رواية مُر قلبي البارت السادس والسابع بقلم سميه عمر
 |
البارت السادس
افتحي الباب يا جميلة
جميلة : لا ..بعد اذنك سبني في حالي انا هجهض الجنين
جاسر بعصبيه كسر الباب
جريت جميلة على الحمام :لو كسرت الباب ده كمان هنط من الشباك ...ايدا د مفيش شباك 🙂
فتح جاسر الباب
رجعت جميلة لورا : لو سمحت متقربش
جاسر : اهدي عشان اللي في بطنك
جميلة بزعل : انا مش عايزاه
جاسر : مش عايزة ايه د ابننا جميلة انا متخلتش عنك غير عشانك و كان في مأمورية لازم اعملها و كان لازم تظهر اخبار اني متت
خرجت برا الحمام : مفكرتش فيا ..قولت لأهلك انك عايش و سبتني انا عشان مهمكش واحده فعلا من الشارع زي امك ما قالت
جاسر بعصبييه : متقوليش من الشارع ..انتي
جميلة : انا ايه ..اللي ضحكت عليها و بعدين مشيت ....يعني لو مكنتش حامل مكنتش هترجع و ادتني تمن الليله اللي قضيناها سوا الفيلا و العقد الألماس ياااه د انا غاليه عليك اوي
جاسر بنرفزة وهو ماسك ايديها : عادل كان هيقتلك وانتي شوفتي
بصتله بقهر : انت قتلتني 3مرات مره لما مشيت و اوهمتني انك ميت و مره لما قولتلي اننا نذوه و التالته ده ( بتشاور على بطنها ) ده ابننا بس من علاقة غير شرعيه
جاسر : انتي بتقولي ايه انا مستعد اتجوزك و نصلح الغلط ..
جميلة بصريخ : انت قولت اهو الغلط ...احنا غلط و حتى عايز تتجوزني عشان محدش يقولك انت غلط يا جاسر بيه ..لا انا مش عايزة اتجوزك و لا عايزة الطفل ده عايزة ارجع لاهلي
بعد عنها شويه : بس انا بحبك يا جميلة انتي مش غلطة و لا ابننا غلطه
جميلة : انا خدت قراري عايزة اجهضه
جاسر بنرفزة : مفيش اجهاض د ابني
جميلة : وانا مش عايزاه
جاسر : لما تولدي سيبيه و امشي
بصت لبطنها بزعل : تمام و هرجع لأهلي
جاسر : مش مضطره ترجعيلهم الفيلا دي باسمك هاتيهم و عيشوا هنا
جميلة : دي مش ليا ..انا ضيف بس كنت تقيل شويه
خرج جاسر و قفل الباب بقوه
يزن : ايه اللي حصل
جاسر : مش عايز اتكلم انا هروح اي اوتيل
يزن : استنى و جميلة
جاسر : خليك جنبها هي محتاجة لحد جنبها
نزلت جميلة شويه وهي بتعيط : انت هتمشي تاني
بصلها : انتي عايزاني افضل
جميلة بزعيق : لا لو عايز امشي
سابته و طلعت فوق
جاسر بنرفزة : اعملها ايه مش فاهم
يزن وهو بيضحك : دي هرمونات يا كابتن 😁 خليك هنا هي مش محتاجة لحد غيرك
جاسر :و انت كمان هتفضل هنا عشان مش هقدر و هموتها لو فضلت كده
يزن : حاضر خليهم يدخلوا شنطه هدومك بقى عشان البس منهم معنديش هدوم هنا
في جانب آخر
ام جميلة : اخيرا عندنا بيت جديد
كان بيت قديم في منطقة شعبية اشترته من الفلوس اللي بيبعتها جاسر
كريم بصدمة : امي ..امي اعوذ بالله من الشيطان الرجيم..
أمه : مالك يا كريم
بتبص وراها لقيت بنتها سلمى بتنشر غسيل
وقعت أمه أعم عليها
خدوها و دخلوها البيت بسرعة
راح كريم لبيت سلمى خبط فتحله واحد عجوز حوالي 70 سنه : عايز ايه
كريم : ال ...انا عايز سلمى
بيمسك فيه الراجل العجوز بتيجي سلمى بتجري : في ايه ..انت ..😳
الراجل العجوز : ده عشيقك يا فاجرة بيرميها بره هي و ابنها اللي عنده 6 سنين
حضنت سلمى اخوها و فضلت تعيط
خدها و خد ابنها و راحوا بيتهم اللي قصاد بيت العجوز
بيتصدموا اخواتها كلهم و امهم
امها : احنا سمعنا انك متتي و ابوكي مات مستحملش
سلمى : ابويا مات لما عرف اني حامل و هو اللي طردني من البيت
ضربتها امها بالقلم : حامل من العجوز ده شفتي فيه ايه عشان تخوني ثقه ابوكي
سلمى بعياط : حبيته و ضحك عليا انا اتظلمت
مقدرتش امها تقسى عليها و خدتها في حضنها و فضلوا يعيطوا
كان ابنها احلى من القمر مكانش لايق على المكان الشعبي شعره ناعم حرير غير ملامحه اللطيفة جدا
سلمى : فين جميلة ..ليكون جرالها حاجه
امها بعياط اكتر : جميلة ..الله اعلم بحالها خدها مني ولا كأنها بنتي هددني و مضاني أنه ياخدها
سلمى : مين ده
كرم : جاسر ..و كل شهر بيدينا فلوس بس منعرفش مكانها لو تعرف كنا خطفناها و رجعناها من غير ما يعرف
سلمى : لما يبعت فلوس انا هعرف اوصلها محدش يستلم الفلوس غيري
نرجع تاني
فضل جاسر في الفيلا
كانت جميلة قاعدة على الكنبه و بتتفرج على فيلم رومانسي
نزل جاسر غيرت القناة
جاسر : ممكن اطلع لو مش عايزاني
جميلة : ليه اتفضل يا جاسر بيه دي فيلتك
يزن : اقعدو اتخانقوا بقى انا جعان
جميلة : اعملك اكل جامد طحن
جاسر : وانا كمان
قعدت جميلة : مبعرفش اعمل اكل
يزن وهو بيضحك : هطلبلك انا بيتزا جامدة طحن
جميلة : طيب يلا اطلب هاتلنا انا وانت بس
قعد جاسر جنبها من غير ما تلاحظ
جميلة : و هاتلي شاورما و توميه و....و حاجات كتير حاسه اني مكالتش من زمان
حط جاسر أيده على كتفها وهي مش واخده بالها
يزن : احم احم هروح اجيب التليفون
قرب جاسر منها باسها من خدها
شهقت جميلة : انت بتعمل ايه
جاسر : بصالحك
جميلة : هو انت كسرت الفاونديشن بتاعي يابني يعني كده خلاص صالحتني ..انا حامل الاه و متقربش مني لو سمحت عشان هتعوصني كورونا
ضحك جاسر : انتي بتقولي ايه هعوصك ازاي
قرب منها اكتر وهي تميل لورا
_ انا اسف على كل حاجه ..انتي اجمل حاجه دخلت حياتي
رجع يزن : احممممم احمم
قامت جميلة : انا ...انا هنام تصبح على خير يا يزن
ضحك جاسر و قالها : وانتي من اهلي
جميلة : مقولتلكش انت
جاسر : انا بقول لبنتي
فضل يزن يضحك عليهم : و نرجع لوحدنا تاني يا اخي العزيز
جاسر : البنات دول محدش عارف دماغهم حقيقي انا احب واحده اد بنتي تعمل فيا كل ده ليييييييه
جميلة من فوق : سمعتك علفكره ....
البارت السابع
#مُر_قلبي 🖤🍂
جاسر : البنات دول محدش عارف دماغهم حقيقي انا احب واحده اد بنتي تعمل فيا كل ده ليييييييييييييه
جميلة من فوق : سمعتك علفكره
ضرب جاسر بايده على راسه : طب قولي اعمل ايه ..اقولها نتجوز تقولي لا ..طب بحبك لا
يزن : عارف يا جاسر ..( الحب كذبه كبيره كذبه بتعبر عن رغباتنا و شهوتنا لشئ مجرد ما تضمن أنه موجود بتسيبه و تمشي و لما يضيع منك ترجع و تقول ياريتني ما بعدت بس وقتها بيكون الضمير هو اللي بيتكلم احساسك بالذنب ..الحكايات و القصص خيال ...وهم عشنا فيه شفنا فيه جمال الحب بس عمرنا ما قربنا من الجانب المظلم )
كانت جميلة قاعدة على السلم عينيها دمعت من كلامه و دخلت اوضتها قعدت في البلكونة تبص للنجوم
جاسر : انت مجروح يا يزن كنت بتحب سلمى
يزن : لآخر لحظة مكنتش متمسك بيها انا اللي بكدب على نفسي كنت فاكر اني وقت ما هروحلها هلاقيها بس فجأة جيت اروحلها ملقتهاش ..حسيت بضرب في راسي بيقولي ضيعتها وسبتها
جاسر : انا مكنتش اعرف كده كنت اعرف انك كنت مستعد تعمل اي حاجه عشانها
يزن : انا نفسي معرفش انا حبيتها و الحاله اللي انا فيها دي بسببها ولا بسبب ضميري ..متخليش الوقت يغيرك انت وجميلة
قام جاسر وقف : تعالى ننام ..منعرفش بكره في مفاجأت ايه
الصبح
صحيت جميلة لبست هدومها و خرجت من الفيلا من غير ما حد يحس بيها راحت المكان اللي كانت امها و اخواتها فيه سالت عليهم ملقتهمش سألت عليهم عرفت انهم راحو في منطقة شعبية اشتروا بيت راحت هناك سالت على البيت و طلعت خبطت
فتح كرم وهو مبسوط : جميييلة
جريت امها و خدتها في حضنها
دخلت جميلة و فضلت تعيط بتبص فجأة لقيت سلمى قدامها
سلمى بعيون حزينة : وحشتيني يا مفعوصه
جميلة : سلمى ..انتي عايشه
حضنوا بعض و قعدوا كلهم
جميلة : انا هسافر بعيد ..تعالو معايا نبدا حياة جديدة بعيد عن كل ده
امها : عملك ايه
جميلة : جاسر ....هو ...انا
قامت وقفت : انا حامل منه
صوتت امها و فضلت تعيط : انا السبب انا اللي رميتك كده انا السبب
سلمى : ليه يا جميلة لازم يتعاقب
جميلة : لا ..انا كنت موافقة كنت فاكره أنه حب بس طلعت هبله اوي يا سلمى
حضنتها و فضلت تعيط : و الواقع أن مفيش حب ..قالي اتجوزك ...بس عشان يصلح غلطه غلطها
امها : اتجوزية يا بنتي ده غني و لو مكنش عايز كان رماكي
جميلة : هو رماني لما حصل ده بيننا بس لما عرف اني حامل رجع عشانه ( حطت ايديها على بطنها ) انا مش قادرة استحمل طاقتي نفذت خلاص
سلمى : خليني اتكلم معاه
كريم : انا هقتله
كرم : بس يا غبي ..خدي منه فلوس كتير عشان تديلوا ابنه
جميلة : الفلوس دي كلها ولا حاجه جنب احساس واحد بالوجع و الالم اللي انا فيه انا جيت اقولكم اني هختفي بالكتير اوي شهر اللي هفضله هنا و هاخده معايا ( بتحط ايديها على بطنها ) ده ابني
سلمى : انا هاجي معاكي اي مكان هتروحيه ..مش هينفع اسيبك تاني
حضنتها و مشيت جميلة و امها و اخواتها زعلانين عشانها
رجعت الفيلا لقيت جاسر واقف و بكل عصبيه : انتي كنتي فييين
جميلة : عند اهلي
جاسر: كان لازم تقوليلي ،مش تسيبيني زي المجنون و ابلغ البوليس يدوروا عليكي
جميلة ببرود : مكنش ليه داعي
مسك دراعها : ايه اللي مكنش ليه داعي انا كنت هموت من القلق انتي بتعملي ايه كده قولتلك نتجوز وانتي رفضتي
جميلة : موافقة
استغرب جاسر من ردها السريع البارد
جميلة : بس بعد شهرين اكون جهزت نفسي
سابته و دخلت جوا مش عارف يفرح أنه هيتجوز حبيبته و لا يزعل من طريقة كلامها المخيفة
مسك يزن ايديها : اقعد يا جميلة
قعدت قدامه
يزن : جميلة جاسر بيحبك حتى لو كان هرب في البدايه بس رجعلك
جميلة : لابنه ..رجع لابنه
يزن : بس ....
جميلة : يزن انت اعز اخ و صديق عندي كفايه حمايتك ليا بس ارجوك بلاش نتكلم في الموضوع ده
زعل يزن عليها
طلعت اوضتها فضلت تدور على الدول اللي تقدر تسافر و تكمل دراستها السنه الأخيرة في الحقوق فيها و قررت اخيرا
جاسر : وافقت على الجواز يا يزن حقيقي انا مبسوط جدا
يزن وهو بيضحك : الف مبروك مش متأخر ده كان لازم تتجوز و بعدين البيبي بس غالبا البيبي الاول بعدين الجواز
جاسر : انا بحبها جدا لو حتى مكنش في طفل كنت هتجوزها هي جميلتي
يزن : يعني أنا كده اللي هفضل سنجل بائس هحسدك علفكره
جاسر : مش هيأثر كفايه أن جميلة بتحبني
بليل .....
كانت في المطبخ بتعمل مكرونة بالبشاميل و لابسه لبس المطبخ
كان جاسر بيتابعها في صمت وهو بيبتسم قام راح ناحيتها حضنها من ضهرها : انتي هتبقي احلى ماما
جميلة بتوتر : ال ..الصنيه هتتحرق
لفها لعنده : تتحرق مش قادر اشوفك بالجمال ده و مقربش منك ،لما كنتي بتقوليلي بابا كان دمي بيتحرق ..
جميلة وهي بتضحك : معتقدش انك بابا لحد دلوقتي
ضحك هو كمان و حط أيده على بطنها : انا عايزها بنت عشان تكون شبهك و نسميها جميلة
جميلة : انت شارب حاجه ولا ايه انا جميلة وهتكون هي جميلة ..
جاسر : انتي جميلة قلبي و جميلتي حياتي كلها
قرب منها عند شفايفها بصوت هادي ياخد العقل : لو طلعت شفايفها زيك كده انا مش هجوزها لحد هخليها بتاعتي لوحدي
بيقرب اكتر و جميلة ناسيه نفسها
فجأة برقت و صرخت : يلهوي المكرونة اتحرقت
حط جاسر أيده على شعره بنرفزة : لو بنتي طلعت فصيله زيك كده هرميها في الشارع
ضحكت جميلة : المكرونة متحرقتش
مسك المكرونة من ايديها حطها على جنب : تعالي
شدها على اوضته
جميلة بتوتر : عايز ايه
قرب جاسر منها فتح ازرار قم*يصها من فوق
جميلة : ال ...ال مكرونة
جاسر : شششش ....
( صفوا النيه يا جماعة يمكن الجو حر 😁)
