رواية بنت_فوق_التلاتين الفصل الاول والتاني بقلم مرفت السيد حصريه وجديده علي مدونة النجم المتوهج للروايات والمعلومات
 |
الأول
عديت التلاتين
قالي :بتتعوجي ليه انتي فوق ال٣٠
حدفته باقرب حاجة لايديا دباسة الورق ومجتش فيه
سحبت شنطتي وقلت له ليك عين تعايرني عالاقل انا باكافح باحترامي وشرفي وانت بقى مراتك ست جميلة ومحترمة وانت شغال بفلوسها ياخاين عاوز تتجوز عليها وتقهرها ربنا ياخد امثالك دة انت قد ابويا عيب عليك روح حج ياابو البنات خليته فرجة للناس
طردني قلتله لا انا الي سايبهالك
وسبت شغلي الي كان ساند معايا ةلان معاشنا قليل بس امري لله
ماتجوزتش وايه يعني عادي
هو الهدف من الحياة بنظر الناس عبارة عن جوازة وبس الستر جواز النجاح جواز طب ليه نحشي عقول البنات ان ملخص وهدف حياة البنت جوازة وياريت لو تبقى عريس غني 😁
انا بقى دماغي مختلفة
بابا تعب كنت باراعيه لحد ماربنا اراد انه يختاره يرتاح من الحياة وتعبها الله يرحمه كان حنين اخواتي متجوزين بييجوا زي الضيوف فاضل انا. واخ صغير لايعتمد عليه
دلوقتي ماما تعبانه مين هايرعاها لو انا اتجوزت
هي نفسها تفرح بيا ولكن انا عقلي هو الي بيتحكم بحياتي
مافيش عريس بييجي ويخليني احس انه هايقدر ظروف امي ويخليني اراعيها ويقدر ان شخصيتي قوية الكل عاوز يحجر عليا ويتحكم وانا لاشيء
بارفض بارفض بارفض اني اكون مجرد زوجة والسلام
انا عاوزة حد يشاركني يعيش معايا نتفق او نختلف بس نتناقش محتاجة حد يكمل معايا الحياة ونكمل بعض 🥺
اعرفكم بنفسي
انا زينة ٣٣ سنة بيقولو حلوة واقدر اتحمل مسئولية وتعليمي متوسط بابا كان مطحون بجوازات اخواتي لحد الثانوي وقالي كفاية دي مقدرتي 😔
اشتغلت واديني اهو سبت شغلي في المعرض بتاع السيارات لأن صاحبه عاوزني زوجة تانية
وانا ماشية وسرحانة وبافكر هعمل ايه لآخر الشهر حسيت اني طايرة من عالارض 😳😞
وفجأة .حصل الي هايغير حياتي .....
#بنت_فوق_التلاتين
بارت٢
وحشتوووني 🤗😘
لما حسيت اني طايرة من عالارض
دة مش من فرحتي 😁
دة من عربية شالتني وقعت علي الرصيف
على أيدي الشمال
مش قادرة اوصف الألم لايحتمل بكل جسمي
صاحب العربية نزل وهو بيشتم بالفون
وجري عليا وانا مش مركزة في حاجة غير الوجع
واحدة ست جريت عليا وزعقتله وفضلت جنبي محوطاني
الناس اتلمت وجابوا شنطتي وقبل ماحد يتصل بالبوليس والاسعاف
الي خبطني قال وهو بينزل ويتطمن عليا انا
مستعد لأي حاجة دي غلطتي ياانسة
وشالني بدون ماينتظر رد ولا يهتم بالناس
شالني بحذر وانا مش في وعيي اصلا
جوة عربيته و الست اصرت تيجي معانا تطمن عليا وهو وافق
وروحنا المستشفى وقالهم اتصلو بصلاح علوي فورا انا اخوه
وانقلبت المستشفى ولقيت نفسي بغرفة ودكاترة كتير وممرضات عملوا اشعة وفحوصات
ايدي الشمال كسر ولازم حبس وجسمي كدمات ولازم اتحجز
هديت شوية من الالم بسبب المسكنات
وهو جنبي ماسابنيش لحظة ولا الست الي ادتلي رقمها وصممت تاخد رقمي في عز مانا مش قادرة بس تحاملت واديتلها الرقم وطلبت منها تمشي وانا بشكرها اسمها ام علي
نرجع للبيه قالي انا غصب عني فون مهم والسماعة فاصلة شحن كان لازم ارد واتعصبت وماشفتش قدامي
هاتي رقم اهلك ومتقلقيش من حاجة
زعقتله وقلتله ماما تعبانة وانا اعمل ايه دلوقتي باسفك مين هايشغلني كدة هي نقصاك ربنا ياخدك
اكمل الشهر ازاي دة انا لسة سايبة شغلي
وعيطت وهو سكت ووشه احمر
وقالي ارجوكي اهدي لو بظروف تانية مكنتش هسيبك تغلطي بس انا مقدر حالتك
وهصلح غلطي عاوزة ايه فلوس وعلاج تحت امرك
ولو على الشغل موجود عندي بس ارجوكي اهدي عشان تتحسني بسرعة
هديت بعدكلامه ماهو حتى لو كداب انا باتعالج اهو وعرفت ان مدير المستشفى اخوه
وصمم يجيب امي تتعالج هنا ودة عندي اهم من اي حاجة
وفي ساعة اخد العنوان والتليفون وجاب امي تتطمن عليا واتحجزت وعرفت انهم بيعملوها فحوصات وهايعملها عملية في عنيها بعد مايظبطو السكر
ياربي انا باحلم 🥺
قلت يافرج الله
نفتكر ان الي بيحصلنا مصيبه وبيكون الخير فيها
نمت وانا لسة مش مستوعبة
صحيت الصبح على ممرضة ومعاها دكتور عرفني بنفسه انه صلاح اخو عمار الي خبطني
ملاك رحمة نازل من السما
قالي الحاجة تمام متقلقيش
قلتله ممكن اشوفها نقلوني على كرسي بعجل اشوف امي
فضلت جنبها ٠ لقيتها نفسيتها ارتاحت بتقرا قران وفضلت تدعيلي وتدعي لعمار بدون متعرف اسمه
قلتلها بتدعيله وهو مدشدشني 😁 قالتلي لما ربنا بيريد يبعتلك رزق وخير هايوصلك لو على ضهر عدوك
فضلنا ندردش واتصلت باخويا الي ولا أي اندهاش 😒 وعرفت العيلة الكريمه الي حصل
وسبت امي ترتاح
ورجعت غرفتي شوية ولقيت عمار جاي
سلم عليا واتطمن وبعدها طلب مني اغرب طلب ممكن حد يتخيله......
يتبع
تعليقات
إرسال تعليق