رواية لست من حقي الحلقه الحاديه عشره والثانية عشرة والثالثة عشره والرابعة عشرة والخامسة عشره جميع الفصول كامله
 |
الحلقة_الحادية_عشر
🔥🔥🔥🔥🔥🔥
....في هذه الأثناء.كانت منال تتابعها من علي بعد .فخطرت لها فكره ...
سمع جاسم صوت منال وهي تصرخ بشده .فترك ريم وذهب إليها مسرعا .فوجدها ملقاه عالارض ومغمي عليها.
دخل بها جاسم الي غرفة نومهم واخد يفيقها من اغماءها ثم ساعدها
لتجلس علي السرير"
جاسم. في ايه مالك
منال .دوخت شويه وكنت هقع من عالسلم
.جاسم.بقيتي كويسه دلوقتي يعني
منال:بتمثيل "لا لسه تعبانة يا جاسم خليك جنبي
جلس بجاورها جاسم "اول مرة اشوفك كده يعني
منال:وانت من امتي بتشوفني عشان تعرف يا جاسم "انت ديما بعيد عني
جاسم:ومين كان السبب اني ابعد واهجر البيت
اقتربت منه منال وهي تتابع خبثها" طيب اديني فرصة صغيرة اصلح الي اتكسر بنا يا جاسم
ضحك جاسم بسخرية"الي اتكسر مبيتصلحش
يا ريم
قامت منال بغضب"انا مش ريم انا منال
حرام عليك يا اخي خاف من ربنا انا مراتك والمفرود ليا حقوق عليك زي اللي فوق
جاسم:وامتي ياختي ليكي حقوق ها "ماانا ياما اتذليت ليكي عشان حقوقي الي انت كنتي منعاني منها عشان عاجز مبخلفش "ايه دلوقتي حليت في عينك "دلوقتي مبقتش عاجز
منال: اه حليت يا جاسم حليت "انا عايزة حقوقي
منك عايزة ليا حق زي الي فوق من النهاردة يا جاسم هتديني حقوقي
جاسم:اه حقوقك "ماشي ثم اقترب منها وهو يأخذها من خصرها"لو علي حقوقك دي هدهالك يا منال
منال:مش دي وبس يا جاسم انا زيي زيها
لازم تقسم الاسبوع علينا انا وهي
سمع جاسم طرق باب الغرفة "كانت والدته
جاسم:انتي هنا كمان اهلا اهلا انتو متفقين بقي سحر:اسمع يا جاسم انا طالعة اقلك كلمتين لو عايز تعيش في سلام تعدل بين مراتك الي فوق ومراتك دي والا والله هغضب عليك
جاسم:ليه كده يا امي بس"انتي عايزاني اعيش مع دي انتي مش عارفة عملت فيا ايه
سحر:انا بوعدك ان هي هتتغير وهتبقي تحت رجليك بس اديها فرصة وحياتي عندك يا جاسم
تنهد جاسم بضيق "ماشي يا امي هعدل بنهم
سحر:يخليك لينا يا حبيبي يارب
اقتربت منه منال بدلع"النهاردة بقي هتقضيه معايا "انا عملالك كل الاكل الي انت بتحبه
سمع جاسم اخيرا صراخ ريم من الاعلي
انقبض قلبه عندما سمع صوتها "ريم
منال:يوووه انت قولت هتفضل معايا
جاسم:اوعي من وشي "ابعدها جاسم عن وجهه ثم ركد الي الاعلي ليطمئن علي زوجته
ركد خلفة ولدته وزجته منال
دخل جاسم شقة ثم رأي ريم وهيا جالسه علي الارض تبكي وتصرخ اقترب منها بخوف'ريم مالك في ايه "ردي عليا
ارتمت ريم في حضنه وهيا تبكي بخبث" سبتني ليه يا جاسم حرام عليك
ضمها جاسم بقوة الي حضنه"مش انتي الي كنتي عايزة كده"اهدي وقليلي مالك
ريم:حرامي يا جاسم شفته من شباك المطبخ
جاسم:بصدمة حرامي هنا في بيتي
دخلت منال وهيا تشتعل غيظا"حرامي ايه يا حلوة الي هيطلع عندك الدور الاخير وهيسيب الادوار القريبة ليه
ريم:بدلع"معرفش يا اسمك ايه يمكن حرامي عرف اد ايه جاسم بيموت فيا وبيجبلي كل حاجة فاطمع وقال يسرقني "اصل الناس كلها عارفة ان جاسم مش بيقرب من الادوار الي تحت
منال:تقصدي ايه بقي يا بت انتي
ريم:مقصدش حاجة خالص"مش كده يا بيبي
جاسم: اه طبعا يا حببتي
منال:بانفعال "هو ايه الي طبعا "ماشي يا روحي عايزة اقلك بقي من النهاردة جاسم
هيقسم بنا الاسبوع بعدل ربنا "انتي يوم وانا يوم مش كده يا جسومتي
بلع جاسم ريقة بتوتر وهو ينظر لريم
ريم:ومالو يا حبيبي عادي "ماهو جوزك لازم يعدل بنا حتي كتير اتكلمت مع جاسم واتحيلت عليه عشان يديكي حبه من وقته
منال:يلا يا جاسم ننزل شقتنا
ريم:ينزل فين "ثم نظرت لجاسم بدلع"هتنزل وتسبني لوحدي يا بيبي الحرامي ممكن يجي وبعدين انا مش قادرة اقف من الخضة
منال:جاااااسم انت وعدتني
نفخ جاسم بضيق ثم قال "خلاص يا منال بكرة
هيبقي يومك انا مقدرش اسبها وفي حرامي
نظرت لهم منال بغيظ ثم غادرت الشقة
ابتسمت ريم علي شكلها
جاسم:انتي كويسه يا ريم تحبي اجبلك دكتور
ريم:لا يا حبيبي انت دكتوري لو فضلت جنبي هبقي مطمنة
جاسم:انا جمبك يا حببتي متخافيش
ريم: بعد ما نزلت من عندي فكرت وعرفت نفسي اني غلطانه وان من حقك أن تغير عليا وكنت داخله اعمل غدا ليك ولعمرو بس بعد الي حصل اعصابي تعبت
حملها جاسم من الارض "ولا تزعلي نفسك انا هعمل كل حاجة "انا هعمل الغدا النهاردة
ريم:بجد يا حبيبي
جاسم:بجد يا روح حبيبك انتي تأمريني
اخذها جاسم الي مطبخ وهو يحملها ثم وضعها علي الطاولة ليبدء بعدها بالطبيخ
اخذت ريم هاتفها تأخذ لقطات لجاسم وهو يطبخ
ثم ارسلتها لمنال "ومسحت الرساله ثم وضعت الهاتف بجوارها وهي تنظر لزوجها
.....................
رمت منال الهاتف بعصبيه وهيا تلعن في جاسم
سحر"يا بت اهدي هي عايزة تغيظك بطلي هبل
منال:انا هطلع اكسر دماغة ودمغها
سحر:يبقي هتخسريه وتخليها تفرح فيكي
هيا بتغيظك ليه ماهو عشان تتخانقي مع جاسم ويرجع تاني لحضنها
منال:انا اصلا مش طيقاه يا طنط لو رجعالو عشان بس واحدة زي دي اشلها من قدامي
سحر:ليه يا منال ليه يا بنتي جاسم طيب وبعدين متنسيش انتي السبب في الي حصله
منال:والله يا طنط ابنك السبب مش انا
قامت سحر لكي تغادر "ربنا يهديكي يا منال انا هنزل اشوف ورايا ايه عن اذنك
ذهبت سحر الي شقتها "ثم جلست منال تفكر في خطة في الانتقام من ريم وجاسم
... ... . .......
وضع جاسم الاطباق علي السفرة ثم دخل المطبخ "يلا يا ريم انا جهزت كل حاجة
ريم:شلني لحد السفرة يا جاسم
جاسم:حاضر يا ستي عايزك تدلعي علي الاخر
ريم:اه ادلع براحتي عندك مانع ياسي جاسم
اقترب جاسم منها ثم قرب وجه"ابدا يا عيون جاسم "المهم صافيه يا لبن لسه زعلانة
اقتربت ريم منه "حليب يا قشطة
ابتسم جاسم برتياح "الحمدالله
ريم:بس كان في طلب صغنون يا بيبي
حاسم:امري يا حببتي"نفسك في ايه
ريم:عيزاك تعوضني الفسحة الي بوظتها عليا
جاسم:بس كده نخرج ونعوضها يا حببتي
ناكل واخدك ونخرج للصبح
ريم:بخبث"لا يا جاسم بكرة نخرج بس النهاردة نقضيه في البيت انا وانت وبس ثم عمزت له
ابتسم جاسم علي قصدها"نقضيها في البيت النهاردة ثم غمز لها
ريم:يلا بقي شلني لحد السفرة يا بيبي
حملها جاسم وهو يخرج بها من المطبخ
ريم:استني استني "طلعت ريم هاتفها ثم التقطت صورة لها وهو يحملها جاسم
جاسم:بتعملي ايه يا مجنونة
ريم:بصورك يا حبيبي للذكري يلا يلا ناكل انا جعانة اوي "وضعها جاسم علي الكرسي ثم
غادر ليعيد عمرو الي طاولة الطعام
اخذت ريم الهاتف ثم بعثت الصورة لمنال
التي ردت عليها بتهديد بأنها ستفرق بينها وبين جاسم""ابقي وريني
يا منال هانم هتعملي ايه ؟؟؟؟؟...........
الحلقه_الثانية عشر
قضي جاسم وريم يومهم في المنزل وفي اليوم التالي خرج جاسم وريم ومعهم عمرو تعويضا عن اليوم الذي تشاجرو فيه..
وفي المساء رجع من الخارج جاسم ومعه ريم وعمرو وهم يضحكون
كان يصعدون علي الدرج بصوتهم المرح
فتحت منال الباب تنتظرهم بكل حقد وغضب
زفر جاسم بضيق يعلم أنه يومها " انتي لسه صاحية
منال:وهيا تنظر لريم" اه صاحية كنت منتظرة حضرتك
ريم:يلا جاسم يا حبيبي انت شايل عمرو وهو نايم
منال:يلا علي فين يا قطة 'لا انسي المفرود ده يومي والمفرود كمان استاذ جاسم يكون معايا من اول النهار
جاسم:معلش يا منال نسيت خالص إن شاء الله بكرة يومك
منال:هو اكيد بكرة يومي بس هتبات معايا النهاردة
نظر جاسم لريم برتباك: طيب يا حبيبتي انا هطلع عمرو
قاطعته ريم'ولا يهمك يا حبيبي تعالي طلع عمرو وانزل تاني ده حقها
جاسم"يعني مش زعلانة
ريم :وهي تقترب بدلع'انا اقدر ازعل منك انت يا حبي
منال:مش يلا بقي طلعه وخلصني يا جاسم
طلع جاسم وهو يحمل عمرو الذي كان نائم بين يديه
وضعه علي الفراش برفق ثم وضع عليه الغطاء
خرج يبحث عن ريم التي اختفت عندما دخل المنزل
دخل غرفة النوم ثم اتسعت عيونة عندما رأي زوجته
ترتدي قميصا من اللون النبيتي حرير يفصل جسدهاالعاري منه "
جاسم..ايه الحلاوة دي يا ريم 'انتي لحقتي تعملي كده امتي
اقتربت ريم من جاسم وهيا تتمايع بدلع' انا كنت مجهزاه ليك يا بيبي بس يا خسارة بقي انت مش النهاردة عندي
خليها بقي يوم تاني
اقترب جاسم من الباب ثم اغلقة وهو يقترب اكثر من ريم
لا انا مش نازل انا هفضل معاكي يا ريم
ريم:ومراتك يا حبيبي هتعمل فيها ايه 'حرام يا جاسم
جاسم:حرام ايه بس انا مش طايق اشوف وشها
ريم:مدام مش طايقها ليه مخليها علي زمتك يا جاسم
جاسم:هيا مطلبتش الطلاق وبعدين مش عايز اعمل مشاكل في العيلة
ريم:يعني مش بتحبها يا جاسم
جاسم:يا عبيطة انا قلبي محبش غيرك والله "أخذ يداها ثم وضعها علي قلبة"مكانك هنا انتي وبس
وضعت ريم رأسها علي صدره وقالت وانا بموت فيك يا جاسم
ضمها جاسم اكثر'" بحبك
ريم:بحبك
......................
كانت منال تدور في غرفتها بغضب شديد 'كل ده فوق يا جاسم قطع حديثها مع نفسها صوت رساله علي هاتفها "اقتربت من هاتفها لكي تفتح الرساله 'كانت رسالة صوتية من هاتف ريم تحمل الحديث الذي دار بين جاسم وريم
رمت منال الهاتف بغضب وهيا تلعن في جاسم
وحيات امي يا جاسم لتندم انت وهيا 'مبقاش منال لما ماسودتش حياتك انت وهيا
ارتدت منال ملابسها ثم صعدت الي منزل والدها
لكي تنفذ خطتها مع والدها وأخيها الكبير
جلست بجوارهم وهيا تشتعل غيظا من جاسم
جابر:يعني هيا لما تعرف أنه بيتعاطي مخدرات هتسيبه
منال:يا بابا ده اول الخيط 'لما تعرف أن بيتعاطي ومبيخلفش غير أن بقي معتز اخويا يلعب عليها
زي متفقنا عشان يشوف خيانتها بنفسه
معتز:بس اهم حاجة اخوكي عادل ميعرفش لو عرف هيروح يقول لجاسم علي طول ممكن يحظره منا
منال:لا طبعا مش هقله'بس انت هتعرف تلعب عليها
معتز:الا اعرف دانا هخليه يشوفها في حضني وبعدين بصراحة بقي البت دي طالعة من عيني دي صارووخ
منال:لا والله عجباك علي ايه يعني
جابر:يا سلام لو يحصل الي في بالي يبقي خلصنا من جاسم للابد
منال:وحياتك انت يا بابا لنخلص منه نهائي وناخد المصنع والبيت وكل حاجة يمكلها
.........................
في الصباح
وضع جاسم صينية الفطار امام ريم علي الفراش
اقترب منها ثم طبع قبلة خفيفة علي راسها'
فتحت ريم عيونها وهيا تبتسم بسعادة من ذكري ليلة البارحة الذي قضتها مع زوجها
جاسم:صباح الخير يا روحي
ريم:صباح الجمال علي عيونك يا بيبي
جاسم:يلا انا جهزتلك الفطار عايزك تفطري كويس جدا
انا هاخد عمرو اوصلة المدرسة وبعدها هطلع علي الشغل
ريم:انت هتروح لمنال
جاسم:معلش يا ريم لازم اقضي معاها النهاردة
شر لابد منه
ريم:ماشي يا جاسم بس بليز متتأخرش وياريت لما ترجع تطمني عليك
جاسم:حاضر يا ستي 'حاجة تاني
ريم:لا يا حبيبي سلامتك
اقترب جاسم يأخذ قبلة من شفتيها سريعا ثم ابتعد لكي يغادر الي عملة
.......................
كانت تعد الطعام لها ولعمرو الذي تنظر رجوعة من المدرسة
سمعت ريم جرس هاتفها "أخذته لكي ترد علي رقم مجهول
ريم:الو مين
معتز:مدام ريم معايا مش كده
ريم:أيوة انا مين معايا
معتز:انا معتز يا مدام ريم"انا بجد مش مصدق أن عرفت اوصلك متعرفيش اد ايه تعبت عشان اوصلك
ريم:طيب مين حضرتك وعايز ايه
معتز:بصراحة يا مدام ريم انا بجد معجب بحضرتك جدا
ريم :نعم معجب بيا انا
معتز:مستغربة ليه أيوة معجب انا كل يوم بشوفك يبقي هتجنن عليكي
ريم:بقولك لو اتصلت هنا تاني انت حر "اعلقت ريم الهاتف ثم رمته بعيد "ايه ياربي البلاوي دي
سمعت رنين رساله علي هاتفها"اقتربت من هاتفها لكي تفتحها 'تفجائت برسالة غزل من نفس الشخص
رمت الهاتف وهي تتجاهل الرسالة والمكالمة 'عالم فاضية صحيح
..........................
ارتدي جاسم ملابسه ثم ذهب الي الخارج لكي يجلس
علي طاولة الطعام 'جلست منال بجوارة وهيا تبتسم بخبث 'وحشتني يا جاسم
جاسم:متشفيش وحش يا منال
منال:هتفضل كده مش بتديني وش يا جاسم
جاسم:عايزاني اديكي وش ازاي منا اهو معاكي
منال:اتغيرت يا جاسم من ساعة البت دي مادخلت حياتي وحياتك
جاسم:ومين السبب الي خلاها تدخل حياتي
منال:عارفة أني انا السبب وغلطت وندمانة اوي يا جاسم
مش عشان بعدك عني بس لا عشان انت مع وحدة متستهلكش' وبعدين حتي لو عايز تتجوز عليا اختار واحدة تليق بيك مش واحدة
قاطعها جاسم بصرامة'ولا كلمة يا منال 'والا والله هطلع ومش هتشوفي وشي هنا تاني
منال:انت فاكرني بضحك عليك 'طيب انا عندي دليل
أنها متستهلكش وكمان اللي فيه طبع مش بيغيره
رمي جاسم المعلقة ثم نظر لها بغضب 'تقصدي ايه
منال:قبل ما تتكلم توعدني تسمعني للاخر
جاسم :اتكلمي منال ع طول
منال:بصراحة مراتك ريم لها علاقة مع حدا تاني
قام جاسم وقبضها من ايدها انتي بتقولي ايه
منال:انا مش بقول انا شوف بنفسك رسايل الحب اطلع وشوف تلفونها بنفسك ...بس قبل ما تطلع تفكر انو ما لازم تعرف حاجة خليك وراها يا جاسم لحد ما تشوفها بنفسك
ابعدها جاسم عنه بقوة وجري الي منزل ريم...
ابتسمت منال بشماتة... اشربي بقي ياحلوة......
رواية لست من حقي
الحلقة. ..الثالثه عشر
نظر لها جاسم وهو يأخذ نفسه من تعاطيه لتو من جرعة المخدرات "انتي ايه الي نزلك
ريم:مخدرات يا جاسم انت بتتعاطي مخدرات
جاسم:اه بتعطي مخدرات عايزة ايه يا ريم
ابتعدت ريم عنه ودموعها علي وجهها ظلت تنظر له بألم
ثم ركدت من امامه تجري بعيدا عنه وعن المنزل
جلس جاسم علي الأريكة ينفخ بضيق "ايه الي خلاها تنزل دلوقتي دي
...............
ظلت ريم تمشي في الشارع شاردة الذهن "ووجها يمتلئ
بالبكاء "جلست علي الرصيف بعد ما أحست بكل طاقتها نفزت منها "جلست تبكي علي موصلت اليه في حياتها
سمعت ريم صوت الاذان من المسجد الذي بجوارها
تعالي صوت بكائها وهيا تنظر للسماء
اقتربت منها سيده عجوز وهيا تربت عليها بحنو
مالك يا بنتي قاعدة كده ليه
ريم:,وهيا تبكي "مفيش حاجة لو سمحت سبيني
ربتت السيده العجوز عليها وهي تبتسم وقالت"قومي يا بنتي معايا
القعدة دي مش هتنفعك ولا هتغير أي حاجة
انا رايحة اصلي في الجامع تعالي معايا "صلي لربنا واشتكيله كل وجعك والمك
ريم:بس انا مستهلش ااخش المكان الطاهر ده
انتي متعرفيش انا 'انا عملت حاجات كتير اوي تخليني
اتكسف اقف قدام ربنا " انا عصيته كتير
السيده العجوز:ربنا غفور رحيم يا بنتي 'مدام ندمتي علي معصاكي وجواكي توبة نصوحة صدقيني ربنا
هيقبل توبتك'تعالي معايا تعالي
قامت ريم بعد ما أحست بالاطمئنان والراحة من كلامها
ذهبت ريم معها داخل مسجد
السيده العجوز:روحي اتوضي من هنا وبعدين تعالي هقولك تعملي ايه يلا يا بنتي
ابتسمت ريم بحزن ثم ذهبت الي المرحاض
وبعد دقائق ذهبت ريم الي السيده العجوز
ناولتها السيده العجوز اسدال لكي تلبسه ريم
لتصعد للصلاه خلف الامام في الجامع
أخذته ريم وهيا تنظر له بشرود
السيده العجوز:يلا يا بنتي البسيه وبعدين صلي ركعتين تحيه للمسجد وبعدين هنصلي كلنا ورا الامام صلاة المغرب
عيزاكي في الصلاة يبقي في خشوع في قلبك عشان ربنا يتقبل صلاتك 'اشكي حزنك وتعبك لربنا في صلاتك يا بنتي 'توبي عن أي معصية توبة نصوحة
وصدقيني قربك من ربنا هيغير حياتك للأفضل
كلنا عايشين تحت رحمته "رحمته واسعة يا بنتي
ريم:ونعمة بالله يا حجة ثم مسحت عيونها بالدموع
السيده العجوز:يلا انا هسيبك بقي تجهزي وبعد صلاة المغرب هنتكلم انا وانتي في اللي مدايقك عايزاكي تحكيلي يمكن اقدر اساعدك يا بنتي
ابتسمت ريم لها وهي تهز راسها بالموافقة
.......................
انهار عمرو من البكاء وهو في حضن سحر والدت جاسم
سحر :بس بقي يا عمرو "والله يا حبيبي هتلاقي ماما هنا هي مستحيل تسيبك كده
عمرو:وهو يبكي "انا عايز ماما هتلولي ماما
ظل جاسم يدور في المنزل مثل المجنون لا يعلم أين ذهبت
ثم نظر للساعة كانت قرب التاسعة' شد غضبه اكثر
كل ده راحت فين وازاي تخرج من غير متقولي نهارك اسود يا ريم
سحر:اهدي يا جاسم عشان الولد الغلبان ده
اقترب جاسم من عمرو الذي كان منهار من البكاء "اهدي يا عمرو
انا هخرج دلوقتي يا حبيبي ومش هرجع من غيرها
عمرو:انت كمان هتسبني يا بابا جاسم
جاسم :وهو يأخذه في حضنه 'انا هسيبك بس عشان اجيب ماما يا عمرو 'وبعدين احنا اتفقنا الي احنا رجالة ومفيش رجالة بتعيط صح ولا لا
عمرو:صح يا بابا
جاسم:طيب عايزك بقي تاكل مع تيتة سحر وبعدين تلعب معاها :وانا مش هتأخر هجيب ماما وهاجي
عمرو:ماشي يا بابا جاسم
سجر؛هتروح فين يبني دلوقتي
جاسم:هروح بيت والدتها يا ماما ممكن تكون هناك
سحر:يعني هتروح عند امها وتسيب ابنها هنا
جاسم:بانفعال'امال اروح فين يا ماما ونبي سبيني في حالي 'خلي بالك بس منه
سحر:متخفش عليه المهم روح شوف الحلوة بتاعتك راحت فين من غير ما تقول لحد كده
غادر جاسم ليبحث عن ريم عند ولدتها واي احد من معرفها
.....................
خفضت ريم راسهاا بخجل بعد ما حكت كل شئ عنها
استغفرت الست العجوز بعد ما سمعت حديث ريم
ريم:مش قلتلك أن انا مستهلش اكون هنا
السيده العجوز:اسمعي يا بنتي الي هقولك عليه
كل الي انتي فيه ده بسبب خيانتك لجوزك 'غلطانه يا ريم كنتي المفروض تسعدي جوزك ليقرب منك يا بنتي
كنتي اتكلميتي مرة واتنين وتلاتة'ولو مرتحتيش
كنتي طلبتي الطلاق 'ربنا عامل الطلاق ليه عشان في حالات زيك وحالات كتير يا ريم يا بنتي "ربنا رحيم بينا
انتي اخترتي الوسيلة الغلط الي لغبطت حياتك يا ريم
ريم:صدقيني يا حجة والله العظيم انا ندمانة علي كل لحظة عصيت ربنا فيها نفسي ربنا يسامحني
السيده العجوز:مدام في قلبك التوبة هيقبلها أن شالله الله
بس اهم حاجة اوعي ترجعي للمعصية دي
ريم:,انا مستحيل انا والله كنت بتعذب لما كنت بعمل كده
السيده العجوز:طيب يا بنتي قوليلي جوزك التاني ده
هتعملي معاه ايه 'اكيد مش هتكرري غلطتك الاولانية
ريم:يعني ايه مش في فاهمة يا حجة
السيده العجوز: يعني يا بنتي مدام بقي جوزك "يبقي لازم تساعديه يتغير للاحسن يا بنتي اديلة فرصة يثق فيكي
افتحي صفحة جديدة حاولي يا بنتي تغيريه للاحسن
يمكن علي ايدك يتوب هو كمان من الي هو فيه
ريم:ياريت يا حجة انا نفسي اصلح حالي معاه
انا بحبه بجد وزعلانة عليه وعلي نفسي
السيده العجوز'يبقي يا بنتي تستحملي لحد متوصلي معاه لبر الامان "خدي بأيدو وخليه يقرب من ربنا زيك
ريم:نفسي يا حجة بس صعب انتي متعرفيش جاسم
السيده العجوز؛مفيش حاجة صعبه عن ربنا يا ريم خلي ثقتك في الله كبيرة
ريم،؛ونعمة بالله 'انتي بجد متعرفيش عملتي فيا ايه
بجد حسيت براحة كبيرة بعد مصليت هنا
السيده العجوز:ولسه يا بنتي كل متقربي منه هتىرتاحي اكثر
المهم يا بنتي الوقت أتأخر "اتصلي بجوزك يجي يخدك
ريم:أنا خايفة منه ممكن ميصدقش إني كنت هنا
متخفيش يا بنتي انا معاكي 'اتصلي يلا
اخذت ريم الهاتف من السيده العجوز لكي تتصل بجاسم
................
سمع جاسم رنين الهاتف وهو يقود سيارة بغضب
أخذ الهاتف لكي يرد علي الرقم الغريب
جاسم:الو مين
ريم:بخوف'انا يا جاسم انا ريم
وقف جاسم السيارة في منتصف الشارع بغضب
ثم تعالي صوته'انتي فين يا ريم
ريم:اهدي يا جاسم انا هنا في جامع قريب من البيت
جاسم:نعم ياختي جامع ايه يا بت انتي بتستعبطي عليا
كنتي فين يا ريم
ريم:والله كنت في جامع تعالي بس وانت هتفهم
قفل جاسم معها ثم قاد السيارة بسرعة جنونية
ليصل للعنوان الذي وصفته ريم
.....................
وقفت ريم وهي مرتدية الاسدال برفقت السيده العجوز
أمام المسجد ينتظرون جاسم
وقف جاسم بسيارته. أمامهم ثم نزل منها وهو يركد صوب ريم "اقترب منها وهو يمسك بيداها بقوة 'كنتي فين
قالها جاسم وهو يتعالي صوته في الشارع
حولت السيده العجوز ان تتدخل'اهدي يبني مراتك كانت معايا
نظر جاسم للسيده باستغراب 'معاكي انتي
ريم:وهيا تتألم من قبضته "سبني يا جاسم وانا هفهمك
ترك جاسم يداها وهو مازال ينظر للسيده العجوز نظرات حادة 'قوليلي كنتي فين وبتعملي ايه مع الست دي
السيده العجوز:كنا في جامع يا بني بنصلي وبنكلم انا وهي
ضحك جاسم بسخرية'لا والله بتصلي من أمتي يا ريم
صدقي كدبة حلوا اوي 'جبتي ست منين عشان تسبك كدبتك يا خاينة يا واطية
انفعلت الست العجوز علي جاسم'اخرص خالص
انا اد ولدتك وست اعرف ربنا 'مش هغضبه عشان ارضي ولد فاسد زيك وبعدين مراتك مش خاينة اتقي الله وراعي ربنا فيها 'ربنا بيديك فرصة ولو ضيعتها هتخسر طول حياتك 'ياريت تفهم كلامي ثم نظرت لريم
رقم تليفوني معاكي يا بنتي لو عوزتي أي حاجة اتصلي بيه
ابتسمت ريم وهي تشكرها علي وقفتها جمبها
طيب تعالي حضرتك نوصلك معانا
الست العجوز:بيتي هنا في أول شارع متخافيش عليا
يلا يا بنتي في رعاية الله "السلام عليكم
ريم:وعليكم السلام
ظل جاسم ينظر لزوجته بغضب'ثم قال بسخرية
خلصتي التمسيلية الي عملاها ثم قبض علي يداها بقوة وهو يجذبها للسيارة'اركبي كلامنا في البيت يا ريم
ركبت ريم والخوف ينهمش بداخلها منه لاول مرة تحس ريم بالخوف من احد بهذا الشكل
انطلق جاسم بالسيارة وهو يتوعد بداخلة لريم
الذي يعلم أنها تكذب عليه وأنها بالتأكيد كانت مع الرجل الذي بعث لها الرساله .......
الحلقه_الرابعة عشر
ركن جاسم السيارة أمام منزلة ثم نظر بجواره لريم
التي كانت شاردة في الطريق
جاسم:انزلي يا هانم وصلنا
نزلت ريم من السيارة ثم ذهبت إلي شقة سحر
لكي تطمأن علي عمرو ابنها
أوقفها جاسم أمام الشقة بصوتة الصارم"حصليني علي فوق وخلي عمرو يبات مع ماما ده الاحسن ليه
ثم غادر من امامها وهو يصعد الدرج
تنهدت ريم بصعوبة ثم دخلت الي ابنها
ركد عمرو من أحضان سحر الي حضن والدته بفرحة
عمرو:ماممتي حببتي كنتي فين "سبتيني لوحدي ليه
ضمته ريم الي حضنها وهيا تبكي "اسفة يا عمرو كان غصب عني والله "مش هسيبك تاني يا حبيبي
مسح عمرو دموعها وهو ينظر لها بحزن'مالك يا ماما
ريم:مفيش يا عيون ماما "انا كويسه "المهم بقي
عايزاك تنام عند تيتة سحر لحد الصبح
عمرو:انتي هتسبيني تاني يا ماما
ريم:لا يا حبيبي "انا بس هطلع لعمو جاسم اتكلم معاه
اقتربت سحر من عمرو وهيا تداعبه في انفة"ايه يا عمور مش عايز تبات معايا هو انا مش جدتك ولا ايه
ابتسم عمرو وهو يرفع وجه لها"اسف يا تيتة بس ماما كانت وحشاني اوي"بس هبات معاكي عشان متزعليش
سحر:طيب يلا بقي روح اغسل ايدك ووشك واسنانك
حضن عمرو والدته بقوة ثم نزل يركد الي المرحاض
كنتي فين يا مرات ابني وسبتي ابنك لوحده كده
رافعت ريم وجها الحزين ودموعها علي وجنتيها
كنت بهرب من ابنك "وكنت بهرب من نفسي
اقتربت ريم من سحر وهيا تعالي شهقاتها "هو فعلا جاسم مدمن يا طنط
تنهدت سحر بحزن علي ابنها ثم رفعت نظرها الي ريم
أيوة مدمن بقالو اكتر من سنه "حاولت معاه كتير يبطل بس للاسف مكنش بيسمعني ولا بيسمع لمراتة "طول عمره
صوته من دماغة "دلعي فيه بوظه
ريم:جاسم لازم يبطل الزفت ده لازم يتعالج انا هعمل المستحيل عشان اخليه يتعالج 'انا والله العظيم بحب جاسم
انا مش عايزاه يضيع مني
اقتربت سحر منها أكثر وهيا تبتسم"ياريت يا ريم
عارفة لو عملتي كده متعرفيش انتي هتخشي قلبي ازاي
ريم:صدقيني يا طنط انا مش وحشه انا غلطت بس والله العظيم ندمانة علي كل حاجة عملتها ارجوكي ساعديني
ربتت عليها سحر بعد ما أحست بشفقة عليها
اهدي يا ريم وقوليلي عايزاني أساعدك ازاي
ريم:هقول لحضرتك بس اهم حاجة جاسم ميعرفش
.. ...................
كان جالس علي الفراش ينتظرها بفارغ الصبر لكي يواجهها بالرسائل والمكالمات وخيانتها له
فتحت ريم باب الغرفة ثم رأت جاسم جالس علي الفراش
وبيده هاتفها "اقتربت منه ثم جلست بجوارة
جاسم:هو مين يا ريم
نظرت ريم له بغضب'هو ايه اللي مين يا جاسم
جاسم،:عشيقك الي بتخونيني معاه يا ريم
ريم:انت بتقول ايه يا جاسم
رفع جاسم الهاتف أمام عيونها ثم تابع صارمته" بقول الي شفت مكالماتك ورسايلك معاه يا هانم "كنتي معاه مش كده
قامت ريم وهيا تصرخ في وجه 'كفااااااية كفاااااية
حرام عليك حرام انا من ساعة متجوزتك والمصائب
كل يوم علي دماغي " غلطت عمري أن اتجوزتك يا جاسم
قام جاسم ثم جذبها من شعرها تحت يداه "وانا بكرهك
يا ريم بكرهك "كنت لازم اعرف قبل ماسلم ليكي شرفي
ان الوساخة في دمك "خنتيني ليييييه قالها جاسم وهو
يدفعها علي الفراش بغضب
صاحت ريم باكية
مش بخونك والله العظيم ما بخونك "حرام عليك يا اخي
اخونك ازاي يا جاسم وانت اول شخص يدخل قلبي
انا خونت رافت عشان حبيتك يا اخي حبيتك وعشان
مكنش معايا مكنش زوج ليا " انا فعلا وسخة يا جاسم عشان خونت جوزي 'بس والله ندمت يا ناس ندمت يا ناس ندمت "انتو ايه مش بتقبلو التوبة "ده ربنا العظيم بيقبلها "ربنا اداني فرصة نرجع ليه ونتوب
وانت والناس لالا لا " لازم تقطعو فيا تقطعو في لحمي
واشمعنا انا الناس بس الي تحسبني "ليه مفكرتش
زيك انك ممكن تخوني يا جاسم ليييييييه
ليبيه ناس مش بتحاسبك انت " بس بتحاسبني انا "
جاسم:انتي هتجيبي نفسك ليا انا "راجل "
ريم:والله راجل وانت لما تقف قدام ربنا ويحاسبك
نفس حسابي هتقلة انا راجل يا جاسم "لا يا جاسم لا
انا زي زيك 'انا وانت هنقف قدام ربنا انا وانت هنتحاسب نفس الحساب انا وانت غلطنا "الفرق بنا
ان انا ندمانة وبجد نفسي ربنا يسامحني
بس انت عايز تفضل زي ما انت "شكاك وفوق ده كله المصيبة الأكبر ' انك مدمن
جاسم:أيوة انا مدمن مدمن يا ريم "ايه مش عجبك
علي الأقل مش وسخ زيك
صرخت ريم وهيا تبكي "انا مش خيانة ولا وسخة يا جاسم
والله العظيم ما خونتك وحيات ابني عمرو ما خونتك ولا فكرت اخونك يا اخي والله والله
جاسم:والرسائل الي علي تليفونك والمكالمات
تعالي شهقات ريم بقوة
المكالمات معرفش من مين ده واحد والله كلمني وانا
قفلت معاه علي طول "وبعدها بعتلي الرسالة دي
من ساعتها مكلمتهوش تاني حتي شوف مده المكالمة .
وبعدين لو انا بجد عايزة اخونك 'ايه الي يخليني اسيب الرساله والرقم في التليفون منا اكيد همسحهم عشانك
وانت عارف ان كنت بعمل كده مع رافت
جاسم:بأنفعال'وليه مجتيش قلتيلي يا ريم
ريم:نسيت يا اخي نسيت 'ايه مش بني ادمه ممكن تنسي
اقترب جاسم بجوارها وهو. يتنهد ويفكر في كلامها
قامت ريم بوضع جلوس ثم اقتربت منه "والله يا جاسم
ما بخونك 'انا بحبك والله بحبك
نظر جاسم لعيونها"احس بهم بصدق "اقترب بيده
علي وجهها بتردد وبداخله سراع كبير
اقتربت منه ريم لتنهي السراع الذي بداخلة "بحبك
مسح جاسم دموعها وهو يقترب من شفتيها "بحبك
ريم:مصدقني يا جاسم
جاسم:نفسي اصدقك نفسي يا ريم نفسي اقتل الشك الي جوايا نفسي ابقي انسان طبيعي
وضعت ريم رأسها علي صدرو وهيا تبكي " انا هساعدك
يا جاسم بس انت كمان لازم تساعدني
ضمها جاسم بقوة الي صدره ثم أردف " اساعدك ازاي
ريم:اولا توعدني انك تبطل المخدرات دي خالص
صدقني هي جزء كبير منها الي مخليك كده
جاسم:نفسي يا ريم ابطلها بس غصب عني بلجئ لها
ريم:ماهو يا جاسم لما تقرر انك تبطلها هتبطلها
وبعدين في حاجة كانت غايبة عنك وعني
جاسم :وهو يمسح علي شعرها 'ايه هي
رافعت ريم رأسها لكي تنظر في وجهه "القرب من ربنا .
انا النهاردة عرفت أن القرب من ربنا اجمل واحلى حاجة في الدنيا 'عرفت أن ربنا كبير وعظيم ورحيم فاتح لينا
ابواب التوبة"ساعدني يا جاسم نتوب من كل الذنوب
ونقرب منه بصفحة جديدة طاهرة
ظل جاسم شارد في كلامها وفيها ثم قال"غريبة
ريم'ايه بس الغريبة عشان بقولك نقرب من ربنا
جاسم:لا عشان اول مرة اشوفك بتتكلمي كده
ابتسمت ريم وهيا تتذكر صلاتها في المسجد
وراحتها الكبيرة بعد ما تحدثت مع الست العجوز
هحكيلك ايه الي حصلي النهاردة بس توعدني
انك بكره تيجي معايا
جاسم:اتكلمي يا ريم وبعدين اقررر
جلست ريم وهيا تحكي له ما حدث منه و هروبها منه
....................
ظلت منال تضحك بشامتة عندما سمعت صراخ ريم
غضب عادل أخيها منها "عيب كده يا منال حرام
منال:انا نفسي اعرف هو انا الي اختك ولا هيا
عادل:لا يا حبيبتي انتي بس بردو مش عايزك تشمتي
في حد حرام يا منال
مازن:ونبي اقعد ساكت خالص انت
عادل:اتكلم معايا عدل انا اخوك كبير وبعدين انت ليك عين تتكلم اصلا بعد الي شفته منك
ارتبك مازن وهو يتحدث معه"ايه يعني الي شفته
منال:في ايه يا عادل "عمل ايه مازن
عادل:عمل مصيبة الاستاذ لقتيه بينزل جري من فوق
من عند شقة جاسم ومراتة
منال:يا نهارك اسود انت بردو عملت الي في دماغك
مازن:بقولك انت وهيا ابعدو عني
منال:انت مفيش فايدة فيك يا مازن صدق انك بجد
قاطعها مازن بغضب'بقولك ايه ماهو اتفقنا أني اوقعها
انا كنت بنفذ الخطة عشانك
رمقته منال بنظرات غاضبة وهي تهز راسها نحو عادل
عادل:بشك "خطة ايه هو في ايه بظبط
منال'بتوتر "مفيش حاجة سيبك منه
مازن: في ايه يا عم عادل متشلني من دماغك بقي
قام عادل وهو ينفعل عليهم "اقسم بالله لو لقيت أي تلاعب أو خطط من خططكم الوسخة بتاعتكم علي جاسم انتم حورين فااااهمين
منال:فاهمين يا عادل فاهمين يا حبيبي
رمقهم عادل باستحقار ثم قام ليغادر المجلس
نفخ مازن وهو يسب اخوه بأفزع الألفاظ"شخص معقد
منال:بس بقي كنت هتوديني في داهية"بعدين تعالي هنا ايه الي طلعك ليها دلوقتي "افرد قالت لجاسم
انت مش عارف ممكن يعمل فيك ايه
مازن:هيعمل ايه يعني انا مبتهددش وبعدين فيها ايه يعني
مش كل ده عشانك عشان اوقعها في حبي
منال:يا متخلف انا عيزاك برة الصورة عشان جاسم
مازن:ماشي ياختي لما نشوف اخرتها
منال:زفت علي دماغك "انا هقوم انزل شقتي "سلام
جز مازن علي شفتيه وهو يتذكر ريم "وحيات امي يا منال مهسبها الا وهي في حضني ......
الحلقه_الخامسة_عشر
رواية (لست من حقي )
اجمل جروب حكايتنا في حدوته
👇👇👇👇👇👇
حضرت ريم المأكولات وغلفتها جيدا ثم خرجت من المطبخ وهي تنادي علي سحر والده جاسم
سحر:أيوة يا ريم أيوة يا بنتي انا جاهزة اهو
ريم :يلا يا ماما هنتأخر علي زيارة جاسم في المستشفي
سحر:انا اهو جهزت يا ريم يلا بينا
ركد عمرو نحوهم وهو يهتف بفرحة "اخيرا هشوف بابا جاسم ده وحشني اوي اوي
ضحكة ريم علي ابنها ثم اقتربت منه وهيا تسألة " خلصت مذكرتك يا لمض ولا لسه
عمرو:انا وعدت حضرتك هخلص مذاكرتي كلها عشان اشوف بابا جاسم وحشني اوي يا ماما
ريم:وهو نفسه يشوفك يا حبيبي "يلا بينا بقي
ذهبت ريم ومعها سحر وعمرو ابنها الي المصحة
عند جاسم "قرر جاسم ان يتعالج من الادمان
بعد ما اقترب من زوجته واحس بتغيرها وقربها من ربنا
قرر يغير حياتة ليبدأ حياة جديدة هادئة معاها
.................
ابتسم عمرو علي مداعبات جاسم وهزاره معه
ريم:خلاص يا جاسم بطلو الهزار التقيل ده يا حبيبي انت تعبان
جاسم: تعبان بس ايه يا ريم انتي متعرفيش انا بستني
زيارتكم ازاي ' انا بجد زهقت وتعبت من الوحدة هنا
سحر:معلش يا جاسم 'انت قطعت مشوار كبير في العلاج
اكملت ريم الحديث بدل عنها "أيوة ماما عندها حق
استحمل يا جاسم عشان خاطري" يا حبيبي
ابتسم جاسم وهو يسلط انظاره عليها " هستحمل يا ريم
انا عشانك مستعد اعمل اي حاجة "مستعد ارمي نفسي في النار عشانك وعشان عمرو 'انتم بقيتو حياتي كلها
عمرو:واحنا يا بابا جاسم بنحبك اوي "يلا بقي خف بقي وارجع البيت تاني ارجوك
ضمه جاسم الي حضنه "حاضر يا بطل
سحر:طيب يلا بقي يا عموري نتمشي في المستشفي شوية "عشان نسيب بابا وماما يتكلمو
عمرو:لا انا عايز اقعد مع بابا جاسم
ريم:عمرو اسمع الكلام انا عايز اتكلم كلام كبار "يلا
جاسم:معلش يا عمور انزل شوية وانا هخلص كلامي مع ماما وبعدها نقعد انا وانت براحتنا
عمرو:حاضر يا بابا
غادرت سحر وعمرو الغرفة "ليفسحو مجال لريم وجاسم يتحدثون براحة أكبر
قام جاسم من الفراش ثم اقترب من الأريكة بجوار ريم
وحشتيني "قالها جاسم وهو يضمها الي حضنه
شبكت ريم يداها بقوة في ملابسه ثم وضعت رأسها علي صدره 'وانت كمان وحشتني اوي يا جاسم البيت وحش من غيرك بجد
جاسم 'يا سلام لا ماهو باين عشان كده "كل يوم هنا
ريم:يا جاسم مش بأيدي والله غصب عني "الدكتور قالي
الاحسن ابعد عنك " ولازم زيارتنا بحساب
ابعدها جاسم عنه بالطف "ثم وضع يده علي وجهها
يتحسس وجهها بنوعمة "طيب سيبك بقي من كل كلام ده
خلينا نلحق وقتنا قبل ما الزيارة تخلص
ريم:جاسم بطل جنان مش كل مرة كده "حد يخش
جاسم:كل مرة تقولي نفس البوق ومحدش بيخش وبعدين بقفل الباب كويس جدا "يلا بقي يا ريم وحشتيني ولا انا موحشتكيش
ريم: والله وحشتني اوي اوي كمان "بس
قاطعها جاسم وهو ينقض علي شفتيها بلهيبه المشتعل
ابتسمت ريم وهيا تبادلة القبلة الذي اشتاقة لها كثير
ابتعد عنها جاسم وهو. يركد نحو الباب ليغلقة جيدا
ثم اقترب نحوها " حملها بين يديه ثم ذهب بها الي الفراش
ريم:جاسم بطل جنان مش كل زيارة كده
جاسم: دنا بستني الزيارة عشان كده وحشااااااني
ثم وضعها علي سرير "لينطلق معاها الي عالمهم الخاص
....................
ظلت منال تدور في شقة والدها جابر بغيظ شديد من تغير جاسم الي الاحسن واقترابة من زوجته ووالدته سحر
مازن:تستاهلي قولتلك البت دي سبهالي
منال:ابعد عني يا مازن انا مش طايقة نفسي بجد
مازن:انتي حرة اشربي اهو بيتعالح وهيطلع احسن من الاول وهيعيش معاها يا حبيبتي "خطتك انتي وابوكي بح
جابر:بطل قلت ادب يا واد انت 'مفيش خطط باظت
منال:ازاي بس يا بابا "جاسم بيتعالح وكمان بسبب البت دي
يعني كده هي الي فازت وانا هفضل كده علي الرف
جابر:البت دي هنخلص منها قريب 'بس سبيني افكرلها
هي وجاسم "لما خليته يبطل علاج مبقاش جابر
مازن:طيب انا عايز اعرف ايه المشكلة لما يتعالج
جابر:المشكلة يااهبل المصنع الي هيضيع مننا لو خلف من .....
قاطعتة منال بصرامة "بابا
ارتبك جابر عندما وقع بلسانة بالسر الذي خفياه منال عن جاسم
ضحك مازن بسخرية'كمل يا بابا هو انت فاكرني مش عارف ان العيب من منال اختي مش من جاسم وان دي كلها خطة منكم عشان يفضل معاها ومكسور وميفكرش يتجوز تاني عشان المصنع
منال:انت عرفت كل الحاجات دي منين
مازن:سمعتكم عادي يا منمن "اكيد مش هاروح اقول لجاسم "كنت قلتلو عن خططتكم الي حولنا نوقع فيها بينه وبين مراتة
منال:عارف لو سمعتك بتتكلم في الموضوع ده حتي بينك وبين نفسك 'هموتك يا مازن .
ابتعد عادل بصدمة عن غرفة ابيه بعد ما سمع حوارهم
ظل يحدث نفسه بضياع بعد ما عرف اجرام أخته والده
وظلمهم الكبير لجاسم
مستحيل يكون في كده ايه العالم دول "دول اهلي
ازاي يحرموه يكون اب ازاي "ده سبب ضياع جاسم هو الموضوع ده 'اعمل ايه بس في المصيبة دي
...................
ظل جاسم يحدث والدته عبر الهاتف "اسمعي الي بقولك عليه يا ماما ارجوكي
سحر:بغضب "يبني هو انت معندكش دم "حرام البنت
طالع عنيها معاك عشان تتعالج وتبقي كويس
جاسم:يووووه يا ماما "من أمتي وانتي بدفعي عنها
سحر؛ من اول شفتها بجد يا جاسم "دي مبتسبش فرد ربنا ولا بتسيب درس الي لما تروحة "حتي انا زي ضلها
وقاعدة معاها في الشقة عشان خاطر حضرتك "بعد كل ده وبتشك فيها يا جاسم يبني متبقاش شكاك كده هضيعها من ايدك
جاسم: وانا يعني مبسوط بكده "يا امي انا بقالي فترة بعيد عنها 'خايف يا امي غصب عني خايف
سحر:متخفش يا جاسم والله يبني انا ما بسبها
جاسم:معلش يا امي "اسمعي كلامي عشان ارتاح
هاتي تسجيلات زي معلمتك
سحر:وانت ليه مشفتش التسجيلات قبل متخش المستشفي
جاسم؛عشان كنت بحاول اتغير بجد "كنت بحاول اثق فيها
بس ده لما كنت معاها دلوقتي هيا لوحدها
سحر:حاضر يا جاسم هريحك وهجبلك التسجيلات في الزيارة الجاية ..
جاسم:من غير ما تحس يا امي "لو عرفت هتبقي مصيبة
انا ادتها وعد أني اثق فيها
سحر:مدام خايف علي زعلها وخايف تخسرها "بتعمل كده ليه
جاسم: قولتلك غصب عني "ريحيني يا امي
سحر:هريحك يا جاسم "هريحك يابني
.................
وقفت منال في منتصف الدرج تنظر بغيظ الي سحر
رقمتها سحر نظرات صاقبة 'ايه الي موقفك كده
منال:مستنياكي يا حماتي العزيزة اصلك نستيني
منال: فعلا يا منال نسيتك ومش عايزة افتكرك
منال:أيوة قولي كده بقي "اكيد البت الي فوق دي الي وقعت بنا 'منا عرفاها
سحر:لا يا منال ريم ملهاش دعوة "بالعكس ريم خلتني اشوفك علي حقيقتك وأشوف بجد الفرق بينك وبينها
منال'وايه الفرق أن شاء الله يا طنط
سحر:الفرق يا حبت عيني "أن البنت الي فوق دي بتحب جاسم حقيقي 'بتعمل كل حاجة عشان ترضيه استحملت
شكة وإهانته فيها عشان بتحبه صبرت عليه "لحد ما خلاص قرب يتعالج ويرجع احسن من الاول
انتي عملتي ايه غير الذل والبهدلة ليه يا منال "انا راحه ابني اغلي حاجة حاجة عندي وراحته معاها ومدام حبيبها وعايزها يبقي خلاص
منال'بقي كده يا طنط "طيب ابقي خليها تنفعك
ابتعد منال لتذهب الي شقتها ثم أغلقت الباب في وجه سحر ""
زفرت سحر بضيق ثم أكملت صعودها إلي شقة ريم
..................
ظلت ريم تنظر إلي الجهاز بفصول شديد "تنتظر النتيجة بخوف
اتسعت عيونها بفرحة عندما أعلن اختبار الحمل
عن موجب فاهو دليل علي حملها
وضعت يداها علي وجها بافرحة "مش معقول انا حامل
حامل من جاسم مش قادرة اصدق "اكيد هيفرح اوي
اخيرا هيبقي ليا ابن او بنت تربطني به "اخذت الاختبار الحمل ثم تخلصت منه في القمامة
خرجت ريم وهيا تركد الي باب بسعادة لكي تفتح
لوالدت جاسم "اهلا يا ماما
دخلت سحر وهيا تنظر إلي ابتسامتها "اهلا يا حبيبتي
مالك يا ريم شكلك مبسوط
ريم:انا مبسوووووطة اوي اوي يا طنط
سحر:طيب يا بنتي فرحيني معاكي "في ايه
ريم:لا خليها مفجأه "بكرا اصبح هروح لجاسم
ابلغة الخبر الحلو
ولما ارجع هقولك
يتبع.......
تابعوني وانضموا معنا علي تليجرام لتكملة الروايه
