جميع الروايات كامله

رواية تمرد عاشق الفصل الاول والتاني بقلم سيلا وليد حصريه وجديده علي مدونة النجم المتوهج للروايات والمعلومات 

أَيُّهَا المُتمَرد علي عِشْقِي .. 

     عُذْرًا فإنْ كُنْتَ ابنَ آدمِ فأنَا ابْنَةُ حَواء 

وإنْ كَانتْ شِيمَتُكَ التَّمَرُدُ .. فشِيمَتِي الكِبْرِيَاء

إنْ كانَ عِشْقُكَ وَاقِعِي .. سَأَجْعَلُ عِشْقِي يَجْرِي بِالدِّمَاء 

فلاَ تَغْتَرُ بِقَلْبِ عُصْفُورٍ أَصَابَه سَهْمُ الهَويَ فَتنَاثَر  أَشْلَاء 

إنْ كُنْتَ دَائِي فَمِنْ عُمْقِ جُرُوحِي صَنَعْتُ الدَّوَاء 

وأُسْقِطُ حُصُونَكَ وَقِنَاعِ غُرُورَك وأَمْنَحُ رُوحِي حَقَّ البَهَاء 

بِأَنْي أَنَا مَنْ عَلَّمْتُ المُتَمَرِدَ فُنُونَ الكِبْرِيَاء ....

     أَهْلًا بِكَ في ِ قَلْبِ عُصْفُورِكَ أَيُّهَا العُقَاب  

أَيُّهَا المُتمَرد علي عِشْقِي .. 

     عُذْرًا فإنْ كُنْتَ ابنَ آدمِ فأنَا ابْنَةُ حَواء 

وإنْ كَانتْ شِيمَتُكَ التَّمَرُدُ .. فشِيمَتِي الكِبْرِيَاء

إنْ كانَ عِشْقُكَ وَاقِعِي .. سَأَجْعَلُ عِشْقِي يَجْرِي بِالدِّمَاء 

فلاَ تَغْتَرُ بِقَلْبِ عُصْفُورٍ أَصَابَه سَهْمُ الهَويَ فَتنَاثَر  أَشْلَاء 

إنْ كُنْتَ دَائِي فَمِنْ عُمْقِ جُرُوحِي صَنَعْتُ الدَّوَاء 

وأُسْقِطُ حُصُونَكَ وَقِنَاعِ غُرُورَك وأَمْنَحُ رُوحِي حَقَّ البَهَاء 

بِأَنْي أَنَا مَنْ عَلَّمْتُ المُتَمَرِدَ فُنُونَ الكِبْرِيَاء ....

     أَهْلًا بِكَ في ِ قَلْبِ عُصْفُورِكَ أَيُّهَا العُقَاب  

1=تمرد عاشق - البارت الاول                              

بسم الله الرحمن الرحيم 

اللهم صلي وسلم وبارك على سيدنا ونبينا وحبيبنا محمد صلى الله عليه وسلم 

في قانون العشق يقولون... 

لا يوجد تعريف للحب لكنك ستشعر به حين تراه  

في إحدى محافظات مصر   محافظة الفيوم ،، حيث الطبيعة الخلابة من صوت السواقي والشلال،، وتغريد العصافير.. ورائحة الزهور  وخاصة بمنزل يشبه السرايا وهو منزل الحاج محسن الالفي وبجواره منزل  منصور الحسيني 

تجلس العائلتين في جو من الحب  هذه  العائلتين لم تربطهما قرابة الدم ولكن تربطهما قرابة الصداقة،، فما أجمل الصداقة التي تبنى على الصدق والحب والخير 

صداقة دامت لأكثر من ثلاثون عام لم يشوبها كره او ضغينه من كلتا العائلتين 

ألا وهما عائلة  حسنين الالفي و عائلة منصور الحسيني  ... تجلس العائلتين قبيل صلاة المغرب بانتظار الأذان حتى يقيمون صلاتهم ثم يبدأون افطارهم الاخير برمضان فاليوم هو المتمم للشهر الفضيل.. وغدا سيكون أول أيام عيد الفطر المبارك 

اتجه جسار الحسيني وهو الابن الاكبر لماجد الحسيني.. وقام بطرق غرفة نوم أخته غزل الحسيني ثم دخل بعد لحظات 

وجدها تغط في نوما عميق ملس على شعرها بحنان _

غزالتي قومي ياحبي المغرب هيأذن وانتي لسة نايمة... نظرت اليه بعيونها الرمادية الجميلة  تكاد تفتحها بسبب شعورها بالنوم

_شوية كمان ياجسور.. صحيني لما يقول حي على الصلاة ثم جذبت غطائها عليها 

وقف وزفر بضيق وبدأ يحدث حاله _أعمل فيها ايه المجنونة دي لو سبتها ممكن تفضل نايمة لبكرة... تنهد بعمق ثم اتجه إلى الباب وقام بفتحه 

: اهلا ياجواد اه هي نازلة خلاص أهو 

وفي غضون لحظات وجدها تهرول الى الحمام 

ظل يضحك عليها بمرح _عرفت اللي هيربيكي ياجبانه 

خرجت بعد دقائق... كدا ياجاسر تعمل فيا مقلب والله انت رخم وانا مخصماك 

ضمها من أكتافها _تقدري تخاصمي جسورتك... ماهو هتفضلي تناهدي فيا فقولت انادي للي مربيكي عشان عارف إنك مبترفضلوش طلب 

جلست على الفراش وهي تمد شفتيها كالاطفال _معرفش باجي قدامه وبكون عاملة زي التلميذة اللي نسيت واجبها وهو كمان عاملي فيها نابليون بونابرت 

اطلق ضحكة رنانة _يخربيتك لو  سمعك بس هو مش هيعاقبك المرادي متخافيش 

رفعت حاجبها بسخرية واردفت مازحة _اشمعنى ليه ناوي يطلع زكى رمضان عليا 

حضنها جاسر ومازال يضحك _معرفش انتي وهو عاملين  زي الضراير ليه اتكنوش بتحبوا وحد 

ضربته بخفة على ذراعيه _وسع كدا دا يتحب دا يخوفوا بيه العيال وبعدين مين هيشهدله ماانت صاحبه اه ياني ياصغيرة على الغلب ياغزولة        

سحبها للخارج هابطاً للأسفل ومازلوا يضحكون... وصلوا  حيث تجمع العائلتين 

نظر صهيب لغزل وبدأ يشاكسها _الله واكبر  صباح الورد ياغزالة لسة فاكرة.. أنا فكرت نسناكي في القاهرة اه والله.. 

زفرت بضيق عندما علمت انها سوف تكون وصلة  مزاح من الكل 

_بقولك ياابيه صهيب هو انت صايم زينا اصلي الصراحة مش مصدقة انك صايم وانت مراقب الكل بعيونك الضيقة دي، 

لا حلوة ياغزول _تصدقي انا كمان شكيت في نفسي 

ضحك الجميع عليهما.. زفرت بضيق واتجهت بانظارها إلى الصامت الذي يقلب بهاتفه.... ولكن عندما تحدث صهيب قائلا 

تعالي جنبي هنا تعالي هنعمل دويتو  مع بعض جنان بعد الفطار 

_تيجي جنبك فين ياحيوان.. ثم نظر لها شرزا ورفع ذقنه ثم نظر الى الكرسي اقعدي عندك على الكرسي 

ظلت كما هي واقفة... اخيرا  خرج عن صمته: 

اقعدي مكانك ولا روحي البسي اسدالك عشان الصلاة.. المغرب خلاص هياذن 

جلست واغمضت عيناها _لا لما يأذن لسه هطلع 

نظر إليها نظرة ارعبتها ثم تحدث بصوت ارعبها 

غزل قولت ايه واتجه بنظره إلى الأعلى بمعنى أنها تصعد وترتدي اسدالها 

اوف خلاص اي اوامر تانية بتحسسني اني مجرم عندك همهمت بها وهي صاعدة للاعلى 

سامعك على فكرة وهتتعاقبي.. هذا مااردف به جواد... وماله ياعم الحنين بتحسسني إنك فرفوش 

وصل ماجد وحسين حيث جلوس شباب العائلتين 

نظر ماجد في الحضور _فين غزل لسة نايمة  ولا إيه ومليكة كمان مش باينة 

انا اهو ياعمو هذا ما اردفت بها مليكة بعد خروجها من المطبخ... كنت بشرف اشوفهم خلصوا الفطار ولا ايه.. اصل ماما وصتني قبل ماتنام 

ربت على كتفها ماجد: ربنا يحميكي يابنتي،

نظر جاسر اليها بابتسامة... اخفضت وجهها وخجلت من نظراته أمام الجميع... نزلت غزل وهي مرتدية اسدالها وجلست صامتة 

رفعت مليكة ذقنها بمعني مالك 

وجهت نظرها لجواد... أمأت مليكة برأسها عندما علمت أن جواد خلف حالتها 

نظر ماجد بعمق  إلى غزل _مالك ياغزول مش عوايدك إنك تسكتي 

_مفيش يابابا بس مصدعة شوية من السفر 

تدخلت شهيناز  زوجة أبيها في الحديث _نامي بدري بس وبطلي تنطيط وانتي متصدعيش...

استشاط داخل جاسر اتجه بأنظاره إليه _ مين قالك ان غزالة بتتنطط دا روحها الحلوة بس.. 

خلاص انتوا مابتصدقوا ترغوا.. ايه الاذان هيرفع ثم اتجه بانظاره لغزل _وانتِ ياعروسة المولد بطلي دلع وادعي ربنا ينجحك وتجيبي مجموع اصل ورب الكعبه هطلع عليكِ الجديد والقديم   

بعد دقائق قام الجميع بالصلاة.. ذهب الرجال إلى المسجد بينما قامت مليكة بالصلاة بهم والدتها نجاة وغزل أما شهيناز اردفت _انا هصلي بعد الفطار أصلي تعبانة 

بعد فترة من الوقت  جلس الجميع في الحديقة يتناولون بعض الحلويات المشهورة بهذا الشهر الفضيل وهي الكنافة النابلوسية... جلس صهيب جانب مليكة وغزل يشاكسها: 

بقولك ياغزول هو انتي ليه بتاكلي كتير بس مابتتخنيش قولي الوصفة عشان بس اعرف المزة بتعتي 

_هو فيها مزة ياابيه من ورايا 

رفع حاجبيه متزامنا مع شفته العلوية مستنكرا حديثها: ليه ياحلوة هو أنا مش جذاب ولا ايه دا حتى البنات كلهم في الشركة هيموتوا ويكلموني 

نظرت اليها فارغة فاهها: والله العظيم ليه ايكونش توم كروز 

ضربها بخفة على مؤخرة رأسها _بطلي تريقة يابت 

جاء جاسر وجلس بهدوء بجانبهم وهو يزفر بغضب... نظر إليه صهيب: 

مالك ياجاسر فيه حاجه حصلت ولا إيه 

نظر في الاتجاه الآخر: مفيش متشغلش بالك.. هو فين جواد كان هنا من شوية 

نظرت غزل حيث وقوفه وهو يتحدث في هاتفه واردفت حزينة: هناك أهو بيتكلم في التليفون 

تلاقيه بيكلم مزته اه ماهو عمو الجنتل هيخطب بعد بكرة 

نظرت إليه غزل بصدمة وهو يتحدث ويضحك 

أحست بوخزة مؤلمة اصابت شقها الأيسر 

وارتجفت أوصالها واردفت بكلمات مهزوزة: 

هو هيخطب إمتى!! ومين دي تعيسة الحظ؟ 

نظر جاسر إليها بعمق وحاول أن يفهم بما تشعر به اخته عندما وجدها تتحدث بهذه الطريقة... بينما صهيب تحدث مازحا: 

اهو افرحي ياستي هينساكي شوية عمو الدود دا  وهتبطلوا لعبة الضابط والحرامي 

صمتت لبرهة واخرجت تنهيدة عميقة تدل على مدى آلام روحها وكلمات صهيب التي جعلت قلبها يدمي على حبيب لم يشعر بها 

ظل جاسر يدقق النظرات إليها.. هو يشعر أن اخته بها شئ اتجاه صاحبه ولكنه ابعده لفارق السن ولمواقفهم التي تدل على ترابط أب بابنته.. وصديقه الذي يعشق أخرى ولكن في هذا الوقت ونظراتها وحزن عينيها مهما أخفته عن الجميع فهو لم يشعر إلا بها... نظر إلى مليكة وأمسك يديها: تعالي نتمشى شوية 

نظرت لصهيب طالبة الاذن... اشار بعينيه بنعم ثم ذهبت مع جاسر 

جذب جاسر يديها وخرج بها إلى الحديقة الخلفية.. وحشتيني اوي ياملاكي.. كل سنة وانتِ طيبة ياحبيبة قلبي.. نظرت للارض بخجل ثم أجابته وانت طيب 

رفع ذقنها ونظر داخل عيونها _مليكة هتفضلي مكسوفة مني كدا على طول عايز اقولك فرحنا بعد شهر انا اتفقت مع جواد وهو كمان هيتجوز بعد شهر بس قالي مقلش لحد عايز يعمل مفاجأة لندى 

ثم اكمل استرسال حديثه _هنكتب كتابنا يوم خطوبة جواد ياملتكي ايه رأيك 

: اللي تشوفه ياجاسر 

: اللي تشوفه ياجاسر.. مفيش اللي تشوفه ياحبيبي 

نظرت بحب إليه وتحدثت مبتسمة _اللي تشوفه ياحبيبي 

أغمض عيناه مستمتعا بكلمتها التي خرقت فؤاده.. ثم تنهد بحب وتحدث _وحبيبك مش شايف غيرك ياروح حبيبك

عند صهيب وغزل 

بقولك ياغزول ماتيجي نلعب حاجة بدل الملل اللي احنا فيه دا 

اسندت برأسها للخلف ونظرت للسماء تدعو ربها وتضرعه ثم تحدثت _ماليش نفس ياآبيه تعبانة وعايزة أرتاح عندنا عيد بكرة 

ثم اعتدلت ونظرات إليه مضيقة عيناها: 

مقولتليش عيديتي السنادي هتكون ايه 

جذبها بقوة واوقفها وبدأ يجري بها في الحديقة ألعبي بس وأنا هقولك 

ثم حملها فجأة وبدأ يدور بها 

أنزلها بهدوء ونظر إلى داخل عينيها 

أنسي اللي بتفكري فيه... عمره ماهيكون من نصيبك.. بلاش توجعي قلبك على الفاضي حبيبتي 

تغضن جبينها بعبوس اصابته بندم وتأنيب ضمير من قسوة كلماته إليها.. ورغم ذلك نظرت إليه واردفت مهتزة داخليا 

يعني ايه ياابيه انت تقصد إيه مش فاهمة 

نام على العشب واشار بعينيه أن تجلس بجانبه... اطاعته وهي تشعر بوخزات ناخرة لروحها 

اتكأ على كوعه ونظر  داخل عيونها: 

انتي عارفة انك زي مليكة وبحبك بغض النظر انك  رخمة معايا ومش بتحبيني زي دود بتاعك،بس تعرفي حاجة  يابت  بخاف عليكي جدا وعايز أقولك فاهم كل نظرات لجواد بس عايزك تفوقي من وهم حبك له لانه عمره ماهيكون من نصيبك 

عارفة ليه لسبب بسيط.. انه بيعتبرك بنته اللي مربيها يعني حتى هو لو محبش حد تاني عمره مايفكر فيكي غير بنته وبس 

أهتزت شفتيها ولم تعرف بما تجيبه 

نظرت إليه بأعين تغشاها الدموع: لا انت بتقول ايه عمري مافكرت في الكلام دا ياابيه ثم تحدثت بصوت مختنقا بالبكاء

وفعلا هو ليا اخ كبير وبس 

ثم وقفت سريعا متجها للمنزل ودموعها تسقط على وجنتيها تكويها تكاد ترى من غامة دموعها... اصدمت به أثناء سيرها

وكادت ان تسقط لولا ساعديه القويتين التي تلاقاهم بها 

ضيق عينيه ونظر بعمق داخل عيونها التي تتساقط منها الدموع... مسح دموعها ببطئ ونظر إليها بمعنى مالك 

مسحت دموعها كالاطفال: مفيش تعبانة وبس ثم سحبت نفسها من احضانه متجهة إلى الاعلى ولكنه جذبها بقوة إليه 

الولا الغبي دا زعلك في إيه قولي بس وشوفي هعملك فيه ايه وبطلي عياط 

أخرجت تنهيدة عميقة  تحاول ان تلملم شتات نفسها ثم نظرت إلى داخل عينيه بقوة: مفيش حد مزعلني وبطل تعمل معايا كأنك ابويا او اخويا انت مش اخويا ولا ابويا ثم تركته سريعا متجه للداخل 

وقف ينظر لذهابها مذهولا من كلماتها... لاول مرة تحدثه بهذه الطريقة.. ماالذي حدث لها أهي جنت بالفعل... البت دي اتهبلت ولا ايه بتكلمني انا كدا ثم  اتجه إلى صهيب الذي مازال يجلس على العشب وينظر اليهما.. وصل عنده وجلس بجواره: 

ايه اللي حصل خلاها تكلمني بالطريقة دي أول مرة تعملها       

زفر صهيب بضيق من حالة غزل والان تأكد انها تحب اخاه.. ولكن ماذا يفعل؟ 

أخاه ليس له ذنب... وهي كبرت ولم تعد الطفلة المدللة... صهيب بكلمك!! هذا مااردف به جواد

_عايزني اقولك إيه ياجواد من رأي تخف عليها شوية وبلاش شغل التحكمات بتعتك دي غزل كبرت ومعدتش الطفلة اللي بتنام في حضنك مش ملاحظ إنها دلوقتي وصلت للسبعتاشر سنة يعني بقى لها مشاعر واحاسيس وممكن تفسر اهتمامك بيها بحاجة تانية.. على مااعتقد إنها مش مليكة وهتفهم اهتمامك دا حب اخوي 

ضحك بصخب  على كلمات صهيب وأردف مستنكرا من حديثه: انت اهبل ياله... مين غزل هتفهم مشاعري ليها غلط.. دي بنتي ياحمار وهي فاهمة دا كويس 

اخذ صهيب شهيقا عميقا ثم زفره ببطئ ثم وقف ونظر إليه _لا مش بنتك ولا اختك ولا حتى حبيبتك عشان كدا ابعد عنها ومالكش دعوة بيها نهائيا عشان مترجعش تلوم حالك ثم تركه وغادر 

نظر إلى ذهابه واردف مستاءا منه: الولا دا اتهبل لو معرفوش كنت قولت بيحبها... يخربيتك ياصهيب فصلتني 

على جانب آخر تجلس شهيناز تقضم باظافرها عندما وجدت جاسر ومليكة يتجولون بالحديقة وهما متشابكين الأيدي  ونظرات الحب بينهما... نظرت لزوجها الذي يجلس مع السيد حسين وزوجته ويتحدثون على طفولتهم وعلاقاتهم ثم أردفت

: بقولك يا امجد ماتيجي ياحبيبي نخرج او نتمشى شوية في الحديقة اهو نهضم الفطار اللي مليان زيوت ودهون دا كدا الدايت هيبوظ وجسمي هيزيد اردفت بها ناظرة الى نجاة زوجة حسين متعمدة اهانتها لزيادة وزنها بعض الشي 

شعر حسين انها تخص زوجته بالحديث 

اتجه الى زوجته بذراعيه وضمها  اليه: تعرفي ياشهيناز لما الست تكون ملظلظة كدا بتكون طعمة وعايزة تتاكل اما لما تكون معصعصة الواحد يقرف منها 

لا ابدا يابشمهندس مين اللي قالك كدا... دا حتى ازياء الموضة كلها وموديلتها بيكونوا بيرفكت ورفيعين 

خلاص ياجماعة احنا هنتكلم على الرفع والتخن وننسى أن بكرة العيد والمفروض نزور اقاريبنا كلهم اللي هنا ولا ايه عشان مايقلوش اننا اتكبرنا عليهم زي كل سنة 

انا جبت هدايا للأطفال ياحسين وكمان بعض السيدات عشان ناخدهم ايه رأيك 

تسلميلي يانجاة طول عمرك صاحبة واجب ياحبيبتي 

إمجد: أنا خايف لادخل انا ويحيى في صدام زي كل مرة معرفش هو عايز مني ايه مع اني سبتله كل ورثي من ابويا بس مش رحمني 

نظر حسين للبعيد لانه يعلم خفايا اخيه 

هتعدي زي كل مرة متخافش... قطع حديثهم وصول يحيى اليهم: 

سألت عليكم قالوا انكم هنا حمدالله على السلامة نورتوا الفيوم كلها 

وقف امجد وقام بالسلام عليه احتراما له لانه اخاه الاكبر... عامل ايه يايحيى كل سنة وانت طيب 

نظر إليه يردف بغضب: يعني انت هنا ومهنش تيجي تسلم على اخوك الكبير انا أحسن منك وجيت أهو ثم توجه بانظاره الى زوجته شهيناز التي تجلس بخيلاء وتضع قدم فوق الاخرى وتنظر إليه  باستعلاء.. لم يعريها اهتمام ونظر إلى حسين وقام بالسلام عليه 

بعد فترة من الوقت نظر إلى أمجد وتحدث قائلا _عايزك في موضوع مهم على إنفراد ثم وقف وخطى عدة خطوات 

نظر أمجد الى حسين  وأشار له بعينيه بعنى شوفه 

وصل إلى مكان ما في الحديقة بعيدا  عن الجميع وجلس واشار له بيديه ان يجلس على إحدى الأرائك الموجودة بجانب إحدي أشجار الفاكه ثم تحدث قائلا _انا مش هلف وادور عليك بالحديث انا جاي طالب ايد غزل لعاصم كفاية ان جاسر راح خطب واحدة غريبة وساب بنات عمه 

تنهد أمجد بضيق ثم نظر إليه وتحدث قائلا: غزل لسة صغيرة يايحيى يادوب رايحة  اولى جامعة والبنت مابتفكرش في الجواز دلوقتي... اما عن موضوع جاسر فهو بيحب البنت وقلوبنا مش عليها سلطان 

وقف وتحدث بغضب _يعني ايه ياامجد بترفض ابني زي مارفضت بنتي طيب اضحك عليا يااخي وقولي هشوف رأي البت... وقف بمقابلته واجابه مستاءا من مقابلاته التي تنم كل مرة عن غضب احدهما _عايزني اروح اسأل بنتي اللي لسة مكملتش تمنتاشر  سنة ايه رأيك في الجواز انت مصدق كلامك دا 

تركه واتجه إلى جاسر الذي جاء على اصواتهم نظر إليه بحقد _ازيك يابن اخويا عامل ايه مستكبر تيجي تسلم على عمك 

وقف جاسر ولا يعلم سبب هجومه ورغم ذلك اجابه: ابدا ياعمي انا كنت هاجي لحضرتك الصبح وأعيد عليك وعلى ولاد عمي حضرتك ليه بتقول كدا 

غضبه رد جاسر كان يعتقد انه هيثور ويخرجه بأي خطأ ولكنه تماسك حاله وتحدث _نادي على اختك عايز اسلم عليها قبل ماامشي هنا وصل امجد وحاول خروج غزل من هذا المأزق نظر إلى اخيه برجاء: غزل نايمة يايحيى وبلاش عصبيتك دي واوعى تفكر انك تقولها حاجة زي دي البنت لسة صغيرة 

نظر جاسر إلى ابيه وضيق عينيه متسائلا _ماذا يحدث؟ 

_عمك جاي طالب ايد غزل لعاصم ابنه 

نعم هذا مااردف به جاسر... ازاي يعني!! دي عيلة لسة ماوصلتش للسن القانوني للجواز حضرتك بتتكلم بجد ياعمي 

نظر إليه بعمق: ليه شايفني اهبل يابن اخوي خلاص نحجزها كمان سنة اهي تكون كملت السن القانوني... ثم تركهم وغادر دون حديث آخر 

وقف أمجد وجاسر مذهولين من يحيى نظر جاسر إلى أمجد وتحدث غاضبا: 

هو فيه ايه أختي خط أحمر فانا لو بحترمه بس عشان جدي وجدتي الله يرحمهم بس يجي ويتمادى فانا مش هسكت وكمان في مين غزل لا دا كدا دخلي في المنطقة الخطر... لو سمحت يابابا كلمه صريحة وعرفه ان غزل مش للجواز ويوم ماتفكر تتجوز عمرها ماتفكر في ابنه... ثم تركه وغادر وهو ينفث نار من داخله... قابله جواد الذي جلس بعد حديث صهيب يحدث حاله بغضب 

نظر إليه جواد ووجده بهذه الحالة: مالك؟ 

زفر بضيق وبدأ يركل كل مايقابله بغضب 

أمسكه جواد من ذراعيه 

ممكن تهدى وتفهمني مالك وعمك خارج بالطريقة دي ليه... هو الراجل دا مش هيسكت إلا لما  يشوف وشي التاني ولا ايه 

هو كان عايز إيه 

ثبت انظاره على جواد وتحدث قائلا _

جاي طالب ايد غزل لعاصم وعايز ياخدها بالقوة... 

في مكان آخر 

مكان اجتماع الشيطان حيث يجمع به كل مايحرمه الله من بيع السموم وشربها والاتجار في البشر سواء حيا او ميتا 

وهناك ماهو أعظم المعاصي الا وهو الفجر وشرب الخمور والكثير من المعاصي التي حرمها الله في معظم كتبه السماوية 

دخلت فتاه في منتصف الثلاثنيات تتدلى بمشيتها... ثم وصلت الى مكتبه وجلست فوقه وهي تتدلى بحركاتها الشمطاء وتحرك ساقيها ثم تحدثت للذي يجلس أمامها ويشرب سيجاره وينفث دخانه على وجهها _

بقولك ياحبيبي مالك كدا بقالك كام يوم وانت مش على بعضك وكمان موقف شغلنا كدا الوضع بقى سيئ وسمعتنا هتنضرب في السوق 

نظر إليها واردف غاضبا _اعمل ايه بس يا بوسي من ساعة مالظابط الزفت مسك القضية دي واحنا مش عارفين نتحرك وبحاول اهرّب مجاهد قبل مايعترف علينا 

رفعت حاجبها وتحدثت مستاءة منه _ايه ياناجي إنت خبت ولا ايه حتة ظابط مش قادر عليه ماهو ياما وقف قدامنا ودسنا عليهم بجذمتنا... شوفله اي مصيبة وادخله بيها 

زفر بضيق واجابها _مش دا اللي ندخله.. الداخلية كلها بترفعله القبعة عشان انجازته ومسمينه عندهم صقر  الداخليه غير انه مالوش سكة... يعني من عيلة مرموقة واخواته كلهم مراكز.

ضيقت عيناها مستغربة حالة  اليأس _يعني هتفضل كدا عشان حتة الظابط دا.. ثم فكرت قليلا اكيد هو مالوش سكة بس حبايبه ليهم سكة ثم اكملت حديثها يعني مثلا نشوف له حبيبة او اخته او مراته ونمسكه بيهم 

: انا أعرف إنه خاطب واحدة مذيعة بس زيها زيه يعني مالهاش سكة، واخته شغالة في شركة ابوها مع اخوها  ومخطوبة لظابط زيه وله اخ لسة في الجامعة بس دا عليه حراسة مشددة 

_ياسلام دا ايه الظابط الحريص دا

هو اسمه ايه الظابط دا ياناجي وانا اخلي جماعتنا يشوف له سكة 

انت بتقولي ايه دي شرطة يابثينة وبقولك ظابط وله وضعه وكمان صاحبه اللي معه دا مقويه  يعني اللعب معه هيفتح علينا ابواب جهنم  

اوف ياناجي اهو هنجرب ونشوف هيعملوا معه ايه مايمكن ينقلوه وخلاص.. قولي بس اسمه ايه 

اسمه جواد الالفي 

وقفت سريعا كمن لدغت وجحظت عيناه واردفت متسائلة انت بتقول اسمه ايه؟ 

استغرب حالتها التي اصبحت عليها بعد سمعاها اسمه.. نظر بتمعن إليها: 

جواد الالفي يابثينة ايه مسمعتيش

نظرت بتيه إليه قولي اسماء عيلته كدا 

مالك يابثينة انتِ تعرفيه 

بقولك قول اسمائهم كدا ولا بلاش انا هقولك.. صهيب، مليكة، سيف صح 

فتح ناجي بعض الاوراق واشار لها بنعم 

ايوة فعلا هم انتِ تعرفيهم 

بدأت تثور في الغرفة وتكسر كل ماتطوله يداها وتتحدث بصوت كحفيح: 

انت برضو يابن الالفي بحاول انساك بس بتلف وترجع لي تاني... طيب المرادي ناوي تعمل فيا إيه ياجواد وبدات دموعها تتساقط.. لا المرادي انت  اللي  لازم تخسر ياجواد  وانا خسرت مرة الدور المرادي عليك... ثم توجهت بانظارها الى ناجي واردفت مستاءة _معلوماتك ناقصة ياناجي باشا أهم واحد لجواد الالفي 

نظر إليها مستفهما _قصدك ايه؟ دول كل عيلته!! 

بدات تدور حول نفسها ثم ضحكت بشيطنة واردفت قائلة _نسيت بنته  أو بمعنى اصح اللي مربيها دا بيخاف عليها من الهوا ومش بس كدا  اللي عايز يوجعه فعلا يوجعه فيها.. رفع حاحبه: 

وانتي عرفتي ازاي.. ابتسمت له: 

هو اللي كان دايما يقولي عليها غزل ماجد الالفي 

اللهم لاتلهينا عن ذكرك وشكرك وحسن عبادتك 

اللهم استرنا فوق الارض وتحت الارض ويوم العرض عليك 

دمتم في رعاية الله وامنه

                   البارت الثاني 

اللهم صل وسلم وبارك على سيدنا ونبينا وحبيبنا محمد صلى الله عليه وسلم 

"اللهم اصلح ديني الذي هو عصمة امري، واصلح لي دنياي التي فيها معاشي، واصلح آخرتي التي فيها ميعادي، واجعل الحياة ذيادة لي في كل خير، واجعل الموت راحة لي من كل شر" 

♡♡♡♡♡♡♡♡♡♡♡♡♡♡♡♡♡♡♡♡♡♡

عندما كنت أخطو خطواتي الأولي في الحياة كانت يدك تقيني العثراث 

وعندما كنت أشق طريقي في الحياة كان حنانك يغمرني من برد الشتاء

وعندما اشتد عودي وتبدلت ملامحي كانت رجولتك تملأ وجداني 

أليس لي الحق بك يامن دق له القلب دقته الأولي ... ونبض له الفؤاد نبضة العشق الأبدي ؟؟؟

كلمات بقلم مروة عصمت 

كانت تجلس بمكانها المعتاد الذي كلما  تأتي الى هنا.. ما تجد أجمل من شرفتها تستنشق رائحة الزهور ونظرة الخضرة التي تحاصرها من جميع الأتجاهات لتنعش روحها... ورغم مظاهر الحياة الطبيعية تحيط بها إلا أنها جلست بوجه يكسوه الحزن والوجع تبدو كأنها تريد الصراخ في وجه احدهما والبوح عما يعتريه صدرها ولكنها خائفة من ردة الفعل التي لا يتحملها قلبها... أمسكت مذكراتها وبدأت تخط بقلمها كعادتها وتدون ماتمر به من أحداث مؤلمة.... هل اليوم ستضيف ألم جارح لروحها أم سيقف القدر معها 

على الجانب الآخر 

صعد إلى غرفته بمنزلهم الذي يوازي منزل ماجد الحسيني.. أمسك هاتفه وقام بالإتصال مع بعض الضباط الذي يعملون معه على قضية من أهم قضاياه وهي التجارة في السموم بدأ يقوم بجمع المعلومات وزرع بعض المخبرين وسط المجرمين للوصول الى معلومات تفيدهم بمساعدتهم في القضية 

بعد فترة خرج إلى الشرفة وهو يشعل سيجارته.. وقف واستند على سور الشرفة ينظر للخارج فالظلام يعم المكان إلا من بعض مصابيح الفيلتين... اتجه بانظاره إلى التي تجلس بشعرها وتواليه ظهرها.. 

وجدها تجلس بهدوء وكأنها تكتب شيئا ما... اعتقد أنها ترسم... ظل واقفا ينظر إليها ولكنه  ابتسم بسخرية عندما تذكر كلمات جاسر 

قال يجوزوها... دول هبل ولا إيه، دي عيلة 

نظر إليها بشرود وتذكر عندما كان في سن الثالثة عشر 

فلاش باك 

وضعها امجد بين يديه واردف حزينا _خدها ياچواد عند والدتك تهتم بيها لما أشوفلها مربية.. 

أمسكها بين يديه ونظر إليها بعمق فكانت كالملاك عيونا واسعة بلونها الرمادي 

نظر إلى امجد وسأله _دي عندها كام ياعمو شكلها صغنون أوي 

سكت لبرهة وهو ينظر إليها  ثم قام بمسح عبرة غادرة احترقت جدار جفنيه 

دي لسة عندها شهر... كانت في الحضانة بعد وفاة طنط حنان ياحبيبي أخفض رأسه ثم قبلها فوق جبينها _نورتينا ياجميلة بس ماقولتلش ياعمو أنت سمتها إيه... 

_لسة ياجواد ماسمتهاش بكرة هننزل نسجلها واخدها البلد عند جدها وجدتها 

خطى بها للداخل عند والدته وهو مازال ينظر لها ويقبلها فكأنه وجد لعبة ليتسلى بها... قابلته والدته واردفت متسائلة عندما وجدته يهمس لها ويقبلها بحنان ويشتم رائحتها بطفوليه 

أغمض عينيه منتشيا رائحتها التي خطفته 

: مين دي اللي بتغاذل  فيها يا چواد 

رفع حاجبه وأجاب والدته بغازل حلو دي يانوجة ثم وقف برهة وحملق عينيه فجأة ثم  أعطاها لوالدته وخرج سريعا 

: عمو امجد استنى عايز أقولك حاجة وأسرع إليه... وقف امجد عندما وجده بهذه الحالة... نظر إليه ثم تحدث مردفا 

_سميها غزل ياعمو 

ضيق عينيه ولا يعلم ماذا يقصد 

أمسك يديه: بقولك سمي النونة غزل لأنها تستاهل الاسم دا 

دنى ماجد منه ثم قبله على وجنتيه 

حاضر ياقلب عمو إنت تؤمر... بس هتحميها بعد كدا وتكون درع أمان لها 

ابتسم في وجه وتحدث قائلا _ومش هخلي الهوى حتى يأذيها ودا وعد من جواد الالفي لعمو ماجد الحسيني 

نظر إليه بفخر وقبله أعلى جبينه _ربنا يحميك يابني... ومن ذلك الوقت وهو اعتبرها جزءا من حياته 

دخل لوالدته "ماما عايز اشيلها لو سمحتي" 

نظرت نجاة مبتسمة له _لسة صغيرة اوي حبيبي إنك تشيلها 

_هاتي بس يانوجه وعرفيني بتتشال إزاي 

وضعتها بين يديه وفمهته كيف يحملها 

خليك معها هروح اعملها رضعتها.. ولكنها تذكرت شيئا _هو أمجد راح فين روح عنده ولا مشي 

كان ينظر للطفله ويتحدث 

عمو امجد مشي وقالي هيشوفلها مربية... ثم رفع نظره لوالدته.. ماتاخديها إنتِ ياماما أهي تتربى مع الولا سيف القرد دا 

تنهدت بحزن عليها وعلى جاسر  الذي مازال لم يتم العاشرة 

هاخدها حبيبي مش هخلي مربية تربيها وهبعت اجيب جاسر كمان لسة صغير حبيبي 

: هي طنط حنان ماتت إزاي ياماما وبعدين ليه لسة عمو جايبها دلوقتى وايه الحضانة دي 

_طنط حنان كانت تعبانة وهي حامل فيها وماتت بعد ولادتها على طول.. اما ليه في الحضانة عشان كانت لسة عايزة تكون في حضن مامتها كمان شوية فهمت كدا ياغلباوي ولا لسة عندك اسئلة 

استيقظت الطفلة وصارت تبكي 

نظرت نجاة إليها واخرجت متعلقاتها التي احضرها ماجد قبل الحضور بها فصديقه هو الذي اقترح عليه جلبها لزوجته 

حملها جواد وبدأ يهمهم لها بعض الكلمات ولكنها مازالت تبكي 

اتت نجاة برضعتها _هاتها حبيبي عشان أكلها 

بسط يديه إليها _لا انا اللي هاكلها حبيبتي قومي شوفي مليكة وسيف بيعملوا ايه شكلهم عاملين مصيبة 

علمته كيف يقدم لها رضعتها.. خلي بالك منها حبيبي وبراحة عليها اوعى تشرق منك 

ضيق عيناه _تشرق! 

ودي هتشرق إزاي!! ضحكت عليه والدته

رفعت رأسها واردفت بتنبيه _جواد اوعى تنزل براسها عشان ممكن لا قدر الله تموت منك 

هو انتِ بتكلمي عيل ماخلاص ياماما عرفت.. هتفضلي تغنيها 

تركته ومازالت تبتسم على كلماته.. لا ياحبيبي انت راجل وسيدي الرجالة 

توجهت  بنظرها اليه  عندما وجدته صامتا 

راته يبتسم لطفلة ويتحدث كأنها تفهمه 

عودة للحاضر 

خرج من ماضيه ونظر إليها وهو مازال يدّخن سيجاره وجدها ترفع بأصابعها لترجع خصلات شعرها الهاربة على وجهها وتضعها خلف أذنها... كانت كصورة لملاك  في أبدع صورة.. تذكّر حديث جاسر منذ قليل: 

عمي عايز يجوّز غزل لعاصم بالقوة 

ضيق عينيه مستفهما _مش فاهم يعني إيه؟ 

زفر  جاسر بضيق أهو دا اللي حصل  بس ورحمة أمي اللي يجي جنبها لأكله بسناني 

قال عاصم كنت ناقص مش كفاية الست شهنياز وعمايلها... نظر إلى جواد وجده  ينظر  بشرود في نقطة ما... ايه ياچواد رحت فين... 

اتجه بانظاره إليه _تفتكر عمو ماجد ممكن يعمل إيه قدام عمك... وشهيناز ممكن يكون ردها إيه بعد طلبه دا .. جاسر لازم تاخد بالك ان مش مرتاح لشهيناز دي خالص وكمان أخوها الفاشل سامح دا 

دايما عينك عليها... اما عمك دا حسابه تقل معايا أنا حذرته قبل كدا بس هو رمى تحذيري في الأرض 

نظر إليه وتحدث مستفهما _يعني مش فاهم كلامك حذرت عمي إزاي؟ ومن ايه؟ 

أخذ شهيقا عميقا ثم زفره ببطئ: 

يوم خطوبتك كان جاي هو وخالك وعمّال يقول كلام مش كويس استفزني وخرجني عن شعوري شدينا مع بعض... لقيته بيقولي بتحدي يبقى خلاص غزل هتكون مرات ابني... قولتله يبقى قربلها وشوف هعمل إيه... بس إنه يجي النهاردة وعارف إني هنا يبقى دا بيتحداني انا ودا مش كويس له

ضحك جاسر عليه _هو اللي جابه لنفسه خليه يقرب للأسد لما يكون جعان... ضربه جواد بخفة على مؤخرة رأسه بس يالا 

أنا لازم أروح أعيّد عليه بكرة أول واحد ومش بس كدا ولازم أديله عيديه كمان 

ظل يضحكا كلاهما فترة ويتذكروا تحالفهم مع أعدائهم حتى النيّل منهما أخرجه من شروده رنين هاتفه 

اجاب المتصل وهو مازال ينظر إليها 

زومي حبيبي وحشتني يالا مش ناوي ترجع بقى 

_خلاص بانتظارك حبيبي تيجي بالسلامة 

_

_وانت طيب.. كلنا كويسين... ممكن يكون مسمعهوش بس غزل قدامي أهو في البلكون 

سمعت غزل صوت هاتفه اتجهت بأنظارها إلى شرفته وجدته ينظر إليها وهو يقوم بالرد 

هنا أخفضت نظرها في مذكرتها وأحست بوخزة مؤلمة في شقها الأيسر اشعرتها أنها ستؤدي إلى انتهاء حياتها.. انزلقت دمعه من أهدابها الكثيفة ثم رفعت عيناها إلى السماء تنظر إلى النجوم التي تظهر بأنتشاء

ثم دعت ربها وتضرعت إليه "خفف عني ياالله وجع قلبي ربي أكاد أموت فروّحي تكاد تتمزق ربي انك الرحيم بنا المجيب لدعواتنا.. ربي إني عبدك الضعيف فقوني  بك ياأرحم الراحمين" 

بدأت تكتب ألم من آلامها التي تعد أكثر من سعادتها فعن أي سعادة تكتبها بعد والدتها التي حرمت منها... هي لم تحرم منها بعد، هي لم تعلم  معنى كلمة ماما.. هي لم تنطقها حتى بشفتيها فكيف تعرف معنها!! 

اليوم هو يوم حزني الأعظم لا أعلم كم كتبت عن آلامي التي لا تنتهي.. ولكن هذا ألالم أعظم آلامي. قلبي العاجز المسكين 

اليوم فقط نزف قلبي عندما وجدت حبيبى ومالك روحي يمتلك قلبه آخرى.. ماذا أفعل آلان لحتى أخرج من وجع روحي!! 

ماذا أفعل آلان لكي آنساه وهو لا يُنسى!! 

ماذا أفعل حتى تستكين روحي واتخطى وجع قلبي... تُرى أيهما أصعب حبيب تراه أمامك كل يوم ولا يشعر بآلامك ويعاملك كأخ!! 

أم حبيب لم تراه إلا عاشقا لغيرك!! 

وقفت عن الكتابة عندما وجدته يقوم بمنادتها بعدما شعر أنها لم تعريه أهتمام.. فهي عندما تجده في شرفته تظل تتحدث معه ويشاكس روحها المرحة 

نظر جواد إلى هدوئها الغير  الطبيعي وتذكر حديثها القاسي له ورغم ذلك لم يستطع عن مقاطعتها 

_غزل بتعملي إيه لدلوقتي كدا وازاي قاعدة كدا... حازم بيتصل محدش بيرد عليه 

لم تعتريه إهتماما وظلت كما هي جالسة وتدون بعض الأشياء بل تدون آلامها 

_انتِ يابت مش بكلمك وإيه الكلام  الأهبل اللي قولتيه تحت دا.. وقفت أخيرا بمقابلته 

ونظرت بمقت إليه ثم تحدثت قائلة: 

نعم ياآبيه عايز إيه حاضر هدخل أنام واشرب اللبن كمان واستغطى كويس في أي أوامر تانية حضرة الضابط 

وحازم كلمني الصبح ونسيت اعرف جاسر 

ثم تركته ودلفت إلى غرفتها واسدلت ستارتها حتى لا ترى حتى ظله 

تنهدت بقوة وتجمعت عبراتها بعيونها ولكنها مسحتهاوبدأت تحدث حالها

: غزل انتِ مش ضعيفة حاولي تأقلمي حالك على كدا قبل ماحد ياخد باله كفاية اللي صهيب قاله 

على الجانب الآخر عند جواد 

_البت دي مالها اتكونش عرفت بموضوع عمها... لا ازاي هي كانت فوق.. ممكن يكون صهيب قالها حاجة تزعلها، اه هو مفيش غيره، لا هو بيحبها وعمره ما يزعلها.. 

ياترى فيكي ايه ياغزل... وايه  سبب حزن عيونك دي... زفر بضيق هو لايتحمل حزن عينيها حتى لو سبب تافه

امسك هاتفه وحاول الاتصال بها ولكنها لم تجيب.. 

زفر بضيق ياترى ياغزل فيكي ايه لدرجة انك تتعصبي عليا كدا.. طيب اطمن عليكي إزاي اروحلها دي ولا أعمل إيه...هنام إزاي والهبلة دي بتعمل فيّا حركات جنونية 

ممكن يكون مقلب من مقالبها اللي مبتخلصش 

خليها للصبح أشوف أخرتك ايه ياغزالتي... ثم ابتسم وأردف بنتي كبرت وبيجلها عرسان لا ومش بس كدا بقت بتغضب عليا وماله ياغزول أغضبي وأصالحك عادي... كنت عايز أقولها على موضوع ندى بس هي اللي رفضت تديني فرصة بكرة تعملي محكمة لما تعرف... تمدد على الفراش ووضع يديه تحت رأسه وظل ينظر لسقف الغرفة إلى ان غاب في النوم 

في غرفة أمجد وشهيناز 

تجلس أمام المرآة وتضع الكريمات وتنظر إلى  أمجد الذي يتفحصها بمنامتها العارية.. فهي فتاة تعرف تستخدم أسلاحتها الانثوية لأمجد عندما تريد شيئا.. انتهت من روتينها وتوجهت إليها تتدلى بخطواتها وتثيره أكثر بدلالها... ثم جلست جواره وبدات تحدثه بغنج _مجودي يحيى كان عايز إيه 

نظر إليها بعدما حركت غرائزه اتجهاها: 

هقولك حالا بس هيكون سر ثم جذبها بقوة إليه.. بعد فترة جلس على الفراش يزفر بقوة ويقص  عليها ماصار 

وقفت كالملدوغة: إنت بتقول إيه لا طبعا ينسى إنت عارف سامح معجب بغزل ومكلمني من زمان وانت اللي رافض وتقولي صغيرة... كدا أقوله ايه وهو مستني لما يرجع يخطبها وممكن يتجوزها كمان في الإجازة دي يا ماجد 

جذبها ماجد بقوة فارتمت في أحضانه: 

متخافيش غزل هتكون لسامح.. بس أصبري شوية عليها البت لسة يادوب مكملة سبعتاشر سنة يعني حتى مايجوزش جوازها... وكمان جاسر لازم أمهدله الموضوع دا... ونسيت أهم شخص جواد دا ممكن يهد الدنيا علينا لو عرف.. انتِ ناسية غزل دي عنده إيه دا بيقول محدش له حق عليها غيري وهو عنده حق ياشاهي دا كان اجازته كلها معها ويعتبر هو اللي مربيها نظرت بمقت وغضب _اولا جواد دا مالوش حكم عليها انت وأخوها بس وكمان أخوها كمان مايقدرش يقاطع كلامك انت ابوها يعني لو عملت إيه محدش يقدر يقولك حاجة... وبعدين دول فرحهم بعد شهر يعني هيكونوا ملهين مع عرسانهم الوقت دا هيكون حلو نعرف نكتب كتابها لو عرفي لحد ماتم السن القانوني 

نظر إلى شفتيها المصبوغه وغره منظرهما وهي تتحدث أمامه بدلالها وغنجها الانثوي 

جذبها وتحدث _بعدين نشوف الموضوع دا 

اطلقت ضحكة رنانة_ اي ياماجد انت مابتشبعش ثم نظرت إليه ووضعت يديها بدلال وانا كمان مابشبعش قالتها حتى تنفذ مخططها الدنئ

  جذبها بقوة إليه واكتمل ليلته معها بعد فترة من الوقت جلست على الفراش تزفر بضيق وهي تنظر له بضيق ثم وقفت وارتدت ردائها الشفاف فوق قميصها الذي يكشف أكثر مايستر.. نظرت نظرة أخيرة إليه وهي تخرج من الغرفة ثم تحدثت قائلة _انفذ بس اللي اجوزتك عشانه ثم خرجت واتجهت إلى الصالون  أثناء دخول جاسر من الخارج... وقفت أمامه وتحدثت بغضب: انت لسة راجع من برة دا كله قاعد مع ست الحسن والجمال 

نظر إلى الأرض عندما وجدها بهذا اللبس الفاضح وأردف غاضبا: امشي من قدامي اصل ورحمة أمي أعملك قضية واحبسك جتك القرف في شكلك ست مش محترمة 

: رفعت حاجبها بضيق وأردفت بغيظ من معاملته الجافة لها: 

انا ست مش محترمة ياجاسر.. دا ليه عشان بحبك وبحاول أقرب منك وأنت اللي دايما بتصدني 

_بأقوى مالديه من قوة صفعها  من قوتها صفعته تركت اصابعه آثار على وجهها، ونزفت جانب شفتيها ثم أمسكها بقوة من شعرها واردف غاضبا: 

أنا صبري بدأ ينفد منك.. أوعي تنسي انتِ شايلة شرف مين يابت دي حاجة... والحاجة التانية أختي خط أحمر هتقربي منها هنسفك اوعي عقلك الصغير دا يخيلك اني معرفش انتِ بتخططي لإيه..ثالثا مليكة دي حياتي إياكي تقربي من ضفرها بس .. ابعدي عني عشان ملعبش في عداد عمرك... ثم دفعها بقوة وبصق عليها... 

اتجه إلى غرفته وكأن شياطين الأرض تحاصره وبدأ يركل كل مايقابله ويتحدث بغضب: قولتله بلاش الجوازة دي مسمعش مني يجي يشوف ويسمع الحقيرة بتمرمط شرفه بجذمتها ذهبت شهيناز لغرفتها وهي تكاد كالمجنونة، حاولت بكل الطرق فهي لا تكل ولا تتعب من محاولاتها الرخيصة فهي تعشقه بجنون.. ماذا تفعل لكي تجذبه إليها فعلت معه المستحيل ولكنه كالعادة دائما  لها بالمرصاد.... تزوجت من والده لكي تكون بجواره  .. فمنذ أن رأته بالشركة حاولت أن تجذبه إليها ولكن باتت محاولاتها بالفشل.. علمت حينها أنه من الشخصيات التي تقف بصلابة... ظلت جالسة تغلي إلى أن اوشك الفجر بالبزوغ 

في صباح يوم العيد 

تستيقظ مليكة بنشاط.. فاليوم لديها العديد من جولاتها مع مالك القلب والعقل 

ادتت فريضتها.. وجلست تنظر إلى الشروق وهي تستمتع بتكبيرات العيد التي ترفع في جميع المساجد حولها 

قامت الاتصال بغزل ولكن الهاتف مغلق 

زفرت بضيق فماذا ستفعل، فاليوم تريد ان تذهب لصلاة العيد ككل عام مع صديقتها الصغيرة كما اطلقت عليها.. حاولت عدة مرات ولكن لا يوجد رد 

استمعت لصوت  جواد وصهيب بالخارج.. خرجت بهدوء إليهما حتى تعرف أن تصل لغزل 

: صباح الورد على فرسان  عيلة الألفي.. أنا لازم ابخّركم وأرقيكم 

ضمها جواد من أكتافها: 

صباح الورد على أجمل وردة عيلة الألفي

رفعت حاجبها ونظرت إليه بسخرية: 

بكرة تقولها لندى وتنسى ملوكة ثم اردفت 

يعني بتردلي الجملة ياجواد ماشي 

ضحك عليها _ابدا والله انتي ملكة العيلة ياملوكة قلبي الغالية 

بسطت يديها اليهما: 

فين عيدية ملوكة قلبك انت وهو 

صهيب: جواد اتأخرنا على الصلاة ياله يابني 

_تصدق عندك حق انا بقول نجري عشان نلحق 

: والله ماشي طيب خليكم فاكرين بس 

نظر جواد إليها  وتسائل _هو سيف صحي ولا لسة!! 

نظرت لصهيب بمعنى رد 

وجد جواد تبادل النظرات بينهما واردف مستفهما: 

فيه ايه؟ مالكم! 

سيف عامل ايه المرادي ومخبين 

: لسة واصل من شوية ويادوب دخل ينام 

هذا مااردف به صهيب 

احتقن وجهه بغضب ثم تحرك  متجها إليه _يعني ايه انا محذرتوش قبل كدا وبرضو ضرب كلامي في عرض الحيطة.. والله لازم يتعاقب 

أمسكته مليكة من ردائه _بلاش النهاردة ياجواد، حبيبي كل سنه وانت طيب النهاردة عيد مش عايزين زعل 

زفر بضيق ثم توجه بنظره إليها _عشان خاطرك بس هسامحه المرة دي 

_طيب أنا مش عارفة أوصل لغزل معرفش كنا متفقين نروح نصلي مع بعض بس تليفونها مقفول.. 

ارتفع جانب وجه بشبه ابتسامة متهكمة قائلا باستهزاء_مين غزل هتصحى دلوقتي عشان تصلي.. دا بيشلوها ياقلبي عشان تاكل.. سيبك منها.. هذا مااردف بها صهيب 

نظر جواد بهدوء لمليكة اتصلي على جاسر خليه يصحيها عشر دقايق وتكون تحت.. عشان بعد كدا تنام بدري ماتفضلش سهرانة طول الليل 

نظر صهيب إليه واردف بإستياء _غزل مااعدتش البت الصغيرة ياجواد دي دخلت في التمنتاشر سنة حبيبي بلاش تخنقها بتحكماتك 

: أنا عارف بعمل ايه مالكش دعوه 

سحب صهيب نفسا عميق واتجه بإنظاره نحو مليكة وتحدث قائلا _حبيبتي اجهزي وبلاش تضغطي عليها وهاخدك أنا معايا 

هبط جواد درجات الدرج وكأنه لم يستمع لحديث صهيب.. وقام بالاتصال على جاسر 

الذي أجابه سريعا: 

خمس دقايق ونازل أهو إيه جهزتم.. قاطعه جواد _صحي غزل خليها تجهز أصلي اطلعلها ولا اديلها التليفون أكلمها 

لايعلم لماذا يشعر ان أصابها شيئا... يريد الاطمئنان عليها.. وقف جاسر واردف ثابتا 

غزل مش هتنزل قالتلي امبارح هي عايزة تنام معرفش مالها 

: صحيها ياجاسر إحنا كل سنة بنخرج للصلاة مع بعض واحنا هنستناها 

اتجه جاسر إلى غرفتها وبدأ يطرق عليها الباب ولكنه تفاجأ بفتحها الباب وكانت جاهزة للهبوط 

نظر إليها بحنان _صباح الفل على ملاكي ثم ضمها لحضنه... تمسكت باحضانه كأنها تعاني من شيئا ما 

أخرجها بهدوء ونظر لداخل عيونها _مالك ياغزالتي عيونك دبلانة ليه كدا إنتِ منمتيش كويس ولا إيه 

وضعت رأسها في حضنه وتحدثت مهمومة _مجاليش نوم فقولت اصلي وأخد من حبيبي العيدية وأنام وانا مرتاحة 

اممم همهم بها جاسر العيدية! قولتيلي، بخاف من عيديتك دي ياغزول وياترى إيه طلبات أميرتي!! 

وضعت سبابتها على ذقنها توهمه أنها تفكر 

وفجأة تحدثت ببغضة _عايزة إسبوع لشرم الشيخ وماتخافش هاخد البت ملوكة معايا 

احنا التلاتة بس إيه رأيك 

جذبها من يديها وهبط بها _حاضر إنت تؤمر ياجميل بس أعمل أجازة وأشوف صهيب وجواد برضو... وقفت في منتصف الدرج ونظرت إليه بنظرات حزينة واردفت متمنية _عايزة الإجازة دي تبقى خاصة بينا لوحدنا بس ياجاسر مينفعش 

ضيق عيناه واردف متسائلا _ودول ماهم معنا على طول نعتبر عيلة واحدة إيه اللي غيرك فجأة كدا وبعدين انتِ عارفة جواد مش هيوافق يبعت اخته معنا وكمان إنت هيرفض سفرك بدونه 

زفرت بضيق من تحكماته وسارت متجه للخارج واردفت حزينة_أنا معنتش عايزاه يتحكم فيا ياجاسر، انت أخويا مش هو 

سحبها جاسر من يديها وأدار وجهها إليه: 

إحنا لازم نتكلم لما نرجع من الصلاة، حالك مش عجبني من إمبارح 

تنهد بضيق عندما تركته واتجهت للخارج وصلت للبوابةوجدته يقف بطوله المهيب  ويواليها ظهره ويتحدث بالهاتف ويضحك ويصور نفسه ويرسل شيئا.. كأنه يرسل صورته لأحد ماتنهد بضيق عندما تركته واتجهت للخارج وصلت للبوابة وجدته يقف بطوله المهيب  ويواليها ظهره ويتحدث بالهاتف ويضحك ويصور نفسه ويرسل شيئا.. كأنه يرسل صورته لأحد ماكان يرتدي لبسه المعتاد للأعياد وهو عبارة عن جلباب ناصع البياض  مما اضفي عليه مزيجا من جمال عربي  ورجولي زاده بهاءا و تعطر بعطره الذي يغرق الثنايا بشذاه الفواح جاذبية وهيبة.. ظلت تنظر إليه، وصل جاسر إليها ونظر إلى ماتنظر إليه.. أغمض عينيه بقهر من وجع أخته التي سيرافقها أيامها القادمة.. هو ألان تأكد من حبها له، فحالها منذ أمس عندما علمت بخطوبته يؤلم روحه... يتمنى أن يكذب إحساسه ضمها من أكتافها واتجه بها حيث وقوف جواد... انهى مكالماته واتجه بإنظاره إلى قدومهما... نظر إليها بتمعن وترقب.. هو يعلم أن هناك شيئا صار لها ولكن لا يعلم ماهو.. وصل جاسر لعنده واردف مبتسما 

: صباح الخير ياحضرة الضابط وعيد سعيد 

: صباح الخير وعليك ياحبيبي 

نظر إليه حيث كان يحتضن غزل.. مالها غزل.. جملة تسائل بها وهو ينظر إليهما 

أجابته بابتسامة باهتة خالية من مظاهر فرحتها بالعيد ككل عام ناظرة داخل عيونه 

كويسة ياآبيه بس مرهقة شوية... هي مليكة فين.. تسائلت بها حتى تهرب من حصاره ونظراته المصوبة نحوها.. ورائحته التي جعلتها كورقة خريف في مهب الريح 

سارت بجواره كي تدخل لمليكة.. أمسك يديها ورفع ذقنها وتحدث بنبرة هادية _

مالك ياغزل وماتقوليش عشان منمتيش 

عيونك الحلوين دول حزينة ليه 

كانت تنظر له بقلب مفطور وعيناها تحكي الكثير..كيف لك حبيبي أن لا تشعر بي؟ 

كيف لك ان تذبحنـ. ــــي بسكين بارد وتاتي تسالني ماذا بكِ!!... ولكن كيف له أن يفهم حديث العيون غير العشاق... قطع نظراتهم وصول صهيب ومليكة.. وعندما وجد نظرات غزل لاخيه  عرف أنها لم تعد تسيطر على مشاعرها.. جذبها من يديها واردف مشتت الانتباه: 

غزول حبيبة قلبي عاملة ايه يابت وحشاني.. ينفع تديني عديتي 

قاطعه جواد.. ايه اللي بتقوله دا ياحيوان ايه وحشتك دي لو حد سمعك يقول ايه 

اتجهت غزل إليه واردفت مستاءة من جواد _صهيبي يقول اللي هو عايزه مش كدا ياصهيبي 

استشاط غضبا منهما وأرسل إليهما نظرات نارية ثم أردف موبخا كليهما 

"صهيبك في عينك يااختي ايه اجبلكم اتنين ليمون اتلمي ياغزل عشان مقلبش عليكي صبري بدا ينفد، ثم توجه بنظره لصهيب وانت ياامور العيلة خف ياحبيبي لاخليهم يزروك في المستشفى النهاردة" 

امشو قدامي الناس تقول علينا ايه 

على الجانب الاخر عندما وصلت مليكة لجاسر أخذها على جنب وبدأ يتحدث إليها 

_صباح الورد حبيبي.. كل سنة وانتِ طيبة 

توردت خدودها بحمرة الخجل ونظرت للاسفل _وانت طيب 

نظر إلى جمالها الهادي الذي يخطفه _حبيبي النهاردة هنخرج بالليل ان شاء الله

غزل مش عجباني ورافضة تخرج فبقول نروح الشلالات ايه رايك 

ضيقت عيناها واردفت متسائلة مالها غزل 

اشار لها بالسير بعدما وجد صهيب وغزل تركوا المكان متجهين للمسجد وجواد اشار لهم بالتحرك 

بعد فترة 

انتهوا  من صلاة العيد.. خرجت غزل اولا وانتظرت مليكة أمام المسجد وهي تتفحص هاتفها ولكن قاطع وقفتها شخص 

أقل مايقال عليه مهوس الغزل 

نظر إليها بإنبهار من جمالها الطفولي البرئ فقد كبرت عاما آخر بعدما رأها آخر مرة 

وقف أمامها وبسط يديه ثم تحدث قائلا _

إزيك ياغزل عاملة ايه كل سنة وانتِ طيبة 

ردت عليه السلام واتت لتسلم عليه.. وضع جواد يديه في يدي عاصم وتوهجت عيونه بالغضب _اهلا ياعاصم عامل إيه كل سنة وانت طيب  ماشاء الله  شايفك كبرت وبقيت راجل وبتوقف تسلم كمان تحدث بها ونظر داخل عيونه بلهيب يكاد يحرقه 

استشاط عاصم من داخله من طريقته وتدخله في مالا يعنيه كما خُيل له واردف باستياء _أنا بسلم على بنت عمي ممكن اعرف حضرة الضابط داخله إيه 

هقولك بعدين ياعاصم بس حاليا مش فاضي اه وقول لوالدك أنا هعدي عليه النهاردة ماهو لازم أعيد عليه برضو.. ثم جذب غزل من يديها بغضب واتجه للسير 

جذبت يديها بقوة من يديه: ممكن أعرف ايه اللي عملته دا.. وبعدين دا  مش بعيد عليا ومش غريب دا ابن عمي ثم خطت خطوة اليه حتى اقتربت منه بشدة ونظرت داخل عيونه واردفت حديثها الذي صفعه بشدة وآلام روحه 

عاصم اللي انت استصغرته دا وجرحته بيكون أقربلي منك.. بدأ يخفف من ضرواة جذبه لها ونظر لها بصدمة.. ثم أغمض عيناه وسحب نفس عميق حتى لا يغضب عليها حاول أن يهدأ من ثورانه الداخلي 

قطع ثورته وصول جاسر وصهيب إليهما... نظر جاسر إلى أخته وجدها في حالة ترثى لها.. امسك يديها وجذبها إلى أحضانه عندما وجد نظراتهما المصوبة لبعضهما حاول أن يخفف من حدة غضبهما فصديقه ليس له ذنب في مشاعر إخته.. وأخته ليس لها ذنب في تحريك مشاعرها اتجاه 

رفع ذقنها وابتسم بوجهها _كل سنة وانت طيبة ياجميل.. وضعت رأسها على كتفه واردفت بابتسامة باهتة _وانت طيب ياحبيبي 

وصلت مليكة إليهما بعدما كانت تقف مع صديقة لها ابتسمت لهم جميعا _كل سنة وانتم طيبين 

جذبها صهيب من يديها وضمها إلى أحضانه _وانتِ طيبة ياحبيبتي، توجهت بأنظارها إلى جواد الذي يقف وينظر في شرود، أمسكت يديه وتحدثت مبتسمة _

وانت ياجود مش هتعيد عليا.. وعايزة بلونة من اللي في ايدك دي مش كل سنة الابلة غزل تاخدهم كلهم 

إستدار إليها ثم قبل جبهتها واردف بابتسامة باهتة _كل سنة وانتِ طيبة ياملاكي،  واعطاهم البلونات التي بيديه ثم  نظر لصهيب _خد مليكة معاك ورايا مشوار ثم تركهم وغادر سريعا 

أسرع جاسر إليه  عندما علم أن  شجارهما وصاح به _جواد استنى إنت رايح فين ومالك وإيه اللي حصل قلبك كدا..اتجه بانظاره إلى غزل التي تراقبهم من بعيد _مفيش حد عزيز عليا هزوره وراجع 

ضيق جاسر عيناه واردف متسائلا _مين دا اللي انا معرفوش 

ربت جواد على كتفه بهدوء _بعدين خلي بالك من غزل معرفش مالها من أمبارح وحاسس فيه حاجة مضيقاها حاول تعرف ثم تركه وغادر.. أما عند غزل بدأت تؤنب حالها من كلماتها الجارحة له.. ازاي قولتي اللي قولتيه دا ياغزل.. اتي جاسر إليها 

ونظر إلى صهيب ومليكة _ايه هتمشوا ولا إيه.. جذبت مليكة أيدي غزل من جاسر واردفت مشاكسه _وسعي ياختي خطيبي لسة ماعيدش عليا... ضحك جاسر عليها 

لا ياحبيبي عديتك مش قدامهم 

ماتحترمني يااخويا إنت وهي..

أما الذي تسير بجوارهم لم تفكر إلا في شيئا واحد 

تُرى أين ذهب باكرا!! 

رأت البلونات بيدي مليكة زفرت بضيق وعلمت انه  إستاء من كلاماتها... قطع شرودها حديث صهيب _وانتِ ياغزالة مش عايزة عديتك... 

لا!! أردفت بها سريعا 

أنا هاخد عديتي من جاسر بس أما إنت وجواد مش عايزة منكم حاجة ثم  توجهت بنظرها لمليكة ومش عايزة البلونة اللي كل سنة بيضحك عليا بيها،قوليله غزل كبرت معدتش الطفلة الصغيرة،ثم اتجهت سريعا الى منزلها 

ضرب صهيب كف فوق الاخر ثم اردف ساخر _والله البت دي مجنونة مين يصدق إنها غزل 

أما جاسر الذي زفر بضيق من عمايل إخته الطائشة تحدث قائلا _هتخرجوا النهاردة ولا إيه.. إحنا بكرة هنسافر القاهرة عشان معندناش غير النهاردة بس إجازة وجواد خطوبته بعد يومين يعني لازم يستعد 

أماء له صهيب  بشرود بعد حديث غزل علم ان الايام القادم ستكون أشد ثقلا عليهما...  ثم اتجهوا جميعا للمنزل 

على صعيد آخر في منزل يحيى الحسيني 

دخل المنزل وهو يستشاط غيظا من ذاك الجواد.. توهجت عينيه بالغضب وبدأ يثور ويتحدث كلمات لم يستطع السيطرة على نفسه.. دخل والده إليه وجد حالته هذه 

صوب ابصاره عليه واردف متسائلا _

مالك فيه إيه عمال تاكل في طوب الارض كدا ليه 

قبض على يديه بقوة حتى ابيضت.. واردف قائلا _اقسم بالله ماهرحمه هو مفكر نفسه مين.. قال ايه سلملي على ابوك 

بدأ يزفر بلهيب 

صاح به يحيى _انت يابني آدم هتفضل تاكل في نفسك كدا مش ناوي تقولي مالك ومين دا 

: جواد الزفت قابلني وحرق دمي 

: انت قصدك على جواد الالفي، انت شوفته فين.. انت روحت بيت عمك 

زفر عاصم بضيق _لا مروحتش بس كنت ناوي اروح عشان أشوفها بس الكلب بن الالفي واقف قدامها زي الاسد... انا معرفش هو مصدق نفسه ولا ايه.. وحياة ربي لو مبعدش عنها لاكون محيه من وش الارض 

تنهد يحيى باستياء _هو قالك ايه 

: روحت اسلم عليها منعني شوف عمل ايه 

لا وبيقولي هزوركم النهاردة عرف ابوك 

_كدا انا عرفت هو عمل كدا ليه 

ضيق عاصم عينيه متسائلا: 

اللي هو ايه يابابا انت عملت حاجه من ورايا.. 

: روحت امبارح وهددت عمك وجاسر انك هتتجوز غزل حتى لو غصب عنهم 

استاء من والده واردف غاضبا _ليه تعمل كدا انا كنت بحاول أقرب منهم بس شوف إنت عملت إيه... وطبعا اللي عامل حامي الحمى أستغل الموقف ومش هيسكت ايوة فعلا إنت مشفتوش بيص لي ازاي كان عايز ياكلني 

توجه بالنظر الى ابنه _انا كنت عارف إنه مش هيسكت بس لو جه واتكلم لازم اكلمه بالكلام اللي يهد حيله 

ممكن يابابا تفهمني إنت ناوي على إيه وعايز تقوله إيه 

_بعدين هتعرف ياعاصم مش مهم دلوقتي 

في القاهرة 

تجلس فتاه تشاهد حركات الناس وذهابهم الى المساجد لقضاء صلاة العيد 

دخلت والدتها إليها _نهى حبيبتي انتِ صحيتي 

توجهت نهى إليها وابتسمت لها _كل سنة وانت طيبة ياست الكل 

ملست والدتها بحب _وانت طيبة يانور عيني إيه مش ناويه تنزلي تصلي العيد ولا إيه... رفعت ذقنها لوالدتها: 

ماليش نفس والله ياماما تعبانة وحاسة عايزة أنام

ابتسمت والدتها اليها _خلاص استني لما بابا يجي وناكل الكحك وبعدين روحي نامي 

ضحكت على والداته _قولتيلي ناكل الكحك ماشي ياست ماما هناكل الكحك ونديلك العيدية كدا حلو 

ضربتها بخفة على ذراعها: على طول فهماني يابت 

انا هستنى شوية كمان  عشان اكلم غزل وأعيد عليها.. اصلي  رنيت عليها من شوية بس محدش رد خايفة 

حزنت منيرة عندما تذكرت هذه الفتاة المرحة الجميلة _هي هنا ولا سافروا زي كل سنة 

_لا ياماما سافروا انبارح بس.. وحشتني اوي، واه نسيت اقولك قالت هتكلم قريبها يشغلني عندهم في الشركة 

دعت والدتها لها _ربنا يوفقك ياحبيبتي وتلاقي اللي انتِ عايزاه 

نهى: انا مش عايزة اي شغل وخلاص ياماما عايزة حاجة انا بحبها ومرتحالها 

وبعدين فيه شركات كتير بيكون محتاجين مترجمات... نسيت اقولك غزل كمان عايزة تدخل ألسن بس جواد مش موافق  

شردت والدتها وتذكرت عندما اتت غزل لنهى في إحدي المرات 

فلاش باك 

تجلس غزل مع نهى في الحديقة الخلفية للمنزل.. فهم  يسكنون بالقرب من منطقتهم بعض الشي

طُرق باب منزلهم خرجت منيرة لترى من الطارق.. وجدت شاب جذاب يرتدي نظارته الشمسية  ويضعها على شعره نظر بابتسامة بسيطة واردف قائلا 

السلام عليكم مش دا منزل نهى المحمدي.. على الرغم انه متيقن إنه منزلها إلا انه سألها 

ابتسمت منيرة بمجاملة له _ايوة يابني هو انت بتسال على نهى ليه 

حمحم بأسف _انا جاي لغزل هي عندها في زيارة من ساعة كدا 

ايوا اه أنت اخوها  مش كدا 

نظر للأرض وأردف بخفوت: ايوة يافندم ممكن تناديها 

حمحمت متأسفة معلش نسيت اعزم عليك اتفضل يابني هي في الجنينة برة اقعد لما أناديها 

توجه بنظره للخارج يبحث عنها _بس هي مش باينة هنا... 

_لا هي بالجنينة اللي ورا هنادي عليها بس ادخل لما تيجي 

: متشكر  لحضرتك يافندم ثم نظر لساعاته 

هي عندها درس بعد ساعتين لازم تروُح 

خلاص لحظة هناديلها 

بعد فترة اتت غزل تسرع إليه _ابيه جاسر ولكنها توقفت للحظات ونظرت بجمود إليه 

وقفت منيرة أمامها _ايه ياغزل مش دا جاسر أخوكي ولا ايه 

بسط يديه إليها وابتسم ابتسامته التي تعشقها _ياله حبيبي عندك درس اتاخرتي 

توجهت بأنظارها إلى منيرة وهمست لها _لا دا نابليون بونابرت بس العشق كله ياطنط منيرة 

ضيقت عيناها وسألتها _يعني ايه يابت دا اخوكي ولا لا.. قاطعتهم نهى متوجه اليهم ثم نظرت إلى جواد الذي وقف بالخارج يتحدث مع أحد ما في هاتفه 

نظرت نهى إليها وضحكت _لا  محدش قدك ياعم دا الجود كله  جايلك يراضيكي 

قبلتها غزل على خديها _أنا ماشية ياقلبي قبل ماعمو يجي ياكلني 

رفعت نهى حاجبها اليها _عمو برضو يابت طيب نشوفله عروسة ولا نشوفله ليه ماأنا موجودة... لكزتها غزل في ذراعها 

إتلمي يابت ثم أقتربت منها واردفت بابتسامة: جود خاص بالغزال بس ياماما 

قاطعهم جواد: ايه ياغزل هتفضلي عندك اسيبك وامشي ولا ايه اردف بها غاضبا 

طول عمرك كدا متسرع همهمت بها ثم 

اسرعت إليه وأمسكت يديه... نظر إليها بحب واردف مبتسما بعدما كان يحدثها بغضب _عاملة ايه ثم مسح على شعرها 

سحبته من يديه تعالى هحكيلك كل حاجه 

قاطعت شرودها نهى _ماما مالك ياحبيبتي 

روحتي فين... توجهت بنظرها لبنتها 

هو انتِ قولتي جواد هيخطب بعد يومين مش كدا 

استغربت نهى حديث والدتها _ايوة حبيبتي بتسألي ليه... جلست والدتها ووضعت يديها تحت خديها: 

صعبان عليا جدع زي دا يروح من غزل، معرفش ليه حستهم انهم بيحبو بعض نظراتهم بتقول كدا 

ارتبكت نهى قليلا أمامها  وبدأت تفرك بيديها _والله ياماما  انتِ مكبرة الموضوع جواد بالنسبة لغزل أخ مش اكتر 

تعمقت منيرة بالنظر لنهى _بتعرفي تكذبي على أمك يانهى 

مدت نهى شفتيها كالاطفال واردفت _عارفاكي ياماما لماحة بس للأسف جواد بيعتبرها أخته لا أقل ولا اكتر وغير كدا بيخاف عليها بجنون بس المريب أن غزل بتموت فيه ودا اللي لسة عرفاه من شوية 

شخصت أبصارها اتجاه أبنتها واردفت متيقنة _وهو بيحبها اكتر منها 

ضحكت نهى بخفة عليها _هو انا قولتلك بيكرهها بقولك مربيها وبيحبها بس حب أخوي 

_اسمعي مني وبكرة تقولي ماما قالت 

حب جواد لغزل مش أقل منها بس عشان هو كبير وعارف يداري بس هي لسة صغيرة وطايشة فباين عليها 

ضيقت عيناها وسألتها انتِ بتقولي كدا إزاي.. ثم استرسلت مكملة: بقولك مربيها 

ابوها كان مسافر وامها ماتت وهي بتولدها 

واخوها صغير مكنش ينفع يتولى فاخدتها أم  جواد وربتها مع ولادها وطبعا جواد هو اللي تولى امرها... قطع حديثهما دخول والد نهى 

اتجه السيد عادل والد نهى _كل سنة وانتِ طيبة ياام نهى 

ابتسمت له منيرة وانت حسك في الدنيا ياابو نهى 

اتجهت نهى إليه وقبلته ثم تحدثت _وبعدين ياسي بابا نسيت نهنهو ولا ايه 

قبل اعلى جبهتها _ازاي كل سنة وانتي طيبة ياحبيبة أبوكي 

نذهب الى الفيوم 

يسير جاسر مهموما بجانب مليكة لا مست مليكة يديه واردفت متسائلة _

مالك ياجاسر شكلك مضايق ليه 

نظر خلفه وجد صهيب وغزل يسيران خلفهما... صهيب يحاكيها ولكنها شاردة بحزن ولم تستمع لحديثه 

زفر بضيق ثم تنهد وتوجه لمليكة وشبك اصابعهما: عايز منك خدمة يامليكة لا مش خدمة... دا طلب مهم ورجاء 

وقفت امامه ونظرت داخل عيونه _مالك حبيبي قلقتني... جذب يديها وتحرك: 

امشي ماتوقفيش عشان غزل ماتاخدش بالها... استغربت حديثه ورغم ذلك تحركت بجواره 

توجه بالنظر إليها وتحدث قائلا _

قربي من غزل الأيام اللي جاية دي على اد ماتقدري حاولي تجريها بالكلام... انا عارف انكم قريبين من بعض ثم أسترسل حديثه متسائلا: 

هي غزل بتحكي لك أكيد عن حياتها الخاصة... يعني فيه اعجاب بحد وكدا 

ضيقت مليكة عيناه وتسائلت: 

مش فاهمة قصدك ياجاسر... يعني عايزني اعرف إن غزل معجبة بحد ولا لا... هي مكلمتنيش في حاجة زي دي... معظم كلامنا عن الدراسة ثم ابتسمت فجاة وضحكت بصوت عالي 

نظر إليها جاسر بغضب _صوتك يامليكة احنا ماشين في الشارع نسيتي نفسك ولا إيه... وضعت يديها على فمها واعتذرت 

: آسفة حبيبي غصب عني 

ابتسم بخفة طيب قولي القردة دي عملت إيه يخليكي تنسي نفسك كدا 

: لا مستحيل دي خيانة مينفعش احكيهالك 

ضغط على يديها وتحدث بصوت مبحوح ملئ بالمشاعر _ولا حتى لحبيبك 

تنهدت بعمق واردفت: جاسر 

اجابها بحب: عيون وروح جاسر... قولي بقى 

بتحكيلي على مقلباتها مع جواد 

ضيق عينيه ونظر اليها مستفهما: إزاي 

"هي اللي اخدت  المسدس بتاعه واخدت الرصاص وحطته في الحمام" 

_وهي اللي دلقت كلور على بدلته بتاعة الشغل... وهي اللي خلته نايم وقصت له شعره بعد ماحطتله منوم 

يابنت الل...  يخربيتك ياغزل لو عرف هيطيرها.. 

لسة مكملتش ياحبيبي 

رفع حاجبة مستفز منها _انتِ بتنقطيني يامليكة ماتقولي يا وفيّة 

وضعت يديها في خصرها ووقفت وتحدثت مستائة منه _والله دلوقتي بتتريق 

جذبها بشدة واردف غاضبا منها _شكلك اتجننتي نسيتي إننا في الشارع حسابي معاكي بعدين 

نظرت للجهة الاخرى بحزن _براحتك ياجاسر اللي تشوفه اعمله وخطت خطوتين أمامه... جذبها من معصمها ودخل بها لحديقة منزلهم ووقف خلف شجرة بالحديقة... رفع ذقنها وجد عيونها محجرة بالدموع... حزن من نفسه كثيرا هو يعشقها لحد الجنون 

: متزعليش مني حبيبي زعلتك في يوم زي دا.. واقترب وهمس امام شفتيها وتحدث بصوت مفعم بحبها بل وعشقها 

آسف ياروح جاسر.. آسف يااغلى من حياتي ثم قبل باطن يديها 

ربتت على يديه ونظرت إليه بحب  _انا اللي آسفة غلط لما وقفت بالطريقة دي وعليت صوتي سامحني... مسح دموعها بحنان _ربنا يخليكي ليا 

روحي ريّحي دلوقتي عشان هنخرج بعد العصر... أمأت براسها وخرجت 

على جانب آخر 

تجلس بثينة مع ناجي وتدخن بشراسة نظرت إليه واردفت بحقد _

عرفت هتعمل إيه يارب تنجح في العملية دي صدقني هديلك اللي إنت عايزه 

شوف بس هتنفذ إزاي وانا عنيا ليك 

جذبها إليه واجلسها على ساقيه وتحدث 

يومين بس لما يرجعوا اصل الولا محروس بيقولي سافروا يعيّدوا في البلد... سيبك انتِ من جواد وبنته وتعالي فوق عشان تاخدي عديتك 

ضحكت ضحكة خليعة مثلها وذهبت معه ليفعلوا ماحرم الله.. كيف تفعل يابن آدم الحرام ألم تتيقن ان الله مطّلع وشاهد 

كيف تعتقد ذلك وهو الذي  قال في كتابه

الله لا اله الاهو الحي القيوم لا تاخذه سنة ولانوم له مافي السموات ومافي الأرض من ذا الذي يشفع عنده الا باذنه.. يعلم مابين ايديهم وماخلفهم ولايحيطون بشى من علمه إلا بما شاء وسع كرسيه السموات والارض ولا يؤده حفظهما وهو العلي العظيم

صدق الله العظيم

 انتهى البارت الثاني 

لا تجعلوا  القراءة  تنسيكم  ذكر االله

تكملة الرواية من هنا

اللي عاوز باقي الروايه يعمل متابعه لصفحتي من هنا 👇👇

ملك الروايات

لعيونكم متابعيني ادخلوا بسرعه

👇👇👇👇👇

جميع الروايات الكامله من هنا

تعديل المقال