رواية حيآآه الزين بقلم ماهي احمد الفصل الاول والتاني حصريه وجديده على مدونة النجم المتوهج للروايات والمعلومات
 |
ما يالا ياحياه بقى اصحى يابنتي طول الليل وانتي على الموبايل مابتعمليش حاجه غير انك سهرانه عليه
_حاضر ياخالتي صحيت اهوه خلاص
طيب يالا يابنتي عشان مانتأخرش على الست هانم مديحه لو اتأخرنا عليها اكتر من كده ا نتي عارفه هتعمل فينا اي
_عارفه والله ياخالتي انا خلاص هغسل وشي بشويه مايه وهلبس على طول اهوه
الله ياخالتي الفيلا بتاعتهم حلوه اوي مش العشه اللي احنا ساكنين فيها.. يابت احمدي ربنا غيرنا مش لاقي العشه اللي مش عجباكي دي
اهي مديحه هانم جت اهيه..بنبص لاقينا مديحه هانم جت علينا وقالتلنا انتوا اتأخرتوا كده ليه؟ انتوا مش عارفين ان عندنا حفله كمان يومين
انا مش منبهه عليكم ما تتأخروش قولتلها احنا اسفين يامديحه هانم اصل... ردت عليا بعصبيه وقالتلي لا اصل ولا فصل ادخلي يالا للست الكبيره في اوضتها انا مش فاهمه هي بتحب تفصل هدومها عندكم انتوا ليه؟
حاجه تقرف وبتبصلنا بقرف وكأنها مش شيفانا اصلا وجت الست الكبيره وهي بعكاز وقالت لخالتي ماتزعلوش من مديحه مرات ابني هي دايما عصبيه كده بس قلبها ابيض.. قالتلها يوووووووه انتي كمان ياماما انا ماشيه وسابتنا ومشيت خالتي قالتلها الله يكون في عونها ياهانم ودخلنا اوضه الست الكبيره عشان ناخد المقاسات بتاعتها عشان نفصلها الفستان الجديد
اللي هتحضر بيه حفله الخطوبه بتاعت حفيدها الكبير زين..زين ده بقى اللى شايل الدنيا كلها على كتافه بعد ما ابوه الله يرحمه ما توفي انا طول عمري باجي الفيلا هنا من وانا في ٣ ابتدائي مع خالتي عشان تفصل للست الكبيره فساتينها عمري في يوم ما شوفته بيضحك دايما جد وعايش دور مش دوره ولا عايش سنه انا بقول الله يكون في عون اللي هتتجوزه بصراحه وفجأه دخل علينا رامي ابن الست مديحه الصغير شاب زي السكر ما بيعملش حاجه في حياته غير انه يعرف بنات وكل شهر لازم موتوسيكل جديد مابيحبش يركب عربيات ابدا والسنه دي اخر سنه لي في الجامعه الامريكيه
دايما الضحكه مش مفارقه وشه ابدا على طول مبتسم وفرحان ومش شايل للدنيا هم ابدا
واول ما دخل علينا وطي على أيد سته وباسها وقالها صباح الخير (يانانا) قالتله صباح الخير يارامي عامل اي النهارده واي العرق ده كله اللي في جسمك قالها كنت في الجيم يا (نانا) قولت أصبح عليكي قبل ما اخد الشاور بتاعي وبصلي كده وقالي بتكبري ياحيآآآه ابتسمت وقولتله اكيد هكبر يا رامي بيه مش هفضل البنت الصغيره بتاعت زمان قالي اي بيه دي يابت انتي نسيتي كنا بنلعب مع بعض من واحنا صغيرين قولتله لا ابدا مانسيتش بس احنا مابقيناش صغيرين قالي فعلا انتي بقيتي (بطل) قولتله بطل يعني اي قالي بموت في براءتك ياحيآآآه خليكي كده زي ما انتي ما تتغيريش وغمزلي بعنيه وسابني ومشي اااااه من عنيه عسلي فاتح ولما ببص فيهم بروح لدنيا تانيه وسرحت كده شويه لاقيت خالتي بتفوقني وبتقولي فوقي يا اختي ماتسرحيش احنا حاجه وهما حاجه.. ورجعت اخد المقاسات تاني وبعد ما اخدنا المقاسات جينا عشان نروح الست الكبيره قالت لااااا تروحوا فين دي الخطوبه كمان يومين انا عايزه الفستان ده يخلص النهاآآرده قولتلها ان شاء الله ياست هانم بكره يكون عندك قالتلنا لاء انتوا تباتوا النهارده عندنا وتفضلوا طول اليوم تشتغلوا في الفستان عشان لو في حاجه في المقاسات اكون معاكم فيها انا عايزه على بكره الصبح الفستان بتاعي يكون خلصان.. خالتي قالتلها خلاص ياست هانم اللي تؤمري بيه ونادت على الست حكمت هي اللي بدير الفيلا وقلتلها تحضرلنا اوضه مخصوص عشان نبات فيها وفضلنا طول اليوم في الاوضه والاوضه دي بتبص على الجنينه اوضه حلوه اوي ولاقيت رامي جاتله حته بنت زي القمر اللبس المكشوف والشعر السايح الطويل وحضنته وباسته بقيت ببصلها كده واقول ياترى فيها أي مش فيا عشان هي اللي تكون معاه مش انا.
ودخلت المطبخ عشان احضر الفطار ليا ولخالتي ودخل رامي بيه مكنتش شيفاه ابدا وعملت الاكل ولسه بطلع بالصنيه خبطت فيه من غير ما اقصد الاكل كله وقع مني على الأرض والطبقه كلها اتكسرت وهدومه كلها بقت بيض على جبنه وحالته بقت نيله خالص مديحه هانم اول ما شافتني كده فضلت تزعق فيا وتقولي انتي حماره مش تاخدي بالك انتي عارفه الطبقه اللي اتكسرت دي بكام ده انتي لو عيشتي عمرك كله تشتغلي عندنا خدامه مش هتعرفي تجيبي طبق منها بصيتلها وعنيا كلها دموع انا اه فقيره بس ماتحملتش ابدا اللي هي قالتهولي وبصيت لرامي بيه ومشيت ورجعت بيتنا وسيبت خالتي هناك فضلت طول النهار اعيط وانا مافيش في خيالي حاجه غير اني اتهزقت قدام رامي بيه بالطريقه دي وعلى المغرب كده لاقيت الباب بيخبط افتكرتها بسنت صحبتي بفتح الباب وانا دموعي ماليه وشي وبقول مين ببص لاقيته رامي بيه مسحت دموعي بسرعه وقولتله رامي بيه بتعمل اي هنا قالي انتي لسه بتعيطي من الصبح ياحيآآآه قولتله لا ابدا مافيش دي عنيه تلاقيها اطرفت ولا حاجه قالي حيآآآآه انا عارفك من واحنا عيال صغيرين ده انا مربيكي على أيدي يابت يالا بقى عشان ترجعي معايا خالتك عايزاكي وبتقولك كمان هاتي مكنه الخياطه معاكي قولتله لا انا مش هاروح هناك تاني لو عاوز مكنه الخياطه هجيبهالك شخط فيا وقالي ما يالا بقى انا هتحايل عليكي كتير اتخضيت وجيبت مكنه الخياطه وطلعتله على طول لاقيته مستنيني بالموتسيكل بتاعه وقالي اركبي مابقيتش عارفه اركب شالني وركبني على الموتوسيكل بتاعه كنت بعيده عنه على قد ما اقدر بقى بيجري بسرعه كبيره كنت حاسه اني طايره في السما طير بقى يفرمل مره واحده واصوت وامسك فيه من ضهره لحد ما وقفنا على البحر قولتله احنا اي اللي جابنا هنا احنا كده هنتأخر على خالتي قالي مش مهم تعالي بس عايزك وابتدي يحكيلي انه كل ما يكون مخنوق ييجي المكان ده وان انا اول واحده يعرفها المكان ده قولتله والبنت الحلوه اللي كانت معاك دي النهارده في الفيلا ماجيبتهاش معاك ليه قالي اااااه ده انتي متابعه بقى قولتله انا لا طبعا كل الحكايه ان انا شوفتكم بالصدفه قالي البنات دي اخرج معاها شويه اصرف عليها.. لكن يوم ما احب.. احب واحده لا عمرها حبت قبلي ولو سيبنا بعض ابقى متأكد انها عمرها ما هتحب بعدي إنما دول مع كل واحد شويه
سكت وقولتله طيب مش يالا بقى ونبي عشان هنتأخر على خالتي قالي يالا وروحت معاه الفيلا وانا فرحانه فرحه السنين
وبقيت اساعد خالتي في الفستان وجه نص الليل كل اللي في الفيلا ناموا ورامي بيه خرج زي عادته وبييجي وش الصبح
لاقيت زين بيه جاي وسكران طينه وهو بيدخل اوضته اتلخبط ودخل الاوضه اللي انا كنت فيها وطلع على سريري ونام جنبي وحط ايده عليا وانا نايمه افتكرتها خالتي بس كانت ايدها تقيله شويه ببص لاقيته زين بيه صوت وقولتله انت بتعمل اي هنا اصحى يازين بيه اصحى لاقيت خالتي دخلت علينا ولما شافتني انا وهو في الاوضه سوا بقت تصوت 🙂🙂
ياريت لو القصه عجبتكم الاقي تفاعل ياجماعه عشان اقدر اكمل بكره
#مآآهي _آآحمدحيآآه الزين 💕
(الجزء التاني)
قولتلها بس.. بس ياخالتي الله يخليكي هتفضحينا قالتلي زين بيه بيعمل اي هنا ونايم على السرير ده ازاي قولتلها والله ما اعرف زي ما انتي شايفه كده.. أنا كنت نايمه لما انتي طلعتي عشان تدخلي الحمام انا معرفش حاجه فضلنا نصحى فيه مارضاش يصحي بقيت اقلبه يمين وشمال والطشله على وشه مافيش نهائي
النوم كان سلطان عليه اوي.. لحد ما خالتي قالتلي خلاص احنا نشيله من هنا نوديه على اوضته ولا من شاف ولا من درى عشان لو مديحه هانم شافته هنا هتبقى مصيبه قولتلها ماشي وحطيت دراعه على كتفي وخالتي برضوا حطت دراعه التاني على كتفها ومشينا بيه لحد الاوضه بتاعته بنحاول نفتح الاوضه لاقيناها مقفوله بالمفتاح خالتي قالتلي خليكي هنا هاروح اخد المفاتيح الاحتياطي من حكمت بسرعه واجي قولتلها بس خللي بالك لا تصحى قالتلي ماشي بقيت شايله حمل زين بيه كله على دراعي وكل شويه يميل مني شمال ويمين وسمعت في جيبه مفاتيح بتتحرك جيبت المفاتيح وجربتها كلها لحد ما مفتاح منها فتح باب الاوضه ودخلته بالعافيه لوحدي لحد ما وصلت للسرير واول ما وصلت رميته بسرعه راح فتح عينه وشدني من ايدي لحضنه وقالي بقى كده تعملي فيا كده انا ياهيام بس انا برضوا بحبك ♥️
قولتله زين بيه سيب ايدي يازين بيه وببص لاقيت مديحه هانم عندنا في الاوضه ولسه هقولها على اللي حصل ضربتني بالقلم وقالتلي صحيح انتي انسانه متربتيش قولتلها انا معملتش حاجه ورامي كمان جه يادي المصيبه راحت امه قالتله تعالي يارامي شوف اللي كنت بتقول عليها قطه مغمضه جايباها من سرير اخوك بقيت اعيط واقوله انت فاهم غلط هو لما يفوق هيحكلكم على كل حاجه ولاقيت خالتي واقفه بعيد بتشاورلي اني ماتكلمش
ودخلت علينا والفيلا كلها صحيت على صوت مديحه هانم
حاولت احكيلها على اللي حصل بس ما دتنيش فرصه ورامي بصلي بصه وحشه اوي وسابني وطلع جيت اطلع وراه عشان اعرفه اللي حصل مديحه هانك قالتلي تعالي هنا انتي رايحه فين
بقيت خالتي تقولها ياهانم انتي فاهمه غلط غلطت في خالتي اوي وقلتلها اطلعي بره حالا انتي كمان طلعتي و*** زيها وطردتنا بره بهدومنا كل ده وزين بيه نايم مش حاسس بحاجه قولتلها هطلع نغير هدومنا على الاقل قالتلي لا من غير ما تغيروا وجابت الخدامين طلعونا بره من غير حتى ما ناخد هدومنا والماكنه بتاعتنا ومشيت انا وخالتي.. وخالتي بقت تعيط واحنا في الشارع
ومره واحده لاقيتها وقعت مني واغم عليها وقفت تاكسي بسرعه واخدتها في المستشفى وفضلنا طول الليل والدكتور يعملها اشاعات وتحاليل وبعدها قالي خالتك يابنتي الكبد عندها مدمر لازم نعملها زرع كبد بسرعه قولتله ازاي ده من امتى خالتي فاقت وقالتلي من زمان ياحيآآآه بس انا اللي ماكنتش برضى اقولك قولتلها وبعدين هنعمل اي قالتلي يابنتي الأعمار دي بيد الله
احنا اللي زينا لما نمرض نموت بقيت اقولها بعد الشر عليكي ياخالتي ماتقوليش كده انا ماليش حد غيرك في الدنيا من بعد ابويا وامي ما ماتوا انتي اللي مربياني وبقيت اعيط جنبها وبعدها الصبح طلع علينا والممرضه جت وبتقولي اني انزل أحاسب تحت في الريسيبشن وعرفت ان الليله اللي خالتي باتتها دي اتكلفت ١٠ الاف جنيه يانهاااااااااااار ابيض ١٠ الاف جنيه مره واحده قولتلهم طيب هاروح اجيبهم واجي روحت البيت وانا مصدومه ال ١٠ الاف جنيه دول تحويشه عمري عشان أأجر بيهم محل صغير واخيط فيه الهدوم بس مش خساره في خالتي
ومعرفش ازاي نمت مره واحده وانا في الشقه بتاعتنا بجيب الفلوس صحيت على الساعه ١٢ بالليل بقيت اقول يالهوي خالتي نزلت بسرعه اجري ادور على اي تاكسي بس مالقيتش بقيت امشي امشي لحد ما طلعت على الطريق من بره ولاقيت عربيه جايه يمين وشمال كانت هدوسني بعدت بعيد عنها بسرعه لحد ما خبطت في الحيطه ادمرت من قدام جريت بسرعه وفتحت باب العربيه لاقيته زين بيه يادي المصيبه فوق يازين بيه فوق اصحى بس كان مغمي عليه
نزلته بسرعه من العربيه عشان كان واضح هتنفجر بقيت اشيل فيه لحد ما بعدته بعيد عنها وفي لحظه انفجرت قولت الحمدلله طلبت الإسعاف وأخدته على نفس المستشفى بتاعت خالتي وفاق وطلع عنده مجرد خدوش بسيطه وقولتله حمدالله على سلامتك يازين بيه قالي انتي مين قولتله انا حيآآآآه يازين بيه بشتغل خياطه عند الست كبيره قالي اه اه افتكرتك.. قالي انتي بقى اللى طلعتيني من العربيه قولتله ايوه سابني ومشي من غير حتى ما يقولي شكرا
وبعدها دخلت لخالتي ودفعت الفلوس ولاقيت الدكتور بيقولي ان العمليه هتتكلف مش اقل من ٣٠٠ الف جنيه ولازم حد يتبرعلها قولتله انا..
قالي يبقى خلاص اتحلت تدفعي فلوس العمليه ونبدأ فورا
وبعدين هجيب منين ٣٠٠ الف جنيه انا مش معايا منهم جنيه الدنيا كلها اتقفلت في وشي ومعرفش ازاي لاقيت رجلي رايحه لشركه زين بيه وفضلت مستنياه لحد ما اخرج من الشركه وركبت العربيه معاه قالي انتي مجنونه ازاي تعملي كده قولتله انا خالتي بتموت قالي وانا مالي ما تموت قولتله ارجوك انا محتاجه ٣٠٠ الف جنيه ضروري عشان اعملها العمليه قالي وانا اديكي ليه المبلغ ده كله قولتله انا أنقذت حياتك انت لولا اني انقذتك كان زمانك ميت
قالي وانتي جايه تاخدي تمن إنقاذ حياتي بقى قولتله سميها زي ما تسميها المهم انا محتاجه الفلوس ضروري انا ماليش غيرها وبعد كده ان شالله تشغلني خدامه طول عمري عشان اسددلك المبلغ بس ارجوك خالتي ماتموتش بصلي كده وقالي لاء انا مش هشغلك خدامه
انا عايز منك حاجه ابسط من كده مقابل الفلوس قولتله ايه هي.. قالي تتجوزيني 🙂🙃
متنسوش لو القصه عجبتكم تعملوا لايك
تابعووووني للروايات الكامله والحصريه
