رواية أحببت طفله الفصل الثاني
 |
وائل:ها بقا جبتيلى ايه فى عيد ميلادى
رحمه:ههههه انت مش مكفيك كل الهدايا دى وعايز هديه منى
وائل:انتى بت تكسفى الواحد ومش عايز منك حاجه جاتك داهيه فى حلاوتك
رحمه:هههههههههه خلاص متزعلش تعالى معايا.
واخدته رحمه ودخلت بيه جوا القاعه وصقفت واول ماصقفت انطفى الانوار واتسلط الضوء على اللوحه اللى رسمتها رحمه لوائل والكل اتفاجأ من حركتها والدها ووالدتها ومامت وائل وشيماء وحتى الاء وميار اتضايق لان رحمه مقالتلهاش انها هتعمل كدا ومازن حس قد ايه حلو الاهتمام فى الحب واتاكد ان مشاعره مكنتش حب وان ميار عمرها ماحبته ومروان استحلف لرحمه انها عمرها ماهتكون لوائل والانانيه سيطرت عليه.
رحمه :كل سنه وانت طيب .....ايه رايك فى هديتى
وائل :بجد اجمل واحلى هديه جتلى فى حياتى كلها ومش هيجيلى اجمل منها
رحمه:ههههههه يعنى رسمى حلو
وائل:جميييييل جدا وبتلقائيه مسك ايدها وباسها ودى كانت عباره عن انه بيقولها بحبك بس من غير كلام ورحمه كانت نفسها تترمى ف حضنه وتقوله بحبك بس هى اصلا مش مصارحه نفسها بمشاعرها بس مسير المستخبى يبان.
هبه:امممم ذوقك حلو اوى وفكرتك جميله
رباب :طلعتى مش سهله يابت
الاء:انا تمان ثاعدتها وتولتلها نعمل تدا زى اللى فى الافلام
وائل:ههههه انتى عندك كام سنه يابت انتى
الاء:انا عنتى تشعين شنه يابنى
ضحك الجميع وكانت ليله مليئه بالحب والمرح والمشاعر الكامنه بالقلوب
بعد مرور اسبوووووووع
ميار:رحمه انتى متاكده من اللى بتقوليه
رحمه:اه انا متاكده وفى خلال الاسبوع اللى فات دا اتاكد من مشاعرى انا بجد بحب وائل
ميار:انا قولتلك كدا ومصدقتنيش
رحمه:صدقت واتاكد انا نفسى اقووووول بحبك ياوائل
ميار:بس على فكره فى مشكله
رحمه:مشكله ايه
ميار:هتعملى ايه مع مروان
رحمه:وماله مروان بقا انشاء الله.
ميار:انتى عارفه انه بيحبك وانتى بتتجلهليه ومن الاول انتى كنتى معجبه بيه
رحمه:اديكى قولتى مجرد اعجاب وفى الاخر اكتشفت انه مش حب وبعدين هو مفهوش حاجه تشد غير شكله وبس وحب الشكل مش بيدوم المهم الروح والقلب يحب القلب.
ميار:انتى بتتكلمى ولا اللى هو كان حب طفوله وانا معرفش
رحمه :هههههه انا فعلا زى ماكون كدا وبعدين انتى اكتر واحده عارفه يعنى ايه حب
ميار بغيره:اه اه صح
رحمه:يالا اسيبك عشان خارجين النهاردا رايحين المتحف وهفرج وائل على مصر كلها
ميار:خارجه انتى وهو بس
رحمه :اممممم اه هو اقترح عليا وانا وافقت يالا باااااى
رحمه مكنتش خارجه مع وائل ولا حاجه بس كانت بتتاكد من حب ميار لمازن واتاكد انها مبتحبوش وان ميار متضايقه من حب رحمه لوائل بس الاكيد فى كلامها انها فعلا بتحب وائل...
هبه :بس انا حاسه ان علاقتهم ببعض قلبت بحب
رباب :اه فعلا يارب يكونو من نصيب وائل
هبه :انا متاكده باذن الله
الاء :ماما انا حايسه اتولت حاته
هبه:قولى يام نص لسان
الاء:بثى اتولت حاته بث هاتى عسه تنيه
هبه:لو كلامك يستاهل هديكى
الاء:حارفه ان لاحمه وهى نايمه تانت بتحلم بوائل وبتول بحبت ياوائل
هبه:بتكلمى بجد
الاء:اه والله يامامتى انا مس بكتب
هبه :امووووووا وخدى 5جنيه اهى
الاء:اخ يامام وربنا انتى تتدابه
هبه :انا كدابه ياجزمه طب يالا غورى من وشى
الاء:انت عالصالم يالبنا(ياربنا)
هبه:يالا يام نص لسان
الاء:الله يسامحت
وبعد مامشيت الاء هبه قالت لرباب سمعتى واتفقت هى ورباب انهم يقربهم من بعض ........
وائل دخل عند مامته وقالها انه جاب شقه يسكنوا فيها عشان قعدتهم هتطول ورباب اصرت انهم يمشوا مع ان هبه قالتلها تفضل بس وائل قال كدا احسن عشان ياخدوا راحتهم وهو كمان هينزل شغل فى المصنع بعد افتتاحه ....
عدت الايام ويوم عن يوم بتقرب رحمه من وائل وبتبعد عن ميار لان وائل نصحها بكدا وهى مرتاحه بقربها منه ومفتقده قعدتهم سوا فى البيت.
فى يوم كانو ماشيين ميار ورحمه من ناحيه المصنع واقترحت ميار انهم يفوتوا يسلموا عليه رحمه رفضت بس مع اصرار ميار راحوا.
وائل :اهلا اهلا شرفتى يا جميله الجميلات
رحمه بكسوف :ربنا يخليك استنيتك مجتش امبارح ليه
ميار:احم احم انا موجوده ع فكره
وائل :اذيك يا ميار ايه القمر دا ..... هو كان بيشوف ميار هتغير ولا لأ
ميار بمياصه :ميرسى اوى يا وائل
وائل بقصد :وائل حلوه منك اوى
رحمه بغيظ :طب عن اذنك هنمشى.
وائل بابتسامه:اقعدوا شويه يارحمه ع خاطرى
ميار:خلينا يا ريرو والنبى شويه
رحمه:هنتاخر عالمحاضره
ميار:خلاص روحى وانا مش هحضرها انا مش بحب دكتورها اصلا
رحمه:والله طيب عن اذنكم
وائل :خلاص ياجماعه ......قاطعته رحمه وسابتهم ومشيت ودموعها على خدها
لاول مره تحس بوجع قلبها ندمانه من جواها على حبها ليه ازاى يبعدها عنها وهو نفسه بيقرب منها زيه زى باقى الولاد انا خلاص من هنا ورايح المعامله رسمى
وبعد مامشيت رحمه وهى موجوعه دخلت كليتها وهى متجاهله اى حد ينادى عليها وبتحبس دموعها
وبتقول فى نفسها :ليه اول ماحب حد احب الانسان الغلط ليه ....وليه بعدنى عنها ولما هو شايفها مش كويسه بيقرب هو منها ليه .
.......:ررررررحمه
رحمه تنظر ورائها :هااااا نعم
مازن:ايه يابنتى بنادى عليكى ومش بتردى ليه
رحمه:اه مانا تعبانه شويه
مازن:الف سلامه عليكى اجبلك مسكن
رحمه:شكرا يامازن.
مازن:شكرا على ايه يابنتى انتى عبيطه
رحمه:ههههه طول عمرك لسانك طويل
مازن:والله لولا الجامعه وان محافظ على انوثتك لكنت ضربتك
رحمه:ولولا انى محافظه على انوثتى اصلا انا كنت ضربتك
مازن:هبله
رحمه:عبيط وبتطلع لسانها
مازن:والله طفله وتصرفاتك كلها اطفال
رحمه:ياريتنى لسه طفله
مازن:والله طفله واحسن من 100طفله
رحمه بكسوف:طب يالا اسيبك انا عشان المحاضره
مازن:ماشى يالا اشوفك بعد المحاضره متاخريش
رحمه:اوك وهاتلى عصير الفراوله بتاعى
مازن:طفله طفله يعنى
رحمه وهى تطلع له لسانه :امممم
مازن:يالا يابت انتى لاضربك
رحمه:ههههههههههه رخم
طلعت رحمه تحضر المحاضره ونسيت خالص انها كانت موجوعه خالص وكانت مستنيه تخلص محاضرتها عشان تطلع لانها زهقت لوحدها ........
..........فى الكافيتريا
مازن:انتى كنتى فين ....مشفتكيش مع رحمه
ميار :اتاخرت بسبب الزحمه والعربيات
جت رحمه وسمعت ان ميار بتكذب واستغربت لكدا خالص
مازن:اتفضلى عصير الفراوله بتاعك موصى عليه من ساعه
رحمه بابتسامه:متشكره اوى
مازن:بت من امتا الادب دااا
رحمه:ياد اتلم
مازن : بتشربيها ليه انا جايبها لرحمه
ميار:اووووه كنت عطشانه اوووى سورى يارحمه
رحمه :عادى ولا يهمك عن اذنكم هسيبكم مع بعض واروح المكتبه
ميار:اوك
مازن:استنى يارحمه هاجى معاكى
ميار:وهتسبنى لوحدى
رحمه:خلاص ياجماعه انا هروح لوحدى
مازن:انا عندى بحث تساعدينى فيه يا رحمه
رحمه:اكييييد دانت استاذى ومحببنى فى الرسم
مازن:ههههه طب يالا عشان هنتاخر
رحمه اتجاهلت ميار لانها لاحظت انها عايزه تاخد كل حاجه بتاعتها وانها مبتحبهاش.
خلص اليوم وروحت رحمه البيت وهى متناسيه خالص وائل او بمعنى اصح مش حابه انها تفتكر .وافتكرت لما مازن بيضربها بالكتب وان مكنش فى بحث ولا حاجه وابتسمت ...
وبالليل وهى قاعده جرس الباب رن وكانوائل واول مادخل سلم عليهم كلهم وهى سلمت عليه بس تجاهلت الكلام معاه خالص وهو لاحظ كدا وعشان يلطف الجو طلب انهم يخرجوا كلهم وهبه طبعا اصرت على رحمه وطلعوا كلهم وراحوا الحديقه العائليه اللى فى منطقتهم واتقسموا على عربيتين احمد وهبه ورباب سوا والاء وشيماء ووائل فى عربيه وائل.
الاء:يا وائل تحالا محايا
وائل :هنروح فين
الاء:التب الزحليته
وائل :طيب بس بشرط
الاء:شلط ايه
وائل:تنادى على رحمه وقوليلها هى انها تركبك الزحليقه
الاء:ماسى بس هات عسه تنيه
وائل:يالا يابت يا انتهازيه
الاء:انا نهاسيه الله يسامحت
وائل :روحى بقا واجبلك اللى انتى عايزاه كلو
الاء:تلو تلو
وائل:اه كلو كلو
الاء:يا لااااااحمه تعالى لحبينى
رحمه :طيب بالراااحه بتزعقى ليه
الاء:انا زحقت حلام حليتى
رحمه :حرام عليكى انتى
الاء راحت تلعب وفى صوت من ورا رحمه ....
وائل:مخاصمانى ليه
رحمه:وهخاصمك ليه انت عملت حاجه
وائل :اه انا عملت بس كنت بغيظك مش اكتر
رحمه:وتغيظنى ليه
وائل :عش .....ع ......اااا.....نااا.....
رحمه:عشان ايه
وائل :عشان بحبك
رحمه :واللى يحب بيجرح
وائل :اجرح وانا حرحتك يارحمه.
رحمه:اه جرحتنى لما تتصرف بالطريقه دى عشان تعبرلى عن حبك يبقا جرحتنى كان ممكن بدل ماتخلينى انا اغير منها تخليها هى تغير منى وبدل مان اللى اتضايق هى اللى تتضايق انت حبتنى بطريقه غلط واللى بيتبى على غلط بيكبر فى غلط وانا مش عايزه الحب دا.
وائل :يعنى بترفضينى
رحمه:انت ابن خالتى ومفيش اكتر من كدا
وائل:بس انا والله ماغلطت انا حبيتك وكنت عايزك تفضلى معانا بس مشيتى
رحمه:كان ممكن تيجى ورايا لو انت فعلا بتحبنى بس انت مهتمتش كنت متوقعاك تيجى ورايا استنيتك قدام المصنع ربع ساعه عشلن تطلع بس انت مطلعتش
وائل:رحمه ....ااانا
رحمه:متقولش حاجه انت بالنسبالى منكرش انه مجرد اعجاب بس حب لاأ وعلى فكره انت كمان محبتنيش انت بس اندمجت معايا وزاد اعجابك بيا ويوم بعد يوم اتعودت عليا بس مش اكتر
وائل:انا اسف يارحمه وهصحح غلطى دا واثبتلك حبى
رحمه:متحاولش عشان انا عمرى ماهعيد تفكيرى بالنسبالك
وائل:بس....
رحمه:عن اذنك وانت ابن خالتى وبس وانا بنت خالتك مش اكتر
وائل :اكيييد
رحمه :يالا يا الاء عشان اتاخرنا على شيماء
الاء:حاطر استنى سويه
رحمه:انا قولت يالااااا.
الاء:لو انا تنت اختت التبيره ...تتن سبتت والله
رحمه:طب بضلى لماضه ويالا
شيماء:يالا ياجماعه سيبنى لوحدى والباقيين مشوا
وائل:يالا عشان تركبوا معايا الجماعه مشوا وبيبص لرحمه
رحمه:ماشى يالا
الاء:انت لسه عند تلامت محايا
وائل بابتسامه :لسه يالا
وبعد مامشيوا وائل ورحمه وشيماء والاء..
حاولت رحمه تنام بس كل ماتغمض عينها تفتكر لما وائل قالها انه بيحبها ...
رحمه فى نفسها:قد ايه كنت مستنيه اسمعها منه ....يارب ياترى انا صح ولا غلط ....بس انا حبيته ولا كنت موهومه بحبه ..يارب انت عالم بحالى اعملى الخير ومتعلقش قلبى بمشاعر كدابه .
قضت رحمه يومها تفكير ومنامتش غير ساعات قليله جدا وتانى يوم نزلت كليتها لقت وائل مستنيها
وائل:صباح الفل اتاخرتى ليه كدا
رحمه :وائل ....ايه موقفك كدا
وائل:ولا حاجه بس قولت اصبح عليكى قبل ماسافر
رحمه:تساااافر
وائل:اه هسافر عشان مش هقدر طول مانتى قدامى محبكيش وانتى رفضتى حبى
رحمه:وائل انت غالى عندى واوى كمان ومش معنى انى رفضت يبقا تسافر وتسبنى
وائل:سامحينى واقبلينى وانا افضل ومشافرش
رحمه:مينفعش اقبل انا اصلا دلوقتى مش متاكده من مشاعرى
وائل:نحاول او اعتبريها لعبه
رحمه:هو الحب لعبه
وائل:بصى يارحمه انا والله محتاجك جمبى وبحبك اه كان تفكيرى ان وصلك حبى غلط بس انا مكنش قصدى
رحمه بتفكير:امممم لعبه
وائل:اه مجرد تجربه عرفتى تسامحينى ونكمل ماشى معرفتيش هبعد واسافر
رحمه بتفكير:امممم اوكى
وائل:بجد وافقتى
رحمه:اه بس عندى شرط
وائل:انتى تؤمرى والله
رحمه:الامر لله .بس وقتك معايا هو شهر واحد مش اكتر
وائل:وانا موافق
وائل:اسمحيلى اوصلك عشان اخرتك
رحمه:ماشى ياسيدى
وائل :اتفضلى ياحبيبتى
رحمه:بلاش الكلام دا الحب مش كلام الحب افعال
وائل:الحب كلام وافعال وسبينى اعبر عن حبى بطريقتى
رحمه :طب يالا عشان اتاخرت
وائل بيفتح باب العربيه:اتفضلى يا برنسيسه
رحمه بابتسامه:شكرا
مشيت رحمه ووائل ووصلت الجامعه وسلم عليها ومشى وشافهم مروان وميار كانت متغاظه جدا وعرفت ان وائل بيحب رحمه اما مازن فكان قلبه وجعه لما شاف رحمه مبتسمه وقال ربنا يسعدها هى تستاهل ......
رحمه دخلت واول مادخلت عينها بتدور على مازن وهى مش عارفه ليه واول ماشفته راحت عنده
رحمه:اذيك يامازن
مازن :ازيك ياروما
رحمه:يااااه انت لسه فاكر
مازن:اه طبعا ودى ايام تتنسى
رحمه:لا ياريت نرجعها تانى
مازن:ياريت كانت هتتغير حاجات كتير
رحمه:قول للزمان ارجع يازمان
مازن:ارجع يازمان ......قطعه مروان
مروان:الحمد لله انه مبيرجعش
رحمه:ليه بئا
مروان:مكنتش ايام حلوه بالنسبالى
رحمه:ليه يعنى
مروان:عادى .....رحمه ممكن اقعد معاكى بعد المحاضره عايز اتكلم معاكى
مازن:طب ماتقول احنا بنخبى حاجه عن بعض من امتا
مروان:معلش سيبنى على راحتى
رحمه:ماشى يامروان هطلع المحاضره واجى
راحت رحمه تحضر المحاضره وقطعت طريقها ميار
ميار:مفتكركيش كدا
رحمه:كدا ازاى
ميار:بتحبى لمه الشباب حواليكى
رحمه:انتى بتقولى ايه انتى واعيه للى بتقوليه
ميار:اه واعيه ...بجد انتى طلعتى مش محترمه
رحمه اتعصبت وضربتها بالقلم :انتى بجد ماتربتيش ومش هرد عليكى بس كفايه دا وطااااااااااااخ
ميار:انتى عملتى ايه يامجنونه
رحمه مشيت ومردتش عليها .....
راح مروان ومازن عند ميار وحاولو يهدوها بس هى اترمت فى حضن مازن اللى مش طايقها عشان تكسبه ناحيتها وبصت رحمه وراها شافت ميار فى حضنه اتخنقت وعنيها ملتها الدموع بس قاومت نفسها ومنزلتهاش.
مازن:خلاص يا ميار هى ضربتك ليه
ميار:ضربتنى عشان عايزانى ابعد عن وائل ....غبيه متعرفش ان بحبك انت ومبفكرش غير فيك
مازن عارفها بتكذب واستحقرها لانه فهمها على حقيقتها
مروان:اهدى خلاص مش مستاهله دا حته قلم ولا راح ولا جا
ميار:مازن ممكن توصلنى البيت انا بجد مش قادره اقعد اكتر من كدا
مازن:ماشى اتفضلى
راح مازن يوصل ميار وطلعت رحمه المحاضره واتعرفت على وبعد مامشيت رحمه وراحت تحضر محاضرتها قابلت صديقه ليها من زمان من ايام الطفوله واتفاجأت انها معاها فى نفس الكليه ....
رحمه:الهام انتى هنا معايا فى نفس الكليه
الهام :ايه دا رحمه .....وحشاااانى ياجزمه ....مفيش منك ولا حس ولا خبر من ايام الاعداديه
رحمه:انتو اللى سبتوا المكان وسافرتوا
الهام :بسبب شغل بابا اضطرينا للسفر
رحمه:مش مهم المهم اتقابلنا تانى
الهام :اه والله انا فرحانه اوووى وحشانى ووحشانى الايام والواد مازن
رحمه:مازن .....صحيح تعالى معايا هوريكى حاجه
الهام :هتودينى فين يامجنونه
رحمه:امشى بسكاااات وبس
الهام :انتى لسه زى مانتى يااااه وحشانى بجد
رحمه:اسكتى بقا بطلى رغى واستنينى هنااا ومتتحركيش
الهام :ماشى متتاخريش عليا
رحمه مشيت واول ماشافت مروان سالته فين مازن قالها انه راح يوصل ميار عشان تعبت ....ميار من غير تفكير رنت على مازن وهو اول ماشاف رقمها رد بسرعه جدا
مازن:الوو....ايه فى ايه ....انتى كويسه طيب ......خلاص 5دقايق وتلاقينى .....سلام
ميار:ايه مالها
مازن:مش عارف هروح اشوف مالها
ميار:اناهاجى معاك
مازن:انتى تعبانه خليكى
ميار:لا انا بقيت كويسه ولسه باقيلى محاضره يالا
مازن لف بالعربيه ورجع تانى للكليه بسرعه جامده ..وميار هتتجنن وتعرف فى ايه ...
اول مارحمه شافت مازن جى عليها جريت بسرعه وشدته من ايده وفضلت ماشيه وهى ايدها فى ايده وهو لاحظ كدا وابتسم واتمنى يفضلوا كدا على طول ....
مازن:بالراحه بس فى ايه
رحمه:امشى وانت ساكت
مازن:سكت اهو لاحسن تضربينى
رحمه :ههههه طب غمض عيونك
مازن:ليه بقا انشاء الله
رحمه:انا قولت ايه
مازن بابتسامه:اهو غمضت
رحمه :طا...طا...طا... فتح عينك ياسمسم
الهام :ايه دا واووووو مازن
مازن:هاااار ابيض انتى بقيتى موزززه كدا ليه
رحمه:اتلم ياد انت
الهام :واووو بجد انت بقيت زى الممثلين
مازن بتناكه :انا طول عمرى كدا
الهام :عندى ليكوا مفاجأه
مازن:اتحفينا
الهام :انا اتخطبت على فكره
رحمه:ايه دا بجد
الهام :اه وعارفين لمين
مازن:اوعى تقولى
الهام :هههههه اه هو اللى فى بالك
رحمه:يخربيتك اتخطبتى للواد اسلام
الهام :اه بس متقوليش واد
رحمه :ههههههه عامل ايه دلوقتى
الهام :كويس فاكرين لما كنتوا تتريقوا وتقولولى يامراهقين
مازن:طلعتى مش سهله يابت
الهام :مفيش احلى من حب الطفوله
رحمه :ياسلام
مازن:اه بجد حلو حب الطفوله دا بتكبروا سوا وقدام عين بعض والحب يكبر بينكم
الهام:امممم مكنش دا كلامك
رحمه:اه صحيح مش دا كلامك
مازن:بت انتى وهى انتو هتتهبلوا وتتريقوا عليا
رحمه:لا خلاص احنا اسفيييين
الهام :ايه الادب دا كلو
رحمه:اتلمى يابت انتى
مازن:ملكيش دعوه بيها يابت
الهام :اممممم اطلع انا منها يعنى
رحمه+مازن:اه
الهام :هههههه
مازن+رحمه:بتضحكى على ايه
الهام :وانتو مالكوا
مازن:ايه رايكو نخرج النهاردا بليل
رحمه:اوك
الهام :بشرط هجيب معايا اسلام
مازن:اوك واهو نشوفه
اتفقوا يخرجوا سوا وكانت فى عيون مراقباهم وسمعاعهم مروان حس ان رحمه بتروح منه وميار حست بالحب اللى بينهم وهما مش عارفين ....
فى الليل استنا مازن رحمه تنزل عشان يروحوا مكان مااتفقوا يقابلو الهام واسلام .......رحمه نزلت لابسه فستان رمادى وعليه فصوص سودا مطرزمن عالكتف ولمت شعرها كحه ونزلت قوصه وحطت ميك اب بسيط ومازن اول ماشافها انبهر.
مازن:بسم الله ماشاء الله
رحمه:ايه حلوه
مازن:زى القمر
رحمه:طب يالا عشان منتاخرش على الهام
مازن:تيجى نسبهم ونطلع لوحدنا
رحمه:بكسوف :مااازن ياااالا
مازن:ههههههه يالاء
لسه هتركب رحمه العربيه لقت الاء بتنادى عليها
الاء:يا لاحمه ....يا لاحمه
رحمه:ايه فى حاجه
الاء:اه نسيتى موبايلت وحمال يلن يلن ثدعنى
رحمه:طب بطلى لماضه واطلعى
الاء:اثتنى نثلم عالتمر اللى محاتى
مازن:مش هتبطلى لماضه يابت
الاء:عالفتره انا زحلانه منت
ماازن:طب واللى يصالحك
الاء:هثالحو
مازن:طيب خدى الشوكولا بتاعتك اهى
الاء:افتتكرت نسيت
مازن:انا عمرى مانساكى ياقمر
الاء:انت اللى تمر
رحمه:بالنسبه لمشوارنا والمكياج اللى هيبوظ
الاء:طب اسيبتم بتا
مازن:سلام
الاء:هستنات بتره متاخرس عليا
رحمه:بتقول ايه البت دى
الاء:مسميس بت وبعدين انا هفهمت ماثن بيتبلى تل يو سوتلاته وبنزل اختها منه
رحمه:دابجد
مازن:اه ويالا بقا اتاخرنا اطلعى فوق يا الاء واستنينى بكره
الاء:حاتر ياتمرى
مازن:ههههههههع عثل
طلعت الاء فوق ومشيت رحمه هى ومازن ووراهم عربيه بتراقبهم ووووووووفجأه ...
فْـٌـ💤ـِاصـّل 🎶
