expr:class='data:blog.languageDirection' expr:data-id='data:blog.blogId'>

رواية حياه الزين الفصل التاسع والعاشر والأخير حصريه وجديده على مدونة النجم المتوهج للروايات والمعلومات

رواية حياه الزين الفصل التاسع والعاشر والأخير حصريه وجديده على مدونة النجم المتوهج للروايات والمعلومات

رواية حياه الزين الفصل التاسع والعاشر والأخير حصريه وجديده على مدونة النجم المتوهج للروايات والمعلومات


(الجزء التاسع) 

اتفاعلووووا لنزول البارت الاخير بسرعه

وفجأة.. لاقيت زين  بيبصلي وعنيه كلها غيظ وغضب وبيكلم رامي وبيقولوا انت بتعمل اي هنا يارامي.. رامي قام بسرعه من على الأرض وقاله انا كنت بساعد حياه في ترتيب البيت قاله ترتيب البيت ولا تساعدها في حاجه تانيه الاتنين وقفوا قصاد بعض ولا أكنهم أعداء مش اخوات ورامي رد وقاله حاجه تانيه زي اي يازين.. حيآآآآه بنت محترمه مش زي اي بنت  انت عرفتها قبل كده قاله والله انت مش هتعرفني مراتي محترمه ولا لاء.. والاتنين مسكوا  في بعض وزين ضرب رامي حته بونيه جابه الأرض وجاب دم ولسه كان هايروحله عشان يضربه مره تانيه  جريت علي رامي بسرعه ووقفت قدامه ووقفت في وش زين وقولت لزين يا أخي ابعد عني بقى امشي.. أنا مش عايزاك في حياتي تاني أمشي يازين أمشي.. 

انا بكرهك.. عارف يعني ايه بكرهك.. زين اول ما سمع مني الكلمه دي زي ما يكون وقف في مكانه زي الصنم متحركش لمده خمس دقايق ومش مصدق اللي انا قولته.. وسيبته وروحت لرامي وقولتله انت كويس راح زين لسه بيديني ضهره عشان يمشي رامي قام بسرعه ومسك الفاظه الازاز عشان يضربه بيها على دماغه معرفش ازاي من غير ما افكر لحظه واحده جريت علي زين واخدت الضربه مكانه والازاز كله بقى في دماغي.. دماغي جابت دم مكنتش شايفه حاجه قدامي بس كنت كل اللي شيفاه اني كنت في حضن زين وهو شايلني بين ايديه وعمال يقول حياه فوقي ياحياه وبصيت على رامي لاقيته بيعيط عليا ويقولي مكنتش اقصدك انتي ابدا..

زين اخدني على عربيته بسرعه ورامي كان ورانا بالموتوسيكل ده كل اللي فكراه.. بس ماصحيتش الا وانا على سرير في مستشفى والاتنين واقفين جنبي ومستنيين اني افوق عملت نفسي نايمه ولاقيتهم بيتكلموا سوا.. وكل واحد مش طايق التاني وبعدها ناديت على رامي زين جه بسرعه ومسك ايدي سيبت ايده وقولت لرامي انا عايزه اطلع من هنا قالي حيآآآآه ماينفعش صدقيني انتي لسه تعبانه قولتله انا بقيت كويسه وارجوك طلعني من هنا انا مش مرتاحه ابدا هنا طلعت من المستشفى وزين قالي هتروحي معايا ياحياه قولتله مش عايزه اشوف وشك تاني يازين كفايه لحد كده ارجوك.. اخدني بعيد عن رامي وقالي اتفقنا لسه مخلصش ياحياه قولتله لا خلص يازين وكفايه لحد كده كفايه اللي شوفته منك ومن امك العقربه دي قالي انا عرفت كل حاجه قولتله يبقى مع نفسك بقى.. وسيبته ولسه همشي اروح لرامي قالي خالتك لسه معملتش العمليه وقفت مكاني وقولتله ازاي الكلام ده قالي زي ما بقولك كده انا ممكن بكلمه واحده ارجعها هنا عشان تموت مش عارفه ليه كنت حاسه انه بيكذب بس رغم احساسي بكذبه انا كنت عايزه ارجع مع زين.. قالي ها.. ياحياه قولتي ايه قولتله انت انسان واطي اوي يازين قالي بكل برود في حاجه تاني عايزه تقوليها قولتله لاء انا هرجع معاك روحت لرامي وقولتله اني راجعه البيت مع جوزي قالي حياه انتي بتقولي ايه؟ قولتله زي ما سمعت يارامي

زين جوزي وانا هرجع معاه فضل يقولي قالك ايه عشان تغيري رأيك بالسرعه دي قولتله ولا حاجه ارجوك يارامي سيبني انا وزين دلوقتى.. واخدت زين ومشيت رجعت البيت ودخلت الاوضه كانت اوضه زين وحشاني وجيت عشان انام على الكنبه زين قالي حياه تعالي نامي على السرير قولتله شكرا انا متعوده على نومه الكنبه قالي مش هينفع النهاآآرده انا هنام مكانك النهاآآرده وكل يوم لحد ما تخفي خالص بصيتله كده ومسك ايدي وطلعني على السرير وبعدها غطاني اليوم ده كانت الدنيا بتمطر اوي وصوت الرعد والبرق مالي المكان وانا طول عمري بخاف من صوت الرعد ومره واحده النور قطع اول ما النور قطع صوت زين قام بسرعه وقالي متخافيش ياحياه انا معاكي ومسك ايدي وولع شمعه وحطها في النص ما بينا وقالي انا هنا جنبك ما تقلقيش

فضلت بصاله وكان ضوء الشمع على وشه قد اي هو حد جميل وراجل اوي تقدري تعتمدي عليه في اي وقت بس ياخسارة عصبي اوي ولو زعل مش بيشوف قدامه ابدا كان جوايا كلام كتير نفسي اقوله لزين بس كنت بكتفي بالصمت زين كان زعلان مني اوي عشان شافني مع رامي سوا بس حتى مش قال انه زعلان 

بس كان ماسك ايدي وباصين في عيون بعض 

ولسه بيقولي حيآآآآه انا عايز اقولك على حاجه ولسه هقوله قول يازين لاقيت النور جه وأمه العقربه دخلت روحت سيبت ايد زين بسرعه وقالتلي حياه حبيبتي ايه اللي حصلك ده.. قولتلها مافيش حاجه حصلت قالتلي ازاي قولتلها اصل وقعت في حفره عقارب بصيتلي كده

وضحكت ضحكه صفرا قدام زين وقالتلي دمك شربات وسابتني ومشيت وزين رجع تاني ينام على الكنبه وطلع الصبح علينا اول ما صحيت طلعت بره  لاقيت هيام ماسكه زين في الجنينه وبيتكلموا سوا واول ما شافتني جايه من ورا زين بصيتلي كده وعملت نفسها انها هتقع ورمت نفسها في حضن زين وهو بقى يقولها مالك فيكي ايه سيبته ومشيت وانا هموت من الغيظ وخرجت روحت المحل بتاعي وقولت اني لازم ابدا شغلي بقى وجيبت الماكينه بتاعت خالتي وروحت اشتغلت على شويه فساتين عندي وانا في المحل زين كان كل شويه يتصل بيا بس مكنتش برد واقول خللي ست هيام تنفعك

ولاقيت رامي دخل عليا وقالي كنت عارف اني هلاقيكي هنا ابتسمت اوي وقولتله انت عرفت مكاني ازاي قالي انا عارفك اكتر ما اعرف نفسي ياحياه وقولت اكيد هتكوني هنا،، استغربت انت عرفت مكان المحل ازاي قالي اتصلت بصاحب البيت وهو اللي اداني العنوان قولتله معلش بقي المكان متبهدل اوي مايلقش بيك قالي المكان حلو بصحابه بس تفتكري مكان زي ده ممكن ينجح من غير زبون.. قولتله لا طبعا رامي كان كويس جدا معايا وبقي بيحاول ازاي يخليني اكبر مشروعي وابتدينا نعمل صفحات على الفيس والانستا واعرض شغلي عليهم كنا نصحى الصبح انا وهو ونروح المحل ننضفه ونظبط المكان ونشوف تفاصيل فساتين جديده عشان ننفذها سوا كان سندي وضهري في اي وقت ماكنتش بشوف زين الا على وقت النوم واصحى الصبح الاقي العقربه هيام ماسكه فيه في كل وقت واسيبه وامشي اتعودت على وجود رامي في حياتي.. لحد ما جد زين اتصل بيا وقالي اني عايزك ياحياه تقعدي معايا شويه بس تعالي لوحدك ممكن خلصت شغلي وروحتله قولتله نعم ياجدي قالي انا مش عاجبني وضعك مع زين قولتله ياجدي زين صعب اوي حد يتفاهم معاه قالي طيب حاولي تقربي منه قولتله حاولت كتير بس هيام حوالين زين في كل مكان وهو كمان يعيد عني قالي افتحيله انتي قلبك قولتله مبقاش ينفع الكلام ده خلاص ياجدي ومعلش انا لازم امشي عشان اتأخرت قالي بقى كده

طيب يابنتي بس اخر حاجه ممكن قولتله اتفضل قالي عايز اوريكي مكان ودخلني زي اوضه تحت الارض مافيهاش اي حاجه والدنيا ضلمه 

وطلع وقفل الباب عليا بقيت اصرخ واخبط على الباب واقوله جدي.. جدي بتعمل كده ليه بصلي من ازاز الباب وقالي لما تبقى تحلى مشاكلك انتي وزين سوا هبقي اطلعكم من هنا قولتله زين وايه اللي هيجيب زين هنا لاقيت حد فتح اللمبه الصفرا الوحيده اللي في السقف وقالي هو عملها معاكي انتي كمان ببص ورايا لاقيته زين 😳😳


حيآآه الزين 💕

(الجزء الاخير) 


 قولتله زين انت اي اللي جابك هنا؟

قالي اللي جابني جابك بالظبط قولتله يعني اي انا مش فاهمه حاجه قالي ولا انا قولتله واحنا هنفضل في المكان ده كتير قالي مش عارف فضلت انادي وازعق ان حد يرد عليا مافيش.. فضلنا كده بالساعات وانا واقفه وكل لحظه اروح للباب وهو واقف بعيد وساند على الحيطه وكان لابس البدله بتاعته وفاكك اول ٣ زرايز والكرفته مفتوحه من الجنبين ومشمر الكمام لحد فوق وماسك الجاكيت بتاعه ومابيتكلمش ولا كلمه كان كل شويه يبص عليا ويشوفني وانا متعصبه وبس.. اخر ما زهقت قولتله اعمل حاجه ماتفضلش باصص عليا كده وبس.. ضحك وقالي انا هنا قبلك بساعتين وحاولت افتح الباب بكل الطرق معرفتش فا انا سايبك تعملي كل اللي انتي عايزاه.. قولتله يابرودك يا أخي زين لازم نفتح الباب ده انا مش قادره اقعد هنا تاني قالي ده جدي وانا عارفه مش هيفتح الباب الا بمزاجه 🙂

وقتها مكنتش اعرف عن الوقت حاجه بس كل اللي اعرفه ان الوقت معاه رغم انه مش كان بيتكلم بيعدي بسرعه اوي النظره في وش زين بالدنيا ومافيها

وبعدها لاقيت رجلي وجعتني اوي ده مافيش حتى كرسي نقعد عليه قعدت في الأرض وهو فضل واقف انه يتكلم ينطق يقول اي حاجه مافيش ابدا عامل زي الصنم ده لو حجر كان نطق

المكان كان مرعب جدا مش داخله هوا ولا حتى نور ببص لاقيت زي صرصار ماشي على الحيطه بعدت عنه بسرعه ووقفت بعيد لاقيته بيطير بقيت أصوت وجريت على  زين.. وزين يضحك عليا وراح موته وقالي بتخافي من الصراصير قولتله لا بخاف من الصراصير اللي بتطير بس🙄 ووقفنا جنب بعض قولتله انت رجلك مش بتوجعك ابدا قاللي لاء مابتوجعنيش ياحياه

قولتله اومال اي اللي ممكن يوجعك في يوم يازين سكت مارضاش يرد ابدا 

وقتها حسيت بالبرد جاب الجاكيت بتاعه وحاول يلبسهوني بس انا بعدت عنه وقولتله مش عايزه منك حاجه قالي اومال عايزه من مين ياحياه قولتله مش عايزه من حد حاجه يازين قالي ولا حتى رامي قولتله ايه اللي جاب سيره رامي دلوقتي يازين.. بصلي بغيظ واتنهد وقالي معرفش قولتله فعلا انت ماتعرفش حاجه في الدنيا غير ست هيام بتاعتك مع انها كانت قدامك وانت اللي سيبتها قالي طيب ما انتي قولتيها

 انا سيبتها.. ولو كنت عايزها كنت روحتلها ياحياه قولتله وسيبتها ليه يازين قالي دي حاجه مالكيش دعوه بيها قولتله لا ليا محتاجه اعرف دخلتني اللعبه بتاعتك دي ليه يازين سكت وماردش عليا وبعدها لاقينا الحنفيه الوحيده اللي موجوده في الحيطه بتنزل مايه استغربت

دي نزلت مايه ازاي ده ماحدش فتحها حاولنا نقفلها بكل الطرق معرفناش جاب الجاكيت بتاعه وحاول يسده بيها الحنفيه طلعت في ايده وبقت الأرض كلها مايه مش عارفين حتى نقف والدنيا ساقعه جدا بقيت اترعش وهدومي كلها اتبلت مايه واول ما الأرض اتملت بالمايه والمآآيه لمست رجلينا الحنفيه بطلت تنزل مايه مابقيناش عارفين حتى نقعد وبقيت حاسه ببرد شديد وقفت في cornerوانا بترعش من السقعه زين جه جنبي وقالي تعالي في حضني ياحياه ودي كانت أول مره ابقى في حضن زين وبقيت اترعش انا وهو من السقعه اوي وقالي عايزه تعرفي ليه ياحياه انا سيبت هيام قولتله لييه يازين قالي عشان خانتني ياحياه خانتني مع خالي  مابقيتش فاهمه ازاي تخونك مع خالك يازين ده يبقى ابوها قالي الخيانه مش حب وبس قبل خطوبتنا بيوم سمعتها هي وخالي وهما بيتفقوا عليا ازاي تخليني اكتبلها كل اللي عندي انا عمري ما حبيت هيام بس هي الوحيده اللي كانت بتتحملني وقت نرفزتي وعصبيتي حبيت اردلها القلم قلمين واصغرها قدام الناس كلهم قولتله عشان كده جيبت بنت الخياطه تمثل دور مراتك.. قالي عمرك ما كنتي في يوم بنت الخياطه بالنسبالي ياحياه بس عمرك في يوم ما كنتي شيفاني.. بصيتله وانا في حضنه وبترعش قولتله طيب ليه كنت بتعمل معايا كده.. ليه بتعاملني المعامله دي يازين ليه دايما قاسي عليا قالي كنت بقسي على نفسي مش عليكي

قولتله وليه ده كله قالي عايزه تعرفي ليه ياحياه قولتله ايوه يازين محتاجه اعرف ليه؟

سابني وبعد عني وسكت قولتله مش هسيبك ابدا المره دي يازين انطق قول اي حاجه بس مش هسيبك تسكت زي كل مره وتبعد ليه بتعامل اخوك كده ليه بتعاملني بالقسوه دي ليه يازين ليه؟ وبقيت ازعق بكل صوتي لان وقتها كنت محتاجه اعرف ليه؟

قالي عايزه تعرفي ليه ياحياه؟ قولتله ايوه قالي بنرفزه وعصبيه  عشان بحبك ❤️

وقتها قلبي بقى يرقص من الفرحه مابقيتش مصدقه انه ممكن يكون بيحبني معقول زين بيحبني انا

ولسه هتكلم لاقيت الباب اتفتح وجده جه وقال مش قولتلك انه بيحبك ياحيآآآه 😍

معرفش ليه من غبائي سكت ليه ما اخدتهوش في حضني وقتها وقولتله وانا كمان ليه معملتش كده طلعت انا وزين من الاوضه وجده بقى ورانا وكان زينن بيبصلي وبيبتسم وكنت ببص في الأرض من كتر ما كنت مكسوفه منه وراح وقف قدامي واحنا مروحين وقالي مش هتقولي حاجه ياحياه من كتر الفرحه اللي كنت فيها حضنته وقولتله وانا كمان بحبك  اوي♥️ وحكيتله على كل حاجه كنت بتمنى احكيهاله في يوم قالي هنتجوز حقيقي المره دي وهعملك اكبر فرح ممكن تشوفيه في الدنيا وباس ايدي كنت طايره من الفرحه اليوم ده ونزلنا جيبنا الفستان سوا وللاسف لما  رامي عرف قرر انه يسافر ويبعد عننا بس زين قاله لازم تحضر فرحنا الأول وروحت انا وزين نشتري الفستان كان حلو جدا عليا وقالي حياه انا عاملك مفاجأه روحت وانا ماسكه الفستان في ايدي لاقيت خالتي رجعت من السفر كل حاجه كانت كامله مافيش حاجه ناقصه ابدا 

فرحتي ماكنتش تتوصف وعملنا فرح كبير في الفيلا امه الحربايه طبعا لسه حربايه زي ما هي ماتغيرتش بس مش مشكله المهم ان زين معايا ورامي لبس بدلته واتمنالي السعاده مع زين وانا داخله من باب الفيلا بالفستان الأبيض وفي قمه سعادتي وفرحتي وحاطه ايدي في دراع زين والكل بيهني ويبارك لاقيت هيام جايه وقفت قدامي من بعيد وماسكه مسدس وقالتلي مش هتعرفي تاخديه مني وسمعت صوت طلقه جايه من بعيد انا ببص لاقيت زين قدامي اخد الطلقه مكاني وفستاني الأبيض اتحول لاحمر من دم زين.. زين ضحى بنفسه عشاني بقى الكل بيصوت والفرح اتقلب مره واحده لصويت وانا مش شايفه حد ولا حاجه غير أن زين في حضني ورامي كان ماسكه معايا.. واخر كلمه قالها خللي بالك من حياه يارامي دي بقت امانه عندك دلوقتي بقيت اعيط واصوت لا يازين انت هتعيش مش هتموت ماتسبنيش يازين ماتسبنيش بس غمض عينه وراح مننا الايام بعد ما زين مات بقت سنين رامي حاول معايا كتير وبعد خمس سنين على موت زين وافقت اني اكون مع رامي عمره ما كان وحش معايا كان واقف معايا دايما في الصغيره قبل الكبيره  اتجوزنا انا وهو وخلفنا ولد اسمه زين بس هيفضل زين في قلبي عشان انا حياه زين ♥️


اتمنى القصه تكون عجبتكم 💕


هتلاقوا قصص جامده على صفحتي ارجو المتابعه



بداية الروايه من هنا




تعليقات



CLOSE ADS
CLOSE ADS
close