسطه مستر مصطفي مين ياختي .
-وهي تخبط يدها علي جبهتها وتقول بضحك اوبس ايه ده انا مقولتلكش .
:لا مقولتيش ياختي .
-ها أبدا ده مستر مصطفي بيديني درس في البيت بجانب المدرسه وكده يعني .
: لا ولله ياختي .
-ببراءه اه ولله .
: طيب امشي ياختي دك قرف في حلاوتك دي ثم نظر إلي شمس وقال يلا يا شمس .
•معلش يا استاذ عدي انا هروح مع صاحبتي هي جات اهي وشاورت لها وقالت عن اذنكم ثم تركتهم وذهبت الي صديقتها .
:نظر إلي قمر وقال يلا يا آخرة صبري قدامي.
- بضحك حاضر يا مستر .
: بت متعصبنيش اله .
بقلم زوزه
-بضحك حاضر حاضر طيب هنروح الاول المستشفي نخيط ايدك .
: مش عايز اخيطها يا قمر مبحبش الحقن ولا المستشفيات .
-بابتسامه هادئه عشان خاطري يا عدي .
: عدي بابتسامه بلهاء عدي عشان خطرك يعمل اي حاجه يلا آخرة صبري .
في مصر .
' بتتجاهلني ليه يا حسام .
بقلم زوزه
_ابدا مفيش يا استاذه ميار .
' ايه استاذه دي اسمي ميار وبس يا حسام .
_معلش يا استاذه ميار انا مرتاح كده .
' بجد يا حسام انا معجبه بيك وسوء الفهم اللي حصل بيني وبين ولدتك ده كان غصب عني كنت متعصبه وممكن اعتذرلها عادي .
_ مفيش حاجه يا استاذه ميار وانا بتعامل معاكي عادي .
' طيب عشان خطري خلينا صحاب حتي وقولي ميار بلاش استاذه دي .
_ماشي يا ميار .
' طيب ايه صحاب بقا والا ايه .
_صحاب أن شاء الله .
بقلم زوزه
' ايوه اشطا بقا صحيح انت كنت اخد اجازه ليه الاسبوع اللي فات .
_ابدا مفيش كنت مسافر بس.
' خير مسافر ليه .
_ كنت مسافر لبنان لبنت خالي .
' بنت خالك دي اللي حكيتلي عنها اللي مبتعرفش تقرا ولا تكتب ثم كملت بضحكه استهزاء طيب دي سافرت ازاي ده حتي اسمها مبتعرفش تكتبه هههههه.
_ بعصبية ميار مسمحلكيش دي بنت خالي .
' في ايه يا حسام عادي يعني بهزر وبعدين انت كنت بتقول عليها انها جاهله .
_ انا اقول لكن انتي لا وياريت بلاش تجيبي سيرتها لأنها مستقبلا أن شاء الله هتكوني مراتي .
' ايه مراتك ازاي يعني بقا انت دكتور حسام يتجوز واحده زي دي يااااييي يع زوقك بقا بلدي اووي يا حسام .
_انا حر واه عايزها تكون شريكتي وراضي بكل العيوب اللي فيها ومحدش ليه دعوه ب ده .
' اووف استايلك بقا بلدي اووي طيب اوعي طلابك يعرفوا انك هتتجوزه واحده مبتعرفش تكتب اسمها ده انتي هتبقي مهزله الجامعه.
_ ميهمنيش راي حد فيها حتي انتي .
' اوووف الكلام بقا معاك صعب اوووي اشبع بيها يا حسام ياايي واحده جاهله وتركته وغادرت .
بقلم زوزه
_جلس علي مكتبه وقال يااارب انا اللي خليت واحده زي دي تعرف أن قمر كده وختي لو اتجوزتها هتعيريها ياريت تسامحيني يا قمر ياااارب خلي قلبها يحن عليا ياااارب .
في لبنان بعد شهر .
-عدي عدي .
:عايزه ايه يا آخرة صبري .
-المفروض اني اختك وصاحبتك وكده صح .
: ايوه يا ختي قولي .
- ايه رايك ااختارلك عروسه .
بقلم زوزه
: تعملي ايه يا اختي.
-اختارلك عروسه يا ديدو .
: يا ايه ياختي .
-يا ديدو .
: هو عشان ديدو دي فاعملي اللي انتي عايزاه .
- خلاص هختارلك عروسه عشان البس سواريه .
: اممممم عايزه تجوزيني عشان تلبسي سواريه .
- اكييييد .
: امشي يا بت من وشي مش عايز اتجوز دلوقتي انا لسه بكون نفسي .
- بضحك بتكون نفسك فين ما انت عندك عربيه وعندك بيت ومعاك فلوس .
بقلم زوزه
: الله اكبر بت انتي بتقري عليا .
- انا ابدا محصلش وبعدين هقر عليك ياخويا هو انت حلو زي .
: ياختي فين الحلاوه دي ده انتي موكوسه تعالي شوفي بنات بلدنا .
- بضحك بقا يا استاذ يا لبناني انت تقولي موكوسه انت متنفعش لبناني خااااالص .
: بضحك ماهو امي علمتني انا وبابا نكلم مصري اكتر من لبناني .
- اممممم عايزه اشوف مامتك يا عدي .
: حاضر يا ستي يوم عيد ميلادك هجيبها معايا .
- بزعل بس انا مش هعمل عيد ميلاد .
بقلم زوزه .
: ليه يا آخرة صبري .
- مش عايزه اعمل عيد ميلاد من غير بابا وماما انت متعرفش هما وحشوني قد ايه .
: ادعيلهم ديما وهما في مكان احسن مننا .
- حاضر .
بعد شهر .
- علي فكره انت اخرتني معاك في المول انا مالي ومالك لبسك يا عم .
: مش انتي بقيتي اختي خلاص .
- عارفه بس عمو خالد اكيد هيزعل .
: مي هيزعل لاني مستاذن منه وبعدين هو بيامن عليكي طول ما انا معاكي متخفيش .
بقلم زوزه
- حاضر يلا وصلت عايز حاجه .
: استني انا نازل معاكي .
- نازل معايا ليه بقا .
: نازل لاونكل خالد عايز اتكلم معاه في حاجه .
- ماشي يلا .
: يلا يا اختي .
- ديدو انت مش ناسي حاجه انهارده .
: ابدا هو فيه حاجه انهارده .
- بزعل لا مفيش ثم ضربت جرس المنزل وفتح الباب ودخلت ولكن وجدت البيت مظلم فقالت بخوف ها هو في عفاريت والا ايه فين النور .
•مفااااااااااجااااااه واتي النور وكانوا عاملين حفله علي الضيق بمناسبه عيد ميلاد قمر فكان يوجد خالتها وزوج خالتها وشمس ومصطفى و والد ووالدة عدي .
: بابتسامه كل سنه وانتي طيبه يا قمري هو انا معقول انسي اليوم اللي قمري ايجت فيه علي الدنيا .
•وهي تحضنها كل سنه وانتي طيبه يا قمر وعقبال مليووون سنه .
°كل سنه وانتي طيبه يا حبيبه خالتك .
" كل سنه وانتي طيبه يا قمر .
^ كل سنه وانتي طيبه يا بنتي انا والده عدي .
× كل سنه وانتي طيبه يا بنتي انا والد عدي .
= كل سنه وانتي طيبه يا قمر .
- بحب بفرحه وانتوا طيبين كلكوا ومعايا يااارب انا مش عارفه اقول ايه .
: مش عايزك تقولي حاجه اهم حاجه فرحة عنيكي دي يا قمري .
- شكرا يا عدي .
:. مفيش شكرا بين الاخوات يلا عشان نطفي الشمع .
- حاضر .
: اخذها عدي يطعمها بيده في فمها من الجاتوه ويضحكوا وبهدلوا بعضهم جميعا حتي شمس ومصطفي .
_دخل بسرعه وقال بعصبيه ايه ده ....
. #البارت8 .
_دخل بسرعه وقال بعصبية ايه ده في ايه انتوا عاملين في بعض كده ليه ثم نظر لعدي بنظره كره وقال وانت بتعمل ايه هنا .
: بنفس نظره الكره ابدا مفيش بنحتفل بعيد ميلاد قمر .
_نظر إلي تلك الواقفه مصدومه وعلي وجهها قطع جاتوه وقال قمري كل سنه وانتي طيبه مكنش ينفع اعدي اليوم ده غير لما اجيلك بنفسي ثم ناولها باقه ورد حمراء وعلبه هدايا وقال بحب كل سنه وانتي ديما في حياتي منوراها ومعايا ديما .
-نظرت له بخجل من منظرها وقالت بتوتر و..و..وانت طيب .
: نظر له بكره ثم نظر إلي قمر وقال روحي اغسلي وشك .
-اومات بهدوء وقالت حاضر .
"اتفضل يا حسام يا بني .
_شكرا يا عمو باين اني جيت في وقت مش مناسب .
°تدخلت في الكلام وقالت لا ابدا يابني اتفضل البيت بيتك ثم نظرت إلي شمس وعدي ومصطفي الذين علي وجههم جاتوه مثل قمر وقالت شمس خدي عدي ومصطفي وغسلوا .
•حاضر يا ماما .
في الحمام الخاص بالضيوف يقف مصطفي وعدي مع بعضهم .
= مين ده يا عدي اللي برا .
:بغضب مكتوم ده حسام ابن عمة قمر .
=طيب وانت مش طايقه ليه .
:لانه انسان رخم وكل ما بيجي لازم قمر تزعل وهو اصلا انسان مستفز .
=مستفز امممم .
: بقولك يا مصطفي .
=قول يا عدي
: ايه رايك نعمل عليه لبنانين اللي هو شباب لبناني وان احنا أصدقاء قمر هو ميعرفش أن قمر بتتعلم ونحاول نستفزه شويه .
= بس قمر مش هتضايق .
:لا متخفش هبقي أقولها انا بعدين .
=ماشي انا معاك .
خرجوا له .
= مين هادا عدي .
:هادا ابن عمة قمر .
=خبرني كيفك شونو اسمك .
_اسمي حسام وانا بخير ثم نظر له وقال انت مين .
=انا رفيق قمر واسمي مصطفي .
_برفعه حاجب رفيق قمر ازاي يعني .
=عادي نحنا رفقات .
:لك يقبرني شو هالقمر اللي نازل من علي الدرج .
_ما تاخد بالك من كلامك ياعم انت بتعاكسها قدامي .
:شو يعني نحنا رفقات .
_يااارب الصبر من عندك عشان متصرفش تصرف غبي (بقلم زوزه) ثم نظر إلي قمر وقال إليها وقال ممكن نكلم كلمتين لوحدنا .
-حاضر ثم استأذنت من خالتها وخرجوا سويا في الحديقه .
-نظرت له وربعت يديها علي صدرها وقالت خير طلعنا برا ليه يا استاذ حسام .
_اولا اسمي حسام وبس ثانيا كل سنه وانتي طيبه ثم أخرج علبه صغيره حمرا من جيبه وقال دي سلسله بسيطه ليكي (بقلم زوزه )ويارب تعجبك ممكن تسمحيلي البسهالك .
-اولا اسمك استاذ حسام ده فرق المقامات ثانيا وحضرتك طيب ثالثا طبعا مش هسمحلك تلبسهالي لا ديني ولا أخلاقي تخليني اخليك تلبسها ليا .
_بس عادي يا قمر انا ابن عمتك وبعدين ما انتي مصاحبه الأولاد اللي جوا دول وماشيه معاهم وانا متكلمتش وساكت علي اني غيران عليكي موت( بقلم زوزه ) وعايز اخدك وننزل مصر بقا بس مستحمل عشانك عشان مش عايز ازعلك انا ساعه ما عرفت أن عيد ميلادك انهارده حجزت وجيت علي طول يا قمر سامحيني بقا انا ولله بحبك معتش بعرف اغمض عيني غير وصورتك في بالي نظرتك ليا حتي دموعك مش بتفارقني سامحيني يا قمر وانا هعملك كل حاجه ترضيكي ومتقوليش مقامات لا انتي مقامك اعلي مني بكتير بقلبك ده كبير وانا عارف أنه هيسامحني عشان خطري سامحيني وانا هعملك كل اللي تتمنيه .
-انا بجد مش عارفه اقول ايه بس شكرا علي الهديه واصحابي اللي جوا دول انا بتعامل معاهم بحدود الادب والأخلاق وهما بيحترموني جدا ثانيا انا مش بفكر اني ارجع مصر حاليا انا مرتاحه هنا ومش عايزه ارجع مصر للحزن تاني بقيت اخاف من مصر بعد ما ماما وبابا راحوا مني فيها ثالثا انا مش بفكر في الارتباط حاليا انا لسه صغيره وعلي الاقل عشان ارتبط قدامي تلات سنين كمان فمش بفكر في الارتباط وانت هتفضل ابن عمتي عادي وزي اخويا الكبير .
_هعملك اللي انتي عايزاه هستناكي أن شاء الله عشر سنين بس اديني فرصه قوليلي انك مسامحاني بس انا بحبك يا قمر ومستعد استناكي العمر كله .
- انا مسامحك وعمري ما شيلت في قلبي من حد لكن مبفكرش في الارتباط (بقلم زوزه) دلوقتي وانا اسفه مقدرش اديك كلمه دلوقتي ويلا ندخل جوا نقعد مع العيله جوا .
_حاضر يا قمر وهحاول معاكي مره واتنين وتلاته بس عندي ليكي طلب واحد ممكن تسمعيني .
-اكيد اتفضل .
_ممكن تبعدي عن الولد اللي اسمه عدي ده ابو عنين خضر ده ولد ملزق كده ومش عاجبني وبعدين الناس اللي بعنين خضره دول مش حلوين .
-ضحكت وقالت عدي ماله وعنين خضره مالها .
_بغير عليكي منه يا قمر .
- أظن أن مفيش بنا حاجه تدعي للغيرة وبعدين عدي زي اخويا وهو بيعتبرني زي أخته .
_ ابعدي عنه واسمعي كلامي .
- عدي صديقي ومقدرش ابعد عنه لانه وقف جنبي في مشاكل كتير اسفه استاذ حسام .
_طيب انتي ليه بتقوليلي استاذ حسام وهو بتقولي اسمه من غير القاب ليه هو وانا لا هو فيه اي مميز عني .
-هقولك انا عدي عمري ما عمل بينا مقامات وعشان اقوله عدي كده بس حاول معايا كتير وكان بيقولها بضحك مش بيقفش زي حضرتك تاني حاجه عمره ما عمل مقارنه مع حد وديما واثق فيا وفي قرارتي وعلي فكره احنا بتخرج نتفسح سوا عادي بس عارف انا واثقه فيه ومامنه مع نفسي معاه (بقلم زوزه )لانه محاولش حتي مره أنه يمسك أيدي غصب عني أو أنه حتي يلبسلي سلسله جايبها هديه وهو انسان متواضع جدا .
: كان يقف بعيد عنهم ويسمع كلامها معه فهو يغير عليها بشده من ذلك الحسام وكان فخور بها وبكلامها فهو يعتبرها مثل ابنته الصغيره .
_ ايه كل الكلام اللي عليه ده انتي بتحبيه والا ايه بقا ياقمر .
- مش موضوع حب بس موضوع احترام ثقه انسان بيقف جنبي ديما بيدعمني ديما من غير مقابل من غير حتي حب زي ما انت مفكر .
_ خلاص يا قمر انا هقف معاكي وهعملك كل حاجه وياستي خليه صديقك ماشي ( بقلم زوزه )وهستناكي الاربع سنين او تلاته أو أن شاء الله عشره .
- انا مش عايزه ارتبط دلوقتي .
_ ماشي ياقمر انا هحاول معاكي مره واتنين وتلاته وان شاء الله هتقتنعي .
- طيب يلا عشان ندخل عيب نسيب الناس جوا ونطلع احنا .
_ لا انا يدوب امشي عشان هسافر تاني دلوقتي انا جيت عشان مسبكيش في يوم زي ده وحتي منهضتش اخد اجازه .
- طيب اقعد نتعشا سوا .
_ معلش مره تانيه انا هاجي كل فتره اطمن عليكي عن اذنك انا بقا وكل سنه وانتي ديما منوره حياتي .
- توصل بالسلامه .
_ تسلمي .
: ها مشي .
- ايه خضتني .
: اسم الله عليكي اتخضيتي كل ده واقفه معاه ليه ياختي .
- عادي يا ديدو ده ابن عمتي .
_ بت متعصبنيش ويلا ياختي دك قرف في حلاوتك بتحلوي كل شويه .
- امممم صحيح يا ديدو .
:قولي يا آخرة صبري .
- هما اللي بعنين خضره بيكونوا أشرار يعني انت شرير وضحكت .
: بضحك هو قالك كده صح .
- كنت واقف ليه انا عارفه انك بتثق فيا فكنت واقف ليه بقا .
: الصراحه يا قمر يعني .
- ايوه الصراحه ايه بقا اوعي تكون بتشك فيا أو مبتثقش فيا .
: لا طبعا انا بثق فيكي جدا .
- امال ايه بقا .
: الصراحه يا قمر انا انا ب.....
يتبع
ادخلوا بسرعه من هنا 👇👇👇
وكمان اروع الروايات هنا 👇
تعليقات
إرسال تعليق