رواية_عشق_ارسلان بقلم_حليمة_عدادي الفصل السادس والسابع والثامن والتاسع والعاشر حصريه وجديده علي مدونة النجم المتوهج للروايات والمعلومات
 |
رواية_عشق_ارسلان بقلم_حليمة_عدادي الفصل السادس والسابع والثامن والتاسع والعاشر حصريه وجديده علي مدونة النجم المتوهج للروايات والمعلومات
الفصل 6
مرت الأيام كانت حياة بتيجي دائما في موعدها علشان تاخذ منه الخشب أرسلان إتعود عليها وبقى بيستناها دائما هو مابقاش فاهم نفسه ولا إيه اللي بيحصل معاه دا ليه بقى بيفكر فيها دايماً ..
قعد يستنى لحد ماخلصت تسليم الخشب هو مش عارف ليه فرح لما شافها خرج من ورى الشجرة وراح ناحيتها ..
أرسلان : السلام عليكم إزيك ..
حياة : وعليكم سلام أنا بخير خذ فلوسك كامله أهي ..
أرسلان : أنا متشكر كنتي عايزه تعرفي حكايتي و سبب تشوهي لسه عايزه تعرفي هو إتعود عليها كان بحاجة لحد يهتم بيه و يسأله
حياة : إنت عايز تقولي يعني وأخيراً هتتكلم ..
أرسلان : تعالي نقعد هناك
قعدوا تحت ظل الشجرة
حياة : تمام قولي بقى أنا سمعاك ..
ارسلان : لما كان عمري عشرة سنوات كنت عايش حياة جميلة مع إني كنت فقير لكن كنت مبسوط أوي بوجود أمي و أبويا
يوم عيد ميلادي كنت مبسوط أوي أمي عملتلي حفلة صغيرة وبعدما الحفلة خلصت فرحة أوي لما عرفت أي هي هدية أبويا كان هياخذني لمدينة الملاهي لأني ماشوفتهاش قبل كدا
أبويا أجر عربية وطوال الطريق كنت مبسوط إني هروح الملاهي لكن سعادتنا مكملتش طلعت قدامنا شاحنة مش عارفين جت منين عملنا حادثه وتقلبت بينا العربية أكثر من مرة ولما فوقت لقيت نفسي في المستشفى ووشي متشوه بالشكل دا
وكمل بدموع أبويا مات وأمي فقدت النطق وبعدها بقت مابتتحركش بقت طول الوقت بتبص للفراغ اللي قدامها وأنا بقيت وحيد ..
مسكت حياة إيدها حكايته وجعت قلبها
حياة : ليه مخذتهاش لدكتور نفسي علشان تتعالج ..
أرسلان : أخذتها لكن لأني معنديش فلوس تكفي علاجها محدش قبل يعالجها ..
حياة زعلت عليه أوي وسألته :
بقالك مدة مش عايز تحكيلي ليه حكتلي النهاردة ..
أرسلان : علشان النهاردة عيد ميلادي افتكرت اليوم المشؤوم اللي كان سبب كل اللي حصلي الكل بقى بيكرهني من غير سبب أمي مابتقدرش تتكلم أنا بقيت وحيد من غيرها ..
حياة : إنت بتقول كدا ليه أنا موجودة عايزه أطلب منك طلب ..
أرسلان : أنا مش عارف إنتي بتساعديني شفقة ولا إيه بالضبط أي هو طلبك ..
حياة : عايزه أشوف والدتك لوسمحتلي ..
أرسلان : ماعنديش مانع لكن هتعملي إيه لوحد شافك ..
حياة : مايهمنيش حد لكن ماتقلقش هغطي وشي ونروح
مشيت وراه وهي خايفه إن حد يكشف أمرها ويقول لخالتها لكن حالة أمه وجعتها أوي وعايزه تشوفها ..
أرسلان : وصلنا إتفضلي ..
نظرت إلى ذالك البيت الصغير دخلت نظرت في كل مكان يوجد غرفتين وحمام ومطبخ صغير دخلت معاه لغرفة أمه شافتها تنظر امامها إلى الفراغ جلست بجانبها
أرسلان : هجيبلك حاجة تشربيها ..
حياة : متتعبش نفسك أنا مش هقعد كثير ..
أرسلان : ميصحش إزاي تدخلي بيتي وتخرجي من غير ماتشربي حاجة هعملك فنجان قهوة
أمي هي دي البنت اللي حكتلك عنها أنا هروح أعمل قهوة إتعرفي عليها
خرج أرسلان
حياة مسكت إيدها : أنا إسمي حياة مش عارفه إذا كان أرسلان حكالك حكايتي عايزه أقولك حاجة لازم تساعدي نفسك علشان أرسلان هو بيتألم علشانك هو من غيرك وحيد هو مقدرش ياخذك لدكتور نفسي ودي حاجه وجعاه أوي إنتي عايزها يبفضل كدا وحيد هو مهما كبر هيبقى محتاجلك
إحنا إتكلمنا شوية أنا همشي دلوقتي فرصة سعيدة هنلتقي ثاني
خرجت حياة من الأوضة شافته خارج من المطبخ
أرسلان : قهوتك جاهزة إتفضلي
خذت منه القهوة خذت منها رشفة وحطت الفنجان على السفرة
أرسلان : إيه هي معجبتكيش ..
حياة :لا طعمها حلو أوي لوكان عندي وقت مكنتش سبتها أستئذن أنا مع السلامة ..
أرسلان : شايفك مستعجله في حاجه زعجتك ..
حياة : لا خالص لكن أنا اتأخرت أوي خلي بالك منها ..
ارسلان : أخلي بالي منها دي كل حياتي ..
حياة : إن شاءالله هتبقى كويسه مع السلامه ..
أرسلان : خلي بالك من نفسك هتيجي إمتا ..
حياة : وقت الشغل زي ماهو ولو لقيت فرصة هاجي ثاني أزور والدتك ..
أرسلان : تعالي وقت ماتحبي ..
*******************
وصلت حياة لبيت خالتها ولما دخلت اتصدمت من اللي هيا شيفاه شافت أسيل واقفة وماسكه بإيدها كل الفلوس اللي أخذتهم من أرسلان
أسيل بحده : عايزه جواب واحد بس جبتي الفلوس دي منين ؟ وكنتي فين ؟
حياة : اهدي ياأسيل أنا هقولك أنا مكنتش عايزه دا ..
أسيل بغضب : قلتلك عايزه جواب من غير كلام كثير ..
حياة : طيب حكتلها كل حاجة من الأول ..
أسيل : أنا قولتلك إبعدي عنه ..
حياة :ليه علشان مشوه هو مش بني آدم زينا من إمتا كان قلبك قاسي كدا ..
أسيل : حياة انتي مش في فرنسا تعملي اللي عايزاه إنتي في قرية مش آمنة الراجل دا الكل بيتجنبه إحنا منعرفش عنه حاجة..
حياة : كانت فرنسا أكبر سجن ليا ليه عايزين تسجنوني هنا كمان
كملت بدموع لوكان وجودي بيزعجكم أوي كدا أنا هروح ..
أسيل بهدوء : ياحبيبتي هنا مافيش غير الذئاب كل واحد عايز ينهش في الثاني أنا قلقانه عليكي علشان كدا اتعصبت ..
حياة : أرسلان إنسان طيب مش زي ما قلتي ..
أسيل : أنا مقصدتوش هو بكلامي أنا قصدت الكل
حياة إنتي طيبه وبتصدقي بسرعه إنتي متعرفيش حاجة عنه أما بخصوص الشغل هنتكلم فيه مرة ثانية ..
ووقت ماهما بيتكلموا دخلت أمل بصت للفلوس اللي في إيديهم
بصولها بصدمة ومش عافين هيقولولها إيه
أمل : إيه كل الزعيق دا صوتكم واصل لبرا انتبهت للفلوس اللي بإيديهم
أمل : وإيه كل الفلوس دي كلها
الفصل 7
أمل : جبتوا الفلوس دي منين ..
أسيل : اهدي ياماما أنا هقولك ..
أمل : بتبصولي كدا ليه اتكلموا يلا ..
حياة بتوتر : الفلوس دي بتاعتي وأسيل لقتهم وكانت بتسألني عليهم ..
أمل : وجيبتيهم منين ياحياة..
حياة : يوم ماهربت أخذتهم معايا من غير ما ماما تعرف قلت أكيد هحتاجهم وهبقى أقولها بعدين..
أمل : تمام خبيهم لحد ماتحتاجيهم اه كنت هنسى أنا جيت ليه ..
أسيل : خير ياماما ..
أمل : من دلوقتي لحد الصبح محدش فيكم يخرج برا ..
أسيل : ليه ياماما حصل حاجه وإحنا منعرفش ..
أمل : الشرطة منعت أي حد يخرج برا بيته عرفوا إن في خلية إرهابية هتدخل القرية بالليل وإنهم خذوا رهائن كثير وهما عايزين يقبضوا عليهم علشان كدا لازم الكل يبقى جوا بيته علشان محدش يتأذى ..
حياة بخوف : هما هياخذونا إحنا كمان لما يدخلوا القرية ..
أمل : اهدي ياحبيبتي مافيش حاجة هتحصل يلا تعالوا اتعشوا وناموا بدري ..
أسيل :حاضر ياماما يلا ياحياة علشان نجهز الأكل مع بعض ..
*******************
في بيت أرسلان كان بيأكل أمه ويتكلم معاها زي مابيعمل كل يوم
أرسلان : شوفتيها ياأمي أد إيه هي جميلة وحنينة وقلبها طيب
إيه رأيك فيها قوليلي إتكلمي ياأمي ليه الحزن دا كله أنا عايزك تبقي أحسن وتتكلمي معايا ..
تلفونه رن لما بصله وشاف مين اللي بيتصل عليه خرج بسرعة
أرسلان : أيوه هو في حاجة ..
؟؟؟؟ : إستعد الموضوع هيتم الليلة لازم نخلص الموضوع ..
أرسلان : تمام هكون هناك في الموعد قفل التلفون بصله وإبتسم إبتسامة شر جه الوقت
رجع لأمه
أرسلان : أمي خلي بالك على نفسك واستنيني
ارتدى ملابس سوداء ونظارة سوداء نظر إلى المرآه واتأكدت إن مافيش حاجة باينه منه
باس أمه وخرج شاف المكان مافيش فيه حد غير الشرطة
رجع للبيت دخل أوضته فتح مكان سري وخرج منه لقى عربية مستنياه ركبها واتحركوا ..
********************
في الليل
خاف أهل القرية من صوت الرصاص انكمشت حياة بخوف في فراشها وهي بتبكي
أسيل قربت منها وحضنتها
أسيل : اهدي ياحبيبتي دا صوت الرصاص بتاع العساكر هما قبضوا عليهم ..
حياة بتساؤل : ولو مقبضوش عليهم هيجولنا ..
أسيل: مافيش حاجة من دي هتحصل تمام ..
****************
في مقر الإرهابيين كان إطلاق النار بين الإرهابيين و العساكر في كل مكان
القائد : حاصروا المكان متسمحوش إن حد منهم يهرب ..
العسكر 1: يافندم في مجموعة منهم هربوا للغابة ..
القائد : أنا هلحقهم وإنتوا خلصوا الموضوع هنا ..
العسكر 2: تمام يافندم
القائد جري وراهم وأصاب واحد منهم لكنهم قدروا يهربوا القائد وهو بيلحقهم في واحد منهم ضربه بالنار وعوره ..
العساكر قبضوا على كل اللي كانوا في المقر و أطلقوا سراح كل الرهائن القائد رجع
العسكري: هما فين يافندم ..
القائد : أنا عورت واحد منهم مش هيبعدوا كثير الكل بخير ..
العسكري : كله تمام يافندم إيه دا إنت متعور الإسعاف هنا روح معاهم وإحنا هنخلص كل حاجة ..
*****************
في الصباح
خرج أهل القرية لقوا البوليس في وسط القرية
الضابط : مافيش داعي للقلق إحنا قبضنا على الإرهابيين تقدروا تمارسوا حياتكم بشكل طبيعي وتخرجوا لأشغالكم وحررنا الرهائن اللي من قريتكم و القرى اللي حواليكم ..
أمل : إحنا مكنش في رهائن من عندنا يافندم ..
الضابط : لقينا واحد من قريتكم مصاب وسط الرهائن ..
الشرطة راحوا وكل واحد رجع لشغله دخلت أمل لبيتها
أريان راح ناحية أسيل وحياة
أريان : أسيل إستني لحظة ..
أسيل : في إيه قول بسرعة معنديش وقت ..
أريان : إنتي عارفه إن بنت خالتك كانت بتقابل اللي إسمه أرسلان ..
أسيل : أيوه عارفه بتسأل ليه ..
أريان : الصبح البوليس جابوه لبيته ومان متصاب قالوا إنه كان بين الرهائن ..
أسيل بدهشه : هو كان رهينه واتصاوب يمكن مسكوه بالليل ..
أريان: ممكن ..
حياة : إنت قلت إنه اتصاب هو كويس .. مش عارفه هي ليه حست بالخوف
الفصل 8
كان واقف في المطبخ بيعمله فنجان قهوة سمع دق متواصل على الباب حط اللي بإيده وراح ناحية الباب ولما فتحه شافها قدامه
حياة بخوف : أرسلان قولي إنت كويس حصلك حاجة ..
أرسلان : اهدي أنا كويس إتفضلي ..
دخلت معاه جوا البيت
حياة : صحيح إزاي مسكوك مع الرهائن وإتصبت إزاي ..
أرسلان : أنا كويس مافيش حاجة تستدعي القلق دا كله أما مسكوني إزاي أمي تعبت أوي جيت علشان أجبلها الدوا لقيته خلص خرجت بالسر علشان أشتريلها الدوا لحقوني إثنين منهم ولما هربت واحد منهم ضربني بالنار ولما فوقت لقيت نفسي بين الرهائن ..
حياة : إزاي تخرج وإنت عارف إن برا خطر عليك ..
أرسلان : يعني أسيب أمي تموت أنا ماهمنيش اللي بيحصل أمي اهم من أي حاجة ..
حياة : ولوكان حصلك حاجة فكرت بوالدتك هيكون مصيرها إيه وقتها أرجوك خلي بالك على نفسك ..
أرسلان : تمام ماتقلقيش أنا أهو قدامك كويس كنت بعمل قهوة هجبلك معايا ..
حياة : لا أنا هروح أنا جيت بسرعة لما أريان قالي إنك اتصبت خفت يكون حصلك حاجة أنا هستأذن ..
أرسلان حس بالغضب لما سمع إسم أريان وقفت حياة علشان تمشي لكن وقفها سؤاله
أرسلان : إزاي حبيبك سمحلك إنك تيجي لحد عندي وهو مابيحبش يشوفني ..
حياة بتعجب :حبيبي مين إنت بتقول إيه ..
أرسلان : أنا شوفتك بتتكلمي معاه في مكان شغله واليوم كمان كنتي معاه ..
حياة : إحنا مافيش بينا حاجة في اليوم إياه كنت بكلمه في شغل واليوم هو اللي جه يكلمنا ..
أرسلان : عادي يعني ممكن تتكلمي معايا بما إننا أصدقاء الحب مش عيب لوكان الحب حقيقي دي حاجة حلوة برضو ..
حياة بغضب : إنت بتقول إيه أنا مش بحب حد ماتخلنيش أندم إني جيت أطمن عليك يعني بدل ماتشكرني بتسألني أسأله مش مفهومه ..
أرسلان : تمام مش هسألك ثاني أريان إنسان كويس ومناسب ليكي ..
بصتله حياة بغضب ومسكته من هدومه
حياة بعصبية : إنت عايزني أفقد أعصابي حب إيه اللي بتتكلم عنه دا هو بيحب واحدة ثانية ..
أرسلان : إنتي متعصبة ليه دا كان مجرد سؤال إتفضلي ممكن تمشي دلوقتي ..
حياة : هي دي الطريقة اللي بتعامل بيها ضيوفك تمام أنا همشي ..
خرجت بغضب ورزعت الباب وراها بكل قوتها هي مش فاهمه هو ليه بيسألها أسأله زي دي ..
أرسلان : مش عايزك تكوني جوا اللعبة دي لازم تبعدي عني عالمي مينسبش واحدة بطيبة قلبك ..
دخل لوالدته قعد قدامها وباس إيدها
أرسلان : أنا عارف ياأمي إني النهاردة عاملتها معاملة وحشه لكن أنا عملت كدا علشان سلامتها وكذبت عليها أتمنى إنها تسامحني ..
*******************
حياة رجعت للبيت قعدت لوحدها كانت زهقانه خالتها راحت لشغلها وأسيل راحت المكتبة وأرسلان مش عارفه ليه بيعاملها بالطريقة دي
حياة : هو ليه سألني سؤال زي دا وليه مابقاش بيعاملني زي الأول اه أنا بقيت بكلم نفسي ..
******************
في المكتبة عند أسيل
كانت قاعده بتقرا كتاب لحد مادخل عليها واحد إسمه زين كل مرة بيجي يأخذ كتاب علشان يشوفها
أسيل : محتاج مساعده ..
زين : أيوه كنت عايز كتاب إسمه (،،،،،،،،)وعايز حاجة كمان ..
أسيل : هتلاقيه هنا أشارت إلى أحد الرفوف
زين : أسيل إنتي عارفه إني بحبك من زمان أوي ..
دخل في اللحظة دي أريان
أريان بغضب : إنت قلت إيه عيد اللي قولته ..
بصله زين شاف عروقه هتخرج من مكانها و الشرر بيطاير من عينيه
زين : قولتلها إني بحبها وهروح أطلب
لسه ماكملش كلامه حتى تلقى صفعة وقعته على الأرض مسكه من هدومه وفضل يديله في بوكسات لحد ما ملامحه مبقتش باينه
أسيل بفزع : أريان كفاية سيبه هيموت في إيدك ..
أريان بغضب : إنتي تسكتي خالص أنا قلتلك قبل كدا اللي هيقرب منك هموته ووجه كلامه لزين قولي إنت قلت إيه ..
زين : إنت مين أصلاً علشان تتحكم فيها مايمكن هي موافقه إنها تتجوزني ..
أريان : ماشي تعالالي بقى مسكه من رقبته وضغط عليها لحد ماكان خلاص بيختنق
أريان : لوشوفتك هنا مرة ثانية أنا مش هضربك أنا هموتك ..
أريان سابه زين وقع على الأرض
أريان بغضب: يلا أمشي من هنا قبل مقتلك .. خرج زين بسرعة
قرب أريان منها وبص في عينيها
أريان : جهزي نفسك النهاردة بالليل هاجي علشان أطلب إيدك من والدتك يلا على البيت ولو شوفتك مره ثانيه بتتكلمي حد هيكون اخر يوم في عمره ..
أسيل : بلاش تتدخل في حياتي إنت مين أصلاً علشان تتحكم فيا وبعدين مين قالك إني عايزه أتجوزك ..
أريان بحده : أنا مسألتكيش عن رأيك أنا قلتلك النهاردة بالليل جهزي نفسك مع السلامة ياحبيبتي
خرج أريان ضربت المكتب قدامها بغضب
أسيل : دا بجد مجنون لكن هو بجد هيجي بالليل لازم أروح يمكن يكون بيتكلم بجد ..
*********************
رجعت أسيل للبيت وحكت لحياة على كل حاجة
حياة : هو تصرف مجنون لكن هو بيحبك وبيغير عليكي حلو أوي هما فين أهله أنا ماعرفش غيروا ..
أسيل : هو ماعندوش غير والدته ماعندوش إخوات ..
حياة : طيب إنتي بتحبيه ولا إنتي قلقانه من جنانه ..
أسيل : أنا بحبه من زمان أوي كنت خايفه ليكون بيحب واحده ثانية وماتوقعتش إنه هو كمان بيحبني ..
أمل رجعت من شغلها بدري وكانت شايله بإيديها حاجات كثيرة ..
أسيل باستغراب : ماما إنتي روحتي بدري فيكي حاجه في حاجة حصلت ..
أمل : يلا قوموا يابنات ماعندناش وقت في ضيوف جايين لنا النهاردة بالليل ..
أسيل :ضيوف مين ياماما..
أمل : هتعرفي لما يوصلوا أنا اشترتلك فستان حلو أوي لازم تلبسيه بالليل واشتريت كمان واحد لحياة ..
أسيل : ماما ليه كل دا ..
أمل بفرحة : الضيوف هيجوا يطلبوا إيدك ياعروسة ..
حياة : لسه مبقتش عروسة يلا تعالي علشان اجهزك ..
بصتلهم أسيل بدون فهم طب لو أريان جه هتحصل مشكلة ..
اليوم نزلت فصلين ياله فرحوني يتفاعل حلو
#رواية_عشق_ارسلان \#بقلم_حليمة_عدادي
الفصل 9
كانت أسيل واقفة قدام المرايه بعدما خلصت كل حاجة
حياة : شكلك حلو أوي لو شافك أريان قاعدة بالجمال دا قدام حد غريب دا مش بعيد يقتله ..
أسيل : حياة أنا هموت من الخوف بسبب الموضوع دا وإنتي قاعدة بتهزري ..
حياة : اهدي ياحبيبتي إنتي بس هتقعدي معاهم وبعدها ممكن ترفضي ..
أسيل : نعمل ايه لو أريان جه هتحصل معركة دا هيقتل الراجل ..
حياة : تمام مافيش بإيدينا حاجة نعملها هنستنى ..
أسيل : ماما مش عايز تقول هو مين أنا خايفة أريان يعمل حاجة يندم عليها أنا عارفه إنه مجنون ويعملها لو شافه هنا ..
حياة : تمام اهدي ياأسيل أريان مش هيجي هو بس كان بيقول كدا عادي ..
قعدت حياة جنبها تحاول إنها تهديها ..
*******************
في غرفة أريان ارتدى بدلته وصفف شعره مسك عطره المفضل ووضع منه رن هاتفه نظر إلى المتصل وفتح الخط
أريان بفرحه : أهلاً ياصاحبي إزيك ..
صاحبه : بخير إزيك إنت ..
أريان : بخير أنا مبسوط أوي النهاردة ياريتك كنت هنا معايا علشان تشوف أنا فرحان أد إيه ..
صاحبه : وإيه سبب الفرحة اللي باينه على صوتك دي ..
أريان : النهاردة هطلب إيد البنت اللي بحبها استنيت اليوم دا كثير ..
صاحبه : ألف مبروك ياحبيبي أنا آسفة مش هقدر أكون معاك في يوم زي دا ..
أريان : أنا عارف ياحبيبي خلي بالك من نفسك هشوفك إمتا ...
صاحبه : لما أكون عايز أشوفك هقولك... كنت عايزه منك خدمه ..
أريان : أنا تحت أمرك ..
صاحبه : عايزك تخلي عينيك على حياة ووقت ماإنت بتشتغل تخلي حد يراقبها مش عايز يحصلها حاجة ..
أريان : متقلقش هي تحت حمايتي ..
صاحبه : يلا متخليش عروستك تستنى مع السلامة ياصاحبي ..
قفل التلفون مع صاحبه وخرج لاقى أمه جهزت نفسها
أريان : ماما كل حاجة جاهزه إيه رأيك فيا مافيش حاجه نقصاني ..
فريدة : إيه الحلاوه دي ماشاءالله عليك ياحبيبي مافيش حاجة نقصاك هناخذ علبة الشوكولاته والورد والهدايا كل حاجة تحت في العربية يلا يابني هنتأخر ..
*******************
في بيت أسيل
أمل جهزت كل حاجة سمعت جرس الباب راحت تفتح كان أريان ووالدته
أمل بابتسامة : أهلاً بيكم نورتونا إتفضلوا ..
فريدة : دا نورك ياحبيبتي ..
قعدوا في الصالون قدمتلهم أمل وحياة القهوة والكيك قعدوا يتكلموا سكتوا شوية بعدها اتكلمت أم أريان
فريدة : أومال فين عروستنا الحلوه عايزين نشوفها ..
أمل : حياة نادي على أسيل ..
حياة دخلت عند أسيل لاقتها سرحانه وبتفكر
حياة : يلا ياأسيل كلهم برا مستنينك ..
أسيل : مش عايزه أخرج حياة إعملي حاجة ..
حياة : يلابينا متخافيش مش هيحصل حاجه مسكت إيدها وخرجوا سوا ..
فريدة بابتسامة : بسم الله ماشاءالله إيه الحلاوه دي تعالي اقعدي هنا جنبي ياحبيبتي ..
أريان : طبعاً إنتي عارفه إحنا جينا ليه النهاردة ياست أمل
أسيل اتصدمت لما سمعت صوته رفعت رأسها بسرعة شافته بيبصلها ويبتسم
أريان : إحنا جينا علشان نطلب إيد بنتك الأنسة أسيل على سنه الله ورسوله ..
أمل بابتسامة : أنا مش هلاقي لبنتي حد احسن منك إحنا نعرفكم عز المعرفة لوبنتي وافقت أنا ماعنديش مانع ..
أمل وجهت كلامها لأسيل : ها ياأسيل إيه رأيك ياحبيبتي
أسيل نزلت راسها بخجل
أسيل : اللي تشوفيه ياماما ..
أمل : أنا شايفه إنه مناسب لكن أنا عايزه رأيك إنتي ..
أسيل : رأي زي رأيك ياماما ..
أسيل إتلقت التهاني من الجميع وسط فرحتها
فريدة : بعد إذنك ياست أمل ممكن نسيبهم يقعدوا مع بعض لوحدهم ..
أمل : تمام تعالوا نطلع نقعد برا في الصالة ..
خرجوا وسابوهم لوحدهم
أريان : في إيه مالك القط أكل لسانك جهزتي نفسك قبل ماتعرفي مين هو العريس ..
أسيل : إنت قولت إنك هتيجي بالليل ..
أريان : أنا قلت للست أمل ماتقولكيش وإنتي جهزتي نفسك من غير ماتعرفي مين هو العريس اللي هيتقدملك ..
أسيل : بعد ما ماما ضغطت عليا قررت إني أطلع وكنت هرفضه ..
أريان : كنت هترفضي ليه ..
أسيل : مش عايزه ..
أريان : إنتي كنتي بتستنيني مكنتش أعرف إنك بتحبيني كل الحب دا ..
أسيل : مين اللي قالك إني بحبك ..
أريان : طب ليه وافقتي على إنك تتجوزيني لومش بتحبيني ..
أسيل : علشان سكتت شوية وافقت وخلاص ..
أريان : تمام هصدقك أنا عايز نكتب كتابنا بعد أسبوع ..
أسيل : طب ومستعجل ليه إحنا عندنا وقت ..
أريان : بس أنا ماعنديش وقت بعدين دا كتب كتاب بس الفرح بعد شهر ..
أسيل بخجل : قول لماما وهي هتحدد معاك ..
بعد شوية وقت دخلوا عندهم أريان بلغهم بقراره ووافقوا عليه بعد وقت روح أريان ووالدته
حياة : قلتلك اهدي أهو محصلش حاجة..
أسيل : ليه ماقلتليش ياماما ..
أمل : هو جه وطلب مني إني مقلكيش ..
*********************
في بيت أرسلان زي كل يوم كان قاعد جنب والدته بيأكلها ويتكلم معاها
أرسلان : بكره هتيجي علشان تاخذ الخشب مش عارف هي هتيجي ولالا أنا آخر مرة شوفتها اتكلمت معاها وحش ..
مش عارف أنا بيحصلي إيه ياأمي بقيت بتمنى إني أشوفها في كل وقت أنا عارف إن دا غلط كبير أنا حاولت أنساها لكن مقدرتش بقت بتشغل كل تفكيري بقيت بشوفها حتى بأحلامي ..
تلفونه رن بصله شاف رقم غريب فتح الخط
..... : لوكنت عايزها تفضل عايشه بلاش تنفسنا بشغلنا ..
أرسلان بعصبية : إنت مين علشان تهددني ياحقير و من هي دي اللي بتتكلم عليها ..
:::::: : الجميلة اللي إسمها حياة أما أنا مين هتعرفني قريب ..
أرسلان بغضب : لو لمست شعرة منها مش هرحمك إبقى اسأل مين أنا ..
بص للتلفون لاقاه قفل الخط كور إيده ضرب بيها الحيطه
أرسلان: لو قربتوا منها أنا هحرقكم وإنتوا عايشين ..
#رواية_عشق_ارسلان/#بقلم_حليمة_عدادي
الفصل 10
مر أسبوع على كل الأحداث دي
أريان كان بيجهز نفسه علشان كتب الكتاب ..
أما أرسلان كان خايف أوي على حياة بقى خايف إن يجرالها حاجة بسببه ..
حياة كانت بتفكر تروح معادهم النهاردة علشان تاخذ الخشب
حياة : أنا مش هروح هو آخر مرة روحتله عاملني بطريقة وحشه أوي
فكرت شويه لكن هيلاقي فلوس منين علشان الدوا بتاع والدته أنا هروح بعد كتب الكتاب
تلفونها رن بصتله ولما شافت إسم المتصل فتحت الخط بفرحة
حياة : ماما إزيك أنا إشتقتلك ..
صوفيا : وأنا كمان إشتقتلك ياحبيبتي إنتي كويسه ..
حياة : أنا كويسه أنا مبسوطه أوي هنا ماما إيه أخبار بابا هو كويس ..
صوفيا : أيوه هو بخير إنت بجد مبسوطه ولا بتقولي كدا علشاني ..
حياة : ماما أنا بجد مبسوطه حتى لو بابا رجع في كلامه بخصوص جوازي أنا مش هرجع لفرنسا خالص ..
صوفيا : تمام قوليلي بقى عملتي إيه طول الفترة دي ..
حياة : ماما إنتي أحسن أم في الدنيا إنتي عارفه إنك مش بس أمي إنتي كمان صاحبتي وأختي أنا كنت بحكيلك كل حاجة ..
صوفيا : عارفه ياقلبي احكيلي بقى قبل ما يرجع أبوكي ..
حكتلها حياة على كل اللي بتعمله وعن أرسلان وعن بيع الخشب اللي بتاخذهم منه حكتلها على كل حاجة بالتفصيل
صوفيا : حياة اسمعيني كويس خلي بالك كويس ماتثقيش في حد بسرعه حتى أرسلان دا ..
حياة : ماما أرسلان حد طيب أوي أنا مقابلتش إنسان زيه ..
صوفيا : أنا مقولتش إنه وحش أنا قلت ماتثقيش في الناس بسرعةأنا هقفل دلوقتي نتكلم مره ثانيه..
حياة : تمام مع السلامة ياماما قفلت مع والدتها وراحت لأسيل علشان تساعدها في التجهيزات..
*******************
في مكان مهجور
المجهول1 : أوامرك ياباشا ..
المجهول2 : في مهمة عايزكم تنفذونها ..
المجهول 1 : هي إيه المهمه دي إحنا تحت أمرك ياباشا ..
المجهول 2 : في بنت عايزها تكون هنا قبل الليل مايجي هبعثلكم كل المعلومات عنها وكمان صورتها مش عايز غلطه ..
المجهول 1 : تمام ياباشا متقلقش هتلاقيها هنا قبل الليل ..
*****************
في منزل أسيل الكل كان موجود
تم كتب الكتاب وسط فرحة الجميع خذها أريان في حضنه وهو طاير من الفرحة مكنش مصدق إنها خلاص بقت مراته ..
أريان : أنا لحد دلوقتي مش مصدق إنك بقيتي مراتي إنتي عارفه من إمتا وأنا مستني اللحظة دي ..
بصت أسيل للأرض بخجل رفع رأسها
أريان : عايز دائما رأسك تبقى مرفوعة ..
حياة : أحم أحم نحن هنا ..
أريان : مالك في إيه دي مراتي على فكره أنا معملتش حاجة غلط لما تبقي تحبي أو تتجوزي ساعتها هتفهمي ..
فريدة بابتسامة : إن شاءالله هي كمان هتلاقي اللي يحبها ويكون سندا ليها ..
أريان : ست أمل بعد إذنك ممكن أخذ اسيل ونخرج نتمشى شوية..
أمل ببتسامة : يابني إنت بقيت جوز بنتي يعني إبني ناديني ماما أسيل دلوقتي بقت مراتك تقدروا تخرجوا مع بعض ..
أريان مسك إيد أسيل وخرج بسرعة كلهم ضحكوا على تصرفه
فريدة بضحكه : شوف الواد إنتي شايفه حصله إيه أنا هروح وهبقى أجي مرة ثانية ..
أمل : خليك قاعدة معايا لحد مايرجعوا ..
فريدة : طيب ..
استغلت حياة إنشغالهم مع بعض وخرجت بشويش من غير ماحد يحس بيها راحت ناحية الغابة
حياة وهي بتجري : أنا إتأخرت والسيد حمزة هيروح من هياخذ مني الخشب
ووقت ماهي بتكلم نفسها قطع طريقها مجموعة من الرجال حاولت إنها تهرب منهم لكنهم كانوا أقوى منها واحد منهم رش حاجة على وشها أغمى عليها وقبل مايغمى عليها نادت أرسلان
حياة : أرسلان إنت فين وبعدها فقدت الوعي ..
****************
عند أرسلان
أرسلان استناها لحد ما الشمس غابت لكنها مجتش والسيد حمزة جه وراح لما هي إتأخرت
أرسلان قلق عليها قعد شوية يفكر وبعدها مشي
أرسلان : إنتي فين ياحياة أتمنى مايكونش حصل اللي في بالي ..
*******************
في بيت أسيل
رجع أريان و أسيل في المساء شافوا أمل قاعدة قدام البيت والقلق باين على وشها
أسيل : في إيه ياماما إنتي قاعدة هنا ليه وليه قلقانه ..
أمل بخوف : أسيل إعملي حاجة يابنتي حياة مش موجوده أنا دورت عليها في كل مكان لكن ملاقتهاش ..
أريان : اهدي ياماما إحنا سيبناها معاكي إنتي وماما ..
فريدة : لما خرجتوا هي دخلت أوضتها ولما الست أمل قامت علشان تنادي عليها ملاقتهاش دورنا عليها في كل مكان لكن ملاقينهاش ..
أسيل : أنا عارفه هي راحت فين هي دائما بتروح الغابة يلابينا ندور عليها هناك ..
راحوا كلهم يدورا عليها في الغابة أسيل راحت لمكان أرسلان ملاقتش حد حست بالخوف على حياة
أسيل بخوف : أريان أرجوك إعمل أي حاجة حياة مش هنا ..
أريان ::اهدي ياحبيبتي إن شاءالله هنلاقيها..
******************
فتحت عينيها بتعب جت تقوم حست بألم في رأسها بصت حواليها لقت نفسها في أوضة صغيرة اتحاملت على نفسها علشان تقوم وراحت ناحية الباب حاولت تفتحه لكنه كان مقفول حست بالخوف خبطت على الباب بإيديها وهي بتصرخ
حياة : في حد هنا طلعوني من هنا لما ملاقتش رد قعدت على الأرض تعيط بخوف ..
*****************
المجهول 1: كله تمام ياباشا هي بالمكان اللي أمرت بيه ..
المجهول 2: براڤو عليكم هي بأمانتكم لحد ماجي ..
المجهول1 : تمام ياباشا ..
*********************
أسيل : أريان تعالى نروح عند أرسلان يمكن تكون عنده ..
أريان : هي هتعمل إيه عنده في وقت زي دا ..
أسيل : هي بتعتبره صديق ليها وهما بيتعاملوا دائما مع بعض ..
أمل بدهشه : هي تعرفه منين وبتعمل إيه عنده ..
