رواية الجميله والوحش الفصل الحادي والثلاثون حتى الفصل الخامس والثلاثون بقلم ماهي احمد
 |
( الجزء الواحد والثلاثون )
البيدج الاصليه حكآآيآآت مآآهى
بقلمي مآآهي آآحمد
( هي ماجابتش الخمس لاف لايك للاسف بس انا برضوا نزلته عشان خاطر اعوضكم عن يوم الاربع اللي مش نزلت فيه اتمني البارت يعجبكم )
غالب : أيوه انا .. ومش بقولك كده عشان انت انقذتني قبل كده من الموت لاء بقولك كده عشان دي الحقيقه ..
داغر : وواحد زيك ياترى يعمل كده ليه اكيد في سر يخليك تعمل كده عشاني
غالب : ( بيتكلم من قلبه بجد ) هو نفس السر اللي خلاك تنقذني من الغرق اليوم ده في وسط التلج ياداغر
داغر ساب غالب ونزل ايده من عليه واداه ضهره
غالب : عايزك تفتكر كويس اليوم بتاع الحريق ياداغر لما كنت بقولك ماتروحش اليوم ده خليك معايا .. ماتسبنيش .. انت اللي مارضيتش .. كنت معاك طول اليوم وكنت بحاول افضل معاك اطول فتره عشان كنت عارف اني ممكن ماشوفكش تاني ولما صممت تروح اليوم ده .. كنت هتجن مكنتش عارف اعمل ايه .. لحد ما فضلت افكر اي الحاجه اللي تخليك تطلع من البيت حتي لو امك كانت رافضه مالقيتش غير الذئبه الام هي اللي اجرحها عشان متاكد انها هتجرى عليك وانت مش هتسيبها في حالتها دي ولو عايز تتأكد اكتر الذئبه كانت مجروحه في رجليها الشمال بسكينه مافكرتش ولو للحظه ازاي الذئبه دي اتجرحت بسكينه الا لو كانت مع شخص بتثق فيه ومش مدياله خوانه ومأمناله ياداغر
داغر : انت اكيد كداااب ..
غالب : انا مش كدااب انت اللي مش عايز تصدق ولو فكرت في كل كلمه قولتهالك هتلاقي عندي حق ..
داغر : اومال كنت عايز تقتلني ليه ؟
غالب : محصلش .. وعمرى ما فكرت اقتلك لا انت ولا الطفله دي اختي وانا لا يمكن اقتلها او اقتلك
داغر : حط ايده علي دماغه وهو مش مصدق اللي بيحصل ومش عارف يفكر راح مره واحده نفسه بقي يطلع وينزل منه بصوت وريأكشنات وشه اتغيرت وحركه عنيه اتحولت
مسك غالب من رقبته وحط ايده حوالين زوره وطبق علي زوره
داغر : ( بصوت مخيف ) اومااال كنت بتعمل كل ده ليييييييه ؟
غالب : عشان الصندوق ..
داغر : ( باستغراب وهو بيحرك نن عينه شمال ويمين ) صندوق .. صندوق اي انا مش فاهم حاجه .. تقصد صندوق الدهب اللي امي سيبهولي ..
بقلمي مآآهي آآحمد
غالب : امك ماسابتش صندوق في دهب ياداغر .. فوء بقي اصحي .. الصندوق ده انا اللي حطيته في المخزن بعد ما ابوك مات علي طول وحطيت في الدهب ده عشان تقدر تصرف علي نفسك انت والطفله
داغر : امتي ده وازاي ده حصل
غالب : اليوم اللي دخلت مع ابوك وجدي وانت قتلتهم .. الصندوق ده من خيبتي معرفتش انه مهم الا بعد ما اديتهولك
داغر : في اي الصندوق ده عايزه ومخليك عايزني انا كمان اوي كده
غالب : عشان .. عشان الصندوق ده في ( ولسه هيكمل )
داغر : هوووووش ماتتكلمش
غالب : في ايه
داغر : حط صوباعه علي ايده وشاور لغالب انه يسكت خالص ومايتحركش من مكانه
غالب بقي يشد في رجله بأيديه ورجله الاتنين ويرجع ورا ويستخبي ورا الشجره
بقلمي مآآهي آآحمد
الظباط كانوا موجودين مره واحده ومحاصرين غالب وداغر من كل حته
غالب : داغر ماتسبنيش .. كل كلمه قولتهالك كانت حقيقه .. انا عمري ما اتخليت عنك
بقلمي مآآهي آآحمد
داغر وقف مكانه وماتحركش
المنشاوي : ارفع ايدك ياداغر لا اضربك بالنار .. ومن الاحسن تسلمنا غالب
غالب : داغر اعمل حاجه عشان اخوك ماتسبنيش
داغر كان مدي ضهره لغالب وضم حواجبه ورفع البيزونت علي الايس كاب اللي مش بيقلعوا حرفيا وحط ايده الاتنين في جيبه وهو متجاهل توسل غالب لي ..
بقلمي مآآهي آآحمد
حسام مشي من جنب داغر وضربه في كتفه وراح حط الكلبشات في ايد غالب
غالب وهو ماشي بيعرج برجله والكلبشات في ايديه
بقي يعلي صوته
غالب : كل كلمه قولتهالك كانت صح يا اخويا مافيش كلمه قولتهالك غلط
داغر : ( بص ناحيه غالب وودى وشه الناحيه التانيه )
المنشاوي : فين بنتي ياداغر انطق ..
حسام : انا متأكد انه هو عامل اللعبه دي مع اخوه عشان يخطف هدير
المنشاوي: حسسسسسسسام اسكت خالص
حسام : ( هز راسه ) تحت امرك يا سياده اللواء
المنشاوي: ساكت ليه ياداغر بنتي فين
داغر : ماتقلقش عليها ياسياده اللواء بنتك موجوده في الحفظ والصون
داغر جه يتحرك راح حسام والظباط رفعوا عليه المسدس ولانه واعد هدير انه هيتغير رفع ايده
داغر : انا رايح اجيب هدير ياسياده اللواء
بقلمي مآآهي آآحمد
المنشاوي: نزلوا المسدسات داغر ده تبعنا
الظباط نزلوا المسدسات بسرعه وداغر في لمح البصر مكانش موجود قدامهم وطلع لهدير
هدير اول ما شافته اترمت في حضنه علي طول ( بلهفه )
هدير : ( بقت بتفتش في جسم داغر ) داغر انت كويس انت سليم .. طمني انا كنت سامعه صوت ضرب النار وكنت هتجن عليك
داغر : انا كويس ياهدير ماتقلقيش عليا ماتخافيش .. ويلا عشان انزلك لباباكي
هدير : ( باستغراب ) بابا هنا
داغر : ايوه هنا تعالي معايا
هدير وقفت داغر ولمست كتفه بايديها
هدير :داغر مالك
داغر : حكايه هبقي احكيهالك بعدين بس لازم ننزل دلوقت
بقلمي مآآهي آآحمد
داغر نزل بسرعه هو وهدير .. وهدير اول ما شافت باباها اترمت في حضنه
المنشاوي : هدير انتي كويسه
هدير : ايوه يابابا كويسه ماتقلقش عليا انا بخير
المنشاوي اخد هدير في حضنه مره تانيه ومكانش عايز يسيبها
حسام : ( بابتسامه ) اخيرا شوفتك بخير
هدير : ( هزت راسها لحسام) ازيك ياحسام
حسام : بخير طول ما انتي بخير
المنشاوي : يلا .. يلا عشان امك هتتجنن عليكي علي الاقل تكلميها في التليفون ونطمنها
هدير : استني يابابا
بصت وراها وداغر كان واقف
هدير : ( مدت ايدها لداغر بابتسامه ) يلا ياداغر
داغر سمع صوت حركه ايد هدير راح ابتسم ومد ايده ليها
المنشاوي : ( بغضب ) هدير انتي بتعملي ايه
هدير : بمد ايدي للي انقذني يابابا لتاني مره
حسام : وانا .. معملتليش اي اعتبار
المنشاوي : ( بعصبيه ) نزلي ايدك ياهدير .. وانت ياحسام وطي صوتك القوه معانا ومش عايزين حد يسمع بينا
داغر : والدك عنده حق ياهدير لما نقعد سوا الاول ونتكلم وفهمه علي كل حاجه ممكن وقتها يبقي في مجال للكلام ويديني فرصه
حسام : ( قرب من داغر وهو متعصب ) تقصد فرصه ايه
المنشاوي: حسسسسام تفتكر ده وقته .. كله يكلع علي اللانش حالا
بقلمي مآآهي آآحمد
داغر وحسام وغالب كلهم حرفيا طلعوا علي اللانش ورجعوا علي القاهره وغالب المنشاوي دخله الحبس
بقلمي مآآهي آآحمد
هدير : بابا احنا لازم نوصل داغر بيته
المنشاوي : اكيد مش هسيبه ياهدير
هدير والمنشاوي وحسام وصلوا غالب لحد البيت
داغر وهو نازل من العربيه ..
هدير : داااغر
( هدير نزلت من العربيه ومسكت ايديه وحطت فيها ورقه مكتوب عليها رقم فونها )
اول ما ترتاح كلمني علي الرقم اللي في ايدك ده خللي الطفبه تطلبلك الرقم هستناك ياداغر
ميرا طلعت بسرعه هي والطفله في الجنينه اول ما شافوا داغر دخل
هدير اول ما شافت ميرا بصيتلها بقرف ومارضيتش تحكي حاجه لداغر عن اللي ميرا عملته
الطفله جريت علي حضن داغر وبقت تبوس فيه
داغر : ( بابتسامه ) وحشنيني اوي ياطفله
الطفله : اسمي غدير احفظه بقي
داغر حس علي وش غدير لقاه زي ما هو
داغر : اي ده انتي معملتيش العمليه
ميرا : اااااه .. مارضيتش تعملها الا لما انت تكون معاها
هدير : انا لازم امشي بقي
غدير : خليكي معانا شويه ياهدير
هدير : لا معلش خليها مره تانيه
بقلمي مآآهي آآحمد
هدير : داغر ماتنساش تكلمني
داغر : هكلمك اكيد
ميرا : ( بدلع ) يلا بقي ياداغر ندخل جوه هتاخد برد ومسكت دراع داغر
هدير : ( بصيتلها ) وقلبها كان هياكلها من الغيظ
داغر بسرعه شال ايد ميرا من عليه وبقي يكلم في الطفله ودخل وابتدي يسلم علي جدته
حسام : ( اول ما هدير ركبت العربيه ) يرضيك اللي بتعمله بنتك ده ياعمي
هدير بصيتله من فوق لتحت ورفعت حاجبها وبقت تبص علي الشباك ومهتمتش بي
واول ما روحت ودخلت البيت المنشاوي مسكها من شعرها واداها حته قلم وقعها علي الارض
ماما هدير : في اي يامنشاوي حصل اي لده كله
المنشاوي : ( بغضب ) اخرسي انتي خالص كلمه تانيه هرمي عليكي يمين الطلاق انتي فاهمه 😡
ماما هدير حطت ايدها علي بوقها وفضلت ساكته
ماما هدير: خلاص انا سكت اهوه
بقلمي مآآهي آآحمد
حسام بص لهدير كده وهي في الارض بصه شماته ورفع حاجبه وابتسم ابتسامه ظهرت بجانب شفايفه
المنشاوي: انتي يابت فكراني أعمي .. عايزه تفضحيني في وسط الظباط التلاميذ بتوعي وتمسكي ايد مجرم زي ده .. قدامهم وكمان وانتي متجوزه وعلي ذمه واحد تاني
هدير : انا مش متجوزه .. انا مش علي ذمه حد ..
المنشاوي : انا اديت كلمه .. والكلمه لما بتطلع من بوقي بتبقي عقد واعملي حسابك هتتجوزي حسام يعني هتتجوزيه
هدير : انا مابقيتش صغيره خلاص انا كبرت ومش هتتحكم فيا تاني واليوم االلي هتزفني في علي حسام هتزفني فيه علي قبري مش عليه وانا لابسه كفني وبس
المنشاوي: يبقي اتفقنا انا عندي تلبسي كفنك ولا انك تلبسي فستان فرح علي اللي اسمه داغر ده
المنشاوي : حسسسسسام
حسام : انت تؤمر يامنشاوي بيه
المنشاوي : اعمل حسابك فرحك علي هدير الخميس اللي جاي ده علي طول انت فاهم 😡
حسام : انت تؤمر ياعمي
هدير ( والدموع في عنيها ) مش هيحصل ياحسام فاهم مش هيحصل
-----------------------------بقلمي مآآهي آآحمد-----------------------
داغر : هااا قوليلي بقي عملتي اي من غيري
الطفله : عملت تحاليل كتيييير اوي وباخد علاج عشان العمليه
الجده : مارضيتش تعمل العمليه الا لما انت تكون موجود
الطفله : مش قولتلك هيرجع ياجدتي
داغر : جدتي مره واحده ده انتوا اخدتوا علي بعض اوي
الطفله : اوي .. اوي ياداغر وجدتي طلعت بتحبنا اوي
داغر: طيب وهتعملي العمليه امتي
الجده: بكره الصبح ان شاء الله
داغر : وبعدها هتبقي حلوه
الطفله: ايوه وابقي احلي من هدير
داغر ابتسم ولاول مره يقرب من الطفله ويبوسها في خدها
غدير حطت ايدها علي خدها وبقت مبسوطه اوي وحضنت داغر
ميرا : الحمدلله انك رجعت بالسلامه
داغر: متشكر اوي
الجده : اطلع يابني استريح شويه لحد ما نعمل الغدا
داغر طلع وخلي الطفله تدوس علي الارقام اللي هدير كتبتهاله وكل ما يتصل بيها ماتردش عليه بقي ولا علي نار ولا علي بارد وبقي بيلف في الاوضه ياترى مابتردش ليه وحصلها ايه
فضل يتصل بيها لحد بالليل واخيرا ردت
هدير : الوو ايوه ياداغر
داغر : هدير انتي كويسه
هدير وهي بتمسح دموعها وبتحاول مش تبينله حاجه
هدير : انا كويسه ياداغر
داغر : ليكي عندي خبر حلو اوي
هدير: خبر اي
داغر : غدير هتعمل العمليه بكره واكيد لازم انا وانتي نبقي معاها
هدير : ( بفرحه ) بجد .. اخيرا
داغر : ايوه اخيرا لازم تيجي ياهدير
هدير : اكيد هاجي اديني انت بس عنوان المستشفي
هدير كتبت العنوان في ورقه وحطتها جنب الفون
وحسام كان بيتصنت عليها وسمع وعرف ان العمليه هتتعمل بكره وراح بكل غباء ومكانش شايف قدامه انه بينتقم من طفله وعرف اسم الدكتور اللي هيعمل العمليه للاسف ووقتها اتكلم مع دكتور التخدير
داغر : تحب تاخد ٥٠ الف جنيه في لحظه يبقوا قدامك
دكتور التخدير : ٥٠ الف جنيه مره واحده والمقابل
حسام: ليك فيه انت تاخد الفلوس الاول بس المقابل هيبقي صعب شويه
دكتور التخدير : لاء لو صعب هيبقي مش اقل من ١٠٠ باكو
حسام ( داس علي سنانه بغيظ ) مووواافق
دكتور التخدير : والمطلوب
حسام : بنج فاسد تحطه لطفله اسمها غدير هتعمل بكره عمليه تجميل في وشها
دكتور التخدير: عارفها اكيد دي تبع الدكتور محمود جلال
حسام : اسم الله عليك بالظبط كده
دكتور التخدير: ٥٠ دلوقت و ٥٠ بعد ما العمليه تتم
حسام : حقك
بس خللي بالك لو الحكايه دي ماتنفذتش هعرف اجيبك
دكتور التخدير: عيييييب دي حاجه بسيطه
حسام اتفق مع دكتور التخدير واداله نص المبلغ ومشي وتاني يوم الصبح هدير لبست هدومها وبقت تتسحب بالراحه اوي وهي ماسكه الجزمه بتاعتها في ايديها
ماما هدير: رايحه فين يابنتي علي الصبح
هدير : انا .. انا .. ارجوكي ياماما سبيني امشي لازم اكون مع الطفله النهارده ارجوكي هتعمل العمليه وانا اتاخرت عليهم اوي نفسي اشوفها قبل ما تدخل
بقلمي مآآهي آآحمد
ماما هدير: ايوه يابنتي بس لو ابوكي شافك هتبقي. مصيبه
هدير : مش مهم المهم اني امشي دلوقتي
هدير سابت مامتهت ومشيت بسرعه
ماما هدير: هدير استني ياهدير
داغر كان كل دقيقه يتصل بهدير
داغر : فينك ياهدير كل ده
هدير: انا راكبه التاكسي وعشر دقايق واكون عندكم
الطفله وهي راكبه علي النرولي ولابسه لبس العمليات
بقلمي مآآهي آآحمد
الطفله: لازم اشوف هدير قبل ما ادخل حاسه انها هتوحشني اوي
الجده: انتي قلقانه من اي ده كلها ساعات وتطلعي
داغر : ماتقلقيش هي زمانها جايه
هدير بتطلع علي السلالم وهي بتجرى
هدير : انا جيت اهوه وحضنت الطفله
الطفله: خللي بالك من داغر ياهدير
هدير : مالك ياغدير انتي هتبقي كويسه
الطفله : عارفه بس حسيت اني لازم اقولك كده
الطفله قلعت السلسله ولبستها لداغر
الطفله : خللي السلسله دايما معاك لو طلعت نبقي نفتحها سوا ونشوف جواها اي
داغر : لو طلعتي انتي اكيد هتطلعي .. الطفله زي ما يكون قلبها حاسس وانها بتودعهم واخيرا الممرضه جت وشدت الترولي وبقت غدير تشاورلهم وتعملهم باي باي بابتسامه واول ما دخلت
دكتور التخدير طلع الحقنه اللي فيها البنج الفاسد
دكتور التخدير: ازيك ياغدير
الطفله ( بابتسامه رقيقه ) كويسه ☺️
دكتور التخدير: هديكي حقنه بقي خفيفه خالص مش هتحسي بعدها بأي حاجه خالص
داغر ( قلقان بره ) انا قلبي مش مطمن حاسس ان في حاجه غلط
هدير : حاجه غلط زي اي ماتقلقش ان شاء الله خير
دكتور التخدير : يلا بقي عشان ناخد الحقنه
الطفله : يلا ☺️
#الجميله_والوحش 💞
( الجزء الثاني والثلاثون )
البيدج الاصليه حكآآيآآت مآآهى
بقلمي مآآهي آآحمد
دكتور التخدير: طيب يلا بقي عشان ناخد الحقنه
غدير : يلا ☺️
دكتور التخدير: انا مش عايزك تقلقي من حاجه دي هي شكه بسيطه مش اكتر
بقلمي مآآهي آآحمد
داغر : ( التوتر كان باين علي وشه جدا وبقي مش قاعد لا علي نار ولا علي بارد )
داغر : انا حاسس ان في حاجه هتحصل .. ( وقف وبص ووشه ناحيه هدير ) انا حاسس ان في حاجه غلط ياهدير ..
الجده : ليه بس يابني اهدى شويه .. هتبقي كويسه كلها ساعات قليله وتطلع وتبقي زي الفل
هدير حطت ايدها علي قلب داغر ورفعت وش داغر بأيديها (بكل حنيه )
هدير : داغر لو شاكك مجرد شك أن في اي حاجه وحشه بعد الشر ممكن تحصل للطفله نوقف العمليه خالص انا بثق فيك و وفي احساسك
بقلمي مآآهي آآحمد
الجده: اهدي بس يابنتي وصلي علي النبي مافيش حاجه ان شاء الله
حوريه : ( بنرفزه ) انتوا مالكم مكبرين الموضوع كده ليه دي عمليه عاديه مافيهاش اي حاجه مش بدل شكلها المقرف ده
ميرا : حوريه انتي بتقولي ايه
داغر من عصبيته اول ما سمع حوريه قالت كده ريأكشنات وشه كلها اتغيرت والعصبيه والنرفزه بانوا جدا علي وشه وقرب من حوريه .. حوريه خافت وبقت ترجع لورا وهي خايفه وداغر يقرب منها بغيظ
هدير : داغر .. داغر اهدي عشان خاطرى ماتستهلش حتي انك ترد عليها
داغر لسه هيمد ايده علي حوريه
هدير : ( هدير حطت ايدها علي دراع داغر ومسكت ايده ) داغر انت وعدتني انك هتتغير
بقلمي مآآهي آآحمد
داغر نزل ايده وهو بيتكلم بصوت مليان غضب وشاور بصباعه لحوريه وبيهددها
داغر : اوعي تقولي كلمه واحده وحشه عن الطفله انتي فاهمه 😡
بقلمي مآآهي آآحمد
حوريه : ( بخوف ) حاضر .. حاضر
انا .. انا اسفه
الجده : اهدي ياداغر مش كده المستشفي كلها بتتفرج علينا يابني
دكتور جلال : اي ياجماعه في ايه .. مالكم متوترين كده ليه
الجده : ولا حاجه يادكتور جلال داغر بس قلقان علي اخته شويه
دكتور جلال: قلقان من اي بس انا مش عايزك تقلق خالص العمليه مافيش اسهل منها كلها ساعتين ان شاء الله وغدير تطلع وتبقي كويسه
داغر : ( بلع ريقه ) متاكد يادكتور
دكتور جلال: طبعا متأكد .. دي مش اول عمليه اعملها انا عايزك تبقي هادي جدا وماتقلقش عليها ارجوكم تقعدوا في اوضه غدير وتنتظروها
هدير : ( بابتسامه ) متشكرين اوي يادكتور
دكتور جلال: العفو علي ايه
الدكتور سابهم ومشي
ميرا : ( بصوت واطي بتكلم حوريه ) انا مش فاهمه البت دي لازقه لداغر كده ليه ؟ ياريت اللي خطفها كان خلصنا منها وريحنا ..
حوريه : وانا مش عارفه انتي معجبه بداغر ده علي ايه
ميرا : اسكتي انتي .. انتي مابتعرفيش تختاري اخرك ولاد سرسج تتعرفي عليهم اللي زي داغر ده راجل تعرفي تعتمدي عليه بجد ضهر وسند ليكي لو حب بنت بجد هتبقي مالكه الدنيا ومافيها
حوريه : ياااااه للدرجه دي
ميرا : واكتر ياحوريه واكتر
بقلمي مآآهي آآحمد
الطفله : طيب ممكن قبل ما ناخد الحقنه اشرب
دكتور التخدير ( ضم حواجبه ) تشربي
غدير : معرفش حسيت بالعطش مره واحده
دكتور التخدير: طيب هجيبلك تشربي ..
بقلمي مآآهي آآحمد
دكتور التخدير نده علي الممرضه عشان تجيبلها كوبايه مايه الممرضه راحت بسرعه جابت لغدير كوبايه مايه وهي بتشربها
دكتور التخدير حضر حقنه التخدير وبقت في ايده والممرضه من غير قصدها رجعت بضهرها لورا ومن غير ماتقصد وقعت الحقنه من ايد الدكتور وقعت في الارض راحت اتكعبلت وداست علي الحقنه برجليها كسرتها
دكتور التخدير: ( بعصبيه ) انتي غبيييييه
الممرضه : انا .. انا اسفه والله حقيقي مكانش قصدي يادكتور
دكتور التخدير : ( بنرفزه ) اعمل فيكي اي دلوقتي
الممرضه : ( بتوتر وقلق ) انا .. انا مكنتش اقصد والله ما كنت اقصد ثواني هاروح اجيب لحضرتك حقنه بنج تانيه حالا
دكتور التخدير داس علي سنانه وهو مش عارف يعمل ايه
بقلمي مآآهي آآحمد
دكتور جلال دخل
دكتور جلال : في ايه .. صوتكم عالي ليه دي اوضه عمليات
بص علي غدير لقاها صاحيه
ابتسم لغدير وهو بيملس علي وشها
دكتور جلال: قلقانه
غدير : ( بابتسامه ) لاء مش قلقانه ☺️
دكتور جلال : ( بكل طيبه وحنيه ) اسفين علي الصوت العالي
دكتور جلال : ( بص للممرضه ولدكتور التخدير ) حصل اي ؟
غدير : محصلش حاجه الحقنه بس وقعت
دكتور جلال: بس كده هاتوا حقنه تانيه
بص للممرضه
دكتور جلال: بسرعه هاتي حقنه تخدير تانيه
دكتور التخدير: ( في نفسه ) وبعدين هعمل اي وهغير الحقنه ازاي ودكتور جلال موجود
الممرضه جابت الحقنه
الممرضه : اتفضل يادكتور
دكتور جلال: اديها لدكتور حسين عشان يخدر غدير
دكتور جلال ( بابتسامه ) هتنامي وتقومي وهتبقي زي القمر
غدير : ده وعد
دكتور جلال ( ضحك بصوت ) اكيد وعد
دكتور جلال: دكتور حسين شوف شغلك
بقلمي مآآهي آآحمد
دكتور حسين اخد الحقنه من الممرضه والغريبه ان دكتور جلال كان واقفله زي ما يكون ربنا بيحرس الطفله من الموت واداها الحقنه فعلا وغدير راحت في النوم وابتدوا يعملوا العمليه
------------------------------------
هدير : مش هتقعد بقي ياداغر شويه عشان ترتاح
داغر : هي الساعه كام معاكي دلوقتي
هدير : عدى ساعتين علي وجودها جوه
داغر : طيب مش كتير ساعتين
هدير : لاء مش كتير ياداغر ماتقلقش والله هتبقي زي القمر اقعد بقي واهدي شويه
داغر قعد علي الكرسي وهدير قعدت معاه واول ما سمع خطوات ميرا وسمعهم وهي بتتكلم عنه وعرف انها حطاه في دماغها راح بسرعه مد ايده ومسك ايد هدير وشبك صوابعه بصوابع هدير
هدير بصت كده لايده وهي متشبكه في ايديه راحت ابتسمت وفرحت اوي وخصوصا لما جت ميرا وشافتهم وهما ماسكؤن ايد بعض
ميرا ( رفعت حاجبها وبصت لهدير بصه احتقار وقالت لجدتها بنرفزه )
ميرا : انا ماشيه ياجدتي
الجده : ليه ياميرا انتي هتبقي زي خالك وابنه انتي كمان
داغر : مع السلامه .. شرفتي
ميرا داست علي سنانها واتغاظت اكتر ولفت ضهرها واخدت حوريه في ايديها ومشيت
بقلمي مآآهي آآحمد
هدير : اكيد سمعتهم وهما بيتكلموا عنك
داغر : ممممممم مش اوي
هدير( بابتسامه ) ههه لا اوي واوي كمان بقي
-----------------------------بقلمي مآآهي آآحمد--------------------
اسراء بتتصل بحسام علي التليفون
بس حسام دايما مابيردش عليها وبيكنسل علي علي رقمها
راحت بعتتله فيديو علي الواتساب بيجمع ما بينها وبينه هما الاتنين سوا
حسام شاف الفيديو وعرف انها فعلا مابتكدبش عليه اتنرفز جدا وضرب بأيديه علي المكتب بتاعه
حسام : بنت ال ...( غمض عنيه نص قافله وهو دايس علي سنانه ) بتلعبي في عداد عمرك يا اسراء
اسراء اتصلت تاني
حسام : الووو
اسراء : انا قولت اوريك الفيديو يمكن وقتها تعرف اني بتكلم جد
حسام : انا عمرى ما شوفت واحده عايزه تفضح نفسها زيك
اسراء : انا كده كده ضعت خلاص ومابقيتش باقيه علي حاجه ما هو ياتتجوزني يا افضحك ومش هخليك تتجوز هدير مهما حصل
حسام : انتي عايزه اي دلوقتي
اسراء : عايزااااااك وتجيني حالا الشقه دلوقتي نص ساعه لو ماجيتش هبعت الفيديو لسياده اللواء انت فاهم 😡
حسام : خلاص .. خلاص اهدي انا جاي دلوقتي
اسراء : مستنياك
-----------------------------بقلمي مآآهي آآحمد------------------
دكتور جلال طلع من العمليات وداغر اول ما شافه هو هدير والجده جريوا عليه بسرعه
دكتور جلال اول ما شاف الخوف في وشوشهم
دكتور جلال: اي ياجماعه اهدوا كده الطفله زي الفل هي متخدره مش اكتر عشان البنج ساعتين بالكتير وتفوء
داغر : والعمليه
دكتور جلال: العمليه مشيت كويس اوي وناجحه جدا كمان
داغر : ( بتنهيده )
انا متشكر اوي يادكتور
دكتور جلال: علي اي ده شغلي
الجده : اتطمنت يابني
داغر : ايوه ارتحت
هدير : حمدالله علي سلامتها
داغر : الله يسلمك .. داغر مسك السلسله وبقي يلمسها وافتكر لما هدير قالتله انهم هيفتحوها سواا
والممرضه طلعت هدير قدامهم علي الترولي
وبعدها مشيوا بسرعه ورا الطفله لحد ما دخلوا الاوضه والممرضه بقت تركبلها الكالونه والمحاليل وهي رايحه في النوم خالص
الممرضه: تقدروا تسيبوها ترتاح دلوقتي
هدير كل شويه نليفونها يرن وهي كل شويه تكنسل عليها
داغر: مين بيرن عليكي من الصبح
هدير: مافيش دي ماما مش اكتر اصل اتاخرت اوي
بقلمي مآآهي آآحمد
داغر : طيب انا هوصلك
هدير : معلش ياداغر خليك انت
داغر : هدير انا مش عبيط انا عارف كويس اي اللي بيحصل عندكم في البيت وانا مش هسيبك فهماني
داغر قعد نص قعده قدام الكرسي العجل بتاع جدته
داغر : انا طالب منك طلب ياجده
الجده لمست وش داغر بأيديها اطلب يابني اللس انت عايزه
داغر : انا عايزك تيجي تتقدمي معايا لهدير اي رايك
الجده : ( بفرحه) اجي يابني ماجيش ليه ده يبقي يوم المنى
هدير : داغر انت مش فاهم
داغر : بالعكس انا فاهم جدا وهاروح لوالدك وهفهمه اني هتغير وهعمل كل حاجه ترضيه .. هنحاول سوا ياهدير
هدير : تفتكر هيوافق
داغر : وحتي لو موافقش انتي ليا بأرادتك او غصبا عنك فا أنتي ليا ياهدير
هدير ( بابتسامه ) : يارب دايما ابقي ليك
داغر : طيب يلا بقي عشان اوصلك الفون مابطلش رن
هدير نزلت هي وداغر وركبوا اوبر
داغر : الذئب مش عارف جراله اي وللاسف من كتر ما كنت مشغول مع غدير من اول ما رجعت ما سألتش عنه
هدير : ماتقلقش هو مع بابا ياداغر لقووه في عربيه مصفحه وبابا وداه مع ظابط عنده لحك ما نرجع واكيد هيرجعهولك
داغر : طمنتيني
-----------------------------بقلمي مآآهي آآحمد---------------------
حسام راح لاسراء
حسام : ( بنرفزه ) انتي عايزه مني ايه
اسراء اول ما شافته راحت جريت عليه واخدته بالحضن
اسراء : طيب مش تقولي ازيك الاول
حسام نزل ايدها من عليه
حسام ( بزهق ) : يوووووووووه انتي هتقولي عايزه اي ولا امشي
اسراء : هي بقت كده طيب اتفضل بقي
حسام : اي الورقه دي
اسراء: افتحها وانت تعرف
حسام فتح الورقه لقاها تحليل دم بيقول انها حامل
حسام : حااامل 😳😳
اسراء: ايوه حامل
حسام : ( اداها ضهره وهو بيهرش في راسه )
(بتوتر ) طيب وانا مالي
اسراء : ( بزعيق ) نننننننعم اومال مال مين ياعنيا
اسمعني بقي انا سيباك بمزاجي بس مش هسيبك تتخلي عن اللي في بطني ابدا
حسام : يعني اي
اسراء : يعني قسما برب العزه لو ما اتجوزتني واعترفت بابنك اللي في بطني لا هطربقها علي الكل
حسام : خلاص .. خلاص مالك اهدي ياحبيبتي كده
اسراء : حبيبتك دلوقتي بقيت حبيبتك
حسام : حبيبتي ونور عنيا كمان .. ده انتي هتبقي ام ابني
اسراء.: بجد ياحسام انت بتتكلم بجد 🥺☺️
حسام : اكيد طبعا بجد ده احنا بقي .. بقي مابينا طفل ولازم يتربي ما بين امه وابوه
اسراء : ياريت ياحسام ياريت وهتيجي تتقدم لبابا امتي
حسام : ( بتوتر ) اي .. بابا .. اه .. بابا .. اكيد هاجي اتقدم بس اديني شويه وقت كده اسيب هدير الاول عشان اجي انقدملك
اسراء رفعت حاجبها
اسراء: قدامك يومين اتنين مالهمش تالت ياحسام لو ماجيتش لبابا واتقدمت رسمي انت عارف هيحصل اي
حسام : اكيد .. اكيد ياحبيبتي عارف
حسام دكتور التخدير اتصل بي بص علي الفون وماردش
حسام : انا لازم انزل دلوقتي ياحبيبتي اللواء بيتصل بيا وعندي شغل
اسراء ربعت ايدها ورفعت حاجبها
اسراء: حساااااااااام هما يومين اتنين
حسام : اكيد .. اكيد
حسام نزل من عند اسراء
وفتح الفون علي دكتور التخدير
دكتور التخدير: __________
حسام : يعني ااااااايه .. يعني ايه مامموتهاش
دكتور التخدير: ____________
حسام : طيب اسمع بقي ياروح امك انت لو ماخلصتش علي البت دي النهارده هاجي واخد روحك بأيدي انت فااااهم
دكتور التخدير:_______________
بقلمي مآآهي آآحمد
حسام : الظاهر كده ان في ناس كتير لازم تموت عشان انا اعيش وانتي اولهم يا اسراء
---------------------------------بقلمي ماهي احمد-----------------
هدير : ايوه هنا لو سمحت
سواق التاكسي وقف
داغر : ماتقلقيش اول ما الطفله تفوء النهارده هاروح لوالدك علي طول
هدير : هاتروحله بحجه اي
داغر: بحجه اني عايز الذئب وبعد كده هفتح معاه مواضيع كتير .. واثقه فيا
هدير : جدا ياداغر جدااااا
داغر : يبقي مش عايزك تقلقي .. يلا بقي اطلعي عشان تطلعي ومامتك قلقانه عليكي
هدير قفلت الباب ومشيت
داغر: رجعني المستشفي اللي اخدتني من قدامها لو سمحت
-----------------
الجده ندهت علي الممرضه
الممرضه : افندم انا تحت امرك
الجده : معلش يابنتي ممكن تدويني الحمام اللي بره
الممرضه : اه طبعا .. طبعا
الجده مشيت هي والممرضه
ودكتور التخدير كان مراقبها واول ما طلعت دخل مكانها علي طول ومره واحده طلع الحقنه وبقي يحضر الابره
سواق التاكسي : وصلنا المستشفي
داغر نزل من باب العربيه ولانه دخل وطلع من المستشفي قبل كده بقي عارف مكان اوضه غدير
بقلمي مآآهي آآحمد
داغر طلع علي السلالم بس كان بيطلع عادي مش بسرعه عشان هو بقي عاوز يبقي طبيعي زيه زي الناس كلها
دكتور التخدير في نفس الوقت حضر الحقنه وحطها في المحلول
بقلمي مآآهي آآحمد
ولسه بيدخل الحقنه في المحلول داغر وصل علي الطرقه
دكتور التخدير حط الحقنه بسرعه في المحلول وحس ان في حد جاي عليه من كتر التوتر الحقنه الفاضيه وقعت منه وماوطاش عشان ياخدها وطلع من الاوضه بسرعه وبقي يمد بخطوات رجله وهو متوتر داغر حس ان في حد بيطلع من الاوضه لسه هيمشي ورا خطوات الرجلين دي وهي بتمد لقي جدته جت قدامه
دكتور التخدير لف بسرعه من الطرقه ومشي
جده داغر : انت جيت ياداغر
داغر : كنتي فين
الجده : كنت في الحمام يابني بتوضا عشان اصلي المغرب
دكتور التخدير دخل اوضته وحط ايده علي قلبه واتنهد وارتاح ان محدش شافه
بقلمي مآآهي آآحمد
داغر دخل الاوضه وابتدي مايسمعش صوت نفس غدير .. قرب منها وحط ودنه علي قلبها ماسمعش نبضات قلبها
الجده : مالك يابني فيك اي
داغر : غدير .. غدير ما ببتنفسش
دكتور .. فين الدكتووووووور
الممرضه : في اي
الممرضه دخلت بسرعه وبتحس علي نبض غدير مافيش ندهت علي الدكتور بسرعه الدكتور حط السماعه علي قلبها
بيبص للاسف لقاها ماتت
الدكتور : البقاء لله ..
داغر : ضم حواجبه كده ومبقاش مصدق
( باستغراب ) انت بتقول ايه 😳
الجميله والوحش 💞
( الجزء الثالث والثلاثون )
البيدج الاصليه حكآآيآت مآآهى
بقلمي مآآهي آآحمد
الدكتور : البقاء لله
داغر ضم حواجبه كده ومبقاش مصدق
داغر : انت بتقول ايه 😳😳
الجده : ( باستغراب ) ازاي .. ازاي ده حصل دي كانت كويسه من لحظه واحده
داغر : ( بتوتر ) انت .. انت اكيد كذاااب انت مش دكتور
( بصوت عالي سمع المستشفي كلها )
داغرر: هااتوا دكتووور بسرعه .. عاااااايزين دكتور
الدكتور : اهدي ارجوك .. انا دكتور وبقولك ان الطفله ماتت
داغر مسكه من هدومه وحدفه علي الحيطه بأيد واحده من كتر عصبيته الدكتور راسه خبطت في الحيطه جابت دم واغم عليه
الممرضه : الحقووونا .. حد يلحقناااا فين الامن
داغر لف وشه ناحيتها .. وريأكشنات وشه اتغيرت وصوت نفسه بقي عالي اوي الممرضه من خوفها منه وقعت في الارض اغم عليها
الجده حركت الكرسي العجل وراحت بسرعه علي سرير غدير وبقت تلمس في ايديها .. وتبوس كف ايديها
الامن جه بسرعه وهو بيجرى ودخلوا علي داغر شافووه منظر الدكتور وهو سايح في دمه والممرضه كده راحوا بسرعه رفعوا المسدسات اللي معاهم علي داغر .. داغر اول ما سمع صوت رفعت المسدسات بسرعه قرب منهم ولسه هيهجم عليهم سمع صوت دكتور جلال جاي بيجرى من بعيد وزق الامن ودخل في النص ما بينهم
دكتور جلال: اوعي انت وهو وسع بسرعه
دكتور جلال حط ايده علي الطفله وبقي يحس بنبضها بيبص لقاه مافيش .. داغر كان واقف وهو حرفيا متنح مش مصدق ان اللي بيحصل ده حقيقه وبقت راسه تتحرك يمين وشمال مع خطوات دكتور جلال ومبرأ وبس
دكتور جلال والممرضه التانيه واقفه وراه مسك هدوم الطفله بسرعه وقطعها نصين
دكتور جلال: جهاز الصدمات الكهربائيه بسرعه
الممرضه حطت الجهاز وادته للدكتور بسرعه
الممرضه بقت تبص علي الجهاز .. والجهاز كان لسه موصلش لدرجه الحراره المطلوبه دكتور جلال زقها بسرعه واخد الجهاز من ايدها
دكتور جلال : بسرعه مافيش وقت
اخد الجهاز وبقي يحطه علي صدر الطفله وكل جسمها الصغنن يتنفض لفوق ويبص علي الجهاز يلاقي برضوا خط مستقيم ومافيش اي نبضات
دكتور جلال: عالي الڤولت بسرعه
الممرضه : ( بخوف ) حااضر
الجده : استر يارب .. استرها معانا يارب
داغر كان واقف ومابيتحركش زي ما تكون الدنيا وقفت والثواني دي اتحولت بقت ساعات
داغر كان سامع صوت من بعييييييد من كتر ما هو في دنيا غير الدنيا من كتر الصدمه اللي هو فيها
دكتور جلال : ١-٢-٣
دكتور جلال حط الجهاز الكهربائي مره تانيه علي صدر الطفله وبرضوا مافيش مره واتنين وتلاتين لحد ما يأس وحط وشه في الارض
دكتور جلال رفع الملايه وحطها علي وش الطفله
دكتور جلال : اعلني حاله الوفاه الساعه 7:00 مساء
الممرضه: حاضر يادكتور
بقلمي مآآهي آآحمد
الجده : ( بعياط وهي بتهز راسها شمال ويمين ) لا .. لا .. انا ماصدقت عيال حسناء رجعوا في حضني لاء .. لا يابنتي لاء مش هتكوى بموتك وموت عيالك لاااااء ( الجده بقت تصرخ ) والصرخه كانت طالعه من قلبها بجد
داغر وهو في حاله صدمه .. يعني ( بلع ريقه ) يعني اي .. اي اللي انت بتقوله ده
دكتور جلال: داغر يابني انا مش فاهم حصل اي .. اؤكدلك انها طالعه من العمليه وكانت كويسه جدا ومؤشرتها الحيويه سليمه ميه الميه اكيد حصل حاجه اي هي مش فاهم
داغر ضم حواجبه كده وبيحاول يستوعب
داغر : ( بصوت مبحوح ومش قادر يطلع صوت ) انت هتصحي الطفله تاني ..
دكتور جلال: استغفر الله العظيم يابني انا مافيش في ايدي حاجه اقدر اعملها
داغر بعصبيه شديده رمي الكرسي اللي قدامه علي الشباك والازاز كله اتكسر والكرسي اترمي من الشباك
داغر : ( بزعيق وصريخ ) هتصحيها تااااااااااااااااااني
صحي الطفله تااااااااني
مره واحده مسك بتوع الامن زقهم زقه واحده بس بايديه حدفهم بره
و قفل الباب عليهم ومسك الدكتور
داغر : مش هتمشي من هنا غير لما تصحي انت فاهم 😡
دكتور جلال: ( خاف جدا من نبره صوته ومن نظره عنيه اللي اتحولت مره واحده )
دكتور جلال: حااضر .. حااضر هعمل كل اللي اقدر عليه
داغر : لاء هتصحيها فااااااهم
دكتور جلال: رفع ايده وبعد خطوه
دكتور جلال: فاهم .. فاهم
دكتور جلال بقي بيعمل اي حاجه وبقي يجيب الجهاز الكهربائي ويصدمها بي تاني وهو عارف اصلا ان الطفله ميته ومافيش منها رجا بس كان خايف علي عمره وللاسف مافيش فايده
بقلمي مآآهي آآحمد
بتوع الامن بره بلغوا البوليس بسرعه
الجده : كفايه يابني حرام عليك البت اتبهدلت من الصدمات الكهربائيه لدرجه ان صدرها اتحرق ارحمها يابني.. ارحمها وهي ميته
داااغر : ( بصوت عالي ) ماتقوليش ميته غدير مش ميته غدير ماماتتش .. غدير عايشه
( بص للدكتور ) حااضر .. حاضر
الممرضه اللي اغم عليها فاقت هي والدكتور اللي راسه كلها بقت بتجيب دم من الخبطه
بقلمي مآآهي آآحمد
داغر زي ما يكون فاق وحس ان مافيش فايده ومره واحده دموعه نزلت منه ورجليه مابقيتش شيلاه قعد علي ركبه ووطي في الارض وهو بيعيط يعيط ودموعه مابقاش عارف يمسكها
دكتور جلال شاور للممرضه والدكتور انهم يرجعوا لورا بسرعه ويسيبووه لوحده وفتحوا الباب بالراحه جدا وطلعوا والدكتور شد الجده من الكرسي العجل بتاعها
الجده : ( بعياط ) لاء سيبني لاء
بس الدكتور كان شايف حاله داغر عامله ازاي وخاف علي الجده منه وطلع بره وقفل الباب وراه واخدها بالعافيه وبعدها رفع وشه ومسح دموعه بسرعه ومن كتر ما كان ضعيف وقتها بقي بيسحف عشان يروح للطفله بسرعه واخيرا وصل للسرير ومسك ايدها
داغر : قومي .. قومي ياغدير .. شوفتي .. شوفتي انا حفظت اسمك ازاي وبقيت اقول ياغدير يلا قومي بقي .. كفايه .. كفايه كده 🙂
انتي عايزه تعرفي غلاوتك عندي صح .. انتي غاليه .. غااااليه اوي ياغدير .. انتي الحاجه الوحيده اللي عايش عشانها .. ماتسبنيش ..(داغر بقي يبوس ايد الطفله )
اوعي تفكرى تسبيني ياغدير .. وحياتي عندك ماتسبيني
ابوس ايدك ماتسبنيش 😔😔
بس للاسف مهما اتكلم عمر الطفله ما هترد عليك ياداغر 🥲
بقلمي مآآهي آآحمد
---------------------------------بقلمي ماهي احمد---------------------
البوليس اول ما جه الجده بقت تحاول تحمي داغر بسرعه علشان مايتقبضش عليه عشان اللي عمله وانه كسر المستشفي وضرب دكتور واعتدي علي رجاله امن المستشفي ودفعت تعويض للمستشفي .. والظابط وقتها مشي وماقدرش يعمل حاجه
بقلمي مآآهي آآحمد
داغر فضل نايم جنب الطفله وماتحركش كان بيحسس علي ايدها وبس ومكانش بيرضي يخلي حد يدخل عليهم حرفيا وأي حد يفتح الباب داغر يصرخ بأعلي صوته
داغر : اقفلوا البااااااب .. الطفله نايمه .. محدش يصحي الطفله .. عشان الطفله نايمه ..
كانوا بيقفلوا الباب علي طول فضل طول اليوم وهو شايلها وحاططها علي رجله وحاضنها ويشم ريحتها
الجده اتصلت با ابنها وبميرا .. كانت عايزه تتصل بهدير بس مش معاها رقم فونها للاسف
هدير بقت كل شويه تتصل بداغر بس تليفونه مقفول
هدير : انا قلقانه اوي علي داغر ياماما .. مابيردش ومكلمنيش والمفروض كان راح لبابا النهارده ومافيش اي خبر عنه قلبي واجعني عليه هو والطفله
هدير
ماما هدير: انتي مش قولتي انك سيباهم كويسين
هدير : ايوه كويسين بس مش عارفه قلقانه عليهم وخايفه ليه
ماما هدير : طيب عرفتي منين انه مارحش لابوكي هو ابوكي لسه جه
هدير : كان علي الاقل اتصل بيا رد عليا اي حاجه
ماما هدير: الغايب حجته معاه يابنتي واول ما الصبح يطلع روحيلهم علي طول
بقلمي مآآهي آآحمد
(المنشاوى جه وهو زعلان ومضايق هدير جريت عليه )
هدير : ( بابتسامه خفيفه ) انت جيت يابابا
المنشاوي ضامم حواجبه ومابيتكلمش
ماما هدير: مالك يامنشاوي فيك اي حصل حاجه
المنشاوي : حصل حاجه كده .. مش عارف اقول اي
هدير : ( بخوف وتوتر ) في اي يابابا حصل اي..
المنشاوى : ( بحزن ) ادخلي علي اوضتك دلوقتي ياهدير
هدير : انا حاسه ان في حاجه غلط وانت مش راضي تقولي .. هو داغر جالك النهارده
المنشاوى: ( ضم حواجبه ) وداغر هيجيلي ليه ؟
هدير : لا .. لا خلاص ابدا مافيش .. انا .. انا داخله اوضتي
بقلمي مآآهي آآحمد
هدير دخلت اوضتها والمنشاوي دخل اوضه النوم هو وماما هدير
ماما هدير: في اي ياداغر مالك
المنشاوي: الطفله .. الطفله ماتت
ماما هدير: ضربت بأيدها علي صدرها .. وبرأت من الخضه
ماما هدير : ( ومن كتر الخبر ما وجع قلبها قالت بصوت عالي ) مااااتت 😳😳
هدير سمعت صوت مامتها وهي في اوضتها وهي بتقول ماتت
طلعت بسرعه من الاوضه وراحت علي اوضه مامتها
وبقت تسمعهم من ورا الباب
ماما هدير: ازااااي الطفله ماتت ازاي
المنشاوي: وطي صوتك هدير تسمعك .. احنا مابقاش لينا دعوه بالناس دي خلاص هما عملوا فينا معروف واحنا ردينا المعروف وخلصنا
هدير وهي بتسمع قلبها بقي يدق اوووي وقلقانه جدا
هدير : ياترى مين اللي ماتت ..
ماما هدير: انت بتقول اي يامنشاوى ازاي تقول كده دي طفله صغيره ازاي مش واجعه قلبك
المنشاوي ( وهو باصص في الارض وزعلان )
ومين قالك انها مش واجعه قلبي انا من ساعه ما عرفت وانا قلبي واجعني عليها اووووي ومش عارف اعمل اي .. قوليلي في ايدي ايه واعمله
هدير سمعت كلمه صغيره وطفله فتحت الباب
هدير : ( بتوتر ) انت تقصد .. تقصد علي مين يابابا
ماما هدير حطت وشها في الارض وبقت تعيط
هدير : اوعي تكون قصدك الطفله .. صح .. قول انها مش غدير
المنشاوي بصلها وبعدها اتنهد
المنشاوى: هدير خلاص .. خلينا يابنتي بعيد عن الناس دي احسن انا كمان قلبي واجعني عليها
هدير بسرعه سابت باباها ومن غير حتي ما تغير هدومها فتحت الباب وطلعت تجرى
المنشاوي جرى وراها
المنشاوي: هديييييييير استني
بس هدير ولا سمعت منه ولا كلمه وجريت راحت علي المستشفي
حسام كان جاي عليهم وهي بتركب التاكسي مشي وراها بالعربيه وراح وراها المستشفي
هدير وقتها رجليها مكانتش شيلاها ومش مصدقه ان اللي بيحصل ده بجد واخيرا وصلت وطلعت تجرى علي اوضتها ولاقيتهم كلهم لابسين اسود وواقفين قدام باب اوضتها وداغر جوه
بقلمي مآآهي آآحمد
الجده: اخيرا جيتي يابنتي تعااالي الحقينا
هدير : هو .. هو .. ده بجد الطفله ماتت بجد
الجده بصت لهدير وهزا راسها وهي دموعها نازله منها هدير وقتها كانت منهاره وبقت تعيط وتصرخ من كل قلبها بجد حاولت تدخل علي داغر وتفتح الباب بس دااغر مجرد ما حد بيحط ايده علي اوكره الباب بيصرخ ومابيخليش حد يدخل حرفيا ولا حتي هدير
هدير قعدت علي باب الاوضه وبقت تنزل علي ركبها وهي ماسكه اوكره الباب
هدير : افتحلي ياداغر .. افتحلي اشوفها مش اكتر .. افتحلي ياداغر عشان خاطر ربنا افتحلي
حسام اول ما طلع وشاف كده دكتور التخدير كان علي اول الطرقه من بعيد شاف حسام راح ابتسمله حسام بصله ورفع حاجبه وظهرت بجانب شفايفه ضحكه سخريه وشماته
بقلمي مآآهي آآحمد
بسرعه جدا جرى علي هدير ..
حسام : قومي ياهدير .. قومي ماتعمليش في نفسك كده
هدير كانت اعصابها سايبه جدا وشعرها منكووش ومن كتر العياط الكحل كان سايح من عنيها .. وبقي حسام يقومها من الارض وياخدها في حضنه ويطبطب عليها بكل حنيه
هدير : الطفله ياحسام .. الطفله ماتت
حسام : الله يرحمها .. الله يرحمها ياهدير ..
هدير بقت قاعده قدام الاوضه ومابتتحركش ومافيش علي لسانها غير افتحلي ياداغر نفسي اشوف الطفله بس داغر كان قاعد علي الارض وحاطط الطفله علي رجله وحاضنها وبس اليوم عدي وداغر مش راضي يسيب الطفله حرفيا
بقلمي مآآهي آآحمد
دكتور جلال راح للجده : وبعدين احنا لازم ندفن الطفله مش هينفع كده الطفله بقالها ٢٩ ساعه ميته وده حرام لازم ندفنها
بقلمي مآآهي آآحمد
حسام وقتها كان قاعد بره مع هدير ومش راضي يسيبها
دكتور التخدير بص لحسام وحسام مشي وراه
لحد ما بعدوا خالص ونزلوا في اوضه الدكتور
بقلمي مآآهي آآحمد
دكتور التخدير: انا عملت اللي انت قولتلي عليه ناقص تنفذ وعدك ليا
حسام : تفتكر ده وقته يابني ادام انت
دكتور التخدير: لاااا بقولك اي .. انت قولت الباقي هيبقي بعد التنفيذ وانا نفذت
حسام : خلاص .. خلاص ماشفهومش وهما بيسرقوا
بكره الصبح الفلوس تكون عندك
دكتور التخدير: ااه الصبح بالكتير
حسام : طيب .. طيب غور من قدامي دلوقتي انت فاهم 😡
دكتور التخدير : فاهم ياحسام بيه
انا ماشي واتمني اني الاقي بكره فلوسي في حضني
هدير ابتدت تدخل لداغر بالراحه جدا فتحت الباب عليه لاقيته قاعد ما بيتحركش والطفله علي رجله قفلت الباب بالراحه وقعدت جنبه لاقت ان الطفله جلدهااا بقي ازرررررق وهو مابيتكلمش ودموعه نازله منه وبس
هدير قعدت في الارض جنبه
داغر : ( لف وشه ناحيه هدير ) هدير الطفله .. الطفله ماتت ياهدير
هدير بقت تعيط وتاخد داغر في حضنها وتضمه ليها اكتر
لازم تدفن ياداغر لازم ندفن الطفله
داغر : الطفله خلاص هندفنها ..
هدير : ايوه هتدفن خلاص للاسف ياداغر
داغر اخد الطفله وبقي شايلها ما بين دراعه ومش راضي يسيبها ومارضاش حتي انهم يغسلوها واخيرا شالها وركبوا العربيات كلهم وبقت هدير وماما هدير والمنشاوي وناااس كتير اوي وراهم
هدير بقت تصرخ وداغر دخلها القبر بايديه المشهد ده تحفه حرفيا وداغر بيدخل الطفله القبر عشان كده عملته فيديو علي بيدج حكآآيآآت مآآهي اتمني يعجبكم
واخيرا نزل التراب عليها
داغر بقي يطبطب علي تربتها وبقي يقول
داغر : خلاص يا امي الطفله رجعتلك امانتك رجعن يا امي
هدير : الطفله ماتت يابابا .. مااتتت
انا عارفه ان البارت صغير بس هعوضه ان شاء الله بكره وعد والله
الجميله والوحش 💞
( الجزء الرابع والثلاثون )
البيدج الاصليه حكآآيآت مآآهى
بقلمي مآآهي آآحمد
هدير بقت تعيط وتاخد داغر في حضنها وتضمه ليها اكتر
لازم تدفن ياداغر لازم ندفن الطفله
داغر : لاء سيبي الطفله .. الطفله مش هتدفن لاء
هدير : اكرام الميت دفنه ياداغر مش هينفع تحطها في حضنك طول العمر
داغر : لا ياهدير ماتقوليش انها ميته الطفله مش ميته
هدير بقت تعيط ووطت راسها بالراحه جدا وباست الطفله من راسها
هدير : ارجوك ياداغر ارحمها لازم ندفنها .. هي كده بتتعذب وهي ما بين ايديك
داغر : الطفله خلاص هندفنها ..
هدير : ( بعياط ) ايوه هتدفن خلاص للاسف ياداغر
داغر اخد الطفله وبقي يقوم بيها ورجليه مابقيتش شايلاه قام بالعافيه وهدير بقت تسنده وهو شايلها ما بين دراعه ومش راضي يسيبها ومارضاش حتي انهم يغسلوها واخيرا شالها وركبوا العربيات كلهم وبقت هدير وماما هدير والمنشاوي وناااس كتير اوي وراهم واول ما طلعوا الطفله من العربيه في النعش
هدير بقت تصرخ وبقت سمر صحبتها ماسكاهه من ايديها وبقت تحاول تخليها تتماسك وداغر دخلها القبر بايديه وحسام كل ده وهو ماسبهمش لحظه وشايف كل حاجه بتحصل قدامه .. المشهد ده تحفه حرفيا وداغر بيدخل الطفله القبر عشان كده عملته فيديو علي بيدج حكآآيآآت مآآهي اتمني يعجبكم
واخيرا نزلوا التراب علي الطفله بعد ما اتدفنت الناس بقت تطلع من الترب واحده واحده وداغر قعد جنب تربه الطفله
و بقي يطبطب علي تربتها وبصوت حزين
داغر : خلاص يا امي الطفله رجعتلك امانتك رجعت يا امي
المنشاوي كان واقف جنب داغر هو وماما هدير وحسام معاهم ..وهدير كانت بتبص علي التربه وراحت بصت لباباها
هدير : ( بعياط ) الطفله ماتت يابابا .. مااتتت
المنشاوي : ( بكل حزن ) الله يرحمها يابنتي
حسام : والله ياهدير كلنا زعلانين عليها
( بس طريقه حسام وهو بيقول الكلمه دي كانت مش طريقه حد زعلان زي ما يكون حد شمتان وكمل كلامه)
حسام : بس نعمل اي بقي حكمه ربنا
بقلمي مآآهي آآحمد
داغر لف وشه ناحيه حسام وحس ان طريقه كلامه مش طبيعيه نبره صوته فيها شماته قام ووقف بسرعه وفي لحظه وشه كان في وش حسام
داغر : لو كان ليك اي علاقه بموت الطفله مش هرحمك
حسام : يعني ايه .. ( ضم حواجبه بغيظ ) انت تقصد اي
داغر قفل عنيه نص قفله كده وشم ريحه الخوف جواه.. صوت نفسه مش طبيعي
بقلمي مآآهي آآحمد
داغر بل لسانه بشفايفه وداس بسنانه علي شفايفه
داغر : بكره هتعرف اقصد اي .. 😡
بقلمي مآآهي آآحمد
حسام : انا مش عايز اطول عليك في الكلام بس عشان عارف حالتك عامله ازاي
المنشاوي: خلاااااص .. خلاااااص ياحسام حصلنا انت علي العربيه واحنا جايين وراك
بقلمي مآآهي آآحمد
حسام بص لداغر بصه قرف وداس علي سنانه
حسام : حاضر ياعمي اللي تشوفه
حسام مشي وميرا مشيت وراه وبقت تمشي وراه خطوه بخطوه ..
حسام بيبص في فونه لقي دكتور التخدير بيتصل
حسام : ايوه يازفت ما تصبر هو انا هطير يعني ..
دكتور التخدير: ____________
حسام : خلاااااص .. خلاااااص فلوسك هتبقي عندك بس الاول انت ركبت كاميرا في اوضه الطفله ولا لاء زي ما قولتلي .. اللي زي داغر ده ما نأمنلووش حتي لو شوفت الطفله بتدفن قدام عنيا
بقلمي مآآهي آآحمد
دكتور التخدير: ___________
حسام : متأكد
دكتور التخدير: __________
حسام : تمام حلو اوي ده هاجي اديك الفلوس علي بالليل وهاجي اشوف الشريط سلام
حسام كان واقف جنب العربيه ولسه هيركب لقى ميرا بتخبط علي ضهره بصوباعها لف وبصلها
بقلمي مآآهي آآحمد
حسام بصلها باستغراب
حسام : مش انتي ....
ميرا ( بابتسامه وشاورت براسها تحت ) ايون اناااا ☺️
حسام : انتي عايزه اي
ميرا : لاااا عايزه اي دي هنقولها بعدين .. لانك هتعرف هتعرف .. وهنا ماينفعش الناس حوالينا
حسام: ماتتكلمي عدل يابت انتي تقصدي ايه وعايزه ايه
ميرااا هرشت بصوباعها علي مناخيرها
بلا مبالاه ورجعت بصيتله
ميرا : اتكلم عدل وكمان بت ( ضحكه ضحكه ظهرت بجانب شفايفها ورفعت حاجبها )
ميرا : تمام .. تمام من غير عصبيه اوي كده
انا عارفه انك انت اللي قتلت الطفله
حسام : ( بنرفزه) انتي بتقولي ايه ؟
ميرا : هوووووووش داغر يسمعنا اصل انا عرفت من الطفله ان قوه السمع بتاعته رهيبه الله يرحمها بقي لما كانت عايشه كانت بتحكيلي علي كل حاجه .. انا سمعت كل حاجه بينك وبين الدكتور ومعايا الدليل كمان
( ميرا شاورت بأيديها لحسام انه يقرب منها وراحت قربت منه وهمست في ودنه )
ميرا : اصل انا صورتك والدكتور بيطلب منك بقيت حسابه وعلي فكره انا مش ضدك خالص بالعكس انا معاك اوي ده حتي الدكتور الحمار وهو بينفذ وبيموت الطفله الحقنه وقعت منه وانا بعد ما داغر طلع من الاوضه لاقيتها تحت السرير حطيتها بسرعه في كيسه عشان بصماته ماتروحش من عليها
داغر : ( بتوتر ) انتي .. انتي .. انتي بتقولي ايه .. انتي كدابه انا لايمكن اعمل حاجه زي كده
ميرا : ممممممم تااني .. رغم اني قولتلك اني في صفك
( اتنهدت ) طيب ياسيدي براحتك
فتحت شنطتها وطلعت الكارت بتاعها .. وحطيته في جيب حسام
ميرا : بكره تحتاجني ووقتها هتتأكد اني في صفك مش ضدك وقتها بس ( شاورت براسها وهي بتبتسم وغمزت بعنيها الشمال ) وقتها بس هتكلمني
لفت ضهرها لحسام ورفعت صوابعها وحركتهم وهي مدياله ضهرها بمعني ( باااااااي )
بقلمي مآآهي آآحمد
حسام فضل باصصلها وهو متنح وركب العربيه ورزع الباب وراه وضرب علي الدريكسيون بأيديه
حسام : يااادي المصيبه هي نقصاكي انتي كمااان 😡
بقلمي مآآهي آآحمد
(Flash back )
ميرا كانت واقفه بره الاوضه واول ما هدير جت وهي وحسام كانت بتبص لهدير بقرف ومركزه معاها وحسام كان واقف جنبها مره واحده بتبص لاقت حسام بيبص اخر الطرقه ودكتور التخدير بيبصله وحسام ضحك ضحكه سخريه ميرا ضيقت عنيها وحست بحاجه غلط .. مشيت وراه من غير ما يحس وبقت تسمعه من بره الاوضه وعرفت ان هو اللي عمل كده مع الطفله حاولت تصوره معرفتش الباب كان مقفول بقت تحط ودنها وتسمع هما بيقولوه اي هي اه قالتله انها صورته بس كانت بتكذب عليه وبعد ما داغر طلع من الاوضه هو وهدير والكل مشي بقت تبص في الاوضه شمال ويمين لحد ما بصت تحت السرير بتبص لاقت في حقنه مرميه جابت كيسه ومسكتها وحطتها في شنطتها عشان البصمات
بقلمي مآآهي آآحمد
-----------------------------------
غالب وهو في الحبس مع رعد
غالب : انت اكيد مجنون ازاي تعمل كده ازاااااي
رعد : بحاول احافظ علي حياتنا
غالب : تقوم عايز تقتل اختنا انت اتجننت
رعد : ماتقولش عليها اختنا .. دي مش اختنا ومانعرفش عنها حاجه وبعدين انا بعد ٢٥ سنه جاي تقولي ان ليا اخت وأخ اعداء لينا
غالب : هما عمرهم ما كانوا اعداءنا انا لو كنت عايز اموت داغر كنت موته من زماااان هو والطفله بس انا عمرى ما فكرت في كده
رعد : وده اللي هيجنني احنا كنا ممكن في لحظه نفجر البيت ونخلص منهم بس انت لاء اضربوا السقف بس مش عايز حد يموت ولما قولتلي عشان داغر والصندوق قولت بس يبقي عايزه حي عشان الصندوق لكن الطفله عايزها حيه ليه فهمني
يارقبتها يارقبتنا
غالب : ( بنرفزه ) انت خساره حتي فيك الكلام عمرك ما هتفهم يعني ايه اخوات الطفله لو جرالها حاجه مش هرحمك واوعي تفتكر للحظه ان اللي اسمه حسام ده هيطلعك منها براءه ولا يعتبرك شاهد ملك ده انت بتحلم
رعد : لو الطفله ماتت وهو ماطلعنيش منها هقول علي كل حاجه
غالب هههههههههه ( بقي يسقف بأيده ومشي خطوتين قدام )
غالب : والله يابني انت غلبان فين الدليل اللي معاك ان هو اللي قتل الطفله ولو حاكيت هتقول اي بتحرض واحد انه يقتل ده شروع في قتل ومش بعيد تاخد اعداااام
انت لو اتكلمت ميت ولو ما تكلمتش برضوا ميت
رعد : يعني.. يعني ايه ..
غالب : يعني لو حسام عمل اللي قولتله عليه وعرف نقطه ضعف داغر اختك بس هي اللي هتدفع التمن .. انت انسان اناني مش شايف في الدنيا غير نفسك وبس سيبتني وانا كنت محتاجلك وكنت بموت وهربت لولا داغر مكنتش زماني عايش دلوقتي .. وعاوز طفله زي دي تموت عشان انت تعيش .. بتضحي بأي حاجه وبأي حد عشان مصلحتك رغم ان كلنا اخواتك
رعد : ( بندم ) انا مش وحش كده بس في الاول وفي الاخر دي تربيتك انت دايما اللي معودني اني لما ببقي عايز حاجه باخدها وبعملها ( بلع ريقه ) مابعرفش اشيل مسؤوليه حتي ايام ابوك كان دايما بيقول عليا خفيف وكان بيعتمد عليك في كل حاجه مكنتش بشوف غير نفسي وبس
غالب : ( ضحك ضحكه سخريه ) حتي الغلط عايز ترميه علي غيرك .. ومش عايز تعترف انك جبان وندل ووس"خ
رعد : ايوه انا جبان .. بس .. بس
غالب : ( بنرفزه وزعيق ) بس ااااااايه .. الطفله لو جرالها مش هسامحك طول عمرى ولو كان في قلب داغر ذره رحمه في قلبه الطفله لو ماتت هيتحول وهيقتلنا كلنا بقلب بارد
رعد : طيب .. طيب هنعرف منين انها عايشه ولا ميته واحنا ما بين اربع حيطان
غالب ضرب بأيديه علي الحيطه وهو متعصب
غالب : مش عارف .. مش عارف ياغبي .. انا كل همي دلوقتي علي الطفله حتي لو رقبتي تروح فيها المهم هي تعيش
---------------------بقلمي مآآهي آآحمد-------------------------------
بعد ما كل الموجودين مشيوا داغر كان لسه قاعد جنب الطفله فضل حسام وهو قاعد في العربيه من بعيد و بيبص لميرا وهي واقفه جنب داغر .. وهو عمال بياكل في نفسه ياترى البت دي عايزه مني ايه .. وليه عايزه تبقي في صفي
هدير : ( مدت ايدها لداغر وبقت تحط ايدها علي كتفه ) قوم ياداغر لازم نمشي مش هينفع تقعد هنا طول الليل
داغر زق هدير وشال ايدها من علي كتفه
داغر : ( بنرفزه وعصبيه ) ابعدي .. ابعدي عني خالص .. انتي السبب انتي اللي خلتينا نيجي هنا .. لو مكنتيش دخلتي البيت لو مكنتش جيبتك هنا كانت الطفله زمانها عايشه احنا كنا عايشين .. حلو او وحش كنا عايشين وكانت معايا وفي حضني انتي السبب .. انتي وابوكي وامك وعيلتك كلها السبب
المنشاوى: اي اللي انت بتقوله ده ياداغر ده جزاتنا اننا واقفين معاك ومش راضيين نسيبك في وقت زي ده
داغر : ( وهو دايس علي سنانه من الغيظ ) انت تسسسسسكت خاااالص .. مش. طايق اسمع صوتكم .. مش طايق اسمع صوت نفسكم حتي.. مش قادر اشم ريحتكم ابعدوا عني
هدير : داغر حرام عليك ماتعملش فيا كده انا ماليش ذنب
داغر ادا ضهره لهدير وسابها
المنشاوى : ( بص لهدير ) قسما عظما لو مامشيتي قدامي لا اكون مموتك بأيدي حالا دلوقتي
هدير بصت لداغر وهو مدي ضهرها ورجعت بصت لباباها اللي الشر كله طالع من عنيه
المنشاوى : ( بعصبيه ) قدااامي
ماما هدير شدت هدير بسرعه من قدام داغر
بقلمي مآآهي آآحمد
ماما هدير: يلا يابنتي ابوكي مش هيسيبك تقعدي اكتر من كده
( ماما هدير بقت تشد هدير من ايدها ) وتزق فيها وهدير باصه لداغر ودموعها شغاله تنزل منها وبس لحد ما اخيرا اتحركت مع امها وكل ده وحسام باصص عليهم من بعيد
وشايفهم وهما جايين عليه .. وشايف غضب الدنيا علي وش المنشاوى
ماما هدير: ادخلي يابنتي العربيه .. ادخلي ربنا يهديكي ياحبيبتي
المنشاوي ركب قدام وهدير ركبت ورا هي ومامتها وبقت مامتها واخداها في حضنها وسانده راسها علي صدرها وبتطبطب عليها
حسام : في اي.. حصل اي
المنشاوي : اطلع ياحسام حالا
حسام دور العربيه ومشي
حسام ( وهما في الطريق )
حسام : الواد ده قالك حاجه تضايقك ياعمي
المنشاوي : عيل همجي .. حيوان بدائي مابيعرفش يتعامل مع بني ادمين .. بقي انا اللواء المنشاوي يعلي صوته عليا انااا
كل ده من بنتك ياست هانم هي اللي خلت ابوها يتهزهق
احنا مالنا بيهم دووول نيجي نعزي فيهم ليه ؟ يقربولنا ايه ؟
بقلمي مآآهي آآحمد
حسام : والله ياعمي انا كنت عايز اقول كده بس مارضيتش لحضرتك تزعل وتقولي ... ( ولسه هيكمل )
المنشاوى: ياريتك كنت قولت بس كله من بنت الگ"لب دي هي اللي ممرمطانا وراها وبس .. بس بعد كده تبقي رجليها تخطي عتبه البيت وهتشوف اللي محدش شافه مني قبل كده هقتلها بأيديه دوول عشان اخلص منها ومن قرفها
هدير وقتها كانت بتسمع كلام باباها ومكنتش مهتمه بكلامه ولا اي حاجه كانت باصه قدام وهي في حضن مامتها وبس ودموعها نازله منها
حسام بص في المرايه اللي قدام علي هدير وابتسم
------------------بقلمي مآآهي آآحمد -----------------------------
اسراء بقت ترن علي حسام كل شويه وحسام يكنسل
المنشاوي : ماترد بقي يابني وتخلصنا بدل ما كل شويه يرن وصدعني كده
حسام : حاضر ( بلع ريقه ) حاضر ياعمي
حسام : الووو
اسراء : انت فيييين .. انت مش قولت يومين واليومين بقوا تلاته انا مستنياك من امبارح وانت ولا عبرتني
حسام : خلاص .. خلاص ياعزت هخلص واجيلك
اسراء : قسما برب العزه ياحسام لو ما جيت حالا لا اكون باعته الفيديو للمنشاوي حالا
حسام : خلاص والله قولت جاي
المنشاوي : بتكلم مين ياحسام
حسام : ابدا ياعمي ده .. ده عزت صحبي ..
المنشاوي : طيب اقفل بسرعه عشان تركز في الطريق
اسراء : اي ده هو المنشاوي جنبك .. حلو اوي عشان ابعتله الفيديو وانت معاه بالمره
اسراء بعتت رساله للمنشاوي وصوت الرساله عمل صوت
حسام قلبه وقع في رجليه وبقي حاطط الفوم عبي ودنه وهو مش قادر يستوعب ان اسراء بعتت الفيديو فعلا
المنشاوي طلع الفون بيفتح الواتس لقاها رساله من اسراء بتقول فيها
اسراء : عمو ممكن تطمني علي هدير اصل بتصل بيها تليفونها مقفول
المنشاوي قرا الرساله وحسام بقي ينزل عرق
المنشاوي : دي رساله من اسراء بتطمن عليكي ياهدير
حسام اول ما سمع كده اخد نفسه واتنهد
اسراء كملت كلامها في الفون
اسراء : المره دي كانت قرصه ودن بس لكن لو ماجيتش في خلال ساعه واحده هبعتله الفيديو بجد سلااااام
حسام : سلام. .. سلام ياعزت
المنشاوي : مال وشك اصفر كده ليه
حسام : انا .. لا .. لا اابدا ولا اصفر ولا حاجه انا زي الفل
بس لازم اوصلكم وهاروح لصاحبي اصله تعبان شويه
المنشاوي : طيب وانا هستناك بعد ما تخلص تيجي تتعشا معانا
بقلمي مآآهي آآحمد
حسام : حاضر ياعمي حاضر
حسام وصل هدير والمنشاوي واول ما سابهم طلع علي اسراء علي طول وكل تفكيره انه لازم يخلص منها لانها زودتها اوي بجد
----------------------بقلمي ماهي احمد------------------------------
سمر بتتصل علي اسراء
اسراء : الووو ايوه ياسمر
سمر : مال صوتك
سمر اول ما قالت كده لاسراء .. اسراء انفجرت في العياط مره واحده
سمر : مالك يا اسراء فيكي اي طمنيني عليكي
اسراء : مخنوقه .. مخنوقه اوي ياسمر والحمل تقل عليا حاسه اني عايزه اطلع اللي جوايا واحكي لحد علي كل اللي بيحصل معايا
سمر : طيب اهدي .. اهدي انتي فين دلوقتي
اسراء ادت العنوان لسمر
سمر : وانتي بتعملي اى في المقطم وعنوان مين ده يا اسراء
اسراء : ( بعياط ) لما تيجي .. لما تيجي هحكيلك علي كل حاجه
سمر قفلت مع اسراء من هنا وحسام فتح الباب بالمفتاح اللي معاه
الشقه دي اسراء اللي مأجراها وحسام لما بييجي كل مره بياخد باله اوي ان ماحدش يشوفه ولا وهو طالع ولا وهو نازل
بقلمي مآآهي آآحمد
اسراء اول ما شافت حسام مسحت دموعها بسرعه واتمالكت نفسها
اسراء: اخيرا جيت
حسام : شوفتي اخيرا وكمان ليكي عندي خبر حلو اوي
اسراء: خبر .. خبر ايه
حسام : هتقدملك النهارده
اسراء: لعبه جديده دي بقي ياسي حسام بيه
حسام : ( بنرفزه) لعبه اي وزفت اي انتي اتجننتي ولا ايه .. بقي اقولك اجي اتقدملك مش عاجب .. ابعد عنك وابقي عليز اتجوز غيرك برضوا مش عاجب
اسراء: لا لا لا انا ماقصدش .. انا بس اقصد اني مش مصدقه من كتر ما انا فرحانه
( حسام بابتسامه خبيثه )
حسام : لا ياستي صدقي ويلا بقي البسي عشان ننزل سوا ونروح لباباكي
اسراء فرحت جدا وراحت باست حسام من خده حسام بسرعه بص علي تليفونها لقاه عملاه ببصمه ايدها
راحت تفتح الدولاب عشان تلبس وفتحت الضلفه ولسه بتطلع الهدوم وبتقفل الضلفه لاقت حسام قدامها وجايب حبل وبيخنقها بي
بقلمي مآآهي آآحمد
اسراء الحبل بقي ملفوف حوالين رقبتها وبقي ضهرها في صدر حسام بقت تحاول ترفع ايدها يمين وشمال وتحاول تبعد عنه بس مافيش ابدا لحد ما غابت عن الوعي حسام افتكرها ماتت وجاب التليفون بتاعها ومسكه بمنديل وفتحه ببصمه صوباعها وبقي يشيل كل حاجه من علي التليفون تخصه الفيديوهات والمكالمات والصور كل حاجه حرفيا فرمط الجهاز وبعد كده مسح بالمنديل كل حته لمسها علشان البصمات وبعدها نزل ونسي يقفل الباب وراه وطلع يجرى
بسرعه ركب عربيته وكانت سمر نازله من التاكسي وشافته وهو طالع يجرى وراكب العربيه بتاعته
سمر : ( بتكلم نفسها ) الله اي اللي جاب حسام هنا وماله طالع يجرى كده ليه
طلعت بسرعه تشوف اسراء وبصت علي رقم العماره لاقيتها هي
طلعت علي الدور اللي قالتلها عليه بسرعه لاقت الباب مفتوح بقت تنادي علي اسراء مكانتش بترد عليها
وبقت تدخل واحده واحده وهي خايفه واخيرا دخلت اوصه النوم لاقت اسراء في الارض مرميه ومابتتنفسش حست علي نبضها لاقيته ضعيف جدا كانت متوتره ومش عارفه تعمل ايه مسكت فونها بسرعه ومن كتر الخوف والتوتر اللي كانت فيه .. بقت تمسك الفون ويقع من ايديها كل شويه لحد ما اخيرا اتمالكت اعصابها واتصلت بالاسعاف بسرعه
---------------------------------بقلمي ماهي احمد---------------------
حسام وقف في المقطم علي ارتفاع عالي وبقي مش عارف هو عمل كده ازاي
وبقي يكلم نفسه وهو واقف قدام عربيته
حسام : غبيييييييه .. غبيه .. هي اللي اضطرتني اعمل كده
هي اللي خلتني اقتلها هي عارفه من الاول اني مابحبهاش فضلت تبقي ورايا ومعايا لحد ما ضعفت وأي راجل هيضعف لو مكاني وخصوصا ان هدير مكانتش موجوده .. ( ودموعه نازله منه ) انا مش قادر اعيش من غير هدير .. هدير دي النفس اللي بتنفسه بصحي كل يوم الصبح علي امل اني اشوفها طول عمرى بحبها وهفضل احبها طول عمرى .. ياريتك ياهدير كنتي بتحبيني ربع الحب اللي حبيتهولك يمكن .. يمكن وقتها بس كنتي حسيتي بالنار اللي حاسس بيها .. كنتي عرفتي قد ايه انا بموت من غيرك وعندي استعداد اعمل اي حاجه بس عشان نظره رضا منك
حسام فونه رن مسح دموعه وبص في الفون
لقاه دكتور التخدير
حسام مسح دموعه بسرعه
حسام : انت فين
دكتور التخدير : __________
حسام : ماتتحركش من مكانك انا جايلك
حسام ابتدي يجمع نفسه مره تانيه وراح لدكتور التخدير بسرعه
حسام : وريني الفيديوهات بتاعت الاوضه بتاعت الطفله
دكتور التخدير : مش لما تجيب الفلوس الاول
حسام: مش لما نطلع من اللي احنا فيه. الاول وريني شريط الكاميرا بسرعه
دكتور التخدير فتح اللاب توب وابتدي حسام يبص علي كل اللي حصل في الاوضه اكتشف ان في حاجه داغر بعد ما كسر كل حاجه وطلع الدكاتره بره فضل ال ٢٩ ساعه قاعد بالطفلة ماتحركش يوم كامل ماتحركش كان قاعد ماسك الطفله وبس
وشاف اول الفيديو كمان والحقنه بتقع من الدكتور التخدير وميرا بتدخل تجيبها وحطيتها في كيسه وحطيتها في شنطتها كله موجود في الكاميرا
دكتور التخدير : يادي المصيبه مين البت دي .. انا .. انا من كتر خوفي الحقنه وقعت مني بس افتكرت انها وقعت مني في حته تانيه
حسام : الفيديو ده في حاجه غلط احنا لازم نعرف اي اللي في راس داغر
دكتور التخدير: هو ده كل اللي يهمك اه طبعا ما انت باشا وهتطلع منها احنا لازم نجيب البت دي في اسرع وقت البت دي معاها بصماتي اللي علي الحقنه
حسام : ماتقلقش ياحيوان انت البت دي معانا ولازم تبقي معانا
لازم اعرف كل حركه داغر بيتحركها وهي الوحيده اللي هتعرف تجيبلي كل حركه لي
حسام طلع الكارت اللي حطيتهوله في جيبه بسرعه واتصل بيها
ميرا اول ما شافت رقمه
ميرا : ( بابتسامه خبيثه) كنت عارفه انك هتتصل بيا بس مكنتش عارفه انك هتتصل بيا بسرعه اوي كده ..
حسام : ياريت تجيلي في العنوان اللي هبعتهولك في الابلكيشن ده
ميرا : بس كده من عنيا الاتنين
ميرا ركبت عربيتها بسرعه وراحت لحسام
--------------------------بقلمي ماهي احمد--------------------------
الاسعاف جت واخدت اسراء بسرعه وبقت تعملها انعاش لقلبها بسرعه واخدتها وراحت بيها علي المستشفي
سمر ركبت معاها عربيه الاسعاف واتصلت بأهلها
سمر كانت ماسكه ايد اسراء ومش سيباها لحظه واحده
سمر : ماتقلقيش يا اسراء هتبقي كويسه ماتقلقيش
بتاع الاسعاف بقي بيحط ماسك الاكسچين لاسراء عشان تتنفس
واخيرا راحت المستشفي ..
اسراء وهي بتطلع في الروح كانت عايزه تقول حاجه لسمر بس كانت للاسف في دنيا تانيه
سمر: عايزه تقولي اي يا اسراء
اسراء:___________
سمر : خلاص .. خلاص ماتتكلميش بلاش تتكلمي دلوقتي
ومره واحده اسراء سابت ايد سمر
سمر : في ايه .. في اي حصل اي
المسعفين بيبصوا علي نبضها وللاسف لاقوها ماتت غطوا وشها.وقالوا لسمر البقاء لله
سمر وقتها من الخضه رجعت ورا وبقت تصوت وتصرخ علي اسراء
--------------------- بقلمي مآآهي آآحمد--------------------------
حسام : اخيرا جيتي
ميرا : اه اخيرا جيت
حسام : احكيلي بقي انتي عايزه اي وازاي في صفي
ميرا : مش لما تحكيلي انت الاول عايزني ليه ؟ ما هو انت مش هتتصل بيا كده الا لما تكون عايز مني حاجه
حسام : صح كلامك صح
دكتور التخدير : انا عايز الحقنه اللي بصماتي عليها
ميرا : هااا .. وايه كمان
حسام : اخرس خالص .. انا عايز اعرف الاول انتي تقصدي بأيه بأنك في صفي
ميرا : ( اقصد ان زي ما انت بتحب هدير انا كمان بحب داغر ومش عايزه هدير لداغر وممكن اعمل اي حاجه في الدنيا عشان هدير تبعد عن سكته خالص
حسام : وهو ده بقي اللي يخليكي تبقي في صفي
ميرا: ( بلا مبالاه ) وتفتكر في حاجه تاني تخليني في صفك غير كده وبعدين هو انت قتلت الطفله ليه غير كده مافيش اي مبرر تاني يخليك تعمل كده غير عشان داغر يكره هدير ويسيبها صح ولا انا غلطانه
حسام : صح انتي صح ..وعشان تثبتي بقي انك معاناا هاتي الحقنه اللي عليها بصماته
ميرا : ( ضحكه ضحكه بصوت عالي ) ههههههههه وبصت في السقف ورجعت تضحك تاني وهي بتسقف
ميرا : انت اكيد بتهزر صح .. اسمع ياحسام بيه يوم ما تتجوز هدير ده اليوم الوحيد اللي هديك في الحقنه ووقتها داغر مش هيلاقي حد معاه غيري يواسيه ويبقي الصدر الحنين لي غير كده معطلكشى
حسام : بس ده مش هيحصل غير لما تتعاوني معايا
ميرا : وانا موافقه ومستنيه تطلب مني اي حاجه بس داغر يبقي لياااااا
حسام : عايزك تراقبيلي حركات داغر لحظه بلحظه وتبلغيني بيها انا شاكك فيه وحاسس ان في حاجه غلط بتحصل
ميرا : حاجه غلط .. حاجه غلط زي ايه
حسام : مش عارف ده اللي هعرفه منك
ميرا : ماشي اعمل حسابك ان من اللحظه دي كل حركه لداغر هتبقي عندك
دكتور التخدير: طيب والحقنه
ميرا : اللاه ما قولنا لما يتجوزها
ميرا : انا لازم امشي مش هينفع اغيب عن البيت اكتر من كده وخصوصا واحنا في الظروف دي ولازم اروح لداغر الترب اصله ياحرام لسه هناك لحد دلوقتي ماتحركش مش عايز يسيب الطفله ويمشي
حسام قرب من ميراا اوي وبقي وشه في وشها
حسام : ( رفع حاجبه ) تمااام
بقلمي مآآهي آآحمد
---------------------------------بقلمي ماهي احمد------------------
اسراء وصلت المستشفي واول ما وصلت لاقت اهلها مستنينها هناك
واول ما شافوها ميته والملايه عليها مابقووش مصدقين
ودخلوها علي المشرحه وهناك قلعوها هدومها وادوها لاسراء
وبلغوا البوليس بسرعه
اسراء وهي ماسكه هدومها وبتحضنها وبتعيط حاسه ان في حاجه في جيب البنطلون بتاع اسراء طلعتها بسرعه بتبص لاقيتها فلاشه
سمر : فلاشه اي دي يااسراء
-----------------------------بقلمي مآآهي آآحمد---------------------
ميرا راحت لداغر واول ما شافته قعدت جنبه في الارض
ميرا : ( وهي متأثره وحزينه )
ميرا : مش هتقوم بقي ياداغر حرام عليك انت هنا من الصبح
داغر:___________
ميرا : طيب .. طيب قولي اعمل اي عشان اخليك تقوم من هنا
داغر: قوليلي عملتي ايه مع حسام الكلب ده
ميرا : ( بضحكه خبيثه وغمزت بعنيها الشمال ) عيب عليك جيبتلك قراره
داغر : رفع وشه ولف وشه شمال ناحيتها
داغر : كنت عارف انك قدها 😈
الجميله والوحش 💞
( الجزء الخامس والثلاثون)
البيدج الاصليه حكآآيآآت مآآهى
بقلمي مآآهي آآحمد
ميرا راحت لداغر واول ما شافته قعدت جنبه في الارض
ميرا : ( وهي متأثره وحزينه )
ميرا : مش هتقوم بقي ياداغر حرام عليك انت هنا من الصبح
داغر:___________
ميرا : طيب .. طيب قولي اعمل اي عشان اخليك تقوم من هنا
داغر: قوليلي عملتي ايه مع حسام الكلب ده
ميرا : ( بضحكه خبيثه وغمزت بعنيها الشمال ) عيب عليك جيبتلك قراره
داغر : رفع وشه ولف وشه شمال ناحيتها
داغر : كنت عارف انك قدها 😈
-------------------------------(Flash back )-------------------------
هدير كانت قاعده هي وداغر مستنيين الطفله وهي في العمليات
ميرا وحوريه كانوا واقفين بعيد عن داغر متر تقريبا ..
بقلمي مآآهي آآحمد
حوريه : انا مش عارفه اي اللي عاجبك في داغر ده
ميرا : اللي زي داغر ده راجل تعرفي تعتمدي عليه مش زي السرسجيه اللي تعرفيهم ولما بيحب بيحب من قلبه بجد ويابخت البنت اللي بيحبها بي
داغر سمع كلام ميرا لحوريه ابتسم ابتسامه خفيفه ولف وشه شمال ويمين كده
هدير : بتضحك علي ايه
ميرا قربت من داغر واول ما حس انها جايه عليه راح مشبك صوابعه بصوابع هدير
ميرا رفعت حاجبها الشمال كده واتنهدت
ميرا : ( بعصبية ) انا ماشيه
الجده : ليه ياميرا هتبقي انتي كمان مش كفايه خالك وابن خالك ماجووش
ميرا : ايوه همشي
ميرا مشيت وداغر قام اول ما مشيت
(هدير وقفت )
هدير : وقفت ليه ياداغر
داغر: استنيني هنا .. انا جاي حالا
هدير استغربت وضمت حواجبها كده وداغر مشي ورا خطوات ميرا من غير ما تاخد بالها
ميرا : انا داخله الحمام ..
حوريه : تمام هستناكي في العربيه
ميرا دخلت الحمام ولسه بتفتح الباب لاقت داغر في وشها
داغر : ( بابتسامه عريضه ) مفاجأه مش كده
ميرا : ( بخضه وخوف ) داغر انت بتعمل اي هنا
داغر : طالب منك طلب وعارف انك هتنفذيه
ميرا حطت ايديها ورا ضهرها وسندت علي الحيطه ورفعت حاجبها اليمين واتكلمت بتنهيده وهي بتحرك راسها ناحيه اليمين
ميرا : وأيه بقي اللي مخليك متأكد اني هنفذلك الطلب ده
داغر: عشان انتي بت جدعه .. وكمان عشان انتي لازم تنفذي الطلب ده
ميرا : ماشي سمعاك .. اطلب
داغر : عايزك تراقبي حسام لو جه المستشفي
ميرا : حسام مين تقصد حسام الواد الملزق ده اللي جه عندنا الفيلا قبل كده
داغر : ايوه هو
ميرا : ليه ؟
داغر : مش عارف ياميرا بس عايزك تعملي كده ..
ميرا : انت حاسس بحاجه وحشه ممكن تحصل للطفله
داغر : بعد الشر اكيد لاء .. ده طلب مش اكتر ينفع
ميرا : اكيد ينفع ومن غير حتي ما اعرف ليه ؟ كفايه انك انت اللي طلبت مني الطلب ده
داغر : كنت عارف انك قدها .. انتي عيني اللي هشوف بيها ياميرا كل خطوات حسام
ميرا : ماتقلقش ..
وبعدها ميرا شافت حسام مع دكتور التخدير وداغر في الترب
وهو شايل نعش الطفله
(همست في ودنه وهي جنبه وبتعيط وماسكه المنديل وحطاه علي وشها اكنها بتمسح .. وشها من العياط
ميرا : حسام هو السبب في قتل الطفله
داغر ودا وشه ناحيه اليمين لميرا وهو كله حقد وغيظ
ميرا : ( بعياط ) ماتقلقش انا عارفه هعمل اي ادفن انت الطفله والله ما هرحمه
-------------------------في الوقت الحاضر ----------------------------
(بقلمي مآآهي آآحمد)
ميرا حكت كل اللي حصل لداغر حرفيا
بقلمي مآآهي آآحمد
ميرا : ماقولتليش هنعمل اي دلوقتي بعد ما عرفت كل حاجه
داغر : لازم اطلع رعد وغالب من السجن
بقلمي مآآهي آآحمد
ميرا : ( باستغراب ) طيب ليه ؟
داغر : غالب هو الوحيد اللي هيساعدني في اني انتقم للطفله من حسام هو عيني اللي هشوف بيها حسام مش سهل وكمان معاه المنشاوي ورجاله الداخليه كلها وانا لوحدي صيده سهله بالنسباله
ميرا : والمطلوب
داغر : عايزك تفهميه اني محبط ويائس وحابس نفسي اربعه وعشرين ساعه في الاوضه وان مووت الطفله كسرني ياميرا فهماني
ميرا : وهطلع غالب ورعد ازاي من الحبس وامتي
داغر : انا مرتب كل حاجه بكره الصبح بدرى مع تغيير النبطشيه للظباط وهخرجه ازاي دي لعبتي السجن اللي هما فيه سهل اني ادخله ومافيهووش عساكر كتير انا عارف كويس هما فين وكمان حسام بعيد عن السجن اللي هما فيه .. كل خوفي فعلا انه يتنقلوا من السجن ده ويروح سجن تاني عشان كده عايزك تطمني حسااام علي الاخر
بقلمي مآآهي آآحمد
ميرا : يعني كل اللي اعمله اني اطمن حسام
داغر : بالظبببببط .. اهو ده بقي بالظبط اللي عايزك تعمليه
ميرا : ( غمزت بعنيها ) طيب مش عايزني في حاجه تانيه
داغر : ( بعصبية ) ميرراااااا
ميرا : خلاص .. خلاص ماتتحولش انا كنت بهزر معاك مش اكترر عايزه اطلعك من حاله الاكتئاب دي
داغر: ( بكل جديه ) عرفتي منه اي كمان
ميرا : عرفت انه كان زارع كاميرا في اوضه الطفله عشان يعرف كل اللي حصل في الاوضه بس حصلت حاجه غريبه لما كان بيشوف الفيديو والحاجه دي هي اللي خليته شاكك فيك
بقلمي مآآهي آآحمد
داغر : وطبعا اني قعدت ٢٩ ساعه في الارض وماتحركتش
ميرا : بالظبط كده عشان كده عايزني اعرف كل حركه انت بتتحركها واقوله علي كل حاجه
داغر : وطبعا انتي هتقوليله
ميرا : هقوله اللي قولتلي عليه
داغر : تمام حلو اوي ده
بقلمي مآآهي آآحمد
ميرا : داغر عشان خاطرري تعالي نبلغ عنه
داغر : نبلغ عن مين انا حقي هاخده بأيدي مش هرتاح غير وراسه فاصلها عن جسمه بأيدي
ميرا : خللي بالك من نفسك اللي زي حسام ده باين عليه شيطان .. وانت هنا لوحدك ومن وقت موت الطفله وانت مابتفكرش غير ازاي تنتقم من حسام وانت في منطقته
داغر: ماتخافيش عليا يابنت خالتي .. مش هسيبه غير وهو ميت وده مش هينفع الا بخروج غالب
ميرا: وليه متاكد ان غالب هيساعدك اوي كده
داغر رفع وشه من الارض وبص لميرا بصت شر
ميرا : خلاص مش عايزه اعرف يلا بقي عشان نمشي
بقلمي مآآهي آآحمد
داغر سند علي قبر الطفله وبص علي القبر وقام مشي وركب مع ميرا العربيه
حسام وقتها طلع انه بيراقب ميرا من بعيد بعربيته وحاطط سماعه في ودنه وضحك ضحكه خبيثه
حسام : ها .. هااا .. هاااا يابنت ال ...( داس علي سنانه وهز راسه شمال ويمين )
حسام : كنت عارف انك مش سالكه بس علي مين ده انا بابا يلا 😈😈
(Flash back )
ميرا : انا لازم امشي مش هينفع اغيب عن البيت اكتر من كده وخصوصا واحنا في الظروف دي ولازم اروح لداغر الترب اصله ياحرام لسه هناك لحد دلوقتي ماتحركش مش عايز يسيب الطفله ويمشي
حسام قرب من ميراا اوي وبقي وشه في وشها
حسام : ( رفع حاجبه ) تمااام
حسام من غير ما ميرا تاخد بالها اول ما قرب منها اوي حطلها ميكروفون صغير اوي في جيبها بيستخدموه في شغله عشان يتصنتوا علي الحراميه
وفعلا حطه لميرا وسمع كل اللي بينها وبين داغر
حسام خلع السماعه من ودنه وهو هيتجن
حسام : وبعدين انا لازم اتصرف داغر ماينفعش يطلعهم .. لو طلعوا وهربهم هتبقي مصيبه
حسام : سند راسه علي دريكسيون العربيه وفضل يفكر
واخيرا رفع راسه من علي الدركسيون
وقفل عنيه نص قفله
حسام : يا انا يا انت ياداغر الكلب واذا كنت انت هتهربهم بكره انا هنقلهم النهارده 😡
بقلمي مآآهي آآحمد
-----------------------------بقلمي مآآهي آآحمد----------------------
ماما هدير دخلت عليها اوضتها
ماما هدير وهي ماسكه صنيه الاكل في ايديها ..
ماما هدير: مش كفايه كده يابنتي مش حرام عليكي نفسك بقي انتي ما اكلتيش حاجه من الصبح كلي اللقمه دي عشان خاطرى
هدير قفله بوقها وقاعده علي السرير .. مابتتحركش
بقلمي مآآهي آآحمد
ماما هدير: ماتحرقيش قلبي عليكي يابنتي اكتر من كده
(المنشاوي دخل )
المنشاوي : افضلي انتي دلعي فيها كده لحد ما خلت ابوها يتهزق وعيل ابن امبارح يعلي صوته عليا .. انا .. انا اللواء المنشاوي اللي بتتهزلي شنبات عيل زي ده يعلي صوته عليا
ماما هدير: خلاص يامنشاوي كفايه كده البت مش ناقصه حرام عليك
ماما هدير اخدت المنشاوي وطلعوه بره وقفلت الباب هدير بتبص لاقت فونها بيرن اول ما شافت الرقم لاقيته داغر
ردت بسرعه علي الفون
هدير : الووو
داغر : عايز الذئب بتاعي النهارده
هدير ( لسه هتتكلم حست ان في حد ورا الباب )
هدير : انت متصل عشان كده
داغر : تفتكرى في حاجه غير كده
هدير : هجيبهولك ياداغر
داغر : ماتتعبيش نفسك انا جاي انا وميرا عشلن ناخده
هدير : انت ومين ؟
داغر : ياريت تكوني محضراه ( وقفل الفون )
المنشاوي فتح الباب
المنشاوى : كان عايز منك اي الزفت ده
هدير: ( بلعت ريقها ) عايز الذئب بتاعه
المنشاوي : هخلي الظابط يجيبه حالا وياريت مايطلعش الظابط هيستناه تحت البيت
هدير : ( مسحت دموعها وهزت راسها بمعني حاضر )
المنشاوي اتصل بالظابط يجيبله الذئب تحت البيت وداغر جه هو وميرا اخدوا الذئب ومشي
---------------------------------
الظابط : قوليلي انتي روحتي هناك ليه ؟
سمر حكت كل حاجه للظابط
سمر : بس وطلعت لاقيت الحبل حوالين رقبتها بالمنظر ده شيلت الحبل من علي رقبتها واتصلت بالاسعاف
الظابط : ملاحظتيش حاجه كده ولا كده
سمر : ايوه
الظابط : اي هي
سمر : الظابط حسام المنشاوي كان نازل من فوق وهو بيجرى وركب عربيته ومشي
الظابط : تقصدي حسام مين .. تقصدي حسام اللي عمه اللواء المنشاوي بنفسه
سمر : ايوه هو .. ما حسام يبقي خطيب هدير صحبتي انا واسراء
الظابط : طيب خليكي هنا ماتتحركيش
سمر : حاضر
الظابط اتصل بحسام بسرعه وحكاله علي اللي حصل
حسام : اوعي تمشيها من عندك انت فاهم انا جاي حالا
حسام راح بسرعه علي قسم البوليس اللي سمر فيه
الظابط وقف وسلم علي حسام
الظابط : حسام باشا اهلا وسهلا
حسام شمر كمامه وبص لسمر
حسام : اهلا بيك .. معلش يامعتز تسيبنا لوحدنا دلوقتي انا وسمر لوحدنا
الظابط معتز : انت تؤمر ياحسام باشا المهم رضاك عننا انت وسعاده اللواء
حسام : لف راسه يمين وبص للظابط معتز.. خلاص بقي يامعتز وشاورله انه يطلع بره
معتز : انت تؤمر ياحسام باشا
سمر كانت قاعده علي الكرسي حسام وطى وحط ايده الاتنين علي ايد الكرسي اللي سمر قاعده عليه
حسام : منوره .. ياسمر والله
سمر : ( بخوف ) ده .. ده نورك
حسام ( برئلها ) : سمعت انك بتقولي اني كنت في شقه القتيله
سمر : ايوه انا .. شوفتك ( بلعت ريقها بخوف ) شوفتك وانت نازل من هناك
حسام : سبحان الله نفس اللي انا شوفته بالظبط
سمر : شوفت ايه
حسام : شوفتك وانتي بتقتلي القتيله وعندي الشهود وبصماتك اللي هحطها علي الحبل اللي اتخنقت بي .. وكمان البواب شافك
سمر : ( بخوف ) بس .. بس مافيش بواب هناك
حسام ( ضرب بايده علي الكرسي وبصوت مخيف ) هيبقي ..
هيبقي فيه بواب يشهد عليكي ان انتي اللي قتلتيها .. افتحي بوقك مره تانيه وهاتي سيرتي وحبل المشنقه هيتلف حوالين رقبتك ده غير اي حد قريب منك ابوكي مثلا وهو رايح الشغل تخبطه عربيه ( رفع ايده الاتنين وقام وقف ) قضاء وقدر دي حاجه بتاعت ربنا ياسمر
سمر : ( بخوف ) قامت ووطت علي ايده باستها
سمر : لاء ابويا لاء وانا ماشوفتش حاجه ولا شوفتك وانت نازل من العماره انا معرفش حاجه
حسام : شاطره .. شاطره ياسمر كده انا احبك انتي هتقولي علي اللي حصل بس مش هتقولي انك شوفتيني هناك
( بصوت خشن ) خلااااااص ياقلب امك
سمر : خلاااااص .. خلاص .. حاضر . حاضر
حسام نده علي الظابط معتز
حسام : معتز باشا
الظابط معتز : ارمر ياحسام بيه . البت دي تدخل الحبس يومين تلاته كده اصل عايزها تجربه
سمر : ليه انا عملت اي
حسام : معملتيش ياقلب امك ( بس كيفي كده )
سمر : والله ماهعمل حاجه والله ياحسام بيه ماهعمل حاجه
معتز : خلاص ياحسام بيه باين عليها غلبانه
حسام : يلا يابت روحي ولو شوفتك تاني هحطك في الحجز
سمر : حاضر .. حاضر
-----------------------------بقلمي مآآهي آآحمد --------------------
حسام: انا عايزك معايا في حوار
الظابط معتز: انا قدها
حسام : عارف وعشان كده اختارتك انت
الظابط معتز : اؤمر
حسام : انا عايز انقل غالب ورعد المتهمين في خطف هدير مراتي لسجن تاني .. سجن بعيد محدش يعرفه
الظابط معتز: ( ضم حواجبه باستغراب) وده ليه ؟ وازاي ننقلهم من غير أذن
حسام : عشان هييجي اللي يهربهم وطلع حافظ كل شبر في القسم
ومافيش وقت ناخد أذن .. القسم هنا حراسته ضعيفه
الظابط معتز: طيب مانزيد الحراسه عليه
حسام : برضوا هيدخل لو عملنا اي هيدخل انت ماتعرفهووش
الظابط معتز: هو مين
حسام : يوووووه بطل اسئله مافيش وقت دلوقتي .. اسمع كلامي احنا لازم نتحرك
الظابط معتز: وانا اي اللي هاخده من ده كله
حسام : حقك .. يرضيك ترقيه السنه تبقي ليك السنه دي
الظابط معتز: يرضيني جدا
حسام بص لمعتز
حسام : ادخل هاتهم من جوه .. وانا هقول بكره اسبابي للمنشاوي بس بعد ما اكون اتطمنت انهم خلاص بعدوا عن هنا خالص
الظابط معتز نده علي العسكرى
العسكري : تمام يافندم
الظابط : حضر البوكس المصفح بسرعه .. وهات رعد وغالب من السجن بسرعه ..
بقلمي مآآهي آآحمد
الظابط معتز طلع هو وحسام واخد غالب ورعد معاه حطهم في البوكس وقفل عليهم
معتز : هنروح علي فين دلوقتي
الظابط حسام : هنوديهم قسم المقطم هيقضوا في هناك مش اقل من اسبوع في ظابط حبيبي زيك كده مفهمه علي كل حاجه ومحدش هيعرفلهم طريق .. لحد ما اخلص امورى مع الكلب اللي اسمه داغر ده
معتز : انا مش فاهم مين داغر بس ماشي اللي تشوفوه
بقلمي مآآهي آآحمد
حسام مشي واول ما قرب من المقطم والشوارع بقت فاضيه
بيبصوا حسوا بحاجه خبطت وهبدت علي البوكس من فوق
معتز : ( بخضه وخوف ) اي ده في ايه 🤨
حسام طلع مسدسه بسرعه من جيبه ووقفوا العربيه ونزل هو والعساكر اللي معاه
وبقوا واقفين حوالين العربيه وبيبصوا يمين وشمال مافيش
حد فجأه لقوا زي حاجه بتتحرك قدامهم بس بسرعه جدا
مش بيلحقوا يشفوها
داغر قرب من اول عسكرى وضربه في دماغه افقده الوعي هو والعسكرى التاني
معتز من كتر سرعه داغر بقي يقول
معتز : ( بيبص يمين وشمال ) اعوذ بالله من الشيطان الرجيم
في ايه
حسام : داس علي سنانه وبقي يضرب نار في كل حته ( ده دااااااااااااغر)
بقلمي مآآهي آآحمد
داغر في لحظه مسك معتز ووقف وراه بس الغريبه انه مكانش بيموتهم بيفقدهم الوعي وبس
ميرا في الوقت ده كانت بتفتح البوكس لغالب ورعد وطلعتهم معاهم في العربيه
داغر اخد المسدس من حسام ووقف قدامه
داغر : انا اقدر اقتلك دلوقتي بدم بارد بس للاسف ماقدرش ..
داغر ساب حسام واقف ومشي وركب العربيه واخد الذئب معاهم وطلعوا علي المينا
حسام : مش هسييك والله ما هسيبك ياداغر
حسام طلع يجرى ورا داغر وبقي يمشي وراه من بعيد
بقلمي مآآهي آآحمد
( غالب وهما راكبين العربيه )
غالب : انا مش عارف اقولك اي علي كل اللي بتعمله معايا ياداغر
داغر : انا بردلك اللي انت عملته معايا مش اكتر
رعد : انا .. انا
داغر : انت تخرس خالص مش عايز اسمع صوتك
رعد: _________
غالب : بس ازاي .. ازاي خليت حسام هو اللي يطلعنا من الحبس ومن غير ولا نقطه دم واحده حتي
داغر : في الاول مكنتش عارف ازاي اخرجك من القسم وانا مش عارف اي شبر فيه بس لما ميرا جاتلي ولسه هتتكلم سمعت صوت ذبذبات في جيبها عرفت انه حاطط ميكرفون في جيبها وبقيت اقول لميرا علي اللي انا عايزه يحصل عشان اخليه يفتكر انه سابقني بخطوه واني هطلعك من السجن عشان يخاف ويطلعك هو وفضلت مستنيه انا وميرا قدام السجن بالساعات لحد ما دخل وطلع وانت معاه ومشيت وراه وقدرت انا اخرجك من بره زي ما انت شوفت كده
ميرا : خلاص هتمشي ياداغر
ميرا : مكاني مش هنا ياميرا
غالب : مكانه مع الطفله .. مع الطفلع وبس
ميرا : هي الطفله عايشه 😳😳
