جوزي استخبي في الدولاب وشافني بعمل اي مع اخوه الحلقه الثانيه بقلم هويدا زغلول حصريه وجديده على مدونة النجم المتوهج للروايات والمعلومات
 |
وفي الوقت ده قومت بسرعه وقولت
عزه
انت اي اللي جابك هنا يا عماد عماد
شهاب
براحه مش تزعقي انا بخاف من الصوت العالي
وبعدها دخل عماد
عماد
اي ده فيه اي مالك يا عزه انت يا شهاب
واقف ليه كده
شهاب
انا انا كنت خايف جيت انام هنا زي كل يوم
راحت البت دي زهقت فيا
عزه
اخوك دخل عليا الاوضه وانا نايمه
وجه ينام جمبي وانا بلبسي ده شوفت اخوك عمل ايه
عماد
اهدي بس يا حبيبتي انت عارفه ان هو مش فاهم اي حاجه خالص وبعدين هو بيخاف ينام لوحده
عزه
بقولك اي أنا مش جايه هنا مربيه لخوك.انت
فاهم ولا لا انا ماشيه
عماد
اهدي بس يا عزه والله وانا هحاول احل
كل حاجه
عزه
مافيش هدوء يا عماد
اكتر من كده انا مش هقدر استحمل
بعد اذنك وبعدها مشيت
وفي شقه ثريا كانت قاعده مع تامر
عيل من دور عيالها
ثريا
كل يا حبيبي هو الاكل مش عجبك ولا اي
تامر
انا اكيد بحلم واللي بيحصل ده مش حقيقي
معقول انا هنام هنا انهارده
ثريا
ومش بس كده اي فلوس انت عايزها
انا هديها ليك
تامر
ربنا يخليكي ليا يا حبيبتي وبعدها الجرس رن
وهو قام وقف يا خبر مين اللي هيكون جاي
دلوقتي
ثريا
اي يا راجل مالك فيك اي اقعد
وانا هشوف مين وبعدها فتحت
الباب ياخرابي كنت عارفه انك
هترجعي بالكحك سخن
ومش هتعمري انتي في الجوازاه
عزه
اي الكلام ده يا طنط ثريا فيه اي وبعدين
بيت ابويا وارجع في اي وقت
ثريا
لا يا عين طنط ما بقاش بيت ابوكي خلاص ولا انتي ناسيه ان انتي ماضيتي ليا بيع وشراء
وبعدها شوفت تامر
عزه
يا نهار ابيض يا مرات ابويا انتي جايبه رجاله البيت ايه الكلام الفارغ اللي انتي بتعمليه ده عيب على سنك
ثريا
رجاله مين يا ام رجاله ده جوزي يا حبيبتي وبعدين انا حر اعمل اللي انا عايزاه وسن ايه اللي انتي بتتكلمي عليه ده انا اكبر منك بسنتين بس
ويلا امشي من هنا بقي نكدي عليا في
اول يوم جواز وبعدها قفلت الباب في وشي
واقعد علي السلم وفي شقه عماد كان قاعد
زعلان
شهاب
هو انت زعلان علشان دخلت الاوضه ونمت جنبها انا كنت خايفه انام في الاوضه لوحدي
عماد
ايه الكلام اللي انت بتقوله ده يا شهاب لا طبعا يا حبيبي انا مش زعلان منك خالص ربنا يهديها
شهاب
طيب بص انا معايا شوكولاته روحي اديها ليها وخليها ترجع هنا البيت انا مش عايز
اشوفك زعلان لاحسن اعيط
عماد
حبيبي انا مش عايزك تكون زعلان خالص مافيش
اي حاجه وفي الوقت ده الجرس رن
وفتح
مايسه
ازيك يا عماد عامل ايه انا قولت اجي ابارك واقعد معها عزه شويه قبل ما مرات ابويا ما تيجي
عماد
ازيك يا مايسه اخبارك ايه عايزه ثابت البيت ومش تعالي اتفضلي ادخلي
مايسه
يا خبر ابيض ليه اي اللي حصل وفي الوقت ده
انا دخلت
عزه
انا اسفه يا عماد انا حاسه ان غلط الصبح
عماد
ولا يهمك يا حبيبتي المهم انك رجعتي
تعالي ادخلي وبعدها دخلنا
انا هنزل اجيب سجائر وشويه حاجات
وبعدها نزل
مايسه
هو ايه اللي حصل انتي فعلا سبتي البيت ومشيتي ليه يا مجنونه تعملي كده
عزه
صحيت من النوم لقيت اخوه جنبي مش عارفه ايه اللي انا عملته بعدين سبت البيت ومشيت ورحت لقيت مرات ابوكي اتجوزت
مايسه
بقول لك ايه يا عزه احمدي ربنا على العيشه اللي انت عايشاها وانك متجوزه راجل بجد مش دلدول امه زي اللي انا متجوزه
عزه
والله انا تعبت اوي وحاسه ان مش هقدر
اكمل
مايسه
لازم يا حبيبتي تقدري طلما انتي اللي هتكوني
ست البيت ده يبقي لازم تعرفي
وبعدها فضلت تبص علي شهاب وقالت
والله الواد زي القمر لو كان كويس
والله كنت سبت جوزي واتجوزته
عزه
انتي بتقولي اي انتي كمان
وبعدها فضلت قاعده معايا
وروحت بليل هي وامير وبعد ما خلصت
عزومه صاحبه دخل امير المطبخ
امير
شكلك تعبان قوي يا حبيبتي معلش انا اسف والله ان انا عزمت اصحابي في يوم زي ده
مايسه
انا عايزه اقول لك ان انا تعبت جدا من عيشتي مع مامتك انت ما عرفتش هي عملت فيا ايه الصبح واخدت السلسله الدهب اللي انت كنت
جايبه لأختي
امير
بس كده يا حبيبتي بكره هيكون عندك واحده
احسن منها بكتير ولا تزعلي نفسك
مايسه
مش دي المشكله المشكله اللي امك
بتعمله معايا حرام والله العيشه دي
امير
معلش يا حبيبتي امي ومش هقدر
اقول لماما حاجه
مايسه
حرام عليك بقي أنا زهقت من العيشه دي
طول عمرك ابن امك أنا مش مشكلتي
الحاجه مشكلتي ان نفسي تاخد موقف
مع مامتك وفي الوقت ده دخلت حماتها
الحما
موقف اي يا موقف اللي عايزاه ياخده معايا انتي نسيتي نفسك يا بت ولا ايه ده انا اللي جوزتك ليه واقدر دلوقتي اخليه يطلقك
مايسه
هو انت فاكره ان انا مرتاحه في العيشه دي حرام عليكي انتي ليه بتعملي كده ليه مش عايزاه يكون عايش سعيد في حياته
الحما
اسمعي يا بنت انت اول واخر مره اسمعك بتقولي كده تاني انت فاهمه ولا لا وانت يا امير لو مش عارف تحكم مراتك يا حبيبي احكمها لك انا
امير
معلش يا ماما حقك عليا انا اسف والله هي ما تقصدش اي حاجه ومش قصدها تزعلك خالص
الحما
يبقي لازم تعتزر دلوقتي يا اما تاخد بعضها
وتمشي من هنا
مايسه
ولا تزعلي نفسك يا حماتي انا هلم هدومي وهمشي من هنا دلوقتي حالا
الحما
هدوم ايه يا ام هدوم هو انتي ناسيه ان احنا خدناك بالجلابيه اللي عليكي وانا شايلها لك لحد دلوقتي في دولابي هجيبها لك عشان تنزلي بيها مش هتنزلي بالطقم الغالي ده وبعدها
خرجت
مايسه
معقول انت هتسكت على مامتك بتعمله ده انت موافق ان انا امشي من البيت واسيبلك الدنيا كلها
امير
لا طبعا يا حبيبتي انا مش هقدر اعيش من غيرك خالص اعتذري لماما وهي هتسامحك على كل حاجه
مايسه
عمرك ما هتتغير وبعدها مشيت من البيت
وانا كنت وافقه في المطبخ ودخل شهاب
شهاب
عايز اكل رز باللبن
عزه
بقول لك ايه ياض انت انا بصراحه ربنا اتخنقت منك روح اقعد دلوقتي انا مش فاضيه ليك
شهاب
انا عايز اكل رز باللبن بسرعه اعملي رز
باللبن
عزه
طيب بس بس اسكت مش عايزه
اسمع صوت حاضر هعملك اللي انت عايزه
وبعدها وقفت جمب البتوجاز
ولقيته جه وفضل يطبطب عليا وبعدها باسني
شهاب
شكرا يا عزه انتي كويسه اوي وبعدها
خرج
عزه
معقول اللي بيحصل ده
وفي بيت هبه اخت امير
الباب خبط وفتحت
هبه
امير حبيبي تعالى اتفضل ده انت اول مره تزورني في شقتي من ساعه ما اتجوزت
امير
معلش يا هبه انا حاسس ان انا مخنوقه شويه وجيت علشان خاطر اتكلم معاكي ماما فضلت تزعق مايسه لحد ما مشيت من البيت
هبه
والله انا مش فاهمه ماما بتعمل ليه كده معاها انا حاولت اتكلم معاها كثير انها تغير اسلوبها بس هي ما فيش فايده
امير
طيب انا هتصرف ازاي دلوقتي انا بحب ميسم ومش عايزها تكون بره البيت وكمان عرفت ان مرات باباها اتجوزت ومش عارفه هي راحت فين دلوقتي
هبه
المشكله مش في ماما يا امير المشكله فيك انت انت بتسكت ليها على كل حاجه
امير
مشكلتي ان بحب ماما اوي
ومش هقدر اقولها لا علي حاجه
هبه
يا حبيبي انا ما قلتش انك تقولها لا
بس ما ينفعش انك تزعل مراتك وتعمل فيها كده وبعدين هو انت جاي ليه دلوقتي عايزني انا اللي اتكلم مع مايسه علشان ترجع البيت
امير
لا عايزك تتكلمي مع ماما ان ارجعها البيت
هبه
لا بجد مينفعش اللي انت بتعمله ده خالص
والله ليها حق مراتك تعمل معاك كده
اي يابني الكلام ده
امير
طيب ايه رايك اتكلم مع ميساء واجيب شقه نعيش فيها وبالليل نبقى نروح الشقه عند ماما
هبه
مايسه مش عايزه كده مايسه عايزه تحس ان ليها راجل بيجيبلها حقها زي ما جوزي بيعمل معايا بالظبط وفي الوقت ده خرجت حماتها
وقالت
الحما
ده كان زمان يا ننه عين امك قبل ما اسمع الكلام ده روحي لامك وقوليلها زي ما بتعاملي بنات الناس احنا هنعامل بناتك كده بقى ان شاء الله
هبه
ايه يا حماتي الكلام الغريب اللي انتي بتقوليه ده وبعدين هو انا مالي باللي ماما بتعمله
الحما
حبيبتي ده كاس وداير ولازم امك تذوق من نفس الكاس انا هتكلم مع ابني ونشوف وضعي في الموضوع ده اتكلي على الله وخدها في ايدك وانت نازل يا امير
امير
ارجوكي بلاش مشاكل هبه طيبه والله ومش
تستاهل اللي بيحصل ا فيها ده
الحما
والله لما يبقى يجي ابني بقى نبقى نشوف الحوار ده ابقى اقفلي باب الشقه وانتم نازلين
وبعدها دخلت
امير
انا اسف والله انا مكانش قصدي اعملك اي مشاكل خالص في بيتك حقك عليا
هبه
يلا بينا وبعدها مشيت معاه
وفي شقه عماد كان داخل الاوضه
عماد
معلش يا عزه انا عايزه اقول لك على حاجه بس عارف انك هتزعلي انا مطلوب مني شغل كتير في اسكندريه ولازم اسافر النهارده بالليل
عزه
الكلام اللي انت بتقوله ده انت عايز تسافر وتسيبني واحنا في شهر العسل وبعدين هو انت عايز تسافر وتسيبني وانا واخوك هنا في الشقه لوحدنا
عماد
ايه الكلام الغريب اللي انت بتقوليه ده شهاب ده عامل زي العيل الصغير بالظبط مش فاهم اي حاجه خالص
عزه
مهما أن كان صغير بس برضه مينفعش
عماد
ارجوكي بوصي أنا جبت ليكي اي اول لما
شوفت الكوليه ده قولت لازم اجيبه ليكي
عزه
الله حلو اوي والله مش عارفه اقولك اي يا عماد
شكرا ليك علي اللي انت بتعمله ده
عماد
ربنا يخليكي ليا يا حبيبتي وفي شقه
مرات ابويا الجرس رن
ثريا
ايه ده مايسه انت كنت فين ده جوزك جه سال عليك كذا مره
مايسه
كنت عارفه ان انا لو جيت لك وقلت لك عايزه اقعد معاكي ما كنتيش هتوافقي كنت قاعده عند واحده صاحبتي بس بقيت حاسه ان انا تقيله عليها جدا اوعدك اعيش معاكي هنا خدامه ليكي
ثريا
وانا يا حبيبتي مش محتاجه اي خدامين خالص
وبعدها قام تامر وقال
تامر
يا حبيبتي الكلام اللي انتي بتقوليه ده انا عايزك تكوني ليا انا وبس خليها هي اللي تعمل اكل وتعمل الشرب هنا
ثريا
اللي تشوفه يا حبيبي امشي يا حبيبتي ادخلي على المطبخ يلا خلصي اللي وراكي واعملي لنا غداء حلو اعمليلنا كوارع النهارده
مايسه
تمام ماشي وبعدها دخلت ودخلت وراها
ثريا
تامر
اهي دي البنات ولا بلاش مش العقربه اللي انا متجوزها خليني احس ان انا متجوز بقى
ولحد هنا تكون خلصت حلقتنا
الصفحه الرئيسيه للرويات من هنااا
اكتبوا في بحث جوحل( مدونة النجم المتوهج للروايات والمعلومات) تظهر القصص كامله
القراء والمتابعين الغاليييييييين عليا إللي يدخل عندنا ميخرجش كل إللي محتاجينه هتلاقوه من غير تعب ومن غير لف في الجروبات والصفحات موجود في اللينكات بالاسفل 👇👇👇
اللي يخلص قراءه ميسبناش ويمشي أنا بحبكم أدخلوا انضموا معايا علي تليجرام واستمتعوا بقراءه الروايات من اللينكات بالاسفل 👇💙👇❤️👇
انضموا معنا على تليجرام عشان كل متنزل روايه يصلكم اشعار فور نزولها من هناااااا
اعملوا متابعه لصفحتي عليها جميع الروايات إللي عوزينها من هناااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
