رواية وراء كبرياءه عاشق الفصل الثامن والتاسع بقلم دودو محمد حصريه وجديده على مدونة النجم المتوهج للروايات والمعلومات
 |
الفصل الثامن
عند حبيبه وصلت بالتاكسى لبيت رشا صحبتها وحاسبت التاكسى وطلعت وخبطت على باب شقة رشا وشويه وفتحت ليها
رشا :- بستغراب حبيبه انتى مش مفروض فرحك النهارده
حبيبه :- اه بس انا هربت
رشا :- يا نهارك اسود تعالى خشى
حبيبه :- لو هسبب ليكى ازعاج اروح اشوف مكان تانى انام فى مش هزعل والله
رشا:- طب بس يا هبله خشى ده بيتك تيجى فيه فى اى وقت
حبيبه :- شكرآ يا رشا ودخلت معاها وسلمت على ام رشا ودخلت معاها فى اوضتها
رشا :- احكيلى بقى ايه حصل علشان تهربى قبل الفرح
حبيبه :- بدموع عمى كان عايز يجوزنى ابنه علشان الارض اللى بابا كتبها بأسمى
رشا :- وانتى عرفتى منين
حبيبه :- سمعتهم وهما بيتكلمو
رشا :- ومقولتيش لباباكى ولا اخوكى ليه
حبيبه :- بابا لو قولتلو ممكن يروح فيها من الصدمه ومش هيقدر يقف قصاد عمى وابنه ولو قولت لعمر متهور وممكن يعمل حاجه متهورا تخسره نفسه وشغله
رشا :- طب ماكده برضه ممكن باباكى يروح فيها من زعل عليكى ومن اللى عملتيه ده وممكن المشاكل تكبر اكتر بين عمك وابن عمك وباباكى واخوكى
حبيبه :- مش عارفه اعمل ايه يارشا بس هو ده الحل اللى جه فى دماغى قولت ابعد وافكر براحتى فى المشكله دى
رشا :- طب ناويه على ايه
حبيبه :- مش عارفه بس مش هقدر انزل الجامعه اليومين دول علشان اول مكان عمى وابنه يدور عليه فى هو الجامعه وبعدين هاحاول اشوف مكان تانى اقعد فيه علشان هما هيسألو على صحباتى مين وهيوصلو ليكى
رشا :- طب هتأقعدى فين وهتجيبى مصاريف منين تعيشى بيها
حبيبه :- هنزل ادور على شغل واصرف منه ومعايه قرشين هدفعهم إيجار شقه او اوضه على قدى لحد ما اشوف صرفه وارجع تانى البيت
رشا :- ربنا يصلح حالك يارب ويبعد عنك ولاد الحرام
حبيبه :- يارب يارشا
رشا :- طب غيرى هدومك على ما احضرك عشا واجى
حبيبه :- لالا ملهوش لزوم الاكل انا مش جعانه انا هخش الحمام اغير وانام
رشا :- بت انتى متستعبطيش هجيب الاكل واجى بسرعه
حبيبه :- هههههههههه ماشى
وطلعت رشا تحضر الاكل وحبيبه غيرت هدومها وجت رشا واتعشت حبيبه ونامو جمب بعض
……………………………………………………
اشرقت الشمس بنورها الساطع فى سماء الاسكندريه واستيقظ الجميع على صوت تغريد العصافير استيقظت حبيبه وبصت حواليها وافتكرت انها مش فى اوضتها وان دى اوضت رشا صحبتها وفاقت من سرحانها على صوت رشا
رشا :- صباح الفل يا جميل سرحان فى ايه وغمزت ليها 😉😉
حبيبه :- هفكر فى مين يا حسره فى مصطفى اللى طلع واطى ولا فى اشرف ابن عمى اللى طلع اوطه منه كل الرجاله واطيه شبه بعضيهم
رشا :- مش كلهم يا حبيبتى دى قله منهم بس فى شباب كتير كويسه وولاد ناس بس مختفين ومنهم اخوكى واخويه
حبيبه :- الحمدالله كل اللى بيقع فى سكتى اندال وميستهلوش كلمة ذكر فى البطاقه
رشا :- ربنا يرزقك بأبن الحلال يارب
حبيبه :- انا وانتى يارب
رشا :- يلا قومى خشى الحمام وتعالى علشان نفطر مع بعض
حبيبه :- لالا انا اتكسف
رشا :- تتكسفى من ايه يا بنتى مفيش حد غير ماما واخويه عبدالله واختى سيلا
حبيبه :- لا اتكسف من اخوكى
رشا :- عبده ده عسل ده انتى هتحبى قعدته اوى يلا بس احنا مستنينك بره
حبيبه :- ماشى
وخرجت رشا وحبيبه دخلت الحمام وغسلت وشها واتوضة وطلعت اداة فرضها وخرجت بأسدال الصلاه من الاوضه
رشا :- تعالى يا بيبه اقعدى جمبى
حبيبه :- م.م.ماشى
ام رشا :- صباح الخير يا بنتى
حبيبه :- صباح النور يا طنط
عبدالله :- يا سبحان الله اول مره القمر يطلع بالنهار وفى بيتنا مش بالسما
حبيبه :- 😳😳😳 اتكسفت ووشها احمر
رشا :- اهدى يا ابنى على البت بص وشها احمر ازاى من الكسوف ده انا اقنعتها بالعافيه تيجى تقعد معايه
عبدالله :- ايه ده هو فى من النوع ده دلوقتى اللى تتكسف من الكلام وكده ده انا كنت فقد الامل
رشا :- يا ابنى ابلع ريقك شويه افصل شويه بقى خلى البت تاكل براحتها وبصت لحبيبه وقالت متزعليش يا حبيبتى من اخويه بيحب يهزار كتير مع اى حد
حبيبه :- احم لالا عادى ده شبه اخويه عمر بيحب يهزار زيه كده
عبدالله :- الله يخليكى يا اختشى ياريت بس ناس تحس بقيمة الاخ اللى معاها مش علطول كلامها طبش معاه
سيلا :- يووووووه انتو مش هتبطلو صداع بقى خلينا نفطر فى هدوء شويه
عبدالله :- بقى انتى يا سوكه صدعتى مننا ده انتى مش باينه من الارض يا ام ست سنين انتى يا ام فطيره
سيلا :- بصى بقى يا ماما بيقولى سوكه وام فطيره
ام رشا :- بس يا عبده متقولهاش كده
حبيبه :- هههههههه ده انتى زى العسل
سيلا :- ميرسى يا ابله حبيبه
حبيبه :- يا خلاثى اسمى زى العسل من بؤق
عبدالله :- بلاش والنبى تمرعيها علينا
رشا :- اه لو تعرفى يا بيبه هى مطلعه عنينا فى البيت ازاى
حبيبه :- من حقها دى حتة سكر والله
سيلا :- قوليلهم يا ابله احسن هما مش حاسين بقيمتى فى البيت
حبيبه :- هههههههههههههه يخربيت طعمتك وبستها فى خدها وحضنتها
……………………………………………………
فى قصر عزالدين
كانت ديمه قعده فى اوضتها ودموعها على خدها اللى بقت ونسها فى الفتره الاخيره وسمعت تليفونها بيرن بتبص لاقته رقم غريب فتحت السكه وقالت
ديمه :- الو مين معايه
عصام :- هههههههه انتى مفكره لما متجيش الجامعه ومترديش على رقمى مش هعرف اوصلك ده انتى عبيطه اوى
ديمه :- بدموع عايز ايه تانى مش خلاص اخد اللى انت عايزه منى
عصام :- مشتاق ليك يا جميل ونفسى نقضى ليله مع بعض وبرضاكى زى ما كنا بنعمل مع بعض على الكاميره
ديمه:- كان فى وخلص كنت عبيطه وفوقت متأخر اوى بعد ما خسرت كل حاجه
عصام :- لا ما انتى هتسمعى كلامى بالذوق احسن ما ازعل منك وزعلى مش هيعجبك
ديمه :- اللى عندك اعمله مبقدش تفرق معايه
عصام :- ههههههههههه لا هيفرق لما تشوفى اللى هبعته ليكى على التليفون ويا اما تيجى ليا الشقه يا اما الفيديو ده هيكون عند ابوكى واخواتك سلام يا قلبى وقفل معاها وبعد شويه تليفون ديمه اعلن عن وصول رساله ليها
ديمه :- فتحت الفيديو واتصدمت لما شافت اللى فى الفيديو وكان المحتوى
فيديو ليها وهى بتفعل معاه المحرمات على الكاميره قعدة تلطم وتقول يا فضحتى السوده وخبطت على رجليها بأيديها الاتنين وقالت اعمل ايه ياربى لو الفيديو ده وصل لبابا هيروح فيها ولو وصل لابيه سيف وأدهم هيقتلونى منك لله يا عصام حسبى الله ونعمه الوكيل ربنا ينتقم منك يارب وقعدة تعيط وتدعى ربنا يخلصها من اللى هى فيه ده
……………………………………………………
فى بيت حسن جادالله
كان قاعد حسن فى اوضه وماسك المصحف فى ايده وبيقراه فيه ودخلت عليه حوريه وقالت
حوريه:- انت هتقعد كده ملكش لازمه فى البيت قوم دور على مقصوفت الرقبه بنتك اللى فضحتنا فى المنطقه وفى البلد ده البلد كلها عرفت هناك واهلى واهلك مش عارفين يرفعو راسهم
حسن :- صدق بالله العظيم وقفل المصحف وقال عايزانى اعملك ايه اجيب عربيه وانادى وقول عيله تايها ياولاد الحلال ولا الف بصورتها على الناس فى الشارع وأسألهم عليها
حوريه :- هو ده اللى ربنا قدرك عليه بدل ما تلف الدنيا لحد ما توصلها وتكسر ليها رقبتها ما انت السبب فى اللى احنا وصلنا ليه من دلعك فيها
حسن :- وليكى عين تتكلمى ما انتى السبب فى اللى حصل لو مكنتيش غصبتى عليها فى الجوازه مكنتش هربت وكانت زمنها فى وسطنا
حوريه :- وانا السبب ليه علشان كنت عايزه افرح بيها زى اى ام مع راجل يحميها ويحرسها
حسن :- وهو انتى كنتى متأكده ان اشرف ده اللى كان هيسعدها ده بتاع امه
حوريه :- المفروض انت اللى كنت تتمسك بالجوازه دى علشان ابن اخوك انت
حسن :- انا مصلحة بنتى اهم عندى من اى حد واهو شفتى الشده معاها وصلتها لايه منك لله ياشيخه ضيعتى مننا البنت
حوريه :- انا هروح اتصل بأشرف هو ده اللى هيعرف يوصلها ويكسرها رقبتها احسن انت وابنك ايدى منكم والقبر مش هتتحركو ولا تعمله اى حاجه
حسن :- بصلها وقال لله الامر من قبل ومن بعد ربنا يهديكى ويحنن قلبك على بنتك بدل ما انتى طول عمرك قاسيه عليها
……………………………………………………
فى بيت رشا
كان الكل خلص اكل ودخلت حبيبه الاوضه تغير هدومها وبعد شويه دخلت ليها رشا
رشا :- ايه ده انتى رايحه فين
حبيبه :- هروح ادور على شغل اصرف منه على نفسى لحد ما اشوف هعمل ايه وهرجع ازاى تانى بتنا مع انى عارفه ومتأكده ان عمى وابنه مش هيعدى الموضوع بالساهل
رشا:- ربنا يسهلك الحال يارب
حبيبه :- يارب هروح انا بقى علشان الحق وقتى
رشا :- ماشى يا حبيبتى ربنا معاكى
……………………………………………………
فى قصر عزالدين
كان الكل قاعد على سفرة الفطار
عزالدين :- عملت ايه فى موضوع ضم شركة lamar للبناء والتعمير لشركتنا
سيف :- كل حاجه تمام يا بابا وبكره هنمضى عقود الانضمام
عزالدين :- اهم حاجه قريت الشروط والبنود فى العقد عندهم
سيف :- ايوه واكتر البنود فى مصلحة شركتنا وكل الصلاحيه لينا استبدال موظفين ونقلهم من مكان لمكان وتطبيق شروط جزئيه على مخالف بنود العقد بمالغ كبيره علشان الكل يلتزم بيها
عزالدين :- الله ينور عليك يا ابنى
أدهم :- هو ايه لزمته ضم الشركتين على بعض ما احنا شركتنا كبيره ومش محتاجه تصيد من حد ولا تشهير
عزالدين :- لا ليه لازمه شركة لمار من اشهر الشركات للبناء والتعمير ووجد الاسمين مع بعضيهم هيضيف للتانى شهره اكتر غير ان احنا بنخش فى منتجعات سياحيه كبيره وفنادق كبيره وسعات بنحتاج لسيوله وجود الشركه تانيه هتساعد معانا فى السيوله وفى المعدات فهمت
أدهم :- امممم دى ليله كبيره بقى انا مليش فيها
سيف :- حضرتك بتشرح لمين ده فاشل هتوجع قلبك على الفاضى وقام وقف وقال عن أذنك يا بابا هروح الشركه
عزالدين :- ماشى يا حبيبى ربنا معاك وانا هحصلك علطول
ومشى سيف راح على الشركه
أدهم :- هى برضه البت ديمه مش راضيه تروح الجامعه
عزالدين :- بتقول صحبتها بتجيب ليها محاضراتها لحد هنا وهى بتذاكر فيهم
أدهم :- البت دى اتحسدت كانت زى الورده المفتحه مش عارف ايه جرارها والنعمه عايزه تتبخر
عزالدين :- صبرنى يارب وقام وقف وقال انا ماشى بدل ما يحصلى حاجه منك
أدهم :- ليه بس ابابى ده انا بقول البت عايزه تتبخر وتتعمل ليها عروسه ونفضل نخرم فيها ونقول من عين سيف ومن عين عز وهكذا لحد ما نفقع عيونكم كلكم
عزالدين :- لا انت ناوى تشلنى انا ماشى
ومشى عزالدين على الشركه
أدهم :- لنفسه هما مالهم خلقهم عند منخرهم كده انا مالى خلى البت كده محسوده ومحدش يرقيها
وقام هو كمان ركب عربيته وراح للشركه
……………………………………………………
عند حبيبه نزلت تدور على شغل وكل ما تروح تقدم فى شركه يطلبو منها شهادة خبره ويأست من كتر ما لفت ومش لاقيه شغل وهى قعده على الرصيف وبتقول
حبيبه :- اعمل ايه يا ربى محدش راضى يقبلنى فى الشغل وانا الفلوس اللى معايه يدوب ادفعهم اجار شقه ومش هيبقى معايه فلوس للاكل والشرب هجيب مصاريف منين بس ياربى وبتبص حواليها كان فى كشك للجاريد ولمحت خبر فى اعلان الوظائف قامت جريت واشترت الجريده وقعدة تقراه الخبر وكان مكتوب مطلوب مهندسين حديثى التخرج للالتحاق بعمل فى شركة لمار للبناء والتعمير لا يشترط الخبره
حبيبه :- الحمدالله ياربى الف حمد وشكر انك سمعت دعائى ومسكت الجريده وبصت للعنوان ووقفت تاكسى وادته العنوان وراح بيها عند الشركه
……………………………………………………
فى بيت حسن جادالله
اتصلت حوريه على تليفون اشرف وانتظرت الرد
اشرف :- خير يا مرات عمى بنتك راجعت
حوريه :- لا لسه
أشرف :- امال متصله بى ليه
حوريه :- علشان تيجى تدور على خطيبتك وتكسر رقبتها
أشرف :- ومين قالك ان انا ساكت يا مرات عمى انا مكلم ناس بيدورو عليها فى الجامعه وعند اصحبها وانا نازل النهارده بليل ادور عليها بنفسى مش هسكت غير لما الاقيها
حوريه :- ارفع رسنا قدام البلد كلها يا اشرف
أشرف :- ده انا هخدها حيه واغسل شرفنا قدام البلد كلهم
حوريه :- انت اللى راجل بجد اما اللى عندى دول عيشت اسكندريه نستهم سلوهم واصولهم الصعيديه
اشرف :- انشالله هكون عندك بليل سلام
حوريه :- سلام
……………………………………………………
عند حبيبه وصلت لعنوان الشركه ونزلت من التاكسى وحسبته ودخلت الشركه وسالت على السكرتيره ووصف ليها مسؤال الاستقبال وطلعت حبيبه زى ما قلها
حبيبه :- السلام عليكم
السكرتيره :- وعليكم السلام امرى
حبيبه :- انا كنت جايه علشان اقدم فى الوظيفه اللى مكتوب عليها فى الجريده
السكرتيره :- معاكى السى فى تابعك
حبيبه :- اه اهو ومدت ايديها بى للسكرتيره
السكرتيره :- اخدته منها وقالت تمام اتفضلى اقعدى ثوانى وانا هخش ابلغ المدير
حبيبه :- شكرآ
وقعدة حبيبه وهى متوتره
ودخلت السكرتيره للمدير وبعد شويه طلعت وقالت
السكرتيره :- اتفضلى يا انسه المدير فى انتظارك
حبيبه :- ش.ش.شكرآ
ودخلت السكرتيره حبيبه فى مكتب المدير وقفلت الباب وراها
المدير تامر :- اتفضلى يا انسه
حبيبه :- شكرآ وقعدة على الكرسى اللى قصاد المكتب
تامر :- هههه انتى مالك خايفه كده ومتوتره
حبيبه :- ا.ا.اصل اول مره اقدم على شغل
تامر :- متخفيش مش هاكلك خليكى عادى وانسى اي حاجه واتصل على السكرتيره وطلب منها واحد ليمون
وشويه والسكرتيره جابت الليمون وحطته قدام حبيبه وطلعت
تامر :- اشربى يا انسه علشان تهدى شويه
حبيبه :- شكرآ ومدت ايديها واخدت كوباية العصير وشربتها وهدات شويه
تامر :- ها بقينا تمام
حبيبه :- ايوه اتفضل حضرتك اسأل
تامر :- اوكى انتى قولتى انك اول مره تشتغلى
حبيبه :- تمام علشان انا لسه فى الجامعه
تامر :- يبقى انتى هتخشى تدريب مش وظيفه علشان انا محتاج شباب متخرجه
حبيبه :- يعنى حضرتك هتقبلنى فى الشركه
تامر :- طبعآ انا بشجع الشباب وتملى بوفر ليهم فرصة عمل هما الاوله عند التخرج مش بشترط الخبره ومع الوقت بيتعلم فى شركتنا وبيبقى اشهر مهندسين عقبالك يارب
حبيبه :- شكرآ لحضرتك طب انا اقدر انزل من امته
تامر :- بصى انتى وشك حلو وبكره عندنا احتفال بأنضمام شركتنا لشركة عز للبناء والتعمير تقدرى تنزلى من بكره وتشركى معانا فى الاحتفال
حبيبه :- حضرتك قولت شركة عز
تامر :- اه اكيد انتى عارفها دى مشهور فى مصر وفى العالم كله
حبيبه :- اه عرفها
تامر :- تمام انا هكلم المحامى يحضرك العقد وتمضيه بكره مع امضاه عقد انضمام الشركات
حبيبه :- شكرآ لحضرتك عن اذنك
تامر :- اتفضلى
وخرجت حبيبه من المكتب ونزلت وقفت تاكسى وراحت على بيت رشا
ولسه هتنزل من التاكسي شافت اتنين لبسين لبس صعيدى وطالعين العماره
حبيبه :- يا نهار اسود هما وصله للرشا بسرعه كده اعمل انا ايه دلوقتى
السواق :- ايه يا انسه هتنزلى ولا هتروحى فين
حبيبه :- ها م.م.مش عارفه طب ممكن تخدنى عند لوكانده بس تكون فلوسها بسيطه مش غاليه
السواق :- والله يا انسه انا مش ضامن ليكى الرخيص بيبقى اكترهم مشبوه وسمعتهم مش حلوه
حبيبه :- لنفسها طب اعمل ايه الفلوس اللى معايه مش تكفى واحد غالى
السواق :- ايه يا انسه قولتى ايه
حبيبه :- طب متعرفش اى اوضه رخيصه اقعد فيها اليومين دول
السواق :- لا والله معرفش
حبيبه :- طب ممكن تمشى من هنا وتروح اى مكان بعيد
السواق :- بزهق ماشى ومشى بيها لحد ماراح لمكان بعيد عن بيت رشا
ونزلت من التاكسى وحسبته وقعدة على كرسى فى البحر
حبيبه :- منك لله يا اشرف انت وابوك علشان البهدل اللى انا فيها دى
وحسة بجوع راحت اشترت سندوتشات وقعدة تاكلها
……………………………………………………
«وراء كبرياءه عاشق»
الفصل التاسع
عند سيف خلص شغله وحس نفسه مخنوق نزل يشم شوية هوا ركب عربيته ومشى بيها على البحر
وصف العربيه ونزل راح لمكانه المفضل المنعزل عن الناس
……………………………………………………
عند حبيبه خلصت اكل ومسكت تليفونها فتحته وشافت رسايل كتير من اخوها وابوها وارقام غريبه ورقم رشا
اتصلت على رقم رشا وانتظرت الرد
رشا :- ايه يا بنتى حرام عليكى اتصلت بيكى كتير ولاقيت تليفونك مقفول
حبيبه :- ما انتى عارفه ان انا قافله من امبارح علشان محدش يعرف يوصلى
رشا :- كويس انك مجتيش كان فى ناس تبع عمك جم وسالو عليكى عندى
حبيبه :- اه ما انا عارفه شفتهم وهما طلعين عندك
رشا :- ده مش هيسكتو ده بيقولو كل شويه هيجو يسألو عليكى عندى
حبيبه :- ما انا عارفه ومش هينفع اجى تانى عندك بس محتاجه الهدوم بتاعتى انا الحمدالله لاقيت شغل وهنزل من بكره
رشا :- الحمدالله يا حبيبتى بس هتقعدى فين
حبيبه :- هشوف اوضه ولا حاجه
رشا :- خلاص شوفى انتى فين وهبعت
ليكى شنطة الهدوم مع عبده اخويه
حبيبه :- انا دلوقتى قعده على البحر بس فى مكان بعيد عن بيتك
رشا :- تمام خلى تليفونك مفتوح وانا هسجل رقمك على تليفون عبده اخويه وهرن عليكى منه وهو اول ما يقرب ليكى يكلمك علشان يعرف يوصلك
حبيبه :- ماشى انا مستنيه اخوكى
وقفلت حبيبه مع رشا واعلن تليفونها عن وصول رساله فتحتها وكان من اشرف ابن عمها ومحتوى الرساله مكتوب
اشرف :- مهما هتروحى هعرف اجيبك وهنتقم لكرامتى وكرامت العيله وهخلص من عارك قدام اهل البلد كلها وانا وانتى والطار ما بنا
حبيبه :- كتك القرف بنأدم زباله بتاع امه وليه عين كمان يهدتتنى كمان وهما اصلا طمعنين فى الارض اللى بأسمى وفى الوقت ده رن تليفونها برقم اخوها عمر وقعدة تكنسل عليه وشويه كمان تليفونها اعلن عن وصول رساله فتحتها وكان من اخوها عمر
عمر :- حبيبه ردى عليه ولو مش عايزه الجوازه وخايفه ترجعى فأنا بقولك ارجعى ومتخفيش هقف جمبك واحميكى منهم ومحدش هيقدر يمس شعره منك بس ارجعى تانى ابوكى هيتجن عليكى وبقى قاعد فى اوضه ومش بيخرج يكلم حد نهائى
حبيبه :- بدموع لنفسها انا اسفه يا بابا انا اسفه يا عمر بس غصب عنى والله ومبقاش فيها رجوع دلوقتى شكل عمى وابن عمى مش ناوين يجبوها لبر وفى الوقت ده رن تليفون حبيبه برقم عبدالله اخو رشا ردت عليه حبيبه
حبيبه :- ايوه يا عبدالله انت فين
عبدالله :- انا وصلت فى المكان اللى قالت عليه رشا ومش شايفك
حبيبه :- انت ابو قميص كروهات ده
عبدالله :- اه شوفتينى
حبيبه :- ايوه شايفاك من ضهرك لف وانت تشوفنى
عبدالله :- بص وراه لاق حبيبه بتشاور ليه راح ليه وقال ايه يا بنتى دوختينى ايه جايبك فى اخر بلاد المسلمين كده
حبيبه :- انا اللى طلبت من سواق التاكسى يبعد بيا على قد ما يقدر علشان محدش يشوفنى
عبدالله :- المهم خدى اهى شنطة هدومك مع انى زعلان
حبيبه :- زعلان ليه
عبدالله :- علشان القمر مش هيفطر معانا تانى
حبيبه :- اتكسفت وقالت ش.ش.شكرآ
عبدالله :- يالههههههوى على الطماطميه لما بتتكسف انا بعد كده مش هقولك غير يا طماطم
حبيبه :- هههههههههه وايه جاب اسمى لاسم طماطم
عبدالله :- خدودك يا جميل لما بيحمرو بيبقو شبه الطماطم علشان كده الاسم ده لايق عليكى
حبيبه :- شكرآ
عبدالله :- هتقعدى فين دلوقتى
حبيبه :- مش عارفه هشوف لسه اوضه اقعد فيها
عبدالله :- انا فى واحد صاحبى عنده شقه ارضى اوضين صغيرين وحمام ومطبخ لو عايزه اكلمهولك دلوقتى
حبيبه :- المهم متكونش غاليه
عبدالله :- لا متخفيش دى مش غاليه خالص وكمان لما يعرف ان الشقه لحد تابعى هيكرمك اكتر فى الإيجار
حبيبه :- ياريت يا عبدالله
عبدالله :- هتصلك بى واتصل على صاحبه واتفق معاه وقفل السكه
حبيبه :- ها قلك ايه
عبدالله :- اتفقت معاه على اجار قليل ومش هيخد منك حاجه الشهر ده هياخد منك الشهر الجاى الشهرين على بعضيهم علشان هو مش هنا مسافر وسايب المفتاح مع جارتهم هناك
حبيبه :- بجد ربنا يخليك يارب انت عملت معايه احلى معروف بدل ما كنت هنام فى الشارع
عبدالله :- احنا فى الخدمه يا جميل واخوكى عبدالله موجود فى اى وقت تحتاجيه يلا بينا على الشقه
حبيبه :- يلا ومشيت هى وعبدالله على الشقه الجديده
……………………………………………………
عند سيف قام وركب العربيه ومشى بيها وبالصدفه شاف حبيبه وهى وقفه مع عبدالله وقف العربيه قريبه منهم وسمع كلامهم بس فسرو بطريقه تانيه وقال
سيف :- هه هى دى اللى كنت مفكر انى ظلمتها طلعت بجد بتاعة رجاله وبتتفق معاه على الشقه اللى هتنام فيها معاه قد ايه وشها مخادع واللى يشوفها يصدق انها محترمه بجد وهى من بنات الليل ااااااه هتفضلو لحد امته يا بنات حوا مخادعين وتقدرو تمثلو دور البراءه
ربنا يكفينى شركم ويبعدكم عنى
ومشى بعربيته راح للقصر
……………………………………………………
فى قصر عزالدين
فى اوضة ديمه كانت قعده وعماله تعيط وافتكرت معاد البريود اتأخرت عليها وقالت
ديمه :- يا نهار اسود البريود اتاخرت عليه ليكون حصل حمل يارب استر مش نقصه فضايح وقامت لبست هدوم خروج ونزلت
عزالدين :- اخيرآ نزلتى رايحه فين يا حبيبتى
ديمه :- رايحه اجيب حاجه
عزالدين :- طب خليكى واتصلى بحد من اخواتك يجبها ليكى
ديمه :- ها م.م.مش هينفع دى حاجه خاصه بالبنات
عزالدين :- فهم وقال اه ماشى يا حبيبتى روحى ومتتأخريش
ومشيت ديمه راحت جابت اختبار حمل وحطته فى جيب البنطلون وجابت اشياء خاصه بالبريود علشان محدش يشك فيها وروحت على القصر ودخلت اوضتها ودخلت الحمام تعمل اختبار حمل
……………………………………………………
فى بيت حسن جادالله
كان عمر قاعد فى اوضه ودخل عليه ابوه
حسن :- فاضى يا ابنى اقعد معاك شويه
عمر :- اه يا بابا تعال
دخل حسن وقعد قصاد عمر على السرير وقال
حسن :- اختك لسه ما فتحتش تليفونها
عمر :- فتحته ورنيت عليها كتير وهى كنسلت عليه وبعت ليها رساله
حسن :- عمر يا ابنى اسمع منى الكلمتين دول اوعى فى يوم من الايام تقسى على اختك مهمها كانت غلطانه خدها فى حضنك واحتويها وبعد كده فهمها غلطها انتو ملكمش غير بعض وانت السند ليها فى الدنيا ده الواحد لما حاجه بتوجعه بيقول اخ
عمر :- ربنا يخليك لينا انت وماما ليه بتقول كده
حسن :- يا ابنى العمر مبقاش فى وان عشت ليكم النهارده مش ضامن اعيش ليكم بكره وامك طول عمرها قاسيه على اختك ومعرفش ليه ده لما كانت لسه مولوده مكنتش بترضه ترضعها طبيعى ولا تغيرها ولا حاجه خالص كانت علطول راميها لعمتها هى اللى كانت بتقوم بكل حاجه ومحدش لحد دلوقتى عارف السبب المهم اختك دلوقتى امانه فى ايديك وحاول توصلها قبل عمك وابن عمك ما يؤذوها انا عايز حبيبه سليمه ولو حصلها حاجه هحملك انت الذنب
عمر :- يابابا انا مش ساكت انا واصحابى اللى فى القسم مش ساكتين بندور عليها وبنحاول نوصل ليها فى اقرب وقت
حسن :- وقف وقال انا عايز بنتى سليمه يا عمر وطلع وسابه
عمر :- لنفسه انا بعمل بكل جهدى علشان اوصلها قبل ما يأذيها اشرف
……………………………………………………
عند حبيبه وصلت هى وعبدالله للشقه وخبط عبدالله على باب الجاره اللى صاحبه قاله عليها وطلب منها المفتاح
عبدالله :- ممكن لو سمحتى مفتاح الشقه الارضى
الجاره :- ايوه صاحب الشقه اتصل بى وقلى اتفضل اهو يا اخويه
عبدالله :- شكرآ يا حاجه
الجاره :- ميلزمكش اي خدمه تانى
عبدالله :- ربنا يكرمك يا حاجه
الجاره :- دى مراتك يا ابنى
عبدالله :- اه يا اما
الجاره :- تعالى يا بنتى سلمى عليه ده انا زى امك
حبيبه :- سلمت عليها وقالت ربنا يخليكى يا امى ده شرف ليا والله ان اتعرفت على حضرتك
الجاره :- ومعاكم اطفال ولا لسه عرسان جداد
عبدالله :- بنفاذ صبر اتفضلى انتى خشى يا حاجه واحنا متشكرين ليكى
ونزل هو وحبيبه وسابها
الجاره :- يووووه هما مالهم شباب اليومين دول خلقهم بقى ضيق كده ليه ودخلت وقفلت الباب
وفتح عبدالله الباب ودخل هو حبيبه
حبيبه :- بعصبيه انت ازاى تقول ليها انك جوزى
عبدالله :- لا اقولها واحد غريب وجى معاكى الشقه والمنطقه شعبيه كانو دبحونا هنا
حبيبه :- برضه مش يديك الحق تقول كده
عبدالله :- ده احسن ليكى لما تتعرفى هنا انك متجوزه محدش هيقدر يضيقك
حبيبه :- ولما حد يسألنى جوزك فين اقولو ايه
عبدالله :- قولى ان مسافر وبينزل كل فتره وانا هاجى كل فتره ابص عليكى وامشى علشان لو حد حاول يضيقك عايزه حاجه
حبيبه :- لا شكرآ ومشى عبدالله ودخلت حبيبه الاوضه وكانت كلها تراب فتحت شنطتها وغيرت هدومها ومسكت الشقه نضفتها من التراب وغيرت شكل ترتيب العفش وبعد وقت طويل خلصت ورمت نفسها على السرير ونامت من التعب
……………………………………………………
فى قصر عزالدين
فى اوضة ديمه عملت الاختبار وطلعت النتيجه ايجابى فى حمل
ديمه :- بدموع يا فضحتى السوده اروح فين واجى منين يارب حلها من عندك دى حاجه مش بتستخبه واكيد الكل هيعرف انا اللى جبت ده كلو لنفسى لما حبيت واحد واطى وسمحت لي يتطوال معايه لحد ما ضحك عليه انا عارفه ان انا غضبتك ياما يارب بس انت تواب رحيم اغفرى ذنوبى يارب واسترها عليه ده انا وليه وغلبانه ووقعت فى ايد اللى مش بيخاف ربنا ولا بيرحم بس انت اقوى من الكل يارب وانت على الظالم والمفترى
……………………………………………………
فى بيت حسن جادالله
وصل اشرف لبيت عمه
حوريه :- ها طمنى عملت ايه معرفتش توصل للمخفيه بنتى
اشرف :- كان خلاص الرجاله وصله للمكان اللى نامت فيه بس شكل فى حد بلغها بوجود الرجاله مجدش وقعد رجاله مرقبه البيت بس هى مجدش وانا وصتهم يقعدو يرقبو البيت ويرقبو اللى بينزلو من البيت لحد ما نوصل ليها
حوريه :- انا عارفه انك راجل وهتوصل ليها بسرعه
عمر :- وانا مش هسمح لحد يمد ايده على اختى ولو همسكو وهحطو فى الحجز
اشرف :- جر ايه يا ابن عمى اللى بيجرى فى جسمك ده ايه ميه اختك هربت يوم فرحها ونامت بره البيت الله اعلم هربت مع مين وقضت الليله دى فى حضن مين
عمر :- بعصبيه مسك فى اشرف وقال اخرس اختى دى اشرف من عشره زيك انت بس محروق علشان رفضتك وبعزقت كرامتك فى الارض واللى هيفكر يأذى اختى انا هكون راميه فى الحجز وانا بلغتك علشان متزعلش من اللى هيحصلك
وفى الوقت ده خرج حسن
حسن :- عمر سيب ابن عمك
عمر :- ده يا بابا بيقول كلام وحش على اختى
حسن :- كلمه واحده سيبو
عمر :- ساب اشرف وزقه
حسن :- جاى ليه يا اشرف
اشرف :- جاى ادور على بنت عمى وخطيبتى
حسن :- ملكش دعوه بالموضوع ده انا وابنى متكفلين بيه هندور عليها وهنرجعها فى حضننا من تانى
اشرف :- بنتك على عينى وعلى راسى لكن احنا صعايده ومجرد ما انتشر الخبر فى البلد الناس معندهاش سيره غير سيرة بنتك اللى هربت يوم فرحها وعلشان نسكت البلد ونقدر نرفع رسنا لازم نغسل شرفنا قدام الناس كلها علشان ما تتكلمش علينا
حسن :- معنى كلامك ده ايه عايز تقتل بنتى
اشرف :- اه مفيش حل غير كده
حسن :- على جثتى اخلى حد فيكم يأذى بنتى وبقولك اهو لو بنتى فكرت تمس شعره منها هتكون انت مدفون قبل منها واتفضل اطلع بره بيتى ومتجيش تانى فيه
اشرف :- بص لحوريه وقال ايه رأيك يا مرات عمى فى الكلام ده موافقه عليه
حسن :- توافق او متوافقش انا اللى اقوله هو اللى يمشى ولو مش عجبها الكلام تتفضل معاك من غير مطرود
حوريه :- استنا يا اشرف انا جايه معاك ميشرفنيش اقعد فى بيت مفهوش رجاله اللى قبلين بالفضايح وسكتين
حسن :- فى ستين داهيه المركب اللى تغور انا اهم حاجه عندى بنتى وبس
عمر :- معقوله يا ماما انتى موافقه على قتل بنتك وهتقفى قصدنا علشان هنحمى حبيبه
حوريه :- دى بنت مش متربيه وتستاهل اللى هيحصل فيها
حسن :- بره انتى وهو مشفش وش حد فيكم تانى
ودخلت حوريه ولبست هدومها وحطت هدومها كلها فى الشنطه وخرجت
حوريه :- خد يا اشرف يا حبيبى الشنطه منى وشال اشرف الشنطه ونزل بيها
حسن :- اعملى حسابك خروجك المرادى من الشقه ملهوش رجوع تانى
حوريه :- احسن هو انا يعنى هموت واعيش فيها ده حتى بيت كله اللى فى فقر
حسن :- ماشى يا حوريه براحتك
ومشيت حوريه مع اشرف للبلد
عمر:- انا مصدوم بجد فى ماما
حسن :- لله الامر من قبل ومن بعد وسابه ودخل الاوضه
……………………………………………………
اشرقت شمس يوم جديد فى سماء عروس البحر لتنير البيوت وتداعب العيون البونيه بخيوطها الصفراء لتبدء حبيبه بفتح عنيها وقفلها كذا مره حتى اتعودت على النور
حبيبه :- مسكت الساعه وبصت فيها وقالت
يانهار اسود انا اتأخرت على الشغل فى اول يوم ليا وقامت داخلت الحمام واخدت شاور على السريع واتوضة وخرجت لبست هدومها واداة فرضها وخرجت تجرى من باب الشقه ووصلت على اول الشارع ووقفت تاكسى وقالت ليه العنوان ووصلها التاكسى عند الشركه وحسبته ونزلت من التاكسى وطلعت تجرى على السلم لحد ما وصلت للدور اللى فى السكرتيره
حبيبه :- وهى بتنهج صباح الخير
السكرتيره :- صباح النور مالك بتنهجى كده ليه
حبيبه :- اصل طالعه بجرى على السلم
السكرتيره :- وليه مطلعتيش فى الاسنسير
حبيبه :- لالالا انا بخاف منه
السكرتيره :- ههههههه طب خشى بسرعه احسن صاحب الشركه التانيه اللى هتنضم لينا جوه وبيتعرف على الموظفين
حبيبه :- يا نهارى من اولها كده ربنا يستر اخش اى اوضه
السكرتيره :- اللى على ايديك الشمال
حبيبه:- شكرآ ومشيت جرى ودخلت الاوضه من غير حتى ما تخبط والكل بص ليها
حبيبه :- ا.ا.انا اسفه ان مخبطش واسفه على التأخير
تامر :- ولا يهمك تعالى خشى
سيف :- كان ضهرو ليها بس لما سمع صوتها عرف ان هى دى فتاة الليل زى ما هو بيقول عليها
تامر :- بص لسيف وقاله ودى بقى الانسه حبيبه لسه اول يوم ليها
سيف :- لف بضهرو وبص لحبيبه وقال تشرفنا يا انسه مش انسه برضه
حبيبه :- اه يا فندم وبترفع راسها اتصدمت 😨😨 ا.ا.انت
تامر :- ده استاذ سيف مدير شركة عز
حبيبه :- احم اهلا بحضرتك
سيف :- اهلا
وقعد الكل على تربيزة الاجتماع واتمضه عقود الانضمام وجه عقد حبيبه ولسه هتمضى
سيف :- قرب من حبيبه وقال المفروض الشركات دى للبنات المحترمه مش لبنات الليل
حبيبه :- انا محترمه غصب عن اى حد
سيف :- اه ما هو واضح تحبى اقولك انتى صحيتى النهارده متأخر ليه علشان طول الليل مكنتيش فاضيه كنتى فى حضن الشاب اللى شقطيه من على البحر ورحتى معاه الشقه الارضى
حبيبه :- انت واحد كداب ولو سمحت ملكش كلام معايه
سيف:- انا اللى اقول اتكلم مع مين ومتكلمش مع مين مش واحده زباله زيك هتعرفنى الصح من الغلط
تامر :- استاذ سيف حضرتك معايه هو فى مشكله بينك وبين الانسه
سيف :- لالا خالص ده انا كنت بوضح ليها بنوط فى العقد مش فهمها
تامر :- اه ماشى اتفضلى امضى يا انسه
حبيبه :- مضة العقد وسلمته لتامر
سيف :- الانسه دى محتجاها فى الشركه عندى
تامر :- بس دى لسه فى الجامعه لو محتاج حد مضمون انا ممكن ارشح لحضرتك اكفاء المهندسين اللى عندى
سيف :- لالا انا محتاج واحده مبتدءه علشان اعلمها الشغل وتبقى ايدى اليمبن
حبيبه :- لا طبعآ انا مضيت هنا وهشتغل مع استاذ تامر
سيف:- والله استاذ تامر بنفسه هو اللى هيقولك روحى علشان فى شروط جزئيه للى يرفض نقل الموظفين حسب رغبة شركة عز
تامر :- للاسف يا انسه مدام انتى مضيتى العقد تبقى شغاله عندنا ومن الشروط ان لو طلبو اى موظف من عندى لازم يروح يستلم الشغل فى شركة عز ولو انا رفض اوالموظف بيطبق عليه الشرط الجزئي وده مبلغ كبير جدآ
حبيبه :- يعنى انا كده ادبست فى الشغل فى شركة عز
تامر : - للاسف اه مع انى كان نفسى تشتغلى معايه
حبيبه :- وانا مش موافقه ولو هقدم استقاله من قبل ما استلم الشغل
تامر :- يا انسه الشغل فى شركة عز ده فرصه مش بتتعوض وحلم شباب كتير لسه متخرجين
سيف :- هقوم انا واشوفك بليل فى الحفله يا استاذ تامر وبص لحبيبه وقال فرصه سعيده ياااا انسه اشوفك بكره فى شركة عز وبصلها من فوق لتحت ومشى
وبعد ما مشى سيف حبيبه قالت
حبيبه :- استاذ تامر انا استحاله اشتغل مع البنأدم ده
تامر :- ولو قولت ليكى علشان خاطرى لو متنفذش كلام استاذ سيف هيبقى فى خساره كبيره للشركه بسبب الشرط الجزئى وانا اوعدك فى اقرب وقت هطلب رجوعك للشركه عندى تانى
حبيبه :- بس ده هتعامل معاه ازاى ده بنأدم متكبر وعديم الذوق
تامر :- معلش استحمليه كام شهر بس وانا هرجعك هنا تانى
حبيبه :- علشان خاطر حضرتك هوافق من اول مره شوفتك وانا مرتاحه لحضرتك لانك بنأدم محترم بجد ومتواضع
تامر :- يعنى هتنزلى من بكره شركة عز
حبيبه : - انشالله
تامر :- يبقى هنستناكى فى الحفله بليل
حبيبه :- اوكى
تامر :- تقدرى تمشى دلوقتى علشان تحضرى نفسك لبليل والشركه كلها واخده نص يوم
حبيبه :- قامت وقفة وقالت شكرآ لحضرتك وخرجت من المكتب ومشية على شقتها
تابعووووني للروايات الكامله والحصريه
