رواية أحببت طفله الفصل الثالث والرابع
 |
بعد ماركبت رحمه ومازن العربيه وكانت ف عربيه بتراقبهم وفجأه اخد مازن باله وكان عايز يلفت انتباه رحمه بس وهو بيتكلم كسرت عليه العربيه وخبط مازن فى عربيه قدامه كبيره وللاسف الحادثه كانت خطيره وبالذات على رحمه لانها مكنتش رابطه حزام الامان ومازن برضوا اتصاب وفقدوا الوعى واتصلت الناس بالاسعاف ودخلوهم المشتشفى الاتنين واتحجزوا فى العنايه المركزه.
الدكتور:دخلهم العنايه بسرعه وانتى تعالى ورايا وهاتى
اللازم لعمل الاسعافات المطلوبه
الممرضه:حصل يادكتور كله موجود بس الحاله تعبانه جدا
الدكتور:حضريلى الحاله الخطيره وكلمى الدكتور اسامه يمسك الحاله الثانيه بس بسرعه
الممرضه:تمام يادكتور وبلغنا الاهل ودلوقتى هما اكيد موجودين برا
هبه:طمنى يادكتور
الدكتور:اطمنى باذن الله خير
دخل الدكتور يشوف حاله رحمه وخطوره الجروح اللى فيها ملقاش اى نزيف او دم واضطر انه يعملها اشعه ع المخ عشان يطمن ويتاكد بس اللى طمنه ان نبض القلب لسه شغال.
الدكتور اسامه:الحاله مطمئنه ومفيش غير كدمات وكسر فى الدراع
والد مازن:يعنى هو كويس ممكن ندخله
الدكتور :لا هو نايم وهيفوق كمان 24ساعه
والده مازن:انا امه وهتجنن لو مشفتوش ابص عليه بس
الدكتور:اوك بس من غير صوت لو سمحتى
والده مازن:حاضر حاضر
فى غرفه الاشعه .....
الممرضه:يادكتور الاشعه طلعت زى ماحضرتك توقعت بالظبط
الدكتور:ورينى كدا .....ارتجاج فى المخ
الممرضه:حضرتك هنعمل ايه يادكتور
الدكتور:حضرى غرفه العمليات بسررررعه وبلغى اهلها بسرعه عشان يمضوا الاقرار
الممرضه:حاضر يادكتور
هبه:يعنى ايه بنتى هتروح منى
الممرضه:حضرتك متقوليش كدا خير باذن الله هى عمليه بسيطه وهتفهمى اكتر من الدكتور
والد رحمه:حضرتك احنا موافقين نمضى عالاقرار
الممرضه :حاضر اتفضلوا
هبه:اهئ اهئ اه يابنتى يانور عينى هتروحى منى
والد رحمه:اهدى ياهبه مش كدا انشاء الله هتبقا بخير
مشيت الممرضه وراحت للدكتور وعطته الموافقه وابتدأ فى العمليه ونجحت بحمد الله وفاق مازن واطمنوا عليه اهله واهل رحمه وطلعت رحمه من غرفه العمليات واتحجزت فى غرفه لوحدها على امل انها تفوق بس فضلت فى غيبوبه وعلى طول مازن كان عندها ووائل مسبهاش ومروان مغبش عنها لحظه وميار كانت قلقانه عليها الصراحه والاء كل شويه تدخل تتكلم معاها.
الدكتور1:انا مش عارف هى ليه مش بتفوق بس العمليه نجحت وكله كويس النبض والضغط مظبوط
الدكتور2:الاشعه اللى عملناها كويسه واديلها اكتر من 48ساعه ومش بتفوق
الدكتور1:لو مفقتش فى خلال 24ساعه لازم تسافر بره
الدكتور2:وانا رأى كدا
الاء:اهئ اهئ اثحى يا لاحمه انا زحلانه عليتى اوى هلحب مح مين انا .....اثحى نلوح الملاهى ونلحب ......لاحمه انتى حايثه تسبينى ليه ...... اثحى انا مس ئادله ائولت انتى وحستينى اوى يا لاحمه ......اثحى ولدى حليا الله يخليتى.
فضلت الاء تعيط ونفسها رحمه تفوق وهى بتكلمها رحمه فاقت ومسكت ايدها ......
الاء:لاحمه فتحى حينت انتى مثكتينى والله ......ياماما لاحمه ثحيت والله
هبه:انتى بتتكلمى جد رحمه حببتى فوقى الله يخليكى
الاء:والله ثحيت
مروان :رحمه فوقى احنا كلنا جمبك
مازن:فوقى الله يخليكى انتى متعرفيش انا حاسس بالذنب قد ايه
والد رحمه:انت ملكش ذنب يابنى متحملش نفسك الذنب انت زيك زيها بس ربنا ستر
مازن:هى مالهاش ذنب انها يحصلها كدا ...فوقى وانا اجبلك عصير الفراوله
وائل بغيظ :اسكت بقا الدوشه مش حلوه عشانها
الدكتور:لو سمحتوا اطلعو برا كلكم عشان مش هينفع كدا
الكل طلع برا بس الاء مرضتش تطلع والدكتور فعلا اكد كلام الاء انها فاقت بس رجعت تانى للغيبوبه ودا فى حد ذاته حاجه كويسه.
ميار:صحيح يامازن رحمه فاقت
مازن:اه فاقت بس رجعت تانى للغيبوبه
ميار:طب روح ارتاح وانا معاها
مازن:لا انا مش هسيبها .....
والد رحمه:كلنا موجودين يابنى ....روح نام واتشطف وغير هدومك وارتاح شويه واحنا موجودين
مازن بعد ضغط من الكل روح .....وميار دخلت لرحمه ....
ميار وهى ماسكه ايد رحمه وبتعيط:سامحينى انا اسفه والله انا بحبك بس غيرتى منك عمتنى وخلتنى اكرهك وابعد عنك ....مازن بيحبك اووووى على فكره اصحى عشانه هو مش هيستحمل البعد بينك وبينه
رحمه فتحت عينه ......بس لحظه رحمه مش.
رحمه فتحت عينها وبصت لميار واستغربتها جدا
ميار :انتى فوقتى .....يا طنط رحمه فاقت
رحمه:عاااااااااااا .....اهئ اهئ اهئ انتى مين ....
مامتها دخلت
رحمه :ماما ماما ....مين دى
هبه :دى ميار صاحبتك
رحمه:لا دى بتكذب عليكوا انا مش مصاحباها فين الهام ...انا عايزه الهام
ميار:طب اعدى طيب
رحمه:عايزه الهام ومازن اصحابى دول بس اللى اصحابى
والد رحمه:مالك بس ياحبيتى ....
هبه :هى مالها يا احمد
احمد:الدكتور جاى وهيقولنا مالها دلوقتى
الدكتور:سلام عليكم .....اذيك يا رحمه عامله ايه
رحمه:ماما ماما انا فين انا عايزه اروح .....روحونى ....انا مش هقعد هنا
الدكتور :ممرضه اديها حقنه مهدئه ....واحكولى بس ايه حصل
ميار:انا يادكتور صاحبتها بس هى مش عرفانى
الدكتور :بس هى فاكره مامتها وباباها
هبه:اه وفاكره اصحابها زمان
الدكتور :طيب هما لسه موجودين معاها
هبه :اه موجود مازن بس الهام مش هنعرف نوصلها ورقمها على موبايل رحمه بس ضاع فى الحادثه
الدكتور :طيب كلموا مازن يجى ولو يعرف يوصل لصاحبتها التانيه تمام عشان هنحطها تحت الاختبار لمده يوم واتاكد من حاجه
احمد:تمام انا برن دلوقتى على مازن .....الو....ايوا.
..رحمه فاقت وعايزاك تعالى بسرعه ...ماشى .....لا متقلقش .....سلام
وائل +شيماء+رباب:ها رحمه مش قالو فاقت رجعت تانى ليه
هبه:انتو عرفتوا منين
رباب:رنت عليكى مردتيش ورنت على احمد كان مشغول واحنا كنا فى الطريق قلقنا راح وائل رن عالمستشفى وقالولنا
هبه:هى فاقت وادولها حقنه مهدئه
رباب :الحمد لله
وائل:ممكن ادخلها
هبه:طبعا اتفضل
دخل وائل لرحمه وكان زعلان جدا
وائل:اصحى يارحمه وفوقى انتى وحشتينى اوووى ومسك ايدها ولسه هيبوسها لقا رحمه فاقت وبتزعق زى ماعملت مع ميار ووائل خاف واتخض وطلع يجرى ينادى الدكتور
الدكتور :اكيد انت مكنتش معاها فى طفولتها
رباب :هما كانو مع بعض بس هو اكبر منها
الدكتور :هو حضر معاها طفولتها زى مازن والهام
هبه :لا وقتها مكنتش عرفت مازن والهام لانه هو سافر وهى مكنتش بدأت دراسه وهى اتعرفت عليهم اول مادخلت المدرسه الدكتور :كده وضحت الرؤيه وفهمت هى عندها ايه بس انا هتاكد لما تتجمع هى واصحابها
مازن :حضرتك انا جيت ممكن اشوفها
احمد:انت ممكن تكلم الهام
مازن:انا كلمتها وهى جايه
احمد :انت عرفت منين اننا مجتاجينها
مازن:محتاجينها ازاى ....هى كانت بترن عليا بس انا مكنتش برد على حد طول فتره تعب رحمه واول ماكلمتنى وطمنتنى رديت عليها وفهمتها وهى جايه
الدكتور :طيب كويس اتفضل استنا جوا الاوضه دى وانا هجيب رحمه تكون الهتم جت
مازن:انا مش فاهم حاجه ...انا عايز اشوف رحمه
الدكتور :ادخل وانت هتفهم بنفسك
مازن بيبص لاحمد واحمد بصلو انه يدخل ودخل مازن الاوضه وبعدها الهام جت ودخلوها وبعدها ب5دقايق دخلت رحمه والمفاجأه انها كانت فرحانه اوووى
رحمه:ههههه انتوا بتلعبوا معايا بقا انتو مستخبين هنا ليه.
مازن باستغراب :بنلعب
الهام :حبيبتى انتى عامله ايه قلقت عليكى
رحمه :ايه دا انتو عيال رخمه يالا انت استخبا يا مازن وانا هجرى وراكى ياالهام ومتقلش يامازن انك كبير عننا ومش هتلعب
مازن:ايه اللى بتقوليه دا انا مش فاهم منك حاجه انتى الخبطه اثرت على مخك ولا ايه
هنا الدكتور دخل لان لو مازن ذودها على رحمه كانت هتنهار وترجع تانى للغيبوبه ......
الدكتور:رحمه باباكى عايزك برا عشان جايبلك حاجه حلوه
رحمه :ايه دا بجد ......انا طالعهالو بسرعه
طلعت رحمه وفضل مازن مش فاهم فى ايه والهام كانت عايزه تضحك على شكل رحمه بس حزنها ع مسيطر
الدكتور:بصو انا هفهمكم .....بس تعالوا معايا عشان الكلام يكون مع الكل.....
رحمه باباها نيمها وعطوها حقنه مهدئه عشان ترتاح من التفكير.
والدكتور كان بيشرح لهم الحاله
الدكتور :رحمه الخبطه اثرت عالمخ ودى نادرا مابتحصل ومفيش عمليات لحالتها هى حاجه شبه فقدان الذاكره بس مش فقدان دا حنين للماضى حالتها غريبه بس لازم تعاملوها كطله عشان تتجاوب وتفهم ولحظه بلحظه هترجع لطبيعتها بس لو حد واجهه بانها مش طفله وكبيره احتمال كبيره يجيلها انتكاسه ولقدر الله العقل يتشل وفى الحاله دى بتفقد النطق والحركه
هبه:كل دا فى بنتى .......اهئ اهئ .....انا عايزه رحمه
احمد:جتلك فرصه تعيشى طفوله رحمه من تانى عشيها
هبه :بس انا كنت عايزه اجوزها وافرح بيها
احمد:هتخف باذن الله وتتعالج ادعيلها
رباب :يارب تخفى يارحمه
شيماء:يعنى دلوقتى رحمه عيانه ولا لا
رباب:لا هى كويسه بس مخها تعبان
شيماء:اتجننت
رباب:اخرسى بعد الشر بس هو ادكتور قال رجعت طفله
شيماء:يابختها .....ياريت الواحد يرجع تانى طفل
رباب:طب اتلهى واسكتى وادعيلها ترجع طبيعيه وتعيش سنها
شيماء:يارب
هبه :دا معاد رجوع الاء من الحضانه روح هاتها يا احمد ومتعرفهاش حاجه قولها انها خفت ورجعت البيت واحنا هنسبقك كلنا عالبيت
احمد:خلاص ماشى ....وائل هات اذن الخروح
وائل :حاضر ياعمى
راح وائل يجيب اذن الخروج لقا مازن جايبوا ومعاه الهام وجايين وطلعوا كلهم واتوزعزا فى العربيات ورحمه اصرت تركب مع مازن والهام وركب وائل وهبه ورباب عربيه وشيماء ركبت مع مازن لانها اعجبت بيه .......
روحت رحمه البيت وكانوا ع اتفاق انهم يروحوا الملاهى وكلهم وافقوا واتفق مازن هياخدها ووائل قال هيروح معاهم وشيماء رحبت جدا بالفكره .....
الاء:لاحمه حبيبتى يالاحمه
رحمه:مين انتى ياعسل
الاء:انا الاء حبيبتت
رحمه:انا معرفكيش بس انتى معاكى العاب حلوه اوى تيجى نلعب سوا
الاء:يالا نلحب انا تنت بتعى لبنا تثحى عسان نلحب ثوا
رحمه:طيب فين لعبك
الاء:فى اوضتى تعالى
رحمه:انتى عايشه معانا فى البيت ليه
هبه :رحمه ياحبيبتى دى اختك الاء انتى نسياها ولا ايه
رحمه:بس انا اختى صغيره خالص لسه بيبى
الاء:انا مس بيبى انا تبيره اوى يختى انتى اللى ثخيله
رحمه:انا صغيره ....مانا عارفه وراحت رحمه ضربت الاء عشان غيرانه منها ودى مشكله
هبه بتحكى لاحمد ان رحمه والاء مش متوافقين واحمد اقترح فكره على هبه لو نفذوها هتخلى رحمه والاء بيحبوا بعض جدا ..
ياتى الليل مع نسمات هؤاه العليله وينتظر مازن هو والهام واسلام ومروان وميار نزول رحمه من فوق لكى يذهبوا الى الملاهى وينظر لهاتفه الذى يعبر عن وصول مكالمه من رقم والد رحمه.
مازن:الو .....ايوا ياعمى.....اه احنا تحت....لا متقلقش .....خلاص اذا كان كدا انا هطلع بنفسى...... سلام
مروان:فى حاجه ولا ايه ...
مازن:هطلع اشوف
ميار:اجى معاك
الهام:هى رحله خلص يامازن واحنا مستنين(الهام مش بتطيق ميار)
مازن:تمام
يذهب مازن ويدخل ليتفاجأ بمنظر رحمه
........ رحمه ترتدى فستان فوق الركبه وتربط شعرها من الناحيتين بفيونكات حمراء مثل الاء
مازن:رحمه انتى هتروحى معانا كدا
رحمه وهى ترفع حاجبها:اه ماحنا على طول بنمشى كدا ايه الجديد بقا
مازن:يارحمه كان زما....
احمد:معلش خدها وقعدها ف العربيه مش دى المشكله اصلا
مازن:هو فى مشكله اكبر من كدا
احمد:رحمه مش عايزه تاخد الاء وحلفت انها لو راحت لتضربها وتوقعها من المرجيحه ...والاء قالتلها انا هروح مع مازن مش معاكى
مازن:اه نظام الغيره دا هيطلع على عينى انا
احمد:هتعبك معايا يابنى ....بس انت اديك شايف ماباليد حيله
هبه:احنا بنخاف نقع بلسانا وانت الحمد لله مسكت لسانك على اخر لحظه
مازن:طيب انا هروحلها
الاء ورحمه كانوا فى عالم تانى مش سامعينهم بيكملوا خناقتهم
الاء:انتى لاحمه وحسه ...مس الوح معاتى انا الوح مح ماسن
رحمه وهى تضيق عينيها :مازن صاحبى مش صاحبك ومش هناخدك اممم وتطلع لسانها
مازن وهو يضحك على اسلوبها:رحمه ممكن تهدى اقولك حاجه
رحمه:قول
مازن:الاء بتحبك على فكره وبتحب تلعب معاكى ومفهاش حاجه لو راحت معانا احنا كلنا هنروح خلينا نلعب كلنا سوا
رحمه وهى تتمشى ناحيته وتمسك بيده:تروح معانا بش مش تلعب معاك
مازن بوجه طفولى:مازن هيلعب معاكى انتى وبس
الاء :انا زحلانه منت ومخامثات
مازن :انا مقدرش ازعلك بصى خدى الشوكولا دى
رحمه:وانا عايزه
مازن:وانتى خدى اهى
الاء راحت حضنت مازن ورحمه غارت منها وجريت حضنته برضوا ومازن كان مكسوف جدااااا بس مقدرش يعمل حاجه لانه لو بعدها هتزعل
مازن:يالا ننزل عشان اتاخرنا
الاء+رحمه:يالا
ومسكوا ايدوا ونزلو ووائل اتضايق جدا من تفضيل مازن عنه ومروان كان كل مايكلم رحمه تخاف وتحضن مازن والهام كانت فرحانه لقربهم برغم الظروف اما شيماء فكانت عامله العاقله قدام مازن وميار كانت على قد احساسها بالذنب وقت ماكانت رحمه فى الغيبوبه الا انها لسه غيرانه منها.
فى الملاهى........
وائل :تعالى اركبى معايا العربيه يارحمه
رحمه :لا هركب مع مازن
مازن الاء مش سايباه فقالها انها تروح وهيركبها معاه تانى وراحت ركبت وكل شويه تدوس على رجله وهى بتسوق ومكنش مستحمل خالص ومصدق انهم نزلو وندم انه طلب كدا وقالها تعالى اجبلك ايس كريم راح جابلهم وهى كانت بتاكل اتخبطت فى رجلها وكانت هتقع بس قدرت تسند على وائل بس بوظتله القميص بالايس كريم وهو اتعصب عليه وهى فضلت تعيط وجريت على الهام وحكتلها ومازن سمعها واتعصب من وائل وراحله.
مازن:انت غبى انت بتزعقلها ليه انت عارف الدكتور قال ايه ومع ذلك اتعاملت معاها كدا ...
وائل :انا مكنش قصدى ....بس انفعلت من طريقتها
مازن بعصبيه :مش هتعرف تتعامل معاها متجيش معانا متتعاملش معاها
وائل:انت بتعلى صوتك ليه ولسه هيزوقوا رحمه جريت على مازن وضربت وائل وزقته
وائل:لا لا انتى اتجننتى خالص
مازن:مسمحلكش لحد هنا واستنى
شيماء:خلاص ياوائل خلاص يا مازن
الهام :انتو بتعملوا كدا ليه احنا منخرجش مع بعض تانى اسلام:عندك حق يالا بعد اذنكوا هنمشى دى مش طريقه انتو بجد اطفال
مازن:اللى عايز يمشى يمشى احنا مش هنمشى
الاء:ماسن انا خايفه
مازن:ماتخافيش ....يالا يارحمه يالا يا الاء تعالو نكمل لعبنا
شيماء:انا هاجى معاكوا
رحمه:لا مش هتيجى وتطلع لسانها
وائل :يالا ياشيماء هنمشى
شيماء:نستنى شويه
وائل :انا قولت يالا
وياخدها ويمشوا ....احسن ريحتواااا
مروان:استنى هنيجى معاكم انا وميار
مازن:تعالو
ميار:رحمه تعالى نجيب ايس كريم غير اللى وقع
رحمه:لا هروح مع مازن
ميار فى سرها:اووووف مش عارفه اكلم الواد كلمه على بعضها
مروان:طيب تعالو نركب القطر كلنا
رحمه:اه يالا
يكملو اليوم وينسوا اى حاجه حصلت ويستمتعوا بوقتهم ومازن مبسوط جدا لان رحمه ليه لوحده وبس وانها مش عايزه غيره
يدخل عليهم الايام ويقربوا اكتر واكتر حياه رحمه مش بتكمل من غير مازن ومازن اتعود على وجوده فى حيات رحمه ......
ودخلت عليهم الامتحانات وبكدا رحمه مش هتدخل بس مازن اصر انها تدخل
احمد:بس يامازن مش هينفع حالتها متسمحش
مازن:احنا هنحاول وهنذاكرلها ومش هنعرف حد بحالتها وهى مش بتكلم حد متعرفوش
احمد :بس اخاف حد يواجهها بحقيقتها وتتعب
مازن:انا عينى عليها ومش هيحصلها حاجه
هبه:خليه يحاول هو من صغره بيذاكرلها
احمد:امرى الى الله موافق هتبدا من امتا
مازن:من دلوقتى انا جايبلها المحاضرات والاسئله والنموذج اللى مطلوب منها ترسمه
احمد:انت كنت جاى ومتاكد انك هتقنعنى
مازن:عيب ياعمى انا بس عامل عليها مش عايز مستقبلها يضيع احمد:ربنا معاكم وانت متتلهيش فيها وذاكر
مازن:اكيييد هى فين
هبه:جوا بتلعب مع الاء
مازن:خلاص انا هدخلهم
مازن دخل لقاها قاعده بترسم الرسمه اللى كان بيعلمهلها وهما صغيرين
مازن فى سره:يااااه لسه فاكرها ....زى مايكون الايام بتعيد نفسها
ويفوق ماز على صوت الاء:ماسن ماسن
مازن:ها فى حاجه يالاء
الاء:انا حايساك ترسملى زى رسمت لاحمه دى
مازن:اشمعنا
الاء:عسان هى بتخيثنى
رحمه وتطلع لسانها :اه بغيطك ومش هتعرفى تعملى زيها
مازن:بسوا اسكتوا انا خعلمك يا الاء وانتى يارحمه هديكى رسمه لو عرفتى تعملى زيها هجبلك شوكولا كتير
الاءبزعل:وانا مس اتجيبلى
مازن:لا هجبلك طبعا ويشيلها ويبوسها
رحمه بزعل:انت بتشيلها وانا لا شيلنى
مازن:بس مش هينفع انتى طويله وهى قصيره
رحمه بتعيط :عااااا شيلنى اهئ اهئ اهئ
مازن باستسلام:طيب اسكتى هشيلك
رحمه:يالا
مازن يشيلها ويمرجحها فى الهوا وهى تضحك
#نور
📖 : احببتـها طفـله🙇🏼
البارت4⃣
بعد مامشيت الهام واسلام اسلام ندم انه طلع معاهم
اسلام:انسى ان نطلع معاهم خالص
الهام:بس رحمه تعبانه وانا لازم اكون جمبها
اسلام :روحيلها البيت كلميها بس مش هنخرج انتى مشفتيش عاملين اواى ولا رحمه دى اللى مرضها غريب دى تلقاها بتمثل عشان تلم الناس حواليها
الهام :على فكره رحمه مش كدا والدكتور بنفسه قال حالتها واظن انه مش هيكذب وياريت بلاش تتكلم بالطريقه دى عنها
اسلام بحنيه:انا عايزك زى ماكنا مع نفسنا يا الهام واظن دا حقى وصاحبتك مبعدتكيش عنها.
الهام:ماشى ياحبيبى
اسلام:يالا وصلتى انزلى يالا
الهام:مش هتطلع
اسلام :لا الوقت اتاخر هعدى عليكى بكره
الهام :ماشى يالا تصبح على خير
اسلام:وانتى من اهل الخير
مشى اسلا والهام طلعت فوق فرحانه بطريقته معاها فيها تفاهم وخوف عليها.
وائل كان ماشى وهو متضايق واتوعد انه يخلى مازن يندم على معاملته وضربه ليه ....وشيماء خسرت الفرصه اللى هتقربها من مازن اللى حبيتوا من اول نظره
عند رحمه.........
رحمه:متمشيش يامازن خليك
الاء:خليت ياماسن الحب محانا
مازن:مينفعش بكره هنروح الكليه يارحمه وهاخدك معايا افسحك بس بعد ماترسميلهم الرسمه اللى علمتهالك
رحمه:ماشى هرسمها احسن منك كمان
الاء:وانا مس هاتى معاتم
مازن:انتى عندك امتحان فى الحضانه وهنعدى ناخدك نفسحك معانا
الاء:ماسى ...متاخلوس حليا
مازن:حاضر يالا تصبحوا على خير
احمد :وانت من اهل الخير يابنى ويحميك
هبه:خلى بالك منها بكره
مازن:حاضر .....
صباح يوم جديد ملئ بالمغامرات والحب
مازن:عرفتى هتعملى ايه
رحمه:اه بس تعالى معايا
مازن:انا هقف استناكى هناوقدامك هتبصى تلاقينى
رحمه بحزن:انا خايفه
مازن :متخافيش اطمنى انا معاكى
رحمه :متمشيش
مازن:مش همشى والله ولو رسمتيها حلو هجبلك شوكولا وعروسه جديده
رحمه:امممم حاضر
دخلت رحمه الامتحان ورسمت النموزج وطلعت تنتظر نتيجه الاختبارمع مازن وجم قعدوا معاهم ميار ومروان ومازنراح جبلها عصير فراوله بس كان بيعملها حساسيه وهى صغيره وهو نسى لان لما كبرت حبتوا
مازن:احلى عصير لاحلى بنوته
رحمه:بس انا مش بحبه
مازن افتكر:اه بس مازن بيقولك طعمه حلو اوى حتى جربى ودوقيه
رحمه بتردد:طب اشرب شويه الاول
مازن:امممم اهو الله طعمه يجنن
رحمه مسكت الكوب وشربته وطلبت واحد تانى ومازن فرحان لان بطريقته بيكبرها فى السن وشربت وبصت على ميار ووطت على توشوشه
رحمه:هى البت دى لابسه كدا ليه
مازن:عشان هى كبيره وسايبه شعرها شكلو حلو
رحمه وهى رافعه حاجبها:حلو احلى منى
مازن:لا طبعا انتى احلى
ميار اتضايقت ومروان شال رحمه من تفكيره خالص لان شافها مسئوليه مش قدها وحط عينه على ميار
مروان:ميار تيجى نتمشى
ميار:هاااا.... يالا احسن الجو هنا ممل اوووى
مروان :يالا ....
رحمه:احسن انهم مشيوا رخمييين اوووى
مازن:هههههه انتى مش بتحبيهم
رحمه:الصراحه انا مش احبهم خالص
مازن:ماشى ياستى
رحمه:بس انا بحبك انت وبس يامازن
مازن وقد دق قلبه بسرعه:طيب يالا النتيجه ظهرت
رحمه طلعت تجرى زى الطفله والكل ضحك عليها ومازن ضرب كل اللى ضحك عليها وهى فضلت تضحك عليه عشان هو شجاع وقوى
رحمه:ههههههه انت سوبر مان
مازن:بتضحى عليا فرحتى لانى اضربت
رحمه:ههههههه انت حلو اوى
مازن:طب امشى بدل ماضربك
رحمه:
مازن:متخافيش بهزر
رحمه :طيب انا نجحت ولا راحت عليا العروسه
مازن:هروح اشوف تعالى يالا
راحوا وشافو النتيجه ورحمه كانت اعلى درجه وهى الوحيده اللى رسمتها بتعبر عن فكره فى المجتمع وهى الحب بس هما طلبوا انها تشرحها وهى متعرفش لا هى عملت زى مازن ماقلها وفضلت تعيط ومازن سكتها وقالها احكى عنى انا ايه حلو ولا وحش بتحبينى ولا لا ماشى احكى عن ماما وبابا وقد ايه بتحبيهم عن الاء اللى بتديكى لعبها عشان تبسطك ومتزعلكيش ماشى.
رحمه :...........
مازن:متخافيش يالا
رحمه وهى تشرح للدكتور .
الدكتور:معناها ايه رسمتك يارحمه
رحمه:الرسمه مازن اللى قالى عليها
الدكتور:طب بتعبر عن ايه ....تعبيرك هو اللى هيحدد نجاحك
مازن بلغه الشفايف :الاء ...ماما ....بابا....الهام ....وانا
الدكتور:بتعبر عن ايه
رحمه:عن اختى الاء اللى مبتزعلنيش وبتدينى حاجتها عشان اتبسط .....وماما بتحكيلى قصه عشان انم بالليل ....وبابا بيجبلى لعب ولبس كتير واجرى عليه احضنه والهام صاحبتى اللى بتذاكر معايا ونلبس شبه بعض .....ومازن بيجبلى شوكولا ويذاكرلى ويعلمنى ارسم ونروح الملاهى .....
الدكتور:
الدكتور اتفاجأ من ردها وشرحها للوحه برغم من ان مازن فهمه وضعها .......
الدكتور:بجد براااافو عليكى انتى شرحتى معنى الطفوله كويس جدا وبطريقه واقعيه......تعالى يا مازن لو سمحت
مازن:عجبك شرحها وتعبيرها
الدكتور:جدااااا.....ونتيجتها ممتاز ....يكفى بحالتها اللى انت عرضتهالى وهى كدا يبقا هى تستاهل بجد
مازن:شكرا يادكتور بجد انت انسان طيب
الدكتور:يابنى يكفيها انها بتحاول وربنا يشفيها
مازن:يارب يادكتور......عن اذنك ....يالا يارحمه
رحمه:هنروح عند الاء وبعدها نتفسح صح
مازن:ايوا صح يالا
رحمه:هييييييييييييه
مازن:اهدى احنا فى الكليه ......
وتقابلهم ميار ومروان .
مروان:بنتك عملت ايه
مازن:ها انت بتقول فيها
مروان:اصل متشعلقه فيك زى الميداليه
مازن:حاجه مفرحانى ملكش انت دعوه مش دى اللى كنت هتموت على كلمه منها
مروان :اه هى بس دلوقت تختلف ..وبعدين مالك محموق دانت حتى نفطت لميار عشانها
مازن:ميار اهى قدامك وعمرها ماحبتنى غير لشكلى ولما بتشوف غيرى زى وائل ....هنا ميار حطت وشها فى الارض ......مازن يكمل كلامه :بتنسااااااانى
ميار:انت فاهم غلط
مازن:ولا غلط ولا صح شوفى نفسك انتى مبقتيش تخصينى
رحمه:انتو بتتخانقوا على ايه ....يالا يامازن هنتاخر على الاء
مازن :عن اذنكم
ويسبهم ويمشى وتلفونه يرن
مازن:الووو.....كدا يعنى ....خلاص ماشى...سلام.....رحمه باباكى راح وخد الاء من الحضانه
رحمه بزعل :يعنى مش هتفسحنى
مازن:لا هفسحك متخافيش بس مش هنتاخر هوديكى مكان هتحبيه اوووى
رحمه:عايزه الملاهى
مازن:اسمعى كلامى ومش هتندمى وهجبلك شوكولا
رحمه:مااااااشى
مازن ورحمه راحول لمكان واسع وكله ورد وناس هاديه مكان مكان يريح الاعصاب رحمه اول مادخلت جريت على ورده حمرا لسه بتكبر
مازن:عجبتك اقطعهالك
رحمه:لا دى لسه صغيره سيبها تكبر
مازن:غريبه انتى يارحمه
رحمه بعدم فهم:
مازن:تعالى اقعدى اقولك حاجه
رحمه قعدت:...
مازن:انتى ينفع تكبرى وانتى صغيره كدا زى الورده
رحمه :مش فاهماك
مازن:يعنى انتى بقيتى تلبسى لبس اطفال كدا وبتعملى شعرك زى الاء
رحمه:يعنى وحشه
مازن:لا طبعا بس انتى بصى طلعى فستان من عندك
رحمه:قصدك اللى ف دولابى دا اللى ماما نسياه عندى
مازن:ايووووه اختارى حاجه حلوه وسيبى شعرك واستنينى بالليل هنروح الملاهى
رحمه:والاء هتيجى معانا
مازن:لا انا وانتى بس وهحضرلك مفاجاه
رحمه :ماشى بس الاء هتزعل
مازن:ملكيش دعوه بيها انا هحايلها
رحمه بفرحه :ماشى
مازن :طب يالا عشان اتاخرنا وهجيبك هنا على طول
رحمه:عشان اشوف وردتى وهو بتكبر
مازن:ههههه انتى وردتى
رحمه :اه انا ورده مازن
مازن مبتسم وفرحان بالوقت اللى بيقضيه مع رحمه وبيستنى الوقت اللى هيقضيه معاها روحها البيت وهو كمان روح بس لقا مفاجأه فى البيت.
مازن:اهلا يابابا عامل ايه
والد مازن:احنا حد بيشوفك عشان تعرف اخبارنا
مازن:مالك يابابا بتكلمنى كدا ليه
والد مازن:مروان كلمنى وقالى انك بطلت تحضر محاضرات والامتحانات عالابواب ومش وراك غير العيله اللى داير بيها وناسى نفسك
مازن:مروان....يابن ال......... بابا رحمه تعبانه وانا بساعدها مش اكتر وهى مش هتضرنى ولا حاجه انا عارف مصلحتى
والد مازن:مفيش الكلام دا ....انا لو وصلنى كلام انك بتشوفها وماشى بيها هكلم ابوها يبعدك عنها.
مازن:بلاش الطريقه دى يابابا
والد مازن:انا خلصت كلامى ودا اللى عندى وانت حر
مازن:بس يابابا ....
والد مازن كان مشى وسابوا ومازن محطش كلام ابوه فى دماغه واعتبروا تهويش واستحلف لمروان ومش هيعديهالو.
بالليل راح مازن ياخد رحمه واستأذن من بابابها واتفاجأو بيها وافتكروها خفت .....
والد رحم:رحمه .......
حبيبتى انتى اللى عملتى كدا
رحمه كانت لابسه فستان ابيض قصير وبكت ومرسوم عليه ورد احمر صغير ولابسه جزمه حمرا كعب وعامله شعرها ديل حصان ورفعاه ف نص شعرها ...
رحمه:لا يابابا انا قولت لماما عايزه ابقا كبيره زيك راحت عملتلى
هبه :لقيتها بتقولى هخرج انا ومازن وعايزه ابقا كبيره زى ميار عشان ابقا احلى منها ههههه
مازن متفاجئ وفرحان:طيب عن اذنكوا
رحمه:عن اذنكوا مازن هياخد وردته ويمشى
هبه :ورده ايه
رحمه :انا ورده مازن ...صح يامازن
مازن اتكسف جدا مكنش فاكرها هتفضل فكراها وكمان تقولهالهم دلوقتى يتصرف ازاى ولا يعمل ايه
مازن وهو محرج :طيب عن اذنكوا عشان اتاخرنا
احمد:انتو هتروحوا فين
مازن:هنتمشى دا بعد اذنك .....ونروح عالنيل شويه
احمد:بس متاخروش يامازن
مازن :حاضر
مشى مازن وساب احمد وهبه فرحانين باهتمامه ببنتهم اللى كلو بعد عنها من ساعه ماتعبت ومحدش سأل فيها
هبه :انت شايف حاجه فى مازن
احمد:اكييييد دا بيفكرنى لما كنت بهتم بيكى
هبه:ربنا يجعلوا نصيبها ويجعل شفاها على ايده
احمد:يارب هو واد جدع وراجل
عالنيل .....
كل اللى ماشى بيعاكس رحمه وهى تضحك ضحكه اطفال وبرائه تخلى اللى بيعاكسها يضحك ....
مازن:انتى كل اللى يكلمك تضحكى
رحمه:ههههههههههه بيقولولى انتى حلوه وقمر ...هههههه
مازن:هههههههه انتى بتضحكى يامصيبه والله اضربك دول بيعاكسوكى
رحمه:بيعاكسونى ليه انا عملتلهم حاجه والله ماقصد اخليهم بيعاكسونى
مازن:بيعاكسوكى دى مش حاجه وحشه انتى عملاها
رحمه:طيب خلاص خليهم بيعاكسونى
مازن:ههههههههه افهمك ازاى بس ...بصى بيعاكسوكى دى يعنى انتى حلوه وهما ......مش عارف اوصلهالك ازاى ..
رحمه :انا مش فاهمه حاجه خاااالص
مازن:بصى اللى يعاكسك تبصيله بقرف
رحمه:بقرف ازاى
مازن:يعنى تبصيله من فوق لتحت ومن تحت لفوق
رحمه:خلاص ماشى
ولسه بيتكلم واحد عاكسها
الشخص:اه ياحلو انت يا ابيض ياعرسى
رحمه بتنادى عليه :خد تعالى هنا
الشخص اول مايجى رحمه تبص عليه من فوق ف عنيه وبعدها تنزل تبص عند رجليه ومن رجليه لعنيه لشعره بصت عالراجل كله
الشخص :انتى بتبصى على لبسى وشكلى كدا ليه
رحمه:انت مش بيعاكسنى
الشخص:انا لا لا لا
رحمه:انت بيعاكسنى وانا بصتلك من تحت لفوق ومن فوق لتحت
الشخص :انتى عبيطه ولا ايه ولا شاربه حاجه
مازن:اتكل على الله ياعم ......
الىاجل مشى ومازن مبطلش ضحك على رحمه
مازن:ههههههههههه انتى فتشتى الراجل ليه كدا
رحمه بزعل:انت قولتلى اللى بيعاكسنى ابصله من فوق لتحت
مازن:ههههههه اه بس مش تجبيه من فوق لتحت
رحمه:خلاص انا زحلانه منك
مازن:خلاص الله مش هضحك انا اسف
رحمه:خلاص ماشى مش زعلانه
مازن يضحك تانى:ههههههههههه شكلك كان مسخره
رحمه تسيبو وتطلع تجرى وهو يجرى وراها ويقعدها فى الجنينه ...
مازن بينهج :خلاص والله اسكتى متجريش وانا مش هضحك
رحمه:انت مش بيعاكسنى ليه
مازن:انتى اللى بتضحكينى اهو هههه
رحمه:
مازن:متزعليش عايزانى اعاكسك
رحمه:ايوا
مازن:اه ياسافله
رحمه بعدم فهم :ايه
مازن يمسك ايدها الاتنين :بصى انتى يارحمه وردتى اللى هحافظ عليها ومش هخلى حد يقطعها وهسيبها تكبر وتكبر وانا اللى ههتم بيها .......
رحمه:مش كدا
مازن:هههههه يالا نروح عشان ممكن اتهور وانتى حلوه كدا
رحمه :هييييييييه مازن بيعاكسنى ....مازن بيعاكسنى
شخص ما:فى حاجه يا انسه
رحمه بصوت عالى :مازن بيعاكسنى .....مازن بيعاكسنى
واحنا كمصريين مبنسكتش وهووووووب اضرب فى مازن
ياحرااااااام يا مازن ههههههههههه
مازن مسك ايد رحمه بعد القلمين وقدر يهرب منهم
مازن:تعرفى تجرى
رحمه:ايوه
مازن :طب اجررررررررررررى
فْـٌـ💤ـِاصـّل 🎶
ـــ ـــ ـــ ـــ
ـــ ـــ ـــ ـــ ـــ ـــ ـــ ـــ ـــ ـــ ـــ ـــ
مازن ورحمه بعد ماطلعوا يجروا وصلوا لمكان هادى .....
مازن:واخيرا خدت نفسى ياااه
رحمه:هما ضربوك ليه
مازن:بسببك ياختى
رحمه وهى ببرايئتها :انا مش عملت حاجه
مازن:ياختى عالبرائه انتى هتقوليلى دا لولا هربنا كان زمانى ميت وبتتشاهدى عليا
رحمه:والله انا مش عملت حاجه يامازن
مازن:طب خلاص متزعليش طيب
رحمه:مش زعلانه ....هتودينى الملاهى
مازن:لا اتاخرنا وانا عندى مذاكره ومش هينفع
رحمه:
مازن:متكشريش .....ياربى عالاطفال بيزهقوا .....
رحمه انتى كبيره ولازم تسمعى الكلام ومش كل حاجه تزعلى كدا....
رحمه:حاضر
مازن:عسل وانتى هاديه ....مش شويه كنتى ههههههههه
رحمه:متضحكش
مازن:خلاااااص يالا عشان باباكى
مشيوا رحمه ومازن وعدت الايام على الحال نفسو رحمه متعلقه بمازن جدا ومازن بقت رحمه عنده امر مفروغ منه لازم تكون موجوده فى حياته وبيتجنب باباه خالص عشان المشاكل.
وجت الامتحانات ودخل مازن ورحمه ومازن عرف رحمه نماذج تحل عليه كانت تجارب مش اكتر واهى محاوله يانجحت يافشلت مش هتفرق حاجه لو فشلت بس لو نجحت هتفرق كتير.....قضى مازن وقت الاجازه مع رحمه والاء فى البيت وفى الملاهى ومكانهم المفضل بتاع ورده رحمه وعالنيل وتتعاكس رحمه ومازن يضرب وجا وقت ظهور النتيجه.
يوم ظهور النتيجه .....
مروان:الحمد لله نجحنا ياميار
ميار:الحمد لله انت عارف وعدتنى بايه لما ننجح
مروان :وانا قد وعدى !!!!
ميار:
مروان:مازن عرف ان نجح ولا لا
ميار:مبكلموش مانت عارف
مروان:ياترى رحمه دخلت الامتحان ولا لأ
ميار:ماهتمتش اعرف اصلا
مروان :انا هعرف
مازن:مبرووووووك يارحمه نجحتى
رحمه:هييييييه وحضنت مازن وهو شالها ولف بيها وسط الكليه ونسى نفسه من فرحته واتفاجأ بالطلبه حوليه وبيتفرجوا عليهم
مازن اتكسف جدا ونزل رحمه ورحمه مكنتش مهتمه بحد وراحت شدته من ايده ومردتش عليه وراحت بيه عند مكانهم المفضل وشافوا الورده كبرت وبقت جميله ومتفتحه كانها فرحانه لفرحه رحمه ....رحمه مشكتها وميلت عليها.
مازن:اوعى تقطعيها
رحمه:مكنتش هقطعها دانا بشمها عن قرب .....بس انت ليه مش عايزنى اقطعها انت اول مره كنا هنا كنت عايز تقطعهالى
مازن:بس هى بتفكرنى بيكى ....وانا عايزه تعيش معاكى ونفضل كل مانيجى هناا هى كمان تكون موجوده ..
رحمه بتبتسم :طيب يالا نروح نفرح الاء وبابا وماما
رحمه ومازن مشيوا ورحمه ماسكه فى ايده معتبراه بابها اللى مش ممكن تبعد عنه ابدا .....
وصلت رحمه ومازن لبيتهم وبابها شكر مازن على اللى عملوا مع رحمه وان لو ليه اخ مش هيستحملها كدا ....مازن الكلمه نزلت عليه زى البركان هو مش عايز يكون ليها اخ بس هيقول ايه هو مش فى ايده حاجه.
مازن:لا انا معملتش حاجه رحمه تفكيرها كبير حتى لو تصرفاتها طفوليه بس هى بتستوعب وبتفهم زينا بالظبط
احمد:النهاردا هوديها للدكتور واعرفوا ان حالتها ف تطور واللى وصلت ليه
مازن:كان نفسى اجى مع حضرتك بس هستنا بابا يجى من الشغل وافرحه هو وماما
احمد:ولا يهمك يابنى وائل ابن خالتها جا من السفر وهيجى معايا
مازن وهو يجز على اسنانه :هو كان مسافر
احمد:سافروا كلهم دبى عشان امتحانات شيماء وجم امبارح
مازن:اه ماشى عن اذنك
رحمه:هتروح فين يامازن
مازن:ماشى ....وطلع لبرا ورحمه طلعت وراه
رحمه:اقعد معانا شويه صغيرين
مازن:مش هينفع .....رحمه اطلب منك طلب وتنفذيه
رحمه:اه انا كبيره وبسمع كلامك
مازن:ايووا شاطره ....بصى انتى متكلميش اى ولد خالص غير مازن ممكن
رحمه:ولا حتى بابا
مازن:لا بابا عادى وانا عادى بس اى حد تانى لا
رحمه:حاضر ....هتيجى بالليل
مازن:لا هشوفك بكره ونروح عالنيل واعاكسك
رحمه :ههههه ماشى
مازن:يابت مترديش كدا
رحمه:ارد ازاى
مازن:اتكسفى كدا وميلى وشك فى الارض بس مش فى الارض يعنى تحطيه ف الارض اصل انا عارفك ههههههههه
رحمه:لا رحمه بتعرف تكسف اوريك
مازن:ورينى
رحمه ضحكت وحطت ايدها على وشها وخبت عينها وطلعت تجرى على جوا
مازن:ههههههعه والله عسل وبتكسف
مشى مازن وسمعته هبه وفرحت جدا لبنتها لان فى حد بيحبها كداااا
مازن اول مادخل البيت شاف ابوه مستنيه وقاعد ......
مازن فى سره:اكييييد فى مصيبه
والد مازن:اهلا اهلا بالغالى
مازن:اهلا يابابا .....ايدك على 200جنيه حلاوه نجاحى
والد مازن:قصدك خيبتك
مازن :وليه بقا الكلام دا
والد مازن:انا قولتلك ايه وانت مسمعتش
مازن:قولت ايه مش فاكر
والد مازن:انت هتستعبط ياولد ....انا مش قولت ملكش دعوه برحمه دى خالص
مازن:وانا قولتلك ان مش هبعد
والد مازن:يبقا انا حذرتك وانت مسمعتش الكلام وانا هعمل باللى قولت عليه
مازن:يابابا......
والد مازن:ولا كلمه خلاص انت عملت اللى عندك وانا هعمل اللى عندى
والد مازن:انا حذرتك وانت مسمعتش واللى عندك عملته وانا اللى عندى هعمله
مازن:بس يابابا
والد مازن:خلاص مبقاش ينفع معاك الكلام
والد مازن مشى وساب مازن فى افكاره وياترى ممكن يعمل ايه باباه
والد رحمه :ايه ......لا عادى .....من حق حضرتك طبعا انك تعمل كدا .....خلاص ماشى ....سلام بعد اذنك
هبه :كنت بتكلم مين
مازن:دا والد مازن بيكلمنى عشان ابعد مازن عن رحمه نهائى عشان يشوف مذاكرته ومصلحته ومينفعش يبقا ماشى برحمه كدا ف كل مكان عشان سمعته
هبه:سمعته ايه دا راجل وميتخافش عليه.
احمد:هو خايف على سمعته هو عشان محدش يتكلم عنه ويقوله ابنه مصاحب مريضه وماشى بيها
هبه :ياااااه عالناس ....طب وبعدين ورحمه ....انت متسمعلوش وملكش دعوه بكلامه المهم مازن
احمد:مينفعش الراجل بيتكلم بذوق .....وبيطلب باحترام وانا اقلل منه ومسمعش وانفذ طلبه
هبه :بس رحمه هتتعب احنا ماصدقنا انها خفت
احمد:خليها على الله احنا مش فى ايدينا حاجه
هبه :يارب انت المعين ....ساعدها تخف
عند الدكتور.......
الدكتور:لا لا داحنا اتحسنا خالص وجابت ممتاز كمان
احمد:اه يادكتور الفضل كله لمازن اللى ساعدها
الدكتور:دا عمل معجزه الواد دا
احمد:ربنا يباركله
الدكتور:يارب ....احنا هنكتبلها دوا يساعدها على النضوج والتذكر وتمشى عليه والمره الجايه تيجى معاك
احمد:خلاص ماشى باذن الله
وائل :عمى انا كنت عايز اكلمك فى موضوع
احمد:اتفضل يابنى
وائل :انا عايز اتجوز رحمه
احمد:انت عارف بتقول ايه
وائل :اه عارف ومستعد استحملها واساعد فى علاجها
احمد :هفكر وارد عليك
وائل :اتمنى توافق
احمد :ربنا يقدم اللى ف الخير
وائل :يارب
يدخل احمد ووائل البيت ويتفاجأ احمد بوجود مازن ويضطر للموافقه على زواج رحمه من وائل لكى يبعد رحمه عن مازن وايضا ليضمن لها حياه زوجيه مستقره فوائل يعرف مابها وهو من طلب الزواج.
احمد :اذيك يا مازن
مازن:الحمد لله ياعمو .....اذيك ياوائل
وائل :الحمد لله
وائل :يالا ياماما ...يالا ياشيماء
شيماء:خلينا هنا شويه
رباب :اقعد شويه عشان اختك
احمد:عايز اقولكم حاجه ياجماعه
الكل:اتفضل
احمد:انا عايز اقولكم ان وائل طلب ايد رحمه منى وانا وافقت
وائل:بجد ياعمى
رباب:لوووووولى يالف نهار ابيض يالف مبرووووك
هبه:
شيماء:مبروووك ياوائل
مازن: بس رحمه عقلها مش هيستوعب فكره الجواز
احمد:انا ابوها وعارف مصلحتها
مازن بحرج:اكييييد طبعا
هبه:مازن معاه حق
رباب:ايه ياهبه انتى مش موافقه دى امنيتنا وربنا حققها
هبه :بس لما بنتى تخف الاول
رباب:هتخف يعنى هى هتفض كدا انا زى امها واشلها ف عنيا
وائل:لو قلقانه ياخالتى نعمل خطوبه والجواز لما تخف بس ابقا عارف انها ليا
هبه وهى تنظر لمازن: اللى يشوفه ابوها
احمد:وانا شوفت والخطوبه يوم الخميس
وائل :ربنا يخليك ليا ياعمى ممكن اخد رحمه ونطلع نتمشى
احمد لسه هيرفض بس افتكر كلام والد مازن
فلااااااااش باك
والد مازن:انا والد مازن .....ارجو من حضرتك انك تبعد مازن عن بنتك رحمه دا رجاء منى ليك واتمنى تبعدهم عن بعض عشان انا معنديش غيره ومش عايز حد يتكلم عننا بنتك انت اهتم بيها هو مش دكتور ....
رجوع للوااااااقع ...........
احمد:ماشى خدها بس عاملها بلطف
وائل :من عنيا.......روحى ياشيماء لبسيها حاجه اير البيجامه وهاتيها
شيماء:نروح معاكم ومش هنرخم
وائل ينظر لمازن :تعالو وانت كمان يامازن تعالى معانا
مازن ينظر لرحمه :اكيد هاجى
احمد شاف نظره التحدى بين وائل ومازن وقرر انه يعمل حاجه بس مش النهاردا ......يوم الخطوبه.
عالنيل ......
وائل :اجبلك ترمس يارحمه
رحمه:لا هو فين مازن
وائل :بيلعب مع شيماء والاء
رحمه:طب وانا
وائل :هو مش بيحبك مش عايز تلعبى معاه
رحمه:لا انت كداب
وائل :مش كداب اوريكى بنفسى
رحمه :اه ورينى
وائل :تعالى معايا ....وقوليله تعالى نمشى سوا وهو مش هيوافق
رحمه :هيوافق
وائل :بس لو موافقش متكلموش تانى عشان هو مش بيحبك
رحمه:ايون
رحمه:مازن تعالى امشى معايا انا وسيب الاء
الاء:لا مس هيثلنى انا مثته(مسكته) الاول
رحمه بعيون دامعه:تعالى يامازن
مازن لسه هيروح وقفه وائل باشاره انه مش من حقه وانها ملكه هو ومش هيسبهالو .....
مازن:انا مش هينفع اسيب الاء مع شيماء لوحدهم
رحمه :هيبقا معاهم وائل
مازن:لا خليكى انتى مع وائل وانا همشى معاهم .....يالا يالاء
سابها مازن ومشى محاولش يبص وراه مش فى ايده حاجه يعملها شايل ف قلبه الحزن ......
شيماء:مالك يامازن انت زعلان ليه
مازن:لا مش زعلان ولا حاجه
الاء:لاحمه زحلت ياماثن
مازن:وائل هيصالحها
وصلو البيت ورحمه دخلت مكلمتش مازن وهو خد باله من كدا ووائل بيبتسم ابتسامه انتصار وشيماء محتاره من تص فات مازن والاء نااااااامت
مشى وائل ومازن ورباب وشيماء وكل واحد وصل بيته.
واحمد بيكلم رحمه عشان موضوع الخطوبه .....
احمد:ايه رايك فى نطلع نتمشى انا وانتى
رحمه :وتجبلى شوكولا
احمد:اكيييييد
رحمه :يالا
طلعوا وهما ماشين عالنيل رحمه ......
رحمه:انا مش هكلم مازن تانى ومش عايزه اشوفه
احمد:ليه
رحمه:عشان هو مش رضى يمشى معايا النهاردا لما قولتله يمشى معايا واسيب وائل
احمد:طب وهو وائل وحش
رحمه:لا هو حلو عن مازن
احمد:يعنى هتصاحبيه هو وتسيبى مازن
رحمه:ايون
احمد:طب ايه رايك نعمل حفله ليكى ولوائل ويجبلك هديه حلوه وشوكولا وخاتم تلبسيه
رحمه بفرحه:هيييييه ماشى
احمد:وتلبسى فستان جديد وتبقى كبيره
رحمه:كبيره زى مامازن قالى
احمد:ايوا
رحمه :مااااشى
يوم الخطوبه
رحمه تنزل الجنينه بتاع البيت لابسه فستان دهبي وصبغت شعر
