رواية نور الحياه الفصل الاول حصريه وجديده على مدونة النجم المتوهج للروايات والمعلومات - النجم المتوهج The glowing star

بحث هذه المدونة الإلكترونية

Translate

المتابعون

2024/01/01

رواية نور الحياه الفصل الاول حصريه وجديده على مدونة النجم المتوهج للروايات والمعلومات

 رواية نور الحياه الفصل الاول حصريه وجديده على مدونة النجم المتوهج للروايات والمعلومات

رواية نور الحياه الفصل الاول حصريه وجديده على مدونة النجم المتوهج للروايات والمعلومات


والد نور  : عايز تفسخ الخطوبه!!!!!!!!!!................ مفيش مشكله يا بني حقك...... بس لازم افهم أي اللي حصل .............طريقتك محسساني أن في حاجه مش مظبوطه........

علي : اللي حصل أنكم نصابين .......اللي حصل  أن بنت حضرتك مينفعش تتجوز ....وأنت كنت عايز تلزقهالي ........هو أنت كنت فاكر أن بعد ما أخطب بنتك و أرتبط بيها فتره هقبل أكمل معاها بعد ما تعرفني أن عندها تشوه.........

والد نور بعدم فهم : تشوه أي .........انت بتقول أي ؟؟؟؟

علي : بقول اللي والدتي شافتوا ب عنيها لما كانت عندكم النهارده ؟هو أنتو فاكرني مغفل و هرضي بحاجه زي دي ؟ كنت عايز تجوزني بنتك المشوه و تدبسني فيها بالقرف اللي ف جسمها ده .........بعدها قفل الخط في وش والد نور

نور في الوقت ده كانت واقفه و سامعه كل اللي أتقال تقريبا..........كانت بتسمع والدموع أبتدت تملي عيونها لغاية لما أبتدت تنزل بعد ما والدها ما قفل الخط

بطلتنا نور عندها 21 سنه طويله ببشره خمريه و شعر بني طويل و ناعم

والد نور مكنش فاهم تشوه أي اللي بيتكلم عليه ده و كان محتاج يسأل بنتوا و يفهم أي الكلام اللي بيتقال ده لكن أول ما شاف دموعها علي خدها قام من مكانوا و حضن بنتوا اللي أنهارت من العياط و فضل يهديها: نور أهدي و أحكيلي .....اي اللي بيتقال ده ....أنا مش فاهم حاجه

نور ما بين شهقات عياطها : أنا معنديش تشوه..........كل اللي حصل أني كنت بتكلم مع علي أمبارح بليل  و قولت قدامه أن في زي علامه  في ضهري و أني مش بحب شكلها .........بس هو بمجرد ما سمع و هو فضل يسألني أسأله كتيره أوي ......... شكلها أي...و حجمها  أي و كلام كتير أوي  بس أنا قولتلوا أن الموضوع ميستهلش كل الأسئله دي...... و قولتله  لو عايز تتأكد..... مامتك ممكن تيجي عندنا و أنا هوريهالها و عشان كده هي جات عندنا النهارده الصبح و طلبت تتكلم معايا في الأوضه ......

والد نور بضيق و عتاب : نور أنتي أزاي تعملي كل ده من غير ما تقولولي

نور بعياط : يا بابا صدقني الموضوع مش تشوه خالص زي ما هما بيقولوا .........دي مجرد علامه مش أكتر.......و أنا قولت لو مامته شافتها هتفهم أن الموضوع مش مستاهل كل الكلام ده ..........

والد نور :نور مكنش ينفع  تقوليلهم........ تيجو و تشوفوا ........يشوفوا أي يا نور ........هو أنتي بيعه .......انتي أزاي تتعاملي مع نفسك كده

والد نور  كان متضايق جداا من تصرف بنتوا  بس مقدرش يكمل عليها و سابها و قام خصوصا بعد ما نور دخلت في هستيريا عياط و ع أد ما كانت حزينه و مقهوره من الكلام اللي أتقالها ع أد ما كانت زعلانه ع بابها اللي ملهاش حد في الدنيا غيرو و اللي سمع كلام زي ده بسببها ....... لأنها فعلا غلطت و مكنش المفروض تعمل كل ده و كمان من غير ما تعرفوا

المهم أن الخطوبه أتفسخت و الموضوع كله أتلغي و رغم كل اللي قالوا خطيب نور ألا أن والدها كان راجل طيب عشان كده رجعلهم كل  حاجتهم و أخد حاجة بنتوا و الموضوع أتقفل .....بس اللي متقفلش هو الجرح اللي سببوه ل نور ........اللي من بعد فسخ الخطوبه  دخلت في حالة أكتئاب و بقت رافضه تتعامل مع اي حد  خالص و أي عريس كان بيجيلها كانت بترفض تقابلوا ............لدرجة أن أبوها كان بيفكر يوديها لدكتور نفسي لأنو كان حاسس أن الكلام اللي سمعته ده خلاها مهزوزه و مش حابه نفسها و خايفه تواجه أو تتعامل مع اي حد و مهما حاول يتكلم معاها مكنش بيبقي في أي نتيجه .....و المشكله ان هو كمان كان خايف يحصلوا حاجه و يسيب نور لوحدها و هي حرفيا ملهاش حد غيرو  بعد موت والدتها  يعني لو حصلوا أي حاجه هي هتبقي حرفيا لوحدها  عشان كده  بالنسبالوا نور كان لازم ترتبط  و تخرج من اللي هي فيه ده ب اي شكل .......بس أزاي ده هيحصل و هي رافضه من الأساس تقابل أي عريس يتقدملها و حتي الدكتور النفسي هو مكنش هيقدر يتحمل تكلفته ........عشان كده مكنش في أيدو حاجه غير أنو يحاول  يضغط علي نور في كل مره بيجيلها عريس عشان ترضي أنها تقابلوا لكن هي كانت بتدخل في نوبة عياط و بترفض

و كل ده أثر علي والد نور هو كمان  و خلاه حرفيا سرحان طول الوقت حتي في شغله

لغاية لما ف يوم و هو سايق العربيه  لقي سيف بطلنا و الشاب اللي كان بيشتغل والد نور سواق لعربية والده  و بعد موت والده ........... والدة سيف خلتواالسواق الخاص لأبنها  .......و بسبب كده سيف كان بيتعامل معاه بشكل ودي ...........سيف كان عندو 27 سنه , طويل بجسم رياضي و معظم لبسه بدل بحكم شغله

سيف : مالك يا عم محمد بقالك كام يوم سرحان  و شكلك غريب خالص لو عندك مشكله ماديه عرفني  ..........

عم محمد : لا يا بني مستوره الحمد الله .........مفيش حاجه

سيف : أزاي بس مفيش حاجه ............أنت بقالك فتره كده أنت تعبان طيب ولا حاجه ........أنا ممكن أديلك اجازه تريح فتره و مكانك موجود أول ما ترجع

عم محمد : أنا كويس يا سيف بيه .........أنا بنتي بس  تعبانه الفتره دي ومشغول بالي عليها

سيف : سلامتها يا عم محمد ..........نور مش كده ...أنا فاكر كنت بتجيبها معاك الفيلا عندنا و هي صغيره  .....

عم محمد  : الله يسلمك يا بني ......ايوه يا بني هي نور .........أنا معنديش غيرها أساسا

سيف : طيب مالها أحكيلي لو أقدر أساعد ..........أنت عارف أنا بعزك اد أيه ........لو المسأله مسألة فلوس عرفني

عم محمد : لا يا بني مش مسألة فلوس صدقني

سيف : يا عم محمد أحكيلي يمكن أقدر أساعدك ...........أنت بترد عليا بأختصار أوي و عشان كده أنا مش قادر افهم أي مشكلتك .....

عم محمد مكنش عايز حد يعرف عن حالة بنتوا لكن  كان فاض بي فعلا .........لأنو طول الفتره اللي فاتت كان بيحاول يلاقي حل لوحدو بس من غير أي فايده عشان كده لما سيف أتكلم معاه حس أن من جواه عايز............ و محتاج يتكلم مع حد  .........و أبتدي فعلا يحكيلوا من أول ما خطيبها ده أتقدملها و لغاية لما حصل اللي حصل

سيف : طيب كنت بتقول دكتور نفسي ليه مجربتوش حل زي ده لغاية دلوقتي

عم محمد بخزلان و يأس : الجلسه الواحده هتكلف مبلغ وقدره و هتحتاج أكتر من جلسه و ياريت ضامن أن هيبقي في نتيجه

سيف : عم محمد الشركه عندنا متعاقده مع مستشفي خاص و فيها دكاتره للعلاج النفسي ........أحنا بندفع فلوس للتعاقد ده كل سنه سواء في حد أستفاد من الخدمات الطبيه أو لا .............أنا هوجه ورقه للمستشفي و بنتك  تقدر تبتدي علاجها هناك

عم محمد : بس هي مش من موظفين الشركه يا سيف بيه

سيف : متشغلش بالك بالكلام ده يا عم محمد.........أنا ممكن أعملها عقد عمل بشكل صوري  تبع الشركه و تروح تتابع علاجها

عم محمد : ربنا يخليك يا بني ..................انا مش عارف أودي جمايلك و جمايل المرحوم و الدك فين

سيف : متقولش كده يا عم محمد ..........و لا جمايل و لا حاجه............يتبع



الفصل الثاني من هنا



اعملوا متابعه لصفحتي عليها جميع الروايات إللي عوزينها من هناااااااا





انضموا معنا على تليجرام ليصلكم اشعار بالروايات فور نزولها من هنااااااااا



الروايات الحديثه من هنا



جميع الروايات الكامله من هنا



🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺


 
close
 
CLOSE ADS
CLOSE ADS