جوزي استخبي في الدولاب وشافني بعمل اي مع اخو بعدها رماني في الشارع الحلقه الاولى بقلم هويدا زغلول حصريه وجديده على مدونة النجم المتوهج للروايات والمعلومات
 |
وقبل ما نبدا الحكايه اعرفكم بنفسي أنا عزه
عندي 33سنه وكنت قاعده ولقيت اختي
مايسه داخله تقولي
مايسه
بت قومي اللبسي حاجه كويسه يلا
و اخرجي بسرعه عارفه مين بره عماد جارنا وجايه علشان يتقدم ليكي
عزه
انتي بتتكلمي بجد والنبي يا مايسه معقوله انا خلاص هتجوز
مايسه
لا ومش اي حد عماد انتي عارفه الواد ده كويس ازاي وكمان شكله كويس وشقته حلوه
عزه
وتفتكري مرات ابوكي هتوافق ان انا اتجوز واسيب البيت هنا انت عارفه ان انا بخدمها وانت بتيجي يومين في الاسبوع وبس
مايسه
ما تقلقيش يا حبيبتي عماد اديها الفلوس اللي تكفيها اللي تخليها توافق على الجوازه دي قومي البسي بقى ده هي اللي مخلياني ادخلك اقولك اخرجي وفعلا بعدها خرجت برا
عماد
اهلا ازيك يا عزه عامله ايه
ثريا
ملك يا عريس ما تهدى كده واقعد على بعضك في ايه اقعدي يا عزه عماد جه تقدملك وانا وافقت
عزه
اللي تشوفيه يا مرات ابويا انتي عارفه ان احنا بنعاملك زي ما تكوني امنا بالظبط
عماد
وانا اوعدك يا عزه مش هخليكي ناقصك اي حاجه خالص واي حاجه انتي نفسك فيها هعملها ليكي
ثريا
عايزه اقولك ان انت هتاخد روحي والله انا من ساعه ما ابوهم اروح وانا عايشه معاهم هنا في نفس الشقه ومش بعرف اعمل اي حاجه خالص من غيرهم
عماد
البيت في وش البيت واكيد يعني لو عوزتي اي حاجه هنكون تحت امرك بس انا عايز
الفرح يكون الاسبوع الجاي
عزه
بسرعه كده معقول
عماد
كل حاجه جاهزه وانا جبت العفش كله حتى الاجهزه الكهربائيه جبتها انا كل اللي عايزك بس تيجي بشنطه هدومك
عزه
مش عارفه اقولك اي وبعدها قام وقف وقال
عماد
انا همشي دلوقتي وهبقى اجي بعدين واجيب الماذون وبعدها مشي
مايسه
بس انا عايزه اعرف حاجه اخوها شهاب هيعمل ايه من غيره
ثريا
وهو انتي فاكره يا حبيبتي اني متجوز اختك علشان سواد عيونها ولا ايه هو متجوزه عشان تفضل مع شهاب
عزه
وانا برده بقول هو جاي يتقدم ليا انا ليه بعد ما كل البنات دي رفضته لا طبعا انا مش موافقه على الكلام ده
ثريا
هو بمزاجك ولا بمزاجك ولا ايه يا حبيبتي بقول لك ايه انا وافقت على الجواز خلاص والفرح الاسبوع الجاي ومعنديش كلام ثاني يتقال
وبعدها دخلت
مايسه
بقولك ايه نور ايه نار شهاب ولا جنه
مرات ابوكي انتي شايفه هي بتتعامل معانا
ازاي زي ما نكون خدامين عندها
عزه
مش عارفه والله اي اللي بيحصل ده
وفعلا تم الفرح بسرعه
وفي شقه مايسه دخلت وكانت حماتها قاعده
الحما
لسه جايين دلوقتي ايه الفرح كان حلو قوي للدرجه علشان تتاخروا كده ولا كنتم بتاكلوا الناس
امير
ايه يا ماما انت لسه صاحيه لحد دلوقتي ولا ايه ما انت عارفه ان النهارده كان فرح عزه اخت مايسه كنت عايزانا نرجع بدري ولا ايه
وفي الوقت ده بصت علي الفستان وقالت
الحما
لا يا عين امك كنت عايزاك راجل اللي مراتك لابساه ده بقى ان شاء الله انت كنت سايبها كده في الفرح قدام الناس كنت بتقولهم تعالوا اتفرجوا على البضاعه بتاعتي ولا ايه
مايسه
ايه الكلام الغريب اللي انت بتقوليه ده يا طنط وبعدين انا كنت في قاعه كبيره جدا وما حدش كان بيبص على حد
الحما
قدامك ثلاث دقائق تدخلي تغيري الفستان اللي انت لابساه ده وتخرجي تديهولي انتي سامعه ولا لا
مايسه
الكلام اللي مامتك بتقوله ده يا امير
امير
معلش يا مايسه عدي الليله دي الله يخليكي بكره هجيبلك فستان احسن منه بكثير بس ادخلي غيري واديه لماما
مايسه
والله كنت عارفه ان ده اللي هيحصل
الحما
صحيح انا بفتح التلاجه لقيت حله فيها لحمه و
وصنيه فيها فرخه هو ابوكي الله يرحمه
كام متعود ياكلك صنفين لحوم
مايسه
لا يا طنط ابويا الله يرحمه كان بياكلني على قدنا بس ابنك عازم صحابه بكره هنا في البيت وانا كنت عارفه ان النهارده فرح اختي فكنت محضره الاكل من النهارده الصبح
الحما
كل لقمه بتنادي اكلها بقي بنتي سندس
كانت هنا وبتقول عامله عزومه لحماتها
امير
بالف هنا وشفاه يا امي زي ما قولتي
كل لقمه بتنادي اكلها صحيح
مايسه
صبرني يارب وبعدها دخلت الاوضه
ودخل وراها امير
امير
معلش يا مايسه والله ما اخليكي تقفي بكره وتعملي اي اكل خالص بس كبري دماغك وبلاش تعملي مشكله
مايسه
انا نفسي افهم ليه مامتك بتتعامل معايا بالطريقه دي والله العظيم انا بحبها بس ما ينفعش تعمل كده في بيتي
امير
ما تزعليش نفسك يا حبيبتي انا بكره هبعت اجيب اكل جاهز من بره وهقضي العزومه دي مش انا اللي عازم صحابي انا مش هخليكي تتعبي في اي حاجه بس بالله عليكي بلاش تنكدي عليا بقى النهارده
مايسه
هو مش احنا اولى بالفلوس دي كلها اللي عماله نضيعها علشان خاطر مامتك الفستان وهتاخده وانا عارفه ان هي هتديه لاختك والاكل اخذته واديته لاختك انا مالي ومال أختك
امير
خالص بقي يا حبيبتي ارجوكي مش عايز
اي مشاكل خالص واي حاجه ممكن تتحل
المهم هاتي الفستان لاحسن انا عارف ماما
مش هتروح شقتها الا لما تاخد الفستان
وفعلا عملت كده
وفي شقتي كنت لسه داخله
الشقه ولقيت شهاب اخو عماد قاعد
عماد
الف الف مبروك يا عروسه بجد ما تعرفيش انا فرحان ازاي ان انتي خلاص بقيتي في شقتي
وقام شهاب وقال
شهاب
بقيتي في شقتي هي في شقتي هههههههههههه
عزه
هو انا عايزه اسالك سؤال يا عماد هو اخوك شهاب هيفضل موجود معانا هنا بصراحه انا بخاف منه قوي
عماد
على فكره والله شهاب اطيب منه ما فيش وبكره هتعرفيه وهتحبيه جدا انا كل اللي عايزك بس تتعاملي معاه انه عيل صغير وبجد لازم تتاكدي انك هتاخدي ثواب كبير من وراه
عزه
طيب ما تخليه يقعد في شقه باباك الله يرحمه وانا هبقى انزل اعمله كل طلباته
عماد
انتي شايفه هو عامل ازاي عزه مش هينفع يقعد لوحده خالص لان ممكن يشغل بوتاجاز او يعمل اي حاجه في نفسه لازم تكون عينينا عليه
عزه
مافيش مشكله اللي تشوفه
عماد
بصي ادخلي انتي اوضه النوم وغيري هدومك وانا هدخل انيمه وبعد كده هاجي وراكي على طول
عزه
تمام ماشي وفعلا دخلت الاوضه وكلمت
مايسه
مايسه
ايه يا عروسه في ايه في واحده بتتصل باختها في ليله زي دي برده
عزه
بجد انا حاسه ان انا اتسرعت قوي في اللي انا عملته في نفسي ده انا عايشه مع واحد اصلا وانا خايفه من اخوه جدا
مايسه
مش احسن من اللي انا متجوزاه ده متجوزه واحد ابن امه جدا وبيخاف منهم وبيسمع كلامها في كل كبيره وصغيره
عزه
والله مش عارفه ازاي نصبنا جه كده انا
بقيت بجد بحس ان احنا نحس
مايسه
سيبك من الكلام ده خالص امال جوزك فين وسايبك في ليله زي دي
عزه
جوزي يا حبيبتي راح ينيم اخوه اصل ما ينفعش يسيبه ينام لوحده خالص وقالي غيري هدومك عقبال ما اجيلك
مايسه
اسمعي كلامي كويس قوي يا عزه حاولي تكسبي عماد وتاخذي منه فلوس على قد ما تقدري انتي لازم تكوني مستقبلك علشان لو لا قدر الله حصل اي حاجه يكون معاكي فلوس مسنود عليها
عزه
عندك حق والله يا مايسه انا هعمل كده
وتاني يوم في شقه مايسه
امير
بصي يا حبيبتي انا هروح الشغل وهبقى ارن عليك تنزلي هاخدك بعربيه واحد زميلي واروح اوديكي لاختك علشان تبارك لها واي حاجات انت عايزه تشتريها لها قوليلي وانا هجيب لك كل اللي نفسك فيه
مايسه
والله انا مش عارفه اشكرك ازاي يا أمير على اللي انت بتعمله معايا ده بس انا كنت عايزه اطلب منك طلب انا عايزه اروح الاول اقعد مع عزه شويه وبعد كده انت تبقى ترجع تبارك ليهم ونمشي سوا
امير
اللي تشوفيه يا حبيبتي وبعدها راح
جاب علبه من الدولاب
انا كنت جايب سلسله علشان خاطر عزه لازم جوزها يعرف ان احنا برده عينينا مليانه خدي اديها لها عقبال ما اجي
مايسه
والله يا امير انا مش عارفه اشكرك ازاي على اللي انت بتعمله معايا ده ربنا يخليك ليا يا حبيبي
امير
ويخليكي ليا يارب تسلمي يا عمري
وبعدها مشي وعدا ساعه وبعدها خرجت
من الاوضه
الحما
هيا شملوله هتعملي اكل ايه علشان خاطر الناس اللي جايين لجوزك النهارده
مايسه
معلش يا طنط اصل انا لازم اروح لعزه عروسه بقى ولازم اكون جنبها وهو هيبقى يجيب اكل ويعدي عليا ياخدني كده كده اصحابه هيجوا بالليل الساعه 10:00
الحما
وهو متجوزك بقى ان شاء الله عشان يجيب لك اكل من بره يوم ما يعزم صحابه ولا ايه واحنا كان ذنبنا ايه يعني في فرح اختك ده
مايسه
والله يا طنط ما تقوليش ليا انا الكلام ده روحي قولي له هو اللي عزم صحابه في يوم صباحيه اختي
الحما
ابني يا حبيبتي ويعمل اللي هو عايزه الراجل البيت وطالما بيدفع وبيقع من جيبه يبقى ما حدش يقوله انت بتعمل ايه وبعدين وريني الشنطه دي كده وريني انتي واخده ايه لاختك
مايسه
ايه يا طنط الكلام اللي حضرتك بتعمليه ده انتي عايزه تفتشيني ولا ايه بقى ان شاء الله
الحما
ايش ايش يا حبيبتي ايه السلسله الذهب دي بقى ان شاء الله واخداها لمين
مايسه
ابنك اللي شاريها لاختي هديه هو انتي
ناسيه ان هي عروسه ولازم ننقطها في يوم زي ده ولا ايه
الحما
لا يا حبيبتي انا مش ناسيه بس اللي ينقط اختك ينقطها ب 200 جنيه مش بالسلسله دهب بشيء وشويات روحي امشي يلا والسلسله
دي هتكون معايا لحد ما يجي ابني واتاكد
أنه هو اللي جابها
مايسه
اظن والله عيب يا طنط اللي انتي بتعمليه ده انت ما ترضيش على بنتك ان يحصل فيها كده
الحما
وانت مين بقى يا حبيبتي ان شاء الله اللي بتقارني نفسك ببنتي روحي يلا شوفي رايحه فين
وفي شقتي كنت نايمه وسامعه جرس الباب
وصحيت لقيت ايد عليا
عزه
عماد قومي عمال تشوف الباب عمال يخبط مين اللي بيخبط علينا دلوقتي ده
وكانت الصدمه لما صحيت ولقيت اللي كان
وخدني في حضنه شهاب مش عماد
الصفحه الرئيسيه للرويات من هنااا
اكتبوا في بحث جوحل( مدونة النجم المتوهج للروايات والمعلومات) تظهر القصص كامله
القراء والمتابعين الغاليييييييين عليا إللي يدخل عندنا ميخرجش كل إللي محتاجينه هتلاقوه من غير تعب ومن غير لف في الجروبات والصفحات موجود في اللينكات بالاسفل 👇👇👇
اللي يخلص قراءه ميسبناش ويمشي أنا بحبكم أدخلوا انضموا معايا علي تليجرام واستمتعوا بقراءه الروايات من اللينكات بالاسفل 👇💙👇❤️👇
انضموا معنا على تليجرام عشان كل متنزل روايه يصلكم اشعار فور نزولها من هناااااا
اعملوا متابعه لصفحتي عليها جميع الروايات إللي عوزينها من هناااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
