جحود إبن الفصل الاول والتاني والتالت والرابع والأخير حصريه وجديده على مدونة النجم المتوهج للروايات والمعلومات
الفصل الأول
كانت الأم واقفه بتكنس فجأة حست انها مش قادره تاخد نفسها فبتقعد على الكنبة جنب ابنها اللي كان شغال على اللابتوب وصوت شهقاتها بيعلو كل ده وابنها مش مهتم بيبصلها بطرف عين
كارما : يا حسام ممكن تجيبي مية
حسام بنرفزه:ماانتي كنتي واقفه يا ماما !!!
بصتله بعتاب فأكمل بجحود: كنتي ممكن تجيبي لنفسك مية بس عايزه تشتغليني انا جيت هنا عشان اعرف اركز على شغلي من إزعاج الاولاد اما لو عايزه تشتغليني فأحسن إزعاج الأولاد وبياخد لابتوبه وبيمشي وسط صدمة والدته من كلامه
تاني يوم :
كانت واقفة بتنظف السلالم اللي قدام البيت طلعت جارتها سلمت عليها : ازيك يا ام حسام ؟!
ام حسام: الحمدلله يا ام احمد
ام احمد: انا كنت جايه اتكلم معاكي بس انتي ليه واقفه بتنظفي شكلك تعبانه اوي!!
في الوقت ده بتطلع هناء مرات احمد : ماما انتي هنا وانا عمالة ارن جرس الشقه خوفت عليكي حتى رنيت على احمد شويه وهيكون وصل بس الحمد لله واحده من الحيران قالتلي شافتك وانتي طالعه
ام احمد: ليه يا بنتي كل ده كده قلقتي احمد وهو في الشغل كده هيسيب الشغل
هناء : المهم سلامتك يا ماما هرجع اتصل عليه
كانت متابعة حديثهم ام حسام
هناء بحرج: ايه ده خالتو اسفه مخدتش بالي من الخضه عامله ايه ؟
ام حسام وهي خجلانه من منظرها كانت ملابسها متسخة لأنها كانت بتنظف وماسكه المكنسه وجردل الميه بايديها : الحمدلله يا بنتي
هناء بملاحظة: خالتو انتي باين عليكي التعب !!!
ام احمد بتأييد : ايوه انا لسه قبل ما تطلعي قايلالها صح باين عليكي تعبانه اوي يا ام حسام
ام حسام : شويه تعب اخد بندول وابقى كويسه
هناء بلوم : فين نهى يا خالتو ليه ما ساعدتكيش ؟؟!
كانت نهى واقفه قدام الباب وسامعه حديثهم من بدايته فهي شقتها قدام شقه حماتها
ام حسام بكدب : نهى كانت واقفة بتتحايل عليا عشان تساعدني بس انا حلفت عليها تدخل عشان الاولاد
ام احمد بزعل على صاحبتها وهي عارفاها كدابه : خلاص يا ام حسام روحي ارتاحي وانا هكمل
ام حسام بحرج : ابدا والله انا..
ام احمد بمقاطعة وجديه : انا قولت اللي عندي مش هقبل كلام انا هكمل النظافه انتي تعبانه ونهى غلطانه المفروض مهما كان متسبكيش كده كان لازم تخليكي انتي تمسكي الاولاد وهي تنظف
هناء بمزاح بتحاول تهدئ من حده الموقف : عيب عليكي يا وليه منك ليها انا واقفه وبتتعازموا مين يكنس وبتاخد المكنسه وبتبدا تكنس
ام حسام عيونها بتدمع وهي شايفه هناء الغريبه عنها بتلاحظ تعبها و بتكنس ونهى مرات ابنها بتدلع وهي بتشتغلها وهي في سن كبير!!
هناء وبتلاحظ انه ام حسام لسه واقفه: ادخلي يا خالتو ارتاحي
وبتدخل البيت و معاها ام احمد
ام احمد : هتيجي على حفله بكره ؟؟!
ام حسام باستغراب: حفله ايه ؟؟!
ام احمد بحرج : ايه ده احمد ماقالكيش ؟!!
ام حسام بعدم فهم : لا
ام احمد : في حفله تكريم موظفين بكره في الشركة واي موظف بجيب معاه أهله
ام حسام بزعل واحراج : اه حسام قالي بس انا مخدتش بالي عشان كنت مشغوله
ام احمد بارتياح : طمنتيني افتكرت حسام ماقالكيش يلا انا ماشيه اشوفك بكره في الحفله
عند حسام بيرجع وبيدخل البيت بيلاقي مراته قاعده في الكنبه وخالفه رجليها ومكتفه ايديها
حسام : ماما عملت ايه تاني ؟
نهى وبتطلع دموع تماسيح : امك اتكلمت عليا مع ام احمد وهناء صاحبتي وقالت كلام وحش عني واحرجتني قدامهم ومسكت المكنسه وعملت نفسها بتنظف
حسام بغضب : وانتي عرفتي ازاي ؟؟!
نهى بتوتر وكدب : هناء قالتلي لأنها عارفه الحقيقه واني انا اللي نضفت
حسام بغضب جحيمي : بقي امي تعملك كل ده ماشي انا هوريها !!!
وبيخرج باتجاه شقه أمه وسط ضحكات مراته
بتصحى على صوت طرقات عالي على الباب بتبص على الساعه بتلاقيها 12بالليل : ايه ده الساعه 12 استر يارب ميكونش حسام ولا نهى فيه حاجه وبتجري على الباب
ام حسام بقلق : خير يا ابني نهى والولاد كويسين؟؟!
حسام بغضب: بطلي تمثيل وسيبي الحركات دي !!!
ام حسام : حسام صوتك عالي والجيران نايمين بعدين تمثيل ايه !!!
حسام : لا ما انا عايزهم يصحوا عشان يعرفوا الحقيقة وانك واحده كدابه يا كارما هانم !!!
ام حسام بزعل وصدمه ودموع : كارما!!! ......بقيت كارما حاف كده!!!........بعد ما شلتك تسعه شهور!!!.......وربيتك وكبرتك 34 سنه عشان تقولي كارما !!!
حسام : ايوه لما تتكلمي على مراتي وتحرجيها قدام صحبتها تبقي كارما بلا ماما بلا زفت انتي ازاي تتكلمي على مراتي كده ؟؟!
ام حسام وقد فهمت : ايوه قول كده مراتك افترت عليا بكلمتين وانت صدقتها عموماً في بيت نتكلم فيه
حسام بصراخ : ولا بيت ولا حاجه نتكلم هنا عشان عايز اجيب حق مراتي !!!
ام حسام : وانا مش هتكلم معاك هنا كل اللي في العماره يسمعونا وبتيجي عشان تقفل الباب بيمسك حسام ايديها وبيشدها لبره بقوه لدرجه انها فلتت منه واتزحلقت باتجاه السلالم
حسام بخضه : ماماااا!!!!!
فلتت منه واتزحلقت باتجاه السلالم
حسام بخضه : ماماااا!!!!!
بيمسكها احمد بعد ما طلع عشان يشوف في ايه بسبب صو تهم العالي
احمد بغضب : ايه ده يا حسام انت اتجننت؟!!
حسام بلا مبالاة : انا مكنتش اقصد اوقعها فلتت من ايدي بالغلط!!!
احمد بغضب: وبتبرر كمان !!!....ده انت بجح!!!
بعدها بيبدا يطلع الجيران منهم ام احمد وهناء ونهى طلعت بعد ما حست أن الخناقه كبرت
هناء بعد ما لقيت ام حسام بتعيط اوي : تعالي يا خالتو ندخل جوا
حسام بغضب : لا ما تدخليهاش جوا كويس انكم جيتو عشان انا سكت كتير عن اللي بتعمله ماما بمراتي بس تاني مش هسكت !!!.... عشان انا مش الراجل اللي أمه تهين مراته ويفضل ساكت وزي ما ماما اتكلمت عن مراتي بالباطل قدام الجيران انا هاخد لمراتي حقها قدام الجيران!!!
ام احمد بغضب : حق ايه يا حسام اللي تاخده من امك ؟؟!.....ده انت المفروض تأخد حق امك من مراتك الحربا*يه !!!
هنا نهى بتنزل دمعتين
حسام: حق امي ايه اللي اخده من مراتي ؟؟!.....لو كانت مراتي غلطت في امي كنت اخدت حقها بس امي غلطت في مراتي وده مش من النهارده ده من سنين لما كنا انا ونهى لسه عايشين مع ماما وبسبب المشاكل عزلت انا ومراتي في شقه لوحدينا بس شكله امي برضو مش هتبطل
احمد بغضب: طب ورينا خالتي غلطت في ايه؟؟!.... مع اننا عارفين مين الغلطان وبيبص على نهى
نهى بخوف وتوتر : قصدك ايه يا احمد قصدك اني كدابه وبفتري على خالتو ؟؟!
احمد وبيبعد نظره عنها : كلامي معاك يا حسام مليش كلام مع الستات !!!
حسام : اللي حصل أن امي النهاده اتكلمت على نهى مع امك و هناء وافترت عليها وفضحتها
ام احمد وهناء : ابدا محصلش كلام زى ده احنا طلعنا لقيناها بتنضف وتعبانه وسألناها .....وحكوا اللي حصل
حسام : هي ما كانتش بتنضف كانت بتمثل عشان نهى قالت قبلها كانت منضفه
ام احمد : ابدا نهى ما نضفتش ولا حاجه احنا لقيناها هي بتنضف والسلم كان وسخان اوي ومليان غبره بالنهاية هناء لما لقيت امك تعبانه نضفت
واحده من الجارات : ايوه صح انا لما نزلت لقيت ام حسام هي اللي بتنضف ومشفتش نهى خالص وصعبت عليا ولو أن ابويا كان مريض في المستشفى كنت نضفتلها
جاره تانيه : ايوه صح انا على طول بشوف أم حسام هي اللي بتنضف عمري ما شوفت نهى بتنضف حتى لما كنت بزور نهى بلاقي ام حسام بتنضف لنهى شقتها
حسام لما لقي الكل ضد نهى : الكلام ده صح يا نهى ؟؟!
نهى بتوتر ودموع : كدب يا حسام كلهم متفقين معاها ضدي
حسام : وانا مصدقك يا نهى خلاص احنا تاني ملناش علاقة بأمي نهائي ولا امي تيجي عندك يا نهى ولا انتي تزوريها !!!....وبيجي يدخل الشقه
احمد : استنى احنا عايزين حق خالتو !!!
والجيران باييدوه
الجيران: تطلع دلوقتي من الشقه احنا ميشرفناش واحد زيك معانا
ام حسام بحزن : لا يا جماعة كتر الله خيركم كفايه أنه قطع علاقته بيا
احمد : بس يا خالتو حقك انتي زي امي
ام حسام : بالنهاية ده ابني مقدرش اعمل فيه كده
وبتدخل والجيران بيروحوا وهما زعلانين عليها
احمد قبل ما ينزل : مش قولت يا حسام انك مش الراجل اللي يشوف أمه بتهين مراته ويفضل ساكت احب اقولك انك اسوأ منه انت جوز الست !!!
وبيسيبه وبينزل
تاني يوم :
ام حسام كانت واقفة قدام الباب مستنيه حسام لما يكون طالع للشغل عشان تتكلم معاه وتصالحوا بالنهاية ابنها
حسام بيطلع ومعاه نهى بيلاقي أمه واقفه : يا دي النيله مش حسمت انا الموضوع؟؟!
ام حسام بدموع : انت ابني يا حسام مقدرش ابقى بعيده عنك واشوف الكره ده بعيونك ليا
حسام : نهى انزلي انتي والولاد استنيني تحت !!!
بتنزل نهى مع الاولاد
ام حسام بقلق وما بتلاحظش لبسهم من خوفها : خير يا ابني ميكونش حد فيكم جراله حاجه
حسام : لا عندي حفله تكريم في الشركة لخصي بسرعه عايزه ايه عشان امشي
ام حسام : حفله وليه يا ابني مقولتليش ده حتى ام احمد رايحه مع احمد
حسام : مقولتكيش عشان مش عايز اخدك معايا اساسا !!!
ام حسام بزعل : وليه يا ابني مش عايز تاخدني معاك ؟؟!
حسام : عشان خجلان من منظرك انتي مش شايفاه عامل ازاي ؟؟!
ام حسام بصدمه : خجلان مني ؟؟!
ام حسام بصدمه : خجلان مني ؟؟!
حسام : ايوه روحي شوفي شكلك في المرايا من ملابسك لوشك لكله
ام حسام بغضب : اروح اشوف شكلي انا من ملابسي اللي مش فاكره اخر مره اشتريت فيهم ملابس متى يمكن عشان اشتريلك لبس ليك ولعيالك وادخلهم مدارس واؤمن لهم حاجات المدرسة بسبب راتبك اللي يدوب يشتريلك اكل وانت مش مهتم ولا تاعب نفسك وشكلي اللي اتبهدل من التنضيف لمراتك لتربيه عيالك عشان مراتك كل يوم طالعه بحجه وحتى قبل ما تجي مراتك كنت بهتم فيك وبهمل في نفسي روح يا حسام انا اللي خجلانه انك ابني وبتدخل شقتها وبترزع الباب وراها
حسام حس بالذنب من كلامها بس اتجاهلوا ونزل
وبيمر اليوم الاول والتاني والتالت وحسام ولا شاف امه ولا جاتله ولا سمع عنها حاجه وكبرياؤه مانعوا يروحلها بينزل عند شقه احمد وامه
حسام : اهلا يا احمد
احمد بضيق : لو كنت عارف انو انت مكنتش فتحت الباب!!!....... عموماً عايز ايه ؟؟!
حسام : انا عايز اسال عن امي ليا تلات ايام مشوفتهاش
احمد : مش مكسوف من نفسك وانت جاي تسأل واحد غريب عن امك؟؟!
حسام : احمد بالله عليك جاوب
احمد : عموماً معرفش انا اخر مره شوفتها يوم الخناقه
حسام : طب اسأل هناء ولا امك
في الوقت ده كانت هناء داخله من برا
احمد : خالتو عامله ازاي
هناء : معرفش انا ليا يومين بخبط على باب شقتها ومفيش رد !!!.....انا كنت فاكراها مش موجوده في البيت معقول يكون جرالها حاجه ؟؟!
حسام بيجري على فوق بعد كلامها وهو مش مطمن وبيلحقه احمد
حسام وهو بيخبط الباب بقوة : يا ماماااا افتحي الباب بالله عليكي
احمد : خالتو افتحي الباب
حسام بانهيار وخوف : مفيش رد !!!
احمد : احنا هنكسر الباب
وبيبدا يجتمع الجيران على صوت الخبط وبيكسروا الباب بس كانت المفاجأة لما كسروا الباب ودخلوا
حسام واحمد بصدمه : خالتو !!!!........مامااااا!!!!!!
احمد : احنا هنكسر الباب
وبيبدا يجتمع الجيران على صوت الخبط وبيكسروا الباب بس كانت المفاجأة لما كسروا الباب ودخلوا
حسام واحمد بصدمه : خالتو !!!!........مامااااا!!!!!!
حسام : ما*تت!!!
كانت واقعه على الأرض مفيش حركه ليها نهائي احمد بيجري عليها بيشوف نبضها وحسام مصدوم وكل اللي عملوا فيها بيمر قدامه
احمد بتنهد براحه : الحمدلله فيها نبض قوم بسرعه ننقلها المستشفى
حسام مش مركز معاه وسرحان في دنيا تانيه
احمد بصوت عالي : حسام !!!.... بسرعه ساعدني نشيلها ننقلها المستشفى
حسام وفاق على صوته وبيقوم بسرعه وبيشيلها معاه وبيروح المستشفى
حسام بخوف : مالها يا دكتور ؟؟!.....طمني عليها
الدكتور : انخفاض عالي في الضغط الحمدلله اسعفناها في اخر لحظه شويه وهتصحى وبيمشي
حسام : الحمدلله
نهى : ها شوفت طلع عندها انخفاض في الضغط بس مش مستاهله الدلع والتمثيل ده ك... وبيقطعها كف نزل على وشها !!!
حسام بغضب : انتي ايه يا شيخه هااا؟؟!...شيطانه....روحي غوري في أنهى داهيه انتي طالق !!!
نهى بصدمه : اييييييه انت بتطلقني بعد كل السنوات دي حسام متعملش فيا كده انا بحبك
هناء : خالتو فاقت يلا ندخل
بيدخلوا كلهم سايبين نهى وراهم منهاره بتلطم على وشها وبتبكي بندم
هناء واحمد : الحمدلله على سلامتك يا خالتو
ام حسام : الله يسلمكم يا ولادي
هناء واحمد عشان يسيبوا مجال لحسام بيستاذنوا ويروحوا
حسام : ماما انتي كويسه؟؟!...عامله ايه؟؟!....اناديلك الدكتور ؟؟!
امه بتبعد وشها الناحية التانية عنه
حسام : يا ماما سامحيني انا والله نادم سامحني متعمليش فيا كده قلبي كان هيتقطع من الخوف عليكي
ام حسام : روح لمراتك قاعد معايا هنا ليه ؟؟!.....مش خجلان مني ومن منظري ؟؟!
حسام بدموع : غبي ولا كلمه قولتها كانت صح وانا طلقتها عشانك
ام حسام بصدمه : اييييه ازاي تطلقها يا حسام هوا بنات الناس لعبه يا ابني انا ربيتك كده ؟؟!
حسام : هي ما كانتش كويسه متستاهلش وكانت بتكدب عليا على طول وتألف حوارات
ام حسام : وانا مش هرضى تخرب بيتك عشاني يا ابني رجعها
حسام : يا امي بس هي غلطت في حقك
ام حسام: لا هي مغلطتش في حقي هي مش بنتي إنما انت ابني وانت اللي غلطت وكل كلمة كانت طالعه منك انت مش هي !!!
حسام : حقك عليا يا امي سامحيني
ام حسام: لو عايزني اسامحك رجعها
حسام : يا امي بس
ام حسام : مبسش ده اللي عندي
حسام : وانا رجعتها
حسام بيطلع لبره بتجري عليه نهى
نهى بدموع وندم : حسام بالله عليك متعملش فيا كده
حسام بجمود : انا رجعتك يا نهى وده بس عشان ماما طلبت مني كده مش عشانك
نهى بتفرح وبتحس بالذنب : معقول دي الست المسكينة اللي كنت بخليها تنضفلي وبكدب وبخرب في بيتها تيجي تصلحلي بيتي كانت تقدر تنتقم مني وتاخد حقها بس معملتش كده
بعد يومين ام حسام بترجع البيت وحسام بقي بيعاملها حلو وكانت جايه تنضف بتلاقي الباب بيخبط
ام حسام : نهى!!!
نهى بتوتر وخجل : اهلا يا طنط عامله ايه ؟؟!
ام حسام باستغراب انها بتكلمها كويس : الحمدلله يا بنتي ادخلي
بتدخل نهى وبتقعد بتلاقي ام حسام بتمسك المكنسه وعايزه تكنس
نهى بتاخد منها المكنسه : انا هنضف
ام حسام : لا يا بنتي انا هكنس انت روحي البيت
نهى : لا والله ما انتي رافعه قشة في البيت اقعدي هنا واستريحي عقبال ما اجبلك ميه بعدين ابدا انضف ....تمت بحمدلله
انا مكنتش احب النهايه تكون حزينه اتمنى النهايه تكون مرضية للجميع
تابعووووني للروايات الكامله والحصريه
تعليقات
إرسال تعليق