رواية قسوة أمير العشق الفصل العاشر والحادي عشر بقلم منه سمير حصريه وجديده علي مدونة النجم المتوهج للروايات والمعلومات
الفصل العاشر
هاله بصراخ : الولد دا مش هيقرب من ايتن تاني ولو على جثتي
عبد العزيز نفض ايدها عنه بعنف ومسك ايدها بغضب وقال : يبقى نقرأ الفاتحه على روحك من الوقتي يا هاله متحاوليش تقفي في طريقي انتي وبنتك والا هتندموا
وسابها ومشي
هاله : حسبي الله ونعم الوكيل فيك الطمع عمي عينك وقلبك خلاص يا عبد العزيز وخلاك تدوس على أقرب الناس ليك
 |
أيتن كانت واقفه فوق وسامعه كل الكلام ال بيتقال ده ولما سمعت صوت خطوات ابوها استخبت بسرعه عشان ميشوفهاش وهي بتكتم صوتها عشان ميطلعش ودموعها نازله وقلبها ده بيدق بخوف
وفجأه حست ان نفسها بيروح وده طبع فيها لما بتضايق اوي او تزعل اوووي
دخلت الاوضه وفتحت درج الكومدينو واخدت حبايه من البرشام وشربت ميه عشان تهدي
وتوترها يروح
كانت ماسكه راسها وايدها بتترعش : اكيد ال سمعته ده مش حقيقي صح... اكيد هو قال كدا في لحظه غضب وبس لكن مستحيل يكون هو ده ال حصل... مستحيل
انا في حلم وهصحي... انا في حلم وهصحي
ايتن فضلت تكرر كلامها الاخير ده كتير لحد ما حست بارتخاء في اعصابها وعضلات جسمها
وصوتها بقي واطي اوي مش قادره تتكلم
قعدت على السرير وغمضت عيونها وراحت في النوم علطول
...
كان قاعد مش عارف يركز في حاجه حس انه مكتف ازاي فقد السيطره على نفسه وكان هيقرب منها كدا
جواه حاجه خناقاه بس مش عارف يحدد السبب الرئيسي ليها ايه
أمير بغضب نزل صاله الجيم وفضل يلعب ملاكمه لحد ما تعب ووجع ايده بيشتد عليه
...
الصبح
أمير صحي من بدري حتي مفطرش مع انجي كالعاده ونزل على الشركه
دخل عليه ادهم
أمير : ساااعه عشان ترد عليااا
أدهم : ماتصبر يا عم فكرك الحاجات دي بالساهل دا لولا علاقاتي بس مكنتش هتقدر تعرف مكانها
أمير بتريقه : شاكرين لافضالك
أدهم ببتسامه ثقه : اي خدعه يا صحبي
أمير بحده : ماتخلص يا زفت انت وتقولي وصلت لايه
أدهم بتوتر : ايه يا عم انت وترتني علي فكره ونستني طلع ورقه من جيبه بارتباك
وقال : ده رقمها مش كدا
أمير بص عليه : ايوا هو ماله
أدهم هرش في جبهته وقال : مكان الخط ده لسه موجود في شقه سليم الشرقاوي لحد الوقتي
أمير كان لسه هيرد عليه لاقي رساله ليه من تليفون ايتن
أمير بص على ادهم باستغراب وفتح الرساله لاقي سليم هو ال باعت : معلش يا ميرو ايتن حبييتي نسيت تليفونها معايا
وبعت رساله تاني : لو عايزاها ضروري او عايز تقولها حاجه مهمه قولي وانا هوصلها لما نتقابل وباعت ايموجي مستفز قصد عشان يضايق في أمير
أمير قبض على الفون وهو ماسكه في ايده بقوه وعروقه بارزه وعيونه كانت بتشع نيران من الغضب هادر : يا ابن ال، ****
أدهم كان لسه هيتكلم بس رجع لورا لما أمير كسر التليفون بتاعه وادش دش ميت حته على الأرض
ادهم بصدمه : في ايه يا أمير ايه ال حصل لكل العصبيه دي
أمير بغضب هادر وحده : ابن الكلب بيبعتلي من تليفونها ويقولي انها نست تليفونه عنده
ادهم : اهدي يا أمير مايمكن يطلع كداب وبيعمل كده عشان يغيظك
أمير بعصبيه : وهو لو كداب تليفونها بيعمل ايه معاه انت كمان واشمعنا شقته دي
ليه مش في عنوان فيلته المعروفه هو وابوه
ادهم : انت بتلمح لأي بالظبط انت شاكك في حاجه
أمير : انا مش شاكك انا اتاكدت خلاص... أفتكر جملته مع ايتن انها نست تليفونها عنده من شوقها لسليم
تقلصت ملامحه بغضب مخيف : كنت بقولها وانا من جوايا بكذب نفسي عشان بس اشوف رده فعلها طلعت هي كمان زباله زيه
توووقعاتي طلعت كلها صح يا ادهم هما الاتنين مطبخينها سوا
ايتن بقت نسخه من شخص **** اقرف حتى اني ابصله
أدهم بصدمه : ازاي يا أمير؟؟ ايتن مستحيل تفكر انها تأذيك؟؟
أمير بسخريه : لي بقا ان شاء الله كنت حبيبها وواخداني عن حب دا انت اكتر واحد عارف اننا مش بنطيق بغض وشرد لثوان وهو يتذكر : وهي قالتلي في وشي قالتلي انها بتكرهني
بس مكنتش اتخيل ان كرهها ليا يوصل بيها للدرجه دي
ادهم : بس في حاجه مش قادر افهمها لو فعلا كلامك صح ليه سليم بيعمل كدا وبيكشف ايتن وبيبن انهم مع بعض يعني لو هو فعلا بيحبها زي ما بيقول ليه مكتفاش بالناس ال بعتهم عشان يضربوك وخلي أيتن تظهر في الصوره معاه ليه مخلهاش هي مستخبيه وهو ال في الوش
أمير : سليم شخص جبان مستخبي في رجالته وسلطه ابوه لما جه ينتقم مني عشان ضربته بعتلي رجالته هما ال يضربوني مجاش هو بنفسه او حتي جه معاهم
المشاريع بتاعته الاخيره كلها انا اخدت عنها فكره : هو كلام بس لكن الفعل بيكون بايد ابوه
اما السؤال المهم بقا ليه هو بيستخدم ايتن كدرع حامي ليه او بيتحامي فيها انا مش عارف
سليم شخص مش سهل ووراه حكايه وانا لازم اعرفها
ادهم : عندك حق ابسط حاجه ان ايتن الوقتي بعيده عنه لما تعرف انها متعاونه معاه انت اكيد مش هتسبيها
أمير بغموض : في حاجه تانيه مطمناه وعطياله الأمان من ناحيه ايتن واثق بزياده اني مش هقدر أقرب ليها
ادهم بتفكير : يمكن مش قلقان عشان عبد العزيز باشا
أمير : ابوها ده اكتر واحد مش هيعرف يمنعني لو حبيت اقربلها
هو لو يعرفني كويس هيعرف ان لا ابوها ولا عشره من عينته يعرفوا يخلوني مقربلهاش الا لو انا مش عايز
ادهم : اومال في ايه... في حاجه مش مفهومه
أمير سكت شويه وهو بيفكر ليقول بنبره بانت عليها غضب الغيره والقليل من الضيق والتحكم : أيتن
ادهم : مالها
أمير : نقطه ضعف كبيره لسليم
ادهم وهو بيحاول يفهم تفكير أمير : انا معدتش فاهم اي حاجه خالص
أمير بتوعد : يعني هو الوقتي قاعد ومبسوط ان كل ال بيخطط ليه حصل
وزمانه فرح اكتر لما اتأكد اني شوفت رسايله انا هستغل ده وهستغل فتره بعاد ايتن عنه
الغبي لعب مع الشخص غلط ولا حد من كبار رجال الأعمال قدر انه يمس اي حاحه تبعي او يخصني
بس هو اتجرأ وعمل كدا... غلط مع الشخص الغلط فاكر انه علم عليااا وانه هسيبه بالساهل بس ورحمه ابويا ما هيحصل... لا عاش ولا كان ال يرفع ايده على أمير يوسف البارودي
ادهم بحذر : هتعمل ايه. أمير بخبث : مش هو بيلعب عليا لعبه قذره زيه هلاعبه انا كمان بس اقذر منها ومن تحت لتحت
بس اللعبه المره دي هتكون لدعه افعي هتوجعه اوي مش هيفوق منها وهيعرف بعدها مين هو أمير
ادهم : انت هتعمل اي بالظبط؟ انا مش مطمن؟؟ أمير لو سليم حصله اي حاجه هتكون واضحه اوي انه انت
أمير ابتسم بحده ونظرات الشر باينه في عيونه : مين قالك اني هعمله حاجه؟؟
انا هكسرله قلبه واطلع روحه من مكانها من غير ما أقرب ليه
ادهم : هو لغر لو مش هتقرب ليه اوَمال هتعمل في مين كل ده
امير : على اقرب حد ليه َ...... أيتن...
اسمعني كويس :..........
انتهي أمير من سرد ما يريده ليتحدث بحده : واياااك ايااك يا ادهم حد يعرف حاجه عن الموضوع ده او يحس بيك
ادهم بتوتر : تمام
...
#رَوايه #قسوه #امير #العشق #بقلم #الكاتبه #المبدعه #منه #سمير
أمير بيه فيه....
أمير بص لنهي بحده : برااااااا
وانت روح شوف شغلك
والملف يكون على مكتبي بعد نصف ساعه
اكرم : تحت امرك يا أمير باشا بس هو فيه مشكله
أمير : ايه...
أكرم : في حسابات قديمه كانت بينا وبين سالم الشرقاوي وفيه فلوس لحد الوقتي لسه متسددتش
أمير : انهي اي حسابات قديمه كانت بينا انا مش عايز اي عقود ولا حسابات بينا وبين عيله الشرقاوي دي نهائي
أكرم بتوتر : تمام... عن اذنك...
أمير رن علي نهي وطلبها
نهي : تحت امرك
أمير بصرامه : شوفيلي حد من الأمن برا يجيب سجاير واعمليلي القهوه بسرعه
نهي : حاضر
نهي دخلت بالقهوه
امير : فين السجاير
نهي قعدت قدامه بدلال على المكتب : ما بلاش سجاير يا حبيبي مش انت كنت بطلت
بصراحه انا بحسك كل ماترجعلها بترجع عصبي اكتر من الاول
أمير قرب ليها بالكرسي بتاعه وحاوط خصرها وقربها عليه خالص ونظراته مثبته على عيونها : برجع عصبي بس هي بتعرف تظبطلي مودي من غير لك ولا كلام ورغي كتير
نهي بدلال : وانت كنت طلبتني وانا قولت لا... انت ال بتزعقلي متعصب عليا من الصبح ومش عارفه اكلمك كلمه واحده
أمير ابتسم وهو عارف نوايا نهي كويس ومد ايده واخد السجاير ال كانت مخبياها في ايدها ورا ضهرها وهمس ليها في ودنها ونهي فرحانه فكرت انه سمع كلامها وهيقربلها : طالما مطلبتكيش يبقي مش عاوزك
وبعد كدا لما اقولك حاجه تتنفذ دا اذا مكنتيش حابه انه يكون اليوم الاخير ليكي هنا
بعد عنها ببطء وبعد بالكرسي بتاعه عنها وقام بص على الأمن تحت وهو بيفكر في حاجه وهو بيدخن يشرود
لاقي ايد بتحاوط خصره وبتحضنه من ضهره
وقالت : انا اسفه يا حبيبي متزعلش مني انا بس كنت خايفه عليك
أمير رمي السجاره بغضب ومسك ايدها جامد ال لمسته بيها : حبك برص... هو انتي مبتفهميش قولتلك مش عاوزك يبقي تغوري على شغلك ومتقربيش مني تاني ولا تلمسيني والا هتندمي يا نهى ساااااامعه
روووووحي يلا على شغلك براااا
نهي بخوف : حاضر
...
رحمه : صباح الخير يا انجي هانم
انجي : صباح النور يا رحمه اي بنتك عامله ايه
رحمه : الحمدلله احسن بس ابنها مغلبها بس بيخليها تنام لا ليل ولا نهار
انجي : ههههههه معلش المهم انها قامت بالسلامه ربنا يباركلها فيه يارب طبعا انتي جايه على لحَم بطنك من البلد اعملي لينا فطار ونقعد نتكلم
هتلاقي جوا المطبخ معلش مكركب شويه بس انا مستأمنتش حد غيرك اجيبه يشتغل هنا بصراحه
وكنت خلاص اخدت عليكي وصعب اجيب حد تاني
رحمه بود : تسميليلي يا ست انجي يعلم ربنا انتي عندي ايه وأمير بيه كانه ابني ال اتحرمت منه بدري والله
يعني فضلتي الايام دي كلها لوحدك مين كان بيساعدك
انجي : والله هي الأيام ال فاتت دي اصلا انا مكنتش بقعد في البيت كتير.... حصل مشاكل وحوارات كتيره بس يلا الحمدلله كله بيعدي
رحمه بقلق : خير يا هانم اي ال حصل
انجي : متخافيش مش احنا ده اخو جوزي يوسف وعيلته
يلا بقا جهزي الفطار لاني مش، قادره
رحمه : حاضر
...
أيتن صحت بفزع وهي حاطه ايدها على قلبها بتتنفس بسرعه
كأنها كانت بتحلم بكابوس.
ايتن غمضت عيونها عشان تهدي : اعوذ بالله من الشيطان الرجيم اعوذ بالله من الشيطان الرجيم...
دخلت عليها رشا : صباح الخير يا ايتن هانم
ايتن بتعب : صباح النور
رشا اقتربت منها : انتي كويسه الوقتي
ايتن بتعجب : اه كويسه في ايه
رشا : لا ابدا اصل هاله هانم خرجت من شويه وقالتلي اسييك نايمه براحتك ولما تصحي اجي اطمن عليكي ولو محتاجه حاجه
ايتن : ممكن بس تحضريلي الحمام
رشا : حاضر
ايتن قامت وطلعت هدومها
رشا : هحضرلك الفطار
تحبي اطلعهولك هنا
ايتن : لا نزليه تحت في الجنينه انا اتخنقت من القاعده في الاوضه دي عايزه اشم هوا
رشا : حاضر
...
أميررر باشا في حد برا وعايز يقابل حضرتك
أمير : مين؟؟
نهي : واحده ست
أمير ضيق عيونه : ست؟؟ دخليهااا؟؟؟
نهي : اتفضلي
أمير بتعجب : انتيييي؟؟؟
......
أيتن كانت قاعده في الجنينه باسترخاء في الشمس وهي بتشرب النسكافيه بهدوء وسرحانه
ضيقت عيونها وقامت وقفت وهي حاطه ايدها على وشها من الشمس لما سمعت صوت البوابه الرئيسيه بتاعه الفيلا بتتفتح
واول ما العربيه وقفت ونزل منها نظراتها اتحولت لصدمه وخوف لما لاقيته بيقرب عليها
سليم نزل وهو بيتسم برجوليه : وحشتيني ي حيييتي
ايتن نفضت ايدها عنه بخوف : انت ازااااي دخلت هنااا
سليم رفع حاجبه بثقه : اي ال دخلت ازاي داااخل بيت مررراااتي عااااادي
ايتن : ننننننننعم مررررراتك مييين
اااااطلع برااا والا قسما بالله هبلغ عنك البوليس
سليم : وهتبلغي تقوليلهم ايه بقااا.... انا عارفك اكتر من نفسك جبانه ومش هتقدرى تعملي حاجه
اقترب منها بتسليه وهو شايف خوفها
وعيونها ضلمت بحقد : فااكره دي
وراها مكان التعويره لما ضربته على دماغه
اهو انا بقي جايلك انهارده عشان اخد حقي
ايتن برعب وهي تبتعد عنه : وقسما بالله لو قربت ليااااا همووووتك
سليم : واناااا عااايز امووووت على اايدك ي أيتن
الفصل الحادي عشر
أيتن بصرراخ ورعب : قسماااا بااالله لو قررربت لياااا همووووووتك
سليم : واناااا عااايز اموت على ايديكي يا أيتن
وسليم لسه هيقرب عليها ايتن مسكت مج النسكافيه بتاعها ودلقته عليه
سليم صرخ بوجع رقبته وجزء من صدره اتحرق
ايتن بشجاعه مزيفه : لو قربت ليا مش هيحصلك خير
سليم استغرب من شجاعتها دي وقال بغضب : ده انتي اللي بتحلمي لو سبيتك يا ايتن وديني لأعلملك الأدب على ال عملتيه ده
تعااالي هنااا
ايتن صرخت في الأمن بسرررررعه وطلعت جري عليهم وهم جم على صوووتها
سليم كان لسه هيمسكها بس الأمن منعه
سليم : نزل ايدك دي بدل ما اقطعهالك انت مش عارف انا مين
الأمن : اسف انا سمحتلك تدخل بس لاني شوفتك قبل كدا مع عبد العزيز باشا
لكن مش هسمحلك تتجاوز حدودك مع الانسه أيتن
سليم بغضب وتملك : دي مش آنسه ددددي مرااااتي
الأمن بص على ايتن ال صرخت وهي بتعيط : كدااااب ومرررريض لو آخر يوم في عمري انا مستحيل اقبل بواحد مريض زززيك فاااهم
ولو انطبقت السما على الأرض
الأمن : دي ااانسه وشكلك جايه تعمل مشاكل ودي غطلتي من الاول اني سمحت ليك بالدخول... اتفضل بالذوق برا
جه الأمن التاني وحاصروا سليم
ال كان بيبص على ايتن بجنون وتملك شديد : هنشووووف مين ال كلامه هيمشي فيناااا
وهتجوزك يا ايتن
وهتبقي مراتي وليا انا بس بمزاجك او غصب عنك
حسابك معايا تقل اوووي
إيتن حطت ايدها علي ودنها وهي بتصرخ بانهيار : ااااااطلعععع براااا
طلعوووووه براااا
الأمن اخدوا سليم بالغصب وفضل يتوعد ليها وكلامه وتهديده في ودنها صوته مش بيروح....
أيتن وقعت على الأرض َوهي بتترعش جت رشا عليه بخوف : ست ااايتن يلاهوووي مالك بتترعشي كدا ليه
اهدي متخافيش طلعوووه برااا
أيتن عيطت بانهيار شديد رشا حاوطت كتفها وطلعتها فوق الاوضه
رشا :
اهددددي والنبي خدي اشربي ميه
ايتن برجفه : ا ل ب ر ش ا م
رشا بتوتر : برشام ايه ده كمان رشا فضلت تدور لما لاقيته في الكومنيدو...
ادتلها واحده وشربت ميه
وقعدت تقرأ ليها قرأن عشان تهدي
....
اقتحم غرفه مكتبه بغضب شديد وعصبيه دخلت ناهد وراه : يا سليم باشا من فضلك مينفعش كدا
عبد العزيز قلع نضارته بتعجب : سليم بيه...؟؟ اتفضل
اخرجي انتي يا ناهد
ناهد : حاضر
سليم بعصبيه : بنتك زودتها اوووووي يا عبد العزيز واسمع لو مكنتش الليله بايته في شقتي وهيا مراتي تنسي الفلوس ال اخذتها مني دي وهتدفع كل الشروط الجزائيه والا نتقابل في المحاكم
عبد العزيز : اهدي بس يا سليم بيه وفهمني ال حصل
سليم شق قميصه بغضب : هاااا فهمت
ايوااا ال عمل الحرق ده بنتك المصون وانا وديني ما راجع عنها
عبد العزيز بلع ريقه بتوتر : طب اسمعني اا اا انا
سليم : انت ال تخرس خالص وتسمعني رفض ايتن ليا مش هتتحاسب لوحدها عليه انا كمان هدفعك التمن وغالي
لانك كداب...
وعقاب الكدب عندي وحش يا.... باشا باشاره واحده منى لا بيتك في المحاكم واخرجك من كل المشاريع ال لو كنت قضيت عمرك كله مش هتعرف تدير مشروع منهم
وهتدفعلي كل المبالغ ال اخدتها مني
واسطوره عيله البارودي ال انت قعدت سنين تبني فيها هتنهار على الأرض وتحت رجلي
عبد العزيز بارتباك شديد : والمطلوب مني ايه بالظبط
سليم ابتسم بشر ': بنتك تكون على اسمي وذمتي الليله والا هتشرف في السجن طول حياتك وعمرك ال جاي كله وانت عارفني.... انا مابهزرش
.......
أمير ضحك بدون نفس : اعتقد انك مش جايه هنا عشان تساليني عن عبد العزيز باشا
هاله : لا يا أمير... انت اكتر واحد تقدر تجاوب على اسالتي
أمير : بس انا معنديش ولا جواب على سؤالك ده انا اسف
هاله : هجبهالك صريحه؟؟ عبد العزيز مش في حياته حد؟؟
أمير : اناا بعيد كل البعد عن عمي من ناحيه العواطف والكلام ده... كلامنا كله مقتصر على الشغل وبس
بس ايه ال خلاكي تقووولي كدا
هاله بحزن : عبد العزيز متغير خالص... اتغير اوي وكل شويه بيتغير للأسوأ مش عارفه اي السبب
مكنش كده في الأول
وانا مبقتش فاهمه ماله
أمير : متغير من ناحيه اي بالظبط؟
هاله : من ناحيتي انا وايتن؟؟ حتى في الشغل بتاعه عرفت بالصدفه ان داخل مشاريع ضخمه مره واحده
من غير ما اعرف جايب السيوله دي كلها لكل المشاريع دي في وقت واحد ازاي
أمير ارجوك لو انت عارف حاجه قولي متخبيش عليااا
انا حاسه ان متورط في حاجه
أمير بتنهيده : يا طنط هاله... متشغليش بالك بيه عمي بيدرس المشروع ال هيدخله كويس اوي قبل حتى مايفكر يحط جنيه واحد فيه من فلوسه
متخافيش مش عبد العزيز باشا ال يتقلق عليه
هاله بغصه : انا قلبي مقبوض وحاسه ان فيه وحشه هتحصل
أمير : انا ال مستغرب لحد الوقتي وانتي لسه...
كملت هاله بحزن : خايفه عليه وشايله همه... لاني بحبه... بحبه وعارفه انه مش بيحبني نصف الحب ال انا حبتهوله
أمير في سره : اضحك عليكي انا كمان لو قولتلك اني مش مطمن ومتأكد ان الفلوس دي كلها اكيد مش من عمي وانه لجأ لمصدر تاني الله اعلم هو ايه بس عموما كل شيء هيبان وهيوضح كل حاجه
هو مش لسه هيتورط... عمي بالفعل اتورط خلاص يا مرات عمي
هاله قامت من مكانها : شكرا يا أمير ياريت لو في اي حاجه او عرفت حاجه تبلغني
أمير قام هو كمان وسلم عليها بهدوء : أكيد
...
عبد العزيز خرج بغضب شديد من المكتب ووصل الي فيلا بخطواتها السريعه الغاضبه واندفع تجاه غرفه أيتن
لتنتفض من مكانها بقلق من طريقه اقتحام والدها الاوضه
عبد العزيز رزع الباب وراه بغضب وصوت عالي وقال : انتي ال عملتيييييه ده ي حيووووانه انتي
أيتن بارتعاش : عملت ايه؟
عبد العزيز سحبها من شعرها وزعق فيها : استعبطي ي رووووح امك انتي عاررررفه بسبب غبائك ده انا هخسر اااااييييييي
هخسرررررر عمري ال ضيعته كله وانا بقوم شركتنا على رجليها من تااااني
سممممممعه شركااات البارودي كلهااا هتبقى في التراب من تحت رااااسك
ايتن عيطت وصرخت فيه بالم : حرام عليك وانا ذنبي آيه في كل دددده؟؟
زمجر بها بغضب وهو يقبض على شعرها بقوه: ذذذذذنبك ايييييي بسببك يا حقيررررره انااا ممكن اخش السجن
سلييييم وهو قاعد على سريرهم بغمضه عين يبعيني ال ورايا وال قدامي ويخليني أشرف على اخر الزمن مع المجرمين وقتالين القتله في السجن
وكللله بسببك انا عاااارف انه جه هنا وعااارف انتي عملتي معاه اييي وجايه تقوليلي ذنبي ايييي
ايتن بانهيار ودموع لا تتوقف: حرااام علييييك انت خايف على نفسك منه ومش خايف اعيش معاه لوحدي
بترميني مع راجل مجنون عشان خايف على نفسك
ولو انت خايف ع نفسك كده من الاول وعارف انه خطر وميتوثقش فيه اشتغلت معاه ليه من الاول وخلتني انا المقابل لشغلك ده
عبد العزيز صفعها بقوه على وجها بغضب وهو يقول :، على اخر الزمن جايه تقفي قدامي تحاسبيني.. من يوم ما اتولدتي وانتي جبتي الفقر والعار كله معاكي
اتحرمت من الولد وعيشت حياه انا كارهها من الاول بسببك انتي
وياريت عرفت استفاد منك في حاجه... بالعكس جيتي زي الغبيه وكنتي عايزه تهدي ال عمال ابني فيه من سنين في للللللحظه
ايتن حطت ايدها علي وشها بألم ودموعها مش بتوقف وجسمها بيترعش : وال هيحافظلك على تعب السنين ده كله هو سليم الشرقاوي
عبد العزيز : ايوااا
ايتن شالت ايدها من على وشها وقالت بعزيمه واصرار : ولو ده اخر واحد في الدنيا انا مش هتجوزه
لو قتلتني مش هوافق بيه
خليه يعمل ال يعمله انا مش هتحمل نتيجه أفعالك
صفعه اخري من يد عبد العزيز كانت الرد عليها فقد وصل لأعلى درجات الغضب والاستفزاز
عبد العزيز بغضب هادر : هتوافقي عليه يا ايتن وهيتجوزك ساااامعه عليااا الطلاق ليتجوزك...
وهيكتب كتابه كمان عليكي الليله اي رايك بقا
اما أشوف هتعملي اييي وهتعارضيني ازاي
هتفت به بصراخ وانهيار وهي تبكي : والله ماااا هييييحصل ااااقتلني بس عمررري ما هكووون على ذمه راجل اختاره راجل مريض ززززيك
ساااامع لو اخر يوم في عمري انا مش هتجوز البني آدم ده
....
رشاااااا بقلق وخوف ودموعها تنهمر :، يا ست هاله ابوس ايدك الحقيني
هاله بقلق : في اي يا رشا
رشا بخوف : عبد العزيز باشا جه وعمال يضرب في ايتن هانم وقفل الباب وطرتني برا ابوس ايدك ي هانم متتاخريش صراخها مالي الفيلا كلها
هاله بصدمه : انا جايه حالا
رشا بدموع : ابوس ايدك متتاخريش دي ممكن تموت في ايده
....
هاله وصلت الفيلا ودخلت وهي بتجري على اوضه ايتن فوق فضلت تصرخ وترزع في الباب عشان عبد العزيز يفتح
بعد شويه
فتح الباب لاقي هاله في بتصرخ في وشه وهي بتعيط : عمللللللت فيهااا اييي؟؟؟
عبد العزيز مردش عليها
هاله مسكته من قميصه وصرخت بانهيار : ااانطق رررررد عليااا عمللللت فيهااا ايييي
عبد العزيز بصلها وبعد ايدها عنه وقال بحده : ابعدددددي عن ووووشي.... وسابها ومشي
هاله دخلت جوا الاوضه لاقيت ايتن واقعه على الأرض وهي دم نازل منها
هاله صرخت بانهيار : اااااااااااايتن
..دعواتكم لي ولابن اختي بالشفاء ♥️♥️
قسوه امير العشق ❤️
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
