أهدتني معاقا البارت الثاني والثالث والرابع بقلم أسماء عبد الهادي

 أهدتني معاقا البارت الثاني والثالث والرابع بقلم أسماء عبد الهادي 

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

أهدتني معاقا الفصل الثاني والثالث والرابع بقلم أسماء عبد الهادي 

أهدتني معاقا البارت الثاني والثالث والرابع بقلم أسماء عبد الهادي 

بارت٢&٣&٤

الدكتور:هتعمل ايه يا حج فى ابنك ده 

استغرب محمود من سؤاله_يعنى ايه يا دكتور ،اكيد هلف بيه على الدكاتره علشان احاول اعالجه ، مش هأثر فى حقه ابدا وان لا قدر الله  منفعش العلاج ومجابش نتيجه ،ده امر الله ولا اعتراض(قناعه)

تعجب الدكتور من قوة وثبات الرجل ده ،ايه الصبر والقناعةدى اى شخص هذا ،لم يتذمر ولم يقنط ،توقع أنه يشتكى من حالة ابنه ويتذمر لانه فقير ومعهوش فلوس  يعالج ابنه ،توقع أن تنهار الام وتقعد تعيط ،لكنهم معملتش كدة كانو مستعدين يعملون اى حاجة عشان يعالجون ابنهم حس الدكتور  بتأنيب الضمير ايه ذنبهم أن يحصل معاهم كل ده هما مايستاهلوش كدة،وسخط ولعن الاب الذى باع ابنه لمجرد انه معاق،و تكبر  و رفض أن يكون معاه كل الفلوس دى ويكون معاه ولد معاق   وقدر يسيبه ويبدله بطفل تانى ومصعبش عليه ابنه وقبل أن يربى طفل مش ابنه   ،لكنه مش هيقدر يعمل حاجه خلاص  فالخطة تمت وخلصت الحكاية   وفات الاوان أنه يرجع فى كلامه فقرر مساعدتهم _ انا اعرف دكتور ممتاز فى العلاج الطبيعي وممكن يقدر يفيدكم فى علاج ابنكم،انا هكلمه وهوصيه عليهم 

محمود بفرحه _ربنا يكرمك يادكتور ،ويجبر بخاطرك يارب

مشى الاب والام وشايلين الطفلين  بنفس  راضيه باللى كتبه ربنا ليهم 

****

امال_انا مش مصدقه اخيرا شفت ابنى قدام عنيا ،انا حاسه انى بحلم ،،انا مبسوطه اوى يا كارم ،انا اسعد ام فى الدنيا

ضحك كارم لسعادتها فده كل اللى عايزه  وحاول ينسى جريمته الشنعاء والعيش  مع الطفل اللى مش من صلبه،،(ياترى هيقدر )_حمدا لله على سلامتك ياروحى يارب دايما تكونى سعيدة ،ها هتسمى الولد ايه 

امال_هسميه امجد ،اسم جميل مش كده،امجد كارم شرف الدين،،واو اسم رجل اعمال تحفه جدا 

كارم_طالما انتى اللى مختاراه يا روحى يبقى اكيد تحفه جدا 

عاش الطفل امجد مع أبوه وأمه  المزيفين عيشه  رغده مرفهه ،بيدلعوه كثيرويلبو كل طلباته من قبل ما يطلبها حتى 

كانت امال بتخاف عليه زى مابيقولو مالهوا الطاير ماتبتسمحش لحد أنه يقرب منه ولما يغلط مابتلمهوش ابدا  عشان كدة 

ا تربى امجد على الدلع  الزيادة  والسيطرة وحب المال ******

اختار محمود لبنته اسم فرح ،،وولده سماه يامن 

كانوا قرة أعينهم حقا،كان يامن هادى جدا بعكس فرح اللى كانت مشاغبة اكتر  منه 

خدو يامن الى الدكتور وقتلهم أن  حالته ممكن تتحسن بقدر ضئيل لو عمل عمليه مع العلاج الطبيعي المكثف 

كان محمود مستعد لفعل اى حاجة عشان تتحسن حالة يامن ويقدر يمشى على رجليه 

الدكتور _انا عايز اقولكم أن فكرة انه يقدر يمشى دى بعيدة شويه ومنقدرش نتكلم فيها فى الوقت الحالي

احسان _مفيش حاجه بعيده عن ربنا يادكتور

كان  محمود وإحسان  عندهم  يقين كامل بالله،صبروا واحتسبوا وهم على يقين ان الله لن يضيعهم 

كان بيصلو ويدعو ربنا  أن يشفي ابنهم ،وييسر لهم امر علاجه 

كانوا بيبدلو الادوار بينهم ، تروح احسان بيامن لتلقى العلاج الطبيعي ويقعد محمود مع فرح فى المنزل وهكذا  العكس فى اليوم اللى بعده  ،كان الامر صعب عليهم ولكنهم اتحملوا عشان ابنهم أو زى ماهما فاكرين أنه ابنهم 

كانت احسان بتروح فى الايام البرد والمطر كتير ومايهمهاش المهم انها ماتفوتش جلسة  من جلسات علاج يامن، كانت تغطيه   بقماش من الصوف عشان تحميه من البرد،

قالهم الدكتور أن العمليه هتتكلف مبلغ كبير جدا،_لما تجهزوا المبلغ هنعمل العمليه على طول

كان محمود موظف حكومي بسيط  مرتبه بيكفيهم ليعيشوا مستورين 

اضطرت احسان انها تشتغل هى كمان   فى الخياطه لخبرتها القديمه فى الخياطه كانت تخيط القماش وتبيعه ،وتحوش اللى تكسبه و دخلت فى جمعيات كتير مع ستات حارتهاعشان تكمل المبلغ المطلوب 

قعدت سنتين ومكملوش المبلغ 

كانت احسان قاعدة مع جارتها 

الجارة _بقولك ايه يا احسان متجيبى قرض من البنك احسن،هتفضلى سايبه ابنك كده ،قرض بالمبلغ اللى انتى عايزاه وسدديه بقى براحتك ،اهم حاجه اطمنى على ابنك

احسان وهى متضايقة من كلام جارتها 

 _انا مش مقصرة فى حق ابنى ابدا،انا بعمل اللى عليا وبنحوش اهو وربنا يقدرني ونكمل المبلغ ،لكن اجيب قرض ربوى ده اللى مستحيل افكر فيه ابدا

السيدة_ده اللى هيخليكى تعملى العمليه بسرعه ،هتاخدى المبلغ اللى محتاجاه فى وقت واحد 

احسان بضيق_مش هيحصل ابدا بقى انا اروح اغضب ربنا واجيب قرض ربا علشان اعمل عمليه ابنى ،ده حتى ممكن ميباركش فى العمليه وتفشل والولد يجراله حاجه،لاا الله الغنى عن الحرام ده 

قابلو محمود واحسان تحديات وصعوبات كثير  ورغم كدة تمسكوا باخلاقهم وراقبوا الله فى افعالهم وقدروا بفضل الله أنهم يتخطو العقبات دى

رجل ما_ انا مش عارف انت ماسك الماليه كلها،قبض الموظفين كله فى ايدك ،مش عارف توفر منه قرشين من غير ما حد يحس علشان عملية ابنك؟!

تغير وجه محمود الى العبوس:قصدك ايه، ثم صرخ فيه ،انت اتجننت ده امانه معايا ولازم احافظ عليها والله لو هموت ما همد ايدى على الامانه ابدا ،

الرجل بخبث_محدش هيأخد باله مبلغ بسيط كل شهر تحوشه بعد السنه هتطلع بأد كده 

زقه محمود بعيد ..اعوذ بالله من غضب الله ،غور من وشى لاحسن واقسم بالله اكتب فيك مذكرة واحولك للتحقيق ،قال اختلس قال ،جتك القرف 

حط محمود ايده على راسه ونزل رأسه للاسفل _ يارب ثبتنى يارب ،اشكوا اليك ضعفى وقلة حيلتى 

بعد اربع سنين من العلاج الطبيعي وتوفير المبلغ المطلوب  قدروا اخيرا عمل العمليه ليامن الصغير 

الدكتور _زى ما قلت لكم العمليه دى مش معناها انه هيقدر يمشى على رجليه،،بس ربنا قادر على كل شىء 

احسان _انا مش طالبه اكتر من انه يقدر يخدم نفسه بنفسه ،يارب انت قادر على كل شىء سبحانه 

دخل يامن الصغير الى غرفة العمليات قعد فيها حوالى ١٠ ساعات متواصله 

طول المدة كانو بيصلو ويدع أن ربناينجيه ويخرجه سالم 

قربت احسان من بنتها اللى كانت قاعدة ساكتة عشان هى كمان زعلانة على يامن اللى اتعلقت بيه اوى  وبتحبه جدا 

خذتها فى حضنها تعوض بعد يامن عنها _ادعيله يافرح يقوم بالسلامه،ادعيله ربنا ينجيه ،ربنا هيستجاب منك يابنتى انتى لسه صغيره ومعملتيش ذنوب ،يارب 

قعدت  فرح تقول وراها بصوت متقطع رقيق عذب كله براءه وعفويه 

خلصت العمليه وخرج الدكتوربيتنهد بتعب بسبب العمليه دى

جريت احسان ووراها جوزها وبنتها  فرح للدكتور

_ها يا دكتور طمنى على ابنى

_ الحمد لله،العمليه عدت على خير ،مش هعرف اقولك نتائجها غير لما يعدى ٤٨ساعه ،بس ان شاء الله خير

محمود _جزاك الله خيرا يادكتور،ربنا يبارك فى امثالك يارب 

ابتسم الدكتور بحب  للعائلة الجميلة دى فهو يعرفهم طوال  السنوات الاربعة وماشافش منهم غير  الطيبه والاخلاق العاليه وقوة الايمان_ربنا يطمنكم عليه هعدى عليكم بكرة اطمن على يامن ،السلام عليكم 

 اتنقل يامن الى غرفه عاديه: وقعد جنبه أبوه وأمه واخته  

فرح _ماما كده يامن هيقوم ويلعب معايا؟!

احسان بتوجس_ان شاء الله ياحبيبتى ،يقوم ويجرى ويتنطط كمان 

فرح بسعاده _هييه انا مبسوطه اوى 

محمود _ربنا يجعلك من اسمك نصيب يابنتى 

احسان_محمود خد فرح وروحوا ارتاحوا شويه ،انت وراك شغل الصبح بدرى 

كان محمود متردد لكن صممت  احسان أنه يروح عشان يرتاح 

****

تانى يوم جه الدكتور عشان يطمن  على صحه يامن

وجاب معاه بالونات كثيرة على شكل سمايل وبعض الالعاب  

الدكتور _حمدا لله على سلامتك يا بطل ،اخبارك ايه

بصله يامن بسعاده فهو متعود عليه وفرح جدا  بالبالونات 

علقها الدكتور جنب سرير يامن وكشف عليه 

الدكتور _الحمد لله ،ربنا يبارك فيك ،عال عال 

عملو بعض التمارين الخفيفه لرجل وايد  يامن _ها كده حاسس بحاجه يا يامن 

كان يامن حاسس  بالم لما  حركه الدكتور

فقرر الدكتورانه يأجل التمارين لحد مايامن يخف

بعد اسبوع

كرر الدكتور نفس التمارين  ولكن  يامن ماحسش باى الم 

طلب منه  فتح ايديه لوحده،حاول يامن بصعوبه كذا مرة لحد ما فتحها اخيرا ،طلب منه أن يحرك اطراف اصابع رجله فقدر يحرمهم بعد كذا مرة  

فرح الدكتوربالتقدم ده كتير،فدلوقتى ممكن  يامن يمسك الاشياء بيده وتحريكهم

بعد كذا سنةاستمر يامن فى العلاج الطبيعي قدر  يقف على رجله اخيرا وبقي ممكن يروح مع اخته الى المدرسه

كانت  فرح طول  الفترة دى بتدعمه وماتسبهوش ابدا تروح  المدرسة وتيجى لتعلم اخوها لأن. الدكتور فضل يقعد فى البيت الفترة دى  ،

كانت فتاة ذكيه وهو كمان كان من الواضح انه يستجيب للعلم ايضا ومتشوق ليذهب الى المدرسه مع فرح 

قدر يامن انه يمشى اخيرا لكن كان مشيه مختلف عن الشخص العادى غريب شوية يعنى يطلع لفوق ويرجع ينزل تانى ويجر رجل ورا الرجل التانية   

ماحدش منهم اتكلم فى كدة لان كان من الخيال أن يقف يامن على رجليه ويعتمد على نفسه فى قضاء حاجته بنفسه

فرحت به فرح كثيرا _ يامن انت واقف زينا على رجليك ،انامش مصدقه وقعدت تتنطط هنا وهناك 

كانو  سعيدين بالتطور اللى وصل به حالة يامن  لان  حالته كان ميؤوس منها واهو بيثبت أن الله قادر على تغيير القدر بالدعاء،يقف على رجليه بدون مساعده

حاول يامن تقليدها وانه يتنطط زيها لكنه مقدرش ووقع على الارض

الدكتور _واحدة واحدة يا يامن احنا كنا فين وبقينا فين يابنى 

محمود  بيسند ابنه للوقوف مرة تانى _الحمد لله والشكر لله،كدا رضا جدا

****

فى المدرسه تبدأ معاناه يامن الحقيقيه لانه مش متعود على الإختلاط بالمجتمع،مجتمع ينظر للمعاق نظرة دونيه وكأنه اقل منهم لا يحق له ما يحق لهم 

كان يامن يحلم بالمدرسه احلاما ورديه جميله ولكنه اتصدم على ارض الواقع 

كان يمشى مع اخته ايده فى ايدها الى المدرسه ،اتفاجئ بعدد كبير من الأطفال وكلهم بيبصه عليه بصات غريبة مش متعود عليها خاف منهم وبقى مرتبك وأيده بقت تترعش 

لاحظت اخته  فشددت من مسكة ايده وبصتله بحنية _متخافش انا معاك ومش هسيبك ابدا 

قعدت جنبه  فى الصف ،كان الطلبة بيبصوله  بدهشه،واستغراب

(فرح بنت مرحه طيبه ،ذكيه ،كل اللى فى المدرسة بيحبوها )

وقفت فرح فوق الديسك _ كله يجمع هنا،ده اخويا يامن الطالب الجديد هنا ،يلا رحبوا بيه

شجعها  المعلم _ رحبوا يااولاد بزميلكم الجديد ،اهلا بيك يا يامن وسطنا 

استجاب بعض الطلاب والبعض الباقى ماتحركوش من ماكنهم 

لم يهتم يامن كثيرا فهو كان فى موقف لا يحسد عليه،يمر بهذا الموقف اول مرة 

فى البريك

فرح _يامن تعالى نخرج فى الجاردن نلعب شويه 

حاولت فرح تشارك اخوها فى الالعاب لكنه مقدرش لانه بيقف على رجله بالعافيه  

فرح _معلش يا يامن واحدة واحده ،بكرة تعرف ان شاء الله،تعالى هفرجك على المدرسه كلها ،مالفتش انتباه يامن فى المدرسه غير أوضة   الرسم والفنون 

المعلمه_تعالى ،انت اسمك ايه

_يامن

_اسم جميل،ايه رأيك بقا فى الرسومات دى 

اتسعت بابتسامة يامن _جميله اوى 

_تحب ترسم زيها

هز يامن رأسه بالايجاب 

_تمام تعالى هنا كل يوم فى الفسحه وانا اعلمك بنفسى 

_بجد هرسم زى دول 

_اكيد ليه لا 

نكس يامن رأسه_اصلى مش بقدر امسك القلم كويس

_بالعكس،الرسم والتلوين هينموا عضلاتك الدقيقه ،ويخليك تقدر تتحكم فى القلم اكتر 

كانت فرح تعطى كل اهتمامها باخيها وفعل ما يحبه ويسعده حتى انها نسيت اللعب مع صحباتها

_فرح انتى مبقتيش تلعبى معانا ليه 

_وقت تانى هلعب هروح مع يامن حجرة الرسم

يامن _روحى يا فرح انا هستناكى هناك لحد ما تخلصى 

_لا طبعا انا قلت هفضل معاك ومش هسيبك يا يامن

بدأت فرح تخسر صديقاتها واحدة ورا التانية ومابقتش تهتم غير باخوها وازاى تسعده وتعوضه عن اللى عاناه قبل كدة 

فى يوم من الايام  واثناء البريك 

كانت فرح تمشى مع يامن 

سمعوا همهمات بعض الاولاد_ههه شايفين ماشى ازاى ،

_زى السحليه بالظبط 

_سحلية ايه قول تعبان ماشى ،بيزحف فى الارض،هععه

تغير لون وجه فرح الى الاحمر وراحت ناحيتهم بغضب 

_هوا مين اللى سحليه يا خنفسه انت وهوا ،لو سمعتكم بتقولوا كده تانى هقول المدير 

_بنت انتى احترمى نفسك ،ده انا انفخك بصوباعى 

وقفت قدامه بتحدى _ورينى كده هتنفخنى ازاى 

_لا ده انتى الظاهر عايزة تتعلمى الادب

_وانا مش خايفه منكم،وهروح حالا ابلغ المدير 

لفو الاولاد حواليها وكانو هيضربوها  

يامن بعياط _سيبوها ،فرح تعالى ارجوكى انتى مش قدهم

لما شافت فرح ان يامن بيعيط ماقدرتش تمسك نفسها وقالت بصوت حاد وهى بتشاور  بايدها _اللى هيتعرض ليامن باى شكل والله لاعرفه فاهمين

ضحكو الاولاد عليها بسخريه وابوها ومشيو 

زاد عياط ونحيب يامن

فرح _يامن اهدى،مشيوا خلاص ،محدش يقدر يعمل حاجه 

_ انا كنت خايف عليكى يافرح،كان ممكن يضربوكى ،

_ميقدروش يا يامن،دول جبنا اخرهم طول لسان وبس 

_هما عندهم حق،انا فعلا مشيى زى السحليه انا مش زيهم انا مختلف ،الكل بيبص ليا نظرات غريبه ،ساعات بحس انهم قرفانين منى ،بس بعمل نفسى من واخد بالى يافرح 

_ايه الكلام ده يا يامن ،انت احسن واحد واحن اخ فى الدنيا 

_انا مستحقش اكون اخوكى يا فرح انا معاق ،بسببى اتحرمتى انك تلعبى مع صاحباتك ،بسببى بعدوا عنك ،بسببى كنتى هتقعى فى مشكلات 

_بتقول ايه يا يامن،انا مش عايزة العب مع حد غيرك ومش بحب اقضى وقتى الا معاك،انا كنت علطول ادعى ربنا انك تقف على رجليك علشان تكون معايا فى اى مكان 

_يعنى انتى مش ندمانه انك ماشيه معايا يافرح ،مش بتتحرجى وانتى معايا

هزت راسها باللاء _ابدا يا يامن،اللى انت فيه ده قدر ربنا محدش له دخل فيه ،كان ممكن انا اكون مكانك يا يامن ،اكيد ساعتها كنت هتعمل زى اللى بعمله واكتر كمان ،كدا ولا ايه 

سكت يامن فى الم

فرح_ارفع رأسك لفوق يا يامن ،انت معملتش حاجه غلط علشان تنزلها بالشكل ده ،مش عايزة اشوفك حزين او بتعيط ،اوعدنى يا يامن

_صعب يافرح ،صعب اشوف نظراتهم ليا بالطريقه دى ومتأثرش ،هما مش فاهمين انى بشر زيهم بحس وبشعر وبتألم كمان،نظراتهم ليا اللى كلها استعطاف وشفقه واحيانا بتكون اشمئزاز،بتربكنى بتخلينى ضعيف اوى يافرح بتخترق قلبى وتهدمه ،احيانا بتمنى اختفى من قدامهم علشان مشوفش النظرة دى فى عينيهم 

_حاول يا يامن ،عارفه انه صعب،بس انا متأكدة أنك قوى وهتقاوم ،حاول متلتفتش لاى حاجه ممكن تهدمك وتحطمك،احمد ربنا انك بتمشى على رجليك فى غيرك كتير يتمنوا بس انهم يقفوا مش يمشوا,ارضى بقضاء ربنا يايامن 

كانت صغيرةفى السن لكن كانت كلماتها صائبه تأتى على الجرح لتجعله يلتأم

*** بمرور السنوات تحولت فرح من فتاة مسالمه الى قطه شرسه تغرز مخالبها فى وجه من يحاول النيل من اخيها

صارت مشهورة بالمدرسه بالفتاة الشرسه ،فهى تدافع عن اخيها،وتحاول دعمه بكل الطرق كان يامن شاكر لاخته كثير فلولا وقوفها جنبه ماكنش قدر يكمل   ،كان بيحبها كثير وبيسمع كلامها كمان 

____

ذات مرة

طلبت احسان من بنتها انها تروح السوق تجبلها حاجات

احسان_فرح عايزاكى تروحى السوق تجيبى طماطم وبطاطس من عند عم عوض وقوليله ينقيها كويس

فرح_حاضر،يا امى

دخلت فرح اوضتها ولبست عباية كحلى ولفت  حجابها وخدت الفلوس وراحت السوق وهى فى طريقها الى السوق ،قالت اذكار الخروج من المنزل .(بسم الله، توكلت على الله، ولا حول ولا قوة إلا بالله)

-----------------------

وفى طريقها الى السوق 

كان شابا من الشباب المشاغبه فى المنطقه،يحاول مضايقتها 

_وانا بقول الحته منورة ليه

اكملت طريقها ورأسها للارض تغض بصرها زى ما علموها والديها 

_استنى بس مالك تقلانه علينا ليه 

****

كان يامن راجع مع ابيه من الجامع و دخل و سال عن فرح

يامن_امى فين فرح

_فى السوق راحت تجيب خضار وجايه 

_ليه بس ياامى تسيبيها تروح لوحدها 

_عادى يا يامن اختك مبقتش صغيرة ،انا لولاا انى مشغولة كنت روحت معاها

_طب كنتى استنى لما ارجع وانا اروح معاها

_اهو اللى حصل يا يامن ،،يامن استنى رايح فين

كان يامن يخرج من باب عايز يلحق فرح

_هروح لفرح يا امى مش هسيبها لوحدها

الام بتلقائيه _هتعرف تروح لوحدك؟؟

يامن بالم_انا مبقتش صغير يا امى 

-يامن انا مقصدش ياحبيبى بس انا خايفه عليك

-متقلقيش عليا ياامى 

احسان-بس ...

محمود-سيبيه يروح يا احسان ابنك بقا راجل ،روح يابنى ،تيجى بالسلامه انت واختك 

احسان-ليه سبته يروح لوحده ممكن حد يتعرض له ويامن حساس اوى وبياخد على خاطره 

محمود-لازم يعتمد على نفسه ويبدأ يواجه الحياة لوحده من غير فرح

*****

-استنى بس انا بكلمك ردى عليا -واعترض طريقها وحاول منعها من المشى 

-لو سمحت مينفعش كده ممكن تعدينى 

-ولو قلت لا 

-يبقى انت الجانى على روحك وقلعت جزمتها عشان تضربه 

-استنى يافرح،ايه يا اخينا انت عايز ايه ،امشى من هنا والا

بص الشاب الى يامن بازدراء وضحك بسخريه-وانت اللى هتتصدرلى بسلامتك ،ده انت مش عارف تصلب طولك،

ابتلع يامن الاهانه بصعوبه

يامن- لا الظاهر انك عايز تتربى وراح ليضربه فمنعته اخته 

فرح-لا يا يامن سيبه ويلا نمشى من هنا

الشاب بوقاحه-لا سيبيه قال يعنى انا خايف منه ،ده نفخه منى تطيره 

ماتحملتش فرح اهانة اخيها اكتر فجريت بالجزمة واقعدت تضرب الشاب  

-اياك تفكر تانى تهين اخويا باى شكل من الأشكال،،فاهم ولا افهمك تانى 

الشاب وهو حاطط  ايده على راسه بالم -وعلى ايه ياختى انتوا وهوا سايبهالكم مخضره

فرح بقرف-غور جتك داهيه ،حسبى الله ونعم الوكيل 

بصت ل يامن فلقته واقف وسرحان 

-يامن،، خلاص مشى يا يامن ،يلا على السوق علشان منتاخرش

مشيت خطوتين لقدام ولكن يامن ماتحركوش من مكانه 

فرح بالم- يامن احنا اتفقنا على ايه 

يامن تخلى عن صمته اخيرا- انا اسف يافرح،بدل ما انا اكون اخوكى وسندك فى الحياه ،انتى اللى بتعملى العكس،بتتصدى لاى حد يتعرض لى ،انا فعلا يقدر بنفخه يطيرنى،انا عاجز يافرح ودى الحقيقه 

فرح بتنهيده خرجت اللى جواها من ضيق-استغفر الله العظيم منه لله  ،انت فعلا سندى يا يامن ،انا معاك بحس بالامان صدقنى ،سيبك من اى كلام ممكن يحطمك ، القوة البدنية مش هيه القوة الحقيقه ،قوتنا الحقيقيه فى اخلاقنا وقوة ايمانا بربنا يا يامن ،العاجز فعلا هو اللى بامكانه الصلاه ومش بيصلى ،بإمكانه الصيام ومش بيصوم حتى قدامه المصحف ومش بيقدر يفتحه يقرأ ولو سطرين من كتاب الله 

انت قوى جدا يا يامن ،مش بالقوة البدنيه،، قوتك هنا،واشارت الى قلبه ،انت قلبك ابيض اوى يا يامن ،متسمحش لحد يأثر عليه

ابتسم يامن الى اخته اللى بتقدر دايما  وبكل براعه تخرجه من اللى هو فيه   -انا بحمد ربنا انه رزقنى باخت زيك يا فرح،ربنا يجعل حياتك كلها فرح يا حبيبتى

بادلته فرح الابتسامه-وانت معايا يا حبيب فرح 

يامن-طيب يلا بسرعه علشان متاخرش اكتر من كده ،ورانا مذاكرة كتير ،انتى ناسيه اننا ثانويه عامه السنادى 

دخلوا السوق وقالوا دعاء دخول السوق

(لا إله إلا الله وحده لا شريك له، له الملك، وله الحمد، يحيي ويميت، وهو حي لا يموت، بيده الخير، وهو على كل شيء قدير)

-----------------------

تعرفى يافرح انا نفسى ادخل هندسة جدا ،انتى عارفه انى كويس فى الرياضه وكمان متمكن فى الرسم ،تفتكرى هنجح

فرح_اكيد طبعا هتنجح ،قول يارب واعمل اللى عليك وذاكر 

استرسل يامن فى خيالاته _بحلم انى يكون عندى شركه كبيرة،وانا قاعد فى مكتبى والموظف عندى يجى يقولى باشمهندس يامن الورق جاهر ومستنى امضتك يافندم ،يااااه حلم جميل اوى ،ساعتها هحققلك كل طلباتك واعوض ماما وبابا عن كل اللى عانوه بسببى 

كانت فرح تنظر له بابتسامة امل 

يامن بمزاح _ممم ،طيب خلاص هبقى اخليكى السكرتيره بتاعتى  فضلو يضحكو ويحلمو طول الطريق 

رجعو البيت وجوة كل واحد منهم امل وتفاؤل للمستقبل 

كلو وراحو يذاكرو علشان يحققو احلامهم

****

امال_امجد انت رايح فين 

امجد_خارج يا ماما عايزة حاجه يا قمر

امال_مش هتذاكر شويه يا ميدو الامتحانات ع الابواب

امجد _بعدين ،بعدين مش فاضي ،سلام يا قمر 

امال _استنى بس يا امجد 

سابها  أمجد ومشى وركب عربيته عشان يلحق صحابه  الفاسدين زيه

امال بتعجب_الولد مشى وانا لسه مخلصتش كلامى

كارم وهو بينفخ بضيق  _مفيش فايدة فيه،مش هتغير ابدا،كنت بقول لما هيكبر هيعقل ويعرف مصلحته لكن كل يوم بيزيد للاسوء

قربت امال  من جوزها_ليه بس يا كارم ما الولد كويس اهو 

كارم بغضب_فين اللى كويس،الولد تقريبا طول اليوم برا ومش بشوفه ولا مرة ماسك كتاب 

امال_ ماهو بيجى فى مواعيد الدروس بتاعته ،الولد مش مقصر ،المستر بتاعه بيقول أن دماغه كويسه جدا وهيجى منه 

كارم_ هيجى منه لو ذاكر ،لكن الاستاذ معتمد على المدرسين اللى بيجوا له الفيلا وبس

امال _يوه بقا يا كارم انا غلبت معاك ،لما يجى ابقى اتكلم معاه،بس بشويش ياكارم،انا مش عايزة امجد يزعل 

زفر كارم بضيق وهز رأسه فى يأس_انا رايح الشركه ،محتاجه حاجه 

امال_لا انا كمان رايحه النادى ،ابقى تعالى على هناك علشان نتعشى سوا،باى ياروحى 

****

امجد فى النادى 

بيتكلم فى التلفون

امجد_ايه يابنى انت مش ناوى ترجع بقا 

ادهم_صعب فى الفترة دى يا امجد ،بابا مش ناوى يرجع الا لما نخلص انا واختى دراستنا ،وهو كمان عنده شغله 

امجد_بس انت وحشتنى ،وحشنى خروجاتنا زى زمان 

ادهم_ يااه ده كان زمان،واحنا عيال لسه ،انت مش ناوى تعقل بقا وتذاكر شويه

امجد بغرور_يابنى واذاكر ليه،انا كده كده هدخل الكليه اللى أنا عايزها، بإشارة واحده بس

ادهم_ ياامجد ،لازم تحس بالمسؤوليه شويه ،امال مين اللى هيمسك شركات ابوك بعد كده 

امجد _لااا شركات ايه ووجع دماغ ايه،انا كده فل ،بدخل وبخرج براحتى وعايش حياتى ،اجيب العكننه لنفسى ليه 

ادهم _ربنا يهديك يا صاحبي،هقفل انا عشان عندى كورس ،ابقا سلملى على البت نودى وحشتنى 

امجد_يوصل ياخويا،اهى جايه عليا اهى ،الظاهر بتيجى على السيرة

ضحك ادهم_الله معك يا كبير ،سلام

امجد _سلام

نودى وشلتها 

سما_بنات بصوا كده مين اللى واقف يتكلم فى الموبايل ده

ليان_مش ده امجد كارم ،واو دى البنات كلها هتموت عليه وهو منفض لهم كلهم 

ندى_ايه ده ميدو هنا انا رايحه اسلم عليه 

البنات_خدينا معاكى يا نودى متبقيش ندله 

ندى وهى بتقرب من امجد_امجد حبيبى عامل ايه وحشتنى اوى 

امجد بوجه عادى_هاى نودى ،اخبارك

نودى بدلع_وحشه مش غيرك طبعا ،ماما عاملة عليا انا واسر حظر علشان المذاكرة ،والنهارده يوم البريك 

امجد بضحك_هههه كفارة 

نودى_يدوم الضحكه يا ميدو

امجد_ نودى انتى عرفتى الاسم ده منين

نودى بغرور_من  انطى امال طبعا ،مش بتبطل كلام مع ماما عنك ،كل شويه ميدو ميدو 

جه أمجد يتكلم لكن تدخلت فى حوارهم الفتيات

ليان_احم،ازيك يا امجد باشا انا ليان ،نورت النادى بجد 

ابتسم لها امجد مجامله_ميرسى ليكى 

ليان وهى بتبص لسما_وااو ده ابتسملى امجد بنفسه ابتسم لى يا سما

سما بلهفه هى الاخرى _وانا سما ،صديقه نودى الروح بالروح ،ومعجبة بيك جدا

ابتسم امجد فى غرور فهو متعود على  الكلمات دى  من فتيات النادى ومبسوط بها جدا فهى تزيده غرورا وتكبر_ميرسى لذوقك يا قمر 

سما _يا نهار ابيض بيقولى يا قمر انا مش مصدقه انا هيغمى عليا 

اتغاظت ندى من تصرفات البنات عشان يشدو انتباه امجد  _فى ايه يا بنات انا مش هعرف اتكلم شويه مع ابن خالتى ولا ايه

ليان _سورى نودى ،بس منقدرش نشوف امجد كارم فى النادى ومنسلمش عليه،كده ولا ايه يا سما 

سما بهيام وهى تنظر لامجد باعجاب_اه طبعا ،ده اليوم ده هيتسجل فى التاريخ 

فى المساء

كان امجد راجع من برة  متأخر كالمعتاد 

كارم_ امجد 

امجد بتعجب_بابا ايه اللى مصحيك لحد دلوقتي

كارم بضيق _كويس انك عارف انك جاى متاخر 

امجد بلا مبالاه _ده العادى بتاعى 

كارم_وهتفضل لحد امتا كدا 

امجد _ عادى يا بابا وايه المشكله

كارم_انت ناسى انك ثانويه عامه السنادى ولازم تذاكر علشان تجيب مجموع كويس

امجد _ما انا بذاكر يا بابا

كارم بسخريه_ياسلام ،حلوة اوى مذاكرة ليلة الامتحان دى

امجد بغرور_والله يحمدوا ربنا انى بذاكرلهم ليله الامتحان

كارم _ يا امجد اسمع الكلام متغلبنيش معاك

امجد _بابا انا مش فاهم انت زعلان ليه، واذاكر ليه واتعب نفسى اصلا فى ثانويه عامه وانا عارف ومتأكد انى هدخل الكليه اللى هشاور عليها،يبقى ليه كل ده

كارم باستياء من هذا الولد المستهتر _ يعنى أن عايز تكون فاشل تيجى تمسك الشركات متقدرش عليها 

امجد _ بابا اظن اتكلمنا فى الموضوع ده قبل كده وقلت لك انى مليش فى البيزنس ده ومش بحبه ،انا تعبت وطالع اوضتى انام

كارم وهو بيبصوله و مزهول _ايه   الامبالاه دى  وايه  الولد العجيب ده  ،امجد استنى انا لسه مخلصتش كلامى 

كان امجد طالع السلم فاشورله بضهر ايده من غير مايبصله. كارم كان هيتجنن  ولكنه صبر نفسه،انه لسة صغير وانه لما يكبر  هيعقل او هكذا ظن

***** 

جه ميعاد ظهور نتيجه الثانويه العامه و والكل مستنى فى توجس فها هو بعبع الثانويه الذى يسمونه التنسيق،يقرر مصير الطلبة فيصعد باحدهما الى القمه ويخسف بالآخر لسابع ارض ،منظومه فاشلة ،ونتيجه تنسيق ظالمه ،قد تبعد طالبا من حلمه بسبب درجه واحده فقط فارقه اليس هذا قهرا ،قد يتمكن طالبا من الغش فتترتفع درجاته دون عناء ويترك الاخر الذى تعب وكد اقل منه لمجرد انه راقب الله ولم يغش ، 

يامن بضغب فشل فى اخماده_ لاااا مش معقول حلمى راح بسبب درجه واحده بس ،معقول هندسه راحت منى ،انا هفضل طول عمرى اعانى كده ،مش هفرح ابدا فرح وهى بتهديهزى مابتعمل على طول  

_اهدى يا يامن ،مراحتش ولا حاجه ،مش شرط هندسه القاهره،نبعد شويه،وممكن كمان نعمل تظلم

يامن وهو لسة متعصب  _مفيش هندسه متاحة ليا غير فى الصعيد،وانتى عارفه انى مش حمل السفر او البعد بالشكل ده،وكمان أن قبلت

فرح _ طيب بس هدى نفسك وان شاء الله هنلاقى حل

يامن وقد وصل الى قمة غضبه _ فين الحل ده،لحد امتا هتفضلى كده متبلدة المشاعر ،كل شويه اهدى ومتزعلش واخده الامور ببساطه انتى مش بتحسى وزقها جامد فوقعت على الارض

،انا الظاهر مكتوب عليا مفرحش فى حياتى ،حتى الكليه اللى قلت هتنسينى معاناتى وتنسينى كونى معاق،راحت خلاص ،تقدرى تقوليلى انا عايش ليه ها ،انا بكرهك يا فرح وبكره نفسى

اتملت عيون فرح بالدموع مش زعل على نفسها ولكن على الحالة اللى وصل ليها اخوها من اليأس ،اتحاملت على نفسها وقامت بصعوبه بعد لما زقها يامن بقوة اوجعتها قربت منه وهى بتعيط

_يامن ارجوك متعملش فى نفسك كده ،مفيش حاجه مستاهله لكل ده وراحت لتمسك يده 

يامن_ابعدى عنى انا مش طايقك فاهمه ،بكرهك يافرح ،ايوة بكرهك فضلتى تخلينى احلم فضلتنى تخلينى عندى امل وفى الاخر كله راااح ،وسند راسه عالحيطة  بيأس ودموع

بكت فرح على ما قاله اخيها كثيرا ،كانت حاسه به بمعاناته بالمه فهى كانت معه ومافرقتهوش ابدا، كانت معاه لما كان حد بيتنمر عليه كانت بتشوف  نظرات الخزى والبكاء اللى كان بيحاول يخفيهم ،كانت بتسمع سخريه الناس منه واحيانا تطاولهم بالايد عليه ،وهو ضعيف لا قوة له لصدهم ،كانت معاه وهو بيذاكر بكد وتشوف فى عينيه الامل اللى هيعوضه عن معاناته،كانت بتشاركه حلمه وهو بيتكلم معاهاعن مستقبله ويبنيان ويخططان له ،لم يدخر يامن جهدا ،كان يذاكر بكل طاقته ،لكنه القدر ابى أن يحقق له ما يريد 

،زعلت عليه وخافت أن ينتكس ويرجع الى حالته وهو صغير مايقدرش يمشى تانى. 

لفت الدنيا بيها 

ووقعت على الارض 

فاق يامن على صوت وقعتها 

جن جنون يامن وقرب منها بيحاول يفوقها  _فرح ،فوقى يا فرح ،ارجوكى ،انا اسف والله اسف،انا بحبك يافرح ،صدقينى مقصدش ولا كلمة من اللى قلتها فى حقك يااختى ،قومى وحط  ايده على راسها فوجدها  تنزف دم 

صرخ باعلى صوته _فررررررح انتبه الجميع على صوت يامن حتى الجيران جم يشوفو فى ايه

احسان _ فرح بنتى حبيبتى ،ايه اللى حصل يا يامن. 

يامن وهو مش شايف قدامه من الدموع_فجأءه وقعت على الارض وبنتزف 

محمود وهو يحمل ابنته بسرعه _مش وقته بينا على المستشفى حالا

يامن _استنى يا بابا لازم نحط حاجه نوقف الدم الاول والا على ما نوصل للمستشفى تكون اتصفت لا قدر الله بحث يامن فى حاجيات اخته باحثا عن حجاب ليربط به رأسها حتى لا تنزف اكثر ثم قام بلف حجابها عليها باحكام وساعد امه فى وضع عباية عليها لانها كانت لابسة لبس البيت

وصلوا الى المشفى ،دخلت فرح مع الدكتور والممرضات مقدرش يامن  يتحمل يشوف  اخته كدة  فخرج من أوضة  الكشف وانهار من العياط وقعد عالارض 

_يارب نجيها يارب،،سامحنى يارب،انا عارف أن حصلها كده بسببى ،علشان انا اعترضت على قضاءك  ،سامحنى يارب،انا راضى باللى كتبته ليا ،فلك الحمد ولك الشكر،درس النهارده قاسى اوى

يتبع

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️