جميع الروايات كامله

 رواية موضوع_عائلي الفصل الحادي عشر حتى الفصل الثامن عشر بقلم رحاب القاضي حصريه وجديده على مدونة النجم المتوهج للروايات والمعلومات

رواية موضوع_عائلي الفصل الحادي عشر حتى الفصل الثامن عشر بقلم رحاب القاضي حصريه وجديده على مدونة النجم المتوهج للروايات والمعلومات

_الحلقه الحاديه عشر
_ عدي يوم في التاني وكان كل واحد في ابطالنا مشغول في حياته ومستني اللي الايام مخبياه ليه..

_ في قاعه راقيه جداً كان واقف يونس مع نور وهما بيرقصو مع بعض بهدوء علي اغنيه هاديه..

يونس
اهو الخطوبه في قاعه عشان ما تزعليش، مع اني كنت عايز افرح وسط اهل حتتي..

نور
ما انت جيبتهم اهو يا حبيبي وبياكلو جاتو ومبسوطين، ممكن بقي تسيبني افرح..

يونس
يا مفتريه بقي بقولك حاضر علي كل اللي طلبتيه وفي الاخر تقوليلي سيبني افرح كل ده ومش سايبك تفرحي..

نور قربت منه وقالت
اصلا فرحتي اللي بجد اننا اتخطبنا رسمي قدام الناس كلها..

يونس بهدوء
امم طيب فرحتك دي اكتر ولا فرحتك بكلية الطب اللي لسه مقدمالها من يومين اكتر..

نور ابتسمت وقالت
وهي كلية الطب دي من غير وجودك في حياتي تسوي حاجه، انا مبسوطه عشان خلاص بقيت علي اسمك رسمي....

يونس ابتسم وقال
انتي الفرحه الوحيده اللي في حياتي، انتي اللي الحاجه اللي بتخلي يونس عايش يا نور..

[[system-code:ad:autoads]]

_ فاق يونس من ذكرياته وهو ماسك موبيله وبيتفرج علي صور خطوبته هو ونور، ومسخ دموعه وفضل يحذف في الصور وقال..

يونس
كدب كل كلمه منك كانت كدب..

_ وباب اوضته خبط ودخل عنده حامد وقاله بضيق..

حامد 
انت ايه علاقتك بالواد اللي اسمه بهنسي مفتاح ده؟...

يونس بجمود
مصلحه كده يا حج هبقي اقولك عليها بعدين، خير هو ده اللي جايبك عندي؟..

دخل حامد وقعد قدامه وقال بهدوء. 
ولا حاجه بس جاي اقولك ان العروسه اللي هنروح نخطبها النهارده هي اللي تناسبك..

بصله يونس بجمود وقال
سألت عليها زي ما انت قولتلي وفعلا بنت كويسه ومناسبه..

حامد 
انت راضي بيها؟..  

يونس بجمود
اهي جوازه وخلاص ومناسبه انت طول عمرك بتختارلي الحاجه المناسبه يا معلم حامد..

حامد بهدوء
زمان كنت مش متعلم ما دخلتش مدارس اصلا ومتربي في الشارع بقيت كبير الحته دي بدراعي الحكومه نفسها اتعاونت معايا بقيت اي مصلحه عايزين يخلصوها في اي منطه بساعدهم ومقابل كده اټخانق اعور اعمل اللي عايزه ما حدش يقولي حاجه..

يونس بعدم فهم 
بتقولي كده ليه دلوقتي؟..

[[system-code:ad:autoads]]

حامد بضيق
حبيت زيك بس حبيت برضو الشخص الغلط بنت شيخ الجامع المتعلمه اللي متربيه هناء ست بنات الحته كلها وروحت اتقدمتلها هي رفضتني وابوها وامها كمان...

يونس بسخريه
فرحت اتجوزتها عافيه بقي...

حامد ابتسم وقال 
ده انا خليتها هي اللي جات وطلبت كده مني بعد ما كسرت ابوها وخليته راقد في فرشته، وبعد ما اتجوزتها كانت ديما بتفضل تحسسني اني اقل منها وانها عايشه معايا مغصوبه كانت ڼار تقوم جوايا لما بتتصرف معايا كده كانت بتعرف تكيدني بنت الجز*مه ، روحت بقي متجوز امك عليها وقولت ما يكسرش الست غير ست زيها..

يونس باهتمام 
واللي حصل ايه بقي؟..

حامد ضحك وقال
قوت امك عليا صاحبتها وبقيو زي الاخوات هما الاتنين ده انا حتي كنت الاول بضربها واعدمها العافيه لما جات امك بقيت تدافع عنها كانت طيبه اووي امك اتجوزتها عيله صغيره عندها 16سنه بس المړض اياااه حرمني منها بدري...

اتنهد حامد وقال
خلاصة كلامي ان نور مش هي اللي هتريحك كنت هتعيد اللي حصل زمان تاني، فاختصر الطريق واتجوز اللي تناسبك وتريحك يا ابني..

يونس بدموع
عارف يا حج كنت ممكن تريحني انت بانك تخليني متعلم وعارف ديني مش بلطجي واخوف الناس زي ما حصل كده، وقتها كنت هتغير القديم انما انت عدت اللي حصل فيك فيا بالظبط بس الفرق بيني وبينك انا عندي قلبي تحت رجلي وكرامتي فوق راسي وما اقبلش واحده ڠصب عنها..

وقف حامد وقال
انا عملتلك الصح يا يونس كنت هخلي محمد مكانك او معاك بس منها لله فرقتكم، المهم النهارده الساعه سبعه هنروح المشوار بتاعنا ده وربنا يتمم بخير...

_ قال كلامه حامد وطلع من عند يونس، وهو رد علي موبيله اللي بيرن وقال..

يونس
ايوه يا مفتاح وصلت للي قولتلك عليه طيب تمام،،، لا انا اللي هعمل كده بنفسي..

ـ تفتكرو يونس بيخيطط لايه؟...

ـــــــ #بقلم_الكاتبه_رحاب_القاضي ـــــــ 
_ وفي بيت الشيخ محمد كانت هاجر بتحاول تفتح موبيلها بس ما كانش بيفتح معاها خالص وقالت بصوت عالي لمحمد اللي كان في الحمام..

هاجر
محمد ايه الباسورد بتاعك عايزه اكلم البت ولاء..

محمد 
من واحد. لاربعه..

هاجر بسخريه 
ده ايه الرمز الصعب اووي ده..

_ واول ما فتحت الموبيل لقيته علي شات في الماسنجر بينه وبين واحده، سابت الموبيل وراحت خبطت علي باب الحمام وقالت..

هاجر
انت يا شيخ انت اطلعلي..

محمد 
دقيقه وطالع يا هاجر في ايه؟..

هاجر قعدت علي السرير وقالت
ماشي يا ابن هناء اما نشوف الدقيقه دي هتخلص امتي...

_وطلع محمد بعد شويه وهو بينشف شعره بالفوطه وكان شكله فعلا لطيف وقال.

هاجر
خير يا جوجو في ايه؟..

هاجر بتوتر
ها لا لا علي فكره مش هتوترني وانسي اللي شوفته، واسمي هاجر...

ابتسم محمد وقال
نعم  طيب في ايه؟..

هاجر فتحت موبيله وقالته
پتخوني يا شيخ محمد لييه ده انا توقعت الخيانه من الكل الا انت..

محمد بسخريه
بس يا هبله واطلعي جهزي فطار..

هاجر 
ايه الرد الغريب ده، لا مش هتعدي كده ممكن تقولي مين الهانم دي..

بص محمد للفون وقال 
ما اعرفش مين دي؟..

هاجر پحده 
انت هتجنني اومال بتكلمها ليه وانت مش عارف اسمها ما تكذبش عليا؟..

محمد
انتي شيفاها كاتبه اسمها، دي كاتبه ملكه بنقابي..

هاجر پحده 
اكيد قالتلك اسمها، بص انت شيخ محترم ما تخلنيش اقل منك وقولي مين دييي؟..

ضحك محمد وقال
ههههههه والله العظيم ما اعرف اسمها ،كل اللي بينا الكام كلمه اللي قدامك دول..

هاجر بغيظ 
وتكلمها ليه اصلا، اخص اخص عليك بتاع بنات يا شيخ محمد..

محمد قعد علي الكنبه وهو بيضحك وقال
هههههه يا بنتي هو في ايه دي بتقولي هتطلع لايف امتي وقولتلها علي المعاد فعرضت عليا اذكر اسم الجروب بتاعها هي وصحابها للبنات عشان يدخلو فيه مش اكتر..

هاجر بعدم فهم 
هو انت بتطلع لايف؟...

محمد 
ايوه كل يوم جمعه الساعه تمنيه بالليل في جروب عامله انا وواحد صاحبي شيخ برضو وبننصح الشباب والبنات وبنقدم ليهم معلومات دينيه ونصايح وزي ما استفدت من علمي ودراستي  في علاقتي بربنا بفيد غيري..

هاجر ابتسمت وبعدين كشرت وقالت
معلش طيب بعد كده تخلي مراتك هي اللي ترد علي البنات..

محمد بسخريه
انسي يا ماما بقي عايزاني اخليكي انتي بدماغك دي تردي علي المتابعين بتوعي..

هاجر بغيظ
بقي كده؟..

محمد قام وقال
ايوه واوعي كده عايز اظبط شعري وانزل..

هاجر پحده
طيب امسك موبيلي باظ هاتلي واحد جديد بس..

محمد بهدوء
هصلحه ليكي وهيبقي زي الفل يا هاجر، مش معايا اجيبلك دلوقتي جديد لما ازبط اموري..

هاجر پحده 
ايوه ما هو لو كانت ملكه بنقابها دي كنت هتحيبلها  ماشي...

_جات تمشي بس محمد مسك ايدها وقربها ليه وقال بهدوء...

محمد 
نحس شويه انا بظبط في الشقه فوق ومش هاخد.من امي حاجه تمام ومصاريف البيت غير مازن اللي عايز موتسيكل جديد نقدر بعض، وبعدين هو انتي بتغيري عليا؟...

هاجر بتوتر 
اا لا مم مش بغير يعني وو..

محمد
مش بتغيري متأكده؟..

هاجر بغيظ 
ايوه بغير عليك ورد علي اللي ترد عليها بس قدامي..

ابتسم محمد وقال
حاضر يا ستي اللي عايزااه..

بعدت عنه هاجر بسرعه وقالت
المسلسل، هروح احضر المسلسل ابقي جهز انت فطار لنفسك..

اتنهد محمد بغيظ وقال
لا وعلي ايه هفطر تحت في المحل..

_ وطلعت تتفرج علي التلفزيون ومحمد طلع هو كمان وقبل ما ينزل قرب منها وباسه في خدها وقال..

محمد
هتوحشيني..

هاجر ابتسمت وقالت
احم وانت كمان امشي بقي عشان امك طالعه..

_ ضحك محمد وطلع وجات فعلا هناء ومسكت الريبوت وقلبت علي المسلسل وجابت برنامج...

هاجر
يا حجه ابقي هاتي البرنامج بعد ما المسلسل يخلص..

هناء
لا ما هيكون  البرنامج خلص يا سرنجه،وبعدين ما روحتيش شغلك ليه وريحتيني منك؟...

هاجر بغيظ
اجااازه وبقولك ايه انتي تبطلي تقولي عليا سرنجه دي سامعه ولا لا، ومش عايزه اشوف معاكي حاجه انا هروح اشوف هعمل ايه غدا..

_خلصت كلامها وجات تدخل المطبخ بس الباب خبط، وهناء قالت..

هناء
انتي رايحه فين يا سرنجه روحي افتحي الباب يلااا..

هناء
اشوف فيكي يوم يا شيخه اللهي يارب سرنجه تفضل تشكشك فيكي لحد ما تقولي يا بس..

_ وفتحت الباب وكانت ريهام اللي بصتلها من فوق لتحت وقالت....

ريهام
حماتك جوه يا مدام؟..

اتنهدت هاجر بضيق وقالت
ايوه اتفضلي، بس مازن مش موجود علي فكره..

_ قالتلها هاجر كده وبصتلها من فوق لتحت بقرف وبعدين دخلت المطبخ، وريهام دخلت وقعدت مع هناء..

ـــــــ #بقلم_الكاتبه_رحاب_القاضي ـــــــ 
_ وفي بيت صبري، كانت شهد قاعده في اوضتها مدايقه ودخل عندها صبري بعد ما خبط وقال..

صبري پحده 
قاعده زي اللي وليه اللي بيتها خربان كده ليه يا بت؟..

شهد بدموع
كمان اقعدلك ازاي عشان ترضي؟.  

دخلت زهره وقالت
يا بت ردي كويس علي اخوكي هو قصده يعني قومي خدي دوش كده وظبطي نفسك عشان العريس اللي جاي بالليل...

_نزلت دموع شهد وسكتت، وصبري دخل وقعد قصادها وقال بضيق...

صبري 
تقيل عليكي تريحي اخوكي يا شهد، بقي ده منظر عروسه النهارده احتمال كبير تبقي قراية فاتحتها..

شهد بصتله وقالت پحده 
بلاش والنبي الشويتين دول وتيحي تعمل فيها اخويا الكبير وسندي والجو ده، عشان انت عمرك ما كنت ليا اخ ولا سند اتسند عليه بعد. ربنا انت طول عمرك شيطان بالنسبالي..

صبري بعصبيه
انا يا شهد ده بيطلع عين اهلي عشانك انتي وابني وبقول بنتي مش اختي..

_قام وفتح الدولاب بتاعها وطلع هدومها كلها ورماهم في وشها وزعق فيها وقال..

صبري
انا ببقي واقف علي رجلي اليوم كله والله واعلم بحالي وبجيبلك اللي نفسك فيه ما فيش واحده في الحته عندها ربع اللي عندك وبتحرقي دمي وبتطلعي بالاسود في اسود زي الفقر، زعلانه يا اختي عشان كنت بقولك ما تطلعيش كتير ما تروحيش عند صحابك وهما اللي يجولك...

اتملت عيونه دموع وقال
ما انا لو كنت بعمل كده عشان كنت خاېف عليكي 
لو كانت حصلتلك حاجه ما كنتش هقدر احميكي ولا اجيبلك حقك وانا في الدنيا دي بطولي لا ليا قريب ولا غريب ارمي عليه همي..

زهره بحزن 
خلاص يا صبري ورحمة ابوك وامك خلاص الناس تقول علينا ايه بس واحنا كل يوم والتاني صوتنا طالع كده..  

صبري پحده 
اسمعي يا بت انتي انا تعبت منك الناس بالليل هيجو وهتقابليهم وتفردي خلقة اهلك دي والجوازه هتم يا شهد برضاكي او ڠصب عنك هتم..

_ قال كلامه وطلع وراحت وراه زهره وشهد فضلت ټعيط بقلة حيله...

ـــــــ #بقلم_الكاتبه_رحاب_القاضي ـــــــ
_ وفي الحاره كان مازن قاعد علي القهوه وبيحاول يكلم ولاء بس مش بترد لا علي مكالماته ولا رسايله، وجنبيه كان قاعد يوسف اللي جه يونس وقعد جنبيه وقال...  

يونس
مزعل امك ليه يااه؟..

يوسف بضيق
يعني مش عارف ليه يا يونس؟..

يونس
وفيها ايه يا عم اما تقولي انها محتاجه مبلغ عشان تكمل جهاز اختك، هو انا مش اخوك ياد ولا ايه؟..

يوسف بضيق 
بس مش بالطريقه دي يا يونس مش كفايه اللي جيبته ولا الحاجات اللي بتبعتها كل شهر..

يونس پحده 
وربنا يا يوسف لو اتكلمت كده تاني ليبقي اخر ما بينا يا جدع، انت اخويا يااه واخويا الوحيد كمان..

بص يوسف لمازن اللي سرحان في موبيله وقال
اخوك ده بصراحه شايف نفسه اووي، تقول يا اخي اللي خلقه ما خلقش غيره.  

اتنهد يونس وقال
وحياتك علي الفاضي ده مصېبه ده وو..

_ سكت لما شاف احمد خطيب نور وقف بعربيته الغاليه جداً تحت بيت نور وطلع منها وكان لابس نضارة شمسيه وباصص في موبيله..

يوسف بقلق
طيب ما تيجي نمشي من هنا ونروح الموقف..

يونس بصوت عالي
هاتلي شاي وشيشه من عندك يا ابني..

_ بصله مازن بأهتمام وبص لاحمد اللي واقف مستني نور وفضل متابع اللي بيحصل باهتمام.. وكان جنبيهم قاعد علي ابن عم بطه بنت عظيمه ومعاه كمال ابن رضوان الحديدي اللي يونس اټخانق معاه يوم فرحه وقال..

كمال
شايف قاعد زي خيبتها ازاي بعد ما البت اديته علي قفاه..

علي
بقولك ايه خلينا في حالنا بلاش مشاكل..

كمال 
اقسم بالله حامد الصاوي ما خلف رجاله اذا كان يونس ولا اخواته الشيخ والواد الطري اللي قاعد ده..

_ كان مازن هيقوم يتخانق معاه بعد ما سمع كلامه، بس لقي كمال قام وقرب من احمد وقاله..

كمال 
اهلا اهلا بالعريس منور الحته والله..

احمد 
اهلا يا حبيبي..

كمال 
والله انت هتتجوز ست بنات الحته كلها، ادب واخلاق وجمال وعلام كمان..

احمد 
اكيد طبعاً..

_ ونزلت نور من غير ما تبص لحد واحمد فتحلها باب العربيه وركبت وهو كمان ركب من الناحيه التانيه ومشي، وكمال فضل يضحك اووي وكان معدي من قدام يونس اللي حط رجله قصاده ووقعه علي الارض..

قام كمال وقال بعصبيه
انت اټجننت ايه اللي عملته د...

_ قبل ما يكمل كلامه وقف يونس ومسكه من هدومه وخبطه بضهره في الحيطه وطلع المطوه بتاعته وحطها علي رقبة كمال وقال پحده..

يونس
جو التلقيح بالكلام ده يا حيلتها بتاع النسوان، وتعمله علي اي حد الا يونس الصاوي...

كمال پخوف 
ابعد السلاح يا يونس رقبتي اتعورت..

يونس پغضب
وهقطعهالك خالص لو اتكررت والكلام للكل اللي قد ربع كلمه تتقال علي المعلم يونس الصاوي يوريني نفسه..

_ الكل سكت ويونس زق كمال اللي وقع علي الارض وبص لمازن اللي كان باصلله ومبتسم من غير ما ياخد باله وقال.

يونس پحده 
مفهوم الكلام؟..

مازن بتوتر
ااا انا جيبت سيرتك اصلا يا عم..

_ سابه يونس وراح قعد جنب يوسف اللي كان بيشرب الشاي بتاعه بهدوء وقاله..

يونس
متربي انت مش كده؟...

يوسف
لا الاكشن ده ماليش فيه لو عايزني معاك اشتم وازعق اوكي غير كده مش هتلاقيني..  

_ ضحك يونس هو ويوسف وبص بطرف عينه لمازن وابتسم بهدوء..

ـــــــ #بقلم_الكاتبه_رحاب_القاضي ـــــــ
_ في الفيلا اللي فيها بيت احمد، كانت نور قاعده معاه هو ومامته..

ثريا 
احمد سيبنا لوحدنا شويه..

احمد بقلق
طيب يعني نور..

ثريا پحده 
احمد اسمع الكلام انا عايزه اتكلم معاها واحنا لوحدنا...

_قام فعلا احمد مشي ونور كانت متوتره جدا ونظرات ثريا الثابته ليها خوفتها اكتر...

ثريا 
حلو الخاتم الالماظ ده، احمد ابني ذوقه حلو اووي في المجوهرات..

نور ردت عليها وقالت
اا ايوه فعلا..

ثريا بجمود
انا ايه اللي يخليني ارضي بوحده زيك لابني؟..

بصتلها نور بدموع فضحكت ثريا وقالت
هههههه ما تخافيش انتي هتتجوزيه لانه عايزك، بس هتتجوزيه بشروطي انا...

نور بقلق
شروطك ازاي بعني انا مش فاهمه حضرتك؟..

ثريا بثبات 
الاسطي فايز الست فايزه دول ما يدخلوش بيتي ولا يظهرو لاي حد من معارفنا..

ادايقت نور وقالت
ازاي يعني دول اهلي، انتي عايزاني اتبري منهم يعني...

ثريا پحده 
ما تقاطعنيش تاني وانا بتكلم، بصي يا نور انتي جميله ومتعلمه وتنفعي تكوني مرات الدكتور احمد رياض بس انتي لوحدك من غير اهلك، انا مش همنعك تزوريهم بس في الوقت اللي انا اقول عليه لكن قدام معارفنا انتي اهلك ميتين...

نور بضيق 
بس يعني الفرح وو وهما لما يحبو يطمنو عليا اا..

ثريا بهدوء
هتبقي مرات احمد رياض وهتبقي من احسن واغني البنات في مصر لبسك وشكلك ومكانتك كل حاجه خاصه بيكي هتتغير...

اتملت عيون نور دموع وثريا كملت كلامها
فكري يا نور دلوقتي فكري وردي عليا، بس افتكري ان الفرصه بتيجي مره واحده في العمر..

مسحت نور دموعها وقالت
انا موافقه، المهم عندي اكون مع احمد..

ابتسمت ثريا وقالت
برافو عليكي تبلغي اهلك بقي انك هتيجي عندنا من بكره عشان نعرفك علي قرايبنا ومعارفنا وبعدين نعمل الفرح...

بصت نور للخاتم اللي في ايدها وقالت
حاضر يا طنط..

قامت ثريا وقعدت جنبيها وقالت
لا لا انا من النهارده ماما وتسمعي كلامي في اي حاجه بقولك عليها ماشي يا حبيبتي..

نور حاولت تبتسم وقالت
حاضر يا ماما..

ـــــــ #بقلم_الكاتبه_رحاب_القاضي ـــــــ 
_ وبالليل في بيت شهد كانت واقفه قدام المرايه وباصه لنفسها وهي لابسه فستان بسيط من اللون الموف وحاطه حجابها ودخلت عندها زهره وقالت وهي مبسوطه..

زهره 
اقسم بالله انتي لما هتشوفي العريس هتنسي اي رفض وهتقولي جوزوني بكره..

كانت شهد ساكته وقربت منها زهره وقالت
يا بت مالك بقي كفايه يا شهد ليه بتعملي فينا كده يا بنتي احنا عايزين نفرح بقي..

شهد بدموع 
نصيبي يا زهره ما اشوفش فرح هطلع دلوقتي اسلم عليهم ولا امتي..

زهره
تعالي الاول احطلك شوية مكياج عشان يداري الكدمات اللي في وشك دي..

_ وبره كان قاعد يونس مع صبري وحامد وعظيمه وجنبيه بطه اللي كل شويه تقرب منه وتقول..

بطه 
مبروك يا يويو..

يونس بغيظ
عارفه يا بطه لو ما اتلمتيش هنفخك اخرسي خالص..

بطه بقلق
انت اتحولت كده ليه خلاص سكت، اهي العروسه طالعه...

_ بصلها يونس پحده وبعدين بص ناحية شهد واول ما شافها ابتسم تلقائياً وبطه قالتله..

بطه 
مزه العروسه مش كده...

يونس پحده 
لينا بيت هنروح فيه يا بطه بس اللي ما يزعلش..

بطه پخوف
والله العظيم ما هفتح بوقي تاني..

عظيمه وهي بتحضن شهد 
الله واكبر الله واكبر تعالي سلمي علي عمك وعريسك شايف الحلاوه والجمال يا حامد..

سلمت شهد علي حامد اللي قالها
بسم الله مشاء الله ليه الحق اخوكي يقفل عليكي وما يخليش حد يشوفك..

_ابتسمت شهد بمجامله واول ما عينها جات علي يونس وقفت مكانها وصبري قال..

صبري بقلق
سلمي علي يونس يا شهد..

وقف يونس ومد ايده وقال
ازيك يا شهد...

_ سلمت عليه بطرطيف صوابها وراحت قعدت بسرعه جنب زهره، وهو كتم ضحكته علي تصرفاتها وقعد مكانه تاني..

حامد بصله بخبث وقال
انا بقول نقرا الفاتحه وبعدين نتفق كده كده مش هنختلف علي حاجه..

صبري ابتسم وقال
اللي تشوفه يا حج حامد نقرا الفاتحه..

_ بدأو كلهم يقرو الفاتحه معادا شهد اللي اتوترت اكتر وكانت مدايقه جداً، ورفعت عينها وبصت ليونس اللي هو كمان بصلها وغمز من غير ما حد ياخد باله فبصت بسرعه للارض ووشها قلب احمر...

عظيمه
قومي يا بطه مع خطيلة اخوكي واقعدو في البلكونه شويه وانت يا يونس روح معاهم وسيبونا احنا بقي الكبار مع بعض ده بعد اذنك يا اسطا صبري..

صبري بص لشهد بقلق وقال
البيت بيتكم يا ست الناس اتفضل يا معلم يونس..

_ قامت شهد وراحت بطه مسكت في دراعها وقالت  بحماس..

بطه 
تعالي بقي انا عايزه اتكلم معاكي في حاجات كتير...

_ ودخلو هما التلاته البلكونه...

ـــــــ #بقلم_الكاتبه_رحاب_القاضي ـــــــ
_ وفي بيت الشيخ محمد اتعشو كلهم مع بعض وقالت وهاجر..

هاجر
دقيقه واحده يا محمد هعملك الشاي..

هناء قامت وقالت
لا يا حلوه اقعدي انتي، ابني تلاقيه وحشو الشاي بتاع مامته وانا اللي هروح اعمله كوباية شاي مش لون شاي زي اللي بتعمليه..

قعدت هاجر وقالت 
طيب يا حماتي اذا كان كده بقي اعمليلنا كلنا شاااي..

هناء قعدت وقالت 
ليه ان شاء الله هو انتي فاكراني شغاله عندك، مش هعمل شاي لحد..

وقف محمد وقال
خلااص انا هقوم اعمل الشاي وجااي..

دخل محمد المطبخ وهناء قالت لمازن پحده
انت مرزوع عندك ليه اتنيل قوم لم الاكل ده...

مازن بضيق
في ايه يا ماما ما قدامك هاجر اهي هتقوم تلمه دلوقتي..

زعقت فيه هناء وقالت
هي هاجر دي الشغاله اللي جبهالك اخوك ما انت قبل ما تيجي هاجر كنت بتعمل كده، اتنيل قوم لم الاكل يلا ويكون في علمك لا انا ولا هاجر في الاجازه هنعملك حاجه...

مازن بضيق
يعني ايه بقي الكلام ده؟..

هناء پحده
يعني مش اكل ومرعي وقلة صنعه المصروف مش هتاخده عايز فلوس انزل اشتغل مع اخوك وكل يوم زيك زي اللي شغالين عنده ولو عايز شاي او حاجه تعملها لنفسك..

مازن بضيق
ماشي يا ماما اللي عايزااه..

_ وقام فعلا مازن عشان يشيل الاكل وقعدت هناء مدايقه، قربت منها هاجر وقالت...

هاجر
مالك يا طنط في حاجه غريبه معاكي..

هناء بدموع وصوت واطي
الصبح كنت بروق اوضة البيه ولقيت عنده تحت المرتبه سجارتين حشېش عرفتهم لاني كنت بشوف الحاجات دي عند ابوه زمان..

هاجر پصدمه 
يا نهار مش فايت طيب انتي هتعملي ايه هتقولي لمحمد؟ ..

هناء بسرعه قالت
لا لا لا محمد ايه اللي اقوله ده كان يشرب من دمه، الواد خرب يا هاجر لا بقي بيصلي ولا بيذاكر وموبيله كله محادثات مع بنات وحاجه تقرف واخرها اللي قولتهولك ده..

هاجر بضيق
طيب ما انتي كده لازم تقولي لمحمد عشان يشد عليه شويه..

هناء بهدوء
مش محمد اللي ينفع في الموقف ده، انا اتصرفت وروحت للي يقدر يساعده..

هاجر بفضول 
مين روحتي للاكس ولا ايه؟..

هناء بعدم فهم
مين هو الاكس ده ان شاء الله؟..

هاجر غمزتلها وقالت
حمايا العزيز الراجل واقع عليكي يا حماتشي حتي وانتي قلبوظه في نفسك كده..

اتوترت هناء وقالت 
انتي ايش دخلك اصلا اوعي كده من وشي...

_ دخلت هناء بسرعه اوضتها ومازن طلع من المطبخ وطلع بره البيت وهو مدايق، ومحمد قعد جنب هاجر وقال..

محمد
هما نامو اومال انا عامل الشاي ده كله لمين..

هاجر
انا هشربه مدام جايب كيك معاه..

محمد
هتشربي تلات كوبيات شاي يا هاجر..

هاجر بضيق 
ما كنتش بخيل لما اتجوزتك يا محمد في ايه؟..

محمد قرب منها وقال
انتي عارفه اكتر حاجه بحبها فيكي لما تنطقي اسمي بيكون بطريقه مختلفه كده..

هاجر بتوتر
احمم ودي بس بقي اللي بتحبها فيا..

محمد ابتسم وقال
لا هو في كتير بس احنا في الصاله وفي شقة امي واخده بالك انتي..

بعدت عنه هاجر وقالت
والله طيب اوعي بقي، وبعدين انت هتصلحلي موبيلي امتي؟..

محمد
وديته للراجل وقالي بكره اخده منه..

هاجر بخبث
طيب عايز فلوس يعني انا معايا المرتب بتاعي..

محمد پحده 
بس يا عسل اسكتي، قوليلي صح ولاء اختك عامله ايه؟..

اتنهدت هاجر بحزن وقالت
ماما بتقول بقالها فتره لا بتخرج ولا بتقابل حد ولا قابله كلام من حد اصلا.  

محمد 
بصي افضي كده وتخليها تيجي هنا او نتقابل في اي مكان بره وعايز اتكلم معاها ممكن؟..

هاجر ابتسمت وقالت
حاضر يا شيخ محمد..

ـــــــ #بقلم_الكاتبه_رحاب_القاضي ـــــــ 
_ وفي بيت صبري كانت شهد ويونس قاعدين في البلكونه ومعاهم بطه اللي قالت..

بطه 
قوليلي بقي يا شهد انتي واخده ايه تعليم؟..

شهد بتوتر
اا ثانويه ازهريه...

بطه 
وما كملتيش ليه، ما جيبتيش مجموع يعني؟..

_كان يونس مركز عليها وده موترها اكتر، وردت علي بطه وقالت...

شهد 
لا اا انا كنت طالعه الاولي علي المعهد الازهري كله بس صبري اخويا شاف اني اقعد في البيت احسن..

بطه بصت ليونس وقالت
طيب انا هرد بقي علي رسايل صحابي علي الموبيل وهحط السماعه في ودني لو عايزين تتكلمو اتكلمو مش هكون سامعه حاجه..

يونس بجمود
براحتك خالص قربنا نروح اهوو..

بطه پحده 
هو انا عملت حاجه دلوقتي ايه الظلم ده..

يونس پحده 
اتلمييي ومبرطميش كده احنا في بيوت ناس، بس نروح البيت يا بطه..

_ حطت بطه السماعه في ودنها وشهد كانت بتبص ليونس بقلق وخوف من طريقته وهو بصلها وقال..

يونس
العفريت ما ظهرش تاني؟...

_ابتسمت شهد ڠصب عنها وردت عليه بكل هدوء وقالت..  

شهد
لا..

يونس 
طيب كويس هو انتي كنتي تعرفيني مش كده؟..

شهد بسرعه 
لا والله العظيم انا ما كنتش اعرفك، انا اصلا مش بخرج كتير من البيت فمعرفش حد...

يونس بجمود
كويس برضو انك ما تعرفيش حد...

_ وسكت يونس وهي كمان سكتت وطلعو بعد شويه بره وحامد وقف وقال لصبري..

حامد
كده اتفقنا يا صبري يا ابني الخميس الجاي يونس ياخد عروسته والست ام اسر ويجيبو الدهب ونكتب الكتاب بالليل...

يونس قال بسرعه
والخميس اللي بعده الفرح..

_ الكل سكت وبصوله پصدمه وعدم فهم اللي قاله، وخصوصاً شهد اللي الخۏف سيطر عليها اكتر...

حامد 
يا ابني احنا اتفقنا علي كتب كتاب عشان يقدرو يظبطو حالهم..

يونس بجديه 
وانا مستعد اجيب كل حاجه بس الفرح يبقي مع كتب الكتاب كمان، واللي تحتاجه يا اسطا صبري انا تحت امرك فيه..

_جات شهد ترفض بس صبري مسك ايدها جامد وقال بسرعه..

صبري
وانا موافق اصلا ام اسر مكفياها جهاز من كل حاجه مش فاضلنا غير حاجات بسيطه يبقي الخميس الجاي كتب الكتاب واللي بعده الډخله..

_ فضلت زهره وعظيمه يزغرتو ويونس بص لشهد اللي الدموع ملت عيونها وبان اووي عليها الانزعاج...

ــــــــــــــــــــــــــــــــــــــــ 
_ وفي بيت الشيخ محمد كانت الساعه اتنين بعد نص الليل وكان محمد نايم وهاجر جنبيه وسمعو صوت صويت عالي جاي من بره، وقامو هما الاتنين مفزوعين..

هاجر پخوف
في ايه مين اللي بيصوت كده؟...

قام محمد وقال وهو رايح للبلكونه
مش عارف مين اللي بيصوت كده...

_ وبعد اقل من دقيقه طلع من البلكونه بسرعه وطلع بره الاوصه وقامت هاجر وقالت بقلق..

هاجر
استني يا محمد قولي في ايه...

رد عليها محمد وهو نازل بسرعه
المحل بتاعي بيولع تحت يا هاجر...

هاجر پصدمه وخوف
ايييه؟؟!..

_ تفتكرو بقي مين اللي عمل كده في محل محمد؟ 
_وايه السر اللي شهد مخبيااه؟..

ـ نتقابل الحلقه الجايه..

#موضوع_عااائلي
_الحلقه الثانثة عشر
ـــــــ ـــــــ ـــــــ ـــــــ ـــــــ ـــــــ 
قعد محمد علي عتبة بيتهم وبص للمحل بتاعه اللي كل حاجه فيه اتح*رقت وغمض عينيه وقال..

محمد
الحمد لله علي كل حال، الحمد لله...

وقف مازن جنبيه وقال
بيتنا اتخرب يا محمد خلاص...

قام محمد وطلع فوق وهاجر قالت لهناء
خلاص بقي يا طنط شوفتي حالة محمد عامله ازاي بلاش تزوديها عليه..

هناء مسحت دموعها وقالت
الحمد. لله.. الحمد. لله جات في التراب وما جاتش في ولادي الحمد. لله، انتي واقفه جنبي ليه روحي لجوزك ما تسيبهوش لوحده يلا...

_سمعت هاجر كلامها وطلعت فوق، وقربت ريهام من مازن وحطت ايدها علي كتفه وقالت...

ريهام 
ما تزعلش يا مازن الحمد لله جات سليمه يا حبيبي..

_شال ايدها من علي كتفه وجه يمشي بس هناء مسكته من دراعه جامد وقالت..

هناء
رايح فين وسايبنا كده هو ده وقت صرمحه..

مازن پحده 
رايح ابلغ عن اللي عمل كده يا ماما...

هناء بقلق
انت تعرف يا واد. انت مين اللي عمل كده؟..

مازن پغضب
ايوه عارف هيكون من غيره البلطجي الصايع ابن حامد، هو الوحيد اللي مغلول من محمد اخويا وبيحب يأذيه..

هناء بعصبيه 
ما تقولش كده تاني، مهما كان انتو اخواته هو مش هيعمل كده اكيد  حد تاني..

مازن ذق ايدها وقال
بلاش تكدبي علي نفسك لا هو بيعتبرنا اخواته ولا احنا هنعتبره اخونا ابدا...

قال كلامه ومشي وهناء عيطت وقالت
يا ربييي اروح فين ولا اعمل ايه دلوقتي..

ريهام 
بس يا هناء ما ينفعش كده ما تشمتيش فيكي حد. وتعالي نطلع نقعد فوق....

_ وفوق دخلت هاجر اوضتها هي ومحمد ولقيته لابس وخارج..

هاجر
ايه ده انت رايح فين دلوقتي؟..

محمد بجمود. 
الفجر علي اذان كفتيه القيام راح عليا النهارده هروح الحق اصلي الفجر..

مسكت هاجر ايده وقالت
بلاش تكتم جواك يا محمد قول انك زعلان ولو عايز ټعيط عيط انا مش هقول لحد...

ابتسم محمد ورد عليها وقال بدموع
تصدقي لو قولتلك اني بعد ما قولت الحمد لله حسيت نفسي احسن، ربنا كرمني وجيبت المحل وعملته وكبرته بأذنه برضو واللي حصل ده بأذنه برضو حصل اللي حصل ده وانا متاكد. انها هتتحل وهتتعدل بصبري ويقيني ان ربنا هيعديهالي لانه قال في كتابه المجيد بسم الله الرحمن الرحيم "وبشر الصابرين الذين اذا اصابتهم مصېبه قالو ان لله وان اليه راجعون"...

حضنته هاجر وقالت وهي بټعيط 
انت راجل عظيم يا محمد انا كل يوم معاك بتعلم منك حاجه جديده واحلي من اللي قبلها بجد من حسن حظي اني بقيت مراتك..

بعدها محمد عنه ومسحلها دموعها وقال
انا اللي من حسن حظي ان ربنا بعتلي زوجه قلبها طيب زيك، المهم ما تشغليش بالك بحاجه..

هاجر بقلق
طيب انت هتعمل ايه دلوقتي؟..

اتنهد محمد وقال
هروح اصلي واقرأ الورد بتاعي وهروح شركة التامين اشوف حل..

هاجر 
طيب تفتكر مين اللي عمل كده؟...

محمد بحزن 
نفسي ما يكونش يونس ومش عايز اظلم اي حد واقول ان هو اللي عمل كده، بس الايام هتبين مين اللي عمل كده..

هاجر بهدوء
يونس اخوك قرا فاتحه امبارح علي فكره..

محمد
وانتي عرفتي منين حاجه زي دي؟..

هاجر 
ما هو خطب شهد صحبتي الانتيم وكده، بصراحه البنت خساره فيه وربنا يستر..

محمد
ربنا يتممله علي خير، خليكي مع امي يا هاجر معلش واتحمليها شويه..

هاجر
حاضر يا محمد من عينيا ما تقلقش عليها...

_ مشي محمد وهاجر قعدت وافاكرت يونس وتصرفاته وقالت لنفسها پخوف..

هاجر
انتي كنتي ناقصه يا شهد ده بني ادم زي الشيطان ومش هيفهم ولا هيقدرك ولا هيقدر اللي حصلك...

ـــــــ #بقلم_الكاتبه_رحاب_القاضي ـــــــ 
ـ والصبح في بيت نور دخلت فايزه البيت وهي جاببه الفطار وقالت...

فايزه
نووور انتي يا بت فينك؟..

طلعت نور من اوضتها وقالت 
اديني يا ماما نعم. في ايه؟..

فايزه بضيق
هو انتي ما تعرفيش مش يونس خطب امبارح والاسبوع الجاي هيكتب كتابه..

ادايقت نور وقالت
والله؟!  وخطب مين ان شاء الله بالسرعه دي..

اتنهدت فايزه بغيظ وقالت
واحده من منطقه جنبينا بس اللي سمعته حړق دمي بيقولو عليها حلوه والكل بيحلف بجمالها وكمان متعلمه واخده ثانويه ازهريه باين..

لوت نور بوقها بسخريه وقالت
هه اخره بعد مني باخد واحده بالمستوي ده...

فايزه 
تعالي افطري الاول هو انتي رايحه الكليه النهارده ولا ايه؟..

نور بجمود
لا يا ماما مش رايحه الكليه انا ماشيه..

_قالت كلامها ودخلت اوضتها وراحت وراها فايزه ولقيتها فعلا بتلم في هدومها...

فايزه بقلق
انتي بتعملي ايه وماشيه رايحه فين؟..

نور بتوتر
رايحه بيت احمد هقعد هناك...

فايزه پحده 
وحياة امك ده بامارة ايه ده انتو لسه مخطوبين...

نور 
ما انا هروح اقعد. عندهم لحد. الفرح يا ماما..

فايزه 
ده اللي هو ازاي من امتي العروسه هي اللي بتروح للعريس مش واجب يجو ياخدوكي من بيت ابوكي...

نور بسخريه
لا والنبي لا حوش السرايا اللي هيجو ياخدوني منها، بقي انتي عايزه عيلة احمد اللي هما من اغني ناس في مصر يجو حارة الصاوي عشان ياخدوني..

فايزه بضيق 
طيب استني حتي قبل الفرح بيوم نروح هناك...

نور بدموع
لا ما انا هروح لوحدي هما عايزني انا بس الدكتوره نور بس..

فايزه بعدم تصديق
وانا وابوكي يا نور، ده انا هو ما حيلتناش غيرك وبنتمني اليوم اللي نفرح بيكي فيه..

نور بحزن 
ما انا هبقي اجي ازوركم كل فتره بس هما مش عايزين حد معايا منكم...

فايزه پبكاء
لا والنبي وانتي رضيتي باللي هما طلبوه ده، طيب ولو حد. سألك علي اهلك يا هانم هتقوليلهم ايه؟..

نور بدموع وتوتر
مم مش موجودين يعني حاجه زي كده..

فايزه بحزن
قولتي علينا موتنا، مۏتي ابوكي وامك بالحيا يا نور انتي اييه ايه الطمع اللي جواكي والجحود ده..

نور پبكاء
انا بفكر بعقلي يا ماما، انا لا ده مكاني ولا العيشه دي تنسابني...

قربت من امها ومسكت ايدها وقالت
انا هجيلكم وهجيب حاجات كتير وقريب اوي هجيبلكم شقه بعيد عن المنطقه دي وو..

ذقتها فايزه وقالت
مش عايزه منك حاااجه، ياريتني ما خلفتك يا نور، انا كان اهون عليا يتقال دي ست عاطله ولا اني كنت خلفتك واتوجعت منك كده يا بنتي، امشي من هنا واياكي تيجي هنا تاني وانا اللي هعتبرك مېته مش انتي...

_ قالت كلامها وسابتها وطلعت ونور مسحت دموعها واخدت شنطة هدومها ومشيت....

ـــــــ #بقلم_الكاتبه_رحاب_القاضي ـــــــ
_ في بيت حامد الصاوي صحي يونس وطلع بره اوضته ولقي حامد قاعد بيفطر لوحده...

يونس
صباح الخير يا حج حامد..

حامد 
صباح النوم اقعد افطر، هااتي شاي ليونس يا عظيمه..

ردت عليه عظيمه من جوه المطبخ وقالت
حاضر يا حج من عينيا...

بصله حامد وقال
انا عايز افهم بقي ليه الاستعجال ده في موضوع جوازك من اخت صبري..

يونس حط لقمه في بوقه وقال
قصدك شهد؟...

بصله حامد بضيق، وضحك يونس وقال
عادي من ناحيه عايز اتجوز ومن ناحيه عايز اسكت اي حد بيتكلم في ضهري انها سابتني واتجوزت بيه من اللي فوق..

حامد بضيق
بس ما تعملش كده علي حساب نفسك وحساب البت اللي هتربطها بيك وفي الاخر لما تاخد غرصك منها وتعمل اللي عايزه تسيبها..

يونس 
ومين قالك بقي اني هطلقها؟...

حامد بخبث
البت حلوه مش كده، شوفت انا عينيك اللي منزلتهاش من عليها طول ما احنا قاعدين، بس بالسرعه دي...

يونس اتنهد وقال
لا ما انا ما كنتش ببص بالطريقه اللي انت فاهمها دي يا حج، يعني انت ما حستش انها مدايقه مش طايقه القعده كانت..

حامد 
لا لا تلاقيها مكسوفه مش اكتر، المهم انت لو اتجوزتها مش هطلقها يا يونس ولا هتظلمها انا مش عايز اشيل ذنب حد..

ابتسم يونس وقال
ما تقلقش يا حج هقعدهالك في ارابيزي العمر كله...

_ وفجأه الباب خبط جامد وطلعت عظيمه من المطبخ وبطه من اوضتها ويونس قال پحده..

يونس 
واقفين ليه كده ادخلو جوه لحد. ما افتح واشوف مين اللي بيخيط كده..

_راح يونس فتح وكانت الشرطه واول الظابط ما شاف يونس قال..

الظابط 
هاتوه يلاا...

يونس پحده 
ايييه يا عمم هي سويقه وايه اللي هاتوه دي..

الظابط پحده 
عممم انت مين يالاا عشان تكلمني كده؟..

طلع حامد وقال
خير يا حضرة الظابط داخلين علينا زي القضا المستعجل كده ليه؟...

الظابط 
امم لا واضح ان زي ما سمعت المنطقه هنا مالهاش كبير ولا حد عارف يحكمها..

يونس پغضب 
انت هتلبخ في الكلام ولا ايه؟..

الظابط پحده 
انت ازاي تتكلم معايا كده وحياة امي لوديك في داهيه هاتوه يلاا..

بصو العساكر بقلق لحامد اللي قال
اللي وراك دول كلهم حبايبي وزي ولادي وانت بالراحه كده يا باشا شكلك لسه متعين جديد وما تعرفش الدنيا هنا ماشيه ازاي، ممكن تقولي انت جاي تاخد المعلم يونس ليه؟..

اتنهد الظابط بضيق وقال
في بلاغ متقدم ضده من مازن حامد الصاوي اخوه بأنه حر*ق السوبر ماركت بتاعهم..

بص حامد پحده ليونس اللي قال
انت بتبصلي كده ليه، انا ما عملتش كده..

الظابط 
الكلام ده تقولو في النيابه يا حبيبي..

حامد بجمود 
خدوه  ولو كنت انت اللي عملتها فعلا يا يونس والله ما تعرف انا هعمل فيك ايه...

يونس بجمود
عارف الغلط فين يا حامد يا صاوي، فيا كالعاده اني توقعت منك حاجه تانيه غير اللي بتعملها...

الظابط پحده للعساكر
هتفضلو تتفرجو علي الفيلم ده كتير ما تجيبوه يلاا..

ـ واخدو فعلا يونس ومشيو وحامد دخل قعد علي الكنبه وحط راسه بين ايديه وقالت عظيمه پحده...

عظيمه 
شايف هناء وولادها بيعملو ايه، ابنك لسه عريس وبيفرح يعملو فيه كده حسبي الله ونعم الوكيل فيهم..

حامد پحده 
عظييييمه يونس ابني ومحمد ومازن ولادي واللي مش هقبله علي يونس مش هقبله علي واخواته..

بطه بدموع
عمي حامد معاه حق يا ماما، بس يونس اخويا ما يعملش كده يا عمي والله...

قام حامد ومسح دموع بطه وقال
اخوكي لو ما عملش كده هيعرف يطلع نفسه، يونس ما يتخافش عليه ده لو اتحط وسط الڼار هيطلع منها سليم ويقولك انا كنت قاعد في تكييف..

ابتسمت بطه وهو كمل كلامه 
يلا روحي كملي لبسك عشان تروحي مدرستك يلاا...

ـــــــ #بقلم_الكاتبه_رحاب_القاضي ـــــــ
_ وبالليل في فيلا اهل احمد، كانت نور واقفه قدام المرايا بتبص لنفسها بأعحاب ورضا وهي لابسه فستان غالي وقلعت الحجاب بتاعها وفارده شعرها علي ضهرها وخبط احمد علي الباب ودخل وقال..

احمد
واااو ايه القمر ده..

نور ابتسمت وقالت
بجد يا احمد شكلي حلو، يعني اشرفك النهارده..

قرب منها احمد وقال
انتي تشرفي بلد بحالها يا نور، كفايه التضحيات اللي عملتيها عشاني وعشان ترضي ماما..

نور 
ومستعده اعمل اكتر من كده عشان بس اكون معاك..

احمد باس ايدها وقال
وانا اوعدك انك هتكوني معايا اسعد واحده في الدنيا، انا هروح اشوف الدنيا تحت وارجع اخدك اووكي..

نور 
حاضر تمام..

_ نزل احمد ونور فتحت موبيلها وبصت لصورة يونس اللي محتفظه بيها واتملت عيونها دموع وقالت...

نور بحزن 
هنساك يا يونس، انت ما ينفعش تكون في حياة نور الجديده ولا في تفكيرها اصلا...

ـ دخلت عندها في الوقت ده من غير ما تخبط ثريا وبصتلها برضا وقالت..

ثريا 
تمام كده شكلك معقول وكويس وسمعتي كلامي وقلعتي البتاع اللي كان علي راسك ده..

نور بهدوء
انا بسمع كلام. حضرتك عشان يشرفني اني في يوم اكون زيك..

ثريا 
عجبتيني ردودك حلوه ومقنعه، قوليلي صح مين يونس؟...

اتوترت نور وقالت
يي يونس مين؟..

ثريا بجمود. 
مش مهم يونس مين المهم انك فعلا تبقي دينا بتقولي يونس مين ما تعرفيش حد بالاسم ده لان ولد زي ده ما يتقارنش باحمد ابني لمجرد انه كان خاطبك..

نور بدموع
معاكي حق هو ما يتقارنش بحد فعلا..

ثريا بخبث
هو مين ده بقي اللي ما يتقارنش بحد...

نور بصت للارض وقالت
اا احمد طبعا..

ثريا
كده تمام يلا بينا ننزل...

نور
بس احمد قال انه هيجي ياخدني ننزل سوا..

ثريا ابتسمت وقالت
انا هنا اللي اقرر والكل يقول حاضر يا حبييتي  ، يلا بينا...

ـــــــ #بقلم_الكاتبه_رحاب‌_القاضي ـــــــ
_ في بيت الشيخ محمد كانت هاجر بتكلم شهد في الموبيل وبتقولها..

هاجر
يا بنتي بقولك والله العظيم الموبيل كان بايظ ولسه جايبهولي محمد من شويه كنت هقولك ازاي يعني..

شهد بضيق
بجد. ربنا يصبرك انتي وجوزك علي البلاء ده، بس ما عرفتوش يعني مين اللي عمل كده؟..

هاجر بقلق
اقولك الصراحه هو الكل هنا شاكك في يونس..

شهد پحده
لا طبعا يونس ما يعملش كده..

هاجر بسخريه
لا والنبي محسساني البنت انها متربيه معاه، شهد فوقي الواد ده صايع ومش ساهل اقسم بالله وانتي لازم تبوظي الجوازه دي اصلا والا هتحصلك حاجه بجد لو ما كانتش منه هتكون من اخوكي...

شهد بدموع
ما اقدرش يا هاجر ابوظها صبري ماسك فيهم بايده وسنانه، بس انا قررت امشي في الموضوع زي ما هو ماشي واللي يحصل يحصل..

هاجر بحزن
المشكله لا اخوكي هيصدق انك مظلومه ولا حتي اللي اسمه يونس ده الاتنين متخلفين، بقولك ايه ما تجيلي يا شهد هنا ولا مش هينفع..

شهد 
لا ينفع عادي اصلا صبري طول ما الجوازه ماشيه تمام سايبني براحتي...

هاجر
تمام هستناكي بكره بقي انتي والبت ولاء عدي عليها وهاتيها وتعالي..

شهد 
ماشي يا قلبي يلا سلاام.....

_ قفلت ولاء معاها وهاجر كانت بتستف في الهدوم وفجأه سمعت صوت خبط جامد علي الباب وطلعت عشان تفتح لقيت محمد طالع من المطبخ وهو ماسك كوباية شاي وقالها..

محمد پحده
رايحه فين بشعرك كده ادخلي جوه..

هاجر 
حاضر ما اخدتش بالي والله...

_ دخلت هاجر تجيب الحجاب بتاعها وفتح محمد لقي حامد في وشه وهو متعصب جدا...

محمد
ازاي حضرتك اتفضل....

ذقه حامد ودخل وقال پحده
اخوووك فين؟....

قبل ما يرد عليه محمد طلعت هناء وقالت
نعم يا حامد داخل بتزعق كده ليه؟...

حامد پحده 
انتي تسكتي خالص انا غلطة عمري اني اتجوزت واحده زيك، واديني اهو بدفع التمن وانا مش عارف الم عيالي حواليا...

طلعت هاجر بس وقفت بعيد من غير ما تدخل، والموضوع  كبر اكتر لما مازن طلع وقال..

مازن بعصبيه
انت بتعلي صوتك عليها ليه اصلا...

ضربه حامد بالقلم وقال پحده
بتبلغ عن اخوك يا ك*لب...

مازن پحده
انت بتمد ايدك عليا ليه يا راجل انت هتعمل فيها ابويا ولا ايه لا فووق انت ولا حاجه بالنسبالنا...

حامد پحده
والله كويس يا هناء عرفتي تربي وابنك بيبجح فيا وانتي واقفه ساكته..

جه مازن يرد بس هناء زعقت فيه وقاات
ادخل اوضتك يا مازن وما تطلعش منها يلااا...

_سمع مازن كلامها ودخل اوضته وهو بيبص لحامد بكره باين اووي في عينيه، وهناء وقفت ام حامد وقالت بجمود..

هناء
انت مالكش حق تمد ايدك علي ولادي انت فاهم، وايوه ربيتهم هما لو كانو شايفين ابوهم راجل محترم كانو جولك واحترموك من غير ما اقولهم..

حامد مسكها من دراعها وقال پحده
بقي مش محترم يا وليه يا ناقصه..

محمد مسك ايد حامد. وقال بجمود
لو سمحت سيبها...

ساب حامد ايد هناء وقال لمحمد 
اخوك ما عملهاش يا محمد اخوك طلع براءه وقت ما اللي حصل حصل ده كان نايم في بيته ويونس مش وحش للدرجه اللي انتو فاكرينها..

محمد بهدوء
حصل خير وشرفتنا..

حامد بضيق 
سيبك من امك واخوك وتعالي لابوك يا محمد شغلي وكل حاجه عندي هتبقي بتاعتك وايدك تبقي في ايد يونس اخوك و...

محمد بجمود
لو سمحت انا لو عايز اجيلك هاجي، بس انا مرتاح في حياتي كده..

حامد پحده 
وهتصرف منين بقي يا بيه وانت بقيت متجوز وامك واخوك في رقبتك..

محمد بهدوء
ربنا يفرجها وشكرا جدا ليك...

حامد بص لهناء وقال
منك لله يا شيخه ربنا ينتقم منك..

هناء بغيظ 
ربنا ياخدك واخلص منك ومن الهم ده، امشي يا حامد وما تجيش هنا تاني..

حامد بخبث
براحتي يا هناء اجي في الوقت اللي انا عايزه بيت مراتي...

عناء بسخريه
هو البعيد نسي اني خلعااه وانه اول راجل اتخلع في الحته كلها كان القانون بتاع الخلع لسه نازل جديد وطبقته عليك عملي مش نظري كمان..

_ضحكت هاجر ومحمد بصلها پحده فسكتت، وحامد بص لهناء پحقد وقال..

حتمد
اقسم بالله لولا ان ابنك واقف لكنت اديتك علقھ من بتوع زمان يا وليه يا ناقصه..

هناء پحده 
انا فعلا بقيت ناقصه من يوم ما اتجوزت واحد زيك يا حامد....

_ اتنهد حامد بضيق ومشي وهاجر قربت من هناء وقالتلها وهي بتضحك...

هاجر
ده ايه الجمدان ده يا طنط، بجد عااااش..

هناء بثقه 
اقل حاجه عندي يا حبيبتي، اوعي كده هروح اشوف الواد مازن...

دخلت هناء عند. مازن وهاجر قالت لمحمد
بس علي فكره ابوك لسه بيحب امك واووووي كمان، شايف نظراته ليها ولا عصبيته منها والله انا عايزه اتابع قصة ابوك وامك من الاول...

محمد 
طيب بما انك فاضيه  اووي كده ابقي اكويلي بدله من اللي جوه عشان عندي فرح النهارده..

هاجر 
حاضر بس اوعي بقي العريس ما يجيش وتيجي انت بالعروسه..

محمد بخبث
ليه كده ده بدل ما تقوليلي ربنا يقدرك علي فعل الخير...

_ فضلت هاجر تبص حواليها تدور علي حاجه تضربه بيها وهو ضحك واخد كوباية الشاي بتاعته ودخل البلكونه..

ـــــــ #بقلم_الكاتبه_رحاب_القاضي ـــــــ
_ وفي قسم الشرطه كان يونس خلاص طالع بس قرب منه ظابط من هناك وقال..

الظابط 
بقولك ايه يا يونس انت تعرف مين اللي عمل كده؟..

يونس بجمود
لو كنت اعرف كنتو انتو عرفتو يا حسام باشا..

حسام 
لا سيبك من الشويتين اللي عملتهم جوه علي علاء دول، بص انا بجد عايز العيال دول وعايز اركب الظابط اللي جوه ده قبل ما هو يركب هنا..

يونس 
امم تمام يا باشا هوصل واقولك بس سيبني اتعامل انا الاول..

حسام 
اعمل اللي عايزه وانا في ضهرك بس بالهداوه..

_ وطلع يونس لقي يوسف قاعد مستنيه علي العربيه بتاعته..

يوسف 
امسك جيبت المفتاح من بطه عشان عارف انك لما بتكون مدايق بتحب تلف في الشوارع..

يونس بجمود
انت هتستهبل كنت بتتلكك عشان تشوف بطه وبتجيبها في المفتاح علي العموم روح انت انا رايح مشوار مهم...

يوسف 
طيب ابوك بيقولك ما تنساش بكره هتروح تجيب الدهب للعروسه..

يونس 
طيب مش ناسي روح انت نام يلا...

_وطلع يونس عربيته ومشي من قدام يوسف، وطلع موبيله وكلم حد وقاله..

يونس
ايوه يا مفتاح عملت ايه في اللي قولتلك عليه؟..

مفتاح 
قربت اخلص اللي قولتلي عليه وعرفتلك مين اللي بيدي اخوك الحاجات الممنوعه دي، تحب اجيبهولك ولا هتيجي بنفسك؟..

يونس
لا سيب ده دلوقتي وقولي انت فين عايزك في مصلحه تانيه خالص...

مفتاح
تحت امرك يا معلم يونس انا في المكان بتاعي عند مخزن الخرده..

يونس 
طيب جايلك اقفل...

ـ تفتكرو بقي يونس ناوي يعمل ايه؟....

ـــــــ #بقلم_الكاتبه_رحاب_القاضي ـــــــ
_ تاني يوم في بيت الاستاذ حمدي كانت ولاء نايمه والفون بتاعها قدامها وبيرن باسم مازن ودموعها بتنزل وهي ساكته.. ودخلت عندها فاطمه مامتها وقالت..

فاطمه 
يا ولاء قومي يا بنتي طيب نجهز الغدا سوا، انتي خلاص الاجازه بتاعتك هتخلص وانتي مقضياها علي طول نوم في اوضتك..

ولاء مسحت دموعها وقالت
مش عايزه حاجه يا ماما، اقفلي النور واخرجي..

فاطمه قعدت جنبيها وقالت
ليه بتعملي فينا كده يا ولاء، ليه مش بتروحي للدكتور ما انتي كنتي بدأتي تبقي كويسه..

قعدت. هاجر وقالت پبكاء
انا عمري ما هكون كويسه يا ماما انا هفضل طول عمري مريضه وما حدش بيحبني..

فاطمه بدموع 
ما تقوليش كده انتي هتخفي وهتبقي زي الفل وكلنا بنحبك...

قامت ولاء وقالت وهي بتتنفض 
لا دي مش الحقيقه انتو بس انا صعبانه عليكم لو انتو بتحبوني بجد. وانا اتحب كنت اتحبيت من صحابي ومن الناس مش بېخافو مني عشان انا مريضه انا بسمعهم وهما بيقولو سيبوها في حالها ربنا يشفيها انا مش عايزاهم يقولو كده ويوجعوني بس دي الحقيقه يا ماما دي الحقيقه...

قامت فاطمه وهي بټعيط وقعدتها قدامها وقالت
انتي هتخفي وهتبقي ست البنات كلهم، انتي اجمل واحده فيهم كفايه طيبة قلبك دي بس هي الدنيا كده بتيجي علي الطيبين شويه عشان يتعلمو، وانا وابوكي واختك جنبك ومش هنسيبك وهتكملي علاجك وهتخفي..

_حضنتها فاطمه وهي مدت ايدها وقفلت الفون بتاعها في وش مازن اللي كل شويه يرن عليها...

ـــــــ #بقلم_الكاتبه_رحاب_القاضي ـــــــ 
_ وفي الوقت ده في محل دهب حلو جدا كان قاعد يونس وجنبيه عظيمه وقصاده شهد وزهره اللي كانت مبسوطه اووي وقالت لشهد...

زهره 
ها يا شهد هتختاري انهي سلسله؟..

شهد بضيق
اي حاجه يا زهره..

يونس بجمود
ازاي يعني اي حاجه، مرات يونس الصاوي ما ينفعش تكون لابسه اي حاجه...

اتوترت شهد وقالت
بس انا لسه ما بقتش مراتك وبالنسبالي بجد اي حاجه مش فارقه..

عظيمه لوت بوزها وقالت
هي العروسه مالها يا ام اسر لتكونو مزعلينها ولا حاجه..

زهره ضړبت شهد برجلها وقالت
لا ابداً يا حبيبتي هي تلاقيها مكسوفه شويه، ها يا شهد هتختاري انهي واحده؟..

_اتنهدت شهد بضيق واختارت واحده منهم ويونس اختار هو الباقي وكانت حاجات غاليه جداً..

عظيمه 
طيب يلا بقي يا نوس لبسها الدبله وهي كمان تلبسك دبلتك...

_مسك يونس الدبله ومد ايده عشان يمسك ايد شهد اللي بدأت تتنفض بتوتر ومدت ايدها وهو فعلا لبسها الدبله وبصلها بهدوء وقال..

يونس 
مبروك..

سحبت ايدها منه وقالت بنبره هاديه
الله يبارك فيك...

يونس
المفروض تقوليها بعد ما تلبسيني الدبله...

_ضحكت عظيمه هي وزهره وشهد مسكت الدبله بتاعته وحطتهاله في اول صابعه وشالت ايدها وقامت بحجة انها هتشوف ابن اخوها اللي بيلعب في المحل...

_ابتسم يونس بهدوء ولبس دبلته بنفسه وقال لزهره بجمود...

يونس
انا همشي دلوقتي ويوسف صاحبي بره هيوصلكم للبيت..

عظيمه 
طيب كنت خد خطيبتك طيب واتغدو مع بعض عشان تتكلمو وتفهمو بعض...

يونس بسخريه
دي كانت هتتشل وهي بتلبس الدبله عايزاني اخرج معاها لوحدنا، علي العموم وقت تاني، بعد اذنك يا ام اسر..

زهره
اذنك معاك يا اخويا اتفضل..

_ طلع يونس وكانت شهد واقفه مع اسر ابن اخوها اللي عنده عشر سنين وبيتفرجو علي الدهب اللي في المحل، قرب منها يونس من غير ما تاخد. بالها وقال..

يونس بخبث
مش هوترك اكتر من كده، تقدري ترجعي جوه عندهم انا ماشي يا عروسه...

_ قال كلامه وطلع بره المحل كله وهي بصتله وابتسمت ڠصب عنها ودخلت جوه، وبعد شويه وصلهم يوسف قدام بيت صبري وزهره قالت...

زهره
متشكرين يا ست عظيمه تعالي اتفضلي معانا..

عظيمه 
لا والنبي وقت تاني اتاخرت علي البيت، بقولك ايه انزلي يا زهره عايزاكي في كلمتين وخليكي انتي مكانك يا شهد..

شهد بهدوء
حاضر...

ونزلو هما ويوسف بص لشهد وقال
مبروك يا مرات اخويا، وربنا يتمملكم علي خير انا يوسف اقرب صاحب ليونس..

شهد ايتسمت وقالتله
الله يبارك فيك، بس انا لسه ما بقتش مراته..

يوسف ضحك وقال
اااه ما انتي ما تعرفيش يونس مدام. حط الفكره في دماغه يبقي هيعملها....

_ وركبت عظيمه العربيه جنب يوسف، وشهد. نزلت ومشي يوسف بالعربيه..

شهد. 
كانت عايزاكي في ايه الوليه دي يا زهره؟..

زهره پحده
بتسالني الهانم قالبه خلقتها ليه علي العريس..

شهد 
اممم شكلها مش ساهله كنت ناقصه انا كمان، المهم انا رايحه لهاجر...

زهره 
طيب يا شهد الساعه دلوقتي خمسه، الساعه تسعه بالكتير تكوني هنا في البيت فاهمه..

شهد 
حاضر يا زهره يلا سلام..

زهره
بت يا شهد..

وقفت شهد وقالت
نعم يا زهره في ايه تاني؟..

زهره بهدوء
الدبله شكلها حلو في ايدك اوعي تقلعيها فال مش كويس...

شهد 
حاضر يا زهره مش هقلعها....

ـــــــ #بقلم_الكاتبه_رحاب_القاضي ـــــــ 
_ وبعد شويه في منطقة الساهر بس في مكان تاني كان غير بيت شهد كان قاعد. عادل علي القهوه مع صحابه وقرب منه يونس وحط رجله قدامه علي الترابيزه..

عادل پحده 
ايه يا جدع انت قلة الذوق دي؟...

يزنس بهدوء
بالظبط. كده انا قليل ذوق وهطلع قلة ذوقي دي عليك وعلي اللي جابك...

_ خلص كلامه وضربه برجله في بطنه وهو قاعد علي الكرسي خلاه وقع علي الارض و؟؟...

_ تفتكرو بقي ايه اللي هيحصل؟...

#موضوع_عائلي 
_الحلقه الثالثه عشر
ـــــــ ـــــــ ـــــــ ـــــــ ـــــــ 
_ في بيت الشيخ محمد كانت قاعده شهد مع هاجر في اوضتها وقالتلها..

شهد 
ويا بت يا هاجر الكل اول ما نزلت بيشاور عليا وخطيبته اهي واحلي من القديمه، مين القديمه دي بقي انا ما اعرفش حاجه..

هاجر
ابقي اسأل محمد عن الموضوع ده واقولك...

شهد وهي مبتسمه 
بس تعرفي احساس حلو كده اني خطيبته وكلام الناس عنه تحسيه حد. تقيل كده وبيتعمله حساب برغم.اني خاېفه منه ومن اللي ممكن يعمله لما يعرف الحقيقه..

هاجر بسخريه
دخلي القلوب اللي طلعت من عينيكي دي يا شهد وفوقي ده يونس الصايع عاجبك فيه ايه ده بلطجي..

شهد پحده 
لمي نفسك و ما تقوليش عليه كده..

هاجر
يا غبيه ده انا قولتلك علي اللي عملو فيا في الشارع غير انه قبل كده كان رد. سجون وشړاني ومالوش كبير..

شهد بضيق 
كأنك بتحكي عن حد. تاتي غير يونس اللي اعرفه...

هاجر
يارب صبرني اموت واعرف عاجبك في ايه ابراهيم الابيض ده...

شهد ضحكت وقالت 
والله مش عارفه، يمكن لو ما كنتش في ظروفي دي كنت هكون اسعد واحده دلوقتي بالخطوبه دي...

هاجر 
انتي يا بنتي اتقدملك دكتور قبل وناس متعلمه ونضيفه ما شوفتكيش بتتكلمي عن حد منهم كده..

شهد اتنهدت وقالت
مش عارفه اهو القبول جه لده، ما اعرفش ليه بس مبسوطه بيه رغم اني عارفه ان اخر الموضوع ده سواد علي دماغي ومش بس خاېفه ده انا مړعوبه..

هاجر بحزن 
يعني هو ده لو كان حد بيفهم كنت قولتلك قوليلو الحقيقه من دلوقتي انما ده همجي وقليل الادب ومش متربي اصلا..

ضړبتها شهد بالمخده وقالت 
اتلمييي بقي يا هاجر، وبعدين ده اخو جوزك يعني المفروض تحترميه..

هاجر بسخريه
مش عايزه اقولك يا حبيبتي ان علاقتهم هما الاتنين خطيبك وجوزي عامله زي البنزين والڼار..

شهد قامت وقالت
ربنا يصلح الحال انا خلاص قررت امشي في الموضوع وزي ما تيجي بقي وربنا يسترها..

هاجر
طيب انتي قايمه رايحه فين خليكي قاعده معايا شويه..

شهد 
لا معلش عايزه اروح عشان متأخرش وزهره تزعل مني..

قامت هاجر وقالت
طيب وانا هجيلك يوم كتب الكتاب اصلا وسلميلي علي زهره..

_ وطلعو هما الاتنين وكانت قاعده هناء اللي بصت لشهد وقالت...

هناء
منورانا يا عسل والله...

شهد 
ده نور حضرتك يا طنط شكراً...

هناء 
قوليلي يا عسل انتي مخطوبه، يمكن الواد مازن لما يتجوز يتلم..

هاجر 
اهدي يا طنط دي تبقي شهد خطيبة يونس اخو مازن كنا جيران انا وهي وصحاب من زمان..

هناء ابتسمت وقالت
مش تقولي من بدري يا اوزعه انتي...

وقامت وحضنت شهد وقالت
منوره بيتك يا مرات ابني، يونس زيه زي محمد ومازن عندي هو ااه طايش شويه بس قلبه طيب وعروسته زي القمر..

ابتسمت شهد وقالت 
شكراً لحضرتك يا طنط. ده من ذوقك والله...

_ قبل ما ترد عليها هناء سمعو صوت دوشه بره وراحو وقفو في البلكونه لقيو يونس وقف بره عربيته ومحمد ومازن قصاده..

هناء بضيق
مش ده اللي كنت بقولك عليه طيب لا ده همجي ومشافش تربيه..

وقف محمد قدام يونس وقال
جاي عايز ايه يا يونس؟..

يونس بص لمازن وقال
انا يا حبيبي لو عايز اۏلع في المحل بتاعك او فيك انت شخصيا هعملها في وشك مش هاجي في ضهرك واعمل كده عشان خاېف منك ولا من اللي يتشددلك...

وقف محمد قدام مازن وقاله 
امشي يا يونس من هنا وسيبنا في حالنا...

يونس بجمود
انا كنت في حالي وانتو اللي جريتو شكلي، بس انا عملت باصلي وجيبتلك اللي حړق المحل بتاعك يا شيخ محمد...

_ وراح فتح العربيه وسحب عادل من قفاه اللي كان وشه كله كدمات ورماه علي الارض قدام محمد. ومازن، جه عادل يقف بس يونس زقه برجله وقال..

يونس پحده
علي الارض ياااه...

_وفوق كانت شهد وهاجر مصډومين من اللي بيحصل ده، وهاجر قالت بدموع..

هاجر
عادل اللي عملها يا نهار اسود...

يونس بجمود
اهو عندك يا شيخ محمد وكمان شويه هيتقبض عليه...

مازن بسخريه 
مين ده اصلا ما يمكن واحد من الكلاب بتوعك وانت ملبسه الليله..

يونس بسخريه
وهعمل كده ليه هخاف منك يا طري انت مثلا؟...

جه يونس يمشي بس هناء قالت
واد يا يونس اطلع عايزااك....

_بص يونس لفوق بضيق وادايق اكتر لما شااف شهد واقفه جنب هاجر، وقفل باب عربيته وطلع البيت وراح وراه مازن...

بص محمد لعادل اللي وقف وقاله
واقف ليه امشي..

استغرب عادل منه ومحمد قال
ما تسمع يا ابني الكلام وامشي انا حقي هاخده بالقانون مش بالطريقه بتاعتكم دي..

_ خلص كلامه ودخل المحل بتاعه وهو مدايق وكانو العمال بيظبطو فيه،وفوق وصل يونس قدام شقة هناء وخبط علي الباب وكان مازن ورااه..

فتحت هناء الباب وقالت
يا اهلا وسهلا نورت اتفضل..

يونس بجمود
اندهي شهد من جوه...

بصت هناء لمازن وقالت
انزل عند اخوك تحت..

مازن 
يا ماما اا...

هناء پحده 
ما تتزفت تسمع الكلام وانزل يلااا...

نزل مازن وهناء قالت
عملت ايه في اللي قولتلك عليه، انا قولتلك انت وما قولتش لابوك عشان ما يصتادش في المايه العكره وياخده مني او يلف دماغه ويكرهه فيا..

يونس
اطمني وسيبي موضوع ابنك ده انا هعرف احله، اندهي شهد من جوه بس..

هناء پحده 
جرا ايه ما تسيبها قاعده مع مرات اخوك، محسسني انها عند. اغراب..

بصلها يونس بسخريه وقال
انتو فعلا بالنسبالي اغراااب...

_ وعلي صوته ونده علي شهد اللي جات واخدها ونزل، وقالها وهو واقف قدام عربيته..

يونس
ما تركبي..

شهد بتوتر
اا لا انا هروح لوحدي..

يونس پغضب
قولت اركبي يا شهد يلااا..

_ ركبت شهد العربيه معاه ومشيو، ووقف بعد شويه بعيد عن بيتها شويه وقال..

يونس
ما تروحيش هناك تاني..

شهد 
انا كنت عند هاجر صحبتي..

يونس 
وانا قولت ما تروحيش هناك تاني...

شهد 
والله انا لسه ما بقتش في بيتك عشان تحكم عليا..

يونس پحده 
لا حلوه انتي خلاص بقيتي تخصيني. واللي اقوله يتسمع من مره واحده بدل ما اخليه يتسمع من ناحية اخوكي..

شهد بضيق
واضح انك بجد غير ما كنت فاكره...

_ قالت كلامها ونزلت من العربيه ورزعت الباب وراها ومشيت، ويونس رجع تاني البيت بتاعه ولقي حامد قاعد مستنيه..

يونس 
خير ان شاء الله يا حج ايه اللي مصحيك...

وقف حامد قدامه وقال
راجل يا يونس عرفت تجيب حق اخواتك...

يونس
انا جيبت حق نفسي مش حق حد، وهما مش اخواتي يا حج حامد...

حامد بضيق
حج حامد؟! انت لا معتبرهم اخواتك ولا عمرك اعتبرتني ابوك...

يونس بجمود 
تصبح علي خير يا حج...

_ سابه يونس ودخل اوضته وقف الباب، وقلع الكوتشي بتاعه وراح نام علي السرير ولاول مره جات في باله شهد مش نور وافتكر اخر حاجه قالتهاله قبل ما تنزل من العربيه " واضح بجد انك غير ما كنت فاكره "..

ابتسم وقال
يا تارا كنتي فاكراني ايه يا شهد...

ـــــــ #بقلم_الكاتبه_رحاب_القاضي ـــــــ 
_ عدي اسبوع في التاني واتكتب كتاب يونس وشهد ومن وقتها ما اتقابلوش تاني، ورجعت ولاء الجامعه وكانت قاعده لوحدها وفجأه جه مازن وقعد قصادها وقال....

مازن 
وحشتيني...

بصتله بحزن وقالت
قوم من هنا والا والله ما هقدر اتحكم في نفسي وفتحلك دماغك..

مازن 
انا اسف والله العظيم ما كنت اقصد امد ايدي عليكي وبعدين انتي ردتيها علي طول وعورتيني..  

ولاء بضيق
انت اللي عملت الاول يا مازن، اصلا ليه عملت كده هو انا لو بيني وبين علي حاجه كنت هخبي عليك ليه..

مازن سكت شويه وقال
غيرت عليكي..

ولاء
نعم؟؟..

مازن بهدوء
ايوه غيرت عليكي ما اتحملتش انه بيبصلك وانتي جنبي او يجي يسلم عليكي...

ولاء بتوتر
و وانت ايه اللي يخليك تغير عليا...

مازن بخبث
تفتكري ايه اللي يخلي واحد يغير علي واحده...

ولاء وقفت وقالت
مش عارفه ومش عايزه اعرف..

وقف مازن هو. كمان وقال
لا لازم تعرفي انا بحبك يا ولاء ومستعد اعمل اي حاجه بس ما تبعديش عني كده تاني..

ولاء ابتسمت وقالت
انت بتحيني بجد؟..

مازن مسك ايدها وقال
ايوه والله العظيم بحبك، ومش متخيل حياتي من غيرك..

ولاء بهدوء
انا رايحه المحاضره وبعدين انا كنت بتعامل معاك علي انك صديقي انما لو في حاجه غير كده عندك بيت اهلي..

مازن بقلق
ما هو بصي في حاجه كده انا لازم اقولك عليها..

ولاء پحده 
بتتسلي انا فاهمه كويس، وبعدين انت ايه اللي يخليك اصلا تتجوز واحده زيي..

مازن ابتسم وقال
وانا اطول اتجوز واحده بالحلاوه والبراءه دي، ولاء انا هكلم اهلي واتفق معاهم ووقتها هقولك علي مفجأه كبيره وهخطبك وكل اللي انتي عايزاه بس نتكلم..

ولاء فرحت وقالت
انا رايحه المحاضره باااي...

_مشيت ولاء وكانت مبسوطه جداً وهي وماشيه خبطت في بنت وهي ماشيه بسرعه..

ولاء
معلش انا اسفه بس كنت متأخره علي المحاضره..

البنت 
وانا كمان متأخره والله الدكتور الشربيني صعب جدا..

ولاء
اي ده انا كنان عندي محاضرة الدكتور الشربيني..

البنت 
بجد. طيب ما تيجي نروح سوا مع بعض انا ما اعرفش حد هنا...

ولاء بتوتر
ماشي يلا بينا..

البنت 
طيب انتي اسمك ايه انا اسمي نسرين..

ولاء
وانا اسمي ولاء...

_وراحو مع بعض المحاضره وكانت نسرين بتتكلم معاها بهدوء وخلت ولاء مبسوطه بالكلام معاها....

ـــــــ #بقلم_الكاتبه_رحاب_القاضي ـــــــ
_ في بيت حامد الصاوي..

_كان يونس قاعد في اوضته وبيتفرج علي صور خطوبة نور واحمد وشكلها الجديد وكأنها بقيت حد تاني، ودخلت عنده بطه وقالت..

بطه 
يويو كنت عايزه اااه...

_طلعت  بسرعه بعد. ما حدفها بالشبشب وخبطت علي الباب وهو قالها تدخل..

بطه 
بنسي يا يونس والله اخبط المهم عايزه فلوس وامي مش راضيه تديني..

يونس
انتي لابسه كده الاول ورايحه فين؟..

بطه 
رايحه لشهد مل عندهاش صحاب تقريباً فقولت اخد البت علا ونروح معاها الكوافير..

يونس بحمود
طيب عندك المحفظه اهي خدي اللي عايزااه..

بطه قعدت جنبيه وقالت
ما تزعلش يا يونس بس والله العظيم نور ما تستاهلك انت عارف انا عمري ما كنت بحبها كانت علي طول شايفه نفسها عليا انا شهد حساها زينا كده ومتواضعه...

اتنهد يونس بضيق وقال
قومي يا بطه خدي الفلوس اللي عايزاها وانزلي..

بطه بغيظ
نفسي مره واحده تاخد وتدي معايا في الكلام..

يونس 
خدي انتي بعضك وامشي يا بطه انا مش ناقص زن...

بطه 
قااايمه اهوو علي العموم برضو يوسف جابلك البدله وحطهالك في شقتك فوق..

يونس بخبث
وانتي عرفتي منين؟...

بطه بتوتر 
ااا هه هو قالي اقولك لما انت ما ىدتش عليه فف فرن عليا...

يونس وقف وقال
انا صاحي ما نمتش اصلا ويوسف ما رنش عليا...

بطه پخوف
بص انا والله ماليش دعوه هو اللي بعتلي علي الوتس وانا رديت عليه..

يونس پحده 
اعمليله حظر يلااا...

بطه بضيق
ليه تقطيع الارزاق ده؟..

يونس مسكها من قفاها
اخلصي يا زفته انتي يلااااا...

_ طلعت بطه موبيلها وعملت حظر ليوسف، ومسك منها يونس الموبيل وقال..

يونس
اما نشوف البيه كان بعتلك ايه؟..

بطه بضيق
يا يونس عيب كده علي فكره دي خصوصيات...

يونس بسخريه
بيقولك ادام الله حمدك وباعت قلب احمر وحياة امه ماشي..

بطه بغيظ
الله يخربيت محو الاميه اللي علموك القرايه والكتابه انت...

_ خلصت كلامها ويونس ضربها بالقلم علي قغاها وهي قالتله وهي بټعيط..

بطه پبكاء
طيب والله لاقول لعمي حامد بس...

_ واخدت موبيلها وطلعت من عنده، ويونس اخد حاجته وطلع شقته فوق وكانت مفروشه بجهاز شهد وكانت حاجات فعلا حلوه، ابتسم بهدوء وقال لنفسه...

يونس
شهد... ده انتي حكايه لوحدك..

ـــــــ #بقلم_الكاتبه_رحاب_القاضي ـــــــ 
وفي حارة الساهر ......
كانت شهد قاعدة مدايقه ودخلت عندها زهره وقالت وهي بتقعد جنبيها ..

زهره
وبعدين بقي فكيها شويه يا بنتي ده انتي عروسه والليله دخلتك... 

شهد بدموع 
وايه المطلوب مني بقي مش عملتو اللي في دماغكم واديني اهو هتجوز

زهره 
هو احنا يا بنتي هنرميكي في الڼار طيب ده احنا اهو هنجوزك راجل ما فيش منه ..

شهد اتنهدت وقالت
خلاص يا زهره انتي جايه عندي ليه دلوقتي عندي

زهره
جايه اقولك حرام عليكي اللي انتي عملاه في اخوكي ده 
،قومي راضيه بكلمتين انتي ما تعرفيش هو عمل ايه عشانك .. 

-وقبل ما ترد عليها شهد دخل عندهم صبري وقال بجمود...

صبري
ما فيش داعي هي اللي تيجي زهره قومي انتي شوفي اللي كنتي بتعمليه وانا هتكلم معاها كلمتين

زهره
طيب يا اابو اسر بس بالله عليك امسك اعصابك شويه ده الليله فرحها

صبري بسخريه
لا ما هو باين  علي وشها اللي عامل وكأن مېت ليها مېت،روحي يلا شوفي هتعملي ايه

_طلعت زهره وصبري راح قعد قصاد شهد وقالها...

صبري بجمود
هما كلمتين هقولهملك انا ما ظلمتكيش في الجوازه دي، انا هجوزك. لواحد هيحميكي وراجل الكل بيحلف بجدعنته...

شهد 
انا كان من. حقي اقول موافقه او مش موافقه...

صبري پحده 
لا مش من حقك يا شهد ما دام ما عندكيش سبب يبقي مش من حقك، قولي بقي عليا جاهل متخلف اللي تقوليه...

شهد بدموع
انت جاي ليه عندي يا صبري هتنصحني وتقوم بدور ابويا وامي لا كتر خيرك انا اللي اتعلمته منك يخليني اعرف اعيش كويس اووي..

صبري قام وقال پحده
ياريتك روحتي معاهم وكنت خلصت من. همك يا شيخه...

_ قال كلامه وطلع وكان نازل من الشقه، بس وقفته زهره وقالت..

زهره
انت رايح فين يا صبري ده النهارده فرح اختك الوحيده وبرضو انت نازل الشغل..

صبري بضيق
الديون كترت يا زهره ولازم ما افوتش يوم في الشغل..

زهره بضيق
ما كنت سمعت كلامي واخدت الفلوس من ي نس وكملت الجهاز...

صبري پحده 
لا طبعا انا قادر اكفي اختي جهاز من غير ما احتاج من حد حاجه، وكمان عشان تبقي ديماً هناك راسها مرفوعه..

زهره ابتسمت وقالت
ربنا يخليك لينا يا حبيبي وما يحرمناش منك..

_ ابتسملها صبري ونزل، وفي اوضة شهد كانت قاعده بټعيط وزهره وقغت علي الباب وقالت..

زهره
وبعدين معاكي يا بت انتي بقي، زودتيهم يا شهد وقومي البسي يلا بنت عظيمه جايه عشان تروح معاكي الكوافير وفرحك هيتعمل في قاعه كبيره واحده غيرك كان زمان الحته كلها حست بفرحتها..

شهد مسحت دموعها وقالت
خلصتي يا زهره انتي كمان تقطيم فيا ولت لسه..

زهره بضيق 
والله الكلام معاكي زي قلته يا بت انتي...

_ وطلعت من عندها زهره، وشهد قامت عشان تغير هدومها وكانت برضو بټعيط...

ـــــــ #بقلم_الكاتبه_رحاب_القاضي ـــــــ
_ في بيت الشيخ محمد....
صحيت هاجر لقيته قاعد علي الكنبه بيقرأ في المصحف، قامت وقعدت جنبيه وقالت.....

هاجر
عايزه اتكلم معاك شويه...

قفل محمد المصحف وبصلها وقال
خيراً ان شاء الله...

هاجر بضيق
هو انا عملت ايه عشان تعاملني كده كل ما تكلمك ترد عليا من تحت ضرسك، وحتي بقيت بتنام علي الكنبه مش جنبي ليه كل ده انا زعلتك في ايه؟...

محمد بجمود
لو كنت اقدر اقعد فوق بعيد عنك خالص من غير ما حد ياخد باله كنت عملت كده...

اتملت عيونها دموع وردت عليه
ياااه هو للدرجه دي انا تقيله عليك؟...

محمد بجمود
انا ما قولتش كده كل الحكايه اني حاسس اني اتسرعت في الجوازه دي اووي..

قامت هاجر وقالت بدموع
لا وعلي ايه تكتم جواك وتتحمل احنا فيها اهو كل واحد يروح لحاله احسن...

قام محمد ومسك ايدها وقال
انتي رايحه فين، وايه اللي بتقوليه ده؟...

سحبت ايدها منه وقالت 
برد علي كلامك، وهسيبهالك وامشي عشان تاخد راحتك...

محمد اتنهد بضيق وقال
لا مش هتمشي انا اصلا مختصرك ومش بوجهلك كلام خلاص...

هاجر دموعها نزلت المره دي وقالت
وانا مش هقعد في مكان مش مقبوله فيه...

محمد پحده 
اقسم بالله يا هاجر لو طلعتي من البيت بعد ما انا قولتلك لا هيبقي فيها كلام تاني وما فيش شغل اليومين دول برضو..

مسحت دموعها وقالت
بس انا عايزه اروح لشهد..

محمد بضيق
لا ولا نسيتي اللي عملو يونس..

هاجر پحده. 
انا مالي بيه زفت الطين ده، انا رايحه لصحبتي..

محمد زعق فيها وقال
ما بحبش اكرر كلامي مرتين ومش كل حاجه هتعاندي فيها...

هاجر بحزن 
ماشي...

_ سابته وراحت قعدت علي السرير ومسكت موبيلها وعملت نفسها مشغوله فيه. عشان تداري دموعها...

محمد
ابن. عمك خرج. بكفاله واللي دفعها ابوكي...

هاجر بهدوء
عارفه ماما قالتلي...

محمد بجمود
وابوكي يدفعله ليه الكفاله بالمبلغ ده كله؟...

هاجر بضيق
عشان عادل يبقي ابن اخوه وكمان ااا..

محمد بعصبيه 
ايوووه ابن اخوه انا حياتي تدمر وابوكي يخرجه وما علينا ما هو ابن اخوه وكمان شويه ترجع. المايه لمجريها وتقوليلي ايه ما هو ابن عمي...

هاجر بهدوء
لا اطمن هي مش هترجع لمجاريها خالص ولو رجعت مع اهلي انا بيني وبين الشخص ده مليون سد، وابويا عمل كده عشان هو ڠصب عني وعنه ابن عمي ومش عايز تحصل مشاكل لبنته...

قبل ما يرد عليها قالت هناء وهي بره
بت يا سرنجه بما انك مش رايحه الشغل النهارده تعالي اعملي الغدا انا جهزت الفطار ولا كل حاجه هتكون علي دماغي...

هاجر بصوت عالي
جايه يا عملي الاسود جاااايه..

_ وطلعت هدوم ليها ودخلت الحمام بعد ما رزعت الباب وراها...

ـــــــ #بقلم_الكاتبه_رحاب_القاضي ـــــــ 
_ وبالليل في مركز التجميل...

كان واقف يونس من بره وجنبيه يوسف اللي قرب منه وقال...

يوسف
مالك يا عم انت كمان قالب خلقتك ليه عليا كده..

يونس بجمود
يعدي بس الفرح علي خير ولينا كلام تاني يا صاحبي..

طلعت عظيمه وقالت
تعالي يا عريس عشان تاخد عروستك...

_ دخل يونس جوه وكانت شهد واقفه وهي باصه للارض وبرضو كعادتها مدايقه جداً بس كانت جميله جداً، قرب منها يونس وباس راسها وهي اتوترت جداً وقربت منهم بطه وقالت..

بطه 
صورتكم حتت صوره جاامده والله...

زهره 
طيب يلا بينا بقي هنتاخر علي الناس وصبري مش مبطل زن عليا..

_مسك يونس ايد شهد اللي كانت بتتنفض من كسوف ولا توتر كانت پخوف شديد باين جداً عليها، وقرب منها وقال بصوت واطي..

يونس
علي فكره انا لسه ما عملتش حاجه للكسوف ده كله..

شهد اتكسفت وقالت
ممكن تحترم نفسك..

غمزلها وقال
تؤ لا..

_ بصت الناحيه التانيه ووشها كله قلب احمر بأحراج، ويونس ابتسم بهدوء وطلعو، وفي الوقت ده صورتهم بطه اكتر من صوره وبعتتهم لرقم نور علي الوتساب وبعتتلها ريكورد وقالت...

بطه
اوعي يا دكتوره تنسي تقولي ليونس مبروك...

_ قفلت بطه مسجل الصوت ، وطلعت راحت وراهم وهي متجاهله يوسف جدا...

ـــــــ #بقلم_الكاتبه_رحاب_القاضي ـــــــ 
_ وفي الفيلا بتاعت اهل احمد خطيب نور.. 
كانت نور قاعده في اوضتهة وبتسمع ريكورد بطه وهي بتتفرج هلي الصور بتاعت يونس وشهد ودموعها نزلت علي وشها وقالت..

نور
انا متاكده انك اتجوزتها بس عشان ترد اللي عملته فيك بس انا هوريك يا يونس...

_ وقامت نور وراحت لاوضة احمد وخبطت عليه وهو فتح الباب وقال..

احمد
خير يا حبيبتي في حاجه؟..

نور
احنا. هنتجوز امتي يا احمد؟..

احمد ابتسم وقال
والله انا لو عليا اتجوز دلوقتي، بس انتي عارفه ماما قالت نستني شويه عشان الناس ما تقولش حاجه..

نور بضيق
لا معلش انا  مش حابه اقعد هنا معاكم من غير ما ابقي مراتك رسمي..

مسك احمد ايدها وباسها وقال
انتي اهدي يا حبيبتي وانا هكلم ماما ووالله العظيم هتجوزك وفي الوقت اللي انتي عايزااه...

_ ابتسمت نور وكانت عيونها كلها دموع وما فيش في بالها غير يونس وهو واقف جنب عروسته..

ـــــــ #بقلم_الكاتبه_رحاب_القاضي ـــــــ
_ في بيت عادل دخلت عنده في اوضه وفاء مامته وقالت وهي مدايقه..

وفاء
قوم يا خيبتها في ناس بره عايزااك...

عادل بغيظ 
اطلعي بره يا ماما انا لا عايز اقابل حد ولا اشوف حد...

وفاء 
لا قوم دول جايين ومصممين يقبلوك، وبعدين مش اد انك تعادي جوزها ما كنتش عملت عملتك دي من الاول..

عادل قام وقال
يووه طالع واقسم بالله جوزها ده واخوه ما هرحمهم وهتشوفي...

وفاء بسخريه
اهو انت عامل زي البطه الشرشار تكاكي تكاكي وتاكل في نفسها وما تجيبش كيلو كيلو لحمه في الاخر...

عادل بغيظ 
منك لله يا وفاء انا ما فيش حاجه جيباني ورا غير تشبيهاتك دي..

_ وطلع بره لقي علي ابن عم بطه ومعاه كمال الحديدي..

عادل 
اهلا وسهلا مين حضراتكم...

كمال 
كمال الحديدي وده علي عبد الرحمن من منطقة الصاوي..

عادل بسخريه
هه عارفك مش انت الواد اللي يوم فرحك يونس الصاوي علم عليك...

علي پحده. 
لا اسم الله عليك ده انت لسه وشك متدشمل اهو..

كمال بهدوء
بس يا علي عادل ما يقصدش...

علي
انتو جايين عايزين مني ايه؟..

كمال بهدوء
المثل بيقولك عدو عدوي حبيبي، وانا ليا حق عند يونس الصاوي وانت كمان يبقي نحط ايدنا في ايد بعض ونجيبه..

بص عادل لعلي وقال
والبيه جاي ليه مصلحته ايه في الليله دي؟..

علي پحقد 
بنت عمي وورثها عنده وبيلوي دراعي بيها...

عادل بجمود
يبقي اتفقنا مصلحتنا واحده بس مش يونس بس يونس واخوه..

عادل ضحك وقال
ههههه وحياتك واخواته كلهم بس خليهم بالدور بالهداوه..

عادل
يبقي اتفقنا..

ـــــــ #بقلم_الكاتبه_رحاب_القاضي ـــــــ 
_ وفي بيت الشيخ محمد... 
كانت هاجر واقفه في المطبخ وبتغسل الاطباق ودخل عندها مازن وقال..

مازن
جوجو قوليلي ايه رئيك فيا؟..

هاجر
ده ايه السؤال الغريب ده؟..

مازن 
لا ولا غريب ولا حاجه انا عايز اعرف رئيك فيا انتي شيفاني ازاي؟..

هاجر
بصراحه كده انت كويس وغلبان وحلو، بس طايش شويه..

مازن 
عقلت والله وبطلت كل الغلط اللي بعمله..

هاجر بخبث
وطنط ريهام..

مازن بتوتر
مم مالها طنط ريهام...

هاجر
بص يا مازن انت اخويا الصغير وانا بحبك زي ما بحب ولاء اختي وبخاف عليها، نصيحه مني بلاش تحتك خااالص بالست اللي اسمها ريهام دي نيتها مش خير من ناحيتك..

مازن
علي فكره بقي انتي فاهمه غلط، انا بعتبرها زي امي ومستحيل ابصلها اصلا..

هاجر
طيب كويس المهم بقي انت بتلف وتدور عايز ليه انجز؟..

مازن 
بصي انا معجب بولاء اختك علي فكره وقولت لماما وهي وافقت..

هاجر پصدمه
نعممم انت بتتكلم جد ولا بتهزر؟.....

مازن 
ايوه والله العظيم انا بحب ولاء وهخطبها..

هاجر
مش ده اللي صدمني انا اللي مستغربااه ان امك ازاي وافقت باختي..

مازن
لا ما امي دي مش ساهله حلفت عليا اني لو طلعت بمواد السنه دي مش هتخليني اتجوزها..

هاجر ضحكت وقالت
ههههه ما انا قولت برضو امك مش هتعدي الموضوع كده خلاص..

مازن 
طيب عشان خاطري يا هاجر اقفي جنبي..

هاجر
لاا معلش هو انا اللي شيفااه مع امك هجيب اختي كمان تشوفه..

مازن بغيظ
ماشي يا هاجر والله مش هقف تاني معاكي ضد امي..

هاجر
وانا مش هعملك اكل من اللي بتحبه وابقي كل بقي في ملوخية امك الواقعه..

مازن 
يوووه عليكي ده انا بهزر،بس واغلي حاجه عندك فكري في الموضوع....

هاجر بضيق
ان شاء الله...

_ طلع مازن وهاجر خلصت اللي بتعمله ودخلت اوصتها غيرت اخدت شاور وغيرت هدومها ونامت علي الكنبه، وجه محمد بعد شويه ولما شافها نايمه علي الكنبه ادايق وقال..

محمد
ما فيش داعي للي بتعمليه ده ممكن تيجي تنامي مكانك..

هاجر
لو سمحت انا تعبانه وعندي شغل الصبح وعايزه انام..

محمد بضيق
روحت المستشفي النهارده خليت واحده صحبتك اخدتلك اجازه...

قامت هاجر وقالت پحده 
انت مين سمحلك اصلا تدخل في شغلي...

محمد بهدوء
حقي كجوزك اتدخل في اي حاجه تخصك...

_وقف محمد قدام الدولاب وبدأ يغير هدومه بكل هدوء، وهاجر كانت مټعصبه منه وقالت پغضب..

هاجر 
محمد انا عايزه اطلق..

ضحك محمد وقال
هههههههه والله كنت متوقع كده طبعا ما هو رجع دلوقتي والقلب حن..

هاجر پبكاء
قلبي ده يستاهل ضړب الجزم عشان كل مره بيحب ناس ما تستاهلش، وهمشي ودلوقتي هكلم بابا يجي ياخدني وخلصت يا محمد..

محمد بجمود 
خلصت يا هاجر اقولك علي حاجه احلي في ستين داهيه يا غلطة عمري...

_ قال كلامه وطلع تيشرت تقيل ولبسه واخد موبيله ومفتاح الشقه اللي فوق وطلع، وهاجر فضلت ټعيط وبعدين مسكت موبيلها وكلمت ابوها وقالت..

هاجر پبكاء
بابا تعالي دلوقتي حالاً لو سمحت، انا مش عايزه اقعد هنا تاني..

ـــــــ #بقلم_الكاتبه_رحاب_القاضي ـــــــ
_ وفي شقة يونس بعد ما خلص الفرح اللي الكل كان مبهور ومبسوط فيه معادا شهد. اللي كانت قاعده خاېفه في اوضة نومها الجديده ومعاها زهره مرات اخوها اللي قالتلها..

زهره
مش كده يا هاجر اهدي شويه واعقلي كده انتي خلاص بقيتي مراته وهيتفل عليكم باب واحد..

شهد پبكاء
ما تسبنيش يا زهره قولي اني تعبت وهتباتي معايا اي حاجه بس ما تسبنيش هنا معاه لوحدي..

زهره بضيق
هو عفريت ده جوزك، بصي هتتعودي عليه والله وبعدبن الروب التبيض ده عليكي اهو هياكل منك حته والله هيتجنن عليكي وهتبقي الكل في الكل عنده..

شهد پبكاء
انتي مش فاهمه حاجه يا زهره...

زهره 
هو ده وقت مفهوميه اصلا، اعقلي يا شهد مش عايزين فضايح وانتي فهماني...

قالت عظيمه من بره 
ما يلا بقي يا ام اسر انتي هتباتي عندك ولا ايه عايزين نسيب العرسان براحتهم..

زهره 
ايوه جايه اهو يا ام بطه..

وبصت لشهد وقالت
اتعدلي بقي يا بت انتي كفايه بقي دلع بنات فاضي...

_ وقامت زهره سابتها وطلعت، وكان اسر ابنها قاعد جنب يونس بيعيط..

زهره 
مالك يا حبيب امك بټعيط كده ليه؟..

اسر پبكاء
عايز شهد تروح معانا...

ضحكو كلهم وعظيمه قالت
خلاص يا حبيبي ما بقاش ينفع...

زهره 
هو انتي هتخليه يعيط اكتر، قوم يا اسر نروح والصبح هجيبك ليها..

_ وطلعو كلهم وقبل ما يونس يقفل الباب قالتله زهره بقلق..

زهره 
بقولك ايه يا يونس البت شهد دي غلبانه والله بس هي دماغها صغيره شويه فاستحملها ومتزعلهاش..

يونس بهدوء
من غير ما تقولي يا ام اسر دي في عينيا..

زهره 
تسلم عينيك، بعد اذنك...

_ وقفل يونس الباب وراهم ودخل عند شهد اللي اول ما شافته قامت وقفت وكانت بټعيط وبتحاول تقفل الروب بتاعها علي اد ما تقدر، وقفل يونس الباب وقرب منها ووقف قصادها و؟؟...

_ تفتكرو بقي هيحصل ايه؟.... 
اسفه جدا علي التاخير ان شاء الله هقدر اظبط وقتي ومواعيدي وشكرا جدا جدا لاي حد بيدعمني ومقدر ظرووفي ❤❤❤❤

#موضوع_عائلي 
الحلقه الرابعه عشر 
ـــــــ ـــــــ ـــــــ ـــــــ ـــــــ ـــــــ ـــــــ 
_ دخل يونس الاوضه وقفل الباب، وقامت شهد وكانت واقفه خاېفه جدا، بصلها يونس بهدوء وقلع جاكيت بدلته ورماه علي الكنبه وقرب منها وهو بيفك الزرير الاولي من قميصه، كانت بتبصله والدموع ملت عيونها وقالت...

شهد بنبره مهزوزه
لو سمحت استني اا... انا كنت عايزه اقولك علي حاجه الاول...

قرب منها يونس اكتر وقال
اهدي وما تخافيش ومش لازم تقولي اي حاجه..

_بصتله  بعيونها اللي كلها دموع، وهو حس بجسمها اللي بيتنفض بين ايديه، رفع ايده وبعد شعرها عن وشها وقرب منها جدا وقال بصوت واطي...

يونس
من اول مره شوفتك فيها ولفت نظري جمالك، ولما كلموني عنك من غير ما اعرفك قالولي انك حلوه اووي ودلوقتي بشكلك ده كلمة حلوه هي اللي قليله اووي علي جمالك يا شهد...

باسها من خدها وقال
بس حتي لو كنتي اجمل من كده ومش عيزاني انا مستحيل اقربلك، كل حاجه وليها اصولها ولا ايه.؟...

_خلص كلامه وغمزلها بطريقته اللي كل مره بتوترها اكتر، وبعد عنها وقال بهدوء...

يونس
خدي وقتك يا شهد ووقت ما تكوني جاهزه ما روحناش بعيد من بعض..

_ قال كلامه وطلع من الاوضه، وشهد قعدت علي السرير وحطت ايدها علي قلبها اللي كان بيدق بسرعه، وغمضت عينيها واتنهدت بأرتياح... 
وقامت عشان تقفل الباب بس طلعت راسها بره الباب وبصت عليه لقيته شغل التلفزيون ونام علي الكنبه اللي بره...

_ابتسمت بهدوء ودخلت وقفلت الباب وراحت نامت علي السرير وافتكرت كلام يونس ليها من شويه ووقلبها بقي يدق بسرعه اكتر، بس فجأه اتملت عيونها دموع وهي بتفتكر اسوأ ذكري في حياتها اللي حصلتلها من 17 سنه لما كان عمرها 10 سنين...

_فلااااااااش بااااااااااك
كانت واقفه شهد قدام المدرسه وكانت فعلا وقتها من الاطفال اللي شكلهم جميييل جداً وقرب منها الفراش بتاع المدرسه وقال..

الفراش
واقفه هنا ليه يا حلوه هي امك فين؟..

شهد بحزن
ماما وبابا ماټو في حاډثه، وانا مستنيه صبري اخويا جاي ياخدني..

الفراش بخبث
طيب تعالي  جوه معايا استنيه..

شهد. 
لا عشان صبري لو جه وما لقانيش هنا هيضربني..

الفراش
ولو جه ولاقاكي واقفه في الشارع هيزعلك، تعالي بس معايا...

_ واخدها الفراش ده معاه لجوه المدرسه وډخلها الاوضه ڠصب عنها وطلعت هي بعد شويه وهدومها متبهدله وبتعيط وراحت قعدت في الشارع وجه صبري ومسكها من دراعها جامد وقاال..

صبري پحده
انتي كنتي فين يا بت انتي، مش قولتلك تستني هنا لحد. ما اجيلك..

شهد بصوت مقطع وهي بټعيط
كك كنت عند جج جوه ه..

صبري پحده 
هو انا كل ما اكلمك هتعيطي وتخليني ما اعرفش اربيكي،تعالي بس حسابنا في البيت يا شهد..

ـ واخدها صبري وحپسها في اوضه ضلمه في البيت بعد ما اداها علقھ معتبره،وبعد تلات ايام كان صبري قاعد بيتعشي وقعدت زهره جنبيه و قالت..

زهره بحزن
الدكتور قالي ان موضوع الحلقه مطول شويه يا صبري...

صبري بهدوء
براحتها يا زهره دي حاجه بأيد ربنا وانا مش مستعجل عليها..

مسكت زهره ايده وقالت 
طيب ابوس ايدك يا اخويا طلع البت شهد من الاوضه بتاعت الكراكيب دي هتجرالها حاجه جوه..

صبري پحده
بقولك ايه يا زهره دي بنت وابوها وامها راحو واقل حاجه هتعملها الناس هتمسكها عليها وهيلموني انا، وعلي رأي المثل اكسر للبنت ضلع يقوملها ٢٤..

زهره 
طيب عشان خاطري طلعها ولو حصل منها اي غلط اعمل فيها ما بدالك،والنبي البت ۏجعاني في قلبي..

صبري بضيق
روحي يا زهره بس قوليلها ما فيش مدرسه تاني غير تمتحن وترجع علي البيت..

زهره
حاضر يا اخويا اللي تشوفه...

_ وقامت زهره دخلت الاوضه ولقيت شهد واقعه علي الارض ووشها كله كدمات وبتتنفض..

زهره بدموع
يا قلبي يا بنتي تعالي يا حبيبتي معايا، حقك عليا انا مش هخليه يعمل فيكي تاني ودلوقتي هحميكي واسرحلك شعرك الحلو ده ومش هتنامي غير في حضڼي النهارده ..

حضنتها زهره وقالت بدموع
حقك عليا يا شهد مش هخليه يجيبك هنا تاني...

باااااك.. 
شهد مسحت دموعها وقالت
يا رب انا ما ليش غيرك دلوقتي انت اللي تحميني من اخويا ومن اي حاجه وحشه ممكن تحصلي..

ـــــــ #بقلم_الكاتبه_رحاب_القاضي ـــــــ 
_ وفي بيت حمدي ابو هاجر.. 
_ كانت هاجر نايمه في اوضتها ودموعها علي وشها ودخلت عندها ولاء وقالت..

ولاء
هو انتي جايه تنامي عندنا ولا ايه....

قامت هاجر وقالت
لا صاحيه انتي رايحه الجامعه ولا ايه؟..

ولاء
ايوه عندي محاضرات مهمه، ونسيرن صحبتي هتعدي عليا ونروح سوا...

هاجر ابتسمت وقالت
ربنا معاكي يا حبيبتي، طيب روحي بقي عشان ما تتأخريش...

حضنتها ولاء وقالت
ما تزعليش طيب والله هو اللي ما يستاهلكيش...

نزلت دموع هاجر وقالت
عادي ما فيش حاجه هتعود مع الوقت، ما تشغليش بالك انتي وركزي في دراستك..

ولاء 
حاضر وانا وجايه هجيبلك معايا مشبك. من اللي بتحبيه اتفقنا...

ابتسمت هاجر وقالت
اتفقنا يا ولاء....

_ طلعت ولاء من عندها ونامت هاجر تاني ومسكت الفون بتاعها وفتحته علي امل انها تلاقيه كلمها او بعتلها رساله بس ما لقيتش اي حاجه منه...

ـــــــ ـــــــ 
_وفي بيت الشيخ محمد... 
طلع من اوضته وكانت هناء قاعده بتفطر وقعد. جنبيها وقال...

محمد
صباح الخير يا امي...

اتنهدت بضيق وقالت
صباح النور

محمد
اومال فين مازن؟..

هناء بجمود
نايم...

محمد 
طيب لما يصحي خليه ينزلي المحل هنروح نجيب البضاعه الجديده علي الضهر..

هناء 
طيب..

محمد
يعني ما فرحتليش يا امي اني خلاص هرجع الشغل بتاعي زي الاول اوعي تكوني زعلانه عشان فلوس الجمعيه اللي اخدتهم منك...

هناء بحزن
لا انا زعلانه علي بيتك اللي بتخريه يا محمد..

ساب محمد الاكل من ايده وقال بجمود
انا هنزل عشان ما اتأخرش..

هناء بهدوء
اللي بتعمله ده ما يرضيش ربنا يا ابني، البنت مش وحشه دي متربيه وبنت اصول وطايشه شويه بس غلباانه وبتسمع الكلام...

محمد بضيق
مش هي اللي عايزها يا امي، مش دي اللي اعيش معاها مرتاح..

هناء پحده 
وكان عليك ايه من الاول..

محمد پغضب
انا اتجوزت هاجر علي سمعت ابوها، فكرت بنت الاستاذ حمدي هتكون متدينه وملتزمه وهاديه زي المواصفات اللي انا عايزها في البنت اللي كان نفسي اتجوزها، بس بعد ما اتجوزتها لقيت ايه واحده لا بتصلي ولا عارفه حدود دينها ده غير بقي المشاكل اللي جات فوق راسي بسببها..  

هناء بهدوء 
كملت ليه معاها عشمتها ليه، ولا كنت بتجرب ولو ما عجبكش عادي تسيبها وفي داهيه مشاعرها هي..

محمد بضيق
مش لوحدها اللي هتتوجع يا امي، انا كمان اتعلقت ويمكن حبيت بس هي غلط وجودها في حياتي غلط..

هناء 
يا ابني احنا مش ملايكه كل واحد فينا مليان عيوب وبيغلط الشاطر واللي قلبه مليان خير هو اللي بيقبل التغير وبيصلح من نفسه، مراتك سمعت كلامك غيرت لبسها وبقيت تصلي وبتسمع كلامك شايله امك واخوك علي راسها ولا بتطلع سر بيتك لبره ولا من البنات اللي بتخرب البيوت...

اتنهد محمد بضيق وقال
انا مش مرتاح ولا هرتاح معاها، وخلاص انا اخدت قراري وهطلقها..

هناء بعصبيه 
يا حزنك وغلبك يا هناء ليييه تعمل في امك كده يا محمد، البت عملت ايه عشان تعمل كده...

محمد وقف وقال بعصبيه 
بتحب غيري ارتاحتي كده يا هناء، عايشه معايا ودماغها في حبيب القلب هاتيلي راجل يقبل علي نفسه كده..

وقفت هناء قصاده وزعقت فيه وقالت
اوهاام من دمااغك كل دي اوهام من دماغك، وفين بقي حسن الظن يا ابن حاامد...

محمد بسخريه
دلوقتي بقيت ابن حاامد يا امي...

طلع مازن من اوضته وقال
هو كل يوم خناق كده، ما بقتش عارف اتخمد في ام البيت ده...

هناء پحده 
اسكت خالص الله يخربيت ابوك انت واخوك، بس انا اللي غلطااانه انا ما كنتش خلفت من العربجي اللي اتجوزتو كان احسن وكنت ارتحت من الهم ده، واسمع يا محمد والله العظيم لو طلقت هاجر لا هبقي غضبانه عليك لاخر عمري واديني قولتلك...

_قالت كلامها ودخلت اوضتها، ومازن قرب من محمد وقال...

مازن 
انت هتطلق هاجر ولا ايه؟..

محمد  بضيق
مش وقته غير هدومك وتعالي ورايا يلاا...

نزل محمد ومازن قال
ده ايه الحظ ده بس ياربي ما كانو كويسين حبكت لما جيت عشان اخطب البنت يحصل كل ده..

ـــــــ #بقلم_الكاتبه_رحاب_القاضي ـــــــ 
_في بيت حامد الصاوي، وخصوصا في شقة يونس... 
صحيت شهد وقامت من علي السرير، راحت غيرت هدومها ولبست فستان لونه اوف وايت بسيط طويل وباكمام طويله وفردت شعرها وفضلت تسرح فيه وهي فرحانه بيه جداً...

_وفجأه الباب خبط فاخدت طرحه وحطتها علي شعرها وطلعت عشان تفتح لقيت يونس نايم وقدامه كمية سجاير شاربها كتير جداً، قربت منه وقالت بصوت واطي..

شهد 
يونس يا يونس قوم اصحي في حد بيخبط يوونس..

فتح يونس عينيه وقال
في ايه؟...

شهد بتوتر 
اا الباب بيخبط وو لو كانت الست عظيمه وشافتك هنا يعني...

قام يونس وقال
فاهم خلاص افتحي انتي تلاقيها هي او بطه...

_دخل يونس جوه وفتحت شهد الباب وكانت فعلا عظيمه وبطه وهما جايبين الفطار...

عظيمه زغرتت وقالت
يا صباح الفل يا عروسه، ادخلي يا بت يا بطه...

بطه دخلت وحطت الاكل وحصنت شهد وقالت
صباحيه مباركه يا مرات اخويا،اومال فين يونس؟..

ابتسمت شهد وقالت
الله يبارك فيكي يا بطه، يونس جوه جاي دلوقتي..  

بصت عظيمه للسجاير اللي علي الترابيزه وقالت
بت يا بطه خدي الحاجات دي وحطيها في المطبخ جوه..

بطه 
حاضر يا ماما...

_ دخلت بطه المطبخ وعظيمه قربت من شهد وقالت بنبره جامده..

عظيمه 
ايه اللي نيم جوزك في الصاله؟..

اتوترت شهد وقالت
لا هوو اا..

عظيمه 
شهد بلاش لف ودوران عليا، واسمعي حتي لو كان هو اللي قعد في الصاله هنا وما قربش منك انتي وشطارتك بقي تملي عين جوزك..

شهد بهدوء
حاضر يا مرات عمي...

طلعت بطه من المطبخ وقالت
شهد انا ظبطلك كل حاجه جوه وكمان شويه هاجي نقعد. مع بعض شويه..

شهد 
حاضر يا بطه هستناكي...

_ونزلت عظيمه وبطه وشهد قلعت الحجاب بتاعها وكانت عايزه تدخل اوضتها بس لما افتكرت ان يونس جوه رجعت وراحت فضلت تروق في الصاله وطلع يونس وقال..

يونس
اومال فين الفطار؟...

شهد 
في المطبخ...

يونس 
هناكله في المطبخ يعني ما تجهزيه، هدخل اخد دوش واطلع الاقيكي جهزتي الفطار...

شهد بقلق
حاضر علي طول اهو...

_ دخل يونس جوه وهي جهزت الفطار، وبعد شويه قعد يونس يفطر وشهد قالتله..

شهد 
حاجه تانيه اعملهالك..

يونس 
اقعدي افطري..

شهد 
لا مش بحب افطر الصبح..

يونس
طيب، هو اليوم بتاع المقاپر كان مين اللي مد ايده عليكي...

بصت شهد للارض وقالت بحزن
ما فيش حاجه بس كانت عندي حساسيه..

يونس بهدوء
شاي..

شهد 
نعم؟..

يونس
عايز شاي اخلص الفطار الاقي الشاي موجود..

اتنهدت شهد بضيق وقالت
حاضر...

يونس 
قوليها بنفس مش وانتي قالبه خلقتك...

شهد بغيظ 
اقولهالك ازاي يعني اتحزم وارقص واقولهالك..

غمزلها يونس بخبث وقال
ياريت..

_اتكسفت شهد ودخلت المطبخ وهو ابتسم علي طريقتها وكمل فطاره...

ـــــــ #بقلم_الكاتبه_رحاب_القاضي ـــــــ

_ وقدام الكليه بتاعت ولاء... 
كان واقف مازن هناك ولما شافه ماشيه هي ونسرين ابتسم وكان لسه هيقرب منها بس لقي علي جه ومشي جنبيها واداها ورق وفضلو يتكلمو شويه وبعدين مشي وولاء كانت طالعه وشافت مازن قرب منها وقال بجمود...

مازن
كان عايز منك ايه الواد ده؟..

نسرين 
طيب اسيبك انا بقي يا ولاء ونتقابل بكره..

ولاء 
ماشي..

مشيت نسرين وولاء قالت لمازن
نعم عايز ايه يا مازن؟..

مازن 
ايه اللي كان بيقولهولك الولد ده..

ولاء
امبارح كنت بسأل علي ورق مهم في جروب الدفعه وهو جبهولي النهارده وادهولي بس..

اتنهد مازن بضيق وقال
طيب ممكن بعد كده لو احتاجتي حاجه تقوليلي وانا اجيبهالك بمعرفتي..

ولاء 
ليه طيب ما انا سالت في جروب الدفعه..

مازن 
جروب الدفعه ده ما تتكلميش فيه تاني، ممكن تسمعي كلامي ده مش موضوع تعاندي بيه ممكن...

سكتت ولاء ومازن قال
اعملي اللي عايزاه انا غلطان اني بتكلم معاكي اصلا..

ولاء بسرعه قالت 
لا لا خلاص والله انا هسمع كلامك...

مازن ابتسم. بانتصار وقال
قوليلي بقي مين البنت اللي لاسقه فيكي اليومين دول دي؟..

ولاء بحماس
دي نسرين قابلتها صدفه بنت كويسه اووي وخلتني كمان اقنعتني ارجع اتابع مع الدكتوره...

مازن بسخريه
اااه الدكتوره اللي بنقولك. تبعدي عني..

ولاء بتوتر
لا ما انا قولتلها كل حاجه الا الاقتي بيك دي حاجه بيني وبينك انت وبس..

مازن بضيق
انا مش عايزك. تروحي عند الست دي تاني...

ولاء بحزن
بس انا حسيت اني احسن معاها...

مازن بجمود
انا هخليكي احسن وانتي معايا بس تسمعي كلامي، والبنت اللي لاسقه فيكي دي تحاولي تتجنبيها ممكن تكون مش كويسه وباين عليها اصلا..

ولاء بحزن
حاضر..

مازن مسك ايدها وقال
علي فكره كلمت ماما في موضوع خطوبتنا...

ولاء سحبت ايدها منه وقالت 
طيب كويس المفروض بقي نمشي علي اتفاقنا وما نتكلمش غير بعد الخطوبه..

مازن 
حاضر يا ولاء بس ده ما يمنعش اني اشوفك واكلمك اطمن عليكي..

ولاء ابتسمت وقالت 
ماشي اذا كان. كده ماشي، سلام بقي...

_ مشيت ولاء ومازن بصلها وهو مبتسم وبعدين راح الكليه بتاعته..

ـــــــ #بقلم_الكاتبه_رحاب_القاضي ـــــــ

_ وعدي يوم والتاني وكانت شهد ديما بتتهرب من يونس وهو كان سايبها براحتها، ومحمد كان ملهي في محله اللي بدأ يعدل فيه وبالاضافه لشغله التاني وانه بيروح افراح وكان مطنش هاجر خالص.. 
وهاجر كانت هي اللي حالتها اسوأ في الموضوع كله كانت علي طول نايمه ومش بتاكل خالص واغلب الوقت بتقضيه وهي بټعيط..

_ وفي يوم كانت ولاء قاعده في الصاله بتذاكر والباب خبط راحت فتحت ولقيت هناء في وشها..

ولاء
ازاي حضرتك. يا طنط اتفضلي..

هناء
عامله ايه يا عروستنا..

ولاء 
تمام الحمد لله تعالي اتفضلي اقعدي لحد ما اصحي ماما..

هناء قعدت وقالت
هي امك نايمه ليه دلوقتي ده لسه العشا مأذنه..

ولاء 
ما هي بتنام. بدري لانها بتصحي الفجر ومش بتنام تاني...

_ ودخلت ولاء وصحت فاطمه اللي قالت وهي مدايقه..

فاطمه 
جايه لوحدها ولا معاها جوز اختك؟..

ولاء
لا جايه لوحدها اطلعي بقي سلمي عليها لحد ما اصحي هاجر واكلم بابا يجي..

فاطمه پحده 
سيبي اختك في اللي هي فيه، وما تكلميش ابوكي دي قعدت ستات..

ولاء بقلق
ربنا يستر..

_ وطلعو قعدو مع هناء وفاطمه كانت مدايقه جداً...

هناء بهدوء
وهاجر عامله ايه؟..

فاطمه بجمود
زي الفل يا حبيبتي قاعده في بيت ابوها معززه مكرمه لا ينقصها حاجه ولا حد يبيع ويشتري فيها..

هناء 
لا عاش ولا كان اللي يعمل فيها كده دي ست البنات...

فاطمه بضيق
ما تأخذنيش يا ام محمد بس ابنك اللي عمله ما يرضيش حد وشايلنا كلنا منه، عملتله ايه بنتي عشان يقولها الكلام اللي زي السم ده، ما الاستاذ حمدي جوزي راح دفع التعويض لابن اخوه عشان ما تحصلش مشاكل تبقي دي اخرتها..

هناء 
انتو معاكم حق والله انا ابني غلطان ويعلم ربنا من لما سابت هاجر البيت وانا لا بكلمه ولا لساني جه علي لسانه..

فاطمه 
لا مالوش لازمه احنا بنتنا عندنا وابنك ده في الاول والاخر واحنا ما يرضيناش تقاطعيه عشانه..

هناء 
اللي فيه الخير يقدمه ربنا..ممكن بس اسلم علي هاجر واتكلم معاها شويه..

فاطمه 
اوي اوي يا حبيبتي، قومي يا ولاء صحي اختك..

_ قامت ولاء ودخلت جوه وقالت لهاجر ان هناء بره وهاجر قامت بسرعه وقالت..

هاجر
محمد جه معاها مش كده؟..

ولاء بضيق
لا يا هاجر هي جايه لوحدها..

هاجر بدموع
عادي اصلا انا ما كنتش عايزااه يجي..

_ قامت هاجر ودخلت الحمام عشان تغسل وشها وكان باين عليها التعب جدا بسبب قلة اكلها، وفجأه حست الدنيا لفت بيها ووقعت علي الارض قربت منها ولاء وهي خاېفه وقالت..

ولاء 
هاجر ردي عليا... يا ماماااااا الحقينيييي...

ـــــــ #بقلم_الكاتبه_رحاب_القاضي ـــــــ 
_ وفي المحل بتاع الشيخ محمد...

كان واقف مازن معاه وقال
كده المحل مېت فل وعشره، استني تكلم امك تيجي تشوفه..

محمد 
امك طلعت قالت رايحه للدكتور عشان الخشونه...

مازن 
غريبه اول مره امك تروح للدكتور من غير ما تكون انت معاها..

محمد بضيق
مش بتكلمني وزعلانه..

مازن 
والله حقها، هو حد. لاقي واحده زي شهد. دلوقتي متحملاك انت وامك وقاعده في بيت عيله دي كفايه انها متحمله مزاج امك....

محمد 
انت مش قولت عايز تروح لصحابك، روح يلا وسيبني في حالي...

مازن 
احسن برضو يلا بالسلامه انا...

_ مشي مازن ومحمد قعد جوه المحل وفتخ موبيله وفتح صوره لهاجر وهي قاعده جنب عادل في كافي ايام خطوبتهم وكان عادل حاضنها واكتر من صوره ليها هي وعادل مع بعض وكان باعتله الصور عادل في اليوم اللي طلع فيه براءه من القضيه، وبعدين موبيله رن برقم هناء..

رد عليها عادل وقال 
ايوه يا امي معاكي..

هناء بقلق 
مازن تعالي علي المستشفي العام بسرعه هاجر تعبانه اووي ولازم تكوم موجود..

محمد بقلق
تعبانه ازاي يعني وانتي شوفتي هاجر فين؟..

هناء
انا كنت عندها والبنت تعبت اووي ونقلناها المستشفي اخلص وتعالي ما تخليش شكلي وحش قدام الناس....

محمد بضيق
حاضر جااي..

_ قفل معاها محمد وراح وقف تاكسي وراح المستشفي..

ـــــــ #بقلم_الكاتبه_رحاب_القاضي ـــــــ 
_ وفي مكان تاني فاضي.. 
كان واقف مازن لوحده وقرب منه واحد في سنه تقريبا وهو بيتلفت حواليه وقال..

مفتاح 
انت مازن مش كده؟..

مازن 
انت اللي من طرف عباس الشيمي؟..

مفتاح 
امم ايوه اعتبرني. كده؟..

مازن بقلق
اعتبرك يا عم انت ولا مش انت ولو انت اللي من طرفه هات الطلب بتاعي...

ظهر يونس في الوقت ده وقال
الطلب معايا انا، امشي يا مفتاح..

مازن پحده 
انت عايز مني ايه ومال اهلك اصلا بالحوار ده..

قرب منه يونس وقال
قلت ادب مش عايز وياللي عامل فيها محترم وبتقول عليا بلطجي عيب تاخد الحاجات دي في سنك ده..

مازن بجمود
هرجع واقولك تاني انت مال امك..

_ ضربه يونس في وشه جامد ومسك مازن وشه بالم وقال يونس بعصبيه..

يونس 
هتجيب سيرة امي تاني ھدفنك، وعلي فكره انا قولت للكل ان ما حدش يديك اي حاجه ولو فكرت تاخد القرف ده تاني هبلغ عنك تمام..

مازن بغيظ 
وانت مالك انت انا حر..

يونس مسكه من هدومه جامد وقال پحده 
عندك كل حاجه متوفره عشان تكون بني ادم متعلم وناجح وكويس وامك وقفت حياتها كلها عشانك انت واخوك، فووق لنفسك انت بكره تبقي مهندس اد الدنيا مش بلطجي وشمام..

اتملت عيون يونس دموع وقاله مازن
هو انت يعني فارق معاك انا اكون ايه بكره، كنت قول الكلام ده لنفسك..

ابتسم يونس بسخريه وقال
اخوك مره في خطبة الجمعه قال لو علمتم الغيب لحمدتم الله كثيراً، انا اتحطيت في المكان اللي يناسبني وانت في المكان اللي يناسبك بلاش بقي تغضب ربنا وتروح لطريق مش شبهك،السكه اللي انت عايز تدخلها دي بتدمر...

_ قال كلامه وسابه ومشي واخد عربيته، وراح البيت واول ما وصل لقي يوسف قاعد قدام البيت مستنيه...

يونس
خير عايز ايه؟..

يوسف
في ايه يا يونس بكلمك مش بترد عليا خالص، ايه الجواز غيرك عليا ولا ايه؟..

يونس بجمود
ايه اللي خلاك تبعت لبطه وتكلمها من ورايا..

يوسف بهدوء
انا اسف حقك عليا والله ما هتتكرر تاني..

يونس
مليون مره اقولك تعالي اخطبها عشان عارف انك متنيل بتحبها وانت اللي رافض..

يوسف بهدوء
هخطبها ومش هسيبها لغيري بس نخلص الموضوع بتاعنا الاول علي الاقل عشان اقدر اسند نفسي..

يونس
انت وصلت لادهم ده؟..

يوسف
للاسف مش عارف بس جيبت عنوانه زي ما انت طلبت..

يونس 
تمام اوووي ابعتهولي علي الوتس...

يوسف 
طيب انت قولت لابوك حاجه عن الموضوع ده؟..

يونس بجمود
لا بس هو لو حد هيساعدنا في الموضوع ده مش ابويا...

يوسف 
اومال مين يعني؟..

يونس بهدوء
بعدين اقولك روح روح يلااا..

يوسف 
خدتك مني العروسه كنت بتسهر معايا للصبح..

يونس 
اومال طبعا يا عم الواحد لقي الونس خلاص...

يوسف 
عقباااالي يااارب..

_ مشي يوسف ويونس طلع شقته، وراح اوضته لاقاها فاضيه كالعاده لان شهد بتنام في اوضة تانيه لوحدها، اتنهد بضيق وراح اوضة شهد وفتح الباب لاقاها نايمه، قرب منها وقال..

يونس 
شهد... شهد...

_فتحت شهد عيونها وقامت بسرعه اول ما شافته وقالت بتوتو...

شهد 
نن نعم في ايه؟..

يونس پحده 
شووفتي عفريت في ايه يا شهد..

شهد بقلق
لا مم مافيش حاجه بس يعني... معلش ما اقصدش..

يونس بجمود
طيب تعالي ورايا اوضتنا عايزك في حاجه..

اتنقضت پخوف وقالت
لا لا اا انا مرتاحه هنا...

بصلها پحده وقال
هو انا متجوزك عشان تنامي في اوضه وانا في اوضه سيبتك يوم والتاني وقولت تتعود انما للصبر حدود...

راح ناحية الباب وبصلها وقال
انا ما بحبش اكرر كلامي مرتين عدي ليلتك دي علي خير وتعالي ورايا...

_ طلع يونس وشهد فضلت ټعيط وهي خاېفه وبعدين راحت فعلا ورا يونس وحصل؟؟..

_ تفتكرو ايه بقي اللي هيحصل في شهد مع يونس؟..

ـــــــ #بقلم_الكاتبه_رحاب_القاضي ـــــــ 
_ وفي المستشفي اللي فيها هاجر... 
وصل محمد هناك وكان حمدي ومراته وولاء وهناء واقفين هناك...

محمد 
خير يا جماعه مالها هاجر..

فاطمه بدموع
انت ليك عين تيجي كل اللي بنتي فيه ده بسببك منك لله يا شيخ..

حمدي پحده 
فاطمه ما اسمعش صوتك تاني...

هناء بضيق
محمد جاي يطمن علي مراااته يا ام هاجر وخلينا الاول نطمن علي شهد وبعدين نتكلم..

_طلع في الوقت ده الدكتور من اوضة الكشف وقربو كلهم منه وقال حمدي..

حمدي
طمني يا دكتور بنتي عامله ايه وايه اللي حصلها اصلا؟..

الدكتور
خير يا حج ما تقلقش هي ضعيفه شويه وقلة تغذيه وده مع الحمل الجديد خلاها ضعيفه اكتر..

محمد اتفاجي وقال
ايه حاامل؟!..

_ تفتكرو بقي هيحصل ايه في علاقة هاجر ومحمد؟..

#موضوع_عائلي
-الحلقه الخامسه عشر
ــــــــــــــــــــــــــــــــــــــــــــــــــــ
-دخلت شهد اوضتها هي ويونس وكانت متوتره جدا ووقفت قدام الباب ويونس كان بيغير هدوومه ولما شافها وقفه قالها پحده

يونس
ما تدخلي يا شهد في ايه

اتنفضت نور وقالت
ححاضر

- دخلت شهد وقعدت علي السرير وبصت ليونس اللي كان بيغير هدومه وقبل ما تبعد عينيها عنه لفت نظرها جسم يونس اللي كله علمتات وجروج باينلها قديمه ، بصلها يونس بطرف عينه فاتكسفت شهد وبصت للارض بسرعه ، ابتسم يونس وقرب منها وقعد جنبيها وقال...

يونس
علي فكره انا جوزك فعادي يعني مش مستاهله الكسوف ده كله

ردت عليه شهد وقالت بتوتر
هو انت عايز ايه دلوقتي؟

قرب منها يونس اوي وهي رجعت لورا وبدأت تتنفض وقال هو بخبث ...

يونس
اتعشي ؟

شهد
نعم؟؟

يونس
عايز اتعشي ينفع ولا ما ينفعش ؟..

شهد بتوتر
ينفع بس اوعي طيب عشان اقوم

- بعد عنها يونس شويه وهي قامت وطلعت بسرعه وقفت في المطبخ و وحطت ايدها علي قلبها وقالت لنفسها بتوتر

شهد
يا نهااار اسود طيب ده انا ده انا اتفاهم معاه ازاي بس ياربي

_____________
-وفي المستشفي  اللي فيها هااجر
كانت هناء وفاطمه وولاء قاعدين عند هاجر في الاوضه اللي في المستفي هناء قالت

هناء
هتطلعي من هنا وتيجي بيتك وان ما شالتكيش الارض اشايلك فوق راسي

ابتسمت هاجر وقالت
ربنا يخليكي يا طنط ، بس انا خلاص اللي مش عايزه ارجع

هناء
وليه بس الكلام ده يا هاجر ده انتي اكتر واحده  عارفه ان محمد طيب وبيطلع يطلع وينزل علي ما فيش

ردت عليها فاطمه وقالت پحده
لا والله هو فين ده اللي طيب اللي حتي ما هانش عليه ربنا يدخل يطمن علي مراته ام ابنه  وقلب وشه كأن الخبر ده مصېبه جاتله

ادايقت هناء وهاجر قالت بدموع
خلاص يا ماما لو سمحتي طنط هناء مالهاش دعوه باللي حصل

هناء بحزن 
اهو محمد قاعد مع ابوكي تحت وان شاء الله محمد هيعتذرله وترجعي بيتك بقي

مسحت هاجر دموعها وقالت
اللي فيه اخير يقدمه ربنا يا طنط..

- وتحت في الكافيتريا بتاعت المستشفي كان محمد قاعد مع حمدي ابو هاجر اللي قال ليه پحده

حمدي
هو انت لما جيت تتجوز بنتي انا ما قولتلكش تعالي اتجوزها انت طلبتها وانا وافقت ، فا  مالوش داعي انك بقي تبيع وتشتري فيها وكأن مالهاش اهل

محمد
العفويا عمي انا ما قصديش كده ، كل الحكايه ان العلاقه بيني انا وهاجر جات بسرعه

حمدي 
معاك حق والخلاف والاتفاق ده احنا مش هنتدخل فيه بس زي ما دخلنا بالمعروف نطلع بالمعروف برضو من غير ما ټجرح فيها

محمد اتنهد بضيق وقال
انا اسف ومستعد دلوقتتي اروح اعتذرلها واخدها وامشي

حمدي
واسفك ده ما عرفتوش غير لما عرفت انها هي حاامل

سكت محمد وقال حمدي
انت حتي ما كلفتش نفسك تقول اطمن عليها ، خلاصة الكلام انا بناتي غاليين اوووي يا شيخ محمد واللي ما يعملهمش جوهره وېخاف عليهم من الهوا الطاير يبقي مش هأمنه عليهم دقيقه واحده

محمد بجمود
حضرتك عاييز ايه دلوقتي يا استاذ حمدي؟

حمدي پحده 
لا يا حبيبي ده سؤال تسأله انت لنفسك ولما تعرف اجابته تيجي تقولهالي وتقولي بقي انت عايز ترجع مراتك ليه ووقتها اشوف بقي هرجعهالك ولا لا

وقف حمدي وقال
خليك قاعد هبعتلك امك تاخدها معاك انت وماشي تعبناها معانا النهارده

-قال حمدي كلامه وطلع فوق خبط علي الباب  ودخل وبص لهاجر وابتسم وقال...

حمدي
الواد ده هيتعبنا من اولها ولا ايه ، مستشفيات ووقع قلبنا عشان بس يعرفنا بوجوده

هاجر ابتسمت وقالت 
قليل عليه يعني يا بابا

حمدي
هو احنا لسه شوفنااه اصلا عشان نعرف غلاوته عندنا

هناء
ربنا يقومها بالسلامه وغلاوته هتكون من غلاوة امه وابوه عندنا

وقفت هناء وقالت
استئذن انا بقي وهبقي اجيلك تاني يا  حبيبتي

-ابتسمتلها هاجر بدموع وعرفت من سكوت ابوها ان محمد مش هيرجعها ليه دلوقتي

_______________________
_ وفي بيت حامد الصاوي في شقة يونس... 
قعد يونس علي ابسفره بعد ما شهد حطت الاكل عليها وقالها يونس بجمود..

يونس
هتاكلي ولا لا، هو انتي بتاكلي اصلا من لما اتجوزنا ما شوفتكيش بتاكلي..

شهد بتوتر
مم ما هو انا مش متعوده اكل معاك يعني وو..

يونس 
لا استني استني ايه ده يا ماما اللي انتي جيباه..

شهد بقلق
دي سندوشات تونه بالسلطه..

يونس بنفاذ صبر
هو انتي كنتي ساكنه فين وسندوتشات تونه ايه اللي اتعشي بيها...

شهد 
ما انت طبيعي تتعشي حاجه خفيفه وبعدين ما انت كل يوم بتتعشي لوحدك وما اعرفش انت بتاكل ايه..

يونس غمزلها وقال
ما انتي لو مهتمه كنتي عرفتي..

_ضحكت شهد ڠصب عنها وهو كمان ابتسم لضحكتها وقال...

يونس
علي العموم يا ستي انا بحب اتعشي فراخ بانيه مكرونه كوارع لحمه...

شهد اټصدمت وقالت
نعممم انت هتاكل الحاجات دي وهتعرف تنام..

يونس بهدوء
ايوه هنام مدام هتنامي جنبي هعرف انام، ممكن بقي تجهزيلي عشا كويس...

شهد بكسوف
حاضر...

_جات شهد تاخد السندوتشات بس هو مسكهم بسرعه وقال

يونس
انتي هتعملي ايه دول هعتبرهم تصبيره لحد ما تجهزي العشا...

شهد ابتسمت وقالت
ما تجيش تاكلني انا بالمره هو في ايه..

يونس
بصولنا بقي في اللقمه كمان، انتي هتزليني عشان تأكليني يعني..

ضحكت هاجر وبامت غمزاتها وقالت
ههههه خلاص هروح اجهزلك وكل السندوتشات..

_ دخلت شهد وهي مبتسمه، وبعدين اتنهدت بحزن وقالت...

شهد 
اتمني تفهمني يا يونس وما تظلمنيش انت كمان..

_ وبعد شويه طلعت شهد وحطت اكل علي السفره قدام يونس وقالت..

يونس 
حمرت فراخ وعملت مكرونه بس عشان ما اتأخرش عليك..

يونس مسك منها طبق المكرونه وقال
عادي هعديها عشان لسه ما تعرفيش نظامي..

شهد وهي بتعد جنبيه علي السفره
معاك حق ما كنتش اعرف اني اتجوزت سيد قشطه...

يونس ابتسم وقال
شايفك جايبه طبقين وقعدتي انتي كمان هتاكلي اهو خير؟..

شهد 
بصراحه جوعت وانا بجهزلك...

يونس
وهتعرفي تنامي بقي بعد الاكل ده..

شهد 
هحاول..

_رفع يونس ايده علي وشها وشال الخصله اللي نازله من شعرها ذتءعلي عينيها وحطها ورا ودنها وقال بهدوء...

يونس
ما تقلقيش انا هعرف اخليكي تنامي...

_بصت لايده بتوتر وكسوف وهو بعدها بسرعه وفضل ياكل من غير ما يبصلها عشان تبقي علي راحتها، وبعدين بصلها وقال..

يونس
هو انتي كنتي فاكراني ايه؟..

بصتله شهد بقلق وقالت
مم مش فاهمه قصدك...

ساب يونس المعلقه وقال
اخر مره ركبتي فيها العربيه معايا وقولتلك ما تروحيش لصحبتك مرات الشيخ محمد وقتها قولتيلي اني طلعت عكس ما كنتي فاكره هو انتي كنتي فاكراني ايه يا شهد..

_سكتت شهد وبصت للاكل قدامها، ويونس اتنهد بضيق وقال...

يونس
طيب بلاش السؤال ده، انتي ليه رفضاني من اول يوم اتقدمتلك فيه؟...

بصتله شهد بضيق وخوف وهو قال بجمود
عشان بلطجي وجاهل مش هما قالولك عليا كده برضو؟..

قالت شهد بسرعه 
لا والله العظيم انا ما فكرتش في كده اصلا ما كنتش اعرف عنك حاجه، انا اللي بسمعه عنك حاجه واللي بشوفه منك حاجه تانيه وموضوع رفضي كان لفكرة. الجواز كلها مش بسببك. انت...

يونس بجمود
انتي دلوقتي شيفاني ازاي، شايفه جوزك ازاي؟...

_اتوترت شهد وضمت. ايدها. لبعض وبصتلهم وقالت بصوت واطي جداً....

شهد 
شايفه ان ما فيش منك. ومميز جدا..

ابتسم. ڠصب عنه وقال
ازاي؟..

شهد اخدت نفس عميق وقالت
يعني البطل بتاع الحكايه كلها، من اول لحظه شوفتك فيها وانا شيفاك كبير جدا وتاني مره وتالت مره حتي يوم فرحنا واحترامك لخۏفي خلاني اتاكد من نظرتي ليك ومهما قالو عنك كلام مش هيفرقلي مدام شايفه منك حاجه تانيه..

_كان مركز في كل كلمه بتقولها، وكأنه كان في اختبار ومستني يسمع النتيجه، وقام وقعد علي الكرسي اللي جنبيها وبصلها بهدوء وقال...

يونس
تعرفي انك الوحيده اللي شوفتيني من جوه قبل من بره...

شهد 
طيب انا رديت علي كل اسألتك، ممكن انا كمان اسألك سؤال..

يونس ابتسم وقال
مش مرتبط غير بيكي ها ايه تاني..

ضحكت شهد وقالت
هههه لا ما كنتش هسألك عن كده، انا كنت عايزه اعرف مين نور؟..

اتغيرت ملامح يونس، وادايق جدا لما قالت
سمعت انك كنت خاطبها وانك بتعشقها مش بتحبها وبس..

قام. يونس وقال
انا شبعت ورايح انام، لو خلصتي اكل انتي كمان لميه وتعالي عشان تنامي، وما تقلقيش انا عند. وعدي ليكي لحد ما تكوني جاهزه..

شهد بضيق 
بس انت ما جاوبتنيش علي سؤالي؟..

يونس پحده 
ومش عايز اجاوب والموضوع ده ما يتفتحش تاني والاسم اللي قولتيه ده تنسيه خالص مفهوم، وانا ايوه عكس ما كنتي فاكره وهنا ما تقوليش غير حاضر وبس يا شهد   مفهوم؟..

اتملت عيونها دموع وقالت باحراج
حاضر...

_ سابها ودخل جوه، وهي شالت الاكل ودموعها علي وشها ودخلت لقيته نايم ومديها ضهره، قربت من السرير ونامت جنبيه وكان بينهم مسافه كبيره..

_ تفتكرو المسافه دي هتنتهي في يوم من الايام ولا هتفضل بينهم للابد؟....

ــــــــــــــــــــــــــــــ
_ وعدي يوم في التاني والتالت واكتر وكان الكل ملهي في حاله ومشاكله وحزنه علي اللي فارق بسبب واللي فارق من غير سبب، اللي شك واللي ظلم واللي تملك واللي اتجرح واللي خاېف، بس كانت النقطه اللي ديما بتجمعهم السكوت والاستسلام للوضع المفروض عليهم..

وده اللي كانت بتعمله ولاء في علاقتها مع مازن انها تسكت وتتحمل كل حاجه منه عشان بتحبه عشان خاېفه تبقي لوحدها من غير ما حد يحبها، وهو استغل مرضها فإنه يمتلكها بكل انانيه مش مهتم لاي حاجه هي ممكن تتعرضلها بسببه..

وكانت ولاء قاعده علي سلم الجامعه وقربت منها نسرين وقالت..

نسرين 
انا عايزه افهم انا زعلتك في ايه عشان تبطلي تكلميني..

ولاء بحزن 
لا انتي ما زعلتنيش والله..

نسرين 
طيب اومال في ايه، يا ولاء انتي بنت طيبه وكويسه وانا ما اعرفش حد هنا غيرك وخاېفه اصاحب حد تاني يطلع وحش..

ولاء بضيق
علي فكره وانا كمان زيك بس..

نسرين 
قوليلي طيب في ايه ونتكلم ونتفاهم..

ولاء بقلق
بصراحه مازن طلب مني ما اتكلمش معاكي تاني..

نسرين پحده 
نعممم وهو ماله اصلا دي حاجه بينك وبيني..

ولاء بضيق
ما هو عشان خاېف عليا وصحابي قبل كده كانو اا..

نسيرين پحده 
اسكتي يا ولاء لو سمحتي في حاجه اسمها خاېف عليكي وفي حاجه تانيه اسمها بيتأمر فيكي وبيحاول يسيطر علي كل قرار في حياتك وانتي اوعي تديله الفرصه انه يعمل كده..

قبل ما ترد عليها ولاء قرب منهم مازن وقال
ولاء تعالي عايزك..

_جات ولاء تقوم بس اللي كانت اسرع هي نسرين اللي وقفت قصاده وقالت پحده..

نسرين
انت ازاي يالا تقولها ما تكلمنيش انت مالك اصلا..

مازن 
يالا انتي اللي ازاي يا بت انتي تكلميني كده..

نسرين ذقته جامد وقالت
بت اما تبتك ما تلم نفسك وانا اتكلم زي ما انا عايزه مع الاشكال اللي زيك..

مازن پغضب
اللهم طولك يا روح..

قامت ولاء وقالت پخوف 
خلاص يا نسرين عشان خاطري بعدين نتكلم، وانت يا مازن اهدي وانا هقولك هي معتبه بس عشان انت قولتلي ما اكلمهاش تاني..

مازن بعصبيه 
هي كلمه يا ولاء هتيجي معايا ولا هتترزعي معاها.  

نسيرين پحده 
هتقعد معايا انت مين عشان تتحكم فيها كده؟..

مازن بص لولاء بعصبيه وقال
براحتك انا ماشي ومش هتشوفي وشي تاني...

مسك ولاء ايده بسرعه وقالت
لا لا استني انا هاجي معاك...

وبصت لنسرين وقالت پحده 
لو سمحتي ما لكيش دعوه بيا تاني انا حره...

_ مسك مازن ايدها بتملك وبص لنسرين بشماته واخد ولاء ومشي من قدامها، ووقفو في مكان هادي شويه ومازن قالها پحده وسخريه..

مازن 
شايفه الاشكال اللي بتصاحبيها، وفي الاخر تزعلي لما اتعصب عليكي، هو مين اللي بيخليني اتعصب مش تصرفاتك الغبيه...

_قال اخر كلمه وهو بيضربها جامد علي دماغها وهي فضلت ټعيط وايديها بتتنفض جامد وقالت بصوت عالي..

ولاء
ما تمدش ايدك عليا وما تزعقليش...

مازن بعصبيه 
لا وليكي عين تتكلمي كمان، انتي لو بتشوفي نفسك غلطانه ما كانش ده حصل..

ولاء پحده 
انا ماشيه ومش عايزه اكلمك تاني وانا مش غلطانه اصلا...

_ جات تمشي بس مازن مسك ايدها وقال بهدوء..

مازن
ما تزعليش حقك عليا..

بعدت عنه ولاء وقالت
كل مره كده تغلط فيا وتزعق وتمد ايدك وتيجي تقولي ما تزعليش، انا بابا عمره ما مد. ايده عليا عشان انت تيجي وتعمل كده..

مازن بضيق
انتي عارفه اني عصبي يا ولاء، بصي احنا نتفق انا مش هزعقلك ولا همد ايدي تاني وانتي ما تزعليش مني اشطا..

ابتسمت ولاء 
اشطا... استني انت اصلا لو بطلت تزعقلي انا مش هزعل منك..

مازن 
انتي بتفكري ليه ما تفكريش قولي حاضر وبس ونسمع الكلام...

ولاء بهدوء 
حاضر، ممكن بقي اروح المحاضره..

مازن 
تمام بس لا تكلمي حد. ولا ليكي علاقه بحد...

ولاء 
حاضر... باي...

_ مشيت ولاء ومازن راح المدرج بتاعه وكان لسه الدكتور ما جاش، ومسك موبيله وفتح الاكونت بتاع نسرين وفضل يتفرج علي صورها وقال لنفسه..

مازن 
وماله اهو كله خير....

ـــــــــــــــــــــــــــــ 
_ وفي بيت حمدي ابو هاجر... 
كانت هاجر لابسه بتجهز عشان تروح شغلها وبعد ما لفت حجابها فتحت قلم الروج بتاعها اللي من اللون الاحمر، وحطت منه وبعدين مسكت موبيلها واتصورت صوره شخصيه ليها وحطتها علي صفحتها علي الفيس... ودخلت عندها فاطمه وقالت...

فاطمه 
برضو مصممه تنزلي الشغل، طيب مش خاېفه علي نفسك خافي علي اللي في بطنك..

هاجر 
وهو اللي في بطني حد جه جنبيه ده متشال اهو علي كفوف الراحه..

فاطمه 
طيب اشربي كوباية اللبن دي وكلي البيض ده يلا..

هاجر 
لا لا مش عايزه والله حاسه نفسي هرجع من ريحتهم واصلا ما ليش نفس لاي اكل خالص...

فاطمه 
ما هي دي البدايه في الحمل، طيب اغسلك شوية فاكهه تاكليهم قبل ما تنزلي..

هاجر
معلش يا ماما متأخره ومش هقدر اكل اي حاجه والله لما ابقي ارجع..

_ وسابتها هاجر ونزلت، وفي بيت الشيخ محمد كان لسه صاحي من نومه وبص جنبيه علي مكان هاجر الفاضي واتنهد بضيق وقام قعد ومسك موبيله يبص علي الساعه، لقي ان عنده اشعار من الفيس بأن هاجر غيرت صورة البروفيل بتاعها.. 
فتح بسرعه واول ما شاف الصوره غمض عينيه وقال بعصبيه...

محمد 
اااه يا بنت ال...

_جه يبعتلها رساله بس لقي في كومنت علي الصوره ومن فضوله فتحه ولقاه عادل اللي عاملها قلوب حمرا..

_ اتعصب محمد جداً وقفل الموبيل وقام غير هدومه وطلع بره اوضته لقي هناء قاعده قدام التلفزيون وهي بتشرب شاي، قرب منها وباس علي راسها وقال..

محمد
صباح الخير يا امي..

ما ردتش هناء عليه وقال هو
طيب صباح الخير يا امي مره تانيه يمكن ما سمعتيش من اول مره..

هناء بضيق
لا سمعت بس مش هرد علي حد...

محمد فعد جنبيها وقال
ولحد امتي ما هو علي ايدك ابوها رفض يخليها ترجع معايا..

هناء پحده 
تحاول تاني وتالت ورابع، انت اول ما جيت تطلقخا ربنا بعتلك سبب قوي عشان تتراجع عن القرار ده وتعقل، بس اقول ايه غبي..

محمد بضيق
انتي ليه يا امي مش عايزه تفهميني، هاجر مش شبهي ولا شبه البنت اللي تنفع تبقي مراتي..

هناء 
انت اللي اختارت واتجوزت وبقي بينك روح طفل صغير جاي في الطريق ما حدش غصبك علي حاجه في كل ده، انما انك تدمر حياتك وحياتها وحياة ابنك..

محمد 
يعني احنا حياتنا اټدمرت لما انتي اطلقتي من ابويا لا بالعكس ده احنا بقينا احسن بكتير...

هناء بدموع
انت واخوك بس انما انا وابوك ويونس خسرنا كتييير، خلاصة الكلام انا لا هرضي عنك ولا تكلمني ولا اكلمك غير لما ترجع مراتك وتعقل وتبطل لعب العيال ده يا شيخ محمد...

ـــــــــــــــــــــــــــــ 
_ بالليل في ملهي ليلي، وقف يونس بعربيته قدام المكان ده، ونزل منها ودخل جوه وقرب من راجل كان قاعد علي البار لوحده وقعد جنبيه وقال..

يونس
يونس الصاوي يا سليمان بيه...

بصله سليمان من فوق لتحت وقال
قولتلك مش هقدر افيدك بحاجه..

يونس 
والسبب؟..

سليمان
هتفشل بدل ما اضيع فرصه زي دي واديها ليك وتفشل لا انا هديها لحد يكسب ويكسبني جنبه..

يونس بهدوء
واللي يضمنلك ان انا هكسب؟..

سليمان 
ازاي ده توكيل عربيات مستورده عارف هيكلفك كام، بلااش دي عارف لو فشلت فيه هتخسر وتخسرني اد ايه؟...

يونس بجديه
مستعد اديك ضعف اللي هتكسبه لو خسړت وكلامي يتسجل في ورق بيني وبينك..

ابتسم سليمان وقال بسخريه
طموحك حلو بس انت داخل علي سكه كلها مفترسين وناس الغلطه معاهم بفوره..

يونس 
وهبقي كبير السكه كمان وسجل ده عندك برضو...

بصله سليمان بسخريه وقال
مدام حقي هيبقي مضمون يبقي هديلك التوكيل وافشل براحتك..

وقف يونس وقال
يبقي اتفقنا حدد الوقت اللي هتاخد فيه الفلوس وامضي عقد التوكيل...

سليمان
هستناك في شركتي ونتفق الاول قدام المستشار القانوني بتاعي...

_ وافق يونس وسابه ومشي، ورجع البيت لقي شهد نايمه علي الكنبه اللي في الصاله وهي متغطيه ببطنيه وبتتفرج علي التلفزيون...

يونس 
بتعملي ايه هنا؟..

قعدت شهد وقالت
ما فيش كنت بتفرج علي التلفزيون والجو ساقعه فجيت البطانيه هنا..

يونس 
طيب..

شهد 
هقوم اجهزلك العشا؟؟...  

يونس
لا اكلت مع يوسف بره، هو انا بس عندي سؤال من اللي اختارلك اللبس ده؟

شهد بعدم فهم 
انا ليييه ماله؟..

يونس قعد جنبيها وقال
طيب بزمتك في عروسه تجيب في جهازها بجايم علي شكل ارانب وقطط لا ومقاسها يلبس عشره..

بعدت عنه شهد وقالت 
ما هي دي الموضه وعلي فكره الحاجات دي نازله تريند...

يونس بخبث
وفي حاجات تانيه بتبقي تريند برضو زي اللي كنتي لابساها ليلة الډخله كده..

_خلص كلامه وغمزلها وزي كل مره اتوترت جدا، وقامت وقفت وقالت..

شهد 
دد دي زهره هي اللي خلتني البسه بس...

قام يونس وقف قصادها وقال
طيب وبعدين نجيب زهره نقعدها معانا يعني..

شهد بتوتر وخوف 
لا.. اعملك شاي..

يونس بضيق 
هو في ايه هنفضل كده كتير يعني؟..

شهد بدموع 
لا...

يونس اتنهد بضيق وقال
انا مش عايز حاجه انا داخل انام، بس شوفيلك حل في خۏفك ده اللي لحد دلوقتي مبرره بانك مش متعوده عليا تمام...

_ قال كلامه وسابها ودخل اوضته عشان ينام، وشهد نامت علي الكنبه في الصاله وكامت بټعيط وهي فعلا خاېفه منه ومن ردت فعله لما يعرف الحقيقه..

ـــــــــــــــــــــــــــــ 
_ وتاني بوم الصبح صحيت هاجر من نومها وفتحت الفون بتاعها، ودخلت علي صفحتها الشخصيه وبدأت تقرأ في كومنتات صحابها علي صورتها اللي حطتها امبارح وشافت الكومنت بتاع عادل وقعدت بسرعه وقالت..

هاجر
ېخرب بيتك وبيت سنينك، انا اللي غبيه ونسيت اعملك بلوك..

_ وبسرعه مسحت الكومنت بتاعه وعملتله بلوك، وفتحت الشات بتاع محمد وبعدين قفلته تاني وعيونها اتملت دموع، ودخلت عندها فاطمه وقالت..

فاطمه
انتي صحيتي يا هاجر، انا كنت جايه اصحيكي والله..

هاجر 
كنت ظابطه منبه يا ماما وصحيت..

فاطمه 
طيب صباحك زي الفل يا حبيبتي  ، ابوكي نزل المعهد واختك راحت الجامعه وانا هنزل اجيب الطلبات بتاعت البيت من تحت وسيبالك الفطار في المطبخ..

هاجر 
ماشي يا ماما ربنا يخليكي ليا يا حبيبتي...

_ وقامت هاجر اخدت هدوم ليها ودخلت الحمام وسابت موبيلها اللي رن برقم محمد وما اخدش بالها منه..

ـــــــــــــــــــــــــــــ 
_ وفي بيت محمد كان طالع من اوضته وهو ماسك موبيله وبيحاول يكلم هاجر، ولقي هناء قعده بتفطر قعد. جنبيها وقال..

محمد
صباح الخير يا امي...

هناء پحده 
قوم يااد من هنا انا عامله الفطار علي قدي واعمل حسابك انت واخواك انا مش هعمل حاجه تاني لحد عايزين تاكلو تشربو مع نفسكم بقي..

طلع مازن من الحمام وقال
نعمم وانا مالي يا لمبي، هو انا عملت حاجه يا هناء عشان تعاقبيني كده..

هناء پحده 
انت ده انت داهيه سودا واسكت خالص انت وهو جاتكم نيله عليكم وعلي خيبتكم..

محمد بهدوء
طيب علي العموم انا امبارح بالليل كلمت الاستاذ حمدي وقابلته علي القهوه وقالي انه موافق هاجر ترجعلي بس اكلمها الاول..

هناء بحماس
طيب مستني ايه بقي ما تكلمها وخد منها معاد واتقابلو واعملها عشا رومانسي..

مازن قعد جنبيه وقال
ايوه واعزم ولاء معاها وانا اجي ونتعرف كلنا واخطب البت...

محمد پحده 
لما تبقي تخلص الجامعه وتبطل تاخد مصروف من امك..

ادايق مازن وهناء قالت 
سيبك منه وقولي كلمتها ولا لسه ولو لسه كلمها..

محمد
حاولت اكلمها مش بترد..

مازن 
هناء معاها حق انت روحلها..

محمد 
طيب هكلم ابوها واستئذن الاول وبعدين اروحلها..

ـــــــــــــــــــــــــــــ

_ وفي بيت حامد الصاوي، في شقة يونس.. 
دخل المطبخ ولقي شهد واقفه بتجهز في الفطار ورافعه شعرها كله لفوق علي شكل كحكه ولابسه بجامه قطيفه شكلها حلو اووي، قرب منها يونس ووقف وراها وحضنها فجأه وقال..

يونس
عظيمه كانت عايزة ايه؟..

اتنفضت شهد بتوتر وكسوف وقالت
اا عظيمه مين لو سمحت ابعد عيب كده..

يونس بخبث
عظيمه مين كل ده عشان حضڼ، المهم كانت عايزه ايه..

شهد بتوتر
كك كانت بتقولي ننزل نفطر تحت بعد كده عشان احنا عيله واحده وكده...

يونس قرب منها اكتر وقال
وانتي موافقه ننزل نفطر تحت وقالت..

شهد وهي بتحاول تبعد عنه وقالت
اللي تشوفه وبعدين اوعي بجد البيض هيتحرق..

بعد عنها يونس وقال
طيب هاجر صاحبتك كانت بترن عليكي جوه..

شهد بأهتمام
طيب بالمناسبه انا عايزه اروح لهاجر هي حامل جديد وكانت تعبانه وعايزه ازورها والنبي عشان خاطري وهي اصلا في بيت اهلها مش عند اخوك..

اتنهد يونس بهدوء وقال
حاضر نفطر ونروح هوصلك وابقي ارجع اخدك..

مسكت ايده وقالت وهي مبسوطه 
بجد شكرا جدا جدا يا يونس..

_ وكملت تجهيز الفطار وهي مبسوطه ويونس واقف جنبيها وباصلها بهدوء، وبعدين فطرو وهي جهزت وراحو لبيت هاجر...

ـــــــــــــــــــــــــــــ 
_ وفي بيت هاجر كانت بتكلم صاحبتها في المستشفي وبتقولها..

هاجر 
ية بنتي والله بقولك صحبتي جيالي وما قت اني هشوفها، عشان خاطري يا غاده هو نص يوم اجازه وهاجي اكمل شغل لبليل..

غاده 
انتي اجازاتك كترت انا مش عارفه هروح اقول ايه للاستاذ ايهاب دلوقتي..

هاجر 
قوليله نندهو حالة ۏفاة اي حاجه..

والباب خبط وهاجر قالت بسرعه 
اهي صاحبتر جات ساعتين تلاته وهكون عندك يلا سلام..

_ وقفلت هاجر معاها وراحت فتحت الباب واټصدمت لما لقيت اللي كان بيخبط عادل اللي قالها..

عادل 
وحشتيني اووي يا هاجر..

هاجر پحده 
وحشتك عقربه يا شيخ، امشي من هنا يا عادل احسنلك..

ذقها عادل جامد ودخل وقفل الباب وقال
لا مش همشي وهنتكلم يا هاجر، جوزك والله ما بيبحبك ربع مع انا بحبك سيبيه نزلي ابنه اللي فيطنك ده وارجعيلي وانا عمري ما هسيبك تاني..

_ تفتكرو بقي هيكون رد هاجر عليه ايه؟..

_ومين اللي هيوصل عندها الاول يونس وشهد ولا محمد؟...

_ يلا بقي سلام ونتقابل الحلقه الجايه 👋🏻😍

#موضوع_عائلي
_الحلقه السادسه عشر
ـــــــــــــــــــــــــــــ 
هاجر بقلق
انت اټجننت والله العظيم لو ما طلعت لهصوت والم عليك الدنيا كلها...

عادل پحده
اهدي يا هاجر انا مش هعملك حاجه انا عايز بس اتكلم معاكي شويه..

هاجر بعصبيه 
هو انت تقدر اصلا تعملي حاجه، وما فيش بينا كلام وغور امشي من هنا...

_وقبل ما يرد عليها الباب خبط جامد، ذقته هاجر وراحت تفتح وهي فاكره ان اللي بيخبط هاجر بس اټصدمت لما لقيت محمد في وشها، ودخل بسرعه ومسك في عادل وقاله پحده...

محمد
هي حصلت انك تجيلها لحد هنا يا واطي...

_ وضربه محمد في وشه وعادل ردهاله جامده، وفضلو يتخانقو بس محمد كان متعصب اكتر وذقه بره الشقه وقاله پحده..

محمد بصوت عالي وڠضب
اسمع يالا انا مش بتاع مشاكل بس هتقرب من مراتي تاني باي حاجه هتلاقني ابو المشاكل نفسها..

عادل پحده 
وانت فاكر اني هسيبهالك دي خطيبتي وانت يا شيخ يا محترم ياللي عارف دينك وبتنصح بيه اتجوزتها وهي مخطوبه ولا هو كلام في جوامع وخلاص..

محمد بجمود
يا جاهل انا لما اتجوزتها كنت انت سيبتها ولم ټوفي بوعدك معاها ولو بتتكلم علي الدين راجع نفسك الاول انك تدخل وتتهجم علي واحده لا تحل لك وهي لوحدها ده ايه؟..

ـ قال كلامه وقبل ما يقفل الباب مسك عادل خشبه كانت جنب الباب وبكل حقد وكره كان عايز يخبط بيها محمد، بس في الوقت ده كان يونس الاسرع ومسك ايده وقال..

يونس بجمود
انت تاني مش ناوي تلم نفسك بقي..

عادل بصله بقلق وقال
اظن الموضوع المره دي ما يخصكش في حاجه...

يونس بسخريه 
هو انت ما تعرفش ان الشيخ يبقي اخويا ولا ايه..

_ خلص كلامه وخبطه بداسه في وشه ووقع عادل علي الارض وهو ماسك مناخيره اللي بتنذف وكان لسه يونس هيقرب منه بس وقف محمد قدامه وقاله..

محمد بهدوء
خلاص هو عرف غلطه اصلا ولو كرره تاني انا هعرف ارد عليه..

نزلت ام عادل وقالت وهي بتصوت 
ابنييي عملتو فيه ايه منك لله يا هاجر انتي واللي يعرفك..

هاجر پحده 
قبل ما تكلميني انا ربي ابنك الاول يا مرات عمي..

جات في الوقت ده فاطمه وقالت
ايه اللي بيحصل هنا ده، في ايه يا هاجر..

هاجر مسكت ايد شهد وقالت
ما فيش يا ماما بس شهد وجوزها جايين يصلحو بيني وبين محمد صح يا اخ يونس..

بص يونس ومحمد لبعض وقال
اخ... ايوه اوماال..

ـ دخلو كلهم جوه وقعد يونس معاهم وكان مدايق وشهد كانت مع هاجر في المطبخ وفاطمه قالت وهي باصه لمحمد وقالت...

فاطمه 
وانت يوم ما تيجي ترجع البت تعمل الدوشه دي كلها، كان بالناقص احسن..

كتم يونس ضحكته ومحمد قال
ما هي لو بنتك يا حماتي عاقله ما كانتش هتحصل الدوشه دي..

_طلعت هاجر ومعاها شهد وحطت الشاي قدامهم وقالت لمحمد پحده...

هاجر
انت كمان هتجيب الغلط عليا في دي..

وقف محمد قدامها وقال
ايه اللي دخلو اصلا، انا لولا اني سمعت صوتك وانتي بتزعقي كنت هفهم ايه..

هاجر 
وفين ثقتك فيا جاي ترجعني ليه اصلا وانت مش واثق فيا..

محمد بضيق
انا لو ما كنتش واثق فيكي ما كنتش هاجي وارجعك..

هاجر بسخريه
لا كتر خيرك بس انت كنت ناوي تطلقني لولا اني طلعت حامل مش كده...

محمد بهدوء
لا طبعا يعني اكيد مش هعيش معاكي عشان خاطر ابني وبس..

هاجر بخبث 
اومال عشان ايه ان شاء الله..

_ راحت شهد قعدت جنب يونس اللي كان بيبصلهم وهو مبتسم وقال محمد بتوتر..

محمد 
يعني هرجعك عشانك يعني..

هاجر 
مش فاهمه ازاي يعني؟..

محمد بص ليونس وشهد وفاطمه وقال
بدل ما انتو قاعدين تتفرجو قولو ليها حاجه...

شهد 
خلاص يا هاجر يعني بلاش تكبري الموضوع..

يونس وقف وقال لشهد 
انا ماشي لما تخلصي قعدك مع صحبتك يا شهد كلميني..

هاجر پحده 
انت ليه قليل ذوق كده مش في مشكله والمفروض تستني تحلهة معانا..

يونس بغيظ 
والله انا ما هرد عشان بس جوزك واقف وبيزعل لما برد عليكي..

محمد بسخريه 
لا غزها والنبي وريحني منها..

ضړبته هاجر بايدها علي كتفه وقالت
اتلمم..

وقفت فاطمه وقالت
اسمع يا محمد لو عايز تاخد مراتك يبقي تيجي وابوها موجود انا ما اقدرش اقولك خدها، اصله كان كلام رجاله في الاول مش حريم..

يونس رفع حاجبه وقالها پحده 
حريم مين يا وليه احنا مش مالين عينك ولا ايه؟..

قامت شهد بسرعه وقالت
مش عليك انت والله..

فاطمه بعصبيه 
هي مين دي اللي وليه يا ولولو عليك بدري..

_قبل ما يونس يرد عليها قرب منه محمد وقال بقلق انهم يتخانقو...

محمد 
تعالي ننزل وانا هبقي اجي بالليل للاستاذ حمدي..

_ بص يونس پحده لفاطمه ونزل هو ومحمد اللي فضل يضحك وقاله..

محمد 
شكرا يا يونس بس هما الاخوات كده، وعلي فكره انا مبسوط منك انك مؤخرا بقيت عاقل شويه..

فتح يونس باب عربيته وقال
انا زي ما انا البلطجي والصايع يا شيخ محمد ولو عشان دافعت عنك فوق فعشان للاسف اسمك محمد الصاوي وبيتقال عليك من بوز الناس اخويا...

محمد بهدوء
حتي لو كان كده شكرا يا اللي الناس بتقول عليك اخويا..

يونس بسخريه
زمان كنت رايح المدرسه في ثانوي انت واخوك وانا كان فيه كام عيل بيضربو فيا ومش عارف ادافع عن نفسي، وقتها قولت لاخوك مالناش دعوه بحد ومشيت فاكر؟..

قرب منه يونس وقال بدموع
قلب يونس مليان سواد من ناحيتك يا،،، يا اخويا...

_ قال كلامه واخد عربيته ومشي ومحمد بصله بندم، ووقف تاكسي هو كمان ومشي..

ـــــــ #بقلم_الكاتبه_رحاب_القاضي ـــــــ

_ في الجامعه كانت نسرين قاعده في الكافيتريا وقعد مازن قدامها وقال..

مازن 
انتي ايه مشكلتك معايا؟..

نسرين بجمود
انت ازاي تقعد معايا قوم من هنا..

مازن 
مش قبل ما اعرف انتي ليه كرهاني اووي كده..

نسرين پحده 
عشان انت بني ادم مش محترم ومش متربي، ولو كنت متربي ما كنتش تستغل طيبة واحده زي ولاء وتخليها تصاحبك وانتو ما فيش بينكم اي علاقه اصلا، وما كنتش جيت وقعدت معايا كده قدام الناس من غير ما تعمل حساب ان الناس ممكن تقول عليا اني بنت مش كويسه..

مازن بهدوء
ولاء صديقتي علي فكره انا بحاول اساعدها مش اكتر.. هي راسمه حاجات في دماغها اا..

وقفت نسرين وزعقت فيه وقالت
انت ايييه انا سمعت ريكورداتك بنفسي وانت بتقولها انك هتخطبها، مادام مش هتتجوزها ما توعدهاش وخليك راجل وقد كلامك وما تقولش كلام مش قده..

_ قالت كلامها وسابته ومشيت، واول ما دخلت المدرج بتاعها وقعدت قربت منها ولاء وقعدت جنبيها وقالت..

ولاء
انا اسفه يا نسرين..

نسرين بضيق
لو سمحتي امشي من هنا يا ولاء واقتدي في اي مكان تاني..

ولاء بحزن
انا ما اقدرش اقول لمازن لا عشلن بحبه وخاېفه يسيني وهو خاېف عليا بسبب المړض اللي عندي..

نسرين 
ومدام انتي بتسمعي كلامه وما بتقدريش تستغني عنه جيتلي ليه..

ولاء بدموع 
عشان انتي صحبتي احنا ممكن نتكلم ونفضل صحاب من غير هو ما يعرف..

نسرين 
عارفه انتي مشكلتك فين انك بتهربي من المواجهه وخاېفه منها، علي العموم موافقه وهفضل معاكي من غير هو ما يعرف لحد. ما تعرفي حقيقته وانه واحد مش كويس.  

ولاء ابتسمت وقالت
والله انتي ما تعرفيش حاجه مازن ده ما فيش منه..

نسرين بسخريه 
اممم ما هو واضح بصراحه..

ـــــــ #بقلم_الكاتبه_رحاب_القاضي ـــــــ
وفي بيت هاجر دخلت عند هاجر الاوضه وهي ماسكه صنيه عليها اكل، وحطتها علي السرير وقربت من شهد اللي كانت قاعده عند الشباك وباصه في موبيلها ومبتسمه، وسحبت من ايدها الفون وقالت..

هاجر
بتعملي ايه بقي..

شهد بتوتر
هاتي الفون يا هاجر ما تهزريش..

هاجر ضحكت وقالت
بيكلمك اممم ده في حاجات بقي انا ما اعرفهاش..

اخدت منها شهد الفون وقالت
ده بس انا بسأله روحت بعد ما مشيت قالي موضوع كده علي شغل جديد هيدخله يارب بقي يتممله علي خير فيه..

هاجر بخبث
اممم يارب يا شهد بس حاسن كده ان في حاجات كتير فاتتني..

شهد بسخريه
لا وحياتك هو لسه زي ما احنا بس انا خلاص هقوله كل حاجه..

هاجر بضيق
بصراحه انا حبيت يونس من كلامك عليه، فعلا زي ما قولتي هو مع الناس كلها حاجه ومعاكي انتي حاجه تانيه خالص، علي عكس اخوه تماماً..

شهد 
ايوه بقي انتي ليه ما رجعتيش مع محمد جوزك ليه مش كنتي عايزاه يجيلك واهو جه..

هاجر
وكرامتي انا استحملت منه الاهانه بدل المره اتنين وتلاته وبعدين خليه يتعب شويه وكده كده هرجعله..

شهد 
طيب تعالي ناكل وبعدين نتكلم..

ـــــــ #بقلم_الكاتبه_رحاب_القاضي ـــــــ 
وفي المخزن بتاع حامد كان مازن واقف هناك ورجالة حامد مسكينه..

مازن بقلق
انت بتعمل ايه يا عم انت خلي رجالتك دي تسيبني...

حامد پحده 
وطي صوووتك يا واد انت وان ما كنتش امك عارفه تربيك انا هربيك..

مازن بغيظ
بصفتك ايه هتعمل كده انت بالنسبالي حامد الصاوي كبير الحته البلطجي وبس..

حامد بصله بجمود وقال
اطلعو كلكم بره يلا..

_طلعو كلهم  بره وحامد قام وقف وقلع الهبايه بتاعته وشمر اكمام جلابيته وقال پغضب لمازن..

حامد 
انت اللي بتقول عليا بلطجي انا عمري ما شربت القرف اللي داير تشتريه في المنطقه، عمري ما روحت عاشرت واحده قد امي في الحړام..

_ خلص كلامه ونزل بأيده علي وش مازن اللي اټصدم من معرفة ابوه لموضوعه مع ريهام...

_حامد مسك عصايه حديد من علي الارض وقال وهو بيقرب من مازن اللي بيرجع لورا پخوف..

حامد پحده 
انت يا عيل تخلي واحده شمال زي دي تقولي انك عشمتها وخليت بيها يا كلب..

_ ورفع العصايه ونزل بيها علي جسم مازن اللي فضل يصوت پألم، وحامد ضربه بيها اكتر من مره لحد. ما مازن قعد علي الارض ودموعه نزلت من الالم اللي حس بيه..

حامد رمي العصايه علي الارض وقال
تتظبط يااد والا اقسم بالله هخليك تبقي عاجز مش كام علامة في جسمك وخلاص..

راح ولبس العبايه بتاعته وقال
اسمع امك ما تعرفش حاجه عن اللي حصل ده قولها اي حاجه، عشان مش لوحدك اللي پتخاف من هناء..

قرب منه حامد وقعد قصاده علي الارض وقال
انت لسه ما تعرفش مين هو حامد. الصاوي اللي انت بتقول عليه بلطجي، كلمة بلطجي دي كانت قليله علي الجبروت اللي كنت فيه زمان، فاحسنلك تسمع كلامي فاااهم واعمل حسابك قريب اووي هخطلبك واجوزك عشان تتلم وهنقيهالك علي مزاجي..

_ قال كلامه وسابه ومشي..

ـــــــ #بقلم_الكاتبه_رحاب_القاضي ـــــــ 
وفي مكان تاني راقي وقدام شركة السلطان نزل يونس من الشركه وكان معاه يوسف اللي لابس بدله وشكله حلو جدا وقاله..

يوسف 
انا مش مصدق والله اننا مضينا العقد..

_كان يونس واقف ووعينيه ما نزلتش من علي اليافطه بتاعت الشركه، ويوسف وقف جنبيه وقاله بهدوء...

يوسف
سرحان في ايه يا صاحبي..

يونس 
امتي يبقي اسم الصاوي كده؟..

يوسف 
اللي خلانا وصلنا لهنا يخلينا نوصل للعلي من الشركه دي كمان..

يونس اتنهد وقال
ده بس عشان انت جنب اخوك يا يوسف..

حضنه يوسف وقال بدموع
انا بحبك اوووي يا يونس انت اجدع واحد شوفته في حياتي...

ذقه يونس وقال 
يا عم اوعي ما بحبش الاحضان الرجالي دي..

يوسف 
حقك يا اسطاا ما انت متجوز الشهد بذات نفسه..

يونس پحده 
اتلممم يالا، واطلع تعالي هتعشيني..

يوسف 
موافق انا اطلب وانت تحاسب..

_ ضحك يونس وركبو العربيه ومشيو وكانو فعلا مبسوطين بالنقله الكبيره اللي وصلولها في شغلهم..

ـــــــ #بقلم_الكاتبه_رحاب_القاضي ـــــــ
_ وبالليل دخل يونس بيت حامد الصاوي وكان طالع شقته ولقي بطه طلعت من شقتهم وقالت بدموع..

بطه 
يونس تعالي كلم عمي حامد..

يونس 
حاضر، بس مالك في ايه بټعيطي كده ليه؟..

بطه بغيظ 
هو انت كنت مع يوسف مش كده؟..

يونس 
ايوه هو ده اللي مدايقك ولا ايه؟..

بطه بدموع
كان لابس بدله اكيد كنت معاه عشان بيخطب صح..

يونس 
ايوه وهيخطب حتت بنت يا بت يا بطه زي القمر وكبيره وعاقله مش عيله زيك واسمها حلو مش بطه...

عيطت بطه وقالت 
يا حظك المنيل يا بطه، اوعي كده من وشي..

يونس 
خدي يا بت انتي رايحه فين؟..

بطه 
رايحه لشهد اوعي..

_مشيت بطه وهو دخل عند حامد اللي كان قاعد ومعاه عظيمه اللي مدايقه جداً، قعد يونس معاهم وقال..

يونس 
خير يا حج بطه قالتلي انك عايزني..

عظيمه پحده 
شوف ابوك واللي عايز يعمله ناوي يجلطني بدري..

حامد 
ما تهدي بقي يا وليه...

عظيمه 
طيب انا راضيه ذمتك يا يونس بقي ينفع ابوك يجوز بطه لابن هناء..

حامد پحده 
لا حول ولا قوة الا بالله، قومي يا عظيمه ادخلي جوه يلااا..

عظيمه بغيظ 
ماشي يا حج داخله بس انا عندي اموت بنتي ولا اديها لابن هناء..

قالت كلامها ودخلت جوه ويونس قال
ايه يا حج اللي جه في دماغك عشان تقول كده..

حامد 
بطه دي انا اللي مربيها ولولا انك رفضتها وقولت انها زي اختك كنت هجوزهالك ومحمد اتجوز من غير ما اعرف يبقي مين اللي فاضل مازن...

يونس بجمود
بس مازن ما ينفعش بطه، وانت قولت انها اختي وانا ما ارضلهاش تاخد مازن وبطه عريسها موجود..

حامد پحده
بطه مالهاش عرسان غير مازن يا يونس، وسيبك من امها انا هنا اللي اقرر، وانت دورك تكلمها وتعرف ايه رغبتها للموضوع ده..

يونس بضيق
حاضر، تصبح علي خير يا حج..

_ وسابه يونس وطلع سقته فوق واول ما دخل لقي شهد قاعده لوحدها، قعد جنبيها قدام التلفزيون وقال..

يونس 
اومال البت بطه فين؟..

شهد 
نزلت قبل ما تطلع بشويه، اجهزلك العشا؟..

يونس
لا اتعشيت بره مع يوسف، انتي كويسه.  

كانت شهد قاعده متوتره وقالت
اا ايوه..

قرب منها يونس وقعد جنبيها وقال
اومال في ايه قاعده مش علي بعضك كده ليه؟..

بعدت عنه بسرعه وردت عليه
انت عايز تعرف انا ليه مانعه نفسي عنك وخاېفه تقربلي صح؟..

بصلها بشك وقال
ياريت عشان تريحيني وتريحي نفسك..

شهد دموعها ملت عيونها وقالت
بس قبل ما اقولك اي حاجه انا والله العظيم مظلومه وما ليا ذنب في اي حاجه حصلت..

وقف يونس قدامها وقال بجمود
سامعك اتكلمي..

ـــــــ #بقلم_الكاتبه_رحاب_القاضي ـــــــ 
_ وفي شارع هادي شويه كانت ماشيه هاجر جنب محمد اللي كان ساكت ومش بيتكلم خالص وقالتله بغيظ..

هاجر
انا عايزه افهم بقي انت ليه ممشيني كده انت مش معاك فلوس ناخد تاكسي..

محمد
عايزه تعرفي كنت ليه متغير معاكي الفتره اللي عدت؟..

هاجر بضيق
ياريت مع اني ما غلطش في حقك علي الطريقه اللي كنت بتعاملني بيها دي، وبرغم كده انا وافقت ارجعلك اهو..

_طلع محمد موبيله ووراها الصور، وهاجر مسكت الفون وقفلته وقالت بعصبيه..

هاجر
هو انت يعني ما كنتش تعرف اني مخطوبه، اشحال ان ما كنتش متجوزني يوم فرحي علي غيرك..

محمد بهدوء
لا عارف بس ما كنتش فاكر يا مدام انه مسك ايدك وقاعده قريبه منه اوي كده وبينكم حاجات كتير ما اعرفهاش..

هاجر بضيق
انت مسألتنيش عن حاجه عشان كنت احكيلك..

محمد 
لاني قولت ان دي حاجه وعدت واحنا بدأنا مع بعض من جديد...

هاجر 
وانا والله العظيم في اليوم اللي قولتلك كده رميت عادل بكل حاجه كانت جوايا ليه ورا ضهري..

محمد 
عارف بس الصور دايقتي وطبيعي اغير عليكي مدام بحبك..

ابتسمت هاجر وقالت
لا بص انت مرمطني براحتك، بس المهم انك بتحبني..

ابتسم محمد ڠصب عنه وقال
اللي بيخليني ديما ما ازعلش منك هي طيبتك يا هاجر، تيجي نتعشي ونروح..

هاجر 
لا لا انا طنط ومازن وحشوني وخلينا نجيب اكل ونتعشي كلنا سوا..

محمد 
يعني هنروح منهم فين يا هاجر كده كده قاعدين معاهم كتير لان الفلوس بتاعت تعديل الشقه دفعتهم في تظبيط المحل..

هاجر 
خلاص عادي لما ربنا يفرجها عليك ابقي ظبطها اصلا بابا لسه بيكمل في الجهاز بتاعي..

ضحك محمد وقال
ده ايه الجوازه اللي لا فيها جهاز ولا فيها شقه دي..

هاجر
احمد ربنا انك لقيت جوازه ساهله في الايام دي..

مسك محمد ايدها وقال
معاكي حق الواحد لازم برضو يحمد.ربنا علي ابتلاؤه..

_ ضړبته هاجر علي كتفه جامد، وهو فضل يضحك وبعد شويه اخدو تاكسي وراحو البيت، وفي الوقت ده كانت هناء قاعده عند مازن في اوضته وقالتله..

هناء
رد عليا يا مازن مين اللي عمل فيك كده عشان حتي نروح نبلغ..

مازن بضيق
ما فيش يا ماما..

هناء پحده 
ما فيش ازاي ده انت ايدك اتكسرت اهي وجسمك كله متدشدش..

مازن بعصبيه 
يووه بقولك خلاص ما فيش حاجه، شوية بلطجيه طلعو عليا عشان يسرقو الفون..

هناء بشك 
والموبيل بتاعتك ما تسرقش ليه ما هو جنبك اهو..

مازن 
ما انا ضربتهم يا ماما..

هناء بسخريه
وضربتهم بأيه بقي وانت ما فيش فيك حته سليمه..

مازن بضيق
اطلعي بره يا هناء انا عايز انام..

هناء بغيظ. 
انا ليا كلام مع اخوك لما يرجع انت حالك ما يتسكتش عليه..

ـــــــ #بقلم_الكاتبه_رحاب_القاضي ـــــــ 
_ وفي شقة يونس..

كانت شهد قاعده قلقانه وخاېفه من رد فعله بعد ما قالتله الحقيقه، وهو كان قاعد ساكت وباصص قدامه پغضب...

شهد 
يونس...

بصلها وقال بجمود
انتي متوقعه مني ايه، متوقعه من واحد. زيي ايه؟..

شهد بقلق
مم مش عارفه..

ابتسم بسخريه وقال
هي تستغلني سنين وتاخدني كبري عشان توصل لاحلامها، وانتي بنفس طريقتها وافقتي تتجوزيني عشان تداري علي عملتك..

اټصدمت شهد من كلامه وقالت 
والله العظيم لا انا ما عملتش حاجه..

يونس زعق فيها وقال
انتي عايزه تفهميني ان ده حصل من يجي عشرين سنه وانتي يا حرام ضحيه وانا بقي مغفل واصدق انك مظلومه..

شهد پبكاء
والله العظيم ده اللي حصل، روح بنفسك اسال عن الراجل ده وانا قولتلك اسمه هتلاقيه اتقبض عليه زمان وماټ بسبب انه اعټدي علي طفله برضو من المدرسه...

يونس پحده 
عايز ارجع البيت ومالقكيش فيه..

_جه يمشي بس شهد مسكت ايده بسرعه وقالت پبكاء وخوف...

شهد
والله العظيم انا ما كدبتش عليك انا قولتلك الحقيقه اللي ما قدرتش اقولها لاخويا من خۏفي منه وفضلت متعذبه بسببها سنين..

سحب ايده منها وقال
اللي قولته يتنفذ والا انا اللي هكلم اخوكي يجي وياخدك بعد ما اقوله كل الحقيقه يا مدام..

_ قال كلامه وسابها ومشي، وهي قعدت مكانها علي الكنبه وفضلت ټعيط وهي مش عارفه تعمل ايه ولا لما هتروح لاخوها هتقوله ايه...

ـــــــ #بقلم_الكاتبه_رحاب_القاضي ـــــــ 
_وفي فيلا عمر احمد رياض.. 
كانت نور واقفه قدام السرير بتاعها وباصه لفستان الفرح بتاعها اللي هتلبسه بكره وافتكرت اللي حصل من سنين لما كانت ماشيه هي ويونس في الشارع..

_ فلااش باااك... 
يونس
هو انا كل يوم لازم اجي واجيبك من الجامعه..

نور
ايوه وده ڠصب عنك علي فكره..

يونس ابتسم وقال
وعلي ده برضو علي قلبي زي العسل وعادي يعني..

حضنت نور دراعه وقالت
ما انا عارفه، تعالي كده معايا اوريك حاجه...

_ واخدته راحو وقفو قدام اتيليه لفساتين الزفاف، وشاورتله علي فستان شكله حلو جدا وقالت..

نور
انا كل يوم وانا معديه من هنا وتيجي عيني علي الفستان ده افضل اتخيل نفسي فيه وانا لبساهولك في فرحنا..

يونس 
طيب ايه رئيك ندخل نحجزه ونعدي نحجز قاعه ونتجوز بقي ونخلص..

ضحكت نور وقالت
مش دلوقتي بعد ما اخلص الكليه بتاعتي يا يونس عشان افضالك بقي ولجوازنا..

يونس بهدوء
براحتك يا نور، وفعلا الفستان حلو وهيبقي احلي عليكي..

_بااااك.. 
قعدت نور علي السرير جنب فستانها الغالي جداً متصمم مخصوص عشانها، وفضلت ټعيط، والباب خبط قامت بسرعه ومسحت دموعها وفتحت وكان احمد اللي قالها..

احمد 
ايه يا نور انتي لسه ما لبستيش الفستان عايز اشوفه عليكي..

نور ابتسمت وقالت
لبسته وقلعته تاني بس بكره بقي تشوفه عليا، لان فال مش كويس تشوفه عليا قبل الفرح..

احمد 
ماشي هانت اوووي اهي يا نور، بس انا عايز اعرف انتي زعلانه عشان اهلك مش هيجو ولا اا..

نور بسرعه قالت 
لا عادي اصلا هما مش هيكونو مبسوطين بالفرح والطريقه اللي هيتعمل بيها فعادي يعني..

احمد 
تمام يا نور تصبحي علي خير..

_ سابها احمد وراح وقف في الجنينه وقرب منه باباه وقال..

رياض 
شوفتك صاحي يا عريس قولت انزل اسهر معاك..

احمد 
وانت ايه اللي مصحيك يا بابا..

رياض
امك دوشتني بالتجهيزات والفرح، قولي بقي انت ايه اللي مصحيك المفروض انك بكره هتتجوز البنت اللي بتحبها والمفروض تكون مبسوط..

احمد 
تصدقني لو قولتلك اني مش مبسوط يا بابا ومش معني كده اني مش عايز نور، لالعكس نور بنت جميله وانا فعلا بحبها، بس مش حاسس بالفرحه اللي كنت متخيل اني هكون فيها لما اتجوز نور..

رياض
لو جيت الحق انا مش مبسوط بيها وخصوصاً انها رضيت بشروط امك..

احمد 
هي عملت كده عشان بتحبني يا بابا..

رياض
طيب علي العموم اللي انت فيه ده طبيعي انت داخل علي مسؤليه وجواز وليله سودا..

ضحك احمد وقال
ههههه الله يا يطمنك يا حج هروح انام انا بقي..

رياض
طيب علي فكره انا عرفت مين اللي اخد التوكيل بتاع العربيات من سلطان ابن عمك، وهو قالي انه بعد ما يضمن نجاح المشروع بتاع اللي اخد التوكيل هندخل شركاء معاه..

احمد 
علي خير يا بابا مع ان شغلي في الجامعه مريحني جدا..

رياض
لا لازم يكون عندك مشروع تاني وكبير عشان نفضل في نفس المستوي بتاعنا..

احمد 
حاضر يا بابا بعد اذنك..

_ وطلع احمد اوضته، وهو برضو مدايق ومش مرتاح..

ـــــــ #بقلم_الكاتبه_رحاب_القاضي ـــــــ 
_ وتاني يوم في بيت صبري كانت قاعد بيفطر وقال بقلق..

صبري
البت شهد ما قالتلكيش ايه اللي جابها يا زهره.؟...

زهره 
لا ما قالتش يا اخويا هي من لما جات بالليل وهي نايمه..

صبري 
خاېف تكون عملت مصېبه هناك..

زهره 
لا كانت قالت انهم هما اللي طردوها مثلا انما هي بتقول انها جايه من نفسها..

صبري
طيب يا زهره، اتكلمي معاها وخليها علي بالليل ترجع بيت جوزها مش ناقصين كلام من الناس احنا..

زهره 
حاضر يا اخويا من عينيا..

_ مشي صبري وزهره راحت فتحت باي اوضة شهد لقيتها نايمه وفي حضنها اسر ابن اخوها، طلعت تاني زهره وشهد قامت وقعدت علي السرير ومسكت موبيلها وجابت صورة سونس اللي حفظاها عندها وقالت وكأنها بتكلمه ودموعها نزلت..

شهد 
كان نفسي تصدقني يا يونس...

_ وفي الوقت ده كان يونس لسه واصل الشقه بتاعته ولقي شهد فعلا مشيت قعد في اوضته متدايق، وبعد شويه قام مڤزوع اول ما سمع صوت صويت في الشارع ونزل بسرعه وقابل يوسف اللي كان لسه صاحي وقاله..

يونس
في ايه يا يوسف ايه الصوت ده..

يوسف 
الاسطي فايز ابو نور تعيش انت؟..

_سابه يونس ودخل البيت بتاع اهل نور لقي فايزه قاعده علي الارض وبتعيط ولما شافته قامت وقربت منه وقالت..

فايزه 
يونس ابوس ايدك روح لنور قولها انت هتعرف توصلها اكيد هي هتيجي تشوف ابوها...

يونس؟؟..

_ تفتكرو يونس هيعمل ايه؟...

#موضوع_عائلي
_الحلقه السابعه عشر
ـــــــــــــــــــــــــــــ 
_وقف يونس قدام عربيته وقبل ما يطلع فيها منعه يوسف وقاله پحده..

يوسف 
انت رايح فين يا ابني ابعت حد يقولها هتروح انت بنفسك...

يونس 
امها قالتلي انا وشايف شكل الست عامل ازاي، خليك انت معاهم واعمل اللازم وانا هروح اقولها واجي..

يوسف بضيق
هتروح لنور بيت جوزها يا يونس...

غمض يونس عيونه پألم وقال
ايوه هروح..

_ وركب عربيته واتحرك بيها عشان يروح لنور، ويوسف فضل مع اهل نور زي ما يونس قاله.. 
وبعد شويه كانت داخله عظيمه وهي لابسه اسود ومعاها بطه وقرب منهم يوسف وقال..

يوسف 
علي مهلك يا ست عظيمه اتفضلي..

عظيمه بضيق
اومال فين صاحبك يا يوسف؟..

يوسف 
ام نور طلبت منه يروح يقول لبنتها ان ابوها الله يرحمه...

عظيمه بغيظ
يعني يمشي مراته بالليل والصبح يروح للي ما تتسمي دي، يرضيك عمايل صاحبك دي...

يوسف بضيق
لا طبعا بس يعدي اليوم ده علي خير وانا ليا كلام معاه والله...

عظيمه پحده 
عقله يا يوسف انا جوزته بنت تقول للقمر قوم وانا اقعد مكانك ومتربيه ومتعلمه وبرضو لسه بيجري ورا قليلة الاصل..

بطه 
ما خلاص بقي يا ماما. انتي جايه تعزي ولا جايه تمسكي في سيرة الناس..

عظيمه 
لا جايه اعزي روحي بس هاتي برشام مسكن من الصيداليه احسن دماغي هتطير مني...

بطه 
حاضر..

_ وطلعت عظيمه فوق وجات بطه تطلع تاني بره البيت عشان تجيب البرشام لعظيمه، بس يوسف سبقها وقال...

يوسف 
استنس هنا يا بطه انا هجيبهولك..

بطه 
طيب..

_ وطلع يوسف جابلها البرشام وادهولها، وجات هي تطلع وكانت مدايقه جدا بس يوسف مسك ايدها بسرعه وقال..

يوسف 
استني يا بطه في ايه؟..

بطه پحده 
يا نعم عايز ايه؟..

يوسف بقلق
ايه الطريقه دي با بطه هو انا زعلتك في حاجه؟..

بطه پحده 
لا ابدا بالعكس ده. انا فرحنالك والف مبروك...

يوسف
اااه هو يونس قالك ده حلم حياتي يا بطه واخيراً اتحقق..

بطه بدموع
حلم حياتك. مره. واحده، ماشي يا يوسف انا غلطانه اني صدقتك اصلا..

. جات تطلع بس بسرعه وقف قدامها وقال
بطلي طريقتك دي الناس واقفه بره وهياخدو بالهم، انتي ايه اللي يزعلك يا بطه في حاجه زي دي ده بدل ما تفرحيلي..

بطه اتعصبت وقالت
ومين قالك بقي اني مش فرحاااانه ده انا طايره من الفرحه، ربنا يهنيك بيها...

بصلها يوسف بشك وقال
بيها؟!  انا بتكلم علي المشروع اللي هنعمله انا ويونس...

بطه 
احلف يعني انت ما خطبتش زي ما يونس قالي؟..

ابتسم. يوسف وقال
هو كل الزعل ده عشان فاكره اني خطبت؟..

_اتكسفت  بطه وقبل ما ترد عليه بصت عليهم. عظيمه. من فوق السلم وقالت پحده...

عظيمه 
بت يا بطه بتعملي ايه عندك؟..

بطه بتوتر 
ما بعملش حاجه يا ماما جايه اهوو..

ـ طلعت بطه فوق وعظيمه كانت مټعصبه جدا وقالت ليوسف پحده...

عظيمه 
ما. تروح تقف مع الرجاله يا استاذ يوسف..

_ اتنهد يوسف بضيق وطلع بره وفضل واقف مع الناس..

ـــــــ ـــــــ 
_ وفي بيت الشيخ محمد صحيت هاجر لقيت محمد ماسك موبيله ومبتسم، قامت وقالتله..

هاجر
صباح الخير..

_ما ردش عليها وكان مركز في موبيله وبس، قربت منه هاجر وقالت...

هاجر
بقول صباح الخير انا..

محمد قفل الفون بسرعه وقال
صباح النور يا هاجر خير في ايه؟..

هاجر بشك 
انا اللي في ايه برضو، وبعدين انت ما نزلتش المحل ليه ده الساعه عشره..

محمد 
ما انا قولت اوصلك المستشفي الاول وبعدين ارجع علي الشغل، ما تاخدي اجازه لحد ما تولدي او بطلي الشغل ده انتي مش هتبقي فاضيه بعد كده..

هاجر 
هاخد اجازه بس مش دلوقتي شهر شهرين كده وهقدم علي اجازه من غير مرتب لحد ما اولد..

محمد 
وبعد ما تولدي مين اللي هياخد باله من ابنك وانتي في الشغل..

هاجر 
امك..

محمد
احترمي نفسك علي الصبح..

هاجر وهي بتبص للفون بتاعه 
قصدي امك هتبقي تاخد بالها منه وبعدين احنا فين واما اولد فين..

محمد شال الفون في جيبه وقال
طيب بسرعه يلا عشان الحق اوصلك...

هاجر 
حاضر...

_ وجهزت هاجر وكانت واقفه في المطبخ بتجهز الفطار مع هناء اللي كانت مدايقه جدا..

هاجر
هو انا يعني يوم ما ارجع الاقي الدنيا كلها متغيره كده..

هناء
انتي يا بت حد كلمك..

هاجر 
انتي قالبه خلقتك عليا ومازن ما طلعش من اوضته حتي ما بركليش علي الحمل والبيه جوزي مش شايل عينه من الموبيل تفتكري بيخوني..

هناء
عيب علي فكره تقولي علي الشيخ محمد ابني كده، طيب هو في فأخلاق محمد ولا تربيته...

هاجر بسخريه 
امممم والنبي خليني ساكته وبعدين اتأكد ازاي انا، ده طول الليل كان ماسك الفون والصبح صحيت لقيته ماسكه، وغير الباسورد..

هناء 
من خيبتك يا روح امك ما انتي لو شاطره تعرفي دبة النمله علي جوزك..

هاجر 
قوليلي انتي يا خبره اعمل ايه؟..

هناء بخبث 
هقولك اسمعي بقي....

ـــــــ ـــــــ 
_ وعند نور كانت قاعده قدام المرايه وواقفين حواليها بتوع الميكآب واللبس، وهي كانت مبسوطه جدا لحد ما دخلت ثريا وبصت للكل وقالت بجمود..

ثريا 
الكل بره وشويه وكملو اللي بتعملوه..

سمع الكل كلامها ونور قالت بقلق
خير يا طنط في ايه؟..

ثريا بجمود
حبيب القلب تحت..

نور بقلق
قصدك مين؟..

ثريا 
يونس الصاوي..

اتنفضت نور پخوف وقالت
انا والله ما كنت اعرف انه جاي ولا اعرف هو جاي ليه اصلا؟..

ثريا 
بس انا عارفه هو جاي ليه؟..

نور بقلق
ليه؟..

ثريا
ابوكي تعيشي انتي ماات وهو جاي يقولك عشان تسيبي فرحك وتروحي معاه..

نزلت دموع نور وقالت
بب بابا انا فعلا لازم اروح دلوقتي حالاً..

ثريا پحده
لا طبعا الناس اللي معزومه دي والفرح وغير ده كله ابني اللي مش لازم يحس بحاجه وفرحته تكمل للاخر..

نور پبكاء
بس ده ابويا دي اخر مره اشوفه فيها وهودعه..

ثريا بضيق
يوووه بطلي كلام الافلام ده، ابوكي ماټ خلاص وزعلك عليه مش هيرجعه ولا لو روحتي هناك هيرجع وانتي جيتي هنا وقولتيلي انك مستعده تعملي اي حاجه عشان تكوني مع احمد صح..

نور پحده
صح بس ده ابويا وانا هروح يعني هروح، واحمد لما يعرف كده هيقدرني..

ثريا بجمود
احمد لو عرف كده هيعرف قصادها موضوع يونس اللي يا حرام هو كمان اتجوز وعاش حياته ولو طلعتي من هنا او روحتي لاهلك من غير ما اعرف هرجعك لوضع اقل من اللي كنتي فيه حاجه مش هتحبيها خالص..

نور بحزن 
والمطلوب مني ايه؟..

ثريا
شااااطره يا نور، المطلوب منك ان يونس ده يجي دلوقتي هنا وتقوليلو انك مش عايزه تحضري عزا ابوكي وتخليه يمشي وما يجيش هنا تاني..

نور دموعها نزلت وقالت
حاضر..

_ وفعلا يونس طلع عندها وبصلها بسخريه من فوق لتحت وانها فعلا اتغيرت في لبسها اللي بقي قصير ودايقه جدا وشكلها وكل حاجه فيها، بص لثريا اللي قاعده حاطه رجل علي رجل وقال..

يونس
اكيد الست دي قالتلك ان ابوكي...

قاطعته نور وقالت
الله يرحمه يا يونس ولو هتعبك يعني تقف مع ماما لحد ما العزا يخلص ولو عايز فلوس انا ممكن اديلك بس زي ما انت شايف النهارده فرحي وما ينفعش امشي من هنا..

ابتسم يونس بسخريه وقال
توقعت منك اي حاجه الا كده، طيب بعتيني انا ومشيتي واهلك انتي جايبه قلة الاصل دي منين؟..

ثريا 
انت مش اخدت الرد ياريت تتفضل من هنا وتنسيو نور اصلا لانها ما بقتش بنت الاسطي فايز ولا خطيبتك ولا من الحتره بتاعتكم اصلا..

يونس پحده 
ما يشرفناش اصلا انها تكون مننا ولا اننا نعرفها..

ـ قال كلامه ومشي وهي قعدت علي السرير وفضلت ټعيط، قربت منها ثريا وقالت وهي بتمسحلها دموعها..

ثريا 
لا لا ما ينفعش كده يا نور انا مش عايزه اي حاجه تنكد علي ابني وما يعرفش حاجه وقدامه تكوني مبسوطه وتفرحيه فاهمه عشان ما ازعلش منك..

نور بدموع
حاضر...

_ رجع يونس لبيت نور وكانت فايزه قاعده في اوضة جوزها بټعيط، قرب منها وقالها..

يونس 
لو سمحتي يا ست فايزه الرجاله عايزين يجو يشوفو شغلهم..

فايزه 
نور فين انت روحتلها؟..

يونس بضيق
ايوه روحتلها وهي فرحها النهارده وو...

سكت يونس وفايزه قالت بحزن
فهمت نور ما رضيتش تيجي معاك تحضر خارجة ابوها مش كده؟..

ما ردش عليها يونس وقالت هي بصوت عالي
انا بنتي ماټت قبل ابوها انا ما عنديش عيال، نور ماټت خلاص...

_ قعدت مكانها علي الكرسي وفضلت ټعيط بشكل هيستيري، قرب منها يونس وقعد قصادها علي الارض وقال..

يونس
ما تشليش هم حاجه انتي زي امي وعم فايز كان ابويا وانا معاكي في اي حاجه تحتاجيها..

طبطبت فايزه علي كتفه وقالت
حقك علية في كل اللي عملته نور فيك، حقك عليا يا ابني..

_ اخدها يونس معاه وطلع قعدها جنب عظيمه ونزل وقف مع الرجاله، وبصله حامد وابتسم وقال..

حامد 
راجل وكبير يا يونس وهفضل طول عمري رافع راسي بيك بس ترجع مراتك وتراضيني وما تنساش انك وعدتني امك مش هتطلقها..

_ اتنهد يونس بضيق وراح قعد جنب يوسف وافتكر شهد وطلع موبيله وكتبلها..

يونس"ما تقوليش حاجه لاخوكي "..

_ في الوقت ده قرت شهد رسالته وما كانتش فاهمه قصده ايه، وعدي يوم في التاني وهو ما جاش يرجعها وكانت بتهرب من اي كلام مع اخوها ومراته لحد ما في يوم كانت قاعده بتتفرج علي التلفزيون هي وابن اخوها، وقد صبري قصادها وقال..

صبري
وبعدين؟..

شهد بقلق
وبعدين ايه؟..

صبري
ما انا عايز افهم بقالك يجي اربع ايام هنا وجوزك لا حس ولا خبر عملتي ايه يا شهد يخليه ما يجيش..

شهد بقلق
ما عملتش حاجه بس مش مرتاحه هناك...

صبري پحده 
وهي اي واحده ما ترتاحش في بيت جوزها ترجع تاني لبيت ابوها يا ست شهد ما تتلمي بقي وتعقلي انا تعبت..

شهد بدموع
انا لو قعدتي تقيله عتدك امشي واروح اي مصېبه...

قام صبري مسكها من شعرها وقال
انتي بتعلي صوتك عليا ياللي ما اتربيتي، انا قولت حلاص خلصت من همك اتاريني لسه ببدأ معاكي يا فقر..

_ خلص كلامه وضربها بالقلم وهي وقعت علي الكنبه وهي بټعيط وطلعت زهره من المطبخ بعد ما ندهلها ابنها ووقفت قدام صبري وقالت پخوف..

زهره 
حرام عليك يا صبري تاني هتمد ايدك عليها تاني، قومي ادخلي جوه يا شهد بسرعه يلا...

صبري پحده 
انا هروح ليونس يا شهد وهعرف منه ايه اللي خلاكي تيجي ورحمة ابوكي وامك لو طلعتي عامله حاجه ومش راضيه تقولي لاشرب من دمك..

زهره 
والله لا عملت حاجه ولا غيره، وعظيمه كلمتني وقالتلي انها جايه هي ويونس بكره عندنا عشان ياخدو شهد، قومي يا شهد خدي اسر واقعدو جوه..

_ قامت شهد وقعدت مع اسر في اوضتها وكان بيعيط وهو خاېف عليها فمسحت دموعها وابتسمت وقالتله..

شهد 
يا واد ما تخافش انا مش زعلانه اصلا..

اسر پبكاء
انا لما هكبر مش هخلي حد يزعلك خالص يا شهد..

_نزلت دموع شهد وحضنت ابن اخوها وفضلت تطبطب عليه لحد ما نيمته، وكانت الساعه تقريباً 12 بعد نص الليل لبست فستان اسود من بتوعها القدام ولفت حجابها وقالت لنفسها..

شهد 
ما فيش غير ابويا وامي اللي برتاح عندهم، عمرك ما كنت ولا هتكون مكانهم يا صبري..

_ وطلعت بهدوء من البيت ومشيت في طريق الترب وما اخدتش بالها من عادل اللي شافها وهي معديه من قدام بيتهم عشان ساكن في منطقه قصادهم ونزل بسرعه وفضل ماشي وراها لحد ما شافها دخلت الترب بتاعت عيلتها، ووقف بره وطلع موبيله وكلم كمال وقاله..

عادل 
ايه يا ابن الحديدي مش انت كنت مستني الفرصه عشان تاخد حقك من يونس الصاوي..

كمال
هو انا في حاجه مستنيها غير دي..

عادل بص لشهد من بعيد بخبث وقال
وانا لقيت اللي يخلينا ندوس علي رقبته ودلوقتي مراته معايا هات علي واعملو اللي هقولكم عليه وتعالو...

_ قفل مع كمال ودخل عند شهد وقف وراها وهي بصت وراها بسرعه پخوف ولما شافته قالت بقلق..

شهد 
عادل انت بتعمل ايه هنا؟..

عادل 
طول عمري بقول عليكي غلباانه وفي حالك لحد. ما اتجوزتي البلطجي ده، انتي اللي جبتيه لنفسك يا شهد.. 
ـــــــ ـــــــ 
_ وفي بيت الشيخ محمد.. 
كانت هاجر قاعده جنب محمد وهي بتتفرج علي التلفزيون وهو قاعد علي الموبيل بتاعه وقالها..

محمد
هي امي فين؟..

هاجر
امك جوه بتحط الكريم بتاع الخشونه لرجليها..

وعلت صوتها وقالت
يا مازن تعالي عشان اشوف چرح ايدك..

مازن من جوه 
اصبري جااي..

محمد بغيظ
انا عايش مع حلب ما توطو صوتكم لازم تسمعو العماره كلها..

هاجر
قولي هي الست ريهام جارتكم راحت فين؟..

محمد 
ما اعرفش وكويس انها مشيت انا ما كنتش برتاحلها..

هاجر
انت بتكلم مين طيب؟..

بعد. محمد الفون عنها وقال
مالكيش دعوه ايه الغلاسه دي..

هاجر بغيظ
بقي كده طيب زعلانه منك..

محمد 
حلو بيقولو الست لما تزعل وهي حامل الولد بتبقي نفسيته حلوه وشكله كمان حلو..

هاجر بسخريه
اممم انا عرفت بقي ايه سر برودك ده اكيد من ابوك اللي كان علي طول منكد علي امك وهي حامل فيك..

ضحك محمد وقالها
هههههه طيب قومي يا اختي افتحي الباب يلاا...

_ قامت هاجر فتحت الباب وكانت ولاء اللي ماسكه شنط كتير في ايدها وقالت..

ولاء 
امسكي يا هاجر ايدي اتكسرت..

هاجر
ايه ده كله وجايه فين ورايحه فين انتي ده الساعه داخله علي 12؟..

ولاء
كان عندي كورس وكريم ابن صاحب ابوكي معايا بالتاكسي بتاعه تحت ولما خلصت جيبتلك الحاجات اللي ماما قالتلي اجيبهالك قبل ما اروح الكورس ولو سألتك قوليلها اني جيبتهوملك من بدري..

هاجر 
طيب تعالس ادخلي سلمي علي محمد ما ينفعش تمشي كده وهخليه ينزل معاكي يوصلك..

_ دخلت ولاء وفي الوقت ده كان طالع مازن من اوضته ولما شافو بعض الاتنين وقفو باصين لبعض وهما مبرقين..

هاجر 
في ايه مالكم هو انتو ما كنتوش تعرفو بعض ولا ايه؟..

محمد. 
ده مازن اخويا يا ولاء مش حد غريب..

مازن بقلق
انت حد قالك تتكلم ما تخليك ساكت، بصي يا ولاء انا هفهمك كل حاجه والله..

_ولاء ايديها بدأت تتنفض ومسكت الفازه من جنبيها وقالت وهي مټعصبه..

ولاء
بقي انت تكدب عليا يا حيوان..

_ وحدفت عليه الفازه وهو ميل لتحت پخوف وفي الوقت ده كانت طالعه هناء من اوضتها وحصل؟...

_ تفتكرو الفازه جات في مين؟.. 
ـــــــ ـــــــ 
_ وفي بيت الصاوي.. 
دخل يونس شقة حامد ولقي بطه قاعده مستنياه وقالت..

بطه 
اخيراً جيت خير قولتلي استناك عايز ايه، وعارف لو قولتلي عايز تتعشي هسيبك وادخل انام وادعي عليك للصبح..

يونس 
افصلي شويه واسمعيني، انتي تعرفي مازن ابن هناء..

بطه 
ايوه اعرفه عملك حاجه ولا ايه..

يونس بنفاذ صبر
يعني هو لو عملي حاجه هاجي واقولك انتي ليه؟..

بطه
طيب اومال بتسألني ليه؟..

يونس 
ايه رئيك فيه وتعرفي ايه عنه..

بطه 
عادي انا بشوفه سعات عيل ملزق كده بص بصراحه لله في لله ما بحبوش علي عكس محمد اخوك ده قمر ياما كنت بكراش عليه قبل ما يتجوز..

يونس ابتسم ڠصب عنه وقال
طيب عمك حامد عايز يجوزك مازن..

بطه بسخريه
قوله حمرا..

ضربها علي كتفها جامد وقال
اتلميي وبطلي كلامك ده انتي بنت عيب..

بطه بغيظ 
يخربيت ايدك وبعدين ما تشوف ابوك بيقول ايه  مازن ايه ده انا ما يملاش عيني غير يوسف..

ضربها يونس بالقلم وقال
ما تحترمي نفسك بقي ايه قلة الادب دي..

بطه پبكاء
طيب والله ما انا قاعده معاك بس، ومش هتجوز غير يوسف برضو..

ـ قالت كلامها وجريت بسرعه ودخلت اوضتها ، ابتسم يونس عليها وطلع شقته وقعد في الصاله وبص لصورته هو وشهد وافتكر تصرفاتهم مع بعض وهدوءها وخجلها منه ديما واتنهد بضيق، وكان لسه هيقوم عشان يدخل اوضته بس موبيله رن وبرقم كمال الحديدي..

رد عليه يونس وقاله
عايز ايه يا ابن الحديدي..

كمال بخبث
سهران ليه يا كبير او ياللي عليك كبير ومراتك بعيد عنك..

اتعصب يونس وقاله
انت اټجننت يالا وشرف امك ل...

كمال 
من غير غلط يا يونس عشان ما حدش هيزعل غيرك، وخصوصا لما تعرف ان مراتك عندي

يونس 
مرات مين اللي عندك انت بتقول ايه؟..

كمال ضحك وقال
اهدي كده واسمع مراتك معايا في مقاپر عيلتهم اكيد انت عارفها ولو راجل تعالي لوحدك خدها وانا مستنيك..

يونس پغضب 
طيب اسمع يا حيلة امك انا ما اعرفش انت بتتكلم صح ولا لا بس هجيلك واعرفك يعني ايه رجوله واعرفك غلط انك بس تجيب سيرة مراتي علي لسانك..

ضحك كمال وقال
اسمها ايه هي اااه شهد فعلا اسم علي مسمي..

_ قال كده وقفل في وش يونس اللي عينيه كانت بتطلع شرار من العصبيه، ودخل اوضة النوم وفتح الدولاب اللي فيه هدومه وطلع سلا*حه وحطه في هدومه واخد مفاتيح عربيته ومشي بسرعه...

_ وفي المقاپر كانت شهد قاعده علي الارض وبتعيط وقدامها عادل وكمال الحديدي وعلي ابن عم بطه اللي بيبصلها بنظرات مش كويسه وقال..

علي 
يا جدع ما تعرفش المزه دي كانت متخبيه فين ووقع عليها ابن الصاوي منين..

كمال پحقد
ان شاء الله هتبقي حرم المرحوم دلوقتي...

_ انقبض قلبها پخوف من اللي قاله كمال، وبعد شويه سمعو صوت عربية يونس وقرب بسرعه علي من شهد وحط سکينه علي رقبتها ودخل يونس المقاپر وزاد غضبه اضاااف مضعفه لما شاف علي قريب منها جدا وحاطط السکينه علي رقبتها..

عادل 
اهلا اهلا ايه السرعه دي يا ابن الصاوي..

طلع يونس سلاحھ وحطه في وش عادل وقال
مش انت الشبح اللي فيهم يبقي هبدأ بيك..

كمال پحده 
نزل سلاحک يا ابن الصاوي والا هتكون رقبة مراتك قصاد اول طلقه هتطلع من السلاح اللي في ايدك ده..

_ بصلها يونس وكانت مړعوبه من السلاح اللي علي رقبتها، نزل السلاح وعلي ابتسم بشماته وقال..

علي
اي حركه منك مش علي مزاجي هطلع روح مراتك وعلي ايدي..

_ مسك عادل عصايه خشب تقيله من ورا القپر ورفعها وبكل قوه نزل بيها علي ايد يونس اللي وقع منه السلاح علي الارض ويونس مسك ايده پألم كبير وكان خاېف يرد ليه الضربه او يقاومه ومش منهم انما عليها هي، وفي الوقت ده مسك كمال عصايه تانيه وخبط بيها يونس علي ضهره اللي ما اتحملش الالم ووقع علي الارض وفي الوقت ده اتنفضت شهد پخوف وقالت بصوت عالي وبكاء..

شهد 
يونس ما تسمعش كلامهم قووم يا يونس..

_ ما سمعش يونس كلامها وكان بيتضرب بكل قوه من كمال وعادل اللي كانو مغلولين منه اوووي، وسابوه بعد فتره وكان وشه كله ډم وكان پيتألم بانين مكتوم من جسمه اللي اتكسر، وبص لشهد لقي كمال قرب منها وحط ايده علي وشها وقال بخبث..

كمال 
يوم فرحي عملت فيا كده واكتر قدام مراتي وانا اهو رديتهالك واخدت حقي يا ابن الصاوي وقدام مراتك..

_حاول يونس يقوم وفي الوقت ده عادل بكل حقد ضربه بالعصايه اللي في ايده علي راسه ومن قوة الضربه العصايه اتكسرت في ايد عادل ويونس وقع علي الارض ما بيتحركش..

شهد پخوف وبكاء
يوووونس اوعي يا حيوااان سيبنييي يا يووونس..

_ في الوقت ده ظهر قدامهم الشخص اللي كله اسود في اسود اللي ظهر ليونس وشهد قبل كده وعادل اتخبي في كمال وقال..

عادل 
الحق يالا ددد ده عفريت..

_ علي ساب شهد وجري بعيد عنهم ووراه عادل وكمال وهما بيصوتو زي العيال من الخۏف، وشهد فضلت واقفه خاېفه منه وخاېفه اكتر علي بونس اللي راسه كانت پتنزف جااامد ومش بيتحرك خالص..

_ اتحركت پخوف وقربت من يونس وقعدت جنبيه علي الارض وهي بټعيط وحاوطت وش يونس باديها وقالت..

شهد 
قوم يا يونس ما تسبنيش لوحدي، انا ما صدقت لقيتك قووم يا يونس...

_ وبصت تاني للشئ اللي كان واقف بس ما لقيتش ليه اي اثر، وطلعت موبيل يونس وفتحته بالبصمه بتاعته وكلمت يوسف وحصل؟...

_ تفتكرو مين اللي ظهرلها في الترب ده وايه اللي هيحصل ليونس؟..

#موضوع_عائلي
_الحلقه الثامنه عشر
ـــــــــــــــــــــــــــــ 
_في بيت الشيخ محمد... 
كانو كلهم واقفين حوالين هناء اللي قاعده علي الكنبه فاقده الوعي وجنبيها محمد وهاجر، وولاء قالت باحراج وقلق..

ولاء
انا اسفه يا طنط والله ااا انا كك كنت  يعني..

هناء فتحت عين واحده وقالت لهاجر
اختك كانت عايزت تمو*تني متفقين علية انتي واختك مش كده..

هاجر 
لييه يعني هنعمل فيكي كده يا وليه..

وبصت لولاء وقالت
عاجبك كده ده انا ما صدقت انها اتعدلت معايا..

ولاء بتوتر
ااا انا ما كنتش اقصد والله يا طنط بس شوفت صوصار و...

_قبل ما تكمل كلامها وقفت هناء علي الكنبه وهي خاېفه جدا وقالت..

هناء
اييه صوصااار الحقني يا محمد، الصورصار ده دخل ازاي..

محمد بقلق
ما فيش حاجه يا ماما دي بتهزر..

ولاء بعدم فهم
انا مش فاهمه حاجه هي مالها..

مازن بغيظ
يا ريتك ما اتكلمتي امي عندها فوبيا من الحشرات يا ولاء..

ولاء پحده 
وانت بتزعقلي ليه انت السبب اصلا، ليه تكدب عليا..

مازن 
عشان انتي غبيه ولو كنت قولتلك كنتي هتبعدي عني عشان قرايب وكده..

ولاء 
ليه كنت هبعد عنك بالعكس كنت هقول لبابا كل حاجه وانا مرتاحه وانه عارفك وبيحبك انت ومحمد..

هناء بغيظ
معلش يا حبيبتي اصل انا ما عرفتش اربي، خد يا محمد البت وصلها بيتهم الوقت اتأخر..

مازن قرب من محمد وقال
ابوس ايدك ما تسبنيش مع امك ومراتك لوحدي انت شايف هما بيبصولي ازاي..

محمد بضيق
انت تخرس خالص وحسابي معاك بعدين..

_ واخد ولاء ونزل وهاجر شمرت اكمام ايديها وقربت من مازن وهي مټعصبه وقالتله..

هاجر
بقي تضحك علي اختي يا مازن، تستغل طيبتها وتخليها تصاحبك...

مازن اتخبي ورا هناء وقال
والله نيتي خير وانا مستخيل اسيب ولاء والله هتجوزها..

هناء بضيق
خلاص يا هاجر حقك عليا وبعدين يا اختي مو العيب علي اختك برضو دي اشكال تعرفها ولا تمشي معاها، مش شايف العينه اللي عندنا..

هاجر بغيظ
جرا ايه يا هنااااء مالها العينه اللي عندك هو انتو كنتو تطولو...

_ وفي الوقت ده رن موبيل مازن وكان محمد، رد عليه وقاله...

مازن 
الحق امك ومراتك مسكو في بعض..

محمد بجمود
سيبك منهم وانزل بسرعه...

مازن 
في ايه طيب؟..

محمد بقلق
يونس اخوك شكله عمل حاډثه وابوك كلمني وقالي لازم نروحله المستشفي..

اتنهد مازن بضيق وقال
واحنا مالنا ما يعمل حاډثه ولا ېموت اصلا...

هناء بقلق
مين ده اللي عمل حاډثه يا واد؟..

محمد بسرعه
اوعي تقول لامك حاجه انت عارف انها بتحب يونس واخلص وانزل عشان توصل ولاء وتحصلني..

مازن قام بسرعه وقال
من عيتيا نازلك...

وقفل معاه وهاجر قالتله
انت رايخ فين ومين ده اللي عمل حاډثه..

مازن 
ده واحد صاحب محمد وانا هروح اوصل ولاء وهو هيروحله المستشفي..

هناء
لا حول ولاقوة الابالله، روح طيب وقول لاخوك يكلمني يطمني عليه...

_ما ردش عليها مازن ونزل بسرعه، وهاجر راحت قعدت جنب هناء وقالت بقلق..

هاجر
تفتكري محمد راحلها انا مش داخل علية موضوع انه عمل حاډثه ده...

هناء ضړبتها علي كتفها جامد وقالت
اتلميي انا ابني متربي، واوعي كده انا داخله اصلي القيام وانام..

هاجر بغيظ 
روحي يا اختي وانا قاعده مستنيه همي التقيل وربنا بيخوني انا حاسه..

ـــــــــــــــــــــــــــــ

_ وبعد شويه قدام بيت الاستاذ حمدي.. 
وقف كريم بعربيته وكان مازن راكب جنبيه، وولاء راكبه ورا..

كريم 
عايزه حاجه يا ولاء؟..

ولاء
لا شكراً تعبتك معايا النهارده تعالي اتفضل يا كريم..

كريم ابتسم 
مره تانيه ان شاء الله..

_ نزلت ولاء وكان مازن قاعد متعصب جدا وكريم بصله بهدوء وقال..

كريم
تحب اوصلك فين يا مازن..

فتح مازن باب العربيه وقاله
لا انا هتصرف متشكرين..

كريم 
يا ابني الوقت متاخر واخوك طلب مني اوديك المستشفي ولا انت تحب ترجع البيت..

مازن پحده 
حااااجه ما تخصكش قولتلك شكرا..

كريم 
بشوقك يا اسطا...

_ وقفل كريم باب العربيه ومشي، ومازن دخل بيت حمدي بس وقف عند. السلم تحت وكانت ولاء واقفه مستنيااه وقالها پحده..

مازن. 
ما طلعتيش يعني؟..

ولاء
سمعتك بتزعق مع كريم فقلقت..

مازن بسخريه
خۏفتي عليه مش كده؟..

ولاء
ايه اللي انت بتقوله ده، وبعدين انت اصلا ازاي تعمل كده وتكدب عليا وما تقوليش انك اخو محمد...

مازن بجمود
اللي حصل وخلاص عرفتي وما حصلش حاجه، الواد ده بقي ايه علاقتك بيه؟..

ولاء بضيق
ده كريم ابن صاحب بابا وكانو ساكنين جنبينا زمان، وبعدين موضوع كدبك عليا ما خلصش انت ليه ما تقوليش؟..

مازن پحده 
عشان كنتي هتبعدي عني لو عرفتي ما كنتيش هتحكيلي حاجه عنك، والموضوع يتقفل والزفت اللي دايره تتصرمحي معاه ده ما تكلميهوش تاني..

ولاء بعصبيه 
ماتزعقش فيا ما تبقاش انت اللي غلطان وكمان بتركبني انا الغلط..

مازن پحده 
اللي عندي قولته وكلامي بتسمع يا ولاء واتنيلي غوري اطلعي فوق يلاااااا..

_ قال كلامه وذقها جامد ناحية السلم وكانت هتقع لولا انها سندت علي الحيطه، وسابها وطلع وهي طلعت شقتهم وهي بټعيط وكانت فاطمه مستنياها ونايمه في الصاله..

فاطمه 
انتي جيتي يا ولاء ينفع التأخر ده كله..

مسحت ولاء دموعها بسرعه وقالت
ما انا خليت الحاجه بتاعت هاجر وديتهالها وانا راجعه من الكورس والشارع كان زحمه جدا وكريم كان معايا وانا وجايه جه معايا يوصلني اخو محمد..

فاطمه پحده 
انا مش هقول لابوكي علي التأخير ده وكورساتك تتحول بالنهار، احنا ساكنين في منطقه شعبيه ومش ناقصه حد يمسك سيرتك كفايه اللي حصل لاختك..

ولاء بضيق
حاضر يا ماما مش هتأخر ومش هروح جامعه تاني اصلا ارتاحي..

_ ودخلت اوضتها ورزعت الباب وراها وافتكرت طريقة مازن معاها وفضلت ټعيط...

ـــــــــــــــــــــــــــــ 
_ وفي المستشفي اللي فيها يونس.. 
وصل مازن وكان محمد قااعد جنب ابوه وعظيمه جنبيه من الناحيه التانيه وشهد واقفه بټعيط واخوها صبري واقف جنبيها ومعاه يوسف وبطه قاعده جنب مامتها..

قرب مازن من محمد وقال
هو ماټ ولا ايه؟..

محمد پحده 
ما تحترم نفسك اللي جوه ده اخوك بدل ما تدعيله يقوم بالسلامه..

مازن 
يا عم اهو نخلص من الهم ده وسمعته اللي مشوهانا في كل مكان...

محمد بضيق
اسكت يا مازن لو سمحت....

_صبري مسك شهد من ايدها ووقف بعيد عن الكل وقالها پحده..

صبري
انتي كنتي فين وايه اللي وداكي عنده في وقت زي ده؟..

شهد مسحت دموعها وقالت
كنت مع جوزي يا صبري عندك. مانع..

صبري بغيظ 
هي وكاله من غير بواب، ازاي تطلعي من غير علمي بس نروح يا شهد وانا هوريكي...

شهد پحده 
كفايه بقي انا جوزي جوه بين الحيا والمۏت وانت برضو بتخوفني وبتهددني انت ما عندكش رحمه..

_ وسابته وراحت قعدت جنب بطه، وحامد بص لمحمد ومازن وقالهم بجمود..

حامد
تعالي ورايا انت وهو يلااا..

_ راح محمد ومازن وقفو مت حامد بعيد شويه وحامد بص لمحمد وقاله پحده...

حامد
اللي عمل في اخوكم كده الواد اللي كان خاطب مراتك يا شيخ محمد، وكمال ابن الحديدي وعملو فيه كده واتاكترو عليه قدام مراته وفاكربن ان ما فيش وراه رجاله تجيبله حقه يا ولاد الصاوي..

بص محمد ومازن لبعض ومحمد قال
لا ازاي انا ممكن اروح اعمل بلاغ دلوقتي و..

حامد ذقه في كتفه وقال
بلاااغ ايه يا ابو بلااغ انت ولو الحكومه ما عرفتش تجيب حق اخوك هتعمل ايه..

مازن بسخريه
احنا مش بلطجيه عشان نروح نتخانق والجو ده..

حامد بعصبيه 
الرجوله واخد الحق مش بلطجه يا بشمهندس، بس انتو حرين انا فعلا الراجل الوحيد اللي خلفته هو يونس، حامد الصاوي ما خلفش رجاله غير يونس وبس..

محمد بضيق 
طيب نطمن عليه الاول وبعدين يحلها حلال..

_ سابه حامد وراح قعد جنب شهد وطبطب علي كتفها وقالها بهدوء..

حامد 
ما تخافيش يونس حصله اكتر من كده وعداه وقام اقوي من الاول..

شهد بحون وصوت مهزوز
خير ان شاء الله يا عمي...

مازن قال لمحمد بصوت واطي
بقولك ايه انا مروح عشان عندي جامعه الصبح..

محمد بغيظ. 
يا برودك يا مازن اللي جوه ده اخوك، بس اقول ايه ما انت لو عندك ډم ما كنتش عملت اللي عملته مع ولاء برضو..

مازن ببرود 
يا عم محسسني اني متجوزها في السر، احنا متصاحبين وهنتخطب وهنتجوز وهملالك البيت عيال يا شيخ محمد..

محمد پحده 
امشي من وشي يا مازن وحسابنا في الموضوع ده لسه ما خلصش...

_ مشي مازن ومحمد قاعد مستني معاهم عشان يطمن علي بونس وكان فعلا قلقان عليه وجداً، وافتكر كلام يونس ليه وانه متأذي منه ديماً بالذكريات السودا اللي عاشه لوحده في وقت ما كان محمد ومازن بيتعلمو كويس وعايشبن مرتاحين مع امهم...

_وطلع الدكتور بعد شويه وكلهم قربو منه وسالوه علي يونس وهو رد عليهم وقال بهدوء..

الدكتور
اطمن يا حج هو بس واخد. غرز كتير في دماغه والچرح كان عميق شويه، وفي كسر في ايده وشوية كدمات في جسمه ودلوقتي نايم تحت تاثير المسكنات والصبح هيفوق ويكلمك زي ما انا بكلمك كده..

مسح حامد. دموعه وقال
الحمد لله الف حمد. وشكر ليك يارب..

يوسف بقلق
ممكن اشوفه طيب واطمن عليه انا اخوه..

بص محمد ليوسف بضيق والدكتور قال
بلاش دلوقتي تقدرو الصبح تيجو وتطمنو عليه ولو كان لازم حد. يفضل هنا ياريت حد واحد...

شاور حامد لشهد وقالها
ادخلي يا بنتي يلا اقعدي جنب جوزك وانا هوصي هنا الممرضين يبقو تحت امرك..

_ابتسمت شهد ودخلت بسرعه عند يونس، والباقي مشي معادا محمد اللي كان واقف تحت في المستشفي وبص لموبيله وكانت هاجر بترن عليه، ما ردش عليها وطلع فوق..

ـــــــــــــــــــــــــــــ 
_ وفي مطار القاهره.. 
طلعت نور وهي ماسكه ايد احمد وكانت مبسوطه واحمد قالها..

احمد
والله يا نور انا لو عليا كنا قعدنا اسبوعين كمان بس الشغل بقي..

نور 
يا حبيبي انا كفايه اني. ديماً معاك وجنبك...

_ وفتحلهم السواق باب العربيه وركبو هما الاتنين واحمد قال..

احمد
انتي هتنزلي الجامعه امتي؟..

نور 
ما طنط قالت اني انزل علي الامتحانات..

احمد
وانتي مالك ومال ماما يا نور ده مستقبلك انتي..

نور
ما انا اهم حاجه عندي طنط وبعدين ما انا كده كده مش هشتغل فانا مش عايزه غير الشهاده..

احمد بصلها بضيق وقال
والله طيب يا نور اللي يريحك..

_ حضنت نور دراعه ونامت علي كتفه وكانت مبسوطه جدا بالنقله اللي حصلت في حياتها، علي عكس احمد اللي بدأ يدايق من تصرفاتها وانها مدخله مامته في كل حاجه في حياتهم..

ـــــــــــــــــــــــــــــ 
_ وفي المستشفي في اوضة يونس.. 
كانت شهد قاعده علي الكرسي اللي جنب السرير وهي ماسكه ايد يونس السليمه وقالتله وهي بټعيط..

شهد
انا اسفه كل ده حصلك بسببي انا...

_دخل في الوقت ده محمد بعد ما خبط علي الباب وقامت شهد وقالتله..

شهد 
اتفضل يا شيخ محمد..

محمد بص ليونس بدموع وقالها
ممكن بس اقعد معاه شويه وانا كده كده هبات هنا في المستشفي هقعد تحت عشان لو احتاجتي حاجه..

شهد 
لا لا مالوش لزوم يعني تتعب نفسك انا ممكن اتصرف..

محمد
لا ما فيش تعب ولا حاجه ده واجب..

شهد بهدوء
طيب انا هروح اجيب حاجه اشربها من تحت واجي..

محمد
ممكن بس كمان تكلمي هاجر وتقوليلها اللي حصل خدي منها رقمي برضو..

ابتسمت شهد وقالتله
حاضر يا شيخ محمد بعد اذنك...

_ طلعت شهد من عندهم، ومحمد راح قعد علي الكرسي مكانها وبص ليونس بدموع وقاله..

محمد
اول مره في حياتي احس اني وحش اووي كده النهارده وانا واقف عاجز مش عارف اتصرف ولا اجيبلك حقك، لو انت اتظلمت بتربيتك مع ابوك انا كمان اتظلمت اتربيت مع هناك المتعلمه اللي خلتني شيخ زي ابوها والظروف من الناحيه التانيه بتجبرني ابقي زي ابويا، انا اقدر دلوقتي اجيبلك حقك واټخانق واعمل اكتر من اللي انت وحامد الصاوي بتعملوه بس هبقي بشوه سمعت الشيخ اللي الناس بتلقبني بيه، وابوك كلامه بيوجع ومش قادر يشوف انا فين في عيون الناس دلوقتي..

مسح دموعه وقال
تعرف ان الحاجه الوحيده اللي اختارتها في حياتي كانت هاجر بس كانت اختيار غلط دفعت تمنه في شغلي وفي اخويا اهو، والمشكله الاكبر اني حبيتها ومش قادر اسيبها..

فتح يونس عيونه ببطئ وقال بصوت تعبان
شهد فين؟..

ابتسم محمد وقاله
كويس انك سمعت اللي قولته، شهد جايه..

_ اتملت عيون يونس دموع وكان باين عليه اووي الالم اللي حاسس بيه، سامع وشايف كل حاجه بتحصل حواليه بس مش قادر يتكلم ولا حتي يقوم.. وجات شهد بعد شويه وقعدت قصاده ومحمد كان قاعد بره قدام الاوضه..

ـــــــــــــــــــــــــــــ 
_ وتاني يوم دخل محمد البيت، وطلعت هاجر بسرعه من المطبخ وقالتله..

هاجر
اخيراً اخوك عامل ايه؟..

محمد بجمود
وطي صوتك عشان امي هو كويس...

_ قال كلامه وسابها ودخل اوضته، راحت هاجر وراااه وقالتله بهدوء..

هاجر
كنت طول الليل قلقانه عليك وبكلمك..

رد عليها محمد وهو بيطلع هدوم من الدولاب
معلش يا هاجر اديكي عرفتي الوضع اللي انا كنت فيه..

هاجر بضيق
يعني لو كنت رديت عليا وطمنتني كانت هتحصل حاجه يا محمد..

محمد. پحده 
اللي حصل يا هاجر وخليت شهد تكلمك في ايه بقي..

_ سابته هاجر ومشيت، ومحمد دخل اخد شاور وطلع لقي هناء وهاجر قاعدين بيفطرو، راح قعد معاهم وهاجر قامت وقالت..

هاجر
انا شبعت هروح اجهز عشان ما اتأخرش علي الشغل..

بصتلها هناء وهي ماشيه وقالت لمحمد
انت ما عندكش ډم..

اتنهد محمد بضيق وهناء قالت
هاجر طول الليل كل ما بصحي الاقيها صاحيه وقاعده مستنياااك وتكلمك مش بترد عليها ليه كل ده؟..

محمد بجمود
ابن عمها والواد ابن الحديدي اټخانقو مع يونس وهددوه بمراته وهو في المستشفي..

هناء بدموع
يا نهار اسود. واخوك. عامل ايه دلوقتي..

محمد 
كويس خف وفايق بس في چرح في دماغه صعب شويه..

هناء بضيق
هبقي اخد. مازن اخوك واروحله، وقوم صالح مراتك ذنبها ايه هي في اللي بيعمله ابن عمها يلاا قووم..

_ قام محمد ودخل اوضته وكانت هاجر واقفه قدام المرايا ولما شافته قالتله بضيق..

هاجر
ابقي قول لمازن يبعد عن ولاء ويسيبها في حالها كفايه اللي هي فيه..

محمد 
ما هو قال انه عايز يتجوزها..

هاجر 
لا معلش اخوك ما يناسبش اختي..

قرب منها محمد وقال
من لوقتها نشوف وانا هكلمه من غير ما تقولي، المهم ما تزعليش..

بعدت عنه هاجر بعد ما لفت حجابها وقالت 
لا عادي بس واضح ان عمرك ما هتقدر تنسي ان عادل كان خطيبي والوضع ده انا ما استحملوش..

محمد 
انا دماغي مصدعه وعايز انام  وياريت تقدري يا هاجر اللي انا فيه..

هاجر بدموع
مقدره بس شوف طريقتك معايا وو..

_ في وسط ما بتتكلم معاه لقيته طلع موبيله وبص فيه وابتسم، راحت وقفت جنبيه وبصت في الفون وقالت..

هاجر
انت بتكلم مين؟..

شال الفون بسرعه وقالها
بكلم صحابي يا هاجر وبعدين روحي شغلك يلا عشان ما تتأخريش..

هاجر بضيق
طيب وهبقي اروح لماما وهبات هناك...

محمد 
هبقي اخدك مش هتباتي غير في بيتك يا هاجر..

_ مشيت هاجر وكانت كل تفكيرها فمحمد والرسايل اللي بتجيله علي الفون بتاعه ومين اللي بيبعتهاله..

ـــــــــــــــــــــــــــــ 
_ وفي بيت حامد الصاوي.. 
طلعت بطه من اوضتها وقالت لحامد اللي كان قاعد مدايق في الصاله..

بطه
خير يا عم حامد ما نزلتش ليه الشغل، من لما رجعت من عند. يونس وانت علي الحال ده؟..

حامد بحزن 
انزل ازاي وضهري مكسور يا بنتي، لما يبقي يونس يرجع هنزل..

بطه قعدت جنبيه وقالت
والله هيرجع وهيحط راس علي وكمال في الارض زي زمان هو انت ما تعرفش يونس ولا ايه..

ابتسم حامد وقالها
لا اعرفه ده انا ابوه...

طلعت عظيمه من المطبخ وقالت
انتي لابسه كده ورايحه فين يا بت...

بطه
يوسف مستنيني تحت هنروح المستشفي ليونس وهنستني لحد ما نجيبه معانا بالليل..

حامد 
طيب روحي يا بطه..

طلعت بطه وعظيمه قالت لحامد
يوسف اللي بيروح ويجي علي يونس، واخواته ولا بيسألو فيه..

حامد بضيق 
انا داخل انام شويه مش عايز اسمع صوتك يا عظيمه..

ـــــــــــــــــــــــــــــ 
_ وفي المستشفي.. 
كان الدكتور واقف جنب يونس ومعاه الممرضه وشهد واقفه بعيد شويه والدكتور بصلها وابتسم وقال..

الدكتور
لا عال اووي والحمد لله ان الخبطه في دماغك كانت مش عميقه اووي والا كانت هتبقي مشكله..

شهد 
هو هيخرج النهارده ده مش هيكون خطړ عليه..

بصلها يونس پحده والدكتور رد عليها وقال
لا يا مدام مش خطړ بس انتي خلي بالك معاه في الاكل لانه محتاج يتغذي جدا عشان نذف كتير وطبعا ياخد العلاج في معاده وما يتحركش كتير برضو..

شهد 
ماشي يا دكتور وشكرا جداً لحضرتك..

الدكتور
العفو ده واجبنا والف سلامه عليك يا يونس..

_ ما ردش عليه يونس والدكتور طلع ومعاه الممرضه، ويونس بص لشهد بجمود وقالها..

يونس 
ايه اللي انتي لابسااه ده؟..

بصت شهد لنفسها وقالت
ماله اللي انا لابسااه ؟..

يونس پحده 
ايدك كلها باينه يا هانم..

_شدت بسرعه شهد كم الفستان بتاعها علي ايدها وقالتله..

شهد
ما اقصدش والله بس هو كم الدريس واسع وبيرجع لورا لوحده..

يونس پحده 
طيب خلي بالك عشان لو رجع لورا تاني هنقع ايدك ونرتاح منها..

شهد ابتسمت وقالت
حاضر..

يونس
ايه اللي طلعك بالليل ودي مش اول مره تقريباً..

شهد قربت منه وقالت بسرعه 
انت عارف مين اللي انقذك منهم؟..

يونس 
يوسف مش كده؟..

شهد پخوف 
لا العفريت اللي ظهرلنا قبل كده؟..

يونس اتعدل شويه وقالها
بتهزري العفريت ازاي يعني..

قالتله شهد اللي حصل ويونس قال
ده مش عفريت ده بني ادم..

شهد 
لا عفريت انت فاكر ده كان قدامنا وجينا نمشي لاقينااه ورانا..

ابتسم يونس وقالها
هنشوف المهم اخوكي عملك حاجه..

شهد بحزن
لا بس كان مدايق عشان ما يعرفش السبب اللي مزعلني عنده بس احنا لو هنطلق ممكن نقوله اننا اا..

يونس بجديه قاطعها وقال
ما فيش طلاق اصلاً..

حاولت شهد ما تبينش فرحتها وقالت
ليه يعني مم مش هنطلق؟..

غمزلها يونس وقال
مزاجي كده عندك اعتراض..

شهد 
ما انت ما كنتش مصدقني..

يونس
سألت روحت وسألت علي الراجل ده وعرفت انه فعلا عمل حاجات زي اللي انتي حكيتهالي، ومن جوايا مصدقك...

بصلها وابتسم وقال
من عينيكي باينه اووي انك اصلا ما تعرفيش تكدبي..

بصت شهد الناحيه التانيه وقالت
يعني انت هتكمل مع واحده زيي عادي مش هتكون في مشكله عندك...

يونس
لا طبعا في مشكله..

شهد اتملت عيونها دموع ويونس ابتسم وقال
البجايم بتاعت الارانب اللي انتي جيباها في جهازك دي اكبر مشكله في الجوازه..

_ضحكت شهد ڠصب عنها وفي الوقت ده دخل عندهم صبري بعد ما خبط علي الباب وقال..

صبري
حمدلله علي سلامتك يا ابو نسب..

يونس بهدوء
الله يا يسلمك يا ابو اسر اتفضل..

صبري بص لشهد بضيق وقال
انا والله مش عارف اقولك ايه بس ليه ما بلغتوش عن اللي حصل ده؟..

يونس 
انت اكيد عارفني وعارف ان يونس الصاوي ما بيخليش حد يجيبله حقه..

صبري بضيق
قوليلي يا شهد انتي ازاي كنتي هناك في الوقت ده؟..

اتورت شهد وبان عليها الخۏف فيونس قال
انا اللي كلمتها وقولتلها تيجي نزور قبر حمايا وحماتي وكنت عايز اصالحها يعني عشان كانت زعلانه مني صح يا شهد؟..

_ابتسمت شهد وهزت راسها بمعني ايوه، وصبري بصلهم وابتسم وعارف ان يونس قال كده عشان يدافع عنها وقال..

صبري
طيب انا ما اعرفش اصلا هي كانت زعلانه ليه ومدام ما قالتش يبقي خلاص انتو حرين..

يونس
حاجه بيني وبين مراتي وخلاص يعني احنا حلينا كل حاجه وشهد هترجع معايا..

صبري 
براحتها اللي يريحها تعمله..

شهد بهدوء
هرجع مع يونس يا صبري ده بعد موافقتك طبعاً..

ابتسم صبري وقالها
خير ان شاء الله يا شهد..

_ وجه يوسف ومعاه بطه وكانو كلهم قاعدين بيتكلمو مع بعض، وعيون يونس كانت علي شهد وبعد شويه مشيت شهد. مع صبري عشان تجيب حاجتها من هناك وراحت معاها بطه ويوسف قال ليونس..

يوسف
سلطان كلمني قالي ان بعد. ما نجهز المعرض هيجي الوفد الاجنبي يشوف الدنيا عندنا بس لازم يبقي معانا شريك وخصوصا انهم عايزين الماركه بتاعتهم تكون معروفه وعشان كده لازم يكون المعرض حاجه تقيله..

يونس 
واختار رياض الشناوي عمه مش كده...

يوسف
حصل بس انت عرفت منين؟..

يونس
رياض الشناوي قدم السنه اللي فاتت وما اخدوش فاستني يشوف مين اللي هياخد التوكيل ويدخل شريك..

يوسف 
هو مش الراجل ده يبقي حما نور؟..

يونس اتنهد وقال
شوفت شهد كنت ناوي اطلقها يعني ما ارتاحتش معاها وقولت خلاص كل واحد يروح لحاله..

يوسف 
وايه اللي غير قرارك؟..

يونس بهدوء
خۏفي عليها ما اعرفش ليه خۏفت عليها من اخوها كمان، مش مطمن ولا مرتاح وهي بعيد ومش عايز حد. حتي يأذيها بكلمه بنت ما فيش زيها اصلا طيبه جداً وعفويه اووي ومالهاش في اللف والدوران خالص..

يوسف بخبث
لا وحلوه يعني غمزات وبياض وو...

سكت لما يونس بصله پحده وفضل يضحك وقال
ههههههههههه ونسيت تقول يا يونس انك بتغير عليها هااا، وبعدين شهد كانت خاېفه عليك اووي واضح انك مش لوحدك بتحس كده ده شكله احساس متبادل يا ابو الصحاب..

يونس 
المهم قوم ساعدني اغير هدومي عشان ارجع البيت..

ـــــــــــــــــــــــــــــ 
_ وبالليل في بيت الشيخ محمد.. 
كان قاااعد في اوضته علي الكنبه وماسك موبيله ومبتسم، وراحت هاجر وقعدت جنبيه وقالتله..

هاجر
قولي يا شيخ محمد هو حرام الواه ترقص لجوزها ولا حلال..

محمد بسخريه
انتي جايه تسالي سؤال زي ده بعد الحمل..

هاجر
ومين قالك اني كنت هعمل كده ده بس واحده صحبتي سألتني..

محمد قفل موبيله وقالها
حلال طبعا يا هاجر مش جوزها وربنا حللنا الاستمتاع بأزواجنا كامل الاستمتاع..

هاجر
حلو اوووي الكلام ده يا شيخ محمد، وايه رئيك بقي في زوجه راضيه جوزها فكل اللي يطلبه وهو بېخونها..

محمد 
دي قلة تربيه ياما ربنا حللك مراتك وهي زوجه صالحه وبترضيك يقوم يروح للحرام برجليه يبقي مش متربي ..

هاجر بعصبيه 
طيب يا مش متربي يا جاهل في دينك خلي السنكوحه اللي بتكلمها تنفعك..

محمد پصدمه 
انا يتقالي كده انتي اټجننتي يا هاجر..

هاجر بدموع 
كدبت مثلا ولا كدبت ما انت بتبقي قالب خلقتك عليا علي طول ولما تمسك موبيلك الضحكه بتبقي من الودن للودن ده غير انك غيرت باسورد الفون..

محمد بهدوء
ومعني كده اني بخونك لا بجد شكرا علي ثقتك فيا يا هاجر..

هاجر مسحت دموعها وقالت
طيب وريني الفون كده معلش انا يمكن غلطانه خليني اتأكد..

محمد بتوتر
لا لا طبعا دي حاجه خاصه بيا وبعدين انا مش بخونك عايزه تصدقي براحتك مش عايزه اخبطي دماغك في الحيطه ..

هاجر بحزن 
طيب يا محمد انت لو ما قولتليش دلوقتي مين دي اللي بتكلمها وايه علاقتك بيها انا همشي واسيبلك البيت...

محمد بقلق
طيب هقولك بس تبقي عاقله وتفهمي..

هاجر؟؟؟...

_ تفتكرو بقي ايه اللي مخبيه محمد؟..

ـــــــــــــــــــــــــــــ 
_ وفي بيت حامد كانت بطه قاعده بتكلم يوسف والباب خبط..

بطه 
اقفل بسرعه في حد بيخبط..

يوسف 
ماشي يا بطه ولو سمحتي اعمليلي بلوك، ولما اكلمك ما ترديش عليا..

بطه بغيظ 
ماشي يا ام ضمير صاحي انت..

_ قفلت معاه وقامت فتحت لقيته حامد اللي واقف ومبتسم وقالها..

حامد
كنتي بتكلمي مين بقي ومش راضيه تفتحي..

بطه 
صحابي يا عمي، خير في حاجه؟..

حامد دخل وهو ماسك ايدها وقال
تعالي يا بطه عايزك في كلمتين يا بنتي، تقريبا اخوكي يونس كلمك فيهم..

قعدت بطه قدامه وقالت بقلق
ايوه يا عمي قالي مش علي موضوع مازن ابن حضرتك؟..

حامد
ايوه هو ده ابني يا بطه ومش هستأمنك علي حد. غيره..

بطه بضيق
انا من لما كبرت وانا معتبراك مكان ابويا وانت ما قصرتش معايا في حاجه لا انت ولا يونس، وانا مش برفض مازن عشان هو ابن حضرتك لا انا بس مش مرتاحه للموضوع..

حامد 
طيب لو قولتلك عشان خاطري توافقي وتديه فرصه ما فيش حد هينفع ابني غيرك وانتي برضو ده متعلم ومهندس وسيبك من كلام امك.

بطه بضيق
انا اسفه يا عمي بس انا مش عايزه اتجوز اصلا..

حامد بجمود
وايه السبب؟..

بطه بتوتر
من غير سبب؟..

حامد 
طيب هسألك السؤال بطريقه تانيه، مش عايزه تتجوزي عشان يوسف مش كده؟..

خاڤت بطه و؟؟...

_ تفتكرو هيحصل ايه؟... 
يتبع 

بداية الروايه من هنا

حملوا تطبيق النجم المتوهج للروايات الكامله واحصلوا على أحدث نسخه مجانا من هنا

روايات كامله وحصريه من هنا

تعديل المقال