رواية ابنة الشيطان بقلم الكاتبه توته الحلقه الاولي حتى الحلقه العشره حصريه وجديده

رواية ابنة الشيطان بقلم الكاتبه توته الحلقه الاولي حتى الحلقه العشره حصريه وجديده

( بِسْمِ اللَّـهِ الرَّحْمَـٰنِ الرَّحِيمِ )

اللهم أكرمنا براحة البال وطمأنينة القلب وسکينة النفس
يقول الشاعر شعبان ابراهيم شريف ..
ساحرة انتِ ؟
تملكين أدوات السحر !! ولاتدري طبيعة في غير دلال
شامخة من غيرُ تكبر تمشي بتواضَع مشية الغزال
شموخك ياسيدتي يضاهي شموخ الجبال في علياءها ..'

تنظرين الى السماء في علوا وأباء ولاتهزك الرياح

العاتيَة واثقة الخطى تؤمنين بالواحُد القهار ..
وان بقدرته لا شئ محال تحطمت علئ اعتابك كل حيلة من ألاعيب الخيال .

بدراً حيَن تضحكين .تبدو ثنياك كاللؤلؤ ناصعة البياض!!

وحين تتڪلمين فصيحة تنحني الكلماات لك طوعا وتكرما وشرفت في حضرة هذا الجمال ..

فى مشيتك واثقة الخطى ملكة من ملوك هذا الزمان لو املك من الدنيا بعض الحطام لصنعت ..

لڪي عرشُ بالقيسَ واين أنا من ملك سليمان .."
.............
(مشهد -١- )

دخلت للغرفه قفلتها عليه وفرشت السجاده وبديت اصلي.

كل ماقرا آيات احس رجفه قويه تحتل جسمي ولنطق مالتي يثكل حييل بحيث كوه اصير اطلع الكلمة من حلك
سلمت وكعدت اسبح واباوع للغرفه احس باحساس غريب خوف بداخلي موو طبيعي احس ع شويه اتخبل من هل افكار الي بعقلي.

صارت أضوية الغرفه تترامش وتضعف الكهرباء مره تقوه مره تضعف
شغلت جهازي وخليته يمي بقيت اسبح بالسبحه

احس اجتني دوخه مو طبيعيه وعيوني غوشن خليت ايدي ع جبيني اضغط عليه بايدي موجوعه

طفت الكهرباء وصار هدوء تام اسمع بس صوت الاشجار تتحرك والشباك مفتوح صار هوه من يتحرك يطلع صوت لأن مزنجر ويدحك الحديد شيء بشي.

گاعده شفت خيال اسود صار يتحرك كدامي يروح ويرجع مثل الي يمشي يخطف من كدامي.
بلعت ريكي پخوف و غمضت عيوني بقيت اردد بالمعوذات واتعوذ من الشيطان واني ارجف.

حسيت شخص وكف وراي مباشراً وهمس يم أذني وكال. قطووووف "
فزيت فتحت عيوني بسرعه درت وجهي اباوع وراي احس تجمدت وگلبي ع شويه يوكف من شفت خيااال اسووود واكف قرب الكنتور عبالك انسان واكف وينظرلي شكله ضخم حيل ضخم وكله سوووواد بسواد ممبين شيء
لأن الغرفه ظلمه مشغله بس ضوئ الجهاز والجهاز اضائته خفيفه والمشكله قافله الباب عليه خوف من ابوي يشوفني اصلي.

كلبي تسارعت دكاته واحس جسمي تشنج مستحيل ماكوو شخص هناا اني اتوهم ايي بقيت منزله راسي واردد هذا كلام بيني وبين نفسي.

فجأه طلعت ضحكه بصوت مخيييييف حيل ومرعب وخطوات اجت باتجاهي.
غمضت عيووني حييل واني ابچي واردد آيات صرت كوه انطق الكلمه. من الخۏف والدموع الي ترست وجهي ترس الغرفه صاارت بيها اصوات غريبه.

ضحكات علئ انفاس بصوووت عاالي وسريع تحس اكو شخص فحطان ويتنفس يمي.

عصرت ايدي علئ الحرم مال الصلاه واني احاول اقوي نفسي اتذكر كلام اهلي وكلام سعاد من گالولي لاتخافين ماكوو شيء اني اتوهم اكيد ماكوو شيء
لفحني هووئ حااار كلش علئ وجهي فتحت عيوني بهدواء جان كدامي مثل شكل الجلب الاسود بس مختلف سنونه طوووال وعيونه حمرررر عبالك من نااار مخلي وجهه وجهي وينظرلي
اول ماشفت هل شيء صړخت بصووووت عاااالي وراحت روحي مني فقدت وماحسيت بأي شيء بعد ..
(مشهد -٢-)

ركضت بسرعه طلعت من البيت بكل سرعتي ماكدر ابقه دقيقه بعد أذا ابقه اتخبل اموت والله اموت مستحيل أي بشړ يشوف الي اشوفه واسمعه وطلعت كلش قووويه وتحملت كل هل امور.

رحت اركض علئ بيت خاله سعاد بس هيه تكدر تحميني وتبقيني يمهاا بس بيتها بعيد حيل عليه.

اركض واتلفت وراي خاف لحكتني حته باب بيتنه بقه مفتوح ركضت لبيت خالة سعاد بعدني علئ الشارع مواصلتها اركض بدون وعي
ماحس لٱ علئ سياره اجت باتجاهي تمشي بسرعه صارر يدك هوورن بقوه اني وكفت مصدومه لزم برريك بسرررعه بس ماكوو فائده ضړبتني السياره شالتني من الارض للسماء وركعتني بالارض.

احس الدنيا ظلمت بوجهي الرؤيه تلاشت عندي ودخت كلش وجهي صار علئ التراب حاار

::يالله دخيلك شسويت معقوله ماټت؟

اسمع كلامه بس ماكدر افتح عيوني بقيت اتنفس بقوه شالني من الارض وخلاني بالسياره راسي صاار يسيل منه الډم لان انضربت بقوه فقدت وماحسيت بأي شيء بعدد

كلشي اتذكره انو انضربت بالسياره ودخت بعدها ماركزت بأي شيء بعد صارر كلشي ظلام واختفت الاصوات ..

«➛ ✿✿ ✿✿ ✿✿ ✿✿ ➛.»
وقف الإسلام من السحر موقفاً حاسما فسد كل طريق يؤدي إليه، وحرم تعلمه وتعليمه وممارسته،

منعاً لضرره، وحسما لمادة الخرافة أن تتسلل إلى عقول المسلمين فتعطلها عن التفڪير الصحيح،

والتخطيط القائم على قانون الأسباب والمسببات الذي قام عليه نظام الكون ...

فالسحر كما أخبر الله عنه طريق للفساد وسبب للضرر بين العباد،

وهو فوق ذلك كله سبب الڪفر بالله سبحانه والخروج عن دينه وشرعه ..

معڪم في روايتي الجديده المختلفه عن ڪل الروايات ألي انزلها.

كل شخص راح يتابع القصه لازم يڪون عنده گلب قوي لأن راح اعرض الكم كل انواع السحر والشعوذه بهذي القصه راح تشوفون الجن الشياطين الامور الغير قابله للوصف التي يقشعر لها الابدان
نزوها بالمكتبة حته يوصلكم أول اشعار من أبدا بالتنزيل ..
⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰
رواية : #أبنة_الشيطان .."
بقلم : الكاتبة توته

المريح في الأمر أن الله يعرفنا من الداخل لا تهمنا ظنون الناس السيئة

· · • • • • • • · ·

ارڪض بكل سرعتي ودقات گلبي تتسارع ويه كل خطوه اخطيها ارڪض واتلفت ورايه اشوف نفس الڪلب الاسود يطاردني اريد بكل طريقه اتخلص من عنده مجاي أگدر. وين ما أروح هوه يلحني وفاتح حلكه يريد يفترسني

دموعي ترست وجهي وانفاسي تسارعت واحس گلبي علئ شويه يوڪف من الخووف.
أثناء مجاي اركض وگعت بحفره كلش عميقه وظلمه ماشوف أي شيء من عدها كلشي ظلام بظلام بقيت رافعه راسي واباوع واني ابچي واتنفس بصعوبه.

خليت أيدي علئ وجهي واني اشوف الڪلب واكفلي بفتحت الحفره وينظرلي وهوه يحاول يفترسني.
صړخت بصوت عالي من قفز عليه الكلب من فوڪ.

فزيت من نومي واني كل ذره بجسمي ترجف خوف اباوع علئ نفسي عرررگانه وريگي يابس الغرفه ظلام دامس مابيها أي نورر.

بقيت اتلمس علئ الفراش مالتي لزمت الجهاز مالتي وشغلت الضوئ مالته خليت ايدي علئ گلبي يدك بسرررعه عبالك طبول بيه وشفتي يااابسه وعرگانه عبالك صدك جنت دارڪض وانهزم من الجلب.

مسحت وجهي من العرگ ورجعت راسي علئ الفراش اريد ارجع انام اسمع اغاني بصوت عالي داخل بيتنه هوسه عبالك عالم دتتحتفل داخل البيت عقدت حواجبي بستغراب شڪو نوب يالله دخيلك ليلة مكتوبلي مانام شنوو.

بلعت ريگي وڪمت من مكاني أشوف شڪوو اباوع للجهاز ساعه بـ 12 بليل طافية الكهرباء واحنه كهرباتنه موزينه قليل تجينه لأن منطقتنه متروكه وحيل بعيده عن المحولات والتيول قليل كلش قليل عالم عايشه بيها.

المكان الي عايشين بيه بعيد كل البعد عن المدينه وعن الريف وعن كل الناس تحسه مكان مهجور وصحراء.

قليل يمنه بيوت واحد عن واحد يبعد مسافه كلش جبيرة واكثر شيء موجود يمنه النخل والشوك والعاگول بحيث بليل المكان يصير مرعب. ولاشخص يطلع من بيته وظلمه ماكوو أي نور بيه لا اضويه ولا عالم تطلع

اما اني ماڪدر حته اطلع راسي من الخۏف كل المكان يصير ظلمه واني من نوع حيل حيل انرعب واخاڤ من الظلمه يبقه بس صوت الصراصر ينسمع.

اعرفڪم عني وعن عائلتي المتڪونه من 3 أشخاص فقط ..

أسمي قطوف يتيمة ألام تمرضت امي وماټت قبل سنتين عايشه ويه ابوي واخوي الأكبر من عندي بـ 3 سنواات
عائلتنه مكروهه كل أقاربنه ميحبونه ولا شخص يطيقنه كله بسبب أبوي لأن انسان مبتعد كل البعد عن الدين ويكرهه شكو انسان يصلي ويذكر الله وماعرف ليش يكرهه هل شيء وشنو هل طبع العنده وأخوي كذالك مثله بالضبط من شفتهم وشافوني همه ميصلون ولا حته يذكرون الله.
وصلت وياهم اذا نحلف بالله كدامهم يعاقبونه تحسوهم كفار او ماعدهن فهم تصرفات جاهليه شڪد احاول احچي وياهم واقنعهم أنو يلتجأون لرب العالمين بس بكل مرة يحچون عليه ويعاقبوني لأن اعاندهم

قطعو كل صلتهم باقاربنه وصارو ابد ما يتواصلون ويه احد كله بسبب تفڪيرهم المحدود يحسون نفسهم بس همه الصح وباقي العالم كلهاا خطاء.

عايشين بعالمهم الخاص بيهم مايختلطون هواي بالعالم ابد

جانت بس ماما الوحيدة ألي تصلي وتخاف الله وطول ماجنت تسوي هل امور تعلمني وياها تشرحلي شلون اصلي شلون اڪون بنيه ملتزمه ماسوي تصرفاات حرام ماخلي انسان يبعدني عن الطريق الصح

وجان ابوي يتعارك وياها ويضربها ويمنعها يتخبل من يشوفها تصلي او تقرا قرآن مايحب هل شيء أبد.

تمرضت ماما من ڪد القهر والتعب الي تعبته ويه ابوي صارت بيها امړاض وحته مجان يقبل ياخذها لدڪتور يعالجها يجيب الهاا شرابات اعشاب موو علاج من دكتور يگولها هذا افضل الج من الحبوب الي ينطوه الج الدكاتره الاعشاب علاج طبيعي ومن هل كلام الفارغ.
المهم بقت امي علئ هذي الحاله منا لحد ما ادهورت حالتها ڪلش وتمرضت جنت اكابلها واشبع بچي عليها لأن مابيدي شيء اسوي الهاا.

لأ اگدر اروح واجيب الهاا علاج ماندل ولا اكدر اخذها ونروح احس ورحي مربطه گدام عيني ټموت واني ماكدر اسوي أي شيء.

جنت وياها ماحس بأي خوف او ړعب جانت الأمان الوحيد الي بحياتي تصلي تعلمني تلاعبني تحچي وياي موو أم جانت صديقه الي.

ماټت وعافتني وحيده خلتني بين ابوي واخوي الي احسه النسخه الثانيه من ابوي نفس التصرفات نفس الكلام بڪلشي يتشابهون ماڪو فرق بيناتهم أبداً .
من اليوم الي ماټت بيه أمي واني عايشه وياهم بالبيت بړعب طول الوقت اتخيل اشياء اسمع اصوات داخل البيت ضحكات بصوت عالي عالم دتحچي عبالك اشخاص هواي عايشين ويانه واحنه بس 3 نفرات بالبيت.
احس بفراغ كلش جبير بحياتي صاار وخوف تلبس بروحي من شفت امي ماټت صدمة صارت بيه.

مرات ابقه اضرب علئ راسي من كد الۏجع والخۏف الي احسه انهار بكل معنئ الكلمه احس صارت بيها حالة نفسيه من يوم الراحت امي واني دهورت حالتي كلش وصرت من ظلي اخاڤ وانرعب لأن ماكوو شخص يضمني اله ويخليني احس بالامان الي جنت احس بيه وياها.

انزل جوه اتاكد من هل اصوات الي اسمعها بس المشكله ماكو أي شخص يصير البيت هدوووء وسنطه

اخوي وابوي يبقون كاعدين للفجر ماينامون أبد الظهر يتغدون ينامون شويه وللمغرب يدخلون بغرفة ماعرف شبيها وشنوو هل غرفه يمنعوني بكل مره ادخل عليها حته تنظيف مانعيني أنظفها يجيبون اشياء غريبه عجيبه للبيت.

مرات يجيبون وياهم لعبات و أبر مال خياطه واوراق اشم ريحة دخان يصير داخل الغرفه عالم تروح وترجع علئ ابوي من يجينه شخص اخوي يحبسني داخل الغرفه ويقفلها عليه حته ميخليني اطلع ابقه بس اصفن ماعرف شنوو الي ديصير وشنوو الي ديسوي أبوي.
سمعت نفس الاصوات الي داسمعها بكل مرة ضحكات بصوت عالي واغاني عالية تحس أكو حفله داخل البيت نزلت واني رجليه وحده طك بالثانيه من الخۏف والرجفه المحتله جسمي.

لازمه الجهاز بيدي أضوي بيه لأن الكهرباء طافيه وظلمه ماشوف شيء.

نزلت جوه اختفت كل الاصوات مابقه حس ابد صار هدوء تام بحيث أذا اشمر ابره ينسمع صوتها

بقيت افر بالجهاز علئ البيت اباوع بيتنه قديم كلش كلش وبنايته قديمه وكل صبغه اسود باسود والجدران الصبغ مالتهم مقشر واكع منه هواي.

_هاا هوه سمعت .. سمعت نفس هذيج الاصوات و

برهان : چم مره اعيدلج و أكلچ كل هل امور كوابيس لان ماتنامين من وڪت تبقين سهرانه ارجعي لغرفتچ بسرعه ونامي ولاتنزلين بعد بهيج ساعه تمام.

_لا والله نمت من 10 ماسهرانه

برهان :حته لو هسه ارجعي لغرفتچ نامي ولاتفڪرين بشي وحته اذا تسمعين شيء طنشي ولاتنزلين بهل ساعه جوه ابد افتهمتي؟

هزيت راسي بأي عفته ورحت للمطبخ طلعت بطل ماي شربت منه واخذته وياي وصعدت علئ الدرج بعدني ماصاعده شفت أبوي طلع من الغرفة الي دائماً يگعد بيها واديه كلهن ډم وسعت عيوني پخوف صړخت بصوت عالي.

_باباااا

فز من صړخت وباوعلي بنظرات تخوف عيونه احسهن صارن فصوص وطلعن من مكانهن هوه عيونه كبار حيل وهوه دائماً يخليلهن كحل اسود يبرز عيونه يخليهن واضحات كلش
نزلت ارڪض رحت عليه اباوع الاديه كلهن ډم احمر صايرات بقيت اباوعلهن پخوف ورجع اباوعله اريد تفسير.

_شنو هذا بابا شبيهن اديك؟

سلمان : شعدج گاعده بهيج ساعه مو گتلج لاتسهرين وتنامين من وكت

_هوه والله جنت نايمه بس عطشت ونزلت اشرب ماي

_شبيهن اديك شنو هذا الډم انجرحت شنو.

برهان : هذا صبغ مو ډم يلا روحي

_صبغ لشنوو وشتسوون بالصبغ بهيج ساعه مجاي أفهم شيء.

سلمان : قطوووووف اني چم مره اكلج لاتسألين هواااييي روحي لغرفتچ نااامي يلااا

_بس بابا

برهان : روحي يلاااا

ماعرف ليش هيج يعامولني عبالك مو پتهم يتأمورن عليه ويصيحون وميحچولي أي شيء ابد يحسسوني اني طفله واني وصل عمري 22 سنه.
حابسيني بهل غرفة مثل السچن ميخلوني اشم الهوئ خصوصاً بليل يتخبلون اذا نزلت منها للصبح لازم يلا انزل منهاا والصبح هم ماطلع ولا اشوف بشړ بالبيت اخدم بيهم انظف واغسل ملابسهم الي كلها تراب بتراب تجي عبالك جانوو يتمرغلون بالتراب.

من أسالهم ماينطوني اجوبه ابد هواي تصرفات غريبة اشوفها منهم بس مالگاه الهاا تفسير مقنع.

رجعت لغرفتي واني حيل مختنكه وضايجه من تصرفاتهم هاي احس نفسي ماعرفهم أبد مرت هل سنين واني احس روحي عايشه ويه عالم غربه ماحسسوني يوم بحنان او حب ماوصلو لنقطه من حنان امي علي.

تمددت بفراشي واني صافنه بالسكف دخت شويه وجنت اريد اغفه شفت دخان صار داخل الغرفه وخيالات تبين عبالك شخص واكف يباوعلي وخياله واضح اسود معكوس علئ الحايط الكدامي.

فزيت شلت راسي اباوع ماكو أي شيء بالغرفه سحبت نفس بقوه وقريت اية الكرسي ورددتها 3 مرات تخليني احس بامان وراحه.

اني عڪس ابوي واخوي انسانه ملتزمه بصلاتي وديني اعبد ربي وكل هل شيء بالسر خوف من ابوي اذا يعرف بيه اصلي واقرا قرآن يموتني.

يسوي بيه مثل ماسوه بأمي جانت امي دائماً تنصحني انو اذڪر الله واعبده وماسوي امور حرام جانت دائماً ترددلي هل كلام وتگول

دير بالج بيوم تسمعين كلام ابوچ وتبطلين صلاة وعبادة رب العالمين حته لو تصلين بالسر سويها بس لاتخلينه يمنعج عن العبادة

خليت ايدي علئ الگلاده الابستها بيها آية قرائنيه اخذتها من اغراض امي ولبستها سلسله مالتها طويله نازله داخل ملابسي ميشوفها ابوي واني حته داخل البيت محجبه مانزع الحجاب ابدا بس وقت النوم انزعه.

نمت بسرعه بعد ما بعدت الافكار السيئه عن راسي وقريت ايات قرآنية.

ڪعدت ثاني يوم الصبح دايخةة وراسي احسه يفتر بيه

ڪمت بسرعه نزلت اسوي ريوك الابوي واخوي لازم يكون الريوك جاهز ع وقت اذا اتأخر عليهم يبقون يحچون عليه.

نزلت للمطبخ خليت بيض سلك وداثرم طماطه اگلي دخل أخوي للمطبخ راح علئ قوري الجاي صب بكلاص وبقه يشرب بيه عيونه حمرر ډم لأن سهران ومانايم ليل كله كاعد

_الناس تڪول صباح الخير

برهان : صباح الخير

_صباح النور ابوي وين اشو ماكو موو بغرفته ؟؟

برهان : راح للمكبره الفجر

_امم مو كانو هل فترا صاير هواي يروح لهناك شڪو صاير شيء.

برهان : يروح يزور امي تدرين بيه يحب يڪعد يمها ويزورها.

_عفية برهان احچي ويه ابوي خلي ياخذني وياه طاگ گلبي علئ امي اريد اروح اشوفها.

هز راسه بأي مادري ليش مافرحت يمڪن لأن ادري بيه يجذب بكل مره يڪولي تروحين وميخليني بالوقت الي احچي بيه يعيط عليه ويسكتني.

_تتريك لو تروح تنام هسه!

برهان : لا اريد اتريك واطلع عندي شغل اريد اخلصه ورتاح

_تمام براحتك

صبيتله ريوك ڪعدنه اني وياه بالمطبخ نتريك اثناء مجاي ناڪل اندك باب البيت حيل رفع راسه اخوي وبقه فاتح عيونه يمه تحسهن راح يطلعن يخوفن بقه بس صافن بالقوه الي يندك بيها الباب تحسه راح يتفلش باوعلي بتركيز وكالي بأمر

برهان : لاطلعين ماشي؟

هزيت راسي بأي كام من مڪانه وراح يشوف منو يدك بالباب خليت الكمه بالصينيه وڪمت وڪفت ورا الحايط اباوع منو جاي علينه من الصبح هستوها ساعه بـ 7 الصبح.

وليش هيج يدك بالباب بقوه شديصير مجاي افهم شيء.

مجان مبين أي شيء لان اخوي واكف ڪدام الباب مباشراً والي جاي علينه باقي برا واكف واخوي ساد الباب سد بطوله وضخامته

بقه شويه يحچي بصوت هادئ وماينسمع بعدين سد الباب رجعت اركض ڪعدت مكاني ..

وسويت نفسي اڪل شفت اخوي مر وهوه شايل بيدة علاگه سوده متروسه ماعرف شبيها اخذها وراح دخل للغرفه الي كل وقتهم هوه وابوي بيها الي فضولي قاتلني قتل اعرف شيسوون بيها وليش ميخلوني ادخل عليها ولا انظفها ابد

اخذله 10 دقايق تقريباً بالغرفه وطلع منها ورجع عليه نزلت راسي اسوي نفسي اكل ولا منتبهتله.

اذا يشوفني اراقب تحركاته ما اسلم من عنده حته ضړب يضربني يتخبل اذا ادخل بسوالفهم واسألهم

برهان : اني طالع محتاجه شيء. ؟

_ءءأ اكول برهان

برهان : ڪولي

_فدوة اخذني وياك لبيت خاله سعاد والله صارلي هواي مارايحه عليهن حيل ضايجة بالبيت ومختنكه

برهان : انيييييي جم مررره گتلج لاتڪووولين والله ليش تعاندييييني
_اء نسيت بعد ماڪول فدوة برهان فدوة صارلي اڪثر من شهر مرايحه وانتَ طريقك عليهم فدوة اخذني وياك حيل مختنكه بالبيت ومن ترجع ارجع وياك ماروح وحدي وعد.

برهان : غير يوم انه هسه طريقي مو عليهم رايح بغير طريقك من اروح اخذج وياي واخليج يمهن هواي.

_فدوة شبيك حيل ضايجة بالبيت كل الوقت هنا طلعت روحي

برهان : كتلج لاااا لاتلحييين قطووف
_چا شوڪت تخلوني اطلع تراا والله ملييت اني هم بشړ سجن ساجنيني شنوو هاي موو حياة.

برهان : منوو معلمچ علئ هذااا الحچي هاييي بنات سعااااد مطلعات عينج ومخليات لسانج طولان ترا تعرفيني شسوي قطوف "
تاففت بضوجه وسڪتت ماڪدر اتجادل وياه اخاڤ من عنده يضربني ويحرمني من الروحه عليهن واني ماعندي شخص غيرهن كل الناس ماتريدني من ورا تصرفات ابوي لا عماتي ولا خالاتي ولا وحده منهن تجي علينه او تسأل عني ابد كل شخص ملتهي بحياته واحنه هم مانوصل أي بشړ مبتعدين عن الكل

عدها 3 بنات نورس و ابتهال و نور و الحجيه جدتهم اسمها سميعه حالتهم كلش كلش تعبانه فقيراات يتيمات الابو بس هنه النسوان عايشات بالبيت الناس تتصدق الهم تنطيهم فلوس وبيت عمهم هم مرات يجون عليهم وينطوهم فلوس لأن هنه ماعدهن معين الي يصرف عليهن.

بس رغم هنه فقيراات شايلاات گلوب من ذهب عدهم قناعه مو طبيعيه وحنان بشڪل يحبوني هواي وېخافون عليه

اتمنئ طول الوقت اخلصه يمهم بس ماڪدر لأن بيتهم بعيد علينه مسافه هواي امشي يلا اوصل الهم واخوي وابوي مايقبلون اطلع وحدي واروح

منطقتنه شبه الصحراء كلهاا ترراب وبيها نخل وشوك وعاگول وحطب ساكنين بالنجف الاشرف باطرافه كلش.

عافني وطلع اخوي عضيت شفتي پقهر وصلت الدمعه لطرف عيني حيل حيل مخنوكه داخل البيت ابقه وحدي مثل السجينه وياريت مرتاحه الاوهام والتخيلات ماتروح من راسي كل الوقت اتخيل اشياء تصير كدامي ومن اركز زين مالهاا وجود ومن احجي الابوي واخوي عنهن يگلولي تتوهمين او تشوفين كوابيس.

ولا مره اخذو كلامي بجديه وصدكوني دائماً ميصدكون الكلام الي احچي.

شلت الصينيه خليتها علئ السنك غسلت الصحون ورتبت المطبخ صعدت لغرفتي لزمت جهازي اكلب بيه نوعية جهازي كلش كلش قديمه وصغير بس لمس وبيه صور الامي هوه قبل جان مال امي ومن ماټت اخذته الي وبيه بس رقمين ابوي واخوي مرات اذا مضطرين كلش يتصلون علي مخليته عندي لان بيه صور الامي وماما كاتبتلي بيه كومه ادعيه وصلاة حته كاتبتلي صلاة الوحشه قبل لاتموت ومن ماټت صليتها الها.

حته من ماټت اخذوها يدفنونها و ماخلاني ابوي اروح وياهم اخذها ابوي واخوي وخلاتي 2 راحو وياهم تحسنه منبوذين كل انسان يشوفنه يبتعد عنه ماعرف ليش وشنوو السبب حته پوفاة امي ماجت علينه عالم تعازينه تحسنه مكطوعين من شجرة وهل شيء كله من ايدنه لأن احنه منتواصل ويه العالم ولا عمرنه حضرنه مناسبة فرح او عزء ابدد.

بقيت اقرا بالدعاء الكاتبته امي الي جانت سورة الملك.

بسم الله الرحمن الرحيم

تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ

الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلا وَهُوَ الْعَزِيزُ الْغَفُورُ

الَّذِي خَلَقَ سَبْعَ سَمَاوَاتٍ طِبَاقًا مَّا تَرَى فِي خَلْقِ الرَّحْمَنِ مِن تَفَاوُتٍ فَارْجِعِ الْبَصَرَ هَلْ تَرَى مِن فُطُورٍ

ثُمَّ ارْجِعِ الْبَصَرَ كَرَّتَيْنِ يَنقَلِبْ إِلَيْكَ الْبَصَرُ خَاسِئاً وَهُوَ حَسِيرٌ

وَلَقَدْ زَيَّنَّا السَّمَاء الدُّنْيَا بِمَصَابِيحَ وَجَعَلْنَاهَا رُجُومًا لِّلشَّيَاطِينِ وَأَعْتَدْنَا لَهُمْ عَذَابَ السَّعِيرِ

وَلِلَّذِينَ كَفَرُوا بِرَبِّهِمْ عَذَابُ جَهَنَّمَ وَبِئْسَ الْمَصِيرُ ..
بعدني ممكمله قراءة الآيات سمعت صوت صرخه كلش قوه داخل البيت وكع الجهاز من ايدي وجسمي احسه تشنج اريد اكوم ماكدر اريد احرك ايدي ماكدر مثل الي تجمدت كل جسمي تشنج عبالك شخص وربطني.
صارت تطلع اصوات غريبه عجيبه بالبيت صړاخ وضحكات واشياء تتڪسر بالبيت بقيت بس اتنفس بقوه وعيوني مليانه دموع اريد اكوم ياربي شديصير بيه أحس روحي انشليت

_دخيلك ياربي ساعدني الهييي يارحمان يارحيم اعيني يالله دخيلك .

حچيت هل كلام واحس جسمي رجع لطبيعته كمت بسرعه واني ابچي وخاېفه حييل حييل

اخذت الجهاز ونزلت اركض من الغرفه مجان اكو أي شيء بالبيت شنو هل اصوات معقوله اني تخبلت صار بعقلي تمرضت مثل امي من كد الحبس بهذا البيت.

متاكده اكو شيء بالبيت احس بيتنه مسكون او بيه شيء بس ليش بس اني الي اسمع هل أصوات ابوي واخوي ميسمعون شيء.

صاارت اضويه البيت تطفه وتشتغل والمطبخ اسمع حركه بيه.

رحت وكفت يم الباب اريد اطلع ماكدر اذا يجي ابوي ويشوفني واكفه برا يموتني احنه باب بيتنه مكشوف للخارج ماعدنه سياج خاص بالبيت لا بس باب البيت وتدخل كبل.

فزيت من اندك باب البيت بقيت متردده افتح الباب او لا اطمأنت من سمعت صوت ابوي يصيح.

سلمان : افتحو الباب

فتحت الباب بسرعه الابوي واني ابجي استغرب من حالتي حضنته واني ابچي وارجف

_بابا طلعني مناااا فدووة طلعنييي والله خااايفه راح اموت والله مجاي اتخيل اكوو اشياء هنا صدكني اسمع اصوات.

بعدني عنه وهوه يباوعلي بهدوء وبرود ولا اهتم ولا تأثر ابد لزم ايدي ودخلني وسد الباب وراه كعدني علئ الحصيره وكال.

سلمان : لاتخافين محد يأذيج هاي الاصوات تسمعينها لأن خاېفه من تتغلبين علئ خوفج ماتسمعين شي ابد

سلمان : ههههههه بويه حته لوو مسڪون شيسويلنه مثلاً هذا البيت الي تحچين عنه حالياً صارلنه بيه اڪثر من 15 سنه شو ماسوالنه شيء هسه صار مسڪون ويخوف.

_والله العظيم مجاي اجذب عليك اني ..

جان مبتسم من نطقت كلمة الله ع لساني اجاني راجدي قوووي علئ خدي احس ڪبت ڼار بخدي لزمت وجهي واني عيوني كلهاا دموع ومصدومه مافهمت ليش انضربت علئ شنوو شصار!!!

سلمان : زمااااااله ڪم مررره اعيدلج لاتڪولين هل كلمة گدامي انتِ تعانديني لو شنوو.

_بس الله ربنه ليش متخلوني اذڪر حته اسمه بابا حرام الي تسوي والله حرااام مايصير هذا ڪفر

سلمان : أشششش ولا نفس تڪعدين وتسڪتين واذا سمعتلج حس اذبحج وادفنج ومحد يدري سمعتي.

هزيت راسي واني دموعي تنزل وحده ورا الثانيه دفعني بقوه وراح للعلاگه الخلاها يم الباب شالها ودخل للغرفه وقفلها علي.

بقيت كاعده مكاني ابجي واباوع للباب ليش هيج يسوون بيه ؟ لو عندي امل بسيط هيج فرصه وحده انو شخص يتقبلني بحياته جان عفت ابوي ورحت سكنت عدنه بس مع الاسف لا اعمامي ولا اخوالي يردوني محد يريدني الكل ېخاف من ابوي.

مسحت دموعي وكمت لازم اكون قويه ماخلي هل خوف يدمر حياتي ويموتني يمكن صدك جاي بس اتخيل واخوف نفسي ماكوو شيء.
رجعت لغرفتي تمددت علئ فراشي واني مقهوره حيل حيل غفيت بدون ماحس.

بقيت صافنه شديصير متاكده داتخيل محد يدك بالباب رجعت راسي علئ المخده رجع الباب يندك بقوه اكثر.

سحبت نفس قوي وكمت اباوع للساعه بـ 2 الظهر الغرفه حاااره صايره تكتل كتل انوب فوك مكابله الشمس هوه بيتنه مو قاطين هاي الغرفه جانت مخزن وغرفة امي جانت جوه جنت انام كله يم امي بس من توفة امي ابوي قفل الغرفه هيه والاغراض الموجوده بيها وفرغلي المخزن وخلاني اعيش بيه فوك.

بس منظفته وصاير غرفة مثل باقي الغرف
المهم نزلت جوه حته اشوف منو ديدك بالباب هيج بكل هل قوه.

بعدني علئ الدرج شفت ابوي طلع من الغرفه الي يشتغل بيها مستعجل ومتوتر ولازم بايده قطعة اقماش وملفوف بيها شيء معرف شنوو هوه.

فتح الباب بسرعه جان اكوو رجال واكف وڼار تتطافر من عيونه من العصبيه لزم ابوي من دشداشته وصاح بصوت عالي.

:: انتَ ماااااكتلي يمووووتهااا ماتفقنه هيييج شلووون تلعب عليييه احنه شحچييينه ڪووول شحچيييينه.
بقيت صافنه بكلامه شديحچي هذا منوو وشمسوي ابوي ومنوو هاي ألي راح ټموت؟

:: والله لندمك ع ساعه الصرت بيهاا اندمك علئ كلشييييي سويته بيه.

سلمان : توخر ايدك وتحترم نفسك ساكت لأن اعرفك مو بوعيك حالياً اخذ هذا العمل اول ماتخلي يم راسها راح ترجعلها صحتها وتڪون محبس بايدك.

غصلت عيوني مفاهمه القصد من الكلام بقيت ارتب بالكلام بعقلي واجمع كلشي سويه فزيت علئ صوت اخوي يصيح عليه

برهان : ولججج قطوووووف

باوعتله پخوف دار وجهه ابوي عليه خزرني پغضب رجعت لغرفتي اركض دخلت وسديت الباب عليه

ڪعدت علئ الارض دايخه وخاېفه وافكاري كلها مشوشه شديسوي ابوي شنوو هل شي الي يخلي جوه راس الانسان ويرجعله صحته جا ليش ماسوه هيج شي الامي ابوي دڪتور؟ واني ماعرف بيه.

بعدين منو هل رجال وليش جان ضايج ويصيح شصاير وياه

فزيت علئ الباب اندفر بقوه ودخل ابوي للغرفه وهوه لازم بايده سوط ...
━─━─━─≪✠≫─━─━─━
يتبع البارت
· · • • • ✤ • • • · ·
﴿ َولَا تَيْأَسُوا مِنْ رَوْحِ اللَّه ﴾
· · • • • ✤ • • • · ·
هلوو هلوو شلونكم عيني شخباركم شلون الاوضاع يمكم شرأيكم بالاحداث

طبعاً هل قصة مختلفه كلش كلش عن كل القصص الي نزلتها بحسابي راح تتعلمون منها هواي امور

والاهم من هذا كله لازم كل ماتقرون شيء مخيف تتعوذون من الشيطان لأن القصه باول بارت وبينت الكم جزء بسيط من المعانات الي دتعانيها قطوف.
إبنة_الشيطان. ٢
➛#الحلقة_٢ ➛
⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰

روايــة :- إبنة_الشيطان

بقـلمي :- الكاتبه توته

مهم ⚠️" تصويت + تعليق بين كل الفقرات حبيباتي ☘️🤍

النوايا الطيبة لن تضيع عند الله مهما أساء الأخرون".

· · • • • ✤ • • • · ·

النجف ألاشرف في مڪان أخر "

_ضياء يلااا يمعووود صار الظهر واحنه بعدنه مامفتحين تأخرنه والله

ريم : خويه روح هذا سالفته طويله كل مايدخل للحمام يبقه ساعه ياخذله غفه يمڪن.

_والله لو ماحتاجه بالمحل فلا اخذه وياي شسوي ماگدر اكمل الشغل وحدي ولك ضيااااااء يلااا.

ضياء : طلعنه طلعنه ثبرتونه شبيكم ماتخلون واحد حته يسبح علئ راحته

سهام : يمه غير وراكم شغل تأخرتو حيل

كواكب : شهل ازعاج من الصبح اووي شبيكم متعرفون تحجون بصوت ناصي كله صياح

ضياء : نعتذر عيوني عكرنه مزاجج البرتقالي من الصبح

سهام : يلا يمه ضياء روح ويه اخوك

ضياء : أي هسه نروح

كواكب : مابقه احترام لمرت الأب ابد مشايفه هيج اني خلي يكعد ابوكم واني اعرف شلوون اتصرف

ضياء : وانتِ هسه شنوو عود تخوفينه بابوي؟ هذا كلامج هوه ونعالي روحي واحچي الابوي شتردين احجي احچي ماخاف انيي

_ضياء امشييي

كواكب : اسمع كلام اخوك الجبير وروح احسن ماتصير مصېبه هسه وتكبر من لاشي صدكني اخلي يبهذلك كدام امك واخوك

_كواكب ادخلي لغرفتج مالنه خلك سوالفچ

كواكب : هوه اصلاً مالي خلك ابقه مكابلتكم وكاعده رايحه الابوكم حبيبي احسن من شوفتكم الي تجيب المغثه

هز ايده مراضي عليها مسح وجهه ضياء يكتم غضبه اجت يمه امه خلت ايدها علئ كتفه وابتسمت بوجهه

سهام : ميخالف حبيبي انتَ ماتعرف سوالفها هيه هيج من زمان تتقصد تغث بيكم لاتهتم

ضياء : مستحييل مستحيل ماكدر اتحمل هل شيء خلص ماضل صبر بيه ماتشوفين تصرفاتها شلوون تغث راح اتخبل اني شلون نتحمل هل وضع هذاا

_ضياء بعدك ماوعي علئ الحياة صح اذا تريد من شخص يضوج وينغث منك اقتله بسكوتك وبرودك لاتبين اله انتَ ضايج او مقهور من كلامه هل شيء راح يخلي يستغلك اكثر وراح تخلي يعرف كل نقطة ضعف عندك فأ الاحسن هسه تتعوذ من الشيطان وتخلينه نروح لشغلنه لأن هاي السالفه ملينه منهاا وشبعنه شنكدر نغير

تبقه مرت ابونه لانكدر نحجي عليها ولانكدر نضوج ابونه احتراماً اله موو الهاا لازم تسكت وتغلس عنهاا.

ضياء : رائد يمكن انتَ اوعئ مني وافهم ويمكن تكدر تكون هادئ وبارد اني ماكدر ممتحمل هل وضع والله وين جنه وين صرنه اخذت ابونه منه حرمتنه منه شلوون جان حنين علينه هسه حته مايباوع لوجوهنه ولك مسيطره علي وهااايي امييي كدامك شوف حالتها انتَ مامقهور علئ امك خلينه نعزل عدنه خير ليش مگابلين خلقتها وكاعدين.

_شبيها امي كلشي مابيها وهيه متفهمه الوضع موو حبيبتي.

سهام : ي حبيبي لاتضوج نفسك ابوكم يحبكم بس لان مصارله هواي من تزوج تشوفونه دائماً وياها انشالله مايفرق بينه انتم اهتمو بنفسكم ومعليكم بيه

_سمعت؟ وهسه يلا خلينه نروح
_ديلااا موجنك طولتها وهيه كصيره طالع كدامك للسياره الحكني.
هز راسه بأي عافه وراح علئ سيارته شغلها خله ايده علئ الستيرن

يتذكر كلشي سواه بيهم ابوه بعد مادخلت مرته بحياتهم

جانو عايشين احلا عيشه متفاهمين ويحبون بعض منا لحد مادخلت بنت عم ابوه بحياتهم وگلبتها فوك تحت

صار ابوهم مايشوف غيرها بالعالم يعوف اهله وبيته واولاده ويروح يگعد يمها ويبقه وياها شهر وشهرين وهيه مطلقه وبيت وحدها

منا لحد ما العالم صارت تفضح بيهم وتحجي علئ ابوهم واهلها حجو وياه وتزوجهاا

فضلها علئ الكل وكل شخص يحچي وياه يكوله اذا ماعاجبك هذاك الباب تندله تكدر تـٰروح ماهتم لأي بشړ منكم.

يعرفون نفسهم مايكدرون يسوون شيء ولاتقبل امهم تعوف البيت وتعزل تريد تبقه ويه ابوهم بنفس المكان والبيت بيتها تگول اذا يريد خلي يعزل الهاا ليش احنه نطلع بيتهم جبير وكواكب عناد بيها ماتعزل.

تقبلو وضع ابوهم ومرت ابوهم الي متسلطه علئ البيت والكل بسبب حب ابوهم الهاا.

وتنفيذه الاوامرها لوو تگله اشمر جهالك كلهم بالشارع يشمرهم بدون تردد ومايفكر تفكير واحد متملكته بكل معنئ الكلمه.

العائله متكونه من 6 اشخاص الاب ونسوانه 2 سهام الجبيره وهيه امهم و كواكب الثانيه ولد 2 رائد الجبير وضياء علئ راسه والكعده اختهم صغيره اسمها ريم.

دخل ضياء للسياره باوع الاخوه سحب نفس قوي وكال.

ضياء : اعرف بشنو جاي تفكر
_بشنو؟
ضياء : الئ متئ نبقه علئ هذا الوضع وشوكت يطلع ابوي بيت وحده ونرتاح منهاا.

_جؤ غلطان مو هذا تفكيري.
ضياء : چا شنو
_بعدين احچيلك من يجي الوقت المناسب راح تعرف كلشي ومثل مايگولون كلشي بوقته حلوو.

ضياء : أي صح

شغل السيارة وساق راحو للمحل مالتهم يشتغلون محل حلاوة دهينه يسوووها ويبيعونها.

فتح المحل وبقه يُشَتغلً هوه واخوه ناس تشتري منهم لان قديمين بهاي الشغله وحلاوتهم مضبوطه وطيبه.
ضياء : اكول رائد
_ها
ضياء : عمتنه سعاد صارلنه هواي مارايحين عليها ولاشايفينها حته المعامله مالتها ماشتغلنه بيها التهينه عنهاا.

_أي والله ياكلن بگلبي هل فترا صارلي هواي مامطمأن عليهن ولا ماخذ الهن شيء بس ماملحك هل فترا جاي تشوف حالنه فوك الضيم كله ابوي ياخذ الفلوس والمصروف الي نجمعه الهن وهنه يتيمات حته الله مايرضه بالي يسوي.

ضياء : هاي المسومه العنده تخلي ياخذهن الهاا

_ماعندي مشكله انطي فلوس الابوي خلي ميخالف بس مرت عمي مسكينه عدها يتامه وهيه ضعيفة الحال وعمي الله يرحمه وصانه عليهم وجان المفروض ابونه يكون سند الهم بس الاسف مجان كد الحمل الي خلاه عليه عمي.

ضياء : من نعزل نمر عليهن شتگول؟

_اريد اخذ الهم ملابس صيفيه بس ماعرف بذوق النسوان اريد اخذ ريم وياي للسوك تشتريلهم ملابس ونروح عليهم.

ضياء : عود غير مره اخذ الهم هسه خلينه نروح وناخذ ويانه مسواك وننطيها فلوس ونرجع ومانحچي شيء الابوي

_انشالله.

ابوهم جان متكفل بهل مسؤليه وكل فترا ياخذ الهن فلوس واكل وينطيهن بس بعد مادخلت كواكب بحياته ابتعد كل البعد عنهم وصار ابد مايروح عليهن

ولاينطيهن ربع بقو بس الولد ينطوهن ومرات يصير عدهم ياخذهن ابوهم منهم مايخلي عدهم شيء.

للظهر عزلو المحل ورجعو للبيت دخلو للبيت سويه جانت امهم كاعده وتصلي شافتهم ابتسمت وكالت.

سهام : ها يمه الله يساعدكم

راح رائد علئ امه باسها براسها وهمس الهاا بحب

_ويساعدج حجيه.

سهام : غسلو واني رايحه اصب الكم الغده.

ضياء : اني حيل تعبان رايح اسبح وانام

_چا والصلاه؟

ضياء : تعبان عود من اكعد اقضي.

_نسيت قول الله تعالئ حين قال( فويل للمصلين الذين هم عن صلاتهم ساهون ؟

وقال الرسول الكريم (صلى الله عليه وسلم)
من تهاون في الصلاة عاقبه الله بخمس عشرة عقۏبة.

ستة منها في الدنيا و ثلاثة عند المۏت و ثلاثة في القپر و ثلاثة عند خروجه من القپر.

ضياء : شيخنه رحمة الوالديك لاتحچيلي بالاقوال والحكم وتخوفني اني من غير شي الدنيا مطيحه حض حضي ماريد بعد هل تعب كله وادخل للڼار عاد اشم ريحة الجنه شويه

_هههه هوه أني ليش احچيك هل شيء اريدك تخلي هل اقوال وهل افكار كدام عينك لأنو الله يحب عبدة يكوم ملتزم بصلاته ودينه ومايتهاون بيهن ابد مهما يصير وحته لو جنت تعبان او عندك شغل يتأجل.

كريم : هاا راجعين من وكت ليوم شنهي هستونه بردت روسنه

ضياء : ساعه بـ 12 چا شوكت تريد منه نرجع

كريم : انتَ هل ايام طولان لسانك وصاير ترادد الاكبر منك لاتخليني اجيك افرك حلكك بالقندره ابن النعاااال شو ماعندك احترااام الاكبر منك .

ضياء : هاا ترست راسك الخانوم موو

كريم : ترا اجيك اترس حلكك تراب تحترم نفسك وتحجي وياها بتقدير وحترام اذا ناسيها هاي مرتي وتصير بمثابة امكم وحترامها من احترامي واذا عدكم مشكله وياها تجون تحجونها كدامي اني

ضياء : تريد اعددلك المشاكل لوو ماعندك وقت حالياً؟

كواكب : اهوو شوكت نرتاح احنه من ضياء حبيبي شوف شلون يعاملني حته انتَ مايحترمك شفت بعينك شلون ولدك يكرهوني.

_استغفرلله

ضياء : خلو شيء واحد بالكم اني يوم يومين شهر مراح ابقه وياكم لأن ماتعجبوني ولا راح اتقبل وضعكم هذا عندي عزت نفس ماموجوده بكل هل كون وحته اذا امي واخواني ما يجون وياي اطلع وحدي

كريم : تندل الباب لو ادليك علي؟

_هيج صار الحچي نسيت احنه ولدك ونشتغلك ليل مع نهار وانتَ كاعد وساكت شتريد بعد اكثر ترا وصلت حدها يااابه خلينه ساكتين الي يوصل لضياء مايلوم الا نفسه وهذا بيتنه مثل ماهوه بيتك بكيفنه نطلع وبكيفنه نبقه واذا ماعاجبها مرتك تاخذها وتسويلها بيت هذا مكانه احنه.

كريم : شگلت؟ هاا تراددوني انتم وتعلون صوتكم علي صايرين اتبسزيه وماعدكم احترااام ابد

تقدم نحوه وهوه ناوي يضربه وكف ضياء كدام اخوه وكال.

ضياء : ماعجبك الحچي موو انغثيت ليش لأن نحجي بحقنه ؟

اجاه راجدي قوي علئ وجهه اندار وجهه للجهه الثانيه سحبه اخوه عليه وهوه يباوع الابوه پغضب دفع ضياء وراح علئ ابوه ودفعه من صدره ورفع اصبعه بټهديد.

_قسم بكل آيه بالقران اذا تسويها مره ثانيه لحرك الاخضر والياااابس عليكم خليني هاااادئ لاطلع خباااالي عليكم

كريم : تفف عليكم وعلئ الًيَوُمًِ الاسود العرفني بيكم اني جان المفروض من زمان اطردكم وماخليكم وياي هنا

ضياء : عووف ايدي خليني اطلع اختنكت منهم ماكدر ابقه دقيقه هنا بعد انتم شلووون تردون مني اسكت شفت بعينك شلوون ضړبني وهيه تضحك؟ شفت شلوون قلل من احترامي اذا انتَ تتحمل كل هل أهانه اني ماتحملها صارلنه سنين وياه ولك صرنه زلم شواربنه واحنه ويضربني؟ علئ شنوو غير افتهم عليمن هل حجي كله وهل اهانه والمذله كل الزلم تاخذ نسوان وتحب بس موو هيج لنعل ابو الحب لٱ ابو كل واحد يذل عائلته علئ هيج حب طايح حضه.

_ضياء باوعلي زين وضع ابوي موو طبيعي انتً تدري بهل شيء ابونه موو هيج جان هاي مدري شمسويتله انتَ بس انطيني وقت وخليني اعرف شلون اتصرف بس اهدئ اني وياك تمام والله وياك والوضع الي احنه بيه ماكو شخص يتحمله بس شنسوي أمنه تصير مرته واحنه ولده مانكدر نعوفه وهوه بهل عمر ولك اذا نخلي وياها يدمر والله يدمر هوه هسه يحچي بدون وعي مافاهم أي تصرف يسوي.

_لأ ضياء لأ هذا الكلام حته الله مايرضه بيه شما يصير يبقه ابونه والله موصينه بالوالدين واحنه علينه نكون كد هل وصيه خلي كلشي وراي ومعليك اني احل كلشي والله مايبقه شيء علئ حاله لازم يجي يوم والكه حل لهل سالفه.

ضياء : ماشي اني رايح هسه
_نروح سويه يلا اصعد.

هز راسه بأي صعد بالسيارة وهوه مقهور دخل رائد وساق.
...
قطوف .."
دخل أبوي للغرفه هوه لآزٍمٍ بيده سوط خفت كلش وتوترت كمت واني اباوعله پخوف.

سلمان : أني شگلت؟ موو گتلج من يجينه شخص ماتمدين راسج وطلعيييين تعانديني انتِ لوو شنوو صايره ماتخافين هل ايام وطالعه عينج.

_بـ ءء با با والله والله ما ..

زدت الڠضب مالته من گلت والله ضړبني بالسوط علئ وجهي احس وجهي مثل الڼار وحركتيني بيها صړخت بصوت عالي وخليت ايدي علئ وجهي واني ابجي فرفحت روحي من الضربه.

سلمان : بنت الكلبببب انييييي جم مررره اعيدلج أكلج لاتگوووولين والله ليوم اموتج ورتاح منج.

تجهم عليه يريد يضربني دخل اخوي للغرفه صار كدامي منعه يضربني.

برهان : بووويه صدك جذب شسوت تضربها لاطلع حرگت كلبك بيها تعاال وياي اكو موضوع لازم تعرفه يلا خلينه نطلع يلا.

سحبه من ايده وطلعه من الغرفه بصعوبه بقيت ابچي بصوت مسموع واشهك حته گلبي صار يوجعني من الضربه الوجهه حساس هوه ضړبني بالحزام عليه احسه انطبع علئ خدي.

اخذتلي ساعه كامله اني مفرفحه روحي من الۏجع حته ماگدر الزم خدي من الۏجع

شويه هديت گمت اباوع لنفسي بالمرايه شهكت من شفت خدي صااير ازررررك من الضربه الحصلتها واطرافه احمرر شويه ويطلع الډم.

مسحت دموعي ينزلن غيرهن ليش يضربني شمسويه

كل هذا لان طلعت شويه ليش ميريدني اشوف عالم ليش ميريدني اعرف شنوو شغله وشديسوي ؟

اني مو سجينه اني هم بشړ حالي حال الكل اختنك واضوج من البيت.

بقيت كاعده بالغرفه مالتي مانزلت ابد همه الظهر ينامون للعصر يلا يكعدون.

غسلت وجهي وخليت دهن علئ مكان الضربه لان موتني من الۏجع.

قفلت باب الغرفه عليه طلعت قرآن بالتليفون وبقيت اقرا بيه كاتبتلي امي سورة الفاتحة اقراها 7 مرات من اكون مقهوره حيل وضايجه هل آيه تهديني وتبرد علئ گلبي وتزيل الهم والكرب.

كل ما أقرا آيه احس شيء يهتز بجسمي شيء يمنعني من القراءة.

مدنكه واقرا بالسورة صاار هوائ كلش عالي وانفتح شباك الغرفه وصاار يركع بكل قوته وكعت صورة امي من الحايط وتفلشت كمت واني خاېفه.

تصدقت طفيت الجهاز ورحت للصورة اركض شلتها بقيت انكت بيها من الكزاز واني ابچي عليها مقهوره من كلشي حاسه بالضعف اريد بس ابچي ابچي هوواي بلكي يرتاح گلبي

ضميت الصورة علئ صدري واني ابچي واحچي وياها.

_ماما حبيبتي كوني وياي والله ضعيفه بدونج اني مادري شديصير هنا ليش مايحچولي ليش ممعتبريني وحدة منهم اني تايهه بدونج مافاهمه أي شيء بالحياة ولاشي

مخليه صورة علئ صدري وابجي واحجي وياها اباوع علئ الحايط ضل وراي مثل شخص واكف يباوعلي الشمس عاكسه الظل ع حايط بلعت ريكي پخوف درت وجهي بسرعه مجان اكو أي شيء بالغرفه

رجعت باوعت للحايط بعده الظل موجود كزبر جسمي وصار يرجف ياربي دخيلك شديصير معقوله اتوهم لوو فعلاً اكو شخص يمي بالغرفه ليش من ادير وجهي ماكوو شخص.
غمضت عيوني حيل وتعوذت من الشيطان الرجيم اكيد هاي اوهام اني طول هل فترا هيج.

رجعت فتحت عيوني اباوع جان مختفي الظل سحبت نفس بقوه وزفرته كمت علئ حيلي اخذت صورة امي ضميتها بالكنتور مالتي رجعت علئ الكزاز لمېته ونزلت جوه اشمره بسطل الزباله

دخلت للمطبخ شمرت الكزاز بالسطل استغربت من شفت السطل بيه علاكه ملفوفه حيل وبيها شيء غريب وملوثه بيها بقع مال ډم وريحتها كررريهه.

رحت للكاونتر طلعت جفوف لبستهن ومديت ايدي بالسطل وطلعت العلاكه.
فتحتها بصعوبه لان جانت حيل مشدوده شهكت واحس گلبي وكف من شفت العلاكه بيها عيون !! شمرت العلاكه علئ الارض واني اصړخ بصوت عالي
_يممممممممه.
رجعت خطوات ليورا واني كل ذره بجسمي ترجف بقيت فاتحه عيوني پصدمه واني اباوعلها احس كل جسمي تشنج

جان بيها عيون مال بشړ متاكده مال انسان موو غير شيء وكلهن ډم العلاگه تنقط ډم والريحه تكتل كتل لعبت روحي ومعدتي صارت تتمغص.

_شـ شء شنـ شنوو هذاا برهاان عيون عيووون اني شفت هنا وهوه جانت

برهان : شبيج انتِ هاي عيون مال حيوان مو قبل فترا بيت ابو محمد عدهم عزيمه وانطونه الباجه وتدرين بيه تلعب روحي من العيون طلعتهن وشمرتهن بالزبل بعدين انتِ شعندج تبحوشين بالزباله ماتلعب روحج

_لا لا لا برهان شوفهن يخوفن متاكده موو مال حيوان انتَ بس شوفهن عدل

برهان : لاتخافين تعاي غسلي ايدج وروحي علئ سعاد مو تردين تشوفينها روحي عليهاا ابقي ويه البنات

بقيت اتنفس بقوه احس گلبي راح يوكف والله عيوني مركزه ع سطل المنظر الشفته بعمري مراح انساه

فزيت من اخوي خله أيده فوك متني وكالي.

برهان : يلا تروحين لسعاد تكعدين ويه البنات شويه ترتاحين يمكن بسبب الصاار وياج هيج خاېفه روحي يمهن احسن.

هزيت راسي بأي واني امسح بدموعي نزعت الجفوف وشمرتهن وغسلت ايدي حيل صعدت لغرفتي البس عبايه.

فتحت الكنتور وبقيت صافنه وعقلي مشوش شنو هذا شديصير راح اتخبل والله تعب گلبي من كد الخۏف اهلي شضامين عني شهل تصرفاات هاي ؟

طلعت العبايه ونزلت مدري شعجب خلاني اروح عليهن الصبح گتله ماقبل يخليني جان واكفلي بالصاله وابوي واكف وياه من نزلت باوعولي بنظرات غريبه دنكت راسي ماريد احجي ويه ابوي.

سلمان : مو تتأخرين تعاي بسرعه

مجاوبته بقيت ساكته طلع كدامي اخوي برهان طلعت وراه هوه يوصلني لبيتهم ويرجع.

طول الطريق امشي وعقلي الف سؤال بيه مادري شديصير من يوم راحت امي اني يوم عن يوم جاي اعيش بړعب وخوف قبل جنت مطمأنه لأن هيه وياي ومافكر بشي هسه صرت وحدي.

وصلني لبيت سعاد وراح دكيت الباب اجتني خاله سعاد فتحتلي الباب شافتني شهكت ولطمت علئ خدها.

سعاد : صخاااام الصخمنيييي شبيج يمه شبيه وجهج

_خاله

حچيت هل كلمة وغصيت بدموعي سحبتني علئ حضنها تسكت بيه تمسكت بيها واني ابجي بصوت مسموع.
احسها مثل حنية امي عليه بس يمهن ارتاح شويه وماخاف من شي

سحبتني من ايدي ودخلتني وياها للبيت شافوني البنات شهكو وخافو حيل عليه كل وحده تسحبني من جهه تسال بيه.

نور : قطوف شبيه وجهج ولج شمسوين بيج منو ضربج هيج.
نورس : يمه ماتشوفين شمسوي بوجهه البنيه

ابتهال : والله حرام تبقين عايشه وياهم هذا مو أب لاا عدو ليش هيج يسوي بيها موو حرام علي.

سعاد : خلو البنيه تحجي يمكن يطلع مو ابوها حكمتو علئ الرجال وهوه ممسويلكم شيء.

الحجيه : احچي حبوبه منو وياج ليش هيج حالتج.

_مو ابوي الضړبني اني وكعت علئ وجهي وتأذيت هيج

نورس : لا تجذبيين مبين ضربه موو وكعه هاي تعلمينه بأبوج مادري شلون متحمله وباقيه عنده.

سعاد : ولج نورس تسكتين لو لااا.

_لا وكعت تدرون بيه اخاڤ واتوهم هواي وبليل مجنت مركزه وكعت من الدرج وتأذيت هيج.

سعاد ; والله يايمه مادري شگلج خاېفه يكون متلبس بيج جن

نور : يمه اسم الله شنوو جن ؟؟
ابتهال : ليش بهذا زمنه بعد اكو جن !!

الحجيه : تلبس الجني بالإنسي أمر معلوم وواقعي يصير حته بهذا زمنه لأن الجن والانس مذكورات بالقرآن الكريم و قوله سبحانه: الَّذِينَ يَأْكُلُونَ الرِّبَا لا يَقُومُونَ إِلا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ

يعني حبوبه كلشي موجود بهذا الزمن حته لوو تمر الاف السنين يبقه السحر والجن والشعوذه موجوده بكل زمان ومكان ومرات الجن يتلبس بالانسان من كد طهارته او كد خوفه وقلقه يخلي يعيش بحالة ړعب وتوتر طول الوقت لايعوفه يرتاح بنومه ولا حته بكعدته.

نور : يعني هسه شنوو قطوف بيها جن؟

_شنوو جن لاا اكيد لاا مستحيل اني مابيه شيء والله مابيه بس اتوهم واتخيل اشياء

سعاد : لاتخافين يمه مابيج شي هاي بس اوهام كل ماتشوفين شيء او تتخيلين اصوات تعوذي من الشيطان واقري المعوذات وابد لاتفكرين بكلامهن هنه يتشاقن وياج.

باوعت عليهن امهن وخزرتهن تريد منهم يسكتون حته ميخوفوني اكثر بس اني بدون كلامهن عايشه بحالة ړعب وتوتر وخوف طول الوقت.

نورس : هسه عوفونه من هذا الكلام شنو رأيكم نسوي كيكه وجاي.

نور : أي والله كلش مشتهين كيكه شتكولين قطوف.

جنت مدنكه واني خاېفه من كلامهن وگلبي احسه يوجعني حيل اتذكر الاشياء الي تطلعلي والي اشوفها كدامي مجاي افهم شيء.

اجو كلهم كعدو يمي حضنني بقوه وكالن بحب

نورس : كافي شبيج لاتخافين احنه وياج مانعوفج والله ولا راح يصيرلج شيء.

ابتهال : حبيبتي صدكيني ماكو أي شيء من هل امور التحچين عنهاا انتِ بس تتخيلين حاولي متفكرين بيها وكثري من قرائة القرآن والصلاه وانتِ ترتاحين صدكيني.

_ليش محد منكم يصدكني والله والله ماجذب اني اشوف شيء انتو متشوفونه اكو عالم ويانه ساكنه بالبيت تحجي وتضحك وتشغل اغاني وحته تراقبني طول الوقت احس شخص كاعد وياي بالغرفه ويراقبني اباوع للحايط اشوف خياله جسمي تشنج من اقرا قرآن تصير بيه رجفه قوويه عباله متكهربه.

_كولي خاله
سعاد : اعتقد يصير هذا بيج لأن ابوج انسان كافر ومايعبد الله وديصير بيج هيج من ورا اعماله الشيطانيه

_شقصدج يا اعمال ؟؟

الحجيه : سعاد شعليج بالناس انتِ ماتوبين عايزين ضيم احنه.

سعاد : شوفي خاله قطوف الله يختبرج بهل امور خلي عندج ايمان قوي ولاتخافين ابد بالعكس تغلبي ع هذا خوفج اذا ابوج مايعبد الله وكافر انتِ صيري احسن منه من يطلع من البيت شغلي قرآن سورة البقره عليج بيها كثري من قرائتها هيه تطرد الجن والشياطين داخل البيت اقري معوذات طكي حرمل داخل البيت راح يفيدج هل شيء.

هزيت راسي واني امسح بدموعي كلام خاله سعاد صح يمكن رب العالمين غاضب علينه من ورا تصرفات ابوي وكفره.
راحت نورس سوت النه كيكه بقيت كاعده وياهن حسيت شويه براحه ونسيت الخۏف والتوتر الي عايشه بيه.
جابت الكيكه والجاي نورس وكعدت يمنه بعدنه مماكلين شيء منهاا دك هورن سياره كدام بيت خاله سعاد.
سعاد : طالعه اشوف.

عافتنه وطلعت كصصت الكيكه ابتهال وصبت الجاي نورس كعدنه سويه ناكل ونسوالف شويه واندك الباب ودخل رجال نزلت راسي بتوتر وخوف منو هذا شدخله للبيت البناات كلهن لابسات شالات وهوه يكون ابن عمهن اعتقد وراهمات عليه
ضياء : سلام عليكم ياحلوين

الكل : وعليكم السلام.

_يلا بنات اني رايحه.

نورس : ابقي بعد شويه تعاي نكعد بالغرفه

_لا لٱ نورس تدرين باخوي اذا يعرف اكو رجال هنا شيسوي بيه عفيه ماعايزه ضيم يلا رايحه.
ضياء : ءءأ عدكم ضيوف اعتقد ودخلت بدون استاذان اعتذر منكم

الحجيه : لا حبوبه هاي بنيتنه مو خطار اسمها قطوف.

جانت خاله سعاد واكفه يم السياره تنزل بالعلاليك وياها رجال مشيت بسرعه اريد اتخطاهم صار كدامي الرجال وهوه شايل بيده علاليك صرنه وجهه بوجهه دنكت راسي واني حيل متوتره وخاېفه عبالك مسويتلي مكسوره هوه بقه واكف كدامي سحب نفس قوي وكال.

رائد : سلام عليكم
بقيت مدنكه راسي ماجاوبته حته ابلع بريكي پخوف اخاڤ ابوي لو اخوي يشوفني واكفه وياه وكتك صرت كدامي استغرب الولد لأن مارديت علي بقه صافن اجت خاله سعاد وكالت

سعاد : ها يمه قطوف وين رايحه؟

_لازم ارجع للبيت تأخرت والله.
سعاد : بعد وكت هستونه شفناج

_لا خاله والله تأخرت تعرفين ابوي
سعاد : ع راحتج

عفتهم ورجعت للبيت امشي واني خاېفه وكلبي يدك بسرعه الخۏف مافارقني ولا لحظه وين ماروح اني خاېفه وارجف.

سلمان : بس اتفقدلي المكان زين خاف الدفان يشوف شي ونتورط

خليت ايدي علئ حلكي مصدومه مفاهمه أي شيء شديحچون شنو يروح للجنازه شيسوي بيها ابوي عقلي احسه وكف عن التفكير واني من غير شيء مسطوره ومريضه من الاوهام الي بعقلي.

معقوله ابوي سڤاح؟ ېقتل عالم ويسلب ارواحهم

شفت الرجال طلع من جيبه فلوس وانطاهن الابوي وكاله

:: اريدك تخلصليها باچر ماشي كلش مهم تخلصلي هل شغل باقرب وقت.

هز راسه بـ أي ابوي وهوه مبتسم بكل رياحيه واخوي هم مثله مرتاحين ماعرف شبيهم.

عافهم وراح الرجال صعد سيارته وساق بقيت بس مصدومه اريد افهم شيء من الي ديسوونه ماجاي اعرف گلبي صاار حيل يوجعني ومعدتي تتكلب اريد اتقيئ

هزيت راسي بأي ودخلت بدون ماحچي شيء صعدت لغرفتي بسرعه شمرت العبايه واني افكر بكلامهم لازم اعرف ع شنوو ناوين وشيسوي يروح ابوي كل فترا للمكبره متاكده ميزور امي اصلاً هوه مجان يحب امي شنوو من ماټت نزلت علي محبه.

غمضت عيوني وسحبت نفس قووي لازم اكون واعيه وابعد هل افكار عن عقلي لازم اعرف ع شنوو ناوين.

اخذت ملابس وبدلت ونزلت جوه جان ابوي كاعد بالصاله علئ الحصيره ولازم بيده سبحه كل خرزها اسود وكبار

يسبح بيها ومدري شنوو يقرا بينه وبين نفسه ماعتقد يدعي لأنه يكرهه شيء اسمه عباده وصلاه وذكر لرب العالمين بس شيسوي.؟

نزلت رفع بس عيونه يباوعلي عيونه تكول فصوص طالعات من مكانهن ومكحلهن يخوفن بلعت ريكي پخوف واني اباوعله وانزل راسي.

بقيت اكشر بتيته اريد اسوي عشه حسيت حركه صارت وراي شخص واكف ويتنفس بشعري ويم رگبتي درت وجهي بسرعه جان اخوي برهان فزيت منه لأن جان وراي مباشراً ونظراته الي تخوف مركز بوجهي حته مايرمش.

_شبيك ؟؟

مجاوبني بس ابتسم ابتسامه غريبه عافني وطلع من المطبخ بقيت صافنه شبيه هذا مو من عوايده يبتسم اصلاً كل الوقت هوه وابوي كالبين وجوهم.

رجعت اثرم وردد بگلبي المعوذات واستغفر الله.

ماكوو دقايق ودخل برهان للمطبخ راح فتح الثلاجه طلع منهاا بطل عصير شرب منه وباوعلي وكال.

برهان : يلا مېت من الجوع

_أي هسه راح اسوي.

_شبيك قبل شويه

برهان : شنو؟

_قبل شويه من جنت هنا شبيك ليش طلعت بدون متحچي وتتبسم شكوو

برهان : بعقلج انتِ لو دايخه؟ شبيج هستوني دخلت وشفتج شوكت جنت يمج انه

_برهان لاتجذب عليه موو جنت هنا يمي قبل شويه من واكف وراي

برهان : شجذذذب ولج اعرفي شلون تحچين شو هل ايام خربانه فرد نوب شبيج متخبله تتخيلني وياج بالخيال شنوو.

_ماعرف والله اكلكم اشوف اشخاص ماتصدكوني اني احس نفسي مريضه بيه شيء مو طبيعي

برهان : ماكوو أي شيء كل هذا من تفكيرج الزايد امج گبلج هم جانت هيج وتمرضت وماټت اذا تردين تلحگينها تضلين علئ هذا تفكيرچ ماكو احد غيرنه بهذا البيت بس احنه الـ 3.

_ليش هيج تحچي امي نفسها امك والمړض موو عيب واذا مكتوبلي اموت مثلها فاذا يومي وساعتي.

هز ايده عليه عافني وراح سحبت نفس بقوه تعبت من تفكيرهم هذا وتعبت من تفكيري وعقلي الي مجاي يهدأ طول الوقت مشوش وخاېف.

رجعت اثرم تذكرت الموقف من اخوي جان يمي وبعدين نكر معقوله صدك اني متلبس بيه جن؟

وداتخيل كل هل شغلات بس شلون اتخلص من هل اشياء واني حته ماكدر اطلع ولا اروح لدكتور يعالجني ولاعندي نت بالبيت ابحث بجهازي.

شلون اذا بقيت علئ هاي الحالة طول عمري مراح ارتاح طول عمري بهذا التفكير والاوهام والتخيلات الي داشوفها واسمعها.

سحبت نفس قوي وكملت كلشي بقه بس اگلي غطيته وصعدت لغرفتي اصلي توضيت ودخلت للغرفه قفلتها عليه وفرشت السجاده وبديت اصلي.

كل ماقرا آيات احس رجفه قويه تحتل جسمي ولنطق مالتي يثكل حييل بحيث كوه اصير اطلع الكلمة من حلكي.

سلمت وكعدت اسبح واباوع للغرفه احس باحساس غريب خوف بداخلي موو طبيعي احس ع شويه اتخبل من هل افكار الي بعقلي.

صارت أضوية الغرفه تترامش وتضعف الكهرباء مره تقوه مره تضعف

گاعده شفت خيال اسود صار يتحرك كدامي يروح ويرجع مثل الي يمشي يخطف من كدامي.

بلعت ريكي پخوف و غمضت عيوني بقيت اردد بالمعوذات واتعوذ من الشيطان واني ارجف.

حسيت شخص وكف وراي مباشراً وهمس يم أذني وكال. قطوووف

فزيت فتحت عيوني بسرعه درت وجهي اباوع وراي احس تجمدت وگلبي ع شويه يوكف من شفت خيااال اسووود واكف قرب الكنتور عبالك انسان واكف وينظرلي شكله ضخم حيل ضخم وكله سوووواد بسواد ممبين شيء

لأن الغرفه ظلمه مشغله بس ضوئ الجهاز والجهاز اضائته خفيفه والمشكله قافله الباب عليه خوف من ابوي يشوفني اصلي.

فجأه طلعت ضحكه بصوت مخيييييف حيل ومرعب وخطوات اجت باتجاهي.

غمضت عيووني حييل واني ابچي واردد آيات صرت كوه انطق الكلمه. من الخۏف والدموع الي ترست وجهي ترس الغرفه صاارت بيها اصوات غريبه.

ضحكات علئ انفاس بصوووت عاالي وسريع تحس اكو شخص فحطان ويتنفس يمي.

اول ماشفت هل شيء صړخت بصووووت عاااالي وراحت روحي مني فقدت وماحسيت بأي شيء بعد ..
━─━─━─≪✠≫─━─━─━
#يتبع البارت
· · • • • ✤ • • • · ·
لاتگعد تسوالف يم بشړ طرشان المايعرف المعنئ بالحچي ..

يتعب ولاتكتب شعر ويشوفه موو ذواق صدگني يضيع شكثر ماتكتب الماشايف الدله يدوخ بالفنجان مايعرف يهزه شما تصب يشرب "

انطوني رأيكم بالاحداث القصه حيل حيل غريبه ومخيفه بنفس الوقت بعدكم ماشفتو شي من الاحداث جهزولي نفسكم زين.

#إبنة_الشيطان. ٢
رابط البارت الأول
إعلان+الحلقة الأولى
https://www.facebook.com/100084983304824/posts/371466072362833/....
.
.
➛#الحلقة_٢ ➛
⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰

روايــة :- #إبنة_الشيطان

بقـلمي :- الكاتبه #توته