القائمة الرئيسية

الصفحات

الأخبار[LastPost]

سكريبت ­ ­رغدي_الشقية ­ كامله­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­🌔بجد احلا شقاوه 🌕

 



­سكريبت رغدي الشقيه­ ­ ­ ­ 

احلا شقاوه كامله عندنا وبس

­سكريبت رغدي الشقيه­ ­ ­ ­ 

احلا شقاوه كامله عندنا وبس


الجزء_الاول 👇👇👇


ماشي تحت البلكونة وهوب لقي مايه بتنزل عليه وهدومه كله اتغرقت مايه(معلش يابني استحميت بدون مجهود ولا تعب


هى بتبص تشوف حد جت عليه المايه ولا لأ(يعني انتي بتشوفي حد معدي من تحت البيت بعد لما تقلبي المايه


للأسف لقيت نفسها حمت واحد بالمايه بتاعتها وقالت يا لهووووي ودخلت على جوا على طول وقالت يارب ميكونش


شافني دا بعضلات وضخم كده ولو اداني قلم على وشي هيعملي ارتجاج في المخ وحول(لا ياختي شافك وطالعلك كمان


هو طلع ليهم وعيونه بطلع شرار وخبط عالباب الأم: بت يا رغد روحي شوفي مين اللي بيخبط


رغد: ها حاضر ياماما معقولة يكون طلعلي لأ بس أكيد


مشفنيش وفتحت بقلب جامد وأول ما شافته قالت يا ماما الحقيني ورجعت لورا أصل الصراحة منظره لا يبشر بالخير خالص


الأم جت وقالت بتزعقي ليه يابنتي وبصت عالباب وجدت شاب طويل عريض ملابسه عليها مايه وشعره بينقط وقالت خير يابني


الشاب: هيجي منين الخير طالما مخلفة واحدة خبية زي بنتك غرقتني مايه


رغد: والله أنت اللي غبي المفروض تبص فوق الأول ممكن حد يكون هيقلب مايه أنت يابابا ماشي في حارة شعبية يعني في قرية يعني تتوقع أي حاجة باين كده إنك من المدن فمش متعود يا حبة عين أمك



­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­


الشاب: أنا بردوا اللي غبي يا جاهلة المفروض أمشي أبص عالبيوت فوق تحت ولا انتي اللي مفروض تبصي قبل ما


ترمي المايه وبعدين دي كلها مايه مش قادرة تعصري الهدوم حلو دا باين جبتي الهدوم من المايه عالحبل على طول يا جاهلة


رغد: نعم ياعنيا أنت واقف في بيتنا وكمان بتشتمني


الأم: بااااااس خلاص يابني احنا متاسفين وبصت لرغد وقالت اعتذريله رغد: نعم مين دي اللي تعتزر مستحيل


الشاب:.أنا مش عايز اعتذار من واحدة جاهلة يا شيخة حسبي الله ونعم الوكيل في اللي طلعك من ابتدائي


رغد: أحب أعرفك الجاهلة دي في تالتة ثانوي علمي علوم وحلمي أطلع دكتورة إن شاء الله


الشاب: يا عسل انتي لو مجموعك جاب خدمة اجتماعية احمدي ربنا


رغد: نعم ياعنيا أنا بطلع الأولى دايما على مدرستي هو أنت مفكر الناس فاشلة زيك وبتعتمد لسه على بابي ومامي


الأم:رغد مسمعش صوتك وادخلي أوضتك أنا ربيتك على كده(تربية واطية يا حجة لمؤاخذة


الأم بصت للشاب وقالت آسفة يابني على كلامها معلشي بردوا لسه عيلة


الشاب: (عيلة رخمة ولسانها مبرد بس عسل) لا خلاص يا طنط أنا ماشي بقا


الأم: معلش يابني الكلام خدنا ونسيت ادخلك جوا وتشرب حاجة



الشاب: لا ياطنط مفيش داعي كلك ذوق ياريت تعلمي بنتك سلام ومشي


ذهب لصاحبه لأنه جاي يسلم عليه بعد لما جه من السفر نتعرف عالشاب ده اسمه مازن من القاهرة عايش مع والده


ووالدته متوفية من وهو صغير ليه شركة خاصة كبرها وبقى ليه اسمه في السوق وهيقعد مع صاحبه شوية ويرجع تاني


ذهب إلى صاحبه كان ساكن في الشارع اللي بعد بيت رغد وسلم على صاحبه اسمه سيف سيف بس ايه اللي مبهدلك كده


مازن واحدة متخلفة قلبت عليا مايه الغسيل سيف ههههههههههه شكلك مسخرة أكيد مش سكتت ليها


مازن: طبعا يابني مامتها محترمة بس مش عارف هى طالعة لمين لمضة سيف: اسمها إيه دي


مازن: باين كده اسمها رغد وفي تالتة ثانوي ومتر ونص وبيضة


سيف: ههههههههههه يعني رغد اللي عملت فيك كده والله واتوقع منها أكتر من كده بس طيبة وعسل ودمها خفيف


مازن: لا والله أنت ناقص تكتب فيها شعر ما تتلم سيف: أنت مالك اتكلم براحتي مضايق ليه تكونش قريبها


مازن: يا عم متصدعش راسي أنا قايم ماشي عشان الحق أوصل بدري ومشي وبص على بيت رغد بس هو مش عارف عايز يشوفها ليه


وجدها واقفة في البلكونة ولما شافته دخلت ………



­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .


#الجزء_الثاني ­ 👇👇👇👇 ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­


رغد دخلت غرفتها وقاعدة تفكر في مازن اوف أنا بفكر فيه ليه استغفر الله العظيم أقوم أذاكر أحسن


مازن وصل فيلته وبيغني والده شافه وقال الله عليك لما تكون رايق إيه اللي واخد عقلك وبيغمزله


مازن: دايما كاشفني كده يا حج اقولك ايه بس شوفت قمراية كده بس ربنا واخد من طولها وحاطه في لسانها


والده: لا دا أنت تحكيلي بقا يا شبح مازن: أوك وقعد حكاله اللي حصل


عند رغد قاعدة بتذاكر مادة الجيولوجيا(ربنا يعينك عليها


رغد: أوف عليكي مادة تنحة زي الواد اللي شوفته النهاردة وزي المستر اللي بيدرسك بس هنتحدى بعض يا قاتل يا مقتول


وخلصت مذاكرة ودخلت تنام عشان تقوم تذهب لدروسها


تاني يوم ركبت المواصلات وذاهبة إلى دروسها وراكبة في الميكروباص واتنين وراها قاعدين في غرام وهى عمالة


تستغفر ربنا وبتقول في سرها ربنا ياخدكوا جايين تحبوا في بعض هنا شيلتونا ذنوب طب والله لمكمله المسافة الباقية مشي وقالت للسواق حاسب لو سمحت واحد قاعد قدامها بيقول نازلة يا آنسة


رغد: لا هتمشى في الميكروباص أصل ركبي وجعتني ما تفتح يا أخ خلصني إيه سؤالك الغبي ده مش ناقصة هى



ونزلت بس قدامها ربع ساعة لما توصل الدرس وكملت مشي وهى ماشية مازن شافها وهى رايحة الدرس فوقف بالعربية جمبها


رغد شافته قالت في حاجة يا أخ أنت هى مش ناقصاك


مازن:.متعصبة ليه يا نغة


رغد: نغة !مش لايقة على رجولتك خالص يا عسل


مازن: بجد طب رايحة فين


رغد: يعني انت أعمى ما شايفني رايحة أخد زفت دروس في بلدكوا دي يعني مش رايحة ديسكو


مازن: يابت انتي دايما لسانك متبري منك كده ما تتكلمي باحترام


رغد: ده اللي عندي يابا وبعدين ده شئ ميخصكش


مازن: لا يخصني وكلك قريب إن شاء الله هيخصني


رغد: في المشمش عارفه يا ساف وكانت لسه هتكمل مامتها اتصلت بيها وردت آلو ياماما


الأم: …..ّّ………….


رغد: ايه مات وازاي وفضلت تعيط



­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­


مازن كان واقف سامع المكالمة واتخض لما سمع مات


رغد قفلت مع مامتها وعيطت وقالت مات خلاص ياريتني ما سيبتك كده تعبان


مازن: في إيه مين اللي مات


رغد: مات خلاص اومال مين اللي هينام في حضني كل يوم ويهون عليا تعب اليوم اها ياني يا حبيبي يا قلبي


مازن: ينام في حضنك ! دا اخوكي


رغد: لا مليش أصلا أخوات ده كان صاحبي كنت بحكيله كل يوم عن يومي ومكنش بيمل مني وكان بيسمعني بهدوء اها


على وجع قلبي دا أنا بوسته مرة واحدة بس النهاردة قبل ما أنزل لو كنت أعرف كنت نيمته في حضني الدافي وشبعت منه


مازن: نهار أخضر بتعملي ده كله مع صاحبك استغفر الله العظيم


رغد: وأكتر والله دا مكنتش كان ليل نهار معايا مش بسيبوا غير وقت الدروس بس وكان بردوا بيوحشني دا حتى كنت باخده معايا الحمام


مازن: نعم هى وصلت كمان للحمام استغفر الله العظيم بس كده حرام


رغد: دا أنا كنت كمان بحميه اها ياني اومال هحمي مين بعد كده ونهزر مع بعض


مازن: يالهووووي إيه ده أمك سامحالك بكده


رغد: ايوا يابني هى كانت بتقعد تتكلم معاه لغاية ما أجي



­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­


مازن: استغفر الله العظيم وأتوب إليه إيه اللي جرا للدنيا يا ناس


رغد: خدت مني أغلى الناس😭😭ممكن توصلني بيتي عشان أوصل قبل لما أمي ترميه في الزبالة


مازن: وكمان هترميه في الزبالة يعني مش هتدفنوه يا حزن الحزن


رغد: لا منا عايزة أروح قبل ما ترميه في الزبالة وأنا هروح ادفنه وألقي آخر نظرة عليه واخد آخر حضن منه


مازن: كمان يعني وهو ميت كمان مش رحماه عايزاه يشيل ذنوب


رغد: لا أرنوبي مش هيشيل ذنوب أنت كذاب


مازن: وكمان اسمه ارنوبي ليه من قلة الاسامي


رغد: لا أنا مسمياه رشدي من يوم ما اشتريته من محل الأرانب


مازن: لحظة بس يعني اللي مات ده طلع أرنب


رغد: ايوا اومال كنت مفكر ايه مازن: فكرتك بتتكلمي عن إنسان


رغد: نعم أنت اهبل أنا هروح أصاحب إنسان واسيب الحيوان هل أنت في عقلك


مازن: الصراحة لأ من يوم ما شوفتك وانا مش في عقلي خالص



­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­


رغد: اهئ اهئ ممكن تروحني البيت عشان اشوفه


مازن: ها(إيه البت الهبلة دي ويوم ما احب أروح أحب هبلة بس يلا القلب وما يريد)يلا بينا ياختي


وركبت وعمالة تعيط وبهدلت العربية مناديل


مازن: انتي ياما مين هيلم القرف ده


رغد: أنت طبعا مش عربيتك ياخويا


مازن: ماشي ياختي يلا وصلنا انزلي ونزلت جري على بيتهم ونادت على مامتها


الأم: تعالي يا حبيبتي مالك معيطة كده إيه المستر طردك عشان مجاوبتيش المهم سيبك منهم محدش واخد حاجة من التعليم


رغد: لا أنا بعيط عشان رشدي ودتيه فين


الأم: رميته في الزبالة للكلاب يا حبيبتي ياكلوه سيبك منه وتعالي اسمعي مسلسل هندي جميل اهو


رغد: رمتيه للكلاب انتي معندكيش رحمة


الأم: لا والله رحمة سافرت يا حبيبتي


رغد: رحمة مين مش مهم كنتي سلميلي عليها



الأم: المرة الجاية ادخلي بقا يا عسل عالمواعين مستنياكي من زمان وبتنادي عليكي اهو


مازن: واقف ده كله وبيتفرج عليهم فقال احم أنا هنا


الأم: بصت وقالت مش أنت بتاع امبارح


مازن: ايوا يا طنط واسمي مازن


الأم: أهلا يابني هى عملت حاجة تاني وبصت لبنتها


رغد: وربنا ما حصل


مازن: لا يا طنط محصلش حاجة منها وبص لرغد روحي ياما شوفي المواعين


رغد: وأنت مالك مازن: الحمد لله تمام


الأم: امشي يا رغد احسنلك واعملي اتنين قهوة


رغد: حاضر إيه ده ياربي


الأم: منور يابني


مازن: منور بصحابه ياطنط كنت عايز اطلب طلب


الأم: اتفضل يابني اطلب


مازن: عايز اتجوز رغد


الأم: ……………



­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .


نكمل بعدين وهنشوف ردة فعل الأم إيه…#يتبع


#الجزء_الثالث👇👇👇👇


مازن: أنا عايز أتجوز رغد


الأم: إيه! بس رغد لسه في تالتة ثانوي ولسه جامعة وهى عايزة تدخل كلية طب وده حلمها وانا مستحيل أضيعه بالجواز أنا كده بدمر مستقبلها


مازن: مين قالك إني مش هخليها تكمل تعليم بالعكس أنا هكون جمبها وهمشي معها خطوة بخطوة مستحيل اخليها تسيب مستقبلها


أنا عايزاها تكمل تعليم عندي وهى معايا وصدقيني أنا هشجعها وهى هتكون بنتي قبل ما تكون زوجتي أنا بحب رغد


ا امبارح لما قلبت عليا مايه وطلعتلكوا دي مكنتش أول مرة أشوفها أنا عارف رغد من أول مادخلت ثانوي وبدأت تاخد دروس عندنا في البلد كنت ماشي بالعربية وهى كانت ماشية بتراجع


وكان في طفل حزين بعيط كان غلبان وكان نفسه يشتري حاجات زي الأطفال اللي كانوا بيشتروا رغد راحتله واشترتله حاجات كتيرة من السوبر ماركت وطيبت خاطره ومن يومها وبنتك مش بتروح من بالي بس مكنتش أعرف هى ساكنة فين ولما شوفتها إمبارح كنت مبسوط وصدقيني أنا هسعدها والله


الأم: والله يابني أنا ما عارفة أقولك إيه هنشوف رأيها


مازن: تمام


رغد خلصت غسيل المواعين وعملت قهوة وطلعت


وقالت اتفضلوا القهوة



مازن: مسك الفنجان وقال هى دي قهوة اومال ملهاش وش ليه


رغد: معلش أصل الوش بتاعها مكسوف فسبته جوا


الأم: هى بتعملها كده دايما رغم أنني علمتها كتير تعملها بوش وبردوا بتعمل العك بتاعها


رغد: ياماما أم وش دي مش صحية إنما دي صحية اشربي كده طعمها جميل والمهم إنه طعم قهوة وبصت لمازن


وقالت يا أستاذ طالما عايزاها بوش بص فيها كده


مازن: بص فيها


رغد: شايف وشك فيها


مازن: ايوا


رغد: يبقى دي قهوة بوشك إيه ولا تزعل يا عم


مازن: يا شيخة وبص لمامتها وقال يعني باقية حياتي هشربها كده


الأم: ايوا يا حبيبي استحمل بقى مش أنت اللي عايزاها


رغد: أنتم بتتكلموا على إيه مش فاهمه حاجة


الأم: مازن طالب إيدك


رغد: طب ما هو ليه إيد عايز ايدي ليه



­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­


مازن: انتي بتفهمي إزاي أنا والله مش عارف داخلة علمي على إيه وعايزة تكوني دكتورة دا انتي هتموتي المرضى


رغد: ما تحترم نفسك يا أخ


مازن:حاضر انتي قلبتي على عم صبحي كده ليه


الأم: مازن عايز يتجوزك رغد: تمام…اييييييه يتجوز مين


مازن: اتجوزك يا عسل


رغد: مش موافقة طبعا أنا لسه في التعليم وصغيرة


مازن: طب وإيه يعني هتكملي تعليم في بيتي


رغد: قولت لأ


مازن: وهعملك كل حاجة انتي عايزاه وهشرب قهوتك دي


رغد: لأ


مازن: هذاكرلك المواد كلها رغد: بردوا ل


مازن: هجبلك كل يوم شيبسي وبيبسي وشاورما وكريب وشيتوس ومصاصات ولب وبيتزا


رغد: ها بردوا لأ دي شكل واحدة تفتح بيت وتشيل مسئولية أنا غسيل مبغسلش كنيس مبكنسش كويان مبعرفش بنام كتير وبصحى متأخر



­ ­ ­ ­ ­ ­ ­ ­ ­ ­ ­ ­ ­ ­ ­ ­


مازن: مش مشكلة مش عايزك تعمليلي حاجة أنا مش واخدك خدامة


رغد: بدأت تقتنع بس قالت لأ بردوا


أنا: يا أخ مازن خلي عندك كرامة وقوم روح البت رافضة


مازن: طب ما تقنعيها ياختي مش انتي اللي مخلياها رافضة عمالة تكتبي لأ لأ لأ


أنا: أنا يابني شكرا ياذوق بس إيه رايك بقا مش هخليها توافق


مازن: لا خلاص أنا آسف دا انتي عسل وقمر وسكر اقنعيها بقا ربنا يسترك


أنا: صعبت عليا الصراحة خلاص هقنعها بس هتاكلوني في الفرح من التورتة اوك


مازن: أكيد طبعا أنا هدهالك كلها وهتشربي بيبسي كمان


أنا: خلاص يا عم هخليها توافق


بصي يارغد يا جبيبتي الواد مازن ده غلبان وطيب وافقي عليه وتاخدي فيه ثواب أصل الصراحة مفيش عروسة راضية بيه


مازن: نعم ياختي دا البنات كلها بتجري ورايا


انا: تلاقيك حرامي بتسرق حاجتهم على كده بيجروا وراك اقعد بلا وكسة وإلا اسيبك تولع


مازن: لا ياباشا خلاص كملي براحتك



­ ­ ­ ­ ­ ­ ­ ­ ­ ­


أنا: اوك بصي يا رغد وافقي عليه يابنتي أصل يروح ينتحر واحنا مش ناقصين حزن وهنعرف نعمل فيه مقالب


رغد: طب استني أفكر كده


أنا: فكري قدامك خمس دقايق


رغد: تمام خلاص موافقة عشان خاطرك بس


أنا: تسلم يا كبير دا احنا هنربيه ونتسلى


وبصت لمازن وقالت أي خدعة ياعم خليتها توافق


مازن: شكرا نردهالك في الأفراح بس انتي قولتيلها إيه خلتيها توافق أصل الصراحة مش مستريح ليكوا


أنا: وأنت مالك ياعم الاه المهم وافقت


مازن: صح وبص لرغد ووالدتها وقال خلاص كده وافقت يبقى هجيب والدي الخميس الجاي ونكتب الكتاب ونعزم القرايب واخدها على بيتي والفرح هنخليه بعد نتيجة الثانوية


الأم: تمام موافقة وقالت رأيك إيه يا رغد


رغد: تمام ياماما اللي انتي عايزاه


مازن: تمام وقال عن اذنكوا وبص لرغد وقال هما كام يوم بس وهتبقي في بيتنا سلام


رغد: امشي جاتك القرف في حلاوتك دي استغفر الله العظيم



الأم: والله مازن ده طيب ومحترم دخل البيت من بابه وأنا هكون مطمنة عليكي معاه يا حبيبتي خلاص كبرتي وبقيتي عروسة وكام يوم وهتكوني في بيت جوزك


رغد: طب انتي بتعيطي ليه بس


الأم: دي دموع الفرح يا قلبي وهيجي اليوم اللي أشوفك فيه عروسة يا روحي قبل ما أموت


رغد: مسحت دوعها وقالت بعد الشر عليكي يا حبيبتي وحضنتها…


💎💎💎💎💎


#رغدي_الشقية


الجزء الرابع



جه يوم كتب الكتاب والمعازيم موجودة


ورغد كانت لابسة فستان سواريه دهبي وطرحة دهبي وميكب خفيف كانت جميلة بمعنى الكلمة والجيران كانوا بيحسدوها والبنات اللي في سنها



مازن مش قادر يشيل عينه من عليه وبص للمأذون وقال يلا يا عم الشيخ بسرعة 


المأذون: حاضر يابني بس اتقل كده


مازن: حد يشوف القمر ده ويهدى لا طبعا


رغد كانت قاعدة ومكسوفة 


المأذون أول ما قال بارك الله لكما وبارك عليكما وجمع بينكما في خير


مازن جري عليها وحضنها وقال أخيرا بقيتي على اسمي يا رغدي


رغد: أنت يابني ابعد كده أنت مكلبش فيا كده ليه


مازن: إيه البت الفصيلة دي بس لما نروح


رغد: مبخفش يا شبح


مازن: يابت فين الرومانسية محسساني متجوز عم برعي الميكانيكي اللي على أول شارعنا


رغد: لا متجوز عم صبحي بتاع الأنابيب إذا كان عاجبك يابا


مازن: عاجبني أوي والله بجمال أمك ده


جه ابن خالتها اسمه أسر كان بيجبها وكان عايز يتجوزها بس كان مستني لما تخلص ثانوي


أسر: مبروك يا رغد


رغد: الله يبارك فين يا اسورتي


مازن في نفسه يا حلاوة وكمان اسورتي


أسر بص بقرف لمازن وقال مبروك


مازن بضيق شكرا وقال بعد إذنك وخد رغد ومشي بعيده


مازن يا حلاوة ياختي ايه اسورتي دي


رغد: عادي ابن خالتي وبدلعه اوعى تكون بتغير


مازن: ايوا بغير ياختي وبعدين انتي بتبصيله ليه بصيلي أنا دا أنا حتى أحلى منه


رغد: واخد مقلب في نفسك يا عسل


مازن: تب إيه ياختي كانت مواصفات فارس أحلامك😏


رغد: يكون دكتور أسنان يبقى مستقبلي في أمان أصل بيكونوا حلوين بيسرحوا شعرهم وبيظبطوا دقنهم وبيكونوا قاصين ضوافرهم ومهتمين بالنظافة الشخصية اومال إيه


مازن: الله وإيه كمان ياختي


رغد: يقولي مقتقلقيش طول منا بحشي ضروس متشليش هم الفلوس


مازن: الله بتقولي شعر كملي كملي


رغد: أو يكون ظابط يا سلام بقى وامشي كده بين الناس ويعملولي ألف حساب


مازن: ليه متجوزة ابن رئيس الجمهورية


رغد: اسكت أنت أو يكون رئيس مافيا


مازن: هى وصلت لرئيس مافيا دي هربانة منك خالص


رغد: هى مين اللي هربانة


مازن: متخديش في بالك دا كانت واحدة هربانة من جوزها


رغد: لا حول ولا قوة إلا بالله العلي العظيم صعبانة عليا



خلصوا السهرة ورغد كانت بتودع مامتها وبتعيط ومازن خدها ومشي وكان باباه سبقه عالفيلا


وصلوا ورغد انبهرت بشكل الفيلا وطلعوا عالجناح بتاعهم


مازن: ياه أخيرا بقينا مع بعض وبيقرب منها


رغد: أنت بتقرب ليه كله إلا الشرف وربنا اصوت واطلع عالكرسي ده وانتحر


مازن: اهدي يا هبلة أنا مش هعمل حاجة يلا عشان ننام


رغد: هنام فين لمؤاخذة ياسطا


مازن: عالسرير مش عايزة ذكاء يا حبيبتي


رغد: لا يابا نام أنت عالكنبة وأنا عالسرير


مازن: تب غيري ونتكلم بعدين لغاية ما أنزل المطبخ أجيب أكل


مازن نزل ورغد دخلت الحمام تغير ولبست بيجامة ولبست عليها طرحة


مازن طلع ودخل وقال انتي بردانة يا حبيبتي


رغد: لأ اشمعنى


مازن: اومال لابسة طرحة ليه أنا زي جوزك بردوا


رغد: بجد يعني اشيلها عادي


مازن: لا إله إلا أنت سبحانك إني كنت من الظالمين ايوا يا قلبي شيليها


رغد: ماشي وشالتها وفردت شعرها وكان طويل وناعم


ومازن انبهر بجماله وقال بسم الله ما شاء الله شعرك حلو أوي


رغد: شكرا😊 وكانت مكسوفة مش هناكل ولا ايه


مازن: ماشي نفسي ادوق الفراولة دي


رغد: اتلم يا مازن


مازن: أحلى مازن سمعتها


رغد: بطل نحنة يالا


مازن: عم جعفر رجع تاني


وخلصوا أكل ورغد راحت تنام ومازن راح ينام جمبها


رغد قعدت عالسرير وقالت قوم ياض من هنا


مازن: نام وقال نامي يا حبيبتي عشان مش هقوم


رغد: خلاص اتخمد هنا هنام انا عالكنبة ولسه هتقوم


مازن: مسك ايديها وقال مش هتقومي وشدها لحضنه ونومها


رغد بتحاول تقوم بس عارفة فقررت تنام


مازن باسها من جبينها وضمها أكتر وناموا



ونكمل مرة تانية إن شاء الله


  ­ ­💎💎💎💎💎 ­ ­



#رغدي_الشقية


الجزء الخامس



مازن: رغد اصحي عشان نصلي الفجر



رغد: حاضر يا ماما بس استني خمس دقايق


مازن: ماما مين انتي يا غيبوبة هانم اصحي وإلا أجيب ماية احميكي بيهاا



رغد: فتحت عنيها شاقت مازن واقف نطت من عالسرير وقالت أنت مين ودخلت هنا إزاي اوعى تكون حرامي غسيل الحقوني يا ناس حرامي ومتحرش



مازن جري عليها وقال اسكتي يا هبلة أنا مازن جوزي



رغد: بس أنا متجوزتش إيه ده لحظة أنا نسيت خالص آسفة يا برنس



مازن: على إيه يا سرسجية


رغد: مين دي يلا😡😠



مازن: أنتي اتحولتي كده ليه أنا قصدي البت فتحية


رغد: نعم يا عنيا أنت كمان مصاحب بنات



مازن: لأ دي عيلة في خامسة ابتدائي صغيرة يعني


رغد: اها إذا كان كده ماشى



مازن: يلا ياختي عشان نصلي الفجر عمالة تضيعي في الوقت


رغد: ماشي ودخلت اتوضت وبدأوا صلاه



وخلصوا وقرأوا قرآن لغاية الشروق



رغد:.أنا جعانة


مازن:.تعالي ننزل نعمل أكل



رغد: أنا مبعرفش عشان نبقى على نور


مازن: تب ياختي😏


ونزلوا ومحتارين يعملوا إيه



مازن: أنا بقول أحسن نعمل سندوتشات جبنة تصبيرة لغاية ما الخدم يصحوا ويجهزوا الفطور


رغد: تمام



وعملوا وطلعوا على جناحهم


مازن: قومي ذاكري الوقت ده بيكون فيه بركة وربنا بيوزع الارزاق فيه وأنا هشوف شغلي 



رغد:.ماشي وفعلا بدأت تذاكر لغاية ما الكل صحي والخادمة طلعت خبطت عليهم عشان تعطيهم الأكل



رغد فتحت ووجدت معها صنية أكل



الخادمة: اتفضلي الأكل بتاعكم


رغد:.نزليه تحت واحنا نازلين


الخادمة: حاضر



ورغد ومازن نزلوا واكلوا مع والد مازن ورغد كانت بتهزر مع والده



رغد:.والله يا حج أنت عسل مش زي ناس


والده:.وانتي سكر ودمك خفيف



مازن:.اها وايه تاني يا حج أصل أنا سوسن قاعد معكم


رغد: لا مينفعش تقول على نفسك كده أنت أخت سوسن 


والده فضل يضحك عليهم وذهب إلى شغله



مازن استغل الفرصة وقرب منها وقال كنتي بتقولي إيه يا عسل  Esraa Ibrahim


رغد: ابعد بس الأول وبعدين أنا مقولتش حاجة 


مازن: لا يا شيخة وقرب أكتر عليها وهى اتوترت أكتر وقالت أنت بتقرب ليه



مازن: عادي مراتي حبيبتي وبقرب منها


رغد: بتهته وربنا أصرخ


مازن: مالك اتوترتي ليه وبعد عنها وفضل يضحك وطلع يلبس عشان يروح شركته



رغد: هوف قلبي كان هيقف والهوا كان خلص وطلعت على فوق عشان تذاكر



مازن خلص لبس ورغد دخلت وسرحت في شكله كان حلو


مازن: احم أنا عارف إني شكلي حلو


رغد: حوش التواضع اللي بيقع منك



مازن: هاتي برميل ولميلك شوية يمكن ينفعوكي


رغد: الحمد لله مش بستخدم النوع بتاعك


مازن: براحتك أنا هروح الشركة ساعة وراجع عشان في شغل مهم عايزة حاجة



رغد: عايزة كل حاجة إلا سلامتك


مازن: ماشي لما ارجعلك


ومشي


قعدت تذاكر وكلمت ماامتها الأول



بعد ساعة ونص مازن رجع من الشركة ووجد رغد بتذاكر ومشي براحة عشان مش تحس بيه وقام حضنها


رغد: اعاااااااااااااا



مازن: اعااااا في إيه


رغد:.خضتني يا شيخ حرام عليك



مازن: سلامتك من الخضة يا قلبي



رغد: أنت ياعم أنت أنا عندي حساسية من المحن ابعد كده


مازن: براحتك وأنا اللي كنت جاي اخدك وافسحك بس يا خسارة ضاعت عليكي ورجعت في كلامي



رغد: خلاص والله أنا آسفة خلينا نخرج يلا أنا أصلا عيلة ومتخدش على تصرفاتي ولا كلامي



مازن: ماشي عشان صعبتي عليا يلا البسي عشان نخرج


رغد: طيارة وهتلاقيني عندك



مازن: اما نشوف ودخلت تلبس


واخدها وراحوا مطعم فاخر وطلبوا أكل وفضلوا يهزروا


وخلصوا وطلبوا كوكتيل ده على مزاج رغد عشان عايزة كده



ومازن جاله تليفون وقال خمس دقايق وهاجي ومشي



ورغد بتاكل في الكوكتيل فيه شاب جه يرخم عليها


الولد: ازيك يا قمر



رغد: وأنت مالك ياض


الولد: مالي ونص ورايح يمسك ايديها لقى اللي مسكه واداله بوكس ورم وشه



مازن: هخلي نهارك زي يوشك ياروح أمك


واداله بوكس كمان



رغد: ايوا يا بطل اديله ف مناخيره واسنانه وفى بطنه برافوا


الناس جم شالوه عنه وأخد رغد ومشي


وهما في الطريق



مازن: إيه اللي انتي عملتيه ده انتي كنتي بتولعي الدنيا نار بدل ما تهديني😂



رغد: لا يستاهل بس إيه رأيك أنا في التشجيع معنديش يما ارحميني



مازن: انتي هتقوليلي😂😂


ووصلوا البيت ودخلوا ولسه طالعين على فوق وجدوا شخص يخبط على الباب



ذهبت رغد لكي تفتح وجدت فتاة


رغد: حضرتك مين



الفتاة: أنا مرات مازن


رغد: 😱 


 ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­#رغدي_الشقية


الجزء السادس والاخيييرة 



رغد: مين حضرتك


الفتاة: مرات مازن


رغد مصدومة ومازن جه وشاف البنت اللي واقفة واتفاجئ


مازن: سوما حبيبتي


سوما: ميزو حبيبي


ورغد واقفة مش مصدقة 


رغد: أنت اتجوزت امتى يا أستاذ مازن أنت واحد ندل وخاين ومتجوز من غير ما أعرف طلعت واطي يا ميزو صدقني مش مسمحاك


مازن: مراتي دا سوما تبقى بنت عمتي و


رغد: يعني عمتك اللي غصبتك عالجوازة اها ياني على حظي يا خويا ضيعت أحلامي دا أنا بخطط لليوم اللي اختارلك الزوجة الثانية والثالثة والرابعة وفي فرحك عالرابعة نلبس كلنا فساتين و ندخل عليك كده وتتخض زي عائلة الحج متولي سعيد اهئ اهئ اهئ مكنش العشم يابو المزامين مش مسمحاك ومخصماك


مازن وسوما مش مستوعبين ومصدومين


رغد: أنتم مالكم متنحين ليه وراحت لسوما وقالت تعالي مرات جوزي نقعد ونتصاحب 


مازن: بااااااااس مرات مين يا هبلة انتي


رغد: مراتك يا مازن أنت نسيتها ولا ايه ولا يكونش فقدت الذاكرة بعد متجوزتوا


مازن: هتجوز أختي في الرضاعة يا منجنونة هانم


رغد: دماغي عملت error


سوما: أنا بنت عمته وأخوات في الرضاعة بس أنا كنت جاية أعمل فيكي مقلب بس حضرتك صدمتيني مش أنا اللي صدمتك


مازن: وانتي يا سوما يا أم راس فاضية مش هتبطلي تفاهتك دي ربنا بلاني ببلوتين الرحمة من عندك يارب وطلع وسابهم


رغد وسوما في صوت واحد قفوش أوي


وقعدوا يتعرفوا على بعض



وكل واحد دخل ينام ومازن أيضا


مازن صحي وصحى رغد عشان يصلوا الفجر وصلوا وبدأوا في قراءة القرآن الكريم والأذكار وانتهوا ونزلوا يفطروا


ومازن طلع عشان يجهز عشان يذهب إلى عمله



ورغد أخدت كتاب اللغة العربية وبدأت تذاكر أدب ونصوص


نص العقاد بيقول إيه أين مي هل علمتم أين مى


رغد: هى ضايعة يابني الست ماتت خلاص النص ده مش داخل دماغي أقوم اتفرج على مسلسل كوري أحسن



ونزل مازن وجدها بتتفرج على المسلسل


مازن: إيه ده يا رغد مش بتذاكري ليه


رغد: أصل العقاد جابلي عقدة فقولت أقوم أحل العقدة دي


واتفرج على مسلسل كوري


مازن:.لا والله على أساس إنك فاهمة حاجة من المسلسل ده


رغد:.ايوا اقولك اسمائهم جونغ سو من، كم هيون جنغ


مازن: اللهم إن كان هذا سحرا فابطله


رغد: إيه يابني محسسني إني بقولك شعوذة من كتاب السحر الأسود


مازن: مع السلامة يا رغد يا حبيبتي يلي هتجبيلي جلطة


رغد: مع السلامة ياخويا



وتمر الأيام وجاءت امتحانات رغد وكانت متوترة جدا أول يوم


مازن: اهدى كده يا شبح لازم تجمد كده عشان تحلي صح وتجيبي مجموع يدخلك طب


رغد: حاضر ودخلت اللجنة وكان مازن دايما بيشجعها وكانت بتحل كويس وكان آخر يوم في الإمتحانات ومازن كان مستنيها وطلعت ومازن نادى عليها


مازن: ها عملتي إيه


رغد: عيب عليك ياسطا دا أنا رغد وبإذن الله مجموع طب


مازن: بإذن الله بمناسبة إنك خلصتي امتحانات تعالي اعزمك في مطعم شيك


رغد: ايوا يا مدلعني يلا بينا


ووصلوا المطعم


الجرسون جه وقال تطلبوا إيه


مازن: هات المنيو لو سمحت


الجرسون : حاضر


رغد: أنا عايزة أكل منيو زيك بس خليه يكتر المخلل والشطة شوية


مازن: منيو لله اللي خلاني اجيبك هنا


رغد: ده كله عشان قولتلك زود الشطة والمخلل شوية خلاص ياعم متزودش هاكل المنيو كده وخلاص


مازن: اسكتي خالص فضحتينا في حد مش عارف منيو يعني إيه


رغد: اوعى تكون بيتزا بس بطعم تاني


مازن: يارب ارحمني منيو يعني قائمة طعام


رغد: بجد انا كنت مفكراها اسمها لست


مازن: لست إيه يا جاهلة لست يعني قائمة بس لست يعني قائمة أسماء أو انتخابات أو فهرس يا غبية


مازن: ما خلاص ياعم المثقف عرفنا الراجل مش بيجيب الأكل ليه


مازن: اهو جابه ياختي


وخلصوا أكل وروحوا


وجاء يوم ظهور النتيجة ورغد قاعدة متوترة


مازن: إيه يا بنتي داخلة حرب ولا إيه ما تهدي كده


رغد: هشش أنت مش حاسس بيا اركن على جمب دلوقتي


مازن: الموقع فتح يا رغد وجاب النتيجة ولكن مثل الزعل


رغد: جبت كام شكلك بيقول إنها زفت وفضلت تعيط


مازن بضحك للأسف هتبقى اشطر دكتورة


رغد: بجد حرام عليك خضيتني وطلعت تجري وراه وماسكة الشبشب ولكن مازن جري على تحت عشان يعرف والده


ورغد اتصلت بمامتها وعرفتها ونزلت تحت


والد مازن: مبروووك يا رغودة


 رغد:تسلم يا عمي


مازن: عايزة تبقي إيه


رغد: أكيد مش اللي بيدخل طب هيبقى رقاصة يعني هكون دكتورة بإذن الله


مازن: منا عارف يا غبية أنا قصدي تدخلي قسم إيه


رغد: جراحة يابا


مازن: أشك في دي الصراحة دا انتي بتخافي من خيالك


رغد: ملكش فيه


مازن: بتحترمني أوي يا حاج


والده: ربنا يهديكوا


ومازن قدم لرغد في طب


وجاب ليها موبايل جديد 


رغد: الله موبايل جديد ايوا بقى وهنزل فيس وواتس وتويتر وانستا


مازن: حيلك حيلك يا ما هتنزلي بس واتس وفيس عشان هتحتاجيهم في الكلية ولو في ابليكشنات تانية عرفيني قبل ما تحمليها وهاتي اما اعملك اكونت


رغد: ماشي


مازن: عايزاني اسمي الصفحة بايه


رغد: أميرة بحجابي


مازن: وأنا سعيد ببنطلوني احنا هنهزر يا رغد


أنا عملته خلاص وضفتك عندي


وكل شوية رغد تبعتله رسالة عالواتس إن لم ترسلها لعشرة هيحصلك كذا وكذا وكذا


مازن: في إيه يارغد انتي بتبعتي لواحد يهودي الناس بتصبح بكلام حلو مش إذا لم ترسلها لعشرة


رغد: ياعم مش عايزة ادخل النار


وتمر الأيام والسنين وجه وقت إن رغد تنزل كتدريب


وذهبت إلى المستشفى أول يوم لها


وقابلها الدكتور محمد رئيس قسم الجراحة


الدكتور: خير يا آنسة انتي تايهة من أهلك هنا وبتدوري عليهم يا عسل


رغد: نعم أهل إيه اللي بدور عليهم


الدكتور: اومال مالك تايهة كده قوليلي جاية مع مين


رغد: ياعم أنا الدكتورة رغد ونازلة تدريب وبدور على مكتب دكتور محمد رئيس قسم الجراحة


الدكتور: آسف فكرتك عيلة تايها أنا الدكتور محمد


رغد: تمام هعمل ايه أول يوم ليا


الدكتور: هادخلي غرفة العمليات بعد عشر دقايق روحي اجهزي في الغرفة دي وحصليني


رغد: يا نهار ابيض عمليات مرة واحدة وفي دم يا حلاوة


سلم عالشهدا اللي معاك


الدكتور: انتي خايفة ولا إيه


رغد: ها لا أبدا هغير واجي


ودخلت أوضة العمليات وهى بترجف وبتقدم رجل وبتاخر رجل


أنا إيه اللي ورطني هنا ما كنت دخلت كلية آداب وخلاص قسم انجلش وكنت هكون مترجمة شاطرة


الدكتور: يلا يا دكتورة رغد


رغد: حاضر وبعد نص ساعة أول ما شافت خافت وبدأت تتوتر ولكن كانت بتحاول تتماسك ولكن اغمى عليها من الخوف


الدكاترة إيه المهزلة دي جايبين واحدة بتخاف من الدم وجاية تعمل عمليات


وقال لممرضة من اللي واقفين حاولي تساعديها وطلعيها برا


وطلعوها واتصلوا بمازن يجي ياخدها ودكتورة جت كشفت عليها واخبرتها إنها حامل


مازن دخل والدكتورة بتقول ليها خبر حملها


مازن: بجد يا دكتورة وكان فرحان واخدها وروحوا


ووصلوا وخبروا اهلهم وفرحوا ليهم ورغد حكتله اللي حصل معها


ومازن بيضحك عليها وقال في كتورة جراحة وتخاف من الدم


رغد: يعني لسه أول مرة عايزني أعمل إيه بكرة نتعود يا عم


مازن: ماشي يا حبيبتي


رغد: عايزة أروح معبد أبو سمبل


مازن: وتروحي لأبو سمبل ليه مش ليكي راجل وبتقوليها في وشي


رغد: اومال ألف وشي واقولها


مازن: نامي يا رغد عشان السكر بيعلى احنا مالنا بأبو سمبل وأم سمبل إيه هنروح نلم شملهم ونبحث ليهم على سمبل


رغد: أنت بتكلم في نفسك يا حبيبي


مازن: لأ 🙄😐


وتعدي الأيام وجه يوم الولادة


رغد: مازن قوم أنا بولد


مازن: ما تولدي يا حبيبتي هعملك إيه


رغد: قوم يلا اتصل بالاسعاف


مازن: وايه ذنب الإسعاف تجيلك في الوقت ده


رغد: ماااااااااااااااااازن الحقني


مازن: خدها ووداها المستشفى وولدت


ونقلوها غرفة عادية


مازن: مبروك يا حبيبتي جبتي بيبي


رغد: اومال كنت مفكر هجيب مثلا كلب


مازن: 😶🙄هنسميها إيه


رغد: نسميها مثلا نور


مازن: حلو 


وتمر الأيام والسنين ونور بقا عندها ست سنين


رغد ونور مشيوا بشويش وراحوا صرخوا جمب مازن وهو نايم


مازن قام مفزوع وطلع يجري وراهم البت وأمها هبل حرام عليكوا هتموتوني يا مفتريين ونور طلعت عالسرير ورغد واقفة وراها وبيعاندوا فيه


مازن: مش هتعقلوا أبدا ما هو كله منك يا رغد يا مفترية أنا هروك أبلغ عنك واقول هى السبب فى العدوان الثلاثي على مصر وانتي السبب في موت كليبر والسبب في مجئ الحملة الفرنسية على مصر وثورة 25 يناير وعارفة حاجات عن التحنيط 


رغد: أهون عليك يا ميزو


نور: ايوا يا ميزو يا رغودي طيبة وبتحب الفرفشة وكنا بنهزر معاك


مازن: أنا عارف أنتم جيتوا تكفير عن ذنوبي


رغد ونور بصوا لبعض وجريوا عليه وحضنوه


مازن: براحة يا أحلى هبل ونعمة في حياتي يا بنوتاتي الحلوين 


ونور جابت الكاميرا واخدوا صورة جماعية💟💗😂


تمت


لتكن  اول من يشاهد قصص كاملة ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ 


كداخلصت الروايتنا 👍


 

 



تعليقات

CLOSE ADS
CLOSE ADS
close