نوفيلا أريد سجنك البارت الاول والتاني والثالث والرابع والخامس والاخير بقلم سماح نجيب
🌺🌺🌺🌺🌺🌺🌺🌺🌺🌺🌺🌺
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
🌺🌺🌺🌺🌺🌺🌺🌺🌺
نوفيلا أريد سجنك الفصل الاول والتاني والثالث والرابع والخامس والاخير بقلم سماح نجيب
 |
نوفيلا أريد سجنك البارت الاول والتاني والثالث والرابع والخامس والاخير بقلم سماح نجيب
((أريد سجنك))
البارت الأول
فى منزل جميل يدل على المستوى المعيشى لافراده ودقة اثاثه تدل على ان صاحبة البيت إمرأة فى شدة الاناقة والجمال كانت مدللة هذا المنزل تنهى مذاكرتها لانها على وشك الانتهاء من دراستها الجامعية
شهيرة......لورين حبيبتى مش هتاكلى
لورين.......لاء يا ماما مليش نفس عايزة اخلص مذاكرة
شهيرة..... اعملك سندوتشات تاكليها وانتى بتذاكرى
لورين بابتسامة.....اذا كان كده ماشى هو بابا فين
شهيرة.....لسه مجاش من الشركة
لورين.....بابا بيتعب نفسه فى الشغل
شهيرة.....انتى عارفة باباكى عشقه الشغل
لورين......بس هو بيتعب اوى ولازم يرتاح حتى اليومين دول صحته مش عجبانى
شهيرة....مش عارفة اعمل معاه ايه
لورين.....ليه بس يا قمر دا بابا مغرم بيك خالص
شهيرة بضحك.....بطلى شقاوة يا بنت
لورين.....صحيح مازن مسألش عليا النهاردة
شهيرة.....لاء جايز عنده شغل ولا حاجة
لورين.....اه تلاقى جاسم مطلع عينه انسان بارد
شهيرة.....انا مش عارفة انتى مش بطيقى جاسم ليه
لورين...... علشان مغرور اوى فاكر ان محدش يقدر يقف قصاده علشان كده مازن ابن عمه احسن منه انسان ذوق ومؤدب مش زيه فى منتهى الوقاحة
شهيرة.....هو كان عمل ليكى ايه بس
لورين.....لا يعملى ولا اعمله انا مش بطيق اشوف وشه اصلا
شهيرة......ومازن بقى فاتحك فى موضوع الجواز
لورين......هو مستنى اخلص امتحانات
شهيرة.....ربنا يوفقكم
لورين.....تسلميلى يا ماما
كان مازن جار لهم منذ سنوات هو وابن عمه الاكبر جاسم
قابلتهم لورين وهى فى عمر 15 من عمرها واعجبت بشخصية مازن على خلاف ابن عمه الذى لايترك اى مناسبة الا ويقوم بازعاجها لذلك كانت لا ترتاح لمقابلته
وكان جاسم يكبر مازن بحوالى خمس سنوات وكان مازن فى 28 من عمره شخص هادىء الطباع ذو وجه وسيم وملامح هادئة
شهيرة.....هسيبك تكملى مذاكرة وهجبلك السندوتشات
لورين...ماشى
.............
سمعت لورين رنين هاتفها ولم يكن ذلك سوى مازن
لورين....الو ايوة يا مازن
مازن.....اخبارك ايه واخبار المذاكرة
لورين.....الحمد لله تمام وانت اخبار شغلك ايه
مازن.....كويس اخر امتحاناتك امتى
لورين....بعد بكرة خلاص اخر مادة وهخلص
مازن....يلا خلصى بقى علشان اجى اخطفك
لورين بضحك.....تخطفى
مازن....قصدى اخطبك
لورين.....هانت فاضل يومين واخلص
مازن.....ان شاء الله على خير
لورين.....تسلم
مازن....خلاص اخر يوم امتحان هبقى اعدى عليكى ونروح سوا
لورين.....ماشى وهتعزمنى على الغدا كمان
مازن......بس كده احلى غدا علشان خاطرك يلا اسيبك تكملى مذاكرة سلام
لورين...... ماشى مع السلامة
كانت تنتظر بفارغ الصبر انتهاء امتحاناتها حتى يأتى مازن لخطبتها
...................
فى الجامعة
لورين......الحمد لله الامتحانات خلصت
مها..........اه تلاقيكى فرحانة علشان مازن
لورين.....اه يا مها دا انا كنت حاسة ان السنة دى مش هتخلص
مها......اهى خلصت اهى عقبالى يااااارب
لورين.....هههههه بطلى نق بقى
مها......ماشى يا ستى هبطل مش هتروحى
لورين.....لاء مازن جاى وهنروح سوا
مها.....ماشى ربنا يهنى سعيد بسعيدة
لورين بضحك.....قصدك يهنى مازن بلورين
مها.....سلام بقى ياقمر
لورين....سلام
ظلت تنتظر حضور مازن وخشيت ان يكون قد انشغل ونسى موعدهم ولكنها لمحت من بعيد وجها ظنت انه مازن فركضت نحوه مسرعة
لورين.....مازن
ولكنها ادركت انها على خطأ ليس هذا الشخص الذى تنتظره
لورين بدهشة.....انت
وامتزج الغضب والاندهاش لديها من رؤية الشخص الوحيد الذى لا تريد ان تراه
جاسم..... ايه مش مبسوطة انك شوفتينى
لورين.....لاء مش مبسوطة هو فين مازن
جاسم .....مازن عنده شغل فجيت انا علشان اروحك
لورين.....شكرا هروح لوحدى
جاسم.....هو انا هاكلك
لورين.....تلاقيك انت اللى خليت مازن مشغول علشان ما شفهوش
جاسم.....هو انتى ليه دايما ظنك فيا وحش
لورين.....لا وحش ولا حلو
جاسم.....طب يلا هروحك علشان شكل عربيتك مش معاكى وانا كده كده مروح
اضطرت ان توافق كاره ان ياخذها الى المنزل فهى قد تركت سيارتها على اساس ان مازن سيأتى وتذهب معه
حدقت به بعنف فهو دائما تحيط به هالة من الكبرياء هو كان يفوق مازن طولا شعره كثيف على رقبته ويصففه بعيدا عن وجه ويغلب عليه طابع الرجولة المتسلطة موحيا بالقوة التى يحسب لها حساب
فكلما وقعت نظراته شديدة الزرقة ذات اللمعان الغامض عليها شعرت بارتباك تلك النظرات الخفية التى تغلفها مسحة من السخرية كانت تبعث قشعريرة فى جسمها ويبدو ان جاسم يعلم ذلك لذلك كان يتعمد ان يضايقها
جاسم......انتى مبتتكلميش ليه
لورين..... مليش نفس اتكلم
جاسم.....للدرجة دى
لورين....ايوة
فتطلعت الى جانب وجهه البارد بطرف عينيها وشعرت بانفعال سريع وقوى يتأجج فى داخلها بدا لها واثقا جدا من نفسه وغير مبال الا بمصلحته الخاصة
لورين.....هو مازن مجاش ليه ايه اللى عطله
جاسم....حصل مشكلة فى المصنع واضطر يتأخر
لورين...واللى حصل فى المصنع معطلكش انت كمان
تحركت شفتاه وكأنه اراد ان يبتسم لكنه لم يفعل واكتفى بعدم الرد على كلامها
كانت تشعر بان اعصابها على وشك الانفجار منه
وصلت الى المنزل فشكرت الله على انتهاء هذه المحنة على حسب تسميتها
قاما بفتح باب السيارة وخرجت
لورين....شكرا
جاسم....مش هتقوليلى اتفضل
لورين.....لاء مش هقولك
جاسم ...انتى هتتقابلى انتى ومازن
لورين.....شىء ميخصكش والبركة فيك كل مرة تعطله بحجة
جاسم....مش عارف ليه دايما ظلمانى
لورين.....عن اذنك
دخلت المنزل هروبا منه ومن نظراته
...........
فى المنزل
شهيرة ....... حبيبتى خلصتى امتحانات
لورين........ايوة يا ماما الحمد لله
شهيرة.....انتى جيتى مع مين عربيتك هنا
لورين.....جيت مع جاسم
شهيرة.....جاسم هو مازن مجاش
لورين.....لاء وانا واثقة ان جاسم هو اللى عطله علشان ميجيش انسان بارد وسمج
شهيرة.....ههههه ما بتصدقى تيجى سيرة جاسم وتشتمى عليه
لورين..... لأن بجد انسان لا يطاق
شهيرة.....مع انى شيفاه انسان كويس اوى
لورين....كويس دا ملوش علاقة بالادب ولا يعرفه
شهيرة.....خلاص غيرى هدومك على ما يحضروا الاكل وبابا ييجى
حضر والد لورين الى المنزل وكان رجل فى اواسط الخمسينات وله ملامح وسيمة ولكن يبدو على وجهه الارهاق الشديد الذى لا تعرف زوجته وابنته سببه الى الآن
لورين.....بابا حمد الله على السلامة
سامى.....الله يسلمك يا حبيبة بابا خلصتى امتحانات
لورين .....ايوة خلصت النهاردة بس يابابا باين عليك مرهق ليه كده
سامى......... مفيش يا حبيبتى بس ضغط الشغل
شهيرة.....يلا الاكل جاهز
كانت لورين تعيش سعيدة فى كنف والديها فهم يعشقونها ويدللونها لانهم لم ينجبوا غيرها
..............
فى احد الايام
لورين......ماما انا هروح اشوف مازن فى الشركة بقاله فترة مبيسألش
شهيرة.....ماشى بس متتأخريش
ذهبت لورين الى الشركة التى يعمل بها مازن وهى شركة جاسم
مازن.....لورين انتى جيتى امتى
لورين..... لسه جاية دلوقتى
مازن.....انا اسف بجد على اليوم اللى وعدتك ان اجى اخدك من الكلية
لورين......ولا يهمك بس انت مشغول اوى اليومين دول
مازن.....كان عندنا مشكلة فى المصنع بس عدت على خير
استنينى ثوانى هخلص واجيلك نخرج نتغدا برا
لورين......ماشى
وجدت لورين جاسم يدخل الى الشركة ولمحها
جاسم.....ايه النور ده كلها
لورين من غير نفس.....ده نورك
جاسم بلؤم....ايه وحشتك جيتى تشوفينى
لورين.....انا جاية اشوف مازن وبطل غرور بقى
لمعت فى عينه نظرة شريرة تمنت لورين لو تحمل سكينا فتغرزه فى قلبه على الفور
جاسم....لو تحبى ممكن تستنيه عندى فى المكتب
لورين.....لاء شكرا هستناه هنا
هو كان يعلم جيدا اعجابها بأبن عمه
جاسم....هو انتى ومازن اتفقتوا على الخطوبة
لورين...... وانت مالك
جاسم.....بتبقى حلوة اوى وانتى متنرفزة كده
لورين.....صبرنى يارب
جاسم......ويصبرنى انا كمان
لورين.....انت عايز ايه منى بالظبط
جاسم.....ولا حاجة
لورين.....امال ليه حاسة انك بتحاول تدايقنى بأى طريقة
جاسم....دا بيتهيألك بس تلاقيكى بتفكرى فيا كتير علشان كده حاسة الاحساس ده
لورين.....انا عمرى ما قابلت انسان ثقيل وسمج زيك كده
جاسم بابتسامة.....مقبولة منك
حضر مازن بعد انتهاء عمله
مازن....يلا يا لورين
لورين....يلا بينا
مازن....جاسم الشغل كده خلاص تمام والمشكلة اتحلت
جاسم.... كويس
مازن....انا هخرج انا ولورين علشان نتغدا ماشى
جاسم....ماشى بس يا مازن فى حاجة
مازن باستغراب......... حاجة ايه
جاسم...الملعب كان فاضى ليك انت ولورين بس دلوقتى المنافسة على لورين هتبقى بينى وبينك
لورين بصدمة.....ايه
........
((أريد سجنك))
البارت الثاني
جاسم......ماشى بس يا مازن فى حاجة
مازن باستغراب ......حاجة ايه
جاسم .....الملعب كان فاضى ليك انت ولورين بس دلوقتى المنافسة على لورين هتبقى بينى وبينك
لورين بصدمة..... إيه
جاسم ......عن اذنكم واتبسطوا بالغدا
اختفى جاسم بعد ان قال ما اثار الرعب فى قلب لورين
مازن بضيق.....يلا يا لورين
خرج مازن ولورين من الشركة دون اى كلام وادار مازن السيارة ولكنه التفت لها وقال
مازن.....لورين هو ايه الكلام اللى قاله جاسم ده
لورين.....سيبك منه ابن عمك ده اكبر مغرور سمج شوفته فى حياتى
مازن..... بس انا عارف جاسم كويس مش بيقول اى كلام وخلاص واكيد يقصد حاجة بكلامه ده
لورين....قصدك يعنى علشان بيقول هينفسك عليا
ريح نفسك انا اطيق العمى ولا اطيقه من الناحية دى اطمن
مازن .....بس جاسم عمره ما فى حاجة كان عايزها ومخدهاش
لورين .......يبقى مش أنا يا مازن مش انا اللى هنخدع بسحره ولا وسامته
مازن.....كتير اوى حبوه
عند هذا الكلام عرفت لورين انها تكرهه بشدة لقد حول لقاءها بمازن الى خيبة امل لم تجر الامور كما توقعت
لورين......هو احنا هنفضل نتكلم على ابن عمك كتير
مازن بابتسامة.....خلاص ماشى هسكت تحبى تروحى فين
لورين....اى مكان على ذوقك
..............
فى المنزل
لورين.....دادة صفية اخبار هبة ايه
صفية .....الحمد لله خلفت سيف
لورين......بجد الف مبروك
صفية......عقبال عندك يا حبيبتى
شهيرة......يارب نفسى اشوفك عروسة واشوف ولادك
كانوا جميعا يعتبرون صفية كأنها احد افراد المنزل وليس مجرد عاملة عندهم
صفية......وهو استاذ مازن مش ناوى يشد حيله وييجى يخطبك
لورين......قولى يارب يا دادة
صفية.....يارب عن اذنكم اشوف هعمل ايه
لورين.....اتفضلى
شهيرة.....هو انتى متأكدة انك بتحبى مازن يا لورين
لورين.....ايوة طبعا ليه بتقولى كده
شهيرة.... علشان حاسة ان اللى بنكم اعجاب مش اكتر لان لما تحبى واحد ييخليكى على طول متنرفزة ومش قادرة تفكرى يا اما يخليكى فى قمة سعادتك
لورين....بجد هو بابا كان بيخليكى تحسى كده
شهيرة بابتسامة......ابوكى كان اكتر واحد بيضايقنى وينرفزنى علشان كده حبيته
كانت لورين تشعر بان والدها منشغلا الى حد ما فدائما نظراته شاردة كانت لاتفهم ماسبب هذه الحالة التى اصابت والدها
لورين......بابا هو فى حاجة
سامى.....لاء يا حبيبتى فى ايه
لورين .....حاسة ان فى حاجة مضيقاك
سامى.....لاء يا روحى انا كويس
لم تقتنع لورين بكلام والدها وهذا ما زاد قلقها.
..............
فى احد الايام عندما كانت لورين تجلس في حديقة المنزل سمعت صوتا مألوفا
جاسم.... إيه الجمال ده كله انتى جميلة اوى النهاردة
تطلعت اليه لورين مذهوله من حضوره ومن شدة ارتباكها لم تستطيع ان تتحدث بكلمة واحدة واكتفت بالنظر اليه
كان يرتدى بذلة انيقة وهب نسيم ناعم تلاعب بشعره الكثيف وكانت شفتاه تلتوى بجاذبية
ولكن انفكت عقدة لسانها واستطاعت القول
لورين.....انت دخلت هنا ازاى
جاسم.....شوفتك قاعدة هنا جيت اشوفك
لورين......طب اتفضل اخرج من هنا انا مش عايزة اشوف وشك
جاسم.....لاء مش خارج
لورين.....لو مخرجتش هعملك فضيحة فاهم
جاسم....بجد؟
لورين....لو ممشيتش هصوت والم عليك الناس
جاسم.....يلا صوتى مستنية ايه
تنفست لورين بصعوبة وبدأت ترتجف من الغضب كيف يمكنها ان تتحداه وتصرخ فى وجهه
لورين.....انت عايز منى ايه بالظبط
جاسم ببرود.....عجبانى
لورين.....وانت عارف انى بحب مازن
جاسم....بس انتى مش هتكونى مرات مازن هتكونى مراتى أنا
صرخت فى وجهه غاضبة
لورين.....ده عمره ما هيحصل ابدا انا بكرهك
طغت على صوته نفخة من الكبرياء جعلت كلامه غامضا
جاسم....انتى متأكدة انك بتكرهينى
لورين.....ايوة انت بس عايز تتجوزنى علشان انا اتحديت كبرياءك وانانيتك اللى فاقت كل الحدود وانا عندى مازن احسن منك لان انت انسان بارد وقاسى
جاسم....انا بارد يا لورين
لورين.....ايوة بارد بارد ومعندكش احساس بالمرة
جاسم....وايه رأيك لو خليتك تغيرى رأيك ده
اجابته بغضب
لورين.....ده مش هيحصل ابدا
جاسم.....انتى مش لمازن انتى ليا أنا بس
كانت عيناه تلمعان وفيهما ارادة قوية بالتملك
جاسم....مازن مش هيخليكى سعيدة
لورين بسخرية......وانت بقى اللى هتخلينى سعيدة مش كده
جاسم بثقة......طبعا انا هخليكى سعيدة جدا فوق ما تتصورى
لورين باستهزاء.....بجد طب ليه انا مش بحبك؟
جاسم....علشان انتى خايفة منى ومن نفسك
لورين ....انا لا خايفة منك ولا من غيرك
ثم صرخت به
لورين.....انا بكرهك
جاسم..... اكرهينى براحتك بس انتى مش هتكونى غير ليا انا وبس
لورين.....لاء
جاسم....ايوة يا لورين انتى هتلبسى دبلتى انا ومش هتشيلى اسم حد غيرى وانا اللى اسمه هيبقى فى قلبك وعلى شفايفك وانا اللى هييجى يوم وتقوليلى بحبك
سمرها فى مكانها من كلامه لانه رسم فى مخيلتها صورة لمستقبلها معه
جاسم....انا عايزك تتعشى معايا بكرة
لورين....لاء
هز كتفيه وكأنه يقول انها مسألة وقت وستوافق على طلبه
جاسم.....متنسيش اللى قولتهولك يالورين
لورين.....غور من وشى
كانت عيناها مغمضتين بشدة تحاول نسيان كلامه فكانت غاضبة جدا ومرتبكة جدا لاشىء يتحقق دون ارادتها ولن تعطيه موافقتها ابدا ابدا
..............
قام مازن بدعوتها على العشاء ولكن طوال العشاء كانت سارحة ومشغولة بالكلام الذى سمعته من جاسم واستغرب مازن حالتها
مازن.....مالك يا لورين فى ايه
لورين.....ابدا مفيش حاجة
مازن....امال حاسس انك مش معايا وسرحانة
لورين.....لاء ابدا بس حاسة بشوية صداع
مازن ....تحبى نروح
لورين.....ياريت لانى بجد تعبانة
عندما تطلعت الى وجهه تملكتها حالة يأس فهى لم تخبر مازن بما قاله لها جاسم
قام بتوصيلها الى المنزل فقامت بتوديعه
لورين....مع السلامة يا مازن
مازن....الله يسلمك خلى بالك من نفسك
لورين .....ان شاء الله سلام
مازن ...... سلام
..................
فى صباح اليوم التالى وجدت ان هاتف المنزل يرن فقامت بالرد
لورين.....الو مين
جاسم......اخبار صداعك ايه النهاردة
لورين.....وانت عرفت ان كان عندى صداع منين
جاسم......اصل مازن قالى انك كنتى مصدعة امبارح
لورين.....وانت عايز ايه دلوقتى
جاسم..... كنت عايز اسمع صوتك
لورين.....ماشى وسمعته مع السلامة
وقامت باغلاق سماعة الهاتف بعنف وتمنت لو كان امامها كانت قامت بتكسر الهاتف على رأسه
شهيرة.....مين اللى كان بيتصل
لورين بنرفزة.....جاسم
شهيرة.....انا قولت كده برضه
لورين.....اشمعنا يعنى
شهيرة.....علشان انتى متنرفزة جامد
لورين....انسان لا يطاق ومغرور
شهيرة.....شكله بينرفزك جامد اوى
لورين.....قصدك ايه قصدك ان ممكن هو ده الراجل المناسب ليا زيك انتى وبابا
شهيرة .... جايز ليه لاء
لورين.....يا ماما انا مبطيقهوش وانا مش هتخلى عن مازن
............
جاء اليوم الذى صرح فيه مازن بحبه للورين فكان يجلسون فى مكان هادىء عندما اخبرها مازن بحبه لها
مازن....انا بحبك يا لورين وعايز اكلم والدك بقى
لورين بخجل.....ومستنى ايه
مازن.... كنت مستنى تخلصى امتحاناتك وتطمنى على النتيجة
سمعوا صوت تمنت لورين ان لا تسمعه فى هذه اللحظة
جاسم......ازيكم اخباركم ايه
مازن...... جاسم انت بتعمل ايه هنا
جاسم.....كان معايا ميعاد مع عميل شوفتكم قولت اجى اقعد معاكم شوية
لورين.....واحنا مش حابين نعطلك اتفضل شوف شغلك
جاسم....هو ليه ساعات بحس انك مش طيقانى يا لورين
لورين.....ساعات بس
جاسم.....ايوة ساعات بس
كان يجعلها تحس امامه انها بلا قوة يغمرها شعور بالذنب انها لم تخبر مازن عن زيارته لها وطلبه الزواج منها
مازن.....خلاص انا ولورين اتفقنا على الخطوبة وهتبقى واحدة من العيلة
جاسم....كده احنا لازم نحتفل علشان لورين فعلا هتبقى واحدة من العيلة
احست الصبية الحسناء بأن سكينا يخترقها لانها ادركت تلك اللحظة انه يعنى ستصبح مدام جاسم وسينفذ كلامه
مازن.....عن اذنكم هروح الحمام
جاسم....اتفضل
لورين....بص يا جاسم كل الاعيبك معايا مش هتنفع انا بحب مازن وهتجوزه
جاسم.....بجد؟
نظرت اليه بغضب وادركت انها تضيع الوقت فى اقناعه
جاسم.....هو باباكى عامل ايه دلوقتى
لورين..... كويس بتسأل ليه
جاسم.....علشان شايفه اليومين دول صحته مش كويسة
لورين....انت تعرف حاجة انا معرفهاش
جاسم....ليه بتقولى كده
لورين بغضب....شكلك تعرف حاجة وانت لازم تقولى انا بنته وليا الحق اعرف ماله
جاسم.... بس المكان مش مناسب للكلام دلوقتى
لورين.....انا لازم اعرف بابا ماله
جاسم....خلاص تعالى الشركة بعد يومين وهقولك على كل حاجة
لورين.....اشمعنا بعد يومين يعنى
جاسم....علشان مسافر وهرجع بعد يومين
لورين....انت شكلك بتألف قصة بتاعة بابا علشان تضايقنى
جاسم....والله لو جيتى هتعرفى وانتى حرة.
..............
خلال الايام التالية حاولت لورين ان تتحدث مع ابيها وتعرف ما سبب قلقه ولكنها لم تفلح ولم تجد طريقة سوى ان تذهب لجاسم لمعرفة الحقيقة
اخبرها مازن بشأن ان يتقدم لها بشكل رسمى ولكنها كانت مشغولة بأمر ابيها كان من المفروض ان تكون فى ذروة السعادة فى هذه اللحظة ولكن لماذا تحس برعب غامض لماذا لا تشعر بالسعادة
...........
بعد مرور يومين
ذهبت لورين الى الشركة لمقابلة جاسم لمعرفة الحقيقة فدخلت الى مكتبه كان جالسا يطالع بعض الاوراق امامه
جاسم....اتفضلى اقعدى ثوانى وهبقى معاكى
من كثرة توترها ارادت ان تبعثر الاوراق التى كان ينظر اليها ولكنها ضبطت اعصابها بسرعة
جاسم.....تحبى تشربى حاجة
لورين.....لاء شكرا يا ريت تقولى بسرعة فى ايه
جاسم....فى ايه
لورين.....فى موضوع بابا
جاسم.... ماله باباكى
لورين.....يعنى انتى كنت بتضحك عليا
جاسم..... لاء مكنتش بضحك عليكى باباكى فعلا فى ورطة
لورين.....ورطة ايه
جاسم....باباكى مديون بمبالغ ضخمة ومستواه المالى منهار
لورين بصدمة....انت بتقول ايه
جاسم....بقولك الحقيقة باباكى ممكن يعلن افلاسه فى اى لحظة
لورين......ازاى ده حصل
جاسم.... حصل زى ماحصل المهم انا دلوقتى ممكن اساعده
لورين.....ازاى
جاسم....ممكن ادفع له ديونه بس عندى شرط
لورين....شرط ايه
جاسم....تتجوزينى يا لورين
لورين بفزع..... بتقول ايه؟
جاسم.....بقولك تتجوزينى
لورين.................
.............
((أريد سجنك))
البارت الثالث
جاسم......ممكن ادفع له ديونه بس عندى شرط
لورين......ايه هو الشرط ده
جاسم.....تتجوزينى يا لورين
لورين بفزع......بتقول ايه؟
جاسم......تتجوزينى
لورين......مش معقول انت عارف انى بحب مازن وهنتخطب ازاى تطلب كده اصلا
جاسم.....عادى ممكن تسيبوا بعض يا لورين
لورين..... عايز تتجوزنى وانت عارف انى بحب مازن
جاسم.....دا فى عقلك انتى بس واحنا مش هنبقى اول اتنين يتجوزوا من غير حب بتحصل فى الدنيا كتير
لورين.....وانت فاكر ان أنا ممكن اوافق على الابتزاز ده
جاسم......معندكيش حل تانى وخصوصا انك بتحبى اهلك ومش هترضى ليهم البهدلة بعد العز اللى كانوا فيه
لورين.....ممكن مازن يساعدنى ولو عرف أكيد هيساعدنى ومش هيتخلى عنى
جاسم.....مازن مش هيقدر يساعدك انا بس اللى هقدر اساعدك يالورين لانك عارفة ان كل حاجة ملكى انا ومازن اه ابن عمى بس الاملاك كلها بتاعتى
لورين....بس انا مش هتجوزك يا جاسم لو السما اتطربقت على الأرض مش هتجوزك
جاسم....مفيش حل تانى قدامك
حدقت فيه لورين بغضب ورفعت يدها تريد صفعه على وجهه ولكنه امسك بيدها قبل ان تفعل ذلك كانت لا تستطيع التحرر من شدة الالم كان يملك قوة كبيرة وعرفت انه يستطيع ان يكسر ذراعها بكل سهولة
جاسم......عيب كده تمدى ايدك على واحد هيبقى جوزك عيب كده يا لورين متخلنيش اربيكى من أول وجديد
لورين.....انت بتحلم انا مستحيل ابقى مراتك
حاولت الافلات من يده دون جدوى وفى النهاية احست بالتعب كانت ذراعها تؤلمها اكثر لان قوته اكبر منها احست بحقد قاتل قضى على خفقان قلبها السريع مشاعرها المتناقضة رهن يديه والضعف الشامل الذى يحتلها جعله اقوى واكثر سيطرة على الموقف
كانت متوترة جدا وكانت فى حيرة من امرها بسبب والدها فرفضها معناه ضياع والدها وليس هذا فحسب فوالدتها ستتأثر بذلك وهى أيضا
لورين.....سيب ايدى ومتلمسنيش تانى انت فاهم
جاسم.... تخيلى كده لما نتجوز ونخلف اولاد ياخدوا جمالك وعندك وخصوصاً لو خلفتى بنت وتبقى نسخة منك يا لورين بنت تخطف قلب كل اللى يشوفها
ابعدت نظراتها عنه ولكن ما ان رفعت رأسها حتى تفاجأت بوجه مازن ينظر اليها ببرود
تأملها مازن بنظرات حاقدة وخصوصا وجاسم يمسك بيدها
جاسم....انا اسف يا مازن ان انت اكتشفت الحقيقة بالطريقة دى لورين مكنتش عارفة تقولك ازاى
لورين بتوهان.....مازن انا انا
ولكنها لم تستطيع اكمال كلامها فكأن لسانها اصبح عاجزاً عن الكلام
مازن.....كان ممكن افهم يا لورين لو كنتى قولتيلى انك بتحبى جاسم
لورين.....انت بتقول ايه يا مازن انت فاهم غلط
مازن.....صحيح هتتجوزينى انا ليه وانتى قدامك جاسم وهو غنى وصاحب كل ده
لورين.....اسكت انت مش فاهم حاجة مش فاهم
مازن.....انتى طلعت كدابة ومخادعة وميهمكيش الا الفلوس إنسانة مادية ووصولية
وما ان قال مازن ذلك حتى غادر المكتب وهى كانت لا تفهم شىء مما يحدث
لورين.....انت اللى عملت كده ودبرت كل شىء علشان مازن يسيبنى مش كده
جاسم.....فكرت ان ده احسن حل علشان نتجوز
.................
حاولت لورين الاتصال بمازن لافهامه الحقيقة
لورين.....الو مازن
مازن.....انتى عايزة ايه
لورين.....انت لازم تسمعنى انا مفيش حاجة بينى وبين جاسم
مازن.....عيزانى اصدق وانا شوفته كان ماسك ايدك ازاى
لورين.....والله دا سوء تفاهم
مازن.....خلاص يا لورين اللى بينا انتهى وانا خلاص عرفتك على حقيقتك
ثم قام باغلاق الهاتف فى وجه لورين
..................
كان رفض تصديقها يؤلمها ولكنها كانت قررت ان توافق على زواجها من جاسم لكى تنقذ والدها فذهبت لاخباره بموافقتها
لورين ببرود....انت كسبت انا هتجوزك
جاسم.....وانا هنفذ وعدى واساعد باباكى
لورين.....بس عيزاك تفتكر اللحظة دى كويس
جاسم.....يعنى ايه
لورين.....يعنى انا هخليك تندم انك اتجوزتنى وهخلى حياتك جحيم وهدفعك تمن اللى عملته ده غالى اوى
جاسم ببرود.....هنشوف يلا علشان اروح لباباكى واطلب ايدك
ذهب جاسم مع لورين لطلب يدها ولكن قبل ان يدخلوا المنزل
جاسم.....لازم تبينى قدام اهلك انك بتحبينى
لورين....دا اسوء حاجة انى هتجوزك انت
عندما دخلوا تفاجىء والدها ووالدتها بوجود جاسم معها
سامى....اهلا يا جاسم
جاسم......شكرا يا عمى
شهيرة.....ايه سبب الزيارة دى
جاسم....سبب حلو إن شاء الله
سامى....خير
جاسم..... انا ولورين اتفقنا على الجواز
اندهش والد لورين من هذا الخبر ولكن زوجته لم تندهش
شهيرة بفرحة.....الف مبروك يا حبيبتى انا قلبى كان حاسس
جاسم.....هو حضرتك كنتى عارفة
شهيرة....زى ما تقول كده احساس الام وكنت عارفة ان لورين بتحبك
تطلعت الى وجهه المتأجج فرحا ثم نظرت الى عينيه الدافئتين اللتين ترمقانها بحنان واشتياق
لورين لنفسها.....متنخدعيش بوسامته انتى لازم تنتبهى ولازم تحطميه زى ما حطم احلامك
وافق والدها ووالدتها على زواجها من جاسم وتم تحديد الفرح
..........
لم يكن للورين الوقت الكافى للتفكير بما تفعل كانت تستعد للفرح وشراء فستان الزفاف وحان ميعاد الزفاف كانت تنظر لنفسها فى المرآة وعلى وجهها حزن وكأبة كبيرة
تحملت كل التهانى والامنيات بالسعادة ولانها لم تكن سعيدة اكتفت بهز رأسها والابتسام وحافظت على ابتسامة طبيعية وفى النهاية باتت تشد على اسنانها لتحتفظ بها
بعد انتهاء الفرح اخذها زوجها الى المنزل
جاسم..ممكن ترتاحى دلوقتى
لورين.....ايوة انتهى وقت التمثيل وكل حاجة ترجع لاصلها
عندما حاولت الدخول مد يده واوقفها
جاسم......استنى لازم اشيلك قبل ما تدخلى البيت كل عريس لازم يشيل عروسته
لورين....مالوش لزوم انت مفكر ان بقيت مراتك بجد
جاسم....بس انا شايف ان له لزوم واه انتى بقيتى مراتى يا لورين فاهمه يعنى ايه
لكنها سرعان ما استسلمت وتركت ذراعيه تضمانها الى صدره فضمته ببرود حين حملها ودفع الباب بقدمه
لورين....خلاص نزلنى بقى مش دخلنا البيت
كان وجهه قريبا جدا من وجهها حتى استطاعت ان ترى ادق تفاصيله
لم يرد على طلبها بل بقى يحملها بين ذراعيه فاهتزت اعصابها واحست بالاضطراب
لحظات وارخى يده انزلها ولكنه ظل يضمها بشدة وبشكل مؤلم وهى جامدة فى مكانها دون مقاومة
جاسم.....نورتى البيت يا مدام جاسم
ثم دنا منها بهدوء خطر فشدت لورين على ذراعيه تبعد وجهها عن وجهه حتى لا يقترب منها
جاسم بقسوة....شكلك مش ناوية تسهلى الموضوع وهتتعبينى
لورين....انا مش ناوية اخلى اى حاجة سهلة بالنسبة ليك لازم اخلى عيشتك جحيم
جاسم بابتسامة...هنشوف هتبقى جحيم ولا هتبقى النعيم بذاته يا لورين
شد ذراعه عليها مؤنبا ثم تركها اخذها لتتعرف على المنزل وتراه فكان منزل جميل جدا واثاثه فخما جدا
جاسم......دى اوضة النوم الرئيسية وفى اتنين غيرها للضيوف خدى راحتك
وتركها وخرج فقامت لورين باخذ ملابسها الى غرفة اخرى من غرف النوم
جاسم....انتى بتعملى ايه هنا
لورين....زى ما انت شايف هكون بعمل ايه هنام
جاسم....بس اوضة النوم مش دى دى اوضة الضيوف
لورين....عارفة انا هقعد هنا واعتبرنى ضيفة عندك
كانت ملامحه متوترة وعابسة تنم عن قساوة جعلتها تظن انه سيجبرها على ترك هذه الغرفة
لورين.... عندك اعتراض يا ...جاسم
جاسم....اعتراضات كتير بس هنتكلم فيها بعدين لأن مليش مزاج للخناق دلوقتى
وتركها وهبط الى الدور الارضى وبعد ان انتهت من تغيير ملابسها كانت تفكر انه اذا اقترب منها سوف تغرز اظافرها فى وجهه وستقاومه حتى النهاية شعرت بثقة فى نفسها ولكنها ظلت تنتظر وقتا طويلا ولكنها سمعت وقع اقدامه فى غرفة النوم الرئيسية ثم لم تسمع شىء فعلمت انه خلد إلى النوم
...............
فى الصباح استيقظت لورين واستغربت مكانها فتذكرت انها اصبحت زوجة جاسم دخلت الى الحمام ولكنها سمعت صوت جاسم فى غرفتها فارتبكت ولبس ملابسها بسرعة وانفتح باب الحمام فجأة
لورين....ايه ده فى حد يدخل كده ايه الهمجية دى
جاسم ببرود.....وفيها ايه انتى مراتى يا حبيبتى
لورين....فى حاجة اسمها ادب الاستئذان يا عديم الأدب
جاسم..... استأذن علشان ادخل على مراتى ولمى لسانك يا روحى عيب كده انتى لو حد تانى كنت قطعتله لسانه
لورين.....قطع لسانك انت
جاسم ....طب يلا علشان انا جعان وعايز اكل
لورين.....روح كل لوحدك
جاسم.......مقدرش احرمك من امتياز انك تفطرى معايا وانك تحضريلى الفطار بايدك الحلوين دول وتقوليلى اتفضل الأكل يا حبيبي
لورين.....امتياز وحبيبى كمان انت خليت مازن يفتكر انى واحدة مادية بدور على الفلوس واستغليت خوفى على بابا انت اكتر انسان حقير انا شوفته انت ولا حاجة يا جاسم ولا حاجة
جاسم ......ده كله كنتى بتفكرى فيه فى عقلك لسه فى كلام تانى لسه مسمعتوش يا مراتى يا مؤدبة
لورين.....اخرج من هنا يلا مش عايزة اشوف وشك
جاسم.....ولو مخرجتش يعنى هتعملى ايه
قامت لورين بخبطه بعبوات الشامبو فتفاداها ولكنه قام بامساك يدها وضغط عليها بشدة حتى كادت ان يكسر ذراعها
لورين.....سيبنى بقولك سيبنى يا بنى ادم انت
جاسم.... بس كده بكل سرور يا حبيبتى
لورين.....اياك تقرب منى مرة تانية انت فاهم
جاسم....والله لو قربت منك او مقربتش ده بمزاجى انا مش بمزاجك انتى
لورين.....متبقاش واثق اوى من نفسك يا جاسم
جاسم..... تفتكرى هتقدرى تمنعينى يا لورين لو حبيت اقرب منك
لورين.....لو قربت منى هطلع عينك من وشك
جاسم....اشك انك تعملى كده
لورين....ابقى حاول كده وشوف انا هعمل ايه فيك يا جاسم
جاسم....كده ماشى بكل سرور
اقترب منها رفعت يدها لتضربه لكنه التقطها فى الوقت المناسب كانت تضربه بيديها على صدره لمنعه من ضمها اليه لكنه لم يتأثر بضربها له على صدره وكتفيه ولكنها ضربته على شفته فاصابتها وسال الدم على اسنانه
تلك اللحظة شعرت بالخوف فقام برفعها بين يديه و رماها بقوة على الفراش
حاولت ان تقاومه وابعاده عنها لكنه قام بتقييد يديها فوق رأسها نظرت اليه وعرفت انها اوقعت نفسها فى فخ كانت عيناها ترفان من الخوف عندما واجهت عينيه القاسيتين
كانت تقاوم لعلها تتخلص منه لكنها أحست اخيرا بالضعف والانخذال وحين اكتملت مخاوفها شعر جاسم بانها باتت تحت ارادته ولكنها ظلت باردة متجاهلة مشاعرها وعندما أحست بأن اخر وسائل دفاعها قد سقطت بين احضان عاطفته الثائرة وعرفت ان كل قراراتها باءت بالفشل وتلاشت اخر مقاومة لديها ابتعد عنها جاسم وفى ملامحه غضب شديد ووقف قرب السرير
جاسم بغضب. ...هنفضل على طول كده خناق وصراع مع بعض بس هنشوف مين هيستسلم الاول يا لورين
وادار ظهره بسرعه واتجه ناحية الباب تجمدت لورين فى مكانها اذ انتابها شعور جامح ومفاجىء بالحاجة إلى عطفه برغم قسوته فنادته بصوت خافت
لورين.....جاسم
فتوقف واستدار سائلا
جاسم......فى ايه يا لورين
كادت تستسلم لعاطفتها وتنسى كرامتها وافتخارها بأنها تكره جاسم فصرخت باعلى صوتها
لورين................
...............
((أريد سجنك))
البارت الرابع
لورين......جاسم
جاسم......فى ايه يا لورين بتنادى عليا ليه
صرخت باعلى صوتها
لورين.....روح فى ستين داهية
جاسم بابتسامة باردة.......مش هروح فى داهية الا وانتى معايا يا مراتى يا حبيبتى
ومفيش داعى كل يوم تحطى الكرسى ورا الباب انا مش عايز وشك الحلو ده يتشوه
شعرت بالخجل الشديد من نفسها لانها كادت ان تستسلم لو انه اصر على البقاء نزلت إلى المطبخ وكانت تنظر اليه بحذر وهو ان يكون انتبه لازدواجية مشاعرها نحوه كان واقفا فى المطبخ يدير لها ظهره الطويل المنحنى ذو الاكتاف العريضة فاقشعر جلدها عندما تذكرت الاحاسيس التى انتابتها وهو قربها
جاسم.....تعالى الاكل جاهز انا عملت الأكل
لورين..... امال فين الشغالين مش شايفة حد فيهم
جاسم....فى اجازة المفروض ان احنا عرسان وفى شهر العسل ويبقى لينا خصوصيتنا
لورين......شهر عسل اسود ان شاء الله
جاسم....ياريت تاكلى وانتى ساكته الا اذا كنتى حابة اللى حصل من شوية يتكرر تانى
فضلت لورين الصمت على ان تثير غضبه ثانية
مر الاسبوع الاول من شهر العسل على المنوال نفسه
كانوا لايتكلمون كثيرا كانوا غريبين يترافقان لعدم وجود رفيق ثالث لكن لورين كانت تشعر بكل لمسه من لمساته واصبح وجوده يشكل خطراً على قلبها
..............
فى احد الايام سمعت لورين طرق على باب غرفتها فأذنت للطارق بالدخول
لورين..... ايوة ادخل
فتح جاسم الباب ولكنه بقى خارج العتبة كان يرتدى بدلة انيقة وفكرت لورين فى ذوقه الرفيع الذى يملكه فى اللبس تطلعت عيناه الزرقاوان الى شعرها الاشقر وراقب وجهها بهدوء ثم قال لها بفتور
جاسم......انا رايح الشركة وهبقى ارجع نتغدى مع بعض المفروض يعنى علشان احنا لسه عرسان وكده يعنى
لورين.....ماشى
جاسم....اشوفك على الغدا سلام
لورين...فى ستين ...
جاسم...ها قوليها فى ستين داهية يا مؤدبة
لورين...مكنتش هقول كده على فكرة متبقاش سيئ الظن
جاسم...جايز سلام
لورين...مع السلامة
جلست لورين فى الجنينة تستمع بحرارة الشمس وبينما هى جالسة فكرت انها ربما تقع فى حب جاسم لكنها سرعان ما بعدت الفكرة عن ذهنها.لكنه كان من الصعب عليها ان تعيش على العدوات القديمة بينهما فى حال انه يتصرف معها بشكل طبيعى ويثير شوقها
سمعت صوته قادم
جاسم......حضرتى الغدا
لورين.....ثوانى وهيكون جاهز
ذهبت لورين لاعداد الغداء ولكنه ظل واقف على باب المطبخ يراقبها فارتبكت فسكبت محتوى طبق الحساء على يدها فتألمت بشده
لورين بتوجع.....اااااه ايدى
جاسم.....مش تحاسبى تعالى
وضع يدها تحت الماء البارد
جاسم.....فى كريم للحرق كويس هدهنلك ايدك
احضر جاسم الكريم وقام بدهنه على يدها ولكن كل لمسه منه تشعل النار بداخلها
لورين......كفاية
جاسم بحنان .....استنى لازم ادهن ايدك كويس علشان الحرق ميسبش اثر
لورين.... خلاص كفاية
كانت تحاول ان تخفى أنفاسها المضطربة فسحبت يدها من يده لكنه امسك بيدها حتى اصبحت تواجهه لم تكن قادرة على النظر اليه لاحظ تصرفها مد يده الى طرف عنقها ووضع اصبعا تحت ذقنها كانت عيناه متأججتبن تفصحان عن الرغبة المشتعلة فيه
جاسم......انتى لسه على عندك ونشفان دماغك يا لورين
لورين......ايوة
وادارت عنقها رافضة اصابعه لكنها لم تستطيع ان تخفف من خفقات قلبها حدق بها بصمت فتمنت فى تلك اللحظة لو ان يتجاهل جوابها ولكنه بقى جامدا دون ان يظهر اى اضطراب
جاسم.....براحتك يا لورين
................
فى منزل والد لورين
لورين.....ماما وحشتينى اوى اوى
شهيرة.....حبيبة ماما عاملة ايه
لورين.....الحمد لله
شهيرة.....هو جاسم فى الشغل ولا ايه
لورين.....ايوة
شهيرة....يلا شدى حيلك علشان عايزة افرح بولادك
لورين بخجل.....ربنا يسهل يا ماما
لكن لا احد يعرف ان زواج لورين من جاسم مجرد زواج على ورق ولا احد يعرف حقيقة زواجها منه غيره هو
صفية....اهلا بعروستنا الحلوة منورة البيت
لورين.....تسلمى يا دادة هو بابا فين
شهيرة.....جوا فى المكتب
دخلت لورين الى مكتب والدها
لورين....بابا وحشتنى
سامى....اهلا بحبية بابا انتى جاية لوحدك
لورين.....ايوة جاسم فى الشركة
سامى....جوزك ده رجل اعمال ناجح جدا
لورين..... عارفة انت هتقولى انت اخبار صحتك ايه
سامى .....الحمد لله تمام
عندما حاولت لورين الذهاب الى المنزل تعطلت سيارتها
لورين....يادى النيلة هو ده وقته
سامى....تعالى انا رايح الشركة عند جوزك وابقى روحى معاه اوصلها والدها الى الشركة
سامى....حبيبتى انا عندى مشوار انزلى انتى وانا هبقى اجى لجاسم فى وقت تانى
لورين....ماشى يابابا
دخلت لورين الى الشركة ودخلت الى مكتب زوجها
جاسم باستغراب .....لورين
لورين بابتسامة ..... مش هتصدق العربية عملتها فيها واتعطلت
كانت ستتوقف بالقرب منه لكن يده احاطت خصرها وشدتها اليه وتجاوبت بعفوية فلمعت عينه من الفرح
ولكنها لاحظت انه لم يكن بمفرده
لورين..... أسفة جدا ماخدتش بالى
جاسم.....ده استاذ رأفت ودى تبقى مراتى
رأفت....اهلا يا مدام لورين
لورين.....متشكرة لحضرتك
جاسم.....شويةونخلص وهنروح
لورين.....براحتك انا هستناك برا
خرجت لورين ولكنها تقابلت مع مازن
مازن.....اهلا يا عروسة منورة الشركة
لورين.....شكرا يا مازن
مازن.....ايه مش قادرة على بعده جتيله هنا
لورين.....مازن انت رفضت تسمع الحقيقة فبلاش كلامك ده
مازن....ليه كلامى جه على الجرح
لورين.....جرح ايه تقصد ايه
مازن.....هو انتى يا لورين كنتى عاملة نفسك عايزة تتجوزينى علشان جاسم يغير ويتجوزك هو
لورين.....هى دى فكرتك عنى
مازن..... الصراحة انا كنت مغفل ازاى ما اخدتش بالى انك واحدة مادية ووصولية لعبتى اللعبة دى علشان تتجوزى جاسم
لورين...انا مسمحلكش تغلط فيا انت فاهم
مازن.....اغلط فيكى دا انا دلوقتى خايف على جاسم منك علشان انتى واحدة انتهازية
لورين......بطل غلط انت اصلا رافض تسمع الحقيقة
مازن......الحقيقة ولا كدبة من كدبك
لورين.....تصدق يا مازن انا دلوقتى بحمد ربنا ان احنا متجوزناش علشان انت طلعت سىء الظن يعنى لو كان حصل بينا اى موقف كنت زمانك اتهمتنى من غير ما تفهم
مازن..... على العموم انا خلاص خطبت واحدة تانية وهتجوز واحدة احسن منك 100 مرة
لورين بهدوء.....الف مبروك يا مازن وربنا يكون فى عونها
وبعد ذلك تركته لورين وذهبت لتنتظر زوجها حتى تعود الى المنزل
....................
فى احد الايام اخبرها جاسم بإقامة حفلة فى المنزل
جاسم....احنا هنعمل حفلة بكرة فى البيت
لورين....ايه المناسبة
جاسم.......بمناسبة اخر صفقة للشركة
لورين.....ماشى
كانت الحفلة تضم مجموعة من الشخصيات وحضر والدها ووالدتها
شهيرة...... حبيبتى ايه الجمال ده كله زى القمر
لورين......تسلميلى ياماما ازيك يا بابا
سامى ....الحمد لله يا حبيبة بابا
كانت لورين طوال الحفلة عيناها لا تفارق زوجها فكان له حضور طاغى ولاحظت انه متحدث لبق ولكن ما ازعجها هى محاولة بعض الفتيات بلفت انتباهه بدون خجل
احست بغيرة قوية بالرغم من انه لا يفعل ما يثير غيرتها ولكنها شعرت ان اعصابها اصبحت متوترة للغاية
سامى.......حبيبتى احنا هنمشى بقى
لورين...خليكم شوية
شهيرة....كفاية كده خلى بالك من نفسك
بعد ذهاب والديها لاحظت ان فتاة من اول الحفل وهى لا تفارق زوجها
جاسم......لورين اعرفك دى لارا
لارا....اهلا
لورين.....اهلا بيكى
لارا....مراتك حلوة يا جاسم
جاسم.....متشكر يا لارا
بعد ذهاب لارا نظرت اليه لورين
لورين بغيرة.......مين دى
جاسم.....دى لارا بنت عميل عندنا
لورين.....باين عليها مهمة عندك اوى
جاسم.......قصدك ايه
لورين..... قصدى انك تحترم وجودى ومتسيبهاش تتدلع عليك بالشكل ده
جاسم......لورين انتى اتجننتى
لورين.....اتجننت هو اللى يعرفك ميتجننش
جاسم.....اهدى الناس هتاخد بالها منا
لورين.....خليهم يعرفوك على حقيقتك
جاسم......انتى زودتيها على الاخر تعالى معايا
امسك يدها وادخلها إلى غرفتها ولكنها كانت تتخبط بين ذراعيه ولكنه ضغط عليها بشدة احست ان انفعالا غير منتظر اجتاحها كليا تكفى رائحة عطره لتفقدها وعيها
جاسم بغضب......استنى هنا وانا هعتذر للضيوف وهجيلك اشوف ايه حكايتك
قام بإغلاق الباب بالمفتاح ولكنها كانت متسعة العيون من الاكتشاف الذى ظهر لها الآن
لورين بدهشة.....ايه ده انا بحبه مش معقول مستحيل
استغربت لورين انها لم تكتشف ذلك من زمن فهى تعرف جاسم منذ فترة كبيرة اصبحت تريد ان تكون زوجته بكل معنى الكلمة ان تكون زوجته وحبيبته وام اولاده كانت سعيدة باكتشافها حبها لجاسم فهى كانت تقاوم هذا الحب قامت بتغيير ملابسها وظلت تنتظره بشوق كبير ولكنه تأخر فى المجىء
كانت تنظر من شباك غرفتها ولاحظت ان زوجها يقف مع تلك المدعوة لارا ويبدو عليهم انهم منسجمين بالحديث شعرت بطعنة فى قلبها وبكت كثيرا حتى غلبها النوم
...................
لقد اكتشفت انها تحب جاسم ولكنها كانت تشعر بان حياتها تتعقد اكتر فاكثر فى يوم عاصف هطل المطر غزيرا وكانت السماء تبرق وترعد وهى تحضر العشاء لكن جاسم قد تأخر على ميعاد رجوعه فبدأت لورين تشعر بالقلق لانه تاخر مدة طويلة على ميعاد رجوعه طلبت رقم مكتبه فاخبروها انه ترك الشركة منذ ساعتين تقريباً
ظلت تتخيل ان هناك شىء سىء قد حدث له فظلت تنتظره بقلق وبينما هى فى ذروة قلقها شعرت بباب البيت يفتح
بقى واقفا على عتبه المنزل والمطر يقطر من ثيابه لحظات وتحرك نحوها تنفست بعمق وصرخت من الفرح ثم هرعت نحوه ورمت نفسها بين ذراعيه المبتلتين من المطر
لورين......جاسم انت كنت فين وايه اللى اخرك كده
كانت سعيدة لرؤيته سليما
جاسم.....الطريق كان واقف بسبب المطر
لحظات واحست بالرطوبة تتسرب من ثيابه المبتلة الى ثيابها فابتعدت عنه ولكن صوت البرق يسمرها فى مكانها من شدة الرعب
تأملها بعينيه الزرقاوين وسألها
جاسم.....انتى خايفة من العاصفة
لورين.....دى مش عادتى بس علشان انت اتاخرت اتصلت بالشركة قالولى انك مشيت من ساعتين
جاسم.....فعلا انا اسف انى سببتلك القلق
لورين.....خلاص غير هدومك وهعملك مشروب دافىء
ارادات ان تبتعد عنه لكنه لم يتركها وسألها وعيناها تنظر لها
جاسم.....انتى كنتى قلقانة عليا بجد يا لورين
لورين.....طبعا انتى شايفنى انى معنديش احساس
جاسم....بس انتى شيفانى انى معنديش احساس
لورين..... لاء ده مش وقت النقاش هروح اعملك حاجة دافية وانتى اطلع اوضتك وغير هدومك
صعد الى غرفته قام بتبديل ملابسه المبتلة سمع طرق على باب الغرفة
جاسم...ادخلى يا لورين
دلفت لورين وجدته يجفف رأسه بمنشفة ثم وضعها على الكرسى ظل ينظر اليها بضع لحظات وهى واقفة مكانها ولا تتفوه بكلمة
جاسم...مالك واقفة ليه كده
انتبهت على جملته فهى كانت تتأمل ملامحه وخاصة خصلات شعره التى احدث بها فوضى من تجفيفه لها وتركها بهذا الشكل المهمل دون تمشيط، ولكنه كان أشد وسامة وجاذبية
لورين... دى كوباية لبن دافية انا عارفة انك بتحب تشرب اللبن
جاسم... شكراً يا لورين بس غريبة انك لحظتى انا بحب ايه
ابتلعت ريقها حاولت الخروج من الغرفة الا انه استوقفها بنبرة هادئة
جاسم...استنى يالورين انتى بجد لما اتأخرت خوفتى عليا
لورين..قولتلك انا برضه عندى شعور مش معنى ان احنا دايما نتخانق يبقى اتمنالك حاجة وحشة
جاسم...انتى كنتى بتقوليلى روح فى ستين داهية
تنهدت بصوت خافت أراد ان تنهى الكلام الى هذا الحد فربما قدميها سترفض الخروج اذا ظل يتكلم معها هكذا بهدوء
لورين...تصبح على خير انت لازم تنام وترتاح يا جاسم عن اذنك
لكنه أجابها بوضوح وصراحة
جاسم.....لاء يا لورين من النهاردة كل حاجة لازم تتغير
لم يترك علامات الاندهاش تظهر على وجهها بل رفعها عن الأرض واخذها بين ذراعيه وراح يتأمل وجهها و دقات قلبها تتسارع وكأنها البرق والرعد فى آن واحد
............
فى الصباح
سمعت رنين الهاتف فكان مازال النوم يغلب على صوتها فزحفت ببطئ على الفراش ورفعت سماعة الهاتف
لورين بنعاس.....الو مين
السكرتيرة..... حضرتك انا سكرتيرة جاسم بيه هو موجود
لورين......ايوة فى حاجة
السكرتيرة.....كان عنده ميعاد مع عميل مهم وكنت بفكر حضرته
لورين....ايوة بس
ولكنها لم تكمل كلامها فاستيقظ جاسم واخذ منها الهاتف
جاسم.....ايوة اجلى ميعاد العميل لبعد الضهر علشان انا هتأخر شوية
انهى المكالمة ووضع السماعة وعاد الى حبيبته من جديد
مر الوقت سريعا كانت لورين تستلقى على ذراعه تشعر بسعادة كبيرة ولكنها قامت من مكانها
جاسم.....راحة فين
لورين.....هحضرلك الفطار
كانت نظراته تتغلفل الى اعماقها مما جعل قلبها يخفق اكثر
عندما وصلت الى الاسفل كانت قدماها ترتجفان لحق بها جاسم بعد ان تجهز للذهاب الى عمله
لاحظت لورين انه رائع جدا ووسيم للغاية بعد انتهاء الفطور هب واقفا
جاسم......انا لازم اروح الشركة دلوقتى
لورين....ماشى استنى هوصلك للباب
توجها نحو الباب الامامى وتوقف جاسم ونظر الى وجهها وتطلعت اليه مترددة
جاسم.....هتنقلى حاجتك فى الاوضة بتاعتى ولا انا انقل حاجتى فى اوضتك
لورين......هنقل انا هدومى فى اوضتك
ضمها اليه بشوق فكان لايريد ان يتركها وهى ايضا فهى قد اكتشفت ان جاسم ينجذب اليها بقدر ماهى منجذبة إليه
.............
قامت لورين بتحضير عشاء رومانسى من اجل جاسم كان كل شىء ينتظر قدومه حتى لورين نفسها كانت فى منتهى الجمال والجاذبية وكانت طوال النهار تسبح فى سحابة من الاحلام وهى تنتظر
لورين.....امشى بقى يادى الساعة ايه ده
ولكن طال انتظارها حتى رن هاتفها ووجدت ان المتصل هو والدها
لورين.....بابا حبيبى عامل ايه
سامى بحزن ....الحمد لله حبيبتى فى حاجة بخصوص جاسم
لورين بتوتر.....ماله جاسم
سامى.................
...........
((أريد سجنك))
البارت الخامس والاخير
لورين....بابا حبيبي عامل ايه
سامى.....الحمد لله حبيبتى فى حاجة بخصوص جاسم
لورين بتوتر...... ماله جاسم
سامى .........جاسم فى المستشفى يالورين
لورين بصدمة......ايه اللى حصل يابابا
سامى......تعالى على المستشفى وانتى هتعرفى
عرفت العنوان من والدها وركبت سيارتها واسرعت فى الذهاب الى المستشفى ولكن كان هناك زحام فارادت ان تصرخ باعلى صوتها ولكنها تمالكت اعصابها بصعوبة وصلت الى المستشفى ووجدت والدها ووالدتها ومازن
لورين بخضة......بابا قولى فى ايه جاسم حصله ايه وليه هو فى المستشفى
سامى........حصله حادثة فى المصنع كان بينقذ حد من العمال بس هو اتصاب
انهمرت دموع غزيرة على وجنتيها بعد سماع كلام والدها
شهيرة.....اهدى يا حبيبتى ان شاء الله خير وهو هيبقى كويس
لورين بدموع.....ماما لو جاسم جراله حاجة انا ممكن اموت فيها
شهيرة......بعد الشر عليكم ان شاء الله ربنا هيشفيه
خيم الصمت عليها مجرد الانتظار والترقب والدعاء فلم تكن لتتصور ان جاسم طريح الفراش جريحا بعد مرور الوقت خرج الدكتور
الدكتور.....مدام لورين
قفزت لورين واقفة وقلبها يخفق بشدة لدى سماعها اسمها
لورين.....جوزى عامل ايه يا دكتور
الدكتور......الحمد لله نشكر ربنا انه انقذ جوزك هو كويس دلوقتى بس لازم يفضل يومين فى المستشفى علشان الجرح اللى فى راسه
لورين بلهفة......ممكن اشوفه يا دكتور
الدكتور.....ممكن بس مش كتير هو نايم دلوقتى وهو فى العناية المركزة
خفق قلبها بشدة عندما شاهدت جاسم فى غرفة العناية ورأسه محاط بالضمادات الطبية وكان وجهه شاحبا لم تستطيع لورين ان تحبس تنهيدة الم وهى تشاهد زوجها الجريح اقتربت من السرير لتتمعن فى وجهه جيدا
الدكتور .....الحمد لله الجرح سطحى والاشعة كويسة وهو محظوظ علشان قوته الجسدية ساعدته فى تحمل الاصابة فمتقلقيش حضرتك ان شاء الله هيبقى كويس
لورين.....شكرا يا دكتور
شهيرة.....يلا يا حبيبتى نروح والصبح ابقى تعالى علشان تشوفيه
لورين.....انا هفضل هنا يا ماما مش هروح
سامى.....مش مسموح حد يفضل هنا يا حبيبتى تعالى على البيت عندنا والصبح هنيجى كلنا
لم تستطيع ان يغمض لها عين ولكنها راحت تردد فى سرها
لورين.....هو ان شاء الله هيكون كويس كل حاجة هتعدى على خير
.................
فى المستشفى
ذهبت لورين مع والديها الى المستشفى فاصرا ان تدخل هى الاول للاطمئنان على زوجها .مع ان عينيه كانتا مغلقتين الا انه سمع وقع خطواتها فقال على الفور
جاسم.......لورين
عندما حاول الجلوس اسرعت لورين اليه تمنعه من الحركة حتى لا يتسبب لنفسه فى مزيد من الألم
لورين.....خليك مرتاح يا جاسم متقومش
جاسم بصوت واهن......هو ايه اللي حصل وانا هنا ليه
لورين.....انت فى المستشفى بعد ما اتصابت فى راسك وانت بتنقذ العامل
جاسم.....قوليلى ليه حالتك كده باين على وشك الإرهاق
لورين....انت عارف كنت هموت من القلق والتوتر يا جاسم كنت خايفة يحصلك حاجة
احاط وجهها بيديه وقال ونظر اليها بعشق
جاسم......تعالى فى حضنى يا لورين
لورين......بس ده ممكن يسببلك الم ووجع وانت تعبان
قال وهو يضمها بحنان ورفق
جاسم......تعالى وانتى ساكتة هو مينفعش تسمعى الكلام من مرة واحدة
همست وهى ترتاح بين ذراعيه
لورين.....انا بحبك يا جاسم
سألها وعيناه تنظر اليها
جاسم.....بتحبينى بجد؟
لورين......بموت فيك كمان ولما ترجع البيت هعبرلك عن حبى
جاسم.....انا اسف انى سببت ليكى الخوف والقلق بس انا هخرج من هنا امتى
لورين بحماس.... لسه مسألتش الدكتور بس انا اتمنى تخرج دلوقتى وترجع معايا البيت
............
فى المنزل
عاد جاسم الى المنزل وتناول الجميع الغداء وسط اجواء من الفرحة والسعادة كان لاشىء يهمها سوى خروج زوجها من الحادث سليما
وعندما حان ميعاد النوم وضعت لورين عطرها المفضل وذهبت الى زوجها
لورين بخجل.......جاسم
جاسم.......نعم يا حبيبتى؟
لورين.....عايز منى حاجة اعملهالك قبل ما تنام
جاسم.......عايزك انتى جمبى علشان تكملى اعترافك ليا اللى قولتيه فى المستشفى
لورين.....انت عرفت كل حاجة مفيش حاجة تانى أقولها
جاسم....عرفت انك بتحبينى بس عايز اعرف الحب ده وليد اللحظة اللى اتعرضت فيها للحادث ولا انتى تقصدى كده فعلا يالورين
لورين.....انت مش مصدقنى يا جاسم
جاسم.....قربى منى علشان اصدق
سارت نحوه كأنها منومة مغناطيسيا ثم جلست بجواره على السرير
جاسم.....انتى ندمانة انك اتجوزتينى
لورين...... دلوقتى لاء انا بحبك
جاسم......ااه استنيت كتير اوى علشان اسمع منك الكلمة دى ولازم تقوليلهالى على طول
لورين..... جاسم انت بتحبنى؟
جاسم......اول مرة شوفتك فيها وانتى عندك 15سنة وقعت تحت تأثير سحرك ولما كبرتى مقدرتش ابطل احبك حبك كان بيزيد فى قلبى يوم عن يوم ولحد دلوقتى عارف انى اجبرتك تتجوزينى بس انا كنت عايز اعمل اى حاجة علشان انتى تبقى ليا
لورين....بتحبنى اوى كده
جاسم....بحبك يا لورين
لورين..... طب ليه مكنتش بتبين ليا حبك ده كنت دايما تضايقنى وكنت بحاول اقنع نفسى انى بكرهك علشان اتجنب ان اقع فى حبك بس دلوقتى خلاص اتأكدت انى بحبك
ضمها اليه بكل قواه ثم تمتم بصوت خافت
جاسم .....انا يكفينى انك تفكرى انك بتحبينى وادينى وقت اصلح اى غلط عملته فى حقك متسبينيش يا لورين ابدا
لورين.....عمرى ما هسيبك ابدا ابدا
احاط وجهها بيديه وعيناه تحدقان فى عينيها
جاسم.....ابدا ده وقت طويل اوى
فرددت وعدها
لورين..... ابدا عمرى ما هبعد عنك جاسم
جاسم....مش هتتخانقى معايا تانى
لورين.....بقولك انا بحبك
جاسم.....تقدرى تعيشى من غيرى؟
لورين....مستحيل اقدر اعيش من غيرك
جاسم.....متأكدة يا لورين
لورين..... ايوة انا عيزاك ليا لوحدى انا وبس حتى لما يبقى عندنا اولاد كل حاجة ملك لك انت
جاسم.....اه لو تعرفى تأثيرك عليا فى حياتى كلها محبيش حد زيك ولا هحب حد زى ما بحبك
لورين.....الصراحة يوم الحفلة كان نفسى اخنقك بعد ما طلعت واستنيتك وانت مجتش
ضمها الى صدره بخنان
جاسم....كنت دايما براقب تصرفاتى معاكى انتى جوهرتى الغالية
قالت بصوت هامس دافىء
لورين.....جاسم قولى تانى انك بتحبنى
جاسم.....بحبك وبعشق يا حبيبتى
والتقت عيناه الزرقاوان بعينيها الرمادية فى عناق يحمل كل معانى الحب والامل والمستقبل
...............
بعد مرور شهرين
كانت تنتظر عودته من عمله فاليوم عيد ميلادها وهى تريد ان تحتفل به بشكل خاص مع زوجها فقامت بتحضير الغرفة بشكل رائع وهى كانت جميلة جدا
عاد جاسم الى المنزل يحمل اشواقه اليها
لورين..... حمد الله على السلامة يا حبيبى
جاسم.....الله يسلمك يا قلبى كل سنة وانتى حبيبتى
لورين.....انت عارف ان النهاردة عيد ميلادى
جاسم ......طبعا انا مش ممكن انسى حاجة زى دى ودى هديتك
اخرج من جيبه سلسلة جميلة تحمل صورتها فاعجبت بها لورين
لورين.....الله دى جميلة اوى
جاسم.....تعالى البسهالك
قامت باداره ظهرها و رفعت شعرها لكى يتمكن من الباسها السلسلة ولكن قام بتقبيلها على عنقها تلك الحركة التى تفقدها توازنها
لورين......يلا نرقص سلو مع بعض
قامت لورين بتشغيل اغنية ((جوايا ليك )) للمطربة إليسا
https://youtu.be/HFIl70Vg8zw
عندما كانت بين ذراعيه تذوب عشقا ارادت اخباره بشىء كانت تنتظر هذه المناسبة لتخبره به
لورين..... حبيبى فى حاجة عايزة اقولهالك
جاسم.....فى ايه ياقلبى
لورين.....انا حامل
جاسم.....بتتكلمى جد
لورين.....ايوة هيكون عندى اولاد منك
جاسم.....نفسى يبقوا شبهك بس بلاش نشفان دماغك ههههه
لورين.....ههههه هو انا دماغى ناشفة اوى كده
جاسم..... دا انتى جننتينى
لورين......بموت فيك
جاسم.....بحبك يا اجمل ما فى حياتى
..............
عندما علم والد لورين ووالدتها بخبر حملها كانوا سعداء جدا بان سيصبح لديهم احفاد
شهيرة.....الف مبروك يا قلبى
لورين.....تسلمى يا ماما
سامى.....هتخلينى ابقى جدو
لورين.... احلى جدو ده ولا ايه
..............
بعد مرور سنوات
لورين بصراخ........جااااااااسم
جاسم بفزع.....لا اله الا الله فى ايه يا لورين
لورين.....انت شفلك حل فى ولادك دول بقى
جاسم......هما عملوا ايه
لورين .....قول معملوش ايه دول مبيسمعوش الكلام
جاسم...... ههههههه مش قادرة على ولادك
لورين.....طول النهار كارتون واغانى اطفال لدرجة انى بقيت اغنى الاغانى دى وانا قاعدة لوحدى
جاسم.....يس عمر تعالوا
عمر.....نعم يا بابا
جاسم.....مبتسمعوش كلام ماما ليه
يس.....بابا احنا معملناش حاجة
لورين....والله بتبلى انا عليكم وارسموا بقى وش البراءة بتاعكم ده
جاسم...... خلاص انتوا اسمعوا كلام ماما ماشى يا حبايبى
عمر....ماشى يا بابا
يس.....احنا اسفين يا ماما
لورين بحنان.....خلاص بس لازم تسمعوا كلامى بعد كده ماشى
يس وعمر......ماشى يا ماما
جاسم.....يلا على اوضتكم علشان تناموا
يس وعمر ...... تصبحوا على خير
لورين .....وانتوا من اهل الخير يا حبايب ماما
جاسم.....وانتوا من اهله
ذهب يس وعمر الى غرفتهم ولكن جاسم لم يتمالك نفسه من الضحك على منظر صراخ زوجته
لورين.....انت بتضحك عليا
جاسم.....شكلك حلو وانتى متنرفزة
لورين.....انت لسه فاكر الكلام ده
جاسم.....هو انا اقدر انسى
لورين......ما خلاص انتى ناسينى
جاسم.....فى حد ينسى روحه وقلبه
لورين......روحك وقلبك كمان
جاسم......وكل حاجة ليا فى الدنيا دى واحلى حاجة فى حياتى
لورين بعشق......... بحبك اوى يا عمرى
جاسم....... بعشقك يا قلب جاسم
كانت لا تستطيع وصف سعادتها التى تعيشها مع زوجها واطفالها فمن اجبرها على الزواج منه اصبح هو من يمتلك قلبها وهو كان يجعلها سجينة حبه وعشقه فجعل من قلبه سجن لها وضلوعه سياج وأصبحت هى من تردد((أريد سجنك))
تمت
تعليقات
إرسال تعليق