جميع الروايات كامله

 خطيئته الفصل الاول والتاني والتالت بقلم سولييه نصار جميع الفصول كامله 

خطيئته الفصل الاول والتاني والتالت بقلم سولييه نصار جميع الفصول كامله

سكريبت♥️بقلم سولييه نصار♥️

-انا مضر*بتكيش علي ايديكي يا حبيبتي ؟!انتي اللي استسلمتي ليا بإرادتك ...أنا لا اعتد*يت عليكي ولا شربتك حاجة صفرا ...

بصيت  عليها من تحت لفوق وقولت :

-اللي حصل دلوقتي كان بمزاجك وانتي كنتي مبسوطة اوووي بيه متنكريش ...

وشها بهت بعدين روحت  اضبط  القميص  علي المرايا وقولت  وانا  ببصلها  من المرايا وبقول :

-بص تصدقي انبسطت النهاردة اووي معاكي ...معنديش مانع نكررها يا قلبي ...

-اه يا حقي*ر يا واط*ي ...

قالتها علا وهي بتصرخ فيا وقربت مني  عشان تضر*بني  بس  مسكت ايديها ووق*عتها علي السرير وخن*قتها من رقبتها وقولت :

-لا لا يا قلبي كده ازعل منك .عايزين الذكريات تبقي حلوة بيننا ...مش عايز اي دراما ...الموضوع بسيط احنا قضينا وقت لطيف مع بعض وكان كله بمزاجك ...

قومت وبعدت عنها وانا بصفر بروقان ...قامت علا ودموعها بتنزل وقالت:

-ك...كنت فاكرة انك بتحبني ...فاكرة انك هتتجوزني .انت اللي زنيت عشان اعمل كده انت خدعتني ...

بعدين راحت وركعت علي ركبتها وهي بتمسك رجلي  وقالت:

-امجد ابوس ايديك متعملش كده صدقني أنا هم*وت فيها ...اهلي ممكن يقت*لوني ...استر عليا واتجوزني ولو حتي يوم واحد بس وانا مش عايزة حاجة تاني ...ابوس رجليك متسبنيش لو حد اكتشف اللي حصل أنا ابقي كده انتهيت ...اتجوزني ابوس ايديك ...

فجأة ضحكت   ...ضحكت بصوت عالي وانا  ببصلها بتريقة وقولت :

-اتجوزك انتي ؟!!لا بجد انتي مجن*ونة ...طب وليه اطلبك في الحلال وانا اخدت منك كل حاجة في الحر*ام ...ليه ادفع واكلف نفسي وانا اخدتك بالر*خيص في شقة مفروشة ....

زق*تها لحد ما وق*عت علي الأرض وقولت بتشفي  :

-انا لما اتجوز يا حبيبتي هتجوز اللي تخليني ملمسش ايديها اصلا ...اللي اخليها في بيتي وانا مطمن ...ومش انتي اللي اجيب منها عيال وأمنها علي بيتي !!!

بعدين مسكتها وقومتها وانا حاسس بالق*رف منها  وقولت :

-ويالا دلوقتي امشي ومش عايز اشوف وشك تاني ...

وبعدين سحبتها  ورايا  لحد ما فتحت  الباب وز*قيتها وقفلت الباب في وشها !!!

 .....

بعد يومين ...

-اخيرا يا امجد وافقت علي العروسة ده انا قلبي تع*بني وانا بقنعك

قالتها ماما بتع*ب فضحكت وقولت:

-الله يا ست الكل مش لازم اللي اتجوزها تكون كويسة ومحترمة بدل ما اتدبس في واحدة مش تمام ...المهم البنت دي كويسة زي ما بتقولي يبقي بإذن الله هتكون من نصيبي ...

ابتسمت ماما بحب وقالت:

-اه كويسة اووي يا امجد هي طالبة طب ومختمرة وحافظة كتاب ربنا ...قولي ايه فيه احسن من كده ...

هزيت راسي وانا حاسس بالرضا والارتياح ...اهي دي اللي اتطمن عليها وانا في بيتي ...

.......

روحنا للناس عشان نتقدم ...أنا وابويا وامي وهما استقبلوني كويس اووي

وبعد شوية كلام ماما طلبت اننا نشوف العروسة ...وقتها خرجت وشوفتها ...كانت اجمل بنت اشوفها في حياتي ..عيونها في الأرض ولبسها واسع ...كانت بتنور قدامي زي ما تكون ملاك وللمرة الاولي قلبي يدق بالعن*ف ده ...لأول مرة احس اني بغر*ق....قومت وانا ببتسم ليها الا أن وشي بهت فجأة لما شوفت علا وراها ...علا شافتني و رجعت لورا بصدمة وفجأة وقعت الصينية اللي عليها الجاتوه وهي بتقول بصوت مسموع:

-امجد!!!

الجزء التاني♥️شكرا علي تفاعلكم السكر♥️بقلم سولييه نصار ♥️

--انتي تعرفي امجد يا علا ؟!

قالتها والدة منار ...البنت اللي هتجوزها ...

عيون على دمعت وهي بتبص عليا رجعت لورا وهي حاسة قلبها بيتك*سر لمليون حتة ...اكتر واحد حبته واللي اخد قلبها وشر*فها ...هيتجوز بنت خالتها اللي هي زي اختها تماما ...كانت بتنه*ار من جواها بس مقدرتش تكشف كل حاجة ...هتقول ايه يعني انها فر*طت في شر*فها ...هتقول انها رخ*يصة ...الناس هتلومها هي مش امجد...هي اللي هتبقي من*بوذة من الكل ...هتبقي رخ*يصة ده لو عيلتها مق*تلتهاش بسبب عملتها المن*يلة دي ...امجد مش هيتض*ر ولا حاجة بالعكس هي اللي هيبقي لاحقها الع*ار للأبد ...عشان كده سكتت خالص ومسكت دموعها بالعافية  وقالت بصوت بيترعش :

-استاذ امجد كان زميلي في الشركة قبل ما اسيبها...كان الوحيد اللي بيساعدني انسان محترم وكويس. ..

بصت علي الجاتوه اللي وقع وكملت  بصوت بيترعش:

-مكانش قصدي اوقعها بس رجلي اتلوت ووق*عت أنا اسفة ...

كنت ببص عليها وانا رافع حاجبي بتحداها انها تتكلم عني و*حش بس كلامها اني محترم خلاني اتز*لزل...ودموعها اللي كانت كاتماها والانك*سار اللي باين عليها هزني من جوا ...بس قسيت قلبي أنا مضر*بتهاش علي ايديها...كل اللي حصل هي كانت راضية بيه وكان لازم تعرف اني عمر ما اتجوز واحدة سلمتلي نفسها بالر*خيص ...لقيتها بتنزل وبتلم الحاجة وهي بتقول بإرتباك :

- أنا هجيب جاتوه تاني ...اسفة ...

راحت منار تساعدها وقفتها علا بصوت مخنوق:

-لا يا عروسة روحي ارتاحي ...

وبعد خمس دقايق لمت علا كل الحاجة ودخلت جوا...عينيا كانت عليها وبلعت ريقي وانا بحاول اتخلص من الشعور المز*عج اللي مسيطر عليا...بصيت علي منار وانا حاسس اني قلبي رجع يدق بعن*ف ...

......

قعدنا وبدأنا التعارف وطلبنا ايد منار ...

وطبعا قعدنا مع بعض لوحدنا  ...كنت بتامل ملامحها وانا مذهول كانت جميلة بشكل مش معقول ...بشكل عقلي ميستوعبهوش ...

بدات الكلام وقولت:

-عندك اسئلة عايزة تسأليهالي...أنا جاهز علي فكرة 

بلعت ريقها وبصتلي بصة غريبة وقالت:

-هو انت بتصلي ..

وشي بهت وارتبكت وقولت:

-يعني ...مش دايما احيانا بق*طع في الصلاة ...وعندي آمل أنك تصلحي الموضوع ده ..

-انا هبقي مراتك مش المصلحة الاجتماعية بتاعتك ..

قالتها ببرود بس بعدين بصت للارض وقالت:.

-انا خلصت اسألتي لو حابب تسأل انت !

....

اهل منار قالوا انهم هيردوا علينا بعد اسبوع...بصراحة مكانش عندي آمل انها توافق عليا ...رغم ان مشاعري اتحركت ليها بس كان باين انها هترفضني. ..ويمكن كده كويس  عشان مبقاش قريب من علا ....

.....

في بيت منار...

دخلت منار الاوضة عشان تنام لقيت علا قاعدة علي سريرها وهي سرحانة ...علا قاعدة معاهم بقالها سنة تقريبا لان ابوها وامها سافروا الامارات عشان يشتغلوا ومن وقتها اعتبرتها اختها وصاحبتها ...

بصت علا لقت منار حاولت تبتسم وقالت:

-هتوافقي؟!

رفعت منار حواجبها وقالت بجدية خوفت علا:

-ايه اللي بينك وبين امجد ....متكد*بيش يا علا لان أكيد بينكم حاجة !!!

الفصل التالت♥️شكرا علي تفاعلكم السكر ♥️بقلم سولييه نصار♥️

-مفيش حاجة بيننا ...

قالتها علا بارتباك فقالت منار بعصبية :

-علا متكد*بيش توترك النهاردة كشفك...قوليلي فيه ايه بينكم ...كنتوا مرتبطين مثلا ...وعدك بالجواز أو ...

هزت علا رأسها وهي بتقول:

-مفيش بيننا حاجة يا منار...أو علي الاقل من ناحيته ...

-يعني ايه ؟!

قالتها منار فردت علا وهي بتترعش:

-يعني أنا كنت بحبه بس حب من طرف واحد هو ميعرفش حاجة عن مشاعري دي ..وعشان كده سيبت الشركة ...

بصتلها وكملت:

-بس انا خلاص اتخلصت من مشاعري دي يعني لسه بحاول فمتشيليش همي وترفضيه بسبب كده ...

قعدت علا علي السرير وعيونها مدمعة وقالت :

-المش*كلة فيا انا  ...

سكتت منار وهي بتبصلها بس برضه مكانتش مصدقة ...اتكلمت فجأة وقالت:

-يعني انا لو قبلت مش هتزعلي ...

ابتسمت علا بحزن وقالت:

-بالعكس هفرحلك ...

-تمام يا علا تصبحي علي خير ..

قالتها منار وبعدين راحت تنام...

....

يومها أنا مقدرتش انام ...وش منار رافض يبعد عن خيالي ...كل اما افتكرها احس قلبي بيدق بطريقة عني*فة ...افتكرت وشها اللي عامل زي القمر 

.كلامها الرقيق زيها ...حتي غض*بها الطفولي كان جميل ...كنت بتقلب وانا حاسس بإحساس غريب اول مرة أحسه...حاسس بالسعادة والأ*لم في نفس الوقت ...حاسس اني طاير فوق ورغم الخ*وف اللي جوايا اني اق*ع بس فاضل طاير...معقول ده الحب ...بس ازاي أنا توي شوفتها ...مستحيل يكون الحب ...بس قلبي كان ليه راي تاني ...أنا أول مرة احس بالا*لم اللذيذ ده .. اول مرة اكون فرحان بالشكل ده ...اول مرة قلبي يدق بالسرعة دي....قومت من سريري وانا بفكر اني مستحيل اخليها تفلت من بين ايديا هعمل المستحيل عشان أكسبها وهكسبها ...ابتسمت وانا بغمض عيني وبفتكر ملامحها الجميلة ...الملامح اللي أسرت قلبي من اول مرة...بس فجأة مزاجي اتع*كر لما افتكرت علا ...علا اللي ممكن تشكل خ*طر كبير علي جوازي من منار ... لازملها وقفه كبيرة لاني لو معملتش كده هي ممكن تفض*حني واخس*ر كل حاجة ...اخلص حواري مع علا وبعدين افضي لمنار....

......

بعد اسبوع 

كانت علا بتتمشي في الشارع وهي حاسة كأن الدنيا كلها سو*دا حواليها ...دموعها كانت بتنزل وهي بتفتكر أنها اللي قللت من نفسها عشان خاطر واحد ميسواش واهي دلوقتي بتدفع التمن...هي لحد دلوقتي متعرفش هتعمل ايه في المصيبة اللي هي فيها ...اتنهدت وهي بتفتكر أن النهاردة منار هترد علي امجد ولو وافقت كده هتشوفه علطول ...هتشوفه وهي بتفتكر ذن*بها الكبير ...

تليفونها رن فجأة طلعته واتصدمت لما لقت امجد ...ردت بسرعة وهي عندها امل أنه يتجوزها ويسترها ...

-امجد أنا مش ...

قاطعتها وانا بقول :

-عايز اقابلك فورا !!

.......

بعد نص ساعة ...

-لا انتي فهمتيني غلط أنا مش هتجوزك طبعا ..

قولتها ببرود وانا بلاحظ الانك*سار اللي علي وشها وبعدين كملت :

-انا بصراحة حبيت قريبتك....معرفش ازاي بس حبيتها وعايزك متعمليش مشا*كل ...وعشان أنا مرضاش الظل*م أنا هسترك ...

-تسترني ازاي ؟!

قالتها وهي بتبكي ..فقولت:

-هجوزك لواحد صاحب ابويا ...هو عنده تسعة وخمسين سنة ...صحيح كبير شوية بس انا فهمته الموضوع وهو مش معترض ...

دموع علا نزلت اكتر وقامت وهي بتقول:

-انت أحق*ر واحد شوفته في حياتي ...انت ...انت ...

مقدرتش تكمل كلامها وفجأة أغمي عليها 

....

في المستشفي ...

كنت قاعد وانا مضايق من الور*طة اللي اتور*طتها مع البنت دي ...بعد ما أغمي عليها حاولت افوقها بس مفاقتش وعشان الناس اتلمت حوالينا اضط*ريت اوديها المستشفي ...لو حد من عيلتي أو عيلة منار شافنا احنا هننتهي !!

انتبهت لما الدكتورة خرجت فقومت وانا بقول:

-خير يا دكتورة ..

بصتلي  الدكتورة وقالت :

-الحمدلله هي كويسة ...هي بس جالها هبوط مفاجئ وده طبيعي في حالتها ..

-حالتها ..

-ايوة المريضة حامل في الاسبوع الاول !!!

الفصل الرابع والخامس والاخير من هنا

روايه بين دروب قسوته من هنا

تعديل المقال