رواية خادمة قلبي الفصل الخامس والسادس والسابع والتامن بقلم زهره عصام حصريه وجديده على مدونة النجم المتوهج للروايات والمعلومات
 |
رواية خادمة قلبي الفصل الخامس والسادس والسابع والتامن بقلم زهره عصام حصريه وجديده على مدونة النجم المتوهج للروايات والمعلومات
البارت الخامس
وليد بز..عيق : ايه اللي انتي بتقوليه دا هو مين اللي شغال عند التاني
ملك : التعاون يا اخ كنافة بالمنجة التعاون معلش يخويا من هنا ورايح كله هيشتغل و بصت لـ مالك و قالت: طبعاً الكلام مش موجه ليك و وقفت و حطت اديها في وسطها و قالت: في أروبا و الدول المتقدمة كله بيخدم نفسه
وليد : بت متعصبنيش اصحي كدا و فوقي لنفسك انتي مجرد خدامة هنا
مالك كان لسه هيتكلم لكن ملك سبقته كالعادة و قالت: شششش مسمهاش خدامة يا جاهل إسمها هاوس كليبر
حازم : هاوس ايه
ملك بغرور: انت متعرفش انجلش وإلا ايه يا سعادة البيه كريم شانتيه انت كدا محتاج كورس وانا اللي هتديهولك انا شاطره أوي فيه هو و التركي
وليد بعناد : مش تركي يا انثى البغبغاء انتي
ملك : اللهم اخذيك يا شوشو بلاش تطلع دلوقتي عيل و غلط مش قصده يغلط في التركي بتاعي عيل و غلط
وليد كان ماشي نحيتها و هو بيقول: هو مين دا اللي عيل دا إنتي عاوزه تتربي بقي و انا اللي هربيكي
مالك مسكه و وليد بيعافر عشان يروح عنها
ملك : امسكه اوعي تسيبه يا سعادة البيه الحليوة و هو عامل زي الاندر تيكر كدا
مالك مش عارف يضحك وإلا يحوش عنها
وليد : سبني يا مالك سبني لحسن دي خلاص جابت اخرها معايا بت احسنلك امشي من البيت دا ملكيش أكل عيش هنا
ملك : ليه يخويا كنت بتاكلني من جيبك انا بأكل من جيب سعادة البيه الحليوة إنما انت يا سعادة البيه كنافة بالمنجة ملكش لازمه أصلاً قالتها و هي بنتفخ في ضوافرها
وليد بيحاول يفك نفسه من. مالك و هو بيقول: سبوني عليها و الله لامو*تها في ايدي اوعي يا مالك
ملك : تقـ'ـتل مين يا عنيا أنت فاكرها سايبة وإلا ايه لا اصحي دا أنا جميلة و الأجر على الله
مالك : ما تتهدوا بقي انا فرهدت
حازم : معلش يا جميلة امسحيها فيا أنا المره دي و ليكي عليا يا ستي هشيل انا الأطباق كلها
ملك : والله ما تحصل يا سعادة البيه كريم شانتيه بس تصدق بالله يا شيخ إنك أحلي واحد في القاعدة دي حتي من أبو قردان اللي واقف دا أي رايك اجوزك البت اشجان صحبتي
حازم بصدمة: ها اشجان
وليد باستفسار: هي قصدها أبو قردان دا أنا صح
مالك هز رأسه ببرود و وليد اتجنن على الأخر: هو مين دا اللي أبو قردان يا بت دا انتي صورصار افعصك برجلي
ملك اتجننت من الكلمة و راحت مسكت في خناق و ليد و مالك بقي واقف في النص حايش وليد عن ملك بالعافية
ملك : تفعص مين يا عنيا سمعني كدا لا دا انت متعرفنيش و حظك إن جناني يطلع عليك مرتين و ضربته بالشلو'ط في ظهره
وليد مسكها من شعرها
ملك : سيب شعري يا سعادة البيه كنافة بالمنجة إحنا متفقناش على كدا
وليد و هو بيشد شعرها جامد: أنا مش ماسك شعرك أصلا انا بعدل الدش الإشارة مضببه
حازم بيحاول يخلص شعر ملك من وليد و غصب عنه شده
ملك : اااه كدا يا سعادة البيه كريم شانتيه طيب و قامت عضتوه
حازم : ااااه في أي يا جميلة إن حق عليا بحوش عندك
ملك : تسلم يا سعادة البيه كريم شانتيه هو تور هايج مسك في شعري هيخلعة في ايده
الوضع كالآتي مالك بيحاول يبعد وليد و وليد ماسك شعر ملك مش راضي يسيبه و حازم بيحاول يسلك شعرها من ايد وليد
ملك في نفسها : صبرك عليا يا وليد الكلب و ربنا لاوريك بصت على رجله و ضحكت في خبث و قالت: حلوه الفخده طرية برضوا و راحت عضته
وليد و هو بيرميها: اااااه يا يا حيو*انة سيبي اه يا بنت الـ***
ملك أول ما سمعته قال كدا عنيها دمعت حست يالاهانه و قفت و قالت: بعد اذنكم
وليد : في ألف داهية تاخدك
ملك دخلت الاوضة بتاعتها و سمحت لعيونها تنزل دموعها وقفت قدام المراية و ظبطت المكياج و خرجت الشنطة اللي جابتها معاها
رواية خادمة قلبي الفصل الخامس والسادس والسابع بقلم زهره عصام حصريه وجديده على مدونة النجم المتوهج للروايات والمعلومات
مالك ضر'ب وليد بوكس و قاله: من امتي بنغلط في الناس يا استاذ يا محترم لا و بتشتم كمان شتيمة و'سخة زيك
اتفضل صلح اللي عملته دا يا غبـ'ـي انا اللي مديها الصلاحية تعمل اللي هي عاوزاه
حازم سألهم و راح على اوضه ملك خبط عليها و قال: افتحي يا جميلة أنا الكريم شانتيه انا آسف بالنيابة عن وليد لكن متناميش زعلانه عشان خاطري افتحي الباب
ملك ضحكت من جوه و قالت في نفسها: أطيب واحد فيهم انت يا حازم والله لكني معتش ليا قاعدة معاكم و مسكت شنطتها و فتحت الباب و بصت لحازم و قالت: مع السلامه انت إنسان جميل أوي لكن ناقصك إنك تلاقي حد يحتويك يمكن لو كنا اتقابلنا في ظروف أحسن من كدا كنت دليتك عليها
حازم: اوعي تقولي أشجان
ملك ضحكت و قالت: متقلقش مش هي يلا بقي سلام
حازم : هتروحي في الجو ليل
ملك بجدية : مش مهم و شالت الشنطه و خارجة متجه لباب الشقة
مالك بصرامة: جميلة اقفي عندك
ملك و هي بصه في الأرض: نعم يا سعادة البيه
مالك : راحة فين في الوقت دا ؟
اتفضلي ادخلي جوه
ملك : انا آسفة مش هقدر أقعد في مكان اتهانت فيه بعد اذنك همشي أرض الله واسعة و تساعي من الحبايب ألف
و لسه هتمشي حازم لحقها و قال: عشان خاطري متمشيش البيت دي الضحكة رجعتله من ساعة ما دخلتيه اينعم معداش يوم عدل لكن غيرتي فيه كتير
مالك بصلهم كلهم و قال بحزم : جميلة مش هتمشي من هنا و كل اللي هي عاوزاه هيحصل و أنا اهو بقولك قدامهم البيت دا بيتك زيهم بالظبط و ليكي صلاحية انك تعملي اللي انتي عاوزاه مرضية كدا يا ستي
وليد: مالك انت بتقول ايه
ملك : مش عاوزيني امشي
حازم: لا
ملك : ارشوني و بصت ليهم بنص عين
حازم : عاوزه ايه ؟
ملك بانشكاح: باسورد الواي فاي و اندومي بقي
حازم بصدمة: باسورد الواي فاي و اندومي كل دي معلوماتك عن المصالحة دا انتي طلعتي هبله أوي
ملك : عندك مسمحاكش يا سعادة البيه كريم شانتيه انت مش عارف دي حاجة قيمة قد إيه و بصت لوليد بخبث آخر طلب بقي
مالك بابتسامة: قولي و هيتنفذ فوراً
ملك : سعادة البيه كنافة بالمنجة يلم الأطباق كلها و يغسلها كمان
وليد بصدمة: لا مستحيل دا يحصل علي جثتي سامعين و كمل في نفسه اه يا بنت الكلـ"ـب بتنتقمي مني
بعد شويه
وليد واقف في المطبخ و لابس مريلة و بيغسل الأطباق و بيبرطم
حازم جه على باب الطبخ و شغل أغنية يا دنيا طفيتي شمعتي
وليد بصله بغيظ و اتكي على سنانه و مسك كوباية بلاستك و حدفها على حازم
حازم بسخرية: مقدرتش على الحمار بتتشتطر على العبد الله يا سعادة البيه كنافة بالمنجة و ضحك و سابة و مشي
وليد : صبرك عليا يا سيد قشطه والله لهطلعة عليكي صبرك عليا
خادمة قلبي ٦
بقلم زهرة عصام
تاني يوم ملك قررت انها تنتقم من وليد و نفذت اللي في دماغها
ملك : يلا هي مو*ته و السلام
و دخلت على حازم الاوضة
ملك : يا سعادة البيه كريم شانتيه اصحي يا اخويا النهارده الجمعة
حازم : هشش عاوز أنام يا مالك
ملك بصدمة مضحكة: مالك مين انت شايفني بشنبات قدامك جت جمب ودنه و صر*خت : سعادة البيه كريم شانتيه
حازم اتفرع و قام قعد على السرير و هو بيقول: زلزال زلزال يا مالك
ملك بابتسامة و هدوء : صباح الخير يا سعادة البيه كريم شانتيه
حازم بعد ما استوعب اللي حصل بصلها و قال: انتي بتعملي ايه هنا يا جميلة
ملك : النهارده الجمعة يا سعادة البيه كريم شانتيه يعني غسيل كنيس شقلباظ هيتعمل النهارده في البيت و انا الصراحة عاوزه منك طلب دا غير انك هتساعدني طبعاً في شغل البيت
حازم: مين دا اللي هيساعدك في شغل البيت
ملك بحزم : انت طبعا و مش انت و بس دا كله هيشتغل المهم
و قالته على اللي هي عاوزاه
حازم: انتي كدا شنيتي الحرب على وليد و مش هيسكت على فكرة
ملك بلا مبالاة مش مهم المهم اننا ننبسط و ننجز شغل
حازم : يلا انا أصلا مبقوق منه هنبدا امتي يا كبيرة
ملك : دلوقتي حالا عبال ما اعمل نيولوك التنضيف
حازم : لا هو التنضيف بقي له نيولوك
ملك : طبعاً خلص بس انت على ما أجهز الحاجة بره
حازم بزهق : طيب
ملك خرجت جهزت نفسها فدخلت الجلبية الرجالي في بنطلون بجامة شبابي لبساه تحت الهدوم و ربطت شعرها باشارب
مسكت طشط كبير و حطته في وسط الصالة و خلته قريب شوية من اوضه وليد و حطت الهدوم جنبها
رواية خادمة قلبي الفصل الخامس والسادس والسابع بقلم زهره عصام حصريه وجديده على مدونة النجم المتوهج للروايات والمعلومات
حولت ماية للطشط و حطت مسحوق و بصت لحازم اللي لسه خارج و اتصدم من منظرها قالتله جاهز
حازم بصدمة ايه اللي انتي عملاه في نفسك دا
ملك بانشكاح: عجبك النيولوك بتاعي
حازم : ها اه طبعاً طبعاً
ملك : طب يلا
حازم كان لابس تيشيرت نص كوم و شورت لحد الركبة جاب الصب و حطه جنبهم و علاه على الأخر و قال : استرها يا رب
ملك :ا شتغل و متخلكش جبان
حازم شغل الصب و الصوت بقي عالي أوي و قعد قصاد ملك يغسل معاها
الأول جرجرتك، من خيبتك خدرتك
الأول جرجرتك، من خيبتك
الأول جرجرتك، من خيبتك خدرتك
وبقيت تعرف تكدب، وبتلعب على جارتك
وبقيت تلعب بوكر وبتشرب چون ووكر
بقيت تلعب بوكر وبتشرب
وبتشرب چون ووكر، وبتشرب چون ووكر
بقيت تلعب بوكر، وبتشرب
وليد كان نايم و سمع صوت الأغاني حط المخده على ودانه بنوم بس برضوا الصوت واصل ليه
وليد فوق و قال:والله العظيم ما هسيبك النهارده
ملك كانت بتغسل الهدوم في الطشط و بتغني و متكيفة أوي و بترقص بكتافها شوية
حازم كان بيقلدها بس خايف عليها من وليد
مالك صحي على الصوت متعصب و خرج يشوف في ايه أول ما شاف حازم بيقلد ملك من صدمته بقي واقف و الضحكة على وشه زي الاهبل
وليد خرج من الاوضة متعصب بص عليهم أول ما حازم شافه كدا بص لملك و قال مع الأغنية
من بعد ما طاوعتك مبقتش عارف أعيش
وديتني لحد النار وهناك معرفتنيش
الشيطان قال للعبد
ما تنفض وتهلس، ما تهرتل وتفيس
لو عايز تتنمرد، طب مانت كدا كويس
من خيبتك
و بقي يلطم و يولول على وشه و على رأسه و هو بيقول:
يابا يابا يابا، يابا يابا يابا
يابا يابا يابا، يابا يابا يابا
مالك شافه كدا قعد على ركبته من كتر الضحك بقي ياخد نفسه بالعافية
ملك شافت وليد متعصب مسكت تشيرت مبلول ماية و حدفته عليه و هي بتقول بصوت عالي عشان يسمعها: يلا يا سعادة البيه كنافة بالمنجة إيدك معانا لحسن لسه فيه شغل كتير أوي
وليد راح للصب بعصبية و طفاه و قال بزعيق: في ايييه يا زفته انتي شكلك مش هترتاحي غير لما امو*تك في ايدي و أخلص منك بقي
ملك : كدا يا سعادة البيه كنافة بالمنجة و انا اللي عوزاكم تعملوا تمارين الصباح و انتوا بتساعدوني مش كدا وإلا ايه يا سعادة البيه كريم شانتيه
حازم بصلها و تنح و بص لـ وليد شافه متعصب رجع بص تاني لـ ملك و قال : ها
ملك : هو ايه اللي ها انت مش بتعمل تليين لكف إيدك دلوقتي الله متحسسونيش إن أنا بغصبكم على حاجة
حازم بصدمة: نعم
وليد: يكش البعيدة تحس على دمها بقي و تعرف إن إحنا متنيليين نايمين و إن النهارده الجمعة يعني اليوم اللي بنستريح فيه
ملك بصدمة مصطنعة: احلف كدا يا سعادة البيه كنافة بالمنجة
وليد: أحلف على إيه انتي هتصاحبيني يا بت انتي وإلا إيه
ملك ببرود: مش النهارده الجمعة يعني يوم راحه يبقي راحة ليه أنا كمان فتوكم بعافية بقي هدخل استريح في اوضتي على الباد بتاعي و أشير بوستات تافهه
حازم :. كفاية بوستات يا جميلة التايم لاين مش ناقص بس عندي استفسار ايه الباد انتي معاكي أيباد
ملك : هشش أسكت طلما مش عارف المعني متفتيش بص يا سعادة البيه كريم شانتيه الباد دا يعني السرير بتاعي
حازم : ايوه بس مين اللي هيلم المعجنه دي
ملك: لا مليش فيه دا بقي طلما مش هتساعدوني يبقي هدخل استريح سعادة البيه الحليوة قال إني زي زيكم هنا
وليد اتعصب و كان رايح عليها لكنه اتكعبل في طرف السجادة وقع على وشه
حازم و ملك بصوا لبعض و ضحكوا جامد عليه
ملك من بين ضحكتها: ربنا بياخد حق عباده من غير ما يتدخلوا احسن أحسن فرحانة فيك
وليد قام بغيظ عشان يروح ليها تاني اتزحلق في شوية ماية بمسحوق و وقع في طشط الهدوم اتغرق ماية
ملك بقت تضحك جامد و حازم من كتر الضحك وقع على الأرض
أما مالك حط ايده على بوقه يكتم الضحك على منظر أخوه
ملك بضحك من وسط ضحكها: هو اللهم لا شماتة و كل حاجه بس انا شمتانه فيك يا سعادة البيه كنافة بالمنجة
حاسب بقي أحسن الماية بتبوظ الكنافة و بتدوب المانجة و رجعت تضحك تاني
وليد قام من الطشط و هدومه كلها بتنقط ماية دخل اوضته و هو بيقول: ماشي كسبتي أول جوله بس الشاطر اللي يضحك في الآخر و رزع الباب في وشها
ملك بغناء: أهدي حبه لـ تطبي ساكتة متعمليش في نفسك كدا
حازم: كياده درجة أولي
و فضلت ملك طول النهار كنس و غسيل و تنضيف بعد ما طلبت من حازم يسببها تعمل كل حاجه لوحدها
خلص اليوم و ملك كانت خلصت معاه خدت دوش و قفلت الباب بالمفتاح و نامت زي القتيلة على السرير و هي بتقول: يا سنه سوخة دا ايه الحزن دا بقي بجد شابو ليا جدا و نامت
----------
تاني يوم الصبح مالك خرج على الشركة أول ما دخل جاب ملف ملك مسك البطاقة و قال: نشوف حكايتك ايه بقي يا ست جميلة
بعث عن إسمها ملقاش الإسم و الرقم القومي دا مع الرقم القومي
استغرب و بحث على الرقم القومي بس طلعة إسمها و صورتها الحقيقة
مالك : يا سنه سوخة ايه دا دا انا هوديكي في ستين داهية صبرك عليا يا ملك بس الصراحة هي جميلة أوي
يتبع ....
خادمة قلبي ٧
بقلم زهرة عصام
مالك : يا سنه سوخة ايه دا دا انا هوديكي في ستين داهية صبرك عليا يا ملك بس الصراحة هي جميلة أوي يعني بس إيه اللي يخلي واحدة زيها تعمل كدا
كمل قراءه عنها و اتصدم لما لقي
مالك : طالبه في كلية الآداب قسم اللغة التركية افتكر أما كانت بتتخانق مع وليد و هي بتقوله تركي دا وإلا مش تركي
ابتسم على الذكري دي بس كمل بتصميم: ايه يخلي واحدة زيها كدا جميلة و متعلمة تكذب و تزور كدا و كمل بخبث : ماشي يا ملك يا انا يا انتي
------
ملك صحيت من النوم بصت في الساعة هبت من على السرير و قالت: ينهار ملحوث انا نمت دا كله زمانهم مشيوا عشان الشغل قبل ما يفطروا بس انا تعبت من شغل امبارح و ما صدقت نمت أحسن حاجة أقوم أرجع ملك شوية قبل ما يبجوا
جت تنزل من على السرير لقت نفسها مش عارفه تتحرك بصت وراها لقت الملاية لازقة فيها
بقت تحاول تقوم من على السرير و لكن مش قادره لمت الملاية في اديها و هي بتقول: انا مش عارفه ايه الملاية الرخيصة دي مش عارفين يجيبوا حاجة بتستحمل افرض كان عندهم بيبي صغير و حط الشوكولاته على الملاية أو حتي عمل بيبييه الملاية تلزق فيه يلا عوضنا على الله
لمت الملاية في اديها و بمجرت ما حطت رجليها على الأرض صرخت و وقفت على السرير من صوت الفرقعه و هي بتقول: حريقة الحقوناي بصت على الأرض ملقتش حاجة
نزلت من على السرير بغضب و هي بتقول: لا بقي يا سعادة البيه كنافة بالمنجة انت زودتها أوي والله لانتقم منك بس صبراً عليا انا تعمل فيا كدا هتشوف ملك هتعمل فيك إيه
جت تخرج من باب الاوضة جردل مليان دقيق وقع عليها ملك صر'خت و هي بتقول: عاااا دا انت بتنتقم بجد و حقيقي بقي مشيت و هي متعصبة على حمام الاوضة و من غير ما تاخد بالها جردل ماية وقع عليها
ملك بغضب: تعال اعجني و اخبز أمي في الفرن و ريحني دخلت الحمام بغضب و قفلت الباب وراها جت تفتح حنفية البانيو اتخلعت في اديها
ملك : لا دا مستقصدني بقي والله لاردهالك يا سعادة البيه كنافة بالمنجة الكـ'ـلب
------
وليد بيضحك و بيقول: زمانها دلوقتي محتاسة و بتدعيلي اه والله أصل انا كنت طيب أوي معاها و لسه لما تشوف كمية الأطباق اللي هتخسلها في المطبخ عشان تبقي تتحديني تاني يا سيد قشطه انتي
------
ملك استحمت و بقت ماشية في الاوضة بحزر جدا و بتتلفت زي الحرامية لحسن يكون حاطط ليها حاجة تاني دخلت المطبخ و اتصدمت من كمية المواعين قالت بغضب: ولييييييد ماشي أنا و انت و الزمن طويل و ثقلا ما تبدأ تغسلهم لمحت حاجة على الرخامة فضحكت بخبث و قالت: دا انتقام ربنا جاي بدري بدري اهو
بقلم زهرة عصام
يتبع .....
رواية خادمة قلبي الفصل الخامس والسادس والسابع بقلم زهره عصام حصريه وجديده على مدونة النجم المتوهج للروايات والمعلومات
خادمة قلبي ٨
بقلم زهرة عصام
ملك بقت واقفة تغسل المواعين و هي بتغني بصوتها: يا دنيا طفيتي شمعتي
يا ناس كترتوا دمعتي
اه والله كتروا دموعي الغالية و خصوصاً سعادة البيه كنافة بالمنجة دا دا انت هتشوف ليله النهارده ولا ألف ليلة و ليلة عشان تبقي تتحداني تاني
و كملت و هي بتفتكر كل المواقف اللي حصلت و شغلها خدامة: دمعة نزلت منها و هي بتقول
انا مش عارفنى(كمل ياريس كمل😂الله عليكى احم نرجع للأغنية 🦦
انا كنت منى
انا مش انا
لا دى ملامحى
ولا شكلى شكلى
ولا ده انا
ملك : والله مش انا أهي اهي شيلت الهم بدري والله انتي قلبتيها غم كدا ليه يا ملك اغني حاجة بقي رومانتيكي
ملك ماسكة السفنجة و الطبق و غنت بصوت جميل و هي سرحانة بس اديها شغالة:
في جوه قلبي حاجة مستخبيه كل اما أجي أقولها مش بقدر قدام عنيك بقف و انسي ايه يتقال
---- اذكروا الله ----
مالك وصل البيت و دخل يتسحب سمع صوت جميل بيغني و بيقول: حبييييتك يوم ما اتلقينا لما حكينا أول كلام حبييييتك واحلف على ده تسمع زيادة
ده انا مش بنام
مالك أول ما سمعها بتقول كدا قلبه دق و كل ما بتغني قلبه بيدق زيادة رجله خديته و على المطبخ بقي يمشي بشويش و سرحان في صوتها
ملك واقفة ملخومة في الغني و مش حاسة بحاجة و لكنها بتغني بإحساس عالي جداً لدرجة إنها سابت الطبق اللي في اديها و بقت تغني و هي بتلف و مغمضة عنيها
مالك شافها و عنيه لمعت أول ما شافها اتصدم من جمالها الطبيعي مش اللي مخبياه ورا الميكب شعرها الناعم اللي بيدور معاها
حاول يجر رجليه لبرا بس مش قادر عاوز يخليه باصص ليها كدا و كأن الوقت وقف على اللحظة دي
حس إنها خلاص هتفتح فبسرعة خرج بره الشقة و حط ايده على قلبه و هو بيقول: بتدق ليه دلوقتي استحالة دا يحصل دي خدعتني و زورت هويتها غير كدا مينفعش أنا أخدت قرار إني مدخلش حد حياتي ابدا كفاية عليا أخواتي
مالك حاول يقنع نفسه بالكلام دا و نزل جري رجع الشركة
------ اذكروا الله ----
ملك ضحكت بابتسامة هادية حالمة و هي بتقول: انتي بقي يجي فارسي على حصانه الابيض و يخطفني وراه
بصت على المواعين بحسره و قالت: ماشي يا سعادة البيه كنافة بالمنجة صبراك عليا أوي يعني الحساب بيتقل
بصت في الساعة و جريت على اوضيتها و هي بتقول: يلهوي زمانهم راجعين
خلصت الميكب و لبست لبسها و هي بتحط اللينسيز جتلها فكره و ابتسمت بخبث و قالت: طب والله فكره و اهو اربيهم كلهم من أول وجديد بقي عاملين فيها رجال أعمال صبراً
و قامت خرجت نص ساعة و رجعت بكيسة سمرا في اديها
ملك : استعنا على الشقا بالله و يا رب قدرني على فعل الخير و ميقتو"لونيش بعد ما يعرفوا
ملك خلصت الأطباق و الغدا و بدأت تحط الأطباء على السفرة
جه حازم و هو بيقول: اذيك يا جميلة عامله ايه النهارده
ملك : بخير يا سعادة البيه كريم شانتيه و بصت لـ وليد بخبث و قالت: يسلم لسانك اللي بينقط شهد
مالك جه بص عليهم بغيرة خفيفه قال: نسكت بقي و نتفضل ناكل و انتي يا جميلة يلا كلي تعبتي النهارده انتي و بص لـ وليد نظره فهمها
حازم: إلا قوليلي يا جميلة ايه الأكل دا رحته حلوه أوي
ملك بخبث : دي أكلة تركية جبتها من على الانترنت يا سعادة البيه كريم شانتيه دوق هتعجبك أوي
حازم بدأ يأكل هو و مالك و وليد
حازم: طعمها غريب بس جميلة تدخل على القلب كدا
وليد: شوف يا شيخه ربنا يديم عدم القبول بينا بس الأكل طعموا حلو مش خسارة فيكي المجاملة
ملك بسخرية: مجاملة طيب يا سعادة البيه كنافة بالمنجة كمل أكل كدا و سم الله
مالك بهيام خفيف: الأكل جميل زيك يا جميلة
ملك بكسوف: إن شالله تسلم يا سعادة البيه الحليوة دا من خيرك برضوا
بعد ما خلصوا اكل و حرفياً مسحوا الأطباق
حازم : هي الأكلة دي إسمها أية يا جميلة دي حلوه أوي ابقي اعمليها كل يوم
ملك : عنيا ليك يا سعادة البيه كريم شانتيه هعملكم كوارع كل يوم
وليد كان بيشرب تف الماية على مالك اللي مسح وشه و بصله بغضب
وليد بصدمة: اييه انتي بتقولي ايه لا مستحيل
ملك و هي بتاكل حتت خيار: و ايه بقي اللي هيخليه مستحيل يا سعادة البيه كنافة بالمنجة دا انت بذات نفسك قولت عليها جميلة تبقي جميلة مالها الكوارع افهم بس
حازم حط ايده على بوقه و جري على الحمام و هو بيقول: منك لله يا شيخة انتي ناوية تموتيني يوماً ما
ملك قامت وراه و هي بتقول: بعيد الشر عليك يا سعادة البيه كريم شانتيه متقولش على نفسك كدا يا أخويا دا أنت الخير و البركة طب مين يجبلي اندومي من بعدك
وليد: بقي انا وليد المليجي رجل الأعمال المعروف اللي محدش قدر يجبرني على حاجه تيجي واحدة زيك تعمل فيا كدا طب طلاق تلاتة ما انا سايبك
ملك جريت استخب ورا مالك و مسكت في هدومة و هي بتقول: الحقني يا سعادة البيه الحليوة اخوك اتهبل على الأخر و بعدين بصت على وليد من وراه مالك و حطت اديها في وسطها و قالت: مالها الكوارع يعني مش نعمة ربنا دي و بعدين انتوا المفروض تقولولي تشلبوا ليكي
مالك في دنيا تانية و سرحان في حركاتها و قلبه بيدق عاوز يخودها في حضنه مستغرب الإحساس دا أوي أول مرة تحصله الحالة دي
حازم خارج من الحمام : يعني ايه تشلبوا دي يا جميلة حرام عليك يا شيخة قلبتي معدتي طب كنتي سبيني على عمايا
ملك وقفت جمب مالك و هي بتقول: تشلبوا يا سعادة البيه كريم شانتيه يا جاهل باللغة الأجنبية يعني شكراً بالفنرنصاوي
وليد : تشلبوا و فرنصاوي طب تعالي بقي بالاريل اللي انتي فرحانة بيه دا انا تاكليني كوارع ليه بشحت منك خدي تعاليلي بقي دا انا هخلي الألوان اللي انتي حطاها في وشك دي طبيعي و لسه جاي نحيتها ملك استخبت ورا مالك و حازم مسك وليد
ملك : مالك بس يا سعادة البيه كنافة بالمنجة هو كان حد داسلك على طرف دا انت حتي نازل تجريح فيا و في الفرنصاوي بتاعي و محدش قالك تلت التلاته كام حتي
وليد: و انتي مسميه دا فرنساوي يختي اتوكسي اتكلمي عربي صح الأول كتك نيلة بقي تاكلينا كلنا كوارع مهو العيب مش عليكي العيب على البهايم اللي بتاكل
ملك بفرحة و ضحك : والله بقي كل واحد عارف نفسة و كويس انك عرفتي عشان ابقي اتوصي بيكم شوية المره الجايه
مالك : خلاص بقي انتوا الاتنين ايه متعرفوش تقعدوا هادين شوية
وليد: يعني أنت عاجبك اللي هي عملته دا
مالك بصلها لقاها بتبصله ببراءة كانها طفلة مستنية العقاب
مالك بهيام: الصراحة عاجبني أوي
ملك صر*خت بفرحة و قالت و هي مطلعة لسانها لـ وليد : كيدا الغزال انا من يومي
حازم بصدمة: مالك انت جرالك ايه انت الوحيد اللي كنت متوقع منه يعلقها مش يكرشها بس
وليد بصدمة أكبر: لا مهو انت شكلك اتهبلت أوي انا داخل اتخمد
ملك : استني يا سعادة البيه كنافة بالمنجة مين اللي هيشيل طبقك بس
مسمعتش رد غير قفلت الباب في وشهم
ملك : هشيله انا و أمري لله و كملت في سرها البس بقي يا معلم عشان تبقي تتحداني أوي همو'ت واعرف دخلت الاوضة إزاي
---- اذكروا الله ----
وليد رايح جاي في الاوضة و متعصب جدا مسك كوباية الماية و شربها كلها و قال: انا أحسن حاجة أنام بدل ما أطبق في زمارة رقبتها
في نص الليل
وليد صحي و هو بيقول: ااااااه
تابعوا صفحتي وتابعو المدونه ليصلكم اشعار بالروايات فور نزولها
انضموا معنا على تليجرام ليصلكم اشعار بالروايات فور نزولها من هناااااا
تعليقات
إرسال تعليق