رواية احببت فتاة من الريف بقلم أمل هاشم الفصل التالت حصريه وجديده على مدونة النجم المتوهج للروايات والمعلومات
رواية احببت فتاة من الريف بقلم أمل هاشم الفصل التالت حصريه وجديده على مدونة النجم المتوهج للروايات والمعلومات
💗الفصل الثالث 💗
بعد مرور ثلاث ايام استقرت عائله نبيل فى المزرعه وأصبح يقدى معظم وقته مع محمد
أما فارس فكان يبحث عن عمل فى الانترنت فوجد فرصه له فى أحد الشركات فى محافظه الدقهليه حيث كان تبعد المحافظه. عن القريه بساعه واحده وسعد كثيرا بهذه الفرصه وقام ببعث سيرته الذاتية عبر الانترنت وقلبت وتحدد معاد المقابله بعد 4 ايام
اما فرح فكانت خائفه أن يكشف سيف كذبتها و كان سيف يضغط عليه ليحصل على المال منها فقررت......
أما جميله فكانت تقوم بواجبها كأى ام عاديه
وفى أحد الأيام كان يجلس محمد ونبيل مع بعض فى الحديقه يتسامرون فى الحديث
نبيل : بقولك ايه يا محمد كنت عايز اخد رأيك فى حاجه
محمد: قول يا عم انت هتستأذن ولا ايه
نبيل : انت عارف انى ظبت البيت بس الى فى المزرعه عشان نقعد فيه بس انا عايز اشغل المزرعه تانى وازرع الأرض ما هو الارشين إلى فضلين هيخلصوا وبعد كده هنعمل ايه
قام محمد بالتربيت على قدمه وقال : معاك حق يا صحبى شوف عايز تعمل ايه وانا معاك وانا هجيب كام صنيعى من عندى بكره يظبطلك الحظيره إلى ورى البيت وتجبلك مواشى فيها وهشوفلك حد يزرعلك الأرض
تصدق جتلى فكره انا هخلى نغم بنتى تظبطلك الجنينه إلى قدام البيت وتزرعها ورد وياسمين زى الجنينه بتاعتنا اصل هيا الى عملاها
نبيل : ربنا يخليك يا صحبى والله بس بلاش تتعب نغم كفايه عليها شغل البيت والدراسه
محمد: لا ما تخافش دى هتفرح اوووى لما تعرف انها هتزرع ورد وكده وتخليها تيجا معانا المشتل الى فى أول البلد عشان هيا هتبقا عارفه تجيب ايه
نبيل : خلاص تمام يا محمد على بركه الله بكره الصبح هستنا الصنيعيه عشان نبدأ شغل
محمد: انشاء الله هيكونو موجدين من الساعه 8 عندك
نبيل : خلاص اتفقنا هقوم انا اروح عشان ما اتأخرش ومطولش عليك اكتر من كده عارف انى مصدعك اليومين دول
محمد بعتاب : عيب ما تقولي كده يا صحبى ده احنا اخواتى
نبيل بمحبه : تسلم يا محمد يلا فوتك بعافيه سلام عليكم
محمد : الله يعافيك وعليكم السلام
وذهب نبيل وعاد إلى منزله ودخل محمد إلى المنزل وجد نغم تجلس و تقرأ إحدى روايتها وتبتسم
فقترب منها وقال : حبيبه بابا بتعمل ايه
نغم بمشاكيه : قاعده بقرأ روايه عشان بابا نسانا من بعد ما عمو نبيل جه
محمد وهو يقرص خدها : وانا اقدر انساكوا يا زئرده انتى واخوكى
نغم : ايوه كل بعقلى يا سى بابا
فضحك محمد بمرح وقال : ماشى يا ستى المهم كنت عايز اطلب منك خدمه
نغم بإنتباه : نعم يا بابا اتفضل
محمد : دلوقتى عمك نبيل عايزنى تساعده عشان يرجع يشغل المزرعه تانى
فأنا اقترحت عليه انك تظبطى الجنينه الاماميه بتاعته زى الجنينه بتاعتنا
نغم : حاضر يا حبيبى بس بكره نبدأ عشان زى ما انت عارف معدتش غير كام يوم والدراسه تبدأ
محمد: خلاص بكره العصر نروح نجيب الشتل من المشتل الى على اول البلد
نغم : تمام يا بوص أى خدمه
بس احم كنت عايزة اطلب من حضرتك طلب
محمد : اممم اعتبرها حاجه قصد حاجه
نغم مسرعه : لا والله انا كنت هقولك بس كنت مكسوفه
محمد بعتاب : مكسوفه منى انا يا نغم
نغم : مش القصد اصلها حاجه انت ديما بترفضها ومعرفش ليه
محمد بإنتباه:, تانى يا نغم تانى
نغم بحزن شديد: يا بابا ماما وحشتنى اووووووى وانت ديما بترفض حد يروح يزورها وكنت ديما تقول لما مصطفى يكبر
ارجوك يا بابا وافق وحياتى عندك ورحمه ماما لتوافق المرادى
محمد بوجع : خلاص يا نغم يوم الخميس هخدكوم ونروح
وتحرك ودخل غرفته دون أن يقول كلمه اخرى
نظرت له نغم بحزن وتحدثت : سمحتى يا بابا انى زعلتك بس بجد ماما وحشتنى وصعدت لغرفتها وظلت تبكى على امها فهى تفتقدها بشده وتشعر بوحده من دونها فكم تمنت أن تراها امها وهيا تحقق أحلامها وظلت هكذا لوقت طويل حتى جفت دموعها ونامت
😢😢😢😢😢😢😢😢😢😢😢😢
بعد أن عاد نبيل إلى منزله وجد جميله تجلس أمام التلفاز تشاهد إحدى المسلسلات المصريه فقال : السلام عليكم
جميله : وعليكم السلام اتأخرت كده ليه يا نبيل
نبيل : معلش كنت قاعد مع محمد
جميله : ماشى يا نبيل بس انت معتش بتقعد معانا قد كده
نبيل : معلش يا جميله بقولك انا اتفقت مع محمد هيجيب عماال من عنده وهنظبط المزرعه ونشغل الأرض الاقرشين الفضلين هيخلصو قولت نشغل الدنيا حوالينا
جميله بإنتباه : والله فكره كويسه حتى فارس كمان لقا شغل فى المحافظه هيروح وهيعمل مقابله كمان كام يوم
نبيل بإنتباه : حصل امته الكلام ده
جميله : لسه قايلى الصبح لقاه النت وكلهم وبعتوله يروح يعمل المقابله
نبيل بحزن : يعنى انا اخر من يعلم يا جميله
جميله : لا يا خويا بس انت عارف فارس ودماغه
وانا بقولك اهو متزعلش نفسك انت بس
نبيل : انا هطلع اتكلم معاه ما هو مش معقول كل واحد هيعيش فى اوضه بعيد عن التانى
وصعد إلى أعلى ودق الباب فسمع صوت فارس يسمح بالدخول فدلف إلى الداخل وجده يجلس على اللاب توب ويعمل عليه
فرع فارس نظره ولكنه لم يتحدث فدلف نبيل وجلس وقال : لحد امته
فارس: هو ايه الى لحد امته
نبيل بعصبيه طفيفه : تجاهلك ليا وعدم احترامك ده بدل ما تقف فى ظهرى
فارس : ما انت الى مسمعتش كلامى قولتلك بلاش تخش فى الصفقه دى وبردو عملت الى فى دماغك
نبيل : خلاص وحصل الى حصل ما توقفش فى ظهرى ده انا حتى ابوك يا اخى احترمنى شويه وحسسنى انى مخلف راجل معتدم على نفسه مش زعلان عشان فلوس أبوه ضاعت دى كلمه شكرا الى اخدتها منك انت واختك بعد السنين دى كلها دى أخرت تربيتى فيكوا
بس عارف عندك حق تزعل ما انا الى عودتكم كل طلباتكم مجابه بابا هات بابا هات واتعملتو معايا على أساس انى بنك متحرك مش اكتر هما كلمتين انا عملت إلى عليا وكبرتك وعلمتك كل واحد يشيل نفسه بعد كده
وخرج و قام برزع الباب خلفه
وظل فارس محدق فى الباب وشارد فى كلام والده فكلامه صحيح وشعر بتأنيب الضمير فعلا كان يحتاج ليسمع مثل هذا الكلام ليصحوا على نفسه
وبعد تفكير طويل قرر أن يعتزر لوالده ويصحح ما فعله مع
وفى غرفه فرح كانت تجلس على السرير وتتحدث على الهاتف مع سيف وتقول : حاضر يا سيف يومين بالظبط وهبعتلك الفلوس
سيف بخبث : ماشى يا حبيبتى انتى عارفه انى بحبك عشان كده مش بطلب من حد غيرك
فرح ببسمه : عارفه يا قلبى
سيف : الا قوليلى يا فوفا الدراسه هتبدا انتوا مش هترجعوا بقا
فرح برتباك : ايه اصل اصل بصراحه كده بابا حولى جامعه المنصوره عشان هنفتح فرع جديد هنا وهنقعد فتره هنا
سيف بحده : وما قولتليش ليه
فرح بخوف : كنت خايفه تسيبنى لما تعرف انى هبعد عنك
سيف بخبث: وانا اقدر ابعد عنك يا فرح قلبى
فرح بفرحه : بجد يا سيف يعنى مش هتسبنى
سيف : لا يا قلبى المهم دلوقتى شوفى هتبعتلى الفلوس امته وانا هقفل دلوقتى عشان عندى حاجه اعملها سلام
فرح بحب : سلام يا قلبى
وأغلقت فرح الخط وظلت تفكر كيف ستأخذ الذهب الخاص بأمها
فهيا قررت أن تأخذه وتبيعه
🙁🙁🙁🙁🙁🙁🙁🙁🙁🙁🙁🙁🙁
فى صباح اليوم التالى استيقذ نبيل على صوت جرس الباب وفنهض وذهب وفتح الباب وجد محمد ومعه كم شخص آخر
فقال نبيل : اهلا يا محمد
محمد : ايه ياعم أن نايم لسه
يلا فوق عما اخد العمال الحظيره إلى ورا
نبيل : ماشى يا صحبى
ودلف نبيل وجد جميله تقول : مين دول يا نبيل ده محمد ومعاه العمال انا هخش اغير هدومى عما تعملى الفطار وشاى ليا وللعمال الى بره
جميله : حاضر يا خويا
وذهب محمد الى الحظيره وقام بفتحها واملى على العمال ماذا يقمون من اعمل
بعد بعض الوقت جاء نبيل وهو يحمل صنيه محمله بالطعام والشاى فقترب منه محمد وحمل عنه الصانيه وقال : تعبت نفسك ليه يا نبيل احنا فاطرين
نبيل : ياعم ده من خيرك يلا انده على العمال عشان يأكلوا لقمه
فقام محمد ونده عليهم وتناولوا الافطار وشربو الشاى
محمد : انا قولت لنغم وهتيجى معانا العصر وهتبدأ من بكره تشتغل فى الجنينه
نبيل بحب : ربنا يباركلك فيها هيا وأخوها ونعم التربيه والله
محمد ببسمه : ده من ذوقك يا صحبى
المهم انت متشلش هم حاجه وشغل المزرعه كله على حسابى
نبيل : ابدا والله الشغل شغل والصحوبيه حاجه تانيه اروجك متزعلنيش منك يا محمد
خ
محمد : خلاص ولا تزعل نفسك حاسب انت على الخشب والمواد الى هتيجى واجره العمال عليه هديه من اخوك يا جدع متكسفنيش
نبيل : خلاص يا محمد عشان متزعلش بس و
ظلوا يتسامرون ويساعدون العمال من وقت إلى آخر
😌😌😌😌😌😌😌😌😌😌😌
أما فى منزل نغم فكانت تجلس على الطاوله تنظر مصطفى لتناول الطعام وهيا شارده
وعندما هبط مصطفى ووجدها على ذالك الحال جلس بجوارها وقال : مالك يا نغم زعلانه ليه
عادت نغم وردت بخفوت : لا مش زعلانه ولا حاجه بس دماغى مصدعه شويه
مصطفى : طيب اجبلك حاجه للصداع
نغم : لا يا حبيبى افطر انت بس انا قاعده مستنياك وانا شويه وهشرب كوبايه شاى وهبقا كويسه
مصطفى :اومال فين بابا
نغم : عند عمو نبيل بيساعده يوضب المزرعه بتاعته
فهز رأسه وبدأ فى تناول الإفطار فى صمت وبعد مده قالت نغم : احنا هنروح لما بكره
فنظر لها مصطفى بوجع وقال : طب وبابا
نغم بهدوء : وافق انا اتكلمت معاه امبارح
مصطفى : ماشى وصعد إلى الغرفه الخاصه به وظل ينظر بشرود فهو برغم مرحه طول الوقت ولكنه يشعر بالحزن على فراق والدته لانه لم يعش معها ولا يتذكرها وكم تمنى أن تكون معه فأغمض عيناه بألم وقام وجلس على مكتبه ليزاكر دروسه
💔💔💔💔💔💔💔💔💔💔💔💔💔
ومره الوقت وجاء العصر واستعدت نغم وذهب مع والدها ونبيل وقامت بإختيار جميل شتل الزرع تحت انبهار نبيل فهيا تتقن ما تفعله
وذهبوا إلى منزل نبيل وظلت تملى على العمال اين تضع الشجر وكان محمد ونبيل بالخلف عند الحظيره وجميله تعد المشروبات وفى ذالك الوقت خرج فارس الى الشرفه وجدها تملى على العامل ماذا يفعل بمنتهى الجديه فتعجب من وجودها فركض إلى الغرفه وارتدى تيشترت اخر ووضع من عطره المميز ونزل الى حديقه المنزل
فوجدها تحدث فتى فى مقتبل العمر بجديه ولكن الفتى ينظر لها بإعجاب فشعر بالغيره تفتك به فقترب ووقف بجانبه وظل ينظر الى الفتى بتنبيه وكأنه يرسل رسائل تحذير وقال : ممكن اعرف ايه الى بيحصل هنا
فنظرت له نغم بإنزعاج وقالت : زى ما انت شايف
فوجد أنها منزعجه منه فقال : احم يا نغم متزعليش من الى حصل المره الى فاتت ما كنتش اقصد
فنظرت له بحده وقالت : أسمى انسه نغم يا استاذ فارس انت لا اخويا والا ابويا عشان تشيل الألقاب
ولكن فارس كان يشعر بالفرحه لأنها نتقط اسمه لاول مره وكم كان ذالك محبب لقلبه فقال: خلاص ما تزعليش نفسك يا نغ اقصد يا انسه نغم انا كنت بعتذر بس
فقالت : ماشى حصل خير وهيا تتحرك نزل طرف ثوبها تحت قدمها وكانت ستقع ولكنها وجدت يد قويه تحول بينها وبين الأرض فوجدت فارس ينظر لها نظره غريبه وعينها تلمعان بقوه فتوردت وجنتها بشده وكان فارس قد سرح فى سواد عينيها وكم كانت هذه الواقعه بين يداه جميله جدا
وفى ذالك الوقت خرجت جميله وهيا تحمل العصير ووجدت هذا الموقف فقالت : ايه نغم يا بنتى اتكعبلتى تانى
نغم بعد أن دفعت فارس عنها بإحراج
نغم : اه معلش مكنش قصدى
جميله : عادى يا حبيبتى المهم انك بخير.
فنظرت نغم لفارس فوجدته يبتسم بشده فزفرت بغيظ وقالت:
طيب معلش يا طنت انا هستأذن عشا زمان مصطفى راجع من الدرس
جميله : طيب يا حبيبتى بس انتى مشربتيش العصير
نغم : تسلمى يا طنت بكره انشاء الله انا هاجى من بدرى ولما بابا يجى عرفيه لو سمحتى عن ازنك
جميله : ازنك معاكى يا بنتى
وذهبت نغم
فقال فارس : هيا هتيجى بكره ليه
جميله : عشان تعمل الجنينه وتزرعها ورد والحاجات دى
فارس بفرحه : كويس
جميله بشك : هو ايه الى كويسه
فارس : ايه اه انها يعنى هتزرع الجنينه وكده
جميله : ماشى
فارس : انا هطلع اشوف حد رن عليا ولا ايه
وصعد الى أعلى وظلت جميله تضحك وتقول : ياارب الى فى بالى يحصل
وذهبت واعطت العصير لنبيل ومحمد
فقال محمد : هيا نغم لسه بتظبط الشجر
جميله : لا دى روحت وقالتلى اقولك عشان اخوها زمانه راجع من الدرس
محمد بتفهم :تمام ماشى تسلمى يا ام فارس
وجلس محمد ونبيل يخططتون لتظبيط الأرض والحظيره
الى اللقاء فى الفصل القادم
تابعووووني للروايات الكامله والحصريه
