رواية عشق الحور الفصل الثلاثون والحادي والثلاثون والثاني والثلاثون والثالث والثلاثون والرابع والثلاثون والخامس والثلاثون والسادس والثلاثون بقلم مروه شحته

رواية عشق الحور الفصل الثلاثون والحادي والثلاثون والثاني والثلاثون والثالث والثلاثون والرابع والثلاثون والخامس والثلاثون والسادس والثلاثون بقلم مروه شحته 

 ٣٠عيون الغزال

عبرت ممر الكليه بسرعه سعيده بشده تحمل بيدها نتيجه فوحصات مرجان التي اجرتها لتوها والتي تؤكد ان حالته

ملائمه للجراحه فتحت الاوراق لتلقي نظره اخيره علي التقرير فارتطمت بقوه باحدهم انحنت علي الارض تلملم الاوراق دون رفع عيناها حتي

#معلش ان اسفه جدا

من اين تظهر تلك العائشه في كل اماكنه نظره علي الاوراق المنثوره ثم اليد البيضاء التي تجمعها بترتيب يتردد نفس السؤال لما هي بالذات تحمل فتنته لقد اصبح موقن انها طريقه لدخول الجحيم ... عند هذا الحد توقف تفكيره وبدا يتمتم بالاستغفار اعتدلت واقفه لتقول بسرعه

#انا اسفه للمره التانيه

كادت ان ترحل ولكن تحرك لسانه الذي يستحق القطع

#جيتي ازاي

عادت مره اخري للوقوف امامه ولكن تلك المره كانت تنظر له

#دكتور سليم كنت بدور علي حضرتك انا عملت فحوصات مرجان اتفضل

رمق الاوراق ولاباس لنظره واحده فقط لعيون مكتحله وقال

#بالسرعه دي

تناول الاوراق فقالت بحماس

#انا هنا من سبعه الصبح اخدت اذن ودخلت المعمل وعملت التحاليل ...عمليه ذي دي هتبقي محتاجه تجهيزات هنعملها فين

لما راقته صيغه الجمع لايدري ولكنه ابتسم وتطلع للاوراق

#داانتي حددتي ان العمليه هتتعمل

قالت بغيض استشفه من نبره صوتها

#حتي انت يادكتور علي العموم النتايج مع حضرتك

كان ينظر الي النتائج بانبهار انها مجتهده بالفعل اغلق الملف

#تمام يادكتوره يبقي هندي فيتامين أ لمده اسبوع وهنعمل اشعه قبل العمليه

لمعان سعاده يمليء عيناها

#انا مش عارفه اشكرك ازاي يادكتور انا هبلغ جاسر وغيث بس برضه هنعملها فين

#في العياده بتعتي

#انت عندك عياده هنا

#ايوه ورا البيت بتعنا ... وفيها تجهيزات كامله للجراحه جيبها من بره

قالت بترقب

#يعني حضرتك بتعمل فيها عمليات لوحدك

#لاء لما بيبقي عندي عمليه باخد شويه متدربين من الفرقه الخامسه

قالت بحذر

#والمتخرجين ملهموش نصيب

#لما حد بيطلب بسيبه يحضر دا علم يادكتوره وربنا بيكتب بيه ثواب

#طب ااااا مينبوكش ثواب وتخليني احضر عمليه قبل عمليه مرجان

حسنا لقد اغفل اهم تفصيله ان جميع من يحضر معه من الشباب وانه لم يسمح لاي انثي بالدخول لعيادته تنحنح بقوه

#اصل ااا كل اللي بيحضروا معايا بيبقوا ذكور

تمتمت بكلمات لم يسمع منها شيء

#بتقولي حاجه يادكتوره

قالت بغيض #اه بقول حضرتك مثال رائع للعنصريه المستبده

هل سبته للتو حسنا يجب ان يرعد ويبرق لما تلك الابتسامه البلهاء المرتسمه علي وجهه

#الله يكرمك

زفرت بقوه

#اي خدمه ... يعني حضرتك دلوقتي في المشرحه بتشرح علي رجل حمار مثلا بتلم حوليك شباب الدفعه والبنات الي الجحيم ياامراه

هي قادره ان تستخرج منه ضحكه عاليه لوراه احد تلامذته الان سيظنه فقد عقله ... جيد ان الطلاب قليلون الان فالدراسه لم تبدا بعد استغفر وتمالك ضحكاته العابثه

#لاء طبعا بشرح للشباب واسيبهم يتعاملو

قالت بحنق

#ماشاء الله عليك ... لاء برافو يادكتور يعني حضرتك بتبعد نفسك عن الفتنه وترمي فيها دفعه بحالها

قطب بين عيناه

#مش فاهم تقصدي ايه

عقدت ذراعيها وقالت بتحدي الجمه

#طبعا حضرتك فاكر كويس ان الكليه دي عمليه وان العلاقه بين بناتها وشبابها المفروض بتبقي عاديه في التعامل لانهم بيتعاملو مع بعض في العملي ..

#ايوه انا عارف دا كويس جدا عشان كده

قاطعته

#عشان كده حضرتك بتشجع زياده الاختلاط ده يعني بدل ماواحده تسال زميلتها بتضطر تسال زميلها اللي الدكتور بيشرحله ولومفهمتش من واحد تضطر تسال التاني اللي حضر المحاضره ودول شباب في سن بعض يعني بدل مانحجم احنا

الاختلاط بتفتحه حضرتك علي البحري .... عشان سعادتك خايف علي نفسك ... وطبعا حضرتك متعرفش الشباب دا بيوصل المعلومه كامله ولالاء .. ولو بيوصلها بيوصلها زي ماانت شرحتها ولازي ماهو فهمها .... اتقي الله يادكتور دا سيدنا عثمان حرق المصاحف اللي فيها كلام ربنا عشان يوحد نطق

الايات ...... وحضرتك بتوصل المعلومه لفئه وهتنزل عليها

الامتحان وانت مش ضامن المعلومه دي وصلت للكل ولالاء

انها محقه في كل ماقالته وتذكر زمجره الفتيات في محاضره التشريح ... ....انها المرة الاولي التي يري بها امراه محقه بالكليه ورغم حرجه الاانه لم يستطيع تحجيم اعجابه بها

#اللهم اجعلنا من المتقين عندك حق فعلا ... انا ماختش بالي من النقطه دي .. بس ان شاء الله هتلقلها حل

قالت بسرعه

# مش عارفه ليه حاسه انك هتقول اعتذر عن دروس التشريح خالص هي التي تجبر نظرة ان يتمعن فيها ورغما عنه ابتسم فهذا هو قراره بالفعل

#وايه المشكله مش كده افضل

قالت بتحدي

#افضل في ايه ...انا سمعت شباب بيتكلموا في المعمل عن طريقه شرح حضرتك السلسه السهله جدا ... يبقي تمنع علمك عشان البنات يبقي معلش حضرتك فاهم الدين غلط

قطب وقال بغضب

#انتي زودتيها اوي

اشاحت بيدها

#انت اللي خلتها خل يادكتور ... معلم الامه كان بيقعد مع النساء ويعلمهم ومقلش دول فتنه لازم الواحد يستخبي ويتجنبها ... دينا مش كده ..... دينا سمح

للاختلاط في حدوده واهم حدوده طلب العلم ...والا كان حرم العلم علي النساء ....

تلك العائشه تحاصره هو مقتنع برأيه ولن تزحزحه عنه ولكن المنطق البحت في حديثها هو مايجذبه نقاشها العملي البحت

#بس الافضل ان احنا نبعد عن الفتنه ونتجنب الشبهات

#امممم نبعد عن الفتنه .... حور قلتلي ان حضرتك دارس علوم شرعيه .... فاكيد عارف حكايه الراهب اللي واحده وصلته للكفر

#اديكي قلتيها واحده وصلته للكفر

#طب تفتكر الراهب دا لوكان بيعبد ربنا وملتزم برضه بس بيتعامل مع الناس عادي بيشوف نساء وبيتعامل معاهم عادي .. كان هيقع بالبساطه دي

حدقها ببلاهه فاكملت

#اكيد لاء عارف ليه لانه كان هيقدر ببساطه يفهم اللي قدامه ويفرق بين عمل الخير والاغواء بس لانه معزول قدم النيه الطيبه من غير مايعمل حذره ان في نفوس مريضه عشان ببساطه ميعرفش ... وعلي فكره يادكتور

رفعت ساعه يدها وقالت بابتسامه

# حضرتك بقالك ساعتين واقف بتتكلم معايا عادي جدا والحكايه لافيها فتنه ولاشبهه ... .. والله الغني عن التعليم تحت ايدك ... خلي علمك محصور علي الرجاله وبس ...عن اذنك

قالت جملتها لتنصرف من امامه تابعها حتي اختفت في الممر ودخل مكتبه ليدفن راسه بين ذراعيه ... عمه زرع بداخله التدين منذ كان صغير ... حذره كثيرا من فتنه النساء ... ومايراه اولي به الحذر والبعد لقد عاش لاربع اعوام بباريس حافظ فيهم علي دينه ولم يخالط اي فتاه ولكن هي .... عائشه .... الف خط احمر تتعداه وتخترقه من دون ان يملك رد واحد مقنع ... كان يجب ان يدافع عن معتقده الراسخ بداخله كجبل عتيد هزته هي بكلمات بسيطه عجز عن الرد عنها .... هل بالغ في رسم الحدود بينه وبين الجنس الاخر بالتاكيد نعم فهو لايتعامل باريحيه الامع محارمه فقط حتي حور عندما رأها شبت وضعها خلف دائره المحذور برغم انه مازال يشعر انها ويونس اطفاله الصغار .....علي الرغم انها ظلت تتحدث مطولا يشهد لها بالاحترام الكامل ..... مخطئه هي بوصفها انها تحدثت معه ببساطه بعيدا عن الفتنه اه لو تعلم انها فتنته هو دون غيرها من النساء ... انها تستحوذ علي تفكيره بطريقه اربكته هو شخصيا للتعامل معها ... انها

الانثي الوحيده التي حركت رجولته نحوها ..... وانها اصبحت ترافق احلامه ليكشف ماستر منها عند هذا الحد اعتدل وهمس بضيق

#استغفر الله العظيم ،،،،،،ابعدي عن دماغي بقي انا كده ومش هتغير

رنين هاتفه باسم جاسر جعله يزفر بضيق

#السلام عليكم ورحمه الله وبركاته

#وعليكم السلام ورحمه الله ازيك يادكتور

#الحمد لله تمام

#انا مش عاوز اعطلك كنت بس عاوز اسالك علي قرارك في موضوع مرجان لان عيشه قلتلي انها هتخلص الفحصوات وتشوف رايك وانا حابب اعرفه وهي مش بترد علي التليفون

عائشه مره اخري انها تحاوطه من كل اتجاه

# ممكن يكون مفيش شبكه ولاحاجه هي ورتني التحاليل وكده العمليه هتبقي علي اول الاسبوع الجاي وخلال الاسبوع دا هنحضره للعمليه

#هي عيشه هتحضر معاك العمليه فعلا ... بس هي معندهاش خبره  الخبره بتيجي مع التجربه ... وهي فعلا مجتهده ومخرجه الفحوصات بدقه .... وااااا ممكن تبقي تحضر كام عمليه الاسبوع ده عشان تدرب

#تمام طالما انت شايف كدا انا بثق في رايك الدكتور عبد الحميد كان كلمني كتير انها تدرب عنده بس بصراحه انا اللي اترددت ... قلت كفايه عليها الزريبه والاسطبل عشان متبقاش مضغوطه زي ايام الكليه .. بس واضح ان هي اللي غاويه شقي ومذاكره ...

الايمكن ان يقطع لسانه المتسرع هذا

#انا عندي تلت عمليات الاسبوع ده منهم اتنين لخيل ممكن تيجي تدرب في العياده بتعتي

ابعد الهاتف وهمس بغيض

#ايه الهبل ده

#دكتور سليم انت معايا

وضع الهاتف علي اذنه

#ايوه انا معاك ... الدكتور عبدالحميد دكتور ممتاز

#والله انا هبقي مطمن عليها عندك اكتر .... بس قلي علي المواعيد وانا هبعت معاها غيث ويبقي يستناها

#في عمليه النهارده الساعه سته بليل

#اوكيه يادكتور سليم عن اذنك

اغلق سليم الهاتف والقاه علي المكتب

#هو انا ببعد ولابدبس نفسي بزياده .... يارب ابعد عني الفتنه

٣١جنون طفله

اغلق جاسر الهاتف وانفجر ضاحكا علي شكل حور التي

تلف حول نفسها

#يابت اتهدي انتي حامل

جلست علي ساقه وقالت بنعومه

#بس انت طلعت لئيم بشكل

#ليه بقي ... انا اللي لئيم ولاابن عمك هو اللي مقفل

قربت وجهها منه

#متقلقش عيشه هتصنفره وتشيل الصدا وتفتح القفل

#انا مش عارف اخره مشيي ورا كلام العيال دا هيوديني لفين

لثمت شفتيه

#اصل انت لو مش مقتنع كنت هتمشي فيها لاوايه بتحرجم علي بسمه كمان هبعت غيث معاها مش كده

انفجر ضاحكا

#كشفاني ديما ... لعلمك لولا اني شايف سليم راجل بجد ويستحقها وهيخاف ربنا فيها مكنتش عملت كده

#طب مانا عارفه ... طب وغيث

تنهد بقوه

#غيث عمل زي بسمه بالظبط دفن نفسه مع سما ... انت مش متخيله كان بيحبها اد ايه ياحور غيث فضل سنه بحالها مش قادر ينطق ولامصدق انها ماتت ... بس يمكن غيث كان عنده ذكريات شويه قصه حب سنتين وجواز ست شهور ... الاتنين شبه بعض اوي ياحور

تنهدت بقوه

#عارف بسمه دي كانت ضحكه البيت كله ... كل حاجه تقلبها هذار ... بابا بيقولي سماها بسمه عشان اول مااتولدت مكنتش بتعيط كانت نايمه بتبتسم .... اتبدلت بعد الجواز .... هي ملحقتش تتجوز اصلا .... عملت زي غيث ... دفنت نفسها بس من غير ذكريات ....

#بس انا ليه مشفوفتهاش ولامره روحت فيها عندكوا

# بتروح تقعد في بيتها وتيجي علي النوم ... تفتكر ممكن تخططنا ينجح ويتجوزوا فعلا

#دا نصيب بتاع ربنا وكل اللي يجيبه ربنا حلو

#طب قولي بقي مش هنقول لماما زينب اللي الدكتور قاله

هب واقفا

#تعالي هنقول لماما زينب بس لما تولدي بالسلامه يبقي الباقي يعرف تمام كده

قبلت خده

#تمام ياجسورتي ياعسل انت

#انت يابت بتدلعي عيل صغير

لدغت خده وقالت ضاحكه

#انت ابني وابويا واخويا وصحبي وحبيبي و

#وكدا حلو اوي عدي ادامي واعمل حساب انك حامل هاه

تحركت امامه للخارج ليستوقفهم صوت عائشه وغيث جاسر #انتي جيتي ياعيشه

غيث #ايوه ياسيدي السواق اللي جيبهولكوا باباه،،،،، اقعد استني الست هانم في العربيه خمس سعات

عائشه بضيق #خلاص بقي ياغيث دي مكنتش توصيله دي

جاسر #معلش ياغيث يعني كنت اسيبها تروح لواحدها

غيث بغيض

#ليه ماسيادتك مبلط في البيت اهوه تروح لوحدها ليه

حور # كده برضه ياابيه وانا اللي بقول عليك طيب وحنين عايزه يسبني تعبانه ويمشي

غيث #اه تعبانه اوي انت هتقوليلي باماره

كتم جاسر فمه # اششش . خلاص بقي

ابعد يده وزفر بضيق

#خلاص اتخرست اهوه

جاسر # حضري نفسك الساعه سته عشان هتحضري عمليه في عياده سليم .... في ايه ياعيشه متنحه كدا ليه

حركت راسها بقوه ثم قالت بثبات

#وانت طبعا اللي قلتله معلش ياابيه انا محبش ابقي حمل تقيل علي حد

جاسر # انتي عبيطه يابت ... علي فكره بقي هو اللي اتبرع انا قلتله هبعتها تتدرب عند الدكتور عبد الحميد قبل عمليه مرجان

حدقت بوجهه

#دا بجد .. يعني هو اللي قالك كده

عقد ذراعيه

#ايوه هو اللي قالي

حور #واصر والح اشد الالحاح انك لازم تطلعي من تحت ايده

مال جاسر علي اذنها

#كفايه كده وسعت منك اوي

حور #طيب المهم دلوقتي انت هتروحي ياعيشه مش كده

عائشه بحيره #مش عارفه انا محتاجه التدريب ده فعلا بس

حور # مفيش بس ابيه غيث هيوديكي ويجيبك

غيث بغيض #ابعد مراتك عن وشي دي راحت تعمل تحاليل في خمس سعات هعيش حياتي كلها جوا العربيه

حور #لاء لاء عربيه ايه بس ياابيه ... انت هتوصلها وتعد في بيتنا مع بابا ويونس لحد ماتخلص

غيث بحرج #اقعد في بيتكوا ازاي يعني مينفعش طبعا

حور بسرعه #ليه بس ياابيه ولايعني عشان بيتنا مش قد المقام

غيث بحرج #لا والله مااقصد كده بس يعني ميصحش اصلا متتكلم ياجاسر

جاسر #هي مدياني فرصه انطق .. عادي ياغيث لومش عاوز تدخل خد الواد يونس يسليك

ضربت حور قدمه

#لاء طبعا مينفعش وبعدين بابا اصلا مستنيك دا هما كلهم تلت تيام بس يعني هيعدوا هوا وانت قدها وقدود ياابيه

همس جاسر في اذنها

#كدابه بشكل

عائشه #خلاص ياجماعه متتعبوش نفسكوا انا مش راحه اصلا

حور #شوفت ياابيه انت واقف في طريق مستقبلها وسادد السكه ازاي

غيث ضاحكا

# يعني انا دلوقتي اللي واقف في طريق مستقبلها خلاص ياست عيشه انا موافق واهو اشوف الواد يحيي اصله وحشني ...

ابتسامه بلهاء مرسومه علي وجه حور دفعها جاسر برفق وقال هامسا

#عدي ادامي هتفضحينا يخرب عقلك

قالت بحماس

#كده فل حطينا البنزين جنب النار نستني بقي لما الدنيا تولع عشان نطفيها هاه هاه هاه ها

جاسر بحنق

#صبرني يارب ... هو انا هربيكي ولاهربي العيال

#احنا الاتنين ياحبيبي

قالت جملتها وفتحت الباب دون طرق لتطل براسها للداخل

#زوزو حبيبتي صاحيه

جاسر بحنق #والله لوقطعت راسك انا مش مسؤل

#تعالي ياشقيه وحشتيني

همس #انا نفسي افهم هي عملتها ايه بالظبط

تبعها للداخل ليري حور بين ذراعها وامه تربت علي كتفها بحنان رفعت وجهها

#هاديه وفاهمه هاه

حور #خلاص بقي يازوزو ميبقاش قلبك اسود ...

زينب #تعالي ياجاسر

تقدم جاسر ليجلس علي طرف الفراش من الناحيه الاخري

#طب الحمد لله انك افتكرتيني

زينب #وانا اقدر انساك ... هاه جينلي انتوا الاتنين في ايه

جاسر # احنا امبارح روحنا لدكتوره في البلد هي هتابع معاها وطمنتنا علي الحمل

زينب #الحمدلله بطلي تنطيط بقي واركزي ماشي واي حاجه يبقي نفسك فيها تقولي علي طول ... ربنا يتمم بخير يارب

حور #ربنا يخليكي لينا يازوزو ويتربوا في عزك ان شاء الله وتحطي علي الحجر ده انيس وعلي الحجر ده يونس

جاسر بحنق #انيس وعشق

حور #لاء انيس ويونس

زينب #باااس انتو الاتنين ... انت حامل في تؤام ياحور

هزت حور راسها وهي تحتضن بطنها بحنين

#اللهم لك الحمد .... يارب يتمملك بخير وتقومي بالسلامه بس مش عوزاكي تتكلمي كتير في الحكايه دي سيبيها مفاجاه زي ما ربنا خفيهم عن عنينا سيبهم مخفيين

جاسر #انا قلتلها كده برضه بس قالت نقول لماما

زينب #ربنا يسعد قلبك سبحان الله. معوض مخلف ... تفضل عشر سنين مع عزه من غير عيال عشان ربنا كاتب ان عيالك تبقي من حور مش منها ... وصلت معاها لفين

جاسر# لسه قدامي شويه عشان اخلص الموضوع كله .... متقلقيش انتي ...

#ربنا يوفقك للي فيه الخير

#يارب

------------------

٣٢فيلسوف

اهلا وسهلا يابني منور البيت اتفضل اتفضل

تنحنح غيث بحرج ليعبر للداخل وقال بارتباك

#مكنش في داعي انا كنت هستناها عادي في العربيه

محمود بعتاب #ليه كده يابني دااحنا عيله .. البيت بيتك اتفضل داانا حتي ملحقتش اتكلم معاك يوم العزومه ولاانت مش عايز تعرفنا بقي ولاايه

قاده محمود الي غرفه الجلوس رغما عنه بحثت عيناه عن البسمه الحزينه ولكن ليس لديها اثر انتبه علي صوت خديجه المرحب

#اهلا يابني منور البيت

#دا بنورك ربنا يخليكي

#شوف بقي انا عامله ام علي بس ايه

محمود #ام يونس اخده جايزه نوبل في ام علي

غيث ضاحكا #لاء طالما جايزه نوبل يبقي لازم ادوقها

انصرفت خديجه ليسال هو بفضول مقيت

#امال فين يونس ويحيي

تنهد محمود وقال باسي

#يونس راح يجيب يحيي وامه من بيتها زمانهم علي وصول

قطب بين عيناه الفضول سيقتله يوما

#بيتها .. هما مش عايشين معاكوا

#عايشين ومش عايشين ... يعني بيقضوا النهار هناك بس بيبيتوا هنا عشان مينفعش تبات لوحدها ويحيي لسه صغير

استشعر الم ومراره الرجل ... حزنه علي ابنته التي اصبحت ارمله وهي في ريعان شبابها

#هو ابو يحيي ميت من امتي

#هيقفل السنتين كمان كام يوم ... الحمد لله علي نعمه ربنا ... المهم بقي بتعرف تلعب طاوله

نظر للرجل باستغراب

#طاوله .... اه ليه

#حريف يعني ولازي سليم

ابتسم # جرب

#ماشي الميه تكدب الغطاس هاتي الطاوله ياام يونس

دخلت خديجه بابتسامه بشوشه

#ام علي الاول

كان ياكل باستمتاع هذه العائله محاطه بهاله من الدفيء الغريب جلس امام محمود وبدا اللعب غيث

#ممكن اسالك سؤال

#اتفضل يابني

#انا كنت بره لما جاسر اتجوز حور ... انت وفقت ليه مع ان الفرق بينهم كبيراوي في السن

ابتسم محمود #ااقولك ... حور ويونس امانه محمد الله يرحمه في رقبتي ... قبل مايموت وصاني عليهم وربنا يعلم انهم عندي زي سليم وبسمه ويمكن اعز .... جاسر انا عارفه كويس اوي مش عشان كبير البلد بس

لاء انا عارفه شخصيا راجل عارف ربنا وبيتقي الله في كل حاجه ... ودا دلوقتي مش موجود ....الكل عارف ان جاسر عنده مشاكل مع مراته اللي بيحبها ... خصوصا ان موضوع انها قالتله يتجوز دا كان اتعرف ... بالعقل كدا ... لما واحد زي جاسر يسيب كبرات البلد كلهم ويطلب ينسبني انا عشان يخلف عيل هيطلب مين حور ولابسمه

غيث #بسمه عشان هي اللي مخلفه قبل كده

محمود #وهي الكبيره وهي بنتي انا ... طيب لما هو بقي يطلب حور ولما يعرف انها رافضه .... يقولي هتجوزها بالعافيه ... يبقي ايه نزوه مش طبع جاسر والبلد كلها تشهد انه راجل نظيف مش بتاع السكه دي يبقي ايه

غيث #بيحبها

محمود #بالظبط وهو دا اللي

خلاني جوزتهاله .... مش هبقي فرحان لما تتجوز واحد من سنها وتجيلي بعيل وهي مطلقه ... انا جوزت بنتي لراجل انا بثق فيه انه هيحافظ عليها وهيصونها مبصتش للحظه انه من عيله الراوي وكبيرها والحمد لله كل يوم بثبت ان كان حكمي ورايي صح

#فعلا جاسر بيحبها جدا ..

#وهي سعيده ودا المهم... انا فاهم انها صغيره وصعب عليها تتقبل وجود واحده تانيه في حياته بس حور قويه جدا فوق مما تتخيل ... هتصبر واخره صبرها خير ان شاء الله فهمت يابني

غيث #وثقتك في محلها جاسر مفيش زيه في الدنيا

محمود #لاحظت انكوا متعلقين ببعض عن علاء

غيث #اصل علاء هو اللي كان علي حجر بابا ... كان مدلع بزياده شويتين ... بس ايه الحجه كانت بتعوضنا انا وهو

#ربنا يخليهالكوا يارب

#اللهم امين انت محبوس في اليك ياجميل

محمود #انت نصاب علي فكره بتغفلني ياغيث

انفجر غيث ضاحكا

#ماانت كنت مندمج اوي

شاركه محمود الضحك

#انت منتاش سهل وانا اللي بقول عليك طيب ... قلي بقي انت متجوز في في ايدك دبله

نظر الي طوق سما بيده وقال بالم

#كنت ... بس الموت اختارها هي واللي بطنها وسبني

محمود بتأثر #معلش يابني حقك عليا مكنتش اعرف

غيث بابتسامه باهته

#مفيش حاجه .. خلاص انا صدقت انها سبتني بس خدت وقت شويه عشان استوعب ... بس اهي ماشيه

محمود #شوف يابني الدنيا مبتقفش علي حد ... لما ماتت ام العيال كنت عامل زيك كده شايف الدنيا اتقفلت ومعدلهاش لون ولاطعم .. كنت عايش بس عشان بسمه وسليم .... لحد ما محمد مات زي ياميكون ربنا بيقولي فوق ... حملك تقيل مش علي قد سليم وبسمه وبس لاء كمان حور ويونس وامهم ... اللي ابوها كان مصر يجوزها بعد العده .... انت عارف احنا بلد ارياف وكلام الناس كتير ... واتجوزتها ..... عارف يمكن لو سالتني وقتها هقولك دي عرض اخويا ولازم اصونه ... بس لو سالتني دلوقتي هقولك خديجه تبقي نصي التاني اللي ربنا قسمهولي

اسند غيث راسه الي كفه وقال باستغراب

#غريبه ... يعني انت كنت بتحب ام سليم

#جدا ... قصه حب رومانسيه واخرج من الكليه ااقفلها تحت المدرسه لحد مامحمد اخويا اقفشني انضربت علقه سقع محمد كان ملتزم ومتشدد اوي .. بس كنت انا الصغير وهو اللي مربيني ... قالي عايزها يبقي بالحلال ... رحت خطبتها الترعه والساقيه القديمه كنا بنتقابل هناك

غيث ضاحكا

#داانت كنت خلبوص كبير

#ربنا يسامحنا بقي طيش شباب واتجوزتها ايمان كانت كل حاجه في حياتي . . عشت معاها دنيا بحالها زوجه ولد وبنوته ... حياه مستقره .عايش في جنه .... وراحت ايمان في لحظه ... كل ابواب الجنه اتقفلت معدش فيها غير سليم وبسمه وبس .... خديجه بقي حاجه تانيه خالص .... خديجه علمتني ان الحب هي وبس ... اخدتني شبح انسان عملت مني بني ادم جديد ... قادر يدي الحب للي حواليه مش محروم منه ... اوعي تقفل باب دنيتك وتقول انها خلصت علي كده ... دور يابني علي اللي تحيي قلبك ... مش خيانه لحبيبتك انه يدخل قلبك غيرها عارف ليه

#ليه

#عشان لو ربنا اراد واتجوزت تاني يبقي التانيه كمان نصيبك عشان ربنا هيجمعك بيهم

الاتنين في الجنه ...

ابتسم غيث #انت حسبتها كده ازاي

محمود # هي متتحسبش الاكده مهي الست بتبقي زوجه اخر راجل ماتت وهي علي زمته ... يعني ام يونس كان اول بختها محمد بس هي مراتي انا ربنا كتبهالي في الجنه ... فليه تقفل قلبك وهي كده كده مستنياك في الاخر سواء روحتلها لوحدك او رحتلها بعزوه زوجه واولاد في الجنه مفيش غيره ....

اغلق محمود اللعبه فقال غيث

#داانت حدودته ياعم محمود

#ولاحدودته ولاحاجه ... يابني الحياه ماشيه ليه نعيشها ابيض واسود وربنا محللنا الالوان . ..

#طب ماهي اااا

#تقصد بسمه ..يعني .. بسمه اصلا ملحقتش تفرح باي حاجه حسام كان معيد عندها في الجامعه اتقدملها وفي خلال شهر كانوا متجوزين ... شهر كمان وسبها قدر ربنا محدش يقدر يعترض عليه لما فاقت من الصدمه عرفنا انها حامل .. عاشت كل حاجه لوحدها ...

اللهم لااعتراض ... بسمه لسه مجال الكلام معاها ماجاش .. لسه وقته ... بسمه لسه مش عارفه تخرج من الصدمه ... بس ربنا قادر يخفف عنها .... شوف شكل العمليه معقربه والموضوع هيطول معاهم ... تعالي اما نتمشي شويه ونشوفهم

غيث #هو ااا يونس كدا مش اتاخر ولاالبيت بعيد

محمود# لاء البيت قريب بس ممكن تكون اقنعته يبيت معاها عشان السنويه بس متقلش لسليم لحسن يقيم عليها الحد

ضحك غيث بقوه

#طب ليه كده

#السنويه بدعه ... بس انا اللي مش عاوز اقرص عليها تعدي السنويه وربك يدبرها

ترجل للخارج بجوار الرجل

#ممكن اسالك هتعمل ايه

#هاجر البيت بتاعها لازم تعرف ان ده معتش بيتها عشان تفوق طول ماهي دفنه نفسها في وسط الذكريات هتفضل ميته بالشكل ده

دخل محمود من البوابه ليهب شاب من خلف مكتبه واقفا

#اهلا ابويا الحج

#ازيك يااشرف امال الدكتور سليم لسه قدامه كتير

#لاء قرب يخلص ... الدكتوره اللي معاه بتقفل خلاص

غيث #بتقفل ايه

#الجرح دي العمليه كبيره اوي ..

#طيب يااشرف احنا هنستني الدكتاره جوا

#اتفضل يابا الحج

ترجل محمود وغيث للداخل ليقول غيث باعجاب

#واو متخيلتش ان عياده بيطري تبقي بالشكل ده

#ليه يابني اتخيلتها بتنهق

ضحك غيث #لاء مش الفكره ... بس اصل مفيش حد في البيت مقتنع ان عيشه دكتوره برغم ان مجموعها كان جايب بشري بس هي كانت حبه بيطري

جلس محمود وقال

#اعود اما افهمك . .. سليم كمان كان جايب بشري بس هو حابب البيطري ... تعرف ان البيطري اصعب من البشري

#ازاي بقي

#ااقولك في البشري انت بتدرس تخصص واحد علي نوع واحد اللي هو البني ادم يعني بيتخصص باطنه جراحه قلب صح

#صح

#البيطري بقي ...انت عارف في كام نوع حيونات وحشرات دا غير انه بيدرس نبات يعني بيدرس الدنيا كلها تقريبا وبيعالج كل حاجه باطنه وقلب وجراحه وعظام

غيث باعجاب #علي فكره ياعم محمود انت فيلسوف بجد

#ولافيلسوف ولاحاجه انا بس بشوف الحاجه بطبيعتها دا صوت سليم الظاهر خلصو ا

ترجل سليم الي الغرفه ليلقي السلام علي الموجودين وترتمي عائشه علي المقعد

#اه انا اتهديت سليم #عشان دي بس اول عمليه تقفي فيها

غيث #هي العمليه كانت ايه

سليم #كنا بنركب شريحه ومسامير لحصان عنده كسر مضاعف

غيث #نعم ...هو الحصان لما بيتكسر مش بيموت

عائشه #يخرب بيت الجهل هتفضحني ... لامبيموتش يااخر صبري ... بيتعالج وبيقوم زي الحصان

غيث ضاحكا # مهو حصان اصلا ياذكيه

عائشه #المشكله ان عمليات الخيل مكلفه اوي عشان كده لما بيتكسر بيضربوه بالنار

محمود #بالظبط زي الحصان اللي راقد جوه ده كان صاحبه هيضربه بالنار سليم صعب عليه واشتراه وعالجه

سليم # دا بس عشان انا لحقته المشكله ان رجله اتكسرت بسبب الاحمال الزياده اللي بيشلها ...

غيث # مانت شكلك طيب اهوه غير الصوره اللي ختها عنك خالص

قطب سليم # وانت اخت صوره عني شكلها ايه

غيث #يعني متنشن بزياده شويتين .... او ااالشرير بتاع فيلم الكارتون

ضحك سليم ومحمود

#هو انا شكلي شرير اوي كده اصل بسمه بتقول عليه كده برضه ...

عائشه #متقلقش ياغيث هتشوف الوش الطيب بتاعه

طالما مانتاش مؤنث

سليم بغيض #قصدك ايه بقي يادكتوره

غيث #والله عندها حق داانت بتتحول بجد انت مش طالع لابوك خالص

عائشه # لاء عم محمود دا راجل عسل علي راي حور

نظره سريعه علي وجهه سليم

#والله انتي اللي عسل يابنتي حق حور تحبك كده

#ربنا يحفظك يارب غيث انا هسلم علي طنط خديجه ونمشي ماشي

محمود #مكتبوالك ياخديجه يتقلك طنط من العسل دي ....

غيث #بتعاكس اختي قدامي ياعم محمود

محمود #_ اه بعكسها عندك مانع

غيث # لاء خالص علي فكره

يلا يابت هتجيبلنا العار عدي قدامي

محمود ضاحكا # لما نتعشي يابني ...

غيث #لامش هينفع دااحنا قربنا علي نص الليل

محمود # مينفعش داانتوا لو مشيتوا خديجه تطردنا من البيت يلا يا سليم خلي الواد اشرف يروح لعياله بقي

سليم بعصبيه # مش هينفع اسيب الحصان لوحده

محمود #تعالي يابني كل وابقي ارجعله عدي متضيقش خلقي

تحرك الجميع للخارج لتستقبلهم خديجه

#كنت لسه جايه اندهلكوا العشا جاهز يلا يابنتي داانت شكلك مهدوده خف عليها ياسليم حرام عليك

ترجل الجميع للبيت ليقول

سليم بجمود # اللي عايز يتعلم يتحمل التعب

التفتت له عائشه لتقول بغيض # انا مشتكش علي فكره

#وانا مش وجهتلك كلام

#انت قليل الذوق ... عمال تشخط وتنطر هو في ايه

بالظبط

عقد ذراعيه

#والله اشخط وانطر احسن مااتمايص

قالت بحده

#مين اللي بيتمايص انا مسمحلكش انت فاهم ولالاء

#امال تسمي المسخره اللي كانت جوه من شويه دي ايه انت عسل لاانتي اللي عسل

حدقت بوجهه وقالت بحنق

#انت مجنون ... وبعدين ميخصكش خليك في حالك ماشي

#عيشه انتي فين

#حاضر ياغيث جايه اهوه .... اقسم بالله لواتكلمت معايا تاني بالاسلوب ده ... مهيحصل طيب ... والعلم اللي يجي من وشك يغور مش عاوزاه

قالت جملتها لتتحرك بعصبيه للداخل زفر بضيق هي محقه ماذا فعلت ليحتد عليها هكذا وليتهمها بهذا الاتهام لن ينكر انها تلميذه نجيبه بشده وشعر بمتعه حقيقيه وهو يشرح لها وهي تساعده حسنا ماكان يجب ان تتساهل بالحديث مع ابيه ... لقد فقد عقله بالكليه زفر بضيق ودخل الي غرفه الطعام وقعت عينيه علي فحمها الدامع ثم اشاحت وجهها

#امال فين بسمه ويونس

خديجه #بسمه اتصلت بيه وقلتلي هتبيت النهارده في بيتها ومعاها يونس متقلقش

سليم بعصبيه #ازاي يابابا تسيبها تبات تاني هناك مش قلنا

قاطعه محمود #سليم انتهينا

سليم # اللي تشوفه حضرتك

خديجه #معلش ياسليم فتره وهتعدي

محمود بحزم #انا مش قلت انتهينا

حاولت عائشه تخفيف الاجواء

#كده برضه ياعم محمود وانا اللي بقول عليك طيب اتبيك بتتحول انت كمان

محمود #لاياحبيبتي مبتحولش ولاحاجه ..

غيث ضاحكا # الحقي ياام يونس عيشه هتاكل منك الجو

خديجه ضاحكه # علي قلبي زي العسل داانا بحب عيشه كانها واحده من ولادي

غيث ضاحكه # اهي لبستك في الحيطه قلتلك واحده من ولادها

ضربت عائشه جبهتها وقالت بطريقه مسرحيه

#راح العريس ياخوي

تشارك الجميع بالضحك في حين ترك سليم ادوات المائده وقال بغضب

#عن اذنكوا

قال جملته وانصرف للداخل غيث

#هو ماله

عائشه # متخدش في بالك عنده حساسيه هيستريه من الضحك

محمود ضاحكا #ابدا يابنتي والله دا علي طول بيضحك.

عائشه # لاء هو تلقيه بيضحك معاك بس عشان انت معاك الكتالوج

خديجه ضاحكه #يابنتي ابدا ...

هو بس تلقي في حاجه ضغطه علي اعصابه

عائشهبحنق # اه انا واقفه في زوره بالعرض

غيث #ايه اللي بتقوليه دا يازفته انت

عائشه #مفيش يلا بقي ... شكرا جدا ياجماعه علي الاستضافه الهايله دي وان شاء الله هبقي اجي مع حور عشان اشوف بسمه عن اذنكوا بقي

نظر غيث الي محمود

#انا مش فاهم حاجه علي العموم كان يوم حلو بصراحه

وضع يديه بجيبه واخرج بعض الحلوي ليناولها لخديجه

# دول ليحيي معلش ابقي اديهومله انتي بقي .. كان نفسي اشوفه

محمود #البيت مفتوح يابني تعالي شوفه في اي وقت وهو اخلص طاري منك في الطاوله

#ربنا يسهل تصبحوا علي خير ياجماعه ،،،،

،،،،،،،،،،،،،،،،،،،،،،،،،،،،،،،،،،،،،،

٣٣روبنزل

جلس غيث بالسياره حيث تجلس عائشه تكاد تنفجر غضبا

#ممكن افهم ايه الحكايه بقي

عائشه بغضب #دا بني ادم معندوش زوق ولااحساس ..

#ممكن تهدي وتفهميني ايه اللي حصل

زفرت عائشه بقوه وقالت

#من ساعه مااجيت وهو كل اما يبص في خلقتي يستغفر ربنا زي ماكون بفكره بذنوبه ... عدتها واقفين جوا العمليات بناوله الالات عادي عارف اقسم بالله لوعندي جرب ماهياخد الحاجه بالشكل ده ....الحصان بينزف مسكت اله وقلت اوقف النزيف ايدي خبطت غلط في ايده ياربنا اااااا كان ناقص يغسل ايده سبع مرات مره منهم بالرمل

غيث # ليه كلب انتي

عائشه #متضحكش ياغيث انا متنرفزه .... واخر المتمه البيه بيقول عليه بتمايص طب بزمتك انا قلت ايه في المكتب عشان يقول كده .....انا بضحك وبتمسخر وبعدين حتي لو بعمل كده هو ماله هاه انت متنح كده ليه

ابتسم غيث وقال

#امممم كده فهمت ...

#فهمت ايه طب هو بيكرهني كده ليه فهمني انا عملتله ايه

ربت غيث علي كتفها وقال

#تعرفي اني ماخدش بالي انك كبرتي الادلوقتي

اشاحت بيدها

#انا بقول ايه وانت بتقول ايه ياغيث

ادار مقود السياره وقال باسما

#هيعتذر متزعليش نفسك

#هو دا بيعرف يعتذر زي البني ادميين

#شوفي ياعيشه اللي زي سليم متشدد بزياده حبيتين

قاطعته عاقده ذراعيها

#هو حد قالك ان انا بتحرش بيه ولاحاجه .... اساسا انا لبسي واسع ولبسه حجاب شرعي يعني مش فتنه من اصله

# بس اااا هو شيفك فتنه

بالنسباله

حدقت بوجهه

#انت بتقول ايه ياغيث

اوقف السياره امام الباب وقال باسما

#بقولك هو بيعمل كده ليه ... مش دا اللي منرفزك ...

حركت يدها امامه وقالت

#لالالا ... مفتكرش خالص ..

ووووبعدين دا لسه جاي من باريس يعني ساب بنات باريس كلها وجاي لختك اللي شبه السحليه العمشه تعمله فتنه

غيث ضاحكا

#سحليه وعمشه انت مستقليه بنفسك كده ليه داانت زي القمر وبعدين ياحبيبتي بالعقل كده لو الحكايه غير كده ايه اللي يخليه يغير من ابوه ...وكان عاوز يولعني وانا واقف قبل مايعرف اني اخوكي ...بس المهم انتي ايه

حركت يديها بارتباك

#انا ايه ايه ازاي يعني

لدغ خدها وهمس

#بيني وبينك ومش هقول لاحد يعني حاسه نحيته بحاجه

ولالاء

#مممعرفش بقي ااا تصبح علي خير ياغيث

قالت جملتها وخرجت ركضا الي غرفتها اغلقت الباب لتقف خلفه همست

#معقوله بيحبني

تحركت ناحيه المراه لتطالعها صورتها عيون سوداء فحميه واسعه مكتحله رموش طويله خدود مرتفعه نسبيا وشفاه مكتنزه هي لاتري تلك الصوره جميله ازاحت خمارها وفردت شعرها لينهمر ليل اسود يصل لركبتيها تقريبا .... تنهدت بقوه

#طب هيحبني علي ايه اكيد غيث فهم غلط .. لو بيحبني كان قلي كلمه حلوه دا كل مايشوف خلقتي يستغفر ربنا والله كل مااشوف خلقته هستغفر ربنا واوريله انها بتحرق الدم .. هه بس ... منك لله ياسليم يابن عم محمود .... هو بس لويفكها شويه .. يعني يبطل يكشر كده دا عنيه جميله اوي ... وضحكته حلوه وعنده غمزات استغفر الله العظيم ايه اللي انا بقوله ده... فوقي ياربنزال الله يهديكي انا اقوم اصلي احسن منك لله ياغيث مانا كنت متنرفزه احسن اهو بقي الفتنه بتعتي كده

منكو لله كلكوا وانا معاكوا يلا افرحيلي ياامي بنتك الوحيده لحس عقلها بن الدسوقي

--------------------------------------------

٣٤الحاح

#هتفضل مخاصمني لامتي يعني

#انتي ادري ياعزه

#ياجاسر قلتلك انا اسفه مكنتش ااقصد عاوز ايه اكتر من كده

عقد ذراعيه ووقف امامها

#انتي اللي عاوزه ايه ياعزه

رفعت يدها ولكنه ابتعد للخلف فقالت

#للدرجادي معنتش طيقني

#مش انا الراجل اللي يجري وري متعته والاكنت اتجوزت عليكي من زمان ... بس اقول ايه بقي نصيبي

عقدت ذراعيها وقالت بغيض يشتعل في عيناها

#بتردهالي ماشي ياجاسر نبقي خالصين

#عمرنا ماهنبقي خالصين

#يعني هتفضل مقاطعني كده

هز كتفه # مقطعك ازاي بقي انتي مش لسه واخده فلوس امبارح

#تقوم تبعتها مع عيشه ... قلتلك انا اسفه ياجاسر

قال بتفكير

#ولو قبلت اعتذارك هيحصل ايه

#نرجع لبعض .. انت بقيت قاسي اوي ياجاسر معنتش فارقه معاك .. بقيت عادي تبقي بعيد عني

#انتي اللي اخترتي دا ياعزه ... عن اذنك عشان عندي شغل

قال جملته وخرج من المكتب ليتوجه الي السياره ولكنه لم يجد مفاتيحه عاد مره اخري ليفتح ليحمل مفاتيحه ليجدها بيد عزه قال

#انتي ماسكه المفاتيح كده ليه ياعزه بتدوري علي حاجه

القت المفانيح بسرعه علي المكتب وفالت بارتباك

#لاابدا هعوذ منها ايه يعني ... كككنت اااااا بشوفها بس وعجبتني شكل سلسه المفاتيح

سحب المفتاح وقال

#ااااه قلتيلي عجبتك علي العموم ده زوق حور دي هديتها

قالت ببرود

# يعني دفعه حقها مهي اكيد بفلوسك

#تصدقي اه دفعه حقها من فلوسها

#ودي حلتها حاجه

#حلتها كتير اوي ياعزه بس حاجه انتي متفهمهاش طبعا

قالت باصرار

#انت جوزي وليه حق عليك ولانسيت

فرك ذقنه # هقولهالك تاني ياعزه انتي عاوزه ايه

#عاوزاك .... عاوزه انام في حضن جوزي ....

#اممممم هي الحكايه كده يعني

لمعان يعرفه جيدا بعيون عزه عندما تقترب من هدفها

#وحشتني مشتقالك ااقولهالك اوضح من كده ... كفايه بقي تزلني اكتر من كده شهر اهوه وانت مخصمني

#لما ارجع ياعزه نبقي نتكلم

سلام

قال جملته وخرج يعلم انها فقدت الامل في الحصول علي شيء اضافي منه وستنفذ تخطيطها فقط يكشفها امام الجميع جلس خلف مكتبه

بالمصنع شارد عقله يدافع الاف

الافكار ....وجود عزه لم يعد له اي معني في حياته بالعكس يضغط علي الصغيره وحسب الصغيره التي يتلاعب اولاده بهرموناتها فتتلاعب هي به تبكي بلا سبب ثم تضحك بلا سبب وكان مسها الجنون لحظه تروقها بطنها التي انتفخت بروعه ثم تبكي لان شكلها اصبح قبيح ... يعشق كل تلقلباتها المجنونه وذراعيها الدافئه المليئه بالحياه ............

برغم بدأ الدراسه وانتظامها في الجامعه ولكنها لم تهمل لحظه بشؤنه تهتم بكل شيء به عائشه وغيث ويونس وامه ....وتود حرق وتفجير عزه .... تقيم الدنيا ان جاء اسمها ولو خطأ علي لسانه ....يصيبها هوس العشق حتي تسقط نائمه بين ذراعيه

لم يري جميلته من الامس والدتها مريضه لقد بات ليلته بالمكتب حتي دخلت عليه عزه في الصباح .... اشتاق اليها بشده والي ملمس بطنها والشعور بحركه اولاده الرائعه بداخلها ...تنهد بقوه

#انت فين ياجاسر بقالي ساعه بكلمك

#خير ياغيث في ايه

#انت مش شايف ان سليم بيستعبط اوي

#بصراحه اه بقاله شهر بيقول هيعمل العمليه الاسبوع الجاي لاء هناجل اسبوع في اسبوع لما كر شهر اهوه

#بس انا مبكلمش علي مرجان انا عايز افهم طالما بيحبها متهبب مستني ايه نروح احنا نخطبه

ابتسم جاسر

#لاء هو كده استوا اوي هنديله زقه وزمان حور قامت بالواجب

#مش فاهم

عقد ذراعيه #يعني حور هتلمح انها جيلها عريس ... واهي بسمه كمان

هب واقفا #بسمه مالها

#انت مالك اتنطرت مره واحده كده ليه ....

#انطق ياجاسر بسمه مالها

#اللي عرفته ان في واحد متقدملها بن عمها تقريبا

قال بشرود #طب ويحيي

#ماله يحيي يا غيث ... هيبقاله اب علي الاقل

# يبقي لو لازم تتجوز هتجوزها انا ... انا مش هقدر استغني عن يحيي انا بحبه اوي واتعلقت بيه اوي ياجاسر

#يعني انت عايز تتجوزها عشان خاطر يحيي بس ... مفيش جواك اي مشاعر ليها

#انا مش بتكلم معاها يعني بس انا مرتاحلها وبحب ابوها وامها اوي

#تمام انا كده كده رايح عشان اجيب حور ونمهد الموضوع ونشوف رأيهم تمام بس صلي استخاره علي مااخلص الشغل

يلا

خرج غيث ليضحك جاسر

#انا برضه اللي لئيم ياحور داانتي مصيبه

--------------------------------------------

٣٥انا العاشق ،،،رغم انفي

تمدد سليم علي الفراش شيء ما يطبق علي انفاسه ماكان يجب ان يستمع الي هذا الحديث بين بسمه وحور ... انها معها يوميا يتابع رسالتها ولا ضير من نظره خاطفه لعيناها منذ يوم العمليه لم تشاركه اي واحده اعتذر عنها جاسر هو من تعصب بدون سبب واضح ..تهرب من اي حديث معه لم تحدثه الاعندما بدات ابحاثها وفي حدود الدراسه وحسب لقد كفت حتي عن السؤال عن ابيه وامه وبسمه وليس هذا وحسب انها تستغفر كلما راته في البدايه ضحك علي استغفارها .... ولكنه احبه ... لقد احب صاحبه عيون الغزال المكتحله التي ستلقيه حتما في النار ....ولكن مايشعره الان نار حقيقيه تغلي بقلبه ...كيف تكون لرجل غيره..... ينظر بعيناها يتلمس يدها البيضاء كحمامه

سلام .... شفتيها المكتنزه بروعه لالن يكون هذا ....

#محير نفسك ليه ياسليم

اعتدل جالسا ليقول

#اتفضل يابابا

جلس علي طرف الفراش

#محير نفسك ليه ياسليم

#ابدا يابابا مفيش حاجه

#شوف ياسليم انا طول عمري بعملك مش ابني بس لاء وصاحبي كمان ...وانت صغير عمك محمد رباك علي دين ربنا كنت فرحان بيك وانت بتختم القران علي ايده ...وانت لسه بن سبع سنين انا عارف هو غرس ايه جواك ان النساء فتنه لازم نبتعد عنهم بس كنت بتضايق لانك متشدد زياده بس اماسافرت كنت مطمن عشان عارف ان دينك هيحميك .بس اللي انت مش عارف تشوفه ان انت غرقان في القتنه وانت اللي بتغرق نفسك فيها

#انا طب ليه

ربت علي كتفه

#عشان بتحب واحده وبتشتهيها وبتكتم جواك علي الرغم من انك تقدر تعمل كل ده من غير قتنه ... انك تتجوزها

قال بارتباك #يابابا عيشه اصلا تلميذه عندي ووودي بنت الراوي

ابتسم محمود # انا مجبتش سيره عيشه علي فكره ....وبعدين ياحبيبي بيت الراوي مناسب مننا ... لو عيشه راحت منك هتعيش طول عمرك ندمان

زفر بقوه #يابابا افهمني الفرق المادي بينا وبينهم كبير ...

#انت مستواك المادي مرتاح ياسليم حته الارض اللي اشترتها بنيت عليها بيت

#اسمعني ....انا مش هستحمل مراتي تتعالي عليه اواني انزلها عن مستوي هي عيشه فيه يبقي بظلمها يابابا

#اسمع الجواز نور انا هكلم جاسر واشرحله موقفك وهو هياخد رايي اخته وهما يابني اللي يقرروا احنا مش هتقرر نيابه عن الناس

#اعمل اللي انت عازوه بس خليك عارف انا لو اترفضت مش هدخل البيت دا تاني وممكن تحصل مشاكل لحور وهي دلوقتي حياتها مستقره

#سيبها علي الله وقوم كده خد حمام سخن وغير هدومك وتعالي جوز اختك زمانه جاي

#حاضر يابابا

تابع ابيه يخرج هل يعتقده اباه انه لم يفكر لالف الف مره في امر الزواج ولكن عقبات عده تقف دوما بطريقه .... نعم هو ليس بالفقير ولكن ليس بمستواهم المادي تنهد بقوه بعد قليل كان يرحب بالضيوف

#اهلا ياغيث اهلاجاسر بيه

جاسر # مبلاش بيه دي بقي ...

اعد ياسليم عشان تحضر الكلام

سليم #هو بابا لحق يتكلم معاكوا ..

محمود #ياحبيبي انا مقلتش حاجه لسه

غيث #هو انت كنت عاوز تقول حاجه ياعمي

محمود #اه بس المفروض مش في بيتنا الكلام يبقي في بيت الراوي .... بس عشان نحط النقط علي الحروف قبل اي حاجه ..... الحكايه يابني ان سليم عاوز يتجوز عيشه و

قاطعه غيث #اخيرا اسجد سجدتين شكر ياجدع داانت خنيق

حدقه سليم بذهول وكزه جاسر

#انت تخرس خالص تمام

#اه كتفي ماشي سكت اهوه

محمود #شوف يابني كلنا شايفين دا مش غيث لوحده ..اللي منع سليم انه يتقدم حاجه واحده بس

عقد جاسر ذراعيه وقال

#ايه بقي السبب

سليم #احنا مستوانا المادي مختلف تماما ... يعني مش هقدر حاليا اوفرلها مستوي مادي زي اللي هي عايشه فيه و

قاطعه جاسر وقال

#هتجرحها

#لاء

#هتتقي ربنا فيها

#اكيد ان شاء الله

# بتحبها

تنحنح سليم غيث ضاحكا

#كفايه ياجاسر الواد احمر ...انتي بتتكسفي يابيضه

رمقه سليم بنظره حارقه قال

#خلاص انا بهزر داانت بتقلب في لحظه

جاسر #وبعدين معاك ياغيث متتهد بقي

غيث #فرحان اختي الصغيره بتتخطب

جاسر #رد عليه ياسليم بتحبها

علي فكره انت حاليا بتخطبها

سليم #ايوه

جاسر # يبقي انا موافق ... الماديات دي بتعتك انت وهي مليش فيها .... جهازها وفرشها زي اي عروسه ودا العادي ميقللش منك ولايعيبك في حاجه .... ربنا قال ومتعوهن علي الموسع قدره وعلي المقتر قدره .... ..وانا مش هتلاقي

لاختي راجل زيك ياسليم هسالها وهرد عليك ولو موضوعنا تم ان شاء الله نخلي الفرحه فرحتين

محمود # انت عايز تتجوز ياجاسر

#مين دا اللي هيتجوز

دخلت حور للداخل وعيناها تشتعل غضب

محمود #امال فرحتين ايه يابني

جاسر # كنت جاي عشان اطلب بسمه لغيث

غيث لسليم # بلاش ضغائن وانسي الكلام اللي قلتهولك من شويه ماشي محمود بجديه # اسمع ياغيث ربنا يعلم انا بعزك اد ايه وعارف انك راجل وهتصون بنتي بس بسمه ظروفها مختلفه ... احنا يادوبك بس قدرنا نبعدها عن بيتها القديم ..

غيث #ممكن اتكلم معاها

محمود #ادخلي ياحور اندهي لبسمه

جاءت حور ومعها بسمه

#خير يابابا

#غيث عايز يكلمك كلمتين اقعدوا هناك علي السفره

٣٦عرض زواج

جلس غيث  علي المقعد موليهم ظهره

#اقعدي يابسمه

جلست علي المقعد تفرك يديها بتوتر

#انتي متوتره كدا ليه

قالت بتوتر #مستغربه الموقف مش اكتر ... مش متعوده ااقعد مع راجل غريب لوحدنا

قال بمرح #لوحدنا ايه داحنا امه لااله الاالله بتبص علينا بس انا طلعت لئيم ادتلهم ظهري

كتمت ضحكاتها فقال

#علي فكره ضحكتك حلوه انت بسمه مينفعش تخبيها ... وغمازاتك جميله اوي ... وعنيكي

قالت بحرج #انت زودتها اوي

#طب خلاص انا بحاول افكك بس وافتكرك فكيتي ..اسمعيني بقي انا وجاسر اللي ربنا عمي اللي هو ابو جاسر ... كان شديد اوي لدرجه القسوه يمكن مكنش بينولني من قسوته كتير .... بس قسوته دي اللي طلعتنا رجاله نشيل المسؤليه ... منكرش كنت بلعب بديلي شويه وانا في الجامعه ... لحد ماشوفتها،،،،،،،،، سما كانت زميلتي في الكليه رحت لبابا عشان يخطبهالي رفض ،،،،،،،قالي لما تبقي راجل معتمد علي نفسه ابقي اتجوز ... فضلنا نحب في بعض تلت سنين ... وبعدين اتجوزنا .... عشت معاها احلي دنيا اربع شهور وقالتلي انا حامل كانت بتنطط زي اي عيل صغير انا بعشق الاطفال ..عدي شهرين وانا عايش, في حلم كنت بقعد بالسعات اتكلم مع بطنها عشان ابني ولابنتي اللي جوه تسمعني وتعرف صوتي كل يوم اخدها في حضني وانام احلم بيه مره شبهي مره شبهها ... لحد ما صحيت من الحلم علي اسوء كابوس ..اول مره مرحش معاها عند الدكتوره كنت تعبان اوي وسخن ونايم في السرير .... قلتلها هاخد علاج وابقي كويس ونروح سوا بكره قلتلي لاء هروح عشان ميعادي  ،،،،،،،،سواق ترله ضارب حشيش هرسها تحت العجل

فرك جبهته ومرر يده في شعره واكمل بتمزق حقيقي وهو يرفع يده

#مكنتش فيها حته سليمه كانت حتت .... معرفتش اغسلها مودعتهاش ...كنت بموت وانا بحطها في التراب حبيبتي بتخاف من الظلمه سيبوني انزل معاها عشان متخفش .... مفوقتش الاوجاسر بيضربني

بالقلم وبيصرخ في وشي فوق حرام .... وقعت واتخرست جاسر جبلي دكتور نفسي وهو اللي قرر اني اسافر باريس في مؤسسه هناك بتعالج حالات

الاكتئاب دي ...... فضلت سنه في المؤسسه صورتها وهي متقطعه مش عايزن تروح من عيني .... مع الوقت بدات حالتي تستقر وخرجت،،،،، بس مقدرتش ارجع هنا كنت خلاص اتاكدت اني عايش وهي راحت ،،،،،بس انا مش حي،،،،،،، فضلت اتنقل من بلد لبلد ،،،،،،كنت بشتغل اي حاجه وكل حاجه كنت عايز انسي وبس .... انسي انا مين عشان لو افتكرت هفتكرها ،،،،،،،يمكن قدرت انسي غيث بس مقدرتش انساها.... رحت للباب اللي هجرته وقفت عليه وقلت يارب خفف عني الوجع اكتبلي الصبر معنتش قادر .... بقيت حاسس اني بغمض عيني مش هفتحها ،،،،،قلت ارجع عشان لما اموت ادفن جنبها .... ورجعت .... اول حد قلبي يتعلق بيه كان يحيي ... معرفش اتعلقت بيه اوي ليه حبيته بجد .... وبعدين ام يحيي كل اما افكر فيها احس اني خاين .... بس غصب عني بتعلق بيها كل يوم وبتعلق اكتر بيحيي انا قلت الكلام دا مش عشان اصعب عليكي ولااشوف دموع حلوه في عنيكي لاء .... انا بقولك كده عشان انا اكتر واحد عارف وجعك وحاسس بيه .،،،،،بس الوحده وحشه اوي،،،،،، عشان كده انا جيت بطلب منك تحطي وجعك علي وجعي ونداوي بعض ،،،،،،،انا محتاجلك ...وانتي كمان محتاجالي،،،،، جيت  اطلبك من ابوكي ،،،،،،عاوزك زوجتي في الدنيا وعاوزك انتي وسما في الجنه تقبلي  .... تقبلي تعفري مع قلبي وتسيبني اعافر مع قلبك،،،،،،، تقبلي تبقي نبني سوا حياه جديده ...نعوض بعض عن اللي راح واكون اب لابنك قلتي ايه

#اااااااا

#ايه ياماما مالك في ايه

هبت واقفه وانصرفت الي الغرفه تحرك جاسر نحوه  ووضع يده علي كتفه

#انت هببت ايه

#مش عارف بقي شكلي طينت الدنيا كلمتها بصراحه

هب غيث واقفا واقترب من محمود وسليم

#اسمع ياسليم سواء بسمه وفقت او موفقتش ده ملوش اي علاقه بيك انت وعيشه احنا مش عيال صغيره دا نصيب تمام

سليم #تمام

جاسر # تمام ياسليم يبقي هنستناك بعد العشا عشان تتكلم انت كمان معاها .. وربنا يتمملكوا بخير ممكن بقي تندهلي حور عشان عاوز اروح انام

هب سليم واقفا فاعطاه غيث بعض الحلويات

#معلش اديهم ليحيي عشان مشفتوش النهارده

محمود #عشان نايم  

بعد قليل ترجل الجميع الي البيت ... وماان خطي للداخل التقي بعيون حاده مزعجه ذكرته بحوار الصباح زفر بقوه والقي التحيه وقال باقتطابه

#تعالي ياعيشه عاوزك

قال جملته ودخل جناح حور ليغلق مجال الحوار بينه وبين عزه فصفيرته مجهده ولن تحتمل ضغط الان  

جاسر #ادخلي ياعيشه

عائشه #في ايه ياحور انتي تعبانه

حور #لاياحبيبتي انا كويسه

عائشه #في ايه ياابيه

جاسر #شوفي ياستي احنا كنا ريحين نطلب بسمه لغيث

هبت واقفه وقالت بسعاده #بجد

جاسر #يابت اتهدي لمااكمل كلامي ...كنا لسه هنتكلم خرج علينا سليم من القوضه افتكر ان ابوه فاتحنا في كلام تاني هو كان عايز يقوله فدخل في الخط غلط

عائشه #مش فاهمه

حور#يعني سليم عاوز يجوزك

اتساع عيناها ببلاهه جعل جاسر وحور يتسائلا

#في ايه ياعيشه

هزت راسها بقوه

#مين عاوز يتجوز مين

ربت جاسر علي كتفها وقال

#سليم عاوز يتجوزك انتي ياعيشه هو احنا عندنا بنوته غيرك

قالت بغيض منفعل

#ودا من امتي دا مش بيطيق يشوف وشي....

جاسر بثقه #اسمعي وافهمي اللي هقولهولك كويس....  سليم بيحبك بجد  ... واللي كان مخليه مش عوز يتكلم انه شايف ان مستواه المادي ااقل مننا وعلي قد مانا كنت مخنوق منه علي قد مااحترمت كلامه جدا...  سليم راجل ومش عاوز يحس ان مراته اعلي منه

قالت بحيره

#هو قالك كده....  بس انا عمري مااتنطت علي حد ومش بفكر بالطريقه دي من اصله

جاسر #انا عارف بس هو حاسس انه هينزلك من مستوي لمستوي ااقل وهو ده اللي كان مخليه ساكت

عائشه بحيره #طب وايه اللي حل عقده لسانه فجاه

حور #ااااني....  اصل سمعته ان متقدملك عريس...  ياقلب امه دا سمع من هنا جاب الوان الطيف كلها ودخل قوضته ورزع الباب في وشي انا وبسمه.... والله ياعيشه مش عشان هو اخويا اللي مربيني بس بجد سليم راجل وبيحبك ودا بقي اضمنلك انه صفحه ناصعه البياض لسه بظبط المصنع يعني هتشيلي التكت وتحطيه في الفيشه هيشتغل فل

امسكها جاسر من ملابسها

#ايه اللي انت بتقوليه ده

انكمشت #هو اااانا يعني ااقصد انه عمره ماعرف واحده قبل كده يعني ومش هيبص لحد 

تركها وقال بغيض

#ابقي وضحي كلامك يازفته... 

زفر بقوه

#شوفي ياعيشه سليم جاي بكره عاوز يكلمك في ظروفه قبلتي يبقي تمام رفضتي دي حريتك....

روحي صلي استخاره وربنا يكتبلك الخير

#حاضر ياابيه

،،،،،،،،،  ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

تكملة الرواية من هنا

بداية الروايه من أولها هنا

مجمع الروايات الكامله من هناااا