رواية خادمة قلبي بقلم زهره عصام البارت ٢٢/٢٣/٢٤/٢٥حصريه وجديده على مدونة النجم المتوهج للروايات والمعلومات
 |
رواية خادمة قلبي بقلم زهره عصام البارت ٢٢/٢٣/٢٤/٢٥حصريه وجديده على مدونة النجم المتوهج للروايات والمعلومات
خادمة قلبي ٢٢
منال: انتي كويسة يا بت
منه : لوز اللوز دماغي صدع من الخناقة دي هنفضها إزاي
منال بخبث أنا هقولك هنفضها ازي
منه : تعجبني هاي الدماغ الشريرة و ضحكت بخبث و قالت عندي خطة أحسن
منال: اتحفيني دا انا أمك حبيبتك
منه دخلت الحمام و جابت خرطوم ماية و قالت: يعد إذن سيادة الوالدة ممكن تفتحي الماية
منال دخلت جري فتحت الماية و خرجت بسرعة تتفرج
منه واقفة في الشباك و موجهه الخرطوم على تحت و الماية نازلة على دماغ الكل
أهالي الحارة بقت تجري كل واحد عاوز يتحامي في شقتة
منه لمحت إسماعيل بيتسحب وجهت الخرطوم علية
اسماعيل بقي يقع و يقوم و يقع و يقوم و يقع لحد ما استسلم للأمر الواقع بصلها بغيظ و قال: ماشي يا منه ماشيي
منال قفلت المائة و منه قالت بصوت عالي: حاج اسماعيل إلا أنت كنت معاهم يا راجل طب مش تكح عشان أعرف و أخد بالي منك
اسماعيل: ابقي افتكري اللي انتي عملتية دا عشان مش هيعدي بالساهل
منال بسخرية: يلا يا اسماعيل من هنا انا مسكاها عندك بالعافية أصلا اتكل على الله يخويا
اسماعيل مشي و هو بيتوعد ليهم أنه هيطربقها فوق دماغهم
منه : منولة عندكيش يختي قلة نكسرها وراه
منال بصتلها من فوق لتحت و قلعت الشبشب و قالت: دا انا اللي هكسر عظمك في بعضة يا بنت الكـ'ـلب بقي تقومي الحارة كلها حريقة و جاية تشتقي في اللبانه قدامي كدا عادي
منه وقفت وراها و كملت أكل في اللبان و هي بتقول: خلاص هشتق من وراكي يا منولة ولا تزعلي نفسك يا قلبي
منال بصتلها بغيظ و بعدت خطوة و حدفتها بالشبشب
منه بفرحة: مجاتش فيا يا منو
مكملتش الكلمة و لقت فردت الشبشب التانية في وشها
منها بدوخة: نشنت يا معلم تسلم ايدك يا سيد المعلمين
--------- اذكروا الله
مالك كان شايف نظرات الإعجاب من حازم اتعصب و قال: حازم كام مره هنبهك و انتي بص لـ ملك و قال بحزم اللي قولتلك علية يتنفذ دلوقتي حالا
ملك : استني أخلص اللي في ايدي بس و بصت لريا بشر و قالت: بقي إنتي بقي بتخلي بالاتفاق تعالي بقي يا حلوة
وليد: يمين يا جميلة شمال يمين شمال القاضية يا جميلة
منخير ريا نزلت نقطتين د'م فوليد هيص و قال: الله أكبر شبح المنطقة و المناطق المجاورة عليا الطلاق
ملك قامت من على ريا و بصتلها بقرف و هي بتقول: يا ربي لازم أربي الأشكال اللي زي دي على الصبح كل يوم كدا و مشيت على اوضيتها و هي بتبرطم و تقول: دهية لما تاخدكم كلكم يلا و رزعت الباب وراها
مالك: البنت دي اتهبلت والله العظيم فيوزتها ضربت
حازم قام دخل اوضتة و وليد ساعد ريا بأمر من مالك و دخل اوضتة
ريا بغيظ : جربوعة أوي و رحمة أمي لاوريكي يا جميلة الكلب يومين بالظبط و هتبقي بره الفيلا دي و ساعتها بقي مالك و فلوسة هيبقوا ملك ليا أنا و بس
دخلت اوضيتها و مسكت التليفون و قالت: الو جهزت الورق كله ؟!
- كل حاجه جاهزة مستنين أوامرك بس هتخليه يمضي امتي
ريا: الصفقة ليكم أما العز دا ليا أنا انتظر مني تليفون خلال الأيام الجاية و قفلت و هي بتفكر في فكرة خبيثة تطلع بيها ملك من البيت
------ اذكروا الله بقلم يويو محمد
ملك رجعت لبست الجلبية الرجالي تاني و عملت مكياج خلاها زي العفاريت بالضبك و ظبطت شعرها و خرجت بره
حازم بالصدفة كان خارج يشرب شافها و صرخ جامد و قال: أعوذ بالله من الشيطان الرجيم
ملك : اية يا سعادة البيه كريم شانتيه شوفت عفريت يخويا ما أنا متلقحة قدامك طول اليوم
حازم : كنت مفكر مش هتلبسي الهدوم و المكياج تاني
ملك : لا البيت دا طاهر و هيفضل طول عمره طاهر و بعدين كل واحد بيرجع لأصله يا سعادة البيه كريم شانتيه اقولك اية بس يخويا احزان عليا الطلاق أحزان
مالك شايفهم بيتكلموا مع بعض الغيرة اتملكت منه راح ليهم و قال بغيظ : انتوا بتعملوا ايية
حازم : تعال يا مالك شوف جميلة رجعت سيد قشطه تاني ما كنتي خليكي بسبوسه بالقشطه الله
مالك بغيظ : حازم يلا اوضتك دلوقتي
حازم مشي و هو مش فاهم حاجة بس مشي عشان ميحصل مشاكل
ملك بصت لـ مالك بعيون قطة و هو ضحك من جواه على منظرها بس تصنع الصرامة و قال: انتي ماشية توزعيلي ابتسامات و ضحكات و بتحكي مع الكل ينفع كدا
ملك هزت راسها بالنفي و قالت: حقك عليا يا سيد الناس و غمزت بتغيري يا بيضة و بعدين دا حازم عادي يعني
مالك همس ليها و قال: لو من ابوكي و أمك نفسهم هغير انتي بتاعتي ضحكتك كلامك شكلك كله بتاعي فاهمة يا ست الحسن
ملك بهيام : بجد يا مالك أنا ست الحسن بتحبني قد اية
رواية خادمة قلبي بقلم زهره عصام البارت ٢٢/٢٣/٢٤/٢٥حصريه وجديده على مدونة النجم المتوهج للروايات والمعلومات
مالك بص في عنيها و قال: زاد حبك بقلبي لدرجة لو خيروني بين كنوز الأرض و عشقك لاخترك دون تفكير
ملك بصت في عيونه و دمعت و هي بتقول: أد كدا بتحبني يا مالك صدقني بحبك اكتر و همست في ودنه و هحبك اكتر لما تمشي رشدي اباظه اللي جوه دي
مالك ضحك بصوته كله و قال: انتي مشكلة كبيرة
----------- اذكروا الله
ريا قاعدة في الاوضة و عمالة تاكل في ضوافرها خايفة تخرج لحسن ملك تضر'بها تاني
و عمالة تفكر هتخلص منها ازي فجأة عنيها وقعت على خاتم ليها بصت ليه قوي و ضحكت بخبث و قالت: قولتلك هخرجك بفضيحة يا جميلة الكلب و ضحكت بصوت عالي
--------- اذكروا الله
منال و منه قاعدين بيتفرجوا على مسرحية العيال كبيرت فجأة الباب خبطت
منه : ما براحة يا جدع اية قاعدين ورا الباب فتحت الباب لقت قدامها تلت ستات
منه : خير يا ست منك ليها عاوزين اية
- انتي بقي منه شبح المنطقة و اللي علمت على الحاج اسماعيل
منه : ايوه انا يا عنيا في حاجة و بعدين لحظه الحاج اسماعيل اممم كدا بانت على الأخر و شمرت كومها و قالت: اتفضلوا اتفضلوا دا احنا هنكرموكوا آخر كرم
الستات دخلوا و هما عاملين حسابهم أنهم هيطحنوا منه فدخلوا ببرود
منال بحاجب مرفوع: و دا من اية إن شاء الله مالهم داخلين فاردين جناحتهم كدا
منه بلوية بوذ : قرايب الحاج اسماعيل ختمت كلامها بغمزة فمنال فهمت هما جايين لية
منال: امم الحاج اسماعيل تيب خلصي بسرعة على ما اجيب شوية لييب من جوه الحته اللي جاية من المسرحية دي هايلة لازم أشوفها بمزاج و سابتهم و دخلت
منه بخبث : ها يا حلوين تحبوا نبدأ بمين فيكم
واحدة من الستات خلاص جابت آخرها من برد منه هجمت عليها و هي يتقول: دا انتي متوصي عليكي أوي يا به
منه : به انا يتقالي به حلو غلطت و انا كنت مستنياها تغلط منولة تعال ايدك معايا يختي
------- اذكروا الله
ريا بتتسحب عاوزة تدخل اوضة ملك لكن مش لاقيه الفرصة المناسبة
ملك بحاجب مرفوع: مالك واقفة مش على بعضك لية ؟
ريا: ها و اية اللى مش هيخليني على بعضي ركزي في شغلك احسنلك انا أصلا عيني عليكي
ملك بلوية بوز ؛ قطيعة تاخدك انتي و شعرك في ساعة وحدة و سابتها و مشيت
ريا بصت يمين و شمال ملقتش حد دخلت بسرعة الاوضة و قفلت وراها و هي بتبتسم بخبث
يتبع .... زهرة عصام
خادمة قلبي ٢٣
بقلم زهرة عصام
ريا بصت يمين و شمال ملقتش حد دخلت بسرعة الاوضة و قفلت وراها و هي بتبتسم بخبث
خلت الاوضة و فضلت تدور على مكان تحط فية الخاتم و يبان إن اللي أخده هو ملك
ريا بقت تدور في حاجتها لحد ما حطته في الدلاب بين هدومها و ابتسمت و هي بتقول: أخيراً هخلص منك يا بنت الصر'مة انتي
و خرجت تتسحب من الاوضة و لا كأنها عملت حاجة خرجت لقتهم قاعدين يضحكوا مع بعض أول ما ملك شافتها حطت ايديها على قلبها و بقت تتنفس بصعوبة و تقول: لا الجو كتم مره واحده كدا أصبح لا يطاق لا لا مش مستحملة و بقت تاخد نفسها بالعافية
حازم بقي يهوي عليها و يقول: خدي نفس براحة عين و صابتك يختي
ريا واقفة مش فاهمة حاجة من اللي بيعملوه و مفكراها مش قادره تاخد نفسها بجد بحد ما لقت ملك بترد علي حازم و بتقول :- عين خضرا مدوره كدا زي قرص الشمس تعرف يا سعادة البيه كريم شانتيه
حازم بجهل: لا معرفش عرفيني
عارف كان زمان في يوم خميس الساعة خمسة الا خمسة نزلت جبت خمس فرخات صغيرة كتاكيت يعني
حازم بفضول: و بعدين اية اللى حصل
ملك : اكلتهم خمس تيام و ماتوا الخمسة الساعة خمسة بالضبط و كل ما تقول خمسة تحط اديها في وش ريا
ريا أخيراً فهمت و ابتسمت بغيظ و سابتهم و مشيت و هي بتقول جواها ماشي يا جميلة الكلب انا تتريقي عليا صبراً عليا صبراً
------ اذكروا الله
منه قاعدة فوق الست الأولي و ماسكة التانية من شعرها و منال ماسكة الست التالتة و عمالة تحط رأسها في جردل ماية و تقولها: اعترفي بقي هتفرهديني و الإعلان لسة مخلصش
الست : يا ستي بقولك الحاج اسماعيل هو اللي باعتنا
منال: يعني مش عاوزه تعترفي طب ازلي اطفحي بقي من المائة دي تدري إنها ماية مجاري
الست حطت ايديها على بوقها و كانت هترجع
منال: اوعي لسة ماسحة هخليكي تلحسيها بلسانك
الست حطت اديها على بوقها و منال مسكاها من شعرها بايد و ماسكة ايد المقشة باليد التانية
منال بتضرب الست التانية بالمقشة و هي بتقول: أنا مش عارفه مش عاوزين تعترفوا لية و تخلصوا نفسكم
التلاتة قالوا في نفس الوقت: الحاج اسماعيل هو اللي بعتنا
منه : شوفتي يا منولة مصرين ينكروا من رايي نستعمل معاهم طريقة جديدة من اختراعي لسة مفتكساها حالا
منال: قولي و أنا دايسة معاكي لحد ما الإعلانات ما تخلص انتي عارفه القناة دي بتجيب اعلانات كتيره
منه استني الأول هاتي المقشة دي كدا و ضر.بت الست الأولي على دماغها فقدت الوعي و الست التانية سحبتها من شعرها وقعتها على الأرض و ضر.بتها خلتها تفقد الوعي بصت للست التالتة اللي في ايد أمها
منال زقتها ليها و قالت: خديها أهي على ما اجيب تسالي غير اللي خلصت دي
منه ربطتهم كلهم في الكنبة بحبل و جابت جردل ماية و حدفتوا عليهم و قالت: صحصحوا
الستات فاقوا و شافوا نفسهم مربوطين و منال بتزقزق ليب و بترمي عليهم القشر
منه : كنا بنقول اية بقي اه نشوف طريقة تانية تخليهم يعترفوا اية رايك يا منولة نكهر.بهم الستات بصوا لبعض بخوف من المجانين دول اللي ضاربة منهم على الأخر و ممكن ينفذوا كلامهم صح
منال : حلو يا بت الإقتراح دا بس عندي الاحلي إحنا ندخلهم الاوضة اللي فيها الفأر مش هيطلعوا منها غير بجثة الفار
منه أخدت شوية لييب و بقت تزقزق هيا كمان و قالت: على ما اسخنلهم حتت صفيحة كبيرة كدا و نوقفهم يعملوا تمارين عليها
منال بصت ليهم و قالت: هتعترفوا وإلا
الستات بصوت عالي: الحاج اسماعيل هو اللي باعتنا و ادي كل واحدة مننا ميت جنية
منال : شوفي يا منه مش راضيين يعترفوا إزاي يلا دخليهم الاوضة اللي فيها الفار
منه : عونيا يا معلمة
واحدة من الستات صرخت و قالت: بلاش فار بالله عليكي بخاف منهم
منه انشكحت أوي و قالت: بجد طب مش تقولي من الصبح لازم اخليكي تواجهي خوفك و منال قامت و قالت: أنا الممكن مش ممكن الصعب مني يتمكن تعالي فكتها و منه فكت واحدة و دخلوهم الاوضة منه جت أخدت التالتة و دخلتها ليهم و قفلوا الاوضة بالمفتاح
منه لما تلقتلـ.ـو.ا الفار ابقوا نادوا على ما إعلان يجي تاني يلا يا منولة لحسن الواحد فرهض يختي
منال: اي دا الإعلام خلص يلا المسرحية يا بت دي اهم منكم انتوا الأربعة
------ اذكروا الله
بعد ساعتين
ريا خارجة و عاملة نفسها بتدور على الخاتم و بتدور في الصالة بصت لـ مالك و قالت لية : مالك في خاتم غالي أوي و خصوصاً أنه من بابي ضايع مني و أنا بصراحة شاكة في جميلة دي
مالك : إحنا معندناش حد حرامي يا ريا
ريا: أنا بقول شاكة فيها لا دا انا متاكده أنها هي اللي اخدته لازم نفتشها
وليد دخل على الكلمة و قال: تفتشي مين معلش أسمع تاني كدا
ريا : جميلة الحرامية هي أقل واحدة بينا أكيد هي اللي اخدتة
حازم : لا دا انتي هربت منك على الآخر جميلة مين اللي تسرق مستحيل طبعاً
ريا : انتوا مالكم بتدفعوا عنها كدا لية بقول شاكة فيها مفهاش حاجة لو فتشنا حاجتها
ملك : تفتشي حاجة مين
ريا رجعت خطوه لورا بخوف خلت حازم و وليد يضحكوا في سرهم و قالت: هنفتشك انتي يا حرامية إنتي اللي اخدتي الخاتم بتاعي
ملك : انتي اللي أختي الخاتم بتاعي انتي حيلتك حاجة يا بت و مع ذالك فتشوا عادي لو دا هيريحك تيجي اقلبلك أنا الاوضة انا واثقة من نفسي أوي يعني
ريا بصت لـ مالك و قالت: هي نفسها معندناش مانع يلا ندخل
كلهم دخلوا الاوضة و ريا فتحت الدولاب أوي حاجة و مدت اديها طلعت الخاتم و قالت: اية دا يا حرامية
ملك بصدمة: خاتم مين و اية اللى جابوا هنا أنا معرفش عنه حاجة
مالك بصلها من فوق لتحت و قال : بهدوء كدا تلمي حاجتك و تخرجي بره و مش عاوز اشوف وشك تاني و سابهم و خرج
وليد بصلها و وقف جمبها و هو بيقول أنا مش مصدق إنك عملتي كدا و صدقيني الحقيقة هتظهر قدام الكل
حازم خرج يجري ورا مالك و هو بيقول: يا مالك في حاجة غلط
وليد و ريا خرجم و ريا بتضحك بخبث
ملك مسحت الميكب و دموعها نزلت و لكن حاجتها في شنطة و خرجت من البيت
كلهم كانوا واقفين في الصالة دمعة منها نزلت و لقت وشها الناحية التانية
------- اذكروا الله
منه بصوت عالي: انتي يا ولية منك ليها قتلو.ا الفار
الستات: لسة قربنا نخلص اهو
و بقول يجروا ورا الفار و الست اللي خايفة منه و ماسكة في اديها الشبشب و الفار بيجري من هنا لهما لحد ما في الآخر خلصو.ا عليه
واحدة من الستات: خلاص قتـ'ـلناه خرجينا بقي
منه : اخفوا أثر الجريمة الفار يترمي من الشباك و تمسحوا الاوضة عندكم الحاجة ورا الباب
الستات خلصت و منه فتحتلهم و قالت: انكشحوا بره مشفش وشكم تاني
الستات خرجوا جري و منه دخلت تنام و سابت منال تكمل المسرحية
------ اذكروا الله
تاني يوم الصبح ملك وقفت على باب الحارة بانشكاح و هي بتقول: حارتي حبيبتي وحشتيني يا غالية
يتبع.... بقلم زهرة عصام
البارت 24و25
خادمة قلبي ٢٤
بقلم زهرة عصام
تاني يوم الصبح ملك وقفت على باب الحارة بانشكاح و هي بتقول: حارتي حبيبتي وحشتيني يا غالية
في أقل من الثانيه كان الخبر انتشر في الحارة كلها
- ملك عبدربه رجعت يا حاااااارة
الكل بقي يبص لبعضة بقلق و في دقيقه كانوا في بيوتهم و قافلين عليهم بالمفتاح
ملك ماشية في الحارة و بتهز رأسها بفرحة: اه يا حارة لسة ماشية على قواعدي أشوف واحد بس بره البيت دلوقتي هطلع عين أمه
ماشية و بتبص على كل حاجه بتركيز لقت عيل موطي بيجيب حاجة
ضربته على قفاه و هي يتقول: بعمل اية دلوقتي في الشارع يا زلطة
زلطة بصلها و فرح أوي و قال: المعلمة ملك و الله و ليكي وحشة يا معلمة و أنا أقول الحارة النهارده لا حس ولا خبر ولا في صوت في الشارع
ملك بتركيز: أنت قولت اية كانوا بينزلوا الحارة قبل الساعة تسعة قول يا زلطة متخافش مش هعمل حاجة
زلطة بلا مبالاة: وإلا تعملي يا معلمة دي حارة عاوزة الولعة بجا'ز و'سخ طب انتي عارفه امبارح بعت تلت نسوان على بيتكم عشان يربوا الست منه و الست أمل بس الحق يتقال المعلمة منه قامت معاهم بالواجب و زيادة
ملك : اه يا اسماعيل الكلـ ـب تستغل غيابي و عاوز تكرش عيلتي صبرك عليا و قالت بصوت عالي: اية يا حاره ملفيهاش أخلاق طب عقاباً ليكم محدش هيجرج من بيته النهارده غير على صلاة الظهر اللهم بلغت أشوف طرف حد في الشارع
ميلت على زلطة و قالت: تاخد ورقة و قلم و تلف في الشارع عاوزك تكتبلي كل حاجه اللي نزل و خالف الأوامر حتي اللي فتح البلكونة فاهم يا زلطة
زلطة: فاهم يا معلمة و جري على بيتهم يجيب الورقة و القلم
ملك جريت على بيتهم و هي بتقول: منولة يا بت منه أنا جيب يا بشر
منال كانت نايمة على الكنبة قدام التلفزيون صحيت مخضوضة على صوت ملك
منال كانت مش مفوقة مسكت الشبشب حدفته عليها و هي يتقول: ما تخرسي بقي يا بنت الصر'مة انتي اية محدش هيعرف يتخمد منك
ملك بصدمة: اية الاستقبال دا بس هو أنا مش بنتها وإلا اية
منال كانت نامت تاني و ملك دخلت جوه على منه و صرخت جنبها
منه صحيت مخضوضة وقالت: اية إسماعيل بيولع وإلا اية
ملك من صدمتها برد الفعل وقفت و منه بصت عليها بقرف و قالت: يا شيخه يخربيتك اللي يكون عنده أخت زيك اية اللى جابك دلوقتي و نامت تاني
ملك : لا كدا كتير هو انا مش من العيلة دي وإلا اية دا اية الحزن دا يولاد
راحت غيرت و دخلت اوضيتنا نامت و هي بتقول: بكره مالك يجي و اتجوزه بعد ما منولة تطلع عينة عشان يبقي يكرشني حلو أوي
------- اذكروا الله
مالك داخل من باب الشقة لقي ريا قاعدة مستنياه على الكنبة و يعتبر مش لابسة أصلا
مالك اتفاجئ من منظرها و قال بصرامة: انتي اية اللي عملاه في نفسك دا
ريا: كنت عاوزه اتكلم معاك شوية لقيتك اتاخرت استنيتك هنا
مالك : الليبس اللي انتي لبساه دا ميتخرجش بيه من اوضة نومك معاكي شباب في الشقة انتي مش قاعدة لوحدك
ريا قربت من مالك أوي و قالت: بس انا ميهمنيش الشباب دول كل اللي يهمني هو أنت يا مالك
مالك : نتكلم بعدين اتفضلي على اوضتك دلوقتي
ريا بصتله و غمزت بحقارة و قالت: ما تيجي تبات معايا النهارده أصلي حلمت حلم وحش أوي و خايفة أنام لوحدي
مالك : آسف مبعرفش أنام جمب حد و سابها و دخل اوضة
ريا : تقيل أوي بس برضوا مسيرك تقع تحد ايدي يا مالك و دبت في الأرض برجليها و دخلت اوضيتها
مالك اترمي على السرير و هو مبتسم و افتكر اللي حصل
فلاش باك
وليد بصرامة: انت مصدق اللي إسمها ريا دي ملك عمرها ما تعمل كدا قعدت معانا و مفيش حاجة من حاجتنا اختفت تيجي واحدة منعرفلهاش أصل تسرقها و انت تصدق
مالك : و مين قال إني مصدق انا شوفت ريا و هي بتخرج من اوضيتها و الغبية غلطت لما دخلت جابت الخاتم علطول ساعتها اتاكدت أنها اللي عملت كدا
وليد : اومال لية عاملت ملك كدا ؟ و كمان مشيتها من البيت
مالك: اللي زي ريا دي حد وراها عاوز أعرف إنما هي متلزمنيش أصلاً أما ملك فعاوز ابعدها عن كل دا
وليد : قوم روح وراها وضحلها كل حاجه لحسن ملك عمرها ما هتسامحك يا مالك
مالك : ما بعد ما نخلص اللي و نشوف اللي ورا الزفتة دي اروح أفهمها على كل حاجه
وليد و أنت مفكر ملك بتسامح بسهوة قوم روح وراها
مالك خرج جري يدور عليها لقاها ماشية بتمسح دموعها بكم هدومها زي الأطفال
مالك قرب منها من. غير ما تحس سمعها و هي بتقول: ماشي يا مالك الكـ ـلب بقي تكذبني أنا و تصدق البت الصفرا دي طب والله لجبلكم الرأس الكبيرة أنا يتعمل فيا كدا
مالك كتم ضحكته عليها و مسك ايديها
ملك اتخضت و بصت علية بصتلة بلوم و شدت اديها منه بغضب و سابته و مشيت بسرعة
مالك جري وراها و شدها في خضنة و هو بيقول: طب والله بحبك و محبتش حد غيرك حقك علي قلبي يا بنت قلبي
ملك خرجت من حضنة و قالت: هششش أنا مش عاوزه أسمع منك حرف سيبني بقولك و شدت نفسها و مشيت و مالك بيجري وراها
مالك: اهدي بس و اسمعيني يا بت
ملك بصت لية بغيظ و قالت: حلو غلطت و انا بتلكك و مستنيالك غلطة رمت الشنطة من اديها و نطت عليه تشد في شعرة و نازلة عض فية
مالك وقع على الأرض و هو بيضحك و ملك نازلة ضرب فية و هي بتقول: أنا حرامية يا ابن سلطح ملطح دا انا هوريك النجوم في عز الظهر دا انا هوقعك في ايد اللي مبيرحموش صبرا و قامت من علية و مسكت الشنطة جت تمشي مالك كعبلها وقعها علية تأتي
ملك بصتله في عينة بلوم و هو بصلها و قال: غصب عني عاوز ابعدك عنها بأي شكل هي ناوية على أذية أنا بس عاوزه أعرف مين وراها
ملك : برضوا زعلانة و مش هسامحك المرة دي بسهولة
مالك: طب معلش تحطي زعلك على جمب و تيجي معايا اوصلك بيتك
ملك بعند : لا أنا هاخد تاكسي
مالك : اعتبريني زي التاكسي
ملك : ركبت وراه في العربية و مالك نفخ بغيظ و وصلها على أول الحارة
ملك : أيوة هنا يسطا يلا توكل انت و نزلت من العربية بعد ما طلعت فلوس من شنطيتها و جت تديها لـمالك
مالك: عاوزة تروحي لأمك سليمة تغوري من وشي دلوقتي
ملك بينت لية أنها مقموصة و سابته و مشيت و هي بتضحك و مالك طلع بالعربية
باااك
-------- اذكروا الله
أذان الظهر على المنابر و الناس بدأت تنزل الشارع وسط تذمرهم من عمايل ملك
ملك صحيت على الصوت بصت ليهم من الشباك و هي يتقول: جرا اية يا ولية منك ليها مش عاجبك النظام انزلك يعني مش عاوزه أسمع نفس في الحارة عاوزة اتخمد تمشوا من غير كلام و أي خناقة تتاجل على ما اصحي مفهوم
محدش رد عليها مالك بصوت عالي مفهوم وإلا مش مفهوم أنزل ليكم يعني
الحارة كلها في صوت واحد: مفهوم يا معلمة ملك
ملك في سرها هفرض عليكم ضرايب هبقي من أغني أغنياء البلد عليا الطلاق تبا لطيبة قلبي معاكم و كملت نوم تاني
------ اذكروا الله
ريا: أيوة الملف اللي انت عاوزه لونة اية
- ****
ريا: خلاص تمام هحاول اجيبة و الباب اتفتح عليها مره واحده
بقلم زهرة عصام
يتبع.....
خادمة قلبي ٢٥
بقلم زهرة عصام
ريا: أيوة الملف اللي انت عاوزه لونة اية
– ****
ريا: خلاص تمام هحاول اجيبة و الباب اتفتح عليها مره واحده و دخل حازم و هو مبتسم
حازم : عطلتك صح اوعي تقولي إني عطلتك أزعل منك
ريا بتوتر: لا خالص اتفضل
حازم قعد على الكنبة قدامها و نام عليها باريحية و قال: أصل الصراحة الواحد جعان و جميله اللي كانت مظبطانا ممكن بعد إذن السفيرة عزيزة تقوم تعملنا أكل
ريا بصدمة: نعم أنت يتقول اية
حازم برق ليها و شخط و قال: انتي لسة هتتصدمي قومي اعملي أكل
ريا خافت منه و قامت تجري و سابت التليفون على السرير
حازم في نفسه: والله إني جامد و مسيطر و هطلع عليكي الجن الأزرق عشان تبقي تتبلي على جميلة أوي ها بص لـ تليفونها مسكه بدون اهتمام بس اتصدم لما شاف الرقم اللي هي بتكلمة و الرسايل اللي بينهم بسرعة نقله على فون و خرج جري
ريا : هو انا مش بعرف أعمل أكل اصل الصراحة عمري ما دخلت مطبخ قبل كدا
حازم بحاجب مرفوع: لا الكلام دا ميكلش معايا دلوقتي حالا تعملي أكل مش انتي كنتي السبب إن جميلة تمشي انتي هتمسكي مكانها دلوقتي
ريا : يغني انت عاوزني خدامة لا سوري دي مش شغلتي
حازم برق ليها و ريا خافت و قالت: بعرف أعمل بيض مسلوق اعملك
حازم بلا مبالاة: اي حاجه تتاكل
ريا جريت على المطبخ و هي بتشتم فيه و قالت: خلصت من زفته جميلة يطلعي اللي كان زي ضلها طيب يا حازم هفرجك بس لما مالك يكون ليا هخليك تمشي تشحت
حازم من بره : الأكل فين
ريا قامت تجري تجهز ليه أكل و هي مش عارفه تروح فين و تيجي منين
حازم بره دخل اوضة وليد مره واحده و صحاه
حازم: وليد اصحي بسرعة وليد
وليد نايم و مش حاسس بحاجة خالص
حازم : حلال فيك اللي جميلة كانت بتعملة فيك هزه جامد و مفيش فايدة
حازم : طيييبب
نام جمبه على السرير و برجله زقه على الأرض
وليد اتخض و قال: البيت بيقع وإلا اية فين الموبايل و الشاحن بسرعة
حازم : البيت بيتهد عاوز التليفون و الشاحن تعمل بيهم اية صحصح كدا عشان في موضوع مهم
وليد استوعب و بص لية بغيظ و قام وقف نام جمبة و ضر’به بالرجل وقعة بين الكوميدينوا و السرير
حازم : نشنت يا معلم ماشي تعال خرجني بقي عشان موضوع حياه أو موت.
وليد خرجة و حازم طلع موبايلة و بدأ يحكي اللي حصل لـ وليد
وليد بخبث : يعني هي بتسمع الكلام دلوقتي
حازم: برق ليها انت بس و هتعمل اللي انت عاوزه
وليد : هات الرقم دا كدا و تعال معايا
وليد بعت الرقم لـ مالك و كتبله انهم جابوه من على موبايل ريا و خد حازم و خرج
حازم بزعيق: فين الأكل
ريا جت جري و هي شايلة الصانية و وليد قال بخبث : صلاة النبي أحسن دا احنا هننبسط أوي يا سيد
——– اذكروا الله
منال صحيت و قالت في سرها: هو انا لية كنت حاسة إن البت ملك جت كملت و هي بتقنع نفسها هي التهيقات بتعمل اكتر من كدا أقوم أعمل حاجة نأكلها
منه خارجة مش شايفه قدامها و بتخبط في كل حاجه
منال : الله أكبر انتي صحيتي فوقي بقي عشان
منه شاورت ليها باديها و دخلت الحمام و رجعت كملت نوم
منال : طلاق تلاتة غيبوبة دا حتي الغيبوبة اشتكت منك و كملت بصراخ: اصحي يا زفته بدل ما اجي أسقف على وشك بالشبشب
منه و ملك هبوا مع بعض في نفس الوقت
منه خرجت وقفت قدام منال و قالت: خلاص صحيت
ملك الميكب الخفيف اللي كانت حطاه ساح على وشها و خلي منظرها فظيع
ملك خرجت و هي يتقول: في اية يا منولة على الصبح الواحد ميعرفش ياخد راحتة في البيت دا
منال و منه بصوا لبعض و صرخوا في نفس واحد خلي ملك تتخض و ترجع لورا : عفرييييت
منال و منه بيجروا و ملك بتجري وراهم بتستخبي من العفريت
منال : الحقي يا منه العفريب متجسد في هيئة أختك
منه : حصل يا منال حصل اجري بقي
ملك : يا ماما استني بس فين العفريب دا في أنهي اوضة عشان اروح الاوضة التانية عاوزه أنام
منال وقفت و منه وقفت وراها
منال بهمس لـ منه : تفتكري تكون المخفية أختك
منه بهمس: هو الصوت بيقول إن هي الشكل لو طسينا في خلقتها جردل ماية هي
منال: إذا تبقي هي و جابت الشبشب و حدفت ملك بيه و هي يتقول: و لما انتي جيتي يا بنت الصر’مة معرفتيناش لية و اية اللى فى خلقتك دا حاطة ترتر اشتغلتي رقاصة وإلا لسة يا سعدية
ملك بألم: جرا اية يا منال عاوزه أنام ساعتين عندي اجتماع مهم في الحارة هو حد مضيع هيبتي غيرك و قالت: أسمع نفس في الساعتين دول هحبسكم و ما حد فيكم هيشوف الشارع ها
منه : الحقي دي بتهددنا
منال: انتي بتهدديني يا بنت الكـ لـب طب خدي و حدفتها بالفردة التانية و هي بتقول: علمناهم الشحاتة سبقونا على الأبواب غوري من خلقني اتخمدي نامت عليكي حيطة
ملك شوحت باديها و دخلت تنام و هي يتقول: ماشي يا منال بكره اسبلكم البيت و اروح بيت زوجي قرة عيني و تبقي تقوليلي تعالي اقعدي معايا شويه
منال : همضية على إقرار البضاعة لا تسترد يا معفنة بس الصبر
منه واقفة بتاكل في الليب اللي لقيته على الترابيزة و بقول: برافوا عليكي يا منال حلو الإقرار دا احسن يجبها و ييجي يرجعها من الصبحية بخيي
منال بصت ليها و قالت: أما انتي بقي همضيلة على تنازل و شرط فية اني مش عوزاكي حتي الزيارة يا بخت من زار و خفف
منه بصدمة: بتكرشيني من بيت ابويا يا منال عشت و شوفت الام بتكرش ولادها
منال بصت لقت الشبشب قريب منها حابته في ثانية و حدفتها بيه
منه : تسلم ايدك يا سيد المعلمين
—— اذكروا الله
وليد و حازم فطروا و حازم برق لـ ريا و قال: شيلي الأكل و اعملي شاي يلا
ريا بغيظ ليه كنت الخدامة بتاعتك على فكرة أنا مش خايفه منك
حازم طلع التليفون و قال: جميلة عاملة اية
ريا في ثانية كانت شالت الصنية و جريت على المطبخ
وليد ضربه على كتفة و هو بيقول: جدع ياض يا حازم هي عاوزة تتربي وانا هقوم بالمهمة دي بدل جميلة
جاب سجاد البيت كلة و جمعة في مكان و ريا خارجة من المطبخ شافتهم قالت : اي دا انتوا هتنضفوا النهارده
حازم بصلها بخبث و وليد قال: هتنضفي
ريا بتوجس : اوعي تقول
حازم هز رأسه بايجاب و ريا صرخت و قالت: لاااااا
مالك جاب المعلومات عن الرقم اللي وليد بعته و قال : اه يا ولاد الكـ’ـلب ورحمت أمي لوريكم
تابعوا صفحتي وتابعو المدونه ليصلكم اشعار بالروايات فور نزولها
انضموا معنا على تليجرام ليصلكم اشعار بالروايات فور نزولها من هناااااا
