رواية طفله تزوجت قاسى الفصل الحادي عشر والثاني عشر بقلم هاجر العفيفي حصريه وجديده علي مدونة النجم المتوهج للروايات والمعلومات
 |
رواية طفله تزوجت قاسى الفصل الحادي عشر والثاني عشر بقلم هاجر العفيفي حصريه وجديده علي مدونة النجم المتوهج للروايات والمعلومات
🌼استغفروا🌼
الفصل الحادى عشر
فى المستشفى وصلت ملاك ودخلت سألت على غرفة مراد قالولها فى العمليات وصلت عند غرفة العمليات لقت يوسف واقف وباين عليه القلق والتوتر الشديد
ملاك بخوف : مالك يايوسف مراد كويس
يوسف بقلق : معرفش معرفش أنا جيت لقيته فى العمليات بقاله ساعه ومعرفش عنه حاجه أدعيلوا ياملاك
ملاك بدموع : أستر يارب يارب
فى اللحظة دى خرج الدكتور وكان باين على وشه الأسف
الدكتور بأسف : للأسف نزف دم كتير جدا ومحتاجين نقل دم حالا
يوسف بعصبيه : طب ماتنقله بسرعه مستنى أيه
الدكتور بتوتر : حضرتك فصيلة دمه نادره جدا ومش موجوده حاليا
يوسف : جرب ليا أنا
ملاك باندفاع : وأنا كمان
الدكتور : تمام أتفضلوا معايا
الاتنين دخلوا معاه وطلع ملاك هي نفس الفصيله
الدكتور أخدها غرفة العمليات وسحبوا دم منها كتير وبعدين خرجت وهى دايخه ومش قادره تمشى
يوسف سندها بخوف وقلق : ملاك أنتى كويسه مكانش لازم تعملى كده عشان أنتى حامل وكمان ضعيفه أووى وده خطر على الجنين
ملاك بتعب : متخافش أنا كويسه المهم نطمن عليه
الدكتور حرج مره أخرى وأتنهد بارتياح : الحمد لله عدينا مرحلة الخطر وابتدا يتحسن
ملاك : ونقدر نشوفه أمتى
الدكتور : ساعه بالكتير يكون اتنقل أوضه عاديه عن أذنكم
الدكتور غادر ويوسف راح عند ملاك
يوسف : هروح أجبلك عصير عشان شكلك باين عليه التعب مش هتأخر
ومشى دون أنتظار رد منها
ملاك أستغربت نفسها ليه هى أنقذته ليه عرضت نفسها للخطر بس كل ال تعرفه ان هى مش عايزاه يموت
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أستغفروا🌼
هدى : ياماما ياست الكل
أبتسام : حبيبتى حمد الله على السلامه
هدى : حضريلى العشا واقعه من الجوع خالص
أبتسام : حاضر عيونى صحيح مراد كان هنا وبيسلم عليكى
هدى بفرحه : بجد أبيه مراد كان هنا وبحزن طب مستناش يشوفنى ليه
أبتسام : معلش ياحبيبتى أنتى عارفه أن مشغول
هدى بغيظ : ماشى لما أشوفه بس
أبتسام : هههههه طب يالمضه يلا غيرى هدومك على ماحضرلك الأكل
هدى : هواا
ودخلت غرفتها فى الوقت ده وصلت مريم أخت هدى
مريم : مساء الخير
أبتسام : مساء النور يابنتى هتتعشى معانا
مريم : لاء عن أذنك
ودخلت وسابتها
أبتسام : ربنا يهديكى يابنتى
مريم دخلت غرفتها ومسكت تلفونها وطلبت رقم وأبتسمت
مريم بابتسامه : وحشتنى
الشخص بخبث : وأنتى أكتر ياروحى
مريم بهمس : ها بقا هنتقابل امتى
الشخص : بكره أيه رأيك
مريم بفرحه : بجد ياريت
الشخص بمكر : حبيبى ياناس هقفل معاكى بقا عشان مع صحابى سلام
مريم بحب : سلام ياحبيبى
قفلت معاه وابتسمت : ربنا يخليك ليا يارب
(مريم تكون أخت هدى والاتنين ولاد أبتسام يعتبر مراد ال مربيهم وبيصرف عليهم حاليا هدى شخصيه مرحه جدا وطيبه ومريم انطوائيه جدا بتحب شخص من على النت وهنعرف مع الأحداث ايه ال هيحصلها)
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أذكروا الله🌼
فى المستشفى
الدكتور خرج بلغهم أن مراد فاق ويقدروا يدخلوا دلوقتى يشوفوه
يوسف لسه هيدخل أوقفه صوت ملاك
ملاك : يوسف ممكن طلب
يوسف : أكيد ياملاك أتفضلى
ملاك بتعب ورجاء : متقولش لمراد أن انا ال اتبرعتله
بدمى
يوسف بدهشه : ليه ياملاك المفروض يعرف و
قاطعته ملاك برجاء : عشان خاطرى لو بتعزنى
يوسف بقلة حيله : انا مش عارفه انتى مصره ليه ان ميعرفش بس حاضر ياستى مش هقوله
ملاك بتعب وابتسامه : متشكره جدا يايوسف ربنا يخليك
يوسف : يلا ندخل
ملاك : يلا
ودخلوا الاتنين وكان مراد فايق بس تعبان جدا ومش قادر يركز مع حد من أثر البنج
ملاك بتوتر : أحم مراد أنت كويس
مراد فتح عيونه بضعف : م ملاك أنتى جيتى
ملاك بدموع : أه أنا موجوده
يوسف انسحب بهدوء وفضل يسيبهم مع بعض فتره قليله
مراد بتعب وضعف : متسيبنيش
ملاك كانت تعبانه جدا من أثر نقص الدم عندها بس مسكت ايده بأطمئنان : أنا جمبك أهو
مراد نام تانى هو كان فى عالم تانى خالص ملاك دورت على يوسف ملقتهوش عرفت ان هو خرج خرجت هى كمان بهدوء
يوسف بقلق : ملاك أنتى مش كويسه صح
ملاك بتعب ودموع : أه
يوسف : طب أهدى أهدى هناديلك الدكتور بسرعه
ملاك : لاء ينفع تودينى عند رودينا هى ال متابعه حالتى
يوسف : اه طبعا تعالى يلا
واخدها وخرجوا من المستشفى سريعا وبعد وقت وصلوا المستشفى ال فيها رودينا وطلعوا عندها
رودينا بخضه : ملاك مالك ياحبيبتى
يوسف : للأسف اتبرعت بدم لمراد وزى مانتى شافها حالتها تعبانه
رودينا بدهشه : أتبرعت ليه ؟
يوسف : هتعرفى بعدين شوفيها الأول
رودينا أخدتها ودخلتها غرفة الكشف وعرفت أن عندها نقص فى الدم والأكسجين كمان حطتها تحت أجهزه وعلقت محاليل عشان تشوف حالتها هى والجنين وبعد وقت خرجت
يوسف بلهفه : خير يارودينا هى كويسه
رودينا : الحمد لله حاولت أسيطر على حالتهم هى والبيبى المهم بقا فهمنى أيه ال حصل
قص عليها يوسف ماحدث
رودينا باستغراب : يعنى تعرض نفسها للخطر عشانه رغم ال عمله فيها
يوسف : أنا مش مستغرب كتير لأن ملاك جدعه فعلا وطبيعى يطلع منها ده كله هاقدر أخدها البيت دلوقتى
رودينا : الأفضل تسيبها هنا تحت الملاحظه وانا هبات معاها متخافش
يوسف : تمام وأنا هروح لمراد وهرجع ليكم الصبح
رودينا : ماشى
يوسف : عايزه حاجه
رودينا : الله يسلمك خلى بالك من نفسك
يوسف بابتسامه : حاضر
وسابها ومشى ودخلت عند ملاك وراحت عندها وجلست بجانبها
ملاك بتعب وضعت أيدها على بطنها : البيبى كويس
رودينا : اه الحمد لله بس عايزه أسألك سؤال ياملاك وجاوبينى عليه صح المره دى
ملاك : أيه هو
رودينا : ليه ياملاك ؟
ملاك باستغراب وتعب : ليه أيه !!
رودينا : ليه أنقذتيه لتانى مره بس المره دى كانت خطر عليكى أنتى وال فى بطنك
ملاك بدموع : مراد أتعذب كتير أووى يارودينا وأنا حكيتلك قبل كده وال هو فيه ده حاليا من ال حصله زمان حصله عقده كبيره وده طبيعى لكن حاليا هو حقه يعيش أولا فى ناس كتير محتجاه والده ويوسف وكمان هو مسؤل عن الست ال ربته هى وبناتها لكن مين عايزنى مين محتاجنى حياتى مش مهمه عند حد يعنى وجودى زى عدمه لكن مراد مهم فى حياة ناس كتير فهمتى ليه ضحيت عشانه يارودينا
رودينا بحزن : أنا محتجاكى ياملاك أنا ماصدقت ليا حد فى الدنيا دى ليه عايزه تحرمينى منك
ملاك : صدقينى الموت هو أكتر حاجه هتريحنى بس طبعا لما ربنا يريد
رودينا : هششش بقا كفايه أرجوكى حرام عليكى متقوليش كده تانى الحمد لله أنتى بقيتى كويسه وهو هيكون كويس وصدقينى هيتغير وهتعيشى حياتك ياملاك بس تفائلى
ملاك بتعب ودموع : يارب
رودينا : ارتاحى بقا شويه عشان شكلك مرهقه جدا وأنا هشوف حاجه وأجيلك تانى
ملاك هزت راسها بهدوء بدون كلام
خرجت رودينا وملاك غمضت عيونها بتعب
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼صلوا على شفيعكم🌼
فى مكان ما
الشخص بغموض : يابنى بقولك أخوها الكبير واقع على كنز لازم أستغله
الشخص الأخر : ممكن يأذيك
الشخص : مانا مليش دعوه بيه خلينا فى الهبله أخته دى واقعه أصلا
الشخص الأخر بضحك : ههههههه ده أنت عليك دماغ
الشخص بخبث : اصبر بس ده احنا هنشوف أيام عسل
الشخص الأخر : حبيبى يازميكس
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أستغفروا🌼
تانى يوم فى المستشفى
شريف عرف ال حصل لمراد ووصل علطول وهو مخضوض جدا ودخل كان يوسف جالس على أحدى الكراسى
شريف بخوف : يوسف يابنى مراد كويس فيه أيه
يوسف : أهدا بس ياعمى متخافش والله أن شاء الله خير
شريف بقلق : يارب يارب طب وانت دخلتله
يوسف : اه الصبح وكان نايم والدكتور عنده جوه دلوقتى وبيطمن على حالته دلوقتى
الدكتور خرج وشريف راح عنده بخوف : ابنى عامله أيه يادكتور
الدكتور : للأسف دخل فى غيبوبه
يوسف بصدمه : غيبوبه !!
وفجأه شريف وقع على الأرض ويوسف صرخ بأسمه
يوسف بصراخ : عممممى
"طفله تزوجت قاسى "
بقلم هاجر العفيفى 🌼استغفروا🌼
الفصل الثانى عشر
فى صباح يوم جديد
فى المستشفى عند ملاك
رودينا دخلت عشان تطمن على ملاك لقتها صاحيه
ملاك : كويس أنك جيتى يارودينا تعالى شيلى المحاليل دى عشان أروح لمراد أشوفه
رودينا : يابنتى أنتى لسه تعبانه وكمان يوسف لسه مجاش أصبرى لما يجى
ملاك بأعتراض : لاء أرجوكى ريحينى
رودينا بقلة حيله : ماشى ياملاك
فى الوقت ده الباب خبط
رودينا : أدخل
يوسف دخل وكان باين على وشه الحزن وأردف : عامله أيه دلوقتى ياملاك
رودينا بحزن : مصممه تمشى دلوقتى تروح تشوف مراد
يوسف : بس حاليا وجودك مش هيفيد بحاجه
ملاك بشك : قصدك أيه مراد كويس
يوسف بحزن : مراد للأسف دخل فى غيبوبه وعمى لما عرف تعب ودخل العنايه المركزه
ملاك بدموع : لاحول ولا قوة إلا بالله العلي العظيم طب يوسف ودينى دلوقتى بالله عليك
يوسف : بس
قاطعته ملاك بحزن : أرجوك مترفضش
يوسف باستسلام : حاضر
رودينا بحزن : وأنا هخلص شغل وهفوت عليكم عشان أطمن عليكى ياملاك
ملاك : تمام
يوسف أخدها وراحوا المستشفى
ملاك طلبت تدخلوا وتقعد معاه شويه وطبعا يوسف وافق والدكتور أكد أن ده هيكون مفيد ليه دخلت وجلست بجانبه بهدوء
وأردفت بهدوء : تعرف أنا كان نفسى أتحب زى البنات وكنت بتمنا أكون زيهم وأهلى يكونوا بيحبونى ويجبولى ال أنا عايزاه وأنت تيجى تطلبنى منهم ويوافقوا وأنا أفرح جدا ونعمل فرح كبير وفى اللحظها دى دموعها نزلت بغزاره وأكملت بصوت متحشرج بس للأسف أمى بتكرهنى وأخويا دايما بيضربنى حتى بابا مش فى أيده حاجه يعملها فاكر أول مره لما شوفتك فيها ساعة ماكنت بجرى الساعه 2 بليل وأنت نزلت ولقتهم كانوا هيقتلونى ساعتها هما قالولك أن أنا برجع الساعه واحده بليل عشان ماشيه غلط بس والله أبدا ماحصل أنا كنت بدور على شغل عشان يرحمونى ويسيبونى فى حالى بس قابلتك أنت بقا وكنت فاكره أنك هتعوضنى عن ده كله وبسخريه بس للأسف أنت كملت الجرح بدالهم أنا حزينه أووى أن معشتش طفولتى وكملت تعليمى زى بقيت البنات أنا عارفه والله أن ده نصيب وأبتلاء من ربنا بس أنا تعبت والله العظيم تعبت
كل ده ومراد كان فى عالم أخر وهو ده ال كان مطمنها ومخليها تحكى كل ال فى قلبها
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أستغفروا🌼
بعد مرور أسبوع
خرج شريف من الرعايه وكان دايما حزين على أبنه ومش فى أيده حاجه يعملها ليه
ملاك دايما كانت جمبهم وبتطمن عليهم مع أنها كانت تعبانه جدا لأن المفروض الفتره دى بالذات لازم ترتاح عشان الحمل
يوسف دايما كان بجانبهم وكمان بيدعمهم وهو تعبان وحزين على أبن عمته وصديقه الوحيد
رودينا كانت بتطمن على ملاك دايما ويوسف بيكلمها كل فتره يطمن عليها
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أذكروا الله🌼
فى أحدى الأيام
خرجت الممرضه بفرحه وتحدثت : أستاذ مراد فاق وطالب يشوفكم
كلهم فرحوا جدا ودخلوا عنده وهو كان ساند راسه على السرير وباين على وشه التعب الشديد
شريف بلهفه : مراد يابنى عامل أيه ياحبيبى
مراد بتعب : الحمد لله أطمن يابابا
يوسف بمرح : حمد الله على سلامتك ياباشا مش كفايه دلع بقا
مراد : أنا فعلا زهقت من هنا
ملاك كانت واقفه بعيد متردده تدخل أو تتكلم فضلت واقفه لحد ماسمعت صوت شريف بيتكلم
شريف : ملاك مسبتناش ولا لحظه من ساعة مانت تعبت
مراد بصلها بغموض نظره مش مفهومه بدون كلام وهى لفتت وشها الناحيه الأخرى
شريف : تعال يايوسف يابنى ودينى للدكتور عشان أقيس الضغط
مراد بقلق : مالك ياحج
شريف بابتسامه : متخافش يابنى أنا هطمن على نفسى بس
مراد : ماشى
شريف : يلا يايوسف
يوسف سنده ولسه هيخرجوا
ملاك مسرعه : هروح معاكم
شريف : لاء خليكى مع مراد مش هنغيب
وتركوها وخرجوها وهى كانت خايفه جدا
مراد : مالك واقفه عندك ليه
ملاك بتوتر : م مفيش
مراد : طب تعالى أقعدى هنا وشاور ليها على أحدى الكراسى
ملاك جلست بتوتر
مراد بغموض : ليه مهتمه بيا وبأمرى وبأن أموت ولا أعيش
ملاك بهدوء : أظن أن جاوبتك قبل كده
مراد : ممكن تفكرينى
ملاك : قولتلك والدى معلمنى أن لما أشوف حد محتاج أكون جمبه مترددش لحظه وأخلينى جمبه ودعم ليه وقبل ماتقولى والدك ال باعك بابا مباعنيش بابا لو بصحته عمره ماكان هيخلى حد يبيع ويشترى فيا ولا كان عمرى هشوف الذل الحكايه كلها بس ظروف وقدر لازم نرضى بيه
مراد اندهش من ردها هى خلاص كده حفظته وحفظت طريقة كلامه وبترد على قد السؤال
مراد بهدوء : ممكن طلب أخير منك
ملاك : أكيد أتفضل
مراد : ممكن تخليكى جمبى الفتره دى بالذات
ملاك بسخريه : مانا جمبك فعلا لأن ماليش مكان غير ده
مراد بصلها وسكت ردها خلاه يحس بأحساس غريب أول مره يحسه حس بالعجز معرفش يرد عليها خالص فضل السكوت
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼صلوا على شفيعكم🌼
بعد يومين كان مراد بيجهز عشان يمشى
يوسف : يابنى أصبر أنت لسه تعبان
مراد باعتراض : لاء يايوسف أنت عارف أن مش بحب قعدة المستشفيات دى
يوسف بقلة حيله : ماشى يامراد هروح أخلص اجراءات الخروج
مراد : طب هو بابا فين
يوسف : راح الفيلا وهيستناك هناك
مراد بهدوء : تمام روح أنت
يوسف خرج ومراد كان بيحاول يتعدل عشان يلبس التيشرت بس كان صعب جدا عليه بسبب الكدمات
مراد بتنهيده : ممكن تساعدينى
ملاك اتوترت وقالت : هروح أنادى يوسف يساعدك و
قاطعها مراد : لاء أنتى ساعدينى أنتى مش مراتى يعنى ولا أيه يلا
ملاك قربت منه بأحراج وخجل وابتدت فى خلع لبس المستشفى وهو كان بيبص لملامحها بتركيز شديد وهى كانت مكسوفه من قربه وبتحاول تنجز عشان تبعد
ملاك بخجل : ممكن تساعدنى عشان اعرف اخلص
مراد كان بيحاول يطول فى الوقت عشان تفضل قريبه منه بالطريقه دى قرب منها أكتر وهى أتوترت ولسه هيقبلها بعدت عنه فجأه
ملاك بتخاف من قربه من ساعة أول مره بعدت عنه بخوف وهو لاحظ أنها خافت منه أتنهد وكمل لبس التشيرت بنفسه
ملاك خرجت بره الأوضه واتنفست وهى بتحاول ترجع لطبيعتها تانى
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أستغفروا🌼
فى منزل أهل ملاك
حوريه عنيها لمعت بخبث : حامل
الممرضه وهى جارتهم وشغاله فى المستشفى ال فيها رودينا وشافت ملاك وسألت وعرغت أنها حامل
الممرضه : أيوه ياست حوريه شوفتها وسألت عليها قالولى كده
حوريه : أنتى عارفه يابت ياقمر لو الخبر ده طلع صح هحليلك بوقك
قمر بخبث : وأنا تحت أمرك فى أى وقت ياست حوريه هروح أنا بقا عشان أشوف أمى لو عايزه حاجه عن أذنك
حوريه : أذنك معاكى ياختى
قمر خرجت وحوريه كانت بتفكر بمكر
حوريه بخبث : بقا كده ياملاك حامل ومقولتيش لينا ده دى الفرصه ال أنا مستنيها من ساعك ماخدك من هنا
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أذكروا الله🌼
يوسف : ألو يارودينا عامله أيه
رودينا : بخير الحمد لله يايوسف أنت أخبارك أيه
يوسف : وحشتينى
رودينا اتكسفت ومردتش
يوسف بضحك : عارف أنك مش هتردى المهم كنت عايزك فى حكايه صغيره كده
رودينا باستغراب : أيه هى
يوسف : لاء هحتاج أقابلك بكره أن شاء الله فى نفس المكان موافقه
رودينا : تمام
ماشى
يوسف : ماشى سلام ياجميل
رودينا : مع السلامه
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼صلوا على شفيعكم🌼
فى فيلا الصياد
مراد وصل ودخلوه غرفته وملاك نزلت عملت ليه أكل وطلعت تانى
ملاك بهدوء : أتفضل الأكل عشان تاخد العلاج
مراد : مش هتاكلى
ملاك : لاء مش عايزه
مراد : وأنا مش هاكل لوحدى يلا
ملاك جلست بجانبه وابتدت فى تناول الطعام بس فجأه مسكت بطنها وجريت على الحمام وأفرغت مافى بطنها وخرجت وهى بتنهج وهو أتخض عليها بس مقدرش يقوم
مراد بقلق : أنتى كويسه
ملاك وهي تشعر بدوران : أيوه أيوه كويسه هنزل أعمل أى حاجه أشربها عن أذنك وسابته وخرجت مسرعه
مراد كان محتار من تغيرها بس فجأه جاله شك ودخل عليه يوسف
يوسف : عامل أيه دلوقتى
مراد بتعب : الحمد لله هى ملاك مالها مش طبيعيه ليه
يوسف بتوتر : أكيد عشان هى عدت بفتره صعبه الفتره ال فاتت
مراد بشك : متأكد
يوسف : أيوه طبعا أومال أيه يعنى
مراد : يمكن
🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺
الصفحه الرئيسيه للمدونه من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
