 |
الفصل السادس عشر
عاصم وقف مصد*وم لما لقي اتنين من الحرس شايلين اخته وهي شبه مي.ته
وبيقولو .. احنا لاقينا الهانم الصغيرة مرمية قدام الفيلا
ياباشا
نرمين وصافي اول ماشافو منظرها كدة وهي هدومها متقطعة وعليها د.*م فضلو يصر.خو
وكمال وعاصم كانو واقفين مصدومين
صافي بصراخ .. انتو واقفين كدا ليييه حد ياخدها المستشفى بسرعة بنتي بتمو.ووت
عاصم فاق وراح شالها وجري بيها على العربية وطلع بيها علي المستشفى بسرعة
وكلهم راحوا وراه
عاصم دخل بيها المستشفى وهو شايلها
وبيقول بزعيق.. دكتور بسرعة
جم الممرضين وخدوها منو بسرعة والدكتور دخل يكشف عليها
بعد وقت الدكتور خرج وعلامات الحزن علي وشه
كلهم جريو عليه بقلق وخوف شديد وقالولو .. مالها يادكتور
صافي بقلق ... بنتي حصلها ايه يادكتور .هي كويسة صح .. ارجوك قولي انها كويسه
الدكتور نزل رأسه بحزن شديد وقال..
......
عند ريم
كان حازم رجع الشقة
حازم دخل الاوضة يشوفها لاقاها نايمة
حازم قعد جنبها على السرير بهدوء وبدأ يزيح شعرها وهو بيتأمل فيها وفي ملامحها الهادية
و بدأ يحرك ايده على وشها بهدوء وبعدين ميل با.سها
حازم مكانش قادر يبعد عنها
لحد ما ريم فتحت عينيها بنوم واول ما شافته شهقت بخوف وقامت وهي بتقولو .. في ايه
حازم وهو بيحرك أيده على شفا*.يفها بر.*غبة .. عايزك
ريم اتنهدت وقالتلو .. انا تعبانه
حازم .. انتي هنا عشان تبسطيني وقت مااحب . ولا نسيتي انا اتجوزتك ليه
وقبل ما ريم تنطق كان حازم قربها منو اكتر وبدأ يبو.*سها بر*غبة وبعدين.....
.......
............
في المستشفى
الدكتور نزل رأسه بحزن شديد وقال .. للاسف هي اتعرضت لأغت.*صاب عني*ف بس احنا الحمد لله قدرنا نوقف النز*.يف
كلهم كانو واقفين بصدمة وزهول
فاقو على صوت الدكتور وهو بيقول .. .. انا مضطر ابلغ
كمال بجمود .. مالوش لزوم
الدكتور .. مينفعش دي حادثة اغت.*صاب لازم نبلغ الشرطة
كمال بغضب شديد .. وانا قولت مالوش لزوم روح شوف شغلك
الدكتور بخوف .. اللي تشوفه ياكمال باشا
صافي بدموع .. هي هتفوق امتا يادكتور
الدكتور .. ساعة كدة وتفوق . ادعولولها . عن اذنكم
ومشي
صافي بصت لكمال وقالتلو بان*هيار .. ارتحت دلوقتي بنتك ضاعت وبسببك . انا عمري ما هسامحك عمري ما هاسامحك على اللي حصل في بنتي ده .حسبي الله ونعم الوكيل فيك انت السبب انت السبب منك لله
كمال كان واقف بيسمعها بهدوء و مش قادر ينطق
نرمين بدموع .. اهدي ياماما
صافي بانهيار .. اهدي الزاي بعد ما اختك ضاعت وشر*فها راح
عاصم بغضب .. اقسم بالله ماهيكفيني فيهم عيلتهم كلها
بعد اللي عملوه
كمال .. اهدي وخلينا نفكر بالعقل
عاصم بغضب .. عقل ايه بعد اللي عملوه . انا لازم اشرب من د*.مهم
نرمين بعصبية .. كفاية بقا كفايه د*.م بقا انتو ايه
عايزين يجرالنا ايه تااني
نرمين .. انت ليه مابلغتش يابابا
كمال بغضب .. انتي عايزانا نتفضح .. انا هاعرف اخد حق بنتي كويس
صافي بسخرية .. اه روح بقا اق*تل حازم. ولا ياسين .ولا اقولك اخط*ف واحدة من البنات واغتص*.بها
واعمل زي ما عملو
بس ياتري بقا مهما تعمل هتعرف ترجع بنتي زي الاول
صافي .. رددد عليااا هتقدر
..........
تاني يوم
عند ريم
ريم قامت من النوم ملقتش حازم
ريم اتنفست بالراحة ودخلت الحمام تاخد دش
خرجت بعد ما لبست هدومها وفضلت تتحرك في الشقة بملل وهي بتبص علي الشقة اللي قد ايه باين عليها الفخامة والرقي
ريم كانت بتبص على الأثاث الفاخر
ريم ابتسمت بسخرية وهي بتقول في نفسها انها اكيد بالنسبالو زيها زي اي تحفة من اللي في الشقة دي
ريم غمضت عينها بألم وهي بتفتكر كلامو وأنها مجرد جس.م ليه مش اكتر من كدة
.....
عند أميرة وفارس كانو قاعدين في مطعم بياكلو وهما مبسوطين
دخلت داليا بالصدفة واول ماشافتهم وقفت بصدمة
بس مرة واحدة راحت قربت منهم وهي بتقول .. تصدقو شكلكم لايقين علي بعض
اميرة اول ما شافتها اتوترت
داليا بصت لفارس وقالتلو .. ايه بالسرعة دي لحقت تنسي ريم وتصاحب صاحبتها .
داليا بصت لأميرة .. سوري قصدي اللي كانت عاملة نفسها صاحبتها
داليا كملت .. وياتري بقا انت عارف اللي الهانم عملتو فيها
فارس بعدم فهم .. تقصدي ايه
داليا .. اقصد أن الز*بالة اللي قاعده قدامك دي هي ورا كل اللي حص..
أميرة قا*طعتها بعصبية ... اخر*سي ..انتي عايزة ايه بالظبط
عايزة تعملي ايه ماتخليكي في حالك
داليا ببرود .. ايه خايفة احسن حبيب القلب يعرفك علي حقيقتك
.......
في المستشفى كانو كلهم واقفين مع الدكتور
وبيحاولو يطمنو علي حالة مرام
صافي بخوف .. بنتي مش بتتكلم ليه يادكتور
الدكتور .. للاسف هي دخلت في صدمة نفسية أدت لفقدانها للنطق
بس الدكتور كمل بسرعة وقال .. بس ده مؤقتا عشان الحالة اللي هي فيها ..
صافي ونرمين كانو بيبكو بو*جع عليها وعلى اللي حصللها
كمال .. الحل ايه يادكتور
الدكتور .. هي لازم تتعرض علي دكتور نفساني ويتابع معاها وان شاء الله هتبقي كويسة
............
عند حازم
كان قاعد في مكتبه وهو رافع رجليه فوق المكتب ومرجع ضهره للورا ومغمض عينه بتعب
فجأة دخلت نرمين وهي منهارة وبتقولو .. انا عايزة اعرف حاجه واحده بس اختي زنبها ايه
حازم قام بسرعة وهو بيقول بستغراب..
الم البداية
الفصل السابع عشر
حازم كان قاعد في مكتبه وهو رافع رجليه فوق المكتب ومرجع ضهره للورا ومغمض عينه بتعب
فجأة دخلت نرمين وهي منهارة وبتقولو.. أنا عايزة اعرف حاجه واحده بس اختي ذنبها ايه
حازم فتح عينه وقال بستغراب .. نرمين
وكمل ببرود .. خير في ايه
نرمين بعياط .. في أن اختي ضاعت ومستقبلها ضاع بسببكم
في انكم دمرتوها . ليه عملتو فيها كدة لييه
حازم قام وهو بيقولها بستغراب .. انتي بتتكلمي عن ايه .مالها اختك
نرمين بدموع .. اختي بتمو.ت بسببكم
حازم بنفاذ صبر .. اهدي كدة وفهميني انتي بتتكلمي عن ايه واختك مالها واحنا ايه علاقتنا بالموضوع
نرمين بعصبية وصوت عالي .. دا علي اساس انك مش عارف
حازم بحدة .. وطي صوتك
حازم راح قعد علي كرسي المكتب وولع سيجارة وخد منها نفس وبعدين قالها ببرود .. عارف ايه بقا . ياتفهميني ايه اللي حصل ياتمشي تطلعي بره انا مش فاضي
نرمين .. افهمك ايه انكم خطفتو اختي واغتص.بتوها ودمرتوها . ولا افهمك ايه بالظبط
حازم بصدمة .. انتي بتقولي ايه . مرام حصلها كدة
نرمين بعياط .. عملتو فيها كده ليه
حازم اتنهد وقالها .. بس احنا معملناس فيها حاجه ولا خطفناها من الأساس
نرمين .. يعني ايه امال مين اللي ليه مصلحة يعمل كدة
غيركم
حازم .. قصدك يعني عشان اللي ابوكي عمله مع ابويا
سكت وبعدين قال ..وانتي فاكرة إن لما افكر اخد بطار.ي هاخده من وحدة
نرمين .. يعني ايه
حازم .. يعني انا معرفش حاجه من اللي انتي جاية تقوليها دي .
بس مش معني كدة اني هسكت علي ابوكي عمله . دا ليه حساب كبير اوي .بس كل حاجه في وقتها
حازم .. روحي شوفي مين اللي عمل كده في اختك
نرمين .. يعني ايه. يعني انت بجد ملكش علاقة باللي حصل ل مرام
حازم .. لأ
نرمين بحيرة .. امال مين انا هتجنن
سكتت ثواني وبعدين قالت .. يبقى مفيش غيره اكيد ياسين اخوك
حازم بغضب .. ولا ياسين انتي جاية ترمي بلاكي علينا.
ماتروحي تشوفي اختك غلطت مع مين
نرمين بدموع .. انت بتقول ايه اختي اتخطفت واللي حصلها ده غصب عنها
حازم حس انها صعبت عليه قام من علي الكرسي وقرب منها وبعدين اتكلم بهدوء
وقالها .. طيب اهدي كدة وفهميني ايه اللي حصلها بالظبط وكانت فين
نرمين بعياط .. هي نزلت امبارح عادي بس قلقنا عليها لما لاقيناها اتأخرت و مرجعتش البيت
دورنا عليها في كل مكان ممكن تروحو بس ملقنهاش وفي الاخر لاقيناها مرمية قدام الفيلا وهي مغمي عليها وهدومها كانت متقطعة وعليها د.م . جرينا بيها على المستشفي وهناك الدكتور قال
وكملت بصعوبة والم .. قال إنها اتعرضت لاغت.صاب
حازم كان بيسمعها بزهول وهو مش مصدق
نرمين وهي بتعيط بحرقة .. مرام ضاعت ياحازم . مرام جالها صدمة نفسية ومبتتكلمش
حازم غمض عينه بحزن علي اللي حصلها
حازم .. طيب اهدي
نرمين كانت بتعيط بانهيار
حازم خدها في حضنه وطبطب عليها وقالها ..اهدي
.........
عند فارس
كان واقف بعربيته قدام المكان اللي بتشتغل فيه داليا
داليا نزلت واول ما فارس شافها نزل من العربيه وقرب عليها وقالها ممكن نتكلم
داليا .. نتكلم في ايه
فارس .. عايز اعرف تقصدي ايه بالكلام اللي قولتيه امبارح وأميرة ايه علاقتها
داليا .. وانت يهمك في ايه .مش صدقت إن ريم زبا.لة وروحت شوفت حياتك مع الست اميرة
فارس .. وانتي فاكرة اللي ريم عملته كان سهل عليا . ريم خانتني عارفة يعني ايه
داليا بغضب .. ريم مش خاينة ريم دي انضف واحدة
فارس مسح علي وشه بتعب .. الزاي ..داليا ارجوكي انا تايه ومحتاج افهم كل حاجة
داليا سكتت ثواني وبعدين قالتلو .. طيب استناني ثواني هجيب حاجة من المكتب
داليا نزلت وفارس كان مستنيها جمب العربية
داليا .. خد ده اتفرج عليه وانت هتفهم كل حاجه
فارس بستغراب .. ايه ده
داليا .. ده سي دي. عليه فيديو صوت وصوره لأميرة وهي بتتفق علي ريم
داليا اتنهدت.. أميرة هي السبب في اللي حصل لريم يافارس كل ده كان من تخطيطها
فارس .. الزاي
داليا .. أميرة هي اللي لبستها القضية دي عشان تسجنها وتفضحها .شوف الفيديو بنفسك وانت هتتأكد من كلامي
فارس .. وأميرة هتعمل كل ده ليه
داليا ابتسمت بسخرية وقالتلو .. عشان بتحبك
داليا .. انت خسرت ريم . بس مبروك عليك أميرة
فارس .. بس انا شوفت ريم بعيني وهي رايحة للظابط شقته
داليا .. انت فاهم غلط .ريم مغلطتش
وحكتله على كل اللي حصل بين حازم وريم
داليا .. ريم اتظلمت وانت جيت بكل بساطة ود.بحتها لما صدقت فيها انها ممكن تعمل كدة .انت المفروض كنت اكتر واحد يقف جمبها
...........
عند حازم بعد مانرمين مشيت
كان قاعد بيفكر في كلامها ومين اللي ممكن يعمل كدة في مرام
حازم شك للحظة أن ممكن يكون ياسين فعلا ليه يد في الموضوع ده
حازم بغضب .. اقسم بالله ياياسين لو طلعت انت اللي عاملها ماهرحمك
ومسك تليفونه عشان يكلمه ورن عليه اكتر من مرة بس ياسين مكانش بيرد
حازم خد مفاتيحه ونزل ركب عربيته وطلع علي
حازم وهو في الطريق فضل يحاول يكلمه لحد ما ياسين اخيرا رد
حازم بزعيق .. انت فين يلاا
ياسين .. انا في الشركة ياحازم فيه ايه
حازم بغضب .. لما بكلمك ما بتردش ليه
ياسين .. انا كان عندي اجتماع عشان كدة ماكنتش برد على التليفون . اساسا كنت سايبه في المكتب
حازم بغضب .. تسيب كل حاجه وتيجي علي البيت دلوقتي حالا
ياسين .. خير هو في حاجه ولا ايه
حازم .. قدامك عشر دقايق وتبقي قدامي في البيت .اخلص
بعد وقت قليل
كان حازم قاعد في البيت وباين عليه الغضب
وشهيرة كانت قاعدة معاه ومش فاهمه مالو
في الوقت ده ياسين فتح الباب ودخل بهدوء
وشافهم وهما قاعدين كدة
ياسين بستغراب .. هو فيه ايه
حازم قام ووقف قدامه وقالو .. انت اللي عملت كدة في مرام
ياسين ببرود .. عملت ايه مش فاهم
حازم بغضب .. اقسم بالله لو ماتعدلت وجيت معايا دغروي انا عارف انا هعدلك الزاي
ياسين بهدوء .. عايز تعرف ايه
حازم .. عايز اعرف انت ليك يد في اللي حصل للبت ولا لأ
شهيرة .. هو حصل ايه انا مش فاهمه حاجه
ياسين ببرود .. اه انا اللي عملت كدة ..ولا انت كنت عايزني اسيب حق ابوك اللي بين الحياة والمو.ت
حازم بغضب .. وانت رايح تاخد بطا.رك من واحدة ياحمار ياغبي
ياسين .. انا كل اللي يهمني أن اكسر ابوها ومكانش في اي حاجة ممكن تكسره غير كدة
حازم .. اه غير انك تخطفتها وتغتص.بتها مش كدة
شهيرة حطت أيدها علي بوقها بصدمة
فوق
كانت يارا ومعاها انجي بنت عمها اول ما سمعو الصوت خرجوا من الاوضة يشوفو في ايه بس وقفو مكانهم علي أول السلم بزهول لما سمعوا كلام ياسين
رد ياسين بتصحيح وقالو لأ .. انا ملمستهاش .انا خليت رجالتي اللي قامو بالواجب ده
حازم مرة واحدة راح نازل على وشه بالقلم
انجي ويارا شهقو اول ما حازم ضرب ياسين بالقلم
حازم بغضب .. انت غبي غبي الزاي تعمل
حاجة زي كده ..
حازم مسح علي وشه بغضب
وقالو.. انا مش محذرك ياحمار انتا متتصرفش في حاجة ومتعملش حاجة من دماغك
شهيرة .. ليه ياياسين ليه عملت كدة
ياسين كان ساكت
شهيره .. رد عليا عملت فيها كده ليه حرام عليك ..انت عندك اخوات بنات ترضي يتعمل في واحدة فيهم كدة
شهيره .. ليه بس تعمل حاجة زي كده . دماغك كانت فين وانت بتعمل كدة رد علياا
ياسين بجمود .. انا عارف كويس اوي انا بعمل ايه
وطلع وسابهم
ياسين وهو طالع علي السلم قابل في وشه انجي بنت عمه اللي بصتله باحتقار
ياسين دخل اوضته من غير ما يتكلم وانجي نزلت بسرعة علي بيتهم وهي مصدومة في ياسين وفي اللي عملو
برا
تامر وقف بالعربية قدام الفيلا ونزل منها هو وهنا
هنا .. هدخل اشوف ماما
تامر .. متتأخريش
هنا .. حاضر
هنا دخلت وتامر هو كمان اتجه لڤيلتهم اللي هي في نفس المكان جمب فيلا عمو بس قبل ما يدخل شاف انجي اخته واقفة علي باب الفيلا وهي منهارة من العياط
تامر اتخض عليها اول ما شافها كدة وسألها تامر
وقالها .. مالك ياحبيبتي بتعيطي ليه كدة
انجي بشهقات .. ي.ياسين
تامر بغضب لما افتكر ان ياسين عملها حاجة .. عمللك ايه
انجي هزت راسها برفض وهي بتعيط .. معمليش حاجة
تامر .. امال بتعيطي ليه كده . في ايه
انجي بعياط .. ي ياسين .خ.خطف مرام بنت انكل كمال ووخلي رجالتو اغتصبو.ها
""اللي مركز في الرواية هيعرف أن انجي دي هيا اللي كانت بتكلم مرام في الفون وقت ما اتخطفت . هي صحبتها جدا""
تامر .. وانتي مين اللي قالك الكلام ده
انجي .. انا كنت هناك دلوقتي ووشوفته وهو بيقول لحازم وحازم كان بيزعقلو
تامر .. طب ادخلي انتي
انجي دخلت وتامر فتح تليفونه ولسه هيرن علي حازم شاف حازم خارج من الفيلا
تامر نادي عليه .. حازم .استني
حازم وقف مكانو جمب عربيته
تامر .. ايه اللي حصل . ياسين فعلا
حازم غمض عينه بغضب وقالو .. أيوة
تامر .. وهتعمل ايه
حازم .. مش عارف . الحيوان محذرو قدامك يعمل اي حاجه وبردو مشي بدماغه
حازم اتنهد بضيق من عمايل ياسين وقال لتامر .. انا ماشي عايز حاجه
وركب عربيته ومشي
.......
عند ريم كانت قاعدة بملل لحد ما الباب اتفتح ودخل حازم
ريم قامت مرة واحدة ووقفت قدامه
وقالتلو بعصبية .. انت الزااي تمشي و تسيبني كدة
حازم بصلها شوية وبعدين قالها بهدوء .. وانتي عايزة ايه . محتاجة حاجة
ريم .. انا زهقت وعايزة اعرف انا هفضل محبوسة في الشقة دي لحد امتي
حازم سابها وراح قعد علي الكنبة
حازم بهدوء .. اعمليلي قهوة
ريم بعصبية .. انا بقو..
حازم قاطعها بحدة .. اعمليلي قهوة . اخلصي
ريم نفخت بضيق وبعدين مشيت بغضب وراحت تعمل القهوة
بعد شويه جات وحتطها قدامه
حازم بدأ يشرب بهدوء
ريم قعدت قدامه وقالتلو .. ممكن اتكلم معاك
حازم .. عايزة ايه
ريم .. عايزة اروح شغلي . مروحتش من فترة كبيرة
ومينفعش افضل كدة سيباه
حازم .. انتي بتشتغلي ايه
ريم .. عندي مركز تجميل انا وداليا صحبتي هي شريكتي فيه
رد عليهاحازم ببرود وقالها .. بس انتي خلاص مش هتشتغلي تاني
ريم .. دا ليه بقا
حازم .. انا مش عايزك تشتغلي
ريم .. بس انتا مش من حقك تمنعني . وانا مش هسيب شغلي
حازم .. انا هعمل نفسي مسمعتش حاجة
ومتتكلميش في الموضوع ده تاني
ريم .. ممكن اعرف ليه . وبعدين انا كده كده طول اليوم قاعده لوحدي مبعملش حاجة . فيها ايه لما اروح اشوف شغلي
حازم .. انا مبحبش اعيد كلامي كتير .قولت مفيش شغل يبقى مفيش
ريم بغضب ... بس انا مش هسمحلك تحرمني من شغلي
حازم .. انتي سمعتيني انا قولت ايه
ريم قامت بعصبية وبصوت عالي وقالتلو .. لأ مسمعتش
ومش هسمحللك تتحكم فيا اكت....
ريم مكملتش كلامها وفي ثانية كانت واقعة على الأرض من شدة القلم اللي نزل علي وشها
ألم البداية
الفصل الثامن عشر
حازم بغضب .. انتي سمعتي انا قولت ايه
ريم قامت بعصبية وبصوت عالي وقالتلو .. لأ مسمعتش
ومش هسمحللك تتحكم فيا اكت....
ريم مكملتش كلامها وفي ثانية كانت واقعة على الأرض من شدة القلم اللي نزل علي وشها
حازم بغضب .. انا قولتلك ايه قبل كدة . صوتك ده ميعلاش بس انتي شكلك بتحبي تاخدي فوق دماغك
ريم قامت بصعوبة من على الأرض وبصتلو بكر.ه وقالتلو .. انا بكر.هك بكر.هك
ودخلت علي جوه وفضلت تعيط بوجع علي حالها
وحازم فتح الباب ورزعو وراه بغضب و نزل ركب عربيته وطلع علي المستشفى عند والده
.......
عند فارس
كان قاعد في مكتبه وبيسمع في التسجيل اللي ادتهولو داليا
فارس قفل التسجيل وغمض عينه بغضب من نفسه ومن غباءه اللي وصلو أنه يخسر ريم
..........
عند حازم بعد ما وصل المستشفى
كان واقف مع الدكتور وهو بينظر علي أبوه من خلف الزجاج وهو نايم على السرير وجسمو كلو متوصل بالأجهزة
حازم .. مفيش تحسن في حالته يادكتور
الدكتور بعلمية .. بص ياحازم باشا انا مقدرش اقولك أن الحالة ميؤس منها
وفي نفس الوقت مقدرش اقولك أن ممكن يفوق دلوقتي
كل حاجه بأيد ربنا . هو ممكن يفوق في أي وقت وقريب كمان. وممكن
وبعدين سكت.
حازم بصله .. وممكن مايفوقش خالص
الدكتور .. ممكن
حازم اتنهد .. طيب لو سفرناه بره
الدكتور .. صدقني ياحازم باشا مش هيبقى في أي اختلاف عن هنا
.........
كانت قاعدة قدام التسريحة وبتدلك ايديها بالكريم
ركزت في المرايا علي جوزها اللي قاعد على السرير
وقالتلو .. امجد
امجد وهو قاعد على السرير بيقلب في تليفونه ومشغول فيه
امجد .. امم
شيرين .. هو حازم مختفي فين الايام دي مبقاش بيسهر معاكو يعني زي الاول
امجد .. مانتي عارفه اللي حصل لابوه . وبعدين حازم اتجوز اصلا
شيرين لفت وبصتلو .. بتهزر .
امجد .. لأ مبهزرش حازم اتجوز بجد
شيرين قامت من علي كرسي التسريحة وراحت قعدت جنبه علي السرير وسألته باهتمام .. اتجوز امتي واتجوز مين .واحنا الزاي منعرفش
امجد .. لأنو اتجوز في السر محدش يعرف حتي اهله ميعرفوش
شيرين .. وهو ليه متجوز في السر
امجد قفل الفون وحطو جمبو
وبعدين بصلها بتركيز وهو مبهور من جمالها وقالها .. لأ دي حكايه كبيرة هبقي احكيهالك بعدين . دلوقتي مش فاضي
قالها كدة وهو بيبص علي جسمها بر.غبة
امجد .. عندي حاجات اهم بكتير من حازم
وغمزلها
شيرين .. ياسا.فل بطل قلة ادب بقا واحكيلي دلوقتي
يعني هو اتجوز مين .حد نعرفو
امجد .. لأ
شيرين .. طيب هي مين وعرفها الزاي
امجد .. بعدين هاحكيلك .بس قوليلي انتي حلوة اوي ليه كدة النهارده
شيرين .. النهارده بس يعني انا مكنتش حلوة قبل كدة
امجد .. مين قال كدة دا انتي طول عمرك بطل .بس انتي فيكي حاجه متغيرة النهارده
شيرين .. اه . اصلي غيرت لون شعري
امجد .. شوفتي بقا عشان تعرفي اني مركز معاكي
شيرين .. مانتا ياريتك مركز معاياا انا بس .دا انتا مركز مع ستات مصر كلهم
وبعدين كملت بتهديد .. بس والله ياأمجد لو عرفت انك بتعرف ستات عليا تاني لا اسيبلك البيت وما هتعرفلي طريق
امجد .. انا مفيش واحدة تملي عيني غيرك انتي
وبعدين انتي ظلماني في الموضوع ده .دا تامر وحازم منهم لله هما اللي شبهوني إنما أنا معرفش حد غيرك ياقمر
شيرين بغيظ .. اه ما هو باين
امجد .. بقوللك ايه احنا مش ها نقضيها كلام تعالي عشان انتي وحشاني
وقرب منها وبعدين.......
....
عند ريم
كانت واقفة في البلكونة وفجأة حست بحد بيحضنها
ريم لفت بخضة
حازم .. اهدي في ايه دا انا
ريم بغضب .. ما هو المشكلة أن انتا هو في حد راعبني غيرك
وسبته ودخلت جوة بضيق
حازم دخل وراها وقالها .. انا عارف اني اتغابيت عليكي
اتتنهد وقالها .. بصي انا عايزك لما تلاقيني متعصب متجادليش معايا .ممكن
وقرب منها وباسها علي خدها وقالها .. متزعليش
حازم طلع علبه من جيبه وفتحها وطلع منها سلسلة رقيقه جدا
حازم .. هتبقي حلوة عليكي .ايه رأيك البسهالك
ريم .. انا مش عايزة منك حاجة
واتنهدت وقالت .. ياريت تطلقني بقا
حازم .. قولتي ايه
ريم .. بقولك طلقني
حازم مسكها من شعرها .. الكلمة متجيش علي لسانك تاني .انتي فاهمه
ريم بوجع .. سيب شعري ياحيوان
حازم شد علي شعرها اكتر وقالها بغضب .. كلمة كمان ومش هيطلع عليكي نهار . وكمل بتحذير .. دي اخر مرة تغلطي وتطولي لسانك . ومتفكريش تعندي معايا لأني مبحبش العند وانتي في الاخر اللي هتتعبي
وشد شعرها اكتر .. سامعة
ريم بوجع .. سامعة سامعة
حازم سابها بعنف وخرج من الشقة بغضب
بعد وقت
حازم وقف بعربيته قدام الفيلا ونزل ودخل بهدوء
شهيره كانت قاعدة هي وهنا
حازم .. مساء الخير
شهيره وهنا .. مساء الخير
شهيره .. اخليهم يحضرولك العشا
حازم .. لأ انا طالع انام تصبحو على خير
حازم كان لسه هيطلع علي السلم
بس شهيرة قالت .. حازم
حازم .. لف ليها .. ايه ياماما
شهيرة .. هتعمل ايه في المصيبة اللي اخوك عملها دي
شهيرة .. كمال وابنو مش هيسكتو علي اللي حصل لبنتهم ده
حازم بهدوء .. هيعملو ايه يعني .
شهيره .. انا خايفه علي اخواتك ياحازم
حازم .. محدش فيهم يخرج من البيت غير بالحراسة
شهيره .. واخرتها ايه . هنفضل كدة لحد امتا .
شهيرة اتنهدت وقالت ..مكانش لازم ياسين يعمل كدة ابدا
حازم قالها .. هو انا ايوا مش موافق علي اللي الحما.ر ابنك ده عملو بس مش معني كدة اني كنت هسكت علي اللي حصل لابويا
شهيره .. يعني هنفضل علطول في القلق ده
حازم .. متقلقيش محدش هيقدر يقرب منكم
وكمل بثقة .. هما مش هيعرفو يعملو حاجة صدقيني
شهيره .. انت الزاي واثق كدة انهم مش هيعملو حاجة
حازم .. لأني ماسك علي كمال وابنه حاجات توديهم ورا الشمس
.........
عند امجد وشيرين
شيرين كانت نايمة في حضن امجد
شيرين .. بقولك ايه يا امجد عايزاك تخلي حازم يعرفني علي مراتو
امجد .. حاضر هقولو يجيبها وتيجي تقضي معاكي يوم
........
تاني يوم
عند فارس في مكتبه
فارس كان واقف وهو بيبص من شباك المكتب وفجأة ملامحه قلبت بغضب اول ما شافها وهي داخلة الشركة
بعد دقايق دخلت أميرة من باب المكتب وكان فارس لسه واقف مكانه
أميرة قربت منه بالراحة وراحت حضنته من ظهره
أميرة .. وحشتني
فارس غمض عينه بغضب
وبعدين لف ليها وراح مسكها من شعرها بغضب
أميرة بوجع .. اه سيب شعري. في ايه انا عملت ايه
فارس ساب شعرها وراح ضربها بالقلم
فارس بغضب .. بقا انتي يازبالة اللي عملتي كل ده
بتبيعي صحبتك وتفضحيها ياوس**
أميرة قربت منو بعياط .. انا عملت كدة عشانك عشان بحبك . مقدرتش اشوفها وهي بتاخدك مني ..فارس انا مستعدة اعمل اي حاجه بس افضل معاك
فارس مسكها من شعرها وقالها .. وانتي فاكرة اني هحبك يا.زبالة انتي رخي.صه يابت .
وحدفها على الأرض بغضب
فارس .. اقسم بالله لندمك على اللي عملتيه ده يابنت الكل.ب انا هعرفك الزاي توقعي وتخربي ما بنا ياز.بالة
فارس بزعيق .. امشي يلا اطلعي بره وقابلي بقا اللي هعمله فيكي
أميرة قامت بصعوبة وهي بتعيط وقالتلو ..انا بحبك متعملش فيا كدة
أميرة بعياط .. انا مقدرش اعيش من غيرك .انا عملت كل ده علشانك
فارس بغضب شديد ..براا
وزقها على برا
........
مساءا
وصل حازم امام حازم شقة في الزمالك
الشقة دي متعود يسهر فيها مع صحابه ديما
حازم فتح باب الشقه بالمفتاح ودخل بهدوء
كان امجد وتامر قاعدين وكان في معاهم بنت
حازم قرب من الكنبة ونام عليها بتعب
امجد .. مالك يا حازم
حازم .. مفيش
البنت قربت منو وقالتلو بدلع .. اعملك مساج ياباشا
حازم بغضب .. غوري من وشي
البنت قامت بسرعه
حازم بغضب .. مشي البت دي ياأمجد
أمجد .. انتا بتقولي انا ليه دا تامر اللي جايبها
حازم بص لتامر بغضب
حازم .. اقسم بالله ياتامر ا..
تامر قاطعه بتوتر .. في ايه احنا كنا قاعدين عادي مش اللي في دماغك
امجد لحازم.. ايه ياعم هو الجواز هيغيرك ولا ايه
تامر .. جواز ايه . وبص لحازم وقالو .. هو انت اتجوزت
حازم بلامباة .. ايوا
تامر .. من أمتي ومقوتليش ليه
حازم .. انتا مش شايف الظروف اللي احنا فيها كنت هقولك ايه
امجد .. بقولك ايه ياحازم شيرين عايزة تتعرف على مراتك
حازم هز دماغه .. ان شاء الله
فجأة تليفونه رن وكانت مامته
حازم .. ايو ياماما .انتي كويسة
شهيرة بفرحة .. حازم ابوك فاق ياحازم
حازم قام وقال بعدم تصديق .. انتي بتتكلمي بجد
شهيرة .. ايوا تعالي بسرعة
حازم .. انا جاي حالا
تامر .. في ايه
حازم .. ابويا فاق
تامر ..بجد
حازم هز راسه
حازم وتامر وأمجد نزلو بسرعة وطلعو على المستشفي
بعد وقت قليل كانو وصلو المستشفى
حازم دخل الاوضة عند والده
حازم قرب منه ووطي باس راسه وبعدين قعد علي الكرسي جمبه ومسك ايده وباسها
حازم .. حمدالله علي سلامتك
مراد بتعب .. الله يسلمك . ياحازم
............
مساءا
عند ريم
كانت قاعدة لحد مالا قت الباب بيخبط
ريم قامت وقربت من الباب وفتحت لاقت شخص واقف
ريم .. انت مين
الشخص .. حازم باشا باعت ده لحضرتك
ريم خدت منو الشنطة وقالتلو ..شكرا
ريم قفلت الباب وفتحت الشنطة لاقت تليفون
طلعت التليفون بسرعة وفتحته
وجمعت علطول رقم مامتها وحطت التليفون علي ودنها
سحر .. الو
ريم .. ماما
سحر بلهفة .. ريم . عاملة ايه ياحبيبتي .انتي كويسة
ريم بدموع مداريها .. ايوا انا كويسة انتي عاملة ايه وشاهندة ودينا عاملين ايه
سحر .. احنا كويسين يا حبيبتي . اهم حاجة طمنيني عليكي انتي الحيوان ده عملك حاجة تاني وبيعاملك الزاي
ريم .. اطمني ياماما انا كويسة
وسكتت ثواني وقالتلها .. وهو كويس معايا
سحر .. متخبيش عليا ياريم
ريم .. مفيش حاجة ياماما صدقيني
ريم فضلت تتكلم مع مامتها شوية وبعدين قفلت معاها
ريم بعد ما قفلت حطت التليفون قدامها
بس ثواني والفون رن
ريم ردت وكان حازم
حازم .. عامله ايه
ريم مردتش عليه
حازم .. انتي سمعاني
ريم بضيق .. ايوا عايز ايه
حازم بحدة .. لما اكلمك تتكلمي كويس . فاهمه
ريم .. حاضر
حازم .. انا ممكن اقعد يومين مجيش لو محتاجة حاجة قوليلي ابعتهالك
ريم ف نفسها احسن ياريت متيجي خالص
وبعدين قالت بهدوء .. لأ مش محتاجة حاجة
حازم .. طيب شوفي كدة ولو لاقيتي نفسك محتاجة حاجة كلميني
ريم .. أن شاءالله .. ممكن اقفل
حازم سكت شويه وبعدين قالها .. اقفلي
..........
عدي يومين حازم كان مشغول فيهم مع والده
لحد ما بقا كويس و خرج من المستشفى
..........
عند ريم كانت خارجة من الحمام وهي لفة فوطة علي جس.مها بعد ما خدت دش
بس اول ما رفعت عينها شهقت بخوف لما لاقت حازم قاعد علي السرير
حازم بسخرية .. ايه شوفتي عفريت
ريم بصتله ومتكلمتش
حازم قام وقرب منها
ريم اول ما لقته بيقرب
راحت تمشي بسرعه
بس حازم وقف قدامها
ريم .. س سبني اروح البس
حازم قرب منها جامد وراح حضنها
حازم .. انتي وحشتيني اوي
وباسها في رقبتها
ريم .. لو سمحت ابعد
حازم بعد بصعوبة وقالها .. البسي وتعالي
ريم دخلت تلبس وبعد دقايق خرجت
كان حازم نايم علي السرير
حازم فتح ايده وقالها .. تعالي ياريم
ريم قربت بتوتر وراحت نامت في حضنه
حازم ضمها ليه بتملك وغمض عينه ونام
تاني يوم في الصباح
ريم صحيت وبعدين عينها جات علي حازم اللي نايم جمبها ريم كانت بتبص عليه بشرود وهي بتدعي في نفسها أن ربنا يخلصها منو قريب
ريم اتنهدت وفكت ايده من عليها بالراحة
ولسه هتقوم لاقت حازم بيقولها رايحة فين
ريم .. هقوم
ريم قامت دخلت الحمام خدت شاور وطلعت
كان حازم قاعد على السرير بيشرب سيجاره
ريم وقفت قدام التسريحة عشان تسرح شعرها
بس لفت نظرها صورة لطفل صغير في سن ٤سنوات تقريبا كانت علي التسريحة هي بتشوفها دايما بس متعرفش مين اللي في الصورة ده
ريم مسكت الصورة وبصت علي حازم
وهي بتقولو باستفهام .. هو مين الطفل اللي في الصورة ده
حازم .. دا ابني
ريم بصدمة كبيرة .. ايه..ابنك
ريم .. انت متجوز
حازم .....
ألم البداية
الفصل التاسع عشر
ريم مسكت الصورة وبصت علي حازم وهي
بتقولو باستفهام.. هو مين الطفل اللي في الصورة ده
حازم ببرود .. ابني
ريم بصدمة كبيرة .. اييه..ابنك .ابنك الزاي
ريم .. هو انتا متجوز
حازم .. كنت
ريم .. وايه اللي حصل .. م مراتك فين
حازم .. طلقتها
ريم بزهول .. يعني انتا كنت متجوز ومخلف كمان .
ريم .. عشان كدة حزرتني احمل . طبعا ماانتا معاك ولد
ريم اتنهدت .. وهو ابنك فين بقا . بتشوفه
حازم .. ابني معايا
ريم .. معاك الزاي مش أنت مطلق مامته
حازم ..ايوه بس ابني عايش معايا
ريم .. الزاي يعني دا شكله صغير .ومامته الزاي تسيبه بسهولة كدة
ورجعت تاني قالتله بسخرية .. ايه الغباء اللي انا فيه انابسأل ليه . اكيد هددتها هي كمان وخدتو يعيش معاك غصب عنها مش كدة . ما هو دا طبعك
حازم بصلها بهدوء وبعدين قالها .. مش عايز كلام كتير روحي حضريلي الحمام وبعدين اعملي فطار يلا
ريم كانت واقفة تبص عليه
حازم .. سمعتي روحي اعملي اللي قولتلك عليه .يلاا
ريم مشيت بضيق وراحت تحضرله الحمام
ريم خلصت ولفت عشان تخرج لاقت حازم في وشها
ريم .. خلصت
وخرجت بسرعة
وراحت تحضر الفطار
بعد شويه حازم دخل المطبخ لاقها مشغولة في تجهيز الاكل
حازم جي من وراها وحضنها
حازم .. خلصتي
ريم ..اه ثواني بس . م ممكن تبعد عشان أخرج الاكل علي السفرة
حازم خرج من المطبخ وراح قعد علي السفرة
وريم خرجت بالاطباق وحطتها قدامه
حازم .. اقعدي بقا
ريم قعدت وبدأو الاتنين يفطرو بهدوء لحد ما ريم اتكلمت
ريم .. هو انت طلقت مراتك ليه
حازم .. بتسألي ليه
ريم .. بسأل عادي هو انا مش من حقي اسأل
حازم .. لأ
ريم .. نعم .يعني ايه
حازم . يعني دا شئ ما يخصكيش
ريم .. بس انا مراتك ومن حقي اعرف عنك كل حاجه
حازم ابتسم بسخرية .. مراتي . بقيتي بتقوليها عادي يعني
ريم .. دا ملوش علاقه بأني طيقاك اولأ .بس دا الواقع زي انت ما بتقول
ريم .. وانا من حقي اعرف انت طلقت مراتك ليه . وليه مقولتليش انك كنت متجوز قبل كدة اصلا
حازم ببرود .. ودا يفرق معاكي في ايه
ريم .. طبعا يفرق معايا
حازم ..ليه بقا هو انتي صدقتي انك مراتي بجد
ريم بلعت ريقها بصعوبة وقالتلو .. قصدك ايه
حازم .. يعني انتي هنا عشان مزاجي . مزاجي بس . ومالكيش تتدخلي في أي حاجه تانيه
ريم صرخت فيه بعصبية وقالتلو .. بطل بقا تقولي الكلام دا وتحسسني اني ر.خيصة . لييه .ليه محسسني اني بالنسبالك مش اكتر من مجرد جس.م بس لوقت ما يجيلك مزاجك
ريم بعصبية .. رد علياا بتعمل معايا كدة ليه
حازم بصلها بغضب وقالها .. انتي صوتك علي تاني ولا انا بيتهيألي
ريم بصتله بدموع وقهر وقامت وراحت دخلت جوه وفضلت تعيط
حازم قام وخرج من الشقة هو كمان راح شغله
..........
في الفيلا
يارا كانت قاعده حاضنة باباها ومش عايزة تسيبه
شهيره دخلت وقالتلها .. سيبي بابا يرتاح شوية ياحبيبتي مش كدة
مراد ..سيبها يا شهيرة دي وحشاني
يارا .. وانتي زعلانة ليه ياماما . ولا انتي بقا غيرانه
مراد ابتسم بتعب علي كلام بنته
شهيره .. وانت بتضحك . عاجبك كلامها اوي .مش شايف بتكلمني الزاي ولا كأني مامتها
مراد .. عيب كدة يا يارا
يارا .. ما هي اللي مش عايزاني اقعد معاك وانت واحشني
في الوقت ده دخل الاوضة طفل وهو بيجري ويقول ..جدوو
وراح طالع على السرير وقعد في حضن مراد
مراد باسو وقالو .. عامل ايه يا حبيبي
يحيى .. كويس بس انت كنت واحشني اوي ياجدو
شهيره .. طيب يلا بقا كدة انتو الاتنين وسيبوه يرتاح
يحيي برفض .. لأ انا عايز افضل هنا مع جدو
شهيرة .. لأ يايحيي انت بتتنطط كتير وبتتشاقي وجدو تعبان
يحيى .. لأ انا هقعد كويس والله مش هاعمل حاجة
مراد .. سيبهم يا شهيرة انا كويس .روحي انتي
شهيرة بغيظ ..بقا كدة .ماشي .انا غلطانة اني عاملة عليك
وخرجت بغيظ
................
عند ريم كانت قاعدة لحد ما لاقت تليفونها بيرن
ريم مسكته ونفخت بضيق وبعدين ردت
حازم .. البسي هاعدي عليكي بعد نص ساعة .هانروح مشوار
ريم .. فين
حازم .. مش انتي زهقانة من القعدة لوحدك هانروح عند واحد صاحبي هو ومراتو عايزة تتعرف عليكي
ريم .. بس انا مش عايزة اروح عند حد
حازم .. اجهزي اخلصي قدامي بالظبط نص ساعة .عايز اجي القيكي جاهزة
وقفل قبل ما تتكلم
............
عند نرمين في الشركة
دخلت انجي وسألت السكرتيرة عليها
السكرتيرة .. ثواني هبلغها
السكرتيرة دخلت عندها المكتب وبعدين خرجت
وقالت لأنجي ..اتفضلي
انجي هزت راسها ودخلت بهدوء
نرمين اول ما شافتها قامت بسرعه وسلمت عليها بحب
واستقبلتها كويس جدا
انجي .. عاملة ايه
نرمين .. كويسة ياحبيبتي .انتي أخبارك ايه
انجي .. تمام
نرمين .. تشربي ايه
انجي .. مالوش لزوم . انا كنت جاية أسألك علي مرام
نرمين اتنهدت بحزن وقالتلها .. تعالي
وخدتها وراحت قعدت علي الكنبة
انجي .. هي عاملة ايه دلوقتي . حالتها متحسنتش شوية
نرمين بحزن .. ادعيلها ياانجي مرام تعبانة اوي
نرمين .. حسبي الله ونعم الوكيل في اللي عمل فيها كدة
نفسي اعرف بس مين اللي دمرها كدة وليه
انجي باستغراب .. هو انتي مش عارفه مين اللي عمل فيها كدة
نرمين .. بابا وعاصم .. متأكدين أنو حازم أو ياسين اخوه
. وانا كمان كنت فاكرة كدة بس لما روحت لحازم قالي انو
ما لوش علاقة باللي حصلها لاهو ولا ياسين
انجي طبعا كانت عارفة انو ياسين بس لما لاقت نرمين مش عارفه حاجه مقدرتش تتكلم وتقول ان ياسين هو اللي عمل كده فعلا
بس انجي قالت بدموع .. ربنا يشفيها
نرمين .. يارب . بلاش عياط ياحبيبتي
انجي .. مرام مش صحبتي بس دي اختي
نرمين حضنتها بدموع .. عارفة ياحبيبتي هي كمان بتحبك اوي
انجي مسحت دموعها وقالتلها .. ممكن اطلب منك طلب
نرمين .. اتفضلي ياحبيبتي
انجي .. عايزة ازورها .ممكن لما تروحيلها تاخديني معاكي
نرمين هزت راسها .. حاضر ياحبيبتي
نرمين .. بقولك ايه . مش بتشوفي يحيي
انجي .. بشوفه
نرمين .. عامل ايه
انجي .. هو كويس
نرمين اتنهدت بحزن وقالت .. واحشني اوي
انجي .. تحبي استأذن من حازم واجيبهولك تشوفيه
نرمين .. ياريت
انجي .. هكلمه وحاول اجيبهولك
انجي قامت .. هامشي بقا
وسلمت عليها ومشيت
................
عند ريم كانت بتلبس لحد ما حازم رن عليها
ريم .. نعم
حازم .. جهزتي
ريم .. ايوا
حازم .. طيب انزلي انا تحت
ريم .. حاضر
وقفلت
وراحت نزلت علطول
كان حازم مستنيها في العربية
ريم فتحت العربية وركبت
حازم اول ما شافها بص عليها بأعجاب واضح بس متكلمش
وبعدين شغل العربية وطلع بيها
بعد وقت كانو وصلو عند امجد وشيرين
اللي استقبولهم كويس جدا ورحبو بيهم بحب
وقعدو يتكلموا لحد ما حازم قال .. فين الاكل انتو مش ناويين تغدونا ولا ايه . في ايه يا امجد
امجد .. صحيح فين الاكل ياشيرين
شيرين قامت .. هروح اجيبه همكو انتو علي الاكل
شيرين .. وبعدين انا القعدة خدتني مع ريم انا حبيتها اوي ياحازم . بجد ذوقك حلو
حازم .. عارف
شيرين بصت لريم وقالت . طول عمره مغرور
ريم ابتسمت باصتناع
بعد شويه كانت شيرين في المطبخ بتغرف الاكل وريم كانت معها
ريم .. تحبي اساعدك
شيرين .. مش عايزة اتعبك
ريم .. مفيش تعب ولا حاجة . هاساعدك
وبدأت تعمل معاها لحد ما
شيرين قالت .. عامله ايه مع حازم
ريم بصتلها ومش عارفه تقول ايه
شيرين .. انا عارفه انتي وحازم اتجوزتو الزاي
سكتت ثواني وقالت .. بس علي فكرة حازم بيحبك
ريم ابتسمت بسخرية وقالت .. فعلا
شيرين .. صدقيني حازم بيحبك بجد . والدليل على كدة انو اتجوزك . لو كان شايفك زي انتي ما فاكرة مكانش هيتجوزك كان هياخد اللي هو عايزه ومكانش هيفرق معاه بس انا عارفة حازم كويس وصدقيني في اللي بقولهولك .
انتي بس اديه فرصة
امجد دخل .. خلاص ولا نروح ناكل بره
شيرين .. خلاص اهو
وشالت الاطباق هي وريم وطلعو يرصوها علي السفرة
وقعدو كلهم ياكلو لحد ما حازم تليفونه رن
حازم قام يرد وبعدين رجع وهو بيقول لريم .. انا عندي شغل تحبي تيجي اروحك ولا تفضلي مع شيرين و اعدي عليكي بليل
شيرين .. ايوا ياحازم روح انتا وسيبها
وبصت لريم .. ايه رأيك
ريم بهدوء .. ماشي
حازم .. يلا ياأمجد
حازم وأمجد نزلو
وشيرين وريم فضلو مع بعض وقعدو كملو كلام بعد
ما ريم استريحت لشيرين وحست انها كويسه فعلاً
مساءا
حازم رن علي ريم وقالها انو مستنيها تحت
ريم قامت وسلمت علي شيرين ونزلت وركبت معاه وروحو شقتهم
.................
تاني يوم
في الفيلا
كانو قرايبهم كلهم متجمعين عيلة مراد وعيلة شهيرة بمناسبة خروج مراد من المستشفي
شهيرة كانت قاعدة مع ليلي سلفتها ليلي تبقا مامت انجي وتامر
شهيره .. امال انجي فين ياليلي
ليلي .. في اوضتها
وبعدين قالت بحيرة .. انا مش عارفة هي مالها بقالها كام يوم كدة متغيرة وعلطول حزينه كدا
شهيرة .. طيب ما تسأليها شوفي مالها
ليلي .. كل ما اسألها تقولي مفيش ياماما . بس انا حاسه ان في حاجة مزعلاها وهي مش عايزة تقول
شهيرة .. متقلقيش . هتبقي كويسة أن شاءالله
كاميليا جات وقعدت جنبهم
كاميليا لليلي .. ازيك ياطنط
ليلي .. ازيك ياحبيبتي عامله ايه
كاميليا .. كويسة . امال انجي فين مش باينة يعني
ليلي انجي فوق شوية كدا وهتنزل
كاميليا هزت دماغها وبعدين ميلت علي شهيرة
وقالت .. هو فين حازم يا عمتو
شهيرة .. لسه مجاش تلاقيه عندو شغل
كاميليا .. يعني ايه هو مش هيجي
شهيره .. هيجي بس يعني تلاقيه مشغول عشان كدة اتأخر
كاميليا كان باين عليها القلق
شهيرة بخبث .. متقلقيش اوي كدة هيجي
........
عند انجي كانت نايمة في اوضتها
دخلت عليها هنا عشان تشوفها
هنا قعدت جنبها وبدأت تصحيها
هنا .. انجي
انجي ....
هنا .. انجي اصحي
انجي فتحت عينيها بنوم .. في ايه
هنا .. يلا قومي العيلة كلها متجمعين عندنا والكل بيسأل عليكي .وانتي نايمة ليه دلوقتي
انجي قامت اتعدلت وقالت .. سيبني ياهنا مليش نفس أقابل حد
هنا .. هتفضلي قافلة علي نفسك كدة. ماينفعش
هنا اتنهدت وقالت .. انجي يا حبيبتي انا عارفه أن موضوع مرام مأثر فيكي بس ماينفعش تفضلي كدة عشان متتعبيش
انجي .. وهي اللي حصلها دا كان عادي
انجي بدموع .. انا عمري ما هسامحه اخوكي ده علي اللي عملو فيها
هنا .. انا عارفة أن ياسين غلط .بس هنعمل ايه يعني مانتي عرفاه طول عمره متهور وهمجي. ربنا يهديه
هنا قامت وقالتلها .. يلا بقا قومي معايا ماما قالتلي
مانزلش غير بيكي
انجي .. ما هو اكيد تحت .انا مش طايقة اشوف وشه
هنا .. لأ مش تحت لسه مجاش .يلا بقا
هنا نزلت هي وانجي ودخلوا الفيلا عند شهيرة
شهيرة اول شافت انجي قالتلها .. تعالي ياحبيبتي
انجي راحت ووقفت معاها
بعد شوية
كان الاكل جهز
شهيرة يلا ياجماعة السفرة جاهزة
كلهم راحوا قعدو ياكلو بعد ما حازم وصل وياسين كمان
بعد وقت كانو خلصو اكل و قعدو يتكلموا
في الوقت ده كان تليفون انجي مش مبطل رن لحد ما انجي استأذنت منهم وخرجت بره في الجنينه ترد
كل ده وياسين كان عينو عليها ومركز معاها
انجي خلصت المكالمة وبتلف فجأة لاقت ياسين في وشها
ياسين .. مين اللي كان بيكلمك
انجي بتوتر .. د.دي صحبتي
ياسين .. طيب وريني التليفون
انحي .. نعم
ياسين بحدة .. بقوللك هاتي التليفون
انجي .. وانت مالك اصلا انتا عايز مني ايه .اوعا كدة وزقته وجات تدخل ياسين مسكها .. رايحة فين
انجي بعصبية .. سيبني ادخل انت جاي ورايا ليه
ياسين .. هاتي التليفون
انجي .. عايزو ليه
ياسين ..عايز اعرف مين اللي كان بيكلمك
انجي .. قولتلك صحبتي
ياسين .. هاشوف بردو
وخد منها التليفون غصب عنها بس حاول يفتحو معرفش لأنو مش عارف الباسورد
ياسين .. افتحيه
انجي .. افتحوا انتا لو تعرف
ياسين بزعيق .. افتحيه اخلصي
انجي فتحته وياسين بدأ يقلب في الفون
انجي كانت خايفة ومتوترة
ياسين طلع الرقم اللي كان بيكلمها
واول ماشافه ملامحه قلبت بغضب
ياسين بغضب .. انتي لسه بتكلميه
انجي كانت ساكتة
ياسين بغضب ..انا مش قولتلك قبل كدة الواد ده لا تكلميه ولا تشوفيه مابتسمعيش الكلام ليه . رددي
انجي اتكلمت بشجاعة مزيفة وقالت .. وانت مالك انت ملكش حكم عليا انا اعمل اللي انا عايزاه وانت متتدخلش
في حياتي
ياسين مسكها من دراعها بغضب وقالها .. اقسم بالله لو ماتعدلتي انا هعرف اتصرف معاكي كويس
انجي .. هتعمل ايه يعني
ياسين .. انتي عارفه انا هتعمل ايه
وكمل بتحزير .. الواد ده لو عرفت انك بتكلمه أو بتشوفيه ساعتها متلوميش غير نفسك
انجي حررت أيدها منو بقوة وقالتلو .. لأ مش هنفذ كلامك لأني بحبو وقريب اوي هنتخطب
ياسين مرة واحدة راح مسكها من شعرها وقالها بغضب .. قولتي ايه ياروح امك . بتحبي مين
انجي .. بحب آدم
ياسين راح ضربها بالقلم
ياسين .. اقسم بالله لو نطقتي الكلمة دي تاني لدفنك مكانك هنا
عند حازم
كان واقف قدام باب الفيلا بيدخن سيجار
كاميليا جات وقفت حمبو وقالتلو .. واقف هنا ليه
حازم .. بشرب سيجارة
كاميليا .. حازم
حازم بصلها بتركيز .. ايه يا كاميليا
كاميليا .. انت ليه مابقتش تعاملني زي الاول
حازم .. الزاي يعني وانا كنت بعاملك الزاي
كاميليا .. يعني احنا كنا الاول قريبين من بعض .
سكتت وبعدين قالت بحزن .. دلوقتي بقت بحسك بتتهرب مني . ليه ياحازم . ليه بتعمل معايا كدة انت عارف اني بحبك
حازم .. كاميليا انتي لازم تفوقي من الوهم ده .احنا مانفعش لبعض ليه رابطة نفسك بيا
اتنهد وقالها .. انتي مليون واحد يتمنوكي
كاميليا .. انا مش عايزة غيرك .ليه بتعمل معايا كدة .سبيتني الاول ورحت اتجوزت نرمين مع انك عارف اني بحبك . ودلوقتي بتقولي كدة
حازم .. انا منعفكيش ياكاميليا
كاميليا لسه هتتكلم تليفون حازم رن
حازم اول ما بص في التليفون ولقي ريم اللي بترن فتح بسرعة
حازم سمع صوت ريم وهي بتقول .. ال.حقني بسرعة
حازم مشي بعيد وهو بيقول بقلق .. الو ريم .ريم انتي سمعاني
بس ريم مكانتش بترد
حازم اتخض وقلق عليها جدا وخد عربيته بسرعة وطلع بيها
الم البداية
الفصل العشرون
حازم سمع صوت ريم وهي بتقول .. ال.حقني بسرعة
حازم مشي بعيد وهو بيقول بقلق .. الو ريم .ريم انتي سمعاني
بس ريم مكانتش بترد
حازم اتخض وقلق عليها جدا وجري بسرعة وخد عربيته وطلع بيها
كاميليا كانت واقفة وعينيها مليانة دموع بعد ماسمعت حازم وهو بيتكلم في التليفون وبينطق اسم واحدة وباين عليه انو مخضوض عليها خصوصاً لما سابها ومشي منغير
مايرد عليها حتي لما نادت عليه عشان تسأله في ايه
كاميليا مسحت دموعها وبتلف لاقت اللي بيقولها .. كنتي واقفة معاه ليه
كاميليا بصتله وبعدين راحت تمشي بس هو وقفها وقالها .. انا بكلمك
كاميليا .. انت عايز ايه . ما تخليك في حالك
ياسر .. انتي حالي يا كاميليا
كاميليا .. ابعد عني دلوقتي يا ياسر انا مش طايقة نفسي
ياسر بسخرية .. كل ده عشان حازم سابك ومشي .ماهو علطول بيسيبك ايه الجديد
كاميليا بعصبية .. انتا عايز ايه ا..
ياسر قاطعها .. انا عايزك ياكاميليا
كاميليا .. وانا مش عايزاك
ياسر بهدوء .. طيب ماانتي كمان حازم مش عايزك بتجري وراه ليه بقا
كاميليا سكتت مكانتش عارفه تقول ايه هو فعلا عندو حق حازم مش شايفها
ياسر .. كاميليا انا عايزك تفوقي من الوهم اللي انتي عايشه فيه . حازم لو شايفك او حاسس بيكي كان اتجوزك من زمان ماانتي طول عمرك قدامه بس انتي اللي مش عايزه تقتنعي انو خلاص مش من نصيبك وعايشة في الاوهام علي امل انو هيجي اليوم وحلمك يتحقق
ياسر .. بس انا بقا بقولك ياكاميليا مفيش حاجه من اللي في دماغك هتحصل انسي حازم لانو مش ليكي
كاميليا كانت واقفة دموعها نازلة من كلام ياسر لانو فعلا بيتكلم صح بس هي اللي غبيه
ياسر مسح دموعها وقالها .. كاميليا انا بحبك وعايزك
..............................................
عند حازم كان سايق بجنون وهو مش عارف ايه اللي حصلها فضل طول الطريق قلقان وخايف عليها لحد ما وصل
حازم طلع بسرعة واول ما فتح باب الشقه اتصدم لما لاقي ريم واقعة على الأرض وماسكه بطنها وبتتوجع جامد
حازم قرب منها بسرعة وقالها .. مالك ايه اللي حصل
ريم بوجع وألم شديد و هي مش قادرة تتكلم .. ال.حقني بمو.ت. بط.ني بتت.قطع
حازم شالها ونزل بيها بسرعة وحطها في العربيه وطلع علي المستشفى
بعد وقت قياسي كان حازم وصل المستشفى وهو شايل ريم
حازم .. دكتور بسرعة
جم الممرضين وخدوها منو بسرعة والدكتور دخل يكشف عليها
حازم كان رايح جاي قدام غرفة الكشف وهو هيموت من القلق عليها لحد ما الدكتور خرج
حازم لسه هيسأل الدكتور لقي الدكتور
بيقول للمرضين .. جهزولي غرفة العمليات بسرعة
حازم بقلق وخوف .. في ايه مالها يادكتور ايه اللي حصل
الدكتور .. الزايده التهبت عندها ولازم نشيلها قبل ما تنفجر . لازم تعمل العملية دلوقتي حالا لو فضلت اكتر من كده هتنفحر في بطنها
الممرضين جهزوا غرفة العمليات بسرعة والدكتور دخل يعملها العملية
........................................
عند امجد كان قاعد في كافيه هو وعمر صاحبه
وبيشربو شيشه
عمر .. ماتكلملنا حازم يجي يقعد معانا من زمان مشفتوش
امجد .. حازم اكيد مشغول دلوقتي
عمر .. ياعم كلمه وشوفه
امجد مسك تليفونه ورن علي حازم
عند حازم كان واقف قدام غرفة العمليات وهو باين عليه القلق لحد ما تليفونه رن
حازم فتح .. ايه ياأمجد
امجد .. بقولك ايه عمر معايا اهو متيجي تسهر معانا
حازم .. مش هينفع
امجد .. ليه
حازم .. انا في المستشفى
امجد .. في حاجة ولا ايه انت تعبان
حازم .. مش انا دي ريم تعبت
امجد .. تعبت الزاي ايه اللي حصل
حازم .. عندها الزايده هي جوه في العمليات دلوقتي
عمر .. طيب انا هجيلك . مستشفى ايه
حازم .. مالوش لزوم
امجد .. لأ اناجاي قولي بس اسم المستشفى
امجد قفل لقي عمر بيقولو .. خير في ايه مالو حازم
امجد .. حازم مراتو في المستشفى بتعمل عملية
عمر باستغراب .. مراتو مين هو مش حازم مطلق مراتو
امجد .. ايوا ماهو اتجوز تاني
عمر .. اتجوز امتا
امجد خد مفاتيحه وقام وقالو .. انا رايحله المستشفى
تعالي معايا واستفسر براحتك واحنا في الطريق
.........................................
عند شيرين كانت بتعمل شوبيج هي وندي خطيبت عمر
وهما في المول بيشترو لبس ندي كانت ماسكه جيب
قصيرة جداً وبتقول لشيرين .. ايه رايك في دي
شيرين بصت عليها وقالتلها .. كويسه
ندي .. هخدها بس ياريت بقا عمر ما يعترضش عليها
شيرين .. لو شايفه انو هايعترض عليها بلاش
ندي .. عمر ده خنيق بيعترض علي لبسي كلو اصلا دا لو عليه
عايزني البس جلابيه
شيرين .. ماهو بصراحه ياندي انتي لبسك مستفز كلو قصير وعر.يان
ندي .. والله هو عرفني وهو عارف ان دا استايلي ووافق يخطبني علي كده مايجيش بقا يعترض دلوقتي
شيرين .. انتي بتحبيه ولا لأ
ندي .. ايه السؤال ده طبعاً بحبو
شيرين .. طيب ما دام بتحبيه حاولي تتغيري علشانه مفيهاش حاجه لو عملتي اللي هو عايزه
ندي بضيق .. وهو يعني لو بطل تحكماته دي هيجرا ايه يعني
شيرين .. هو بيحبك وبيغير عليكي ودي المفروض حاجة تبسطك مش تدايقك
ندي .. ياستي يحبني ويغير عليا عادي معنديش مشكلة
بس مايخنقنيش
شيرين لسه هتتكلم تليفونها رن
شيرين .. دا امجد اكيد هايقولي اتأخرنا ليه
ندي .. طيب ردي شوفيه
شيرين .. ايه ياحبيبي احنا خلاص راجعين اهو
امجد .. لا متروحيش تعالي علي مستشفى ***
شيرين بخضه .. خير في حاجة انت كويس
امجد .. انا كويس بس مرات حازم في المستشفى تعالي عشان تبقي جمبها
شيرين بقلق .. مالها ريم
امجد .. بتعمل عملية الزايدة .يلا تعالي بسرعة
شيرين .. حاضر وقفلت
ندي .. خير في ايه مين اللي تعبان
شيرين .. تعالي وهقولك في الطريق
...............................................
في المستشفى كان حازم واقف لحد ما الدكتور خرج
حازم .. طمني يادكتور
الدكتور .. الحمد لله العملية اتعملت وهي هتبقي كويسة بإذن الله
حازم .. طيب هي هتفوق امتا يادكتور
الدكتور .. احنا هننقلها غرفة عادية دلوقتي وساعة وهتفوق ان شاء الله
ريم انتقلت غرفة عادية
وبعدين دخل حازم عندها
حازم قرب منها وهي نايمة على السرير وميل باسها علي راسها
ريم طبعا لسه في البنج مش حاسه بحاجه
حازم قعد علي الكرسي اللي جمب السرير ومسك ايدها وباسها وهو بيحمد ربنا انو لحقها علي اخر لحظة
حازم كان ماسك ايدها ورافض يسبها
حازم فضل جمبها لحد ما ريم فاقت
ريم فتحت عينيها بتعب
حازم .. حمدالله على السلامه
ريم بتعب .. ايه اللي حصل انا فين
حازم .. انتي في المستشفى
ريم .. ايه اللي حصل
حازم .. الزايده التهبت عندك والدكتور عملك العملية
ريم كانت لسه مش فايقه كويس من البيج
حازم .. حاسه بايه دلوقتي حاسه بوجع
ريم .. وجع بسيط
ريم .. عايزه مايه
حازم .. حاضر
وراح يجيب لها مايه
ريم جات تقوم بس معرفتش
حازم دخل لاقها بتحاول تقوم
قرب عليها بسرعة وقالها .. بتعملي ايه
ريم .. عايز اقوم
حازم .. ماينفعش انتي تعبانة عشان بطنك
ريم .. هات المايه
حازم فتح الازازة وقعد يشربها
في الوقت ده كان امجد و عمر وصلو المستشفى
وشيرين وندي كمان لانهم اتقابلو وراحوا مع بعض
دخلو المستشفى وسألو علي رقم الاوضة اللي فيها
ريم وبعدين اتجهو للاوضه
دخلو الاربعه وسلمو عليهم
شيرين قربت من ريم وباستها وقالتها .. الف سلامه عليكي يا حبيبتي
ريم بتعب .. الله يسلمك
وندي قربت هي كمان وقالتها .. الف سلامه عليكي
ريم .. الله يسلمك
شيرين قالت لريم .. دي ندي صحبتي وخطيبت عمر اللي واقف ده
ريم هزت راسها بتعب
فضلو معاها لحد ما الدكتور دخل يطمن عليها
حازم .. المفروض تخرج امتا يادكتور
الدكتور .. بكرة ان شاءالله هكتبلها علي خروج
حازم .. مينفعش تخرج النهارده
الدكتور .. لازم تبات في المستشفى ممكن تتعب في اي وقت
حازم بتفهم .. تمام
الدكتور قالها الف سلامه عليكي
وخرج
بعد شوية كانو قاعدين
في الوقت ده ريم كانت حاسه بوجع بس كانت
متحمله على نفسها بس مرة واحدة مقدرتش تتحمل الوجع وفضلت تصرخ
حازم قام بسرعة ونادي الدكتور
والدكتور جي واداها مسكن
وشيرين فضلت جمبها تلمس علي شعرها لحد مانامت
..........................................................
تاني يوم
ريم قامت بس مكانش في حد في الاوضه
ريم كانت محتاجة اي حد ياساعدها تقوم عشان تدخل الحمام
حازم دخل لاقاها بتحاول تقوم
حازم قرب عليها بسرعة وقالها .. رايحة فين . محتاجة حاجة
ريم .. ممكن تنادي الممرضة
حازم .. انتي محتاجة ايه
ريم .. عايزاها تساعدني ادخل الحمام
حازم .. انا هساعدك
ريم برفض .. لأ انا عايزه الممرضة نادي ليها لوسمحت
حازم .. لأ انا هساعدك
وساعدها حازم رغم اعتراضها
وساندها لحد الحمام
بعد شويه فتحت باب الحمام و خرجت وحازم ساندها تاني لحد السرير
ريم .. انا عايزه اخرج من هنا
حازم .. هشوف الدكتور يجي يكشف عليكي ويشوف ينفع تخرجي ولا لأ
الدكتور جي وكشف عليها وقالها .. لأ احنا كده بقينا تمام وكويسين النهارده
حازم .. يعني ينفع تخرج
الدكتور .. انا هكتبلها علي خروج بس اهم حاجه تاخد الدوا في مواعيده
بعد وقت كانت ريم خرجت من المستشفى
ورجعت مع حازم الشقة
شيرين وامجد وعمر وندي كانو رايحين المستشفى
بس لما كلمو حازم قالهم انها خلاص خرجت
عند حازم وريم في الشقة
ريم كانت في الاوضة ومعاها شيرين
وندي دخلت بلاكل
شيرين .. يلا بقا عشان تاكلي
ريم .. مش قادره
شيرين .. ماينفعش عشان تاخدي العلاج وكملت وقالت ..
وبعدين البت ندي دي اكلها حلو هيعجبك
ريم بصت علي ندي وهي مستغربة وكأنها مش مصدقه كلام شيرين وقالت .. بجد
ندي بضحك .. للدرجادي مش واثقه فيا
شيرين .. لا ميغركيش شكلها
هي يبان عليها فافي بس بتعرف تعمل اكل كويس اكلها حلو بجد . كلي يلا وعلي ضمانتي
بعد وقت كانت ريم كلت وشيرين ادتها العلاج
شيرين وندي خرجوا من الاوضة بعد نامت
كان حازم وامجد وعمر قاعدين بره
امجد قام .. يلا احنا بقا
شيرين بصت لحازم وقالتلو .. هي نامت دلوقتي لما تصحي خليها تاكل وتاخد الدوا و ندي جهزتلها اكل جوه في المطبخ
امجد اول ما سمع كده قال .. ندي جهزت اكل ربنا يستر
شيرين بصت لندي وقالت .. هما كلهم واخدين عنك فكره وحشه ليه
ندي .. مش عارفه
عمر قال .. محدش ليه دعوة ب ندي
....
مساء ا
ريم كانت نايمه علي السرير وفجأه تليفونها رن
ريم مدت ايدها ومسكت التليفون وردت
ريم .. الو
... وحشتيني
ريم اول ما سمعت الصوت قامت اتعدلت وقالت بهمس .. فارس
فارس .. وحشتيني ياريم
حازم من وراها .. بتكلمي مين
تعليقات
إرسال تعليق