القائمة الرئيسية

الصفحات

الأخبار[LastPost]

رواية حياة جهاد البارت الحادي عشر والثاني عشر والثالث عشر والرابع عشر بقلم لارا محمد

 

رواية حياة جهاد البارت الحادي عشر والثاني عشر والثالث عشر والرابع عشر بقلم لارا محمد


رواية حياة جهاد الفصل الحادي عشر والثاني عشر والثالث عشر والرابع عشر بقلم لارا محمد




رواية حياة جهاد البارت الحادي عشر والثاني عشر والثالث عشر والرابع عشر بقلم لارا محمد

البارت١١

معشوقتي

كنت معشوقتي في الخيال

تمنيت ان اراك ليلا نهار

ان اعيش بقربك من زمان

و صفتك وصف المحب للحبيب

جعلت منك اسطورة العاشقين

فليتني لم افعل

لاجد غيري في خيالك

ينعم بما تخيلته و حلمت به

لكن اولا و اخيرا ستظلي

       معشوقتي في الخيال

هيام الشوربجي✏️


***احداث القاهرة***


**فى المستشفى 

يجلس مالك باريحيه ويغمض عيناه  متخيله عيناها فقط ويحلل نظرتها ......وجهها مغطى كاملا فقط عيناها هى من جعلته اسيرها

مالك لنفسه فيه قوة فى عيناها وكانها بتتحدانى  بس ماهى ممكن تكون وحشه لالا بس صوتها...  

يارب ساعدنى ويتنهد بقوة ويخرج زفيرا عاليا ويهم واقفا يلتقط متعلقاته للخروج

  ** فى الخارج يرى امانى تقف مع زميله اخرى لها بحزن واضح 

الممرضه الاخرى:انسى اى حاجه تتضايقك يا مونى مش كل حاجه بنتمناها بتبقى من نصينا

امانى:لترد امانى بشرود مش كل الناس طيبه يا هند وناس كتير بتبان لك من برة شكل لكن الحقيقيه مختلفه 

ليسمع الكلمه مالك ويفكر بها ويتخذ القرار القاءم

(خطوبه حنين)

مالك يقرر الاتصال بأحمد  لتحديد ميعاد للذهاب اليهم

مالك:بشمهندس احمد اخبارك ايه  والحاجه حنان

احمد:الحمد لله كلنا بخير

مالك:كنت عايز احدد معاك معياد ونتكلم شويه

احمد :فيه حاجه ولا ايه 

مالك: خير ان شاء الله يعنى  هو .....كنت عايز اطلب ايد الانسه حنين انا عارف ان مينفعش نتكلم فى الفون بس باديك فكرة

احمد:ماشى بس ادينى فرصه ابلغ ماما وحنين وارد عليك

مالك:اكيد طبعا بس رجاءا عايز فرصه نتكلم فيها

احمد :ان شاء الله خير هبلغك الرد

ويغلق الخط مالك داعيا الله بالتوفيق

**بعد العودة من شرم الشيخ بدات اليات العمل للتجهيز الكامل للمشروع 

خالد وعصام واحمد كل يوم فى الشركه 

لارين بدات تتدرب 

جهاد فى البيت بس بنص عقل والباقى بيفكر فى حازم وبقت على تواصل كبير مع لارين 

**فى الشركه 

عاصم:خالد كدة تمام المعدات هتبدا فى الحفر كمان اسبوع 

شباب لازم تكونوا هناك 

خالد:ان شاء الله هنشوف مين فينا هيسافر ونبلغ حضرتك

عاصم:تمام على مكاتبكم


امام مكتب نفين نجد حازم ولارين يتحدثون

لارين:ابيه عاصم صعبان عليا خالص مش مركز غير فى الشغل هو كان كويس بس بعد عاليا ماجت  وحصل اللى حصل  معرفش بقى ماله 

حازم:صعب يارورو ان يتحمل شغل وبنته كمان نفسه يفرحها مش لاقى وقت ليها خالص البنت محتاجه رعايه

لارين:انت عارف انى هخرج مع جهاد بكرة ان شاءالله  بفكر اخدها معايا

حازم:استاذنى عاصم بس هتروحوا فين 

لارين:النادى ونشوف لو هنروح مكان تانى مش عارفه

حازم :تمام(ياااه يا جين هو انا ممكن اشوفك بكرة اكيد لازم ....)

يأتى خالد:ازيك يا دكتور حازم 

حازم :الحمد لله ايه اخبارك والشغل

خالد:تمام هنبدا اهو ربنا يسهل الاسبوع الجاى 

حازم :اجمد يابطل 

خالد محاولا تلاشى وجود لارين فهو يعاملها بحياديه تامه يحاول الا يظهر مشاعرة ناحيتها  المشوار لسه طووويل

لارين هو بيعاملنى كده ليه  اكيد فيه حاجه  معقول انا رفضت العريس علشانه  

****حازم مع عصام واحمد 

خالد:نشوف بقى مين هيسافر عشان البدايه لازم نتفق

انا صعب مش هسيب جهاد لوحدها ولسه مقررتش انى اخدها

احمد:والله فيه عريس متقدم ل حنين ولازم اكون موجود

عصام :مبقيش غير انا وهيام بس خلصوا اللى وراكوا وتعالوا لازم كلنا نكون موجودين 

خالد:تمام يا عصام اكيد هنتكلم وانا هكون فى المكتب بتاعنا عشان نركز فى الشغل وميبقاش فيه اهمال

احمد :وانا معاك 

***فى ايطاليا

سعيد :احنا لازم نرجع يا فريدة بقالنا اكتر من اسبوع مش عايز حد يحس بغيابنا

فريدة:انا مراتك ودا حقى فى مصر بشوفك بالعافيه 

سعيد:مش هنتكلم كتير انتى عارفه الظروف يا فرى وانتى وافقتى

فريدة:سعيد انا عارفه كويس ومش بلومك بس صدقنى بتوحشنى هو انا مش بوحشك

سعيد :حبيبتى بتوحشينى جدا وبحبك انت عوضتني حياتى واديتنى امل اعيش بعد ماكان شغل وبس دا حتى عيالي اتعلموا منى كده 

فريدة:خلى بالك منهم الشغل موجودة بس السعادة مش بتلاقيها كتير

سعيد :عندك حق 

**فى منزل حسن المالكى

تستعد سها للخروج

نسرين :سها  هو كل يوم خروج انت واثقه فى وائل 

سها:طبعا دا حبيبى وصاحبى يااااه لما بنكون مع بعض دا جنتل ورقيق و.....

نسرين:بس بس ياختى كفايه  مش عارفه عجبك فيه ايه بس اقولك خلى بالك من نفسك

سها وهى تخرج تمسك بهاتفها

ايوا يا وائل  انا نازله  اهو 

وائل...... 

سها:اوك يا حبيبى

وتخرج سها لمقابلة وائل او لمقابلة المجهوووووول

***فى بيت السيوفى مساءا

عفاف:عاصم هو باباك هيجى امته

عاصم: مش عارف ياماما هو قال اسبوع بس اكيد حاجه عطلته

عفاف :عاصم  عرفت ان عاليا كانت هنا انت شوفتها

عاصم:ايوة ليه

عفاف:اصلك مقولتش وكمان مجتش شافت لارين

عاصم:بسخريه وامتى كان يهمك اقول ايه او مقولش  

ماما بلاش نتكلم احسن

عفاف:متنساش انك بتكلم والدتك

عاصم :مش ناسى لانى لو نسيت هقول كلاااام كتير ويزعل

عفاف: وايه الكلام دا بقى ان شاء الله 

عاصم:من امته اهتمامك بيا او ببنتى او حتى حازم ولارين

انتى تعرفى عننا ايه .ولا حتى سعيد باشا

بنتك كنتى عايزة تجوزيها لمجرد النسب مش هى عايزة ايه 

حازم حتى مبتساليش عليه 

بنتى اللى مفروض محرومه من امها مشفتكيش شيلتها او حتى عاملتيها كويس

عفاف:دى امها سابتها  ورمتها عايزنى انا اقعد بيها

عاصم:بسخريه واضحه ودى تيجى عفاف هانم تسيب النادى وقعدة هوانم جاردن سيتى وتقعد ببنت عاصم بنت ابنها انتى جدة على فكرة

ليدخل حازم اثر الصوت العالى وتتبعه لارين 

حازم :اهدى ياعاصم مش كده 

عفاف:بيحاسبنى انه اتجوز واحدة زباله رمت بنتها وسابته هو كمان

الكلام  جرح عاصم وحازم ولارين كتييير 

حازم بصلها بعتاب:ليه يا ماما كده 

عفاف:مالى يا حازم انت كمان خليك عايش على الاطلال احسن 

عاصم:على فكرة احنا ولادك بتعاملينا كده ليه ايه القسوة دى بتعايرنى ببنتى طيب وبنتك تعرفى عنها ايه

عفاف:بنتى كويسه و......

لارين:لا مش كويسه يا ماما انا محتاجلك ليه بعيدة عنى ليه سيبانى لوحدى لولا دادا سوسن كنت هبقى وحيدة اوى ومحدش يسأل عليا وجود لارين بنت ابيه عاصم خلى فيه طعم الدنيا .مبقتش لوحدى.بس كل الناس متغنيش عنك

عاصم:اهو اتفضلى ردى

عفاف:انتوا عايزين ايه المفروض كبرتوا وليكوا حياتكوا

حازم:صح ياماما كبرنا ومش محتاجين البيبرونه ههههه ويضحك بسخريه والم يلا يا عاصم نطلع فوق

ويتفرقوا جميعا بافكار مبعثرة تقتلهم تفكيرا

***فى غرفه عاصم 

دخل غرفته حزينا جلس على السرير واغمض عينه ووضع وجهه بين كفيه وعاد بذاكراته الى يوم لقاء عاليا

(عاصم يجلس فى مكتبه بانتظارها

تدخل عاليا امراة فاتنه الجمال ترتدى ملابس عصريه شعرها مفرود بطريقه مغريه حقا فاتنه *جمال الشكل*🧐🧐 

عاليا:ازيك عاصم 

عاصم:قبل مااشوفك كنت بخير 

تضحك عاليا وهى تقول مش اوى كده انا برده عاليا ياعاصم ولانسيت

عاصم :لامنستش واستحاله انسى  ومينفعش انسى عارفه ليه لانى لو نسيت كنت هخليكى تعيشى اسوء ايام حياتك

عاليا:ماتبالغش ياعاصم 

عاصم: بلاش الغرور ينفخك اوى كده لانى لسه فاكر اني حبيتك فى يوم ووجود بنتى هو اللى مانعنى عنك وعن قذارتك مش عايز لما تكبر تقولى ولو بعتاب من عنيها انى عملت حاجه وحشه فى امها 

عاليا:عاصم بلاش مواعظ خلينا نخلص اتفاقنا

عاصم:مواعظ دى بنتك ياهانم عارفه يعنى ايه دا حتى مكلفتيش خاطرك  تسألى عنها مش تشوفيها حتى انت ام ازاى مش عارف ولا سى ديف نساكى بنتك

عاليا:ديف مالوش دعوة متنساش انى مكنتش عايزة الحمل وانت اللى اصريت وانا كنت عايزة احقق حلمى 

عاصم:  بسخريه حلمك اللى المفروض سيبتينى انا وبنتك علشانه حققتيه  ولا عشان ظروفى وقتها ومكنتش قادر احقق حلم جنابك 

عاليا: بنتك بنتك هو ايه انسى بقى

عاصم:استحاله تكونى طبيعيه مش ممكن .بجد بلعن اليوم اللى اتجوزتك فيه للاسم بنتك ويارتنى اقدر امحى اسمك من شهادة ميلادها

عاليا:عاصم خلينا نمضى واخد الفلوس طيارتى كمان ٥ ساعات

عاصم يرفع سماعه التليفون خلى الاستاد مهران يدخل

عاصم:هتاخدى الفلوس وتمضى على الورق بس ميجيش اليوم اللى تفكرى تسالى عن بنتك ولا حتى تعرف انك امها

عاليا:شور

عاصم:يهز راسه باسف ويدخل مهران ويتم توقيع العقود 

عاصم:عارف انى مليش حكم عليكى بس بحذرك تخلى بالك من تصرفاتك ودا تنبيه اخير ويفتح شنطه امامها مليءه بالنقود 

تنظر بالنقود بشراهه 

لينظر لها عاصم باشمئزاز واضح ليسمعها تقول 

صحيح ياعاصم انا قلت انك هتديني شيك يا باشا

عاصم :انا قلت اوفر لك وقتك الثمين وماتوقفيش فى طوابير البنك يا هانم بسخريه واضحه 

ينظر إلى اتجاة اخر ويقول 

كاااااااات

البارت ١٢+١٣+١٤

حياة_جهاد 

✍لارا_محمد 

١٢

****

💞💞غاليتي أنت غاليتي لا أدري كيف رماني الموج على قدميك لا أدري كيف مشيت إليّ وكيف مشيت إليك دافئةٌ أنت كليلة حب من يوم طرقت الباب عليّ ابتدأ العمر هل عندك شك

مالك💘حنين

               *********************

عاصم:كاااااااات

تنظر عاليا الى عاصم بعدم فهم 

عاصم يضحك بغيظ ولكنه غير مرئى  قائلا 

عاصم:معلش يابيبى كنا بنسجل فيديو صغير كده عشان بس لو فكرتى لمجرد التفكير انك تيجى وتقولى بنتى فى يوم نعمل عرض سريع كده للcdونشوف رد فعلها لما تعرف بحقارتك دى

عاليا:بغيظ مش هتفرق كتير يا عاصم 

عاصم كان عنده امل صغير انها بس تفكر تانى لكن مجرد سرعة ردها اكد له انه ينفذ تخطيطه وهو مرتااااح

عاصم:انا بحمد ربنا على طلاقنا .النهاردة بس اتاكدت انه كان احسن حاجه حصلت فى حياتى 

ليمسكها من زراعها ساحبا اياها باتجاه الباب  

غوري من وشى  مش عايز اشوفك  تانى  اليوم اللى هشوفك فيه اعرفى انه يوم موتك

(اللهى يابعيدة كان شدك من شعرك ومسح بكرامتك البلاط وليه عايزة الحرق👊👊)

ليتنهد عاصم مخرجا هاتفه

عاصم:نفذ

كلمه واحدة بس فيها كتيييييييييير 

ليعود عاصم بذاكرته الى الوقت الحالى على دقات الباب

عاصم:ادخل

لارين:انا يا ابيه عامل ايه

عاصم:مغمضا عيناه متلاشى غضبه  تعالى يارورو كويس ياحبيبتي متقلقيش

لارين: ابيه عايزة اطلب منك طلب  

عاصم:امريني  يا رورو

لارين:انا خارجه مع جين بكرة

عاصم :جين!!انتى بتعرفى اجانب يارورو ولا ايه

لارين:هههههه جهاد ياابيه

عاصم :ذكر اسمها جعله فرحا محاولا التركيز ليه بينادوها كده

لارين:مش عارفه بس لما سألت ابيه حازم قالى اخوها بيحب يقولها كده المهم بس سيبك من الاسامى انا عايزة اخد لارين الصغيرة معايا بكرة

عاصم:ليه؟فيه حاجه

لارين:عادى يا ابيه بس هنخرج واهى نفسحه هى كمان اكيد هتفرح دى لسه بيبى 

عاصم:اوكى يا لارين بس خالوا بالكم من نفسكم وكلمينى اول باول  اطمن عليكم 

تقبل اخيها وتخرج ليقول 

عاصم:جين!!!


**فى سيارة وائل 

سها :الحمدلله اننا خرجنا قبل مالك مايرجع مش عارفه ماله استشيخ كده

وائل يمسك يدها مقبلا اياها

وائل:وحشتينى مش عارف لو عدى يوم من غيرك هقضيه ازاى

سها:وانا كمان يا حبيبى 

وائل:النهاردة حسام صاحبى  عامل حفله ايه رايك نروح هو فى شقته واصحابنا هيبقوا هناك

سها:بس بلاش نتاخر هناك

وائل بخبث:خالص يا قلبى نصايه ونرجع علطوووول

***** فى الشقه يوجد مجموعه من الشباب والبنات يضحكون ويمرحون على انغام موسيقى عاليه ويشربون الخمر 

وائل:اتفضلى يا سوسو دوول اعز اصحابى (اصحاب الندامه يا خويا ياكش تولع انت وهما يارب )

سها:بتردد وائل انا عايزة امشى 

وائل:مالك ياسوسو احنا لسه جاين اصبري بس الجو هيعجبك

سها:بس خليك جانبى

لياتى حسام :ازيك يا مان اخبارك وينظر الى سها قائلا  دى المزة الجديدة 

وائل:فى سره الله يخربيتك هتفضحنى .....لا لا يابنى دى سها خطيبتى

سها اساسا من الخوف مش مركزة ومن شكل حسام ونظراته مش ماسكه فى وائل  دى مكلبشه فيه

حسام:الف مبروك وبسخريه مش كنت تعزمنا 

لياتى نبيل من خلفهم:دا ماعزمش اعز اصحابه ويسلم عليه

وائل:معلش هى جات كدة ويحتضن سها اصلها حبيبتى

يمرر الوقت سريعا بخوف داخلى من سها ونظرات جريئه من حسام ولامبالاة من وائل ونظرات اخرى واحساس مبهم من نبيل 

لتاتى اللحظه الحاسمه سها تتناول اول كاس🙉🙉

لتشربه مرة واحدة لتشهق وتنظر الى وائل  ليقول معلش هو فى الاول كده  

ليتبعه بسيجارة ويقول خدى دى بقى عشان تعلى المزااااج

(وسيجارة جابت جوان وجوان جاب حبايه......)

وتبدا اولى مغامرات العذاب ليتبعها العقاب من الله سبحانه وتعالى 

***فى منزل حسين المالكى يجلس خالد وجهاد

جهاد:مرسي يا خالد تعبت نفسك انا عندى هدوم كتير بس الاحلى منهم التسالي والشوكولاته يالابقى شغل الفيلم

خالد:اوكى يا جين 

بعد مرور وقت قصير

جهاد :خالد هو ينفع اخرج مع لارين بكرة انا اصلى زهقت وخلاص الدراسه قربت 

خالد لمجرد الاسم دق قلبه وشرد فى الحب المستحيل 

خالد:اوكى يا جين بس متتاخريش وكلمينى 

جهاد بخبث :هو انت مش بتشوفها

خالد:اكيد بشوفها دى حتى كانت مع حازم النهاردة فى الشركه

حازم.....اربع حروف جعلت كيان جهاد ينتفض وليس قلبها فقط تاهت فى احساسها نسيت من حولها

خالد:يلوح امام عينها اى روحتى فين

جهاد بارتباك:ها انا اهو اهو 

خالد:بشك مالك  ياجين 

جهاد فى حوار مع نفسها اقوله ولا بلاش مش يمكن بيتهيألي نظراته طيب احساسى .خالد هيفهمنى   لا بلاش احسن ليطول سكوتها 

خالد:يابنتى سمعتينى

جهاد:خالد معاك اهو بس صدقنى لما ينفع اتكلم هقولك 

ليحترم خالد خصوصيتها 

خالد:اكيد فى اى وقت تحبيه ومش هكرر متخبيش عنى حاجه وصدقينى هفهمك ولو بالتلميح حتى

جهاد:اكيد يا اجدع اخ

خالد:يلا بقى تصبحي على خير

**انقضى الليل المظلم للشرق الشمس لتنير الكون تبعث اشعتها الذهبيه لتعطي الامل دائما  انه بعد كل ظلام دامس يوجد نهار لامع براق

  **صباحا فى احدى النوادى بالعاصمه

جهاد:لارين جميله اوى يا رورو وفيها شبه منك خالص كيوت اوى

لارين:مش عمتها يابنتى وعلى اسم لآزم  تاخد حلاوتى هههههههه

جهاد:ههههههه  معاكى حق لتبدا فى اللعب مع الطفله ليقضيا وقتا ممتع وتسال هى مامتها فين

لارين:عاصم مطلق مراته كن زماااان

جهاد:ليه

لارين :دا موضوع طويل بس عاصم بيحب بنته بس للاسف مفيش وقت يقعد معاها محدش فاضى حتى انا وماما دى ....

جهاد مامتك مالها كويسه

لارين:ايوه الحمد لله ماعلينا

جهاد :تحترم سكوتها قاءله قومى نجيب جيلاتى ونروح الملاهي اللى هنا  عشان العسل دا وتمسك لارين الصغيرة من خدودها  

لارين:يالا بينا

جهاد حست بوحدة البنت شافت نفسها فيها من غير ام اب مشغول يااااه دى حتى كمان ساكته 

اشتروا الجيلاتى وبدوا يلعبوا البنت لحد ماضحكت اوى  وبقت مبسوطه دى حتى ندهت عل اسم جهاد 

الطفله :ااد....ااد

لينقضى الوقت سريعا ليحين وقت العودة ولما ينتبها على من يراقبهم ويرى فى جهاد الطفله الصغيرة تمتلك حنان كامل 

هى بعينها يحتاجها هى ...يجب ان يغير حياته يبدا من جديد .هيكلمها لازم ياخد خطوته بدرى مش لازم يضيع وقت

(مش هقولكم مين اللى شافهم  وقرر ياخد الخطوة اللى تغير حياته ويمكن بيها تتغير حياة ناس تانيه 😉😉🤔🤔🤐🤐🤐)

**ليلا فى غرفه عاصم يرن الهاتف ليرد 

عاصم:سلين عامله ايه 

سلين :الحمد لله بس عاليا مش كويسه من يوم مارجعت وهى مش بترد ومش بتتكلم 

عاصم:انتى عارفه هى كانت جايه ليه

سلين:ايوة ونصحتها وقلتلها بلاش بس انت عارف دماغها

عاصم :انا نفذتلها طلبها وخدت الفلوس بس تنسى بنتها

سلين:ايوة قالتلى بس مش عارفه مالها اوك شكرا ياعاصم 

عاصم يغلق الهاتف متذكرا ما حدث 

داخل التاكسي  بإحدى طرق الذهاب للمطار عاليا 

تتحدث على الهاتف

عاليا:خلاص ياسلين خلصت كل حاجه وراجعه واغلقت 

بس مقالتش على موضوع الفيديو

لتجد السائق يقول    :الطريق فاضى جنبك 

ودا لان فيه عربيه بتزنق عليه لم تبالى عاليا وتركز فى هاتفها 

الى ان ينحدر السائق بالتاكسي جراء صدمه من السيارة الاخرى 

هو فيه اى 

السائق:مش عارف ياهانم 

ليجدوا ٤ شباب ينزلون من السيارة 

الاول:الله مزة حلوة اوى

الثانى:دى ليله عسل 

سها ترى شكلهم بخوف انتوا انتوا عايزين ايه 

الثالث :القمر يجى معانا 

السائق:روح يابنى لحال سبيلك الله يسترك

الرابع:لو عايز ترجع لعيالك سليم خليك فى حالك ويقوم بسحب عاليا من التاكسى

لتقول برعب انتوا عايزين ايه

مش قلنا القمر ومتقليش كل حاجه جاهزة 

لتصرخ لالا لا

مهو انتى هتيجى هتيجى 

السائق سامحينى ياست انا عندى عيال عايز اربيهم

عاليا :هديكوا اللى انتوا عايزينه بس سيبونى

احد الشباب :عايزينك انت ياقمر مش عايزين حاجه تانيه لترد سريعا هديكوا فلوس وفلوس كتيرة اوى

ليضحكوا بسخريه 

وانتى بقا معاكى فلوس  يلا متضيعيش وقتنا  مفيش وقت

عاليا :والله معايا بس نتفق خلونى امشى وخدوا الفلوس

احدهم :ومالوا نشوف بس لو مفيش رقبتك الحلوى دى هتطيييير

معايا معايا بس خلى السواق يركب 

ودخلت الى التاكسى واخرجت حقيبه النقود واعطتها لهم  وركبت التاكسى وامرت الساءق بالمغادرة فورا

نظر الشباب للنقود محاولين تمثيل الصدمه كامله 

**السواق:معلش يابنتى 

عاليا:مش مصدقه اللى حصل وانها نفدت من الموقف لا ولايهمك المهم بسرعه خلينا نوصل قبل مايرجعوا

هى متهيألها انهم هيرجعوا متعرفش ان دى خطه عاصم عشان الفلوس ترجعله ويعيشها الخوف  وتبقى خسرت الفلوس والبنت ونفسها

احدالشباب  :تمااااام ياعاصم باشا

تحت امرك راجعين علطول 

وصلت عاليا المطار اخيرا وتسيب البلد وتمشى على اعصابها

السواق فى الهاتف:عاصم بيه هى دخلت المطار

السواق :كله من خيرك يا باشا

(هيييييه يحيا العدل يحيا العدل كنت محروقه عشان الفلوس اوى😂😂😂😂)

***بعد مرور عدة ايام فى بيت الحاجه حنان

احمد:حنين انا سالت على مالك هو ك دكتور كويس بس حياته بقى .....

حنين :مالها حياته

احمد:لما يجى اسمعيه اهو على وصول 

حنان:والله يابنى دا راجل محترم ودكتور كويس اوى

يدق الباب ويفتح احمد 

احمد دكتور مالك اتفضل

مالك:اشكرك  اخبارك ايه والحاجه حنان

احمد :تمام بخير

مالك:طبعا انت عارف طلبى وعايز اتكلم معان انت والدكتورة قبل اى حاجه ومعلش مجبتش اهلى لحد ماتكلم معاكوا واعرف الرد 

احمد :اوك يا دكتور هنادى حنين 

يسال مالك بلهفه:هى هتبقى لابسه النقاب

يضحك احمد:ودى تفرق معاك

مالك باحراج:والله ابدا بس 

احمد:دى رويه شرعيه يا دكتور متقلقش مفيش نقاب

مالك اخيرا هشوفك يا حنين 

ليدخل احمد :هى جايه اهى

ويجلس بجوارة

لتدخل حنين تحمل المشروبات

حنين:السلام عليكم 

مالك..............

احمد بضحكه يحاول كتمها ماترد السلام ياعم

مالك فى صدمه تامه من حلاوة حنين وجمالها هو فاكر اللى بيلبسوا نقاب دول بيبقوا وحشين بيداروا بيه مش فاتنات حوريات ياالله

مالك:هو انت شايف اللى انا شايفه

احمد:يضحك بصوت شايف ياخويا وعارف بس على الله انت اللى تكون شايف اهدى كده

تضع حنين المشروبات وتجلس يصبرها وجها الحمرة وقلبها يدق كالطبول ولو انه يرهف السمع لسمعها

مالك بيبصلها وساكت مش بيكلم 

احمد بيضحك ومش قادر    بالعافيه بيكتم الضحك 

حنين لتدارى خجلها ترد بغضب :هو انت هتفضل متنحلى كدة كتير ماتتكلم 

ليضحك احمد بصوته قلتلك انا شايف وعارف المهم تكون انت شايف

ليرد مالك اخيرا :قطر هو قال قطر مكذبش

لتضيق حنين عينيها وتفهم مايقصد

يتبع


########

١٣

****

💞💕أحبيني .. ولا تتساءلي كيفا

‏ولا تتلعثمي خجلا

‏ولا تتساقطي خوفا

‏أحبيني .. بلا شكوى

‏أيشكو الغمد .. إذ يستقبل السيفا؟

‏وكوني البحر والميناء..

‏كوني الأرض والمنفى

‏وكوني الصحو والإعصار

‏كوني اللين والعنفا💕💞

      ***************

مالك:مكذبش لما قال قطر

لتضيق حنين عينيها وتفهم مقصدة

لنفسها:مفيش غير دكتور نصر اللى بيقولى كده يبقى يعرفه 

مالك وهو ينظر لها:ايوا هو اللى قالى

ويكتم ابتسامته وهو يراها تفكر 

وترد حنين عليه

حنين:ولما هو قالك قطر انت جاى هنا تقف فى وشه مش خايف على نفسك 

مالك بتسلية:حياتى ابتدت يوم ما قابلت القطر عرفت طعم السعادة بس من...  من نظرة عينيها 

ترجع حنين الى الخلف وتضع يديها على وجها لتدارى عينيها وخجلها


احمد:هو فى اى وايه حكايه القطر دى

مالك: هو انت لسه هنا هههههه

احمد:نعم!!

مالك: مفيش حاجه ويوجه نظرة ناحيه حنين نتكلم بجد وعايزك تسمعيني كويس

احمد :اسيبكم شويه 

مالك :لا خاليك شويه معانا

احمد:انت خايف على نفسك ولا مش ضامنها ههههههه

مالك:ههههه.مش كده بس فيه كلام مهم لازم تسمعوه منى قبل اى حد عشان اكون واضح وياريت قبل اى رد فكروا كويس  وادونى فرصه وخصوصا انتى يا حنين

احمد :اتفضل يا مالك اتكلم

مالك:اسمى مالك حسن المالكى .دكتور.عندى ٢٩ سنه  ودا اكيد تعرفوة

احمد :انت قريب خالد المالكى

مالك :ايوة بن عمى ويعرفنى كويس بس اللى مايعرفوش انى اتغيرت تماما عن مالك اللى يعرفه ويسمع عنه انا اتغيرت خالص من يوم وفاة بابا خالد ويدقق النظر ل حنين ومن يوم ماشفت عنيكى يا حنين 

احمد لو سالت خالد هيقولك بلاش لانى.... لانى يعنى بتاع ستات لتبرق حنين عيناها ايوة يا حنين متستغربيش انا عرفت بنات كتير  وشات وخروج بس والله كل دا انتهى من يوم ماشفتك انا بجد محتاجللك يا حنين 

حنين انا بعرفك وليكى حريه الاختيار بس نفسى توافقى عايزك تاخدى بايدى وتشدينى وادينى فرصه اعيش صح 

ليقف احمد 

احمد: مالك هسيبك مع حنين ٥ دقايق واشوف ماما عشان لو تحب تسلم عليها

مالك:اتفضل ويخرج احمد ليقول مالك

حنين انا عايز ابدا صح بس مينفعش لوحدى 

حنين لنفسها اعمل ايه كل اللى قاله وصراحته شدتني ليه بس غلط  ياربى يالله ساعدنى ومازالت تنظر اليه

مالك:حنين سمعاني

حنين : طيب والقطر

مالك :سورى ياحنين مقصدش ازعلك بس نفسى تكونى  جنبى ومعايا ولو يوم بعدت او غلطت سامحينى 

حنين:انا جد اوى وطريقتى ناشفه ماليش فى اللوع عشان كده دكتور نصر بيقول عليا قطر هتستحملنى

مالك:ياريت انتى تستحملينى واسمحيلى اكون اخر محطه للقطر ويضحك بصوت لتبتسم مرددة هنشوف

تنتهى الزيارة مع وعد بالتفكير والرد فى اقرب فرصه

**فيلا سعيد السيوفى

يعود سعيد الى منزله

عفاف :اتاخرت اوى يا سعيد 

سعيد :معلش شغل وادينى رجعت ولكن لاينظر الى عينيها 

عفاف:بعدم راحه اها صح رجعت 

بس حصلت حاجات كتير وانت برة لازم تشوف حل مع عيالك

سعيد:سبيهم لحياتهم هما كبروا خلاص الاهتمام دا كان زمان مش دلوقت 

عفاف:هسيبهم اه وفى سرها بس انت لا فيك ايه اتغير 

***فى شقه حسام صاحب وائل 

سها فى حاله غير طبيعه اثر تناولها الكحول والعقاقير المخدرة

ينظر اليها نبيل بشفقه  ويقرر فجاة ان ياخدها ويرحل 

سها خليكى معايا فوقى 

سها بتوهان:طيب بس  وائل 

نبيل :هيحصلنا  ويحاول إخراجها من وكر المحرمات 

سها:بس انت مين 

نبيل يدخلها سيارته بكرة لما نتقابل اقولك المهم تروحى دلوقت بس لازم تفوقى الاول

نبيل ينظر بجواره يجدها نايمه :ياااه يا سها انت معايا فى عربيتى وجنبى بس وائل  يالا الحمد لله ان لحقتك ويتذكر من ٣ شهور  وهو يجلس مع وائل  ويحكى له

نبيل:وائل  خلاص انا هخطبها دى بنت مودبه جدا ولغيرة وائل من نبيل يبحث عن من تكون العروس ويسرع لخطبتها اولا للنيل منها امام صديقه

ليعود للوقت الحاضر .مش هسيبك يا وائل والله مش هسيبك 

****

تمر الأيام على الجميع بهدوء واحيانا بغضب والم وشوق يحاصر الجميع

حنين وافقت تشارك مالك حياته 

خالد وجهاد كل يووم علاقتهم بتكون اقوى لانها اشتغلت معاه فى المكتب

لارين عايزة تعرف خالد ماله وهو مش مديها فرصه لانه شايف انه مش جدير بيها 

حازم بيزيد شوقه لجهاد ونفسه يشوفها يوميا

عاصم بقى يهتم ببنته اكتر وبيفكر ازاى يرتبط بزوجة كويسه ومناسبه  هو مش عايز حب .خو خسر اوى لما حب

هوم دريم للاصدقاء اشتغل كويس وبدا يكبر

فادى الشريف عايش على لحظة الانتقام من عاصم وقررالسفر لامريكا 

واخيرا عصام وهيام زادت علاقتهم وبدات شعله الحب او الشرارة الاولى

**** بدايه العام الدراسي الجديد****

فى كليه الهندسه

لارين :رجعنا تانى للمحاضرات كانت الاجازة حلوة وكنا مرتاحين 

هايدى:مرتاحه من ايه انتى مش كنتى بتروحي شركه اخوكى ماهو كله تعب

لارين:لاااااا الشغل هناك احسن وحلو ولذيذ بس مش بيكلمنى

هايدى وهى ترفع حاجتها وتبتسم

وهو مين دا ان شاءالله اللى مش بيكلمك

لتنتبه لارين

لارين:هاااا لا مفيش حد بقول كده

هايدى وهى ترفع المسطرة الى الاعلى 

اعترفى والا ....ها 

لارين :مفيس بس حكايه كده مش مهمه

هايدى:صح هى مش مهمه خالص ولا عنييكى بتلمع ولا قلبك هيخرج من مكانه  ولا حاجه بصى اهو جه اهو

لارين: فين فين

هايدى:قولى بقا هو مين احسن 

لتضحك لارين مرددة:هقولك 

وبعض وقت من الكلام

هايدى: انا هاقولك رأى  من كلامك واللى فهمته بصى يا رورو  هو باين عليه محترم ومودب اوى وبيفكر بعمليه ناضجة عشان كده هو حس انه اقل منك فى المستوى المادى وكمان عنده اخته ورافض يعمل غلط لانه كما تدين تدان

راى لو عايزاه اصبري شويه واستحملى واكيد خير دا لو بتحبيه بجد

لارين :تفتكرى .......بحبه 

****فى كليه التجارة

تدخل جين بخطى ثابته ولكن دقات قلبها كالطبول ترسم على وجهها خطوط من الخجل والاحمرار تود رويته ولكن هل سيحدث ام لا 

فى مكان اخر بالكليه نجدة يقف امام سيارته يوهل لنفسه لرويتها

ينتظر شروق شمسه فاتنه قلبه من دخلت قلبه بكلامها واحساسها  ولؤلؤ عينيهاوليس جمالها.

رآها تدخل الى المبنى تشد بذراعيها على كتبها وكانها تحتمى بهم طفله فى العاشرة من عمرها .هو فقط من يراها بهذا الشكل تذكرها وهى تلعب وتلهو مع ابنة اخيه عندما قرر الذهاب لرويتها ومراقبتها قرر وقتها خطبتها(عرفتوا مين كان بيشوفها ادعوا تقولوا  انكم فكرتوا فى عاصم😉  🧐🧐)

حازم:آنسه جهاد ازيك 

جهاد وتوقف قلبها وليس قدمها ولاتستطيع الرد ايضا 

جهاد:واخيرا خرج صوتها الحمد لله 

حازم :عندك محاضرات كتير النهارده شوفت جدولك

جهاد:ان شاءالله  

حازم:ينفع لما تخلصي اوصلك اصلى عايز خالد وهاروح له المكتب بتاعه

رفعت نظرها اليها:لا مش هينفع وحضرتك تقدر تروح لوحدك وتركته واقفا مكانه وذهبت

جهاد بعد الرحيل وصلت ل مكان تستطيع ان تخرج فيه نفسا عالقا

هو ايه بيحصل لما اشوفه .لالا مش طبيعى طيب هو عايز يوصلني ليه طيب عايز خالد ليه 

لتاتى سلمى 

جهاااااااد

جهاد:بفزع واضح زفته خضيتينى

سلمى: بقالى ساعه بناديلك وسعادتك مش بتردي مالك

جهاد: مفيش بس عايزة اروح 

سلمى :انتى تعبانه 

جهاد :لا بس مش رايقه

سلمى :تعالى نضرب ٢ شاورما وبيبسي وبطاطس ومايونيز وصدقينى هترووووقى

جهاد بضحك تفتكرى 

سلمى :مصدقنا رجعنا الكليه وانتى عايزة تروحى يالا يا شيخه بلاش كلام فاضى 

*** 

ذلك اليوم اوصلها نبيل المنزل لكن صباح اليوم التالى استيقظت غير متذكرة ماحدث الى ان جاءها اتصال نبيل يطلب مقابلتها ومصارحتها بالحقيقه

نبيل :ازيك يا انسه سها 

سها:الحمد لله بس اعرف قبل اى حاجه ليه مخلتنيش اقول ل وائل 

نبيل :من حوالى فترة شفتك واعجبت بيكى قررت اتقدم واخطبك بس قلت ل وائل هو لف من ورايا وراح خطبك وجابك المكان دا المبارح عشان يضحك عليكى واللى متاكد منه انه عايز يقولى اهى اللى فكرت فيها 

سها :انت ازاى تقول عليه كده .وائل بيحبنى

نبيل:هو فيه واحد بيحب واحدة يجبها مكان زى اللى كنت فيه امبارح

سها:انت ....

نبيل:قبل اى كلمه تقوليها انا اللى خرجتك من هناك وانا اللى وصلتك البيت 

هسيبك تتخيلي لو كنتى استنيتى كان حصلك ايه

لتسرح سها بنظرات حسام القذرة ومحاوله ملامستها ووضع يدة عليها وعلى جسدها ولامبالاة وائل قبل شربها الخمر

لتفيق على صوت نبيل

انا مش عايزك تزعلى منى انا بخليك تشوفى الحقيقه وتشوفى مين بتمنى رضاكى ومين عايز يوقعك وينظر اليها بحب واضح وابتسامة صافيه 

تنظر له وكانها تقارن ابتسامته وكلام ب وائل تجد اختلاف واضح يغمز لها نبيل بعينيه

الجميل سرح فى اى 

تخفض نظرها :شكرا على اللى عملته اوعدك افكر

يحاول وضع يديه اسفل وجهها محاولا رافعه للنظر اليه 

قائلا:بحبك....بحبك

سها: انت قلت اى

نبيل :اللى كان لازم اقوله من زماااان

خجل سها ودقات قلبها اللى زارتها لاول مرة حتى مع وائل  جعل من وجهها ثمرة فراوله طازجه لانها جميله حقا

نبيل:مش عايز اسمع منك رد بس خلينى جنبك عشان وائل مش هيسيبك

سها :حاضر

💕💕

***فى منزل خالد ليلا

جهاد:خالد انا هاروح انام 

تصبح على خير 

خالد:انتى مش عايزة تقوليلى حاجه 

جهاد ب عب ودقات قلب كانه اكتشف مايدور بداهلها 

خالد وهو يدرس تعبيرات وجهها يتاكد من شكوكه

خالد يضع يديه على كتفها

احكيلي وصدقينى هتلاقنى بسمعك وافهمك اكتر من اى حد يا جين لسه بتحاولى تخبى عنى وانت عارفه انتى عندى ايه 

جهاد هحكيلك بس هى مجرد احاسيس مش عارفه بص هو انا بحس يعنى 

خالد :جين قولى من غير مقدمات اول كلمه وانا بفهم هههههه

جين:حازم......

يتبع


######

١٤

****

💘💘💕

عصفورة قلبى

مروحتى.....

قنديلى.......

بوح بساتينى.

مدينى جسرا من رائحتك

وضعينى مشطا عاجيا فى

عتمه شعرك ....وانسينىى

من أجلك............أعتقت نسائى

من أجلك.......تاركت التاريخ ورائى

من اجلك..شطبت شهادة ميلادى

من أجلك....قطعت جميع شراينى.

فزيدينى عشقا زيدينى.

💞💞💞

جهاد:حازم

خالد: ينظر اليها بهدوء شديد محاولا التركيز منتظرا باقى حديثها

جهاد :بص انا هحكيلك كل حاجه من اول يوم شفته لحد النهاردة 

خالد:انا سامعك وياريت تقولى كل اللى نفسك فيه حبيبتى انا هفهمك  

جهاد تبدأ بقص الحكايه الى ان تنهى كلامها

جهاد:ادى كل اللى حصل بس النهاردة لما قال يوصلني قال انه عايز يجيلك المكتب

خالد:اها وبعدين

جهاد:قولى انت وبعدين انا احساسى له داعى ولا شك وامنيه وهاجس

انت شايف ان واحد زى حازم ممكن يبصلى او يفكر فيا او ي...يحبنى

خالد :انت ليه بتقللى من نفسك

جهاد:بلاش نضحك على نفسنا حازم شاف ملكات جمال دا غير انه حلو اوى ههههههه بصراحه مز كده

خالد:ههههههه ماشى ياختى بس قبل اى كلمه عايزك تثقى فى نفسك شكلك وتقولى الحمد لله ربنا مش بيدى كل حاجه عشان دايما نفتكر ونشكر ونقول الحمد لله

جهاد:بس .....

خالد:مبسش وهرد على كلامك بكلمه واحدة 

حازم طلبك للجواز

😍😍😍😍

توقف المكان والزمان ب جهاد كانت وكان على رؤسهم الطير لنفسها بجد لالا ازاى تؤتؤتؤ لتجد نفسها ترد على اخيها بكلمه واحدة

جهاد:احلف 

خالد:هههههههه اه والله مش هو قالك انه جايلى المكتب كان عشان كده 

جهاد:ها وبعدين

خالد:بعدين ايه قالى تسمحلى اطلب ايد الانسه جهاد حسين المالكي(خالد يتحدث بطريقه رسميه مرحه) بصراحه كان ناقص يقول يا عمى ههههههههه

جهاد:هههههههه

خالد:  بس هو عايز لو موافقه عايز يتكلم معاكى الاول وعايز الفرح فى خلال شهر بكتير 

جهاد:بتهزر شهر ليه والكليه وفترة الخطوبه وليه بسرعة كده لا ياخويا بلاش 

خالد: طيب عينى فى عينك كده لتنظر الى الاسفل بخجل مكملا حديثه عامة انا قلتله كده قالى متنساش ان دكتور فى نفس كليتها واقدر اساعدها على الدراسه وبعدين انت كمان تكون مطمن عليها معايا انت سايب الشغل فى شارم عشان خايف عليها واتكلمنا شويه وخلاص 

جهاد:انا عارفه انى معطلاك عن حلمك عشان خايف تسبنى لوحدى

خالد:بس يا هبله انتى انا متابع الشغل هناك مع عصام واحمد كويس وانا شغال فى المكتب هنا وبعدين ياقلب اخوكى هو بيقول كده عشان ياخد قلبى منى بسرعه واوافق

تضحك جهاد وتحضن اخيها بس هو ميعرفش ان مش ممكن افرط فيكى بسهوله

جهاد:انا بحبك اوى يا خالد انت عوضتنى عن كل شيء افتقدته 

خالد:ربنا يسعدك ويفرحك انا ببقى فرحان بس لما بشوفك فرحانه

جهاد:بكسوف  وخجل واضح هترد عليه تقوله ايه

خالد:قبل ما ارد عليه بسالك انتى 

جهاد :اللى تشوفه يا خالد

خالد:جهاد لو انتى موافقه على حازم عشان هو فرصه ليكى وانه واحد زيه يبصلك 

انا بقى هارفضه فكرى كويس 

جهاد:يا خالد انا قلتلك على احساسى قبل مااعرف طلبه انا بس كنت خايفه انا بوهم نفسى

خالد:على بركه الله

******


يوم خطوبه حنين ومالك صباحا

مالك:لو مش عايزة تيجى معاياخليكى ياماما

الام:مش عارفه عجباك فيها ايه شكلها مقفل ومش من وسطنا

مالك:عجبانى بحبها وبعدين وسطكم دا ايه .دول ميجوش فى ضافرها حاجه غير انها حلوة وادبها واخلاقها لو بتقولى كده عشان النقاب انا بحمد ربنا انها لابسها عشان جمالها

الام:بسخريه ماهو انت لازم تقول كده

الاب:خلاص هو اختار سبيبه براحته وافرحى لابنك 

مبروك يابنى 

مالك:يالا بينا عشان منتاخرش

**فى الحفله

فى جو هادى موسيقى رائعه تجلس حنين الى جانب مالك(يرتدى مالك حلته السوداء ويزين عنقه البيبون الاسود وتجلس الى جوارة اميرة هاربه من قصص الحكايات سندريلا فاتنه الجمال ترتدى فستان باللون الذهبى مطعم بحزام اسود من الوسط وترتدى حجاب مطعم باللونين الاسود والذهبي معا تضع قليل من مساحيق التجميل اللامعه مع حمرة وجهها رسمت لنفسها لوحه خاصه بها )

مالك :يهمس لها قائلا ايه القمر دا والحلاوة دى ارحميني يابنتى انا عايز اطرد الناس دى 

حنين:مالك اسكت من فضلك انا انا .....

مالك مقربا يديه لتطبق على يديها لتسحبها سريعا

وتنظر اليه بحدة 

مالك:لا بقولك ايه انا كتبت الكتاب عشان اخد راحتى اهدى كدة واهمدى

حنين:تتخلى عن كسوفها كليا

راحتك دى لما ابقى فى بيتك مش هنا وقدام الناس

مالك:هانت كلها شهرين

حنين:ايوة اصبر وخليك مؤدب 

مالك: ايه رايك نقدم الفرح انا مش هقدر اصبر والله هههههه انتى فتنه اساسا

حنين ثمرات الفراوله يمكن قطفها من خدودها

حنين:يا مالك .....الله

ياشيخه انتى خليتى فيها مالك يلا نلبس الدبل خلى الناس دى تمشى بقى 

حنين:ناس مين هو فيه غير اخواتك وباباك ومامتك واحمد وماما انت كتر خيرك كتبنا الكتاب وتقريبا طردت اصحابك واصحابى دا حتى عيال عمك يا مفترى

مالك: كنت عايز اشوفك من غير النقاب وفى وجودهم مينفعش وبعدين مش قالوا مبروك واكلوا الجاتوه وشربوا الحاجه الساقعه عايزين ايه تانى كفايه عليهم كده انا عايز العروسه ومش عايز حاجه تانيه

حنين:مامتك شكلها مش فرحانه و

مالك:حنين انتى هديه ربنا بعتهالى ومش هفرط فيها وبحبك ونفسى اكمل حياتى معاكى ملكيش دعوة بحد حبينى انا وبس ياستى مش عايز اكتر من كده

حنين:بخجل انت بتجيب الكلام دا منين بتحرجنى كل شويه

مالك من قلبى ياقلب مالك ليضع خاتمه يزين يديها بماسته الامعه رافعا يديها الى فمه مقبلا ايا ليهمس لها قائلا 

هنكتفى ببوسه الايد بس لحد ما الناس تمشى بعد كدة فيه بو.....

حنين : بحدة واضحه وغضب مالك اسكت متكملش كلامك 

مالك:انا قلتلك عايز اكون المحطه اللى القطر يقف فيه مش يفرمنى 

اهدى شويه يا حنين انا بناغشك بالكلام مش اكتر ومينفعش تزعقى كده ليا 

حنين باسف واضح :اسفه يا مالك بس انت 

مالك مبتعده فى جلسته قليلا ولايهمك ياحنين انا بحبك وصدقينى بخاف عليكى اكتر من نفسى وياريت تثقى فيا شويه 

ينظر اليهم احمد ليجد تعبيرات وجهوهم عليها بعض الحدة يقول

حنين ايه رايك تاخدى البنات وتدخلى جوة شويه فى البلكونة  

ليقف والد مالك:لا مرة تانيه نستأذن احنا 

الحاجه حنان:لا احنا لسه قعدنا 

يخرج والد مالك ووالدته بعد مباركتهم لحنين ويتبعهما سها وسرين بعد ان اتفقوا مع حنين للقائها فى الغد للتعرف على بعضهم اكثر 

تستاذن حنان وولدها للدخول الى غرفهم تاركين العروسين بمفردهم

يجلس مالك صامتا يفكر فى طريقه لتخلى حنين عن عنادها وغضبها وكسوفها الزائد بحدتها 

اما عن حنين تفكر فى طريقه لمصالحه مالك 

حنين:مالك انا اسفه بس افتكر انى بلغتك بطبعى قبل الخطوبه وقلت شوف مين فينا هيستحمل التانى

مالك:عارف يا حنين بس قوليلى انا عملت ايه ها  ايه التصرف اللى عملته 

حنين:انا طول عمرى بخاف على نفسى من الناس مكنتش بخلط بحد كتير احنا بنسمع عن بلاوي كنت بحاول اكون بعيده عن اى خطر وعشان كده لبست النقاب متحاسبنيش عن حاجه اترسخت جوايا من سنين انى مينفعش اقرب من ولد ولا هو كمان خلينى اخد عليك واحدة واحدة 

مالك:انا كتبت الكتاب عشان تاخدى راحتك واحنا مع بعض نتكلم ناخد على بعض فى الكلام نخرج سوا انتى عارفه انك مراتى يعنى لو قمت خدتك وروحت شقتنا محدش يقدر يمنعنى

حنين:عارفه 

مالك :ياحنين انا استحاله ااذيكى انا بحبك انا عايز امارس حياتى معاكى فى الحلال امسك ايديك احاول اقرب منك بالطريقه الصح اظن انتى عارفه انا قبل كده كانت حياتى ازاى

حنين:بلاش تفكرنى عشان مخنواكش  وتحرك يديها فى اتجاه عنقه

مالك :ليضحك عاليا ويمسك كلتا يديها مقبلا اياها هامسا امام عينيها.....بحبك 

تسقط كل دفاعات حنين لاتقوى على الرد او الكلام لتسبل جفيها مغمضه عينيها لتحس بشفتيه على جبينها 

هامسا بجوار اذنيها:بعشقك من اول نظرة 

*****فى شرم الشيخ

عصام وهيام يعملون معا بجديه تامه 

عصام:هيام ممكن نخرج شويه بعد مانخلص الموقع

هيام:فيه حاجه

عصام:لما نخرج هقولك 

هيام:اتفضل اتكلم ياعصام هو سر حربى يابنى متقول علطول 

عصام:هيام انا معجب بيكى وكنت عايز يعنى نتكلم ونتعرف على بعض اول مانرجع القاهرة اجى اتقدملك

بس الاول عايزك تعرفى انى فى بدايه حياتى يعنى لسه ببنى نفسى اهلى ناس بسيطه وان شاء الله احاول انجح 

هيام:اولا ربنا يوفقك بس صدقنى انا مش بفكر فى موضوع الارتباط دا دلوقت خالص انا كمان نفسى ابنى نفسى .كنت بتمنى اليوم اللى اخلص الكليه واساعد اهلى انت متعرفش عنى حاجه ومعلش مش هينفع احكيلك حاليا اللى فيه الخير يقدمه ربنا

عصام:فيه حد تانى 

هيام تهرب بعينيها محاوله الرد :لو فيه هقولك بس صدقنى انا بفكر فى مستقبلى 

عصام وهو ينظر اليها محاولا قراءة عينيها ويتفهم الامر قائلا ربنا يوفقك

لتستاذن هيام لتشرد فى ذكرى حبها الضائع لابن عمها ولكنه كان من نصيب اخرى

***قررت سها فسخ خطبتها ل وائل بعد ان تأكدت من كلام نبيل

نبيل:مبسوط اوى عشانك ياسها الحمد لله ربنا نجاكى

سها:الفضل ليك

نبيل:الفضل ل ربنا مش ليا بس اوعديني تخلى بالك من نفسك

سها :حاضر وبعدين مش انت قلت هتخليك جنبنى عشان وائل 

نبيل:اكيد طبعا من غير متقولي دا انا لو أطول اخبيكى جوايا كنت عملت كده

سها :الخجل يكسو وجهها:نبيل ممكن تديني فرصه اتخلص من شبح وائل جوايا انا غلطت فى حاجات كتير بس ربنا حمانى وان شاء الله مش هغلط تانى لتتذكر لقائها بحنين وطريقه كلامها فى اقناعها بالتفكير قبل اى من خطواتها .مراجعه علاقتها مع ربها والصلاة احاديث شتى شتت افكارها ولكن جعلتها على بدايه الطريق الصحيح

نبيل :انا جنبك ومعاكى يا حبيبتى

****على الهاتف خالد يتحدث الى حازم

خالد:حازم شوف تقدر تيجى تقعد مع جهاد امته واتمنى لكم الخير 

حازم:عايز اقولك انى هاجى لوحدى لسه مقلتش لحد ولا حتى عاصم عايز اتكلم معاها الاول 

خالد:براحتك اتفضل فى اى وقت

خلاص الساعه ٧ ان شاء الله قالها حازم قبل ان يغلق الهاتف ناظرا امامه بشرود فى القادم هل يخبرها بسر حياته ام يكون انانانى ويقتنص السعادة ولو قليلا 

يتبع


💞💞💞💞💞💞

ياريت اسمع رايكم


تكملة الرواية من هنا

تعليقات

CLOSE ADS
CLOSE ADS
close