 |
البارت_الثالث
بقلم يارا عبد السلام
كامله على مدونة النجم المتوهج للروايات
الحقى يا افنان يبنتي التاكس بتاعك بيولع ..
_اي!؟
افنان نزلت ومعاها فارس وياسمين فضلت فوق بأمر من اختها كانت اول مره تحس انها ضعيفه مش عارفه تعمل حاجه التاكس اللي شغاله عليه ومعيشها هى واخواتها بيولع قدام عينيها!؟
حاولت تدخل في النار لكن فارس اخوها منعها
$ربنا يعوض عليكي يا بنتى منه لله اللي عمل كدا
اهل الحاره قفلوا النار
وهى واقفه لا حياة فيها
وكأن روحها بتتسحب منها..
طلعت البيت بقلة حيله هى حتى مش عارفه مين عمل كدا تبلغ عنه حتى لو بلغت هل هييجي حقها!؟
ياسمين:احنا لازم نبلغ عن اللي حصل دا احنا مش هنسكت
افنان:معاكى فلوس للمحامى؟ عارفه حتى مين عمل كدا ؟
ياسمين:بس يا افنان انتى هتسكتي احنا كدا حياتنا هتتدمر
افنان :متقلقيش انا بكرا الصبح هروح لعمى صابر يشغلني عنده على اي تاكس من بتوعه مش هقعد في البيت كدا
فارس:طيب انا الراجل اقعد من المدرسه السنه دي واشتغل و...
افنان قاطعته:اياك تكمل اياك انت هتفضل في الثانوى وهتكمل وهتدخل هندسه انت فاهم
فارس:حاضر بس متزعليش
افنان خدتهم في حضنها:هتتحل انا عارفه ربنا مش هيخذلني ربنا معايا انا عارفه ان ربنا معايا
_يلا ادخلوا ناموا علشان كليتك ودراستك
_حاضر
الاتنين دخلو وهى سمعت لدموعها تنزل
دخلت الاوضه بتاعتها:وبدأت تبكى على حالها وعلى اللي بيحصلها مش بالسهوله انها تبكى لكن هى بتبكي على اللي حصلها
*دلوقتي هنصرف منين وكمان قسط التاكس اللي المفروض ادفعه الاسبوع الجاي اعمل اي ..
يارب ييسرها من عندك يارب يارب متخذلنيش..
نامت من التعب
$انت مين
_انا اللي هنقذك
_تنقذني من اااي
_من حياتك اللي عايشاها تعالى معايا يا افنان
$لا انا مش هاجى معاك سيبني
_هتيجي معايا غصب عنك
وبدأت تصرخ وهوا بيشدها..
صحيت على اذان الفجر وهى حاسه روحها بتتسحب منها..
قامت وهى بتتنفس بصعوبه وشربت ميه واتوضت وبدأت تصلي وتدعى ربنا يجبرها ويساعدها ..
جهزت الفطار وصحت اخواتها
وفطروا
بصت لياسمين:النهارده هتروحي الكليه مواصلات لحد ما اشوف حوار التاكس دا اهم حاجه خلى بالك من نفسك ماشي ومتكلميش حد ولا ليكي دعوة بحد ماشي
ياسمين بدموع:حاضر يا افنان ربنا معاكى
افنان طلعت فلوس من جيب البنطلون واديتها فلوس
_خدي وامشي مع رنا وخلوا بالكوا من نفسكوا
_حاضر
افنان نزلت وراحت عند عم صلاح ودا معروف عندهم انو بيشغل ناس عنده بالاجره
افنان:صباح الخير يا عم صلاح
_صباح الفل يا ست البنات
افنان بتوتر:انت طبعا عارف اللي حصلي امبارح وان التاكس اللي كنت باكل من عليه عيش اتحرق
لا كنت عوزا منك خدمه
_اؤمري يا ست البنات
_تسلم يا عم صلاح انا كنت عوزا اشتغل معاك لحد ما ربنا يدبرها واجيب تاكس تاني
_كان على عيني يا بنتي انا مقدرش اقطع عيش حد على
حساب حد ربنا يحاسبني
_احم انا عارفه بس انا ممكن اشتغل في الفتره اللي بياخدوها راحه
_يبنتى مهو التاكس لازم ياخد راحه
_يعني مفيش امل
_انا اسف يبنتي
افنان قامت بخيبه امل وفضلت تتمشى في الشوارع
ياسمين نزلت وندهت لرنا علشان يروحوا الكليه
وركبوا المواصلات بس للاسف العربيه بتنزلهم قبل الجامعه بشارع وهيضطروا يمشوه
وهم ماشيين وبيعدوا الناحيه التانيه
فجاه عربيه فرملت قدامهم
خرج رأسه من العربيه
_مش تحاسبي انتى وهى ولا انتو عمى
ياسمين:احنا احنا اسفين جدا لحضرتك مشوفناش الطريق
_بعد كدا يا شاطره ابقى خلى بالك
ياسمين بعصبية:شاطره في عينك انا قولتلك اسفه عاوز اي تاني
عدى :هوا انا كلمتك يبت ولا هوا جر شكل وخلاص
رنا وهى بتسكتهم:انا اسفه يا استاذ اتفضل
وخدت ياسمين من ايديها وبتسكتها وراحوا ناحية الكلىه ودخلوا..
عدي كان باصص على ياسمين
*معقول في جمال كدا دي ولا الحوريات..
عند افنان كانت ماشيه بتدور على شغل في اي حته
فجاه عربيه وقفت قدامها اعترضت طريقها
ونزل منها ريان اللي عرف مكانها من الرجاله بتوعه
افنان بصدمه:انت!؟
_ايوا انا
افنان بعصبية:انت جاي عاوز اي انت مكتفتش بالقلم جاي تاخد علقه
_وانتى لسه بعد اللي حصلك امبارح بتقاوحى
_هوا هوا انت اللي عملت كدا
_ايوا انا اللي عملت كدا وحسيت بتأنيب الضمير
_ازاي
_جاي اساعدك
_بعد ما خربت بيتي انا هبلغ عنك
_عندك دليل!
سكتت
_السكوت علامه الرضا يا شاطره ودي حاجه تعلمك انك متقفيش قدام اسيادك
_وانت عاوز اي دلوقتي
_عاوز اساعدك
_ازاي؟
_هتجوزك!
_اي!؟
_استني حيلك مش كدا وبس
_امال اي
_هتشتغلى عندي سواق خاص
_اي!
