رواية فجر الشاهين بقلم نورة عبدالرحمن الحلقه الثانيه والعشرون حتى الحلقه الاخيره حصريه وجديده على مدونة النجم المتوهج للروايات والمعلومات
 |
وقفت نعمات امام باب بيتها لما شافت شاهين خارج ومعاه حاجته..بصت ليه بخجل وحرج وقالت خلاص كده هتمشي..
شاهين ايووه كفايه عليكم كده..
نعمات ربنا معاك . . خد باللك من روحك..
شاهين سامحيني عشان اتعصبت عليك بس مكنتش في وعيي ..
نعمات بحرج انت المفروض تسامحني ..
شاهبن ربنا يسامحنا كلنا همشي انا بقى الرجاله تستنا تحت بعد اذنك…
غادر لتدخل منزلها وتغلق الباب جلست على الارض بانهيار وبدأت بالبكاء تلوم نفسها …
كيف لها ان تقع بالحب مرة اخرى ..؟؟
كيف لشاهين بمدة قليله استطاع ان يكسر السور الذي بنته حاجز حول قلبها ..كانت تحب زوجها المتوفي ..لكن شاهين كان يذكرها به ..نفس الشهامه الرجوله والهدوء…
زادت شهقاتها وهي تتذكر لحظاتها الاخيره معه..
لتهمس مع السلامه يامحروس مع السلامه … ياريتني ماقابلتك ولاعرفتك…
**********
ابوكي كان متعلق بعمته الله يرحمهما قوي هي اللي ربته من صغره.كان بيحبها عشان كان يتيم…
كان جده قاسي قووي ومابيرحمش حد في يوم اتقدملها واحد من عيلة الجبالي هي كانت بتحبه وهو بيحبها وبينهم عهد قدام ربنا انهم مش هيكونوا الا لبعض…
لكن جد ابوكي الله يرحمه رفض الجوازه دي وقالهم على جتتت…
من غير سبب كده عشان عنيد وبيقول معندناش بنات تطلع برااا ولاد عمامها..
لكن عمت والدك والراجل ده وقفوا قدام الكل عشان يقنعوهم بس المشاكل كبرت ورفضهم وعنادهم زاد..
عشان كده قرر الراجل يهربوا يكتبوا كتابهم عند شيخ الجامع ويحطوهم قدام الامر الواقع..
وفعلا هربوا ووصلو الجامع وفاكرين ان محدش حس بيهم لكن الجد حصلها وقتلهم كان والدك معاه باللحظه دي اترمى على عمته وهي غرقانه بدمها وفضل يعيط ويحضنها ويبوسها ويصيح باسمها..
المنظر ده قطع قلوب الناس كلها الا جده اللي سحبه من دراعه وضربه قلم خلاه يترمي على الارض وقاله بصوت كله غل بتكبي على خاطيه يابن*****
قام ابوكي وهو بيعيط وضربه قلم تاني رماه الارض من تاني وقاله مسمعش حسك فاهم معنديش رجاله تبكي زي الحريم.
ابوكي كان عنده تمن سنين وقتها ومن ساعتها رباه جده وعلمه ان البنات كلهم زي عمته الخاطيه لو متربوش كويس..
كبر التار مابينهم لحد ماخلاص مفضلش شباب بالعيلتين وقرر عم شاهين يبدأ الصلاح وانتي عارفه الباقي..
كانت فجر تستمع وتبكي بحرقه كل ده حصل يمه اي الجبورت اللي كان فيه جدنا ده…
والدتها مش عايزاكي تشيلي من ابوكي اللي مر بيه من وهو صغير صعب قويي يابتي..ومحدش يتحمله فمابالك بعيل معداش تمن سنين
فجر بشهقات مقدرش اشيل عليه يمه هو يفضل ابوي..
احتضنتها والدتها ومسحت دموعها …
كان عبد الجليل يستمع لحديثهما عادت له ذكرياته الاليمه مسح دموعه التي خانته وغادر لكي لا يراه احد بهذا الحال…
*************
في منزل شاهين الجبالي..
علت الزغاريد لعودتة …
نيره تحتضنه وتقبله كل ثانيه بشوق وبكاء مرير فمنذ ان غادر ولم تعد الحياة كما كانت خوله كانت تنغص عليها بكل لحظه.
بدأت الناس تتوافد للاطمئنان على شاهين فهو كبير عائلة الجبالي..
كان هذا اسوء يوم على خولة وابنها هاشم الذي رحب به واخذه بالاحضان يهنئه بالعودة بكذب..
كانت كل الوجوه غريبه على شاهين حتى عمته التي تحتضنه وتبكي فهو لم يتذكرها ولكنه شعر بحنانها…ولهفتها عليه..
كان سؤاله دائما هي فجر فين….
مما اثار تعجب الجميع كيف نسي الجميع باستثنائها..
خوله بخبث بقى انت فاكر فجر وناسي مراتك وابنك الله يرحمهم ..
خالد بضيق يمه..
خوله اي هو اني قولت حاجه غلط..
شاهين بتيه مراتي مين هي مش فجر مراتي. هي فجر حصلها حاجه . .
خالد جلس بجانبه بابتسامه متقلقش ياخوي مراتك بخير…
واه سليم راح يجيبها هي وامينه اختك مش فاكرها برضك..
شاهين ….
خالد طب اطلع اتسبح ارتاح لحد ماسليم يرجع اني عزمتهم كلهم عالعشا النهارده..عشان رجعت بالسلامه .وعزمت اهل البلد كلها
خوله بغيظ ومقولتش ليه يابن بطني..
خالد تجاهلها وهو ينظر الى هاشم الذي كان شارد بقلق..
اطلع ياشاهين خديه ياعمه على اوضته..
نيره امشي يابني امشي…
وبالفعل غادر مع عمته
خوله على فين ..هتروح لست الحسن..
خالد هرجع يمه هرجع ..لينظر الى هاشم الذي لا يتكلم ابدا وهمس وهو يغادر ربنا يستر من سكوتك ياهاشم ربنا يستر ومتجبلناش مصيبه …
**********
جلست فجر على الارض تبكي بفرحه برجوع زوجها اني هروحله وديني ليه ياسليم عشان خاطري وديني ليه ..
سليم هاخدكم هناك انتي بس اجهزي اكمل كلماته وهو يطلع على السلم بسرعه لحد ماروح افرح امينه..واتصل بابوي يحصلنا على هنا..تكوني جهزتي
والدتها يلااا بقى يافجر امش اجهزي..
فجر اني جاهزه يمه جاهزه عايزه اشوفه.
والدتها جاهزه كيف بالمنظر ده اني هخليكي تبقى عروسه ده جوزك ربنا رجعه من الموت..
**********
خالد جهزي حاجتك هنرجع البيت .
زينه نرجع …نرجع فين مش قولت هنفضل هنا..
خالد معدش ينفع نفضل هنااا..
زينه وانا مش هرجع هناك تاني انت عارف امك كانت تعمل معايا ايه..
خالد باختناق بقولك ايه انا على اخري امشي وضبي حاجتك..وبلاش عناد
زينه بعند ضمت ذراعيها الى صدرها قلتلك مش راجعه
خالد امسك ذراعها بقوة المتها ليدفعها على السرير بحده بقولك اجهزي بسرعه متطلعيش جناني..عليك..
زينه..
*******
نيره رحبت بامينه ووفجر وووالدتها
فجر بسرعه وشوق ظاهر عليها شاهين فين ياعمه هو فين…
نيره بابتسامه فوق يابتي بيريح…
اسرعت تصعد الدرج بسرعه..
امينه بضحك خدي بالك لا تقعي…. شاهين وحشني اني كمان ماتطولوش يافجر..
نيره بابتسامه سيبيهم برحتهم يابتي
تجاهلت فجر سخريتهن منها واسرعت باقتحام غرفتها ودخلت مع تزامن خروجه من الحمام يجفف شعره ..
شعر بالحرج وهو نصغ عاري ليتراجع… لكنها اسرعت اليه واحتضنته وهي تحيط خصره بذراعيها وتدفن وجهها بصدره ووووووو
يتبع….
الفصل التالي :
===============ـ
رواية فجر الشاهين الحلقة الثالثة والعشرون
--------------------ـ
شاهين واقف مش عارف يعمل ايه…
اول مره من ساعت الحادثة ينحط بالموقف ده ..ارتبك معرفش يعمل ايه وفجر لسه متمسكه بيه وبتعيط ..
رفع ايده وحطها على شعرها ومسح شعرها بهدوء..يحاول يهديها…
رفعت عنيها ليه وبصتله بدموع وقالت بعتاب كده ياشاهين ..
كده تبعد عني كل ده انت وحشني قووي قووووي ياشاهين الايام من غيرك كانت مره..
شعر بغصه بصدره عندما رأى دموعها ومسح دموعها اني اسف..
فجر عادت لاحتضانه مرة اخرى المهم انت جمبي دلوقتي اني كنت متاكده انك عايش والله كنت بقولهم انك هترجع بس محدش كان مصدقني..
شاهين لم يكن يشعر بالارتياح من هذا القرب يشعر بالتوتر بالارتباك ..ابعدها بتهرب عنه ليقول بحرج ثواني بس وراجع.
فجر هتروح فين يا شاهين..
شاهين ثواني بس …وخد هدومه ودخل الحمام تاني..
فجر حست بالخجل لما افتكرت كلام سليم ان شاهين لسه مش فاكر حاجه ولازم متضغطش عليه الفتره دي..
خرج شاهين وكان لبس هدومه ..
فجر حابب ننزل ياشاهين امينه تحت .
شاهين وانا بقول كده برضوو… كان يسترق النظر اليها كل ثانيه هي جميله جدا هذه كلماته لنفسه.معقول انا متزوج القمر ده..
لتاخذه وتنزل وهي تقوله من بكرى هنروح عند الحكيم عشان يطمنا عليك….
شاهين بهدوء ان شاء الله
***********
دخلت ام زينه عليهم بسرعه في ايه صوتكم طالع كده ليه..
زينه كانت تبكي ..
مسح خالد وشه بتعب في ان زينه مش راضيه ترجع البيت ياخالتي…
والدة زينة وترجعوا البيت ليه..
زينه بقهر قوليله يمه قوليله اني مينفعش ارجع البيت تاني قوليله امه كانت بتعمل معاياي ايه قوليله.
امها اهدي يابتي اهدي وبلاش بكى وخالد هيقدر اللي انتي فيه
نهض خالد محاولا ان يهدئ اني مينفعش اسيب البيت الفتره دي يازينه ومينفعش اسيبك لوحدك وانتي كده..
زينه ليه….ليه مينفعش تفضل جمبي هنا ليه.
خالد عشان شاهين رجع..
ام زينه بفرحه شاهين رجع امتى ومفرحتنيش ليه يابني يالف انهار ابيض الحمدلله شاهين طلع عايش الحمدلله يارب..
زينه بسعاده شاهين رجع بجد..
خالد تنهد رجع لكن مش فاكر حاجه واني خايف عليه مينفعش اسيبه بالوقت ده..وكمان مش قادر اهملك وانتي حامل.
زينه مش هتهملني اني هجي معاك..
خالد رمش بعينه باستغراب انت بتتكلمي جد .
ايوه مش عمي شاهين رجع اني كمان هرجع..
خالد بضيق ياسلام عشان شاهين ترجعي واني بقالي ساعه بتحايل عليكي..مش راضيه
والدتها بسعاده يابني هي متعلقه بشاهين عشان بيفكرها بابوها..الله يرحمه
خالد الله يرحمه .. وانتي كمان اجهزي عشان هتروحي معايا…
*********
في اليوم التالي كان شاهين نائما وفجر تحتضنه بتملك استيقظ قبلها وبقي يتأملها لفتره وهو يحدث نفسه..
مش باين ان عندها مشكله امال ليه بتجيلي بالحلم كل يوم بتستنجد بيا ….اسألها يعني والا ايه..
والوضع ده انا مش مرتاحله هي حقها انها تقربلي كده لكن ليه اني مش مرتاح يمكن عشان مش فاكر حاجه…شعر برغبة بالقرب منها انحنى وقبل جبينها ثم دون شعور منه انتقل الى شفتيها
فتحت عينيها بتململ لتجده بهذا الحال لتندمج معه بقبلة طويله..واحاطت عنقه بذارعيها
وبدأ شاهين يتمادى اكثر واكثر حتى قاطعهم طرقات خالد على الباب لينتفض شاهين بحرج وكانه استفاق الى نفسه..
فجر تكتم ضحكتها..وغطت جسدها بسرعه
نظر اليها بضيق …
و فتح شاهين الباب بحرج
خالد شكلك نسيت موعدنا مع الحكيم يدوب نلحق
هز شاهين رأسه ان شاء الله ….
خالد بابتسامه شكلي جيت بوقت مش مناسب ..
حرك يده على مؤخره راسه بحرج …
خالد طب خود راحتك اني هستنى تحت ..
عاد اليها ووجدها تنظر اليه بضحك..
شاهين بتضحكي على ايه
فجر بضحك شكلك جميل وانت مكسوف اول مره اشوفك كده
شاهين جلس بجانبها ليقول بابتسامه وقد.نسي كل شي هو اني لدرجادي كنت بجح مش بعرف الكسوف..
فجر ولا سامع بيه حتى..
شاهين ياشيخه..
فجر بضحك طب مش هننزل دلوقتي..
شاهين بضيق ولو اني حابب نكمل اللي بنعمله بس ماشي ..
نهضت وقبلة وجنته هجي معاكم عند.الحكيم …
شاهين ماشي لكن اتسبح..الاول
امسكت يده شاهين…
رجع جلس جمبها تاني..وبص فعنيها وهي بصاله بحب..
فجر كل حاجه هترجع زي الاول اني متاكده …
واني هكون جمبك دايما وهترجع تفتكر كل حاجه ربنا كريم رجعك لينا ومش هيبخل انك ترجع زي الاول..
هز رأسه بابتسامه ان شاء الله قبل كفها ونهض من جانبها ..
وبعد فتره شاهين وفجر وخالد عند الطبيب الذي اخبرهم بأن فقدانه الذاكره مؤقته وسيعود بأي لحظه فقط هو بحاجه لبعض الوقت.
عادوا الى المنزل والسعاده تغمرهم …
هاشم خالد انت لازم تنزل الشغل النهارده.مينفعش نسيب الشغل كده..
خالد ماشي هنزل لكن هاخد شاهين معايا..
هاشم بضيق وشاهين تاخده ليه مش لازم يرتاح الفتره دي..
خالد بشك يرتاح لما يرجع الشغل زي الاول…
هاشم ماشي ياخوي اعمل اللي انت عاوزه اني هطلع اريح وانزل الشغل كمان…
خالد واني هاخد شاهين وننزل ..
وبالفعل اخذ خالد شاهين وعاد للعمل وهو يحاول حمايته من هاشم لكنه نسي بان هناك من تحتاج الحمايه اكثر من شاهين…
كانت فجر ترتب ثيابها في غرفته حتى شعرت بيدين تحيط خصرها لتقول بحب شاهين لحقت ترجع ياقلبي..لتستدير
وهي تسمع صوت هاشم طب والله انتي مفتريه ولا مره سمعتك تقوليلي ياقلبي…
فجر دفعته بقوه وصرخت به انت بتعمل ايه هنااا
هاشم جذبها اليه مرة اخرى وووووو …
فجر
رواية فجر الشاهين .................بقلم نورة عبدالرحمن
================ـ
الحلقة الرابعة و العشرون و الخامسة و العشرون
+++++++++++++++ـ
رواية فجر الشاهين الحلقة الرابعة والعشرون
----------------------ـ
هاشم وحشتيني وجتلك فيها اي دي..
فجر دفعته بكلتا يديها بقوة فيها انك قليل الربايه… يابجحتك يااخي اطلع براا…برااا لحسن يمين بالله لاصوت والم البيت عليك..انا دلوقتي جوزي رجع ولو عرف هيطربقها على نفوخك..
علت ضحكته الساخريه جوزي رجع ..ده حتى مش فكرك ..
فجر اطلع برااا برراا
هاشم طالع ياستي هو اني هبات هنيه يعني …ليكمل بغمزه مع ان نفسي نعمله فيوم..
فجراطلع براا بقولك…برااا
طلع هاشم وهو يبلغها انها خلاص هتبقى بتاعته ومحدش هيعرف يقف بوشه ابدا.
مر اليوم على فجر بتوتر وهي خايفه على شاهين من هاشم مكنتش عارفه هو بيخطط لأيه..
في الليل نزل شاهين يشرب ميه والكل نايمه مش عارف ليه الليله دي معرفش ينام ليه..
نزل المطبخ وهو بيشرب ميه سمع صوت خوله مرت عمه..
خوله لحقت تنسى عبله ياشاهين..
بص ليها شاهين باستغراب عبله مين. .
خوله عبلة مراتك وام ابنك..
شاهين بصدمه ابني هو اني عندي ابن..
خوله امال ده عنده سنتين سيف كيف القمر.
شاهين ططب هم فين..وفجر تبقى ايه..
خوله فجر مراتك التانيه اتجوزتها ومن ساعت مااتجوزتها وانت ناسي ابنك ومراتك وزعلت منك واصرت انك تمشيها بيت اهلها وانت عشان ترضيها مشيت الغلبانه هي وابنك وباليوم ده ماتوا عبله وابنك ذنبهم برقبتك..هما ماتو وهما زعلانيني منك
شاهين انتي كدابه الكلام ده اول مره اسمعه
خوله كانت عمياك يمكن عملالك سحر ومممشياك على مزاجها
مسك دماغه بألم كدب اللي بتقوليه ده كدب خالد ليه مااتكلمش عن عبله وسيف ليه..
خزله عشان مش عايزينك تحس بالذنب وانت السبب في موتهم..
شاهين بصراخ كدابه انتي كدابه
خوله مش عايز تصدق برحتك بس اوضت عبله دي اللي هناك اطلع وهتتأكد بنفسك انك كنت متجوز عبله اللي انا وفجر كنتو السبب في موتها..
طلع شاهين بسرعه وهو حاسس بصداع جامد وفعلا شاف صوره مع شابه وطفل صغير..كانت البنت جميله والطفل اجمل بكتير وشببهه..
فتح الخزانه وفعلا كان فيه هدوم لست..حاول يفتكر كتيير لحد مااغمى عليه واترمى عالارض..
صحيت فجر الصبح ومكنش جمبها طلعت تدور عليه بخوف وقلق..
واتفاجأت بؤضت عبله مفتوحه..جريت على هناك وكان شاهبن على الارض ..
صرخت وجريت عليه حاولت تفوقه معرفتش….
بدات تنادي لخالد اللي طلع بسرعه وشاف شاهين بالحال ده وقال بحده اي اللي جابه هنا.
فجر ببكاء معرفش والله معرفش ..
خالد متعرفيش ازاي مش انا سلمته ليكي قبل ماادخل اتخمد انام..
زينه اهدى ياخالد مش كده..
خالد بانفعال وخوف انتي تخرسي متتدخليش..
حاول حمله خالد معرفش جي هاشم وهو يفرك عنيه بنوم ليصيح به خالد هتفضل واقفلي كده تعالى ساعدني..
فجر بخوف على شاهين لا انا هساعدك..
حاولت ترفعه مع خالد لكنها معرفتش ليقف هاشم خلفها بخبث همليه يافجر انا هرفعه..
ابتعدت بسرعه بعد ان ارتطم جسد الاخر بجسدها ..
وبالفعل اخرجوه من غرفة عبله التي امر خالد باغلاقها وعدم فتحها ابدا…
واخذه لغرفة فجر واستدعى الطبيب الذي اخبرهم بأنه تعرض لصدمه ويجب عدم تعرضه لصدمه اخرى خوف ان تحدث له انتكاسه…
استيقظ شاهين بتعب ووجدها تجلس بجانبها بدموع وهي تنظر اليه ..
فجر شاهين انت كويس مش كده دفعها عنه بقوه واراد النهوض..
وسط صدمت الاخرى..
حاول النهوض لكنه سقط لتسرع اليه فجر وتسنده لكنه دفعه مرت اخرى مش عايز اشوفك غورري من وشي..
فجر بصدمه الكلام ده ليا ياشاهين..
شاهين بغضب بقولك غوري ليدفعها مع دخول خالد وهاشم على صراخهم في اي ..اي اللي بيحصل هنا..
شاهين مش عاوز اشوفها هنا وديها بيت اهلها. دلوقتي..
خالد….
شاهين…..
هاشم ارتسمت ابتسامه انتصار على وجهه
**************
مجهول 1 ايوه شاهين باشا رجع من تاني ..
مجهول 2 احنا لازم نقابله..
مجهول 1 مينفعش دلوقتي خالد مش بيسيبه خالص..
مجهول 2احنا لازم نقابله..
مجهول 1 هو اساسا مش فاكر حاجه..
مجهول 2 احنا محتاجينله لازم يفتكر وبسرعه مفيش وقت..
مجهول 1 وخالد..
مجهول2. اتصرف هو انا هعمل كل حاجه..
مجهول 1 حاضر يابيه حاضر.
يتبع….
الفصل التالي :
==============ـ
رواية فجر الشاهين الحلقة الخامسة والعشرون
-----------------------ـ
شاهين طلعها براا ياخالد.مش عايز اشوفها ..
وقفت فجر بدموع وغصه لاتعلم مالذي فعلته ليكرهها هكذا اول مرة ترى هذه النظرة بعينيه تجاهها…
خالد في اي يافجر اي اللي حصل انتي زعلتيه بحاجه..
فجر بشهقات والله معملتش حاجه هو هو من ساعت ماصحي مش طايقني..كده
خالد بتفهم طب اهدي اهدي و اطلعي انتي عند عمتي وانا هتكلم معاه..
شاهبن بحده وديها بيت اهلها ياخالد مش عايز اشوفها تاني..
خالد بمجارات ماشي ياشاهين هوديها بس مش دلوقتي لينظر الى فجر التي تبكي وانتي يافجر روحي عند عمتي نيره..
خرجت فجر ليتبعها هاشم ويقول بهمس هو ده اللي رفضتيني عشانه … طب والله تستاهلي كل اللي يحصلك..
فجر بقهر ابعد من وشي ياهاشم مش طايقاك ..ولا طايقه روحي ويكون فعلمك مش هسيب شاهين لو حصل اي وكفايه بقى تلعبو بدماغه وتستغلوو تعبه كفايه حرام عليكم…لتغادر وتتركه ينظر اليها برغبة اكثر فكلما رفضته زادت رغبته بها اكثر واكثر…
************
خالد مالك ياود عمي اي اللي جرالك عملت مع مراتك كده ليه..
شاهين مقولتش اني متجوز وعندي ولد ليه ياخالدد
خالد عشان كنت تعبان والحكيم نبه علينا منضغطش عليك..لكن انت اي اللي عرفك بحكايه مراتك وابنك لينهض بسعاده انت افتكرت ياشاهين..
شاهين لا لكن مرات عمي بلغتني..
جلس بجانبه خالد بضيق وقالتلك اي تاني ..
شاهين قالت الحقيقه اللي خفيتوها عني اني ظلمت عبله وابني بسبب فجر دي وهي السبب بالحادثه اللي حصلتلنا..
اصبح خالد بين نارين والدته والحقيقه..
خالد فجر مالهاش ذنب ده قدرهم..لينهض من مكانه بارتباك قوم ياشاهين قوم عشان هننزل الشغل..ونبقى نتكلم بعدين..هنزل على ماتجهز
نزل خالد بسرعه واتخانق مع امه ونبهه عليها. متتدخلش بشهاين وفجر تاني..عشان مش هيسكت …
اما فجر كانت منهاره وتبكي عند نيره وزينه..اللي مستحملتش تشوف فجر بالحاله دي وطلعت على اوضت شاهين عشان تتكلم معاه..
زينه ببرأئه عمي شاهبن فاضي عشان نتكلم..
شاهين بريبه تعالي يازينه..
زينه اقتربت زينه بحرج انت ليه بتعمل كده مع فجر هي متستهلش كل اللي بتعمله فيها .
شاهبن دي حجات للكبار مينفعش تتدخلي فيها..
زينه بطفوله هي بتحبك قوووي حتى لما هاشم كان عاوز يتجوزها بالغصب وقفت بوشه هربت ومرضيتش ياعمي..
شاهين بصدمه اي..
زينه والله بتحبك هي الوحيده اللي مكنتش مصدقه انك مت بالحادثه.
جلس ممسكا رأسه بالم..
زينه عمي انت كويس..
شاهين….
نزلت زينه بسرعه على خالد..عشان تندهله..
بالوقت الللي خالد وهاشم كانو بيتخانقوا
هاشم انت ترفع صوتك على امك عشان شاهين نسيت انه ضحك على ابوك وخد كل فلوسنا.
كفايه كدب حرام عليكم افترى بقى كلنا عارفين اللي فيها. وابوك اتنازل عن الفلوس ليه..
هاشم انت اكيد اتجننت هتقف بوش اهلك. عشان شاهين..
خالد انت اللي اتجننت ووووو دخلت عليهم زينه مرعوبه خالد بسرعه شاهين تعب تعالى شوفه..
جري خالد معاها وراحوا عند شاهين اللي كان تعبان ..
هاشم شفتي ابنك..
خوله دول غاسلين نفوخه خالد مكنش كده.
هاشم يمه انتي اعملي اللي اتفقنا عليه وانا هتصرف بعد.كده حتى لو شاهين افتكر مش هيعرف يعملنا حاجه..
خوله بس خايفه يابني ..
هاشم متخفيش يمه ماشي.
خوله امري لله حاضر..
************
نزل شاهبن مع خالد الشغل بعد. مااداه الدوى ورفض يفضل بالبيت واصر ينزل الشغل عشان يحاول يفتكر اي حاجه..
لكن جت مكالمه لخالد وهو بالشغل خلته ينسى امر شاهين ويجرى عالمستشفى بسرعه..
كانت امه بلغته ان زينه في حاله خطيره بالمستشفى….
بالوقت ده كان هاشم يستنى خروج خالد ودخل فورا مع خروج خالد ومعاه المحامي اول مادخل كان شاهين بيبصله بشك لكن هاشم كل اللي همه انه ياخد امضت شاهين..
وبالفعل بلغ شاهين انه ضروري ياخد امضته عشان الشغل يمشي..
لكن فجأه دخل عليهم…
رواية فجر الشاهين .................بقلم نورة عبدالرحمن
================ـ
الحلقة السادسة و السابعة و العشرون
---------------------------------------ـ
رواية فجر الشاهين الحلقة السادسة والعشرون
==------------------------ـ
خالد بقلق هي كويسه ياكتوره.
الدكتوره متقلقش يااستاذ شووية نزيف مش هيأثر على الجنين او عالمدام .مفيش داعي للخوف ده كله…
خالد تنهد براحه الحمدلله اعرف اشوفها .
الدكتوره ايووه ولو حابب تخرجها تخلص المحلول بس وروحها مفيش مشكله..
خالد شكرا … ليدخل ويطمئن عليها وجدها نائمه…ووالدتها بجانبها ..
خالد مسح شعرها بهدوء…ونظر الى والدتها هي اشتغلت بالبيت ياخالتي حملت حاجه تقيله او عملت حاجه تعبتها..
والدة زينه والله يابني ماعملتش اي حاجه حتى فطارها بعتته امك على اوضتها ورفضت انها تخرج من اوضتها عشان تفضل مرتاحه النهارده والدتك اهتمت بيها اووووي حتى جابتلها العصير بيدها…
خالد……
ايوواا يني مش هنظلم امك والله من ساعت مارجعت زينه وهي شيلاها من عالارض شيل..
خالد طيب ياخالتي ان هعمل مشوار وراجع مش هتاخر لحد ماتفوق..
ماشي يابني ربنا معاك..
اومأ براسه بهدوء وغادر..
************
شاهين بشك لكن ده مش المحامي بتاعي يا هاشم..
هاشم شعر بالتوتر والارتباك. ليقو بكدب.اه اه مهو ده المحامي بتاعي الشركه.
دخل سليم بقلق…عامل اي النهارده ياشاهين..
شاهين الحمد لله اتفضل يا سليم ثوانى وهكون معاك ليعيد نظره الى هاشم ويكمل .. هتصل بالمحامي بتاعي يجي عشان مش هينفع اوقع اي ورق بدون حضوره..
هاشم شعر بالارتباك هل استعاد شاهين ذاكرته…
.لكن لما هو هادء هكذا … واذا لم يستعيد ذاكرته كيف له ان يتذكر المحامي الخاص به..
شاهين في حاجه تانيه يا هاشم..
هاشم لم يصر على الامر و الخوف بدأ يتسلل إليه.
هاشم لا ابدا استأذن انا هبقى اشوفك بالبيت..
شاهين طب سيب الملف هنا عشان اوريه للمحامي بتاعي..وواوقعه
هاشم بتوتر واضح لا مهو بعدين على هنعمله مراجعه على رواق لياخذ الملف ومحاميه ويغادر بسرعه..
شاهين نظر إلى سليم نورت ياسليم..
سليم تسلم ياشاهين انا بصراحه جايلك عشان فجر ممكن افهم اي اللي بيحصل معاكم..
شاهين مفيش حاجه حصلت.
سليم بتفهم انا مقدر انك تعبان…. لكن كمان البت حامل وبتتعب قوي من معاملتك ليها …
شاهين معلش انا كنت تعبان عشان كده اتخانقت معاها.
سليم فجر متستاهلش كل اللي بتعمله فيها ده هي حساسه قويي
شاهين بصراحه انا محتاج وقت ارتاح فيه ياسليم..
سليم وهي مقدره ده ياشاهين لكن انا جاي عشان اطلب منك تفخف عليها شويه ..
شاهين بتفكير بصراحه ياسليم انا كنت بفكر اكلمك عشان الموضوع ده..وبما انك جيت هتكلم معاك دلوقتي
سليم موضوع ايه…
شاهين بصراحه لو تاخد فجر عندكم كم يوم يكون احسن ليها وانا كمان هيكون خف عليا التوتر شويه
سليم بصدمه مش فاهم ..
شاهين انا بصراحه مش عارف اي اللي بيحصلي عشان كده بعد فجر الفتره دي احسن ليها وللي في بطنها..
نهض سليم بضيق ماشي ياشاهين انا هاخد اختى عندي..
شاهين ….
غادر سليم المكان وهو يشعر بالانزعاج من تعامل شاهين معه..
اما شاهين فقد ذهب الى ……
****************
وضعها خالد على السرير هاا ياحبيبتي حاسه بايه..
زينه بابتسامه الحمدلله احسن..
جلس خالد بجانبها على السرير وخدها بحضنه الحمدلله.
نظرت ليه زينه بحب حقك عليا عطلتك عن شغلك..
خالد بحنان ينفع الكلام ده برضوا يغووور الشغل المهم حبيبتي تبقى بخير واقترب ليقبلها.
.. لتدخل والدتها ..ابتعد عنها بحرج
والدت زينه بحرج ارادت المغادره ..
لكن خالد تعالي ياخالتي انا اساسا ماشي…
والدت زينه دخلت عليهم..يابني سليم وفجر طالع صوتهم وباينهم بيتخانقو..
خالد سليم بيعمل وفجر هو في اي اي اللي بيحصل…
لينظر لزينه وقبل راسها هرجعلك.كمان شويه ..ونزل خالد بسرعه ..
سليم يافجر ياحبيبتي انتي لازم تروحي معايا لحد ماشاهين يخف..
فجر بعناد مش هسيب جوزي ياسليم متحاولش ..
سليم يافجر الراجل واضح انه مش مرتاح لوجودك جمبه..
فجر بدموع شاهين في حد بيلعب بدماغه هو عمره مااتعامل معايا كده..
دخل علهم خالد في اي ياسليم ..صوتكم طالع كده ليه
فجر سليم جي ياخدني ياخالد.قوله ان شاهين هيبقى كويس..ويرجع زي الاول ..
سليم ياحبيبتي هو طلب اني اخدك لحد مايبقى كويس.
خالد انت عارف ان شاهين تعبان ومش عارف بيقول ايه ..
سليم هو اللي طلب مني اعمل كده ياخالد افهم موقفي..
خالد وانت هتاخد على كلامه ..
سليم انا مش همنعها عن جوزها لكن فجر لازم تبعد عن كل التوتر والقلق ده متنساش انها حامل.
فجر انا لو بعدت.عن جوزي هتعب اكتر ..قلتلك ياسليم مش هسيب جوزي..
وشاهين هيخف وهيبقى كويس..
وان كان على شاهبن انا هكلمه…
هو فين ياخالد شاهبن فين..
خالد بقلق تصدقي اني نستي شاهين خالص سبته بالمكتب..
سليم انا جيت من هناك ..
اخرج خالد هاتفه واتصل بشاهين لكنه لا يجيبه ..
ليشعر بالقلق واتصل بالمكتب واجابه احد العاملين واخبروه بان شاهين خرج منذ وقت ولم يعد…
بدأ القلق يتسلل لداخلهم بشأن غياب شاهين وبحث عنه خالد وسليم ولم يجدوه اتصلوو به كثيرا لكنه لم يجيبهم..
حل المساء وكان الجميع ينتظره بقلق وفجر ببكاء يارب هيكون راح فين بس ..
دخل سليم لتسرع اليه شاهين فين ياسليم..
سليم بتعب مالوش اثر دورت بكل حته..
فجر..ببكاء يارب احفظه يارب…
لياتي خالد ايضا ويخبرهم بانه لم يعثر عليه ببكاء يارب هو مش فاكر حاجه انا خايفه عليه ياخوي يكون جراله حاجه..
نيره بعد الشر عليه ان شاء الله مكونش حصله حاجه..
فجر بشك هاشم فين ياخالد
خالد دخل الشك.بداخله مش عارف..
سليم هو كان عند شاهين االنهارده وكان معاه محامي..
خالد محامي اي ده…واخذ موبايله واتصل بهاشم..لكن فصله..
فجر ببكاء هو هاشم اكيد يعرف هو فين يارب ميكونش عمل فيه حاجه يارب
دخل عليهم هاشم..ليقول بهدوء ليه فكراني قتال قتله يابت الزناتي..
فجر بانفعال شاهين فين ياهاشم..
هاشم وانا شعرفني..
ليأتيهم صوت…
يتبع….
الفصل التالي :
-==================ـ
رواية فجر الشاهين الحلقة السابعة والعشرون
=----------------------ـ
شاهين بهدوء اي اللي بيحصل هنا..
اسرعت اليه نيره بقلق حبيبي يابني كنت فين..
رفع حاجبه باستغراب أي فكرني عيل…والا اي
فجر كانت تنظر اليه بقلق لكنها لم تستطيع الاقتراب منه..
خالد كنت فين ياشاهين بكلمك موبايلك مقفول…
شاهين كنت بشغل..
خالد شغل اي لحد دلوقتي ..
شاهين اي ياخالد نسيت اني ابن عمك الكبير..
خالد ياشاهين انت لسه تعبان ومينفعش تقلقنا عليك كده..
شاهين بهدوء بصراحه عندك حق اني تعبان .. عشان كده هطلع ارتاح بعد اذنكم..طلع غرفته وسط تسألات الجميع..
سليم يلاا يافجر هنروح ..
فجر مش هروح معاك ياسليم وشيل الحكايهه دي من نفوخك..
سليم يافجر مينفعش تفضلي هنا واهوو اطمنتي عليه وهو بخير..
فجر قلتلك مش ههمل بيت جوزي ..لتصعد الى غرفتها بعناد..
خالد هملها يا سليم ده بيتها وشاهين مش هيفضل كده اكيد هيهدى..
سليم بقلق لكن انا خايف عليها ياخالد ..هو ممكن يزعجها بكلامه او تصرفاته..
خالد متقلقش انا هنا وعمتي نيره هنا كمان متقلقش عليها ..
سليم ماشي ياخالد ماشي انا همشي دلوقتي وفجر امانه عندكم ..
نيره فجر بتي وفعنيا متوصنيش على بتي…يابني..واني هاخدها تنام عندي
أومأ سليم رأسه بابتسامة واستأذن وغادر..
ودع خالد سليم ووبص لهاشم بشك.. نيره تصبحوا على خير هطلع انام..انا
خالد وانتي بخير ياعمه
بص خالد لهاشم وانت رايح فين..
هاشم هطلع انام..
خالد استنى عايزك ..
هاشم بملل مش فاضي جايلي نوم دلوقتي …
خالد هاشم انت جايب محامي لشاهين المكتب ليه
هاشم متصنع البرود تصبح على خير..وطلع الدرج
خالد عللى صوته عشان يوصل لمسمع هاشم شيل شاهين من نفوخك ياهاشم وبلاش تلعب في النار..عشان هتحرقك…واللي هيقفلك انا ياهاشم..وهنسى انك اخويا ..
هاشم…..
*************
في منتصف الليل
دخلت فجر غرفة شاهين ولقته نايم بصتله بقلق وقربت منه تحسست جبينه بغصه وباسته برقه وقالت هتحملك ياشاهين انت صبرت عليا قويي واتحملتني كنت احن من ابوي عليا مش هتخلى عنك ياحبييبي ..عارفه انك تعبان..مش ممكن تعمل كده معايا لو مكنتش عيان..
يارب التعب فيا ومش فيك ياحبيبي ..انحنت وطبعت قبلة طويلة على جبينه وهي مغمضة عينيها باختناق لتهم بالمغادره لكنه امسك يدها يمنعها وجذبها اليه لتسقط على صدره ابعد شعرها عن وجهها..
شاهين مروحتيش مع سليم ليه.
فجر ممش هههملك للوحدك ..
شاهين انا اللي طلبت انك تروحي معاه
فجر بغصه واني مش ههملك ياشاهين ومش هسيب بيتي..
شاهين. بتعملي كده ليه..
فجر انت بتعمل كده ليه عايز تبعدني ليه.
شاهين….
فجر حاولت افلات نفسها لكنه كان يثبتها…
فجر مش هخليك تشوف وشي…لكن متطلبش مني امشي..
شاهين هتتعبي معايا قوي..
فجر انت تعبت معايا ومكنتش تشتكي..
هتتحملي اللي هيحصل..
هتحمل كل حاجه المهم ابقى جمبك..
ليستدير ويضعها على السرير بجانبه.
فجر ممكن تبعد عشان اروح اوضت عمتي ..
هي مش دي اوضتك..
لكن انت مش عا..
شدد باحتضانها واغمض عينيه نامي يافجر..نامي
فجر ارتسمت ابتسامه على شفتيها ودفنت وجهها بصدره واستكانت…
ابتسم الاخر وغفى …
*************
خالد عارف انك هتقولي اني كل يوم برأيي لكن انا شايف ان زينه لو تبعد عن البيت ومشاكله لحد ما تخلف احسن ليها..
والدت زينه والله يابني برحتك بس اي اللي يخليك تنقلنا واني شايفه اني زينه بقت مرتاحه واللي هنا بيهتمووا بيها..قووووي.
خالد عشان في مشاكل واني عاوز ابعدها عن القلق والمشاكل.دي .لكن مش عارف اقولها الكلام ده. كيف.
والدت زينه اني هتكلم معاها..
ياريت ياخالتي..
************
في صباح اليوم التالي..
خوله خدت مراتك فين ياخالد..بقت بتتحكم بيك برحتها وانت كيف العيال تسمع كلامها
خالد عاوزه اي من مراتي تاني يمه.
هكون عاوزه ايه اني عاوزه ابنك يربي فحضننا..
خالد بسخريه اه بامارت العصير اللي جبتيهولها و بعد ماشربته كانت هتسقط..
خوله بصدمه …..
خالد ….
*********
استيقظت فجر ولم تجد شاهين بجابنبها نهضت بقلق تبحث عنه لكنه لم يكن موجود باي مكان و..
رواية فجر الشاهين .................بقلم نورة عبدالرحمن
================ـ
الحلقة الثامنة و التاسعة والعشرون
_____________________________ـ
رواية فجر الشاهين الحلقة الثامنة والعشرون
------------------------ـ
خالد بانفعال هي كلمه وحده بس يمه شيلي مراتي من نفوخك ..وماتتدخليش بحياتي تاني عشان وقتها مش هتشوفي وشي تاني… ليغادر ويتركها بصدمتها..
لكنها سرعان ما استفاقت واسرعت الى غرفة هاشم…
*********
فجر خالد ياخالد..
وقف خالد بضيق في اي عالصبح..
فجرشاهين بتصل فيه مابيردش..
خالد وانتي كنتي فين لما طلع من البيت .
فجر بحرج كنت نايمه هو طلع بدري قوي..
خالد بضيق طيب ماتخفيش هروح اشوفه يمكن بالشغل ..
فجر ابقى طمني عليا والنبي…
خالد وهو يوليها ظهره ان شاء الله…
***************
هاشم اوعي تكوني جبتي سيرتي يمه.
خوله لا .. لكن هو فاكرني عايزه اسقط مراته حاولت افهمه لكنه مرضيش يسمعني..
هاشم تفهميه اي يمه عايزه تخربي علينا كل اللي خططنا ليه..خالد مش هيخلينا نعمل اللي عايزينه هو تغييؤ قوي مش زي زمان.
خوليه يعني اسيبه فاكرني عايزه اخلص من ابنه..
لا يمه كل شيء بوقته حلوو..وانتي يعني هتقوليله ايه…. ادينا لمراتك حبايه مع العصير عشان يحصلها نزيف ونشغلك عن شاهين..ربنا يهديكي يمه..
واني اعمل ايه وشايفه ابني كارهني كده ..
كل حاجه هتتصلح يمه انتي بس اهدي ..
***************
شاهين عايزين اي من ولاد عمي..
سامح اهلا اهلا ياشاهين باشا..
شاهين عايز ايه من خالد وهاشم..
سامح مدامك جاي لحد هنا يبقى اكيد افتكرت كل حاجه..
شاهين متنساش .. انا اللي جيتلك وبلغت عن الناس دي بعد وفاة عمي اظن مينفعش تشك بحد فينا ..
سامح اني مش بشك فيك انت..
شاهين وخالد وهاشم مالهمش دعوة باللي كان عمي يعمله..
سامح دول ولاده ..
شاهين لكن مكنوش معاه اني اللي كنت مستلم الشغل كله ومتنساش… مفيش اي دليل يدين عمي الله يرحمه بتعامله مع الناس دي ..وافتكر كويس لولا وجودي معاكم مش هتعرفوا توصلوا للناس دي ..
سامح..اهدى ياشاهين بيه احنا كنا بنراقبهم بس عشان نتأكد انهم مالهمش يد باللي بيحصل..
شاهين واتأكدت.
سامح ياريت تهدى عشان نعرف نتفاهم..
شاهين…
***********
خالد بحث عن شاهين كثيرا ولم يجده ولم يكن في المكتب ايضا. حتى اتاه اتصال من شاهين يطمئننه بأنه بخير وانه عائد للمنزل ..
وبالفعل عاد شاهين للمنزل..
بحث عن فجر في المنزل ثم صعد الى غرفتهم ليجدها ترتب الغرفه ولم تلاحظه شعرت بأحتضانه لها من الخلف وظنت بانه هاشم لتدفعه بقوه وغضب ..واستدارت لتجده شاهين
شاهين بشك في ايه..
فجر بتوتر هااا… مفيش بس خضيتني… كنت فين كل الوقت ده…شغلتني عليك
شاهين اي وحشتك..
فجر شاهين انت كويس..
شاهين اه ياستى كويس ومش كل شويه تعيدي السؤال ده…
فجر اني بس عشان باللي كان مشغول عليك بس..
متشغليش بالكك .هااا مقولتيش دخلتي بالشهر الكام..وامتى هيشرف ابننا..
فجر بسعاده دخلت السادس انت اول مره تسأل عنه..
شاهين يعني فضل تلات شهور ويشرف الدنيا حليم باشا..
اي ده انت هتسميه حليم..
اه..حلووو مش كده
هو حلو …لكن …اشمعني
كده خطرلي الاسم ده..الا لو حابه تسميه اسم تاني..
لا براحتك.
ليقترب منها بانجذاب راحتي هي راحتك..
فجر بتوتر من قربه ششاهين..
شاهين عيون شاهين..
فجر اني اني لازم انزل..
شاهين تنزلي فين دنتي وحشاني قوووي ليجذبها اليه ووووو
**************
في اليوم التالي
فجر بضيق يعني اي هتسافر ..
كلها كم يوم وراجع ..
فجر خدني معاك ياشاهين مش هتحمل غيابك..
مينفعش انتي حامل واني رايح شغل..ومش هكون فاضي
لكن..
مالكنش ويلاا اجهزي..
اجهز ليه
حضري حاجتك عشان هوديكي بيت اهلك ..
ليه…
انتي مش ملاحظه انك بتسألي كتيير..مش عايزك تفضلي هنا لوحدك..
فجر حاضر لكن متتاخرش ..
ان شاء الله..
مضي شهر كامل وفجر مازالت بمنزل والدها وشاهين لم يعد ولم يتصل بها… حتى انه يجيب على اتصالااتها
لكنه ذات يوم علمت بانه. في منزل والدها واسرعت بسعاده لتجهز حاجياتها لكنها صدمت بانه اخذ امينه وغادر دون ان يسأل عنها حتى ووووو
***********
في اليوم التالي استيقظت من نومها لتجد نفسها بمكان غريب استدارت حولها لتشهق بصدمه ووووو
يتبع….
الفصل التالي :
=============ـ
رواية فجر الشاهين الحلقة التاسعة والعشرون
------------------------ـ
شاهين عارف ان الكل مستغرب وجدكم هنا وعايزين تعرفوا السبب..
هاشم بسخريه شكلك فكرنا طلاب ابتدائي مجمعنا كده ..عايز اي ياشاهين..
شاهين اولا عاوز القلوب تصفى وكل حد هنا ياخد حقه..
خالد مش فاهم..شاهين انت رجعت افتكرت وامتى حصل كل ده..
شاهين بابتسامه لو مكنتش فاكر كل حاجه مكنتش جمعتكم هنا النهارده..
خوله اخلص عايز ايه..
شاهين دايما.مستعجله يامرات عمي..
هاشم متتكلم عدل مع امي ..
شاهين بسخريه واني قولت حاجه دي حتى زي امي مش كده..والا اي
خوله …
نيره بطيبه في اي ياشاهين يابني اي الللي بيحصل..
شاهين في اني خلاص زهقت وعايز ارجع الحق لصحابه..
خالد مش فاهم انت تتكلم بالالغاز كده ليه..
شاهين جايلك بالكلام ياخالد عمي الله يرحمه كتب كل حاجه باسمي وهملكم عالحديده مش كده …
كان موصيني فيكم …
اني عارف عمي عمل كده ليه زي ماكلكم عارفين …ربنا يسامحه بقى..
لكني مش هرضى اكل حقكم ..
هو اه ولا مره عمي حن عليا انا او اختي الغلبانه دي اللي بقت خدامه عند مراته وبته..
امينه بحزن ياشاهين مش كده ياخوي..
خوله احنا ربيناكم احسن ربايه وكبرناكم..
شاهين اه بامارت ماعمي خلاني كبير العيله عشان ياخدوا التار مني …
وامينه الغلابنه اتحرمت من اقل حقوقها عشان تخدمك انتي وبتك اللي رفضتي تجوزيها عشان التار ..ورحتي جوزتيها لشخص عشان تبعديها عن المشاكل..وحطيتي اختي امينه مكانها
خاوله بارتباك نصيبها كده..
شاهين نصيبه برضو والا انتو الللي مخططين لكل ده..
خالد بحرج اللي فات مات ياود عمي..
شاهين اني كنت متأكد ياخالد انك الوحيد الراجل اللي في العيله دي عشان كده امنتك على بت الحج نعمان انت بتفكرني بابوي الله يرحمه زي طيبته وامانته وكنت زي قد الامانه حا٤ظت على زينه حتى وانا مش هنا..
عشان كده هسامحكم يامرات عمي لكن لازم تعرفي اني عارف كل حاجه عبله اللي يرحمها اللي كنتي بتحرضيها عليا وعلى امينه لحد مابقت هي وامينه يكرهوا بعض..
والا فجر اللى اديتي للحكيم فلوس عشان يفهمني انها حامل وانتي عارفه كويس اننا في الفتره دي مكناش مع بعض..
وتاني وتالت وحجات كتييرر قووووي لو هتكلم عنها مش هخصل..انما قصر الحديت اني كلمت المحامي..
وكل حاجه كتبها عمي باسمى هتتقسم بين خالد وهاشم واختهم..
واني وامينه هناخد حصت ابونا بس…وبعد كده مش عايز اعرفكم تاني..
خوله انت بجد هتعمل كده..
شاهين اني كنت ناوي على كده من زمان لكن الطمع كان عاميكم انتي وابنك..ومكنتوش شايفين اني مش عايز ده كله اني راجل عايز اعيش اني واختي وعيلتي مستوريني مش مهم الفلوس المهم الراحه وراحتي اننا نبعد عنكم..
هاشم ..
شاهين نظر نيره وانتي ياعمه حصتك مش ليه الحق بيها غيرك عايزه تفضلي هنا براحتك عايزه تجي معانا وده اللي بتمناه…قاطعه اتصال من رقم غريب.. ..ليجيب
…..شاهين باشا انت فين..الرواية بقلم روايات نوره عبد الرحمن
شاهين مين معايا
بضحكه ساخره لحقت تنسى صوتي مش كنا امبارح مع بعض وكنت مخطط عشان تسلمني للبوليس لكن ربك ستر وعرفت اهرب.
شاهين بجمود عمار…. عاوز ايه….
عمار مش انا اللي عاوز مراتك صدعتني عماله تصرخ من الصبح شاهين شاهين …شاهين
نهض بفزع مراتي مين..
عمار تؤ تؤ تؤ هي كم مره تجوزت ياشاهين باشا ..مش وحده بعتناها عند ربها هي وابنك والتانيه معانا كمان مع ابنك..تحب انها تحصل ضرتها..هي كمان
شاهبن مسح وجهه باختناق عايز اي ياعمار..
خالد في اي ياشاهين اي اللي بيحصل..
شاهين اسمعني كويس اقسم بباللله لو فجر او ابني حصلهم حاجه مش هتشوف الشمس تاني..
عمار اني مابتهددش ياشاهين باشا..
شاهين واني مش هتعرف تلوووي ذراعي..
هاشم بخوف فجر مالها..
لكزته والدته ليصمت..
عمار هتجيلي وتجبلي عشره مليون جنيه تعويض عن البضاعه اللي اتصادرت بسببك..
شاهين فجر فين عايز اسمع صوتها..
عمار مراتك بالحفظ والصون لحد الساعه عشره ..بعدها مش هتتخيل هيحصلها ايه
شاهين اللي انت عايزه هيكون لكن عايز اسمع صوتها ..
بضحكه واني قولت كده برضو شاهين مش هيخسر مراته وابنه تاني الوجع صعب قوووي لما يتعاش مراتين..
شاهين اغمض عينيه بغصه محاولا ان يهدئ سمعني صوتها..
ليأتيه صوت فجر ببكاء شششاهيين ااننت ففين..
شاهين متخفيش متخفيش يافجر اني هكون عندك لكن انتي متخفيش مماشي..
اخذ السماعة منها ليسمع صراخها وبكائها ممتتااخرش ياشاهين اني خايفه خايفه قوووي..
غادر شاهين المنزل بسرعه وتبعه هاشم على يمينه وخالد على يساره..رفض اخذهما معه لكنهما أصرا..
كان تأئها لا يعلم مالذي يفعله اتصال على سامح
شاهين بانفعال هي دي اخرت اللي يثق فيكم .
سامح في اي..
شاهين في ان عمار هرب منكم ووواخد مرراتي رهينه معاه..
سامح بتوتر هو خطف مرتتك ازاي
شاهين والله لو مراتي وابني جرالهم حاجه هتندمك ياسامح اني وثقت بيك وامنتلك..مش انتو الحكومه اني عايز مراتي سليمه..دلوقتي
ليأتيهم صوت اني عارف هي فين..
شاهين بصدمه..
خالد..
سامح
رواية فجر الشاهين .................بقلم نورة عبدالرحمن
================ـ
الحلقة الثلاثون و الحادية و الثلاثون (الأخيرة )
_____________________________ـ
رواية فجر الشاهين الحلقة الثلاثون
-------------------ـ
هاشم اني عارف مكان عمار..
شاهين اوقف السياره واغلق الهاتف بوجهه سامح واستدار اليه بصدمه..
خالد بصدمه انت بتقول ايه..
شاهين امسكه من قميصه مراتي فين يا****لدراجادي طلعت ندل…
هاشم ابعد يده بضيق مكنتش اعرف انه هيخطف فجر اني كنت متفق معاه على شغ..ليصمت بعد ان ضربة شاهبن برأسه ليشعر بالدوار وينزف فمه ..
خالد.بانفعال مش كده ياشاهين ..مش كده
شاهين مراتي فين يا***..فجر فين..اقسم بالله لانسى انك ابن عمي..
هاشم مسح الدماء من جانب شفتيه معرفش فجر فين اني اعرف عمار فين لكن مش متأكد ان فجر معاه هناك..
شاهين طلعت واحد **** ازاي تقبل على نفسك حريم العيله تتخطف ياعرة الراجاله
خالد بهدوء محاولا تدارك الامر ممكن تهدى ياشاهين عشان نفكر هنعمل اي..
هاشم…
شاهين رمى عليه الهاتف وقال بحده اتصل بي
هاشم ….
************
كان عمار يدور حول فجر التي انكمشت على نفسها بخوف من نظراته والله وعرفت ازاي الوي دراعك ياشاهين ياجبالي واجيبك لحد عندي..
فجر بدموع هملني ومش هخلي شاهين يعملك حاجه..
ضحكة ساخره ملئتة ارجاء المكان وهو جوزك يعرف يعملي حاجه اصلا ..
فجر. اغمضت عينيها بخوف من قربه اليها ليهمس تعرفي مكنتش عارف انك كيف القمر كده مد يده على وجهها لتضرب يده بعنف وتبتعد عنه .. خاطفني عاوز فلوس والفلوس هتجيليلك يبقى متحاولش تقرب مني….
ليقاطعه رنين هاتفه ..
نظر الى الهاتف بابتسامه لينظر اليها راجعلك كلامنا مخلصش لسه..
ابتعد واجاب على الهاتف
عمار ايوه ياهاشم ..
هاشم خطفت مرت شاهين ليه مش ده كان اتفاقنا
عمار ومكنش اتفاقنا يغدر بيا ويسلمني للبوليس..
هاشم اني مكنتش عارف بالحكايه دي..
عمار عارف عشان كده حسابي مع شاهين..
هاشم شاهين مش عارف اننا بنشتغل مع بعض..
عمار عايز اي ياهاشم..
مرات شاهين فين..
لما ابن عمك يجيبلي فلوسي هبقى اقولك هي فين..سلام دلوقتي مش فاضي..
عمار ياعمار…
اغلق الهاتف ونظر الى فجر واضح الكل مهتم بيكي اممممم ممكن ازود الفلوس دي فرصه متتكررش على فكره..
فضلت فجر الصمت ..لكنه اقترب منها شكلك مش مرتاحه وحاسس انك بدأتي تزهقي اي رأيك نتبسط شويه لحد ماجوزك يتصل..ويجهز الفلوس..
ابتعدت فجر عنه لو حاولت تقرب مني صدقني هتندم..
اممممم يعني هيحصل اي يعني هجرب وهشوفك هتعملي اي ليمد يده لكن يد شاهين اوقفته … وبثانيه كانت رجال الشرطه تحيط المكان..
وشاهين انهال عليه بالضرب ..
هاشم عيناه تراقبان فجر بقلق اسرع خالد اليها ونزع معطفه ووضعه عليها انتي بخير..
اني اني بخير ششاهين شوف ششاهين ياهالد
كان عمار يبادله الضربات حاول رجال الشرطه ايقافهما لكن عمار استطاع اخراج مسدسه ورفعه على شاهين الذي ارتسمت ابتسامه على شفتيه وبثانيه نزع سلاح سامح من يده واطلق على عمار عدة طلقات رمته صريعا غارقا بدمائه…
سامح عملت ايه ياشاهين..
ادرا السلاح رفعه بوجه سامح وسلمه له دفاع عن النفس ياباشا..
ابتسم خالد وهو يعلم بأن شاهين منذ قدومه الى هنا ومعرفتة بان عمار هو السبب بموت عبله وابنه اراد قتله باي وسييله واتته الفرصه ولن يدعها..تمر هكذا
اتجه الى فجر التى احتضنته..انتي كويسه..
هزت رأسها بايجاب..
*************
في اليوم التالي
كانت تستند على صدره العاري كده برضوا متفرحنيش ياشاهين انك رجعت افتكرت
شاهين ابعد خصلات شعرها وطبع قبلة سريعه على عنقها سيبك من العتاب انتي وحشاني قوي..
فجر بدلال ابعد عني ياشاهين اني زعلانه بجد هو اني مش مراتك..
شاهين وهو يعتليها مراتي وام ابني وكل حياتي..
فحر بغصه وحبيبتك..والا انت مش بتحبني ياشاهين..
ابتعد عنها وهو ينظر اليها مين قالك اني مش بحبك..
محدش اني حاسه بكده..
لا احساسك غلط اني بحبك وبموت فيك مش انتي مراتي..
فجر ايو..قاطعهم طرقات على الباب وكان خالد ..
خالد شاهين عايزك..
نهض شاهين بضيق وهو يلتقط ثيابه.. ويهمس اهو اليوم ده باين انه مش هيعدي..على خير…
ليقول جاي ياخالد ثواني بس وهحصلك..
لاحظ شاهين نظرات فجر الحزينه لينحني ويقبل جانب شفتيها ثواني وهرجع مش عايزك تزعلي ماشي ياروحي..
نهضت هي ايضا اني هنزل عند عمتي نيره كمان..
شاهين فجر اني …
فجر بتهرب مش مهم ياشاهين اني كنت بفضفض بس…لتاخذ ثيابها وتدخل الحمام تهرب من نظرته..
تنهد شاهين ونزل عند خالد..
خالد اي اللي سمعته ده ياشاهين..
شاهين اي ..
عاوز تمشي وتسيب البلد.
شاهين وفيها اي دي انت واخوك بقيتو رجاله وحكاية التار اتحلت عايزين من شاهين اي تاني
خالد شاهين انت لسه شايل مننا..
واشيل منكم ليه وانتوا اخواتي لكن اني عاوز ارتاح..
وفجر..
فجر مالها..
لسه عاوز تسيبها زي ماقولت زمان..
شاهين فجر مراتي وام ابني..
خالد يعني هتاخدها معاك ..
زمان لما قلتلك هسيبها كنت ناوي اخد عبله وسيف واهرب بيهم من هنا ممكنتش عاوز اخد حد يفكرني بالبلد عشان كده قلتلك ههملها هنا..
خالد ودلوقتي
ليصدم بصوتها المختنق ودلوقتي اني مش هروح معاك ياشاهين وهرجع بيت ابوي..وهتطلقني
شاهين …
خالد……
يتبع….
الفصل التالي :
=============ـ
رواية فجر الشاهين الحلقة الحادية والثلاثون ( الأخيرة )
----------------ـ
اسرعت فجر الى غرفتها دون ان تنتظر رد شاهبن..
نفخ شاهين بغيظ وهو ينظر الى خالد بعتاب..
خالد مكنش قصدي والله.
شاهيين بضيق بعد اي ياخالد بعد ماخربتها…ليتبعها بسرعه…
لكنه صدم بصراخها وقد سقطت من الدرج…
اسرع اليها بقلق ونقلها الى المستشفى ..
مضى وقت طويل وشاهين على اعصابه وهاشم سيطر عليه التوتر والقلق..
خرجت الطبيبه وهي منهكه..
ليسرع اليها الجميع..
الطبيبه مبروك ياشاهين بيه ولد زي القمر..
شاهين وفجر فجر عامله ايه..
الطبيبه بابتسامه الحمدلله بخير ووالوقعه ماثرتش عليها قوي لكن لازم تفضل هنا عشر ايام والطفل كمان لازم يفضل بالحاضنه اسبوع لحد مانتطمن عليه..
شاهين اقدر اشوفها..
الطبيبة ننقلها اوضتها وبعدها هتشوفها برحتك..بعد اذنكم ..
شاهين الحمد الله يارب اىحمدلله..
تنفس هاشم باريحيه..
مر الاسبوع بمحاولات شاهين الاهتمام بفجر وجعلها تنسى ماحدث لكنها لم تتنازل هذه المره…
رفضت العوده الى منزل شاهين واصرت الى الرجوع لمنزل عائلتها ..وكانت تحمل طفلها بتعب..
شاهين اطلعي انا هوصلك بعربيتي
تجاهلته فجر ونظرت لسليم يلااا ياسليم خلينا نمشي
سليم ماشي ياحبيبتي ..
مسك شاهين ايدها منعها تطلع العربيه.
فجر هملني انتي اي مبتحسش..
اغمض عينيه محاولا ان يهدئ اطلعي العربيه معايا..
خالد امسك يد شاهين مش كده..
شاهين بحده جعلتها تنتفض مالكش صالح..وانتي طلعي العربيه..
سليم اي ياشاهين كانك مش شايفني قدامك ..
شاهين مسح وجهه بضيق فجر مراتي … متنساش ده..
سليم بحده وانا اخوها
شاهين فجر هتطلع معايا.
سليم بتجاهل اطلعي يافجر وعاوز اشوف مين هيمنعك..
طلعت فجر جمب سليم..
حاول شاهين يوقفها لكن خالد منعه وهمس مش كده ياشاهين الامور متجيش بالعند..
شاهين فجر مش هتتحرك من هنا.
خالد اوعدك كل حاجه هتتحل هملها انت تروح مع سليم لحد ماتهدى
وفعلا وقف شاهين يراقب العربيه وهي تبعد عنه وفجر بصت لعينيه وبعدها استدارت بتجاهل.
نظر شاهين الى خالد بغيظ زي ماخربتها هتحلها ياخالد والا اقسم بالله هندمك..
خالد بضحك واهون عليك ياابن عمي..
شاهين بتحذير خالد ليك مزاج تهزر كمان..
خالد اول مره اشوفك كده بصراحه واضح انك وقعت ومحدش سمى عليك..
شاهين بضيق وقعت ده اي دي مرتتي يااهبل….امشي قدامي خلينا نشوف حل لأم للمشكله دي..
كان هاشم يراقب مايحدث بصمت لم يتفوه بكلمه واحده لا يعلم لما يشعر بغصه داخله كلما رأى الحب بعيني فجر لشاهين هل شاهين يستحقها…ويستحق حبها له..قطع شروده خالد هتفضل واقف كده كتيرر..
هاشم هاااا لا منا جاي معاكم..
********
في صباح اليوم التالي..
اقتربت منه وكان غارقا بالنوم حركت يدها على ذقنه الكثيفه…اقتربت منه بهدوء وطبعت قبلة بجانب شفتيه وبلحظه كان يعتليها..
امينه بتوتر وحرج انت صحيت..
سليم اي الصباح الجامد ده..
امينه بخجل ابعدته عنها وارادت المغادره لكنه اوقفها ممسكا يدها على فين ..ده حتى انتي اللي بدأتي..
امينه بحرج اوعى كده ياسليم وهملني..
لكنه جذبها اليه ودفن وجهه بعنقها بهيام …بحبك..
امينه استسلمت للمساته لكنها تذكرت شيء مااا لتهمس بتوهان..سسليم..
سليم همممممم
امينه ابعد شويه عايز اقولك…لكنه لم يستمع لها ووووووو..
***************
خالد ياصباح الفل والياسمين زينه هانم عامله ايه .
فركت زينه عينيها بنعاس انت رجعت امتى استنيت امبارح كتيرر ..
خطف قبلة سريعه من خدها معلش اتأخرت كان عندي شغل مهم مع شاهين…
زينه شغل ايه
خالد واضح ان بقى عندنا فضول والعاده دي وحشه قوووي بطليها ياروحي..
زينه بتذمر هو انا كل مابسألك عن حاجه تقطمني..
خالد اقطمك وانا اقدر طب تعالي انا محضرلك فطار يستاهل بقك..
زينه بحماس بجد.انت اللي محضر اىفطار بنفسك..
احم..يعني بصراحه .
زينه اه منا عارفه انك مش هتعرف لوحدك
خالد بسرعه لكن انا ساعدت امك بالفطار حتى لما ترجع اسأليها..
زينه ليه ماما فين..
خالد بغمزه نزلت تزور صاحبتها والبيت فضي علينا..
زينه اللي يسمعك يقول امي قاعده على قلبك ..
وانا قلت كده برضه دي ام اىغاليه مكانها بقلبي..
بدلال لا قلبك.ده ليا انا بس
منا عارف ياروحي مش هعرف ارضيك بحاجه..
بضحك انا دايما راضيه عنك..
يعني بتحبيني..
زينه هزت رأسها بخجل ..
خالد بحبك وانت مكسوف بتبقى اجمل بكتييرر..
زينه بتذمر انا دايما حلووه..
دنتي القمر بحد ذاته يغير منك..ليجذبها اليه وياخذها بقبلة طويله وووو
***************
كان مستني انها تصحى على احر من الجمر يحرك رجله بتوتر وارتباك لحد.مافتحت عنيها بتعب…
فجر بصت حوليها هي مش بؤضتها قامت بسرعه وشافته بيقرب منها واخيرا صحيتي..
فجر اي اللي جابني هنا..
شاهين انا..
فجر انت ازاي جبتني هنا.
شاهين مش مهم..المهم اننا لازم نتكلم وافهمك اللي حصل
فجر بدموع تفهمني اي ..تفهمني انك كنت شايفني لعبه بايدك تحركني زي مانتا عاوز ..اخلفلك الولد وترميني زي زي اي حاجه استعملتها ورميتها..
شاهين اي الكلام ده انا عمري مااعتبرتك كده..متنسيش انت كنتي رافضه الجوازه دي من الاول..
فجربدموع وقهر عشان مكنتش بعرفك ولا كنت بحبك..
شاهين وانا كمان لما قلت الكلام ده لخالد مكنتش بحيك..
فجر باختناق انت لحد.دلوقتي مش بتحيني
مين اللي قالك كده انا بحبك..
فجر بانفعال كدب عمري ماحسيتك بتحبني ..وعمري ماسمعتك تقولها كنت بتمنى اشوف نظرات الحب بعنيك لكن مكنتش موحوده كنت بوهم روحي انك راجل مالكش بالحجات دي واسكت لكن بعد اللي عرفته انا اتوجعت… قلبي وجعني قويي بسببك ياشاهين عاوز مني ايه تاني مش خلفتلك الولد اللي هيخلصك.من التار عايز مني اي طلقني يااخي طلقني وريحني..
اقترب منها وامسك يديها ..
صدقيني مكنتش فاهم انا بقول ايه كنت ضايع اني بعدتك عن المشاكل عشان ماتتعبيش معايا لو انت شفتي ربع الحجات اللي شفتها كنتي عذرتني..
اي الحاجه اللي تخليك تتخلى عني وعن ابنك اي ياشاهين وكنت هترمين..
شاهين انت كنتي رافضه الجواز واتفاقنا من الاول ان جوزنا عشان التار وبس..لكن بعد كده انا حبيتك ..حبيتك بجد في حاجه كانت بتشدني ليكي بالرغم من مقاومتي للمشاعر دي لكني ضعفت قدامها..
ايووا انا بعترف اني اتهزمت قدام حبك ..وحبيتك يافجر ..بلاش عند.وخلينا نعيش بسلام ومنضيعش الحب اللي مابينا خلينا نربي ابننا كويس بعيد عن اىكره والتعب ده مش عايز ابني يعيش اللي عشته انا تعبت يافجر تعبت قوووي لحد ماوصلت للي وصلتله ده..
انتي مش عارفه انا عانيت قد ايه عشان اوصل للمرحله دي..
فجر بدموع انت كسرتني ياشاهين وكسرت ثقتي فيك..
شاهين فرصه وحده بس ..اديني فرصه وحده ..افتكريلي حاجه كويسه عملتها معاكي وادني الفرصه دي..
فجر زادت شهقاتها ليحتضن وجهها بكفيه ومسح دموعها ليقول باختناق..انتي وابننا عوض ربنا ليا …بلااش تحرميني من النعمه دي ..
افتكري اني كنت دايما جمبك ولا مره خذلتك..عارف اني جرحتك قوووي لكن صدقيني مكنتش عارف اني بحبك كده كنت بحكم عقلي قبل قلبي..عشان كده قررت اني اسيبك..انما دلوقتي مش هعرف اعيش من غيرك ..انا بحبك وبحبك قوي..
نبضات قلبها زادت هل حقا هو اعترف بانه يحبه لها…
هل ماتسمعه حقيقه وضع جبينه على خاصتها ليهمس لها فرصه عشان نعيش الحب صح بعيد عن كل حاجه وحشه هاخدك وابعدك عن الناس دي …نربي ولادنا صح بعيد عن الحياة الوحشه اللي عشناها
فجر….
شاهين ابتعد ونظر الى عينيها والله بحبك..
فجر..
انحنى وقبل دموعها بلاش تبكي كفايه..توجعي قلبي عليكي
فجر …
لينزل ويقبل شفتيها قبلة بشوق ليتجرا اكثر واكثر حتى ابعدته عنها انتي وحشاني قوي .
فجر ابعدته لكنه جذبها اليه اكثر وبهمس بقولك وحشاني ..
فجر انا تعبانه ابعد ياشاهين ..
شاهين بغمزه يعني لما تخفي هنتفاهم…
ادارت وجهها عنه..
ليعيد ويدير وجهها اليه اظن البوسه مش هتضر بحاجه وقبل ان تعترض اخذها بقبلة طويله ليعلمها كم اشتاق اليها وكم يحبها..وبصعوبه حتى استطاعت ابعاده عنه..
************
خرجت من الحمام تجفف شعرها امام المرأه قبل سليم عنقها حبيبتي شفتي فجر..
امينه بارتباك وتهرب سليم انا حامل.
سليم بفرحه بجد ..
امينه بابتسامه اه في شهريني وده اللي كنت عاوزه اقولهولك..
بسعاده طب انا هروح افرح امي وابوي.
امينه عمي وخالتي عارفين ..
سليم بضيق وانا اخر من يعلم ..
أحاطت خصره بذراعيها وسندت رأسها على صدره عمي هو اللي وداني عند.الحكيم لما تعبت امبارح وانت مكنتش هنا..
ابعدها واحضتن وجهها حقك عليا انا كنت خايف على فجر..اه صحيح افتكرت فجر هروح افرحها.
امينه فجر مش هنا..
اي راحت فين .
بارتباك وابتعدت عنه..بصراحه انا ساعدت شاهين عشان ياخدها معاه المزرعه..
سليم بحده ايه ازاي تعملي كده من غير علمي..
بضيق ياحبيبي هو جوزها وعاوز يصالحها وانت مش سايبله مجال يتكلم معاها..
ولو مينفعش تتصرفي من نفوخك كده والا مش شايفه رجل قدامك.
امينه بضيق انا اسفه لكن قلت.
متقوليش انتي متقوليش انا هروح اشوفها…
ليغادر المكان بغضب. وفور وصوله المزرعه وجدها تتحدث مع شاهين وتحمل صغيرها ويضحكان بسعاده..
عندما لاحظ اندماجهم مع بعضهما حتى انهم لم يلاحظوا وجوده عاد الى المنزل براحه..
**********
خوله ببكاء ليه يابني ليه تسافر وتهملني هنا لوحدي..
هاشم بغصه مش هعرف اعيش هنا يمه انا طول عمري عايش برااا وهكمل حياتي هناك..
خوله لكن انت هتوحشني ياهاشم البيت مفيهوش روح من غيرك..
هاشم باختناق قبل يدها خدي باللك من روحك يمه وحاولي تصلحي علاقتك بخالد ومرته خالد بيحبك ومرته طيبه
ببكاء هتوحشني ياهاشم هتوحشني يابني…ابقى زورني ياننيي عين امك..
قبل رأسها وغادر تاركا قلبه هنا مع فجر التي سلبت قبله منه لكنه لن يفتعل اى مشاكل لشاهين مرة اخرى فقد فعل شاهين كل شيء ليحيمه هو واخيه وضحى باشياء كثيره في سبيل ذلك… لذلك اقل مايمكن فعله هو التخلي عن حبه للأبد…..
***********
سليم بمزاح اللي مخاصمني ومش راضي يكلمني..
امينه ابتعدت عنه بضيق لكنه جذبها واحتضنها من الخلف وهو يتحسس بطنها على فكره ابننا هيزعل منك لو فضلتي مكشره كده..
امينه ابتسمت لكنه حاولت اخفائها ..
سليم دفن وجهه بشعرها بقولك ايه الزعل مش لايق عليكي ابدا ا
امينه هملني ياسليم..اني مش فاضيه وعندي شغل..
ليديرها اليه وشغلك.ده اهم مني..
امينه..
سليم طب والله اني استاهل هو في حد.يبقى متجوز القمر ده ويزعله طب حقك عليا
اي ده دي ضحكتك تجنن وريني كده ليرفع ذقنها ويقبلها وووو
*************
كان الطفل نائما وشاهين يراقبه بحب..لتدخل فجر عليه..
شاهين ده ابني طلع شبهك يافجر شايفه انا بحبك قد ايه حتى ابننا شبهك..
فجر بابتسامه لا والله بجد ده لسه صغير منين جبت انه شبهي
شاهين اقترب منها واحاط خصرها وهو يبعد خصلات شعرها عن وجهها انتي لو تركزي بملامحه كويس نفس عنيكي الجميله ليقبل عينيها..
ونفس خدودك اللي بتتاكل اكل..ليقبل وجنتيها
ونفس شفايفك ليقبلها قبلة طويلة ويبتعد عنها وهو ياخذ انفاسه بسرعه..كل ده ومش شبهك..
انزلت نظرها بخجل..
شاهين بضيق بقولك ايه انتي هتخلصي من ام الحكايه دي امتى..
نظرت اليه بتساىل..
شاهين منتي وحشاني ومش عارف اخد راحتي..
فجر بضحك اربعين.يوم.
بصدمه اربعين ايه..دنتي مكنتيش مفتريه كده جرالك ايه..
فجر والله دي العادة..
ابتعد عنها بضيق يارب صبرني ..صبرني يارب..
فجر ابتعدت عنه وذهبت لطفلها بضحك وانا مالي مش انت سألت..
طب تعالي هنا هتحرميني من ال*بوس كمان ليقبلها وووو ...............
((((((((((( تمت بحمد الله )))))))))))
تعليقات
إرسال تعليق