رواية علاقه ساخنه الفصل السادس بقلم حنان حسن حصريه وجديده
 |
رواية علاقه ساخنه الفصل السادس بقلم حنان حسن حصريه وجديده
بعد ما سمعت صوت خبط على باب غرفتي واكتشفت ان الخط جاي من الباب الموصل لغرفه عمر بيه اتسحبت بهدوء وروحت لغرفه عمر بيه لا اتاكد ان عمر بيه كان بيخبط عليا قاصد عشان عايزني في حاجه ولا بيتهيالي
واول ما فتحت الباب على عمر بيه ودخلت لغرفته وجدت النور مغلقا والغرفه معتمه و تفاجاءت بمن يمسك بى ويضع يده على فمى بعد ما اغلق الباب علينا ما هو يقول حذاري تصدري اي صوت وفى تلك اللحظه التفت لارى من ذلك الرجل ولكننى لم استطيع ان اراه فى الظلام حتى فتح نور الغرفه وتفاجاءت بانه عمر بيه
فضلت واقفه متسمره فى مكانى من هول المفاجاءه لان عمر بيه كان واقف امامى بشكل تانى خالص غير اللى شوفته عليه قبل كده
فقد كان يقف امامى كا اى شخص طبيعى جدا وكان ليس به اى شئ
وعندما وجدنى اقف امامه وانظر له وانا مستغربه مما يحدث
اخذنى من يدى بعيدا عن الباب تحسبا لكى لا يسمعنا احد وبدا فى الحديث بطريقه طبيعيه جدا
قال .. انتى ايه مقعدك هنا تانى ؟
مش قولتلك امشى من هنا؟
رديت وانا غير مصدقه ما اسمعه و اشاهده
قلت عمر بيه حضرتك سليم ومش تعبان صح؟
تجاهل عمر بيه سؤالى ثم تابع قائلا
اللى بيدخل بيت سليم اخويا مش بيخرج منه غير مقتول وانتى شكلك غلبانه اهربى من هنا بسرعه
قلت مش هينفع اهرب ومش هيسمحلى بانى اهرب لان اخوك عايز يجوزنى ليك عشان يقدر يستولى على ميراثك ويحقق الشرط اللى فى الوصيه وانا مقدرش ارفض طلبه لانه ممكن يقتلنى زى منتا قولت وكمان للنى عرفت سره وللاسف معنديش رفاهيه الاختيار
قال يبقى تهربى لانك حتى لو نفذتى اللى بيطلبه منك بردو هيقتلك بمجرد ما يوصل لهدفه
قلت طيب وانت كمان ليه مش بتحاول تهرب ؟
قال انا مش همشى من البيت ده غير لما انفذ حاجه فى دماغى
قلت مفيش وقت لازم تهرب بسرعه للن سليم بيه هيجيب المأذون بكره عشان يكتب كتابى انا وانت وبعدها هياخد منك توكيل رسمى شامل وهيقدر من خلال التوكيل انه يتصرف فى كل املاكك واموالك
قال اقعدى واحكيلى ايه حكايتك بالتفصيل وسليم اخويا جابك منين
وأتفق معاكى على ايه بالظبط؟
وبالفعل حكيت لعمر بيه على حكايتى كلها وكمان حكيت له على موضوع الصفقه اللى اتفق معايا سليم على اننا نعملها مع بعض
عشان يقدر يستولى على مال اخوه
قال انا كنت عارف انه هيحاول باى طريقه ان يستحوذ على فلوسى
وميراثى من ابويا وامى
قلت بصراحه وضع حضرتك غريب وكونك انك تسكت وتستسلم للى بيعمله فيك ده الاغرب
فجلس عمر بيه يحكى لى ما وصله لتلك الحاله وذلك الوضع المهين
رد عمر وهو يقول انا هحكيلك اللى وصلنى للحال ده وغصبنى انى ابقى كده
قال سليم كان طول عمره طماع وانانى وكان بيغير من حب ابويا ليا وزادت غريته دى لما امى كتبت ليا كل املاكها بيع وشراء
ولقانى اصبحت بمتلك ثروه أكبر منه وده غير انى هورث معاه من ابويا كمان
ومن يومها بدء سليم تصرفاته المجنونه وبدأت شروره يوم ما دخلت عليه وهو فى غرفه امى المريضه وشوفته وهو بيشيل جهاز الاكسجين من على فمها وهى تحتضر على فراش المرض
ولما شوفته وجيت امنعه لقيته هجم عليا وفضل يضربنى بمنتى القسوه لانه كان اقوى منى وبمجرد ما عرفت اخلص نفسى منه وجريت عشان انقذ امى لقيت ان الوقت كان فات وامى ماتت
طبعا ابويا عرف كل اللى حصل وكنت فاكر ان ابويا هياخد لى حقى وحق امى لكن لقيت ابويا بيقولى مش هقدر ابلغ عن اخوك واحبسه
ياعمر وبعدين امك كانت كده كده هتموت لانها كانت مريضه من ساعتها فضلت صوره امى مش بتفارق خيالى ليل نهار وساعتها
طلبت من ابويا انى اسافر لكن هو رفض فانعزلت عنهم فى غرفتى
واصابتنى حاله نفسيه بسبب فقدان امى واحساسى بانى مقدرتش احميها من سليم وكمان خذلان ابويا ليا
فقررت انى انعزل عنهم فى غرفتى ومكنتش بكلم حد
ساعتها سليم استغل الوضع ده عشان يبقى هو اللى فى الصوره لوحده
وبدأ يملى دماغ ابويا بانى مريض نفسى وحالتى بتسوء يوم بعد يوم
وبيؤكد على زعمه هذا فقد كان يأتى بحبوب تتسبب لى فى الهلاوس
والتهيؤات واكتشفت انه يضع لى تلك العقاقير المخدره فى الطعام
الذى يدخل لى مع عثمان الذى كان يعمل وقتها بالبيت
ليجعلنى اتصرف وكاننى مريض بالهلاوس ومغيب العقل
ده غير انه كان متعمد يحبسنى ومشدد الحراسه عليا وكان جايب عثمان مخصوص ومعين له غرفه بالبيت هنا معنا عشان يمنعنى من الهرب
ولما عثمان كان بيدخل ليا مع الاكل الحبوب المخدره وكنت برفض اخدها كان بيجبرنى اخدها لغايه ماكانوا بيضربونى وبيعذبونى
من اجل ان اخذها غصبا
سالته وانا متعجبه لما اسمعه
قلت وايه كانت مصلحته فى انه يأكد على انك مريض عقلى ؟
قال عشان يجبر ابويا ساعتها انه يسلمه كل حاجه ويبقى فيما بعد وصى عليا وعلى املاكى
قلت وابوك وافق طبعا
قال بالعكس ابويا عارضه بشده ومش كده وبس لا ده كمان اتعارك معاه وطرده من البيت ساعتها وده اللى خلاك يفكر يقتله
رديت وانا غير مصدقه ما أسمعه
قلت يقتل ابوه ؟
قال. ايوه
اعمل متابعه لضمان صول الحلقات فور نشرها علطول
صفحة مصطفي الصعيدي
سليم دبر لابوه حادثه العربيه بمساعده عثمان وده عرفته لما سمعته هو وعثمان لما كانوا بيتفقوا هيقولو ايه فى تحقيقات المباحث
وهما فاكرنى انى واخد الحبوب المخدره وانى مش هسمعهم
لكن فى الحقيقه انى كنت قررت امتنع عن اخذ تلك العقاقير فكنت اوهم عثمان بانى بلعتها وكنت ابسقها من فمى بعدما يخرج من الغرفه
المهم
عرفت من خلال كلام سليم مع عثمان ان هو اللى طلب من عثمان انه يدبر الحادث لابويا وطبعا سليم كان فاكر انه لما يخلص من ابويا يبقى ساعتها هيقدر يورث منه ويستولى على كل حاجه
لكن ابويا طلع كان عامله مفاجاءه
وكتبلى ثلثين ثروته بيع وشراء والثلث الباقى عمل بيه وصيه عشان كده سليم بيفكر انه يستعين بيكى انتى عشان يقدر يحقق حلمه ويوصل لثروتى من خلال الولد اللى انت هتجيبيه له من صلبه وهيشيل اسمى انا ويورثنى
ثم توقف عمر بيه عن الشرح وسألنى
عارفه ده معناه ايه ؟
قلت معناه ايه
قال معناه ان سليم ناوى يقتلنى بعد ما يستولى على الثروه ويحط ايده عليها
بدليل انه عايز ولد عشان يورثنى. تقدرى تقوليلى الولد هيورثنى ازاى الا فى حاله لما اكون ميت ؟
قلت وانا ارتعد وكبعا عيعمل معايا نفس الشيئ ويقتلنى انا كمان عشان يقتل سره معايا
قال بالظبط كده
قلت طيب وايه الحل دلوقتى ؟
قال اهربى فورا من هنا وانقذى نفسك
قلت سليم بيه عامل حسابه ومش هيدينى فرصه انى اهرب من هنا وحتى لو قدرت اهرب ومشيت من هنا سليم بيه هيجيب حد غيرى
وهينفذ اللى فى دماغه بطريقه او باخرى
قال منتى لو قعدتى هنا بردوا هينفذ اللى فى دماغه وغصب عنك هتقبلى تنفذى الاتفاق
صفحة مصطفي الصعيدي
وسالنى عمر ييه
قال هو انتى لسه ناويه فعلا تمشى فى تنفيذ الاتفاق اللى بينكم؟
بعد كل اللى قولتهولك؟
قلت لا طبعا دلوقتى الاتفاق اللى كان بينا اصبح مستحيل تنفيذه
قال ليه عشان اتعاطفتى معايا؟
قلت لا طبعا الموضوع بقى اكبر من كده
قال مش فاهم
قلت فى الاول انا كان ممكن اوفق على الاتفاق اللى كان بينى وبينه
على اساس انه كان مفهمنى انك مجنون وزواجى بيك غير جائز ومكنتش هتعبر متجوزاك اصلا فالبتالى لما اتجوزك انت شرعى واتجوزه هو عرفى هتبقى عادى ومعملناش حاحه حرام
لكن دلوقتى انت طلعت عاقل ومدرك لكل حاجه يعنى جوازى بيك هيبقى جائز شرعا ولو اتجوزتك واتجوزته يبقى حرام وممكن اتسجن كمان
ثم سادت لحظه من الصمت بيننا ووجدتنى اصرح له بما يقلقنى
قلت عارف ايه المصيبه الاكبر ؟
قال ايه
قلت ان مش هينفع ارفض الزواج لان مينفعش اقول لسليم بيه على موضوع انك عاقل وانه لايجوز الجمع بينكم انتوا الاتنين
لانه لو عرف انك عاقل وكنت بتشتغله وبتمثل عليه ممكن جنانه يزيد ويقتلك ويقتلنى انا كمان معاك
قال قتله ليا ده شيئ مؤكد
جلست وانا اضع يدى على راسى وقد انهكنى التفكير
قلت انا مش عارفه الصبح لما المأذون يجى هرفض ازاى وبحجه ايه؟
رد عمر بيه وينظر الى وبعينيه لمعه تلمح بانه وجد الحل
ولكن قبل ان يقول ذلك الحل سمعنا صوت حركه بالخارج وكان هناك
شخص يضع مفتاح بباب غرفه عمر لكى يفتحه
ووقفنا انا وعمر مفزوعين يتجه نظرنا الى الباب متسائلين ترى من الذى سيفتح علينا الباب ويدخل ويرانى داخل غرفه عمر فى تلك الساعه المتأخره من الليل.....
تحياتى
للكاتبه حنان حسن
لضمان وصول باقي الحلقات الجايه فور نشرها علطول
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
