رواية عشق أرسلان بقلم حليمه عدادي الفصل الحادي عشر والثاني عشر والثالث عشر والرابع عشر والخامس عشر حصريه وجديده علي مدونة النجم المتوهج للروايات والمعلومات
 |
رواية عشق أرسلان بقلم حليمه عدادي الفصل الحادي عشر والثاني عشر والثالث عشر والرابع عشر والخامس عشر حصريه وجديده علي مدونة النجم المتوهج للروايات والمعلومات
الفصل 11
أمل بدهشة : هي تعرفه منين وبتعمل إيه عندوا ..
أسيل : بعدين هقولك ياماما خلينا نروح الأول الوقت إتأخر ..
أريان : أسيل بتتكلم صح خلينا الأول نروح ونشوف إذا كانت هناك ولالا ..
راحوا لبيت أرسلان خبطوا على الباب لكن محدش بيرد
أمل : مافيش حد هنا ولا إيه هو راح فين ..
خرج واحد من الجيران على صوتهم
الجار : إنتوا بتدوروا على مين ..
أريان : بندور على أرسلان هو هنا ..
الجار : بالليل في عربية جت خذته هو وأمه ..
أريان : متعرفش راحوا فين ولا هيرجعوا إمتا ..
الجار : لا يابني معرفش إحنا مش بنتكلم معاه ..
أريان : يلا نمشي إنتوا روحوا البيت وأنا هدور عليها وهروح للشرطة ..
أسيل : أنا عايزه أجي معاك ..
أريان : أسيل حبيبتي ماما محتجاج جنبها متقلقش لما أوصل لحاجة هبلغك يلا روحي معاهم وسابهم ومشي ..
******************
في مكان مهجور اجتمع كل المجرمين
اتكلم واحد منهم بصوت عالي اتجمعوا الزعيم جاي
وصلت عربية سودا نزل منها رجل مقنع وقفوا قدامه
الزعيم :المهمة الأولى فشلتوا فبها والنهاردة في مهمة جديدة لو فشلتوا هتموتوا كلكم مش هرحمكم ..
واحد من رجالته : لكن يا زعيم كل مهمه بيكون فيها القائد إياه مش بتنجح ..
الزعيم : واحد من الجواسيس بلغنا إن ليه خطيبه أو حبيبه إنتوا جيبتوها هي فين أنا عايزها ..
واحد من رجالته : يا زعيم إحنا لما روحنا وراها علشان نجيبها كان في حد ثاني خطفها قبل الغابة ..
اتلقى قلم على وشه وقعه على الأرض
الزعيم بغضب: كلكم أغبياء بالليل هتنفذوا الخطة ولو حصلت غلطه واحدة هيكون ثمنها أرواحكم..
********************
سمعت حد بيفتح الباب حست بالخوف رجعت لورى ولما اتفتح الباب دخلت ست شايله بإيدها شنط
الست : خذي كلي الأكل دا يابنتي والهدوم دي علشان تغيري الهدوم اللي عليكي ..
حياة : أرجوكي طلعيني من هنا ..
الست : مقدرش يابنتي لو طلعتك هيقتلوني ..
حياة بدموع : هما عايزين مني إيه أنا ماعملتش حاجة ..
الست : أنا همشي دلوقتي وهرجعلك بكرة الصبح ..
حياة بخوف : ماتسيبنيش هنا طلعيني ..
الست خرجت وحياة قعدت تبكي
وهي بتكلم نفسها : إنت فين ياأرسلان اتمنيت لو إنك تقدر تساعدني وياترى خالتي عامله إيه دلوقتي يارب ساعدني ..
******************
خرج أريان من قسم الشرطة ركب عربيته واتحرك في طريقه طلع تلفونه وإتصل واستنى الرد
أريان : السلام عليكم إزيك ياصاحبي ..
صاحبه : وعليكم السلام بخير في إيه اتصلت ليه أنا قلتلك ماتتصلش إلا إذا كان في حاجة مهمة وإنت عارف ليه ..
أريان : في خبر سيء أنا آسف مقدرتش أحميها ..
صاحبه : اتكلم من غير الغاز قولي في إيه ..
أريان : حياة مختفيه من إمبارح ولحد دلوقتي مش لاقينها ..
صاحبه : أريان مش دي كانت مهمتك إنك تحميها عقلك كان فين ..
أريان : أنا آسف أنا عملت زي ماطلبت مني لما خرجت سبت واحد من رجالتي علشان يحميها لكن حتى هو كمان اختفى ..
صاحبه : ماتقلقش حياة معايا لكن لوحصلت غلطه زي دي مرة ثانية إنت عارف عقابها هيكون إيه ..
أريان بفرحة : إنت بتتكلم جد أنا هروح أبلغ أهلها هما مستنيني ..
صاحبه : قولهم إنها مع أرسلان وإنها معاه بإرادتها روح للرجاله خذ منهم تلفونها وابعث منه رسالة لخالتها اكتبلها إنها مع أرسلان وهترجع ..
أريان : طب ولو رجع أرسلان ..
صاحبه : متخفش إنت إعمل اللي قلتلك عليه ..
قفل معاه الخط وراح لرجالته علشان ياخذ التلفون ..
******************
في المقر العسكري دخل واحد من العساكر
العسكري : آدم باشا الفريق وصل ومستنين القائد ..
آدم : مش هيستنوا كثير خليهم يتفضلوا ..
خرج العسكري بعد شوية دخل الفريق القو التحية
آدم : بتسألوا عن قائدكم المرة اللي فاتت معاملته معجبتكوش إنتوا هتنفذوا أوامره من غير نقاش
هو بيحب إن الكل يكون جاهز مش بيحب الأخطاء عسكري خلي القائد يتفضل ..
شويه ودخل العسكري والقائد وراه وشه متغطي مش باين منه غير عينيه اللي نظرتهم زي الصقر
آدم باشا : أهلاً بيك قائد رماح شرفتنا ..
رماح : تسلم ياباشا أنا تحت أمرك ..
آدم باشا : جتلنا إخباريه إن رجالة الزعيم هيداهموا القرية ..
رماح : علشان هو يقدر يهرب الأطفال الرهائن اللي معاه ..
آدم باشا : مهمتك واضحة هنقسم الفرقة ممكن تبلغ فريقك بالخطة قبل مايجي القائد اللي هيكون مع الفريق الثاني هما هيروحوا للقرية وإنت وفريقك هتروحوا للزعيم ..
*******************
وصل أريان لبيت أسيل جريت ناحيته
أسيل : حياة بعثت رسالة بتقول إنها مع أرسلان أنا مش مصدقه الكلام دا ..
أريان : كلامها صح هي مع ارسلان ..
أمل بدموع : إنت متأكد يابني هي بتعمل إيه مع أرسلان ..
أسيل : كنت فاكره إنها بس بتساعده لكن الظاهر إنها حبته علشان كدا راحت معاه كانت طول الوقت بتتكلم عنه ..
أمل بدموع : هي عرفته إزاي قوليلي كنتوا بتعملوا إيه من ورايا ..
أسيل : هقولك ياماما أريان إنت متأكد إنها معاه ..
أريان : إنتي نسيتي أنا مين أنا مابقولش كلام من غير ما أكون متأكد منه ..
أسيل : و هتعمل إيه دلوقتي ..
أريان : أنا همشي دلوقتي عندي شغل مهم ولوعرفت حاجة جديدة هتصل بيكي ..
أريان مشي وأسيل قعدت جنب أمها وبدأت تحكيلها كل حاجة
أمل : كل دا يحصل وأنا ماعنديش خبر إنتي نسيتي إنها أمانة عندنا ..
أسيل : ياماما أنا مقدرتش أقولك لأني وعدتها إني مش هقول لحد ..
********************
في المقر
القائد خلص شرح خطته وقسم الفرقة إلى فريقين
رماح : ياباشا الفريق جاهز ..
آدم باشا : دلوقتي إنت مع فريقك أما الفريق الثاني القائد بتاعهم وصل عسكري خليه يتفضل ..
الكل بص للباب دخل القائد بهيبته القى التحية
آدم باشا : قائدكم أريان سلمار القو التحية على قائدهم ..
رماح بفرحه : صديقي العزيز إيه مشتقتليش ..
أريان بفرحه : أكيد اشتقتلك
عانقه رماح فهو صديقه و أخوه
******************
أرسلان : أمي إزيك إنت كويسه دلوقتي أنا آسف طول اليوم وأنا سايبك لوحدك لكن بالليل عندي شغل مهم دعواتك ياأمي علشان أرجعلك بخير بعد ما قتلهم وانتقم منهم
الفصل 12
ليلا كانت الفرق بتستعد للهجوم
أريان : هما ميعرفوش إننا هنا إحنا هنحاصرهم من كل الجهات ولما يبدأوا في الهجوم إحنا هننقض عليهم و ننهي أمرهم ونلحق بالقائد رماح
العساكر : أمرك يافندم ..
أريان : إنتشروا كل واحد ياخذ مكانه ..واستنوا إشارة مني علشان الهجوم ..
العساكر : أمرك يافندم ..
*******************
عند رماح
القائد رماح : الكل جاهز مش عايز غلطه كل غلطه بعقاب هنداهم المكان من كل الجهات مش لازم يهرب الولاد معاه حاصروا المكان واستنوا مني إشارة ..
العساكر : أمرك يافندم ..
القائد رماح : اتحركوا كل واحد لمكانه ..
*****************
أريان : هما بيتحركوا متخلهومش يحسوا بينا ..
قبل ما رجالة الزعيم يقوموا بأي حركة لقوا نفسهم محاصرين من أريان وفرقته رفع العساكر عليهم الأسلحة
أريان : سلموا نفسكم المكان محاصر ..
واحد من رجال العصابه : مش هنسلم نفسنا قبل ما نقتلكم..
أريان : تمام عساكر مش عايز حد منهم عايش ..
بدأ الإشتباك وإطلاق النار بينهم متبادل وبعد مدة من الوقت انتصر أريلن وفريقه عليهم
أريان : دوروا كويس متخلوش حد منهم يهرب رحمة الظالم هي ظلم للمظلوم ويلا بسرعة علشان نلحق بالقائد رماح ..
******************
عند رماح
اتسلل رماح وفرقته للداخل شاور لكل واحد منهم لمكانه بدأوا يتخلصوا من رجالة الزعيم اللي واقفين برا دخل رماح يدور على الزعيم اشتبك العساكر معاهم في الداخل سمعوا صوت إطلاق النار
الزعيم بغضب : أغبياء إزاي وصلوا للمكان هنا هاتولي الولاد طلع مسدسه ووقف يسب في القائد اللي كان السبب في فشل المهمه
رماح كان بيقتل أي حد يلاقيه في طريقه لحد ماوصل لأوضة الزعيم كسر الباب بقوة شاف الزعيم وهو حاطط مسدسه على رأس واحد من الولاد ..
رماح : وأخيراً لقيتك إنت مش مكفيك حقارتك وكمان بقيت تتاجر بالأطفال ياعديم الشرف ..
الزعيم : لو أنا مخرجتش من هنا هتكون إنت سبب في موتهم كلهم ..
رماح : ولو مسمحتلكش بقالي كام سنة وأنا بدور عليك جه وقت العقاب ..
الزعيم : زي ماتحب البنت دي هتكون أول حد أقتله ..
الطفلة بدموع : عمو أرجوك متخليهوش يقتلني متسبش الراجل الشرير دا ..
رماح : تمام إستنى هنعمل إتفاق ..
في اللحظة دي دخل العسكري
العسكري : خلصنا عليهم كلهم يافندم
دخل أريان بيجري
أريان : ياحقير دلوقتي جه دورك
رماح شاور لأريان بعينيه إشاره فهمها أريان
أريان : إحنا هنسيبك لكن بشرط إنك تبعد عن الولاد علشان تخرج بسلام ..
الزعيم : ابعدوا من قدامي علشان أخرج وأنا مش هقتل حد
ووقت ماهو بيتكلم ضرب رماح النار على إيده اللي ماسك بيها المسدس وقع على الأرض جري رماح ناحيته ومسكه من رقبته
رماح : كنت فاكر إنك هتقدر تهرب من تحت إيدي ياحقير أنا مش هرحمك
أريان خذ الولاد لعند اللواء آدم باشا علشان يوديهم لأسرهم والكلب دا أرميه في السجن لحد ماأجي ..
أريان : إنت هتروح فين ..
رماح : عندي شغل مهم لازم أروح مش عايز غلطه ..
******************
ثاني يوم الصبح كان أهل القرية مجتمعين بيتكلموا عن اللي حصل في الليل
أسيل : ماما أنا عايزه أقولك حاجة ..
أمل : في إيه يا أسيل قولي مالك قلقانه كدا ليه ..
أسيل : هنعمل إيه لوحياة مكنتش مع أرسلان والمجرمين دول هما اللي خطفوها ..
أمل : جوزك قائد وهو عارف كل حاجة أنا مكنتش هعرف إنه قائد لومكنتيش قولتيلي ..
أسيل : هو قالي يوم كتب الكتاب..
فلاش باك
أريان : أسيل أنا مش عايز إننا نبدأ حياتنا بالكذب أنا هقولك على حاجه لكن لازم تبقى سر بينا ممكن تقول بس لماما وممنوع تقولي لحد ثاني تمام ..
أسيل : في إيه يا أريان أي هو السر دا ..
أريان : أنا شغلي الحقيقي مش اللي إنتوا عارفينه دا أنا قائد في القوات الخاصة أنا هنا علشان عندي مهمة أنا جيت هنا علشان أحمي أهل القرية ..
أسيل بصدمة : إيه إنت قلت إيه إنت قائد ..
أريان : أسيل أنا بقولك علشان ميكونش في بينا أسرار مع إنه سر دولة مش لازم حد يعرف بيه لكن انا واثق فيكي..
أسيل : متخفش سرك هو سري لكن إنت وحدك هنا طب لو عملوا فيك حاجه ..
أريان : أنا مش لوحدي هنا هتعرفي كل حاجة في وقتها سنين وإحنا بنحمي القرية ..
باك
أسيل : هي دي كل الحكاية ياماما ماتقوليش لحد ولاحتى حياة ..
أمل : حاضر يابنتي مش هقول لحد لكن حياة واحدة مننا ليه أخبي عليها ..
اسيل : ماما حياة مابتخبيش حاجة عن أرسلان ممكن تقولوا ..
أمل : لحد دلوقتي أنا مش فاهمه إيه علاقتها بأرسلان..
أسيل : أنا قلتلك ياماما هي بتقول إنهم اصدقاء لكن هي بتحبه ..
أمل : مش عارفه لكن أتمنى إنها ترجع علشان نعرف إيه الحكاية ..
*****************
كانت قاعده ضامه نفسها وهي بتعيط سمعت صوت حد بيفتح الباب بصت ناحية الباب شافت راجل بيدخل مش باين حاجة من وشه
حياة ببكاء : إنتوا عايزين مني إيه سيبوني أنا معملتلكوش حاجة ..
رفع القناع عن وشه شهقت بصمة لما شافته واقف قدامها
حياة : إنت .
#رواية_عشق_ارسلان/#بقلم_حليمة_عدادي
الفصل 13
حياة اتصدمت أول ما شافته قدامها مصدقتش نفسها لحد ما اتكلم
أرسلان : يلابينا نخرج من هنا بسرعه قبل ماحد يجي ..
جريت ناحيته وحضنته ببكاء بعدها مسكت وشه بين إيديها
حياة : إنت بجد هنا ولا أنا بحلم قولي أرسلان ولا أنا من كثر مابفكر فيك بقيت بتخيلك قدامي ..
أرسلان : حياة اهدي أنا هنا بجد يلابينا نخرج من هنا الأول ..
و قبل ما يكمل كلامه سمعوا صوت ضرب نار جاي من برا مسك إيدها وخرج يجري شافهم واحد من اللي هجموا عليهم فصرخ ولحقوهم ..
أرسلان : اجري بسرعة ياحياة هيلحقونا ..
حياة : أرسلان أنا حاسه إني تعبانه أنا بقالي يومين مأكلتش حاجة..
شالها أرسلان وكمل جري
حياة : إنت بتعمل إيه نزلني أنا بعرف أمشي ..
أرسلان مسمعش كلامها وكمل جري لحد ماقطع طريقهم واحد من اللي بيجروا وراهم نزلها أرسلان بشويش وخباها وراه حياة مسكت بظهره بخوف
الرجل : هترحوا فين طريقكم خلص خلاص سلموا نفسكم ..
أرسلان : إنت مين علشان تقول إن طريقنا خلص حاول أرسلان تشتيت انتباهه وفعلاً نجح وانقض عليه رماه على الأرض خذ المسدس منه خبطه على دماغه خبطه افقدته الوعي
التفت علشان يهربوا لكن سمع صوت ضرب رصاص التفت بسرعة لما سمع صوتها بتصرخ طلع مسدسه وضرب على الراجل وجري ناحيتها .. حط رأسها على رجله شاف الرصاصة اخترقت صدرها
أرسلان بخوف : حياة إنتي سمعاني أرجوك فتحي عينيك ..
حياة بصوت ضعيف : أرسلان عايز أقولك حاجة قبل ماموت ..
أرسلان حط إيده على بوءها يمنعها إنها تكمل الكلام
أرسلان : متقوليش كدا إنتي مش هتموتي هتكوني كويسه استحملي بصلها كانت فقدت وعيها شالها على ظهره وبدأ يجري بيها قبل مايلحقوه هو عارف المكان كويس راح ناحية الى مجموعة بيوت كانت موجودة عند مخرج الغابة أخفى اثره علشان محدش يلحقه وصل وبدأ يصرخ لحد ما اتجمع حواليه أهل القرية
أرسلان : في هنا دكتور ساعدوها دي بتموت اعملوا حاجة..
اتقدم واحد منهم وكان هو عمدة القرية إسمه قاسم بص لحالتهم
قاسم : تعالى ورايا يابني شالها أرسلان ولحق بيه لحد ما دخلوا لبيت من البيوت شاروله على سرير صغير نيمها عليه
دخل طبيب القرية طلب منهم إنهم يخرجوا علشان يقدر يشوف شغله
أرسلان واقف برا وهو حاسس إن قلبه هيخرج من مكانه هو مش هيسحتمل إنه يخسرها
دلوقتي حس قد إيه هو بيحبها مش بس بيحبها دا بيعشقها نزلت دمعة من عينيه لما افتكر إن الكل بعد عنه إلا هي لما كانت الناس بتهرب منه إلا هي الكل كان بيخاف من شكله إلا هي ..
قاسم حط إيده على كتفه يواسه
قاسم : استريح يابني متخفش الدكتور شاطر أوي هتكون بخير تعالى معايا علشان تغسل إيديك ..
أرسلان : مش هرتاح قبل ما أشوفها و أطمن عليها
حط رأسه بين إيديه وهو بيدعي من قلبه إنها تبقى بخير ..
******************
أمل كانت قاعده بتتكلم مع أسيل رن تلفونها بصتله ورجعت بصت لأسيل كانت صوفيا هي اللي بتتصل
أمل بتوتر : هقولها إيه لو سألت على حياة مش عايزه أقلقها ..
أسيل : قوليلها إن أنا وهي خرجنا نتمشى ..
أمل ردت : السلام عليكم إزيك ياحبيبتي..
صوفيا : وعليكم السلام أنا بخير الحمد لله إزيكوا إنتوا ..
أمل : إنها بخير ياحبيبتي خير مال صوتك مش عاجبني..
صوفيا : شوية مشاكل مع يانيس زي كل مرة هي فين حياة عايزه اتكلم معاها دي وحشتني أوي ..
أمل بتوتر : حياة خرجت مع أسيل وهيتأخروا ..
صوفيا : أمل علشان خاطري خلي بالك منها حياة قلبها طيب وبتصدق أي حد أنا خايفه يحصلها حاجة ..
أمل زعلت أوي لأنها كذبت على أختها
أمل : ماتخافيش عليها ياحبيبتي هي كويسه أنا هقولها إنك اتصلتي..
صوفيا : أنا حجزت تذكرة وبكرة هكون عندكم أوعي تقوليلها أنا عايزه أعملها لها مفاجأة ..
أمل اتصدمت هتعمل إيه لو أختها جت وعرفت باللي حصل لحياة
أمل : بجد هتيجي بكره ..
صوفيا : أيوه استننوني مع السلامه أشوفكم بكرة ..
أمل قفلت معاها وبصت لأسيل اللي قاعده بتفكر في حل للمشكلة دي
أمل : هنعمل إيه دلوقتي لوجت هتبقى مشكله لأنها هتعرف إني محافطتش على امانتها ..
أسيل : أنا هقول لأريان علشان يجيبها هو عارف مكانها ..
أمل : هيعرف مكانها منين ..
أسيل: زي ماعرف هي مع منين هيعرف مكانها ..
أمل : إنتي مستنيه إيه إتصلي عليه بسرعة ..
******************
في المقر العسكري
كان أريان قاعد بيتكلم مع آدم باشا عن الزعيم والولاد اللي جابوهم
أريان : دا كل اللي حصل ياباشا دلوقتي الزعيم بين إيدينا مبقاش في خطر ..
آدم باشا : لسه في خطر من ناحية الزعيم وصلتنا إخبارية..
أريان : إخبارية إيه ياباشا في حاجة إحنا منعرفهاش ..
آدم باشا : أيوه الزعيم مكنش لوحده معاه شريك كان برا البلد وخلاص رجع وهيعمل كل اللي يقدر عليه علشان يقتل رماح ..
أريان : ليه رماح بالذات اللي عايزين يقتلوه لازم نبلغ رماح ..
آدم باشا : في بينهم وبين رماح ثار قديم هو دمر كل مقراتهم وكشف كل الاعيبهم بلغوا فورا علشان يجي لهنا ..
أريان : أمرك ياباشا ..
أريان خرج من المقر ركب عربيته وهو في الطريق إتصل لصديقه
أريان : رماح إنت فين في حاجة مهمه لازم تعرفها آدم باشا عايز يقابلك ..
رماح : حصل حاجه في غيابي ..
أريان : شريك الزعيم وصل للبلد وعايز يقتلك خلي بالك ..
رماح بغضب: هتبقى نهايته على إيدي استناني هاجي في أقرب وقت
أريان قفل الخط شاف رسالة من أسيل فتحها
( إتصلتلك لكن إنت مردتش عايزاك تعرف مكان حياة وتجيبها قبل الليل عايزه أشوفك )
أريان : اه هعمل إيه دلوقتي في المشكله دي ..
********************
مر وقت طويل كانت الساعة بتمر عليه مثل السنة كان حاسس بالخوف والقلق من تأخر الدكتور جوا كان هيدخل لكن منعه قاسم
أرسلان : إتأخر أوي أنا عايز أشوفها أرجوك قلبي بيحترق ..
قاسم : متخفش يابني إن شاءالله هتكون بخير
خرج الدكتور جري ناحيته بلهفة
أرسلان : طمني يادكتور هي بخير هتعيش مش كدا عايز أشوفها ..
الدكتور : حالتها خطيرة الإصابة قريبة من القلب ادعولها لوفاقت على بالليل هتكون عدت مرحلة الخطر وتكون بخير ..
#رواية_عشق_ارسلان/#بقلم_حليمة_عدادي
الفصل 14
في نص الليل أرسلان كان قاعد جنب حياة باصصلها بحزن بقى وشها شاحب مسك إيدها بين إيديه
أرسلان : إنتي قلتي إنك عايزه تقوليلي على حاجة استسلمتي ليه للرصاصة فتحي عينيكي مش علشاني علشان والدتك وخالتك
إنني عارفه أنا بقيت حاسس إنك بنتي ولازم اعتني بيكي مش عارف أنا حبيتك إمتا إنتي اللي بتونسيني في الدنيا دي
حس بيها بتحرك إيدها بصلها شافها بتفتح عينيها ببطء شافته قاعد والحزن مالي عينيه
أرسلان بلهفه : حياة إنتي كويسة إنتي حاسه بإيه دلوقتي ..
حياة بتعب : أنا كويسة إنت حزين كدا ليه ماتخفش عليا أنا بخير ..
أرسلان بفرحه : الحمد لله إنتي عارفه كان هيحصلي إيه لو جرالك حاجة متبقيش تعمليها ثاني ..
حياة : ماتخفش أنا بخير أنا فين وإيه المكان دا ..
أرسلان : اهدي ياحياة إنتي لسه تعبانه دي قرية خارج الغابة أنا لجأتلهم لما اتصبتي ..
حياة : عايزه ميه خالتي هتكون قلقانه عليا لازم أمشي من هنا ..
أرسلان : عايزه تروحي فين وإنتي بالحالة دي ..
حياة : عايزه أمشي.. أرسلان الله أعلم خالتي هتكون حالتها إيه وهي مش عارفه أنا فين ..
أرسلان : آخر كلام عندي مش هتروحي في حته عايزه تمشي بالليل هقوم أجبلك ميه وحاجة خفيفه علشان تكليها ..
حياة : مش عايزه إنت مش عايز توديني عند خالتي مش هاكل حاجة ومتكلمنيش ..
أرسلان : إنتي عنيدة كدا ليه الصبح هبقى أويكي تمام كدا أنا خايف يحصلك حاجة..
حياة : تمام هرجع في قراري عايزه أكل و ميه أنا متعورة يعني لازم تعتني بيا كويس جت تقعد إتألمت نزلت دموعها ..
رجع لعندها بلهفة
أرسلان : قلتلك إن جرحك لسه جديد ليه إنتي عنيدة كدا بلاش تتحركي أنا مش هتأخر ..
حياة بدموع : أرسلان بيوحعني أوي أنا عايزاه يشفى بسرعة علشان أمشي من هنا ..
مسح دموعها
أرسلان : طيب اهدي هجبلك الأكل وبعدها ترتاحي والصبح هتكوني أحسن ونروح ..
خرج أرسلان لاقى قاسم واقف قدام الباب ومعاه بنته شايله الأكل
قاسم : مراتك عامله إيه دلوقتي يابني هي فاقت ..
أرسلان : الحمدلله فاقت وعايزه ميه وكنت جاي علشان أخذها ميه أنا متشكر أوي إنكم ساعدتوني..
قاسم : الحمد لله على سلامتها خذ يابني جبنالكم أكل ليك إنت ومراتك ..
أرسلان : تسلم ياحج قاسم مش هنسى اللي عملتوه معايا
شال منهم الأكل ودخل عند حياة ناولها الميه وساعدها إنها تاكل
أرسلان : ارتاحي شوية أنا هنا لوعوزتي حاجة ..
حياة : هتروح فين خليك هنا أنا خايفه ..
أرسلان : هقعد قدام الباب ..
سمع طرقات على الباب
فتح كانت بنت الحج قاسم
أرسلان : خير في حاجة عايزه حاجه ..
ندى : أنا إسمي ندى الحقيقة من لما جيت وإنت لابس القناع دا ..
أرسلان : آنسه ندى ميصحش إنك تيجي هنا في وقت زي دا هتعملي إيه لوحد شافك وبالنسبة للقناع أظن دا شيء مايخصكيش ..
ندى : إنت خايف ليه أنا بنت عمدة القرية دي مافيش حد يقدر يتكلم عليا تعالى نقعد سوى عايزه أتعرف عليك ..
أرسلان : لوسمحتي روحي من هنا أنا مش عايز مشاكل ..
ندى : كل اللي يشوفني يكون عايز يتعرف عليا إلا أنت في إيه وقربت منه وحطت إيدها على صدره دفعها للخلف بغضب
أرسلان بغضب : إنت مش مكسوفه من نفسك أمشي من هنا ولو رجعتي ثاني تصرفي مش هيعجبك ..
خرجت تجري لما شافت غضبه كانت حياة سامعه كل حاجة حست بالغضب لكن مقدرتش تقوم دخل أرسلان وقرب منها لكن دورت وشها الناحية الثانية
أرسلان : مالك ياحياة دورتي وشك ليه الناحية الثانية ..
حياة : أنا عماله من بدري أحايل فيك علشان تبقى معايا أتاريك كنت عايز تقعد برا علشان تشوفها ..
أرسلان بصدمه : إنتي بتقولي إيه حياة أنا كنت عايزك تاخذي راحتك وبعدين هي اللي جت لعندي ..
حياة بغضب : مايهمنيش ..
أرسلان : حياة مافيش أي ست في الدنيا تهمني إنت الوحيدة اللي تهميني هي لو شافت وشي مش هتقرب مني إنت الوحيدة اللي فضلتي معايا ومهمكيش شكلي ..
حياة : ماشي أنا عايزاك الصبح تخرج من غير قناع علشان ماتفكرش تقرب منك ..
أرسلان بضحكه : تمام ارتاحي فاضل شويه والصبح يطلع وهنمشي ..
في الصباح
حياة كانت لسه تعبانه لكنها اصرت على إنها تمشي ودعوا أهل القرية خرج أرسلان من غير قناع زي ما طلبت منه حياة ومن لما خرجوا وهي ماسكه إيده بقوة وباصه ناحيه ندى بشر
بصلها بحيرة هي ليه ماسكه إيده بالشكل دا ركبوا سياره الأجرة بصلها شافها لسه ماسكه إيده فكر هي بتغير عليا ولا إيه بالضبط ؟ هي بيحبني ؟ بقى في صراع بين قلبه و عقله
قلبه بيقوله إنها بتغير عليه وعقله بيقوله إنت أكبر منها وشكلك مش جميل هتحبك ليه معندكش فلوس إنت واحد مشوه في نظر الكل
أرسلان : حياة سيبي إيدي وحعتني ..
حياة : آسفه مقصدش كنت متعصبة من الأفعى دي علشان كدا مسكت إيدك علشان متفكرس إنها تقرب منك مرة ثانية..
أرسلان : وإنتي ليه متعصبة منها دي بنت جميلة وكمان معجبة بيا ..
حياة بغضب : هي عجبتك وكنت عمال تبصلها هي جميلة ..
أرسلان : أنا مقلتش إنها عجباني أنا بس قلت رأيي ..
حياة : كفاية مش عايزه أسمع كلام عنها لو عجبتك إتفضل روحلها .. وعلى فكرة هي مابصتش ناحيتك لما شافتك من غير قناع ..
أرسلان : مش مهم مش عايزها تبصلي وصلنا إستني هنا هقول لخالتك علشان تاخذك متتحركيش ..
راح ناحية البيت خبط الباب فتحتله أسيل
أسيل : إنت كنت فين وفين هي حياة قول اخذتها فين ..
أرسلان : هي هنا شاور للعربية روحي علشان تساعديها ..
خرجت أمل على صوتهم
أرسلان: حياة مصابة وهي جوا العربية روحولها علشان تساعدوها ..
جريت أمل وأسيل للعربية فتحوها ونزلوها حضنتها أسيل وأمل ببكاء
أمل : حبيبتي إنتي كويسه مين اللي عمل فيكي كدا ..
حياة : أنا كويسة ماتقلقوش دخلوني البيت الأول وأنا هقولكم على كل حاجة أرسلان تعالي معانا ..
أمل : يجي فين وهو السبب في كل حاجة حسابي معاك لسه مخلصش ..
حياة : خالتي في إيه مالك أرسلان هو اللي أنقذني ..
أرسلان : معلش ياحياة أنا همشي خلي بالك من نفسك ومتتحركيش كثير لحد مايشفى الجرح
مشي أرسلان وهما دخلوا البيت
أمل : احكيلنا كل حاجة أيارن قالنا إنك مع أرسلان ..
أسيل : ماما حياة لسه تعبانه خليها ترتاح ..
حياة : أنا كويسة تمام هحكيلكم كل حاجة ..
******************
في مكان كان قاعد فيه صديق الزعيم كان قاعد وحاطط قناع على وشهه
الزعيم : هما مسكوا صديقنا لازم إننا ننتقم ..
واحد من رجالته : إنت طلبتني أوامرك ياباشا ..
الزعيم : عايز اعرف هي راحت فين وبالنسبة للي هتعملوا إعمل كل حاجة خليك وراها زي ظلها ..
الرجل : تمام ياباشا مش هسيبها ..
الزعيم : إمشي من وشهي وماتجيش إلا ومعاك خبر كويس ..
******************
في المقر العسكري آدم باشا كان قاعد مع القادة
آدم باشا : لازم نبدأ بتنفيذ خطتنا قبل ما يتحركوا ..
أريان : إحنا جاهزين ياباشا ..
رماح : أنا بس مستني شويه معلومات علشان ننهي أمرهم ..
آدم باشا : لو كشفوا هويتك أقرب الناس ليك هيتأذى ..
رماح : الكل يعرف أرسلان وبيكرهوه وبيقرفوا من شكله مافيش حد بيعرف رماح ..
أريان : مافيش حد هيصدق إنك نفس الشخص أرسلان هو رماح ..
رماح : هيجي اليوم اللي هيروح فيه أرسلان ويبقى رماح ..
آدم باشا : ابقى بلغني لما توصلك المعلومات ..
رماح : أمرك ياباشا ..
****************
أمل : كل دا حصل معاكي وإحنا هنا فاكرين إنك مع أرسلان ..
أسيل : إنتي عرفتي مين هما الناس اللي خطفوكي ..
حياة : لا أنا مشوفتش حد منهم مافيش غير ست
قطع كلامهم خبط على الباب راحت أمل علشان تشوف مين على الباب
أمل بفرحة : صوفي
#رواية_عشق_ارسلان/#بقلم_حليمة_عدادي
الفصل 15
أمل بفرحة : صوفيا حضنتها بشوق لأنها ماشفتهاش من سنة ..
صوفيا : إزيك ياحبيبتي وحشتيني أوي ..
أمل : بخير الحمدلله إنتي إزيك تعالي ندخل جوا إيه إحنا هنتكلم قدام الباب دخلت صوفيا وهي بتدور على بنتها لحد ما شافتها قاعدة والتعب باين على وشها ..
صوفيا : حياة
حياة رفعت وشها مصدقتش إن أمها واقفه قدامها جريت ناحيتها رغم تعبها والألم اللي حاسه بيه اترمت في حضنها وهي بتعيط
حياة : ماما أنا اشتقتلك أوي ليه ماقولتيليش إنك هتيجي ..
صوفيا : كنت عايزه أعملهالك مفاجأة إنتي بخير شكلك تعبان أوي ..
حياة : أنا بخير ياماما أومال بابا فين هو مجاش معاكي ..
صوفيا : سافر علشان شغله قال إن معاه شغل ومش راجع دلوقتي قلت أجيلكم مش هبقى لوحدي هناك
أسيل بمرح : وأنا مشتقتليش ولا إيه ولا لتكوني نسيتيني ..
صوفيا : إزاي انسى عروستنا الحلوة تعالي لحضني ياحبيبتي ..
أسيل : ارتاحي ياخالتي أنا عملتلك كل الأكل اللي بتحبيه ..
حياة : إنتوا كنتوا عارفين إنها هتيجي ..
أسيل : إتصلت وقالت لنا إنها هتيجي وقت ما كنتي مخطوفه ..
صوفيا بصدمه : إيه مين اللي خطفها وماقولتوليش ليه خبيتي عليا ليه يا أمل ..
أمل : كنت هقولك والله لكن حياة رجعت أهي الحمد لله ..
صوفيا : حصلك إيه ياحبيبتي إنتي كويسه مين اللي خطفك ..
أسيل : ضربوها بالنار لما كانت بتهرب منهم ومنعرفش مين هما اللي خطفوها ..
حياة : أنا بخير ياماما هو أنقذني في الوقت المناسب ..
صوفيا : مين هو اللي أنقذك منهم ياحبيبتي ..
حياة بتوهان : أنا كنت بستناه بطلي ..
صوفيا : إيه مين بطلك دا حياة أنا بتكلم معاكي ..
عرفت حياة إنها غلطت لما قالت بطلي هي نسيت إنها قاعدة قدامهم كلهم هو بقى مسيطر على كل تفكيرها ..
حياة بتوتر : أنا مقصدش حاجة ياماما صديقي أرسلان هو اللي أنقذني ..
صوفيا : لما أرجع فرنسا هنسافر سوى هنا مش أمان ..
حياة : أنا مش هسافر أنا بكره المكان هناك وبابا هيجوزني من صاحبه ..
صوفيا :أبوكي سافر ومش هيرجع لفترة طويلة هو معدش بيفكر في الموضوع دا أنا مش هسيبك هنا ..
حياة : ماما أنا مش هسافر خالص أنا عايزه أبقى هنا قوليلها ياخالتي ..
أمل : في إيه ياصوفيا سيبيها مع أسيل هي مش عايزه تسافر إحنا إتعودنا عليها ..
صوفيا : المرة دي الحكاية عدت بسلام المرة الثانية معرفش هيحصل إيه هتسافري ياحياة ..
حياة بدموع : مش عايزه مش هسافر ودخلت أوضتها وهي بتعيط ..
أمل : زعلتيها ليه بس البنت كانت مبسوطه إنك جيتي ..
صوفيا : أمل دي بنتي الوحيدة لوحصلها حاجة أنا هعمل إيه وقتها أنا معنديش غيرها أنا مش هسيبها هنا ..
أمل : خليها دلوقتي ترتاح ولما تبقي تسافري كلميها بالهداوة
يلا نأكل لقمه الأول أسيل من الصبح بتحضر كل الأكل اللي بتحبيه يلا قومي الأكل هيبرد ..
****************
في الغابة في مكان هادئ كانوا قاعدين بيتكلموا مع بعض
أرسلان : فرحك إمتا إحنا مستنيين من فترة مستني إيه ..
أريان : يوم كتب الكتاب إتفقنا إن الفرح هيكون بعد شهر الوقت بيقرب لكن إحنا عندنا عملية لازم نقبض على الراس الكبيره علشان فرحي يتم بسلام ..
أرسلان : متخيلش البنت تستنى قولها إن عندنا عملية مهمه وبعدها تعملوا فرحكم إنت قولتلها إنك قائد في القوات الخاصة ..
أريان : أيوة قولتلها من مدة وإنت إين نظامك ..
أرسلان : نظام إيه دا اللي بتتكلم عنه ..
أريان : بتكلم عن البنت الفرنسية إيه اللي بينكم وليه خطفتها ..
أرسلان : خطفتها لأن الزعيم قبل مانقبض عليه إتصل بيا وهددني إنه هيأذيها علشان كدا أنا طلبت من رجالتي إنهم يخطفوها قبل ماهو يوصلها لكن لما روحتلها رجالة الراس الكبيره لحقوني ..
أريان : دا معناه إنهم عارفين إن أرسلان هو رماح ..
أرسلان : الزعيم الأول كان عندوا جاسوس بيننا علشان كدا هو كان عارف لكن دلوقتي محدش يعرف حاجة أمي بأمان في المستشفى لكن حياة لازم أخلي حد وراها علشان يحميها ..
أريان : إنت حبيتها ..
أرسلان : حب إيه اللي إنت بتتكلم عنه دا أنا عايش علشان أنتقم من اللي قتل بابا وكان السبب في عذاب أمي هانت فاضل شويه بس وأمسكه ..
أريان : إحنا أصحاب من زمان يعني عارفك إنت بتحبها لكن خايف إنها تكون مش بتحبك ولا بتبادلك نفس المشاعر ..
أرسلان : أنا أكبر منها بكثير إزاي هترضى بيا ولا وشي اللي الكل بتهرب إنها تبصله إزاي هتقبل بكل دا ..
أريان : ماتنساش إنها الوحيدة اللي وقفت جنبك لما كنت بتمثل إنك بتبيع الخشب علشان تعرف الناس على حقيقتهم هي عملت المستحيل علشان تساعدك ..
أرسلان : مش عارف حصلي إيه لما اتصابت فكرت إنها بتغير عليا لكن نفضت الفكرة دي من دماغي ..
أريان : قولي حصل إيه ..
فعلاً حكاله كل حاجة من لما جت ندى لحد ما خرجوا من القرية
أريان : من كلامك أنا شايف إنها بتغير عليك وأكثر حاجة بيثبت الحب هو الغيرة سيب الموضوع مع الأيام هتعرف ..
*****************
مرت ليلة كاملة حياة مخرجتش من أوضتها دخلت لها أسيل لقتها على نفس حالتها قعدت جنبها
أسيل : حياة لازم تاكلي حاجة كدا هتتعبي علشان تشربي الدواء وأغيرلك على الجرح ..
حياة : مش عايزه حاجه إنتوا عايزيني أسافر أنا مش هاكل حاجة ..
أسيل : إحنا إتكلمنا مع خالتي هي لسه قاعدة هنا وممكن تغير رأيها ..
حياة : أسيل أنا عايزه أطلب منك طلب لكن الموضوع يبقى سر بيننا ..
أسيل : تمام هعملك اللي إنتي عايزاه بس تاكلي الأول ..
حياة : تمام هاكل أسيل أنا عايزه أخرج قولي لماما إننا هنخرج سوى ونرجع بسرعة ..
أسيل : حياة إنتي عايزه تعملي إيه قوليلي متعمليش حاجة تندمي عليها ..
حياة : ماتخافيش أنا بس عايزه أشوف أرسلان إنتي إستنيني في أي مكان وأنا هروح أشوفه وأرجع بسرعة ..
أسيل بقلة حيلة : طيب ياحياة لكن ماتعمليش حاجة من غير ماتقوليلي إتفقنا كلي يلا ..
خرجت أسيل قالت لهم إن حياة عايزه تخرج
صوفيا : بس المكان مش أمن أفرضي حصلها حاجة ..
أمل : ماتخافيش أسيل هتروح معاها وهيرجعوا بسرعة ..
حياة : متقلقوش مش نتأخر يلابينا ياأسيل..
*****************
خرج من بيته شافها بتجري ناحيته كانت أسيل مستنياها في مكان بعيد
أرسلان بقلق : إنتي بتجري ليه في حاجة حصلت ..
حياة : ماتخافش أنا كويسه كنت عايزه أتكلم معاك في حاجة مهمه تعالى بسرعه ماعنديش وقت تعالى ندخل عند والدتك ..
أرسلان : أمي مش هنا تعالي نقعد
تحت الشجرة
قعدوا أرسلان استناها تتكلم لكن كانت ساكته طلعت فلوس من شنطتها وحطتهم قدامه
أرسلان باستغراب : حياة إيه الفلوس دي حطاها قدامي ليه ؟
حياة : أنا كنت بجمعها قلت يوم ما أكمل المبلغ هدهولك لكن الظاهر إني مش هقدر اكمله الفلوس دي علشان علاج والدتك خذ الفلوس وديها عند الدكتور علشان تتحسن و تبقى معاك ..
أرسلان خذ الفلوس ورجعها شنطتها
أرسلان : الفلوس دي من حقك إعملي بيها اللي إنتي عايزاه وبالنسبة لأمي أنا ودتها المستشفى علشان تكمل علاجها علشان كدا أنا قاعد لوحدي ..
حياة : إنت بجد ودتها تتعالج طب ليه مقولتليش ..
أرسلان : كنت هقولك لكن ملقتش الوقت المناسب بعدين سألها
إنتي ليه قلتي إنك مش هتقدري تكملي الفلوس هو إنتي مش هتشتغلي معايا ثاني إنتي زهقتي مني ..
حياة و الدموع في عينيها : ماما عايزه تاخذني معاها فرنسا ..
أرسلان : طب وبتبكي ليه إنتي كنت بتقولي إنها وحشتك أهي جت علشان تاخذك زعلانه ليه دلوقتي ..
حياة : مش عايزه أرجع هناك أنا بكره المكان هناك وبابا هيرجع يعاملني زي ماكان بيعاملني قبل كدا ويغصب عليا إني اتجوز صاحبه ..
أرسلان : اهدي ياحياة لسه قدامك وقت طويل قولي لوالدتك إنك مش هتسافري قبل فرح أسيل وفي الوقت دا شوفي هتعملي إيه ..
حياة : فكرة حلوة أنا هروح دلوقتي هشوفك إمتا ..
أرسلان : مش عارف وقت ماتحبي تشوفيني تعالي هنا وهتلاقيني ..
حياة : تمام مع السلامة ..
بعد ماراحت بص لأثرها
أرسلان : مافيش بإيدي حاجة أعملها دلوقتي لكن أنا مش هسيبك تبعدي عني اطمني أنا هعمل المستحيل علشانك ياصغيرتي ..
