رواية انتقام عشق البارت التالت والرابع بقلم ياسمينا حصريه وجديده على مدونة النجم المتوهج للروايات والمعلومات

رواية انتقام عشق البارت التالت والرابع بقلم ياسمينا حصريه وجديده على مدونة النجم المتوهج للروايات والمعلومات

رواية انتقام عشق البارت التالت والرابع بقلم ياسمينا حصريه وجديده على مدونة النجم المتوهج للروايات والمعلومات

عشق بحزن:  انسه عشق لا ده كان زمان 

ادهم:  احم طب ممكن تحكيلي الي حصل يوم الحادثه

عشق بزعيق:  ليه الباشا ناااااسي 

ادهم بسخريه:  اه معلش عندي زهايمر 

عشق بغضب:  ابعد عني بقا يراجل انت صدقني انا مش هسيب حقي 

ادهم:  اولا اسمي ادهم عزيز 

عشق قطعتو وقالت:  ادهم زفت

ادهم بصلها بغضب وبعدين  مسكها من هدومها  وهي خافت

ادعم بغضب:  بتشتمي ابويا يابت 

عشق بتوتر:  ها لا طبعا هو انا اقدر

ادهم بصلها بسخريه وسبها وهي قالت بصوت عالي بس اقدر اصوت يلهووووي الحقوووووني 

ادهم بغضب:  اسكتي فضحتينا 

عشق بصريخ:  الحقوني ياناس خطفنيييييييي 

فجاه ادهم لقه عسكري بيخبط علي ازاز العربيه ادهم  فتح الازاز 

عشق:  ياباشا خاطفني وعايز يغ

ادهم قطعها ببرود:  اهدي ياعشوقتي 

عشق بصدمه:  عشوقتك

ادهم:  هو فيه حد يخطف مراتو ام ولادو لا وكمان يغتصبها لالا كدا كتير

العسكري بشك:  دي مراتك 

ادهم ابتسم وبعدين حط ايدو علي بطن عشق وقال: وحامل ف زين ابني 

عشق شالت ايد ادهم بغضب وقالت:  ده كداب والله 

ادهم:  تؤتؤ اعصابك ياشوشو اهدي ياحبيبتي 

عشق:  حبك برص ياشيخ 

العسكري  :  عايز الي يثبت انها مراتك 

عشق بصت لي ادهم وابتسمت ابتسامه خبيثه

ادهم:  احم هي مالها  برددت كدا ليه

عشق كانت هتضحك بس مسكت نفسها بالعافيه

ادهم:  هو انا دلوقتي لو حركت العربيه ومشيت هيحصل حاجه 

العسكري:  افندم 

ادهم  بص قدامه بخبث وقال:  لا والنبي ماهيحصل حاجه 

ادهم اتحرك بسرعه بالعربيه  وعشق بدأت تصرخ 

ادهم بغضب:  صرعتي الي جبوني ياشيخه 

عشق:  نزلني نزلني 

ادهم:  مش قبل ما نتكلم 

عشق:  وأنا  اتكلم  مع حيوان ومغتصب زيك ليه 

ادهم وقف العربيه بغضب وقال:  شوفي انا عملت اي حاجه ممكن تتوقعيها بس اغتصب بنت مستحيل

عشق بسخريه:  اه وخيالك بقا هو الي جري ورايا وقالي اني فتاة ليل 

ادم:  لاني كنت فعلا فاكرك كدا وبتعملي كدا علشان تزودي الفلوس مش اكتر بس  لما جيتي عندي وشوفتك بالمنظر ده صدقيني انصدمت 

عشق بغضب:  وانت جايب المشهد ده من انهي فيلم يااستاذ 

ادهم بغضب:  بقولك ايه انا معملتش كدا والله العظيم

عشق ببرود:  مشيني من هنا

ادهم:  لا ياحبيبتي طريقك اخضر انزلي 

عشق بصتلو بغضب وقالت  :  مانت مش راجل 

عشق جت تنزل بس ادهم مسك ايدها وبص ف عنيها وقال بصدق:  انا بجد معملتش كدا بس انا غلطان اني سبتك هناك ومشيت كنت لازم. اخدك. معايا علي الاقل دلوقتي  مكنش حد اغتصبك 

عشق بصت ف عنيه وحست بصدقه بس افتكرت الفستان بتعها كان فيه ريحة البرفان بتاعته

عشق شالت ايدو بغضب وقالت:  ريحتك فضحاك يااستاذ  

ادهم بستغراب:  ريحتي 

عشق تجاهلته ونزلت من العربيه  وهو نزل وراها:  طب تعالي اوصلك 

عشق بغضب:  ابعد عني بقا 

عشق مشيت من قدامه وهو ركب العربيه  بغضب ومشي....  وهي وقفت تاكسي وركبت وتحركت

السواق :  اسمي مالك مهران 

عشق بصت علي مالك بستغراب  وهو وقف العربيه وقال:  تعالي قدام

عشق بستغراب:  نعم 

مالك بصلها.... وهي ركزت ف وشه

مالك ابتسم وقال:  انا قمر  صح

عشق بلاوعي:  اوي 

مالك بضحك:  ايوا انا عارف 

عشق بتوتر:  احم انت عايز ايه 

مالك:  عايزك في موضوع ادهم

عشق بغضب:  نعم 

مالك:  انا صحبه 

عشق بغضب: وطبعا جاي تقولي هديكي فلوس بس متبلغيش البوليس 

مالك بخبث:  لا انا جاي اقولك اني هشهد معاكي ضد ادهم  

عشق بصدمه:  بجد

مالك: اه انا شوفته بعد الحادثه كنت ف بيته وهو حكالي كل حاجه وممكن كمان نجيب احلام تشهد انها شافتني معه ف اليوم ده وفي بيته

عشق بسعاده:  والله يبقى كتر خيرك 

مالك غمزلها وقال:  يبقى تعالي قدام ويلا بينا علي القسم 

عشق طلعت من العربيه بسعاده وبعدين ركبت قدام ومالك اتحرك....

_________________________________________

*في المساء *

*‏ادهم كان قاعد علي سفره وجمبه احلام 

*‏ادهم:  ده كل الي حصل والبنت حامل انا مش عارف مين عمل فيها كدا 

*‏احلام ابتسمت كانت فرحانه اوي لانها عارفه ادهم مستحيل يحب بنت مش هو الراجل الاول ف حياتها.. 

*‏ادهمّ  بستغراب: مالك يابنتي انتي بتضحكي وانا ف مصيبه 

*‏احلام بضحك:  طب اعمل ايه 

*‏ادهم بسخريه: صحابي دول صحاب اونطه

*‏احلام: بعوني انا ف الاول محطه 

*‏ادهم بغضب: انتي هتغنيلي قومي من هنا 

*‏فجاه سمعو عربية البوليس قدام القصر 

*‏ادهم بصدمه: البنت ال.... بلغت عني اكيد

*‏احلام: والحل 

*‏ادهم بسخريه: مفيش حل غير اني اهرب 

*‏احلام بضحك: جبان 

*‏ادهم: مش فاضيلك دلوقتي لما اجي هعلقك 

*‏ادهم قام ودخل المطبخ وبعدين خرج من الباب بتاع المطبخ.... وبعدين من بوابه الخلفيه ووقف تاسكي....

*‏_________________________________________

*‏*في بيت حازم *

*‏حازم لبس وبعدين قال لي عشق: عشق انا رايح الاذاعه

*‏عشق: طيب خلي بالك من نفسك 

*‏حازم: وانتي انسي كلام اياد 

*‏عشق بحزن: ماشي 

*‏حازم قرب منها وباس رأسها وبعدين طلع من  الشقه والعماره كلها... وبعد دقيقه بالظبط وقف التاكسي قدام العماره وادهم نزل منه وطلع شقه حازم وخبط.... وعشق فتحت اول ماشافته جت تصرخ بس هو حط ايدو علي بوقها ودخل وقفل الباب بالمفتاح 

*‏ادهم: بتبلغي عليا يابنت ال

*‏عشق قطعته وقالت: بنت اييييه

*‏ادهم بغضب: ليه مش عايزه تصدقي اني معملتش حاجه 

*‏عشق بصتله بغضب وبعدين دخلت الاوضه وهو استغرب.... وبعد دقيقه طلعت وكان معاها فستانها ورمتخ ف وش ادهم وقالت: رحة البرفان بتاعك لسه موجوده ف هدومي 

*‏ادهم: هو انا الوحيد الي بحط البرفان ده 

*‏عشق بغضب: بس انت الوحيد الي كنت يومها عايز تغتصبني 

*‏ادهم بصلها بحزن وبعدين قعد علي الكرسي 

*‏عشق: اطلع برا 

*‏ادهم: طب اثبتلك ازاي اني معملتش كدا 

*‏عشق ببرود: والله مهما عملت ماهصدق مانت لو راجل كنت اعترفت وبذات اني حامل 

*‏ادهم بستغراب: قصدك اتجوزك

*‏عشق: مستحيل اتجوزك اصلا دا سبحان من خلاني واقفه معاك كدا عادي ولسه مفقدتش اعصابي انا قرفانه منك لدرجه اني مش قادره ابص ف وشك يبقا ازاي هتجوزك 

*‏ادهم بضيق ٠: تمام احكيلي حصل ايه بالظبط يوم الحادثه 

*‏عشق بدات تحكيله......

*‏ادهم: مهو دليل برائتي موجود اهو ف القصه الي حكتيها دي 

*‏عشق بستغراب: ازاي

*‏ادهم: ياذكيه انتي بصيتي عليا لقتيني واقف علي طريق ببص يمين وشمال قوليلي بذمتك هلحق اجيلك من وراكي واديكي حقنه ف رقابتك دانا لو ساحر مش هعرف اعمل كدا

*‏عشق بدات تفكر ف كلامه وقالت بسرعه: بس انت بصيت علي البيت و انا استخبيت يمكن انت بقا قربت من البيت من غير مااشوف 

*‏ادهم: يابنتي والله ماهعرف اعمل كدا بسرعه دي

*‏عشق بغضب: كفايه تمثيل وكدب وقرف

*‏ادهم بغضب:  طب قومي بقا فزي هاتيلي اشرب حرقتي دمي... 

*‏عشق بضيق:  برااااااا 

*‏ادهم:  طب انا ممكن اتجوزك 

*‏عشق:  يعني انت بتعترف انك اغتصبتني وعايز  تصلح غلطتك 

*‏ادهم بصدق:  بصي هقولك كلمتين عايزه تصدقيهم صداقيهم مش عايزه براحتك انا واحد كنت متجوز بنت راجل اعمال اتجوزنا شهر وخانتني مع صاحبي روحت انا خليت مراته تخونه معايا  واعترفت بده قدام الناس  ومش بس كدا انا ياستي بتاع بنات  وانا لو فعلا عملت الي بتقولي عليه ده كنت اعترفت اصل انا مش هخاف منك يعني وبيني وبينك انتي مش هتقدري تعملي حاجه لاني راجل تقيل ف البلد ومليون  واحد مش هيكون عايزني  اتحبس لاني بسلك امورهم حتي الظابط الي هيحقق معاكي هتلقيني بردو بسلك اموره...  انا هتجوزك ليه بقا لاني يابنت الحلال مش وحش اوي كدا وانا فعلا  السبب فلي انتي فيه لاني لو كنت وصلتك بيتك مكنش حصلك كدا انا حاسس بذنب رهيب وعلشان كدا هتجوزك

*‏عشق بدات تفكر ف كلامه بحزن وبعدين فكرت انها هتبقى قريبه منه وسهل تنتقم منه بسهوله هي اكيد مش هتسبيبه ف حاله حتي لو اتجوزها واعترف بغلطته

*‏ادهم:  قومي يلا هاتي ميه 

*‏عشق قامت بضيق ودخلت المطبخ..  وهو مسك فستانها وقال:  اكيد فيه بصمات الشخص الي عمل كدا انا لازم اخده

*‏اول ما عشق دخلت المطبخ طلعت تلفونها ورنت علي رقم مالك.... ورد 

*‏عشق: مالك ادهم هنا

*‏مالك بخبث: وعايز ايه 

*‏عشق بضيق: عايز يتجوزني

*‏مالك: اه طب ما دي فرصه تخليكي تقربي منه وتنتقمي

*‏عشق بتفكير: ايوا انا قولت كدا بردو 

*‏مالك: بصي ياعشق انتي معندكيش غير الطريق ده وانا حابب اساعدك ادهم صاحبي اه بس بيعمل حاجات تعصي ربنا كتير وانتي لازم تجيبي حقك 

*‏عشق بصدمه: بيعمل ايه كتير 

*‏مالك بخبث: بيغتصب البنات مهو ده مرض عنده

*‏عشق بغضب: والله يستاهل القتل 

*‏مالك بشر: بظبط كدا ف لازم تبقي مراته علشان تقدري تنتقمي

*‏عشق: طيب لازم اقفل دلوقتي ليسمعني..

*‏مالك بخبث: طب خلي بالك من نفسك

*‏عشق: حاضر 

*‏عشق قفلت التلفون وبصت علي ادهم من المطبخ وقالت: اكيد مش هتوصل للقتل بس بردو مش هرحمك....

*‏عشق جابت الميه وقالت:  خد بالسم الهاري 

*‏ادهم خد منها الكوبايه وقال:  لامااحنا لو هنتجوز دي مش هتبقا المعامله بنا انا بحب الزوجه المطيعه الي بتسمع الكلام

*‏عشق بغضب:  كلام مين ياابو كلام وزوجه ايه انت اتهبلت 

*‏ادهم:  لالا مفيش واحده بتشتم جوزها 

*‏عشق:  اللهم ما طولك ياروح هو انت جنسك ايه يااخي ايه البجاحه  دي 

*‏ادهمّ  بلامباله:  مش هنتغدا ولا ايه

*‏عشق بصتلو بصدمه وهو ضحك وقال:  خلاص خلاص همشي ابقي كلميني وقوليلي قرارك 

*‏عشق بضيق:  طيب 

*‏ادهم قام وقرب من الباب وبعدين وقف تاني وبص لي عشق وقال:  هو اتني مفكرني طفل 

*‏عشق بستغراب  :  ايه

*‏ادهم قرب منها وقال:  ولا مثلا  اهبل وعبيط قدامك... 

*‏عشق:  مالك يابني انت مريض 

*‏ادهم:  هتجيبي رقمي منين يااخت عشق 

*‏عشق بضيق:  طب هاااتو خلصني 

*‏ادهم ابتسم وقال:  اكتبي عندك 010

*‏عشق كتبت 

*‏ادهم:  ست ستات 

*‏عشق بسخريه:  هنستعبط بقا 

*‏ادهم بضحك:  والله ابدا هو ده الرقم 

*‏عشق كتبت وقالت:  صبرني يارب حتي رقمك فيه ستات ايه يااخي القرف ده

*‏ادهم:  اعترضي بقا علشان ربنا يقفلها ف وشك وتجوزي واحد احول 

*‏عشق:  ياشيخ ارحم منك يابتاع الست ستات 

*‏ادهم جاي يرد بس سمع جرس الباب بيرن 

*‏ادهم:  طيب جاي اهو 

*‏عشق قامت وقربت من ادهم وحطت ايدها علي بوقه بخوف 

*‏عشق:  الله يخربيتك هتفضحني لو حد شافك هيقولو عليا ايه

*‏ادهم حاول يتكلم بس عشق كتمت بوقه ف شال ايدها بسرعه وقال بصوت عالي:  ايه ياماما خايفه لحد يشوفك معايا وانتي اصلا قاعده ف شقه راجل غريب ونعمه الاخلاق وتربيه

*‏عشق بغيظ:  اخرس حازم اخويا فاهم يعني ايه اخويا  

*‏ادهم:  رضعتي من امه

*‏عشق:  لا 

*‏ادهم بصلها بقرف وقال:  رضع من امك

*‏عشق بنفاذ صبر:  لا 

*‏ادهمّ  :  يبقا عند امك بقا قال اخويا  قال عالفكره بعد الجواز ده كله هيتغير 

*‏فجاه الباب خبط جامد 

*‏عشق بهمس:  يخربيت راغي امك اسكت بقا 

*‏ادهمّ  :  طيب 

*‏فجاه سمعت صوت اياد وهو بيقول بحزن:  انا اسف ياعشق انا عارف انك سامعني ومش عايزه تردي انا بحبك اوي ياعشق

*‏ادهم بهمس:  حبك برص يابعيد 

*‏عشق بهمس:  هشش

*‏اياد:  انا مستعد اتجوزك ونرفع قضيه علي ادهم الكلب ده 

*‏ادهم بغضب:  مين الكلب الي بيتكلم ده

*‏عشق:  هشش يخربيتك

*‏ادهم بضيق: ده  بيشتمني 

*‏اياد:  هنقدر عليه صدقيني انا معاكي 

*‏ادهم:  عالفكره مش هتقدروا انا بس خايف عليكي  مش عايزك تفضحي مش هتستفادي حاجه صدقيني

*‏عشق بصت علي ادهم وبعدين  بصت علي الباب كانت محتاره تختار اي طريق...  طريق  ادهم ف هو مضمون وهتقدر تنتقم منه وتربي ابنها....  وطريق اياد بنسبلها مكنش مضمون اوي ادهم عنده معارف يقدروا يطلعوه من سجن  ف ثانيه 

*‏ادهم بهمس:  ها اختارتي ايه

*‏عشق.........

★★★★★★★★★★★★★★★★★


٭٭part4٭٭

عشق بجمود:  هختار الي هيربي ابني 

ادهم  :  زين يعني

عشق بغضب:  زين ايه انت كمان انا هجيب بنت 

ادهم بسخريه:  لا دي امور عائليه نبقا نحلها ف بيتنا

عشق بصتلو بغضب وبعدين دخلت اوضتها وادهم فتح باب الشقه واياد بصلو بصدمه 

ادهم:  قول لي مالك ابن المفضوحه ده اني كشفته واني عرفت انه هو الي بعتك ويلا ف ستنين داهيه تاخدك انت وهو 

ادهم قفل الباب ف وش اياد....  وبعدين دخل اوضه عشق....  وعشق اول ماشافته صرخت ف وشه:  امشي من هنا 

ادهم:  والله ياحبييتي انا مراتي المستقبليه متقعدش معا راجل غريب ف بيت واحد 

عشق بضيق:  لا بقا ياسي السيد انا مش هسيبك تبيع وتشتري فيا 

ادهم بضيق:  مانا كرامتي متسمحش بده 

عشق بضيق:  مانت كمان عندك صحبه شوفتها واقفه معاك 

ادهم بصدمه:  اه ياخلبوصه انتي كنتي مركزه معايا  بقا 

عشق:  فكك من ده عندك ولالا

ادهمّ  :  اه عندي 

فجاه سمعو صوت حازم 

حازم بغضب:  عشق 

ادهم بص علي حازم وقال:  المغفل التاني وصل ايه يابني ماتخبط علي الباب ولا علشان معاك المفتاح بقا تدخل علي واحد ومراته كدا

حازم. بغضب:  عشق انتي واقفه معه ليه

ادهم ببرود:  عادي هو حلال تقف معاك وانا لا 

عشق  :  ممكن تهده. وانا هفهمك 

ادهم بضيق:  ليه محسسني انه جوزك وجاه قفشنا سوا 

عشق بهمس:  مش قولتلك  امشي من هنا

ادهم  بص لي حازم وقال:  بتقولي بحبك اعمل ايه بقا

عشق بغضب  :  برااااا 

ادهم بأبتسامه:  تمام اشوفك بكرا علشان نكتب الكتاب ياعروسه وابقي حطي شوية مكياج علي وشك متجيش بوش جعفر ده

عشق بصدمه:  جعفر 

ادهم مشي من قدامها وطلع برا الشقه 

عشق لحازم:  ناكل الاول وبعدين احكيلك كل حاجه

حازم بغضب:  ايه ياختي جه فتح نفسك مانتي مكنتيش بتزفتي تاكلي

عشق بضحك:  ياسيدي بلاها اكل تعال احكيلك 

حازم بصدمه:  ايه الضحكه دي ياعشق انا هتجنن

عشق بأبتسامه:  طيب اسمع بقا..... 

_________________________________________

اما ادهم نزل قدام العماره وفضل يدور علي تاكسي ف شاف عربيه جايه عليه من بعيد وهو ابتسم لانه عارف صحبها كويس...  العربيه وقفت قدامو وادهم ركب وقال:  والله متشكر يااخ مالك

مالك اتحرك وقال:  قولي صحيح هي مراتي خانتني معاك ازاي 

ادهم بضحك:  دي كلبه وراحت بس انت عارف بقا انا اجمل منك ودمي شربات 

مالك بسخريه:  مكنتش مراتك خانتك معايا 

ادهم بصله وقاله:  بص ياصحبي صعب تلاقي ف دنيا دي بنت محترمه  

مالك  بخبث:  بس عشق محترمه 

ادهم  ببرود:  اه هي وصلت لعشق بقا.... بص يامالك اعمل الي انت عايزه انا سيبك خالص بس صدقني ف الاخر  انا الي هكسب مش انت

مالك بضحك:  هو انت نسيت انا مين يابني

ادهم بصله وقال بخبث:  مين يعني ابن البواب 

مالك بص لي ادهم بغضب...... 

فلاش باك 

من ٢٠ سنه كان ادهم عنده ١٠ سنين كان من عيله متوسطه وكان وحيد امه وابوه...  كان نفسه علطول يكون عندو اخ بس باباه رفض قال ولد واحد وبس وفي يوم جاه بواب جديد للعماره وده ابو مالك وكان معه مالك.....  وادهم شاف مالك وحب يتعرف عليه 

ادهم:  انا ادهم وانت 

مالك بأبتسامه:  اسمي مالك

ادهمّ ابتسم وقال:  هو احنا ممكن نبقا صحاب 

مالك:  اكيد طبعا انا موافق 

ادهمّ  :  طب تعال 

ادهم طلع شقته ومالك طلع معه وبعدين دخل اوضته وطلع كل لعبه وقال:  مالك العب بكلوووو 

مالك بصدمه:  بجد 

ادهم:  اكيد طبعا  خلاص حاجاتي بقت حاجاتك 

مالك مسك الالعاب وفضل يلعب بسعاده.... 

*وفي مرحله الاعداديه*

*‏ادهم ومالك كانوا صحاب جدا لدرجه ان ادهم كل ما يجيب لعبه او كتاب كان بيجيب لي مالك معه وفي مره ابو مالك طلب منه يمسح السلم ومالك  كان محرج 

*‏ادهم:  هات مساحه ليا وليك وتعال هنمسح السلم ده حتته مسحه تخلي ابوك يديك فلوس عليها

*‏مالك بسعاده:  بجد هتساعدني ومش هتكسف وانت بتمسح

*‏ادهم.:. يابني اتكسف ايه هو انت مفكر الناس الاغنيه دول كان اصلهم ايه يابني كانو افقر مننا بكتير 

*‏مالك بحزن:  بس انا الي فقير مش انت 

*‏ادهم بضيق:  غور ياض املي ميه بدل مااتعصب عليك

*‏مالك بضحك:  طيب 

*‏مالك  جاب الميه وبدأوا يمسحوا السلم وادهم محسسش مالك بأي فرق بينه وبين ادهم وطول الوقت كانوا بيضحكوا وبيلعبوا ف الميه... 

*‏"ف المرحله الثانويه *

*‏ادهم ومالك كان عندهم امتحان وادهم حط ايده علي كتف مالك وقال:  بص ياحبيبي علشان بس نكون فاهمين من اولها لو مغششتنيش هاكول وش امك ده 

*‏مالك  :  ياعم سبني ف حالي لما اغش انا الاول 

*‏ادهم:  يابني  انت عايز تبقا دكتور انا عايز انجح وخلاص اللهى ربنا ما يوقعك ف ضيقه ياشيخ

*‏مالك بغرورى:  ما كفايه تسول بقا

*‏مالك شال ايد ادهم من علي كتفه وجررري دخل المدرسه 

*‏ادهمّ بصدمه: تسول يا كلب ياابن 

*‏مالك بصلو وقال: ابن ايه

*‏ادهم بضحك: العسل امك عسليه يالااا عسليه 

*‏مالك بضيق:  عسليه 

*‏ادهم قرب منو وقال:  يلا انجز يابني هنسقط...... 

*‏*وفي يوم  نتيجه تالته ثانوي*

*‏كان ادهم عمال يدور علي مالك ف العماره كلها وبعدين لقه قاعد تحت السلم ادهم قرب منو وقعد جمبه

*‏ادهم:  كدا تلففني عليك العماره كلها ايه مش ورايا غيرك 

*‏مالك بصلو بحزن ومردش

*‏ادهم:  جبت كام 

*‏مالك ٩٠٪ ومش هدخل طب وبابا زعقلي وقالي لو كنت دخلت طب هيصرف عليا انما لو اي كليه تانيه  مش هيصرف 

*‏ادهم  :  فكك من ابوك دلوقتي انت عايز تدخل ايه دلوقتي 

*‏مالك:  مش عايز حاجه ولو دخلت مين هيصرف عليا 

*‏ادهم شاور علي الحصاله الي في ايديه وقال:  الحصاله دي هي الي هتصرف عليك

*‏مالك:  نعم ازاي

*‏ادهم: بص ياسيدي ابويا كان كل شويه يديني فلوس لدروس وانا مكنتش بروح الدروس لانك كنت بتذكري وانا مبفهمش غير منك الصراحه وعلشان كدا جمعت الفلوس الدروس السنه دي كلها ف الحصاله دي وقولت اني هديلك الفلوس دي لما تزنق 

*‏مالك بصلو بصدمه وقال: بجد

*‏ادهم ابتسم وقال: انت صحبي ومستحيل اسيبك شوف انت عايز تدخل ايه وانا معاك 

*‏مالك بسعاده: تعال ندخل تجاره انجلش نفسي ابقا راجل اعمال كبير 

*‏ادهم بتفكير: هي التجاره دي بطلع رجال اعمال

*‏مالك بضحك: لا يعم ده بس بيكسبك خبره بس احنا مع بعض هنبقا رجال اعمال

*‏ادهم بضحك: يااااحلم بعيد 

*‏مالك بحماس: ياجايز بكرا يبقا اكيد... يعني قوم فز كدا خلينا نشوف شغلنا 

*‏ادهم: طب يلا ياصحبي 

*‏مالك حضن ادهم وقال بسعاده: انا بحبك ياادهم شكرا علي كل الي عملته علشاني 

*‏ادهم: احم احم مالك ابعد بس كدا لناس تفهمنا غلط 

*‏مالك بضحك: ياعم اتنيل قوووم 

*‏ادهم قام وقال: ربنا يصبرنا بس علي احلامك دي ونبقا رجال اعمال واحنا عندنا ٣٠ سنه مش ٧٠ سنه

*‏مالك: تعرف تقول يارب

*‏ادهم بابتسامة يارب

*‏*ف مرحله الجامعه*

*‏ادهم ومالك اشتغلوا ف شركة ابو احلام وابو احلام كان معجب جدا بذكائهم ووافق انهم يشتغلو وهما بيدرسوا بس حصل شويه مشاكل بين ادهم ومالك....

*‏ادهم: مالك مش كل حاجه هنخدها بهمجيه 

*‏مالك بضيق: هاتلي نص برودك يااخي بقولك الصفقه دي من اكبر الصفقات الي ممكن يخدها احمد باشا وفي واحد عايز يخسروا الصفقه دي 

*‏ادهم ببرود: بس فيه حاجه اسمها عقل انا هخليه يقع ف شر اعماله

*‏مالك بصله بضيق وقال: وعلي ما نتصرف بعقل هتكون الصفقه راحت 

*‏ادهم بضيق: انت كل همك تبقا راجل اعمال وخلاص ومش عايز تتعب وتذاكر ايوا تذاكر الحياه..... الحاجات الي بتحصل دي دلوقتي هتوجهنا ف المستقبل ف لازم نتعلم منها 

*‏مالك بغضب: انا مبقتش عارف اتعامل معاك الشغل معاك متعب انا عايز الي يبقى فاهم دماغي 

*‏ادهم: انا مش هحسبك علي الكلام ده وبكرا تشوف ان انا صح..

*‏ادهم مشي وساب مالك.. وفعلا ادهم قدر يوقع الشخص ده واحمد ابو احلام فضل يمدح ف ادهم وده ربه ف قلب مالك شويه حقد وبعد ماتخرجوا من جامعه ابو احلام مات واحلام قرارت تكتب كل حاجه لي ادهم لانها كانت بتحبو والحب كان عاميها......

*‏احلام: ادهم انا عايزه اكتبلك كل حاجه علشان انت الوحيد الي هتقدر تمسك شركات بابا  احم انت ومالك يعني 

*‏ادهم حس ان احلام بتفرق بينه وبين مالك وده ممكن يسبب مشكله بينه وبين مالك

*‏ادهم بص لي مالك وقال: بس انا اسف مش هتقدر اعمل كدا 

*‏احلام بضيق: ليه ياادهم 

*‏ادهم: احم معلش هو انتي مش خايفه اسرقك وبعدين انا ومالك متفقين لما نيجي نكبر هنكبر سوا..

*‏مالك بص لي احلام بصه فخر هو كان فخور بصديقه وفرحان انو اختاره هو رغم انو اتقدمله فرصه عمره.. 

*‏وعده الايام وجاه في يوم مالك كان قاعد علي مكتبه وبيشتغل وجاه رساله علي تلفونه فتح الرساله لقها صوره عقد لي كل املاك احلام والعقد ده مكتوب فيها انها هتدي لي ادهم كل املاكها.....مالك انصدم لما لقه امضت ادهم 

*‏مالك بصدمه: يعني ايه يعني بياكل بعقلي حلاوه لغيت لما يمضي وياخد كل حاجه مستحيل......

*‏مالك قام من علي مكتبه ودخل مكتب ادهم 

*‏ادهم: مالك صحيح انا 

*‏مالك قطعو وقالو بغضب: انت احقر انسان شوفته ف حياتي

*‏ادهم بصدمه: نعم 

*‏مالك قرب منه ومسكه من هدومه وقال: انا اديتك الامان ووثقت فيك وقولت انك اخر واحد ممكن تأذيني وفضلت تقولي هنكبر سوا بس انت طلعت واطي

*‏ادهم بغضب: انت بتقول ايه انا مش فاهم حاجه

*‏مالك: لا انت فاهم كويس قصدي بص ياادهم كل واحد  فينا ف طريق ونشوف بقا مين احسن من التاني

*‏ادهم: مالك انت مجنون انت عايز تنهي صداقتنا طب لييه فهمني

*‏مالك: علشان انت واطي ياادهم ومش عايز اشوف وشك تاني 

*‏مالك مشي وادهم كان واقف مصدوم.... وفضل يحاول يكلمه بس مالك كان بيصده دايما.... ومالك سافر برا وبدأ يشتغل كان عايز يبقا اكبر راجل اعمال وادهم كان بيحاول يوصله بس معرفش وبعد سنه مالك بدا اسمه يتعرف ف السوق وقدر ينجح بسبب ذكائه وادهم لما عرف كدا بدا بشتغل ويحقق حلمه وعدت سنين وكبروا فعلا سوا بس كل واحد لوحده وكان دايما مالك هو الي بيبدا يأذي ادهم... وادهم كان بيرد عليه بنفس اسلوبه

*‏انتهاء فلاش باك 💙

*‏ادهم بحزن: ياريتك فضلت مالك ابن البواب

*‏مالك وقف العربيه وقال : وصلنا

*‏ادهم: ميرسي علي التوصيله يصاحبي 

*‏مالك بسخريه: صاحبك 

*‏ادهم تجاهله ونزل من العربيه

*‏مالك: ادهم 

*‏ادهم ابتسم ولف وبصله وقال: نعم

*‏مالك بخبث: خلي بالك مني الايام الي جايه دي 

*‏ادهم ابتسمته راحت وقال بخيبة امل: تمام وانت خلي بالك هردلك الضربه ضربتين 

*‏مالك: قولي صحيح مش انت كنت جايب ٩٩٪ 

*‏ادهم بصدمه: ها

*‏مالك بسخريه:مش بمجهودك ده كان مجهودي انا ا ابوك بقا قال ازاي ابن البواب يجيب ٩٩٪ اوابني يجيب ٩٠ لا دا انا ادفع وارشي المصححين وابدل النتيجه واخد انا ٩٠ وانت ٩٩ كنت عارف ولالا ياادهم 

*‏ادهم بسرعه: كنت عارف اه بس

*‏مالك قطعه: تمام

*‏مالك اتحرك بالعربيه بسرعه 

*‏وادهم ابتسم بحزن وقال: هيفضل طول عمرو همجي ومش هيسمعني ابدا 

*‏ادهم افتكر لما عرف الموضوع ده وتخانق معا ابوه وقالو انه هيدخل نفس كليه مالك وانو مش هيسيب صحبه وابوه خيرو بينه وبين مالك وادهم اختار مالك......

*‏_______________________________________

*‏عند عشق كانت بتجهز علشان تقابل مالك 

*‏حازم: بس انا مش مرتاح لي مالك ده وافرضي ادهم فعلا مظلوم 

*‏عشق بضيق: ادهم ده انسان حقير اصلا انت مش عارف بيعمل ايه 

*‏حازم بضيق: الي اعرفه ان مهما صاحبي يعمل هفضل جمبه مش هروح اتفق معا عده وننتقم منه

*‏عشق: ايه ياحازم انت كنت عايز مالك يقف معا ادهم المغتصب الي دمر حياتي 

*‏حازم: لالا مش كدا انا قصدي بس 

*‏عشق قطعته وقالت: لما ارجع نتكلم 

*‏عشق جت تمشي بس حازم مسك ايدها وقالها: لو انا عملت زاي ادهم معقول هتسبيني وتقفي معا الي عايز يأذيني 

*‏عشق  بغضب: اي واحد يعمل كدا يستاهل الحرق 

*‏حازم: بس مش من صاحبه هو صاحبه اه ممكن يتعصب عليه يسيبه مثلا بس ميقدرش يأذيه 

*‏عشق: يمكن بنهم مشاكل انا ايش عرفني ياحازم وبعدين مالك ده الوحيد الي هيقدر يساعدني 

*‏عشق مشيت وسابته  وبعدين فتحت باب الشقه... بس لقت بنت طالعه من الشقه الي قدامها وكانت لابسه فستان طويل وحجاب 

*‏عشق: السلام عليكم 

*‏البنت بابتسامه: وعليكم السلام 

*‏عشق جت تنزل علي سلم بس البنت وقفتها 

*‏البنت: انا اسمي ندي وحابه اتكلم معاكي ف حاجه 

*‏عشق باهتمام: اتفضلي 

*‏ندي: هو انتي مش شايفه انك عايشه معا ولد ده حرام

*‏عشق بصدمه: نعم 

*‏ندي: احم انا قاعده ف شقه دي والصراحه شايفه كذا واحد بيجي عندك شباب يعني وانا محبتش احكم عليكي انا بس حبيت انصحك 

*‏عشق: لا اصلك مش فاهمه حازم ده اخويا ولي جاه ده هيبقا جوزي 

*‏ندي: ولي كان بيكلمك من ورا الباب 

*‏عشق بتوتر: احم كان خطيبي 

*‏ندي بابتسامه: بصي ياحبيبتي احنا البنات مينفعش نكلم ولاد ولا نعيش معاهم ولا حتي نكلمهم واتس 

*‏عشق بصدمه: بجد

*‏ندي: ايوا حرام 

*‏عشق: بس حازم ده اخويا انا اصلا كنت ف دار ايتام مشتركه وكنا احنا البنات تصاحب ولاد عادي يعني مش حب صحاب بس

*‏ندي: ايوا ياحبيبتي مهو ده حرام اما بنسبه لي لبسك ف مناسب لانك مش محجبه يعني ف بنات مش محجبين بيلبسوا لبس وحش اوي 

*‏عشق بصت لي لبسها كانت لابسه بنطلون واسع وتشرت ابيض وابتسمت وقالت: هو احنا ممكن نقعد مع بعض وتعرفيني اكتر علي الحاجات دي 

*‏ندي بسعاده: بجد يعني انتي تقبلتي نصيحتي

*‏عشق بابتسامه: اكيد طبعا حابه انا اعرف الحاجات دي علشان مش عارفها 

*‏ندي بابتسامه:اشطا امتا بقا 

*‏عشق بتفكير: ممكن.بكرا الصبح 

*‏ندي: اوك

*‏عشق: لازم امشي دلوقتي اشوفك بكرا

*‏ندي: تمام مع سلامه 

*‏عشق نزلت علي السلم وابتسمت... كانت مبسوطه انها لقت شخص محكمش عليها بالعكس قدم نصيحته ليها وهي تقبلت النصيحه لان اسلوب ندي كان قريب من القلب......

*‏عشق نزلت من العماره لقت مالك واقف بعربيته قدام العماره عشق فتحت باب العربيه بس افتكرت كلام ندي 

*‏عشق: احم مالك انا هركب تاكسي 

*‏مالك بستغراب: نعم 

*‏عشق:معلش بس مش هينفع اركب معاك 

*‏مالك بسخريه: بقتي شيخه ولا ايه 

*‏عشق بضيق: نعم 

*‏مالك ببرود: خلاص تمام روحي اركبي تاكسي وهمشي وراكي بالعربيه بس اظن ان سواق التاكسي كمان راجل يعني هتركبي معا راجل كدا كدا 

*‏عشق: بس معرفهوش وده اسمه سواق تاكسي يعني ده شغله واظن الشغل مش حرام 

*‏مالك بغضب: بس الحرام الي بجد لما تعيشي معا راجل

*‏عشق ابتسمت وقفلت باب العربيه وقالت: حتي دي هغيرها حازم اخويا اه بس مش بنفع اعيش معه 

*‏مالك: ايه التغير المفاجئ ده

*‏عشق بأبتسامه: انا حابه اكون كدا انا بس كنت محتاجه حد يعلمني ولقيت الشخص ده المهم يلا هروح اشوفك ف الكافيه 

*‏عشق مشيت ووقفت تاكسي وركبت ومالك ابتسم شبها بطفله الي لسه بتتعلم وبتسمع الكلام بسرعه......

*‏________________________________________

*‏* عند ادهم كان في معمل التحليل... 

*‏ادهم: هي النتيجه هتظهر امتا 

*‏الدكتور: يعني يوم كدا

*‏ادهم: لا الله يخليك دي فيها حياه او موت قدامك اليل كلو وانا قاعد اهو مش همشي وهدفعلك الي انت عايزو 

*‏الدكتور: المشكله لو الفستان ده جديد ف طبيعي هيكون في بصمات ناس كتير كذا واحده قستو وكدا يعني اما لو قديم ومغسول قبل الحادثه ف ده هيبقا سهل بنسبالي 

*‏ادهم:انا معاك وصحيح وهتلقي بصماتي فيه وبصمات بنت اسمها عشق لاني كنت ماسك ايدها والفستان بكم 

*‏الدكتور: تمام تقدر تستنا هنا علي ما اخلص.....

*‏الدكتور مشي وادهم كان حاسس انو خلاص قرب من الحقيقه.....

*‏________________________________________

*‏*في الكافيه * 

*‏عشق:  يعني انت عايزني  اخد املاك ادهم كلها

*‏مالك: ايوا كدا ادهم هيدمر ادهم  اهم حاجه. عنده فلوسه 

*‏عشق بأبتسامه  :  وكدا هجيب حقي بس لو سمحت  مش عايزه الموضوع يبقى فيه دم انا بس عايزه اعيشه فقير 

*‏مالك بسخريه:  قلبك طيب اوي

*‏عشق بحزن: تعرف حتي لو هو قدامي دلوقتي ومفيش حل غير اني اقتله مش هقدر حتي اني اعمل كدا 

*‏مالك بضيق:  بتحبيه 

*‏عشب بصدمه:  نعم

*‏مالك بتوتر:  قصدي يعني ادهم اي بنت تتمناه 

*‏عشق بغضب:  الا انا طبعا احب فيه ايه احب فيه قلة ادبه ولا عمايله الزفت 

*‏مالك بابتسامه:  طب واياد 

*‏عشق  بحزن:  اياد مكنتش متوقعه منه كدا وثقت فيه جدا بس هو رجع تاني بس بعد مافات الاوان وقال كل الي في قلبه 

*‏مالك:  طب سيبك من كل ده تحبي تشربي ايه 

*‏عشق:  عصير برتقال

*‏مالك:  اه زاي ادهم يعني 

*‏عشق بأهتمام:  بيحب البرتقال

*‏مالك بصلها بضيق وهي قالت بتوتر:  احم يعني هو هيبقا جوزي ف حابه يعني اعرف هو بيحب يشرب ايه مش ممكن افكر احطله سم ف الاكل

*‏مالك بضيق: لا والله علي العموم  ادهم بيحب البرتقال وبيحب الاغاني بيحب الدنيا  كدا تبقا فيها روح مبيحبش الهدوء مبيحبش يقعد لوحدو تحسيه طفل ف نفسه كدا 

*‏عشق بصدمه:  سبحان الله انا كدا كمان اصل انا وحيده 

*‏مالك:  مهو كان وحيد هو كمان 

*‏عشق بأبتسامه  :  طب وانت 

*‏مالك ابتسم اخيرا وقال:  حابه تعرفيني اكتر يعني طيب ياستي  انا بحب الهدوء عصبي شويه بحب شغلي جدا 

*‏عشق: متجوز 

*‏مالك غمزلها وقال:  يهمك تعرفي  

*‏عشق بضيق:  لا يعني 

*‏فجاه عشق افتكرت كلام ندي ( احنا البنات مينفعش نكلم ولاد) 

*‏عشق قامت بسرعه وقالت:  انا لازم امشي 

*‏مالك مسك ايدها وقال:  متنسيش انا بكرا هجيب مأذون يخصني انا واخليه يمضي ادهم علي عقد جوازكم وعقد بيع وشراء لكل املاكه ليكي من غير ماادهم ياخد باله

*‏عشق بصت علي ايد مالك الي ماسكه ايدها  وقالت  ف سرها:   اني اكلم ولد حرام يبقى اكيد انه يمسك  ايدي كمان حرام

*‏عشق شالت ايده وقالت  : تمام سلام وبعدين متمسكش ايدي كدا تاني حرام

*‏عشق مشيت ومالك  ابتسم حس انه كان قاعد معا طفله...... 

*‏'________________________________________

*‏*في صباح يوم جديد ادهم كان قاعد ف المعمل كان مستني النتيجه بفارغ الصبر وبعدين  الدكتور طلع وادهم قرب منو بلهفه وقال:  ايه يادكتور هو انت كنت بتعمل عمليه ولا ايه دانا خللت هنا

*‏الدكتور بضحك:  معلش بقا مهو لازم نتيجه تبقا صحيحه 

*‏ادهم:  طب قول وحياة ابوك النتيجه ايه 

*‏الدكتور: بص انا فعلا لقيت بصماتك وبصمات واحده اسمها عشق ومن حسن الحظ ان الفستان قديم ومغسول يعني ولقيت بصمه تالته

*‏ادهم:  ايوااا اثبت بقا علي كدا البصمه التالته لي مين 

*‏الدكتور:  لوحد اسمه حازم احمد

*‏ادهم بصدمه:  نعممممم؟!!!!!!!!!!!!!!!


بارت كبيره اهو عايزه تفاعل حلو ♥

★★★★★★★★★★★★★★★★★

تفتكروا حازم فعلاً عمل كدا وعمل كدا ليه؟!

ازى حازم عرف مكان عشق وقتها؟!

هل يا ترى عشق هتكمل الخطه مع مالك ولا؟!

ادهم هيقول لعشق على الحقيقه ولا؟! ويا ترى رد فعل عشق؟!



بداية الروايه من هنا




الصفحه الرئيسيه لجميع روايات المدونه من هنا




روايات كامله وحصريه من هنا


تعليقات



close
 
CLOSE ADS
CLOSE ADS