رواية بريئه فى عالم المافيا الفصل التاسع والعاشر بقلم ملك شكري

رواية بريئه فى عالم المافيا الفصل التاسع 9 بقلم ملك شكري 

*روايه/بريئه في عالم المافيا*
*الفصل/ التاسع*
ملاك بدموع: انت مييين 
المقنع: اصمتي يافتااه انكي مزعجه
حاول البرت يتكلم باللغه العربيه
البرت: انتي مزعجه ياملاك ولكن رعد الحديدي هيندم
ملاك بقوه: اعمل الي انت عايزه لكن لو رعد حصله حاجه اقسم بالله ميغوركش دموعي دي
البرت: ههههه انا احب الفتيات الشجاعه. وانتي عجبتيني
ملاك بشمئزاز: وانت واحد قذر وانا مش خايفه منك لان لو كنت عايز تقتلني كنت قتلتني من بدري بدل الكلام ده انت جبان

طلع البرت مسدس وبيهددها بيه
ملاك بقوه: متضرب هااا يلاااا مش بقولك جبان
البرت كان هيضغط على الزناد شال ايده بسرعه ورجع المسدس مكانه: انا هحتاج منك كام معلومه وبعدين اقتلك
ملاك بسخريه: لا اقتل اسرع لاني لو هموت مش هقولك اي حاجه تخليك تأذيه
البرت: انتي الي جبتي ل نفسك ايها العنيده
نده على بودي جارد دخل فضل يضرب ف حياه لحد ما فقدت الوعي وبقت تنذف من كل جسمها
رعد كان بيلف ف كل حتى هو وادهم وحمزه وكل رجالته كان هيتجنن عليها ازاي ازاي تروح من ايده كده
كان بيسوق بسرعه خبط على الدركسيون بغضب: اههععع خدوها مني ليهههه ليه بيأذوني فيهاا ليههه
حمزه: اهدى ياصحبي عشان نقدر نفكر ونلاقيها
رعد فضل يفكر بشرود
*فلاااااااااش بااااك*

طلع رعد سلسله عليها كوكب هديه نجاح ملاك وكان فيها جي بي اس احتياطي لان كان عارف ان عليها خطر ف جابلها السلسله دي
*بااااااااك*
رعد بسرعه: السلسله
ادهم بستغراب: سلسله اي
رعد: دي سلسله كنت جايبها ل ملاك فيها جي بي اس عشان لو حصل حاجه 
حمزه اتنهد: كنت فين من زمان يا اخي 
ادهم بسرعه:طب يلا اعمل تتبع ليه
ابتدا رعد يتتبع المكان لحد ما عرف مكانه
رعد بشر وغضب جهنمي: البررتت
ادهم وحمزه بصدمه: طب وهو مالو ب ملااك
رعد: عشان الي عملتو وانا ف غيبوبه وانها قدرت تخدعهم وكده هو هيأذيها

ملحقش يحفظ اللوكيشن لقا فونها قفل بعد ما البرت شافو وخدو وقفلو
رعد خبط ع الدركسيون بغضب: اهههه قفل التلفون ابن ال..... 
كان رعد عرف المكان وفضل ماشي وكان عباره عن مصنع قديم ف حتى مهجوره
وصلو المكان هما وكميه حرس رهيبه
دخل رعد وادهم وحمزه ورا بعض وكان منظرهم فيه رهبه تخوف ووراهم البودي جارد ابتدو يضربو في الحرس الي على المصنع بحرفه شديده لحد ما خلصو عليهم ومكانش فاضل غير البرت واندرو
دخل رعد على البرت الي كان بيكلم ملاك وهي مغمى عليها زي المجنون: انا لن اتركك يافتاه انتي لي ورعد الحديدي سأقتله واخذ كل املاكه هههههه لن اترككم يا عائله الحديدي
كل ده ورعد واقف نفسه يجري على ملاك ياخدها ف حضنه بس مش عايز يتسرع

اندرو والبرت واقفين يضحكو بشر وخبث لحد ما وقف رعد وطلع مسدسه هو وادهم وحمزه وحطه على راس البرت و اندرو بصولهم بصدمه
رعد: متتصدمش انا جيت اقبض روحك يا ابن ال.... يا..... هدمرك هقتلككككك ازاي تعمل فيها كدهه
ملاك سامعه صوت رعد زي صدى صوت او صوت مشوش وكأنها بتحلم ابتدت تفوق وكان ملامحها مخفيه من الكدمات والدم
ملاك: رعد رعدد امشي هيقتلوك
رعد: ملاك حبيبتي اهدي ارجوكي 
البرت: انها قصه العشق الممنوع اختار احد منكم لكي يضحي بحياته من اجل الثاني

رعد: ولا انا ولا هي يا البرت وهدمرك سامعني
بص ل اندرو وابتدا يضرب فيه واتشغل حمزه وادهم وهما بيحاولو يحوشو وملاك واقعه على الارض بتعيط جري البرت ومسك رقبه ملاك وحط عليها سكينه: اذا اقتربت مني سأقتلها واخليك تبكي بدل الدموع دماء
رعد: نزل الزفت الي ف ايدك وهنتفاهم
البرت بجنون: لن اتركك وسأخذ كل ما لديك وسأقتلك
كل ده مكانش واخد باله من حمزه الي بيتسحب لحد ما وصل وراهم سحب السكينه من البرت ووجها عليه: لو مسكتش انا الي هقتلك دلوقتي

البرت بخوف داخلي: نزل هذه وسأترككم
فضلو يتخانقو لحد ما ادهم طلب البوليس وكل ده ورعد نازل فيهم ضرب جيه البوليس وقبضو على اندرو والبرت 
جري رعد على ملاك وحضنها ببكاء:ملاك حبيبتي قومي وانا والله مش هعرضك للخطر تاني بس قومي ارجوكي 
ودوها المستشفى ودخلت العمليات. 
خرجت الدكتوره: الحمدالله قدرنا ننقذها ممكن لو كنتو اتأخرتو اكتر يجيلها نذيف داخلي لان الواضح انها اتعرضت ل عنف شديد وعندها ضلع مكسور ولكن قدرنا نعالج كل هب دلوقتي بتفوق بعد اذنكم
مشيت الدكتوره ودخل رعد وادهم وحمزه ل ملاك الي فاقت 
رعد ببرود ظاهري: حمدالله على سلامتك
ملاك بستغراب: الله يسلمك مالك يارعد
رعد: مالي انا كويس اهو 
ملاك: رعد انت بتكلمني كده ليه

رعد: ملاك لحد هنا وكفايه ورقه طلاقك هتوصلك ف اسرع وقت وهيكون. فيه شقه بأسمك وحساب ف البنك تصرفي منه لكن لحد هنا وانا وانتي مش هنقدر نكمل
كلهم الصدمه نزلت عليهم زي الصعقه
ادهم بغضب: رعد فوق انت في اي
حمزه: اي يارعد انت واعي للي بتقولو
رعد ببرود: انا مقولتش حاجه غلط والي قولتلو هعملو
ملاك بدموع وقهر: ليه يارعد ليه تعمل فيا كده انا بحبكك
رعد وكان نفسه يجري عليها يحضنها ولكن: الي سمعتيه والي انا كنت حاسس بيه تجاهك كان مجرد اعجاب وراح مع الوقت بس مرضيتش اقولك عشان متزعليش بس جي الوقت وانا في بنت بحبها وهتنزل مصر قريب ونتجوز
ملاك بصراخ وبكاء وشهقات: ليههه هااا ليه يا اخي انت ظاااالم انت استحاله تكون بني ادم انا اتعلقت بيك وحبيتكك عارف يعني اي حبيتك انت جرحت قلبييي حراام عليك لييههههه هي احسن مني ف اي انا مأذيتكش ليه تأذيني وتقتلني بالبطئ

رعد ومنع دموعه تنزل وتظاهر بالجديه والبرود: معلش وممكن تكوني الي بتحسيه ده بردو يكوت اعجاب وهيروح ل حاله لقيتي واحد مهتم بيكي وبيعاملك حلو قولتي لما اجرب يعني اي حب وانتي ف فتره مراهقه يعني بتحبي الاهتمام ولما لقيتي مني الاهتمام حبتيني
ملاك بصدمه: انا بكرهككك بكرهككك يارعد وحتى لو مبكرهكش هكرهه قلبي فيك انت استحاله يكون قلبك ده بيعرف يحب انت قلبك ده كله كرهه وقسوه وبس
رعد الكلام كان جارح اوي عليه بس غصبا عنه بصلها نظره طويله ومشي
ملاك انهاارت بعد ما خرج وحتى ادهم وحمزه معرفوش يهدوها

رواية بريئه فى عالم المافيا الفصل العاشر 10 بقلم ملك شكري

*روايه/بريئه في عالم المافيا*
*الفصل/العاشر*
بعد يومين تقريبا خرجت ملاك من المستشفى وكانت حالتها لا يرثى لها الي كانو معاها ادهم وحمزه ورعد خلال اليومين دول مظهرش خالص 
ملاك: حمزه انا عايزه اروح عند ليان وزينه
حمزه: بس انتي شقتك موجوده
ملاك بقوه مصطنعه: وانا مش عايزه منه حاجه كل الاوراق بتاعه حساب البنك والشقه تديهوملو هو يجيب ورقه واحده بس وهي ورقه طلاقي هو مش ملزم يصرف عليا احنا كنا فتره مع بعض ومحصلش نصيب يبقا لحد هنا وخلاص
حمزه وادهم صعبت عليهم ملاك جدا وعلى منظرها وحالتها الي بقت فيها

وصلوها بيت ليان طلعوها لحد فوق وسلمو عليها ومشيو فتحت ليان الباب وفضلت ملاك تعيط ف حضنها واتصلو ب زينه تيجي وفعلا جت وحكتلهم ملاك كل حاجه وهما كانت الصدمه مأثره عليهم
زينه بصدمه: ازاي ياملاك ده حبه. كان باين ف عنيه واستحاله يكون كدب
ملاك ببكاء: لا كدب وتمثيل ده عمره ماحب ولا هيحب حد 
ليان بتفكير: انا هقولكو هنعمل اي يخلي رعد الحديدي يرجع يتأسفلك ويقولك ونبي ارجعيلي
كلهم قعدو يفكرو ويتكلمو

عند رعد وحمزه وادهم ف الشركه دخلو مكتب رعد بغضب
ادهم: ممكن تفهمنا بقا اي الهبل الي عملتو ده احنا سيبناك يومين تعقل 
رعد بحده: ادهمم
ادهم: بلا ادهم بلا زفت البت حالتها تصعب ع الكافر يا اخي ليه علقتها بيك مدام انت اناني كده وفعلا مش بتحب ومين دي الي هتيجي من بره مصر وتتجوزها ها
حمزه بغضب على الي اعتبرها اخته من ساعه ما شافها واتعامل معاها: شوف يارعد اقسم بالله لو حاولت ترجع ل ملاك تاني ل انا الي هقفلك ومن انهارده ملاك ف حمايتي انا وياريت متجيش وتسأل عليها ولو كرهتك يبقا حقها ومحدش هيلومها وانا الي هساعدها تكمل تعليمها وتقف على رجليها لان شوفت فيها اختي الي قتلوها وخدوها مني ملاك مش هترجعلك تاني وانا الي هقفلك يارعد خرج حمزه من مكتب رعد بغضب وعصبيه

راح مكتبه ودموعه ابتدت تنزل على اخته الي كانت كل حياته وخدوها منه خطفوها وقتلوها قدامه وهي كانت ف سن ملاك دموعه نزلت مسحها وقام راح يشوف ملاك
راح عند ليان خبط الباب
فتحتله زينه بغضب: نعم جاي لي تاني عايزين تجرحوها تاني ولا اي
حمزه بهدوء: زينه ارجوكي اهدي انا عايز اطمن على ملاك وهمشي
ملاك جت: خلاص يازينه ادخل ياحمزه
دخل حمزه وطلب انه يقعد لوحده هو وملاك ابتدا حمزه يتكلم: ملاك اسمعيني انا من. انهارده اخوكي ورعد تنسيه طلاما مش باقي عليكي متبينلهوش ضعفك انا هقولك حاجه محدش يعرفها غير رعد وادهم انا كان ليا اخت ف سنك واول مادخلت المافيا وبقا البرت عدونا خطف اختي خديجه وهددني بيها اتصل بيا سمعت صوت عياطها وهي بتستنجد بيا بعدين سمعت صوت ضرب نار وهي سكتت تماما قتلها وخدها مني خد اغلى حاجه عندي من يومها وانتقامي زاد وعندت ومسبتش المافيا وكل خطتي اني اقتل البرت بس الي حصل ظهرتي ف طريق رعد وكان هيعمل فيكي زي ما عمل ف خديجه بس الحمدالله لحقناكي كل الي انا قولتهولك ده اني انا من انهارده اخوكي الكبير غصب عنك انتي فعلا دخلتي قلبنا كلنا من اول يوم ورعد انا هندمه عليكي ومش هخلي يشوفك ولو عايز يرجعلك ممكن توافقي بس بعد ما تعلمي الادب

ملاك دمعت من كلام حمزه: ربنا يخليك ليا وانت من انهارده اخويا صدقني انت وادهم ليكو معزه ف قلبي 
حمزه اتكلم معاها شويه وبعدين مشي عدت ايام وكان حمزه كل يوم يوصل ليان وملاك وزينه للجامعه ويرجع ياخدهم وهكذا وادهم كان كل يوم والتاني يسأل على ملاك 
جيه يوم كان فيه حفله كبيره بسبب نجاح شركه الحديدي 
حمزه عزم ملاك واتحايل على زينه وليان انهم يجو ورفضو 
حمزه جاب ل ملاك فستان بجميع التزماته 
كان فستان موڤ عند الركبه وليه كم شيفون كان شكله جذاب جدا سيبت شعرها البني الفاتح وحطت ميكب خفيف وهيلز اسود كانت فاتنه جداا وقمه ف الجمال
نزلت ل حمزه الي مستنيها تحت البيت
حمزه فتح بقه من جمالها: لا لا كده كتير علينا انتي اي ياشيخه القمر ده
ملاك: هههه ربنا يخليك

ركبها حمزه العربيه وقدو الطريق كله ضحك وهزار لحد ما وصلو مكان الحفله كان رعد واقف مع رجال اعمال هو وادهم 
رعد: هو حمزه اتأخر لي.... 
بص لقا حمزه ماسك ايد ملاك وداخلين الحفله اتصدم من هيئه ملاك وجمالها وكأن جمالها زاد فضل واقف باصص عليها وهي عملت نفسها مش شيفاه وبتهزر مع حمزه
حمزه: اتأخرت عليكم معلش كنت بجيب اميرتي
رعد اتغاظ من حمزه جدا وبصلو بتوعد
احد رجال الاعمال سلم على ملاك: محمود الحسيني من شركه الحسيني جروب
ملاك ببتسامه ورقه: اتشرفت بحضرتك

سلمو عليها كل رجال الاعمال الي كانو على التربيزه ومعجبين بهدوئها ورقتها ولباقتها ف الكلام
دخلت بنت الحفله وكانت لابسه فستان قصير جدا ل قبل ركبتها وحاطه ميكب اوفر دخلت: رعد بيبي عامل اي
رعد وحب يغيظ ملاك: جاسيكا اي الجمال ده
ملاك ومبينتش غيظها واتكلمت بهمس ل حمزه: والله كان في كلبه قدام مدرستي كنت مسمياها جاسيكا
ضحك حمزه وكتم ضحكته بسرعه
بصت البنت ل ملاك:اووه مين دي يابيبي
اتكلم حمزه بحده لانه عمره ماقبل البنت دي: دي ملاك هانم اختي
بصلو رعد وادهم بسرعه وهو بصلهم بتحدي
جاسيكا بغيره من جمالها: مم تشرفنا
ملاك بثقه: شكرا

كانو كل الي ع الترابيزه بيتكلمو مع ملاك الي كانت بترد عليهم بلباقه شديده 
احد رجال الاعمال: وانتي خلصتي جامعه ولا لسه ياملاك هانم
ملاك بثقه: انا اولى هندسه
رجل الاعمال واسمه عمر: وااو نفس مجال حمزه هتشتغلي معاه ف الشركه بقا ولا اي
ملاك بصت لحمزه ببتسامه: والله انا بحب اثبت نفس الاول ف معتقدش اني هتدرب ف نفس الشركه
عمر: ازاي دي شركه حمزه بيه من اكبر الشركات ف الشرق الاوسط

ملاك بلباقه: مم انا عارفه بس لازم اثبت نفسي الاول لان شركه حمزه زي ما حضرتك قولت بتقبل الموظفين البيرفكت ف لازم اني اكون قد حاجه زي دي
اعجبو بكلامها جدا ورعد متغاظ من كل الي حواليه ومن الرجاله الي بيتكلمو معاها ومن حمزه الي مش طايقه
حمزه وقصده يضايق رعد: ملاكي تعالي معايا ثواني
رعد بصدمه وف سره: ملاكي يابن ال..... 
بعد الحفله ماخلصت
رعد اتكلم مع حمزه الي وصل ملاك ورجعلهم اتكلم رعد بغضب: ممكن اعرف اي الي انت بتعمله ده وانت مالك ب ملاك اصلا

حمزه ببرود: اولا اعتقد المفروض انا الي اسألك السؤال ده انت مالك ب ملاك ثانيا ملاك من ساعه ما انت سبتها وانا الي مسؤل عني واعتبرتها زي اختي واكتر ومش هسيبك تأذيها يارعد وكفايه اني عرفت ارجعلها ولو جزء بسيط من الي انت كسرته جواها 
وكمل كلامه ببرود: اه وعلى فكره ملاك في حد متقدملها وانا وافقت
رعد بغضب: نعممممم............ 

تكملة الرواية من هنا